ဒီဇင်ဘာ ၃၀၊ ၂၀၁၃
M-Media
ပြည့်ပြည့်
လပွတ္တာ ။ ။ ဧရာဝတီတိုင်းဒေသကြီး လပွတ္တာမြို့နယ် ကန်ဘတ်ကျေးရွာတွင် ယနေ့ နံနက် ၁-နာရီဝန်းကျင်က မီးလောင်ကျွမ်းမှု တစ်ခုဖြစ်ပေါ်ခဲ့ပြီး တစ်ရွာလုံးနီးပါး မီးလောင်ကျွမ်းသွားခဲ့ကြောင်း သတင်းရရှိသည်။
နံနက် ၁-နာရီဝန်းကျင်က စတင်လောင်ကျွမ်းခဲ့သော မီးသည် နံနက် ၇-နာရီခန့်အထိ ကြာမြင့်ခဲ့ပြီး မီးလောင်ကျွမ်းမှုကြောင့် အိမ်ခြေ ၁၅၀-ကျော် မီးလောင်သွားခဲ့ကြောင်းသိရသည်။
ယခုအခါ ကယ်ဆယ်ရေးများ ရောက်ရှိ ကူညီနေကြပြီဖြစ်သော်လည်း မည်ကဲ့သို့ စတင်လောင်ကျွမ်းခဲ့သည်ကို မသိရှိရသေးဟု ဆိုသည်။
ဒီဇင်ဘာ ၃၀၊ ၂၀၁၃
M-Media
အနာဂတ် ပါလက်စတိုင်းနိုင်ငံထူထောင်ရာတွင် ပါဝင်မည့် အနောက်ဘက်ကမ်းခြေ ဂျော်ဒန်တောင်ကြားရှိ ဒေသတစ်ခုအား သိမ်းပိုက်ရန် ဥပဒေမူကြမ်းတစ်ခုကို အစ္စရေး ကက်ဘိနက်ဝန်ကြီးများက ယမန်နေ့တွင် အတည်ပြုခဲ့သည်ဟုသိရသည်။
ထိုဒေသမှာ ပါလက်စတိုင်းနိုင်ငံ၏ ဧရိယာ ၃၀ ရာခိုင်နှုန်းခန်းရှိပြီး အစ္စရေးဝန်ကြီးချုပ် နေတန်ယာဟု၏ Likud ပါတီမှ သိမ်းပိုက်ရန် အဆိုတင်သွင်းခဲ့ခြင်းဖြစ်ကာ၊ အစ္စရေး-ပါလက်စတိုင်း ငြိမ်းချမ်းရေးအတွက် အမေရိကန် နိုင်ငံခြားရေးဝန်ကြီး ဂျွန်ကယ်ရီ အရှေ့အလယ်ပိုင်းသို့ မလာရောက်မီအလျင် အတည်ပြုခဲ့ခြင်းဖြစ်သည်။
သို့သော်လည်း အစ္စရေး-ပါလက်စတိုင်း ငြိမ်းချမ်းရေးဆွေးနွေးမှုအတွင်း အစ္စရေးကိုယ်စားလှယ်အဖွဲ့ကို ဦးဆောင်သည့် တရားရေးဝန်ကြီး Tzipi Livni ကမူ ထိုအတည်ပြုချက်အား ဝေဖန်ခဲ့ပြီး ထိုဥပဒေဖြစ်မလာရေးအတွက် သူမ၏ လုပ်ပိုင်ခွင့်ကို အသုံးပြုသွားမည်ဟု ပြောဆိုခဲ့သည်။
Ref : Aljazeera
ဒီဇင်ဘာ ၃၀၊ ၂၀၁၃
M-Media
ဆူးထက်
လက်နက်အပါ ရင်ဘတ်ဗလာနှင့် နှလုံးသားကို အရင်းပြုပြီး တိုက်ပွဲဝင်ခဲ့သည့် ၁၃၀၀ပြည့် အရေးတော်ပုံကြီးတွင် ပါဝင်သူများအား ဂုဏ်ပြု ပူဇော်ပွဲ ဇန်န၀ါရီလ ၁၁ရက်နေ့ ကျင်းပမည်
