Category: ကမ္ဘာကျော် မွတ်စလင်များ

M-Media

ရာဇာ တင်ဆက်သည်

(အပတ်စဉ် သောကြာနေ့တိုင်း ဖော်ပြသွားပါမည်)

– အန်ဒါလူစီယာပဲဖြစ်ဖြစ်၊ အာဖဂန်၊ ချီကာဂို၊ ကိုင်ရို ဘယ်နေရာပဲဖြစ်ဖြစ် ရေဟာ လယ်ယာစိုက်ပျိုးရေးနဲ့ လူသားတွေ အသက်ရှင်ရပ်တည်ဖို့အတွက် မရှိမဖြစ်အရေးပါတဲ့ ရင်းမြစ်တစ်ခု ဖြစ်ပါတယ်။ ပြီးတော့ ရေဟာ သက်ရှိအားလုံးရဲ့ မူလဖြစ်တည်ရာလည်း ဖြစ်ပါတယ်။ မွတ်စလင်တွေဟာ အဲဒီရေအရင်းမြစ်ကို စနစ်တကျ အသုံးချနိုင်ရေးအတွက် နည်းလမ်းအဟောင်းတွေကို ထိန်းသိမ်းခဲ့ရုံသာမက ဒီနည်းလမ်းတွေကို  မွမ်းမံကာ တိုးတက်အောင်ဆောင်ရွက်ခဲ့ကြပြီး နည်းလမ်းအသစ်တွေကိုလည်း ရှာဖွေဖော်ထုတ်ခဲ့ကြပါတယ်။ ဒါ့ကြောင့် ဒီနေ့ခေတ် အသုံးပြုနေတဲ့ ရေပေးဝေရေးနည်းလမ်းတွေဟာ မွတ်စလင်တွေ ချန်ရစ်ခဲ့တဲ့ အမွေအနှစ်တွေထဲ တစ်ခု ဖြစ်ပါတယ်။

သင်္ချာနယ်ပယ်မှာ မွတ်စလင်တွေရဲ့ ထူးချွန်မှုက အင်ဂျင်နီယာကဏ္ဍကိုပါ တစ်ပါတည်း တိုးတက်စေခဲ့ပြီး ဇလဗေဒနယ်ပယ်၊ ရေပေးဝေရေးနည်းလမ်းတွေကို ရှာဖွေဖော်ထုတ်တည်ဆောက်နိုင်မယ့် စက်ပစ္စည်းပိုင်းဆိုင်ရာ နယ်ပယ်တွေကိုလည်း မွတ်စလင်တွေက သိသိသာသာကို တော်လှန်ပြောင်းလဲပစ်လိုက်ပါတယ်။ ၁၁ ရာစုမှာ ပါရှန်သင်္ချာပညာရှင်နဲ့ အင်ဂျင်နီယာတစ်ဦးဖြစ်သူ မိုဟာမက် အလ်-ကာရာဂျီ (Muhammad al-Karaji) ဟာ “မြေအောက်ရေများကို ထုတ်ယူသုံးစွဲခြင်း” ဆိုတဲ့ အကြောင်းအရာကို စတင်ပြောကြားခဲ့ပါတယ်။ ပြီးတော့ သူဟာ မြေအောက်ရေ ရှာဖွေရေး ကိရိယာတွေ၊ မြေအောက်ရေရှိကြောင်း သိရှိနိုင်မယ့်နည်းလမ်းတွေကို ရှာဖွေဖော်ထုတ်ခဲ့ပြီး၊ မြေအောက် ရေသွယ်မြောင်းတွေ တူးဖော်ဖို့ နည်းလမ်းတွေကိုလည်း ရေးသားခဲ့ပါသေးတယ်။

မြေအောက်ရေသွယ်မြောင်း

ဒီလို မြေအောက်ရေသွယ်မြောင်းတွေ တူးဖော်ရတာဟာ အပူချိန်ကြောင့် ရေငွေ့ပြန်မှုကို တားဆီးဖို့ ဖြစ်ပါတယ်။ အာရဘီလို ‘ကွာနက်စ်’ (quanat) လို့ခေါ်တဲ့ အဲဒီရေသွယ်မြောင်းတွေထဲက ရှေးအကျဆုံးတစ်ခုကိုတော့ ပါရှားပြည် (ယခုအီရန်) နိုင်ငံမှာ တွေ့မြင်နိုင်မှာ ဖြစ်ပါတယ်။ ဒီနည်းလမ်းကြောင့် လယ်ယာစိုက်ပျိုးရေးနယ်ပယ်ဟာ ဖွံ့ဖြိုးလာခဲ့ပြီး၊ ကောက်ပဲသီးနှံ အများအပြားကိုလည်း စိုက်လာနိုင်တာကြောင့် ‘ကွာနက်စ်’ တည်ဆောက်မှုဟာ မွတ်စလင်ကမ္ဘာမှာ အထူးသဖြင့် ပူပြင်းခြောက်သွေတဲ့ ရာသီဥတုရှိတဲ့ အရှေ့အလယ်ပိုင်းဒေသမှာ လိုအပ်ချက်တစ်ခု ဖြစ်လာပါတယ်။ နောက်ပိုင်းမှာတော့ မွတ်စလင်တွေရဲ့ ဒီနည်းလမ်းဟာ စပိန်နိုင်ငံ ကော်ဒိုဘာကို ရောက်ရှိခဲ့ပြီး မြို့ပြရေပေးဝေမှုစနစ်ကို သန္ဓေတည် ပေါက်ဖွားစေခဲ့ပါတော့တယ်။

ပါရှန်နိုင်ငံနဲ့ ယနေ့ခေတ် အာဖဂန်နစ္စတန်တို့မှာ ဒီလိုမြေအောက်ရေသွယ်မြောင်းတွေနဲ့ ဆက်သွယ်ထားတဲ့ ရေတွင်းပေါင်း ထောင်နဲ့ချီ တွေ့ရှိနိုင်ပါတယ်။ ဒီရေသွယ်မြောင်းတွေကို နုန်းကျမှု၊ ပျက်ဆီးယိုယွင်းမှုတွေ ခံနိုင်အောင် တည်ဆောက်ထားတာဖြစ်ပြီး ကြမ်းတမ်းတဲ့ သဲကန္တာရ၊ မာကျောတဲ့ ကျောက်ဆောင် ကျောက်တန်းတွေကို အန်တုကာ ရေတွေ အဆက်မပြတ်စီဆင်းစေဖို့ ဒီဇိုင်းထုတ်ထားတာလည်း ဖြစ်ပါတယ်။ အင်မတန်မာတဲ့ ကျောက်ဆောင်တွေအနား ရောက်ရင်တော့ ဒီရေသွယ်မြောင်းတွေဟာ မြေပြင်ပေါ်တက်လာပြီး၊ မြေအခြေအနေ ပြောင်းလဲသွားတာနဲ့အမျှ မြေအောက်ကို  ပြန်ရောက်သွားပါတယ်။ အလ်ဂျီးရီးယားက ဆာဟာရဒေသမှာ ဒီလို မြေအောက် ရေသွယ်မြောင်းကွန်ယက် မြောက်များစွာ ရှိပြီး အဲဒီကွန်ယက်တွေကို ‘ဖော့ဂါရက်စ်’ (Foggaras) လို့ ခေါ်တွင်ပါတယ်။

အဲဒီဒေသတွေက လယ်သမားတွေ ရေကို အချိန်မီရရှိဖို့၊ နေ့ညမပြတ် ညီတူညီမျှ ရရှိဖို့ဆိုတဲ့ ရေပေးဝေမှု ထိန်းချုပ်ရေးစနစ်အတွက် လယ်သမားတွေဟာ ‘ကလပ်ဆိုက်ဒရာ’ (clepsydra) လို့ခေါ်တဲ့ ရေနာရီကို အသုံးပြုကြပါတယ်။ ယနေ့ခေတ် ရေအားလျှပ်စစ်နဲ့လည်ပတ်တဲ့ ဆည်ကြီးတွေ၊ ခေတ်ပေါ် ရေပေးဝေမှုစနစ်တွေ ရှိနေပေမယ့်လည်း အီရန်နိုင်ငံရဲ့ အချို့ဒေသတွေမှာ ဒီ ‘ကွာနက်စ်’ တွေဟာ လယ်သမားတွေရဲ့ အသက်သွေးကြောအဖြစ် ရပ်တည်နေပါတယ်။ ရှီရက်ဇ်ဒေသ အရှေ့မြောက်ပိုင်းမှာဆိုရင် လိုအပ်တဲ့ရေအရင်းအမြစ်ကို မြေအောက်ရေမြောင်းတွေနဲ့ သွယ်တန်းထားတဲ့ ရေတွင်းတွေကနေ ရရှိနေတာဖြစ်ပါတယ်။

ပူပြင်းခြောက်သွေ့သော ရာသီဥတုရှိတဲ့ အဲဒီဒေသတွေမှာ ရေဟာ ရွှေထက်တန်ဖိုးရှိတာကြောင့် မွတ်စလင်တွေဟာ ဒီနေ့ခေတ်လိုမျိုးပဲ ရေအရင်းအမြစ်ကို ထိန်းညှိဖို့ ဆောင်ရွက်ခဲ့ကြပါတယ်။ အဲဒီခေတ်အခါက အာဏာပိုင်တွေဟာ ဒီကိစ္စမှာ အရေးပါတဲ့ အခန်းကဏ္ဍကနေ ပါဝင်ခဲ့ကြပါတယ်။ အီရတ်နိုင်ငံမှာဆိုရင် ဆည်တမံတွေလို ဟိုက်ဒရောလစ်စနစ်သုံး ကြီးမားတဲ့ ရေပေးဝေမှု ရင်းမြစ်တွေကို ဒေသကြီးတွေမှာ အသုံးပြုဖို့ စီစဉ်ခဲ့ပြီး ဒေသငယ်လေးတွေက ပြည်သူတွေကတော့ ရေစီးကြောင်းစွမ်းအင်အသုံးပြု ရေစုပ်စက်လို စက်ငယ်လေးတွေကို အဓိကထား သုံးစွဲခဲ့ကြပါတယ်။

အီဂျစ်နိုင်ငံမှာတော့ နိုင်းမြစ်ကရေကို စီမံခန့်ခွဲခြင်းဟာ နိုင်ငံအတွင်းက သက်ရှိတိုင်း အသက်ရှင်ရပ်တည်ဖို့အတွက် အရေးပါတဲ့ လုပ်ငန်းတစ်ခု ဖြစ်ပါတယ်။ ၁၄ ရာစု အီဂျစ်သမိုင်းပညာရှင်တွေဖြစ်တဲ့ အလ်-နူဝေရီ (Al-Nuwayri) နဲ့ အလ်-မက်ရီဇီ (Al-Maqrizi) တို့ကတော့ သူတို့ရဲ့ စာအုပ်တွေထဲမှာ နိုင်းမြစ်ပေါ် တည်ဆောက်ထားတဲ့ ရေလှောင်တမံတွေ၊ ရေလမ်းကြောင်း ထိန်းသိမ်းမှုတွေရဲ့ အခန်းကဏ္ဍကို ရေးသားဖော်ပြခဲ့ကြပါတယ်။ အီရတ်နိုင်ငံမှာ ဘုရင်က ရေအရင်းအမြစ်စီမံခန့်ခွဲရေး အဆောက်အဦးကြီးတွေကို ဆောက်လုပ်ပြီး ပြည်သူတွေကတော့ အသေးစားလေးတွေကို ဆောက်လုပ်ကြပါတယ်။ ပြည်နယ်အလိုက် ခန့်အပ်ထားတဲ့ ခေါင်းဆောင် (အမီရ်) တွေ၊ အာဏာပိုင်တွေကလည်း ဒီအလုပ်ကို အဓိကထားပြီး စီမံကြီးကြပ်ကြပါတယ်။ မမ်လွက်မင်းဆက် (Mamluks) တွေလက်ထက်မှာဆိုရင် ကာရှစ်ဖ် အလ်-ဂျူဆူရ် (Kashif al-Jusur) ဆိုတဲ့ အမည်နဲ့ ရာထူးတစ်ခုကို ဖန်တီးပေထားပြီး အီဂျစ်က ပြည်နယ်တစ်ခုချင်းစီတိုင်းမှာရှိတဲ့ ဆည်တမံတွေကို စစ်ဆေးရတဲ့အလုပ် ဖြစ်ပါတယ်။

