ဖေဖော်ဝါရီ ၈၊ ၂၀၁၆
NLD ပါတီခေါင်းဆောင်နှင့် မြန်မာတပ်မတော်အကြား စေ့စပ်ညှိနှိုင်းမှုများက ဒေါ်အောင်ဆန်းစုကြည်ကို သမ္မတနေရာ တားဆီးထားသည့် ပုဒ်မ ဖယ်ရှားရန် နီးစပ်သွားပြီဖြစ်သည်။
တပ်မတော်အကြီးအကဲနှင့် ဒေါ်အောင်ဆန်းစုကြည်အကြား စေ့စပ်ဆွေးနွေးချက်များမှ သူမအပေါ် သမ္မတနေရာ တားဆီးထားသည့်ဥပဒေအား ဆိုင်းငံ့စေမည့် ရလဒ်ကောင်းများ ထွက်ပေါ်လာနိုင်မည်ဟု အစိုးရဟောင်းကို ကျားကန်ပေးခဲ့သော မြန်မာရုပ်သံလိုင်းနှစ်ခုမှ သတင်းထုတ်ပြန်ခဲ့သည်။
ဒေါ်အောင်ဆန်းစုကြည် ဦးဆောင်သော အမျိုးသားဒီမိုကရေစီအဖွဲ့ချုပ်သည် နိုဝင်ဘာ ၈ ရက်ရွေးကောက်ပွဲတွင် သောင်ပြိုကမ်းပြို အနိုင်ရရှိခဲ့သော်လည်း ဖွဲ့စည်းအုပ်ချုပ်ပုံအခြေခံဥပဒေပုဒ်မ ၅၉(စ)က သူမအား သမ္မတ မဖြစ်နိုင်အောင် တားဆီးလျက်ရှိသည်။ အဆိုပါဥပဒေ၌ ဇနီးခင်ပွန်း သို့မဟုတ် သားသမီးများမှာ နိုင်ငံခြားသားဖြစ်နေ ပါက နိုင်ငံခေါင်းဆောင်တာဝန်ယူခွင့် မရှိကြောင်း ဖော်ပြထားသည်။ ဒေါ်စုကြည်၏ခင်ပွန်း(ကွယ်လွန်)မှာ ဗြိတိသျှအမျိုးသားဖြစ်ပြီး သူမ၏သားနှစ်ဦးမှာလည်း မြန်မာနိုင်ငံသားများ မဟုတ်ကြပေ။
လွှတ်တော်အမတ် သုံးပုံနှစ်ပုံအင်အားဖြင့် ပုဒ်မ ၅၉(စ) အား တရားဝင် ဆိုင်းငံ့နိုင်ရေးကို ဒေါ်အောင်ဆန်းစုကြည်က တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်နှင့် ညှိနှိုင်းဆွေးနွေးနေခဲ့ရာမှ တနင်္ဂနွေနေ့နှောင်းပိုင်းတွင် Sky Net နှင့် MNTV သတင်းဋ္ဌာနနှစ်ခုမှ အဆိုပါဥပဒေဆိုင်းငံ့စေရန် စေ့စပ်ညှိနှိုင်းမှုမှာ ရလဒ်ကောင်းများ ထွက်ပေါ်နိုင်ကြောင်း ရှေ့ဆင့်နောက်ဆင့် ကြေငြာ သွားသည်။ လွှတ်တော်အမတ်နေရာအားလုံး၏ ၂၅ ရာခိုင်နှုန်းကို စစ်ဖက်ဆိုင်ရာမှ ကြိုတင်ရယူထားပြီးဖြစ်သောကြောင့် NLD အင်အားသက်သက်ဖြင့် ၎င်းအရေးအရာကို ကိုင်တွယ်၍ မရနိုင်ချေ။
” အရာရာအားလုံး အဆင်ပြေတော့မယ်လို့ ကျွန်တော် ထင်ပါတယ်။ စေ့စပ်ညှိနှိုင်းဆွေးနွေးချက်တွေက ကျွန်တော်တို့ခေါင်းဆောင်အတွက် သမ္မတဖြစ်ဖို့ အပြုသဘောဆောင်နေပါပြီ ” ဟု ပါတီ၏ဗဟိုကော်မတီဝင်နှင့် လွှတ်တော်ကိုယ်စားလှယ်ဖြစ်သူ ဦးကျော်ထွေးက ဆိုသည်။
သို့သော် နိုင်ငံရေးသုတေသီ ဦးရန်မျိုးသိမ်းက ဤသို့ သတိပေးပြောကြားလိုက်သည်။
