Author: Ko Lay

ဇန်န၀ါရီ ၅၊ ၂၀၁၅
M-Media

– အမေရိကန်ရှိ မွတ်စလင်လူ့အဖွဲ့အစည်း၏ ရှေ့ဆောင်လမ်းပြ ပုဂ္ဂိုလ်တစ်ဦးဖြစ်ပြီး ဘာသာပေါင်းစုံ ချစ်ကြည်ရေးလုပ်ငန်းများကို စွမ်းစွမ်းတမံ ဆောင်ရွက်ခဲ့သူ ဒေါက်တာ မဟာ ဟက်သောက်မှာ ကွယ်လွန်သွားခဲ့ပြီဟု သိရသည်။

အသက် ၇၉ နှစ်အရွယ် ရှိပြီဖြစ်သည့် ဟက်သောက်မှာ ဆေးရုံ၌ ကင်ဆာရောဂါဖြင့် စနေနေ့တွင် ကွယ်လွန်သွားခဲ့ခြင်းဖြစ်ပြီး ဇနီးသည်၊ သားသမီး ၂ ဦးနှင့် မြေး ၄ ဦးတို့ ကျန်ရစ်ခဲ့သည်။

`ဒေါက်တာ မဟာ ဟက်သောက်ဟာ အစ္စလာမ်သာသနာနဲ့ လူသားထုတစ်ရပ်လုံးအတွက် ခေါင်းဆောင်ပါ။ မပြောရဲ မဆိုရဲတဲ့သူတွေ အတွက် ပြောဆိုပေးသူ တစ်ယောက်ဖြစ်ပြီး တိုင်းချစ်ပြည်ချစ် တစ်ယောက်ပါ။ ပြီးတော့ ကဗျာဆရာတစ်ယောက် ဆရာဝန်တစ်ယောက်၊မိသားစုကို ခင်တွယ်သူတစ်ယောက်လည်း ဖြစ်ပါတယ်။ တွေ့ဆုံတဲ့လူမှန်သမျှကလည်း သူ့အပေါ်မှာ ဖျောက်ဖျက်လို့မရတဲ့ လေးစားမှုမျိုး ရှိခဲ့ပါတယ်´ ဟု မွတ်စလင် ပြည်သူ့ရေးရာကောင်စီ MPAC မှ ထုတ်ပြန်သောကြေညာချက်တွင် ရေးသားဖော်ပြထားသည်။

ဟက်သောက်မှာ တောင်ကယ်လီဖိုးနီးယား အစ္စလာမ့်စင်တာတွင် ဥက္ကဌအဖြစ် ဆယ်စုနှစ် ၃ ခုကြာ စေတနာ့ဝန်ထမ်း တာဝန်ထမ်းဆောင်ခဲ့ပြီး ထိုစင်တာ၏ လူငယ်လှုပ်ရှားမှုကိုလည်း အကောင်အထည်ဖော်ပေးခဲ့သူဖြစ်သည်။ ထို့ပြင် ၁၉၈၈ ခုနှစ်တွင် MPAC ကို ပူးတွဲ တည်ထောင်ခဲ့သည်။

အမေရိကန်ရှိ သြဇာအလွှမ်းမိုးဆုံး ဗလီဝတ်ကျောင်းတော်များထဲမှ တစ်ခုဖြစ်သည့် အဆိုပါ အစ္စလာမ့်စင်တာတွင် ဟက်သောက်မှာ ၎င်းကိုယ်တိုင် အင်္ဂလိပ်ဘာသာဖြင့် ဟောကြားသည့် တရားဒေသနာတော်များကို အမျိုးသမီးများ လာရောက်နားထောင်နိုင်အောင် ပြုလုပ်ပေးခဲ့သည်။ ထို့ပြင် ဟက်သောက်မှာ အယူဝါဒနှင့်ပတ်သက်၍ တာဝန်သိစိတ်ဖြစ်လာစေရန်အတွက်လည်း ပုံစံချပေးခဲ့သည်။

