Author: editor

သြဂုတ် ၂၈ ၊ ၂၀၁၆
M-Media

ကျောင်းသားဘ၀
——————–
၁၄-၄-၁၉၁၉ ရက်နေ့တွင် ထားဝယ်မြို့၊ခုံဝင်းဒရ်ရပ်၌ မြန်မာမွတ်စလင်မ် ဦးတိုးကျင်၊ အမိဒေါ်သိန်းခင်တို့မှ မွေးဖွားခဲ့ပါသည်။ ဖရစ်ရပ် ဆရာကြီး ဦးမျိုးရင် မူလတန်းကျောင်းနှင့် ၁၉၃၀ မှ ၁၉၃၅ ခုနှစ်ထိ ခုံဝင်းဒရပ်ဆရာမကြီး ဒေါ်အေးမေ အလယ်တန်းကျောင်းတွင် ပညာသင်ကြားပြီး ၁၉၃၅- ခုနှစ် တွင် အစိုးရဟိုက်စကူးကျောင်းသို့ ပြောင်း၍ ၁၉၃၉ ခုနှစ်တွင် (၁၀)တန်းအောင်သည်အထိ ပညာသင်ကြားခဲ့ပါ သည်။
.
နိုင်ငံရေး
———
၁။ ကျောင်းသားသမဂ္ဂ။    ။ လွတ်လပ်ရေးကြိုးပမ်းမှုတွင် ကျောင်းသား ဘ၀ (၁၇) နှစ်သား အရွယ် (၁၉၃၆ မှစ၍ ၁၉၃၉ ခုနှစ်အထိ) ထားဝယ်ခရိုင်လုံးဆိုင်ရာကျောင်းသားသမဂ္ဂတွင် အတွင်း ရေးမှူးတာဝန် ၀တ္တရားများကို ထမ်းဆောင်လျက်၊ ကျောင်းသားများနှင့် ခရိုင်လူထုတစ်ရပ်လုံးအား ကျောင်းသားအရေးနှင့် နိုင်ငံရေး လှုပ်ရှားမှုတို့တွင် ခေါင်းဆောင်မှုပေးခဲ့ပါသည်။ အထက်ပါ လုပ်ဆောင်ချက်ကို သိရှိသူများမှာ ဦးဗဆွေ (နိုင်ငံ့ဂုဏ်ရည် ပထမအဆင့်)၊ ဗိုလ်မှူး တင်ထွန်း (နိုင်ငံ့
ဂုဏ်ရည်ပထမအဆင့်)နှင့် သခင်တင်ထွန်း (ထားဝယ်) တို့ဖြစ်ကြပါသည်။
.
၂။ တို့ဗမာအစည်းအရုံးနှင့် ပူးပေါင်းဆောင်ရွက်ခြင်း။            ။ ၁၉၃၉ခုနှစ် (၁၀)တန်းအောင်၍ ကျောင်းမှထွက်သောအခါတွင်လည်း ထားဝယ်ခရိုင်လုံးဆိုင်ရာ တို့ဗမာအစည်းအရုံးနှင့်ပူးပေါင်း၍နယ်ချဲ့ဆန့်ကျင်ရေးလုပ်ငန်းများကို ဆက်တိုက်လုပ်ဆောင်ခဲ့ပါသည်။
.
၃။ လက်ရုံးတပ်နှင့် မြို့မတပ်။            ။ တို့ဗမာအစည်းအရုံး လက်ရုံးတပ်အင်အားနယ်ချဲ့များမှ.နှောက်ယှက်သဖြင့် မြို့မတပ်အမည်နှင့် တပ်ဖွဲ့ကို အသွင်ပြောင်း တည်ထောင်ရာတွင် တာဝန်ခံတစ်ဦးအဖြစ်ဖြင့် ပါဝင်ခဲ့ပါသည်။
.