ရေအရင်းအမြစ် စီမံခန့်ခွဲရေးခုံရုံး

ဒါတင်မကသေးဘဲ ရေခွဲဝေရေးနဲ့ပတ်သက်တဲ့ အငြင်းပွားမှု၊ စည်းကမ်းချိုးဖောက်မှုတွေ ကိုင်တွယ်ဖြေရှင်းဖို့အတွက် လယ်သမားတွေကိုယ်တိုင်က ရွေးချယ်တင်မြောက်ထားတဲ့ တရားသူကြီးတွေ ရုံးထိုင်တဲ့ တရားရုံးတစ်ခုလည်း ရှိပြီး ရေဖြုန်းတီးမှုကို ပိတ်ပင်တာအပါအ၀င် သက်ဆိုင်ရာ စည်းမျဉ်းစည်းကမ်းတွေကို ထုတ်ပြန်ပါတယ်။ ဒီတရားရုံးကိုတော့ ‘ရေအရင်းအမြစ် စီမံခန့်ခွဲရေး ခုံးရုံး’ လို့ခေါ်ဆိုပြီး ကြာသာပတေးနေ့တိုင်းမှာ ဒေသတွင်းရ အရေးပါတဲ့ ဗလီဝတ်ကျောင်းတော်မှာ ရုံးထိုင်လေ့ရှိပါတယ်။ ရာစုနှစ်အနည်းငယ်ကြာပြီးတဲ့နောက်မှာတော့ ဒီခုံရုံးစနစ်ဟာ စပိန်နိုင်ငံ ဗလင်စီယာကို ရောက်လာခဲ့ပြီး ဒီအချိန်မှာတော့ ခရစ်ယာန်ဘုရားကျောင်းမှာ ရုံးထိုင်တာဖြစ်ပါတယ်။

အစက်ချစိုက်ပျိုးနည်း

၁၂ ရာစု မွတ်စလင် ရုက္ခဗေဒပညာရှင် အစ်ဗနေ့ အလ်-အော်ဝမ် (Ibn al-Awwan) ဟာ သူ့ရဲ့ Book of Agriculture (လယ်ယာစိုက်ပျိုးရေးဆိုင်ရာကျမ်း) မှာ ကောက်ပဲသီးနှံတွေအတွက် အစက်ချရေပေးဝေနည်းစနစ်ကို တင်ပြခဲ့ပြီး ဒီနည်းလမ်းဟာ ရေအလေအလွင့်မဖြစ်အောင်၊ အချို့သော ကောက်ပဲသီးနှံတွေမှာ ရေလိုတာထက် မပိုသွားအောင် ထိန်းသိမ်းနိုင်တယ်လို့ ရေးသားခဲ့ပါတယ်။ သူက ရေထည့်ထားတဲ့ အိုးတွေကို အပင်တွေရဲ့အခြေမှာ မြှုပ်ထားပြီး အဲဒီမှာဖောက်ထားတဲ့ သတ်မှတ်အပေါက်လေးတွေကနေ လိုအပ်သလောက် ရေကိုသာ အစက်ချပေးတာ ဖြစ်ပါတယ်။ အစ်ဗနေ့ အလ်-အော်ဝမ် တီထွင်ခဲ့တဲ့ ဒီနည်းစနစ်ကို ဒီနေ့မှာတော့ ကမ္ဘာတစ်ဝှမ်းမှာ တွင်တွင်ကျယ်ကျယ် အသုံးပြုနေကြပြီ ဖြစ်ပါတယ်။

လူမှုသိပ္ပံနဲ့ စက်မှုပိုင်းဆိုင်ရာ တီထွင်ကြံဆမှုမှာ တစ်ဖက်ကမ်းခတ်တော်ကြတဲ့ မွတ်စလင်တွေရဲ့ ရေအရင်းမြစ် ထုတ်ယူသုံးစွဲမှု၊ စီမံခန့်ခွဲမှုကို ဘယ်လိုပြဿနာမျိုးကမှ မဟန့်တားနိုင်ခဲ့ပါဘူး။ ရေဟာ အလွန်အင်တန်မှနက်ရှိုင်းတဲ့ ချေက်နက်ကြီးတဲ့မှာပဲ ရှိနေပါစေ မွတ်စလင်တွေဟာ အဲဒီခေတ်အခါက အဆန်းပြားဆုံး ရေတင်စက်တွေ၊ ရေစုပ်စက်တွေကို တီထွင်ဖန်တီးက လူမှုအဆင့်အတန်းကို တော်လှန်ပြောင်းလဲပစ်ခဲ့ပါတော့တယ်။

(ကိုးကား- National Geographic ၏ 1001 Inventions – The Enduring Legacy of Muslim Civilization)

(ကမ္ဘာ့လူ့အဖွဲ့အစည်းတွင် ယနေ့တိုင်ရှင်ကျန်နေသည့် မွတ်စလင်တို့၏ အမွေအနှစ်များ – တင်ဆက်ပြီးသမျှ အပိုင်းအားလုံးကို  ဤနေရာ တွင် ဖတ်ရှုနိုင်ပါသည်။)

– လက်ရေးလှအတတ်ပညာအကြောင်းပြောမယ်ဆိုရင် အီဂျစ်လူမျိုးတွေရဲ့ အရုပ်စာရေးနည်း၊ တရုတ်နဲ့ ဂျပန်တို့ရဲ့ စာရေးနည်းတွေလို လှပခန့်ငြား ဆွဲဆောင်မှုရှိတဲ့ လက်ရေးလှအတတ်တွေကို မေ့ထားလို့ မရပါဘူး။ ဒါပေမယ့် အဲဒီအထဲမှာမှ အာရဘီလက်ရေးလှအတတ်ဟာ သီးခြားပေါ်ထွက်လာခဲ့ပြီး အားလုံးထက် အရှေ့ကိုရောက်ခဲ့ပါတယ်။ အာရဘီလက်ရေးလှရေးသားနည်းဟာ ၇ ရာစု အစ္စလာမ်သာသနာ မပေါ်ပေါက်ခင်ကတည်းက ရှိနေတာဖြစ်ပေမယ့် အစ္စလာမ်ဘာသာ ပြန့်နှံပြီးနောက်ပိုင်းမှ တစ်ဟုန်ထိုး တိုးတက်လာခဲ့တာ ဖြစ်ပါတယ်။

အဲဒီလက်ရေးလှအတတ်ပညာကို မွတ်စလင်တွေက အနုပညာပုံစံနဲ့ အသုံးချခဲ့ကြပြီး တစ်ခါတစ်ရံမှာ ဂျီသြမေတြီပုံသဏ္ဍာန်တွေ၊ သဘာဝတရားရဲ့ ပုံရိပ်တွေနဲ့ ပေါင်းစပ်ကာ ရှုမငြီးဖွယ် အနုပညာလက်ရာတွေကို ဖန်တီးထုဆစ်ခဲ့ကြပါတယ်။ ကုရ်အာန်ကျမ်းတော်မြတ်ကို ဖတ်ရွတ်တာ၊ ရေးသားတာတွေဟာ ကုသိုလ်အကျိုးများစွာ ရရှိတယ်ဆိုတဲ့ ယုံကြည်ချက်ကြောင့်လည်း မွတ်စလင်တွေအနေနဲ့ အာရဘီလက်ရေးလှအတတ်ပညာကို ၀တ်ပြုဆုတောင်းမှု ပုံစံတစ်မျိုးအဖြစ် အသုံးပြုခဲ့ကြပါတယ်။ ကလောင်တံဟာ အသိပညာရဲ့ အမှတ်အသားအဖြစ် ကုရ်အာန်ရဲ့ သွန်သင်မှုနဲ့အတူ လက်ရေးလှအတတ်ပညာဟာလည်း ဘုရားသခင်ကို သတိရတသမှုမှာ အနုပညာတစ်ရပ်လို ဖြစ်ခဲ့ပါတယ်။

အာရဘီစာသားတွေကို အနုပညာမြောက်အောက် ရေးသားမှုအတွက် အထက်ဖော်ပြခဲ့တဲ့ ဘာသာရေးဆိုင်ရာ တွန်းအားအပြင် ဒီအနုပညာဖန်တီးမှုတွေကို လူကြိုက်များ၊ ပြန့်နှံ့စေတဲ့ အဓိကအကြောင်းအရင်းတစ်ရပ်လည်း ရှိပါသေးတယ်။ ဒါကတော့ ကုရ်အာန်ကျမ်းတော်မြတ်က၊ တစ်ချို့ စကားလုံးတွေ၊ အမည်နာမတွေနဲ့ စာကြောင်းတွေဟာ အဖျက်သဘောဆောင်ပြီး မမြင်နိုင်တဲ့ စွမ်းအားတွေကို တွန်းလှန်ကာကွယ်ပေးတယ်ဆိုတဲ့ ယုံကြည်ချက်ပါပဲ။

အာရဘီလက်ရေးလှ အတတ်ပညာဟာ ရှေးဟောင်း ဆီးမိုက်ဘာသာစကား မိသားစုတွေထဲမှာ ပါဝင်ပြီး၊ ဒါနဲ့ပတ်သက်တဲ့ လက်ရေးမူပုံစံကွဲများစွာ ရှိနေပါတယ်။ အဲဒီအထဲကမှ အကျော်ကြားဆုံးကတော့ ကူဖစ် (Kufic) နဲ့ နက်စ်ခ် (Naskh) လက်ရေးမူတွေပဲ ဖြစ်ပါတယ်။

‘ကူဖစ်’ လက်ရေးမူဟာ အီရတ်နိုင်ငံ ကူဖာမြို့က ထွန်းကားလာတာဖြစ်ပြီး စာလုံးပုံစံက ထောင့်ချွန်စာလုံးမျိုး ဖြစ်ပါတယ်။ ဒီလက်ရေးမူပုံစံကို ကူဖာ လက်ရေးလှသင်တန်းကျောင်းက ကျမ်းရေးသူတွေ ကုရ်အာန်ကျမ်းတော်မြတ်ကို ကူးရေးရာမှာ အသုံးပြုခဲ့ပါတယ်။

‘နက်စ်ခ်’ လက်ရေးပုံစံကတော့ ‘ကူဖစ်’ ထက် ပိုရှေးကျပါတယ်။ ဗျည်းတစ်လုံးနဲ့တစ်လုံး ဆက်ကာ လုံးဝန်းမှုကိုအခြေပြုတဲ့ အဲဒီလက်ရေးပုံစံဟာ ယနေ့ခေတ် အာရဘီလက်ရေး၊ ပုံနှိပ်စာလုံးတွေနဲ့ ဆင်တူပါတယ်။ အဲဒီပုံစံဟာ လက်ရေးသား ၀ိုင်းစက်ပြီး ဗျည်းတစ်ခုနဲ့တစ်ခု သပ်သပ်ရပ်နဲ့ ဆက်ထားတဲ့ လက်ရေးဆက်ပုံစံမျိုး ဖြစ်ပါတယ်။ ၁၀ ရာစုအစပိုင်းလောက်မှာ နာမည်ကြီး လက်ရေးလှပညာရှင် အဘူ အလီ အစ်ဗနေ့ မူက်လာ (Abu-Ali ibn Muqla) ဟာ ဂျီသြမေတြီစည်းကမ်းတွေကို အခြေခံကာ လက်ရေးပုံစံတွေကို အုပ်စုခွဲခဲ့ပြီး စားလုံး အတိုင်းအတာ၊ စာလုံးတွေကြားက ဟန်ချက်ညီမှုတွေကို ဖော်ထုတ်သတ်မှတ်ခဲ့ပါတယ်။ ပြီးတော့ သူဟာ အလ်-အက်လမ် အလ်-ဆစ်သာ (al-aqlam al-sitta) လို့ခေါ်တဲ့ လက်ရေးဆက်ရေးနည်း ၆ မျိုးကိုလည်း မှတ်တမ်းတင်ခဲ့ပါတယ်။ နက်စ်ခ် လက်ရေးမူဟာ အော်တိုမန်တွေ တီထွင်ဖန်တီးခဲ့တဲ့ ကူဖစ်လက်ရေးမူတွေထက် ပိုပြီး ထင်ရှား လူကြိုက်များပါတယ်။

စာရေးစက္ကူ မပေါ်ခင်က ကုရ်အာန်ကျမ်းတော်မြတ်ကို ကူးရေးဖို့၊ ကျမ်းတွေပြုစုဖို့၊ စာပေးစာယူ လုပ်ဖို့အတွက် သားရေ ပုရပိုက်တွေ၊ ကျူရွက်တွေကို အသုံးပြုခဲ့ရပါတယ်။ သားရေပုရပိုက်တွေက ရေရှည်ခံတယ်၊ ပြောင်ချောတယ်၊ သယ်ရပြုရလွယ်ပါတယ်။ ဒါပေမယ့် တစ်ဖက်သာ အသုံးပြုလို့ရပါတယ်။ ကျူရွက်တွေကတော့ ကျွတ်ဆတ်ပြီး၊ ပြင်လို့ ဖျက်လို့မလွယ်တဲ့အတွက် အထူးသဖြင့် အစိုးရမှတ်တမ်းတွေအတွက် ပိုပြီး အသုံးဝင်ပါတယ်။ ဒီပစ္စည်း ၂ ခုစလုံးဟာ ဈေးကြီးတာကြောင့် တရုတ်လူမျိုးတွေဆီကနေ ၀ါးပေါ်မှာ စာရေးတဲ့ အတတ်ပညာကို သင်ယူလေ့လာပြီးနောက်ပိုင်း ၈ ရာစုနှောင်းပိုင်းမှာ မွတ်စလင်တွေဟာ စက္ကူအမြောက်အများထုတ်လုပ်ကာ သားရေပုရပိုက်နဲ့ ကျူရွက်တွေနေရာမှာ အစားထိုး သုံးစွဲလာခဲ့ကြပါတယ်။

