News @ M-Media

Author: editor

  • ရခိုင်ပြည်နယ်နေ့ကို ဂုဏ်ပြုသောအားဖြင့် ကမန် တိုင်းရင်းသားများ စုပေါင်းသွေးလှူ

    ရခိုင်ပြည်နယ်နေ့ကို ဂုဏ်ပြုသောအားဖြင့် ကမန် တိုင်းရင်းသားများ စုပေါင်းသွေးလှူ

    ဒီဇင်ဘာ ၁၉ ၊ ၂၀၁၆
    M-Media
    သတင်း-သီဟ
    15492114_1330496367009827_5612139277799958732_n
    ရခိုင်ပြည်နယ်နေ့ကို ဂုဏ်ပြုကြိုဆိုသော အားဖြင့် ကမန်တိုင်းရင်းသားများမှာ စုပေါင်းသွေးလှူပွဲ တရပ်ကို ၂၀၁၆ ခုနှစ် ဒီဇင်ဘာလ ၁၇ ရက်နေ့က ပြုလုပ်ခဲ့ကြကြောင်း သိရပါတယ်။

    ” ၄၂ ကြိမ်မြောက် ရခိုင်ပြည်နယ်နေ့ ကို ဂုဏ်ပြုကြိုဆိုသောအားဖြင့် ရခိုင် တိုင်းရင်းသား မျိုးနွယ် (၇) မျိုးထဲမှာ ၁ မျိုးအပါအဝင်ဖြစ်တဲ့ ကမန်တိုင်းရင်းသားတွေ စုပေါင်းသွေးလှူတာပါ။ လာမယ်လွတ်လပ်ရေးနေ့မှာလဲ အခုလိုပဲ သွေးလှူဒါန်းဖို့ စီစဉ်ထားပါတယ်။ ဒီကနေ့ လူ ၂၀ လောက်လောက် သွေးလှူဖြစ်ပါတယ်။ ”  လို့ အဆိုပါအသင်းရဲ့ ပြန်ကြားရေး တာဝန်ခံ ကိုတေဇ က M-Media ကို ပြောကြားခဲ့တာပါ။
    စစ်တွေခရိုင် ၊ ကမန်တိုင်းရင်းသား သာရေး၊ နာရေး လူမှုရေးအသင်းမှ ဦးစီးပြီး ရန်ကုန်မြို့ အမျိုးသား သွေးလှူဘဏ် မှာ ပြုလုပ်ခဲ့တာဖြစ်ပါတယ်။

    ဓါတ်ပုံ-Taiza Pyitphyo  FB

    15542013_1330496397009824_5404298557413331572_n

     

    15442131_1330496640343133_7081075568578520350_n

  • “ဗလီဝတ်ကျောင်းဝန်း၊ ချာ့ခ်ျကျောင်းဝန်းထဲက မြန်မာ့တပ်မတော်” (သူ့အမြင်)

    “ဗလီဝတ်ကျောင်းဝန်း၊ ချာ့ခ်ျကျောင်းဝန်းထဲက မြန်မာ့တပ်မတော်” (သူ့အမြင်)

    ဒီဇင်ဘာ ၁၈ ၊ ၂၀၁၆
    M-Media
    မြင်သစ်ရေးသည်။

    15390768_1159638307490366_1131369016599186339_n
    ကျိုင်းတုံမြို့ ပါလျှံဗလီတွင် တပ်မတော်၏ ဆေးကုသမှုမြင်ကွင်း (ဓါတ်ပုံ- တပ်မတော်ကာကွယ်ရေးဦးစီးချုပ်ရုံး FB)

    ဒီတလော မြန်မာမွတ်စလင်မ် လူမှုမီဒီယာ အသိုင်းအဝိုင်းမှာ တပ်မတော်နယ်လှည့်ဆေးကုသအဖွဲ့ရဲ့ ဗလီဝတ်ကျောင်းတွေနဲ့ ချာ့ခ်ျကျောင်းတွေမှာ အခြေပြုပြီး ဆေးကုသတဲ့ သတင်းဟာ အတော်လေး ရေပန်းစားနေပါတယ်။

    အကောင်းဖက်က ချဉ်းကပ်ဆွေးနွေးတဲ့ သူတွေ ရှိသလို အဆိုးမြင်တဲ့ သူတွေလည်း ရှိနေပါတယ်။ အဓိကကတော့ မယုံကြည်မှုနဲ့ သံသယအကြောင်းခံတွေပေါ့။

    အဲ့ဒါနဲ့ ပတ်သက်ပြီး အမြင် ဆွေးနွေးလိုပါတယ်။

    အရွေ့

    ကိုယ်တွေ့ကြုံဖူးသူတွေ အပြောအရ စစ်အစိုးရလက်ထက်မှာ ဗလီဝတ်ကျောင်းတွေ ဖျက်ဆီးတဲ့ အစွန်းရောက်တွေကို လုံခြုံရေးယူကာထားပေးခဲ့ကြတယ်ဆိုတဲ့ ယူနီဖောင်းတူတွေက ဒီမိုကရေစီ ခေတ်ပြောင်းမှာ ဗလီဝတ်ကျောင်းတွေထဲကို အခုလို ပုံစံနဲ့ရောက်လာတာဟာ နောက်ခံဘယ်လိုအကြောင်းရှိရှိ ဝမ်းမြောက်ဝမ်းသာစွာကို ကြိုဆိုရမှာပါ။

    သမိုင်းတွင် အရွေ့တစ်ခုလို့ပဲ မှတ်ချက်ပြုရမှာပါ။

    တပ်မတော်ရဲ့ သတင်းထုတ်ပြန်မှုအရ ဒီဝန်ဆောင်မှုဟာ အသစ်မဟုတ်ဘဲ ပုံမှန်လုပ်နေကြဖြစ်ပြီး ဗလီဝတ်ကျောင်းတွေနဲ့ ချာ့ခ်ျကျောင်းတွေကို အခြေပြုခြင်းကသာ အသစ်ဖြစ်တယ်လို့ သိရပါတယ်။

    အဲ့ဒီမှာ တပ်မတော်ရဲ့ ပြည်သူ့ဆက်ဆံရေးနဲ့ စည်းရုံးရေးပိုင်းမှာ ကျွမ်းကျင်မှုကိုလည်း အသိအမှတ်ပြုရပါမယ်။

    ဆေးတပ်ဆိုတာဟာ တခြားတိုက်ခိုက်ရေးတပ်တွေနဲ့ယှဉ်ရင် သမားဂုဏ်ရှိမှု အပေါ်မှာ ပျော့ပြောင်းတယ်၊ ပညာသည်ပိုဆန်တယ်၊ တိုက်ရိုက် ချက်ချင်း ဝန်ဆောင်မှုပေးနိုင်တယ်၊ သမားနဲ့ လူနာဆိုတဲ့ နွေးထွေးတဲ့ ဆက်ဆံမှုရှိတယ်၊ လူနာဖြစ်တဲ့ ဝန်ဆောင်ခံ လူထုရဲ့ ယုံကြည်လေးစားမှုကို ချက်ချင်းရယူနိုင်တယ်။

    15542269_1160909994029864_8050860674686303891_n

    ချိန်ကိုက်

    ဒီလှုပ်ရှားမှုမှာ တပ်မတော်နဲ့ လူနည်းစုဘာသာရေး အသိုင်းအဝိုင်းအကြား စိန်ခေါ်မှုက စတင်လှုပ်ရှားတဲ့ အချိန် timing ပါ။

