နိုဝင်ဘာ- ၁၀ ၂၀၁၃
M-Media
မပြတ်တမ်းတင်ဆက်နေသည့်အကြောင်းများအနက် ထပ်မံတင်ပြမည့်အရာမှာ လူမှုကယ်ဆယ်ရေး မွတ်စ်လင်မ်အဖွဲ့ (Muslims 4 Humanity Section) မှ ၄င်း၏ တမူထူးခြားသော မှတ်တိုင်များ နှင့် လူမှုကယ်ဆယ်ရေးစီမံချက်များကို ပရိသတ်များထံဝေငှချက်ပင် ဖြစ်သည်။
ယခုအင်တာဗျူးတွင် ဆိုမားလီးယား(Somali) ကလေးငယ်များစွာအား ကယ်တင်ခဲ့သော “အံ့မခန်းစီမံချက်” (Extraordinary Project)” အကြောင်းကို တွေ့မြင်ရပေမည်။ ကျွန်တော်တို့၏မေးခွန်းများအား စိတ်ရှည်စွာအသေးစိပ်ဖြေကြားပေးခဲ့သော ယခုစီမံချက်ကို ဦးဆောင်အကောင်ထည်ဖော်သူ အစ်ကို ခရစ္စ မူလာလီ(Brother Chris Mullaly) အား အထူးပင်ကျေးဇူးတင်ရှိပါသည်။
( မေး ) ပထမဆုံးအနေဖြင့် မိမိကိုယ်ကို ပရိသတ်များနဲ့ မိတ်ဆက်ပေးစေချင်ပါတယ်။
( ဖြေ ) ဟုတ်ကဲ့ပါ၊ ကျွန်တော်က ခရစ္စ မူလာလီ ဖြစ်ပါတယ်။ နယူးယောက်(New York)က အလ်ဘာနီ(Albany) မှာ ကျွန်တော့်ဇနီး ဂျင်း(Jin) ၊ ကျွန်တော့်သမီး ဂျက်စ်စမင်း(Jasmine) တို့နဲ့အတူနေထိုင်ပါတယ်။ ကျွန်တော့်မှာ အမေရိကန်မှသားရေကုန်ကြမ်းများကို အများအားဖြင့် အာရှတိုက်ကစက်ရုံတွေဆီ ပြည်ပပို့ကုန်အဖြစ် တင်သွင်းတဲ့ အသေးစားစီးပွားရေးလုပ်ငန်းတစ်ခုရှိပါတယ်။
( မေး ) အစ်ကို့ရဲ့ စီမံကိန်းအကြောင်း နဲ့ ဒီအကြံဥာဏ်ကို ဘယ်လိုရရှိခဲ့သလဲဆိုတာ ကျွန်တော်တို့ကို ပြောပြပေးစေချင်ပါတယ်။
( ဖြေ ) ၂၀၁၁ ခုနှစ်၊ သြဂုတ်လမှာ ကျွန်တော် CNN ကလာတဲ့ သတင်းတစ်ပုဒ်ကိုကြည့်ရှုမိပါတယ်။ ဆိုမားလီးယားအတွင်း မိုးခေါင်မှု နှင့် အငတ်ဘေးဆိုက်နေတဲ့သတင်းပါ။ မိုးခေါင်ရေရှားအငတ်ဘေးဆိုက်မှုကြောင့် ကလေးငယ်ပေါင်း ၆၀၀၀,၀၀၀ အထိ အသက်ဆုံးရှုံးနိုင်တယ်လို့ သတင်းမှာ ပြောဆိုသွားပါတယ်။ ကျွန်တော် ဒါကိုကြားသိရချိန်မှာ အလွန်ကိုတုန်လှုပ်သွားခဲ့ပါတယ်။ ကျွန်တော်တို့နေထိုင်နေတဲ့ ကမ္ဘာမြေပေါ်မှာ ယခုလိုအဖြစ်မျိုးရှိနေတာကို မယုံနိုင်လောက်အောင်ဖြစ်သွားရတယ်။ အဲ့ဒီအခြေအနေအတွက် ကျွန်တော့်ကို ဘုရားသခင်က တစ်ခုခုလုပ်ဆောင်ဖို့ နှိုးဆော်နေပြီလို့ခံစားရတယ်။ ယခင်က ဒီလိုလှူဒါန်းမှုမျိုးကို တစ်ခုမှမလုပ်ဖူးတဲ့ ကျွန်တော်ဟာ ဒီကိစ္စအတွက် တစ်စုံတစ်ရာကြိုးစားကြည့်ဖို့ ဆုံးဖြတ်လိုက်ပါတယ်။ ကျွန်တော့်ကို ဘုရားသခင်က လမ်းညွှန်ပြသပေးမယ်ဆိုတဲ့ ယုံကြည်ချက်အပြည့်အ၀နဲ့ပေါ့။