စစ်ရေး
———
၎။ ဘီအိုင်အေခေတ်။        ။ ၁၉၄၂ ခုနှစ်၊ ဇန်န၀ါရီလတွင် ဂျပန်စစ်ဗိုလ်ကြီးများဖြစ်ကြသော ကာဝါးရှီမာ၊ အီဇူမီယားတို့နှင့် မြန်မာစစ်ဗိုလ်များဖြစ်ကြသော ဗိုလ်လက်ျာ၊ ဗိုလ်လရောင် တို့ ခေါင်းဆောင်၍ ယိုးဒယား(ထိုင်း)မှ ထားဝယ် စစ်ကြောင်း ဘီအိုင်အေတပ်သည် ထားဝယ်မြို့သို့ ရောက်ရှိပြီး ဗမာ့လွတ်လပ်ရေးတပ်မတော်(ဘီအိုင်အေ) တိုးချဲ့ဖွဲ့စည်းရာတွင် အရာရှိတစ်ဦးအဖြစ် ဖြင့် တာဝန်ထမ်းဆောင်၍ လက်ရုံးတပ်နှင့် မြို့မတပ်သားများအား လက်နက်တပ်ဆင်ခြင်း၊ လေ့ကျင့်ရေးပေးခြင်း၊ (ဘီအိုင်အေ) တပ်မတော်သားအသစ်များ စည်းရုံးခြင်း၊ စုဆောင်းခြင်းများနှင့်နယ်ချဲ့တပ်များအား တိုက်ခိုက်ခြင်းများတွင် ပါဝင်ဆောင်ရွက်ခဲ့ပါသည်။
.
ဘီဒီအေခေတ်
———–
ဘီဒီအေခေတ်တွင် ပထမပတ် ဗိုလ်သင်တန်းတက်ရောက်ရန် ရွေးချယ်ခြင်းခံရသော်လည်း ကျန်းမာ ရေးချွတ်ယွင်းသွား၍ ဗိုလ်သင်တန်းတက်ရန် အချိန်မမီလိုက်သဖြင့် မင်္ဂလာဒုံအကြပ်တင်တန်းသို့တက်ရောက်ခဲ့ရပြီး၊ ကျောင်းဆင်းသောအခါ အနောက်မြောက်တိုင်းစစ်ဌာနချုပ်ကင်းတပ်တွင် တာဝန်ထမ်းဆောင်ရင်း တိုင်းစစ်ဌာနချုပ်မှ လျှို့ဝှက်စီစဉ်သော နိုင်ငံရေးသင်တန်းသို့ တက်ရောက်သင်ကြားခဲ့ပြီး၊ တိုင်းစစ်ဌာနချုပ်၏ စီစဉ်ချက်အရ တိုင်းစစ်ဌာနချုပ်တည်ရှိရာ (မြေထဲ) အောင်လံ၊ သရက်မြို့တွင်ရှိသော အရာရှိနှင့် အကြပ်များအား နိုင်ငံရေးသင်တန်း ပြုလုပ်ပို့ချပေးခြင်း။
.
၁၉၄၅ ခုနှစ် တော်လှန်ရေး နီးကပ်လာသောအခါ အခြေခံနယ်မြေတည်ဆောက်ရေးနှင့် ပြည်သူ့ကာကွယ်ရေးတပ်ဖွဲ့များ ဖွဲ့စည်းရန်အတွက် (မြေထဲ) အောင်လံမြို့နယ် သမ္ဗုလကျေးရွာကို အခြေခံ၍ ကျေးရွာများကိုဦးဆောင်စည်းရုံးခဲ့ခြင်း (အထက်ပါလုပ်ဆောင်ချက်များကို သိရှိသူများမှာ နိုင်ငံတော်ကောင်စီဝင် ဗိုလ်မှူးချုပ်စိန်ဝင်း) (နိုင်ငံ့ဂုဏ်ရည် ပထမအဆင့်)၊ ဗိုလ်မင်းလွင် (ဆောက်လုပ်ရေး ကော်ပိုရေးရှင်း)နှင့် သံအမတ်ကြီး ဦးလှရွှေတို့ဖြစ်ပါသည်။
.
တော်လှန်ရေးနှင့် မျိုးချစ်တပ်မတော် (ပီဘီအက်ဖ်)
—————————————
မြေထဲ(အောင်လံ) မြို့နယ်၊ သမ္ဗုလကျေးရွာကို အခြေခံ၍ ကျေးရွာစည်းရုံးရေးလုပ်နေစဉ်အတွင်း၊ အနောက်မြောက်တိုင်းစစ်ဌာနချုပ် မြေထဲအောင်လံမှ ပြန်ခေါ်၍ အထူးဆက်သားအဖြစ် တာဝန်ပေးအပ်ပြီး စစ်ဦးစီးချုပ်ထံစာပို့ခိုင်း၍ ဦးစီးချုပ်ကြီးထံပေးရပါသည်။ ထို့နောက် ဦးဗဆွေ၊ သခင်ထွန်းသော်၊ သခင်တင်ထွန်း (ထားဝယ်) တို့နေသော အမှတ်(၂၈)၊ ဘိုလိမ်းလမ်းသို့ သွားရောက်ရပါသည်။
.
