နိုဝင်ဘာ-၁၁ ၂၀၁၃
M-Media
အသင်း၏ အဝေးကွင်း စွမ်းဆောင်ရည်နှင့် ပတ်သက်ပြီး ပယ်လီဂရီနီ စိုးရိမ်
မန်ချက်စတာအသင်း၏ အဝေးကွင်း စွမ်းဆောင်ရည်များနှင့် ပတ်သက်၍ စိုးရိမ်မိနသည်ဟု အသင်းနည်းပြ ပယ်လီဂရီနီက ၀န်ခံပြောကြားလိုက်သည်။
ဆန်းဒါးလန်းအသင်းအား အဝေးကွင်းတွင် ရှုံးနိမ့်ခဲ့ပြီးနောက် ပယ်လီဂရီနီက အဝေးကွင်းတွင် အမှတ်များအရ မယူနိုင်ပါက ချန်ပီယံဖြစ်ရန်ခက်ခဲလာပီဟု ပြောကြားခဲ့ပြီး အသင်းရှိ ကစားသမားများကိုလည်း စွမ်းဆောင်ရည်ကိုလည်း ကာကွယ်ပြောကြားခဲ့သည်။
“အဝေးကွင်းမှာ အမှတ်တွေဆုံးရှုံးနေတဲ့အတွက် ကျွန်တော်စိုးရိမ်မိပါတယ်။ တကယ်တော့ ဒါဟာ တော်တော်ခက်ခဲ့ပါတယ်။ အဝေးကွင်းမှာ ကျွန်တော်တို့ မနိုင်ဘူးဆိုရင် ပရီးမီးယားလိဂ်မှာ ချန်ပီယံဖြစ်ဖို့ခက်ခဲပါတယ်။ ဒါပေမယ့် ကျွန်တော်တို့ကစားပုံ ဆိုးရွားတယ်လို့တော့ မထင်ပါဘူး။ ကျွန်တော်တို့ အစီအစဉ်တွေချပြီး တိုးတက်အောင် ကြိုးစားရပါမယ်။ နောက်ပွဲတွေမှာ ကျွန်တော်တို့ နိုင်မယ်ဆိုတာ သေချာပါတယ်” ဟု ပယ်လီဂရီနီက ပြောကြားခဲ့သည်။
Ref:Goal.com
…………………………….
အာဆင်နယ်အနေဖြင့် တိုက်စစ်မှူးတစ်ဦး ၀ယ်ယူသင့်သည်ဟု နောက်ခံလူဟောင်းဆို
အာဆင်နယ်အသင်း၏ နောက်ခံလူဟောင်းဖြစ်သူ နီဂယ် ၀င်းတားဘန်းက အာဆင်ဝင်းဂါးအနေဖြင့် အသင်းတွင်ရှိနေသည့် တိုက်စစ်မှူး ဂျရူး ဖိအားလျော့စေရန် လာမည့် ဇန်န၀ါရီလတွင် တိုက်စစ်မှူးတစ်ဦး ၀ယ်ယူသင့်သည်ဟု ယုံကြည်ကြောင်း ပြောကြားခဲ့သည်။
ပိုဒေါစကီးနှင့် ဝေါလ်ကော့တို့ ဒဏ်ရာမှပြန်လည် သက်သာလာပါက အသင်း၏ တိုက်စစ်မှာ ပိုမို ကောင်းမွန်လာမည်ဖြစ်သော်လည်း ၀င်းဂါးအနေဖြင့် ဂျရူးကဲ့သို့ တိုက်စစ်မှူး စစ်စစ်တစ်ယောက် ၀ယ်ယူရန် အရေးကြီးသည်ဟု ၀င်းတားဘန်းက ခံစားနေရသည်။
“(အာဆင်နယ်အသင်းတွင်) လူတိုင်းပြောနေကြတဲ့နေရာတစ်ခုကတော့ တိုက်စစ်မှူးနေရာပါ။ ဂျရူးဟား အနားမရဘဲ အသင်းမှာ ကစားနေရမယ်ဆိုရင် ဒါဟာ သူ့အတွက် ခက်ခဲမှာပါ။ သူတို့(အာဆင်နယ်)အနေနဲ့ အမြဲတမ်းဖြစ်ဖြစ်၊ အငှားနဲ့ဖြစ်ဖြစ် တိုက်စစ်မှူး တစ်ယောက်လောက် ခေါ်ဖို့ကြိုးစားမယ်လို့ ကျွန်တော်ထင်ပါတယ်” ဟု ၀င်းတားဘန်းမှ ပြောကြားခဲ့သည်။
အသက် ၄၉ နှစ်အရွယ်ရှိ ၀င်းတားဘန်းမှာ အာဆင်နယ်အသင်းတွက် ပွဲပေါင်း ၄၀၀ ကျော်ကစားပေးခဲ့သည့် ဂန္တ၀င်နောက်ခံလူဟောင်းတစ်ဦးဖြစ်သည်။
Ref: Goal.com
…………………………………..