    Timing ကို ကြည့်ရင် တပ်မတော်ရဲ့ အနေအထားက ရခိုင်မြောက်ပိုင်းမှာ ရိုဟင်ဂျာမွတ်စလင်မ်တွေထဲက အချို့ရဲ့ လက်နက်ကိုင် ပုန်ကန်မှုကို နှိမ်နှင်းရာမှာ အင်အားအလွန်အကျွံသုံးမှု၊ လူအခွင့်အရေးစံတွေကို ဖောက်မှုနဲ့ အပြစ်မဲ့ အရပ်သား ရိုဟင်ဂျာတွေကိုပါ ထိခိုက်နစ်နာစေမှုစတာတွေနဲ့ နိုင်ငံတကာအသိုင်းအဝိုင်းရဲ့ ပြင်းပြင်းထန်ထန်ဝေဖန်မှု ဖိအားပေးနဲ့ စောင့်ကြည့်မှုကို ခံနေရချိန်။

    မြန်မာနိုင်ငံရဲ့ အရှေ့ဖက်ပိုင်းနဲ့ မြောက်ဖက်ပိုင်းကို လှမ်းကြည့်ပြန်ရင်လည်း ခရစ်ယာန်လူများစုဖြစ်တဲ့ ကချင်ပြည်နယ်အခြေပြု KIAနဲ့ ညွှန့်ပေါင်းလက်နက်ကိုင်အဖွဲ့တွေနဲ့ အပြန်အလှန် တိုက်ပွဲတွေ အပြင်းထန်ဖြစ်နေတဲ့ အချိန်၊ အဲ့ဒီ့ တိုက်ပွဲတွေမှာ မြန်မာ့တပ်မတော် ဖက်က ပစ်ခတ်မှုတွေကြောင့် ခရစ်ယာန်ချာ့ခ်ျကြောင်းတွေ ပျက်စီးနစ်နာမှုရှိနေတယ်၊ တိုက်ပွဲတွေကြောင့် အရပ်သားတွေ စစ်ပြေးဒုက္ခရောက်နေရတယ်ဆိုပြီး နိုင်ငံတကာရော ပြည်တွင်း အရပ်ဖက်လူ့အဖွဲ့အစည်း အသိုင်းအဝိုင်းရဲ့ ဝေဖန်ခံနေရချိန်ပါ။

    အပေါ်ကအချက်ကိုကြည့်ရင် တပ်မတော် ဆေးတပ်ဖွဲ့ရဲ့ ဒီအရွေ့ဟာ နိုင်ငံတကာအသိုင်းအဝိုင်းရဲ့ ဖိအားကို ပြေလျော့စေဖို့နဲ့ ပြည်တွင်း လူနည်းစု ဘာသာဝင်တွေရဲ့ ယုံကြည်မှုကို ပြန်လည်တည်ဆောက်ဖို့က လွဲလို့ ကျန်တဲ့ အကြောင်းမရှိဘူးလို့ ရိုးရိုးသားသား မြင်မိပါတယ်။

    စောလွန်ပါသေးသည်

    တပ်မတော်ရဲ့ ဒီလုပ်ရပ်အပေါ် အနုတ်ဆောင်ချဉ်းကပ်တဲ့သူတွေအနေနဲ့ “ဆင်သေကို ဆိတ်သားရေနဲ့ ဖုံးတာပါကွာ ဒါမျိုးတွေ ရိုးနေပြီဆိုတာမျိုး တကယ်စေတနာရှိလို့မှမဟုတ်တာ”ဆိုတာမျိုးတွေ ဝေဖန်ပြောဆိုနေတာဟာ သိပ်စောလွန်းနေသေးတယ်လို့ ထင်ပါတယ်။

    အရိုးရှင်းဆို ဥပမာပေးရရင် စာမကျက်တဲ့ စာမဖတ်လုပ်တဲ့ ကျောင်းသားကို စာမဖတ်လို့ မကျက်လို့ ပြစ်တင်နေပြီး စာစကျက်ဖို့လုပ်တော့လည်း သွားစမ်းပါကွာ ဟန်ဆောင်ကျက်နေတာဆိုတာမျိုးဖြစ်နေပါတယ်။ တကယ်ကတော့ သူစာဆက်ကျက်ဖို့အကြံပြု တွန်းအားပေးရင်း စာမေးပွဲအောင်စာရင်းထွက်တဲ့ အထိတော့ စောင့်ကြည့်ပေးသင့်ပါတယ်။

    ဝေဖန်သူတွေအများစုက ဒါမျိုးဆေးကုပေးတာထက် နိုင်ငံတွင်းကလူနည်းစု ဘာသာဝင်တွေအပေါ်မှာ တရားမျှတစွာ ဆက်ဆံဖို့ ဖိနှိပ်မှုတွေမရှိအောင် ကာကွယ်ပေးဖို့စတာတွေ ထောက်ပြတောင်းဆိုတာတွေ ရှိနေပါတယ်။

    အပေါ်ပိုင်းမှ ဆွေးနွေးပြသလိုပါပဲ။ ပြည်သူလူထုနဲ့ စထိတွေ့မှု entry public relation point မှာ ဆေးတပ်ဖွဲ့ကို ရွေးတာကိုက မြန်မာ့တပ်မတော်ရဲ့ ဆက်ဆံရေး ကျွမ်းကျင်မှုပါ။ social tension မယုံကြည်မှု လူမှုတင်းမာမှု အနည်းအများရှိနေတဲ့ အုပ်စုနှစ်ခုကြားမှာ ဒီလှုပ်ရှားမှုဟာ အမြန်ဆုံးပြေလျော့စေမယ်၊ ရလဒ်ကောင်းကို အမြန်ဆုံးမြင်ရမယ်၊ နှစ်ဖက်စလုံးက အပြန်အလှန်စကားပြောဆို နားထောင် dialogue ဖို့အတွက် အခွင့်အရေးကောင်းဖန်တီးပေးတယ်။

    နောက်တစ်ချက်က နိုင်ငံတွင်းက ဘာသာရေးလူနည်းစုအသိုင်းအဝိုင်းအနေနဲ့ တပ်မတော်ကို သမိုင်းကြောင်းအရ ကြိုက်သည်ဖြစ်စေ မကြိုက်သည်ဖြစ်စေ လက်ရှိဒီမိုကရေစီခေတ်ပြောင်းကာလမှာ သူရဲ့ အခန်းကဏ္ဍကို အသိအမှတ်ပြုကို ပြုရမှာပါ။ ပြည်ထဲရေး၊ ကာကွယ်ရေး၊ လွှတ်တော်နဲ့ ကာလုံမှာ အဓိကနေရာက ပါဝင်နေတဲ့ တပ်မတော်ရဲ့ လက်ရှိ အရေးပါမှုကိုလည်း နားလည်ထားဖို့ လိုအပ်ပါတယ်။

