News @ M-Media

Author: YinYin

  • မိုယက်စ်မှာ မန်ယူအတွက် သင့်တော်သော နည်းပြဖြစ်သည်ဟု ဘက်ခမ်းဆို၊ မော်ရင်ဟိုကိုလည်း ချီးကျူးခဲ့

    မိုယက်စ်မှာ မန်ယူအတွက် သင့်တော်သော နည်းပြဖြစ်သည်ဟု ဘက်ခမ်းဆို၊ မော်ရင်ဟိုကိုလည်း ချီးကျူးခဲ့

    ဖေဖော်ဝါရီ ၆၊ ၂၀၁၄
    M-Media

    – စကော့တလန်သား နည်းပြ မိုယက်စ်အနေဖြင့် မန်ယူအသင်းအား ရုန်းကန်နေရသော အနေအထားမှ ချန်ပီယံဘွဲ့အား စိန်ခေါ်နိုင်သူအဖြစ် ပြောင်းလဲ နိုင်သည်ဟု ယုံကြည်ကြောင်း အင်္ဂလန် နာမည်ကျော် ကစားသမားဟောင်း ဒေးဗစ်ဘက်ခမ်းက ပြောကြားခဲ့သည်။

    ပြီးခဲ့သည့်နှစ် ပရီးမီးယားလိဂ်ချန်ပီယံ မန်ယူအသင်းမှာ ယခုနှစ်တွင် ရလဒ်များအလွန်ဆိုးရွားနေပြီး ယခုလက်ရှိတွင် ထိပ်ဆုံးမှ ဦးဆောင်နေသည့် အာဆင်နယ်အသင်းနှင့် ၁၅ မှတ်ကွာဟနေကာ ကစားပြီးသမျှ ၂၄ ပွဲတွင် ၁၂ ပွဲသာ အနိုင်ရရှိထားသည်။ ပြီးခဲ့သည့် စနေနေ့ကလည်း စတုတ်စီးတီး အသင်းအား ၂ ဂိုး ၁ ဂိုးဖြင့် ရှုံးနိမ့်ခဲ့ပြီး ယခုနှစ်ရာသီ ၈ ပွဲမြောက်အရှုံးလည်းဖြစ်သည်။

    သို့သော်လည်း မိုယက်စ်မှာ မန်ယူအသင်း၏ ကံကြမ္မာကို ပြောင်းလဲနိုင်သော သင့်တော်သည့် နည်းပြတစ်ဦးဖြစ်ကြောင်း ဘက်ခမ်းကဆိုသည်။

    “ရာသီတစ်လျှောက်လုံး ဇယားထိပ်ဆုံးမှာရှိနေတတ်တဲ့ မန်ယူအသင်း အခုရာသီမှာ ဒီလိုမဖြစ်တော့ အသင်းဟာ ပြဿနာတွေနဲ့ ရင်ဆိုင်နေရတယ်လို့ လူတွေက ထင်ကြပါတယ်။ ဒါကို ပြဿနာလို့ ကျွန်တော်မမြင်ပါဘူး။ အပြောင်းအလဲကာလတစ်ခုပါ” ဟု ESPN သတင်းဌာနသို့ ၎င်းက ယမန်နေ့တွင် ပြောကြားခဲ့သည်။

    ထို့ပြင် မိုယက်စ်မှာ နည်းပြကောင်းတစ်ဦးဖြစ်ပြီး၊ ၎င်းအတွက် အချိန်ပေးရန်လိုအပ်ကြောင်း ပြောကြားခဲ့ပြီး၊ ချယ်ဆီးနည်းပြ မော်ရင်ဟိုမှာ ဆုဖလား များအား မည်ကဲ့သို့ ရယူရမည်ကိုသိကြောင်း၊ နည်းပြကောင်းတစ်ဦး ဖြစ်ရုံသာမက ကိုယ်ပိုင် အရည်အသွေးကောင်း ရှိသူတစ်ဦး ဖြစ်ကြောင်း ဘက်ခမ်း က ချီးကျူးသွားခဲ့သည်။

