Author: M-Media

ရခိုင်ကိုယ်စားလှယ်အဖွဲ့ ဦးရွှေမန်းနှင့်တွေ့စဉ် အကြမ်းဖက်မှုများ တရားဝင်ဆောင်ရွက်နိုင်ဖို့ ပြည်သူ့စစ်ဖွဲ့ပေးရန် တောင်းဆို

ရခိုင်ကိုယ်စားလှယ်အဖွဲ့ ဦးရွှေမန်းနှင့်တွေ့စဉ် အကြမ်းဖက်မှုများ တရားဝင်ဆောင်ရွက်နိုင်ဖို့ ပြည်သူ့စစ်ဖွဲ့ပေးရန် တောင်းဆို၊ ၉၆၉ အား ဖမ်းမည်ဟုဆိုခဲ့ဖူးသည့် ဦးရွှေမန်းက အကြမ်းဖက်မှုများအဖြစ် သံသယ၀င်စရာ ရခိုင်တို့၏ဆောင်ရွက်ချက်များအား ထောက်ခံပြောကြားခဲ့

M-Media
အောက်တိုဘာ ၅၊ ၂၀၁၃
သတင်း – မြန်မာတိုင်းမ်စ် အင်္ဂလိပ်ပိုင်း

မြန်မာလွှတ်တော်ဥက္ကဌ ဦးရွှေမန်းက ရခိုင်များကို မြန်မာပြည်၏ အနောက်ဘက်စည်းအား အကာအကွယ်ပေး လုံခြုံစေသည်ဟုဆိုကာ ဂုဏ်ပြုချီးကျူးခဲ့ သည်ဟု မြန်မာတိုင်းမ်စ်အင်္ဂလိပ်ပိုင်းက အောက်တိုဘာ ၄ ရက်နေ့၌ သတင်းတင်ပြခဲ့သည်။

ရခိုင်ကိုယ်စားလှယ်များကလည်း ယာယီနိုင်ငံသားကဒ်ပြားများဖျက်သိမ်းရေးနှင့် အကြမ်းဖက်မှုများအား တရားဝင်စေဖို့ရာ အတွက် ပြည်သူ့ စစ်ဖွဲ့စည်းပေး ဖို့ရန် တောင်းဆိုခဲ့ကြကြောင်း သိရသည်။

ရန်ကုန်တွင် သူရဦးရွှေမန်းနှင့် ရခိုင်ကိုယ်စားလှယ်များ စက်တင်ဘာ ၂၉ က တွေ့ဆုံခဲ့စဉ်ယင်းသို့ နှစ်ဖက်ပါတီ ပလဲနံပသင့် အပြန်အလှန် ပြောဆိုမှု များ ပြုလုပ်ခဲ့ခြင်းဖြစ်သည်။

၉၆၉ အစွန်းရောက်များအား ဖမ်းဆီးပေးပါမည်ဟု အမေရိကန်နိုင်ငံတွင် ကတိပေးပြောဆိုခဲ့သော ဦးရွှေမန်းမှာ ရခိုင်ပြည်နယ်၌ လတ်တလော အကြမ်းဖက်မှုများအား ခေါင်းဆောင်ခဲ့သည်ဟု သံသယ၀င်ဖွယ်ရာ ရခိုင်ကိုယ်စားလှယ်များအား အထက်ပါအတိုင်း မြှောက်ပင့်ခဲ့သည်သာမက ရခိုင်များကို အထောက်အပံ့ပေးရန် မြန်မာပါလီမန်တွင် တာဝန်ရှိသည်ဟုလည်း ပြောဆိုခဲ့သည်။

“ရခိုင်တွေကို စကားလုံးနဲ့ ချီးမြှင့်ပြောဆိုဖို့တောင် မလုံလောက်ဘူးဗျာ။ ရခိုင်ြပည်နယ်ဖွံ့ဖြိုးတိုးတက်ဖို့အတွက် ပူးပေါင်းဆောင်ရွက်ကြပါစို့၊ လူတွေကို လည်း ရုပ်ပိုင်းအရသာမက စိတ်ပိုင်းအရပါ ကူညီကြဖို့ဖြစ်ပါတယ်။” ဟု ဦးရွှေမန်းက ပြောဆိုခဲ့သည်။

ထို့ပြင် ဦးရွှေမန်းက ရခိုင်များကို အနောက်ဘက်စည်းရှိ ရေပိုင်နက်အား ကာကွယ်ပေးသည့်အတွက် လေးစားကြဖို့ရန်တိုက်တွန်းခဲ့သည်။

“နိုင်ငံတော်ရဲ့ အချုပ်အခြာအာဏာ၊ နယ်နိမိတ်၊ ယဉ်ကျေးမှုအစဉ်အလာနဲ့ ဘာသာသာသနာစတာတွေကို ကာကွယ်တဲ့တာဝန်ဆိုတာ လွယ်တာမဟုတ်ဘူး။ အခက်အခဲတွေရှိပေမယ့်လည်း ရခိုင်တွေရဲ့ မြန်မာပြည်ကို ကာကွယ်ပေးတဲ့အပေါ် ကျွန်တော်တန်ဖိုးထားပါတယ်” ဟု ဦးရွှေမန်းက ဆိုခဲ့သည်။

ရခိုင်ကိုယ်စားလှယ်များကလည်း ဦးရွှေမန်းအား ၄င်းတို့၏အခက်အခဲများကို တင်ပြခဲ့သည်။ ၄င်းတို့၏ တင်ပြပြောဆိုမှုများထဲ၌ ဘူး သီးတောင်နှင့် မောင်တောဒေသများ၌ တရားမ၀င် ခိုးဝင်လာသူများ အခြေချနေထိုင်နေကြကြောင်း၊ အစိုးရက ၄င်းတို့အား white card ခေါ် ယာယီနေထိုင်ခွင့်ကဒ်များ ထုတ်ပေးထားကြောင်း၊ ထိုကဒ်များမှာ ၂၀၀၈ ခုနှစ် ဖွဲ့စည်းပုံအခြေခံဥပဒေအရ ထုတ်ပေးခဲ့ခြင်းမျိုးမဟုတ်သလို ၁၉၈၂ နိုင်ငံသားဖြစ်ခွင့်ဥပဒေအရလည်း တရားမ၀င်ကြောင်း ဆိုသည်။

ရခိုင်ကိုယ်စားလှယ်များ အဓိကပြောဆိုခဲ့သည့်အချက်မှာ ၄င်းတို့ရခိုင်မြေကို ကာကွယ်ရန်အကြောင်းပြကာ ၄င်းတို့ကျူးလွန်နေသည့် အကြမ်းဖက်မှုများအား တရားဝင်ဆောင်ရွက်နိုင်ဖို့ “ပြည်သူ့စစ်” အဖွဲ့အား ဖွဲ့စည်းထားရှိပေးရန်ပင်ဖြစ်သည်။

ဦးရွှေမန်းကလည်း သမ္မတရုံးထံ တင်ပြပြောဆိုပေးမည့်အကြောင်း ကတိပေးခဲ့သည်။ ရခိုင်ကိုယ်စားလှယ်အဖွဲ့ကို ရှေ့နေ ဦးဘိုမင်းဖြူနှင့် စစ်တွေမြို့မှ ရှေ့နေ ဦးသားပွင့်တို့က ခေါင်းဆောင်ခဲ့သည်။

