Category: သုတ၊ရသနှင့်အထွေထွေ

ဆောင်းပါများ၊ ကဗျာများ။ ဝထ္ထုများ၊ ဗဟုသုတ ဖြစ်ဖွယ်ရာများ စသဖြင့်

မြန်မာနိုင်ငံနှင့် နိုင်ငံခြား ရင်းနှီးမြှုပ်နှံမှု အလားအလာ

ဇန်နဝါရီ ၂၆ ၊ ၂၀၁၅
M-Media

– ဇန်န၀ါရီလ ပထမနှစ်ပတ်အတွင်းမှာပင် ရန်ကုန်ရှိ ရင်းနှီးမြှုပ်နှံမှုနှင့် ကုမ္ပဏီများ ညွှန်ကြားမှု ဦးစီးဌာန DICA ရုံးခန်းသို့ နိုင်ငံရပ်ခြား ကုမ္ပဏီလေးခုမှ ကိုယ်စားလှယ်များ လာရောက်ကြသည်ဟု DICA ၏ ၀ဘ်ဆိုက်တွင် ဖော်ပြထားသည်။

အဆိုပါကိုယ်စားလှယ်များမှာ Toyota Tsusho ကော်ပိုရေးရှင်း၊ နည်းပညာ ကုမ္ပဏီ ZTE ကော်ပိုရေးရှင်း၊ ရေနံကုမ္ပဏီ Shell Eastern Petroleum (Pte) Ltd နှင့် Siam Commercial Bank (SCB) တို့ဖြစ်ကြသည်။ ၎င်းတို့က မြန်မာနိုင်ငံတွင် ရင်းနှီးမြှုပ်နှံမှုနှင့် ပတ်သက်သည့် ကိစ္စရပ်များကို DICA မှ အထွေထွေ ဒါရိုက်တာ ဦးအောင်နိုင်ဦးနှင့် ဆွေးနွေးခဲ့ကြသည်။

SCB ၏ ကိုယ်စားလှယ်အဖွဲ့ကို ဦးဆောင်သူကတော့ အမှုဆောင်ကော်မတီဥက္ကဌ၏ အကြံပေးဖြစ်ပြီး ရန်ကုန် ကိုယ်စားလှယ်များ ရုံးရှိ နိုင်ငံတကာ ဘဏ်လုပ်ငန်းရုံးချုပ်မှ ကမာလ်ခန့် အဂ္ဂါဝါလ်ဖြစ်သည်။

စင်ကာပူအခြေစိုက် ရေနံကုမ္ပဏီ Shell Eastern Petroleum (Pte) Ltd မှ စီးပွားရေးဖွံ့ဖြိုးတိုးတက်မှု မန်နေဂျာ စတိဗ်ဂျုန်းစ်ကိုလည်း ဇန်န၀ါရီ ၈ ရက်နေ့က DICAရုံးခန်းတွင် တွေ့ဆုံခဲ့သည်။

ထိုနေ့မတိုင်ခင် တစ်ရက်က ဦးအောင်နိုင်ဦးမှာ ZTE ကုမ္ပဏီ၏ ဘဏ္ဍာရေးအရာရှိ ၀မ်ဝေချောင်ကို တွေ့ဆုံခဲ့ပြီး ထိုနေ့မှာပင် Toyota Tsusho ကုမ္ပဏီကိုယ်စားလှယ် ဆင်နီချီ ဟွန်ဒိုကိုလည်း တွေ့ဆုံခဲ့သည်။

