မေ ၂၅၊ ၂၀၁၄
M-Media
Credit to -အောင်သန်းလွင် (UCSY)
Chemistry (ဓာတုဗေဒ) ဆိုတဲ့ ဝေါဟာရ စကားလုံးဟာ အာရဗီ စကားလုံး အယ်လ်ကင်မ်ယာ(Al-Kimya) ကနေဆင်းသက်လာတာဖြစ်ပါတယ်။ ကြိမ်ဖန်တလဲလဲ စမ်းသပ်စစ်ဆေးခြင်းဆိုတဲ့ နည်းပညာရပ်ကို ထည့်သွင်းပြီး ဒီဘာသာရပ်ကို အဆင့်မြင့် တိုးတက်မြင့်မားအောင် အာရဗ် မွတ်စလင်တွေက ပြုလုပ်ခဲ့တာပါ။
(၁၈) ရာစု မတိုင်ခင် အဲ့ဒီလိုနည်းပညာရပ်တွေဟာ ဥရောပမှာ ကျယ်ပြန့်ထွန်းကားခြင်း မရှိသေးပါ။ ပလပ်စတစ်၊ ရေယွန်(ပိုးထည်ပြုလုပ်ရာတွင်သုံးသည့် ဓာတုပစ္စည်း တစ်မျိုး(သို့) နာနတ်လျှော်)၊ လူလုပ်ရာဘာ၊ ရေနံ တို့အပြင် အင်ဆူလင် ၊ ပင်နယ်စလင် စတဲ့ ဆေးဝါးတွေဟာလည်း အစောပိုင်း မွတ်စလင်တွေဆီက အစပြုခဲ့တာဖြစ်ပါတယ်။
ဂျဗာရ် အိဗ်နေ့ ဟိုင်ယာန် သို့ ဂျီဗာ (Geber)
ဂျဗာရ်ကို ဓာတုဗေဒရဲ့ ဖခင်လို့ လူသိများကြပါတယ်။ သူဟာ အယ်လ်ခမီ (Alchemy) ဆိုတဲ့ ဘာသာရပ်ကို စနစ်ကျတဲ့ စမ်းသပ်စစ်ဆေးမှုတွေနဲ့ ပေါင်းစပ်ပြီး စစ်မှန်တဲ့ သိပ္ပံပညာရပ်ဖြစ်လာအောင် အမြောက်အမြားလုပ်ဆောင်ခဲ့တဲ့သူဖြစ်ပါတယ်။ ဓာတုဗေဒ ဓာတ်ခွဲခန်းသုံး ကိရိယာပစ္စည်းပေါင်းအမျိုး ( ၂ဝ ) ကျော်ကို တီထွင်ခဲ့သူလည်းဖြစ်ပါတယ်။
အဲ့ဒီထဲမှာ ပေါင်းချောင်(Alembic)၊ ဖန်အိုးလက်ရှည် (Retort) တို့ ပါဝင်ပါတယ်။ ဒါ့အပြင် ဟိုက်ဒရိုကလိုရစ်၊ နိုက်ထရစ် အက်ဆစ် စတဲ့ ဓာတုဗေဒ ဒြပ်စပ်တွေကိုလည်း ရှာဖွေတွေ့ရှိခဲ့သူဖြစ်ပါတယ်။ နောက် သူဟာ ဓာတုဗေဒ လုပ်ငန်းစဉ်တွေဖြစ်တဲ့ သန့်စင်ခြင်း (Purification)၊ အခဲခံခြင်း (Crystallization) ၊ စစ်ထုတ်ခြင်း (Filtration) အပါအဝင် လုပ်ငန်းစဉ် အမျိုးအစားပေါင်း ( ၉ ) မျိုးကျော်ကို ပုံစံချပေးပြီး ပိုမိုပြည့်စုံအောင် လုပ်ခဲ့ပါတယ်။
မိုဟမ္မဒ် အိဗ်နေ့ ဇကရီယာ အယ်လ် ရာဇီ
မိုဟမ္မဒ် ရာဇီဟာ ယနေ့ထိတိုင် အသုံးပြုနေဆဲဖြစ်တဲ့ ဓာတုဗေဒ ကိရိယာ တန်ဆာပလာပေါင်းများစွာကို တီထွင်ခဲ့သူဖြစ်ပါတယ်။ သူ့ကိုပိုမိုပြီး လူသိများရခြင်းကတော့ ပေါင်းခံခြင်း (Distallation) ၊ ခွဲထုတ်ခြင်း (Extraction) နဲ့ဆိုင်တဲ့ ဓာတု လုပ်ငန်းစဉ်တွေကို ပိုကောင်းမွန်ပြည့်စုံအောင်လုပ်ခဲ့တာကြောင့်ပါပဲ။
သူ့ရဲ့လုပ်ဆောင်မှုအကျိုးဆက်အားဖြင့် ဆာလဖြူရစ် အက်ဆစ် (Sulphuric Acid) ကို ရှာဖွေတွေ့ရှိစေခဲ့ပါတယ်။ ရေနံဆီ (Kerosene) နဲ့ ရေနံ (Petroleum) တွေကို ပထမဆုံး ပေါင်းခံခြင်းပြုလုပ်ခဲ့တဲ့သူလည်းဖြစ်ပါတယ်။