    15578839_1159638277490369_321125507174549670_n

    Win Win

    ဘာသာရေးလူနည်းစု အသိုင်းအဝိုင်းတွေက တပ်မတော်ရဲ့ ဒီချဉ်းကပ်မှုကို Win Win နှစ်ဦးနှစ်ဖက်အကျိုးရှိမယ့် အခြေအနေမျိုးနဲ့ ပြန်လည်တုန့်ပြန်သင့်ပါတယ်။ လူထုအနေနဲ့ လတ်တလော ကျန်းမာရေးအကျိုးရှိမယ်၊ ပြီးတော့ လူထုနဲ့ တပ်ကြားမှာ ပုံမှန်ရော ခင်မင်မှုပိုင်းအားဖြင့်ရော ဆက်ဆံရေး လမ်းကြောင်းတစ်ခုရလာမယ်၊ လူထုရဲ့ တကယ့်အောက်ခြေကအသံကို  တပ်ဖက်က ကြားသိစေနိုင်ရမယ်၊ လူထုရဲ့ လူမှုရေး ဘာသာရေး အရှိတရားကို တပ်ဖက်ကို နားလည်အောင် ပြသဖို့လည်း အခွင့်အရေးဖြစ်တယ်။ လူထုဖက်က သူတို့သိပြီးသားပါ၊ သိလျက်သားနဲ့ ငါတို့ကို မကောင်းလုပ်တာပါဆိုတာမျိုး အနုတ်ဆောင် တစ်ဖက်သတ်ကြိုတင် ဆုံးဖြတ်ချက်ချထားတာမျိုး မလုပ်အပ်ပါ။ လူထုဖက်က အထူးသဖြင့် လူ့အသိုင်းအဝိုင်းရဲ့ ဒေသအလိုက် လူမှုခေါင်းဆောင်တွေ ရပ်မိရပ်ဖတွေ ဘာသာရေးခေါင်းဆောင်တွေက နောက်တစ်ဆင့်အနေနဲ့ ဝန်ဆောင်မှုလာပေးတဲ့ ဆေးတပ်ဖွဲ့တွေနဲ့ ဘယ်လိုရေရှည်ဆက်ဆံရေးကို ထိန်းသိမ်းမလဲ၊ ဒေသခံ စစ်တပ်ဖွဲ့ ခေါင်းဆောင်ပိုင်းတွေနဲ့ ရော Win Win ဆက်ဆံရေး ဘယ်လို တည်ဆောက်ကြမလဲဆိုတာမျိုး ဆွေးနွေးပြင်ဆင်ထားသင့်ပါတယ်။ အဲ့ဒီ့မှာ အရေးပိုကြီးလာတာက နိုင်ငံအဆင့် ဆက်ဆံရေးတည်ဆောက်မှုပါ။ မြန်မာ ခရစ်ယာန်နဲ့မွတ်စလင်မ်လူထု အသိုင်းအဝိုင်းက နိုင်ငံအဆင့် လူမှုရေး နိုင်ငံရေး ဘာသာရေး အဖွဲ့အစည်းတွေ ခေါင်းဆောင်ပိုင်းတွေက အောက်ခြေအဆင့် နယ်မြေအဆင့် ဒီဆက်ဆံရေးနဲ့ လှုပ်ရှားမှုတွေကို မျက်ခြေမပြတ်စောင့်ကြည့် အကြံပေးကူညီပေးနေပြီး တပ်မတော်ခေါင်းဆောင်ပိုင်းနဲ့ နိုင်ငံအဆင့်မှာ ဘယ်လို ပိုမိုကောင်းမွန်တဲ့ Win Win ဆက်ဆံရေးလမ်းကြောင်းတွေ ဖွင့်ကြမလဲဆိုတာကို ပြင်ဆင်ထားသင့်ပါတယ်။

    မြန်မာ့တပ်မတော်ဖက်ကရောပေါ့။ တပ်မတော်ဖက်က ဒီဆေးကုလှုပ်ရှားမှုဟာ ရေတိုလမ်းကြောင်းရွေးချယ်မှုမှာ ထိရောက်တာသွားလှပေမယ့် လူထုဖက်မှာ အကြောင်းအမျိုးမျိုးနဲ့ ရှိနေတဲ့ မယုံကြည်မှု သံသယတွေဟာ တကယ်မမှန်ပါဘူးဆိုတာကို ရေလတ်မှာ လက်တွေ့ကျကျ တည်ဆောက်သက်သေပြဖို့ လိုမယ်လို့ ထင်ပါတယ်။

    အဲ့ဒီ့အတွက် ဒီဆေးအဖွဲ့လှုပ်ရှားမှုဟာ ဆေးမြီတိုပုံစံ ကောက်ရိုးမီးလှုပ်ရှားမှု မဟုတ်ဘဲ ဘယ်လိုပုံစံမျိုးနဲ့ ဆက်သွားမလဲဆိုတာမျိုး ပြင်ဆင်ထားပြီးသားဖြစ်မယ်လို့လည်း ထင်ပါတယ်။

    ပိုအရေးကြီးတာက ဆေးအဖွဲ့က တာဝန်အရ လူထုကို ဆေးကုသပေးနိုင်လုံရုံလောက်နဲ့ မတင်းတိမ်ဘဲ တကယ့်မြေပြင် လူထုအကြားက လူနည်းစုဘာသာဝင်တွေရဲ့ စိုးရိမ်မှုတွေ အမြင်တွေ အသံတွေကို မူဝါဒနဲ့ ဆုံးဖြတ်ချက်ချနိုင်တဲ့ တပ်မတော်ခေါင်းဆောင်ပိုင်းကို ဆက်လက်တင်ပြပေးဖို့၊ သတင်းပေးပေးဖို့လိုပါမယ်။

    ရေလတ်ပိုင်းအနေနဲ့ တပ်မတော်က နိုင်ငံနဲ့ လူ့မှုဖွံ့ဖြိုးရေးလုပ်ငန်းတွေမှာ ဒေသအလိုက် လူများစုဘာသာဝင်တွေရော လူနည်းစု ဘာသာဝင်တွေပါ သက်ဆိုင်ရာ တပ်မတော်နဲ့ လက်တွဲပြီး ဆောင်ရွက်လို့ရမယ့် လမ်းကြောင်းမျိုးတွေ ဖွံ့ထားသင့်ပါပြီ။

    အမျိုးဘာသာနိုင်ငံရေး

    နောက်တစ်ခုက အမျိုးသားရေး ဘာသာရေးရော နိုင်ငံရေးလမ်းကြောင်းနဲ့ အမျိုး ဘာသာနိုင်ငံရေးဝါဒီအုပ်စုတွေ ကိစ္စပါ။

    အဲ့ဒီမှာ ဥပမာ ယူထိုက်တဲ့ ခေတ်နှောင်းပိုင်း စစ်ရေး နိုင်ငံရေး ခေါင်းဆောင်ကတော့ မင်းတုန်းမင်းတရားကြီးပါဘဲ။ လူများစုကြီးရဲ့ ဘာသာတရားဖြစ်တဲ့ ဗုဒ္ဓဘာသာတရားကို  ပဉ္စမ သင်္ဂါယနာတင်ခြင်း အထိ ချီးမြှောက်ခဲ့ပြီး တစ်ဖက်မှာလည်း လူနည်းစုနိုင်ငံသား မွတ်စလင်မ်တွေအတွက် မက္ကာဟ်မြို့တော်မှာ ဒေါင်းဇရပ်ကြီးလှူဒါန်းခဲ့ပါတယ်။ ဘာသာတရားတစ်ခုကို စောင့်ရှောက်ရာမှာ အခြားဘာသာတရားတွေကို လျစ်လျူရှုထားစရာ၊ နှိပ်ကွပ်စရာမလိုဘူး၊ ဘာသာတရားတွေကို သူ့ဟာနဲ့သူ ချီးမြှောက်ခြင်းနဲ့ စောင့်ရှောက်လို့ရတယ်ဆိုတာကို လက်တွေ့ပြသခဲ့တဲ့ ပုဂ္ဂိုလ်ကြီးပါ။ မတူညီတဲ့ နိုင်ငံသားတွေကြားမှာ ကွဲပြားမှုရဲ့ အားကို တည်ဆောက်ပြသခဲ့သူပါ။ မြန်မာမွတ်စလင်မ်တွေကလည်း မင်းတုန်းမင်းတရားကြီးနဲ့ နိုင်ငံအပေါ်မှာ သစ္စာရှိစွာနဲ့ တာဝန်ထမ်းခဲ့ကြပါတယ်။

