News @ M-Media

Author: YinYin

  • တိုင်းရင်းမွတ်စလင် ကလောင်ရှင်အသင်း ညီလာခံကျင်းပရန် ဖိတ်ခေါ်

    တိုင်းရင်းမွတ်စလင် ကလောင်ရှင်အသင်း ညီလာခံကျင်းပရန် ဖိတ်ခေါ်

    ဇန်န၀ါရီ ၁၆၊ ၂၀၁၄
    M-Media
    အမ်တူးအေ

    ရန်ကုန်  ။         ။ တိုင်းရင်းမွတ်စလင် ကလောင်ရှင်များအသင်း၏ မကြာမီ ညီလာခံ ကျင်းပရန်နှင့် အသင်းဝင်များအား ဖိတ်ခေါ်လိုက်ပြီး ယနေ့ ပြုလုပ်သော အစည်းအဝေးက ကြေငြာချက်တစ်စောင်ထုတ်ပြန်လိုက်ကြောင်းသိရသည်။

    ၂၀၀၃-ခုနှစ် ဒီဇင်ဘာလ ၂၁-ရက်နေ့က ရန်ကုန်မြို့တွင် စတင်ဖွဲ့စည်းခဲ့သည့် တိုင်းရင်းမွတ်စလင် ကလောင်ရှင်များအသင်းသည် တိုင်းရင်းသား နိုင်ငံသား မွတ်စလင်စာပေပညာရှင်များ အသင်းတစ်ရပ်ပေါ်ပေါက်ရန် ရည်ရွယ်၍ ဖွဲ့စည်းခဲ့ခြင်းဖြစ်ပြီး မြန်မာစာပေ ဖွံ့ဖြိုးတိုးတက်စေခြင်းများကို ပူးပေါင်းဆောင်ရွက်နိုင်ရန်နှင့် ရှေးက ပသီအမျိုးသားတို့၏ နိုင်ငံတော်အပေါ် သစ္စာစောင့်သိမှု အမွေခံများဖြစ်သည့် ကလောင်ရှင်များ မွေးထုတ်ရန်လည်း ရည်ရွယ်ကြောင်းလည်း သိရသည်။

    အဆိုပါအသင်းတွင် အသင်းဝင်အင်အား ၁၀၀ ပြည့်မြောက်သည့်အချိန်တွင် သင်းလုံးကျွတ် ညီလာခံ တစ်ရပ်ကို အမြန်ဆုံးကျင်းပပြီး ဗဟိုအလုပ်အမှုဆောင် ရွေးချယ်တင်မြှောက်ကာ ညီလာခံမှ ပေါ်ပေါက်လာသည့် စာပေရေးရာ ရှေ့လုပ်ငန်းစဉ်များကို ဆက်လက်ဆောင်ရွက်ရန် လုပ်ဆောင်သွားမည်ဟု တိုင်းရင်းမွတ်စလင်ကလောင်ရှင်များအသင်း ဥက္ကဋ္ဌ ပသီဦးကျော်ဦးက ပြောကြားသည်။

     

  • ဦးအောင်သိန်းလင်းကို လုံးဝ အယုံအကြည်မရှိသည့် တောင်သူလယ်သမားများ သပိတ်စခန်းဖွင့်မည်ဟုပြော

    ဦးအောင်သိန်းလင်းကို လုံးဝ အယုံအကြည်မရှိသည့် တောင်သူလယ်သမားများ သပိတ်စခန်းဖွင့်မည်ဟုပြော

    ဇန်န၀ါရီ ၁၆၊ ၂၀၁၄
    M-Media
    သီရိ

    DSC00257

    ရန်ကုန်   ။         ။ ရန်ကုန်တိုင်းဒေသကြီး ရွှေပြည်သာမြို့နယ် လှော်ကားကျေးရွာအုပ်စုမှ ၁၉၉၃/၁၉၉၄ ခုနှစ်က လယ်အဓမ္မသိမ်းခံရသူများ၏ စာနယ်ဇင်း ရှင်းလင်းပွဲကို ရန်ကုန်မြို့ ၃၆-လမ်းရှိ မြန်မာဂျာနယ်လစ် ရုံးခန်းတွင် ပြုလုပ်ခဲ့ပါသည်။

