Author: editor

မှတ်ပုံတင် မရသေးသူများ ဆောင်ရန်၊ရှောင်ရန် နှင့် ၁၉၄၉/၅၁ လ.၀.က ဥပဒေများ အကြောင်း သိကောင်းစရာ

နိုဝင်ဘာ ၃ ၊ ၂၀၁၆
ခင်မောင်ချို (တရားလွှတ်တော်ရှေ့နေ) ရေးသည်။

ကျွန်တော်လိုက်ပါဆောင်ရွက်နေတဲ့အမှုအခင်းအတွေ့ကြုံ များအရ ဥပဒေ အသိပညာ များကို ဝေငှလိုက်ပါတယ်။

မြန်မာနိုင်ငံမှာ အမျိုးသားမှတ်ပုံတင်များကို လွတ်လပ်ရေးရပြီးတဲ့နောက် ၁၉၄၈ ခုနှစ်ခန့် လောက်ကစပြီး တရားဝင်ထုတ်ပေးခဲ့ပါတယ်။

တစ်ဆက်တည်း ၁၉၄၉ခုနှစ် မြန်မာနိုင်ငံအ တွင်း နေထိုင်သူများ မှတ်ပုံတင်ရေး ဥပဒေနဲ့ ၁၉၅၁ခုနှစ် မြန်မာနိုင်ငံအတွင်း နေထိုင်သူများ မှတ်ပုံတင်ရေး နည်းဥပဒေများကို ပြဌာန်းခဲ့ပါတယ်။ အမျိုးသား မှတ်ပုံတင် ကိစ္စရပ်များ အတွက် ရည်ရွယ်ပြီးပြဌာန်းခဲ့တယ်ဆိုတာ အဲ့ဒီဥပဒေ အမည်များကဖော်ပြလျက်ရှိပါ တယ်။ ယခုအခါ အမျိုးသားမှတ်ပုံတင်များထုတ် ပေးခြင်းမရှိသော်လည်း အဲ့ဒီဥပဒေများကို မပယ်ဖျက်ဘဲ၊ယခုတိုင် တည်ဆဲဥပဒေများဖြစ်နေ ပါတယ်။

အဲ့ဒီ ဥပဒေများကို ၂၀၁၅ခုနှစ်မှာ စတင်ပြီးပြန်လည်အသက်သွင်းလာတာတွေ့ရှိရပါတယ်။

အစောဆုံးတွေ့ရှိရတာကတော့ သမ္မတ ဦးသိန်းစိန်လက်ထက်မှာ ဝှိုက်ကတ် (White Card) များနဲ့ပတ်သက်ပြီး အကြံပေးဖို့ဖွဲ့စည်းတဲ့ ” ယာယီကတ်ပြားများ ကိုင်ဆောင်သူများ လေ့လာစိစစ် သုံးသပ်ရေး အကြံပေးကော်မတီ” ရဲ့ထောက်ခံချက်အရ ဝှိုက်ကတ် ယာယီ ကတ်ပြားများ အပ်နှံသူများကို NVC အစိမ်းရောင် ယာယီကတ်ပြားထုတ်ပေးရန် ၁၉၄၉ ခုနှစ် မြန်မာနိုင်ငံအတွင်း နေထိုင် သူများ မှတ်ပုံတင်ရေးဥပဒေ ပုဒ်မ -၄( ၂) အရ ထုတ်ပေးခြင်းဖြစ်ကြောင်း ကိုးကားဖော်ပြခဲ့ ပါတယ်။

နောက်ထပ်တွေ့ ရှိလာတာကတော့ (၃၁.၃.၂၀၁၅) မှာ ရပ်စဲလိုက်တဲ့ ဝှိုက်ကတ်များ ဆက်လက် ကိုင်ဆောင်ထားသူများ၊ နိုင်ငံသား ကတ်ပြား လက်ဝယ်မရှိသူများ၊ နိုင်/ကတ်လျှောက်ထားဆဲများ၊ နိုင်/ကတ် မလျှောက်ရသေးသူများကိုလည်း ၁၉၄၉ ခုနှစ် မြန်မာနိုင်ငံ အတွင်းနေထိုင်သူများ မှတ်ပုံတင်ရေးဥပဒေ ပုဒ်မ ၆ ( ၂ ) ၆ ( ၃ ) အရအမှုများ စွဲဆို တင်ပို့လာတာကို တွေ့ရှိရပါတယ်။

ပုဒ်မ ၆ ( ၂ ) နဲ့အရေးယူနိုင်ရန် ၁၉၅၁ ခုနှစ် မြန်မာနိုင်ငံအတွင်း နေထိုင်သူများ မှတ်ပုံတင်ရေး ဥပဒေ တစ်ရပ်ရပ်ကို ကျူးလွန်ဖောက်ဖျက်လျင် အရေးယူနိုင်တဲ့ပုဒ်မ ဖြစ်ပါတယ်။ ပုဒ်မ ၆ ( ၃ ) ကတော့ ပြစ်ဒဏ်ပုဒ်မ ဖြစ်ပါတယ်။ ထောင်ဒဏ်( ၂ )နှစ်အထိ နဲ့ငွေဒဏ်ချ မှတ် နိုင်ပါတယ်။

အဲ့ဒီတော့ ၁၉၅၁ ခုနှစ် မြန်မာနိုင်ငံအတွင်းနေထိုင်သူများ နည်းဥပဒေများ ပတ်သက် ပြီး လေ့လာကြည့်လိုက်တော့ ပုဒ်မ ၂၅၊ ၂၆ ၊၂၈ တို့ကို အခြေခံပြီး အမှုခွဲများ စွဲဆိုလာတာကိုတွေ့ရှိပါတယ်။

အဲ့ဒီဥပဒေတွေက အမျိုးသားမှတ်ပုံတင် ကိစ္စတွေနဲ့ ပတ်သက်ပြီး ပြဌာန်းခဲ့တာဖြစ်တော့ အမှန်တကယ်တော့ အမှုရင်ဆိုင်ရင် လွတ်မြောက်ရာ လွတ်မြောက်ကြောင်း နည်းလမ်းတွေ ရှိပါတယ်။ ဒါပေမယ့် ကြိုတင်ပြီး ကာကွယ်ထားတာ ကောင်းပါတယ်။ ရပ်/ ကျေး ထောက်ခံ ချက်များပြသရင်လည်း မလုံလောက်တော့ပါ။ ရပ်/ ကျေး ထောက်ခံချက်များပြသနိုင်သော် လည်း မှတ်ပုံတင်ကတ်ပြား မပြနိုင်ရင် အဲ့ဒီဥပဒေတွေနဲ့ တရားစွဲဆိုတော့ပါဘဲ။

အဲ့ဒီတော့ အဲဒီဥပဒေ အင်္ဂါရပ်တွေနဲ့ မငြိစွန်းအောင် ဆောင်ရွက်နိုင်တဲ့ နည်းလမ်းရှိပါတယ်။ အဲ့ဒီနည်းလမ်းကတော့ မိမိနေထိုင်/ တည်းခိုတဲ့ သက်ဆိုင်ရာမြို့နယ် လ.ဝ.က ရုံးသို့ အကြောင်းကြားထားဖို့ဖြစ်ပါတယ်။ မြို့နယ် လ.ဝ.က အရာရှိ ထံလိပ်မူပြီး မိမိရဲ့ နိုင်ငံ
သားလျှောက်ထားမှုအခြေအနေကို အကျဉ်းဖော်ပြပြီး မိမိသည် မည်သည့် လိပ်စာတွင်နေထိုင် /တည်းခို နေကြောင်း အသိပေးအကြောင်းကြားထားဖို့ဖြစ်ပါတယ်။ အကြောင်းကြားထား ကြောင်း အထောက်အထားရယူထားဖို့လည်းလိုပါတယ်။

သို့သော် ဥပဒေက မည်သို့စေကာမူ ….