ရေဒီယိုစက်လျှို့ဝှက်ယူသွားရန် အထူးတာဝန်ပေးအပ်ခံရခြင်း
——————————————-
ထားဝယ်မြို့၊ သခင်ချိန်ပိုအားပေးအပ်ရန် သခင်တင်ထွန်းမှတစ်ဆင့် ရေဒီယိုစက်တစ်လုံး လက်ခံယူပြီး တော်လှန်ရေးဆင်နွှဲရန် တာဝန်ကျသော တိုင်း(၅) ထားဝယ်သို့ မော်လမြိုင်-ရေးမြို့တို့မှတစ် ဆင့်သွားရောက်ရပါသည်။ ယင်းအချိန် မြေထဲ (အောင်လံ)တွင်လည်းကောင်း၊ ရန်ကုန်တွင်လည်းကောင်း၊ ဂျပန်အချို့အား တပ်မတော်သားများက သတ်ဖြတ်၍ ကင်ပေတိုင်များကပိုက်စိပ်တိုက် ရှာဖွေနေချိန်ဖြစ်၍ ရန်ကုန်မှ မော်လမြိုင်သို့သွားရန် ရန်ကုန်ဘူတာကြီးသို့အရောက်တွင် ကင်ပေတိုင်များ၊ ဂျပန်စစ်မှုထမ်းများနှင့် ရေဒီယိုစက်ကို စစ်ကျောပိုးလွယ်အိတ်ဖြင့် လွယ်ထားသော ကျွန်တော်နှင့် ပက်ပင်းတိုးပါတော့သည်။ သိသွားလျှင် သေရမည်မှာ မုချဖြစ်သော်လည်း၊ ဟန်ကိုယ့်ဖို့ မာန်သူ့ဖို့ဆိုသောစကားနှင့်အညီ စွန့်စားရပါတော့သည်။ ဂျပန်များက ဘယ်ကလာ၍ ဘယ်သွား
မည်နည်း၊ ဂျပန် စစ်မှုထမ်းအချို့ကို သတ်သူကို သိသလား၊ မင့်ဓားကို ခဏပြပါစသည်ဖြင့် မေးမြန်းသည်ကိုမှင်သေသေဖြင့် ထားဝယ်သို့ အခွင့်နှင့် သွားမည်ဖြစ်ကြောင်း၊ ဓားကိုကြည့်လိုလျှင်ပြမည် ဖြစ်ကြောင်းပြောပြီးဓားကိုပြပါသည်။ ဓားသွားတွင်သံချေးအနည်းငယ် တက်နေသဖြင့်၊ ၎င်းသည်သွေးဓားမဟုတ်လား၊ မင်းသတ်ရာမှာ ပါသလားစသည်ဖြင့်မေးသည်ကို ခရီးသွားနေသရွေ့ဓားကိုမတိုက်ဖြစ်ကြောင်း၊ သံချေးရိုးရိုးဖြစ်ကြောင်း၊ အချိန်နီးနေ၍တွဲရှာခွင့်ပြုရန် ခွင့်တောင်းပြီး၊ ကင်ပေတိုင်များနှင့် ဂျပန်စစ်မှုထမ်းများစီးသည့်တွဲတွင်ပင် စွန့်စားပြီး ရေးမြို့သို့ လိုက်ခဲ့ပါသည်။မော်လမြိုင်သို့ရောက်သောအခါလည်း အခြားနေရာများတွင်တည်းခိုလျှင် စစ်ဆေးမေးမြန်းခြင်းခံရပြီး သိရှိလျှင်သေမည်မှာ မုချဖြစ်၍ ကင်ပေတိုင်များနှင့်နီးနီးကပ်ကပ်နေလျှင် သံသယမဖြစ်နိုင်ဘဲရှိမည်ဟုတွက် ဆပြီး၊ မော်လမြိုင်တွင်လည်း ကင်ပေတိုင် စခန်းတွင်ပင် တည်းခိုခွင့်တောင်းပြီး စွန့်စားတည်းခိုခဲ့ပါသည်။
.