    Ref : Goal

  • မွန်အမျိုးသားနေ့ကို စည်ကားသိုက်မြိုက်စွာ ကျင်းပမည်

    မွန်အမျိုးသားနေ့ကို စည်ကားသိုက်မြိုက်စွာ ကျင်းပမည်

    ဖေဖော်ဝါရီ ၅၊ ၂၀၁၄
    M-Media
    လမင်း

    ရန်ကုန်   ။      ။     ၆၇- ကြိမ်မြောက် မွန်အမျိုးသားနေ့ အခမ်းအနား နှင့် မွန်ရိုးရာယဉ်ကျေးမှု ပဒေသာကပွဲကို ရန်ကုန်တိုင်းဒေသကြီး ဒဂုံမြို့နယ် ပြည်သူ့ ရင်ပြင်နှင့် ပြည်သူ့ဥယျာဉ်တွင် ဖေဖော်ဝါရီလ ၁၅ ရက်နေ့ ညနေ ၅း၀၀- နာရီမှ ည ၁၂း၀၀- နာရီအထိ စည်ကားသိုက်မြိုက်စွာ ပြုလုပ်ကျင်းပမည် ဖြစ်ကြောင်း သိရှိရပါသည်။

    ၆၇- ကြိမ်မြောက် မွန်အမျိုးသားနေ့တွင် ပြည်သူ့ရင်ပြင်၌ မွန်လူဦးရေစာရင်းကောက်ယူရေး မဏ္ဍပ်ထားရှိထားမှာဖြစ်ပြီး သန်းခေါင်းစာရင်း မပေးသွင်း ရသေးသော မွန်မိသားစုဝင်များ သည် သန်းခေါင်းစာရင်းနှင့် မှတ်ပုံတင်ကို မိတ္တူပွား၍ လာရောက်စာရင်းပေးသွင်းနိုင်ကြောင်းလည်း သိရှိရပါသည်။

    မွန်လူဦးရေစာရင်းအမှန်ကောက်ယူရေးကာလကိုလည်း လူဦးရေစာရင်း ကောက်ယူရေးကော်မတီမှ နိုဝင်ဘာလထိ တိုးမြှင့်ထားပြီး ကျန်ရှိနေသော လူဦးရေ စာရင်းများကို ဆက်လက်ကောက်ခံသွားမည် ဖြစ်ကြောင်းလည်း သိရှိရပါသည်။

  • မင်ဒဲလား၏ သေတမ်းစာ ထွက်ပေါ်လာ၊ ပိုင်ဆိုင်မှု အချို့အား တက္ကသိုလ်နှင့် ကျောင်းများအား ထောက်ပံ့ရန် သတ်မှတ်ခဲ့

    မင်ဒဲလား၏ သေတမ်းစာ ထွက်ပေါ်လာ၊ ပိုင်ဆိုင်မှု အချို့အား တက္ကသိုလ်နှင့် ကျောင်းများအား ထောက်ပံ့ရန် သတ်မှတ်ခဲ့

    ဖေဖော်ဝါရီ ၄၊ ၂၀၁၄
    M-Media

    – လွန်ခဲ့သည့် ၂ လ ခန့်က ကွယ်လွန်သွားခဲ့သော အာဖရိက လွတ်မြောက်ရေး အတွက် တိုက်ပွဲဝင်ခဲ့သူ၊ အသားအရောင် ခွဲခြားမှုအား အဆုံးသတ်စေခဲ့သူ သမ္မတဟောင်း နယ်လ်ဆင် မင်ဒဲလား၏ သေတမ်းစာအား သေတမ်းစာ အတည်ပြုရေး အဖွဲ့က ယနေ့တွင် မီဒီယာများကို ချပြခဲ့သည်ဟု သိရသည်။