ဥရောပကို အာရဘီ လက်ရေးလက်သားအတတ်ပညာ ရောက်ရှိလာတာက ကုန်သွယ်မှု၊ ဥရောပ တော်ဝင်မိသားစုနဲ့ မွတ်စလင်ကမ္ဘာက တော်ဝင်မိသားစုတွေအကြား လက်ဆောင်တွေ လဲလှယ်မှု စတာတွေကနေတစ်ဆင့် ဖြစ်ပါတယ်။ ဥရောပသားတွေဟာ ပထမတော့ မွတ်စလင်တွေ ဘာရေးလဲဆိုတာကို မသိဘဲနဲ့ အာရဘီ လက်ရေးလှအတတ်ပညာတွေကို အတုခိုးခဲ့ကြတာပါ။ သက္ကရာဇ် ၈၇၉ ခုနှစ် အီဂျစ်နိုင်ငံ ကိုင်ရိုမြို့မှာ တည်ဆောက်ခဲ့တဲ့ အစ်ဗနေ့ တူလန် (Ibn Tulun) ဗလီဝတ်ကျောင်းတော်က ကူဖစ်လက်ရာနဲ့ အလှဆင်ထားမှုဟာ ပြင်သစ်မှာ ဂေါ့သစ်အနုပညာ (Gothic Art) အဖြစ် ပထမဆုံး ပြန်လည်ပေါ်ထွက်လာခဲ့ပြီး နောက်ပိုင်းမှာ ဥရောပတစ်ခွင်ကို ပြန့်နှံ့ရောက်ရှိခဲ့ပါတယ်။

ပြင်သစ်နိုင်ငံက သမိုင်းဝင် Le Puy ကက်သလစ်ဘုရားကျောင်းက ဘုရားဝတ်ပြုဆောင်မှာ တပ်ဆင်ထားပြီး နာမည်ကျော် ပန်းပုပညာရှင် ဂန် ဖရီဒက်စ် (Gan Fredus) ထွင်းထုထားတဲ့ အခုံးသဏ္ဍာန် သစ်သားတံခါးကြီးတွေ၊ အဲဒီ အနီးအနားမှာတည်ရှိတဲ့ Vaute Chillac ဘုရားကျောင်းက အခြားသော သစ်သားတံခါးလက်ရာတွေဟာ အစ်ဗနေ့ တူလန် ဗလီဝတ်ကျောင်းတော်က လက်ရာတွေရဲ့ လွှမ်းမိုးမှုပါဝင်ခဲ့တဲ့ ပန်းပုလက်ရာတွေ ဖြစ်ပါတယ်။ ကိုင်ရိုမြို့ကိုရောက်ရှိခဲ့တဲ့ အီတလီနိုင်ငံ အေမာလ်ဖီမြို့ (Amalfi) က ကုန်သည်တွေဟာ ဒီ အာရဘီလက်ရေးလှအတတ်ပညာ ဥရောပကိုရောက်ရှိပြန့်နှံ့မှုမှာ အဓိကကျသူတွေဖြစ်တယ်လို့ ယုံကြည်ရပါတယ်။ ဘာ့ကြောင့်လည်းဆိုတော့ အဲဒီခေတ်ကာလက ဒီကုန်သည်တွေဟာ ကိုင်ရိုက ဖာတီမိုက်ဘုရင်တွေနဲ့ ကောင်းမွန်တဲ့ ဆက်ဆံရေးတွေရှိလို့ ဖြစ်ပါတယ်။

ဖရော်ဖက်ဆာ သောမတ်စ် အာနိုး (Thomas Arnold) ရေးသားခဲ့တဲ့ Legacy of Islam (အစ္စလာမ့်အမွေအနှစ်ကျမ်း) စာအုပ်မှာ အိုင်ယာလန်မှာတွေ့ရှိခဲ့တဲ့ ၉ ရာစုလောက်က လက်ဝါးကပ်တိုင်တစ်ခုပေါ်မှာ အာရဘီစကားလုံး ‘ဗစ္စမစ်လာဟ်’ (ဘုရားသခင်၏ နာမတော်ဖြင့် အစပြုပါ၏) ကို ကူဖစ်လက်ရာနဲ့ ထွင်းထုထားတာကို တွေ့ရှိခဲ့ရတယ်လို့ ဖော်ပြထားပါတယ်။ အခြားသော အနုပညာပုံစံ – အထူးသဖြင့် ပန်းချီရေးဆွဲမှုမှာ ကူဖစ်လက်ရေးလက်သားအလှအပတွေကို စတိုင်တစ်မျိုးနဲ့ ထည့်သွင်းတာတွေလည်း ရှိခဲ့ပါတယ်။ ဥရောပက ပြည်သူတွေဟာ မွတ်စလင်တွေရဲ့ လက်ရေးလှအတတ်ပညာကို ခုံမင်ခဲ့ကြပြီး ‘ရီနေဆန်းခေတ်’  (Reanissance) အီတလီပန်းချီပညာရှင် ဂျန်တီလီ ဒါ ဖာဘရီယာနို (Gentile da Fabriano) တောင်မှ သူ့ရဲ့ Adoration of the Magi ဆိုတဲ့ ပန်ချီကားက ဇာတ်ကောင်တွေရဲ့ အ၀တ်အစားအနားသတ်တွေကို ဒီလက်ရေးလှဒီဇိုင်းတွေနဲ့ ချယ်သခဲ့တာဖြစ်ပါတယ်။

ကျွန်တော်တို့ယနေ့ ဖောင်တိန် (pen) လို့ခေါ်တဲ့ အရာတွေမပေါ်ခင်မှာ အာရပ်တွေဟာ ကလမ် (Qalam) ဒါမှမဟုတ် ‘ကျူရိုးဖောင်တိန်’ (reed pen) လို့ခေါ်တဲ့ စာရေးကိရိယာတစ်ခုကို တီထွင်ခဲ့ပါတယ်။ အဲဒီ ကျူရိုးဖောင်တိန်ဟာ အာရေဗျပင်လယ်ကွေ့ရဲ့ ကမ်းရိုးတမ်းဒေသတွေက ထွက်ရှိတာဖြစ်ပြီး တစ်ချိန်က အင်မတန် တန်ဖိုးရှိတဲ့ ကုန်ပစ္စည်းတစ်ခု ဖြစ်ခဲ့ပါတယ်။ ကျူရိုးဖောင်တိန်တစ်ခုရဲ့ ပျမ်းမျှအလျားဟာ ၂၄ စင်တီမီတာကနေ ၃၀ စင်တီမီတာ (၉.၅ လက်မကနေ ၁၁.၈ လက်မ) အထိ ရှိပြီး အချင်းကတော့ ၁ စင်တီမီတာ (၀.၄ လက်မ) ရှိပါတယ်။ အာရဘီလက်ရေးလက်သား တစ်ခုချင်းစီအတွက် သီးသန့်ထောင့်ချိုးထားတဲ့ ကျူရိုးကလောင်တံတစ်ခုစီ လိုအပ်ပါတယ်။

ကလောင်တံမှာသုံးတဲ့ မင်ကလည်း အမျိုးအစားမျိုးစုံ၊ အရောင်အသွေးအစုံရှိပြီး အနက်ရောင်နဲ့ အညိုရင့်ရောင်မင်တွေကတော့ အသုံးအများဆုံးဖြစ်ပါတယ်။ အဲဒီတစ်ရောင်ချင်းစီမှာလည်း ဆေးသားအားကောင်းမှုနဲ့ အပြစ်အကျဲ ကွာခြားမှုတွေ ရှိပါတယ်။ မွတ်စလင် လက်ရေးလှပညာရှင်တွေကလည်း သူတို့ရဲ့ ကိုယ်ပိုင် မင်ရည်တွေကို ဖန်တီးကြပြီး အဲဒီမင်ရည်က ပါဝင်ပစ္စည်းတွေကိုတော့ များသောအားဖြင့် လျှို့ဝှက်ထားတတ်ကြပါတယ်။ ရွှေရောင်နဲ့ ငွေရောင်မင်တွေကိုတော့ စာအုပ်ရဲ့ သားရေအဖုံးတွေ၊ စာအုပ်ရဲ့ရှေ့ဆုံးစာမျက်နှာ၊ ရုပ်ပုံရေးဆွဲမှုနဲ့ မာတိကာရေးသားမှုတွေမှာ အသုံးပြုကြပါတယ်။ အနီ၊ အဖြူနဲ့ အပြာတို့လို့ ကာလာမင်တွေကိုတော့ များသောအားဖြင့် ခေါင်းစဉ်တွေမှာ အသုံးပြုကြပါတယ်။ မင်ရည်ထည့်အိုး၊ အရောင်တင်ကျောက်တုံးနဲ့ မင်အခြောက်ခံဖို့အတွက် သဲတွေကတော့ မွတ်စလင်လက်ရေးလှပညာရှင်တွေအသုံးပြုတဲ့ ထပ်တိုး ကိရိယာတွေဖြစ်ပါတယ်။

ဖောင်တိန်ကို ဘယ်သူထွင်သလဲ

သက္ကရာဇ် ၉၅၃ ခုနှစ်လောက်က အီဂျစ်ကို အုပ်စိုးခဲ့တဲ့ ဘုရင် အလ်-မူအစ်ဇ် (Al-Muizz) ရဲ့ လက်ရုံးတစ်ဦးဖြစ်တဲ့ ကွာဒီ အဘူ ဟာနီဖာ အလ်-နူမန် အစ်ဗနေ့ မိုဟာမက် (Qadi abu Hanifah al-Numan ibn Muhammad) ဟာ The Book of Audiences and Concurrence ဆိုတဲ့ ကျမ်းတစ်စောင်ကို ရေးသားပြုစုခဲ့ပါတယ်။ အဲဒီစာအုပ်ထဲမှာ ဘုရင်ကြီး အလ်-မူအစ်ဇ်ကိုယ်တိုင် ကြီးကြပ်ကာ ဖောင်တိန် တီထွင်မှုနဲ့ ပတ်သက်ပြီး အခုလို ရေးသားခဲ့ပါတယ်။

“ကျွန်တော်တို့ဟာ မင်အိုးမလိုဘဲ ဖောင်တိန်ထဲမှာကို မင်ဖြည့်ကာ စာရေးလို့ရတဲ့ ဖောင်တိန်မျိုးကို တီထွင်ဖန်တီးဖို့ ရည်ရွယ်ချက်ရှိခဲ့ပါတယ်။ မင်တစ်ခါဖြည့်ထားပြီး ကြိုက်တဲ့အချိန်မှာ အသုံးပြုလို့ရတဲ့ ဖောင်တိန်မျိုးပါ။ စာရေးတဲ့သူဟာ အဲဒီဖောင်တိန်ကို အိတ်ကပ်ထဲ ဒါမှမဟုတ် သူကြိုက်တဲ့နေရာမှာ ထားလို့ရပြီး မင်စွန်းတာမျိုး၊ စိမ့်တာမျိုးလည်း မရှိရဘူး။ စာရေးမယ့်အချိန်မှသာ မင်ထွက်ရမယ့် ဖောင်တိန်ပါ။ ဒီလိုဖောင်တိန်မျိုး တီထွင်နိုင်တဲ့သူမျိုး၊ ဒီဇိုင်းဆွဲပေးနိုင်လောက်အောင် ဉာဏ်ထက်သူမျိုးကို အရင်က မတွေ့ခဲ့ပါဘူး။ ပြီးတော့ ကျွန်တော်တို့ဟာ ဒီဖောင်တိန်အသစ်ရဲ့ အရေးပါမှုနဲ့ ရည်ရွယ်ချက်ကိုတော့ နားလည်ထားပါတယ်။ ကျွန်တော်က ဘုရင်ကြီးကို ‘ဒီဖောင်တိန်မျိုး တီထွင်နိုင်ပါ့မလား အရှင်’ လို့ ပေးတဲ့အခါ သူက ‘ဘုရားသခင်အလိုတော်နဲ့ တီထွင်နိုင်မှာပါကွာ’ လို့ ပြန်ပြေခဲ့ပါတယ်”