မော်လမြိုင်မှ ရေးသို့ အသွားတွင်လည်း ဂျပန်များစီးသည့်တွဲတွင်ပင် စီးပြီးသွားခဲ့ပါသည်။ရေးသို့ရောက်သောအခါ ထားဝယ်ဘက်ကမ်းသို့ ကူးပြီး အခြေအနေ လေ့လာနေစဉ်၊ဂျပန်စစ်သား တစ်သိုက်ထားဝယ်သို့သွားရန် ကားပေါ်တက်နေသည်ကိုမြင်၍ ထားဝယ်သို့လိုက်ပါရန် ခွင့်တောင်းရာခွင့်ပြုသဖြင့်၊ ဂျပန်စစ်သားများကြားတွင်ပင် စွန့်စားပြီးလိုက်ခဲ့ပါသည်။
.
ထားဝယ်သို့ရောက်လျှင်ရောက်ချင်း သခင်လူရှိန်မှ တစ်ဆင့် သခင်ချိန်ပိုထံသို့ ရေဒီယိုပေးအပ်လိုက်ပြီး၊ ညဘက်တွင် တွေ့ဆုံလိုကြောင်း မှာကြားလိုက်ပါသည်။၎င်းအချိန်တွင် သခင်ချိန်ပိုသည်ထားဝယ်မြို့ပေါ်တွင်ရှိသော်လည်း လျှို့ဝှက်စွာ နေထိုင်၍ လုပ်ငန်းအစီအစဉ်များကို ချမှတ်လုပ်ဆောင်လျက်ရှိပြီး ဖြစ်ပါသည်။
.
မဟာမိတ်တပ်မှလေထီးသမားများ ဆင်းသက်ရေးအတွက် အထူးတာဝန်ပေးအပ်ခံရခြင်း
—————————————-
မဟာမိတ်တပ်မှ လေထီးသမားများ လေထီးဖြင့် လျှို့ဝှက်ဆင်းသက်ရေး ကိစ္စတွင်နေရာ ရွေးချယ် ရေး၊လက်ခံကြိုဆိုရေး၊ နေရာချထားရေး၊ လုံခြုံရေးတို့ကို တာဝန်ပေးအပ်သဖြင့် တာဝန်ယူ လုပ်ဆောင်ခဲ့ပါသည်။
.
လေထီးဆင်းမည့်နေရာကို သရက်ချောင်းမြို့နယ် ကြာအင်းကျေးရွာမှ အတွင်းဘက်သို့ဝင်ပြီး(၃)မိုင်ခန့်သွားရသော ချောင်းကျသော အင်းပြားရွာအနီးလယ်ကွင်းကို ကျေးရွာတော်လှန်ရေးခေါင်းဆောင်ဖြစ်သူ ဦးကျော်လွန်း၊ ဦးဘရွှေတို့နှင့် တိုင်ပင်ရွေးချယ်ခဲ့ပါသည်။ သတ်မှတ်ထားသောရက်အတွင်း ကျွန်တော်ဦးကျော်လွန်း၊ ဦးဘရွှေ(၃)ယောက် လယ်ကွင်းတွင် အမှတ်အသားအတိုင်းမီးပုံများပြုလုပ်ရန်စီစဉ်ပြီး၊ ညတွင် လျှို့ဝှက်စောင့်ကြိုကြပါသည်။ သန်းခေါင်ချိန်ခန့်တွင် လေယာဉ်သံကြားသဖြင့် အချက်ပြမီးပုံများရှိရာ လေယာဉ်လာရောက် ပျံဝဲပါသည်။ သို့သော် လေထီးမဆင်းသက်ဘဲ ပြန်လည်ထွက်ခွာသွားပါသည်။ နောင်တွင်သိရသည်မှာ ညောင်ဇင်ကျေးရွာတွင် အလှူလုပ်၍ ညကြည့်ချင်ပွဲခံနေသဖြင့် စိတ်မချ၍ မဆင်းကြောင်း သိရှိရပါသည်။
.
ထို့နောက် မြိတ်မြို့တွင် ခရိုင်တာဝန်ထမ်းဆောင်လျက်ရှိသော သခင်စံဝင်းထံ စေလွှတ်သဖြင့်မြိတ်မြို့သို့သွားရောက်နေစဉ်အတွင်း မိမိရွေးချယ်ခဲ့သော နေရာတွင်ပင် (FORCE 136) မှ အချက်ပြဆက်သွယ်ရေးသမား ချင်းအမျိုးသားတစ်ဦး ၀ိုင်ယာလက်ဆက်သွယ်ရေးပစ္စည်း အပြည့် အစုံနှင့် ထားဝယ်သား ဗိုလ်ပါလေးတို့ ဆင်းသက်ကြကြောင်း မြိတ်မြို့မှအပြန်တွင် သိရပါသည်။
.