    ရွှေပြည်သာမြို့နယ်ရှိ လယ်ယာများကို ၁၉၉၃/၉၄ တွင် စစ်တပ်မှ သိမ်းယူခဲ့ခြင်း ဖြစ်ပြီး ထိုဒေသရှိလယ်သမားများသည် ၎င်းတို့၏ လယ်ယာမြေ ပြဿနာများကို အမြန်ဆုံး ဖြေရှင်းပေးရန် သမ္မတကြီးကို တောင်းဆိုကြောင်း လယ်သိမ်းခံထားရသော လယ်သမားအားလုံးက ပြောကြားခဲ့သည်။ လယ်သမားအများစုသည် မိမိတို့သိမ်းခံထားရသော လယ်များကို နေရာကိုပြန်ရသည်ဖြစ်စေ ငွေကိုပြန်ရသည်ဖြစ်စေ ပြန်လိုချင်လျက်ရှိပြီး စစ်တပ် သိမ်း မြေယာများထဲတွင် စီမံကိန်းအဖြစ်ပြုလုပ်ထားသော ကွန်ပျူတာတက္ကသိုလ် မီးရထားလမ်းနှင့် အမှတ် (၄)လမ်းမကြီး ကားလမ်း ဖောက်လုပ်ထား သည့် လယ်ယာမြေများကိုမှု လျော်ကြေးမတောင်းခံပဲ နိုင်ငံတော်သို့ လှူဒါန်းမှုကို ပြုလုပ်မည်ဖြစ်ကြောင်း သိရသည်။

    နိုင်ငံရေးအကျဉ်းသားဟောင်းများအင်အားစု ကော်မတီအဖွဲ့ဝင် တစ်ဦးဖြစ်သူ ကိုရဲထွဋ်ခေါင်မှ “ကျွန်တော်တို့ နိုင်ငံရေးအကျဉ်းသားဟောင်းများ အဖွဲ့က လယ်သမားတွေဘက်ကနေ ကာကွယ်ပေးသွားမှာပါ၊ ကာကွယ်ရေးဦးစီးချုပ် ဗိုလ်ချုပ်ကြီး မင်းအောင်လှိုင်က လယ်ယာမြေတွေကို ပြန်ပေးမယ် ဆိုတဲ့ သူရဲ့နှုတ်ထွက်စကားနှင့်အညီ ပြန်ပေးပါ၊ ကျွန်တော်တို့ဖက်က ၂-လပိုင်း ကုန်တဲ့အထိ စောင့်ပါ့မယ် အဲဒီအထိမှ ကတိစကားမတည်ရင် ကျွန်တော်တို့  နိုင်ငံရေးအကျဉ်းသားဟောင်းများအဖွဲ့မှ ဦးဆောင်ပြီး သပိတ်စခန်း ဖွင့်လှစ်သွားမှာ ဖြစ်ပါတယ်၊ ခွင့်ပြုချက်လည်းမတောင်းပါဘူး၊ ဗိုလ်ချုပ်ကြီး မင်းအောင်လှိုင်အနေနဲ့လည်း ကတိတည်ပါလို့ ပြောချင်တယ်။ စစ်ဗိုလ်ချုပ်တစ်ယောက်ဖြစ်ပြီး ကတိမတည်ရင်တော့ ပြည်သူတွေရဲ့ အသက်အိုးအိမ်ကို စိတ်ချရတော့မှာ မဟုတ်ပါဘူး”ဟု ပြောကြားခဲ့သည်။

    ထို့နောက် ” ပြည်ထောင်စုကြံ့ခိုင်ရေး ဖွံ့ဖြိုးရေးပါတီဝင် ပြည်သူ့လွှတ်တော် ကိုယ်စားလှယ် ဦးအောင်သိန်းလင်းကို လုံးဝအယုံကြည်မရှိပါဘူး၊ သူက ခရိုနီတွေရဲ့စကားကို နားယောင်ပြီး လယ်သမားတွေကို ဖိနှိပ်နေပါတယ်၊ လုံးဝကိုအယုံကြည်မရှိတာပါ” ဟု၎င်းကထပ်လောင်းပြောကြားခဲ့ပါသည်။

