ဒီဇင်ဘာ ၁၅၊ ၂၀၁၃
M-Media
ဂျိုဟန်နက်စဘတ်။ ။ ကမ္ဘာအနှံ့ သန်းပေါင်းများစွာသောလူတို့မှ နဲလ်စင် မင်ဒဲလား ဂုဏ်ပြုပွဲကို ကျင်းပဆောင်ရွက်နေသလို၊ ပြီးခဲ့သည့် ဆယ်စုနှစ်များတစ်လျှောက် ဤအထင်ကရခေါင်းဆောင်ကြီးနှင့် မွတ်စ်လင်မ်တို့ အကြား ပတ်သက်မှုနှီးနွှယ်မှု သမိုင်းရှည် တစ်ရပ်အပေါ် မွတ်စ်လင်အမြောက် အများမှ ပြန်ပြောင်းအောက်မေ့ သတိရနေမိကြပေသည်။
မွတ်စ်လင်မ်တို့နှင့်အတူ နွေးထွေးသော သမိုင်းဝင် ဆက်ဆံရေးများ အနက် နဲလ်စင်မင်ဒဲလား၏ အရေးပါသည့် ထူးခြားမှတ်တိုင် အချို့ကို Cii Radio မှ ဒီဇင်ဘာ ၆ ရက်၊ သောကြာနေ့တွင် အောက်ပါကဲ့သို့ စုစည်း တင်ပြခဲ့သည်။
၁၉၉၂ ခုနှစ်တွင် မွတ်စလင်မ် အများစုနေထိုင်ရာ တောင်အာဖရိက နိုင်ငံ ကိတ်တောင်းမြို့ Bo Kaap အရပ်တွင် ဆုတောင်းမှုပြုနေသော မင်ဒဲလား
၁၉၉၂ မတ်လ ၁၇ ရက်
ကိပ်တောင်းရှိ မွတ်စ်လင်မ်အများစုနေထိုင်ရာ Bo Kaap ဒေသသို့ သွားရောက်ခြင်း
၁၉၉၂ ခုနှစ်တွင် မင်ဒဲလားသည် Bo Kaap ၌နေထိုင်ကြသော မွတ်စ်လင်မ်အများစုထံ သွားရောက်တွေ့ဆုံခဲ့သည်။ သူနှင့် တွေ့ဆုံခဲ့သူ ထင်ရှားသူများ အနက် နောင်တွင် သမိုင်းပညာရှင်နှင့် စာရေးဆရာဖြစ်လာသူ အက္ကမက် ဒေးဗစ် Achmat Davids နှင့် နောင်တွင် မွတ်စ်လင်မ်တရားရေးကောင်စီဥက္ကဌဖြစ်လာသူ ရှိုင်းခ် နဇီးမ် အဟ်မဒ် Sheikh Nazeem Mohammed တို့လည်း ပါဝင်သည်။
၁၉၉၃ ခုနှစ်၊ မတ်လ ၂၄ ရက်
ANC ဥက္ကဌ နဲလ်စင် ရိုလီလာလာ မင်ဒဲလားမှ မွတ်စ်လင်မ်လူ့အဖွဲ့အစည်းထံ အီးဒ်နေ့မြတ်သ၀ဏ်လွှာ ပေးပို့ခြင်း
မွတ်စ်လင်မ်တို့ထံ ပေးပို့သော ၁၉၉၃ ခုနှစ်သ၀ဏ်လွှာ၌ “ မွတ်စ်လင်မ်ပွဲတော်၌ ကျွန်ုပ် တက်ရောက်ပါဝင်နေခဲ့စမြဲ ဖြစ်သည့်အတွက် ငြိမ်းချမ်းရေးခေါင်းစဉ်အောက်မှ ကျွန်ုပ်သည် အသင်တို့အား နှုတ်ခွန်းဆက်သပါ၏ ” ဟု ဆို၍ ၊ “ ပွဲတော်ကာလအတွင်း မွတ်စ်လင်မ်တို့၏ စွန့်လှူမှု နှင့် စည်းမျဉ်းတို့သည် ဤနိုင်ငံ၏ ရပ်တည်မှုအား ကောင်းမြတ်ခြင်းဖြင့် ခိုင်မတ်စေကြောင်း ” ချီမွှမ်းထားကာ၊ “ အသင်တို့အဖို့ မင်္ဂလာရှိသော အီးဒ်နေ့မြတ်ဖြစ်ပြီး ပျော်ရွှင်ချမ်းမြေ့သည့် ကာလ တစ်ရပ်ဖြစ်ပါစေကြောင်း ANC အလုပ်အမှုဆောင်ကောင်မတီ နှင့် အဖွဲ့ဝင်အားလုံးကိုယ်စား ကျွန်ုပ်မှ ဆန္ဒပြုပါသည် ” ဟု ဆိုထားခဲ့သည်။
၁၉၉၄ ခုနှစ်၊ မေလ ၉ ရက်
သမ္မတရာထူး လက်ခံသည့်အခမ်းအနား၌ Grand Parade ရှိ Cape Town လူထုအား မိန့်ခွန်းခြွေခြင်း
သမ္မရာထူးလက်ခံရယူသောအခမ်းအနား၏ အမှတ်တရ မိန့်ခွန်း၌ နဲလ်စင်မင်ဒဲလားက နိဂုံးပိုင်းတွင် ဤသို့ထည့်သွင်းပြောဆိုခဲ့သည်။ “ အာဖရိကန်တွေ၊ အသွေး အရောင်စုံတွေ၊ လူဖြူတွေ၊ အိန္ဒိယသားတွေ၊ မွတ်စ်လင်မ်တွေ၊ ခရစ်ယာန်တွေ၊ ဟိန္ဒူတွေအကြား ကျွန်တော်တို့ တန်းတူတန်ဖိုးထားနိုင်ရပါမယ်။ သူတို့အားလုံးဟာ ဒီနိုင်ငံပြည်သူလူထု အတွက် တူညီသော အမြင်အားဖြင့် အကောင်းဆုံးဘ၀ တစ်ခုကို ညီညွတ်စွာတည်ဆောက်နေကြလို့ဖြစ်တယ် ”။
၁၉၉၄ ခုနှစ် မွတ်စ်လင်မ်အမျိုးသမီးများအဖွဲ့ Muslim Women’s Federation မှချီးမြှင့်သော ရှိုင်းခ်ယူစွပ်ဖ်ငြိမ်းချမ်းဆုအား လက်ခံရယူခြင်း
အစ္စလာမ့်တမန်တော်မွေးနေ့အခမ်းအနား(မီလာဒွန် နဗီ)တွင် Sheikh Gabier နှင့် မွတ်စ်လင်မ်လူ့အဖွဲ့အစည်းသို့ မစ္စတာ နဲလ်စင်မင်ဒဲလားမှ ဤသို့ စကား ဆိုခဲ့သည်။ “ ဒီနေ့ဟာ တမန်တော် မုဟမ္မဒ် ဖွားမြင်တော်မူတဲ့နေ့ ဖြစ်တယ်။ သူ့(တမန်တော့်)သြဇာက နိုင်ငံတိုင်း၊ ကမ္ဘာ့ဒေသအသီးသီးတိုင်းမှာ လက်တွေ့အားဖြင့် လွှမ်းမိုးကျယ်ပြန့်နေဆဲ ဖြစ်ပါတယ်။ အသင်တို့ဟာ အနှိုင်းမဲ့သာသနာ့ခေါင်းဆောင်ကြီးတစ်ဦးကို ကိုင်းရှိုင်းညွှတ်နှူးစွာ ချီးကျူးဂုဏ်ပြုရေး အတွက် ဗလီဝတ်ကျောင်းအသီးသီးမှာ ပေါင်းစုဆုံစည်းနေကြတယ်။ ကျွန်တော်တို့ရဲ့ သဘောထားဟာလည်း အသင်တို့နဲ့ မွတ်စ်လင်မ်လောကတစ်ခုလုံးနဲ့အတူ ထပ်တူရှိပါတယ် ”။
၁၉၉၄ ခုနှစ်၊ အောက်တိုဘာလ