ဂွာဒီယိုလာမှာ ဘိုင်ယန်တွင် ဘာစီလိုနာမှထက်ပိုသည့် အောင်မြင်မှုမျိုးကို ရယူချင်သည်ဟု ရီဘာရီဆို
ဘိုင်ယန်မြူးနစ်အသင်း၏ အလယ်တန်းလူ ဖန့်ရီဘာရီက အသင်းနည်းပြ ဂွာဒီယိုလာ၏ စွမ်းဆောင်ရည်များအား ချီးကျူးလိုက်ပြီး၊ ယခုနှစ်နွေရာသီ ဂွာဒီယိုလာ အသင်းသို့စရောက်ကတည်းက မိမိ၏ စွမ်းဆောင်ရည်များမှာလည်း တိုးတက်လာခဲ့သည်ဟု ပြောကြားလိုက်သည်။
ဘိုင်ယန်မြူးနစ်အသင်းမှာ ဘွန်ဒစ်လီဂါတွင် ၃၇ ပွဲဆက်တိုက် ရှုံးပွဲမရှိအောင် ကစားနိုင်ခဲ့ပြီး ဟမ်းဘတ်အသင်း၏ နှစ်ပေါင်း ၃၀ ကြာတင်ထားခဲ့သည့် စံချိန်ကိုလည်း ချိုးဖျက်နိုင်ခဲ့သည်။
“အောင်မြင်မှုတွေရခဲ့တဲ့ ဘာစီလိုနာမှာ သူပြသခဲ့တဲ့ နည်းစနစ်ကို ဂွာဒီယိုလာက ကျွန်တော်တို့အသင်းကို ယူဆောင်လာပါတယ်။ သူရဲ့စိတ်ကူးတွေနဲ့ အတူ ရောက်လာခဲ့ပြီး ဘာစီလိုနာမှာရခဲ့တဲ့ အောင်မြင်မှုတွေထက်ပိုတဲ့ အောင်မြင်မှုတွေကို သူရချင်နေပါတယ်။ ဘိုင်ယန်နဲ့အတူ အောင်ပွဲခံချင်နေတာပါ” ဟု ဂွာဒီယိုလာနှင့် ပတ်သက်ပြီး အားကစားရုပ်သံတစ်ခုဖြစ်သည့် beIN Sport ရုပ်သံမှတင်ဆက်သည့် ‘Le Club’ အစီအစဉ် သို့ ရီဘာရီက ပြောကြားခဲ့သည်။
Ref: Goal.com
…………………………………..
