Author: Ko Lay

မေ ၃၁၊ ၂၀၁၅
M-Media

– မကြာခင်ကျရောက်တော့မည့် ရမ်ဇာန်ဥပုသ်လ ၁၅ ရက်နေ့တွင် နိုင်ငံတစ်ဝှမ်းရှိ မိဘမဲ့ကလေးများ စောင့်ရှောက်ရေးအစီအစဉ်ကို စတင်ရန် ပါကစ္စတန်မှ အစ္စလာမ့်မစ် အကူအညီပေးရေးအဖွဲ့ စုစုပေါင်း ၁၃ ခုက ပါကစ္စတန် မိဘမဲ့ကလေးများ စောင့်ရှောက်ရေး ဖိုရမ် POCF ကို စီစဉ်ခဲ့သည်ဟု သိရသည်။

“နိုင်ငံအတွင်းက ၄ သန်းကျော်တဲ့ မိဘမဲ့ကလေးတွေးရဲ့ သာယာဝပြောမှုရှိဖို့နဲ့ စောင့်ရှောက်ဖို့အတွက် အိုအိုင်စီ ကြေညာချက်နဲ့အညီ ရမ်ဇာန် ၁၅ ရက်နေ့ကို ပါကစ္စတန်နိုင်ငံတစ်ဝှမ်း မိဘမဲ့ကလေးများနေ့အဖြစ် သတ်မှတ်သွားမှာဖြစ်ပါတယ်” ဟု နိုင်ငံ၏ အကြီးဆုံး အစ္စလာမ့်မစ် အကူအညီပေးရေးအဖွဲ့ အလ်-ခစ်သမသ် ဖောင်ဒေးရှင်းမှ ဥက္ကဌဖြစ်သူ အဘ်ဒူလ် ရှကူးရ်က ပြောကြားခဲ့သည်။

အစ္စလာမ့်မစ် အကူအညီပေးရေးအဖွဲ့များ ပူးပေါင်းကာ အဆိုပါအစီအစဉ်ဆောင်ရွက်ရန် ဆုံးဖြတ်ချက်ကို အစ္စလာမ်မာဘတ်တွင် မေလ ၁၃ ရက်နေ့က ပြုလုပ်ခဲ့သော အစည်းအဝေး၌ ချမှတ်ခဲ့ခြင်းဖြစ်သည်။

ထိုအဖွဲ့များတွင် ထင်ရှားသည့် အလ်-ခစ်သမသ်ဖောင်ဒေးရှင်း၊ လူနာများ ဆေးရုံသို့ ပို့ဆောင်ပေးရေး ၀န်ဆောင်မှုကို အာရှတွင် အကြီးဆုံး ဆောင်ရွက်နေသည့် အဒ်ဟီဖောင်ဒေးရှင်း၊ Helping Hands၊ ကာတာအခြေစိုက် ပါကစ္စတန်နိုင်ငံကသားများက စီစဉ်ဆောင်ရွက်နေသည့် ကာတာအကူအညီပေးရေးအဖွဲ့၊ Muslim Aid and Muslim Hands စသည့် အဖွဲ့တို့ ပါဝင်ခဲ့သည်။

မိဘမဲ့ကလေးများ စောင့်ရှောက်ရေးအစီအစဉ်အတွက် ပြီးပြည့်စုံသည့် မဟာဗျူဟာတစ်ခု လာမည့်သတီတင်းပတ်အတွင်း ထွက်ပေါ်ရန်နှင့် အစီအစဉ် အကောင်အထည်ဖော်ရေးတို့အား စီမံခန့်ခွဲရန်အတွက် အဖွဲ့ဝင်လေးဦးပါဝင်သည့် စီမံခန့်ခွဲရေးကော်မတီကို အဆိုပါ ဖိုရမ်တွင် ဖွဲ့စည်းခဲ့သည်။

အလ်-ခစ်သ်မသ်ဖောင်ဒေးရှင်းမှာ နိုင်ငံအတွင်း မိဘမဲ့ကေလေးများအား နေရာထိုင်ခင်ပေးရန် အစီအစဉ်ကို လုပ်ဆောင်နေသည့် အဖွဲ့လည်းဖြစ်သည်။

မျှော်လင့်ခြင်းများစွာ

ထိုသို့ စီစဉ်ထားသည့် မိဘမဲ့ကလေးများ စောင့်ရှောက်ရေးအစီအစဉ်နှင့်ပတ်သက်၍ ရှကူးရ်က အကောင်းမြင်နေပြီး ပါကစ္စတန်လူ့အဖွဲ့အစည်းမှာ ထိုကဲ့သို့သောအစီအစဉ်များကို အမြဲတမ်း ရက်ရက်ရောရော အားပေးထောက်ပံ့ကြသည်ဟု ဆိုသည်။

