ဒီဇင်ဘာ ၁၄၊ ၂၀၁၃
M-Media
မြောက်ကိုရီးယား အာဏာရှင်အသိုင်းအ၀ိုင်း မတည်ငြိမ်မှု နိုင်ငံတကာစိုးရိမ်
– မြောက်ကိုရီယား၏ ဒုတိယသြဇာအရှိဆုံးခေါင်းဆောင်တစ်ဦးဖြစ်ပြီး၊ ကင်ဂျုံအွန်၏ ဦးလေးလည်းဖြစ်သူ ဂျန်ဆွန်ထက်အား ကွပ်မျက်လိုက်ပြီးနောက် မြောက်ကိုရီးယား၏ နိုင်ငံရေး မတည်ငြိမ်မှုအတွက် တောင်ကိုရီးယာနိုင်ငံအပါအ၀င် နိုင်ငံတကာမှ စိုးရိမ် မှုများဖြစ်ပေါ်နေသည်ဟု သိရသည်။
ဂျန်ဆွန်ထက်အား မကွပ်မျက်မီ စစ်ခုံရုံးတွင် အထူးကြားနာမှုတစ်ခုပြုလုပ်ခဲ့ပြီး အစိုးရအား ဖြတ်ချရန်ကြုံစည်မှုနှင့် နိုင်ငံတော်အား ပုန်ကန်မှုတို့ဖြင့် ကွပ်မျက်ခဲ့ခြင်းဖြစ်သည်ဟု KCNA သတင်းဌာနက ယမန်နေ့တွင် ဖော်ပြခဲ့သည်။
ထိုကဲ့သို့ စီရင်လိုက်ခြင်းမှာ ကင်ဂျုံအွန်အနေဖြင့် မိမိအာဏာတည်မြဲရေးအတွက် မည်သည့်ကိစ္စကိုမဆို ပြုလုပ်နိုင်ကြောင်း ပြသလိုက်ခြင်းလည်းဖြစ်သည်။
……………………………..
ကော်လိုရာဒိုတွင် သေနတ်ဖြင့် ပစ်ခတ်မှု ဖြစ်ပွား
– အမေရိကန် ပြည်ထောင်စု ကိုလိုရာဒိုပြည်နယ်ရှိ အထန်တန်းကျောင်းတစ်ခုတွင် ယမန်နေ့က သေနတ်ဖြင့် ပစ်ခတ်မှုတစ်ခုဖြစ်ပွားခဲ့ရာ အနည်းဆုံး ကျောင်းသား နှစ်ဦး ဒဏ်ရာရရှိခဲ့ပြီး တရားခံမှာ မိမိကိုယ်ကို သေနတ်ဖြင့် အဆုံးစီရင်သွားသည်ဟုသိရသည်။ ကန်တန်နီယဲလ်မြို့ Arapahoe အထက်တန်းကျောင်းတွင်ဖြစ်ပွားခဲ့ခြင်းဖြစ်ပြီး သေနတ်ကိုင်ထားသော လူတစ်ဦးမှာ ကျောင်းတွင် တာဝန်ထမ်းဆောင်နေသည့် ဆရာတစ်ဦး၏ နာမည်အား ဟစ်ခေါ်ကာ ထိုကျောင်းအတွင်းသို့ ၀င်လာခဲ့ပြီး ကျောင်းသားတစ်ဦးမှ ထိုသူအား ရင်ဆိုင်ခုခံခဲ့သောကြောင့် သေနတ်ဖြင့်ပစ်ခတ်ခံခဲ့ရကာ စိုးရိမ်ဖွယ်အနေအထားတွင်ရှိနေသည်။ သို့သော်လည်း အခြားကျောင်းသားတစ်ဦးမှာ ဒဏ်ရာအနည်းငယ်သာရရှိခဲ့ပြီး ဆေးကုသမှုကို ခံယူနေသည်။
……………………………..
စနိုးဒင်မှ လျို့ဝှက်ချက်များ ဖွင့်ချမှု ရပ်တန့်လျင် လွတ်ငြိမ်းချမ်းသာခွင့်ပေးရန် စဉ်းစားနေသည့်ဟု NSA မှပြော
– အေးဂျင့်ဟောင်း စနိုးဒင်အနေဖြင့် လျို့ဝှက် ဖိုင်များဖွင့်ချမှုကို ရပ်တန့်ပါက လျှို့ဝှက်ချက်ဖော်ထုတ်မှုဖြင့် တရားစွဲဆိုထားမှုအား လွတ်ငြိမ်းချမ်းသာခွင့်ပေးရန် စဉ်းစားနေသည်ဟု အမေရိကန် အမျိုးသား လုံခြုံရေးအေဂျင်စီ၏ အကြီးတန်းအရာရှိများက ပြောကြားလိုက်သည်။ စနိုးဒင်မှာ အမေရိကန်၏ လျှို့ဝှက်ထောက်လှမ်းမှုများအား ဟောင်ကောင်တွင် ဖွင့်ချခဲ့ပြီးနောက် ရုရှားတွင် နိုင်ငံရေုးခိုလှုံခွင့်တောင်းကာ ယခုအချိန်တွင် ၀ဘ်ဆိုဒ်ကုမ္ပဏီတခုတွင် အလုပ်လုပ်နေသည်ဟု သိရသည်။
…………………………….