`အစ္စလာမ်ကပြောတဲ့ သနားကြင်နာမှု၊ တူညီမှု၊ တရားမျှတမှုတွေနဲ့ အမေရိကန်မွတ်စလင်တွေက အမေရိကကို အထောက်အကူ ပြုနိုင်မယ်လို့ ဒေါက်တာ ဟက်သောက်က ယုံကြည်ပါတယ်။ သူဟာ ကျွန်တော်တို့အများစုကို အမှောင်ထဲကနေ အလင်းထဲကို ဆွဲထုတ်ခဲ့ပါတယ်။ ပြီးတော့ ကျွန်တော်တို့ကို ကုရ်အာန်ကျမ်းတော်မြတ်ထဲက သတင်းစကားကို ရှာဖွေစေချင်သူ တစ်ယောက်ပါပဲ´ ဟု MPAC ၏ ကြေညာချက်တွင် ထည့်သွင်းဖော်ပြထားသည်။

၁၉၉၁ ခုနှစ်တွင် အီရတ်က ကျူးကျော်စစ်ပွဲများ ဆင်းနွှဲချိန်တွင် ဟက်သောက်မှာ ဂျူး၊ ခရစ်ယာန် ဘုန်းတော်ကြီးများနှင့် ဆက်သွယ်ကာ `အရှေ့အလယ်ပိုင်း စစ်ပွဲဆန့်ကျင်ရေး မဟာမိတ်အဖွဲ့´ ကို ဖွဲ့စည်း တည်ထောင်ခဲ့သည်။

၂၀၁၃ ခုနှစ်တွင် `အစွန်းရောက်ဝါဒ ဆန့်ကျင်ရေး ကြေညာချက်´ ကို ဟက်သောက်က ထုတ်ပြန်ခဲ့ပြီး ၂၀၁၄ ခုနှစ် ညီလာခံတွင်လည်း `အစွန်းရောက်ဝါဒ – ပေါ်လစီများနှင့် ချစားသော အယူအဆ´ ဟူသောခေါင်းစဉ်ဖြင့် ဟောပြောခဲ့သည်။

ပေါင်းကူးတံတား တည်ဆောက်သူ

ဒေါက်တာဟက်သောက်မှာ အမေရိကန်မွတ်စလင်များ စွမ်းရည်မြင့်တက်လာစေရန်နှင့် အခြားသောအဖွဲ့အစည်းများအား ကူညီရန် အတွက် ရှေ့ဆောင်ရှေ့ရွက်ပြုပေးခဲ့သူ တစ်ဦးဖြစ်ပြီး အမေရိကန်ပြည်တွင်းနှင့် နိုင်ငံတကာကပါ လေးစားခံရသူတစ်ဦးလည်းဖြစ်သည်။

`အလ္လာဟ်အရှင်မြတ်ရဲ့ ထံတော်ပါးကို သူပြန်သွားခဲ့တာပါ။ လူ့အဖွဲ့အစည်းအကျိုးအတွက် မမောနိုင် မပမ်းနိုင် စွမ်းဆောင်မှုတွေ၊ ထက်မြက်တဲ့ ခေါင်းဆောင်မှုတွေကတစ်ဆင့် ဒေါက်တာဟက်သောက်ဟာ အမေရိကန်က မွတ်စလင်လူ့အဖွဲ့အစည်းအတွက်၊ တရားမျှတမှု၊ သည်းခံမှုနဲ့ အပြန်အလှန်နားလည်မှုတွေကို အခြေခံတဲ့ လူ့အဖွဲ့အစည်းတစ်ခုကို ရှာဖွေနေတဲ့ အမေရိကန်နိုင်ငံသား အားလုံးအတွက် စံပြအဖြစ် တာဝန်ထမ်းဆောင်ခဲ့သူ ဖြစ်ပါတယ်´ ဟု အမေရိကန်-အစ္စလာမ် ဆက်ဆံရေးကောင်စီမှ နိုင်ငံလုံးဆိုင်ရာ အမှုဆောင် ဒါရိုက်တာ နီဟတ် အ၀ဒ်က ပြောကြားခဲ့သည်။