ဘာဖြစ်လို့လဲဆိုတော့ ဗုဒ္ဓဘာသာ မြန်မာမိန်းကလေး တစ်ယောက် ဧည့်စာရင်းလည်းပြ နိုင်တယ်။ နိုင်/ကတ် လည်းပြနိုင်တယ်။ ဒါပေမယ့် သူမလည်း အဲ့ဒီဥပဒေတွေနဲ့ အရေးယူ ခံထားရလို့ အမှုရင်ဆိုင်နေရပါတယ်။ အဲ့ဒီတော့ ….

ခင်မောင်ချို (ခေတ္တ ဘန်ကောက် )

November 3, 2016
ပြည်သူ့ရဲ ဆိုသူများက “လဝက ” ဌာနမှ ထုတ်ပေးသော မှတ်ပုံတင်ကတ်ကို ဘာကြောင့် အသိအမှတ်မပြုရတာလဲ?

နိုဝင်ဘာ ၂ ၊ ၂၀၁၆
ဂျက်ဖရီတင်အုန်း ( R.I.T ရန်ကုန်စက်မှုတက္ကသိုလ် )

မြန်မာနိုင်ငံသည် ကမ္ဘာ့ကုလသမဂ္ဂအဖွဲ့ဝင်နိုင်ငံပေါင်း ၁၉၃ နိုင်ငံများထဲတွင် တစ်ခု အပါအဝင်ဖြစ်ပါသည်။ ၁၉၄၈ခုနှစ် ဒီဇင်ဘာလ ၁၀ ရက်နေ့တွင် ကမ္ဘာ့ကုလသမဂ္ဂအဖွဲ့ အထွေထွေညီလာခံကြီးက လူ့အခွင့်အရေးကြေညာစာတမ်းကြီးကို တခဲနက်ထောက်ခံအတည်ပြု
လက်မှတ်ရေးထိုးခဲ့သည့်နိုင်ငံများတွင်လည်း မြန်မာနိုင်ငံပါဝင်နေပေသည်။ အပြည်ပြည်ဆိုင်ရာလူ့ အခွင့်အရေးကြေညာစာတမ်းတွင် အပိုဒ်ပေါင်း( ၃၀ )ပါဝင်သည်။

အပိုဒ် ( ၉ )အရ “ မည်သူမျှဥပဒေအရမဟုတ်သော၊ ဖမ်းဆီးခြင်းကိုဖြစ်စေ၊ ချုပ်နှောင်ခြင်းကိုဖြစ်စေ၊ ပြည်နှင် ဒဏ်ပေးခြင်းကိုဖြစ်စေ၊မခံစေရ” ဟူ၍သော်လည်းကောင်း၊ အပိုဒ် ( ၁၃ ) (၁)အရ “လူတိုင်းတွင် မိမိ၏နိုင်ငံ နယ်နိမိတ်တွင်း၌ လွတ်လပ်စွာရွှေ့ပြောင်းနိုင်ခွင့်၊ နေထိုင်ခွင့် ရှိသည်” ဟူ၍လည်းကောင်း၊ အပိုဒ် ( ၁၅ ) ( ၁ ) အရ “ လူတိုင်းသည် နိုင်ငံတစ်နိုင်ငံ၏ နိုင်ငံသားအဖြစ်ခံယူခွင့်ရှိသည်။” အပိုဒ် ( ၁၅ ) ( ၂ ) အရ “ ဥပဒေအရ မဟုတ်လျှင်မည်သူမျှ မိမိ၏ နိုင်ငံသားအဖြစ်ကို စွန့်လွှတ်ခြင်းမခံစေရ”ဟူ၍ဖော်ပြထားချက်များကို ပြည်သူလူထုကို ကိုယ်စားပြုသည့် အုပ်ချုပ်ရေး အာဏာပိုင်များသည် အထူးလေးစားလိုက်နာကျင့်သုံးရမည်ဖြစ်သည်။ သို့သော် စာရေးသူ တုန်လှုပ်ခြောက်ခြားခဲ့ရသည့် ဥပဒေမဲ့လူ့အခွင့်အရေးချိုးဖောက်သော ဖြစ်ရပ်တစ်ခုကို စာရေးသူထံရောက်ရှိလာခဲ့သည်။

၂၆.၁၀.၂၀၁၆ ရက်နေ့ ၊ ညနေ ( ၅ ) နာရီအချိန်တွင် ရန်ကုန်မြို့မှမြိတ်မြို့သို့ “ အောင်ရတနာ” ခရီးသည်တင် မှန်လုံယာဉ်ဖြင့် လိုက်ပါလာသော ခရီးသည် ( ၃ )ဦး သည် ၂၇.၁၀.၂၀၁၆ ရက်နေ့ ည( ၇ )နာရီတွင် ညမြိတ်မြို့၊ကန်ခေါင်းရပ်ကွက်၊ ပန်းဝတ်ရည်လမ်းရှိ တိမ်လွှာထွန်းတည်းခိုခန်း တွင် တည်းခိုနေစဉ် “ခိုးဝင်ဘင်္ဂါလီ သုံးဦး ထိုတည်းခိုခန်းတွင် ရောက်ရှိနေသည်” ဟူသော အကြောင်းပြချက်ဖြင့် မြိတ်ခရိုင် ရဲအုပ်ခင်မောင်လေး၊ ဒုရဲအုပ် ကျော်ဆန်းဦးနှင့် တပ်ဖွဲ့ဝင်များသည် နိုင်ငံတော်၏ တရားဝင်ဝန်ကြီးဌာန တစ်ခုဖြစ်သည့် “ အလုပ် သမား၊ လူဝင်မှု့ကြီးကြပ်ရေးနှင့်ပြည်သူ့အင်အား ဝန်ကြီးဌာန” မှ တည်ဆဲဥပဒေအရ တရားဝင်စိစစ် စစ်ဆေးပြီးထုတ်ပေးထားသော ခိုင်လုံသည့် နိုင်ငံသားဖြစ်မှု့ အထောက်အထားများ ရှိနေသူများကို တစ်ဘက်သတ် စွပ်စွဲတိုင်တန်းချက်များကြောင့် မတရားဖမ်းစီး စစ်ဆေးခံရသည့် သတင်းသည် နိုင်ငံသူနိုင်ငံသားများ၏ မလုံခြုံမှုကိုပြနေကြောင်း စာရေးသူသတိထားမိသည်။

ထို့ကြောင့်လည်း စေ့စေ့တွေး ရေးရေးပေါ် ဆိုသည့်အတွက် ထိုဖမ်းဆီးခံပြည်သူ ( ၃ )ဦးအား လေ့လာကြည့်ရာ တွင် ၁။ ဒေါ်သီတာ ( ၄၇ ) နှစ်၊ မှတ်ပုံတင် ၁၂/ ဒဂတ(ယ)**** (ဘ) ဦးမောင်တင် ၂။ဒေါ်သန်းသန်းအေး ( ၄၉ ) နှစ် မှတ်ပုံတင် ၁၂/ဒဂတ(ယ)****** (ဘ) ဦးအဗ်ဒွလ်ဂျဗား၊ ၃။မရွှေစင် ( ၂၀ ) နှစ် (ဘ) ဦးရွှေလာ ကရင်လူမျိုး (၃)ဦးတို့ဖြစ်ပြီး၊ လက်ရှိ (၁၀၄)ရပ်ကွက်၊ ဒဂုံမြို့သစ်တောင်ပိုင်း၊ ရန်ကုန်တိုင်းဒေသကြီးတွင် နေထိုင်သူများဖြစ်ကြောင်းသိရသည်။