SCB နှင့် ZTE တို့၏ ရုံးခန်းများက ရန်ကုန်တွင်ရှိနေပြီး တိုယိုတာလုပ်ငန်းအုပ်စု၏ တစ်ခုတည်းသော ကုန်သွယ်ရေးကုမ္ပဏီဖြစ်သော Toyota Tsusho က ဆက်သွယ်ရေး ရုံးမှတစ်ဆင့် လုပ်ငန်းများကို လုပ်ဆောင်နေသည်။ Shell ကတော့ မြန်မာနိုင်ငံတွင် ရုံးခန်းမရှိသေး။ သို့သော်လည်း မြန်မာနိုင်ငံအတွင်း လုပ်ငန်း လုပ်ပိုင်ခွင့်ရရှိခဲ့သည့် နိုင်ငံခြား သဘာဝ သယံဇာတ ရှာဖွေရေးလုပ်ငန်းများထဲတွင် တစ်ခု အပါအ၀င် ဖြစ်လေသည်။ နိုင်ငံခြား ရင်းနှီးမြှုပ်နှံမှုများ အတွက် မြန်မာနိုင်ငံက တံခါးဖွင့်လိုက်ကတည်းက ကမ္ဘာတစ်ဝှမ်းမှ ကုမ္ပဏီများမှာ မြန်မာနိုင်ငံနှင့် ဆက်သွယ် လုပ်ကိုင်ရန် အတွက် စိတ်ဝင်စားမှုများ ပြလာသည်။ ရလဒ်အနေဖြင့် မြန်မာနိုင်ငံတွင် နိုင်ငံခြားမှ တိုက်ရိုက် ရင်းနှီးမြှုပ်နှံမှု တိုးလာခဲ့လေသည်။

ကန်ဒေါ်လာ ၆.၆ ဘီလီယံ စီမံကိန်း မီးစိမ်းပြပြီ

၂၀၁၄ ဧပြီလက စတင်ခဲ့သည့် ၂၀၁၄-၂၀၁၅ ဘဏ္ဍာရေးနှစ် ပထမ ကိုးလအတွင်းမှာပင် ကန်ဒေါ်လာ ၆.၆ ဘီလီယံ တန်ဖိုးရှိ နိုင်ငံခြား ရင်းနှီးမြှုပ်နှံမှု စီမံကိန်းသစ်များကို မြန်မာ့ ရင်းနှီးမြှုပ်နှံမှု ကော်မရှင် MIC က လက်ခံအတည်ပြုခဲ့သည်။ ၂၀၁၃-၂၀၁၄ ဘဏ္ဍာရေးနှစ် တစ်လျှောက်လုံး နိုင်ငံခြား ရင်းနှီးမြှုပ်နှံမှု ပမာဏ ကန်ဒေါ်လာ ၄.၁ ဘီလီယံသာရှိခဲ့ပြီး ယခုနှစ် ပထမကိုးလအတွင်းမှာပင် ထိုပမာဏထက် ၁.၄ ဘီလီယံ ကျော်တက်ခဲ့လေပြီ။

၂၀၁၄ ခုနှစ် အဆုံးသတ်သည့်အချိန်တွင် နိုင်ငံပေါင်း ၃၇ နိုင်ငံမှ ကုမ္ပဏီပေါင်း ၈၅၉ ခုက လုပ်ငန်းလုပ်ပိုင်ခွင့်ရရှိခဲ့ပြီး စုစုပေါင်း တန်ဖိုးမှာ ကန်ဒေါ်လာ ၅၂.၈ ဘီလီယံ ရှိခဲ့သည်။ လုပ်ပိုင်ခွင့်ရခဲ့သော ကုမ္ပဏီ စုစုပေါင်း၏ ၂၇.၄၃ ရာခိုင်နှုန်းမှာ တရုတ်နိုင်ငံမှဖြစ်ပြီး နံပါတ် ၁ ချိတ်ခဲ့သည်။ ထိုင်းနိုင်ငံက ၁၉.၄၁ ရာခိုင်နှုန်းဖြင့် ဒုတိယနေရာတွင်ရှိနေပြီး၊ စင်ကာပူက ၁၅.၇၈ ရာခိုင်နှုန်းဖြင့် တတိယ၊ ဟောင်ကောင်က ၁၃.၁၆ ရာခိုင်နှုန်းဖြင့် စတုတ္ထ၊ ယူကေက ၇.၀၃ ရာခိုင်နှုန်းဖြင့် ပဉ္စမနေရာတွင် ရှိခဲ့လေသည်။