    မင်ဒဲလားက ၎င်း၏ ဒေါ်လာ ၄.၁ သန်းတန် အိမ်ခြံမြေများအား ဇနီးဖြစ်သူ Graca Machel၊ မိသားစုဝင်များ၊ ၎င်း၏ ၀န်ထမ်းများ၊ ၎င်းတက်ရောက်ခဲ့ သည့် စာသင်ကျောင်းများနှင့် ယခု အာဏာရ ပါတီ အာဖရိက အမျိုးသား ကွန်ဂရက်တို့ အတွက် ချန်ထားခဲ့သည်ဟု သေတမ်းစာ အတည်ပြုရေးအဖွဲ့က အတည်ပြု ပြောကြားခဲ့သည်။

    ၎င်းပိုင်ဆိုင်သော ငွေးကြေးများတွင် ဒေါ်လာ ၄၅၀၀ အား ၎င်း၏အတွင်းရေးမှူး Zelda la Grange အပါအ၀င် ၎င်း၏၀န်ထမ်းများအတွက် သတ်မှတ်ခဲ့ပြီး Wits တက္ကသိုလ်နှင့် Fort Hare တက္ကသိုလ် တို့ အတွက် ဒေါ်လာ ၉၀၀၀ လှူဒါန်းရန်နှင့် အခြားသော စာသင်ကျောင်း ၃ ကျောင်းအတွက်လည်း ထိုပမာဏအတိုင်း လှူဒါန်းရန် ရေးသားထားသည်။ ထို့ပြင် ၁၉၉၄ ခု နိုင်ငံ၏ ပထမဦးဆုံး ရွေးကောက်ပွဲတွင် အနိုင်ရရှိခဲ့သော ၎င်းဦးဆောင်ခဲ့သည့် အာဖရိကအမျိုးသား ကွန်ဂရက် ပါတီကလည်း မင်ဒဲလား ပိုင်ဆိုင်မှု၏ ၁၀ ရာခိုင်နှုန်းမှ ၃၀ ရာခိုင်နှုန်း အထိ ရရှိမည်ဖြစ်သည်။

    Ref : Aljazeera

  • ဆိုက်ဘာလုံခြုံရေး အတွက် အမေရိကန်နှင့် တောင်ကိုရီးယားတို့ ဆိုးလ်တွင် ဆွေးနွေးခဲ့ကြ

    ဆိုက်ဘာလုံခြုံရေး အတွက် အမေရိကန်နှင့် တောင်ကိုရီးယားတို့ ဆိုးလ်တွင် ဆွေးနွေးခဲ့ကြ

    ဖေဖော်ဝါရီ ၄၊ ၂၀၁၄
    M-Media

    – မြောက်ကိုရီးယားနိုင်ငံမှ ပြုလုပ်လာနိုင်သည့် အင်တာနက်လုံခြုံရေး ခြိမ်းခြောက်မှုများအား မည်ကဲ့သို့ ရင်ဆိုင်ရမည်ကို ဆွေးနွေးရန်အတွက် အမေရိကန် ဆိုက်ဘာစစ်ဌာနချုပ်မှ အကြီးအကဲ ဗိုလ်ချုပ် ကိသ်အလက်ဇန်းဒါးမှာ တောင်ကိုရီးယား နိုင်ငံသို့ ယနေ့တွင် ရောက်ရှိလာခဲ့သည်ဟု တောင်ကိုရီးယား ကာကွယ်ရေး ၀န်ကြီးဌာနက သတင်းထုတ်ပြန်ခဲ့သည်။