ရန်ကုန် ။ ။ တို့ဗမာ အစည်းအရုံးကြီး၏ ဦးဆောင်မှုနှင့် အတူ နယ်ချဲ့ အစိုးရ တစ်ရပ် ပြုတ်ကျသွားအောင် မြန်မာ့သမိုင်းတွင် လက်နက်မပါ ရင်ဘတ် ဗလာနှင့် နှလုံးသားကို အရင်းပြု၍ တိုက်ပွဲဝင်ခဲ့သော ၁၃၀၀-ပြည့် အရေးတော်ပုံကြီးတွင် ပါဝင်ခဲ့များအား ဂုဏ်ပြု ပူဇော်ပွဲကို ၂၀၁၄-ခုနှစ်၊ ဇန်န၀ါရီလ ၁၁ရက်နေ့တွင် ကျင်းပပြုလုပ်ခဲ့ကြောင်းသိရသည်။
ယင်းအား တော်ဝင်နှင်းဆီ ခန်းမ၌ ဒီဇင်ဘာ ၁၆ရက်နေ့က ကျင်းပခဲ့သည့် ၁၃၀၀-ပြည့် စိန်ရတု သဘင်ပွဲ ကျင်းပမည့် သတင်းစာ ရှင်းလင်းပွဲတွင် တို့ဗမာ အစည်းအရုံးဝင် သခင်/ သခင်မများ မိသားစုက ပြောကြားခဲ့ခြင်း ဖြစ်သည်။
“မြန်မာနိုင်ငံမှာ ပထမဦးဆုံး ပေါ်ပေါက်ခဲ့တဲ့ အရေးတော်ပုံကြီး တစ်ခုဖြစ်တဲ့အတွက် (၇၅)နှစ်ပြည့် စိန်ရတု သဘင်ပွဲကြီးကို ကြုံကြိုက်တဲ့ ကာလမှာ ကျွန်တော်တို့ မိဘတွေ ဦးဆောင်ပြီး ‘ တို့ခေတ်ကျတော့မှ ညံ့ကြတော့မှာလား- တို့ဗမာ’ ကြွေးကြော်သံနဲ့ အတူ မိုင်(၄၀၀)ကျော် ကွာဝေးတဲ့ ရန်ကုန် အရောက်ချီတက် တိုက်ပွဲဝင်ခဲ့မှု့ကို အမှတ်တရ ဂုဏ်ပြု ပူဆော်လိုခြင်း ဖြစ်ပါတယ်” ဟု၎င်းတို့က မီဒီယာများသို့ ပြောကြားသည်။
ယင်းအကြောင်းအရာများအား ရည်စူး၍ တိုက်ပွဲဝင် သခင်၊ သခင်မကြီးများ၏ သားသမီးများနှင့် စိတ်ဝင်စားသူ ပြည်သူများ စုပေါင်းပြီး ပြုလုပ်မည် ဖြစ်ကြောင်း သိရသည်။
“၁၃၀၀ပြည့် အရေးတော်ပုံကြီးမှာ အသက်သွေးချွေးတွေ ပေးဆပ်ခဲ့ရတယ်။ အင်္ဂလိပ် ဂေါ်ရာ မြင်းစီးပုလိပ်တွေရဲ့ တိုက်ခိုက်မှုကြောင့် ကျောင်းသား အများ ထိခိက် ဒဏ်ရာရရှိခဲ့ပါတယ်။ ကျောင်းသားခေါင်းဆောင် ဗိုလ်အောင်ကျော် ကျဆုံးခဲ့ရပါတယ်။ မန္တလေးတွင်လည်း စစ်ပုလိပ်တွေရဲ့ ဖြိုခွင်းမှု ကြောင့် ရဟန်းသံဃာအပါအ၀င် အာဇာနည် (၁၇)ဦး