    ထို့နောက် လယ်သမားအားလုံးသည် ဦးအောာင်သိန်းလင်းကို ၎င်းတို့အနေနှင့် လုံးဝကိုယုံကြည်မှုမရှိကြောင်း၊ လယ်ယာမြေများကို ပြန်လည်ရယူလိုပြီး မျှတသောတရားဥပဒေစိုးမိုးရေးကို ရယူလိုကြောင်း ပြောကြားခဲ့ကြသည်။

  • ဆင်တပ်မှော် ဒုက္ခသည်စခန်း မီးလောင်

    ဆင်တပ်မှော် ဒုက္ခသည်စခန်း မီးလောင်

    ဇန်န၀ါရီ ၁၆၊ ၂၀၁၄
    M-Media

    1526335_648302695212204_1194043049_n

    ရခိုင် ။ ။ ရခိုင်ပြည်နယ် ပေါက်တော အပိုင် ဆင်တပ်မှော် ကျေးရွာရှိ ကျောက်ဖြူ ဒုက္ခသည် စခန်းတွင် ဇန်န၀ါရီလ ၁၆-ရက် မနက်လင်းအားကြီး ၁-နာရီတွင် မီးလောင်မှု တစ်ခုဖြစ်ပွားခဲ့ရာ အဆောင် ၃၁-လုံးနှင့် အခန်း ၂၄၈ ခန်း မီးလောင်သွားခဲ့ကြောင်း သိရသည်။

    မီးလောင်ရသည့်အကြောင်းအရင်းကို သေချာစွာမသိရှိရသေးပါ။ သတင်းနောက်ဆက်တွဲ စုံစမ်းသိရှိရလျှင် တင်ဆက်ပေးသွားပါမည်။

    ဓါတ်ပုံ-Lay Pyay မှ M-Media သို့ပေးပို့လာသော ပုံဖြစ်ပါသည်။

  • အမျိုးဘာသာ သာသနာစောင့်ရှောက်ရေးအဖွဲ့ ဖွဲ့စည်း ကြေငြာချက်ထုတ်

    အမျိုးဘာသာ သာသနာစောင့်ရှောက်ရေးအဖွဲ့ ဖွဲ့စည်း ကြေငြာချက်ထုတ်

    ဇန်န၀ါရီ ၁၆၊ ၂၀၁၄
    M-Media
    ဇာဏီ

    ဓါတ်ပုံအညွှန်း - BBC Burmese ၏ သတင်းဓါတ်ပုံ
    ဓါတ်ပုံအညွှန်း – BBC Burmese ၏ သတင်းဓါတ်ပုံ

    မန္တလေး ။    ။ အမျိုးဘာသာ သာသနာစောင့်ရှောက်ရေးအဖွဲ့ အထက်မြန်မာပြည်(မန္တလေး)ကို မနေ့က ဇန်န၀ါရီလ ၁၅-ရက်နေ့တွင် မန္တလေးမြို့ အတုမရှိကျောင်းတိုက်တွင် ပြုလုပ်သော ဂိုဏ်းပေါင်းစုံ သံဃညီလာခံတွင် သီတဂူဆရာတော်နှင့် အင်းစိန်ရွာမ ဆရာတော်တို့ အပါအ၀င် သံဃာ အများအပြား တက်ရောက် ဖွဲ့စည်းလိုက်ကြောင်းနှင့် သဘောထားကြေငြာချက် တစ်စောင်ကိုလည်း ထုတ်ပြန်လိုက်ကြောင်း သိရသည်။