မာလီနိုင်ငံတွင် ကားဗုံးပေါက်
– မာလီနိုင်ငံမြောက်ဘက်ရှိ ကီဒယ်မြို့တွင် ကားဗုံးပေါက်ကွဲမှုကြောင့် ဆီနီဂေါမှ တစ်ဖွဲ့ဝင်နှစ်ဦးအပါအ၀င် ကုလသမဂ္ဂငြိမ်းချမ်းရေးတပ်ဖွဲ့ဝင်များ သေဆုံးခဲ့ပြီး အများအပြား ဒဏ်ရာရရှိခဲ့သည်ဟု သိရသည်။ ငြိမ်ချမ်းရေးတပ်ဖွဲ့ဝင်များ စောင့်ကြပ်နေသည့် ဘဏ်တစ်ခုရှေ့တွင် ရပ်ထားသောကားမှ ပေါက်ကွဲခဲ့ခြင်းဖြစ်ပြီး၊ ဘဏ်အဆောက်အုံလည်း ထိခိုက်မှုများရှိခဲ့ကာ၊ အနီးအနားရှိ စာသင်ကျောင်းမှာလည်း မီးခိုးများဖုံးလွှမ်းသွားခဲ့သည်ဟု ပေါက်ကွဲမှုဖြစ်ပွားရာ အနီးအနားတွင်နေထိုင်သူတစ်ဦးက ပြောကြားခဲ့သည်။
…………………………………..
ရုရှတွင် Mig-31 တိုက်လေယာဉ်တစ်စင်း ပျက်ကျ
– ရုရှားနိုင်ငံ အရှေ့ဘက်ရှိ Primorsky Kray ပြည်နယ်တွင် Mig-31 တိုက်လေယာဉ်တစ်စင်း ပျက်ကျမှု ယနေ့တွင်ဖြစ်ပွားခဲ့သည်ဟု သိရသည်။ Vozdvizhenka မြို့အနီးရှိ လေတပ်စခန်းမှ လေ့ကျင့်ခန်းများပြုလုပ်ရန် ပျံတက်ပြီးနောက် သိပ်မကြာခင်ပျက်ကျခဲ့ပြီး၊ လေယာဉ်ပေါ်တွင် လိုက်ပါသွားသည့် ပိုက်လော့နှစ်ဦးစလုံးမှာ အချိန်မှီခုန်ထွက်နိုင်ခဲ့သောကြောင့် အသက်ရှင်ခဲ့ကြောင်း၊ လေယာဉ်ပျက်ကျခြင်းမှာ အင်ဂျင် ချို့ယွင်းမှုကြောင့်ဟု ယူဆရကြောင်း ရုရှား ကာကွယ်ရေး ၀န်ကြီးဌာနမှ ပြောကြားခဲ့သည်။
……………………………….
မွန်ဘိုင်းတွင် မီးလောင် လူ ၇ ဦးသေဆုံး
– အိန္ဒိယနိုင်ငံ မွန်ဘိုင်းမြို့ရှိ အထက်မြင့်အဆောက်အဦးတစ်ခုတွင် ယမန်နေ့ ညနေပိုင်းက မီးလောင်မှုတစ်ခုဖြစ်ပွားခဲ့ရာ လူ ၇ ဦး သေဆုံးခဲ့သည်ဟု မီးသတ်တပ်ဖွဲ့ဝင်များက ယနေ့တွင် သတင်းထုတ်ပြန်ခဲ့သည်။ မွန်ဘိုင်းမြို့တောင်ဘက်ရှိ ၂၆ ထပ်အဆောက်အဦး၏ ၁၂ ထပ်တွင် ဒေသစံတော်ချိန် ည ၇နရီခွဲ၌ မီးလောင်ကျွမ်းခဲ့ခြင်းဖြစ်ပြီး၊ မီးသတ်ကား ၂ ဒါဇင်ခန့် လာရောက်ကာ ၃ နာရီကြာ ညှိမ်းသက်ခဲ့ရသည်။ ထို့ပြင် မီးသတ်အရာရှိ ၂ ဦးနှင့် ရဲဘော် ၄ ဦးတို့ ဒဏ်ရာအနည်းငယ် ရရှိခဲ့သည်ဟု သိရသည်။
………………………………………
ဗြိတိန် MI 6 အတွက် သူလျိုလုပ်ပေးသူ အီရန် ဖမ်းမိ
– ဗြိတိန်လျှို့ဝှက်ထောက်လှမ်းရေးအဖွဲ့ MI6 အတွက် တာဝန်ထမ်းဆောင်နေသည့် သူလျှိုတစ်ဦးအား အီရန်အရှေ့တောင်ပိုင်း ကာရ်မန်မြို့တွင် ဖမ်းဆီးလိုက်သည်ဟု ဒေသတွင်း တာဝန်ရှိသူများက ပြောကြားခဲ့သည်။ အဆိုပါ သူလျှိုမှာ လပေါင်းများစွာကြာ ထောက်လှမ်းရေး လုပ်ငန်းများကို လုပ်ဆောင်နေခဲ့သူဖြစ်ပြီး အီရန်နိုင်ငံအတွင်းနှင့် နိုင်ငံပြင်ပရှိ ဗြိတိန် ထောက်လှမ်းရေးအေးဂျင့်များအား ၁၁ ကြိမ်တိုင်တိုင် ဆက်သွယ်ကာ အချက်အလက်များကိုပေးပို့ခဲ့သည်ဟု ကာရ်မန် တရားရုံးမှ ဒါခိုဒါ ဆာလာရီက ပြောကြားခဲ့သည်။