လူဝင်မှု့ကြီးကြပ်ရေး “ လဝက” ဌာနမှ တရားဝင်ထုတ်ပေးထားသော မှတ်ပုံတင်ဖြင့် စစ်မဲ့ဇုန်နယ်မြေ တစ်ခုရှိ တရားဝင် ဖွင့်လှစ်ထားသော ဟိုတယ်တစ်ခုတွင် အနားယူနေသည်ကို ရခိုင်ပြည်နယ်ရှိမောင်းတော၊ ဘူးသီးတောင် နယ်မြေရှိ လူမျိုးများ ပုံစံရောသမ မွေကာ ဥပဒေမဲ့ ဖမ်းဆီး အရေးယူနေခြင်းသည် ကမ္ဘာ့အလယ်မြန်မာပြည်တွင် နေထိုင်နေကြသော တရားဝင်မှတ်ပုံတင် ကိုင်ဆောင်ထားသော မြန်မာနိုင်ငံသားများသည် တရားဥပဒေ၏ အကာအကွယ်မရရှိသေးကြောင်း ကမ္ဘာက သိသွားခဲ့လျှင် နိုင်ငံတော်၏ အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည် ပြည်ပ ခရီးစဉ်များတွင် နိုင်ငံတကာ အစိုးရများနှင့် နိုင်ငံတကာ စီးပွား ရေး ရင်းနှီးမြှုပ်နှံသူများကို မြန်မာပြည်တွင်း စီးပွားရေးလာလုပ်ကြရန် အာမခံပြောဆို ဖိတ်ခေါ်သည့် စာချွန်လွှာ များရေးထိုးခဲ့ကြသည့် လုပ်ငန်းစဉ် အားလုံးသည် အောက်ခြေရှိ လက်နက်ကိုင်အဖွဲ့အစည်းတစ်ခုဖြစ်သည့် ရဲတပ်ဖွဲ့၏လုပ်ရပ်ကြောင့် “သဲထဲရေသွန်” အချည်းနှီးလုပ်ရပ်များ ဖြစ်သွားနိုင်သည်ကို အစိုးရသစ်အားထောက်ပြလိုပါသည်။

ထို့အပြင် ၂၀၁၆ ခုနှစ် မူဆယ်မြို့နယ်နေ မောင်ဖြိုးသူရအား ရဲစခန်းတွင် စစ်ဆေးစဉ် ကွယ်လွန်သွားသည့်ဖြစ်ရပ်၊ မင်္ဂလာတောင်ညွန့်မြို့နယ် ရဲစခန်းတွင် အချုပ်သားတစ်ဦး အချုပ်ခန်းအတွင်းသေဆုံးနေသည့်ဖြစ်ရပ်ကို မင်္ဂလာတောင်ညွန့်မြို့နယ် တရားသူကြီး ကိုယ်တိုင်လာရောက် စစ်ဆေးခဲ့ရသည့်ဖြစ်စဉ်များသည် လူအခွင့်အရေးကို ဦးထိပ်ပန်ဆင် ကျင့်သုံးသည့် အနောက်နိုင်ငံများ အတွက် မြန်မာနိုင်ငံအတွင်း ရင်းနှီးမြှပ်နှံမှုအစုစုတို့ကို စိန်ခေါ်လျက်ရှိပေသည်။ “ကျီးလန့်စား၊ စားရသလို” မျိုးဖြစ်နေခြင်းသည် နိုင်ငံ၏အနာဂတ် အတွက် ဆူးညှောင့် ခလုတ်များဖြစ်နေသည်။

“ကူညီပါရစေ” ဟူသောဆောင်ပုဒ်ဖြင့် ပြည်သူလူထု၏ အသက်၊ အိုးအိမ်၊ စည်းစိမ်ကို ထိန်းသိမ်းစောင့်ရှောက်ပါမည်ဟု ပဋိဥာဉ်ပြုထားသော သစ္စာခံထားသော ပြည်သူ့ရဲတပ်ဖွဲ့ သည် ၅၁.၄ သန်းကျော် ပြည်သူလူထု၏အခွန်ကိုစားနေရသော ဝန်ထမ်းသက်သက် မျှသာ ဖြစ်သည်။ ပြည်သူလူထုအား ဟိန်းဟောက် ခြိမ်းခြောက်ရန် တာဝန်မရှိပြီ။ ဥပဒေမဲ့လုပ်ရပ် များကို တားဆီး ဟန့်တား အရေးယူရန်ဖြစ်သည်။ ထို့ကြောင့် နိုင်ငံတော်က ချမှတ်ထားသော တရားဥပဒေများ ဖွဲ့စည်းပုံဆိုင်ရာ ဥပဒေများ နိုင်ငံတကာ ဥပဒေများကို လေးစားလိုက်နာရန် လုံးဝ တာဝန်ရှိပေသည်။

“ဖွဲ့စည်းပုံ အခြေခံဥပဒေ” ဟူသည် နိုင်ငံတော် အုပ်ချုပ်သူတို့နှင့် အုပ်ချုပ်ခံပြည်သူလူထု တို့အကြား ချုပ်ဆိုထားသော “ပဋိဥာဉ်”စာချုပ်ကြီးဖြစ်ပေသည်။ အုပ်ချုပ်သူ အစိုးရ ဌာနဆိုင်ရာများ နှင့် အုပ်ချုပ်ခံပြည်သူလူထု တို့ အကြားလေးစား လိုက်နာဖို့လိုသည်။ ဥပမာ ပြရလျှင် ၂၀၀၈ ခု ဖွဲ့စည်းပုံ အခြေခံဥပဒေပုဒ်မ ၃၄၇ နှင့် ၃၄၈ တို့တွင် “မည်သူမဆို ဥပဒေ အရာတွင် တန်းတူညီမျှ အခွင့်အရေး ရရှိစေရမည့်အပြင် ဥပဒေ၏ အကာအကွယ်ကိုလည်း တန်းတူညီမျှ အခွင့်အရေး ရရှိစေရမည့်အပြင် ဥပဒေ၏ အကာအကွယ်ကိုလည်း တန်းတူညီ မျှ ရယူပိုင်ခွင့်ပေးရမည်” ဟူ၍လည်းကောင်း၊ “မည်သည့်နိုင်ငံသားကိုမျှ လူမျိုးဇာတိ ကိုးကွယ် သည့်ဘာသာ ရာထူး၊ ဌာနန္တရ၊ အဆင့်အတန်း ယဉ်ကျေးမှုတို့ကို အမျိုးသား၊ အမျိုးသမီး ဆင်းရဲချမ်းသာတို့ကို အကြောင်းပြု၍ ခွဲခြားခြင်းမပြုရ” ဟူ၍ ဖော်ပြထားကြောင်းတွေ့ရပါသည်။

ဖွဲ့စည်းပုံ ပုဒ်မ( ၃၆၂ )တွင် “ခရစ်ယာန်ဘာသာ၊ အစ္စလာမ်ဘာသာ၊ ဟိန္ဒူဘာသာ၊ နတ်ကိုးကွယ် သောဘာသာတို့ကို နိုင်ငံတော်တွင် တည်ရှိနေသော ကိုးကွယ်ယုံကြည်ရာဘာသာများ” ဟူ၍ အသိအမှတ်ပြုထားကြောင်း ဖော်ပြထားပါသည်။ ထို့အပြင် ပုဒ်မ( ၃၆၃ ) တွင် နိုင်ငံတော်တွင် အသိအမှတ်ပြုထားသော ဘာသာ သာသနာများကို တတ်နိုင်သမျှ ကူညီစောင့်ရှောက်မည် ဟူ၍လည်း ဖော်ပြထားပါသည်။