ဒီဇာတ်လမ်းရဲ့ နောက်ဆက်တွဲမှာတော့ ရက်အနည်းငယ်ကြာတဲ့အခါ လက်မှုပညာရှင်တစ်ယောက်ဟာ မင်ဖြည့်ပြီးရေးလို့ရတဲ့ ဖောင်တိန်တစ်ချောင်းကို တီထွင်ပြီး ဘုရင်းကြီးထံ ဆက်သခဲ့တယ်လို့ အဘူဟာနီဖာက ထည့်သွင်း ရေးသားခဲ့ပါတယ်။ ခေတ်သစ်ဖောင်တိန် ဒါမှမဟုတ် ဘောပင်တွေရဲ့ အစဖြစ်တဲ့ အဲဒီ ဖောင်တိန်ဟာ ပြောင်းပြန်လှန်တာ၊ လှည့်တာမျိုးပြုလုပ်လို့ရပြီး မင်ယိုဖိတ်ခြင်းမရှိပါဘူး။ ပြီးတော့ စာမရေးတဲ့အချိန်မျိုးမှာလည်း မင်မထွက်လာဘဲ၊ မင်အိုးအသုံးပြုတဲ့ ကာလတုန်းက ဖြစ်ခဲ့တဲ့ လက် ဒါမှမဟုတ် အ၀တ်တွေမှာ မင်စွန်းတာမျိုးလည်း မရှိတော့ပါဘူး။ နောက်ဆုံးမှာတော့ မင်အိုးမလိုဘဲ ဖောင်တိန်မှာတင် မင်ဖြည့်လို့ရတဲ့ ဖောင်တိန်တီထွင်ရေး ဘုရင်မူအစ်ဇ်ရဲ့ ဆန္ဒလည်း ပြည့်ဝခဲ့ပါတယ်။

ဖော်ထုတ်ဖြည့်စွက် သမိုင်းတစ်ကွက်

၁၂ ရာစုလောက်မှာ ဒဿန၊ သင်္ချာ၊ ကဗျာလင်္ကာ ပညာရပ်တွေမှာ ပါရမီရင့်သန်ပြီး ထင်ရှားတဲ့ ဆရာဝန်တစ်ဦးဖြစ်တဲ့ မွတ်စလင် ပညာရှင်ကြီးတစ်ဦး စပိန်နိုင်ငံမှာ မွေးဖွားခဲ့ပါတယ်။ သူ့အမည်ကတော့ အစ်ဗနေ့ တူဖိုင်လ် (Ibn Tufayl) ဖြစ်ပြီး အမည်အပြည့်အစုံကတော့ အဘူ ဘာကာရ် အစ်ဗနေ့ အဘ်ဒလ် -မာလစ် အစ်ဗနေ့ မိုဟာမက် အစ်ဗနေ့ မိုဟာမက် အစ်ဗနေ့ တူဖိုင်လ် အလ်-ကွေစီ (Abu Bakr ibn Abd al-Malik ibn Muhammad ibn Muhammad ibn Tufayl al-Qaysi) ဖြစ်ပါတယ်။ အနောက်နိုင်ငံတွေမှာတော့ သူ့ကို အဘူဘာဆာရ် (Abubacer) လို့ သိကြပါတယ်။ အစ်ဗနေ့ တူဖိုင်လ်ဟာ အလ်-အန်ဒါလုစ်ဒေသ (Al-Andalus) က အလ်မိုဟဒ်မင်းဆက် (Almohad) က ဘုရင် ယာကွဘ် ယူဆက်ဖ် (Yaqub Yusef) ရဲ့ နန်းတော်မှာ အကြံပေးရာထူး၊ သမားတော်ချုပ်ရာထူးကို ရရှိခဲ့သူ ဖြစ်ပါတယ်။ အစ်ဗနေ့ တူဖိုင်လ်ကို သူရဲ့ The Story of Hayy ibn Yaqzan (ဟေ အစ်ဗနေ့ ယက်ဇန်၏ ဇာတ်လမ်း) ဆိုတဲ့ စွန့်စားခန်းဝတ္ထုနဲ့ တွဲသိကြပြီး သူရေးခဲ့တဲ့ လက်ရေးမူကို ဒီကနေ့မှာ အင်္ဂလန်နိုင်ငံ အောက်စဖို့ဒ်မြို့က Bodleian စာကြည့်တိုက်မှာ တွေ့မြင်နိုင်ပါတယ်။ ဒီဇာလမ်းဟာ ၁၁ ရာစုက မွတ်စလင် သမားတော်နဲ့ ဒဿနပညာရှင်တစ်ဦးဖြစ်တဲ့ အစ်ဗနေ့ဆီနာ (Ibn Sina) ရေးသားခဲ့တဲ့ Hayy ibn Yaqzan ၀တ္ထုကို အားကျပြီး ရေးသားထားတာ ဖြစ်ပါတယ်။ တောခေါင်ခေါင်ထဲမှာ တစ်ယောက်ထဲကြီးပြင်းလာသူ တစ်ယောက်ရဲ့ စွန့်စားခန်းတွေအကြောင်း စိတ်ဝင်စားဖွယ် ရေးသားထားတဲ့ အစ်ဗနေ့ တူဖိုင်လ်ရဲ့ ဒီဝတ္ထုဟာ နာမည်ကြီး အင်္ဂလိပ်စာရေးဆရာ ဒန်နီယဲလ်ဒီဖိုး (Daniel Defoe) ရေးသားခဲ့တဲ့ နာမည်ကျော် Life and Strange Adventures of Robinson Crusoe (ရော်ဘင်ဆင် ကရူးဆိုး၏ ဘ၀နှင့် ထူးခြားသည့် စွန့်စားခန်းများ) ဆိုတဲ့ စာအုပ်ပေါ်ထွက်လာဖို့အတွက် တွန်အားဖြစ်စေခဲ့လားဆိုတဲ့ မေးခွန်းတွေလည်း ရှိနေပါတယ်။

Hayy ibn Yaqzan ရဲ့ အဓိပ္ပါယ်ကတော့ “နိုးထမှုမှ မွေးဖွားလာသူ – ရှင်သန်မှု” ဖြစ်တာကြောင့် ၀တ္ထုကို “နိုးထမှုမှ မွေးဖွားလာသူ – ရှင်သန်မှု ဇာတ်လမ်း” လို့ ခေါ်ဆိုနိုင်ပါတယ်။ ဒီဝတ္ထုမှာ ကလေးတစ်ဦးဖြစ်တဲ့ ‘ဟေး’ ရဲ့ အသိပညာနုံနဲ့တဲ့ ငယ်ဘ၀ကနေ သူ့ပတ်ဝန်းကျင်နဲ့ ကမ္ဘာကြီးမှာရှိတဲ့ အရာတွေကို စူးစမ်းလေ့လာကာ ဗဟုသုတ နှံစပ်ကြွယ်ဝသူတစ်ဦး ဖြစ်လာတာကို ပုံဖော်ထားတာဖြစ်ပါတယ်။

‘ဟေး’ ဟာ ဘုရင့်သမီးတော်တစ်ဦးက လူမသိသူမသိနေရာတစ်ခုမှာ မွေးဖွားသူ ကလေးတစ်ဦးအဖြစ် ဇာတ်လမ်းကိုစထားပါတယ်။ မွေးဖွားပြီးတဲ့နောက်မှာပဲ ‘ဟေး’ ဟာ ကျွန်းတစ်ခုမှာ စွန့်ပစ်ခံခဲ့ရပြီး ဒရယ်မကြီးရဲ့ နိုက်တိုက်ကျွေးမှုနဲ့ ကြီးပြင်းလာခဲ့ရတာဖြစ်ကာ အသက် ၅၀ အထိ မည်သည့် လူသားတစ်ဦးနဲ့မှ ထိတွေ့ ဆက်ဆံခဲ့ဖူးခြင်း မရှိပါဘူး။  ‘ဟေး’ ရဲ့ ဒီလို ကြီးပြင်းမှုကို ၀တ္ထုမှာ ၇ နှစ်တစ်ပိုင်းနဲ့ ၇ ပိုင်းခွဲထားပြီး သူ့အကြောင်းနဲ့ သူ့ပတ်ဝန်းကျင်မှာရှိနေတဲ့ အရာတွေအကြောင်းကို သူကိုယ်တိုင် သင်ယူလေ့လာခဲ့ရပါတယ်။

Hayy ibn Yaqzan ၀တ္ထုရဲ့ ပထမဆုံးအင်္ဂလိပ်ဘာသာပြန်ဟာ ၁၇၀၉ ခုနှစ်မှာ ပေါ်ထွက်ခဲ့ပြီး နောက်ထပ် ၁၁ နှစ်ကြာတဲ့အခါ ဒီဖိုးရဲ့ နာမည်ကျော် ရော်ဘင်ဆင်ကရူးဆိုးဝတ္ထုကို ပုံနှိပ်ထုတ်ဝေခဲ့ပါတယ်။ ခေတ်ပြိုင်စာရေးဆရာတွေကတော့ ဒီဖိုးရဲ့ ဒီဝတ္ထုဟာ ဂျူအန် ဖာနန်ဒက်ကျွန်းစု (Juan Fernandez Islands) မှာ ၄ နှစ်ကျော်လောက် တစ်ဦးတည်းနေထိုင်ဖြတ်သန်းခဲ့ရတဲ့ စကော့တန် သင်္ဘောသား အလက်ဇန်းဒါး ဆီလ်ကစ်ရ် (Alexaner Selkirk) ရဲ့ အတွေ့အကြုံတွေကို အခြေခံပြီး ရေးသားထားတာဖြစ်တယ်လို့ ပြောကြားခဲ့ပါတယ်။ ဒါပေမယ့် ရော်ဘင်ဆင်ကရူးဆိုးဝတ္တုနဲ့ ဟေ အစ်ဗနေ့ ယက်ဇန် ၀တ္ထုအကြား တူညီမှုတွေက ဒီဖိုးအနေနဲ့ မွတ်စလင် ပညာရှင်ကြီး အစ်ဗနေ့ တူဖိုင်လ်ရဲ့ လက်ရာကို ထိတွေ့ခဲ့ဘူးတယ်ဆိုတာကို ကောက်ချက်ချဖို့ လုံလောက်ပါတယ်။ သင်္ဘောပျက်ပြီး ကျွန်းပေါ် သောင်တင်သွားတာကနေစပြီး၊ သီးခြားနေထိုင်ရတဲ့ ဒုက္ခ၊ အသက်ရှင်ရပ်တည်ရေး ရုန်းကန်ရမှုတွေအထိ ရော်ဘင်ဆင်ကရူးဆိုးဝတ္ထုဟာ သူ့အရင်ပေါ်ထွက်ခဲ့တဲ့ Hayy ibn Yaqzan ၀တ္ထုနဲ့ တူညီမှုတွေ အများကြီး ရှိနေတယ်ဆိုတာကို တွေ့ရမှာ ဖြစ်ပါတယ်။

(ကိုးကား- National Geographic ၏ 1001 Inventions – The Enduring Legacy of Muslim Civilization)

(ကမ္ဘာ့လူ့အဖွဲ့အစည်းတွင် ယနေ့တိုင်ရှင်ကျန်နေသည့် မွတ်စလင်တို့၏ အမွေအနှစ်များ – တင်ဆက်ပြီးသမျှ အပိုင်းအားလုံးကို  ဤနေရာ တွင် ဖတ်ရှုနိုင်ပါသည်။)

ဇူလိုင် ၈၊ ၂၀၁၆

– အကြည့်တစ်ချက်အတွင်းမှာပဲ ပုံသဏ္ဍာန်တစ်မျိုး၊ အနေအထားတစ်မျိုးကို ပြောင်းလဲသွားတဲ့ အနုပညာလက်ရာမျိုးကို သင်တို့အနေနဲ့ မြင်တွေ့၊ ခံစားဖူးမှာပါ။ ဒီလို အနုပညာမျိုးဟာ ဂျီသြမေတြီကိုအခြေခံတဲ့ အနုပညာဖြစ်ပြီး သင်္ချာသဘောတရားနဲ့ ဟင်းလင်ပြင်နိယာမကို ပေါင်းစပ်ဖော်ကျူးထားတာ ဖြစ်ပါတယ်။ ပြီးတော့ ဒါဟာ ပုံသဏ္ဍာန်တွေ အပြန်အလှန်သက်ရောက်မှုရှိနေတာ၊ ထပ်တလဲလဲဖြစ်တာမျိုးလည်း ဖြစ်ပါတယ်။ အဲဒီလို အနုပညာလက်ရာမျိုးဟာ လူတွေရဲ့ ပုံပန်းသွင်ပြင် မဟုတ်ဘဲ မျဉ်းကြောင်းတွေ၊ စတုရန်းတွေ၊ စတုဂံတွေနဲ့ ပုံဖော်ထားတဲ့ ဆန်းကျယ်တဲ့ဒီဇိုင်းတွေသာ ဖြစ်ပါတယ်။ အဲဒီဒီဇိုင်းတွေဟာ ကြည့်နေရင်းနဲ့ကို ပြောင်းလဲလှုပ်ရှားနေကြပြီး အာရုံစူးစိုက်မှု၊ အတွေးနယ်ချဲ့မှုတွေ ပြုလုပ်ဖို့အတွက် တွန်းအားလည်း ဖြစ်စေပါတယ်။ ဒီလို ဆန်းကျယ်လှတဲ့ ဂုဏ်သတ္တိတွေကြောင့်ပဲ ဒီ ဂျီသြမေတြီ အခြေပြု အနုပညာလက်ရာတွေကို ဗလီဝတ်ကျောင်းတော်တွေမှာ ထည့်သွင်းအလှဆင်ကြတာဖြစ်ပါတယ်။

