ဧပြီ ၂၁၊ ၂၀၁၄
M-Media
တနင်္ဂနွေနေ့က ကမ္ဘာတစ်ဝှမ်း ခရစ်ယာန်ဘာသာဝင်တို့သည် အီစတာပွဲတော်ကို ဆင်နွဲကြသော်လည်း နိုင်ငံရေးအရသော်လည်းကောင်း၊ အကြမ်းဖက်မည်ကို စိုး၍သော်လည်းကောင်း စိုးတထင့်ထင့် ဖြစ်ခဲ့ကြသည်။
ဓါတ်ပုံ အညွန်း- ဂျေရုစလင်တွင် အော်သိုဒေါစ့် ခရစ်ယာန်များ အီစတာပွဲတော် ဆင်နွဲနေကြစဉ်
အသင်းတော်၏ အကြီးအကဲဖြစ်လာပြီး ဒုတိယအကြိမ်မြောက် သ၀ဏ်စကားတွင် ပုပ်ရဟန်းမင်းကြီး ဖရန်စစ်သည် အီရတ်၊ အစ္စရေး၊ ဗဟိုအာဖရိက၊ နိုက်ဂျီးရီးယား၊ တောင်ပိုင်း ဆူဒန်၊ ဗင်နီဇွဲလားနှင့် ယူကရိန်းရှိ ပဋိပက္ခများ အဆုံးသတ်စေကြောင်း ဆုမွန်တောင်းခဲ့၏။
ပုပ်ရဟန်းမင်းသည် စိန့်ပီတာဝတ်ကျောင်း၏ ဗဟိုစင်မြင့်ထက်မှ အောက်ပါကဲ့သို့ မိန့်ခွန်းခြွေခဲ့ပါသည်။
“ ဆီးရီးယားအတွက် ဆုတောင်းပေးတဲ့အလား သဏ္ဍာန်အတိုင်း ပဋိပက္ခဒဏ်ခံရသော သူအပေါင်း လူသားချင်းစာနာထောက်ထားမှု အကူအညီတွေ ရနိုင်ပါစေကြောင်း၊ မည်သည့်ဖက်မှ အင်အားသုံးဖြေရှင်းမှု ထပ်မံ မဖြစ်ပါစေကြောင်း၊ အထူးသဖြင့် ကာကွယ်နိုင်စွမ်း မရှိတဲ့ အရပ်သားတွေအပေါ် ဆိုးကျိုး မသက်ရောက်ပါစေကြောင်း၊ ၎င်းအစား ကာလကြာမြင့်စွာ စောင့်စားနေကြသော – စိတ်တိုင်းမကျခဲ့သော ငြိမ်းချမ်းရေးကို ထင်ရှားကြီးကျယ်စွာ ရင်ကြားစေ့ညှိနှိုင်းနိုင်ကြပါစေကြောင်း ကျွန်ုပ်တို့မှ ဆုမွန်တောင်းဆိုပါသည် ”။
လုံခြုံရေးတင်းကြပ်ထားသည့် ဂျေရုဆလင်
——————————————
တနင်္ဂနွေနေ့က ဂျေရုဆလင်၌ လုံခြုံရေးတင်းကြပ်ထားခဲ့သည်။ ၎င်းမတိုင်မီတစ်နေ့က အစ္စရေး လုံခြုံရေးတပ်ဖွဲ့များသည် မြို့ဟောင်းတွင် အီစတာပွဲတော် အကြိုအခမ်းအနား ကျင်းပနေသော ခရစ်ယာန်ဘာသာဝင် ပါလက်စတိုင်းလူမျိုးတို့အား အဓမ္မ ရပ်ဆိုင်းစေသည်၌ တင်းမာမှုများ ထိုးတက်လာခဲ့သည်။
မြင့်မြတ်သောစနေနေ့ ချီတက်ပွဲ ပြုလုပ်ရန်ကြိုးစားခဲ့သော လူစုအတွင်း အရှေ့အလယ်ပိုင်းငြိမ်းချမ်းရေး လုပ်ငန်းစဉ် အတွက် ကုလအထူး အကျိုးဆောင်ဖြစ်သော ရောဘတ် စယ်ရီ ရှိနေခဲ့ပြီး ဤသို့ ပြောပြခဲ့သည်။
“ ဘာသာရေးဆိုင်ရာ လွတ်လပ်ခွင့်အပေါ် တန်ဖိုးထားလေးစားကြဖို့၊ ဘာသာတရားအားလုံးက ၀တ်ပြုသူတို့ အတွက် ထူးမြတ်တဲ့နေရာတွေမှာ စုရုံးခွင့်ပေးဖို့၊ အထူးသဖြင့် ဘာသာရေးဆိုင်ရာ အထူးအမြတ် အားလပ်ရက်ထဲမှာ ဒေါသအလျောက် ဆန္ဒပြခြင်းကို ကြဉ်ရှောင်ကြဖို့ ကျွန်တော့်အနေနဲ့ အုပ်စုအပေါင်းကို တိုက်တွန်းခဲ့ပါတယ် ”။
သို့သော် အစ္စရေး နိုင်ငံခြားရေးဝန်ကြီးဌာန၏ ပြန်ကြားရေးမှူး ယီဂယ်လ် ပါးလ်မားက ၎င်းကို အရေးမပါသောဖြစ်ရပ်ဟု သမုတ်ခဲ့သည်။ ရဲတပ်ဖွဲ့ဝင်များသည် ယင်းချာ့ခ်ျ ဘုရားကျောင်း အတွင်း လူတအုံတကျင်း မဖြစ်အောင်၊ အနီးရှိလမ်းများ ပိတ်ဆို့ခြင်း မဖြစ်အောင် အရေအတွက် ကန့်သတ်ရန်ကြိုးစားခြင်းသာဖြစ်ကြောင်း ၎င်းက ဂျေရုဆလင်သတင်းဌာနသို့ ပြောကြားသည်။