အဲ့ဒီနောက် ကျွန်တော့် သူငယ်ချင်းများအကူအညီနဲ့အတူ လပေါင်းအနည်းငယ် ကောက်ခံစုဆောင်းပြီးတဲ့နောက်ပိုင်း ကျွန်တော်တို့ရဲ့ဝက်ဘ်ဆိုဒ်ကို တည်ထောင်တယ်၊ အကျိုးအမြတ်မရည်မျှော်တဲ့အဖွဲ့ (Not-For-Profit Incorporation) အဖြစ် နယူးယောက်အတွင်း လက်ခံလာအောင်လုပ်တယ်၊ Extraordinary Project အတွက် တံဆိပ်ကိုရေးဆွဲတယ်၊ နောက်ဆုံး ၂၀၁၂ ခုနှစ်၊ ဖေဖော်ဝါရီလ ၂၆ ရက်နေ့မှာ Extraordinary Project ကို စတင်ခြေလှမ်း အကောင်ထည်ဖော်နိုင်ခဲ့တယ်။
( မေး ) အစ်ကိုပြောခဲ့သလို Extraordinary Project ဟာ လူတစ်ဦးချင်းစီရဲ့ အားထုတ်လုပ်ဆောင်မှုဆိုတော့ ဒီပရောဂျက်ရဲ့ဒဏ်ကို အစ်ကိုနဲ့အစ်ကို့မိသားစုဖက်က ဘယ်လိုခါးစည်းခံခဲ့ရသလဲ ?
( ဖြေ ) ဒီမေးခွန်းမေးမြန်းတဲ့အတွက် ကျွန်တော် ၀မ်းမြောက်မိတယ်။ ကျွန်တော့်အတွက်တော့ တကယ်ကို အလုပ်အများအပြားဖြစ်သွားစေတယ်၊ ကျွန်တော့်မှာ ကိုယ်ပိုင်စီးပွားရေးလုပ်ငန်းလေးကို အချိန်ပြည့်တာဝန်ယူရတဲ့အပြင် ဖခင်တစ်ယောက်၊ ခင်ပွန်းတစ်ဦးရဲ့တာဝန်တွေကိုလည်း မပျက်ကွက်ဖို့ အချိန်ပေးနေရတယ်။
ကျွန်တော် Extraordinary Project ကို စတင်ချိန်မှာ အချိန်ပြည့်လုပ်ငန်းနှစ်ခုကို တစ်ပြိုင်တည်းလုပ်နေရသလိုပါပဲ။ ခုအချိန်ကျတော့ အရင်ကလောက် အလုပ်မများတော့ပါဘူး၊ ဒါပေမယ့် အချိန် တော်တော်ပေးနေရသေးတာပေါ့။ မည်သို့ဆိုစေ Extraordinary Project ဆိုတာ ကျွန်တော်တစ်ယောက်ထဲလုပ်ဆောင်တဲ့ အဓိပ္ပာယ်မထွက်ကြောင်း နားလည်ဖို့အရေးကြီးပါတယ်။ လူများအားလုံးရဲ့ လုပ်ဆောင်ချက်တစ်ခုပါပဲ။
ပရောဂျက်မှာ “ ငါ – ME ” ဆိုတာမျိုးမဟုတ်ဘဲ “ ငါတို့ – WE ” ဆိုတဲ့အမြင်မျိုးကို ထာဝစဉ် သဘောထားခဲ့ပါတယ်။ အားလုံးစည်းလုံးမှသာ ယခုလို အောင်မြင်မှုကို ကျွန်တော်တို့တည်ဆောက်နိုင်မှာဖြစ်တယ်။ ဘုရားသခင်ကသာမန်လူများကိုအသုံးပြုပြီး သာမန်မဟုတ်တဲ့အံ့ဖွယ်စီမံကိန်းကို အကောင်အထည်ဖော်စေခဲ့ခြင်းကြောင့် Extraordinary Project လို့ ကျွန်တော် အမည်ရွေးခေါ်တွင်ခဲ့တာဖြစ်တယ်။
( မေး ) ဆိုမားလီးယားက ကလေးငယ်များကို ကူညီဖို့ အစ်ကို့ကိုဘယ်အချက်တွေက လှုံ့ဆော်ခဲ့တာလဲ ? အစ်ကို့အသိုင်းအ၀ိုင်းက ဒီလိုအကြံဥာဏ်မျိုး လက်ခံဖို့ နဲ့ ကျယ်ပြန့်လာဖို့ ဘယ်လိုစည်းရုံးလုပ်ဆောင်ခဲ့ရပါသလဲဆိုတာ ပြောပြပေးစေချင်ပါတယ်?