ထင်ရှားလှသည့်ပညာရှင် အဟ်မဒ် ဒီးဒသ် Ahmed Deedat နှင့် မင်ဒဲလားတို့၏ ထူးခြားသော ဆုံစည်းမှု
( Goolam Vahed ရေးသားသော “Ahmed Deedat: The Man and His Mission” စာအုပ်၊ စာမျက်နှာ ၁၉ မှ)
၁၉၉၄ ခုနှစ်၊ အောက်တိုဘာလ၊ အဟ်မဒ် ဒီးဒသ်သည် မိမိ၏ Verulam ၌ရှိနေစဉ် ဆော်ဒီအာရေဗျမှ ဖုန်းခေါ်ဆိုမှု တစ်ခု ၀င်ရောက်လာသည်။ စကားပြောဆိုသည့် အခါမှ ယင်းသို့ခေါ်ဆိုသူမှာ တောင်အာဖရိက သမ္မတသစ် နဲလ်စင်မင်ဒဲလား ဖြစ်ကြောင်း သိခဲ့ရပုံကို ဒီးဒသ်က ပြောပြ၏ “ အစပိုင်းတုန်းက သက်သက် ဗရုတ်ကျတဲ့ ဖုန်းခေါ်ဆိုမှုလို့ ကျွန်တော် ထင်မြင်ခဲ့တယ်။ သိပ်အရေးမထားမိဘူး။ အဲ့ – သူဟာ တကယ့်ကို နိုင်ငံသမ္မတဖြစ်နေကြောင်း သိသွားတဲ့အခါမှာ ကျွန်တော် ထိုင်ခုံပေါ်ကနေ ပြုတ်ကျသွားမတတ် ဖြစ်ခဲ့ရတယ် ”။
မင်ဒဲလား၏ တရားဝင်ဆော်ဒီအာရေဗျခရီးစဉ်၌ သူရောက်သည့်နေရာတိုင်း မစ္စတာ ဒီးဒသ်ကို သိကျွမ်းခြင်းရှိမရှိ လူတို့မှ သူ့အား မေးမြန်းခဲ့ကြသည်။ Durban သို့သွားမည့် ခရီးစဉ်အတွင်း ၁၉၉၄ ခုနှစ်၊ နိုဝင်ဘာ ၆ ရက်နေ့တွင် တွေ့ဆုံနိုင်ရန် စီစဉ်မည်ဟု သူက ပြောကြားခဲ့သည်။ တွေ့ဆုံမှုမှာ မဖြစ်မြောက်ခဲ့။ ဒီးဒသ်မှ နိုင်ငံခြားခရီးစဉ် တစ်ခုသို့ ရောက်ရှိနေ၍ ဖြစ်သည်။ သို့သော် “ သမ္မတတစ်ဦးဆီက ဂုဏ်ယူစကား၊ ရိုးသားနှိမ့်ချတဲ့ စကားပါဝင်တဲ့ မယုံနိုင်စရာ ဖုန်းဆက်ပြောဆိုမှုကို ကျွန်တော် ရရှိခဲ့ပါတယ် ” ဟု ဒီးဒသ်မှ သတင်းထောက်များအား ပြောပြခဲ့သည်။
နောင်သောအခါ အဟ်မဒ် ဒီးဒသ် နာမကျန်းမှုပြင်းထန်လာရာဝယ် တောင်အာဖရိကသံအမတ်မှ အောက်ပါစကားကို ထုတ်ပြန်ခဲ့၏။
“ မစ္စတာ မင်ဒဲလားက ကမ္ဘာ့မည်သည့်ဒေသမှာ မဆိုရှိနေတဲ့ တောင်အာဖရိကသားတွေနဲ့ ပတ်သက်ပြီး အလေးထားလေ့ ရှိပါတယ်။ အထူးသဖြင့် ဒီးဒသ်နဲ့ ပတ်သက်လာယင်ပေါ့။ ဘာဖြစ်လို့လဲဆိုယင် သူ (ဒေါက်တာ အဟ်မဒ် ဒီးဒသ်)ဟာ နှစ်ပေါင်း ၅၀ လုံးလုံး အစ္စလာမ့် သတင်းဖြန့်ချိရေး လုပ်ငန်းစဉ်ထဲမှာ ပြင်းပြင်း ထန်ထန် လုံးပန်းမြုပ်နှံထား သူဖြစ်တဲ့ အတွက် တောင်အာဖရိက တိုက်မှာတင် မဟုတ်ဘူး ကမ္ဘာတစ်ဝှန်းက အထူးလေးစားရတဲ့ ပုဂ္ဂိုလ်မွန် တစ်ဦး ဖြစ်နေတာကြောင့်ပါဘဲ ”။