လွတ်လပ်ရေး ဗိသုကာ အမျိုးသားခေါင်းဆောင်ကြီး တပ်မတော်ဖခင်ကြီး ၁၉၄၄ ခုနှစ် မတ်လ ( ၁၃ )ရက်နေ့၌ မြန်မာ့တပ်မတော် ဗိုလ်သင်တန်းကျောင်းဆင်းပွဲနှင့် ဘွဲ့နှင်းသဘင်ပေးအပ်ပွဲ၌ မိန့်ကြားခဲ့သည်မှာ “ ငါတို့စစ်တပ်ဟာ နိုင်ငံသူ၊ နိုင်ငံသားတွေကို ညှဉ်းဆဲဖို့မဟုတ် လက်နက် အားကိုး တန်ခိုးပြဖို့မဟုတ် စစ်တပ်ဟာနိုင်ငံရဲ့ အစေခံဖြစ်ရမယ်။ နိုင်ငံဟာ စစ်တပ်ရဲ့ အစေခံမဖြစ်စေရဘူး” ဟူသော မိန့်ကြားချက်များနှင့် နိုင်ငံတော်၏အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည် ပြောကြားခဲ့ဖူးသည့် အစိုးရဆိုတာ ပြည်သူလူထုဆန္ဒနဲ့ ကိုက်ညီမယ့် တိုင်းပြည် အကျိုးကိုဆောင်ရွက်ဖို့ အချိန်ကန့်သတ် စေခိုင်းထားတဲ့ သစ္စာအရှိဆုံး ပြည်သူ့ဝန်ထမ်းဖြစ်ပါတယ် ဆိုတာကို နှလုံးသွင်းကာ လိုက်နာကျင့်သုံးလျှင်အုပ်ချုပ်ရေး စနစ်များတောင့်တင်း ခိုင်မာလာမည်။ တရားဥပဒေစိုးမိုးမှု အသက်ဝင်လာပေမည်။

ထိုသို့မဟုတ်ဘဲ ကိုယ်စီးသည့်မြင်းသည် အထီး၊ အမ ဟူ၍ မခွဲခြားဘဲ ဇွတ်စီးပြီး ခရီးနှင် လျှင် စစ်ခင်းလျှင် စစ်ပွဲတွင် ရှုံးနိမ့်မည်သာဖြစ်သည်။

နိုင်ငံတော် သံဃာ့ မဟာနာယက ဆရာတော်ဘုရားကြီး ဒေါက်တာနန္ဒမာလာဘိဝံသ က မိန့်တော်မူသည်မှာ “လူဆိုး၊ လူကောင်းဆိုတာ လူမျိုးနဲ့မဆိုင် ဘာသာနဲ့မဆိုင် ထိုသူတို့ပြုမူ သော လုပ်ရပ်အပေါ်တွင်သာ မူတည်ပြီး လူဆိုးလား လူကောင်းလား သတ်မှတ်ရတယ်” ဟူသော တရားရတနာကိုရင်ဝယ်ပိုက်ကာ လူတိုင်းကျင့်သုံးပါက မြန်မာပြည်ကြီးဘာသာ ပေါင်းစုံ ညီညွတ်ရေးမှ တိုင်းရင်းသားစည်းလုံးညီညွတ်ရေးကို ရရှိပေမည်။ တိုင်းရင်းသားများ စည်းလုံးညီညွတ်မှု ရလျှင် ပြည်တွင်းပြည်ပရန် ကာကွယ်ရန် စစ်အသုံးစရိတ်များ လျှော့ချနိုင် ပြီး ပညာရေးအသုံးစရိတ်များတွင် နိုင်ငံတော်ဘဏ္ဍာငွေများကို ပုံအောနိုင်မည်။ ပညာရေးဖွံ့ဖြိုး တိုးတက်လာမည်။ လူ့စွမ်းအား အရင်းအမြစ်များစွာ မွေးထုတ်နိုင်မည်။

ထိုစွမ်းအားများဖြင့် မြန်မာနိုင်ငံတော်ကြီးကို ပြန်လည်ဦးမော့လာအောင် လုပ်နိုင်ပါမည် ဟု အကြံပြု တိုက်တွန်း လိုက်ရပေတော့သည်။

ဂျက်ဖရီ တင်အုန်း R.I.T ရန်ကုန်စက်မှုတက္ကသိုလ်

November 2, 2016
ဦးဖေမြင့်ရဲ့ ပြန်ကြားရေး ရည်ရွယ်ချက်ရှိရှိ သွေးထိုး လှုံဆော်နေတာလား?

နိုဝင်ဘာ ၂ ၊ ၂၀၁၆
စတီဗင်ရေးသည်။

စစ်အစိုးရလက်ထက်က အစိုးရသတင်းစာဆိုတာ အစိုးရကောင်းကြောင်းနဲ့ အတိုက်အခံ မကောင်းကြောင်း ၀ါဒဖြန့်ဖို့ အတွက်ဖြစ်ခဲ့တယ်။ ဖားတစ်ပိုင်း ငါးတစ်ပိုင်း ဦးသိန်းစိန်အစိုးရ လက်ထက်မှာတော့ အစိုးရ သတင်းစာဟာ နည်းနည်းလေး ပုံစံပြောင်းလာပေမယ့် သွေးထိုးလှုံဆော်မှု လုပ်ဖို့ အတွက် အသုံးပြုနေတုန်းပဲ။ ဥပမာ တောင်ကုတ် လူသတ်မှုသတင်းကို မွတ်စလင်တွေက မှားလို့ပဲ အသတ်ခံရသလိုလို၊ တခြား ပဋိပက္ခတွေမှာလည်း မွတ်စလင်တွေဘက်က လွန်လို့ အလုပ်ခံရသလိုလိုနဲ့ တစ်ဖက်စောင်းနင်းတွေရေးတယ်။ တောင်ကုတ် ကိစ္စဆိုရင် ဆူပူအောင် မွတ်စလင်ကုလားလို့ တမင်ထည့်ရေးတယ်။ မွတ်စလင်ကိစ္စနဲ့ ပတ်သက်လာရင် တခြားပုဂ္ဂလိက အမည်ခံ ခရိုနီပိုင်သတင်းစာ အများစုရဲ့ ရပ်တည်ချက်ကလည်း တစ်ဖက်စောင်းနင်းဆန်တယ်။