( ဖြေ ) ကျွန်တော်ပြောသွားခဲ့သလိုပါပဲ။ ကလေးငယ် ၆၀၀,၀၀၀ ဟာ ဒီလိုပုံစံနဲ့သေဆုံးသွားနိုင်မယ်ဆိုတာ ကျွန်တော် မတွေးရဲလောက်အောင်ဖြစ်သွားတယ်။ ကျွန်တော် ဒီအခြေအနေအတွက် တစ်ခုခုကိုတော့ ကြိုးစားလုပ်ဆောင်ပေးချင်လာတယ်။ ဖခင်တစ်ယောက်အနေနဲ့ သူတို့မိဘတွေ ဘယ်လိုများ မျှော်လင့်ချက်မဲ့စွာခံစားနေရမလဲ ဆိုတာ ကျွန်တော် မတွေးဝံ့တော့ဘူး။ သူတို့တွေဟာ သူတို့ရင်သွေးငယ်များအတွက် မစို့မပို့လောက်သာ လုပ်ဆောင်ပေးနိုင်တော့မယ် ဒါမှမဟုတ် ဘာမှကိုမလုပ်ပေးနိုင်တော့လို့ဆိုပြီး ရင်ကျိုးလုမတတ်ခံစားနေရမှာ သေချာပါတယ်။
Extraordinary Project အတွင်း လူများ ပါဝင်လာဖို့ဆိုယင် ဒီစီမံချက်ကို ဒေသတွင်းလူထုတွေ သတိပြုမိအောင် တတ်နိုင်သမျှ အမြန်ဆုံးလုပ်ဖို့က ပထမဆုံးအချက်ဖြစ်တယ်လို့ ကျွန်တော် နားလည်ခဲ့တယ်။ ထို့အတူ ဒီရည်မှန်းချက်အောင်မြင်ဖို့ လူတစ်ဦးကို တစ်ဒေါ်လာလေးသာလှူဒါန်းလိုက်ရုံနဲူ့တစ်သန်းလောက်ကို ကယ်တင်နိုင်မယ့်အကြောင်း ပြောပြဖို့လိုတယ်။ ကျွန်တော်တို့မှာ လိုလားစွာ လှူဒါန်းမယ့်၊ ဒီသတင်းကိုလက်ဆင့်ကမ်းမယ့် သူငယ်ချင်းတွေ၊ မိသားစုဝင်တွေ အမြောက်အများရှိကြသော်လည်း လူအမြောက်အများ ထပ်မံသိဖို့လိုအပ်တယ်ဆိုတာ ကျွန်တော်သဘောပေါက်မိတယ်။ ကြိုးစားမှုတစ်ချို့လွန်မြောက်ပြီးတဲ့နောက်မှာ ပြည်တွင်းရုပ်မြင်သံကြားလိုင်း ၄ ခုကတဆင့် ဒီစီမံချက်နဲ့ပတ်သက်ပြီး ကျွန်တော်တို့ အင်တာဗျူးလုပ်ပြီး တင်ပြပြောကြားနိုင်ခဲ့ပါတယ်။ ဒါ့အပြင် လူသိများတဲ့ ပြည်တွင်းသတင်းစာ ၃ စောင်မှာလည်း Extraordinary Project အကြောင်းဆောင်းပါးများ ရေးသားဖော်ပြပေးဖို့ လုပ်ဆောင်နိုင်ခဲ့တယ်။ ဒါတွေဟာ ကျွန်တော်တို့အတွက် အဓိကအထောက်အကူတွေဖြစ်သွားခဲ့တယ်လေ။ အဲ့ဒီအင်တာဗျူးများ နဲ့ သတင်းဆောင်းပါး အများစုကို ကျွန်တော်တို့ဝက်ဘ်ဆိုဒ်ထဲ ၀င်ရောက်ကြည့်ရှုနိုင်ပါတယ်။
( မေး ) အစ်ကိုက လူတစ်သန်းဆီကနေ ဒေါ်လာတစ်သန်းအထိရအောင် စုဆောင်းနေတာပေါ့။ ဒါဆို အခုထိဘယ်လောက်ရရှိပြီလဲ ?
