ဇန်န၀ါရီ ၂၃၊ ၂၀၁၆
M-Media
ခရစ်ယာန်များအား အကြမ်းဖက်သမားများလက်မှ ကာကွယ်ရင်း ရရှိသောဒဏ်ရာဖြင့် ကွယ်လွန်သွားခဲ့သည့် ကင်ညာမွတ်စလင်သူရဲကောင်း ဆာလာဟ် ဖာရာဟ်
– အကြမ်းဖက်သမားတွေရဲ့ တိုက်ခိုက်မှုအတွင်းမှာ ခရစ်ယာန်တွေကိုကာကွယ်ရင်း ရရှိခဲ့တဲ့ဒဏ်ရာနဲ့ သေဆုံးသွားတဲ့ ကင်ညာက မွတ်စလင်ကျောင်းဆရာတစ်ယောက်ကို ကင်ညာပြည်သူတွေက “စစ်မှန်တဲ့သူရဲကောင်း”၊ တိုင်းပြည်ရဲ့အမှတ်သင်္ကေတအဖြစ် ချီးကျူးဂုဏ်ပြုကာ သူ့ရဲ့ ကျန်ရှိခဲ့တဲ့ မိသားစုအတွက် ကူညီထောက်ပံ့မှု ပြုလုပ်ဖို့လည်း စုိုင်းပြင်းနေကြပါတယ်။
ဆာလာဟ် ဖာရာဟ်လို့ အမည်ရတဲ့ အဲဒီ မူလတန်းပြ ကျောင်းဆရာလေးဟာ ပြီးခဲ့တဲ့လက မန်ဒီရာကနေ မြို့တော်နိုင်ရိုဘီကို သွားတဲ့ ဘတ်စ်ကားတစ်ခုမှာ အလ်ရှာဘက် အကြမ်းဖက်အဖွဲ့ရဲ့ တိုက်ခိုက်မှုအတွင်း ခရစ်ယာန်တွေနဲ့ မွတ်စလင်တွေကို ခွဲထိုင်ခိုင်းမှုကို ငြင်းဆန်ခဲ့တဲ့အတွက် သေနတ်နဲ့ ပစ်ခံလိုက်ရတာဖြစ်ပါတယ်။ အကြမ်းဖက်သမားတွေဟာ ခရစ်ယာန်တွေကို သီးသန့်ပစ်သတ်ဖို့အတွက် ဆောင်ရွက်ခဲ့တဲ့ အဲဒီကြိုးပမ်းမှုမှာ ဖာရာဟ်နဲ့အတူ မွတ်စလင်ခရီးသည်တွေဟာ အလ်ရှာဘတ်ကို အာခံခဲ့ကြတာပါ။
အဲဒီဒဏ်ရာနဲ့ပဲ ပြီးခဲ့တဲ့တစ်ပတ်မှာ ဖာရာဟ်တစ်ယောက် ကွယ်လွန်ခဲ့ပါတယ်။ ဖာရာဟ်ကွယ်လွန်မှုကြောင့် အသက် ၂ နှစ်ကနေ ၁၀ နှစ်အတွင်းရှိတဲ့ သူရဲ့ ကလေး ၄ ရောက်နဲ့ လာမယ့်တစ်ပတ်ထဲမှာ ကလေးမီးဖွားဖို့ရှိနေတဲ့ ဇနီးတို့ဟာ ခိုကိုးရာမဲ့ခဲ့ရပါတယ်။
ဖာရာဟ် သေဆုံးပြီးနောက်ပိုင်းမှာ သူ့ရဲ့မိသားစုကို ကူညီထောက်ပံ့ဖို့အတွက် အွန်လိုင်းလှုပ်ရှားမှုတွေလည်းပေါ်ထွက်လာခဲ့ပါတယ်။ Twitter စာမျက်နှာမှာ #HeroSalah လှုပ်ရှားမှုကို စတင်ခဲ့တဲ့ အသက် ၂၆ နှစ်အရွယ် အဘ်ဒူလာဟီ ဒီရိုးကတော့ “ဖာရာဟ်ဟာ သူရဲကောင်းတစ်ဦး ဖြစ်ပါတယ်” လို့ ပြောကြားခဲ့ပါတယ်။
“သူ့မိသားစုမှာ သားယောက်ျားလေးဆိုလို့ သူတစ်ယောက်တည်း ပါတာပါ။ သူ့အဖေကလည်း အခုအချိန်မှာ အရမ်းအိုမင်းနေပါပြီ။ ကလေးတွေကလည်း အရမ်းငယ်ပါသေးတယ်” လို့ မန်ဒီရာမြို့သားတစ်ဦးဖြစ်တဲ့ ဒီရိုးက ဆိုပါတယ်။