ဦးရွှေမန်း၏ ယင်းသို့ပြောဆိုမှုများမှာ ကမန်တိုင်းရင်းသားများအပါအ၀င် ပြည်တွင်းနေ နိုင်ငံသားမွတ်စလင်များအတွက် ရတက်မအေးဖွယ်ရာဖြစ်နေသည် သာမက အပြောကတော့ ရွှေ့မန်း ၊ အဆိုမှာတော့ ချိုမိုင်မိုင် ဇတ်လမ်းမျိုးဖန်တီးနေသည်ဟူသော ဝေဖန်ချက်များမှာလည်း တဖြည်းဖြည်း ပိုမို မှန်ကန် လာနေသည်ဟု သုံးသပ်ရပေသည်။

October 5, 2013
မြန်မာပြည်က လတ်တလောဖြစ်ပျက်ခဲ့တဲ့ လူမျိုးဘာသာရေး အကြမ်းဖက်မှုကြီးအကြောင်း ရိုက်တာမှ သတင်းဆောင်းပါး

M-Media
အောက်တိုဘာ ၅ ရက်၊ ၂၀၁၃
မြန်မာပြန် – M-Media
မူရင်းလင့် – www.reuters.com

သံတွဲအကြမ်းဖက်မှုကြောင့် မွတ်စလင်တွေ သေကျေခဲ့သလို တချို့လည်း ပုန်းအောင်းနေကြရဆဲပါ။ ထုံးစံအတိုင်း အသွင်ပြောင်း မြန်မာစစ်အစိုးရ ရဲ့ နိုင်ငံခြားရေးဝန်ကြီးကတော့ ကုလသမဂ္ဂမှာ သံကောင်းပြပြီး လူမျိုးဘာသာရေးအဓိကရုဏ်းတွေ ကို “ဇီးရိုးတော်လိရန့်”၊ လုံးဝသည်းခံသွား မှာမဟုတ်လို့ ဆိုခဲ့ပါတယ်။ အဲဒီလိုပါပဲ၊ လူပေါင်းများစွာ သတ်ဖြတ်ခဲ့တဲ့ လက်ရက်ဇက်ရဲစိတ်ဓါတ် ကြောင့် လူများစွာသေကျေနေရတာကို မထိခိုက်မခံစားနိုင်ဘဲ အပြုံးမပျက်လက်ဆွဲနုတ်ဆက်ကာ ရခိုင်မြေကို ခြေချခဲ့တဲ့ ဗိုလ်ချုပ်တဖြစ်လဲ သမ္မတဦးသိန်းစိန်ကလည်း သံတွဲအဖြစ်အပျက် ဟာ အချိန်ကိုက်လှုပ်ရှားမှုလို့ သံသယဖြစ်ကြောင်း ဆိုပါတယ်။

အမေရိကန်နဲ့ အနောက်နိုင်ငံတွေရဲ့ ပေါ်လစီကို အားကျခိုးချပြီး အန္တီမွတ်စလင်အရေးကို ကာကွယ်ပြီး မွတ်စလင်အကြမ်းဖက်ကို ဗန်းပြဖို့ အကြီးအကျယ် လှုပ်ရှားနေတဲ့ ဆေးကုဆရာဝန် ဦးသန်းထွတ်အောင်ခေါင်းဆောင်တဲ့ အလဲဗင်းမီဒီယာကလည်း ချိန်သားကိုက် ၀ါဒဖြန့် ပေးခဲ့ပါတယ်။ ဒါပေမယ့် သူတို့ရဲ့ ၀ါဒဖြန့်ချက်ဟာ အရာမရောက်မအောင်မမြင်ဖြစ်နေဆဲပါပဲ။ ကမ္ဘာ့မီဒီယာကြီးတွေက နှစ်ပေါက်ကြမြင့်နေပြီဖြစ်တဲ့ အကြမ်းဖက်မှုတွေကို သတင်းရယူနိုင်ဖို့အတွက် ကင်မရာကြီးတွေနဲ့ မြန်မာပြည်တွင်း နေရာအနှံ့ကနေ စောင့်ကြည့်နေကြပါပြီ။

ရိုက်တာသတင်းဌာနက သူတို့မျက်မြင်တွေ့ရှိခဲ့ရတဲ့ အဖြစ်အပျက်အကြောင်းကို ဆောင်းပါးတိုရေးသား တင်ပြထားပါတယ်။ အမ်-မီဒီယာ ပရိသတ်များ မြန်မာပြန် ကို ဖတ်ရှုနိုင်ပါပြီ။

(Photo is the courtesy of Reuters and Soe Zeya Tun)

ဒေါသူပုန်ထနေတဲ့ ဗုဒ္ဓဘာသာလူအုပ်ကြီးက ခင်နိုင့်အလောင်းကို ရုပ်ပျက်ဆင်းပျက်ဖြစ်အောင်လုပ်တယ်၊ မီးနဲ့ရှို့တယ်။ ရက်ရက်စက်စက် လုပ်ထားတာကြောင့် သူ့သားဖြစ်သူကိုယ်တိုင် ခင်နိုင့်အလောင်းကို မမှတ်မိတော့ဘူး။ မြန်မာပြည်က ဗုဒ္ဓဘာသာဘုန်းကြီးတွေ ခေါင်းဆောင်တဲ့ လှုပ်ရှားမှုတွေကြောင့် တိုက်ခိုက်မှုဖြစ်စဉ်တွေ ဆက်တိုက်ထွက်ပေါ်လာသလို အဲဒီလှုပ်ရှားမှုက မွတ်စလင်ဆန့်ကျင်ရေး လှုပ်ရှားမှုကြီးဖြစ်နေတယ်လို့လည်း သမုတ်ခံနေရပါတယ်။

သဗြုချိုင်ကျေးရွာရဲ့ ဗလီဝတ်ကျောင်းကတော့ ဗြောင်းဆန်အောင် မွှေနှောက်ရှာဖွေခံထားရပါတယ်။ ဗလီရှေ့က သွေးစွန်းနေတဲ့ မြေကြီးထက်မှာ ယင်ကောင်တွေ တလူလူနဲ့ပါ။ ခင်နိုင်ရဲ့ ရုပ်အလောင်းကို ရဲတွေက ဖယ်ရှားလိုက်ပါတယ်။ ခင်နိုင်ကတော့ ရခိုင်ဗုဒ္ဓဘာသာ ၀င်တွေလက်ချက်နဲ့ သေခဲ့ရတာပါ။

“အဖေက ရခိုင်တွေလက်ကနေလွတ်အောင် မပြေးနိုင်ခဲ့ဘူးဗျာ” လို့ ခင်နိုင်ရဲ့သား အသက် ၁၇ နှစ်အရွယ် ထွန်းထွန်းနိုင်က ဆိုပါတယ်။ ထွန်းထွန်းနိုင်ကတော့ မီးလောင်ခံထားရလို့ မဲသဲနေတဲ့ အ၀တ်အစားတွေနဲ့အတူ သူ့အဖေအလောင်း ဟုတ်မဟုတ်ဆိုတာ ခွဲခြားဖို့ ပုန်းနေတဲ့နေရာကနေထွက်လာခဲ့တာပါ။

သံတွဲရုန့်ရင်းဆန်ခတ်မှုက ၄ ရက်ကြာမြင့်ခဲ့ပါတယ်။ မွတ်စလင်ငါးဦးသေဆုံးခဲ့တဲ့ထဲမှာ ခင်နိုင်လည်း အပါအ၀င်ဖြစ်သလို ဗုဒ္ဓဘာသာဝင် လေးဦးဒဏ်ရာရခဲ့ပါတယ်။ သံတွဲကတော့ ရခိုင်ပြည်နယ်အနောက်ဘက်မှာရှိပြီး ငပလီကမ်းခြေကြောင့် နိုင်ငံခြားသားတွေအတွက် လည်ပတ်စရာ ပေါ်ပြူလာ နေရာတစ်ခုပါ။