    ယင်းကြေငြာချက်အား နိုင်တော်သြဝါဒါစရိယ အဂ္ဂမဟာပဏ္ဌိတ ဥက္ကဌ မဘသ(ဗဟို) နှင့် နိုင်ငံတော်သြဝါဒါ စရိယ အဂ္ဂမဟာပဏ္ဌိတ ဥက္ကဌ မဘသ (မန္တလေးတိုင်းဒေသကြီး)တို့မှ လက်မှတ်ရေးထိုး ထုတ်ပြန်ခဲ့ပြီး ၎င်းကြေညာချက်သည် နိုင်ငံ၏ အရေးကိစ္စများအား ဘုရားသားတော် သံဃာတော် များနှင့် မသက်ဆိုင်သော ကိစ္စရပ်များကိစ္စများကို ထည့်သွင်းကြေငြာထားသောကြောင့် သင့်တော်မှုမရှိဟု ပြောဆိုသူများလည်း ရှိကြောင်းသိရသည်။

    “တကယ်တမ်းပြောရရင်တော့ဗျာ ဥပဒေပြုရေး၊ နိုင်ငံအုပ်ချူပ်ရေးနဲ့ သက်ဆိုင်တာတွေဟာ ဘုရားသားတော်တွေ လုပ်ဆောင်ရမယ့် ကိစ္စ မဟုတ်ပါ ဘူး။ ဘုရား သားတော်တွေအနေနဲ့ မိမိရဲ့ ဘာသာသာသနာ စည်ပင် ပြန့်ပွားရေး တရားဓမ္မတွေကို ကိုယ်တိုင်ကျင့်ကြံရင်း တခြားသူတွေ ကိုလည်း တရားရေအေး တိုက်ကျွေးရမယ့် အလုပ်ပဲရှိတာ။ အခုတော့ ဒီလိုမျိုးတွေ ဖြစ်လာတာဟာ နိုင်ငံအတွက်၊ ကျွန်တော်တို့ ဗုဒ္ဓဘာသာ အတွက်လည်း မကောင်းဘူးလို့ ကျွန်တော်မြင်တယ်”ဟု ဗုဒ္ဓဘာသာဝင် လူငယ်တစ်ယောက်မှ ပြောသည်။

    “ကျွန်တော်တို့ကတော့ ဘာမှ မပြောလိုပါဘူး။ ဘယ်ဘာသာပဲဖြစ်ဖြစ်ပါ ကိုယ့်သာသနာကို တကယ်မြတ်နိုးစွာ လက်ခံယုံကြည်သူဖို့ သာသနာ ပျောက် မှာလည်း စိုးရိမ်စရာမရှိသလို။ လူမျိုးပျောက်မှာလည်း စိုးရိမ်စရာမရှိပါဘူး။ ဘယ်နေရာဒေသပဲဖြစ်ဖြစ် ကိုယ့်ဘာသာကိုယ့်လူမျိုးသာ ရှိရမယ် ဆိုတဲ့ စိတ်ထားနဲ့ အတင်းအကြပ်တွေ လုပ်ဆောင်နေလို့ကတော့ သိပ်မကြာပါဘူး အဲ့ဒီသာသနာဟာ မှေးမှိန်သွားနိုင်တယ်။”လို့ ဗုဒ္ဓဘာသာမဟုတ်သူ လူငယ်တချို့မှလည်း ပြောပါသည်။

    သံဃာညီလာခံ၏ ထုတ်ပြန်ကြေငြာချက်သဘောထားသည် ဗုဒ္ဓဘာသာဝင်များမှအပ တခြားသော ဘာသာဝင်များနှင့် ဗုဒ္ဓ မဟုတ်သည့် တိုင်းရင်းသား လူမျိုးများကို ဖိနှိပ်ခွဲခြားလုပ်ဆောင်မှုပုံစံတွေ့ရပြီး ဗုဒ္ဓမြတ်စွာဘုရား သာသနာတော်၏ တရားဓမ္မနှင့်လည်း ကိုက်ညီမှုမရှိကြောင်း ဝေဖန်ပြောဆိုသံ များလည်း ထွက်ပေါ်လျက်ရှိသည်။

    သံဃာ့ညီလာခံ၏ သဘောထား ကြေငြာချက်
    1558469_571790712896641_125491665_n 1531606_571790782896634_2088799568_n

    (၁) မြန်မာနိုင်ငံတော်နှင့် နိုင်ငံသားများ အကျိုးစီးပွားအတွက် ၁၉၈၂-ခုနှစ် မြန်မာနိုင်ငံသားဥပဒေကို ဆက်လက်ကာကွယ် စောင့်ရှောက်ရန်တိုက်တွန်းသည်။