“အလ္လာဟ်အရှင်မြတ်ရဲ့ စောင်မမှုနဲ့ ဒီအဖွဲ့ကို ဖွဲ့စည်းခဲ့တဲ့ အန်ဂျီအိုအဖွဲ့အားလုံးဟာ လေးစားခံရတဲ့အဖွဲ့တွေဖြစ်ပြီး စိတ်နှစ်မြှုပ်မှု၊ ပေးဆပ်မှု သမိုင်းကြောင်းကောင်းတွေ ရှိခဲ့ပါတယ်။ အလ်-ခစ်သမသ် ဖောင်ဒေးရှင်း၊ အဒ်ဟီဖောင်ဒေးရှင်းနဲ့ အခြားအဖွဲ့အစည်းတွေဟာ
ဒီလိုနယ်ပယ်မှာ ဆောင်ရွက်လာတာ ဆယ်စုနှစ်နဲ့ ချီနေပါပြီ။ ပါကစ္စတန် ပြည်သူတွေက သူတို့တွေကို ယုံကြည်ကြပါတယ်” ဟု ရှကူးရ်က ပြောကြားခဲ့ပြီး ယခုအစီအစဉ်အတွက် ရန်ပုံငွေမှာလည်း အဓိကပြဿနာမဟုတ်ဟု ဆိုသည်။

၎င်းတို့လုပ်ဆောင်မည့် မိဘမဲ့ကလေးများ စောင့်ရှောက်ရေး အစီအစဉ်တွင် ပညာရေး၊ နေရာထိုင်ခင်း၊ အစားသောက်၊ အသက်မွေးဝမ်းကြောင်းပညာရပ်များ စသည့် မိဘမဲ့ကလေးများ လတ်တလောနှင့် အနာဂတ်အတွက်လိုအပ်သော ကဏ္ဍများ၌ ဖြည့်ဆည်းပေးခြင်းတို့ အပါအ၀င် မိဘမဲ့ကလေးများ အကျိုးရှိမည့် အခြားသောအစီအစဉ်များလည်း ပါဝင်မည်ဖြစ်သည်။

“ကံမကောင်းအကြောင်းမလှစွာနဲ့ပဲ အစိုးရနဲ့ နိုင်ငံရေးပါတီတွေမှာ (မိဘမဲ့ကလေးတွေကို ဂရုစိုက်တာထက်) ပိုပြီးအရေးကြီးတဲ့ကိစ္စတွေ ရှိနေပါတယ်။ ဒီမိဘမဲ့ကလေးကိစ္စအတွက် အစိုးရက တာဝန်အရှိဆုံးဆိုတာ ကျွန်တော် သဘောတူပါတယ်။ ဒါပေမယ့် တစ်ဦးတစ်ယောက်ချင်း ဒါမှမဟုတ် အဖွဲ့အစည်းတစ်ခုအနေနဲ့ ဒါဟာ ကျွန်တော်တို့အတွက် ဆင်ခြေတော့ မဖြစ်ရပါဘူး။ တကယ်လို့
သူတို့က ဒါတွေမလုပ်ဘူးဆိုရင် ကျွန်တော်တို့ လုပ်သွားမှာပါ။ ဘာ့ကြောင့်လည်းဆိုတော့ သူတို့လေးတွေဟာ ကျွန်တော်တို့ရဲ့ ကလေးတွေ ဖြစ်နေလို့ပါပဲ” ဟု ရှကူးရ်က ထပ်လောင်းပြောကြားခဲ့သည်။

တရားဝင် ကိန်းကဏန်းများ မရှိသော်လည်း အန်ဂျီအိုအဖွဲ့များ၏ စစ်တမ်းကောက်ယူမှုအရ ပါကစ္စတန်နိုင်ငံတစ်ဝှမ်းတွင် မိဘမဲ့ကလေး အရေအတွက်မှာ ၄.၂ သန်းခန့်ရှိမည်ဟု ခန့်မှန်းရပြီး မကြာသေးမီက ဖြစ်ပွားခဲ့သော သဘာဝ ဘေးအန္တရာယ်များကြောင့် ထိုအရေအတွက်မှာ ပိုမိုများပြားမည်ဟု ယူဆရသည်။

Ref: Onislam