    ထို့နောက် ဗိုလ်ချုပ် အလက်ဇန်ဒါးမှာ တောင်ကိုရီးယား ကာကွယ်ရေးဝန်ကြီး ကင်မ်ကောင်ဂျင်န်နှင့် ဆိုးလ်မြို့တွင် တံခါးပိတ် ဆွေးနွေးမှု တစ်ခု ပြုလုပ်ခဲ့ပြီး နှစ်နိုင်ငံပူးပေါင်းကာ မြောက်ကိုရီးယား၏ အင်တာနက်လုံခြုံရေး ခြိမ်းခြောက်မှုများအား မည်ကဲ့သို့ ရင်ဆိုင်မည်ဆိုသည်ကို ပြောဆို ဆွေးနွေးခဲ့ကြသည်ဟု တောင်ကိုရီးယား ကာကွယ်ရေးဝန်ကြီးဌာနမှ ပြောရေးဆိုခွင့်ရှိသူ ကင်မင်ဆွတ်က ဆွေးနွေးပွဲအကျဉ်းချုပ် သတင်းစာ ရှင်းလင်းပွဲတွင် ပြောကြားခဲ့သည်။ု ထို့ပြင် အမေရိကန်အမျိုးသား လုံခြုံရေးကောင်စီ၏ ဒါရိုက်တာလည်းဖြစ်သူ ဗိုလ်ချုပ်အလက်ဇန်းဒါးမှာ ၎င်း၏ အတွေ့အကြုံများကိုလည်း ဝေငှသွားခဲ့သည်ဟု ထည့်သွင်းပြောကြားခဲ့သည်။

    ထိုဆွေးနွေးပွဲတွင် အမေရိကန်မှ လျှို့ဝှက်ပြုလုပ်နေသည့် ထောက်လှမ်းရေးလုပ်ငန်းများမှ တောင်ကိုရီးယားနိုင်ငံအား ဖယ်ထုတ်ပေးမည်ဟု အလက်ဇန်းဒါးက ပြောဆိုခဲ့ကြောင်း တောင်ကိုရီးယားသတင်းစာတစ်စောင်ဖြစ်သည့် Kukmin Daily က ရေးသားဖော်ပြခဲ့သည်။ သို့သော်လည်း ကာကွယ်ရေးဝန်ကြီးဌာနကမူ ထိုသတင်းမှာ မဟုတ်မှန်ကြောင်း ငြင်းဆိုခဲ့သည်။

    လာမည့်မတ်လတွင် ရာထူးမှထွက်ခွာတော့မည့် အလက်ဇန်းဒါးမှာ ဆိုးလ်မြို့တွင် တစ်ရက်တာ နေထိုင်ပြီးနောက် ဂျပန်နိုင်ငံသို့ သွားရောက် လည်ပတ် မည်ဖြစ်သည်။

    Ref : Xinhua

  • သယံဇာတနှင့် ပတ်သက်သည့် အလုပ်ရုံဆွေးနွေးပွဲ မွတ်စလင် အဖွဲ့အစည်းများမှ လူငယ်များပြုလုပ်

    ဖေဖော်ဝါရီ ၄၊ ၂၀၁၄
    M-Media
    ချမ်းငြိမ်းအေး

     

    111

    ရန်ကုန်   ။      ။        သယံဇာတနှင့် သတ္တုတွင်း ဆိုင်ရာ အလုပ်ရုံဆွေးနွေးပွဲကို EITI မှ ဦးစီးကျင်းပပြီး အစ္စလာမ်ဘာသာဝင် လူငယ်များပါဝင်သည့် အလုပ်ရုံ ဆွေးနွေးပွဲတစ်ခုကို ယနေ့ ဖေဖော်ဝါရီလ ၄ ရက်နေ့တွင် Sumit Park View Hotel တွင် နံနက် ၉- နာရီမှ ညနေ ၄- နာရီ ထိ ကျင်းပပြုလုပ်ခဲ့ပါသည်။

    ၎င်းဆွေးနွေးပွဲတွင် လူငယ်များအနေနှင့် ယခုနိုင်ငံတော် အစိုးရအနေဖြင့် သယံဇာတနှင့် ပတ်သက်ပြီး လုပ်ဆောင်ချက်များ၊ သယံဇာတနှင့် ပတ်သက်ပြီး နိုင်ငံ၏ ၀င်ငွေ ထွက်ငွေများ၊ လုပ်ဆောင်ချက်များ၊ နည်းပညာ၊ ဗဟုသုတ များကို လူငယ်များ အနေနှင့် ဆက်လက်မျှဝေ လုပ်ဆောင် သွားရန် ရည်ရွယ်ပြီး ထိုအလုပ်ရုံဆွေးနွေးပွဲကို ကျင်းပရခြင်းဖြစ်ကြောင်း သိရှိ ရပါသည်။