ကျဆုံးခဲ့ရပါတယ်။ စစ်ပုလိပ်များဟာ ရွှေတိဂုံ ဘုရားရင်ပြင်ပေါ် အထိ စစ်ဖိနပ်များ ၀တ်ပြီး အရေးတော်ပုံ သခင်ခေါင်းဆောင်များကို ဖမ်းဆီး ထောင်ချခြင်းများ ပြုလုပ်ခဲ့ပါတယ်။ ၁၃၀၀ပြည့် အရေးတော်ပုံကြီးကို လက်နက်အားကိုးပြီး ဖြေရှင်း နေသဖြင့်’ လက်နက်ကို လက်နက်ဖြင့် ပြန်လည် တွန်းလှန်ရမည်’ ဟူသော သင်ခန်းစာကို ထုတ်ယူပြီး၊ ကျောင်းသားခေါင်းဆောငများ၊ တို့ဗမာ အစည်းအရုံးဝင် သခင်များ ဦးဆောင်မှုဖြင့် လုံးဝလွတ်လပ်ရေး ရရှိသည့် အထိ တိုက်ပွဲဝင်ခဲ့သည်မှာ ကျွန်တော်တို့ တိုင်းပြည်အပေါ် လွန်စွာ ကျေးဇူး ကြီးမားလှပါတယ်” ဟု ၎င်းတို့က ထပ်လောင်း ပြောကြားခဲ့သည်။
ထိုသို့ စိန်ရတု သဘင်ပွဲ ကျင်းပခြင်းမှာ ယင်းတို့၏ မိဘများ၊ ရဟန်းသံဃာများ၊ အလုပ်သမားကြီးများ ကျောင်းသား၊ကျောင်းသူများ၊ လှည်းနေ လှေအောင်း မြင်းဇောင်းပါ မကျန် တိုက်ပွဲဝင်ခဲ့သော အရေးတော်ပုံ တပ်သားများအား ရည်စူး၍ အလှူဒါန ပြုလုပ်ပူဇော်ခြင်း၊ မှတ်တမ်းများ ပြန်လည် ဖော်ထုတ်ခြင်း၊ တေးသီချင်းများကို ယနေ့ လူငယ်များ လေ့လာအတုယူ အားကျစေရန် ပြန်လည်ဖော်ကျူးခြင်း ဖြစ်ပြီး ယင်းပွဲအား ရွှေတိဂုံ စေတီ တော်ကြီး အထက်ပစ္စယံ ရင်ပြင်တန်ဆောင်းတွင် သံဃာတော် (၇၅)ပါးအား နေ့ဆွမ်းနှင့် သဃန်းများ ဆပ်ကပ် လှူဒါန်းခြင်း၊ ၁၃၀၀ပြည့် အရေးတော်ပုံတွင် ပါဝင်ခဲ့သူများအား ရေစက်ချ အမျှပေးဝေခြင်း သမိုင်းဝင် မှတ်တမ်း ဓာတ်ပုံများ ပြသခြင်းတို့ဖြင့် ဂုဏ်ပြုပူဇော်မည် ဖြစ်ကြောင်း သိရသည်။
ဒီဇင်ဘာ ၂၉၊ ၂၀၁၃
M-Media
ဦးခင်ညွန့်အနေနဲ့ ဘာသာရေးပဲလုပ်ပြီး နိုင်ငံရေးအခင်းအကျင်းမှာ ပါဝင်မည်ကို အားမပေးဟု အလိုတော်ပြည့်ဆရာတော်မိန့်ကြား