တော်လှန်ရေးအောင်မြင်ရန်နှင့် သခင်ခေါင်းဆောင်များအတွက် စွန့်စားရန်တာဝန်ပေးခံရခြင်း။
——————————————–
မတ်လ(၂၇) ရက်နေ့ ကျော်လွန်လာသဖြင့် ခြေရာဖျောက်၍ တိုင်း(၅)လျှို့ဝှက်ဌာနချုပ်သို့ ၀င်တော့မည်ဖြစ်ကြောင်း သခင်ချိန်ပိုအား သတင်းပို့ရာ သခင်ချိန်ပိုက ဂျပန်ကင်ပေတိုင်များသည် မိမိကိုယခုလိုဖမ်းဆီးခြင်းမပြုဘဲ လွှတ်ထားသည်မှာ မြို့ပေါ်တွင် လျှို့ဝှက်နေကြသော သခင်တော် လှန်ရေးသမားများ(ဥပမာ-သခင်ချိန်ပို) ထင်ထင်ပေါ်ပေါ်နေ၍ မြေအောက်တော်လှန်ရေးသမားများနှင့် ဆက်သွယ်လှုပ်ရှားနေသော ပုဂ္ဂိုလ်များ(ဥပမာ-သခင်ဖိုးမှဲ့) စသည်တို့ကို ခြေရာခံရန် မိမိ၏လှုပ်ရှားမှုကို လေ့လာအကဲခတ်၍ ဖော်ထုတ်ဖမ်းဆီးနိုင်ရန်ဖြစ်ကြောင်း၊ ထို့ကြောင့် စွန့်စားပြီး ဧပြီလ သင်္ကြန်ပြီးသည်အထိ မြို့ပေါ်တွင်ပင် ပေါ်ထင်စွာဣနြေ္ဒမပျက် သတိဝီရိယဖြင့်နေပြီး သင်္ကြန်ပြီးမှ တိုင်း(၅)ဌာနချုပ်သို့သွားရောက်ရန် ညွှန်ကြားသဖြင့် တော်လှန်ရေး အောင်မြင်ရေးနှင့် အများအ
တွက် စွန့်စားခဲ့ရသည်။
.
သင်္ကြန်ကျပြီးသည်နှင့် နှစ်ရက် သုံးရက်ခန့် အတွင်းဂျပန်ကင်ပေတိုင်(၂)ယောက်နှင့် စကားပြန်တစ်ဦး မှောင်စပျိုးချိန်တွင် အိမ်သို့ဖမ်းဆီးရန် လာရောက်ကြသည်။ စကားပြန်မှာ တပည့်ဖြစ်နေ၍ ဆရာ့အားဖမ်းဆီးရန်လာခြင်းဖြစ်ကြောင်း တီးတိုးပြောသဖြင့် အိမ်ခန်းထဲပြန်ဝင်ပြီး အစ်ကိုအား ဂျပန်များ နှင့် စကားပြောရန် ဧည့်ခံဖို့ထွက်စေပြီး အိမ်နောက်ဖေးဘက်မှ ရှောင်တိမ်းလွတ်မြောက်၍ ကြာအင်းရွာမှတစ်ဆင့် တိုင်း(၅)စစ်ဌာနချုပ်ရှိရာ အင်းပြားရွာသို့ သွားရောက်ပြီး တော်လှန်ရေး ဆက်လက်
ဆင်နွှဲပါသည်။
.
တိုင်း(၅)တွင် တော်လှန်ရေးအတွင်း တပ်များကို တိုးချဲ့စည်းရုံးဖွဲ့စည်း၍ တော်လှန်ရေး ဆက်လက်ဆင်နွှဲခဲ့ရာ ဒုဗိုလ်၊ ဗိုလ်အဆင့်ဖြင့် တိုးမြှင့်ခံရပြီး တိုင်းစစ်ဌာနချုပ်တွင် တပ်ရေးဗိုလ်ကြီးအဖြစ်တော်လှန်ရေးပြီးသည်အထိ တာဝန်ကိုကျေပွန်စွာ ထမ်းဆောင်ခဲ့ပါသည်။ အထက်ပါ လုပ်ဆောင် ချက်များကို သိရှိသူများမှာ ဦးဗဆွေ (၀န်ကြီးချုပ်ဟောင်း၊ နိုင်ငံ့ဂုဏ်ရည်ပထမအဆင့်) ဗိုလ်မှူးတင်ထွန်း (နိုင်ငံ့ဂုဏ်ရည် ပထမအဆင့်)နှင့် သခင်တင်ထွန်း (ထားဝယ်)တို့ ဖြစ်ကြပါသည်။
.