တမန်တော်မုဟမ္မဒ်သခင်ဟာ အနုပညာမှာ လူသားတွေ ဒါမှမဟုတ် တိရစ္ဆာန်တွေရဲ့ပုံကိုမဆွဲဖို့ မွတ်စလင်တွေကို တားမြစ်ခဲ့ပါတယ်။ ဒါဟာ အစ္စလာမ်မတိုင်ခင်ကရှိခဲ့ပြီး တစ်ဆူတည်းသော ဘုရားသခင်ဘက်ကနေ သွေဖည်သွားစေနိုင်တဲ့ ရုပ်ထုဆင်းတု၊ သဘာဝတရားမှာ တည်ရှိနေတဲ့အရာတွေအပေါ် ယုံကြည်ကိုးကွယ်မှုတွေလို လမ်းလွဲမှုတွေ ဖြစ်သွားနိုင်တဲ့ အလားအလာကြောင့် ဖြစ်ပါတယ်။

ဒါ့ကြောင့် ဂျီသြမေတြီဟာ မွတ်စလင်ကမ္ဘာရဲ့ အဓိကအာရုံစိုက်ရာ အနုပညာနယ်ပယ်တစ်ခု ဖြစ်လာခဲ့ပါတယ်။ မွတ်စလင်အနုပညာရှင်ကြီးတွေဟာ ဒီနယ်ပယ်မှာ သူတိုရဲ့ စဉ်းစားတွေးခေါ်မှုနဲ့ တီထွင်ဖန်တီးနိုင်မှုကို ဇက်ကုန်လွှတ်ပေးခဲ့ပြီး ရလဒ်အနေနဲ့ Arabesque လို့ခေါ်တဲ့ ဂျီသြမေတြီ အနုပညာသစ်တစ်ခု ပေါ်ထွက်လာခဲ့ပါတော့တယ်။ Arabesque ဆိုတာ ဂျီသြမေတြီ အစိတ်အပိုင်းအများအပြားကို တစ်ခုနဲ့တစ်ခု ချိတ်ဆက်လိမ်ယှက်ကာ ပေါင်းစပ်ဖန်တီးထားတဲ့ အနုပညာရပ်တစ်တစ်ခု ဖြစ်ပါတယ်။ ပုံသဏ္ဍာတစ်ခုဟာ အခြားတစ်ခုရဲ့ အစိတ်အပိုင်းဖြစ်သလို၊ အခြား ပုံသဏ္ဍာန်တစ်ခုဟာလည်း မူလပုံသဏ္ဍာတစ်ခုရဲ့ အစိတ်အပိုင်းအဖြစ် တည်ရှိနေတဲ့ ပုံစံမျိုး ဖြစ်ပါတယ်။ ပုံသဏ္ဍာတစ်ခုချင်းစီကို ကြည့်ရင် ပြည့်စုံလှတဲ့ ဒီဇိုင်းတစ်ခုအဖြစ် မြင်တွေ့ရမှာဖြစ်ပြီး အားလုံးပေါင်းလိုက်မယ်ဆိုရင်တော့ နောက်ထပ် ဆန်းကျယ်တဲ့ဒီဇိုင်းတစ်ခု ဖြစ်လာပါတော့တယ်။ ဒီလို နှစ်ဖက်မြင် ဂျီသြမေတြီ ဒီဇိုင်းတွေကို များသောအားဖြင့် မျက်နှာကျက်တွေ၊ နံရံတွေ၊ ကော်ဇောတွေ၊ ပရိဘောဂပစ္စည်းတွေနဲ့ အထည်လိပ်တွေမှာ အသုံးပြုကြပါတယ်။

ဒီ ဆန်းပြားတဲ့ အနုပညာနယ်ပယ်ရဲ့ ရှေအကျဆုံးလက်ရာတွေကိုတော့ တူရကီနိုင်ငံ အစ္စတန်ဘူလ်မှာ တွေ့ရှိခဲ့တဲ့ “တော့ပ်ကာပီ ပရပိုက်” (Topkapi Scroll) မှာ တွေ့ရပါတယ်။ အဲဒီပုရပိုက်ထဲမှာ နံရံတွေနဲ့ အမိုးခုံးတွေမှာ အသုံးပြုနိုင်မယ့် ဂျီသြမေတြီ အနုပညာဒီဇိုင်းပေါင်း ၁၁၄ ခု ပါဝင်ပြီး သက္ကရာဇ် ၁၅ ရာစုနဲ့ ၁၆ ရာစုအတွင်း ပါးရှားပြည် (Persia) မှာ ကျော်ကြားခဲ့တဲ့ ထိပ်တန်း ဗိသုကာပညာရှင်တစ်ယောက်ရဲ့ လက်ရာ ဖြစ်ပါတယ်။ ဒီလက်ရာတွေဟာ ဂျီသြမေတြီ အနုပညာနယ်ပယ်မှာ အကောင်းအတိုင်းတွေ့ရတဲ့ လက်ရာတွေထဲက ရှေ့အကျဆုံးလည်း ဖြစ်ပါတယ်။ ဒီ “တော့ပ်ကာပီ ပရပိုက်” ကိုမတွေ့ခင်မှာ အစောဆုံးလို့ သတ်မှတ်ခဲ့တဲ့ အစ္စလာမ့် ဗိသုကာဆိုင်ရာ လက်ရာကတော့ ၁၆ ရာစု ဥဇဘက်ကစ္စတန်နိုင်ငံ ဘူခါရာမြို့က ပုရပိုက်အပိုင်းအစမှာပါဝင်တဲ့ လက်ရာပဲဖြစ်ပါတယ်။

Arabesque အနုပညာလက်ရာတွေကို ပန်းနွယ်ယှက်ဖျာတဲ့ ပုံစံမျိုးနဲ့လည်း တွေ့မြင်နိုင်ပါတယ်။ ရိုးတံ၊ အရွက်၊ ပန်းပွင့်တွေ ဒါမှမဟုတ် ဂျီသြမေတြီ သွင်ပြင်တွေနဲ့ ပေါင်းစပ်ထားတဲ့ အဲဒီ အနုပညာလက်ရာ ဒီဇိုင်းတွေဟာ ဥရောပ အနုပညာရှင်တွေကို အံ့သြရှုမောစေခဲ့ပါတယ်။ ဥရောပရဲ့ Renaissance ကာလက အနုပညာလက်ရာတွေဖြစ်တဲ့ Baroque၊ Rococo၊ ခေတ်ပေါ်အနုပညာ (အထူးသဖြင့် Grotesque) နဲ့ Strap work စတဲ့ အနုပညာပုံစံတွေမှာ Arabesque လက်ရာတွေကို တွေ့မြင်နိုင်ပါတယ်။

လီယိုနာဒို ဒါဗင်ချီ (Leonardo da Vinci) ဟာ Arabesque အနုပညာလက်ရာရဲ့ လှပသေသပ်မှုကို တွေ့မြင်ခဲ့ပြီးနောက်ပိုင်းမှာ ရှုပ်ထွေးနက်နဲပြီး မျက်စိပသာဒရှိတဲ့ ဒီဇိုင်းအသစ်တွေ ဖန်တီးဖို့အတွက် သူ့ရဲ့ အချိန်တော်တော်များများကို သုံးစွဲခဲ့ပါတယ်။ ကြိုးထုံးအခြေပြုပြီး နာမည်ကျော်တဲ့ knot ဒီဇိုင်း အနုပညာလက်ရာတွေကိုတော့ အင်္ဂလန် ဘုရင်တစ်ဦးဖြစ်သူ ဟင်နရီ ၈ (Kenry VIII) က ကြိုက်နှစ်သက်ခဲ့ပြီး သူ့ရဲ့ အပေါ်ရုံအင်္ကျီအနားကွပ်တွေနဲ့ နန်းတော်သုံး ခန်းဆီးလိုက်ကာတွေမှာ တွေ့ရှိရပါတယ်။ Renaissance ကာလ ဂျာမန်ထိပ်တန်း ပန်းချီပညာရှင် ဒူရာ (Durer)၊ ၁၆ ရာစု အီတလီ ပန်းချီအကျော်အမော် ရာဖေးလ် (Raphael) တို့ဟာ သူတို့ရဲ့ လက်ရာတွေမှာ ဂျီသြမေတြီဒီဇိုင်းတွေကို ထည့်သွင်းသုံးစွဲခဲ့သလို ၁၇ ရာစု ပြင်သစ် အနုပညာရှင် ဂျန် ဘယ်ရိန်း (Jean Berain) ရဲ့ လက်ရာတွေမှာလည်း ဒီ ဒီဇိုင်းတွေကို တွေ့ရပါတယ်။ ၁၆ ရာစုက အီတလီအနုပညာရှင်တွေကတော့ အာရပ်တွေ ဖော်ထုတ်ခဲ့တဲ့ ဂျီသြမေတြီအခြေပြု အနုပညာလက်ရာကို Arabeschi လို့ ခေါ်ဝေါ်သမုတ်ခဲ့ပါတယ်။

ဂျီသြမေတြီအခြေပြု အနုပညာလက်ရာရဲ့ ဖမ်းစားခြင်းခံခဲ့ရတဲ့ ၂၀ ရာစု နာမည်ကျော် ပန်းချီပညာရှင်ကတော့ ဒက်ခ်ျလူမျို အမ် စီ အက်စ်ချာ (M.C. Easher) ဖြစ်ပါတယ်။  အက်စ်ချာဟာ ထူးခြားပြီး စွဲမက်ဖွယ်ကောင်းတဲ့ အနုပညာလက်ရာတွေကို ဖန်တီးခဲ့ပြီး သူ့ရဲ့ အဲဒီလက်ရာတွေထဲမှာ သင်္ချာဆိုင်ရာ အယူအဆတော်တော်များများကို တွေ့မြင်ရမှာပါ။ ဒီလို လက်ဖျားခါလောက်တဲ့ အနုပညာလက်ရာတွေကို ဖန်းတီးနိုင်တဲ့ အကြောင်းအရင်းက ၁၉၃၆ ခုနှစ်မှာ တစ်ချိန်က မွတ်စလင်တွေ အုပ်စိုးခဲ့တဲ့ စပိန်နိုင်ငံ ဂရာနာဒါမြို့က အလ်ဟမ်ဘရာဒေသ (Alhambra) ကို သွားရောက်ခဲ့တာဖြစ်ပါတယ်။ အဲဒီမှာ မွတ်စလင်တွေရဲ့ အမွေအနှစ်ဖြစ်တဲ့ ဂျီသြမေတြီအခြေပြု အနုပညာလက်ရာတွေကို သူဟာ ရက်ပေါင်းများစွာ ကူးဆွဲခဲ့ပြီး အဲဒီလက်ရာတွေက “မိမိနှစ်သက်ခဲ့ရတဲ့ အနုပညာလက်ရာတွေထဲမှာ ဉာဏ်ကွန့်မြူးဖို့ တွန်းအားအပေးဆုံး ရင်းမြစ်တွေဖြစ်တယ်” လို့ အက်စ်ချာက နောက်ပိုင်းမှာ ဖွင့်ဟခဲ့ပါတယ်။

ဥရောပက ဆက်ခံခဲ့တဲ့ မွတ်စလင်တွေရဲ့ အနုပညာအမွေအနှစ်တွေဟာာ Arabesque တစ်ခုတည်း မဟုတ်ပါဘူး။ ၁၄ ရာစု ဥရောပအနုပညာလောကမှာ အရေးပါးတဲ့ အပြောင်းအလဲတစ်ခု ဖြစ်ခဲ့ပါတယ်။ အဲဒါကတော့ မွတ်စလင်တွေဆီကနေ ဆီဆေးနဲ့ ပန်းချီဆွဲခြင်းအတတ်ပညာကို ရရှိခဲ့တာပဲဖြစ်ပါတယ်။ အရင်တုန်းက ဥရောပသားတွေဟာ သစ်သားပြားတွေမှာ Tempera လို့ခေါ်တဲ့ ကြက်ဥအကာရောရတဲ့ ရေဆေးကို အသုံးပြုပြီး ပန်းချီရေးဆွဲရတာဖြစ်ပါတယ်။ အဲဒီ Tempera ကို ကြက်ဥ၊ ရေနဲ့ ပျားရည်တို့ ပေါင်းကာ ဖော်စပ်တာတာပါ။ နှမ်းကြက်ဆီကို အသုံးပြုတဲ့ ဆီဆေးကတော့ ဥရောပ ပန်းချီလောကကို သိသာထင်ရှားတဲ့ အကျိုးသက်ရောက်မှုတွေရှိခဲ့ပြီး ၁၅ ရာစုမှာ ဥရောပမြောက်ပိုင်းနဲ့ အီတလီတို့မှာ ပေါ်ထွန်းခဲ့တဲ့ Flemish နဲ့ Venetian အနုပညာလက်ရာ ပန်ချီကားတွေမှာ အရောင်းအသွေးစိုပြေမှုကို တစ်ခတ်ဆန်းစေခဲ့ပါတယ်။