( ဖြေ ) ခုချိန်ထိတော့ ကျွန်တော်တို့ ဒေါ်လာ ၅၄,၂၄၇ ရရှိပြီးပါပြီ။ လှူဒါန်းမှုအများအပြားဟာ တကယ့်ကို တစ်ဒေါ်လာစီပါပဲ။ ဒါကိုကြည့်ယင် ပါဝင်လိုသူအမြောက်အများရှိနေတာကို မြင်နိုင်ပါတယ်။ တစ်ချို့လူများကတော့ $5, $10 သို့မဟုတ် $20 စသဖြင့် လှူကြပါတယ်။ $100 မှ $1000 ထိလှူကြတဲ့ လူအနည်းအကျဉ်းလည်းရှိပါတယ်။ လူတစ်ဦးကတော့ $20,000 အထိ ထည့်ဝင်လှူဒါန်းခဲ့တဲ့အခါ ကျွန်တော်တို့အတွက် အံ့သြတုန်လှုပ်ခဲ့ရပါတယ်။
ထူးထူးခြားခြား တစ်ခါတစ်လေ $12 သို့မဟုတ် $26 စသဖြင့် ကပ်သီးကပ်သပ်ပမာဏကို လှူဒါန်းကြတာတွေ့ရတယ်။ အမှန်တော့ ဒါဟာ မိသားစုဝင်တစ်ဦးကိုတစ်ဒေါ်လာနှုန်းနဲ့ မိသားစုလိုက်စုပေါင်းလှူဒါန်းမှုပါပဲ။
ဒီထက်ပိုပြီးအံသြဖို့ကောင်းတာက ဒီလုပ်ဆောင်ချက်ဟာ ထင်ထားသလောက် အခြေအနေထိ အောင်မြင်ခဲ့တယ်ဆိုတာပဲ။ ကျွန်တော့်စီမံကိန်းကို လူတော်တော်များများက သူတို့ကိုယ်ပိုင် ပရောဂျက်တစ်ခုအနေနဲ့ သဘောထားလို့ သူတို့သိကျွမ်းသူများထံကနေ အလှူငွေကောက်ယူပြီး ကျွန်တော်တို့ဆီကို ပြန်လွှဲပေးကြတယ်။ ကျွန်တော်မသိကျွမ်း မတွေ့မြင်ဖူးတဲ့လူတွေလည်း ပါကြတယ်။ အခြားသော အငယ်စားကိုယ်ပိုင်စီးပွားရေး လုပ်ငန်းရှင်တွေကလည်း ငွေကြေးမတည်ပြီး သူတို့ဖောက်သည်များဆီက အလှူခံကြတယ်။ ပြီးတော့ ကျွန်တော်တို့ကို ပြန်လွှဲပေးတာမျိုးလည်း ရှိပါတယ်။ ထို့အတူ စားသောက်ဆိုင်များကလည်း ဒီအစီအစဉ်အတွက် အထူးနေ့လည်စာ သို့မဟုတ် ညစာအထူးအစီအစဉ်များကို ပြုလုပ်ရောင်းချကြပြီး အဲ့ဒီအထဲမှ တစ်စိပ်တစ်ဒေသကို ပြန်လည်ပေးကမ်းလှူဒါန်းကြတယ်။ မိမိတို့နဲ့ အတူတစ်ကွအလုပ်လုပ်သူများထံမှ လှူဒါန်းငွေများကောက်ခံပေးကြတဲ့ နယ်ခံစီးပွားရေးသမားတစ်ချို့ကိုလည်း တွေ့ရပါသေးတယ်။ အလားတူဖြစ်စဉ်မျိုး ရှေ့ဆက်လာတဲ့အခါ မယုံနိုင်လောက်အောင် အောင်မြင်မှုရရှိသွားခဲ့ပါတယ်။
( မေး ) ဒီအချိန်အတိုင်းအတာအတွင်း ကြုံခဲ့ရတဲ့ အဓိကအခက်ခဲကို ပြောပြစေချင်ပါတယ်။