– နေအိမ်အကျယ်ချုပ်က လျွှ်မြောက်လာပြီး မီဒီယာများနဲ့ ထိတွေ့မှုအတော်အသင့်ရှိလာသည့် ဦးခင်ညွန့်အနေဖြင့် ဘာသာရေးလုပ်မည်ဆိုပါက ဘာသာရေးကိုသာလုပ်ရန်နှင့် နိုင်ငံရေး အခင်းအကျင်းမှာ ပါဝင်ပတ်သက်မည်ကို အားမပေးဟု အလိုတော်ပြည့် ဆရာတော်က မိန့်ကြားခဲ့ကြောင်း သိရသည်။
________________________
မြန်မာပိုင်နက်သို့ အိန္ဒိယအဆောက်အုံတိုးချဲ့မှု နယ်နိမိတ်မိုင်တိုင်များ သတ်မှတ်ပေးရန် တမူးဒေသခံများ ကြေညာချက်ထုတ်ပြန်
– မြန်မာ-အိန္ဒိယ နှစ်နိုင်ငံအကြား နယ်နိမိတ်အငြင်းပွားနေသည့် နယ်နိမိတ် မှတ်တိုင်နေရာများတွင် အိန္ဒိယဘက်မှ အဆောက်အအုံ တိုးချဲ့ဆောက်လုပ်နေမှုအား ပြည်သူများထိခိုက်မှု မရှိစေပဲ မြန်မာအစိုးရက ပြန်လည်ရယူပေးရန်နှင့် နယ်နိမိတ်မိုင်တိုင်များကို တိကျစွာ အမြန်ဆုံးသတ်မှတ်ပေးရန် အချက် ၁၀-ချက်ပါဝင်တဲ့ ကြေညာချက်တစ်ရပ်ကို တမူးဒေသခံများက ထုတ်ပြန်လိုက်ကြောင်း သိရသည်။
________________________
၂၀၁၂-ခုနှစ် ရုပ်ရှင် ထူးချွန်ဆု ချီးမြှင့်
၂ဝ၁၂-ခုနှစ်အတွက် ရုပ်ရှင်ထူးချွန်ဆု ပေးပွဲကို ရန်ကုန်မြို့တွင် ယနေ့ ကျင်းပပြုလုပ်ခဲ့ရာ အသံဆု – တိုနီလင်း (ကယန်းအလှ)၊ ဂီတဆု – ဝင်းကို (အမွေခံထိုက်သူဖြစ်ပါစေ)၊ တည်းဖြတ်ဆု – ဇော်မင်း-ဟံသာမြေ (ဥ)၊ ဓာတ်ပုံဆု – အောင်ကိုလတ်(ကယန်းအလှ)၊ အထူးဆု – ယွန်းယွန်း (တိမ်မင်းသမီးရဲ့ဒဏ္ဍာရီ)၊ အမျိုးသားဇာတ်ဆောင်ဆု – ပြေတီဦး (လက်ပံ)၊ အမျိုးသမီးဇာတ်ပို့ဆု – ချောရတနာ (ဥ)၊ အမျိုးသမီးဇာတ်ဆောင်ဆု – ဖွေးဖွေး (လက်ပံ)၊ ဒါရိုက်တာဆု – ကိုဇော် – အရုဏ်ဦး (ဥ) တို့မှ ရရှိခဲ့ကြပြီး ဥ ဇာတ်ကားဖြင့် အမျိုးသမီးဇာတ်ပို့ဆု၊ ဒါရိုက်တာဆု၊ တည်းဖြတ်ဆု တို့ ရရှိခဲ့ပြီး ကယန်းအလှဇာတ်ကားဖြင့် ဓာတ်ပုံဆုနှင့် အသံဆု ၂ခု ဆွတ်ခူး ရရှိခဲ့ကြသည်။
________________________
ဒီဇင်ဘာ ၂၉၊ ၂၀၁၃
M-Media
A.N.Lay