အခု ဒေါ်အောင်ဆန်းစုကြည် အစိုးရ လက်ထက်ရောက်လာတော့ အရပ်သား အစိုးရကြီးစိုးပြီပေါ့။ မဟုတ်မမှန် မုန်းတီးရေး ၀ါဒဖြန့်တာတွေကိုလည်း ကိုင်တွယ်မယ်။ တရားဥပဒေ စိုးမိုးအောင်လည်း လုပ်မယ်ဆိုတော့ လူနည်းစုတွေခမျာ မျှော်လင့်ချက် တသီတသန်းကြီးနဲ့ပေါ့ဗျာ။ ဦးဖေမြင့် ဦးဆောင်မယ့် ပြန်ကြားရေး ၀န်ကြီးဌာနက အရင်လို သွေးထိုးလှုံဆော်တာတွေ မလုပ်တော့ဘူးလို့ အတော်လေးမျှော်လင့်မိတယ်။ အစပိုင်းမှာလည်း မီဒီယာဆိုတာ တစ်ဖက်ဖက်ကို မလိုက်ဘူးဆိုတဲ့ အနေနဲ့ ဗုဒ္ဓဘာသာအဆုံးအမတွေ၊ ဘုန်းကြီးတွေရဲ့ တရားတွေကို မျက်နှာဖုံးထိပ်စီးမှာ ထည့်တာတွေ မလုပ်တော့ဘဲ စီကျူလာဆန်ဆန် ရပ်တည်ခဲ့တယ်။ ဒါပေမဲ့ သိပ်မခံပါဘူး၊ တခြား ဘာသာချစ်တွေအပါအ၀င် မဘသ အုပ်စုက အဓိက ဖိအားပေးတာကြောင့် အဲဒါတွေ ပြန်ထည့်လိုက်ရတယ်။ အင်း .. ပြည်သူအများစုရဲ့ ဆန္ဒသဘောထားနဲ့ အုပ်ချုပ်တဲ့ ဒီမိုကရေစီဆိုတော့လည်း ဘာများ ပြောလို့ရပါ့မလဲ ပေါ့နော်။ ဒီလိုပဲ အသားကျနေခဲ့တာကြာပြီဆိုတော့ ထူးပြီး ဘာမှမခံစားရဘူး။

အဲ… ၀မ်းသာမိတာက အစိုးရ သတင်းစာတွေမှာ အရင်လို သွေးထိုးလှုံဆော်တာတွေ၊ မှိုင်းတိုက်တာတွေ မပါတော့ဘူးဆိုတာပဲ။ ဒါပေမဲ့ မြ၀တီက စစ်တပ် သတင်းတွေကိုထည့်ပြီး တိုင်းရင်းသားလက်နက်ကိုင်တွေနဲ့ ဖြစ်တဲ့ တိုက်ပွဲသတင်းတွေ၊ နယ်မြေ သတင်းတွေဖော်ပြပုံကို သိပ်စိတ်တိုင်းမကျဘူး။ အင်း… ဒါလည်း တပ်မတော်နဲ့ ပလဲနံပသင့်အောင် လုပ်ဖို့ လိုတာကိုးပေါ့။ ဘာသာရေးသွေးထိုးလှုံဆော်တာမျိုးကို အစိုးရသတင်းစာတွေကပဲဖြစ်ဖြစ် တရားဝင် ပြန်ကြားရေး ဖေ့စ်ဘုတ်စာမျက်နှာကပဲ ဖြစ်ဖြစ် မလုပ်တော့ရင် ကျေနပ်ပါပြီပေါ့။

ကဲဗျာ.. စကားတောင်မဆုံးသေးဘူး၊ ဒေါက်တာဖေမြင့်ဝန်ကြီးလုပ်တဲ့ ပြန်ကြားရေးဝန်ကြီးဌာနရဲ့ တရားဝင်ဖေ့စ်ဘုတ်စာမျက်နှာနဲ့ ဒီနေ့ထုတ် ကြေးမုံသတင်းစာက ပြည်ပက ရာဇ၀တ်မှုတစ်ခုကို ဘာသာတရားတွေခေါင်းစဉ်တပ်ပြီး ဟီးနေအောင် ရေးသဗျ။

ဘာတဲ့ … “ဘင်္ဂလားဒေ့ရ်ှတွင် အစ္စလာမ်ဘာသာဝင်များက ဟိန္ဒူဘုရား ရှိခိုးကျောင်းနှင့် နေအိမ်များ တိုက်ခိုက်ဖျက်ဆီး” တဲ့။

ယခင်အစိုးရ ပြန်ကြားရေးဝန်ကြီး ဦးရဲထွဋ်မှ အဆိုပါသတင်းကို ထပ်ဆင့်ဖြန့်ဝေခဲ့ပါတယ်။

မူရင်း အင်္ဂလိပ်သတင်းကို Arab News ဆိုပြီး အကိုးအကားပေးထားတာတွေ့ရတယ်။

ဒါ့အပြင် မူရင်း အင်္ဂလိပ် သတင်းခေါင်းစဉ်မှာ “Hundreds attack Hindu homes, temples in Bangladesh” လို့ သာ ထည့်ထားပြီး MOI က ခေါင်းစဉ်ပေးထားသလို “အစ္စလာမ်ဘာသာဝင်များက ဟိန္ဒူဘုရားရှိခိုးကျောင်း …” ဆိုတာမျိုး တိုက်ရိုက်မရေးထားပါ။

ဒါနဲ့ မူရင်း အင်္ဂလိပ်နဲ့ ပြန်ကြားရေးက ဘာသာပြန်ကို တိုက်ကြည့်မိတယ်။ ( http://www.arabnews.com/node/1004751/world )အဲဒီမှာ ပြန်ကြားရေးရဲ့ ရည်ရွယ်ချက် ပေါ်လာတာပဲ။ မူရင်း သတင်းမှာ ထည့်သွင်းဖော်ပြထားခြင်းမရှိတဲ့ အောက်ဆုံးအပိုဒ် …

“၂ဝ၁၂ ခုနှစ်ကလည်း ပင်လယ်ကမ်းခြေမြို့ဖြစ်သော ကော့ဘဇားမြို့တွင် အစ္စလာမ်ဘာသာဝင်များ က ဗုဒ္ဓဘာသာ ဘုန်းတော်ကြီးကျောင်းများ၊ လူနေအိမ်များနှင့် ဈေးဆိုင်များကို မီးရှို့ဖျက်ဆီးခဲ့ကြသည်”

…. ကို ထည့်ထားတယ်။

ဒါဟာ သတင်းသိမှုကို ဖော်ပြချင်လို့ ဘက်ဂရောင်းထည့်တယ်လို့ ကျနော်တော့ မမြင်ပါဘူး။ ဒါတမင် သက်သက်ကို ရည်ရွယ်ချက်ရှိရှိနဲ့ ထည့်ပြီး လှုံဆော်ထားတာပါ။

ပုံနှစ်ပုံကို ယှဉ်တွဲဖော်ပြထားပါတယ်။

ဒါအပြင် ပြန်ကြားရေးက ဖျက်ဆီးတာကို ထည့်ပြီး ဘင်္ဂလားဒေရ်ှအစိုးရက အားလုံး အသစ် ပြန်ဆောက်ပေးတာကို ချန်ရစ်ခဲ့ပါသေးတယ်။

ဘင်္ဂလားဒေရ်ှအစိုးရ အသစ်ပြန်ဆောက်ပေးခဲ့သော ဘုန်းကြိးကျောင်း

ဘင်္ဂလားဒေ့ရှ် နိုင်ငံ ကော့စ်ဘဇား ခရိုင် ရာမူး ပန်းဝါ ဒေသမှာ ၂၀၁၂ ခုနှစ် စက်တင်ဘာလ ၂၉ ရက်နေ့ က မီးရှို ဖျက်ဆီး ခံရတဲ့ ဗုဒ္ဓ ဘာသာ ဘုန်းကြီး ကျောင်း ၁၉ ကျောင်း ကို တာကာငွေ ကုဋေ ၂၀ အကုန် အကျ ခံပြီး ၈ လ နဲ့ အပြီး တည်ဆောက် ပြီး နိုဝင်ဘာ ၂၀၁၄ မှာ ဝန်ကြီးချူပ် ရှိတ်ဟာဆီးနာ ကိုယ်တိုင် ဖွင့်လှစ် ပေးခဲ့တာပါ။