(Ahmed Deedat: The Man and His Mission, by Goolam Vahed, p. 18)
၁၉၉၇ ခုနှစ်၊ ဇူလိုင်လ ၁၁ ရက်
အော့စ်ဖို့ဒ်တက္ကသိုလ်၊ အစ္စလာမ့်ရေးရာဌာန၌ သမ္မတ မင်ဒဲလားမှ ဟောပြောခြင်း
အော့စ်ဖို့ဒ်တက္ကသိုလ်၊ အစ္စလာမ့်ရေးရာဌာန၌ သမ္မတ မင်ဒဲလားမှ ““Renewal and Renaissance – Towards a New World Order” ခေါင်းစဉ်ဖြင့် ရှည်လျားနွေးထွေးစွာ ဟောပြောခဲ့သည်။ ၄င်းတွင် တောင်အာဖရိကတိုက်ရှိ အစ္စလာမ် နှင့် မွတ်စ်လင်မ်တို့အကြား မိမိထိတွေ့ရသော ဆက်ဆံရေး၊ ဘာသာတရားများကဏ္ဍရှိ မိမိ၏အမြင်တို့ကို ပြောပြဆွေးနွေးသွားခဲ့သည်။
“ အသင်တို့ကို အမြင်ဝေမျှခွင့်ပေးဖို့ ဖိတ်ကြားခံရတဲ့အတွက် Oxford Centre for Islamic Studies အပေါ် အထူးကျေးဇူးတင်မိပါတယ်။ အိန္ဒိယသမုဒ္ဒရာကို da Gama ရောက်ရှိတဲ့အခါ အဲ့ဒီမှာရှိတဲ့ မာလိန်မှူးတွေက မိမိရဲ့ခရီးစဉ်အပေါ် ပိုမိုလမ်းကြောင်းပြနိုင်တယ်ဆိုတာ တွေ့ခဲ့ရတယ်။ သူဟာ အမြော်အမြင်ကြီးမားစွာနဲ့ သူတို့ကို အားကိုးအားထားပြုခဲ့ပါတယ်။ အလားတူစွာပဲ ကျွန်တော်ဟာ လမ်းဖွင့်ပေးထားသူများရဲ့ နောက်လိုက်တစ်ဦးဖြစ်ကြောင်းကိုလည်း ကျွန်တော်သိပါတယ်။ ဒါ့အပြင် ကျွန်တော်တို့ဟာ အများအပြားလေ့လာဖို့လိုအပ်နေသေးတဲ့ လူတွေထဲက လူတွေသာဖြစ်ပါတယ် ”။
“ ဒီစင်တာရဲ့ အပြန်အလှန် နားလည်မှု၊ သဟဇာတဖြစ်စေမှု၊ ပူးပေါင်းဆောင်ရွက်မှုတွေမှာ တိုးမြှင့်ဖော်ဆောင်ချက်များက ကျွန်တော့်ကို ရိုးသားနှိမ့်ချစေဖို့ တွန်းအားပေး လိုက်တာပါပဲ။ ဒါဟာ အရာအားလုံးကောင်းမွန်စိုပြေအောင် မြှင့်တင်ရေးအတွက် မရှိမဖြစ် လိုအပ်ချက်များဖြစ်တယ်လေ ”။
