Author: M-Media

နိုဝင်ဘာ-၁၀ ၂၀၁၁

M-Media

အမျိုးသားနေ့သည် ပထမအကြိမ်မြောက် ကျောင်းသားသပိတ်ကြီး ၁၉၂၀ ခုနှစ်မှ ပေါက်ဖွားလာသော လွတ်လပ်ရေး ကြိုးပမ်းချက်တစ်ရပ် ဖြစ်သည်။ ဗြိတိသျအစိုးရသည် ၁၉၂၀ ခုနှစ် ဒီဇင်ဘာလ ၁ ရက်နေ့တွင် ရန်ကုန်တက္ကသိုလ် ဥပဒေသစ်တစ်ရပ်ကို အတည်ပြုကြောင်း ထုတ်ပြန်ကြေညာခဲ့သည်။ ယခင်က ရန်ကုန်တက္ကသိုလ်သည် အိန္ဒိယ လက်အောက်ခံ ကလကတ္တားတက္ကသိုလ် ဖြစ်ခဲ့သည်။ ဥပဒေသစ်သည် မြန်မာပြည်၌ သီးသန့်တက္ကသိုလ် တစ်ခုဖွင့်လှစ်ရန် ရည်ရွယ်ချက်နှင့် မြန်မာလူမျိုးများတက္ကသိုလ်ပညာရပ်ကို မသင်ယူနိုင်ရန် ဟန့်တားသော ဥပဒေဖြစ်သည်။

ထိုဥပဒေသစ်ကို ပြုပြင်ရန် ဂျီ -စီ-ဘီ-အေ ခေါ် မြန်မာပြည်လုံးကျွတ်အသင်းကြီးက တောင်းဆိုမေတ္တာရပ်ခံခဲ့သော်လည်း လက် ထောက်ဘုရင်ခံ ဆားရယ်ဂျီနယ်ကရက်ဒေါက်က လက်မခံဘဲ လျစ်လျူရှုခဲ့ပြီး ၁၉၂၀ ပြည့်နှစ် ဒီဇင်ဘာလ ၁ ရက်နေ့တွင် အတည်ပြုခဲ့သည်။ ထို့ကြောင့် ၁၉၂၀ ပြည့်နှစ် ဒီဇင်ဘာ လ ၂ ရက်နေ့တွင် တက္ကသိုလ် ကျောင်းသားခေါင်းဆောင်ကြီး ၁၁ ဦးတို့သည် ရွှေတိဂုံစေတီတော်ရင်ပြင် စနေထောင့်တွင် ဗြိတိသျှ အစိုးရ၏ ကျွန်သက်ရှည်ရေးပညာရေးဥပဒေ သစ်ကိုတိုက်ဖျက်ရန် ဆွေးနွေးခဲ့ကြသည်။ မြန်မာသက္ကရာဇ် ၁၂၈၂ ခုနှစ် တန်ဆောင်မုန်းလဆုတ် ၈ ရက် သောကြာနေ့(ခရစ်နှစ် ၁၉၂၀ ဒီဇင် ဘာလ ၃ ရက်) နေ့တွင် ရန်ကုန် ကောလိပ်ကျောင်းသားကြီး ၁၁ ဦး တို့သည် ရန်ကုန်ယူနီဘာစီတီအက် ဥပဒေကို သပိတ်မှောက်ရန် ရွှေတိဂုံစေတီတော်ကြီး၏ ရင်ပြင်တော် စနေထောင့်တွင် သစ္စာအဓိဋ္ဌာန်ပြုခဲ့ကြသည်။

ပထမအကြိမ် ၁၉၂၀ ပြည့်နှစ် ရန်ကုန်တက္ကသိုလ် ကျောင်းသားသပိတ်ကြီး၏ ကျောင်းသားခေါင်းဆောင်ကြီး ၁၁ ဦး၏ အမည်စာရင်းကို ခရစ်နှစ် ၁၉၇၀ ပြည့်နှစ် (မြန်မာနှစ် ၁၃၃၂ ခုနှစ် တန်ဆောင်မုန်းလဆုတ် ၁၀ ရက်) နိုဝင်ဘာလ ၂၃ ရက် တနင်္လာနေ့တွင်ကျရောက်သော နှစ် ၅၀ ပြည့် ရွှေရတုအမျိုးသားနေ့တွင် ရွှေတိဂုံစေတီတော်၏ရင်ပြင်တော် စနေထောင့်၌ ကျောက်စာတိုင်စိုက်ထူ၍ ကမ္ပည်းရေးထိုး သမိုင်းမှတ်တမ်းတင်ခဲ့သည်။