အဲဒီငပလီအပန်းဖြေစခန်းနဲ့ မဝေးတဲ့တနေရာမှာတော့ ဗုဒ္ဓဘာသာဝင်တွေဟာ တုတ်တွေ၊ လောက်လေးဂွတွေနဲ့ ဓါးရှည်တွေကို ကိုင်ပြီး မွတ်စလင်ကျေးရွာတွေကို ထပ်ကာထပ်ကာ တိုက်ခိုက်ခဲ့ကြတာပါ။ တနင်္ဂနွေနေ့ကစပြီး တိုက်ခိုက်ခဲ့တဲ့နေရာမှာ သူတို့တွေဟာ အိမ်ဒါဇင်များစွာကိုလည်း မီးရှို့ခဲ့ကြတယ်လို့ မျက်မြင်သက်သေတွေက ဆိုပါတယ်။

ဇွန်လ ၂၀၁၂ ကတည်းက စလာလိုက်တဲ့ လူမျိုးရေးအဓိကရုဏ်းကြောင့် လူပေါင်း အနည်းဆုံး ၂၄၀ သေဆုံးခဲ့ရပြီးဖြစ်ပါတယ်။ မိသားစုပေါင်း တစ်သိန်းလေးသောင်းခန့် အိုးအိမ်မဲ့ခဲ့ရပါတယ်။ သူတို့ထဲက အများစုကတော့ မွတ်စလင်တွေပဲဖြစ်ပါတယ်။

သံတွဲမှာ လတ်တလောဖြစ်သွားတဲ့ အဖြစ်အပျက်ကြောင့် မြန်မာအသွင်ပြောင်းအစိုးရအနေနဲ့ ၉၆၉ ခေါ် ဗုဒ္ဓဘာသာအခြေခံ အမျိုးသားရေးလှုပ်ရှားမှုတွေနဲ့ အကြမ်းဖက်မှုတွေကို ကျူးလွန်နေတဲ့ ရခိုင်တိုင်းရင်းသားပါတီတွေကို ထိန်းချုပ်နိုင်ဖို့ ရုန်းကန်နေရတာ ပေါ်လွင်လာပါတယ်။

၉၆၉ လှုပ်ရှားမှုတွေကိုတော့ ပြဿနာရှာတတ်တဲ့ ဘုန်းကြီးတွေက ဦးဆောင်တာပါ။ သူတို့က မွတ်စလင်တွေနဲ့ ထိမ်းမြားတာတွေ မလုပ်ဖို့၊ မွတ်စလင်ပိုင်စီးပွားရေးလုပ်ငန်းတွေကို သပိတ်မှောက်ဖို့ စတာတွေ (တရား) ဟောပြောတင်ပြကြပါတယ်။

၉၆၉ ဂဏန်းကတော့ ဗုဒ္ဓ၊ ဓမ္မနဲ့ သံဃာကို ရည်ညွှန်းတာပါ။ ၉၆၉ တရားဟောတဲ့နေရာအများစုမှာ အစ္စလာမ်ဆန့်ကျင်ရေး (အကြမ်းဖက်) တိုက်ခိုက်မှုတွေ ဖြစ်ပေါ်လျက်ရှိနေခဲ့ပါတယ်။ ဒါပေမယ့် အခုသံတွဲအဖြစ်အပျက်မတိုင်မီ ရက်သတ္တပတ်တွေမှာတော့ အကြမ်းဖက်မှုတွေ ငြိမ်သက်နေခဲ့ ပါသေးတယ်။

သံတွဲက ရဲတွေကတော့ လူ ၆ ယောက်ဖမ်းထားပြီးဖြစ်တယ်လို့ ဆိုပါတယ်။ သူတို့တွေထဲမှာတော့ ရခိုင်အမျိုးသားဖွံ့ဖြိုးတိုးတက်ရေးပါတီ (အာရ်အန်ဒီပီ) ရဲ့ ဒေသခံ ဥက္ကဌပါဝင်သလို ၉၆၉ လှုပ်ရှားသူတွေလည်း ပါဝင်ပါတယ်။ ပြီးခဲ့နှစ် အောက်တိုဘာလတုန်းကလည်း အဲဒီ အာရ်အန်ဒီပီပါတီဝင်တွေရဲ့ လှုပ်ရှားပါဝင်မှုကြောင့် မွတ်စလင်ဆန့်ကျင်ရေး အကြမ်းဖက်မှုတွေ ဖြစ်ခဲ့ရသလို လူပေါင်း ၈၉ ဦး အသတ်ခံခဲ့ ရပြီးပါပြီ။ ဒါကို ရိုက်တာသတင်းဌာနက စုံစမ်းတွေ့ရှိထားတာပါ။

သံတွဲအကြမ်းဖက်မှုကတော့ ရခိုင်ကို သမ္မတဦးသိန်းစိန်အလည်အပတ်ရောက်တာနဲ့ တိုက်တိုက်ဆိုင်ဆိုင်ကြီးကို ဖြစ်သွားခဲ့တာပါ။ ဗုဒ္ဓဟူး နေ့မှာ ရခိုင်ကို ဦးသိန်းစိန်ရောက်တော့ တင်းမာမှုရေချိန် တော်တော်လေးမြင့်တက်နေပါပြီ။ ရဲတွေကလည်း လူစုခွဲဖို့ လေထဲကို သံနတ် တွေ ပစ်ဖောက်နေကြရပါပြီ။

ရန်သူတွေရဲ့ ခြေကုပ်စခန်းများ

၉၆၉ လှုပ်ရှားမှုကိုတော့ (ဒီအကြမ်းဖက်မှုတွေထဲမှာ ပါဝင်ပတ်သတ်နေမနေ သိရှိဖို့အတွက်တော့) မေ့ကျန်မနေစေ ရလောက်အောင် ထင်သာမြင်သာရှိ လွန်းလှပါတယ်။ ငပလီကမ်းခြေလမ်းမကြီးတွေတလျှောက် ၉၆၉ အလံတွေကိုင်ပြီး ချီတက်နေကြတယ်။ ၉၆၉ ထောက်ခံသူတွေက (အဲဒီလိုမချီတက်မီမှာ) သံတွဲမြို့တော်ခန်းမမှာ ဗုဒ္ဓဘာသာအမျိုးသားရေးသီချင်းတွေကို လော်စပီကာတွေသုံးပြီး အသံကုန်ဟစ်အော်ခဲ့ကြပါသေးတယ်လို့ မွတ်စလင်တွေက ပြောပြပါတယ်။

အဲလိုအသံကုန်ဟစ်အော်ပြီးတဲ့နောက်မှာတော့ ရွှေလှေးရွာမှာ ၉၆၉ ဘုန်းကြီး ၀ီရသူက တရားဟောခဲ့ပါသေးတယ်။ သူကပဲ ဗလီဝတ်ကျောင်းတွေကို ရန်သူတွေရဲ့ ခြေကုပ်စခန်းတွေလို့ သမုတ်ခဲ့တာပါ။

“အဲဒီနောက်တော့ဗျာ၊ ကျနော်တို့ ရွာထဲမှာ အတော်ကလေး ကရုစိုက်ပြီးနေကြရတာပေါ့၊ ဗုဒ္ဓဘာသာဝင်တွေကို မတိုက်မိအောင်၊ စိတ်ဆိုး မသွားရအောင် ကရုစိုက်နေကြရပါတယ်။” လို့ သဗြုချိုင်ကျေးရွာ ဒေသခံမွတ်စလင်တွေထဲကတစ်ဦးဖြစ်တဲ့ မြင့်အောင်က ဆိုပါတယ်။ သဗြုချိုင်မှာတော့ အိမ်အနည်းငယ်သာ (မီးဘေးမသင့်ဘဲ) ကျန်ရစ်နေခဲ့ပါတယ်။