ထိုအထဲမှ နိုင်ငံပေါင်း ၃၁ နိုင်ငံ၏ ကုမ္ပဏီပေါင်း ၅၉၈ ခုက မြန်မာနိုင်ငံအတွင်း ကန်ဒေါ်လာ ၄၂.၇၈ ဘီလီယံတန်ဖိုး ရင်းနှီးမြှုပ်နှံမှုများ ပြုလုပ်ခဲ့သည်။ ထိုကုမ္ပဏီများထဲတွင် တရုတ်နိုင်ငံမှ ၆၇ ခုပါဝင်ပြီး အမြင့်ဆုံးဖြစ်ခဲ့ကာ ၎င်းတို့၏ ရင်းနှီးမြှုပ်နှံမှုတန်ဖိုးမှာ ကန်ဒေါ်လာ ၁၄၄ ဘီလီယံအထိ ရှိနေသည်။ ကုမ္ပဏီအားလုံး၏ စုစုပေါင်း ရင်းနှီးမြှုပ်နှံမှု၏ ၃၃.၇ ရာခိုင်နှုန်းဖြစ်သည်။ ထို့နောက်တွင် စင်ကာပူ (၁၈.၇၀ ရာခိုင်နှုန်း)၊ ဟောင်ကောင် (၁၆.၀၄ ရာခိုင်နှုန်း)၊ ကိုရီးယားနှင့် ထိုင်း (၇.၃၆ ရာခိုင်နှုန်းစီ) အသီးသီးရှိနေကြသည်။ လုပ်ငန်းလုပ်ကိုင်ခွင့်ရခဲ့သော ထိုင်းကုမ္ပဏီ ၈၁ ခုတွင် ၄၅ ခုက ရင်းနှီးမြှုပ်နှံခဲ့ကြပြီး စုစုပေါင်း တန်ဖိုး ကန်ဒေါ်လာ ၃.၂ ဘီလီယံ ရှိနေသည်။

အထူးသဖြင့် ဂျပန်မှ ကုမ္ပဏီ ၄၆ ခုက ရင်းနှီးမြှပ်နှံမှု လုပ်ခဲ့ကြပြီး ကန်ဒေါ်လာ ၂၈၅ သန်း တန်ဖိုးရှိ၏။ ထိုမျှမကသေး- သီလ၀ါအထူးစီးပွားရေးဇုန်နှင့် ထားဝယ်အထူးစီးပွားရေးဇုန်များ တည်ဆောက်ပြီးနောက် ဂျပန်မှ ရင်းနှီးမြှုပ်နှံမှုများ ထပ်မံ၍ ၀င်လာဖွယ်ရှိနေသည်။ သီလ၀ါ အထူးစီးပွားရေးဇုန်ကိုလည်း ဂျပန်ကုမ္ပဏီများက ဦးဆောင်ကာ အကောင် အထည်ဖော်နေခြင်း ဖြစ်သည်။ မြန်မာနိုင်ငံ၌ ရှိပြီးသား ရင်းနှီးမြှုပ်နှံမှုများတွင် ဥရောပနိုင်ငံအတော်များများနှင့် ရုရှား၊ ပနားမား၊ မော်ရေးရှက်စ်နှင့် ဆာမိုအာ နိုင်ငံများလည်း ပါဝင်လေသည်။

ပြီးခဲ့သည့်နှစ် အတွင်းက ပြုလုပ်ခဲ့သော ထိုင်းရင်းနှီးမြှုပ်နှံသူများအတွက် ရှင်းလင်းပြောကြားမှုတစ်ခုတွင် Standard Chartered Bank (Myanmar) မှ အကြီးအကဲ တီနာ ဆင်းဆာချာက ပြုပြင်ပြောင်းလဲမှုများ ပိုမိုပြုလုပ်ရန် မြန်မာအစိုးရ၏ ကတိက၀တ်၊ သဘာဝ သယံဇာတများနှင့် လုပ်သားအလျှံပယ်ရှိနေခြင်း စသည့်အချက်များက နိုင်ငံခြားသား ရင်းနှီးမြှုပ်နှံသူများကို အဓိကဆွဲဆောင်နိုင်သည့် အချက်များဖြစ်သည်ဟု ပြောကြားခဲ့သည်။

မြန်မာနိုင်ငံအနေဖြင့် စီးပွားရေးတွင် ခုန်ပျံကျော်လွှားနိုင်မည်ဟုလည်း သူမက ထည့်ပြောခဲ့သည်။ ပြီးခဲ့သည့်နှစ် အတွင်း ငွေကြေး ခ၀ါချမှုကို ကျော်လွှားနိုင်ခဲ့သည့် ဥပမာတစ်ခုကို သူမက ထောက်ပြခဲ့သည်။ သေးငယ်ပြီး ဖွံ့ဖြိုးတိုးတက်မှုအနိမ့်ဆုံး နိုင်ငံများမှ တစ်နိုင်ငံဖြစ်နေသော်လည်း နိုင်ငံအတွင်းရှိ ဘဏ်လုပ်ငန်း ၂၃ ခုက နိုင်ငံတစ်ဝှမ်း မိုဘိုင်း ဘဏ်လုပ်ငန်း ၀န်ဆောင်မှုပေးရန် စီစဉ်နေသည်။