    “မြန်မာနိုင်ငံအစိုးရကနေ ယခုဆိုလျှင် သဘာဝ တွင်းထွက် သယံဇာတကနေ အခြေခံပြီး ပွင့်လင်းမြင်သာမှုတွေကို ဖော်ဆောင်တော့မယ်။ အဲတော့ ဘာသာပေါင်းစုံ၊ တိုင်းရင်းသားပေါင်းစုံကို EITI နဲ့ ပတ်သက်ပြီး အခုလို အလုပ်ရုံဆွေးနွေးပွဲတွေ ပြုလုပ်ပေးနေတာ ဖြစ်တယ်။ အစိုးရနဲ့ ဘာတွေ လုပ်ဆောင်နေလဲဆိုတာ ပြည်သူတွေကို ချပြတဲ့ သဘောပါပဲ။ EITI အနေနဲ့ နောက်ဘာတွေ ဆက်လုပ်သွားမယ်ဆိုတာကိုလည်း ဆွေးနွေးသွားမယ်။ အခုဆွေးနွေးပွဲက အစ္စလာမ် ဘာသာဝင်တွေချည်း သီးသန့်ပဲ။ အဲလိုပဲ တခြား ဘာသာဝင်တွေလည်း ပြုလုပ်ဖို့ရှိပါတယ်” ဟု ဒေါ်ညှိမာသန်းက ပြောကြား ခဲ့ပါသည်။

    ဆက်လက်ပြီး ” အခုဆွေးနွေးသွားမှာက သတ္တုတွင်းလုပ်ငန်းနဲ့ အခု EITI ရှေ့ဆက်ရေးအကြောင်းကို အဓိကဆွေးနွေးသွားမှာ ဖြစ်ပါတယ်။ ဘေးထွက် ဆိုးကျိုးတွေနဲ့ ကုစားပုံကုစားနည်းတွေ ရေနံဥပဒေရဲ့ ပြဌာန်းချက်တွေနဲ့ လက်ရှိဆောင်ရွက်နေတာတွေကိုပါ ဆွေးနွေးသွားမှာပါ။အခုလို လူငယ်တွေ အနေနဲ့ တက်ရောက်လာတာအရမ်းကောင်းမွန်ပါတယ်။ နည်းပညာတွေပြန့်ပွားသွားတော့ လူငယ်တွေရဲ့ အနာဂတ်တွေ ကောင်းမွန်လာမှာပါ။ နိုင်ငံတော် အနေနဲ့လည်း သယံဇာတကို ဥပဒေနှင့် အညီ လုပ်ဆောင်သွားဖို့ လိုအပ်ပါတယ်။ သယံဇာတဆိုတာ တိုင်းရင်းသား အားလုံးက ပိုင်ဆိုင်တာပါ။ ဒါပေမဲ့ အခုလက်ရှိ ဥပဒေမှာတော့ နိုင်ငံတော် ပိုင်တာပဲ ရှိနေသေးတယ်၊ တိုင်းရင်းသားတွေ ပိုင်ဆိုင်တာကို သက်သေပြဖို့ လုပ်ဆောင်ရမယ်” ဟု ဦးဆောင်ဆွေးနွေးသူ ဦးစိန်မြင့်က ပြောကြားခဲ့ပါသည်။

    ယခုလို အလုပ်ရုံဆွေးနွေးပွဲတွေကို ရှေ့လျောက် လုပ်ဆောင်သွားရန်ရှိပြီး လူငယ်များအနေဖြင့် သယံဇာတနှင့် ပတ်သက်ပြီး အသိပညာများ၊ ဗဟုသုတ များစွာကိုရရှိစေရန် ရည်ရွယ်ပြီး ပြုလုပ်ခြင်းဖြစ်ကြောင်း သိရှိရပါသည်။ ထိုဆွေးနွေးပွဲသို့ မွတ်စလင်အဖွဲ့အစည်းအသီးသီးမှ လူငယ်များ တက်ရောက် ဆွေးနွေးခဲ့ကြောင်းလည်း သိရှိရပါသည်။