သတင်းမီဒီယာ ကျင့်ဝတ် အကုန်ပလုံ။ သတင်းခေါင်းစဉ်ကို ဒီလိုပြူးတူးပြူးတဲ တပ်လိုက်ရင် နလပိန်းတုန်း အများစုရှိတဲ့ မြန်မာဖေ့စ်ဘုတ် ယူဇာတွေ ဘယ်လိုတုံ့ပြန်မလဲ ဆိုတာ မသိလေရော့သလား။ မုန်းတီးရေးအခံ အများစုရှိတဲ့ လူတွေရဲ့ စိတ်ထဲမှာ ဘာအစိုင်အခဲတွေ ဆက်လက်ကြီးထွားလာမလဲ မသိဘူးလား။ ခေါင်းစဉ်ကို ခပ်ယဉ်ယဉ်တပ်ပြီး သတင်းစာ ကိုယ်ထဲရောက်မှာ ဖြစ်စဉ်ကို ထည့်ရေးလို့ရော မရဘူးလား။ အမှန်တော့ ပဋိပက္ခတွေ ပြသနာတွေ ငြိမ်စေချင်တယ်ဆိုရင် ဒီလိုသတင်းမျိုးတွေက ရှောင်သင့်တယ်။ မထည့်လည်း ဘာမှထူးပြီးဖြစ်လာမှာ မဟုတ်ဘူး။ ထည့်မှ ရိုက်ခတ်မှုဖြစ်မှာလေ။ နောက်ပြီးတော့ ပြည်ပ သတင်းလေ။ စဉ်းစားလေလေ၊ တမင်သက်သက် လုပ်တာပါလို့ အဖြေထွက်လေလေပဲ။ ဘာရည်ရွယ်ချက်နဲ့လဲ၊ ဘာသဘောလဲ။

သူရဲသူမိန်နဲ့ လုံခင်းမှာ အစ္စလာမ်ဘာသာဝင်တွေရဲ့ ဗလီဝတ်ကျောင်းတော်နဲ့ အဆောက်အအုံတစ်ချို့ကို ဖျက်ဆီးချိန်မှာတော့ “ဗုဒ္ဓဘာသာဝင်များက အစ္စလာမ်ဘာသာဝင်များ၏ ဗလီဝတ်ကျောင်းတော်နှင့် နေအိမ်များ တိုက်ခိုက်ဖျက်ဆီး” လို့ ခေါင်းစဉ်မတပ်ပါလားဗျ။ အဲဒီတုန်းက Conflict Journalism ကို နားလည်ပြီး အခုကျတော့ ထင်တိုင်းကျဲနေပါရော့လား။

မြန်မာ့နည်းမြန်မာ့ဟန် ဒီမိုကရေစီနဲ့ မြန်မာနည်းမြန်မာ့ဟန် မီဒီယာ ကျင့်ဝတ် ကျဆုံးပါစေ။ ဒေါ်အောင်ဆန်းစုကြည် ဦးဆောင်တဲ့ အရပ်သား အစိုးရ ဘယ်ကိုဦးတည်နေပြီလဲ။ တုန်လည်းတုန်လှုပ်မိသလို အံ့လည်း သြမိပါကြောင်း။

ပြန်ကြားရေး သတင်းထုတ်ပြန်မှုတွေဟာ ရည်ရွယ်ချက်ရှိရှိ လှုံဆော်တယ်လို့ ပြောချင်ပါတယ်။

ဆက်စပ် သတင်းနှင့် ဆောင်းပါးများဖတ်ရန်
———————————————–

ရာမူးပန်းဝါ ဘုန်းကြီးကျောင်းသစ် ပြန်တည်ဆောက်
http://www.m-mediagroup.com/news/17807
ငြိမ်းချမ်းရေး နိုဗယ်ဆုရှင် ဒေါက်တာယူနွစ် ဘုန်းကြီးကျောင်းများ ဖျက်ဆီးမှု့ကို ရှုံ့ချ
http://www.m-mediagroup.com/news/6170

နာတတ်ရင်တော့ ကိုယ်ချင်းစာတတ်သင့်ပြီ
http://www.m-mediagroup.com/news/6191

ဘင်္ဂလားဒေ့ရှ် ဝန်ကြီးချူပ် ဗုဒ္ဓဘာသာ ခေါင်းဆောင်တွေကို တွေ့ဆုံ
http://www.m-mediagroup.com/news/6225

ဘင်္ဂလားဒေ့ရ်ှအကြမ်းဖက်မှု တရားရုံးချုပ် ဖြေရှင်းချက် တောင်းဆို
http://www.m-mediagroup.com/news/6164

ဗုဒ္ဓဘာသာဝင်များ အပေါ် အကြမ်းဖက်မှု မြန်မာ အစ္စလာမ်များ ကန့်ကွက်
http://www.m-mediagroup.com/news/6222

ဗုဒ္ဓဘာသာဝင်များကို အကာအကွယ်ပေးမည်ဟု ဘင်္ဂလားဒေ့ရ်ှဝန်ကြီး ပြောကြား
http://www.m-mediagroup.com/news/6151

ပန်းဝါ အကြမ်းဖက်မှု မသင်္ကာသူများကို ဖမ်းဆီး
http://www.m-mediagroup.com/news/6123

ဘုန်းကြီးကျောင်းတွေကို တိုက်ခိုက်မှု၊ ဒါကားမှာ ဘာသာပေါင်းစုံ ကန့်ကွက်ဆန္ဒပြ
http://www.m-mediagroup.com/news/6115

November 2, 2016
ဒေါ်အောင်ဆန်းစုကြည်ထံ အွန်လိုင်းမှ တဆင့် စာပို့ပြီး ဘယ်လိုတိုင်ကြားမလဲ

နိုဝင်ဘာ ၁ ၊ ၂၀၁၆
M-Media
သီဟ

နိုင်ငံတော်၏အတိုင်ပင်ခံပုဂ္ဂိုလ်ရုံး ဝက်ဘ်ဆိုဒ်မှ တစ်ဆင့် နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ထံ သို့ ပြည်သူလူထုမှ တင်ပြစာပေးပို့၍ ဆက်သွယ်နိုင်ကြောင်းကို နိုင်ငံတော်၏အတိုင်ပင်ခံပုဂ္ဂိုလ်ရုံး မှ သတင်းထုတ်ပြန်ပါတယ်။

လုပ်ဆောင်ရမယ် အဆင့် များက တော့ အောက်ပါအတိုင်းပဲဖြစ်ပါတယ်။
နိုင်ငံတော်၏အတိုင်ပင်ခံပုဂ္ဂိုလ်ရုံးသို့ အွန်လိုင်းမှ တင်ပြစာ တင်ပြလိုလျှင် လုပ်ဆောင်ရန် အဆင့်များ (ဖုန်းဖြင့် SMS Verification လုပ်ရန် လိုအပ်ပါသည်)

ပေးပို့ရမည့် နည်းလမ်းများမှာ အောက်ပါအတိုင်းဖြစ်ပါသည်-

အဆင့် (၁) http://www.statecounsellor.gov.mm/ ကို ဖွင့်လိုက်ပါ။

(မိုဘိုင်းဖုန်းဖြင့် ဖြစ်စေ၊ အခြားကွန်ပျူတာဖြင့် ဖြစ်စေ ဖွင့်လှစ်ရန်)

အဆင့် (၂) နိုင်ငံတော်၏အတိုင်ပင်ခံပုဂ္ဂိုလ်ထံပေးစာ (စာအိတ်ပုံအမှတ်အသား) ကို နှိပ်လိုက်ပါ။

အဆင့် (၃) ပေးစာကဏ္ဍအတွက် ဖြည့်သွင်းရမည့် အချက်အလက်များ ဖြည့်သွင်းရန် Box ပေါ်လာပါမည်။