“သူ့မိသားစုအတွက် ဘယ်လိုကူညီနိုင်မလဲဆိုတာနဲ့ ပတ်သက်ပြီး ကျွန်တော် ကြိုးစား စဉ်းစားကြည့်ပါတယ်။ သူလုပ်ခဲ့တာဟာ ကင်ညာပြည်သူတွေအတွက်သာ မကဘဲ၊ လူသားဝါဒအတွက်ဖြစ်ပြီး ကင်ညာပြည်သူတွေအဖြစ် အနည်းဆုံးတော့ ကျွန်တော်တို့ဟာ ချီးကျူးအသိအမှတ်ပြုရပါမယ်” လို့ ၎င်းက ထပ်လောင်းပြောကြားခဲ့ပါတယ်။ သူ့ရဲ့ လှုပ်ရှားမှုအတွက် ဆာလာဟ်ရဲ့ မိသားစုကို အုပ်ထိန်းသူအဖြစ် တာဝန်ယူထားတဲ့ ဖာရာဟ်ရဲ့ ၀မ်းကွဲညီအကို ရရှစ်ဒ်ဆီက ခွင့်ပြုချက် ရယူထားတယ်လို့ ပြောခဲ့ပါသေးတယ်။
ရရှစ်ကလည်း ဖာရာဟ်ရဲ့ မိသားစုဟာ ဒီလှုပ်ရှားမှုကို ဆက်လက်ဆောင်ရွက်ဖို့ ခွင့်ပြုထားတယ်လို့ အတည်ပြု ပြောကြားခဲ့ပါတယ်။
“ကလေးတွေက ခိုကိုးရာလိုတယ်လေ။ သူတို့လေးတွေအတွက် ပညာရေး၊ စောင့်ရှောက်မှုတွေ လိုအပ်ပါတယ်။ သူမိဘနှစ်ပါးကလည်း ဒီလိုပါပဲ” လို့ ရရှစ်က ပြောကြားခဲ့ပါတယ်။
“ဖာရာဟ်က လေးစားခံရတဲ့သူတစ်ယောက် ဖြစ်ပါတယ်။ ဘာသာရေးလည်း ကိုင်းရှိုင်းတယ်။ မူလတန်း ကျောင်းကြီး တစ်ကျောင်းရဲ့ လက်ထောက်ကျောင်းအုပ်ကြီးအဖြစ် မကြာသေးခင်ကမှ ရာထူးတိုးခံထားရတာပါ။ ရွာကလည်း သူ့ကို တော်တော်လေး လေးစားကြပါတယ်”
အခုအချိန်အထိတော့ ဖာရာဟ်ရဲ့မိသားစုကို ကူညီဖို့ဆောင်ရွက်တဲ့ လှုပ်ရှားမှုနေ ကင်ညာရှီလင် ၁၅၀၀၀၀ ကျော် (ကန်ဒေါ်လာ ၁၄၆၀) လောက် ရှိနေပါပြီ။
“တစ်ကျပ်၊ နှစ်ကျပ်ဆိုပေမယ့်လည်း အများကြီးပေါင်းလိုက်တဲ့အခါ ကြီးမားတဲ့ ထူးခြားမှုကို ဖြစ်စေပါတယ်” လို့ ဒီရိုးက ပြောကြားခဲ့ပါတယ်။
အာဖရိကဦးချိုဒေသလို့သိကြတဲ့ ဆိုမာလီနိုင်ငံရဲ့ မြို့ကြီးတွေကနေ တိုက်ထုတ်ခံခဲ့ရပေမယ့်လည်း အလ်ရှာဘတ် အကြမ်းဖက်အဖွဲ့ကတော့ တိုက်ခိုက်မှုတွေ ဆက်လက်လုပ်ဆောင်နေပါတယ်။
ပြီးခဲ့တဲ့တစ်ပတ်ကလည်း အာဖရိကသမ္မဂရဲ့ တပ်ဖွဲ့ဝင်တစ်စိတ်တစ်ပိုင်းအဖြစ် ဆိုမာလီမြို့ အလ်-အဒီမှာ တပ်စွဲထားတဲ့ ကင်ညာတပ်ဖွဲ့တွေကို အလ်ရှာဘတ်က တိုက်ခိုက်ခဲ့ပြီး ကင်ညာနိုင်ငံအတွင်းမှာလည်း တိုက်ခိုက်မှုတွေကို ဆက်လက် လုပ်ဆောင်နေပါတယ်။
ဖာရာဟ်နဲ့ပတ်သက်ပြီးဆောင်ရွက်တဲ့ ဒီလှုပ်ရှားမှုကို ပြည်သူတွေက အင်နဲ့အားနဲ့ ထောက်ခံကြတာဟာ ကင်ညာပြည်သူတွေအနေနဲ့ စုစည်းညီညွတ်ကြတယ်ဆိုတဲ့ သတင်းစကား အလ်ရှာဘတ်ကို ပေးလိုက်တာပဲလို့ ဒီရိုးက ထည့်သွင်းပြောကြားခဲ့ပါတယ်။
“တိုင်းချစ်ပြည်ချစ်စိတ်ပါပဲ။ သူရဲကောင်းဖာရာရဲ့ မိသားစုနဲ့ သူ့ကလေးတွေရဲ့ ပညရေးကို ကူညီတာဟာ အလ်-ရှာဘတ်အဖွဲ့ကို အာခံတာပဲလို့ ကင်ညာပြည်သူတွေက မှတ်ယူနေကြပါတယ်။ ကျွန်တော်တို့ရဲ့ သူရဲကောင်းတွေကို ချီးကျူးဂုဏ်ပြုတဲ့နေရာမှာ ကျွန်တော်တို့ဟာ တစ်စိတ်တစ်ဝမ်းထဲပါပဲ”
Ref: Aljazeera