ဝီရသူကို အထင်ကြီးသူတွေထဲမှာ သာသနာရေးဝန်ကြီး (ဦး) ဆန်းဆင့်လည်း ပါဝင်ပါတယ်။ သူက ဇွန်လတုန်းက ရိုက်တာကို ၀ီရသူရဲ့ တရားတွေက သာသနာတွေအကြား ချစ်ခင်ရေးနဲ့ နားလည်မှုကို မြင့်မားစေပါတယ်လို့ ဆိုခဲ့ပါတယ်။

သမ္မတဦးသိန်းစိန်ကလည်း ၀ီရသူကို ဗုဒ္ဓသားတော်လို့ ခေါ်ခဲ့ဖူးသလို ၉၆၉ တံဆိပ်ကိုလည်း ငြိမ်းချမ်းရေးသင်္ကေတရယ်လို့ ကင်ပွန်းတပ်ခဲ့ ပါတယ်။

အစိုးရရဲ့ ခန့်မှန်းချက်အရ လူပေါင်း သန်း၆၀ရှိတဲ့ မြန်မာပြည်မှာ ၅ ရာခိုင်နှုန်းလောက်က မွတ်စလင်တွေပါ။ အဲဒီထဲက ၁ မီလီယံထက်ပို တဲ့ လူအရေအတွက် က ရိုဟင်ဂျာမွတ်စလင်တွေ ဖြစ်ပါတယ်။ သူတို့တွေထဲက အများစုက နိုင်ငံမဲ့နေပြီး ရခိုင်မြောက်ပိုင်းမှာ နေပါတယ်။

သဗြုချိုင်ရွာသား ဗုဒ္ဓဘာသာဝင် မြင့်ဌေးကတော့ အင်္ဂါနေ့ အကြမ်းဖက်ပွဲကြီးမှာ သူမပါဝင်ခဲ့ဘူးလို့ဆိုပေမယ့် အကြမ်းသမားတွေုကို ရှုတ်ချဖို့ တော့ ငြင်း ဆိုခဲ့ပါတယ်။

“ဒါမမှားဘူးလေ” လို့ သူက ဆိုပါတယ်။ ဒြါ့ပင်သူက ရခိုင်တွေအနေနဲ့ သူတို့ရဲ့ အမိမြေကို မွတ်စလင်တွေလက်ကနေ ကာကွယ်ဖို့ တာဝန်ရှိတယ်လို့ လည်း ဆိုပါတယ်။

အမျိုးဘာသာသာသနာကာကွယ်ရေးအဖွဲ့ဝင် မြင့်မိုးဆိုသူကတော့ သူကိုယ်တိုင် ၉၆၉ တံဆိပ်ကပ် စတစ်ကာတွေကို ဖြန့်ဖြူးခဲ့သလို ဗုဒ္ဓဘာသာ ဘုန်းကြီး ရာပေါင်းများစွာကို အထောက်အပံ့ပေးခဲ့တယ်လို့ ပြောပြပါတယ်။

မြင့်မိုးက ရိုဟင်ဂျာအသုံးအနှုံးကို ငြင်းဆိုခဲ့ပြီး ရိုဟင်ဂျာဆိုသူတွေဟာ ဘင်္ဂလီတွေပါလို့ ပြောပါတယ်။ ဘင်္ဂလီကတော့ အိမ်နီးချင်း ဘင်္ဂလားဒေ့ရ်ှကနေ ခိုးဝင်လာသူတွေကို ခေါ်တာပါ။

သံတွဲအခြေဆိုက် အာရ်အာန်ဒီပီပါတီရဲ့ ခေါင်းဆောင်တွေကတော့ သူတို့ပါတီခေါင်းဆောင်တွေကို ဖမ်းဆီးတာဟာ အကျိုးဆက်အနေနဲ့ မတည်ငြိမ်မှုကို တိုးပွားစေမှာပဲလို့ ဆိုပါတယ်။

“ပါတီခေါင်းဆောင်တွေနဲ့ ဘာသာရေးခေါင်းဆောင်တွေကို ဖမ်းဆီးတဲ့အတွက် အစိုးရမှာတာဝန်ရှိတယ်၊ လူတွေက ဒေါသူပုန်ထနေကြတယ်” လို့ မောင်မောင်ဖြူက ဆိုပါတယ်။

(ရိုက်တာသတင်းဌာန – ဂျာရက်ဖာရီ သံတွဲမှာ တိုက်ရိုက်သတင်းရေးသားသည်။ ရန်ကုန်မှ မင်းဇေယျာဦးက ထပ်တိုးသတင်းပေးပို့ပြီးMartin Petty, Andrew R.C. Marshall နှင့် Robert Birsel တို့က တည်းဖြတ်သည်။)

October 4, 2013
၉၆၉ အမှတ်တံဆိပ် အသုံးပြုလှုပ်ရှားမှုများသည် နိုင်ငံတော် သံဃမဟာနာယကအဖွဲ့စည်းမျဉ်းဥပဒေများနှင့် မညီဟုဆို

စက်တင်ဘာ ၇၊ ၂၀၁၃
M-Media

ဗုဒ္ဓဘာသာ၏ အမှတ်တံဆိပ်အဖြစ် ၉၆၉ ကို အသုံးပြုလှုပ်ရှားနေခြင်းနှင့် သံဃာ့ကွန် ရက်အဖွဲ့အစည်းများ ဖွဲ့စည်းဆောင်ရွက်နေခြင်းသည် သံဃမဟာနာ ယကအဖွဲ့မှ ထုတ်ပြန်ထားသည့် စည်းမျဉ်း၊ ဥပဒေများအရ ဖွဲ့စည်းဆောင်ရွက်ခွင့် မရှိကြောင်း နိုင်ငံတော်သံဃမဟာနာယကအဖွဲ့က ညွှန်ကြားချက်ထုတ်ပြန် လိုက်သည်။

အဆိုပါ ညွှန်ကြားလွှာကို သြဂုတ် ၁၄-ရက် ရက်စွဲဖြင့် ထုတ်ပြန်ခဲ့ခြင်းဖြစ်ပြီး တိုင်းဒေ သကြီးနှင့် ပြည်နယ်အသီးသီးရှိ သံဃမဟာနာယကအဖွဲ့ ဥက္ကဋ္ဌ ဆရာတော်များ သို့ ပေးပို့ထားသည်ဟု သိရသည်။