    နိုင်ငံလွတ်လပ်ရေး ကြိုးပမ်းမှုအတွက် လူမျိုးဘာသာပေါင်းစုံပါဝင်မှု သမိုင်းကြောင်းနဲ့ ပေါ်ထွန်းခဲ့တဲ့ မြန်မာ့တပ်မတော်ဟာ လူမျိုးတစ်မျိုး ဘာသာတရားတစ်ခုအတွက် မဟုတ်ဘဲ နိုင်ငံမှာ ရှိတဲ့ လူမျိုးပေါင်းစုံ ဘာသာတရားပေါင်းစုံကို ကိုယ်စားပြုတဲ့ အဖွဲ့အစည်းကြီး အဖြစ် ပြတ်ပြတ်သားသား ပြန်လည် ရပ်တည်သင့်ပါပြီ။

    ယခင်ကအတိုင်း နိုင်ငံသားလူမျိုးပေါင်းစုံ ဘာသာဝင်ပေါင်းစုံပါဝင်လို့ရမယ့် အဖွဲ့အစည်းကြီးဖြစ်ဖို့ မူဝါဒကောင်းတွေ ပြန်လည်ထားရှိသင့်ပါပြီ။

    အကြောင်းအမျိုးမျိုးကြောင့် နှစ်ဖက်စလုံးမှာ တပ်နဲ့ (လူနည်းစုဘာသာဝင်)လူထုတွေ အကြားမှာ မယုံကြည်မှုတွေ ရှိနေသေးကောင်း ရှိနိုင်ပါတယ်။

    မြန်မာ့တပ်မတော်နဲ့ နီးကပ်တဲ့ ဆက်ဆံရေးကောင်းတွေရှိနေတဲ့ ရေမြေ နိုင်ငံရေးအခြေအနေလည်း နီးစပ်တဲ့ ထိုင်းတပ်မတော်က နမူနာကောင်းတစ်ခုပါပဲ။

    သမိုင်းကြောင်း အရ ထိုင်းတောင်ပိုင်းမှာ မွတ်စလင်မ် ခွဲထွက်ရေး သူပုန်တွေရှိနေပေမယ့်၊ ထိုင်းစစ်တပ်ရော ထိုင်းနိုင်ငံရေး ခေါင်းဆောင်ပိုင်း ကပါ အစဉ်အဆက် ဘာသာရေးနဲ့ နိုင်ငံရေး လူမျိုးရေးကို ခွဲခြားထားပါတယ်။

    လူများစုကိုးကွယ်တဲ့ ဗုဒ္ဓဘာသာကို ချီးမြှောက်ရင်း တခြားလူနည်းစုဘာသာတရားတွေကိုလည်း နိုင်ငံတော်အဆင့်မှာကို ကောင်းစွာ အသိအမှတ်ပြုပါတယ်။

    ထိုင်းဘုရင့်တပ်မတော်ကိုလည်း လူမျိုးတစ်မျိုး ဘာသာတရားတစ်ခုကို ကိုယ်စားပြုတာမျိုးမဟုတ်ဘဲ အားလုံးကို ကိုယ်စားပြုထားပါတယ်။

    မြန်မာ့တပ်မတော် လက်ရှိ ခေါင်းဆောင်ပိုင်းတွေနဲ့ မျိုးဆက်သစ် အရာရှိတွေဟာ မင်းတုန်းမင်းတရားကြီးရဲ့ မူ၊ တပ်မတော် သန္ဓေတည်ခဲ့ရာ သမိုင်းကြောင်းနဲ့ ထိုင်းတပ်မတော် ဥပမာကောင်းတွေအတိုင်း အားလုံးကို ကိုယ်စားပြုတဲ့ ပြည်ထောင်စု တစ်ခုလုံးကို ကိုယ်စားပြုတဲ့ စောင့်ရှောက်မယ့် အဖွဲ့အစည်းကြီးဖြစ်လာစေဖို့ ဦးဆောင်သွားရင်း လူထုကြားက သံသယတွေဟာ မမှန်ပါဘူးလို့ သက်သေပြသွားလိမ့်မယ်လို့ မျှော်လင့်မိပါတယ်။

    မြန်မာမွတ်စလင်မ်တွေကလည်း အရင် မိမိတို့ရဲ့ ဘိုးဘွားမွတ်စလင်မ်ကြီးတွေရဲ့ နိုင်ငံတော်နဲ့ အမိမြေ အပေါ်သစ္စာရှိမှု စံကို ဆက်ထိန်းသွားကြပါ။

    နိဂုံး (သို့) တစ်နိုင်ငံလုံးကို ကိုယ်စားပြုမည့် တပ်မတော်

    စာရေးသူ ထိုင်းရောက်စဉ် စစ်တပ်ဝန်းတွေရှိရာဖက်ရောက်ရာက ထိုင်းစစ်တပ်ရဲ့ အင်္ဂလိပ်လိုရေးထားတဲ့ ဆောင်ပုဒ်တစ်ပုဒ်ကိုတွေ့ရာ ကြက်သည်းမွေးညှင်းထပြီး ဝမ်းသာဝမ်းနည်းဖြစ်မိပါတယ်။ ထိုင်းတပ်မတော်က နိုင်ငံကိုကာကွယ်မည်၊ ပြည်သူကို ကာကွယ်မည်…ပြီးတော့ Religions ဘာသာတရားများ…(အမြင်မှားတယ် ထင်မိလို့ နှစ်ခေါက်သုံးခေါက်ကို ဖတ်ကြည့်နေမိခဲ့ပါတယ်။ တကယ်ကို Religion မှာ ‘s’ ပါပါတယ်။

    တစ်နိုင်ငံလုံးကို ကိုယ်စားပြုသည့် တပ်မတော်…ကျွန်တော်တို့လည်း မျှော်လင့်နေဆဲပါ။

     

  • “အခက်တွေ အချက်တွေ”

    “အခက်တွေ အချက်တွေ”

