Author: Ko Lay

အောက်တိုဘာ ၂၈၊ ၂၀၂၃

M-Media 

-အောက်ပါမြေပုံဟာ ၁၉၄၇ ခုနှစ်မှာ National Geographic အဖွဲ့က ထုတ်ပြန်ခဲ့တဲ့ မှတ်တမ်းမြေပုံဖြစ်ပါတယ်။ 

ဒီမြေပုံထဲမှာ အီဂျစ်၊ ပါလက်စတိုင်း၊ ထရန်စ်ဂျော်ဒန်နဲ့ ဆီးရီးယားနိုင်ငံတို့ကို တွေ့ရပြီး ယနေ့ခေတ် ပါလက်စတိုင်းတွေကို သတ်ဖြတ်နေတဲ့ အစ္စရေးနိုင်ငံဆိုတာ မရှိသေးပါဘူး။ 

နာဇီရန်ကြောင့် ပါလက်စတိုင်းကို ခိုလှုံလာတဲ့ ဂျူးတွေဟာ ဗြိတိန်ရဲ့ ပံ့ပိုးမှုနဲ့ လက်နက်ကိုင်အဖွဲ့တွေ ဖွဲ့စည်းကာ ပါလက်စတိုင်းတွေရဲ့ နယ်မြေကို တိုက်ခိုက်သိမ်းယူပြီး ၁၉၄၈ ခုနှစ်မှာ အစ္စရေးနိုင်ငံအဖြစ် ထူထောင်ခဲ့တာဖြစ်ပါတယ်။ 

National Geographic ရဲ့ အခုမှတ်တမ်းဟာ ပါလက်စတိုင်းတွေ နိုင်ငံပျောက်ဆုံးသွားမှု သက်သေအထောက်အထားတစ်ခုလည်း ဖြစ်ပါတယ်။

Ref: National Geographic

အောက်တိုဘာ ၂၈၊ ၂၀၂၃

M-Media 

-ပါလက်စတိုင်းနိုင်ငံ ဂါဇာကမ်းမြှောင်မှာ ဖုန်းလိုင်းနဲ့ အင်တာနက်လိုင်းတွေ သောကြာနေ့အစောပိုင်းကစတင်ကာ ပြတ်တောက်သွားခဲ့ပြီး အစ္စရေးက သတ်ဖြတ်မှုတွေ စိတ်ကြိုက် လုပ်ဆောင်လာပါတယ်။ 

အစ္စရေးရဲ့ ရက် ၂၀ ကျော်ကြာ ပိတ်ဆို့ တိုက်ခိုက်မှုတွေကြောင့် ဂါဇာပြည်သူတွေဟာ အစာရေစာနဲ့ လောင်စာ ပြတ်လတ်နေတာပါ။ လျှပ်စစ်ဓာတ်အားကိုလည်း အစ္စရေးက ဖြတ်တောက်ထားပြီး၊ တိုက်ခိုက်မှုတွေကြောင့် တယ်လီဖုန်းဆက်သွယ်ရေးလိုင်းတွေလည်း ပြတ်တောက်သွားပါတယ်။ 

လေကြောင်းက တိုက်ခိုက်မှုတွေကို အစ္စရေးက တိုးမြှင့်လုပ်ဆောင်နေပြီး မြေပြင်တပ်တွေ အပြည့်အ၀ ၀င်ရောက်တိုက်ခိုက်ဖို့အတွက်လည်း စီစဥ်နေပါတယ်။ 

အစ္စရေးလက်ချက်ကြောင့် ဂါဇာမှာ သေဆုံးသူ ၇ ထောင် ကျော်လာပြီး အများစုက အမျိုးသမီးနဲ့ ကလေးငယ်တွေပါ။ ဂါဇာအမှောင်ကျနေချိန် အစ္စရေးက ပါလက်စတိုင်းပြည်သူတွေအပေါ် တိုက်ခိုက်သတ်ဖြတ်မှုတွေ ပိုမို လုပ်ဆောင်လာနိုင်တဲ့ အခြေအနေမျိုး ရှိနေတယ်လို့ ကျွမ်းကျင်သူတွေက သုံးသပ်ပါတယ်။ 

Ref: Aljazeera 

အောက်တိုဘာ ၂၈၊ ၂၀၂၃

M-Media 

-အစ္စရေးက ဂါဇာပြည်သူတွေအပေါ် တိုက်ခိုက်သတ်ဖြတ်နေမှုကို ချက်ခြင်းရပ်တန့်ဖို့အတွက် အမေရိကန်မှာရှိတဲ့ ဂျူးအဖွဲ့ Jewish Voice for Peace က တောင်းဆိုလိုက်ပါတယ်။ 

နယူးယောက်မြို့ရဲ့ ဘူတာကြီးမှာ ဒီအဖွဲ့က ဦးဆောင်ကာ သောကြောနေ့က ထိုင်သပိတ်ပြုလုပ်ခဲ့ပြီး လူထောင်ချီ တက်ရောက် ပါ၀င်ခဲ့ကြပါတယ်။

“၂ ပတ်အတွင်းမှာ ပါလက်စတိုင်း ၇ ထောင်ကျော်၊ အစ္စရေး ၁၄၀၀ အသတ်ခံခဲ့ရပါပြီ။ ဂါဇာက ရပ်ကွက်တွေကို အစ္စရေးလေယာဥ်တွေက စိစိညက်ညက်ကြေအောင် လုပ်နေပြီး အမေရိကန်အစိုးရကလည်း ဒါကို ပံ့ပိုးပေးနေပါတယ်” လို့ အဖွဲ့ရဲ့ ဆိုရှယ်မီဒီယာကနေတစ်ဆင့် ရှုတ်ချပြောဆိုခဲ့ပါတယ်။ 

Ref: Aljazeera