အမည်၊ အီးမေးလ်လိပ်စာ၊ တိုင်းဒေသကြီး/ပြည်နယ်၊ စာအမျိုးအစား၊ မှတ်ပုံတင်အမှတ်၊ လိပ်စာ၊ ဖုန်းနံပတ်၊ ခေါင်းစဉ်၊ အကြောင်းအရာ၊ စာတွဲ (တွဲရန်ရှိလျှင်) စသည့် အချက်အလက်များ ပြည့်စုံစွာ ဖြည့်စွက်ပါ။

(ဖုန်းနံပါတ် နေရာတွင် သင့်ဖုန်းထံသို့ SMS ပေးပို့မည်ဖြစ်ပါသဖြင့် သင် လက်ရှိအသုံးပြုနေသည့် မိုဘိုင်းဖုန်းကိုသာ ဖြည့်စွက်ရန်နှင့် MPT အသုံးပြုပါက ၀၉ မှစဖြည့်ရန် (+9509)နှင့် Ooredoo/ Telonor အသုံးပြုပါက ၉ မှ စဖြည့်ရန် (+959))

အချက်အလက်များ ပြည့်စုံစွာ ထည့်သွင်းမှ နောက်တစ်ဆင့် ဆက်သွားနိုင်မည်။ အထူးသဖြင့် မိုဘိုင်းဖုန်းနံပတ် မှန်ကန်စွာ ဖြည့်သွင်းရန် လိုအပ်ပါသည်။

ယင်းနေရာတွင် ဖြည့်သွင်းသော မိုဘိုင်းဖုန်းသို့ SMS Code ပေးပို့မည် ဖြစ်သောကြောင့် ဖြစ်ပါသည်။ နောက်တစ်ဆင့်တွင် အဆိုပါ ပေးပို့လာသော Code နံပါတ် ဖြည့်သွင်းရမည် ဖြစ်ပါသည်။

အဆင့် (၄) သင့်မိုဘိုင်းဖုန်းသို့ Verification Code နံပါတ်ပါသော SMS ၀င်လာမည်။

(မိုဘိုင်းဖုန်းနံပတ် မှားယွင်း ဖြည့်သွင်းထားပါက ပေးပို့သော SMS Code ရရှိ်မည် မဟုတ်ပါ)

အဆင့် (၅) သင့်မိုဘိုင်းဖုန်းတွင် ဝင်ရောက်လာသော ကုဒ်နံပါတ် ကို ဖြည့်စွက်၍ ပြန်လည်ပေးပို့ပါ။

အဆင့် (၆) လုပ်ဆောင်ချက်များ အားလုံး မှန်ကန်ပါက တင်ပြစာ ပေးပို့မှု အဆင့်များ ပြီးစီးသွားပါပြီ။ နိုင်ငံတော်၏အတိုင်ပင်ခံပုဂ္ဂိုလ်ရုံးက ဆက်လက်၍ ဆောင်ရွက်ပေးမည် ဖြစ်ပါသည်။

November 1, 2016
မောင်တောမှ ကျေးရွာများ မီးလောင် ပျက်ဆီးမှု ဓါတ်ပုံများ ဂြိုလ်တုမှ တွေ့နေရကြောင်း Human Rights Watch အဖွဲ့ပြော

အောက်တိုဘာ ၃၁၊ ၂၀၁၆
M-Media

– ရခိုင်ပြည်နယ် မောင်တောခရိုင်တွင် အနည်းဆုံး ကျေးရွာ ၃ ရွာခန့် မီးရှို့ ဖျက်ဆီးခံရသည့် အခြေအနေများကို ဂြိုဟ်တု ဓာတ်ပုံများမှ တွေ့ရှိခဲ့ရပြီး ထိုဒေသတွင် လုံခြုံရေးတပ်ဖွဲ့များ ဥပေဒချိုးဖောက်မှု၏ တစ်စိတ်တစ်ပိုင်း ဖြစ်နိုင်သည်ဟု နိုင်ငံတကာ လူ့အခွင့်အရေး စောင့်ကြည့်အဖွဲ့ HRW က ယနေ့တွင် ၎င်းတို့၏ ၀ဘ်ဆိုက်၌ လွှင့်တင်ပြောကြားလိုက်သည်။

” ဂြိုဟ်တု ဓာတ်ပုံတွေအရ ရခိုင်ပြည်နယ်မှာ ဖျက်ဆီးမှု ရှိနေတယ်ဆိုတာကို တွေ့ရပြီး၊ မြန်မာအစိုးရက လုပ်နိုင်စွမ်းရှိတယ်ဆိုတာကို မတွေ့ရသေးတဲ့ ဆောင်ရွက်မှုဖြစ်တဲ့ ဘက်မလိုက်ဘဲ လွတ်လပ်စွာ စုံစမ်းစစ်ဆေးမှု ပြုလုပ်ဖို့ ဒီဓာတ်ပုံတွေက တောင်းဆိုလိုက်တာလည်း ဖြစ်ပါတယ်။ ကျူးလွန်မှုကို ဘူးခံငြင်းနေတာ၊ အကူအညီပေးရေး အဖွဲ့တွေကို ပိတ်ဆို့ထားတာတွေကို မြန်မာအစိုးရက အဆုံးသတ်သင့်ပြီး အဲဒီဒေသကို နိုင်ငံတကာက ဆက်လက်စောင့်ကြည့်နေတာနဲ့ပတ်သက်ပြီး ဆင်ခြေဆင်လတ်တွေပေးနတာကိုလည်း ရပ်တန်းက ရပ်သင့်ပါပြီ” ဟု HRW ၏ အာရှဆိုင်ရာ လက်ထောက်ညွှန်ကြားရေးမှူး ဖီလ် ရောဘတ်ဆန်က ပြောကြားခဲ့သည်။

HRW က အောက်တိုဘာ ၂၂ ရက်နေ့မနက်ပိုင်းတွင် အရည်အသွေးမြင့် ဂြိုဟ်တုဓာတ်ပုံများကို ကြည့်ရှုသုံးသပ်မှုများအရ မောင်တော ခရိုင်ရှိ ကြက်ရိုးပြင်ကျေးရွာ၊ ပြောင်းပစ်ကျေးရွာနှင့် ၀ါးပိတ်ကျေးရွာများတွင် အဆောက်အဦးများ ဖျက်ဆီးခံရသည်ဟု ဆိုနိုင်သော ဧရိယာအများအပြားကို တွေ့ခဲ့ရကာ ထိုဓာတ်ပုံတွင် မြင်ရသည့် ပျက်ဆီးမှု လက္ခဏာမှာကျယ်ကျယ်ပြန့်ပြန့် မီးလောင်မှုကြောင့် ဖြစ်ပေါ်သည့် အနေအထားများနှင့် ကိုက်ညီနေသည်ဟုလည်း ဆိုသည်။

ထို့ပြင် အောက်တိုဘာ ၉ ရက်နှင့် ၁၄ ရက်နေ့များတွင် ၀ါးပိတ်နှင့် ကြက်ရိုးပြင် ရွာများ၌ မီးအကြီးအကျယ်လောင်ကျွမ်းမှုကို သဘာဝပတ်ဝန်းကျင်ဆိုင်ရာ ဂြိုဟ်တုအာရုံခံစနစ်မှ ဖမ်းယူထားသည့် အပူ မူမမှန်မှု အချက်အလက်များကိုလည်း HRW က သုံးသပ်ခဲ့သည်။

