နိုဝင်ဘာ ၂ ၊ ၂၀၁၄
M-Media
– ယူရို ၂၀၁၈ ခြေစစ်ပွဲအဖြစ် ကစားခဲ့သည့် ရိုမေးနီးယားနှင့် ဟန်ဂေရီတို့၏ Group F ပွဲစဉ်တွင် ပွဲကြည့်စဉ်နှင့် ကွင်းအတွင်း ဖြစ်ပွားခဲ့သော ပြဿနာများအတွက် ဥရောပဘောလုံးအဖွဲ့ချုပ် ယူအီးအက်ဖ်အေက နှစ်သင်းစလုံးအား ပြစ်ဒဏ်ချမှတ်ခဲ့သည်ဟု သိရသည်။
ရိုးမေးနီးယားနိုင်ငံ ဘူခါရက်စ်မြို့၌ အောက်တိုဘာ ၁၁ ရက်နေ့က ကစားခဲ့ပြီး ၁ ဂိုးစီ သရေကျခဲ့သည့် အဆိုပါပွဲတွင် ပွဲကြည့်စဉ်ရှိ နှစ်ဖက်ပရိတ်သတ်များမှာ မီးရှူးမီးပန်းများ ပစ်ဖောက်ခဲ့ပြီး၊ ဟန်ဂေရီ၏ ပထမဂိုးကို ဒိုင်လူကြီးက ငြင်းဆန်ခဲ့ပြီးနောက် ဟန်ဂေရီ ပရိတ်သတ်များက ထိုင်ခုံများအား မီးရှို့ခဲ့သည်။ ထို့ပြင် ဟန်ဂေရီ ပရိတ်သတ်များမှာ လူမျိုးရေး ခွဲခြားမှုများ ပြုလုပ်ခဲ့သည်။
ထို့ကြောင့် ယူအီးအက်ဖ်အေ စည်းကမ်းထိန်းသိမ်းရေးအဖွဲ့က စုံစမ်းစစ်ဆေးမှုများ ပြုလုပ်ပြီးနောက် အိမ်ရှင်ရိုမေးနီးယားအသင်းအား မီးပန်းများ၊ ရှူးဒိုင်းများ ပစ်ဖောက်မှု၊ လေဆာပွိုင်တာများ အသုံးပြုမှု၊ ပရိတ်သတ်အား နှောက်ယှက်မှုတို့ဖြင် ဒဏ်ငွေ ယူရို ၃၂၀၀၀ ပေးဆောင်ရန်လည်းကောင်း၊ ဟန်ဂေရီအသင်းကိုမူ လူမျိုးရေးခွဲခြားသည့် အပြုအမူများ၊ မီးပန်းနှင့်ရှူးဒိုင်းများ ပစ်ဖောက်မှု၊ ပရိတ်သတ်အား နှောက်ယှက်မှုတို့ဖြင့် ဒဏ်ငွေ ယူရို ၃၀၀၀၀ ပေးဆောင်ရန်လည်းကောင်း အသီးသီး ပြစ်ဒဏ်များ ချမှတ်ခဲ့သည်။
ထို့ပြင် နှစ်သင်းစလုံး လာမည့် အိမ်ကွင်းပွဲစဉ်တွင် ကွင်းပိတ်ကစားရန်လည်း သတ်မှတ်ခဲ့ကာ ဘူခါရက် ဘောလုံးကွင်းတွင် ပျက်ဆီးသွားခဲ့သည့် ထိုင်ခုံ ၂၅၀၀ အတွက် တန်ဖိုးများကို ဟန်ဂေရီ ဘောလုံးအဖွဲ့ချုပ်က ရက် ၃၀ အတွင်း ပေးလျာ်ရန်အတွက်လည်း ယူအီးအက်ဖ်အေက ကြေညာချက်တွင် ဖော်ပြခဲ့သည်။ နှစ်သင်းစလုံးမှာ အဆိုပါ ပြစ်ဒဏ်များအတွက် အယူခံဝင်ခွင့်ရှိမည်ဖြစ်သည်။