” ဒေါ်အောင်ဆန်းစုကြည် သမ္မတ အဖြစ် အဆိုတင်သွင်းခံရမယ်ဆိုတဲ့ကိစ္စကို အတည်ပြုဖို့ စောလွန်းပါသေးတယ်။ ဥပဒေကို ဆိုင်းငံ့ဖို့နဲ့ ပြောင်းလဲပြင်ဆင်ဖို့က အချိန်ယူရဦးမှာဖြစ်လို့ပါပဲ။ တီဗီကကြေငြာလိုက်တဲ့ သတင်းတိုလေးတစ်ပုဒ်လောက်ကို ကျွန်တော်တို့ ယုံကြည်ကိုးစားလို့ မရပါဘူး “။
သမ္မတ မဖြစ်လျှင်လည်း နိုင်ငံတော်ကို မျက်ကွယ်မှ ထိန်းကျောင်းသွားမည်ဟု ကနဦးပိုင်းတွင် ဒေါ်အောင်ဆန်းစုကြည်က ဆိုထားခဲ့သည်။ NLD အဖို့မူ မိမိဘ၀တစ်ခုလုံး ပေးဆပ်ထားခဲ့သော အသက် ၇၀ အရွယ် ဒီမိုကရေစီခေါင်းဆောင်အား တိုင်းပြည်ကို ဦးဆောင်ဦးရွက်ပြုရန် နှစ်သက်လိုလားနေကြသည်။
ပြည်ထောင်စုကြံ့ခိုင်ရေးနှင့်ဖွံ့ဖြိုးတိုးတက်ရေးပါတီ၏ ထိပ်တန်းခေါင်းဆောင်ဟောင်း တစ်ဦးဖြစ်ခဲ့ပြီး ယခုအခါ ဒေါ်အောင်ဆန်းစုကြည် ၏ မဟာမိတ်တစ်ဦးလည်းဖြစ်သူ သူရဦးရွှေမန်းသည် ဥပဒေရေးရာနှင့် အထူး ကိစ္စရပ်များလေ့လာ ဆန်းစစ် သုံးသပ်ရေး ကော်မရှင် ဥက္ကဋ္ဌ တာဝန်ကို ပြီးခဲ့သည့် သောကြာနေ့မှစ၍ ဦးဆောင်နေပြီဖြစ်သည်။ သူသည် အခြေခံဥပဒေပြင်ဆင်ပြောင်းလဲရေးအား အားပေးထောက်ခံသွားမည်ဟု အများက ယုံကြည်ထားကြသည်။
ရွေးကောက်ပွဲပြီးဆုံးခဲ့ပြီဖြစ်သော်လည်း ရှည်လျားများပြားသည့် နည်းစဉ်များကြောင့် လာမည့် မတ်လ ၃၁ သို့မဟုတ် ဧပြီ ၁ ရက်နေ့မှသာ သမ္မတဖြစ်လာသူမှ မိမိ၏တာဝန်အား စတင်ထမ်းဆောင်ရမည်ဖြစ်သည်။
ယခုလအတွင်း လွှတ်တော်ကိုယ်စားလှယ်သစ်များသည် ၎င်းတို့၏တာဝန်ဝတ္တရားများနှင့်စပ်လျဉ်း၍ ကျမ်းသစ္စာကျိန်ဆိုခဲ့ကြပြီး ဖေဖေါ်ဝါရီ ၈ ရက် ဒုတိယ အကြိမ် ပြည်ထောင်စုလွှတ်တော် ပထမနေ့ အစည်းအဝေးတွင် ဒုတိယသမ္မတများ အမည်စာရင်း တင်သွင်းရမည့် ရက်ကို မတ်လ ၁၇ ရက်နေ့ အဖြစ် တရားဝင် ထုတ်ပြန်ကြေညာလုိုက်သည်။
Ref : The Guardian
နောက်ဆက်တွဲ
—————
MNTV သတင်းဋ္ဌာနကမူ လွှတ်တော်ကိုယ်စားလှယ်အချို့၏ သဘောထားများကို ထုတ်လွှင့်ခဲ့ခြင်းသာဖြစ်ကြောင်း၊ ၅၉(စ) ဆိုင်းငံ့ရေးပြေလည်မှုအား တင်ပြခဲ့ခြင်းမဟုတ်ကြောင်း ကြေညာချက် တစ်စောင် ထုတ်ပြီး ယင်းကြေညာချက်ကို အစိုးရပိုင် MOI Webportal Myanmar ၏ ဖေ့စ်ဘွတ်စာမျက်နှာမှာ ဖော်ပြခဲ့တာကို တွေ့ရှိရပါသည်။