အဆိုပါရွာများရှိ မီးလောင်နေမှု၊ မီးလောင်ထားသည့် အနေအထားများမှာ အောက်တိုဘာ ၉ ရက်နေ့က မောင်တောခရိုင်တွင် မီးရှို့မှုဖြစ်ပွားခဲ့သည်ဟု ထိုဒေသရှိ မွတ်စလင်အုပ်စုများ၊ လူ့အခွင့်အရးအဖွဲ့များက ပြောကြားမှု၊ မျက်မြင်သက်သေများကို ကိုးကား၍ မီဒီယာများ၏ ဖော်ပြမှုများနှင့် ကိုက်ညီနေသည်ဟုလည်း HRW က ဖော်ပြထားသည်။

ဂြိုဟ်တုဓာတ်ပုံမှ ရှင်းရှင်းလင်းလင်း မမြင်နိုင်ခြင်း၊ သစ်ပစ်များ ထူထပ်စွာ ဖုံးအုပ်ထားခြင်းတို့ကြောင့် မီးလောင်မှုကြောင့် ပျက်ဆီးဆုံးရှုံးမှုများကို အတိအကျမသိရကြောင်း၊ မောင်တောတွင် ပျက်ဆီးဆုံးရှုံးမှုမှာ သတင်းထွက်ပေါ်လာသည်ထက် ပိုများကြောင်း၊ မိမိတို့အနေဖြင့် အသေးစိတ်သည့် ဂြိုဟ်တုဓာတ်ပုံများကို ရရှိပါက သုံးသပ်မှု ပြုလုပ်သွားမည်ဖြစ်ကြောင်း HRW က ထပ်လောင်း ဖော်ပြခဲ့သည်။

အောက်တိုဘာ ၉ ရက်နေ့က မောင်တောမြို့ရှိ နယ်ခြားစောင့်စခန်းများကို လူအုပ်စုက ၀င်ရောက်တိုက်ခိုက်ခဲ့ခြင်းကြောင့် ရဲတပ်ဖွဲ့ဝင် ၉ ဦး ကျဆုံးခဲ့သည်။ တိုက်ခိုက်မှု ဖြစ်ပွားပြီးနောက် ချက်ခြင်းဆိုသလိုပင် မြန်မာအစိုးရမှာ မောင်တောမြို့နယ်ကို စစ်ဆင်ရေးဇုန် အဖြစ် ကြေငြာခဲ့ပြီး ပျောက်ဆုံးသွားသော လက်နက်များနှင့် တိုက်ခိုက်ရေးသမားများကို ရှာဖွေခဲ့သည်။

အဆိုပါတိုက်ခိုက်မှု ဖြစ်ပွားခဲ့ပြီးနောက် ဒေသတွင်းရှိ မွတ်စလင်လူ့အဖွဲ့အစည်းအပေါ် အစိုးရတပ်များက တရားလက်လွတ် သတ်ဖြတ်ခြင်း၊ အဓမ္မပြုကျင့်ခြင်း၊ ညှင်းပမ်းနှိပ်စက်ခြင်း၊ တရားလက်လွတ်ဖမ်းဆီးခြင်းနှင့် နေအိမ်များ မီးရှို့ခြင်းအပါအ၀င် လူ့အခွင့်အရေးချိုးဖောက်မှု မြောက်များစွာ ပြုလုပ်ခဲ့သည်ဟု မီဒီယာများနှင့် လူ့အခွင့်အရေးအဖွဲ့များက ပြောကြားခဲ့ကြသည်။

မြန်မာစစ်တပ်မှာ တရားလက်လွတ်ဖမ်းဆီးခြင်း၊ ရိုက်နှက်ခြင်း၊ ညှင်းပမ်းနှိပ်စက်ခြင်း၊ လိင်ပိုင်းဆိုင်ရာ စော်ကားခြင်း၊ အဓမ္မပြုကျင့်ခြင်း၊ တရားလက်လွတ်သတ်ဖြတ်ခြင်း၊ ပေါ်တာဆွဲခြင်းတို့အပါအ၀င် ကျူးလွန်မှုများကို လုပ်ဆောင်သည့် ရှည်လျားသော သမိုင်းကြောင်းလည်း ရှိခဲ့သည်။ စစ်ဆင်ရေးအတွင်း အရပ်သားများအပေါ် ဆိုးရွားသည့် ရာဇ၀တ်မှုများ ကျူးလွန်ခဲ့သော တပ်မှူးများ၊ စစ်သားများမှာလည်း အရေးယူခံရမှုမှ လွတ်မြောက်နေသည်။

HRW ကမူ အောက်တိုဘာ ၉ ရက်နေ့က နယ်ခြားစောင့်စခန်းများကို တိုက်ခိုက်မှုများ၊ တိုက်ခိုက်မှုအပြီး ထိုဒေသရှိ မွတ်စလင်လူ့အဖွဲ့အစည်းအပေါ် အစိုးရလုံခြုံရေးတပ်ဖွဲ့များက ကျူလွန်မှုများအတွက် ကုလသမဂ္ဂက ထောက်ပံ့ကူညီသည့် စုံစမ်းစစ်ဆေးမှုလိုအပ်ကြောင်း ပြောကြားခဲ့ပြီး အကူအညီများပေးရေး အဖွဲ့များကိုလည်း ၀င်ခွင့်ပေးရန် တောင်းဆိုခဲ့သည်။

“ရွာတွေ ဖျက်ဆီးခံရတယ်ဆိုတဲ့ ဂြိုဟ်တု ဓာတ်ပုံတွေက သတင်းထွက်ခဲ့တဲ့ ဆိုးရွားတဲ့ ကျူးလွန်မှုတွေရဲ့ အစအနလောက် သာ ဖြစ်နိုင်ပါတယ်။ မြန်အစိုးရအနေနဲ့ အောက်တိုဘာ ၉ ရက်နေ့က နိုင်ငံတော်တာဝန်ရှိသူတွေအပေါ် တိုက်ခိုက်မှုကို ကျူးလွန်သူတွေ၊ အဲဒီတိုက်ခိုက်ရေးသမားတွေကို ရှာဖွေရာမှာ အစိုးရလုံခြုံရေးတပ်ဖွဲ့တွေ ပြုလုပ်ခဲ့တဲ့၊ ပြုလုပ်နေဆဲဖြစ်တဲ့ ဆိုးရွားတဲ့ ကျူးလွန်မှု နောက်ကွယ်က လက်သည်ကို ဖော်ထုတ်အရေးယူဖို့ တာဝန်ရှိပါတယ်” ဟု ရောဘတ်ဆန်က ထည့်သွင်းပြောကြားခဲ့သည်။

ကုလ၏ အကူအညီပေးရေးအေဂျင်စီများ၊ နိုင်ငံခြား သံတမန်များမှာ အဆိုပါဒေသသို့ အောက်တိုဘာ ၃၁ ရက်နေ့တွင် အစိုးရ၏ အစောင့်အရှောင့်ဖြင့် သွားရောက်ရန်ရှိနေပြီး အောက်တိုဘာ ၉ ရက်နေ့နောက်ပိုင်း နိုင်ငံတကာ အကူအညီပေးရေး အေဂျင်ဆီများကို ပထမဆုံးအကြိမ်အဖြစ် ထိုဒေသသို့ ၀င်ရောက်ခွင့်ပေးခြင်းဖြစ်သည်။ သို့သော်လည်း ထိခိုက်ခံစားခဲ့ရသည့်ရွာများကို အပြည့်အ၀ ၀င်ရောက်ခွင့်ရမလားဆိုသည်ကို ရှင်းလင်းလင်း မသိရသေးဟုလည်း HRW က ထည့်သွင်းဖော်ပြခဲ့သည်။

Ref: HRW.org

October 31, 2016