သို့သော်လည်း ရန်ကုန်အတွင်း ရင်းနှီးမြှုပ်နှံရန်အတွက်မှာ အလွန်စောနေသေးပြီး ရန်ကုန်ရှိ လမ်းများပိတ်ဆို့မှု၊ အခြေခံ အဆောက်အဦးများ အားနည်းမှုနှင့် အင်တာနက်မြန်နှုန်း နှေးကွေးမှုတို့က အဓိက စိန်ခေါ်မှုများဖြစ်နေသည်ဟု သူမက ထောက်ပြခဲ့သည်။

`နိုင်ငံအကြောင်းနားလည်ဖို့ အောက်ခြေကို တတ်နိုင်သလောက်ဆင်းကြည့်ကြပါ။ မျက်စိတွေနားတွေ ဖွင့်ထားဖို့လိုပြီး မြန်မြန်ဆန်ဆန် လုပ်ဖို့အတွက် ပြင်ဆင်ထားဖို့လည်း လိုအပ်ပါတယ်။ လုပ်ငန်းတစ်လျှောက်လုံမှာ စိတ်ရှည် သည်းခံဖို့လိုပြီး ရှေ့နေကောင်း တစ်ယောက်လည်းလိုအပ်ပြီး ရေရှည် စွဲစွဲမြဲမြဲလုပ်ဖို့လည်း လိုအပ်ပါတယ်။ ကျွမ်းကျင်လုပ်သားတွေ နည်းပါးတာကြောင့် စွမ်းရည်မြှင့်တင်ရေး အစီအစဉ်တွေရှိတဲ့ ဘယ်လိုလုပ်ငန်းမဆို ရေရှည်မှာ အကျိုးကျေးဇူးရနိုင်ပါတယ်´ ဟု မြန်မာနိုင်ငံတွင် ရင်းနှီးမြှုပ်နှံသူများ အတွက် လိုအပ်သောအချက်အချို့ကို သူမက မီးမောင်းထိုးပြခဲ့သည်။

ref: The Nation
လေးမောင် ဘာသာပြန်ဆိုသည်။

January 26, 2015
အရှိန်တက် တရုတ်-အမေရိကန် အားပြိုင်မှုကြားက မြေစာပင် မြန်မာ

ဇန်နဝါရီ ၂၅ ၊ ၂၀၁၅
M-Media

ရပ်တည်ချက်အတိုင်း မယိုင်မလဲရှေ့ဆက်ရန် နေပြည်တော်သို့ ၀ါရှင်တန်မှ တွန်းအားပေးလိုက်ပြီးသည့်နောက် တရုတ်ပြည်မှ လိပ်ခဲတည်းလည်း ခံစားနေရသည်။ မြန်မာနိုင်ငံသည် ဘေဂျင်း၏ စွမ်းအင်လုံခြုံရေးနှင့် ပိုးလမ်းမကြီး စီမံကိန်းများဆိုင်ရာ မဟာဗျူဟာဒေသဖြစ်နေ၍ပင်။

ပြည်ပနေ တရုတ်လူမျိုးတို့၏ ၀က်ဘ်ဆိုဒ်ဖြစ်သော Duowei မှ တင်ပြသည်မှာ – ၀ါရှင်တန် ကျောထောက်နောက်ခံ လက်တင် အမေရိကနိုင်ငံများနှင့် လက်ပွန်းတတီးဆက်ဆံမှု၌ တရုတ်၏ အာရုံစိုက်နေမှုသည် မြန်မာနိုင်ငံအား အမေရိကန်၏ တွန်းအားပေး ဆုံးဖြတ်ချက်အပေါ် သြဇာသက်ရောက်စေရန်ဖြစ်သည်။