‘ဤနေရာကားမြန်မာသက္ကရာဇ် ၁၂၈၂ ခုနှစ် တန်ဆောင်မုန်းလပြည့် ကျော် ၈ ရက်နေ့က ရန်ကုန်ကော လိပ်ကျောင်းသားကြီး ၁၁ ဦးတို့ တွေ့ဆုံ၍ ရန်ကုန်ယူနီဘာစီတီအက် ဥပဒေကို သပိတ်မှောက်ရန် သစ္စာ အဓိဋ္ဌာန် ပြုသောနေရာပေတည်း။” ကျောင်းသားကြီး ၁၁ ဦး၏အမည် များမှာအောက်ပါအတိုင်းဖြစ်ပါသည်။

၁။ ဘခင်

၂။ ဘိုးကွန်း

၃။ ဘဦး

၎။ အောင်ဒင်

၅။ ထွန်းဝင်း

၆။ ဖေသိန်း

၇။ ဘရှင် (သံတွဲ)

၈။ ဘရှင် (ထားဝယ်)

၉။ ကေ-ညီပိတ်

၁၀။ လှတင်

၁၁။ မောင်ဧ

အထက်ဖော်ပြပါ ဆောင်းပါးအပိုင်းမှာ Eleven ဂျာနယ်မှ ကောက်နှုတ်တင်ပြခြင်းဖြစ်ပါသည်။ ဆောင်းပါး အပြည့်အစုံကိုLink ကိုနှိပ်ပြီးဖတ်ရှုနိုင်ပါသည်။

———————————————————————————————

ကိုဘရှင် (သံတွဲမှာ ) အစ္စလာမ်ဘာသာဝင် မွတ်စလင်မ်ဖြစ်၏။

တက္ကသိုလ်သပိတ်ခေါင်းဆောင်များတွင် အစ္စလာမ်ဘာသာဝင်တစ်ဦး ပါဝင်သကဲ့သို့ ယင်းကို အားပေးထောက်ခံသည့်အဖွဲ့အစည်းများတွင်လည်း ကာလိဖတ်ကော်မတီ( KHILAFAT COMMITTEE) နှင့် မွတ်စလင်မ်အဖွဲ့ (Muslim League) ဟူသည့် မွတ်စလင်မ် အဖွဲ့အစည်းများလည်း ရှေ့တန်းမှ ပါဝင်ခဲ့သည်ကို အမျိုးသားနေ့နှင့် အမျိုးသားပညာရေးလှုပ်ရှားမှု သမိုင်း အကျဉ်းချူပ်စာအုပ်တွင် ဤသို့ တွေ့ရပါသည်။

အားပေးသူများ

ယင်းသို့ ဆုံးဖြတ်သည့် အတိုင်း မြန်မာနိုင်ငံ ကာလိဖတ်ကော်မတီ၊ မွတ်စလင်လိအစရှိသော အိန္ဒိယအမျိုးသားအသင်းများအဖွဲ့နှင့် တစ်ဦးချင်း ပုဂ္ဂိုလ်များသည် သပိတ်စခန်းသို့ လာရောက်အကူအညီပေးကြသည်။ (ညွှန်းပြီး စာ-၂၄၈)

ထူးခြားချက်မှာ အမျိုးသားကျောင်းများ ထူထောင်ကြဟု လှုံဆော်ခဲ့သည်မှာလည်း မွတ်စလင်တို့ပင်ဖြစ်သည်။ အိန္ဒိယလူမျိုးခေါင်းဆောင်တစ်ဦးဖြစ်သော မစ္စတာ အဘစ်ထရပ်ဂျီ (အဗ္ဗားဆ်သွဗ်ဂျီ) ကလည်း သပိတ်စခန်းသို့ လာရောက်၍ကျောင်းသားများ ၊ အချိန်အလဟဿမဖြစ်စေရန် အမျိုးသားကျောင်းများ စတင်တည်ထောင်ရေးကို တိုက်တွန်းသည်။

ယူနီဗာစီတီ သပိတ်မှောက် အတ္တုပတ္တိ ဦးဖိုးကွန်း၊ စာ -၉၁ တိုးတက်ရေးမဂ္ဂဇင်း၊ ၁၉၅၃ နိုဝင်ဘာလ(၁) နံပါတ် ၂၆)