“ အာဖရိကန်မွတ်စ်လင်မ်နိုင်ငံရေးတွေမှာ ကိုလိုနီခေတ်ကျွန်ကုန်ကူးမှုကြောင့် မိမိတို့ရဲ့အခြေခံလူ့အခွင့်အရေး ချိုးဖောက်ခံရမှုနဲ့ လူသားဘ၀အရောင်းအ၀ယ်ပြုမှုကို ကာကွယ်ခြင်းအားဖြင့် အခြားနိုင်ငံနဲ့ဘာသာတရားတို့အပေါ် မယုံမရဲခံစားချက်တွေ ဖြစ်ပေါ်ကြုံတွေခဲ့ရတယ် ”။
“ ဥရောပကိုလိုနီဝါဒရဲ့မျက်နှာစာထဲမှာလည်း အစ္စလာမ့်လူ့အသိုင်းအ၀ိုင်းတွေဟာ လူမျိုးခွဲခြားခံရမှုဆန့်ကျင်ရေး အပါအ၀င် နိုင်ငံရေးရုန်းကန်မှုဝဲဂယက်အတွင်း ကျင်လည်နေခဲ့ရရှာတယ် ”။
၁၉၉၈ ဇန္န၀ါရီလ ၃၀
ယဉ်ကျေးမှုဖလှယ်ရေး အီးဒ်အခမ်းအနား၌ သမ္မတ နဲလ်စင်မင်ဒဲလားမှ မိန့်ခွန်းပြောကြား
ဂျိုဟန်နက်စ်ဘတ်၌ ပြောကြားသော အီးဒ်နေ့မိန့်ခွန်းတွင် တောင်အာဖရိကသမိုင်း၏အစ္စလာမ့်အခန်းကဏ္ဍကို ဖော်ပြကာ မွတ်စ်လင်မ်တို့အား ၄င်းမှ ဂုဏ်ပြုစကားဆိုခဲ့သည်။ ထိုမိန့်ခွန်းတွင် —
“ အာဖရိကမှာ အစ္စလာမ်က လက်မွန် မဆွကတည်းက တည်ရှိလာခဲ့တယ်။ ခရစ်ယာန်ဘုရင် နိဂပ်စ် လက်ထက်မှာ တမန်တော်မုဟမ္မဒ်ရဲ့ ဘက်တော်သားများကို အဘီစီးနီးယားက ခိုလှုံခွင့်ပေးခဲ့တယ်။ အပြန်အလှန်လေးစားမှု နဲ့ ပူးပေါင်းဆောင်ရွက်မှုဟာ ကျွန်တော်တို့ အာဖရိကရဲ့ လူမှုဆန်းသစ်ခြင်းဖြစ်လာစေတဲ့ ဘာသာရေး၊ ဘာသာရေးခေါင်းဆောင် အခန်းကဏ္ဍများရဲ့ စံပြဥပမာကို ထောက်ပြနေပါတယ် ”။
“ တောင်အာဖရိကဟာ အခုဆိုယင် လွတ်လပ်မှု ရှိနေပါပြီ။ ကျွန်တော်တို့ ဒေသရဲ့အခြားအစိပ်အပိုင်းများနဲ့အတူ ထာဝစဉ် ရှိလာခဲ့တဲ့ အစ္စလာမ့်လူ့အသိုက်အမြုံဟာလည်း ဖိနှိပ်ခြင်း၊ ပုံသွင်းခြင်းမခံရပဲ တိုးတက်စည်ပင်ပြီး ကျွန်တော်တို့နိုင်ငံကို ကြွယ်ဝစေပါတယ်။ သူတို့ဟာ ကျွန်တော်တို့ရဲ့အာဖရိကန်မျိုးတူ အစိတ်အပိုင်း တစ်ရပ် ပါပဲဗျာ ”။
၂၀၁၀ ခုနှစ်၊ ဧပြီလ ၁၂ ရက်
ရှိုင်းခ် ကရာဒါဝီ မှ မင်ဒဲလားနှင့် တွေ့ဆုံခြင်း
အထင်ကရမွတ်စ်လင်မ် 
