Category: သရော်စာ

တစ်နေ့သ၌ ခြေခင်းလက်ခင်းသာသဖြင့် ကျွန်ုပ်ကား အွန်လိုင်းတခွင် လှည့်လည်ခြင်းအမှုကို ပြုလေ၏။ (ရွှေဥဒေါင်းကြီးအလုံးကို ဒဲ့ခိုးထားခြင်းဖြစ်သည်။) ယောင်တောင်ပေါင်တောင် အွန်လိုင်းတက်သူတို့ ထုံးစံအတိုင်း Google အရပ်သို့ ခြေဆန့်ပြီးသကာလ ဘာလုပ်ရမှန်းမသိသည့်အတူတူ News search box အတွင်းတွင် Muslim ဟု ရိုက်သွင်းကာ ကမ္ဘာတလွှားကိုယ့်ညီအကိုသားချင်းများသတင်းကို ရှုစားရန် ပြင်ဆင်လေတော့သည်။ အားပါးပါး…ကျွန်ုပ်ကား မည်သည့် အာမေဋိတ်ကို ပြုရမည်ပင် မသိလေတော့။ စကားလုံးအနည်းမျှဖြင့် ကျွန်ုပ်တွေ့မြင်သမျှ ဆိုရမည်ရှိသော် `တရားစွဲ´ `ဗုံးခွဲ´ `အကြမ်းဖက်´စသည်တို့သာ ဖြစ်ပေတော့၏။

စိတ်လက်မသာမယာရှိပေစွတကား။ မြင့်မြတ်လှသည့် ဥပုသ်သီတင်းစောင့်တည်ရာကာလပင် ဖြစ်လင့်ကစား သတင်းတို့ကား ထူးမခြားနားသာ။ အိမ်း……ရှိစေတော့..ဒင်းတို့ အနောက်၊ အရှေ့ မီဒီယာများကား မွတ်စ်လင်မ်တို့နှင့် ပတ်သက်လာလျှင် အနှီသတင်းများကိုသာ ထုတ်လွှင့်ရန် အားသန်ကြပေစွဟု မှတ်ချက်ထားကာ တခြားတပါးသို့ ခြေဆန့်ရန် ပြင်၏။ ဟုတ်ကပီ..သို့ဆိုလျှင်..ကျုပ်တို့ညီနောင် သားချင်းများ ပျော်မွေ့ရာ ၀က်ဘ်ဆိုက်များကို လည်ပတ်လျှင်ဖြင့်ကား စိတ်ချမ်းမြေ့ဖွယ်ရာများ ကြုံရပေခြိမ့်။ ယင်းကား..ကျွန်ုပ် မျှော်လင့်ချက်။

ရောက်ပဟဲ့ တစ်ဝက်ဘ်ဆိုက်။ အင်း….ကိုယ့်ညီနောင်သားချင်းများမှာလည်း အငြင်းပွားမှုတွင် အထုံပါရမီရှိဟန် တူပေစွ။ တစ်ဦးက ပြောလျှင် နောက်တစ်ဦးက ငြင်းလျှက် ယနေ့နိုင်ငံရေးလောကတွင် ခေတ်စားနေသည့် ညှိနှိုင်းရေးဆိုသည့် ဝေါဟာရကို နစရာနီစကားလုံးဟုဆိုကာ ပစ်ပယ်ထားကြပုံ ပေါ်ပေတော့သည်။ နောက်တစ်ဆိုက်။ ပညာဂုဏ်များအလီလီပြကြ၏။ ညဏ်စွမ်းများ ဖော်ကျူးကြ၏။ အငြင်းအခုံသီအိုရီများ အသုံးချကြ၏။

အင်း..အဖြေ..ရလာဒ်..ယနေ့ခေတ်ပေါ် NGO စကားလုံးများ သုံးခြင်းမဟုတ်။ သို့သော်ငြား ဆွေးနွေးမှုများမှသည် ရလာဒ်ဆီသို့ဦးတည်သွားပြီး သိသာထင်ရှားသော ထွက်ကုန်တစ်ခုဖြစ်မြောက်လာခြင်းက ပိုမကောင်းပေဘူးလားဟု ကျွန်ုပ် မမှီ့တမှီညဏ်ကို သုံးကာ အတွေးပွားမိချေ၏။