“အဲဒီစာမရောက်သေးဘူး။ နာယကဆရာတော်ကြီးတွေဆီလည်း ရောက်တာ မကြာသေး ဘူး။ ဟိုတစ်ခါ တိုင်းဝန်ကြီးချုပ်ပို့တဲ့ အခမ်းအနား လုပ်ရင်း နှစ်ပတ် ကြို အသိပေါ်ရမယ်ဆိုတဲ့စာတော့ရတယ်။ ဘုန်းကြီးတို့ကတော့ ဘာသာရေး ပဲလုပ် တာ။ နိုင်ငံရေးမလုပ်ဘူး။ ငြိမ်းချမ်းစွာပဲ ဆောင်ရွက်တယ်။ အကြမ်းမ ဖက်ဘူး။ ထိပ်တိုက် ရင်ဆိုင်တာ မလုပ်ဘူး။ ၉၆၉ ဆိုတာက ဘုရား၊ တရား၊ သံဃာ ဂုဏ်တော်ပါ။ လွန်ခဲ့တဲ့ နှစ်ပေါင်း ၂၆၀၀ ကျော်ကတည်းက ပေါ်တာ။ နံပါတ် သင်္ကေတကတော့ အခုမှ လုပ်တာပေါ့။ ဘုန်းကြီးတို့ လှုပ်ရှားမှုတွေက အမြဲတမ်း ငြိမ်းချမ်းစွာပါ။ သက်ဆိုင်သူ ၀န်ကြီးတွေကိုတွေ့ရင် ရှင်းပြချင်ပါ တယ်”ဟု ဆရာတော် ဦးကေသရ(ထေရ၀ါဒ ဓမ္မကွန်ရက်)က မိန့်ကြားသည်။

ဇူလိုင် ၁၅-ရက်တွင်ကျင်းပသော သတ္တမအကြိမ် နိုင်ငံတော် သံဃမဟာနာယကအဖွဲ့ ၄၇-ပါ စုံညီဒုတိယအစည်းအဝေးမှ ထိုကဲ့သို့ ဆုံးဖြတ် ခဲ့ခြင်းဖြစ်ပြီး ၉၆၉ သာသနပါလက ဂဏ၀ါစဏနှင့် သံဃာ့က်ွနရက်အဖွဲ့များ ဖွဲ့စည်းဆောင်ရွက်နေမှုကို လိုအပ်သလို သြ၀ါဒပေးနိုင်ပါရန် လျှောက် ထား တင်ပြလာမှုအပေါ် ညွှန်ကြားချက် ထုတ်ပြန်ရခြင်းဖြစ်သည်ဟု သိရသည်။

သံဃမဟာနာယကအဖွဲ့ စည်းမျဉ်းနှင့် လုပ်ထုံးလုပ်နည်း အခန်း ၂၊ အပိုင် ၄၊ ၅၊ ၈ အရလည်းကောင်း၊ သံဃာ့အဖွဲ့အစည်းဆိုင်ရာ ဥပဒေ အခန်း ၂၊ အပိုဒ် ၃၊ ၅နှင့် အခန်း ၃၊ အပိုဒ် ၈၊ ၉ တို့အရလည်းကောင်း ညွှန်ကြားလွှာစာအရလည်းကောင်း ထိုကဲ့သို့ ဖွဲ့စည်းပိုင်ခွင့်မရှိခြင်း ဖြစ်ကြောင်း ညွှန်ကြားလွှာ တွင် ဖော်ပြထားသည်။

၉၆၉ အမှတ်တံဆိပ်နှင့်ပတ်သက်၍ နိုင်ငံတ၀န်း ကျယ်ပြန့်စွာ အသုံးပြုလာကြပြီးနောက် အဆိုပါ အမှတ်တံဆိပ် သင်္ကေတကို ဗုဒ္ဓသာသနာတော် ညှိုးနွမ်းစေမည့် နေရာဌာနများတွင် အသုံးမပြုရန် ဇွန် ၁၄ ရက်က ပြုလုပ်ခဲ့သည့် ဗုဒ္ဓသာသနာတော်ဆိုင်ရာ သြ၀ါဒခံယူပွဲ၌ ကြေညာချက်တစ်ရပ် ထုတ်ပြန် ခဲ့သည်။

ထို့အပြင် ပြည်သူ့လွှတ်တော် ဥက္ကဌ သူရ ဦးရွှေမန်းကလည်း လှုံ့ဆော်မှုများပြုလုပ်နေသော ၉၆၉ လှုပ်ရှားသူ အဖွဲ့များကို ဥပဒေအရ အရေး ယူမည်ဖြစ်ကြောင်း ယခုနှစ် ဇွန်လအတွင်း အမေရိကန် နိုင်ငံသို့ သွားရောက်ခဲ့သည့် ခရီးစဉ်အတွင်း ပြောကြားခဲ့သည်။

Ref : 7-Day Daily

September 7, 2013
တိရိစ္ဆာန်အစိတ်အပိုင်းများဖြင့် စားသုံးဆီပြုလုပ်သည့် တရုတ်နိုင်ငံသား ၁၆-ဦး တရားစွဲဆိုခံရ

စက်တင်ဘာ ၇၊ ၂၀၁၃
M-Media

တရုတ်နိုင်ငံတွင် တိရိစ္ဆာန်များ၏ စွန့်ပစ်အစိတ်အပိုင်းများအားအသုံးပြုကာ ကန်ဒေါ်လာ ၁၀ သန်းဖိုးရှိ စားသုံးဆီများကို ချက်လုပ်ခဲ့သည်ဟု သံသယ ရှိသူ တရုတ်နိုင်ငံသား ၁၆-ဦးအား တရားစွဲဆိုထားသည်ဟု ဒေသတွင်းမီဒီယာက အင်္ဂါနေ့တွင်ဖေါ်ပြခဲ့သည်။

ထိုသံသယရှိသူများမှား ကြက်၊ ဘဲ၊ ၀က်၊ ကျွဲ၊ နွားများနှင့် ၀ံပုလွေတို့မှ စွန့်ပစ်အဆီများ၊ ၀ံပုလွေအမွှေး၊ ကြက်အမွှေးနှင့် ဥစားကြက်၊ ဘဲတို့၏ အသုံးမပြုတော့သော အစိတ်အပိုင်းများအား အသုံးပြုကာ စားသုံးဆီများပြုလုပ်ခြင်းဖြစ်သည်ဟု China Daily သတင်းစာတွင်ဖော်ပြထားသည်။

ထိုကဲ့သို့ဖမ်းဆီးရမိခြင်းမှာ တရုတ်နိုင်ငံ၏ အစားအသောက် ဘေးကင်းမှုအတွက် ညံ့ဖျင်းသော စံနှုန်းအား မီးမောင်းထိုးပြလိုက်ခြင်း ဖြစ်သည်။ ပြီးခဲ့ သည့် မေ လမှ စ၍ ထိုကဲ့သို့ တရားမ၀င်လုပ်ငန်းများအား ပစ်မှတ်ထားနှိမ်နင်းရန် ဥပဒေထုတ်ပြန်ပြီးနောက် အကြီးမားဆုံး ဖမ်းဆီးရမိခြင်းဖြစ်ပြီး၊ ထိုစားသုံးဆီ များမှာ အစာခြေစနစ်အား ပျက်စီးစေနိုင်သည့်ဟု ကျန်းမာရေးကျွမ်းကျင်သူများက ပြောကြားခဲ့သည်ဟု Chin Daily သတင်းစာတွင်ဖော်ပြခဲ့သည်။

“အဲဒီ့စားသုံးဆီတွေကို ခရိုင်၅ ခုမှာရှိတဲ့အစားအသောက်လုပ်ငန်း ၁၀၀-ကျော်ကိုရောင်းချခဲ့ပြီး ယွမ်သန်း၆၀(ဒေါ်လာ ၉.၈သန်း)ဖိုးလောက် ရှိပါတယ်။” ဟု အဆိုပါသတင်းစာတွင် ဖေါ်ပြထားသည်။

