ဧပြီ ၅၊ ၂၀၁၆
ယူအေအီးနိုင်ငံဆိုင်ရာ လစ်ဗျားသံအမတ်ကြီး ဒေါက်တာ Aref Ali Nayed
– ဒေအတွင်းရှိ အစ္စလာမ်သာသနာကို အာရပ်မှုပြုနေသည့်အချိန်တွင် မလေးလူမျိုးများအနေဖြင့် အစ္စလာမ်ဘာသာကို ပိုမိုအလေးထားကြောင်း သက်သေပြရန်အတွက် မိမိတို့၏ ကိုယ်ပိုင်ယဉ်ကျေးမှုကို မစွန့်လွှတ်သင့်ဟု Channel NewsAsia နှင့်ပြုလုပ်သောအင်တာဗျူးတစ်ခုတွင်ယူအေအီးနိုင်ငံဆိုင်ရာ လစ်ဗျားသံအမတ်ကြီး ဒေါက်တာ Aref Ali Nayed က ပြောကြားခဲ့သည်။
အရှေ့တောင်အာရှမွတ်စ်လင်မ်တို့သည် အာရဗ်အစဉ်အလာများကို အစားထိုးမည့်အစား ၎င်းတို့၏ ကိုယ်ပိုင်ယဉ်ကျေးမှုထုံးတမ်းများကိုသာ တန်ဖိုးထားကျင့်သုံးသင့်ကြောင်းလည်း ၎င်းက ထည့်သွင်းပြောကြားခဲ့သည်။
“စာသင်ခန်းတွေ၊ ရွာငယ်တွေမှာ ရာစုနှစ်ပေါင်းများစွာ သင်ကြားလာတဲ့ သက်ဆိုင်ရာဓလေ့ထုံးတမ်းတွေအပေါ် မလေးရှား၊ အင်ဒိုနီးရှား၊ စင်္ကာပူနဲ့ ဘရူနိုင်းနိုင်ငံများအနေနဲ့ တကယ်ကို တန်ဖိုးထားခဲ့ကြမယ်လို့ ကျွန်တော် ယူဆပါတယ်။ မလေးလူမျိုးတစ်ဦးက အရဗီစကားတစ်ချို့ကို အငှားသုံးပြီး မိမိဟာ ပိုမိုအစ္စလာမ်ပီသကြောင်းပြသဖို့ မိမိရဲ့ဘာသာစကား၊ ပြောဆိုပုံ၊ ၀တ်စားဆင်ယင်ပုံများကို ဘာကြောင့် စွန့်လွှတ်ကျောခိုင်းရမှာလဲဗျ” ဟူ၍ မတ်လ ၂၈ ရက်၌ တင်ဆက်သည့် Channel NewsAsia ၏ အင်တာဗျူးဆွေးနွေးခန်းတွင် ပြောကြားလိုက်ခြင်းဖြစ်သည်။
Dr Nayed သည် ကမ္ဘာ့သြဇာအကြီးမားဆုံး ထိပ်တန်းမွတ်စ်လင်မ် ၅၀ ဦးအနက် အပါအ၀င်အဖြစ် ဂျော်ဒန်နိုင်ငံ၊ The Royal Aal al-Bayt တက္ကသိုလ်၊ အစ္စလာမ့်ဒဿနဆိုင်ရာ ကျွမ်းကျင်သူများအဖွဲ့မှ သတ်မှတ်ထားခြင်းခံရသူဖြစ်သည်။
၎င်းပြင် သူသည် Kalam Research and Media ကျွမ်းကျင်ပညာရှင်များအဖွဲ့တည်ထောင်သူနှင့် ဒါရိုက်တာလည်း ဖြစ်သည်။ အစ္စလာမ်၌ အာရပ်မှုပြုခြင်းနှင့် အရှေ့တောင်အာရှရှိ ယဉ်ကျေးမှုဓလေ့များဆိုင်ရာ သူ၏မှတ်ချက်များက အငြင်းပွားဖွယ်ရာ ဖြစ်စေခဲ့သည်။
မကြာသေးမီ မလေးရှား၏ The Star နှင့်ပြုလုပ်သည့် အင်တာဗျူးတစ်ခု၌လည်း အလားတူမှတ်ချက်မျိုး ပေါ်ထွက်ခဲ့ဖူးပြီး ဂျိုဟိုးနယ်စားက အာရပ်နည်းလမ်းကို တုပနေခြင်းအစား မိမိတို့၏ကိုယ်ပိုင်ယဉ်ကျေးမှု၌ စွဲမြဲကြရန် သတိပေးခဲ့ခြင်းဖြစ်သည်။