ပညာရှင်ကြီး ရှိုင်းခ် ယူစွပ်ဖ် အလ်ကရာဒါဝီသည် သူ၏ တောင်အာဖရိကခရီးစဉ်အတွင်း တောင်အာဖရိကခေါင်းဆောင် နဲလ်စင်မင်ဒဲလားနှင့်တွေ့ဆုံကာ သူရေးသားပြုစုသည့် အစ္စလာမ်နှင့်ကုရ်အာန်ဆိုင်ရာ ကျမ်းဂန်အချို့ကို လက်ဆောင်ပေးအပ်ခဲ့သည်။ ကရာဒါဝီမှ မင်ဒဲလားကို “အာဖရိက၏သူရဲကောင်း” အဖြစ် ခေါ်ဆိုခဲ့၏။
အစ္စလာမ် လက်ခံရေးအတွက် မင်ဒဲလားအား ရှိုင်းခ် အိုင်းဇ် အလ် ကရ်နီမှ ဖိတ်ခေါ်ချက်
ရှိုင်းခ် အိုင်းဇ် အလ် ကရ်နီမှ မင်ဒဲလားအား အစ္စလာမ်လက်ခံရေးအတွက် ဖိတ်ခေါ်ချက်တစ်ရပ် ပြုလုပ်ခဲ့သည်။ နေ့စွဲ မမှတ်မိသော ယင်းဖ်ိတ်ခေါ်စာ၌ အောက်ပါ အတိုင်း ရေးသားခဲ့သည်။
“ အသင့် အတ္ထုပတ္တိကို ဖတ်ရှုဖူးသော၊ အသင့်ရုန်းကန်ကြိုးပမ်းချက်ကို သိမြင်နားလည်သော၊ အသင့်ရဲစွမ်းသတ္တိကို လေးစားအားကျသော၊ အသင့်စွန့်လွှတ်အနစ်နာခံမှု – အသင့် စည်းမျဉ်းကျင့်ဝတ်များ၊ အသင်နှင့်အသင့်လူထု လွတ်လပ်ရေး၌ ဦးစားပေးမှုတို့အပေါ် အံ့သြ၀မ်းသာဖြစ်ရသော လူသန်းပေါင်းများစွာအနက် ကျွန်ုပ်လည်း အပါအ၀င်တစ်ဦး ဖြစ်ပါသည်။
“ သို့ဖြစ်၍ ပရမတ္တသစ္စာစကားရပ်ဖြစ်သော လာအိလားဟ အစ်လလ္လာဟ၊ မုဟမ္မဒုရ် ရစူးလုလ္လာဟ် (အလ္လာဟ်အရှင်မြတ်မှအပ ကိုးကွယ်ဆည်းကပ်မှုခံယူထိုက်ရာ ဟူသည်မရှိ၊ မုဟမ္မဒ်သည် အလ္လာဟ်အရှင်မြတ်မှ စေလွှတ်တော်မူသည့် (ကျမ်းရ)တမန်တော်ဖြစ်၏ ) ကို အသင့်ထံမှ ရှင်းလင်းပီသစွာကြေငြာချက်အားကြား သိနိုင်ရန် ကျွန်ုပ်အနေဖြင့် ရိုသေလေးစားစွာ မျှော်လင့်မိပါသည်။ မေတ္တာ ရပ်ခံပန်ကြားပါသည်။ သို့ဖြစ်လာပါက တိုက်ကြီး ၆ ခုရှိ အနန္တစွမ်းအားရှင် အလ္လာဟ်အရှင့်ကျွန်စေလူသား အပေါင်းမှ အသင့်အား သောင်းသောင်းဖျဖျ သြဘာပေးကြပါအံ့၊ မက္ကဟ် ရွေမြို့တော်ကြီးမှလည်း အသင့်အား ဂါရ၀ပြုပါအံ့။ ထွဋ်မြတ်သောကအ်ဗဟ်ကျောင်းတော်တံခါးသည်လည်း အသင့်အဖို့ ဖွင့်လှစ်ပေးပါအံ့။ အသင့်အမည်ကိုချီးမွှမ်းသော အာမေဋိတ်သံများဖြင့် အစ္စလာမ့် ကမ္ဘာ၏ကော်ဇောများသည်လည်း အသင့်ကို ခင်းကျင်းကြိုဆိုလိမ့်မည်ဖြစ်ပါအံ့ ”။
Ref:OnIslam & News Agencies