    (၂) နိုင်ငံတော်ဖွဲ့စည်းပုံ အခြေခံဥပဒေကို ပြင်ဆင် ရေးဆွဲရာ၌ ပုဂ္ဂလအဓိဌာန်နှင့် လတ်တလော အခြေနေကို မကြည့်ဘဲနိုင်ငံနှင့် နိုင်ငံသားများ၏ ရေရှည်အကျိုးစီးပွားကိုသာ ကြည့်ရှုဆောင်ရွက်ရန် တိုက်တွန်းသည်။

    (၃) လက်ရှိ ဖွဲ့စည်းအုပ်ချုပ်ပုံစနစ်၌ တိုင်းရင်းသားစာရင်း မပါဝင်သော လူမျိုးစုနှင့် အဖွဲ့အစည်းများအား ကူညီပံ့ပိုး အားပေးအားမြှောက်ပြုနေကြသည့် ပြည်တွင်း ပြည်ပ အဖွဲ့အစည်းများ၏ လုပ်ရပ်မှန်သမျှကို နိုင်ငံတော်၏ အချုပ်အခြာအာဏာ ထိပါးစေနိုင်သဖြင့် ကန့်ကွက်သည်။

    (၄) တည်ဆဲဥပဒေနှင့် မညီညွတ်သော တိုင်းရင်းသားစာရင်း၌ မပါဝင်သည့်လွှတ်တော် ကိုယ်စားလှယ်များအား ပြန်လည်စိစစ်၍ ဥပဒေနှင့်အညီသာ ဆောင်ရွက်ပေးရန် တိုက်တွန်းသည်။

    (၅) တိုင်းရင်းသား အခွင့်အရေးနှင့် နိုင်ငံသားအခွင့်ရေးများကို ကာကွယ်စောင့်ရှောက်နိုင်ရန် ရွေးကောက်ပွဲတိုင်းတွင် ဥပဒေနှင့်မညီညွတ်သည့် ယာယီသက်သေခံ လက်မှတ်ကိုင်ဆောင်ထားသူများ ၏ ဆန္ဒမဲပေးပိုင်ခွင့်ကို ပြန်လည်ရုပ်သိမ်း သင့်ကြောင်းအကြံပြုတိုက်တွန်းသည်။

    (၆) အမျိုးဘာသာသာသနာ အဖွဲ့အစည်း(မဘသ)ခေါ် သာသနဝံသပါလအဖွဲ့ အတွက် အင်အား ဖြစ်စေသော အားပေးစကားများကို ပြောကြားခဲ့သည့် နိုင်ငံတော် အကြီးအကဲများ နိုင်ငံခေါင်းဆောင်များ လွှတ်တော် ကိုယ်စားလှယ်တော်ကြီးများအား ကျေးဇူးတင်ကြောင်း မှတ်တမ်းတင်သည်။

    (၇) သတင်းမီဒီယာများသည် နိုင်ငံတော်၏ စတုတ္ထမဏ္ဍိုင်ဖြစ်သည့်အလျောက် သတင်းမီဒီယာ ကျင့်ဝတ်နှင့်အညီ နိုင် ငံတော်နှင့် အမျိုးဘာသာသာသနာ၏ အကျိုးစီးပွားကို ထိခိုက်အောင်မှန်ကန်မျှတစွာ ဖော်ပြကြရန်နှင့်မမှန်မကန် ဖော်ပြမှု အဂတိလိုက်စားမှုများ ရှောင်ကြရန် အထူးတိုက်တွန်းသည်။

    (၈) မြန်မာနိုင်ငံသူ နိုင်ငံသားများသည်မိမိ/သူတစ်ပါး အမျိုးဘာသာကို ထိခိုက်စေမည့် ဟောပြောမှု လှုံ့ဆော်မှုနှင့် တုန့်ပြန်မှုများကိုရှောင်ကြဉ်ကြရန် အထူးတိုက်တွန်းသည် ။