အာရဗ်ဖြစ်ရန်မလို၊ မွတ်စ်လင်မ်ကောင်းတစ်ဦးဖြစ်ရန်သာလိုသည်
ကမ္ဘာတစ်ဝှမ်း တက္ကသိုလ်ကြီးများတွင် အစ္စလာမ့်အဘိဓမ္မာ၊ ဒဿန၊ နာမ်ပိုင်းတရားများအား ပို့ချပေးနေသည့် အစ္စလာမ့်ပညာရှင် Dr Nayed က အာရပ်ဘာသာရေးဆရာများထံမှ သာသနာ့သွန်သင်ချက်များအပေါ် မဆင်မခြင်လက်ခံခြင်း မပြုရန်ကိုလည်း သတိပေးခဲ့သည်။
အရှေ့တောင်အာရှရှိ ဘာသာရေးပညာရှင်တို့သည် မိမိတို့ထံရှိသော တန်ဖိုးတရားတို့ကို တန်ဖိုးထားလေးစားရန်သာမက မိမိတို့၏အနာဂတ်မျိုးဆက်များနှင့်လက်တွဲ၍ ဖွံ့ဖြိုးအောင် ဆောင်ရွက်ကြရန်ကိုလည်း သူက တိုက်တွန်းခဲ့သည်။
ရှိုက်ခ် Abdallah bin Bayyah ကဲ့သို့သော အစ္စလာမ်ရေးရာပညာရှင်များသည် ယူအေအီး၌ နာမည်ကောင်းတွင်ကြသော်လည်း ဒေါက်တာ Nayed က “ကလေးငယ်တွေကို အာရပ်နိုင်ငံအချို့ဆီ လွှတ်ဖို့ မလိုအပ်ပါဘူး။ အဲ့ဒီကသူတွေဟာ အစ္စလာမ့်သရုပ်မှန်နဲ့ တော်တော်ကွာဟနေတဲ့ ပုံဟန်တွေကိုသာ သင်ကြားပေးနေကြတာပါ။ ကံမကောင်းအကြောင်းမလှစွာ အာရဗီစာအုပ်တိုက်ထွက် စာပေတော်တော်များများထဲမှာ နိုင်ငံရေးကိစ္စတွေ သွတ်သွင်းထားကြတယ်။ ပြီးတော့ သာသနာ့ပညာများကိုလည်း တစ်ပြုံတစ်ကျင်းသော စည်းမျဉ်းတွေအဖြစ် ပြောင်းလဲထားကြတယ်။ ဒါဟာ တကယ့်ကို အန္တရာယ်များလွန်းပါတယ်” ဟုလည်း ထည့်သွင်းပြောကြားသွားသည်။
သက်ဆိုင်ရာဒေသန္တရရိုးရာဓလေ့များသည် အစ္စလာမ့်ယုံကြည်ချက်ကို မြဲမြံစေခြင်းနှင့် သက်ဆိုင်ခြင်းရှိမရှိ မေးမြန်းရာ Dr Nayed က ပြတ်သားသည့်အမြင်တစ်ရပ်အား ဤသို့ ထည့်သွင်းပြောဆိုခဲ့သည်။
“စင်္ကာပူနိုင်ငံသားဖြစ်စေ၊ မလေးဖြစ်စေ၊ အင်ဒိုနီးရှားဖြစ်စေ ပထမဦးဆုံးအနေနဲ့ မိမိကိုယ်၌က မွတ်စ်လင်မ်ကောင်းတစ်ဦး ဖြစ်နေရပါမယ်။ သို့မှသာလျှင် လောကတစ်ခွင်လုံးနဲ့သက်ဆိုင်နေတဲ့ အစ္စလာမ်ကို ကိုယ်စားပြုနိုင်ပါလိမ့်မယ်။ ဒါကြောင့် မိမိတို့ရဲ့ ဒေသန္တရဆိုင်ရာအမွေအနှစ်အပေါ် တန်ဖိုးထားလေးစားခြင်းဆိုတာ ကမ္ဘာလောကနဲ့သီးခြားဆန်တဲ့သဘော မသက်ရောက်ပါဘူး”
– CNA/kc