တက္ကသိုလ်ပညာရှိပါက ရာထူးကြိးကြီး ရနိုင်သည့် ခေတ်ကြီးတွင် အမျိုးသားရေး ဇာတိမာန်ဖြင့် ရေသာခိုအချောင်မလိုက်ဘဲ မိမိတက်လမ်းကို အနစ်နာခံကာ ကျောင်းထွက်ခဲ့ကြသည့် ကျောင်းသား အများအပြားတွင် မွတ်စလမ်ကျောင်းသားလည်း ပါဝင်ခဲ့သည်။

သပိတ်မှောက်ကောင်စီ ကျောင်းသား အစည်းဝေး(၁၉၂၀ ဒီဇင်ဘာ ၂၀) ဆုံးဖြတ်ချက်အရ အာဏာပိုင်တို့၏ အပြုအမူများကို မကျေနပ်ကြောင်း ဆန္ဒပြသည့် အနေဖြင့် ထိုနေ့ပင် ကျောင်းမှ နုတ်ထွက်ကြသည့် ကျောင်းသူ/သား စုစုပေါင်း (၅၀၄) ယောက်တွင် မွတ်စလင်မ် ကျောင်းသား/သူ အများအပြားပါရှိခဲ့သည်ကို အမည်နာမ နှင့် တကွ တွေ့ရသည်။ (ညွှန်းပြီး စာ -၃၀၄-၃၀၉)

နယ်ချဲ့တို့ ကြိုးကိုင်ထားသည့် ပညာရေးကား အမျိုးသား တက်လမ်းကို ပိတ်ပင်ရာသာ ကျသည်။ ဤအတွက် တိုင်းရင်းသား ယူနီဗာစတီ ပေါ်ပေါက်လာရေးကို ကြိုးပမ်းချက်ထားခဲ့ကြသည်။ “ အစ္စလာမ်ဘာသာဝင် SAS ထရပ်ဂျီမှာ မြန်မာတိုင်းရင်းသား ယူနီဗာစတီ သိပ္ပံ ကျောင်းတော်ကြီး ပေါ်ပေါက်ရေးမှာ အမျိုးသားကောင်စီ ဖွဲ့စည်းရာမှာ ပါဝင်ခဲ့သည်။”

နယ်ချဲ့တို့၏ ဘုန်းတော်ဘွဲ့ အမျိုးသား သီချင်းကို မဆိုရန် ကန့်ကွက်ခဲ့တာလည်း မွတ်စ်လင်မ်ပါ။

၁၉၂၀ ပြည့်နှစ် တက္ကသိုလ် အထွေထွေ သပိတ်အပြီး ပထမဆုံးအစည်းအဝေးတွင် ဦးထွန်းစိန်က God Save the King နယ်ချဲ့ အမျိုးသား သီချင်းကို တက္ကသိုလ် သမဂ္ဂအဆောက်အအုံတွင် မဆိုကြရန် စိတ်လက်မာန်ပါ အဆိုတင်သွင်းကန့်ကွက်ခဲ့သည်။ ဤအဆိုကြောင့် သခင်ဘသောင်းနှင့် MA ရရှိဒ်တို့က လက်ဆွဲနှုတ်ဆက်ခဲ့ရသည်။

ဤ ကိစ္စနှင့် ပတ်သက်ပြီး သင်္ချာဌာနမှ မစ္စတာ ဒီဂျေစလော့က သူအားအလုပ်ထွက်စာတင်ရန် ခြိမ်းခြောက်ခဲ့ရာ သူက မမှု့ခဲ့ပေ။ “ မိမိတွင် အလုပ်နှင့် ပတ်သက်သည့် ပြစ်ချက်မရှိ ၍ သူ့ဘက်မှ စပြီး အလုပ်မထွက်နိုင်၊ အမျိုးသားရေး အမြင်ဖြင့် ဆောင်ရွက်ချက်သာ ဖြစ်ကြောင်း” မျက်နှာဖြူ အရာရှိသို့ ရဲဝင့် စွာ ချေပပြောဆိုခဲ့သည်။ ကိုထွန်းစိန်မှာ ရန်ကုန်တက္ကသိုလ် သမဂ္ဂ၏ ပထမဆုံးဥက္ကဌအဖြစ် ရွေးချယ်တင်မြှောက်ခြင်းခံခဲ့ရသည်။

စာရေးဆရာ ဝါးခယ်မ မောင်မင်းနိုင် ပြုစုတဲ့ မြန်မာနိုင်ငံနှင့် အစ္စလာမ်သာသနာ စာအုပ် စာမျက်နှာ(၁၉-၂၀)မှ ကောက်နှုတ်ဖော်ပြခြင်းဖြစ်ပါသည်။

• မြန်မာနိုင်ငံနှင့် အစ္စလာမ်သာသနာ စာအုပ် Download ယူရန်။ Click Here