(ကိုးကား- National Geographic ၏ 1001 Inventions – The Enduring Legacy of Muslim Civilization)

(ကမ္ဘာ့လူ့အဖွဲ့အစည်းတွင် ယနေ့တိုင်ရှင်ကျန်နေသည့် မွတ်စလင်တို့၏ အမွေအနှစ်များ – တင်ဆက်ပြီးသမျှ အပိုင်းအားလုံးကို  ဤနေရာ တွင် ဖတ်ရှုနိုင်ပါသည်။)

ဇူလိုင် ၁၊ ၂၀၁၆

M-Media

ရာဇာ တင်ဆက်သည်

(အပတ်စဉ် သောကြာနေ့တိုင်း ဖော်ပြသွားပါမည်)

– မွတ်စလင်တွေဟာ အနုစိတ်ပြီး ခန့်ငြားတဲ့ ဂျီသြမေတြီ  ဒီဇိုင်းတွေကို အဆောက်အဦးတွေအတွင်း ဖန်တီးထည့်သွင်းရာမှာ ကျော်ကြားသူတွေဖြစ်ပါတယ်။ ဒီ ရင်သပ်ရှုမောဖွယ် ဒီဇိုင်းတွေဟာ ဂျီသြမေတြီ ပညာရပ်၊ တိုင်းတာမှု ပညာရပ်၊ အိမ်ယာဆောက်လုပ်မှု၊ အမှတ်၊ မျဉ်း၊ ထောင့်တွေရဲ့ ဆက်နွယ်မှု၊ ၂ ဖက်မြင်၊ ၃ ဖက်မြင် စတဲ့ပညာရပ်တွေမှာ ခုန်ပျံကျော်လွှား တိုးတက်မှုမရှိဘဲနဲ့ ဖြစ်လာနိုင်စရာ မရှိပါဘူး။

ဂျီသြမေတြီနယ်ပယ်မှာ ဂရိတွေရဲ့ စိတ်ဝင်တစား လေ့လာဖော်ထုတ်မှုတွေကို မွတ်စလင်ပညာရှင်တွေက အမွေဆက်ခံခဲ့ပြီး၊ ဆန်းသစ်မှုတွေ၊ ချဲ့ထွင်မှုတွေလည်း ပြုလုပ်ခဲ့ပါတယ်။ ယူကလစ်ရဲ့ Elements ဆိုတဲ့ ကျမ်းကြီးထဲမှာ ဂျီသြမေတြီဆိုင်ရာ ကဏ္ဍလည်း ပါဝင်ပြီး အဲဒီပညာရပ်အတွက် သူဟာ အချိန်အတော်ကြာ ပေးဆပ်ခဲ့ရတာဖြစ်ပါတယ်။ ပါရမီရင့်သန်တဲ့ သင်္ချာပညာရှင်အများစုဟာ ဂျီသြမေတြီပညာရပ်ကို ယူကလစ်ရဲ့ ဒီကျမ်ကြီးကနေတစ်ဆင့် စတင်လေ့လာကြရတာပါ။

မွတ်စလင်ပညာရှင်တွေဟာ ဂျီသြမေတြီပညာရပ်ကို ဂရိတွေဖော်ထုတ်ခဲ့တဲ့ ရင်းမြစ် ၃ ခုကနေ လေ့လာသိရှိခဲ့ရတာ ဖြစ်ပါတယ်။ ပထမဆုံး ရင်းမြစ်က ယူကလစ်ရဲ့ Elements ဆိုတဲ့ ကျမ်းဖြစ်ပြီး ၈ ရာစု ဘဂ္ဂဒတ်မြို့ရဲ့ ပညာ့ရိပ်မြုံ (House of Wisdom) မှာ ဘာသာပြန်ဆိုခဲ့ပါတယ်။ ဒုတိယရင်းမြစ်ကတော့ အာခီမီဒီးစ် (Archimedes) ရဲ့ ကျမ်း ၂ အုပ်ဖြစ်တဲ့ On the Sphere and Cylinder (စက်လုံးနှင့် ဒုလုံးရှည်ဆိုင်ရာကျမ်း) နဲ့ The Heptagon in th Circle  (စက်ဝိုင်းအတွင်းရှိ သတ္တဂံဆိုင်ရာကျမ်း) တွေ ဖြစ်ပါတယ်။ ဒုတိယစာအုပ်ကို အခုအချိန်မှာ ဂရိစာပေနဲ့ မရနိုင်တော့ဘဲ သာဘစ် အစ်ဗနေ့ ကွာရာ (Thabit Ibn Qurra) ဘာသာပြန်ဆိုထားတဲ့ အာရဘီမူရင်းသာ ရှိပါတော့တယ်။ တတိယမြောက်နဲ့ နောက်ဆုံး ရင်းမြစ်ကတော့ အပိုလိုနီယော့စ် အော့ဖ် ပါရ်ဂါ (Appolonios of Perga) ရဲ့ နက်နဲလှတဲ့ The Conis (ကတော့ချွန်ဆိုင်ရာကျမ်း) ဆိုတဲ့ ကျမ်းဖြစ်ပါတယ်။ အဲဒီကျမ်းဟာ ၈ တွဲရှိပြီး ဘီစီ ၂၀၀ လောက်က ရေးသားခဲ့တာပါ။ ဒါပေမယ့် အခုအချိန်မှာတော့ ၄ အုပ်သာ ဂရိစာပေနဲ့ ရှိတော့ပြီး၊ ခေတ်ပေါ် ပညာရှင်တွေဆီ ရောက်ရှိခဲ့တဲ့ ၇ အုပ်ကတော့ အာရဘီဘာသာပြန်တွေ ဖြစ်ပါတယ်။

လက်တွေ့တည်ဆောက်မှုအစ

ဂရိတွေနဲ့ အစ္စလမ်ကမ္ဘာက ပညာရှင်တွေရဲ့ ဂျီသြမေတြီဆိုင်ရာ လေ့လာတည်ဆောက်မှုတွေက အများစုဟာ conic section (ကတော့ချွန်အခြေပြု ဂျီသြမေတြီ ပညာရပ်) ဆိုတဲ့ သီအိုရီအောက်မှာ ရှိပါတယ်။ ဥပမာအားဖြင့် အလင်းနဲ့ပတ်သက်ပြီး လေ့လာဖို့အတွက် ကြည့်မှန်တွေဖန်တီးတာ၊ အချိန်သိရဖို့အတွက် နေနာရီတွေဖန်တီးရာမှာ ဒီ ကတော့ချွန်အခြေပြု ဂျီသြမေတြီပညာရပ်ကို အသုံးပြုခဲ့ကြပါတယ်။

အဘူ ဆာဟ်လ် အလ်-ကူဟီ (Abu Sahl al-Kuhi) ဆိုတဲ့ မွတ်စလင်ပညာရှင်ကြီးတစ်ဦးဟာ အဲဒီ conic section သီအိုရီကိုအသုံးပြုပြီး သတ္တဂံ (heptagon) လို့ခေါ်တဲ့ အနား ၇ နားပါတဲ့ ဗဟုဂံ (polygon) တစ်ခု တည်ဆောက်ရေး ထူးခြားတဲ့နည်းလမ်းတစ်ခုကို ရှာဖွေဖော်ထုတ်နိုင်ခဲ့ပါတယ်။ အဘူ ဆာဟ်လ် အလ်-ကူဟီဟာ ဘဂ္ဂဒတ်မြို့မှာ သြဇာကြီးမားတဲ့ ဘူယစ်မိသားစု (Buyid family) ရဲ့ အရေးပါသူတွေက မွတ်စလင်ကမ္ဘာအရှေ့ခြမ်းကနေ စုဆောင်းခဲ့တဲ့ ပါရမီရင့်သန်တဲ့ သိပ္ပံပညာရှင်တွေထဲက တစ်ဦးလည်းဖြစ်ပါတယ်။ ကက်စပီယန်ပင်လယ်တောင်ဘက် တောင်တန်းဒေသဇာတိ အလ်-ကူဟီက အရင်က ဘဂ္ဂဒတ်မြို့ဈေးမှာ ဖန်ပုလင်းတွေကို ပစ်မြှောက်ကစားပြရတဲ့ လက်လှည့်ပညာရှင်တစ်ယောက် ဖြစ်ပါတယ်။ နောက်ပိုင်းမှာတော့ သူဟာ သိပ္ပံပညာရပ်တွေဘက်ကို ခြေဦးလှည့်ခဲ့ပါတယ်။ အာခီမီဒီးစ်ရဲ့ ရေးသားဖော်ထုတ်မှုတွေကို စိတ်ဝင်စားခဲ့တဲ့ အလ်-ကူဟီဟာ Book II of On the Sphere and Cylinder (စက်လုံးနှင့် ဒုလုံးရှည်ဆိုင်ရာ ဒုတိယမြောက်ကျမ်း) နဲ့ပတ်သက်တဲ့ ရှင်းလင်းချက်ကျမ်းတစ်စောင်ကို ရေးသားခဲ့ပါတယ်။ အဲဒီစာအုပ်မှာ အလ်-ကူဟီ အဓိကထား ဖော်ပြခဲ့တာကတော့ ကတော့ချွန်အခြေပြု ဂျီသြမေတြီပညာရပ် (conic section)နဲ့ ရှုပ်ထွေးတဲ့ ဂျီသြမေတြီဆိုင်ရာ ပစ္စည်းတွေကို ဖန်တီးတည်ဆောက်မှုနဲ့ဆက်စပ်တဲ့ ပြဿနာတွေကို ဖြေရှင်းရာမှာ အဲဒီပညာရပ်ကို အသုံးချရေး ဖြစ်ပါတယ်။

ဥပမာအားဖြင့် အလ်-ကူဟီဟာ conic section ပညာရပ်ကို အသုံးပြုပြီး စက်လုံးအမျိုးမျိုးကို တည်ဆောက်ပြခဲ့ပါတယ်။ နောက်ပြီး သူဟာ conic secton ပညာရပ်ဆိုင်ရာ ပုံတွေဆွဲရာမှာ အသုံးပြုတဲ့ ‘complete compass’ ဆိုတဲ့ ကိရိယာတစ်ခုကို တီထွင်ဖန်တီးနိုင်ခဲ့ပါတယ်။ ဒါပေမယ့် အဘူ ဆာဟ်လ် အလ်-ကူဟီဟာ ကြီးမားတဲ့ ရည်ရွယ်ချက်တွေ ရှိခဲ့သူတစ်ယောက်လည်းဖြစ်ပြီး ဂျီသြမေတြီပညာရပ်မှာ အရေးပါတဲ့ သတ္တဂံတစ်ခု တည်ဆောက်နိုင်ရေးကို အသေးစိတ် ဖော်ထုတ်ရေးသားနိုင်ခဲ့ပါတယ်။ အာခီမီဒီးစ်ဟာ သတ္တဂံတစ်ခု တည်ဆောက်နိုင်တယ်ဆိုတဲ့ ရှုထောင့်ကို စက်ဝိုင်းအတွင်း ရေးဆွဲသက်သေပြနိုင်ခဲ့သူတစ်ယောက် ဖြစ်ပါတယ်။ ဒါပေမယ့် တကယ့် လက်တွေ့တည်ဆောက်မှုနည်းလမ်းကိုတော့ မဖေါ်ဆောင်နိုင်ခဲ့ပါဘူး။ ဒါဟာ သင်္ချာနယ်ပယ်မှာ ဖြစ်လေ့ဖြစ်ထရှိတဲ့ ကိစ္စရပ်တစ်ခုဖြစ်ပါတယ်။ တစ်ခါတစ်ရံမှာ တစ်ချို့သော သင်္ချာဆိုင်ရာ ပစ္စည်းတွေကို ရေးဆွဲတည်ဆောက်ရာမှာ နည်းလမ်းတွေကို တစ်ဆင့်ချင်းစီရှင်းပြဖို့ အခက်ကြုံရလေ့ရှိပါတယ်။ ဒီလိုအခြေအနေမျိုးမှာဆိုရင် သင်္ချာပညာရှင်တွေဟာ သောကရောက်တတ်ကြပြီး အနည်းဆုံး ဒီလို နည်းလမ်းတစ်ခု တည်ရှိတယ်ဆိုတာကို အခိုင်အမာ ပြောကြားခဲ့ကာ အသေးစိတ်တဲ့နည်းလမ်းတွေကို နောက်ပိုင်းပညာရှင်တွေ ရှာဖွေဖော်ထုတ်နိုင်ဖို့ လမ်းဖွင့်ပေးခဲ့ကြပါတယ်။