တရုတ်ပြည်၏ မဟာဗျူဟာပြည်နယ် တစ်ခုဖြစ်သော ယူနန်သည် မြန်မာပြည်တွင်း အမေရိကန်၏ ထိုးဖောက်မှုများအတွက် အကြွင်းမဲ့ ပစ်မှတ်ဟု သုတေသီများက ဆိုကြသည်။ ယူနန်ပြည်နယ်သည် မြန်မာ၊ လာအို၊ ဗီယက်နမ် နိုင်ငံနယ်နမိတ်များနှင့် ထိစပ်လျက်ရှိပြီး အရှေ့တောင်အာရှထွက်လမ်းအဖြစ် တည်ရှိကာ သမ္မတ စီဂျင်းပင်၏ ၂၁ ရာစု ပင်လယ်ဖောက် ပိုးလမ်းမကြီး 21st century Maritime Silk Road (MSR) စီမံကိန်း စတင်ရာ အပါအ၀င်နယ်မြေတစ်ခု ဖြစ်၏။

အောက်တိုဘာလတွင်ကျင်းပမည့် မြန်မာ့ရွေးကောက်ပွဲ အကြိတ်အနယ် အချိန်တွင် သြဇာပြိုင်ဆိုင်မှုမှာ အထွဋ် အထိပ်သို့ ရောက် လာနိုင်ပြီး၊ ၎င်း၏ရလဒ်များက ပထ၀ီနိုင်ငံရေးရေချိန်အား သတ်မှတ်ပေးဖွယ်ရှိနေသည်။

Duowei ၏အဆိုအရ ဇန္န၀ါရီလ ၁၁ ရက်မှ ၁၅ ရက်အတွင်း အမေရိကနှင့် မြန်မာအကြား လူ့အခွင့်အရေး စကားဝိုင်းများ ရှိခဲ့သည်။ စကားဝိုင်းအတွင်း အမေရိကန် ကိုယ်စားလှယ်အဖွဲ့ဦးဆောင်သူ ဒီမိုကရေစီ၊ လူ့အခွင့်အရေးနှင့် လုပ်သားရေးရာ ဒုဝန်ကြီး Tom Malinowski အပြင် အမေရိကန် ပစိဖိတ်စစ်ဌာနချုပ်မှ ထိပ်တန်း အရာရှိကြီးနှစ်ဦးဖြစ်သော ဒုဗိုလ်ချုပ်ကြီး အင်ထော်နီ ခရခ်ျဖီးလ်ဒ်၊ အရှေ့အာရှရေးရာ လက်ထောက် ကာကွယ်ရေးရေး ဝန်ကြီး David F Helvey လည်း ပါဝင်ခဲ့၏။ ပြည်တွင်းစစ်၌ ကြားညှပ်နေသောဒေသဖြစ်သည့် ကချင်ပြည်နယ်ရှိ မြစ်ကြီးနားမြို့သို့လည်း ဗိုလ်ချုပ် ခရခ်ျဖီးလ်ဒ် မှ အလည်အပတ် သွားရောက်ခဲ့သေးသည်။

ကချင်ပြည်နယ်၏တိုက်ပွဲများအကြား ပိတ်မိနေသည့် တရုတ်နိုင်ငံသားအချို့အတွက် လတ်တလောတွင် တရုတ်သံ အမတ်ကိုယ်စားလှယ် အဖွဲ့တစ်ခုသည် မြစ်ကြီးနားသို့ ရောက်လျက်ရှိသည်။

မြန်မာအစိုးရတပ်ဖွဲ့နှင့် ကချင်လွတ်လပ်ရေးတပ်မတော် KIA အကြား အသည်းအမည်း တိုက်ပွဲ တစ်ရပ်နောက်ပိုင်း ဖြစ်ပေါ်လာသော အခြေအနေဆိုးမှန်သမျှကို တရုတ်ပြည်အား စိုးရိမ်လာစေသည်၊ အကြောင်းမှာ ယင်း စစ်မက်ဇုံနှင့် မဝေးကွာလှသည့် ယူနန်ပြည်နယ်သို့ ဒုက္ခသည်များ လှိမ့်ဝင်လာနိုင်စေခြင်းကြောင့်ဖြစ်ကြောင်း လေ့လာသူများကဆိုသည်။