    ဒီဇင်ဘာ ၁၇ ၊ ၂၀၁၆
    ဆောင်းပါးရှင်- ကောင်းလွန်း
    15590628_1376857632364613_7897217800730958695_n
    ၂၀၁၆ ရဲ့ 4th quarter မှာ မြန်မာ လုပ်ငန်းရှင်တွေ အခက်ကြုံကြရတယ်..။ ထိပ်တန်းချမ်းသာတဲ့ လက်တစ်ဆုပ်စာ လူချမ်းသာတစ်စုကလွဲရင် အားလုံးလိုလိုပါပဲ..။ တချိန်တုန်းကတော့ “စီးပွားရေးပိတ်ဆို့တာ ဒို့မမှုပါ” ဆိုပြီး သီချင်းတောင် နေ့တိုင်းကြားရသေး..။ အဲဒီတုန်းကတော့ မြန်မာနိုင်ငံနဲ့ ကူးသန်းရောင်းဝယ်တာ မလုပ်ကြနဲ့.. ဆိုတဲ့ ပိတ်ဆို့ အရေးယူမှု ရှိခဲ့တာကိုး.. အခုတော့ ဘယ်သူကမှလဲ စီးပွားရေးမပိတ်ဆို့တော့ပါပဲနဲ့ ကြပ် သွားကြတယ်လေ..။ အကြောင်းရင်းတော့ ရှိရမှာပေါ့..။ ရှိပါတယ်..။ နေ့စဉ်နဲ့ အမျှ ဆိုရှယ်မီဒီယာမှာ ကြပ် သွားရခြင်း အကြောင်းရင်း အမျိုးမျိုး ဖတ်ရပါတယ်..။ Issue တွေပေါ့..။ တစ်နေ့ထက် တစ်နေ့ Issue တွေသာ များလာတယ်.. Solution မတွေ့ဘူး..။ မတွေ့လေ ဈေးတက်လေနဲ့ တက်ရင်းတက်ရင်း တော်တော်တောင် ရောက်လာပြီ..။
    ဒီ “အကြပ်” ကို “အခွင့်အလမ်း” တစ်ခုဖြစ်အောင် ဦးမလှည့်နိုင် မဖန်တီးနိုင်သရွေ့ တက်နေဦးမှာပါပဲ..။ ပြည်တွင်းမှာ ဒေါ်လာ ဝယ်လိုအား မြင့်တက်ရခြင်း အကြောင်းရင်းတွေကို မှန်မှန်ကန်ကန် သုံးသပ်ဖို့ လိုပါတယ်..။

    တကယ်တော့ အလုအယက်ဝယ်နေကြတဲ့ ဒေါ်လာတွေဟာ ပြည်တွင်းသုံးဖို့ တစ်ဒေါ်လာမှ မပါပါဘူး..။ ပြည်ပ ကနေ ပစ္စည်း တင်သွင်းဖို့ ဝယ်နေကြတာပါ..။ ပြည်ပကနေ တင်သွင်းထားတဲ့ ကုန်စည်ဖိုးတွေ ပေးချေဖို့ ဝယ်နေကြတာပါ..။

    ပြည်တွင်းမှာ လာပြီး ရင်းနှီးမြှုပ်နှံထားကြတဲ့ ကုမ္ပဏီကြီး ငယ် တွေကလဲ သူတို့ အကျိုးအမြတ်အတွက် လာတယ် ဆိုတာ စွဲစွဲမြဲမြဲ သိထားရမှာဖြစ်ပါတယ်..။ ဘယ်သူကမှ အလှူလာပေးတာ မဟုတ်သလို သူတို့ ရဲ့ ပစ္စည်းတွေ ဝန်ဆောင်မှုတွေကို အခမဲ့ မပေးကြပါဘူး..။ သူတို့က ပြည်တွင်းမှာ သူတို့ရဲ့ ထုတ်ကုန်တွေကို ကျပ်ငွေနဲ့ ရောင်းပေမယ့် အဲဒီ ကျပ်ငွေတွေဟာ မြန်မာပြည် အပြင်ဖက် ခြေတစ်လှမ်း ထွက်လိုက်တာနဲ့ တန်ဖိုးမဲ့ သွားပြီ ဆိုတာ အားလုံးသိကြပါတယ်…။ ဒီတော့ သူတို့ နိုင်ငံကို သူတို့ ပြန်သယ် သွားကြမယ့် အကျိုးအမြတ်တွေဟာ ဒေါ်လာပဲ ဖြစ်ရမှာလေ..။ ဒါကြောင့် ဒေါ်လာ ဝယ်လိုအား မြင့်လာတာပါ..။

    ဆက်သွယ်ရေးကွန်ယက်တွေ သိပ်ကောင်းလာပြီ.. လူတကိုယ် ဖုံး နှစ်လုံး သုံးလုံး ကိုင်နိုင်လာပြီ..။ Package တွေ အမျိုးမျိုးဖန်တီးပြီး နဂိုကမှ စကားများများ ပြောတတ်ကြတဲ့ လူမျိုး တွေကို ပြောသထက်ပြောအောင် ဖန်တီးပေးပြီး ဈေးရောင်းကြတယ်..။ ဝယ်သူတွေက
    ကျပ်ငွေနဲ့ ပေးချေကြတယ်..။ သူတို့က အဲဒီ ကျပ်ငွေတွေကို ပြည်ပကို ပြန်သယ်တဲ့ အခါ ဒေါ်လာနဲ့ လဲလှယ်ပြီးမှ သယ်သွားကြတယ်..။ ဒါဟာ Issue ပါပဲ..။

    ပြည်ပ ရင်းနှီးမြှုပ်နှံသူတွေ များလာလေလေ..။ ဒီကိစ္စဟာ မလွဲမသွေ ကြုံရလေလေ ဖြစ်မှာပါပဲ..။

    ဒါဆိုရင် Solution က ဘာဖြစ်မလဲ..။

    လုပ်ရမှာကတော့ “ကြပ် နေတဲ့ ငွေ” ချောင်သွားအောင် “ကျပ်ငွေ” ကို ခိုင်မာအောင် လုပ်ဖို့ပါပဲ..။ ငွေကြေးတစ်ရပ် ရဲ့ ဂုဏ်သိက္ခာဟာ သက်ဆိုင်ရာ နိုင်ငံရဲ့ နိုင်ငံရေး တည်ငြိမ်မှုအပေါ်မှာ အများကြီး တည်မှီပါတယ်..။ နိုင်ငံရေး ဂုဏ်သိက္ခာ ခိုင်မာလာရင် ဒေသတွင်းနိုင်ငံတွေက ကြည်ညို လာပါလိမ့်မယ်..။ သူတို့ နဲ့ တန်းတူ ဆက်ဆံလာပါလိမ့်မယ်..။ အခုအချိန်ထိကတော့ ရှေ့တစ်မျိုး ကွယ်ရာတစ်မျိုး ဆက်ဆံနေတုန်းပါပဲ..။ တစုံတယောက် ရဲ့ အရှိန်အဝါကို လေးစားတာ မှန်ပေမယ့်.. အဲဒါဟာ ပုဂ္ဂိုလ်ကြည်ညိုမှု သာ ဖြစ်နေပါသေးတယ်..။ နိုင်ငံကြည်ညိုမှု အဆင့်ကို မရောက်သေးပါဘူး..။

    နိုင်ငံကြည်ညိုမှု အဆင့်ကိုရောက်ချင်ရင် တစ်နိုင်ငံလုံး အမှန်တကယ် အလုပ်လုပ်မှ ဖြစ်ပါလိမ့်မယ်..။ အခုအချိန်ထိ ကတော့ လှော်နေတဲ့ တက်တွေလဲ ကြီးတာကြီး သေးတာသေး နဲ့ အရွယ်မညီသေးသလို လှော်နေတဲ့ လက်တွေလဲ အားကြိုးမာန်တက် လှော်သူလှော်သလို ရေသာခို အချောင်လိုက်နေတဲ့ လှော်သား တွေလဲ များနေသေးတဲ့ အတွက် “တက်ညီလက်ညီ” ဆိုတာ ဖြစ်မလာသေးတာပါ..။