ATP World Tour Finals ဖိုင်နယ်သို့ နာဒယ်နှင့် ဂျိုကိုဗစ်တို့တက်ရောက်
လန်ဒန်တွင်ကျင်းပပြုလုပ်နေသည့် ATP World Tour Finals တင်းနစ်ပြိုင်ပွဲ နောက်ဆုံးဗိုလ်လုပွဲသို့ စပိန်တင်းနစ်သမား နာဒယ်နှင့် ဆားဘီးယား တင်းနစ်သမား ဂျိုကိုဗစ်တို့ တက်ရောက်ခဲ့သည်ဟု သိရသည်။
နာဒယ်မှာ ဆီမီးဖိုင်နယ်တွင် ဆွစ်ဇလန်တင်းနစ်သမား ရော်ဂျာဖက်ဒါရာအား အနိုင်ယူနိုင်ခဲ့ပြီး၊ ဂျိုကိုဗစ်မှာလည်း ဆွစ်ဇလန်တင်းနစ်သမား ၀ါဝရင်ကာအား အနိုင်ရရှိခဲ့ခြင်းဖြစ်သည်။
ဒူးဒဏ်ရာမှပြန်လည်သက်သာလာပြီးနောက် ပြင်သစ်နှင့် ယူအက်စ်အိုပင်း တင်းနစ်ပြိုင်ပွဲများတွင် အနိုင်ရရှိအောင် စွမ်းဆောင်နိုင်ခဲ့သည့် နာဒယ်မှာ ဖက်ဒါရာအား ၇-၅၊ ၆-၃ ဖြင့်အနိုင်ရရှိခဲ့ခြင်းဖြစ်သည်။ နာဒယ်မှာ ဖက်ဒါရာနှင့် ယခုပွဲအပါအ၀င် ၃၂ ပွဲတွေ့ဆုံခဲ့ပြီး ၂၂ ပွဲအနိုင်ရရှိခဲ့သည်။
အခြားဆီးမီးဖိုင်နယ်ပွဲစဉ်တစ်ခုဖြစ်သည့် ဂျိုကိုဗစ်နှင့် ၀ါဝရင်ကာတို့ပွဲတွင် ဂျိုကိုဗစ်က ၆-၃ ၆-၃ ဖြင့် နှစ်ပွဲပြတ်အနိုင်ရရှိခဲ့သည်။ ဂျိုကိုဗစ်မှာ ယခုပွဲအနိုင်ရရှိပြီးနောက် ၂၁ ဆက်တိုက် အနိုင်ရရှိသည့် ရလဒ်ကောင်းကိုလည်း ရရှိထားသည်။
ATP World Tour Finals မှာ ကမ္ဘာ့အဆင့် ၁ မှ ၈ အတွင်းရှိကစားသမားများသာ ၀င်ရောက်ယှဉ်ပြိုင်ရသည့် ရာသီပိတ် တင်းနစ်ပြိုင်ပွဲတစ်ခုဖြစ်ပြီး ဗိုလ်လုပွဲကို ယနေ့တွင် ကစားမည်ဖြစ်သည်။
Ref:skysports
………………………………………………..
ဂျူဗင်တပ်စ်အသင်းတွင် ကစားရသည်ကို ပျော်ရွှင်ကြောင်း လော်ရန်တေးဆို
ဂျူဗင်တပ်စ်အသင်း၏ တိုက်စစ်မှူးဖြစ်သူ လော်ရန်တေးက အခြားတိုက်စစ်မှူးတစ်ဦးဖြစ်သူ ကားလို့စ်တီဗက်ဇ်နှင့် ဆက်ဆံရေးကောင်းမွန် ကြောင်းပြောကြားခဲ့ပြီး အသင်း၌မပျော်မရွှင်ဖြစ်နေသည်ဆိုသည့်သတင်းအား ငြင်းပယ်လိုက်သည်။
လောရန်တေးမှာ နာပိုလီအသင်းအား ၃ ဂိုး ဂိုးမရှိဖြင့်အနိုင်ရရှိခဲ့သောပွဲတွင် တစ်ဂိုးသွင်းယူပေးခဲ့သည်။ ယခုနှစ်နွေရာသီကမှ ဂျူဗင်တပ်စ်သို့ ရောက်ရှိလာသည့် လော်ရန်တေးမှာ ဇန်န၀ါရီတွင် အသင်းမှ ထွက်ခွာတော့မည်ဟု ကောလဟာလများ ထွက်ပေါ်လာ ခဲ့သော်လည်း လော်ရန်တေးက ငြင်းပယ်ခဲ့သည်။
“ကျွန်တော့်ရဲ့လုပ်အားတွေနဲ့ အသင်းကို အမြဲတမ်းကူညီပေးနေပါတယ်။ ကျွန်တော်ရဲ့စွမ်းဆောင်ရည်တိုးတက်လာတာဟာ တိုက်ဆိုင်မှုတစ်ခုတော့ မဟုတ်ဘဲ၊ ကျွန်တော်ကြိုးစားလို့သာ ဒီလိုတိုးတက်လာတာပါ။ ပြီးတော့ တီဗက်ဇ်နဲ့လည်း ဆက်ဆံရေးကောင်းတွေရှိပြီး အသင်းမှာရှိနေတာကိုလည်း ပြောပါတယ်” ဟု Sky Sport သို့ လော်ရန်တေးက ပြောကြားခဲ့သည်။
Ref: Goal.com
