ဧပြီ ၁၄၊ ၂၀၁၇
M-Media
မလေးရှား ဗလီဝတ်ကျောင်းတော်တစ်ခုမှ မြင်ကွင်း
– ထိုင်းနိုင်ငံရှိ အစ္စလာမ်ဘာသာဝင် လူ့အဖွဲ့အစည်းအနေဖြင့် အစ္စလာမ်သာသနာအား လိုက်နာကျင့်သုံးခြင်းနှင့် အာရပ်ယဉ်ကျေးမှုကို မရောထွေးရန် မလေးရှားမှ Global Movement of Moderates Foundation အဖွဲ့၏ စီအီးအို ဒါတွတ် ဒေါက်တာ နာရှာရူဒင် မတ် အီဆာက ပြောကြားလိုက်သည်။
ချူလာလောင်ကွန်တက္ကသိုလ်တွင် ဧပြီလ ၉ ရက်နေ့က ‘Moderation — Islamic Approach to Face the Global Transition on Asean-Thailand’ ခေါင်းစဉ်ဖြင့် ကျင်းပပြုလုပ်ခဲ့သည့် နှီးနှောဖလှယ်ပွဲတွင် နာရှာရူဒင်က ထိုကဲ့သို့ ပြောကြားခဲ့ခြင်းဖြစ်ပြီး အာရပ်ဇာတ်အသွင်းခံရမှုမှာ မလေးရှားတွင်သာမကဘဲ ဒေသ
တွင်း၌ ဖြစ်ပေါ်နေသည့် ကိစ္စဖြစ်သည်ဟုလည်း ဆိုသည်။
“ကျွန်တော်တို့ဟာ အစ္စလာမ်သာသနာကို လိုက်နာကျင့်သုံးမှု အသက်ဝင်အောင် လုပ်ရပ်မှာဖြစ်ပြီး အာရပ်ယဉ်ကျေးမှု မဟုတ်ပါဘူး” ဟု နှီးနှောဖလှယ်ပွဲတွင် မိန့်ခွန်းပြောကြားအပြီး Bernama သတင်းဌာနနှင့် တွေ့ဆုံစဉ် ၎င်းက ဖွင့်ဟခဲ့သည်။
အဆိုပါ နှီးနှောဖလှယ်ပွဲသို့ ထိုင်းနိုင်ငံမှ ပညာရှင်များ၊ ထိုင်းနိုင်ငံဆိုင်ရာ မလေးသံအမတ်ကြီး ဒါတွတ် နာဇီရဟ် ဟူစိန်နှင့် အာဆီယံ အထွေထွေအတွင်းရေးမှူးချုပ်ဟောင်း တန်ဆရီ ဒေါက်တာ ဆူရင် ပစ်ဆူဝမ်တို့လည်း တက်ရောက်ခဲ့သည်။
၂၀၁၅ ခုနှစ်တွင် GMM ၏ စီအီးအိုအဖြစ် ခန့်အပ်ခံခဲ့ရသည့် နာရှာရူဒင်က လူတော်တော်များများမှာ ‘အာရပ်သည် အစ္စလာမ်ဖြစ်သည်။ အစ္စလာမ်သည်လည်း အာရပ်ဖြစ်သည်’ ဆိုသည့် အတွေးဝင်ကာ အာရပ်များကဲ့သို့ ဖြစ်ချင်နေကြသည်ဟုလည်း ထည့်သွင်းပြောဆိုခဲ့သည်။
ထို့ပြင် မလေးလူမျိုးများမှာ ကြွယ်ဝသော ယဉ်ကျေးမှုရှိသည့် လူမျိုးဖြစ်ပြီး အစ္စလာမ်သာသနာနှင့် ဆန့်ကျင်ခြင်းလည်း မရှိဟု ဆိုသည်။
“ရှာရက် (အစ္စလာမ့်သွန်သင်မှုတွေ) နဲ့ မဆန့်ကျင်သမျှကာလပတ်လုံး ကိုယ့်ရဲ့ယဉ်ကျေးမှု လိုက်နာကျင့်သုံးတာကို အစ္စလာမ့်မှာ မတားထားပါဘူး”
ထိုင်းနိုင်ငံခြားရေးဝန်ကြီးဟောင်း ဆူရင် ပစ်ဆူဝမ်ကလည်း မလေးရှားနှင့် အင်ဒိုနီးရှားတို့မှာ လက်ရှိတွင် ၎င်းတို့၏ ယဉ်ကျေးမှု၌ အာရပ်ဇာတ်သွင်းခြင်းခံရသည့် ပြဿနာကို ရင်ဆိုင်နေရသသည်ဟု နှီးနှောဖလှယ်ပွဲတွင် ပြောကြားခဲ့သည်။
Ref: The Malay Mail