( ဖြေ ) အခုချိန်အထိတော့ အဓိကအခက်ခဲဟာ လူအများရဲ့ အသိစိတ်ထဲမှာ Extraordinary Project ကို ရှင်သန်စိတ်စွဲနေအောင် လုပ်ဆောင်ရခြင်းပါပဲ။ လူတွေဟာ နေ့စဉ်နဲ့အမျှ သတင်းသစ်တွေ၊ သတင်းထူးတွေကို ကြားသိတွေ့မြင်နေရတာကြောင့် အကြောင်းအရာဟောင်းများကို မေ့ပျောက်သွားလေ့ရှိကြတယ်။ ဒီသတင်းကို ဆက်လက်ထိန်းသိမ်းထားဖို့ လူအများရှေ့မှောက်မှာ ဒီထက်မက ကျွန်တော်တို့ အင်တိုက်အားတိုက် ကြိုးစားဖို့လိုပါတယ်။ ကျွန်တော်တို့မှာ လုပ်ဆောင်ဖို့ အများကြီးကျန်နေပါသေးတယ်။ လူသားအားလုံးရဲ့ အားပေးပါဝင်မှုလည်းလိုအပ်တယ်။ ရှေ့ဆက်ပြီး ကျွန်တော်တို့ ဒီလို ဒေသတွင်း အဆင့်ကနေ နိုင်ငံတကာအဆင့်ထိရောက်ဖို့ လုပ်ဆောင်ရေးကို ဆန္ဒပြင်းပြလျက်ရှိပါတယ်။ ဒီလိုဖြစ်လာနိုင်အောင်လည်း ကြိုးစားသွားမှာပါ။ ဒါပေမယ့် ဒါဟာ လွယ်ကူတဲ့အလုပ် တစ်ခု မဟုတ်တဲ့အတွက် အောင်မြင်ပြီးမြောက်ဖို့ အကူအညီအများကြီးလိုအပ်ပါသေးတယ်။
( မေး ) နိုင်ငံတကာအဆင့်ထိ ရောက်ရှိသွားပါစေဗျာ။ ဒါနဲ့ စာဖတ်သူပရိသတ်များအနေနဲ့ Extraordinary Project ကို ဘယ်လိုထောက်ပံ့ကူညီပေးနိုင်မယ်ဆိုတာ ကျွန်တော်တို့ကို ပြောပြပေးနိုင်မလားခင်ဗျာ ?
( ဖြေ ) ဆိုမာလီကလာတဲ့လူတွေ အမေရိကန်နိုင်ငံမှာ တော်တော်များများရှိကြပါတယ်။ သူတို့ကို ဒီလုပ်ဆောင်ချက် အကြောင်းအသိပေးနိုင်မယ်ဆိုယင် အကောင်းဆုံးအကူအညီတစ်ခု ဖြစ်သွားမှာပါပဲ။ ယခုလုပ်ဆောင်ချက်ကို လူတိုင်းအသိကိုယ်စီနဲ့ ကမ္ဘာအနှံ့ ဖြန့်ကျက်ပေးနိုင်ရင် လူတစ်သန်းမှ တစ်ဦးကိုတစ်ဒေါ်လာနှုန်းဆိုတဲ့ ကျွန်တော်တို့ရဲ့လှူဒါန်းမှုပန်းတိုင်ဟာ အမြန်ဆုံးအကောင်အထည်ပေါ်လာနိုင်မှာဖြစ်ပါတယ်။ ထို့အတူ့ ဆိုမားလီးယားအဆိုတော် (K’naan) လို လူသိများကျော်ကြားတဲ့သူများပါဝင်လာဖို့လည်း မျှော်လင့်ပါတယ်။ သူတို့ဟာ နိုင်ငံတကာအဆင့်လူထုဆီအရောက် ကျွန်တော်တို့ကိုအကောင်းဆုံးဆက်သွယ်ပို့ဆောင်ပေးမယ့် ပုဂ္ဂိုလ်တွေဖြစ်လို့ပါပဲ။
OnIslam မှ Save A Child With One Dollar အင်တာဗျူးကို မြတ်နိုး မှ ဆီလျော်အောင် ဘာသာပြန်ဆိုပါသည်။
————————————————-
** M-Media ၏ မူပိုင် သတင်း/ဆောင်းပါးများကို အွန်လိုင်းမီဒီယာများတွင် မည်သူမဆို လွတ်လပ်စွာကူးယူဖော်ပြနိုင်ပါသည်။ ကူးယူဖော်ပြသူများအနေဖြင့် M-Media မူရင်းလင့်ခ်ကို ထည့်ပေးဖို့ မေတ္တာရပ်ခံအပ်ပါသည်။
စီးပွားဖြစ် ထုတ်ဝေသော Print Media များတွင် အသုံးပြုလိုသူများ M-Media သို့ ခွင့်ပြုချက်တောင်းရန် လိုအပ်ပါမည်။
ဆက်သွယ်ရန် [email protected]