ထိုသံသယရှိသူ ၁၆-ဦးအား တရုတ်ပြည်အရှေ့ပိုင်း ဂျီအန်ဆုခရိုင်တွင် တနင်္လာနေ့ကရုံးထုတ်ခဲ့သည်။ ပြီးခဲ့သည့်နှစ်က တရုတ်ကျန်းမာရေး တာဝန်ရှိသူများမှာ တရားမ၀င်စားသုံးဆီချက်လုပ်မှုနှင့် စားသောက်ဆိုင်များမှ စွန့်ပစ်ပစ္စည်းများအားပြန်လည်အသုံးပြုကာ စားသုံးဆီချက်လုပ်မှုများအား နှိမ်နင်းသည့် အစီအစဉ် တစ်ခုကို လုပ်ဆောင်ခဲ့သည်။ ထိုအစီအစဉ်အတွင်း လူပေါင်း ၁၀၀-ကျော် ဖမ်းဆီးဖမ်းဆီးရမိခဲ့ပြီး တစ်သက်တစ်ကျွန်း ၂-ဦးအပါအ၀င် လူ-၂၀ အားထောင်ဒဏ်များချမှတ်ခဲ့သည်။

အထူးသဖြင့် ပြည်ပမှသွင်းကုန်များအား မ၀ယ်နိုင်သည့် ငွေးကြေးချို့တဲ့သူများ ကြားတွင်အစားအသောက်ဘေးကင်းမှုစံနှုန်း ညံ့ဖျင်းမှုမှာ တရုတ်ပြည်၏ အဓိ ကပြဿနာပင်ဖြစ်သည်။

Ref : channelnewsasia

September 7, 2013
ရခိုင်အကြမ်းဖက်မှုများတွင် သတင်းသွားရောက်ယူခဲ့သည့် အမေရိကန်ဂျာနယ်လစ်နှစ်ဦးအား မြန်မာအစိုးရ နာမည်ပျက်စာရင်းသွင်း

M-Media
သြဂုတ်လ ၃၀ ရက်၊ ၂၀၁၃
www.dvb.no

ရခိုင်ပြည်နယ်တွင် ဖြစ်ပျက်ခဲ့သည့် မွတ်စလင်ဆန့်ကျင်ရေးအကြမ်းဖက်မှုမှ ဗွီဒီယိုအပိုင်းအစတစ်ခု အင်တာနက်ပေါ်တွင် ပျံ့နှံ့ခဲ့ပါသည်။ ထိုဗွီဒီယို ကို နိုင်ငံခြား သား သတင်းထောက်များက ခဲရာခက်ဆစ် ရိုက်ကူးထားပုံပေါ်နေပြီး လူအုပ်ကြီးက ၄င်းတို့အား ရန်မူပုံများပါ ပါဝင်နေပါသည်။

နိုင်ငံခြားသား သတင်းထောက်များက ဗလီအတွင်းသို့ ၀င်ရောက်လာကြသည်ကို အဓမ္မမောင်းထုတ်ရုံမက အမျိုးသားတစ်ဦးက နိုင်ငံခြားသူ အမျိုးသမီးအား မဖွယ်မရာ ပြုလုပ်ပြခဲ့ရုံမက (၀.၄၁ မိနစ်) ရဲဝန်ထမ်းကလည်း ရိုက်သတ်ပစ်လိုက်မယ် ဟု ခြိမ်းခြောက်ပြောနေခဲ့ပါသည်။ (၁.၃၂ မိနစ်)

ထိုနေရာသည် ဗလီအဆောက်အဦဖြစ်သော်လည်း ရခိုင်ဗုဒ္ဓဘာသာလူအုပ်ကိုသာ တွေ့ရပြီး ဗလီထဲသို့ အ၀င်မခံသည့်အချက်မှာ မည်သည်ကြောင့်ဖြစ် သည်ကိုမူ ကွဲပြားစွာ မသိရှိရသော်လည်း အာဏာ ပိုင်များကမူ ကန့်သတ်နယ်မြေဟု ဆိုပါသည်။

ယခုကဲ့သို့ ရိုဟင်ဂျာအရေးကို အရင်းတည်ကာ နိုင်ငံနှင့်အ၀ှမ်း မွတ်စလင်ဆန့်ကျင်ရေး လှုပ်ရှားမှုများ တအုံနွေးနွေးရှိနေစဉ် မြန်မာအစိုးရက ထိုဗွီဒီယိုအား ကိုယ်တိုင်ရိုက်ကူးခဲ့သည့် အမေရိကန်နိုင်ငံသား ဂျာနယ်လစ်နှစ်ဦးကို အမည်ပျက်စာရင်းသွင်းလိုက်ကြောင်း သိရပါသည်။

ထိုအကြောင်းနှင့်စပ်လျဉ်း၍ အသေးစိတ်ကို DVB အင်္ဂလိပ်ပိုင်းက “Burma blacklists two US-based reporters for covering Rohingya crisis” ခေါင်းစဉ်ဖြင့် တင်ပြထားပါသည်။

အမ်-မီဒီယာပရိသတ်ကြီး မြန်မာဘာသာပြန်အား ရှုစားနိုင်ပါပြီ။
==================================================================

Download လုပ်ပြီးကြည့်လိုသူများအတွက်
File Size= 17.6 MB
Google Doc =>http://goo.gl/UiKEOO

ရိုဟင်ဂျာများအပေါ် ဖိနှိပ်ညှဉ်းဆဲခံနေရမှုများကို မှတ်တမ်းတင်ဖို့ ရခိုင်ကို သွားရောက်ခဲ့ကြတဲ့ အမေရိကန်ဂျာနယ်လစ်နှစ်ယောက်ကို မြန်မာအစိုးရက အမည်ပျက် စာရင်းသွင်းခဲ့တယ်လို့ သိရပါတယ်။

သူတို့က ရခိုင်ပြည်နယ်မှာ ပြဿနာတွေဖြစ်နေတုန်း သွားရောက်ခဲ့ကြတာပါ။ ဒါပေမယ့် ယခုလ၊ သြဂုတ်လဆန်းပိုင်းမှာ မြန်မာပြည်ထဲပြန်ဝင်ဖို့ ကြိုးစားရာ မှာတော့ ၀ါရှင်တန်မြန်မာသံရုံးက သူတို့ကို ဗီဇာထုတ်ပေးဖို့ ငြင်းဆန်ခဲ့ပါတယ်။ သူတို့နှစ်ဦးကတော့ အစိုးရမဟုတ်တဲ့ ဓါတ်ပုံထောက် လှမ်းရေးအေဂျင်စီ တစ်ခုရဲ့ ၀န်ထမ်းတွေပါ။

မြန်မာသံရုံးတာဝန်ရှိသူတွေကတော့ သူတို့နှစ်ဦးဟာ Lux Capio Photography Agency ဖြစ်ပြီး မတ်ရိန်းနဲ့ အာလီယာ မဟ်ဘူးဘ်တို့ဖြစ်ကြောင်း အတည်ပြုပြောကြားပါတယ်။ အကြောင်းပြချက် ပေးရာမှာတော့ သူတို့တွေက ပြီးခဲ့တဲ့တခေါက် ရခိုင်ပြည်နယ် ရောက်ခဲ့စဉ် ထိန်းချုပ်ကန့်သတ်ထားတဲ့ မွတ်စလင်ဧရိယာကို ၀င်ရောက်ခဲ့ကြတာကြောင့်ဖြစ်တယ်လို့ ဆိုပါတယ်။ သူတို့နှစ်ဦးအနေနဲ့ လာမယ့်နှစ်မှာ ဗီဇာရဖို့ ထပ်ကြိုးစားနိုင် ပါတယ်လို့လည်း ဆိုပါတယ်။