    တိုင်းပြည်ကို တာဝန်ယူထားပြီး “သြဇာ” ဆိုတဲ့ Influence တစ်ခု ထဲနဲ့ မောင်းနှင်နေတာကို အားလုံး သိကြပါတယ်..။ “ သြဇာ” ရဲ့ တွဲဖက်စကားလုံး ဖြစ်တဲ့ “အာဏာ” ဆိုတဲ့ Power ကတော့ လုံလုံလောက်လောက် မရှိသေးပါဘူး..။ တနည်းပြောရရင် Power Balance မဖြစ်တာပါ..။ အဲဒီအတွက် နေ့စဉ်နဲ့ အမျှ ညှိနှိုင်းမှုတွေ အပေးအယူတွေ လုပ်နေရတယ် ဆိုတာသေချာပါတယ်..။

    စနစ်တစ်ခုထဲကို နှစ်ပေါင်းကြာရှည်ကျင်လည် ကျင့်သုံး ခဲ့တဲ့ နိုင်ငံတစ်ခုဟာ ပွင့်ပွင့်လင်းလင်း ဖြစ်ပြီ ဆိုတာနဲ့ “မျက်စိသူငယ် နားသူငယ်” ဖြစ်တတ်ပါတယ်..။ အမိဝမ်းထဲမှာ ၉လလောက်နေထိုင်ခဲ့ရတဲ့ မွေးကင်းစကလေးငယ်ဟာ အလင်းရောင်ကို ကောင်းကောင်း မကြည့်နိုင်.. ပြင်ပလောက က အသံတွေကို ကောင်းကောင်းမယဉ်ပါးသေးတော့ ကြောက်လန့်.. အဲဒါကို “မျက်စိသူငယ် ..နားသူငယ်” လို့ ပြောတာပါ..။ ကလေးငယ်တွေဟာ အိပ်နေတုန်း ထိတ်ကနဲ လန့်တတ်တာဟာ လဲ “မျက်စိသူငယ် နားသူငယ်” ရဲ့ အကြောင်းခံကြောင့်ပါပဲ..။

    နိုင်ငံရဲ့စနစ်သစ်တစ်ခု ကူးပြောင်းရာမှာလဲ (ပြောင်းတော့မယ်ဆိုတာသိပေမယ့်) သေသေချာချာ ကြိုတင် ပြင်ဆင်ထားခြင်းမရှိပဲ အစိုးရအဖွဲ့ကို နေ့ချင်းညချင်း ဖွဲ့.. တိုင်းပြည်တာဝန်ကို ချက်ချင်း လွှဲပြောင်းထမ်းဆောင် ဆိုတဲ့ အခါမျိုးမှာ ချွတ်ချော်တိမ်းစောင်းမှုတွေ အများကြီး ကြုံရတော့တာပါပဲ..။ ပြောင်း…. ပြောင်း… ဆိုလို့သာ ပြောင်းလိုက်ရတယ်..။ ပြောင်းလဲ တာဝန်ယူသူအများစုက နိုင်ငံတကာ နဲ့ ဘယ်လိုဆက်ဆံ ရမယ် ဆိုတာထက် လက်ရှိအစိုးရကို ဘယ်လိုတော်လှန်ရမယ် ဆိုတာ ကို တစိုက်မတ်မတ် အာရုံစိုက်လာသူတွေ ဖြစ်နေကြတာကို တွေ့ရပါတယ်..။ ကဲ.. အခုတော့ ကိုယ်အစိုးရဖြစ်ပြီလေ..။ နိုင်ငံတကာ နဲ့ ဆက်ဆံရပြီ..။ မူဝါဒတွေ ပြောင်းလဲ ကြရပြီ..။ သံခင်းတမန်ခင်းတွေ သုံးကြရပြီ..။ အကူအညီတွေ လိုလာကြပြီ..။

    ရောက်လာပါတယ်.. ကူညီမယ့်သူတွေ ..။ ဒါပေမယ့် ကူညီသူတချို့ရဲ့ လက်ထဲမှာ ထိုးဝါးတွေနဲ့..။ တချို့ကတော့ တကယ် ကူညီကြမှာ..။ ဒါပေမယ့် ကိုယ့်ဖက်က ခံယူချက်တွေက မပြောင်းနိုင် မပြင်နိုင်သေးဘူး..။ သူများပြောတာ နားထောင်ဖို့ သင်ယူဖို့ လက်ခံဖို့ အသင့်မဖြစ်သေးဘူး..။ ခေါင်းမာတဲ့ အကျင့်ကစွဲနေတာ ကြာပြီလေ..။ ဒါကလဲ အပြစ်တော့ မဆိုသာပေဘူး.. အာဆီယံ အဖွဲ့ဝင်ဖြစ်တာပဲ နှစ်ပေါင်း နှစ်ဆယ်ပြည့်တော့မယ်.. One vision, One identity, One community အစား “ပြည်ပအားကိုး ပုဆိန်ရိုး” က စွဲနေတုန်း.. ။

    အကူအညီတော့ တောင်းတတ်ခဲ့ပါတယ်..။ တောင်းတာမှ တော်တော်ကို တောင်းတတ်တာ..။ “ဘာရမလဲ”.. ဆိုတာပဲ တောင်းတတ်ခဲ့ပြီး “ဘာပြန်ပေးရမလဲ” ဆိုတာကို မေးဖို့ မေ့ထားခဲ့ကြတယ်.. အဲဒီလိုနဲ့ပဲ အချိန်တွေ ကြာလာခဲ့ပြီး ဖွံ့ဖြိုးတဲ့ ဆီ တိုးတက်တဲ့ ဆီ မရောက်တော့ပဲ.. တစ်ကိုယ်ချင်းသာ ချမ်းသာလာခဲ့ကြတာ အများအမြင်ပါပဲ..။

    ကောင်းပါပြီ Solution ကို စဉ်းစားကြည့်ရအောင်..။ ဒီနေ့ “ကြပ်” နေပါတယ်လို့ အသံမြည်နေသူတွေ ဟာ “ချမ်းသာ” သူတွေ ချည်းပဲဖြစ်တယ် ဆိုတာ တွေ့ရပါမယ်..။ ဒါကလဲ အမှန်ပါပဲ..။ သူတို့ရဲ့ ချမ်းသာကြွယ်ဝခြင်းတွေကို ထပ်တိုးမလာချင်နေ မလျော့စေချင်တာက လူ့သဘာဝပါ..။ အခုအချိန်မှာ ကိုယ့်လက်ထဲ ရှိပြီးသားကို ကျစ်ကျစ်ပါအောင် ဆုပ်ထားဖို့ပဲ စဉ်းစားမိကြမှာပါ..။ “ဆုပ်မိ..မလွှတ်နဲ့” လို့ ဆုံးမစကားက ရှိထားနှင့်သကိုး..။ ဒီထက်ပိုကြာလာရင် လှောင်ကန်ထဲက ရေလို မစီးဆင်းနိုင်တော့ပဲ အခက်တွေ့နိုင်ပါတယ်..။ ရေဆိုတာ စီးနေမှ သန့်တာပါ..။ လှောင်ကန်ထဲက ရေကို ရေသန့်စက်နဲ့ သန့်အောင် လုပ်လို့ရနိုင်ပါတယ်..။ ဒါပေမယ့် လွတ်လွတ်လပ်လပ် စီးမျောရတဲ့ အထိ အသိ ကို မရနိုင်ပါဘူး..။