ဒေါက်တာ ဟက်သောက်မှာ အခြားသော ဘာသာတရားများနှင့် ဆက်ဆံရေးကို တည်ဆောက်ခဲ့ပြီး ဒေသအတွင်း အလွှမ်းမိုးဆုံး ဂျူး၊ ခရစ်ယာန်ခေါင်းဆောင်များနှင့် ပူးပေါင်းကာ နျူလက်နက်ပြန့်ပွားမှုဆန့်ကျင်ရေး၊ အမေရိကန်ဦးဆောင်သည်။ အီရတ်-ကူဝိတ်စစ်ပွဲကို ဆန့်ကျင်ရေး စသည့် လှုပ်ရှားမှုများကို ဆောင်ရွက်ခဲ့သည်။

`သူဟာ အလယ်အလတ်ဝါဒရဲ့ အသံလည်း ဖြစ်ပါတယ်။ အကြမ်းဖက်သမားတွေကို ပြင်းပြင်းထန်ထန် ဆန့်ကျင်တဲ့သူလည်းဖြစ်ပါတယ်။ အခြေခံဝါဒရဲ့ ဘယ်လိုအကြောင်းအရင်းမဆို အန္တရာယ်ရှိပြီး အတွေးအခေါ်ကို ဖျက်ဆီးစေတတ်တဲ့ ပုံစံပဲလို့ သူဟာ အားလုံးရှေ့ထွက်ပြီး ပြောခဲ့သူတစ်ယောက်ပါ´ ဟု ပါဆာဒီနာရှိ All Saints Episcopal ခရစ်ယာန်ဘုရားကျောင်းမှ သိက္ခာတော်ရ ဆရာတော် ဂျော့ဂ်ျ ရေဂက်စ်က ပြောကြားခဲ့သည်။

ဟက်သောက်မှာ ၁၉၃၆ ခုနှစ် ဇန်န၀ါရီ ၁ ရက်နေ့တွင် အီဂျစ်နိုင်ငံ ကိုင်ရိုမြို့၌ မွေးဖွားခဲ့သူဖြစ်ပြီး ဆေးပညာဖြင့် ဘွဲ့ရခဲ့ပြီးနောက် နယူးယောက်သို့ ပြောင်းရွှေ့လာခဲ့ကာ လော့စ်အိန်ဂျလိစ်တွင် ပညာဆက်လက်ဆည်းပူးခဲ့သည်။

ထို့နောက် အမေရိကန်ရှိ မွတ်စလင်လူ့အဖွဲ့အစည်းကို ဦးဆောင်ခဲ့ပြီး၊ မွတ်စလင်ကမ္ဘာနှင့် ဆက်ဆံရေး တိုးတက်စေရန်နှင့်ပတ်သက်၍ အမေရိကန်သမ္မတ ဘီလ်ကလင်တန်၊ ဂျော့ဂ်ျ ဒဘလူ ဘုရ်ှတို့နှင့် တွေ့ဆုံဆွေးနွေးခဲ့သည်။ ထို့ပြင် ဟက်သောက်မှာ အကြမ်းဖက်ဝါဒ အား ဆန့်ကျင်သော အစ္စလာမ်၏ သဘောထားကို မီးမောင်းထိုးပြသည့် စာအုပ်ပေါင်းများစွာကိုလည်း ရေးသားခဲ့သူဖြစ်သည်။

ဟက်သောက်မှာ ငြိမ်းချမ်းရေး၊ ဘာသာပေါင်းစုံချစ်ကြည်ရေးနှင့် ပတ်သက်သည့် ဆုတံဆိပ်ပေါင်းများစွာကိုလည်း ရရှိခဲ့သည်။

Ref : onislam