မာရသွန်ပြိုင်ပွဲ မကျင်းပမှီ ဘော့စ်တွန်၌ ကောင်းချီးမင်္ဂလာဆုတောင်းပေး
————————————————————-
အမေရိကန်ပြည်ထောင်စုတွင် ကက်သလစ်ဂိုဏ်းအုပ် ရှောင် အိုမာလီမှ ဘော့စ်တွန်မာရသွန်ပြိုင်ပွဲဝင်များအတွက် အီစတာတနင်္ဂနွေ စုပေါင်းဝတ်ပြုပွဲအပြီး ဘုရားကျောင်းတော်၌ ကောင်းချီးမင်္ဂလာဆုတောင်းပေးခဲ့သည်ဟု CNN လက်ခွဲ WJAR-TV မှ ဆိုသည်။
ဘော့စ်တွန်အပြေးပြိုင်ပွဲမှာ နှစ်စဉ်ပြုလုပ်နေကျဖြစ်သော်လည်း ဤတစ်နှစ်အဖို့ ဂိုဏ်းအုပ်၏ဆုတောင်းပေးမှုသည် သီးခြားအဓိပ္ပာယ်တစ်ရပ်အား အသွင်ဆောင်နေသည်။ လူသုံးဦးသေဆုံးပြီး ၂၆၄ ဦး ဒဏ်ရာရစေခဲ့သည့် ဘော့စ်တွန်ဗုံးကွဲမှုတစ်နှစ်ပြည့်မြောက်ခြင်းနှင့် ထူးထူးခြားခြားတိုက်ဆိုင်နေ၏။
ဤနှစ်၏ မာရသွန်ပြိုင်ပွဲကို တနင်္လာနေ့တွင် ကျင်းပမည်ဖြစ်ပြီး ဘော့စ်တွန်ရှိ အခြားချာ့ခ်ျကျောင်းများသည်လည်း အထူးဆုတောင်းမှုများ ဆောင်ရွက်ကြမည်ဖြစ်သည်။
ဗြိတိသျှတော်ဝင်မိသားစုဝင်များ နှင့် အိုဘားမားတို့လည်း အီစတာနှုတ်ခွန်းဆက်စကားဆို
—————————————————————————-
ဒုတိယမြောက် အလစ်ဇဘက်ဘုရင်မကြီးသည် Windsor Castl ရှိ စိန့်ဂျော့ဂ်ျဝတ်ပြုခန်းမတွင် ပြုလုပ်သော အီစတာစုရုံးပွဲတော်သို့ တက်ရောက်မည်ဖြစ်သည်။ တစ်ချိန်တည်းမှာပင် ကမ္ဘာ့တစ်ဖက်ခြမ်း၌ ကမ္ဘာ့ခေါင်းဆောင် ဇနီးမောင်နှံတို့မှ သြစတေးလျခရီးစဉ်သို့ ဆက်လက်သွားရောက်မည်ဟု သိရသည်။
သမ္မတအိုဘားမားက သူ၏အပတ်စဉ်မိန့်ခွန်း၌ အမေရိကန်ပြည်သူများအပေါ် ပျော်ရွှင်ဖွယ်အီစတာပွဲတော် ဖြစ်ပါစေကြောင်း စနေနေ့က ဆန္ဒပြုပြောကြားခဲ့သည်။
“ ကျွန်တော့်အဖို့ အီစတာပွဲတော်ဟာ မျှော်လင့်ချက်ဇာတ်လမ်းတစ်ပုဒ်၊ စိတ်ပျက်မှုထဲက အကောင်းဆုံးနေ့ပေါ်ပေါက်ခြင်းပေါ် ယုံကြည်ချက်တစ်ရပ် ဖြစ်ပါတယ်။ ဒါကြောင့် အီစတာပွဲတော် ကျင်းပဆင်နွဲကြကုန်သော ခရစ်ယာန်အပေါင်းကို ပျော်ရွှင်သော အီစတာဖြစ်ပါစေလို့ ကျွန်တော့်မိသားစုမှ ဆုမွန်တောင်းပါတယ်။ အမေရိကန်တိုင်း အားလပ်ရက်ကို ပျော်ရွှင်စွာ ဖြတ်သန်းနိုင်ကြပါစေ ” ဟု သူက ဆိုသည်။
အိုဘားမားသည် လွန်ခဲ့သည့်ရက်သတ္တပတ်အစောပိုင်း အိမ်ဖြူတော်တွင် Seder ညဥ့်စာစားပွဲတစ်ရပ်ကျင်းပခဲ့ပြီး ရာထူးလက်ဝယ်ရှိစဉ် ယင်းသို့တည်ခင်းလိုက်သော ပထမဦးဆုံး သမ္မတ ဖြစ်သည်။
ဓါတ်ပုံ အညွန်း- ဂျေရုစလင်တွင် အော်သိုဒေါစ့် ခရစ်ယာန်များ အီစတာပွဲတော် ဆင်နွဲနေကြစဉ်
Ref: CNN
ဘာသာပြန်- မင်းထွဋ်ခေါင်(M-Media)