ရန်ကုန် ။ ။ မြန်မာစာပေချစ်မြတ်နိုးသူများအသင်း နှစ်ပတ်လည်သင်းလုံးကျွတ်အစည်းအဝေးကို ရန်ကုန်မြို့ ဗဟန်းမြို့နယ် တော်ဝင်နှင်းဆီ – သီရိ ခန်းမ၌ ယနေ့ နေ့လည် ၂ နာရီအချိန်တွင် ကျင်းပခဲ့သည်။
အဆိုပါ နှစ်ပတ်လည်သင်းလုံးကျွတ်အစည်းအဝေး အခမ်းအနားတွင် စောင်းတီးခတ်ပြီး တေးသီချင်း သီဆို၍ အခမ်းအနားကို ဖွင့်လှစ်ခဲ့ပြီးနောက် မြန်မာစာပေချစ်မြတ်နိုးသူများအသင်း ဥက္ကဌ ဂုဏ်ထူးဦးသိန်းနိုင်က မြန်မာစာပေထိန်းသိမ်းရေး၊ မြင့်တင်ရေးတို့ကို ဘေး၊ ဘိုး၊ ဘီ၊ ဘင် အစဉ်အဆက် တို့တာဝန်ကျေပွန်စွာ ထမ်းရွက်ခဲ့ကြပြီးဖြစ်သလို မြန်မာစာကို တစ်ထစ်ပြီး တစ်ထစ်တက်လှမ်းနိုင်စေရန် တစ်ဆင့်ပြီးတစ်ဆင့် လက်ဆင့်ကမ်း၍ ပေးအပ်ခဲ့ကြရာ ယခုအခါ ပြည်သူအားလုံးလက်တွင်းသို့ရောက်ရှိနေပြီဖြစ်ကြောင်း၊ ဤကာလအတွင်းမှာပင် ဗဟိုအလုပ်အမှုဆောင်များနှင့်တကွ အသင်းဝင်တို့သည် အသင်းသားတိုးပွားရေး၊ အနယ်နယ်အရပ်ရပ်၌ “မြန်စာချစ်” ဖွဲ့စည်းနိုင်ရေး၊မြန်မာစာပေဆိုင်ရာစာကောင်းပေကောင်းများ
ထုတ်ဝေနိုင်ရေး၊ စာပေဟောပြောပွဲများ၊ မြန်မာစာထူးချွန်သူများအား ဆုချီးမြင့်ခြင်းအပါအဝင် စာပေ့တာဝန်များစွာတို့ကို ဆောင်ရွက်ခဲ့ကြပြီ ဖြစ်ကြောင်းတို့ကို ပြောကြားခဲ့သည်။
ဆက်လက်ပြီး ပန်းလှိုင်ဖောင်ဒေးရှင်းဂုဏ်ပြုသဝဏ်လွှာကို ပန်းလှိုင်ဖောင်ဒေးရှင်း၏ ဥက္ကဌ ဦးဇော်ဖေဝင်းက လည်းကောင်း၊ မြန်မာနိုင်ငံ ကဗျာ ဆရာများ သမဂ္ဂအဖွဲ့၏သဝဏ်လွှာကို ကဗျာဆရာများသမဂ္ဂ အတွင်းရေးမှုးဆရာမောင်ဝင်းရိပ်က လည်းကောင်း ဖတ်ကြားခဲ့ပြီးနောက် မြန်မာနိုင်ငံ ကဗျာဆရာများအဖွဲ့မှ ကဗျာဆရာများကလည်း ကဗျာများရွတ်ဆိုခဲ့ပါသည်။
ဤအခမ်းအနားကို မြန်မာနိုင်ငံမှ စာပေစိတ်ဝင်စားသူများတက်ရောက်ကြ၍ တက်ရောက်သူများကို အစားအသောက်များနှင့် ဧည့်ခံကြပြီး အခမ်းအနား ကို ညနေ ၄.၃၀ အချိန်တွင်ရုပ်သိမ်းခဲ့ကြောင်းသိရှိရသည်။