    အာဖရိက က ဇင်ဘာဘွေ နိုင်ငံဟာ စိန်အကောင်းစားတွေ အများကြီးထွက် တဲ့ နိုင်ငံပါ.. ဒါပေမယ့် သူ့မှာ ငွေကြေး အမြဲတန်း “ကြပ်” နေပါတယ်..။ “ကြပ်” လေလေ ငွေစက္ကူတွေ ရိုက်ထုတ်လေလေ လုပ်ရင်းနဲ့ သူ့ငွေ တန်ဖိုးက နိမ့်သထက်နိမ့်လာပြီး နောက်ဆုံးမှာ ထရီလီယံဒေါ်လာ (သန်းပေါင်းသောင်းချီ) ပိုက်ဆံတွေအထိ ရိုက်ထုတ် လာရပါတယ်..။ အခြေခံစားကုန်တွေကို မီလီယံဒေါ်လာကနေ ဘီလီယံဒေါ်လာအထိ ပေးပြီး ဝယ်ရပါတယ်..။ သူ့ရဲ့ ဒေါ်လာတစ်သန်းဟာ အမေရိကန် တစ်ဒေါ်လာနဲ့ ညီပါတော့တယ်..။

    ဒါဟာ နိုင်ငံတကာနဲ့ မဆက်ဆံ.. ကိုယ်ကကျူး ကိုယ့်ဒူးတောင် မယုံတဲ့ Stereotype ဖြစ်စဉ်ကြောင့်ပါ..။ ကိုယ်ကလွဲပြီး သူများကို မယုံတာ အထိအောင်က ကိစ္စမရှိသေးပါဘူး..။ ကိုယ်သာအသိဆုံး ကိုယ်သာ အတတ်ဆုံး ဆိုပြီး တလွဲဆံပင် ကောင်းနေတာကျတော့ ကိစ္စ ရှိလာပါပြီ..။ နောက်ဆုံးတော့ ကိုယ်ပဲ ထီးထီးကျန်ခဲ့တာပါ…။

    ဒါကြောင့် ဒီနေ့ နိုင်ငံတကာနဲ့ ဆက်ဆံရေးကို မြန်မြန်ထက်ထက် တိုးမြှင့်ဖို့ လိုပါတယ်..။ တကမ္ဘာလုံးရဲ့ စီးပွားရေး အခြေအနေဟာ အနုတ်လက္ခဏာ အသွင်ဆောင်နေပါတယ်..။ ဘယ်သူကမှ ကိုယ့်တစ်ယောက်ထဲကို ကူညီနိုင်မှာ မဟုတ်ပါဘူး..။ ဒါကြောင့် ကိုယ့်ကို ကူညီနိုင်မယ့် လူ..ပညာ..ပစ္စည်း .. အရင်းအနှီး.. နည်းပညာ.. စိတ်ဓါတ် စတာတွေ အားလုံးကို ရှာဖွေချဉ်းကပ် လက်ခံရမှာပါ..။ ကမ္ဘာပေါ်မှာ ကိုယ့်တစ်နိုင်ငံတည်း.. ကိုယ့်လူမျိုးတစ်မျိုးတည်း ရှိနေတာမဟုတ်ပါဘူး..။ အိမ်နီးချင်း ဘယ်သူမှ မရှိတဲ့ လွင်တီးခေါင် ကန္တာရမှာ နေသူများလဲ မဟုတ်ကြပါဘူး..။ အာဆီယံ ဆိုတဲ့ အသိုင်းအဝိုင်း ကြီး တစ်ခုထဲမှာ အများနဲ့ အတူနေထိုင်ကြတာပါ..။ အာဆီယံနဲ့ တနည်းတဖုံဆက်စပ်နေတဲ့ နိုင်ငံပေါင်း သုံးဆယ်ကျော် ရှိပါသေးတယ်..။ အဲဒါတွေကလဲ မိတ်ဆွေတွေပါပဲ..။ အဲဒီ မိတ်ဆွေ တွေကို ပိုပြီးရင်းနှီးလာအောင် ဆက်ဆံ ရမှာပါ..။ သူတို့နဲ့ ရင်းနှီးတဲ့ အတွက် ကိုယ့်အတွက် ခွန်အားဖြစ်စေမှာပါ..။

    “ဘယ်သူ့အခက်.. ဘယ်သူ့အချက်” ဆိုပြီး လက်သီးလက်မောင်းတန်းပြီး ကြွေးကြော်နေရမယ့် အချိန်မဟုတ်တော့ပါဘူး..။ တစ်ဦးချင်း တစ်ယောက်ချင်းလဲ လုပ်လို့ ရနိုင်တာမျိုး မဟုတ်ပါဘူး.။ အစိုးရနဲ့ လူချမ်းသာတွေ ပူးပေါင်းရမယ်.. အားလုံးနဲ့ ရင်းရင်းနှီးနှီး ဖေါ်ဖေါ်ရွေရွေ ဆက်ဆံပြီး ကိုယ့်အခက်အခဲကို ရိုးရိုးသားသား ပွင့်ပွင့်လင်းလင်း ပြောပြ အကူအညီတောင်းတာဟာ solution ဖြစ်လိမ့်မယ်လို့ ယုံကြည်ပါတယ်..။

    ချစ်ခင်စွာဖြင့်
    ကောင်းလွန်း (၁၇.၁၂.၂၀၁၆)

    ** စာရေးသူ၏ ခွင့်ပြုချက်ဖြင့် ဖော်ပြပါသည်။

  • နှုတ်မှုပညာ ခေါင်းစဉ်ဖြင့် ပါမောက္ခ ဒေါက်တာ စိုးနိုင် ဟောပြောမည်။

    နှုတ်မှုပညာ ခေါင်းစဉ်ဖြင့် ပါမောက္ခ ဒေါက်တာ စိုးနိုင် ဟောပြောမည်။

    ဒီဇင်ဘာ ၁၅ ၊ ၂၀၁၆
    M-Media
    သတင်း-သီဟ
    dr-soe-naing
    ဒေါက်တာ စိုးနိုင် (မြန်မာစာပါမောက္ခ- ရန်ကုန်တက္ကသိုလ်) ဟောကြားပို့ချမည့် လူမှုဆက်ဆံရေးဆိုင်ရာ (နှုတ်မှုပညာ) ခေါင်းစဉ်ဖြင့် ဟောပြောပွဲ တရပ်ကို ဒီဇင်ဘာလ ၁၈ ရက်နေ့တွင် အမှတ် ၁၅၇ (မြေညီ) ၃၇ လမ်း ၊ ရန်ကုန်မြို့ တွင် ကျင်းပပြုလုပ်မည်ဖြစ်ကြောင်းသိရသည်။