မျိုးချစ်တပ်မတော်အား ယခုလက်ရှိ တပ်မတော်သို့ အသွင်ပြောင်း ပြန်လည်ဖွဲ့စည်းရာတွင် ဆက်တိုက်ပါဝင်ခဲ့ရာ ၁၉၄၆ ခုနှစ် ဇန်န၀ါရီလ(၁၄)ရက်နေ့တွင် မြန်မာ့တပ်မတော် ပြန်တမ်းဝင်အရာရှိ ဘီစီ-၃၅၇၈ ဒု-ဗိုလ်အဖြစ် ခန့်အပ်ခြင်းခံရပြီး ပြည်မြို့ မြန်မာ့သေနတ်ကိုင်တပ်ရင်း(၄)သို့ နိုင်ငံတော်ကောင်စီဝင်များဖြစ်ကြသော ဗိုလ်မှူးကြီးသန်းစိန်၊ ဗိုလ်မှူးကြီးမင်းသိမ်း၊ ဗိုလ်မှူးကြီး  သာကျော်တို့နှင့်အတူ သွားရောက်၍ (၁၁-၁-၄၈)ခုနှစ်အထိ တာဝန်ယူခဲ့ရပါသည်။
.
ဗဟိုစစ်ကျောင်းတွင် ခေါင်းဆောင်လူငယ်သင်တန်းမှူးဗိုလ်ကြီးအဖြစ်လည်းကောင်း၊ လကရ(၁) မင်္ဂလာဒုံတွင် တပ်ရေးဗိုလ်ကြီးအဖြစ်လည်းကောင်း၊ စစ်ရုံးတွင်ဦးစီး(က) စစ်ဆင်ရေး/လေ့ကျင့်ရေး (တပ်)၊ ဗဟိုစစ်ကျောင်းတွင် ယာယီကျောင်းအုပ် ဗိုလ်ကြီးအဖြစ်လည်းကောင်း၊ ဒု-ကျောင်းအုပ် ဗိုလ်မှူးအဖြစ်လည်းကောင်း၊ ယာယီကျောင်းအုပ်ဗိုလ်မှူးအဖြစ်လည်းကောင်း၊ ဒု-တပ်ရင်းမှူး ခလရ(၁၄)ဗိုလ်မှူး အဖြစ်လည်းကောင်း၊ ခလရ(ဂ)ယာယီ တပ်ရင်းမှူး ဗိုလ်မှူးအဖြစ် လည်းကောင်း
ခလရ(ဂ)တွင် တပ်ရင်းမှူး ဒုတိယဗိုလ်မှူးကြီးအဖြစ်လည်းကောင်း၊ ခလရ(၃)တွင် ဒုတိယဗိုလ်မှူး ကြီး တပ်ရင်းမှူးအဖြစ်လည်းကောင်း တာဝန်ထမ်းဆောင်ခဲ့ပါသည်။
.
ခလရ(၃)တွင် တပ်ရင်မှူး ဒု-ဗိုလ်မှူးကြီးအဖြစ်လည်းကောင်း၊ မြန်မာနိုင်ငံဆိုင်ရာ စစ်သံမှူး၊ ပါကစ္စတန်နိုင်ငံ ဒေသန္တရ ဗိုလ်မှူးကြီးအဖြစ် ပါကစ္စတန်နိုင်ငံတွင်လည်းကောင်း၊ ချင်း(၄)တွင် တပ်ရင်းမှူး ဒု-ဗိုလ်မှူးကြီးအဖြစ်လည်းကောင်း၊ ခလရ(၇)တွင် တပ်ရင်းမှူး၊ ဒု-ဗိုလ်မှူးကြီးအဖြစ် လည်းကောင်း၊ ရပခတွင် ဒု-တိုင်းမှူး၊ ဒု-ဗိုလ်မှူးကြီးအဖြစ်လည်းကောင်း၊ အရှေ့ပိုင်း နယ်ခြားတိုင်းတွင် တိုင်းမင်းကြီးအဖြစ် ပူးတွဲတာဝန်ထမ်းဆောင်ခဲ့ပါသည်။
.