အာခီမီဒီးစ်ဟာ သတ္တဂံတည်ဆောက်ရေး နည်းလမ်းတစ်ခုရှိနေတယ်လို့ အခိုင်အမာ ပြောကြားခဲ့ပေမယ့် လက်တွေ့တည်ဆောက်မှုကိုတော့ ဂရိနဲ့ မွတ်စလင်သင်္ချာပညာရှင်ကြီးတွေဟာ ရာစုနှစ်များစွာကြာ မလုပ်ဆောင်နိုင်ခဲ့ကြပါဘူး။ ၁၀ ရာစုလောက်မှာ မွတ်စလင်ပညာရှင်တစ်ဦးဖြစ်တဲ့ အဘူ အလ်-ဂျက်ဒ် (Abu al-Jud) က “ဒါကိုအဆုံးသတ်ဖို့ဟာ ပိုမိုခက်ခဲပြီး၊ သီအိုရီတစ်ခုအဖြစ် ရောက်ရှိဖို့အတွက် သက်သေပြနိုင်ဖို့ အလှမ်းဝေးနေပါသေးတယ်” လို့ မှတ်ချက်ပေးခဲ့ပါတယ်။

အဘူ ဆာဟ်လ် အလ်-ကူဟီကတော့ ဒီစိန်ခေါ်မှုကို ရင်ဆိုင်ခဲ့ပြီး သူ့ရဲ့ ကျွမ်းကျင်ပိုင်နိုင်မှုကနေတစ်ဆင့် သတ္တဂံတည်ဆောက်ရေးပြဿနာကို ပြေလည်စေခဲ့ပါတယ်။ သူဟာ ဒီအခက်အခဲကို ပြဿနာ ၃ ခုအဖြစ် လျှော့ချခဲ့ပြီး သတ္တဂံလက်တွေ့တည်ဆောက်နိုင်မှုဆီ ဦးတည်နိုင်ခဲ့ပါတယ်။ သတ္တံဂံအနားရဲ့ အလျားတွေကို အခြေခံပြီး ကတော့ချွန်အခြေပြု ဂျီသြမေတြီပညာရပ်ကို စတင်ဖော်ထုတ်ရမယ်လို့လည်း အလ်-ကူဟီက ပြောကြားခဲ့ပါတယ်။ အဲဒီနောက်မှာတော့ အချိုးအစား သတ်မှတ်ထားတဲ့ မျဉ်းဖြတ်တွေကို ဖော်ထုတ်ခဲ့ပြီး၊ အဲဒီမျဉ်းဖြတ်တွေကမှတစ်ဆင့် တြိဂံတွေတည်ဆောက်ကာ နောက်ဆုံးမှာ အဲဒီတြိဂံတွေကို ပေါင်းစပ်ပြီး သတ္တဂံတစ်ခုကို အောင်မြင်စွာ တည်ဆောက်နိုင်ခဲ့ပါတယ်။

အလ်-ကူဟီရဲ့ တြိဂံတစ်ခုကိုသုံးပိုင်းပိုင်းတဲ့နည်းလမ်း တွေ့ရှိမှုကလည်း ထင်ရှားကျော်ကြားတဲ့ အချက်တစ်ခုဖြစ်ပါတယ်။ အလ်-ကူဟီထက် ငယ်ရွယ်ပြီး ခေတ်ပြိုင် မွတ်စလင်ပညာရှင်ကြီးတစ်ဦးဖြစ်တဲ့ အဘ်ဒူလ် ဂျာလီလ် အလ်-ဆစ်ဂ်ျဇီ (Abdul-Jalil al-Sijzi) ကတော့ အလ်-ကူဟီရဲ့ ဒီတွေ့ရှချက်ကို “အလ်-ကူဟီ နိယာမ” လို့ ရည်ညွှန်းသုံးနှုန်းခဲ့ပြီး nonagon လို့ခေါ်တဲ့ အနား ၉ နားပါ ဗဟုဂံတည်ဆောက်ရေးမှာ အသုံးချခဲ့ပါတယ်။

နေနာရီမျက်နှာပြင်တွေမှာ နံပါတ်တွေထွင်းထုဖို့ကြိုးစားတဲ့ လက်မှုပညာရှင်တွေအတွက် ကတော့ချွန်အခြေပြု ဂျီသြမေတြီပညာဟာ အရေးပါခဲ့ပါတယ်။ နေ့ဖက်မှာ နေရဲ့ စက်ဝိုင်းပုံသဏ္ဍာန် လှည့်ပတ်သွားလာမှုကြောင့် မြေပြင်ပေါ်မှာ စိုက်ထားတဲ့ တုတ်ချောင်းရဲ့ အရိပ်ဟာ ကတော့ချွန် ၂ ခု ဖြစ်စေတယ်ဆိုတာကို ဂရိတွေက သိခဲ့ကြပါတယ်။ အဲဒီကတော့ချွန်နှစ်ခုကို မိုးကုပ်စက်ဝိုင်းရဲ့ ပြင်ညီဖြစ်မှုက ပိုင်းဖြတ်လိုက်တဲ့အခါမှာတော့ hyperbola နှစ်ခုကို ရရှိပါတယ်။ သာဘစ် အစ်ဗနေ့ကွာရာရဲ့ မြေးဖြစ်တဲ့ အီဘရာဟင် အစ်ဗနေ့ ဆီနန် (Ibrahim ibn Sinan) ရဲ့ ဂျီသြမေတြီဆိုင်ရာ တွေ့ရှိချက်တွေမှာ ဂရိတွေရဲ့ ဒီအယူအဆက တော်တော်လေး တွန်းအားဖြစ်စေခဲ့ပါတယ်။ အစ်ဗနေ့ ဆီနန်ဟာ အသည်းရောဂါကြောင့် သက်ဆိုးမရှည်ခဲ့ဘဲ သက္ကရာဇ် ၉၄၆ ခုနှစ်၊ အသက် ၃၇ နှစ်မှာပဲ ကွယ်လွန်အနိစ္စ ရောက်ခဲ့ပါတယ်။ သူနဲ့ ခေတ်ပြိုင် စာရေးစရာဖြစ်သူ ဂျေ အလ် ဘာ့ဂ်ဂရင်း (J. L. Berggren) ကတော့ “အစ်ဗနေ့ ဆီနန်ရဲ့ တည်တံ့ဆဲ ဖော်ထုတ်တွေ့ရှိချက်တွေဟာ သင်္ချာသမိုင်းမှာ အရေးပါတဲ့ ပုဂ္ဂိုလ်တစ်ဦးဖြစ်တယ်ဆိုတဲ့ သူ့ရဲ့ဂုဏ်သိမ်ကို ဖော်ညွှန်းနေပါတယ်” လို့ ရေးသားခဲ့ပါတယ်။

နောက်ပြီး အီဗရာဟင် အစ်ဗနေ့ ဆီနန်ရဲ့ အောင်မြင်မှုတွေကိုလည်း ဘာ့ဂ်ဂရင်းက အခုလို ဖော်ကျူးခဲ့ပါတယ်။

“ပါရာဘိုလာ အစိတ်အပိုင်းနဲ့ပတ်သက်တဲ့နယ်ပယ်မှာ သူ့ရဲ့ ဖော်ထုတ်မှုဟာ အရိုးရှင်းဆုံးဖြစ်ပြီး အနောက်တိုင်းမှာ သိပ္ပံပညာစတင်ထွန်းကားခဲ့တဲ့ ရီနေဆန်း (Renaissance) ကာလ မတိုင်ခင်ကတည်းက ကျွန်တော်တို့အပေါ်မှာ လွှမ်းမိုးခဲ့ပါတယ်။ နေနာရီနဲ့ပတ်သက်ပြီး သူ့ရဲ့ ကြိုးပမ်းအားထုတ်မှုတွေမှာလည်း နည်းလမ်းတစ်ခု၊ ဒါမှမဟုတ် ပေါင်းစပ်ထားတဲ့ နည်းလမ်းတွေနဲ့ လုပ်လို့ရနိုင်သမျှ နေနာရီပုံသဏ္ဍာန်မျိုးစုံကို ဒီဇိုင်းထုတ် တည်ဆောက်ခဲ့ပါတယ်။ ဒီဖော်ထုတ်မှုတွေက သူ့အရင်ပညာရှင်တွေ မစွမ်းသာခဲ့တဲ့ ပြဿနာတွေကို အောင်မြင်ဆန်းသစ်စွာ ဖြေရှင်းဖော်ထုတ်နိုင်ခဲ့တယ်ဆိုတာကို ဖော်ကျူးနေတာလည်း ဖြစ်ပါတယ်”

 လက်တွေ့အသုံးချပြီ

ဗလီဝတ်ကျောင်းတော်တွေ၊ နန်းတော်တွေနဲ့ စာကြည့်တိုက်တွေလို အများပြည်သူသုံး အဆောက်အဦးတွေကို အလှဆင်ရာမှာ အသုံးပြုနိုင်မယ့် လက်တွေ့အသုံးချ ဂျီသြမေတြီလက်ရာ ဒီဇိုင်းတွေနဲ့ ပတ်သက်ပြီးတော့လည်း မွတ်စလင်ပညာရှင်တွေက လေ့လာဖော်ထုတ်ခဲ့ကြပြီး လက်မှုပညာသည်တွေရဲ့ လက်ရာတွေကို ချဲ့ထွင်တာ၊ အဲဒီအနုပညာလက်ရာတွေရဲ့ အဆုံးစွန်ဆုံးအထိ ရှာဖွေဖော်ထုတ်တာတွေကိုလည်း ပြုလုပ်ခဲ့ကြပါတယ်။

သက္ကရာဇ် ၉၅၀ မှာ ကွယ်လွန်ခဲ့ပြီး ဂီတနဲ့ ဒဿနိကဗေဒတွေဆိုင်ရာ ကျမ်းတွေပြုစုတာ၊ အရစ္စတိုတယ်ရဲ့ တွေ့ရှိချက်တွေနဲ့ပတ်သက်ပြီး ရှင်းလင်းချက်ရေးတာတွေနဲ့ ထင်ရှားကျော်ကြားတဲ့ မွတ်စလင်ပညာရှင်ကြီး အဘူ နာဆာရ် အလ်-ဖာရာဘီ (Abu Nasr Al-Farabi) ဟာ ပစ္စည်းကိရိယာ အကန့်အသတ်ရှိနေတဲ့ အဲဒီခေတ်ကာလမှာ ရနိုင်သမျှ ကိရိယာတွေကို အသုံးပြုပြီး ဂျီသြမေတြီဆိုင်ရာ တည်ဆောက်မှုနဲ့ပတ်သက်တဲ့ ကျမ်းကြီးတစ်စောင် ရေးသားနိုင်ခဲ့တဲ့အတွက် ချီးကျူးခံခဲ့ရပါတယ်။ လက်တွေ့အသုံးချ ဂျီသြမေတြီပညာရပ်နဲ့ပတ်သက်တဲ့ သူရဲ့ ဖော်ထုတ်တွေ့ရှိချက်တွေကို A Book of Spiritual Crafts and Natural Secrets in The Details of Geometrical Figures (ဂျီသြမေတြီ ပုံသဏ္ဍာန်များတွင် တည်ရှိနေသော ဆန်းကြယ်သည့် လက်မှုပညာနှင့် သဘာဝတရား၏ လျှို့ဝှက်ချက်ဆိုင်ရာကျမ်း) ဆိုတဲ့ ကျမ်းထဲမှာ အသေးစိတ်ဖော်ပြထားပြီး ဒီကျမ်းကြီးဟာ သင်္ချာနယ်ပယ်မှာတော့ ရှားပါးပြီး တစ်မူထူးခြားတဲ့ ကျမ်းကြီးအဖြစ် သတ်မှတ်ခံထားရပါတယ်။ အလ်-ဖာရာဘီရဲ့ ဒီဖော်ထုတ်တွေ့ရှိချက်တွေကို နောက်ပိုင်းမှာ မွတ်စလင်ပညာရှင်ကြီးတစ်ဦးဖြစ်တဲ့ အဘူ အလ်-၀ါဖာ (Abu Al-Wafa) က ထပ်မံဖြည့်စွက်ခဲ့ပါတယ်။ အလ်-ဖာရာဘီကွယ်လွန်စဉ်မှာ လူငယ်သာရှိသေးတဲ့ အလ်-၀ါဖာဟာ သူ့ရဲ့ On Those Parts of Geometry Needed By Craftsmen (လက်မှုပညာရှင်များ နားလည်ထားရမည့် ဂြီသြမေတြီသဘောတရားများဆိုင်ရာကျမ်း) ဆိုတဲ့ စာအုပ်မှာ အဆောက်အဦးဆောက်လုပ်မှုတွေမှာ အသုံးချနိုင်တဲ့ ဂြီသြမေတြီသဘောတရားတွေကို အပြည့်အစုံ ဖော်ပြထားပါတယ်။