ပြီးခဲ့တဲ့နှစ်အတွင်း သူတို့နှစ်ဦး ရခိုင်ကိုရောက်ခဲ့တော့ ဒေါသပုန်ထနေတဲ့ ဗုဒ္ဓဘာသာဝင် ရခိုင်တွေက သူတို့ကိုအုပ်စုလိုက် ၀ိုင်းဝန်းရန်မူခဲ့ကြတာပါ။ ဘာကြောင့်လဲဆိုတော့ သူတို့က စစ်တွေမြို့စွန် အောင်မင်္ဂလာမှာရှိတဲ့ ဗလီထဲကို ၀င်ရောက်ခဲ့လို့ဖြစ်ပါတယ်။ အဲဒီနောက်မှာတော့ သူတို့ကို လူဝင်မှုကြီးကြပ်ရေးအာဏာပိုင်တွေက ထိန်းသိမ်းခဲ့ပြီး ရန်ကုန်ကို ပြန်ခိုင်းခဲ့ပါတယ်။ ရန်ကုန်ရောက်တော့ သူတို့နောက်က စစ်ထောက်လှမ်းရေးတွေ တကောက်ကောက် လိုက်နေတယ်လို့ သူတို့က ဆိုပါတယ်။

သူတို့နှစ်ဦးက တိုးရစ်ဗီဇာကိုင်ဆောင်ခဲ့ကြတာပါ။ ဒါပေမယ့် ရန်ကုန်မှာရှိတဲ့ နိုင်ငံခြားခရီးသွားလာရေးဝန်ကြီးဌာနက သူတို့ကို စစ်တွေမြို့မှာရှိတဲ့ ဘယ်နေရာ ကိုမဆို သွားလာခွင့်ရှိတယ်ဆိုတဲ့ ခွင့်ပြုချက်ကို ပေးခဲ့ပါတယ်။ ဒါပေမယ့် အောင်မင်္ဂလာကိုဝင်တော့ ရဲတွေက သူတို့ကို တားဆီးခဲ့ကြတယ်။ အဲဒီနောက်သူ တို့က အနီးအပါးမှာရှိတဲ့ ဗုဒ္ဓဘာသာဝင် ရခိုင်တွေ နေရာယူထားတဲ့ ဗလီထဲကို ၀င်တဲ့အခါ ဆိုးသွမ်းလူအုပ်က သူတို့နားကို ၀ိုင်းဝန်း ချဉ်းကပ်ခဲ့ပါတယ်။

“နေရာတိုင်းက လူတွေ ရောက်လာတယ်။ အာလီယာကို အဲဒီထဲက လူတစ်ယောက်က ခန္ဓာကိုယ် အောက်ပိုင်းကို ပြပြီး မဖွယ်မရာလုပ်ပြခဲ့တယ်။ တချို့ကတော့ ကျွန်တော်တို့ကျောဘက်ကနေ ဓါတ်ပုံမှတ်တမ်းတွေ ရိုက်ယူနေကြတယ်။ ကျွန်တော့်ကင်မရာကိုလည်း လုယူဖို့ ကြိုးစားခဲ့ပါတယ်။” လို့ ရိန်းက ရှင်းပြခဲ့ပါတယ်။

သူတို့နှစ်ဦး ရိုက်ယူခဲ့တဲ့ဗွီဒီယိုဖိုင်ကတော့ အင်တာနက်မှာ ပျံ့နှံ့ခဲ့ပါတယ်။ အဲဒီဗွီဒီယိုမှတ်တမ်းမှာ ရဲတွေက သူတို့ကို သေနတ်တပြပြ လုပ်ပြီး ခြိမ်းခြောက်နေ တာတွေလည်း ပါဝင်ပါတယ်။ ရခိုင်တွေကတော့ ကင်မရာကိုလုဖို့ ကြိုးစားနေပါတယ်။ အရပ်ဝတ်နဲ့ လူတစ်ယောက်ကတော့ သူ့ကိုယ်သူ ချဲမင်း(Chairman) လို့ဆိုပြီး ဗလီထဲကနေ သူတို့ကို မောင်းထုတ်ပြီးတော့ ပတ်စ်ပို့ပေးဖို့လည်း အော်ငေါက် တောင်းဆိုခဲ့ပါတယ်။

အဲလိုဖြစ်နေစဉ် သူတို့နှစ်ဦးက ရဲစခန်းကို သွားဖို့ တောင်းဆိုခဲ့တာကြောင့် ရဲစခန်းကို ရောက်ခဲ့ပါတယ်။ ရဲတွေက သူတို့ပတ်စ်ပို့ကို နာရီပေါင်းများစွာ သိမ်းဆည်းထားခဲ့ပါတယ်။ နောက်ဆုံးတော့ နောက်နေ့မနက်အစောဆုံးလေယာဉ်နဲ့ ရန်ကုန်ကို ပြန်ပို့ခဲ့တာပါ။ သူတို့က ဘာကြောင့်ဒီလိုလုပ်ရတာလဲလို့ အထပ်ထပ်အခါခါမေးတဲ့အခါ ကန့်သတ်ဇုန်ထဲ ၀င်ရောက်တာကြောင့်လို့ ရဲတွေက အဖြေပေးခဲ့တယ်လို့ ဆိုပါတယ်။

“ကျွန်တော်တို့ကို ရန်ကုန်ဝင်ခွင့်ပေးခဲ့တယ်။ ဒါပေမယ့် ကျွန်တော်တို့နောက်က လူ ၄ယောက်ကနေ ၆ ယောက်လောက်ထိ ဘယ်နေရာသွားသွား လိုက်နေတယ်။ ကားနှစ်စင်းကို ထရိတ်ဒါးဟော်တယ် ရှေ့မှာ ရပ်ထားတယ်၊ လူတွေက ဟော်တယ်ထဲက ဧည့်သည်ဆောင်မှာထိုင်နေပြီး ကျွန်တော်တို့ ကို စောင့်နေကြတယ်။ ဒါ့ကြောင့် ကျွန်တော်တို့ကို တွေ့ဆုံစကားပြောမယ့် ဘယ်သူတစ်ဦးတစ်ယောက်မဆိုမှာ အန္တရာယ်ဖြစ်နိုင်တယ်လို့ ယူဆတာကြောင့် ကျွန်တော်တို့လည်း ပြန်ဖို့ လေယာဉ်လက်မှတ်ဖြတ်ခဲ့တယ်။” လို့ ရိန်းက ပြောပြခဲ့ပါတယ်။

မြန်မာအစိုးရကတော့ ထုံးစံအတိုင်း ဥပဒေတွေ ချပြပြီး နိုင်ငံတကာက ပြစ်တင်ဝေဖန်တာတွေကို အကာအကွယ်ယူပါတယ်။ သူတို့နှစ်ဦးက ဂျာနယ်လစ်ဗီဇာ မပါဘဲ ကန့်သတ်နယ်မြေထဲဝင် တယ်လို့ မြန်မာ အာဏာပိုင်တွေက ပြောကြောင်း ဒီဗွီဘီအင်္ဂလိပ်ပိုင်းက တင်ပြပါတယ်။

ဒီဗွီဘီအင်္ဂလိပ်ပိုင်းကတော့ မီဒီယာပီပီ မြန်မာအာဏာပိုင်တွေကိုလည်း ဆက်သွယ်မေးမြန်းသလို ရိုဟင်ဂျာ ဂျာနယ်လစ်ဖြစ်တဲ့ ကိုအောင်ဝင်း ကိုလည်း မေးမြန်း ခဲ့ပါတယ်။ ကိုအောင်ဝင်းက အောင်မင်္ဂလာကိုသွားချင်တဲ့ အဲဒီအမေရိကန် ဂျာနယ်လစ်နှစ်ဦးကို ရဲတွေက တင်းတင်းကြပ်ကြပ်ချုပ်နှောင်ခဲ့ တယ်လို့ အတည်ပြုပြောကြားခဲ့ပါတယ်။ အောင်မင်္ဂလာမှာတော့ နိုင်ငံတကာ အထောက်အပံ့တွေနဲ့ ကူညီရေးတွေ ၀င်ခွင့်မရှိတဲ့ မွတ်စလင်ဒုက္ခသည် စခန်းရှိပါတယ်။