ခလရ(၇)တွင် တပ်ရင်းမှူး ဒု-ဗိုလ်မှူးကြီးအဖြစ်လည်းကောင်း၊ ရပခတွင် ဒု-တိုင်းမှူး၊ ဒု-ဗိုလ်မှူးကြီး အဖြစ်လည်းကောင်း၊ အရှေ့ပိုင်း နယ်ခြားတိုင်းတွင် တိုင်းမင်းကြီးအဖြစ်လည်းကောင်း၊ သယ်ယူပို့ဆောင်ရေးနှင့် လမ်းပန်းဆက်သွယ်ရေးဝန်ကြီးဌာနတွင် အထွေထွေ အုပ်ချုပ်ရေးမှူး၊ ကုန်းလမ်းသယ်ယူပို့ဆောင်ရေးအဖွဲ့ ဒု-ဗိုလ်မှူးကြီးအဖြစ်လည်းကောင်း၊ ကချင်(၄)တွင် တပ်ရင်းမှူးဒု-ဗိုလ်မှူးကြီးအဖြစ်လည်းကောင်း၊ နတခတွင် ဦးစီး(ပ)ရေးထောက် ဒုတိယဗိုလ်မှူးကြီးအဖြစ် လည်းကောင်း၊ စက်မှုဝန်ကြီးဌာနတွင် အထူးအရာရှိ ဒုတိယဗိုလ်မှူးကြီးအဖြစ်လည်းကောင်း၊ စက်မှုဝန်ကြီးဌာနတွင် ညွှန်ကြားရေးမှူးချုပ်၊ ဒေသန္တရစက်မှုလက်မှု ကြီးကြပ်ကွပ်ကဲမှု ညွှန်ကြား ရေးဦးစီးဌာန၊ ဒုတိယဗိုလ်မှူးကြီးအဖြစ်လည်းကောင်း ဆောင်ရွက်ခဲ့ပါသည်။
.
စက်မှုဝန်ကြီးဌာနတွင် ညွှန်ကြားရေးမှူးချုပ် ဒေသန္တရစက်မှုလက်မှုကြီးကြပ်ကွပ်ကဲမှု  ညွှန်ကြား ရေးဦးစီးဌာန၊ ဒုတိယဗိုလ်မှူးကြီးအဖြစ်လည်းကောင်း၊ အမှတ်(၂) စက်မှုဝန်ကြီးဌာနတွင် ဦးဆောင်ညွှန်ကြားရေးမှူး၊ စက္ကူနှင့်ဓာတုဗေဒလုပ်ငန်း ကော်ပိုရေးရှင်း၊ တပ်မတော်မှ အငြိမ်းစားယူပြီး အရပ်ဘက် တာဝန်အဖြစ်ဖြင့် ကူးပြောင်းထမ်းဆောင်ခဲ့ပါသည်။ ၁၈-၇-၇၇ ခုနှစ်တွင် အမှတ်(၂)စက်မှုဝန်ကြီးဌာန၊ စက္ကူနှင့်ဓာတုဗေဒလုပ်ငန်း ကော်ပိုရေးရှင်း၊ ဦးဆောင်ညွှန်ကြားရေးမှူးအဖြစ်မှ အငြိမ်းစားယူခဲ့ပါသည်။
.
ထားဝယ်မြို့နယ် စစ်မှုထမ်းဟောင်းအဖွဲ့၌ ဥက္ကဌအဖြစ် ရွေးချယ်တင်မြှောက်ခြင်းခံရပါ၍ ၁၈-၅-၈၆ ရက်နေ့မှ တာဝန်ယူခဲ့သည်။
.
၁၉၈၄ ခုနှစ် ဟာ့ဂ်ျ ရွေးချယ်ရေးအဖွဲ့တွင် တနင်္သာရီတိုင်း ပြည်သူ့ကောင်စီကိုယ်စားလှယ်အဖြစ် လည်းကောင်း၊ ၁၉၈၆ ခုနှစ် ဟာ့ဂ်ျရွေးချယ်ရေးအဖွဲ့တွင်  တနင်္သာရီတိုင်း ပြည်သူ့ကောင်စီ ကိုယ်စားလှယ်အဖြစ်လည်းကောင်းတာဝန်ယူခဲ့သည်။
.