    ပါမောက္ခ ဒေါက်တာစိုးနိုင်မှာ ပြည်ထောင်စု မြန်မာနိုင်ငံတော်အစိုးရ ပညာရေး ၀န်ကြီးဌာန မြန်မာနိုင်ငံ ဝိဇ္ဇာနှင့် သိပ္ပံ ပညာရှင်များ အဖွဲ့မှ ကြီးမှူး ကျင်းပသည့် (၁၄) ကြိမ်မြောက် သုတေသန စာတမ်း ဖတ်ပွဲတွင် ၂၀၁၄ ခုနှစ်အတွက် “အကောင်းဆုံး သုတေသန စာတမ်းရှင်ဆု” လည်းဖြစ်ပါသည်။

    ဟောပြောပွဲကို စိတ်ဝင်စားသူမည်သူမဆို တက်ရောက်နိုင်ပြီး အဆိုပါ ဟောပြောပွဲကို ပညာရေး၊ လေ့ကျင့်ရေးနှင့် လူမှု ဖွံ့ဖြိုးရေး စင်တာမှ စီစဉ်ဆောင်ရွက်ကြောင်းသိရသည်။

    15494176_1647578785535433_1291387863_n

    ဆက်စပ် အကြောင်းအရာ ဖတ်ဖို့
    —————————–
    ၂၀၁၄ ခုနှစ် “အကောင်းဆုံး သုတေသန စာတမ်းရှင်ဆု” ဒေါက်တာစိုးနိုင် နှင့်တွေ့ဆုံခြင်း – Link

  • “NV Card နှင့် သမိုင်းဝှက်ဖဲ” (ကဗျာ)

    “NV Card နှင့် သမိုင်းဝှက်ဖဲ” (ကဗျာ)

    ဒီဇင်ဘာ ၁၄ ၊ ၂၀၁၆
    သိန်းမိုးဝင်း (Sydney) ရေးသည်။

    လ၀က အတွင်းဝန်မှ အစ္စလာမ်ဘာသာဝင်တွေကို သီးသန့်ခေါ်ယူတွေ့ဆုံ၍ National Verification Card (NVC) ထုတ်ပေးမည့်ကိစ္စ ဆွေးနွေးခြင်းအပေါ် ယခင့်ယခင် ခေတ်အဆက်ဆက် မြန်မာတွေ၏ စည်းလုံးမှုကို ခွဲလိုလျှင် လူနည်းစု ဘာသာဝင်များအား Target ထား အစီအမံတွေ ပြုခဲ့ဖူးသည်တို့ကို မီးမောင်းထိုးပြရင်း.. ဤကဗျာလေးကို ရေးမိသည်။ စိတ်ရှည်သည်းခံပြီး အဆုံးထိဖတ်ပေးပါလို့…

    no-nvc

    “NV Card နှင့် သမိုင်းဝှက်ဖဲ”

    နယ်ချဲ့ကျွန်သပေါက် လွတ်မြောက်ပုံ
    စည်းလုံးကုန် မြန်မာ့အားမာန်ကြောင့်ဟု
    ဗိုလ်နေ၀င်း အတွေးပေါက်လေတော့
    ခွဲခြား-အုပ်ချူပ် မင်းသက်ဆိုး ရှည်ရေး
    ဘာသာမတူ လူနည်းစုတွေအား
    ပစ်မှတ်ထား ကြံစည်ကာလို့
    နယ်ချဲ့ကုလားဖြူ သယောင်
    “ကုလား” ဟဲ့ “ကုလား” ဟု
    ခွဲခြားကာ တွင်တွင်သုံးလာတော့
    နောက်ရာက နှောက်သွား
    ဟော အမှားက အမှန်ဖြစ်လို့
    တို့မြန်မာတွေ အသိမကူခင်
    အက်ကြောင်းမျှင် ထင်ခဲ့ပြီပေါ့။

    8888 အရေးတော်ပုံ
    အလုံးစုံ ပြည်သူ့အားမာန်ကြောင့်
    အာဏာရှင် တံတိုင်းပြိုလေတော့
    ပြည်သူကွဲ စစ်အာဏာမြဲဖို့အရေး
    ဘာသာမတူ လူနည်းစုတွေအား
    မြန်မာတွေအကြား ဗလာတွေပါလို့
    ပလီပလာ ရွှီးသယောင်
    “ဧည့်သည်” ဟဲ့ “ဧည့်သည်”
    သွေးနှောတဲ့ ထို “ဧည့်သည်”
    လူမျိူးခြား ထိုလူရှုတ်တွေရယ်
    သာကီ နဲ့ ကွာလှတယ် ဟု
    ရည်ရွယ်ကာ ၀ါဒဖြန့်လေတော့
    နဲ့ရာက နှဲ့သွား
    ဟော စကားက တရားဖြစ်လို့
    တို့မြန်မာတွေ သတိမမူခင်
    အက်ကြောင်းမျှင် ထင်ခဲ့ပြန်ပြီပေါ့။

    အရေးရှိ သွေးနီးကြပုံ
    ညီညွတ်ဆုံ ထိုခွန်အားတွေကြောင့်
    သက်ဆိုးမရှည် ကံခေမှာကြောက်လေတော့
    တစ်သက်မထွက် အာဏာဆက်ရန်အရေး
    နိုင်-ကဒ်ပြား အသွင်သစ်အောက်
    တိုင်းရင်းသား “မြန်မာ-မူဆလင်” ကိုဖျောက်လို့
    နယ်ခြားလူမျိူးစုံအမည် ထည့်သွင်းလေတော့
    နစ်ရာက နှစ်သွား
    ဟော မရှိက အရှိဖြစ်လို့
    တို့မြန်မာတွေ ကြည့်အတူထင်နေစဉ်
    အက်ကြောင်းမျှင် ထပ်ထင်ခဲ့ပြီပေါ့။

    2015 ရွေးကောက်ပွဲ အကုန်
    မဲပေးပုံ တို့လက်သန်းမှင်တွေကြောင့်
    စစ်တစ်ပိုင်း အစိုးရ ဈာန်ကျပြီဆိုတော့
    လူမျိူးစုံ ခွန်အားကုန်သုံး
    ရုန်းထဖို့ တို့မြန်မာပြင်
    နှစ် 20 သံဓိဌာန် ခင်းချိန်
    လာပြန်ပြီ NV ကဒ်ဗျိူ့
    ရည်ရွယ်ကာ လူနည်းစုဘာသာဝင်တို့
    ပြည်တွင်းနှင့် နယ်စပ်အရေးမို့ပါဟု
    အတွင်းဝန် စကားချိူသွေးပြန်လေတော့
    မွေးရာပါ နိုင်ငံသားတွေမို့
    ဤဘာသာ၊ ထိုလူမျိူး မထည့်စေလို
    ခြေဥကိုတည် မြန်ဆန်စိစစ်ပြီးဆိုက
    တန်းတူညီ နိုင်-ကဒ်သာပေးစေလိုကြောင်း
    သီလ သမာဓိရှင်
    အမေစုကို အသနားလွှာတင်ရင်း
    ဟော ဥာဏ်နှင့်သမိုင်း ယဉ်လို့
    အက်ကြောင်းမျှင် ထပ်မထင်ခင်
    တို့မြန်မာ အသိသညာဝင်သင့်ပြီပေါ့။

    သိန်းမိုးဝင်း (Sydney) 14-ဒီဇင်ဘာ-2016

    ** M-Media သို့ စာရေးသူမှ အီးမေးလ်မှ တဆင့် ဆက်သွယ်ပေးပို့လာသော ကဗျာ ဖြစ်ပါသည်။