တစ်နေ့အခါကလည်း ရပ်ကွက်ထဲတွင် မော်လီဆပ်တပါးကား ကျွန်ုပ်တို့ မွတ်စ်လင်မ်များ တချိန်က ရွှေထီးဆောင်းခဲ့ကြ ပုံအကြောင်း ကွမ်းတစ်ယာပြီးတစ်ယာဝါးက အမိန့်ရှိပေ၏။ ကျွန်ုပ်ကား ဗလာနတ္ထိပြီးသော ဦးနှောက်ဖြင့် အမေးထောက်ချေသည်။ သို့ပေသော ခေတ်မျိုးကို ပြန်လည်ပိုင်ဆိုင်ရန် ကျွန်ုပ်တို့ အဘယ်ကြိုးပမ်းမှုများ လုပ်ရန် လိုပါဘိ။ မော်လီဆပ်ကား မုတ်ဆိတ်ကို လက်ဖြင့် တစ်ချက်သပ်ပြီး သကာလ အဲဒါပဲ၊ အဲဒါပဲ ဟု ညည်းညူဟန်ပြု၏။ ထို့နောက်တွင်ကား ဘာသာရေးလုပ်ငန်းများ ဆောင်ရွက်ပြီး ထိုခေတ်မျိုးကို ပြန်လည်ပိုင်ဆိုင်ရယူနိုင်ကြောင်း ရှည်လျားစွာ ရှင်းပြလေတော့၏။ ကျွန်ုပ်မှာ နာယူမည် ပြင်ဆဲသကာလတွင် မြန်မာအမျိုးသားဝတ်စုံကို သပ်ရပ်စွာဝတ်ဆင်ထားသူ ပညာတတ်မွတ်စ်လင်မ်တစ်ဦး ရောက်ရှိလာကာ ယနေ့မွတ်စ်လင်မ်တို့ အဖက်ဖက်တွင် အနှိမ်ချခံနေရခြင်းမှာ အစွန်းရောက်မှုကြောင့်ဖြစ်သည်ဟု အစချီကာ မဇ္ဇိမပဋိပတာလမ်းစဉ် အရေးကြီးပုံကို ပြောပြန်တော့၏။ ထိုနည်းဖြင့်သာ အစ္စလာမ်ကို ကမ္ဘာက လက်ခံရန် ကြံပေသင့်သည်ဟု အဆိုရှိပြီး နိဂုံးချုပ်ရန် ပြင်ဆဲ ဆံရှည်ကိုယ်တော်တစ်ဦး ကိုယ်ထင်ပြလာပြန်၏။ ထို့နောက် တပ်မက်ခြင်းတဏှာများကို ပယ်ဖျက်ပြီး သကာလ အတွင်းလမ်းစဉ်နှင့် ပဋိပတ္တိကျင့်ကြံမှုသည်သာ ကျွန်ုပ်တို့ လျှောက်လမ်းရာ လမ်းကြောင်းအမှန်ဖြစ်ရမည်ဟု မိန့်ဆိုချေ၏။ ထိုသုံးဦးကား ခုံတော်မောင်ကျဘမ်းပင် ဖြေရှင်းရန်ခက်ပေမည့် စကားစစ်ထိုးခြင်းအမှုကို ပြင်ရန်ပြုဆဲ ကျွန်ုပ်ကား ထိုကဲ့သို့ အတွေ့အခေါ်မြင့်မားပြီး ဒဿနဆန်သော စကားဝိုင်းမျိုးကို ကျွန်ုပ်လိုက်မှီရန်မလွယ်သည်ကို နည်းလည်ပြီးသကာလ ယောင်လည်လည်ဖြင့် စကားဝိုင်းမှ ခွာပေတော့သည်။

ပေါင်းစပ်ညှိနှိုင်းရေးကား ကျွန်ုပ်တို့ ၀ါဒစွဲဝါဒီများကြားတွင်ေ၀၀ါးကာ မေ့ပျောက်ခံဖြစ်နေပေသည်။ အစ္စလာမ်ဘာသာဝင်အချင်းချင်း ၀ါဒမညီညွတ်မှုကြောင့် တစ်ဦးကို တစ်ဦး `ငြင်းပယ်သူ´ `ဘာသာဝင်မဟုတ်သူ´ဟု စွတ်စွဲရဲ၏။ ဆိုမာလီယာအစိုးရကို ဖြုတ်ချရန် ကြိုးစားနေသည့် အလ်ရှာဘာ့ဘ်အဖွဲ့မှာ မိမိတို့ဝါဒအတွက် ပြည်သူ သန်းနှင့်ချီ အငတ်ဘေးကြုံနေခြင်းကို ရှုစိမ့်၏။ အီရန်နှင့် အီရတ်တို့ ဆယ်စုနှစ်တစ်ခုနီးပါး တိုက်ခိုက်ခဲ့ကြ၏။ အီဂျစ်…ယီမင်…ပါလက်စတိုင်း….အာဖဂန်နစ္စတန်..ပါကစ္စတန်မှသည် မြန်မာပြည်….

ကျွန်ုပ်အတွေးတို့ကား တောင်စဉ်ရေမရ လွင့်မြောချေတော့၏။ မည်သူ့ကို အပြစ်တင်၍ မည်သူ့ကို ချဉ်းကပ်ရမည်ကားေ၀၀ါးစွာရှိချေသည်။ လတ်တလောတွင်ကား ကျွန်ုပ်အတွေးတို့ကို ဖြတ်၍ အဆေးခံရန် စောင့်နေသော အိုးခွက်ပန်းကန်များနှင့် အလျှော်ခံရန် လိုအပ်နေသည့် အ၀တ်ပုံတို့ကြားမှ ကျွန်ုပ်ကို ကျွန်ုပ်သာ သနားမိပေတော့သည်။

(ဇော်ဗလ။ ၀၅ သြဂုတ် ၂၀၁၁)