ဧပြီ ၅၊ ၂၀၁၄
M-Media
ဇာဏီ
လှည်းကူးမှ ဆူပူ သောင်းကျန်းသူ ဖျက်ဆီးသူများအား ဖမ်းဆီး အရေးယူမှု မရှိသေးကြောင်း ဒုရဲမှူးကြီး BBC ကိုပြော၊ ရန်ပွဲတွင် ဒဏ်ရာရှိသူမှာ မျက်လုံးထိခိုက်ခဲ့ခြင်းမရှိ ယခုအခါ ဆေးရုံမှ ဆင်း
လှည်းကူးမြို့တွင် ဧပြီလ ၄-ရက် နေ့လည် ၃-နာရီခန့်မှာ စတင်ဖြစ်ပွားတဲ့ လူငယ် ၂-ဦး ရန်ဖြစ်ရာမှ အစပြုပြီး ဘာသာရေး အကြမ်းဖက်မှု အသွင် ဖြစ်ပွားစေရန် လုပ်ဆောင်ခဲ့သော်လည်း အချိန်မီ တားဆီးနိုင်ခဲ့သဖြင့် ယခုအခါ လှည်းကူးမြို့တွင် တည်ငြိမ်နေပြီဖြစ်ကြောင်း သိရသည်။
ခိုက်ရန်ဖြစ်ပွားသည့် လူငယ် ၂-ဦးသည် ယခင် လွန်ခဲ့သော ၅-လ ခန့်ကတစ်ကြိမ် ခိုက်ရန်ဖြစ်ပွားခဲ့သည် ရန်ငြိုးရှိထားခဲ့ကြပြီး ဆိုင်နီးချင်းဖြစ်သည့် အားလျော်စွာ မနေ့က နေ့လည် ၃-နာရီခန့်တွင် ဈေးရောင်းနေရာမှ စကားများကြခြင်းဖြစ်သည်။ တာပေါ်လင် မိုးကာများရောင်းသည်တွင် မိုးကာလိတ်လဲကျသွားရာမှ စကားများရင်း လူငယ်တစ်ဦးမှ ချွန်ထက်သောအရာဖြင့် ထိုးလိုက်သည့် အတွက် အခြား လူငယ်တစ်ဦး၏ မျက်ခွံတွင် ထိခိုက်ဒဏ်ရာ အနည်းငယ် ရရှိသွားပြီး ဒဏ်ရာရသူ လူငယ်၏ ဆွေမျိုးမိဘများ၏ တိုင်တန်းသဖြင့် ရဲစခန်းမှ ကျူးလွန်သူလူငယ်အား လာရောက် ဖမ်းဆီးခေါ်ဆောင်သွားခဲ့ကြသော်လည်း ဒေါသဖြစ်နေသော လူအုပ်ကြီးရောက်လာပြီး ကျူးလွန်သူ လူငယ်၏ အဒေါ်အိမ်အား ခဲများဖြင့် ပစ်ပေါက်ပြီး အိမ်တွင်းရှိ ပစ္စည်းများကို ဖျက်ဆီးခဲ့ကြကြောင်း၊ ညပိုင်းတွင် ညနေ ၆-နာရီမှ မနက် ၆-နာရီအထိ ညမထွက်ရအမိန့် ပုဒ်မ ၁၈၈ ထုတ်ပြန်ကြေငြာခဲ့သော်လည်း ည ၁၀-နာရီနောက်ပိုင်းအထိ လှည်းကူးမြို့ပေါ်ရှိ မြို့မျက်နှာဖုံး ဘာသာမတူ အိမ်များကို ခဲများဖြင့် ပစ်ပေါက် ဖျက်ဆီးခဲ့ကြောင်း သိရသည်။
လှည်းကူးမြို့ဖြစ်စဉ်တွင် နေအိမ်အား ခဲဖြင့် ပစ်ပေါက်ဖျက်ဆီးခံရသူတစ်ဦးအား M-Media မှ ဆက်သွယ်မေးမြန်းခဲ့ပါသည်။
“ဖြစ်သွားတာက ဘာသာမတူတဲ့ လူငယ် ၂-ယောက် ပြဿနာဖြစ်တယ်။ ဘာသာမတူတာကို ခုတုံးလုပ်ပြီး ဘာသာရေးအကြမ်းဖက်မှုတစ်ခုဖြစ်အောင် ဖန်တီးတယ်။ စဖြစ်တာက ဗုဒ္ဓဘာသာနဲ့ မွတ်စလင် လူငယ် ၂-ယောက်ရန်ဖြစ်ကြတယ်။ သူတို့ ၂-ယောက်က အခုမှဖြစ်တာ မဟုတ်ပါဘူး။ လွန်ခဲ့တဲ့ ၅-လ လောက်ကတည်းက ပြဿနာ တစ်ခုဖြစ်ပြီး ရန်ငြိုးရှိခဲ့ကြတာ။ နောက်ပြီးတော့ သူတို့က စီးပွားရေး လုပ်ငန်းကလည်း ရောင်းတာချင်းက အတူတူ ဆိုင်နီးချင်းလည်းဖြစ်နေတယ်။ မနေ့နေ့လည် ၃-နာရီလောက်မှာတော့ မိုးကာလိတ်က လဲကျသွားတယ်။ အဲ့လို လဲကျသွားတာကို အကြောင်းပြုစကားတော့ မွတ်စလင်ကောင်လေးက အချွန်တစ်ခုနဲ့ ထိုးလိုက်တော့ မျက်လုံးအပေါ်နား နည်းနည်းထိသွားတယ်။ အဲ့ဒီမှာ ထိုးတဲ့ကောင်လေးက သူ့အဒေါ် ဆိုင်ဘက်ကို ထွက်ပြေးသွားတော့ ၀ိုင်းလိုက်ပြီး ကောင်လေးကို ထုတ်ပေးဆိုပြီး ဆိုင်ကိုလည်း ခဲတွေနဲ့ ၀ိုင်းထုကြတယ်။ ခဲတွေနဲ့ဝိုင်းပေါက်ကြလို့ ကောင်လေး အဒေါ်မိသားစု ၆-ယောက် ဒဏ်ရာရသွားတယ်။ ကျူးလွန်တယ်ဆိုတဲ့ကောင်လေးကိုတော့ ရဲကဖမ်းခေါ်သွားပြီး ညတွင်းချင်း အင်းစိန်ထောင်ကို ပို့လိုက်တယ်။ ဒဏ်ရာရသူတွေကိုလည်း ရန်ကုန်ဆေးရုံကြီးကို ခေါ်သွားတယ်။
အဲဒါ ညနေစောင်းလောက်ကျတော့ တံတားပေါ်ကနေ လူအုပ်ကြီးက တအားများလာပြီး ရဲတွေလည်း အများကြီးရောက်လာတယ်။ ညနေ ၆-နာရီ ၀န်းကျင်လောက်မှာ ကောင်လေးကို စထုတ်သွားတဲ့အိမ်ကို စဖျက်တယ်။ အိမ်ပေါ်တက်ပြီး အိမ်ထဲက ပစ္စည်းတွေကို လမ်းမပေါ်ပြစ်ချပြီးဖျက်ဆီးကြတာ။ ကားကိုလည်း ဖျက်ဆီးကြတယ်။ အဲ့ဒီအချိန်မှာ ရဲတွေကလည်း ဘာမှတော့ မလုပ်ဘူးဗျ။
ညပိုင်းမှာ ပုဒ်မ ၁၈၈ ထုတ်ပြီး ည ၆-နာရီကနေ မနက် ၆-နာရီထိ ညမထွက်ရ အမိန့်ထုတ်တယ်ဆိုပြီး လိုက်အော်ပေမယ့် ည ၁၀-နာရီကျော်တဲ့အထိ လူတွေကို အိမ်တွေကို ခဲတွေနဲ့ လိုက်ထုပြီး ဖျက်ဆီးနေတာကို ဘယ်သူမှ မတားဆီး မထိန်းသိမ်းပဲ ကြည့်နေကြတယ်။
ဒါနဲ့ ညပိုင်းမိုးချုပ်လာတဲ့အခါကျတော့ မွတ်စလင်ကောင်လေးရဲ့ အမျိုးတွေဖြစ်တဲ့ ဟူစိန်မုန့်ဆိုင်ရယ်၊ ရွှေစင် ထမင်းဆိုင်ရယ်ကို မှန်တွေရိုက်ခွဲတယ်၊ ဖျက်ဆီးတယ်။ ပစ္စည်းတွေကို လမ်းမတွေပေါ် လွှင့်ပစ်တယ်။ နောက် ဗလီက စာသင်ကျောင်းအပေါ်ထပ်က မှန်တွေကို ခဲတွေနဲ့ ပစ်ပေါက် ဖျက်ဆီးတယ်။ နောက်တော့ ကျွန်တော်တို့အိမ်ဘက်ကို လူအင်အား ၅၀၀ လောက်ရှိတဲ့လူတွေ ရောက်လာပြီး မှန်တွေကို ခဲတွေနဲ့ ပစ်ပေါက် ဖျက်ဆီးခဲ့တယ်။ နောက်တခြားလမ်းက မြို့မျက်နှာဖုံး မွတ်စလင်အိမ် ၂-အိမ်ကိုလည်း အဲ့လိုပဲ ဖျက်ဆီးတယ်။ နောက်တော့ လူသံတွေရော ရိုက်နှက် ဖျက်ဆီးသံတွေရော ကြားနေရတယ်။ ကျွန်တော်တို့လည်း အိမ်ထဲမှာပဲနေပြီး နားစွင့်နေလိုက်တယ်။ အိမ်ပြင်လည်းမထွက်ရဲကြဘူး။ အခုမိုးလင်းမှ အိမ်ကနေ ထွက်လာလိုက်တယ်။ အိမ်မှာက အမျိုးသမီးနဲ့ ကလေးတွေရှိတော့ သူတို့ကို ဘေးလွတ်ရာနေရာ တစ်ခုကို ပို့ထားဖို့ စီစဉ်ရတယ်။ ညပိုင်းမှာ ပုဒ်မ ၁၈၈ ထုတ်ပြီး ည ၆-နာရီကနေ မနက် ၆-နာရီထိ ညမထွက်ရ အမိန့်ထုတ်တယ်ဆိုပြီး လိုက်အော်ပေမယ့် ည ၁၀-နာရီကျော်တဲ့အထိ လူတွေကို အိမ်တွေကို ခဲတွေနဲ့ လိုက်ထုပြီး ဖျက်ဆီးနေတာကို ဘယ်သူမှ မတားဆီး မထိန်းသိမ်းပဲ ကြည့်နေကြတယ်။”ဟု လှည်းကူးဒေသခံ တစ်ဦးက ပြောပြလာပါတယ်။
ဆူပူသောင်းကျန်းဖျက်ဆီးမှု ဓါတ်ပုံနှင့် ဗီဒီယို များမှာ သတင်းစာမျက်နှာများပေါ်တွင် ပျံနှံ့နေပြီး ရဲတပ်ဖွဲ့ဝင်များ ထိခိုက်ဒဏ်ရာ ရသည့်အထိ လုပ်ဆောင်မှုများ ရှိခဲ့သော်လည်း အဆိုပါ ဆူပူသောင်းကျန်းသူများကို အရေးယူ ဖမ်းဆီးထိန်းသိမ်းထားခြင်း မရှိဘူးလို့ အင်းစိန်မြို့နယ်မှ ဒုတိယ ရဲမှူးကြီးကျော်သီဟက BBC နဲ့ တွေ့ဆုံခန်းမှာ ပြောကြားခဲ့ပါတယ်။
ရန်ဖြစ်ခဲ့ ဖြစ်စဉ်မှာ ဒဏ်ရာရခဲ့တဲ့ သက်ပိုင်ဦး မှာ မျက်လုံးထိခိုက်ချင်း မဟုတ်ဘဲ မျက်ခမ်းပေါက်ပြဲ ဒဏ်ရာ ရရှိခြင်းသာဖြစ်သဖြင့် (၆) ချက်ချူပ် ကုသပြီး ဒဏ်ရာ စိုးရိမ်တဲ့အခြေအနေမရှိလို့ ၅.၄.၂၀၁၄ ရက်နေ့ ၀၇:၁၅ နာရီမှာ ဆေးရုံကဆင်းသွားပြီလို ရန်ကုန်တိုင်းရဲတပ်ဖွဲ့ FB စာမျက်နှာမှ သတင်းထုတ်ပြန်ပါတယ်။
ရန်ဖြစ်ခဲ့တဲ့ ဖြစ်စဉ်နဲ့ ပတ်သက်ပြီး ပြစ်မှုကျူးလွန်သူ ၃ ဦးကို ဖမ်းဆီးအရေးယူထားကြောင်းက ရဲတပ်ဖွဲ့ရဲ့ သတင်းထုတ်ချက်မှာ ဖော်ပြထားပါတယ်။ အဆိုပါသတင်းထုတ်ပြန်ချက်မှာ လူမျိုးဘာသာများ ထည့်သွင်းရေးသားခြင်းမရှိပေမယ့် မှတ်ပုံတင်မှာ အမည်မပါတဲ့ အစ္စလာမ်ဘာသာဝင်တွေရဲ့ သာသနာဘွဲ့ နာမည်များကို ထည့်သွင်း ဖော်ပြတာဟာ ပဋိပက္ခုကို ပိုပြီး ဖြစ်ပွားအောင် မီးစာထိုးရေးသားခြင်းဖြစ်တယ်လို့ ရန်ကုန်မြို့က မိဒီယာသမားတဦးက သုံးသပ်ပါတယ်။
ကိုးကား
အွန်လိုင်း စာမျက်နှာပေါ်မှ ဗီဒီယို မှတ်တမ်းများ =>http://www.youtube.com/watch?v=ovpkhmM0E6Y&index=2&list=PLrN3vEHYCFKKiZ9PqI5x_rC3xZ89LGrlo
BBC =>https://soundcloud.com/bbcburmese/qlftdvbxuudb
ရန်ကုန်တိုင်း ရဲတပ်ဖွဲ သတင်းထုတ်ပြန်မှု =>https://www.facebook.com/yangonpolice/posts/469029656559640