“ခင်ဗျားတို့ ရခိုင်ပြည်နယ်အစိုးရဆီကနေ ပါမစ်ယူရလိမ့်မယ်။ ကျွန်တော်ခင်ဗျားတို့ (ဂျာနယ်လစ်များ) ကို အိုင်ဒီပီစခန်းပတ်လည်နေရာတွေ ကို ခေါ် သွားနိုင်တယ်။ ဒါပေမယ့် အောင်မင်္ဂလာကိုတော့ အာဏာပိုင်တွေက သွားခွင့်မပြုဘူး” လို့ ကိုအောင်ဝင်းက ရှင်းပြပါတယ်။

ဒါပေမယ့် ဝေဖန်သူတွေကတော့ ဂျာနယ်လစ်တွေကို အဲဒီလိုထောက်လှမ်းတဲ့လုပ်ရပ်တွေဟာ အရင်စစ်အစိုးရလက်ထက်က လုပ်ရပ်တွေဖြစ်တဲ့အကြောင်း၊ အဲဒီလုပ်ရပ်တွေကြောင့်လည်း ရိုဟင်ဂျာတွေ အလူးအလဲခံခဲ့ရတာတွေံ လူမသိသူမသိဖြစ်ခဲ့ရကြောင်း ဆိုပါတယ်။

ရိန်းနဲ့ မဟ်ဘူးဘ်ကတော့ သူတို့အနေနဲ့ ရိုဟင်ဂျာတွေ ညှဉ်းပမ်းနှိပ်စက်ခံရတာကို မှတ်တမ်းတင်ဖို့ ကြိုးစားတာကြောင့် ကာယိနြေ္ဒပျက်ပြားအောင် အနှောင့်အယှက်ပေးခံခဲ့ရတာဟာ ပထမဆုံးအကြိမ်တော့ မဟုတ်ကြောင်း၊ သူတို့မှာ အတွေ့အကြုံရှိနေပြီးဖြစ်ကြောင်း၊ မြန်မာအစိုးရက ရိုဟင်ဂျာတွေကို တရားမ၀င်ခိုးဝင်သူတွေလို့ ဆိုပြီး အခြေခံလူ့အခွင့်အရေးတွေကိုတောင် ငြင်းပယ်ထားကြောင်း၊ ၂၀၁၂ သြဂုတ်လမှာတော့ သူတို့နှစ်ဦးကို ရခိုင်ရဲတွေက ပိတ်နှောင်ထားတာမျိုး အကြိမ်ကြိမ်လုပ်ခဲ့ကြောင်း၊ ရခိုင်ဒေသခံတွေက အာလီယာကို မီးရှို့သတ်ပြစ်မယ်လို့ ခြိမ်းခြောက်ခဲ့ကြောင်း၊ အာလီယာကတော့ ပါကစ္စတန်လူမျိုး အစ္စလာမ်ဘာသာဝင် ဂျာနယ်လစ်ဖြစ်ကြောင်း ဆိုပါတယ်။

အမေရိကန်နိုင်ငံသား ရိန်းကတော့ စစ်တွေအရှေ့မြောက်ဘက်က မြောက်ဦးကိုရောက်တော့ သူတို့နှစ်ဦး ရုပ်ရှင်ဝင်ကြည့်တဲ့အတွေ့အကြုံကို ပြောပြပါတယ်။ သူက အဲဒီအတွေ့အကြုံကို Third Reich ခေါ် နာဇီဂျာမနီလုပ်ရပ်နဲ့ အလားတူဖြစ်တယ်လို့ ဖော်ပြခဲ့ပါတယ်။ သူတို့နှစ်ဦး ရုပ်ရှင်ရုံထဲဝင်တော့ ရုပ်ရှင်မစခင် ရှေးဟောင်း မျိုးချစ်စိတ်ဓာတ်ထက်သန်ရေး နိုင်ငံတော်သီချင်း စလာပါတယ်၊ ဖန်သားပြင်မှာတော့ ရခိုင်စာသားတွေပြည့်လို့နေပါတယ်။

ဒါနဲ့ သူတို့က ဘေးကလူကို မေးမြန်းကြည့်တဲ့အခါ သူက – “အဲဒီစာသားတွေက ရိုဟင်ဂျာတွေ အိမ်တွေကို ဘယ်လိုမီးရှို့တယ်၊ လူတွေကို ဘယ်လိုသတ် တယ်ဆိုတာ ရေးထားတာ” လို့ ပြောပြပါတယ်တဲ့။ အဲဒီအချိန်မှာ ရိန်းက သူ့ရဲ့ကင်မရာကို ထုတ်လိုက်တယ်ဆိုရင်ပဲ ဖန်သားပြင်က ၁၉၈၀ ပြည့် လွန်နှစ်တွေ မှာ ရိုက်ကူး ခဲ့တဲ့ ရုပ်မြင်သံကြားဇတ်လမ်းတွဲတွေဆီ ချက်ချင်း ပြောင်းသွားတယ်။ ပြီးတော့ မန်နေဂျာက သူတို့ကို မောင်းထုတ်ခဲ့တယ်။

“ဒါမျိုး ၀ါဒဖြန့်တာက အရှိန်ပြင်းပြင်းနဲ့ အဆိုးဆုံးအခြေအနေကို ရောက်နေပြီ” လို့ ရိန်းကဆိုပါတယ်။

မြန်မာအစိုးရက ဒီမိုကရေစီအပြောင်းအလဲကြောင့်နိုင်ငံတကာရဲ့ ချီးကျူးမှုတွေ ခံနေရပါတယ်။ အဲဒီထဲမှာ မီဒီယာထိန်းချုပ်မှု လျော့ချတာတွေ၊ အာဏာရှင် အစိုးရလက်ထက် အမည်ပျက်စာရင်း သွင်းခံရသူတွေကို ပယ်ဖျက်ပေးတာတွေ ပါဝင်ပါတယ်။ အမည်ပျက်စာရင်းထဲ မှာတော့ နိုင်ငံတကာ ဂျာနယ်လစ်တွေ လည်း ပါနေတာကြောင့် အဲဒီဂျာနယ်လစ်တွေအတွက်တော့ အမည်ပျက်စာရင်း ဆိုတာ ထောင်ဘားတန်းတွေ လို မြန်မာပြည်ထဲဝင်ဖို့ကာထားတဲ့ အကာအရံတွေပါပဲ။ ဒါပေမယ့်လည်း လေ့လာသူတွေက အဲဒီအမည်ပျက်စာရင်းထဲမှာ လူပေါင်း ၄၀၀၀ လောက် ကျန်နေသေးတယ်လို့ ဆိုပါတယ်။ ဒီလိုပါပဲ၊ စစ်ထောက်လှမ်းရေးကလည်း အစ္စလာမ်ဆန့်ကျင်ရေး အကြမ်းဖက်လုပ်ရှားမှုတွေမှာ လိုက်လံသတင်းယူကြသူများကို ထောက်လှမ်းစောင့်ကြည့်နေကြ ဆဲဖြစ်ပါတယ်။

August 30, 2013