ဒီရှာဖွေတွေ့ရှိမှုတွေဟာ တခြား အစ္စလာမ့် ဓာတုဗေဒပညာရှင်တွေကို လမ်းခင်းပေးခဲ့သလိုလည်းဖြစ်ခဲ့ပါတယ်။ ဂျဗာရ်ရဲ့ များစွာသော ဓာတ်သတ္ထု အက်ဆစ် တွေရှာဖွေတွေ့ရှိမှုကလည်း ဤနည်းနှင့်ပဲ ဖြစ်ပါတယ်။
အယ်လ် ကင်ဒီ
အီသနောကို လုံးဝသန့်စင်တဲ့ ဓာတ်ပေါင်းအဖြစ် ခွဲထုတ်ခြင်း လုပ်ငန်းစဉ်ကို ပထမဆုံး အောင်မြင်အောင် လုပ်ဆောင်နိုင်ခဲ့တာဟာ အယ်လ် ကင်ဒီ ပဲ ဖြစ်ပါတယ်။ သူဟာ အမွှေးအကြိုင် (ရေမွှေး)၊ ရနံ့နဲ့ ပတ်သတ်တဲ့ ထုတ်ကုန်ပစ္စည်းပေါင်းများစွာကို တီထွင်ခဲ့သူလည်းဖြစ်ပါတယ်။
သူ့ကို ယနေ့ အမွှေးအကြိုင် လုပ်ငန်းတွေရဲ့ ဖခင်အဖြစ် သတ်မှတ်ကြပါတယ်။ သူဟာ ရနံ့နဲ့ ဆိုင်တဲ့ ထုတ်ကုန်တွေ အတွက် ကျယ်ပြန့်တဲ့ သုတေသနလုပ်ငန်းတွေ၊ အမျိုးမျိုးသော အပင်တွေနဲ့ အခြားပစ္စည်းတွေ ပေါင်းစပ်တဲ့ စပ်းသပ်မှုတွေ မြောက်များစွာ လုပ်ဆောင်ခဲ့ပါတယ်။
(1001 Inventions : Muslim Heritage in Our World)
“ကျွန်ုပ်တို့ကမ္ဘာရှိ မွတ်စလင်များကပေးခဲ့သော အမွေအနှစ်များ” စာအုပ်မှ အကျဉ်းထုတ်နှုတ်ချက်
ကမ္ဘာကို တိုးတက်ပြောင်းလဲစေခဲ့သည့် မွတ်စလင်တို့၏ ဆန်းသစ် တီထွင်မှုများ – ၁ (စာသင်ကျောင်းများ) ဖတ်ရန်
http://www.m-mediagroup.com/news/27979
(အစ္စလာမ့် တီထွင်ဆန်းသစ်မှုများကို ဖော်ပြရခြင်းအကြောင်း)
ယနေ့ကာလမှာ ကမ္ဘာ့လူသားထုတိုးတက်ရေးအတွက် အစ္စလာမ်ကမ္ဘာကပြုလုပ်ခဲ့တဲ့ အရေးပါအရာ ရောက်လှတဲ့ ဖြည့်စွက်ချက်တွေကို အသိ နည်းနေကြပါသေးတယ်။ နှစ်ပေါင်း ( ၅ဝဝ ) ကျော်မျှ အစ္စလာမ်က သိပ္ပံပညာရပ်တွေမှာ ကမ္ဘာကို ဦးဆောင်ခဲ့ရုံမျှမက စည်းစနစ်ကျတဲ့ အသိပညာရှာဖွေမှုတွေမှာ တက်တက်ကြွကြွ ရှိနေခဲ့ကြတဲ့ တစ်ခုတည်းသော လူသားမျိုးနွယ် အစိတ်အပိုင်းဖြစ်ခဲ့ပါတယ်။
( ၈ ) ရာစုအလယ်က စလို့ သိပ္ပံနဲ့ ပညာရေးဟာ ဘဂ္ဂဒက်မြို့တော်ကိုအခြေပြုတဲ့ တန်ခိုးကြီး အစ္စလာမ့် အင်ပါယာအောက်မှာ မွတ်စလင်တွေရဲ့ လွှမ်းမိုးမှုအဖြစ်နဲ့ အကြီးအကျယ်ထွန်းကားနေခဲ့ပါတယ်။ ဒီတိုးတက်မှုအနေအထားဟာ နောင် နှစ်ပေါင်း (၅ဝဝ) ကြာပြီးတဲ့အခါ မွတ်စလင်တွေ နိုင်ငံရေးအရ ကျဆင်းလာတဲ့ အချိန်ကိုကျော်လွန်ပြီးတဲ့တိုင်အောင် ရှိနေခဲ့ပါတယ်။
အစ္စလာမ့် တီထွင်ဆန်းသစ်မှုများ အဖြစ်နဲ့ ဖော်ပြသွားမယ့် ဆောင်းပါးတွေဟာ အစ္စလာမ့် ရွှေခေတ်လို့ခေါ်တဲ့ ကာလတွေမှာ မွတ်စလင်တွေဟာ အသိပညာရှာဖွေရာမှာနဲ့ အရေးပါအရာရောက်လှတဲ့ လူ့သမိုင်းတိုးတက်ရေးတွေမှာ ဘယ်လောက်တောင် ထူးချွန်ပြောင်မြောက်စွာဖြည့်စွက်ခဲ့ကြသလဲ ဆိုတာကို ဖော်ပြသွားဖို့ရည်ရွယ်ပါတယ်။
အောင်သန်းလွင် (UCSY)