အဘူ-အလ်ဝါဖာ အဓိကထား ဖြေရှင်းခဲ့တဲ့ ဂျီသြမေတြီဆိုင်ရာ ပြဿနာတွေထဲမှာ ပေးထားတဲ့ စက်ဝိုင်းစိတ်တစ်ခုရဲ့ အဆုံးမှတ်နဲ့ ထောင့်မှန်ကျအောင် ချိန်ညှိမှု ၊ စက်ဝိုင်းတစ်ခုနဲ့  အနား ၃ နားကနေ ၁၀ နားအထိပါဝင်တဲ့ ဗဟုဂံတွေအတွင်း အချိုးကျတဲ့ စတုရန်းတွေ တည်ဆောက်မှုလည်း ပါဝင်ခဲ့ပါတယ်။

ဂြီသြမေတြီဟာ မွတ်စလင် အနုပညာရှင်တွေ၊ ဗိသုကာပညာရှင်တွေနဲ့ လက်ရေးလက်သားအလှ ပညာရှင်တွေရဲ့ ထူးထူးခြားခြား အလေးပေးအာရုံစိုက်မှုကိုလည်း ခံခဲ့ရပါတယ်။ အဲဒီ ပညာရှင်ကြီးတွေဟာ သဘာဝတရားမှာရှိနေတဲ့ အတိုင်းအတာအချိုးအစားတွေနဲ့ သင်္ချာဆိုင်ရာ ဖော်ပြချက်တွေအကြား နီးစပ်မှုတွေကို သတိမူမိခဲ့ကြသလို၊ အဲဒီ နက်ရှိုင်းတဲ့ဆက်သွယ်မှုက သူတို့ရဲ့ အသိပညာပိုင်းဆိုင်ရာမှာ ဉာဏ်ကွန့်မြူးဖို့ တွန်းအားတစ်ရပ် ဖြစ်စေခဲ့ပါတယ်။

အဲဒီ အတိုင်းအတာ အချိုးအစားတွေထဲမှာ ခရုခွံနဲ့ သစ်ရွက်တွေလို သဘာဝလောကကြီးမှာ တွေ့ရများလေ့ရှိပြီး မျက်စိပသာဒရှိတဲ့ အတိုင်းအတာ “Golden Ratio” လည်း ပါဝင်ပါတယ်။ သာမန်လူနားလည်လွယ်အောင် ပြောရရင် Golden Ratio ဆိုတာဟာ အရာဝတ္တုတစ်ခုရဲ့ ဗျက်က သူ့အမြင့်ထက် ၃ ပုံ ၂ ပုံရှိနေတဲ့ ပုံသဏ္ဍာန်မျိုးဖြစ်ပါတယ်။ ဒါကို Golden Section ဒါမှမဟုတ် Golden Line လို့လည်း ခေါ်ပါသေးတယ်။ ဒဿမကိန်းအရ ၁.၆၁၈ ဖြစ်ပြီး၊ အချိုးအရ ၈ အချိုး ၁၃ (၈း၁၃) ဖြစ်တဲ့ အဲဒီ Golden Ratio ကို အနုပညာနဲ့ ဗိသုကာလက်ရာ တော်တော်များများမှာ တွေ့မြင်နိုင်မှာဖြစ်ပါတယ်။

အတိုင်းအဆနဲ့ အချိုးချမှု

အနုပညာရှင်တွေဟာ ဒီအသုံးဝင်လှတဲ့ ဂြီသြမေတြီဆိုင်ရာ တွေ့ရှိချက်အတွက် ရင်သပ်ရှုမောခဲ့ရပြီးတဲ့နောက်မှာတော့ “အတိုင်းအဆနဲ့ အချိုးချမှု” ဆိုတဲ့ နယ်ပယ်သစ်ဆီ အာရုံစိုက်ခဲ့ကြပါတယ်။

“စင်ကြယ်သော ညီအစ်ကိုများ” လို့ အဓိပ္ပါယ်ရပြီး ၁၀ ရာစု မွတ်စလင်ပညာရှင်တွေနဲ့ ဖွဲ့စည်းထားတဲ့ အစ်ခ်ဝမ် အလ်-ဆာဖာ (Ikhwan al-Safa) အဖွဲ့ဟာ Rasail (စာလွှာများ) ဆိုတဲ့ ကျမ်းမှာ “အတိုင်းအဆနဲ့ အချိုးချမှု” နဲ့ပတ်သက်လို့ သူ့တို့ရဲ့ အယူအဆတွေကို ရေးသားမှတ်တမ်းတင်ခဲ့ပါတယ်။ သူတို့ဟာ အေဒီ ၁ ရာစုက ဗိသုကာပညာရှင်နဲ့ စာရေးဆရာဖြစ်ပြီး လူခန္ဓာကိုယ်ကို အတိုင်းအဆနဲ့ အချိုး စံစနစ်အဖြစ် တိုင်းတာမှတ်ယူခဲ့သူ ဗီထရူဗီးယက်စ် (Vitruvius) ရဲ့ ကျမ်းကြီးကို ဖတ်ရှုလေ့လာခဲ့ပြီး အဲဒီအယူအဆဟာ မပြည့်စုံဘူးလို့ မှတ်ယူခဲ့ပါတယ်။ ဘာ့ကြောင့်လဲဆိုတော့ သူရဲ့ အချိုးချမှု အယူအဆမှာ အလယ်ဗဟိုကို လူရဲ့ ချက်မှာမထားဘဲ ပေါင်ခြံနဲ့ မြီးညှောင့်ရိုးမှာ ထားလို့ပါပဲ။

ဗီထရူးဗီးယက်စ်ရဲ့ အယူအဆကလည်း ရှေးခေတ်အီဂျစ်တွေရဲ့ အချိုးသီအိုရီတွေကို အုတ်မြစ်အဖြစ်ယူထားတဲ့ ဂရိတွေရဲ့ စံအပေါ်မှာ အခြေခံထားတာဖြစ်ပါတယ်။ အီဂျစ်တွေရဲ့ အဲဒီ အချိုးသီအိုရီဟာ သူတို့ နတ်ဘုရား အိုဆီရစ် (Osiris) ရဲ့ ကျောရိုးမကြီးနဲ့ ဆက်စပ်နေတာဖြစ်ပါတယ်။

အစ်ခ်ဝမ် အလ်-ဆာဖာအဖွဲ့ဟာ ဒီကိစ္စအပေါ် အပတ်တကုတ် လေ့လာအားထုတ်ခဲ့ပြီးတဲ့နောက်မှာတော့ နောက်ဆုံး ကောက်ချက်တစ်ခု ချမှတ်နိုင်ခဲ့ပါတယ်။ သူတို့ရဲ အချိုးချမှု အယူအဆမှာ လူ့ခန္ဓာကိုယ်ရဲ့ လက်နှစ်ဖက်နဲ့ ခြေထောက်နှစ်ဖက်ကို ဆန့်တန်းစေကာ လက်ရဲ့ ထိပ်ဖျားနဲ့ ခြေထောက်ရဲ့ ထိပ်ဖျားတွေဟာ စက်ဝိုင်းတစ်ခုရဲ့ စက်ဝန်းကို သွားထိတယ်လို့ မှတ်ယူခဲ့ပါတယ်။ တစ်ကယ်လို့ အဲဒီလူဟာ အသက် ၇ နှစ်အောက်ဖြစ်မယ်ဆိုရင် အလယ်ဗဟိုဟာ ‘ချက်’ ဖြစ်တယ်လို့ သတ်မှတ်ခဲ့ပါတယ်။ ဒီ အလယ်ဗဟိုသတ်မှတ်ချက်ဟာ ပြည့်စုံပေမယ့် အသက် ၇ နှစ်ကျော်သွားတဲ့ လူ့ခန္ဓာကိုယ်နဲ့တော့ သင့်လျော်ခြင်း မရှိခဲ့ပါဘူး။ မွေးကင်းစမှာ လူ့ခန္ဓာကိုယ်ရဲ့ အလယ်ဗဟိုဟာ ချက်ဖြစ်ပြီး ကြီးလာတဲ့အခါမှာတော့ ပေါင်ခြံ၊ ဒါမှမဟုတ် မြီးညှောင့်ရိုးဆီကို ပြောင်းသွားခဲ့ပါတယ်။

အနံ ၈-ဆ အလျား ၁၀-ဆဖြစ်ပြီး အလယ်ဗဟိုက ချက်ဖြစ်တယ်ဆိုတဲ့ အစ်ခ်ဝမ် အလ်-ဆာဖာအဖွဲ့ရဲ့ ဒီအချိုးသတ်မှတ်ချက်ဟာ ဘာသာရေးဆိုင်ရာ ပန်းချီရေးဆွဲမှုတွေအတွက် အရေးပါတဲ့ အတိုင်းအတာတစ်ခု ဖြစ်ခဲ့ပါတယ်။ အဲဒီအချိုးသတ်မှတ်ချက် အပြည့်အစုံကတော့ ခန္ဓာကိုယ်တစ်ခုလုံးဟာ ဦးခေါင်းအရှည်ပမာဏရဲ့  ၈-ဆ၊ ခြေဖ၀ါးတစ်ခုနဲ့ မျက်နှာဟာ ခန္ဓာကိုယ်တစ်ခုလုံးအရှည်ရဲ့ ၈-ပုံ ၁-ပုံ၊ နဖူးက မျက်နှာရဲ့ ၃-ပုံ ၁-ပုံ၊ မျက်နှာက နှာခေါင်းနဲ့ နားရွက်တို့ရဲ့ ၄-ဆ စသဖြင့် ဖြစ်ပါတယ်။

အသက်ရှင်ရပ်တည်မှုနဲ့ အဟာရရှိရာကို ကိုယ်စားပြုတဲ့ ချက်ကို စက်ဝိုင်းရဲ့ အလယ်ဗဟိုချက်မအဖြစ် ထားရှိခြင်းဟာ အံ့သြဖွယ်ရာကောင်းတဲ့ သတ်မှတ်ချက်တစ်ခုလည်းဖြစ်ပြီး သဘာဝရဲ့ သရုပ်သကန်လည်း ဖြစ်ပါတယ်။ အစ်ခ်ဝမ် အလ်-ဆာဖာ အဖွဲ့က ဖော်ထုတ်ခဲ့တဲ့ ဒီအချိုးချမှု သီအိုရီဟာ ၁၀ ရာစု စကြာဝဠာဗေဒ၊ ဂီတဖန်တီးမှု၊ လက်ရေးလှအတတ်ပညာနဲ့ အနုပညာနယ်ပယ်အားလုံးမှာ ရောင်ပြန်ဟပ်ခဲ့ပါတယ်။ ပြီးတော့ ဒါဟာ ဂြီသြမေတြီပညာရပ်က လျှို့ဝှက်နက်နဲမှုတွေကို ရှာဖွေဖော်ထုတ်နိုင်ဖို့အတွက် အရေးပါတဲ့ သော့ချက်တစ်ခုအဖြစ်လည်း မှတ်ယူခံခဲ့ရပါတယ်။

ဥပမာအားဖြင့် မွတ်စလင်ပညာရှင်တွေက အချိုးချမှုပညာရပ်မှာ အခြေခံလို့ သတ်မှတ်ခဲ့တဲ့ ၈ ချိုး အခြေပြု အချိုးချမှုရဲ့ သဘာဝအလျောက်ညီညွတ်မှုဟာ ဂီတ၊ ကဗျာစပ်ဆိုသီကုံးမှု၊ လက်ရေးလှအတတ်ပညာနဲ့ အနုပညာဆိုင်ရာ ပုံဖော်မှုတွေမှာ အသုံးချဖို့အတွက် တွန်းအားလည်း ဖြစ်စေခဲ့ပါတယ်။

မွတ်စလင်ပညာရှင်တွေဟာ ဂျီသြမေတြီရဲ့ အခြေခံအုတ်မြစ်ကို ချပေးခဲ့ရုံသာမကဘဲ အိုမာရ် အလ်-ခေယမ် (Umar al-Khayyam) နဲ့ အလ်-တူဆီ (Al-Tusi) တို့လို့ ပညာရှင်ကြီးတွေဟာလည်း အလ်ဂျီဘရာအခြေပြု ဂျီသြမေတြီ၊ မှန်ဘီလူးတွေရဲ့ ဂျီသြမေတြီဆိုင်ရာ သီအိုရီတွေ စတဲ့ ဂျီသြမေတြီပညာရပ်ရဲ့ နယ်ပယ်အသစ်တွေကို ဖော်ထုတ်ချဲ့ထွင်ခဲ့သူတွေ ဖြစ်ခဲ့ပါတယ်။

(ကိုးကား- National Geographic ၏ 1001 Inventions – The Enduring Legacy of Muslim Civilization)

(ကမ္ဘာ့လူ့အဖွဲ့အစည်းတွင် ယနေ့တိုင်ရှင်ကျန်နေသည့် မွတ်စလင်တို့၏ အမွေအနှစ်များ – တင်ဆက်ပြီးသမျှ အပိုင်းအားလုံးကို  ဤနေရာ တွင် ဖတ်ရှုနိုင်ပါသည်။)