မော်ကွန်းဝင်ပထမအဆင့်ဘွဲ့ကို နယ်ချဲ့ဆန့်ကျင်ရေး၊ လွတ်လပ်ရေး ကြိုးပမ်းမှုနှင့် ဘီအိုင်အေ၊ ဘီဒီအေ၊ ပီဘီအက်ဖ် တပ်မတော်တို့တွင် ဆက်တိုက်ပါဝင်ကြိုးပမ်းဆောက်ရွက်ခဲ့ခြင်းကြောင့် နိုင်ငံတော်မှ (၂၇-၉-၇၅)နေ့တွင် ချီးမြှင့်ခြင်း ဖြစ်ပါသည်။ နိုင်ငံ့ဂုဏ်ရည် ပထမအဆင့်ဘွဲ့ကို  နယ်ချဲ့ဆန့်ကျင်ရေး၊ လွတ်လပ်ရေး ကြိုးပမ်းမှုနှင့် ဘီအိုင်အေ၊ ဘီဒီအေ၊ ပီဘီအက်ဖ်  တပ်မတော်တို့တွင် အသက်စွန့်ကြိုးပမ်း စွမ်းစွမ်းတမန်တာဝန်ထမ်းဆောင်ခဲ့ခြင်းကြောင့် နိုင်ငံတော် မှ ၄-၁-၈၄ နေ့တွင် ချီးမြှင့်ခံရပါသည်။
.
နိုင်ငံတော် စစ်မှုထမ်းဟောင်းဘွဲ့ကို တပ်မတော်ထဲဝင်သည့် ၁၉၄၂ ခုနှစ်မှ ၁၉၇၂ ခုနှစ် အငြိမ်းစား ယူသည်အထိ နှစ်ကာလရှည်လျားစွာ စစ်မှုထမ်းခဲ့သည့်အပြင်၊ စစ်သက်တမ်းတစ်လျှောက်တွင် ပြစ်မှုကင်းရှင်းခြင်းကြောင့် နိုင်ငံတော်က ၆-၁-၈၃ နေ့တွင် ချီးမြှင့်ခဲ့ခြင်း ဖြစ်ပါသည်။
.
ဒု-ဗိုလ်မှူးကြီးကျော်ဝင်းသည် ထားဝယ် ကူးသန်းရောင်းဝယ်ရေးလီမီတက်တွင် ပထမဦးဆုံး ဒါရိုက်တာ (၇) ဦးအနက် တစ်ဦးဖြစ်ခဲ့သူ အီး-အေစူလတီ (ခ) ဦးဘအို၏ သားသမက်ဖြစ်သည်။ ၁၉၈၅ ခုနှစ်တွင် အနိစ္စရောက်ခဲ့သော ဒါရိုက်တာဦးထွန်းရှိန်၏နေရာတွင် အစားထိုး၍ ဒါရိုက်တာအဖြစ် ရွေးချယ်တင်မြှောက်ခဲ့သည်။ ကုမ္ပဏီ၏ လုပ်ငန်းများကို (၆) နှစ်မျှ မိမိစွမ်းဆောင်နိုင်သည့်ဘက်မှ အထူးကြိုးစား၍ ကူညီဆောင်ရွက်ခဲ့ပြီး ၁၉၉၁ ခုနှစ်တွင် ကျန်းမာရေးချို့တဲ့လာခဲ့သဖြင့် ဒါရိုက်တာအဖြစ်မှ နုတ်ထွက်ခဲ့သည်။

(ဒု) ဗိုလ်မှူးကြီးကျော်ဝင်း မှာ ၆-၉-၂၀၀၆ တွင် ကွယ်လွန်ခဲ့ပါသည်။

** ဧကရာဇ်စာဆိုနှင့် မိုးစင်ကြယ် စာစောင်ပါ ရွှေဘိုသီရိမာလာ၏ ဆောင်းပါးကို ကောက်နှုတ်ဖော်ပြခြင်းဖြစ်ပါသည်။

(ဓါတ်ပုံများ ပေးပို့ကူညီသည့် ဒု-ဗိုလ်မှူးကြီး ကျော်ဝင်း၏ ဆွေမျိုးများအား M-Media မှ ကျေးဇူးအထူးတင်ရှိကြောင်း မှတ်တမ်းတင်အပ်ပါသည်။ )