    (၉) အမျိုးဘာသာသာသနာစောင့်ရှောက်ရေးအဖွဲ့ (မဘသ)ခေါ်သာသနဝံသပါလ အဖွဲ့သည် သာသနာ့ဥသျှောင် သံဃာ့ဥသျှောင်ဆရာတော်ကြီးများ၏ သြဝါဒကို ခံယူလျက် အမှီအခို ကင်းပြီးလွတ်လပ်သည့်အမျိုးသားရေး အင်အားစုကြီးတစ်ရပ်သာ ဖြစ်ကြောင်းသိစေအပ်သည်။

    (၁၀) အကာအကွယ်မဲ့နေကြသည့် မြန်မာ့အမျိုးကောင်းသားအမျိုးကောင်းသမီးများအား ကာကွယ် စောင့်ရှောက်နိုင် မည့်အမျိုးစောင့် ဥပဒေ အတည်ပြုပြဌာန်း ပေးနိုင်သည်အထိ ဆက်လက် ဆောင်ရွက်သွားမည် ဟု ဤညီလာခံတော်ကြီးက အဓိဌာန်ပြုသည်။

    (ဘဒ္ဒန္တတိလောကာဘိဝံသ) နိုင်တော်သြဝါဒါစရိယ အဂ္ဂမဟာပဏ္ဌိတ ဥက္ကဌ မဘသ(ဗဟို)
    (ဘဒ္ဒန္တတိက္ခ) နိုင်ငံတော်သြဝါဒါစရိယ အဂ္ဂမဟာပဏ္ဌိတ ဥက္ကဌ မဘသ(မန္တလေးတိုင်းဒေသကြီး)

     

  • ဇန်န၀ါရီ ၁၅၊ ပြည်တွင်းသတင်း စုစည်းမှု

    ဇန်န၀ါရီ ၁၅၊ ပြည်တွင်းသတင်း စုစည်းမှု

    ဇန်န၀ါရီ ၁၅၊ ၂၀၁၄
    M-Media

    တိုင်းရင်းသားမျိုးနွယ်စုကွဲပြားစေရန် သန်းခေါင်းစာရင်းကောက်ယူခြင်းဆိုသည်ကို တိုင်းရင်းသားများကန့်ကွက်

    – မကြာခင် သန်းခေါင်စာရင်းကောက်ယူရာ၌ အသုံးပြုမည့် တိုင်းရင်းသားမျိုးနွယ်စုများ သတ်မှတ်ချက် ဂဏန်း (Code)များသည် မျိုးနွယ်များကို ရှုပ်ထွေးမှုဖြစ်စေပြီး တိုင်းရင်းသားလူမျိုးများအတွင်း ပိုမိုကွဲစေသည့် အသွင်တွေ့နေရကြောင်း ကရင်တိုင်းရင်းသားများ၏ ၂-ရက်ကြာ ဆွေးနွေးပွဲအပြီး ထုတ်ပြန်သော ထုတ်ပြန်ချက်တွင် ဖော်ပြထားသည်။
    ________________________

    အမျိုးဘာသာစောင့်ရှောက်ရေး အထက်မြန်မာပြည် ဖွဲ့

    – အမျိုးဘာသာသာသနာ စောင့်ရှောက်ရေးအဖွဲ့၊ အထက်မြန်မာပြည် (မန္တလေး) အဖွဲ့ကို အမျိုးဘာသာ သာသနာ အရှည်တည်တံ့ရေးအတွက် စိတ်တွင်တွေး၍ အလေးထားဆောင်ရွက်ရန်ဆိုသည့် ရည်ရွယ်ချက်ဖြင့် သီတဂူဆရာတော် ဘဒ္ဒန္တ ဥာဏ်ဿရနှင့် အင်းစိန်ရွာမ အဓိပတိဆရာတော် ဘဒ္ဒန္တတိလောကာဘိဝံသံတို့ ဦးဆောင်လျက် ဇန်န၀ါရီလ ၁၅-ရက်နေ့က မန္တလေးမြို့ မဟာအောင်မြေမှာရှိတဲ့ မဟာအတုလဝေယံ (အတုမရှိ)ကျောင်းတွင် ဖွဲ့စည်းခဲ့ကြောင်းသိရသည်။
    ________________________