တရုတ်နယ်စပ်အနီး ကချင်အခြေစိုက်တစ်ခုဖြစ်သော ဖားကန့်အား မြန်မာစစ်တပ်မှ ၀င်ရောက်တိုက်ခိုက်မှုက ယူနန်နယ်အတွင်း ဒုက္ခသည်များ ထိန်းမရအောင် ၀င်ရောက်စေမည့်ခြေလှမ်းအစ ဖြစ်ကြောင်း၊ ယူနန်နယ်စပ် ကိုးကန့်အထူးဒေသအတွင်း အစိုးရတပ်ဖွဲ့များ ၀င်ရောက်တိုက်ခိုက်ခဲ့သည့် ၂၀၀၉ ခုနှစ်အခြေအနေအတိုင်းဖြစ်ကြောင်း Sina Military Network ၀က်ဘ်ဆိုဒ်မှလည်း သတင်းများ ထုတ်လွှင့်နေသည်။

ကချင်လူမျိုးမှ မျိုးနွယ်တစ်စုဖြစ်သော ဂျိန်းဖောတို့သည် ယူနန်ပြည်နယ်၌ မှီတင်းနေထိုင်လျက်ရှိသည့် တိုင်းရင်းအုပ်စုတစ်စုနှင့် အတူတူပင်ဖြစ်သဖြင့် နယ်စပ်ဖြတ်ကျော် ရွှေ့ပြောင်းလာသူများအား စာနာနားလည်ပေးမည်မှာလည်း သဘာဝပင်။ သို့ဖြစ်ရာ ဒုက္ခသည်တစ်ဦးဦးမှ လူမှုရေးတင်းမာမှုများ မီးမွှေးပေးနိုင်သည်။ မြန်မာနိုင်ငံမြောက်ပိုင်းဒေသ မတည်ငြိမ်မှုက စီးပွားရေးကဏ္ဍကိုလည်း အရှုပ်အထွေး ဖြစ်စေနိုင်ပြန်၏။ အကြောင်းသော် ကချင်တောင်တန်းများမှ မြစ်ဖျားခံထွက်ရှိနေသော ကျောက်စိမ်းနှင့်ရတနာများ၊ ကျွန်းသစ်များအတွက် တရုတ်ပြည်မှာ အဓိကဈေးကွက်ဖြစ်သောကြောင့်တည်း။

မြန်မာပြည်ရှိ စားကျက်တစ်ခုအားဆုံးရှုံးခြင်းက စီးပွားရေးခါးစည်း ပိုးလမ်းမနှင့် MSR ၏ အချက်အခြာတစ်ရပ်ကို ဖယ်ရှားပစ်နိုင်သည်။ ပိုးလမ်းမနှင့် MSR နှစ်မျိုးလုံးသည် အာရှနှင့်ဥရောပ စီးပွားရေးများပေါင်းစုရေးအတွက် တရုတ်ပြည်ကြားခံထားရန် မရှိမဖြစ် အရေးပါလွန်းလှသည်။ ဘင်္ဂလားပင်လယ်ဝရှိ မြန်မာနိုင်ငံ ကျောက်ဖြူဆိပ်ကမ်းနှင့် ယူနန်ပြည်နယ်အကြား ရထားလမ်းဖောက်လုပ်ရန် တရုတ်ပြည်မှ သဘောတူလက်မှတ် ရေးထိုးထားသည်။ သို့သော် စီမံကိန်းအကောင်အထည်ပေါ်ပါက အမေရိကမှ လွှမ်းမိုးထားသော အပြည်ပြည်ဆိုင်ရာ ရေကြောင်း ကုန်သွယ် လမ်းတစ်ခုဖြစ်သည့် မလက္ကာရေလက်ကြားကို တရုတ်ပြည်အနေဖြင့် ရှောင် ကွင်းသွားနိုင်ပေမည်။ ထိုထိုသော အချက်များကြောင့် အကြီးအကျယ် သောကရောက်နေခြင်းဖြစ်၏။ ရွေးကောက်ပွဲ ၏နောက် ၀ါရှင်တန်ထောက်ခံသည့် အစိုးရတစ်ရပ်လတက်လာလျှင်ကား ဤအတားအဆီးများ ဆင့်ကဲဆင့်ကဲ ကြီးမားလာပေလိမ့်မည်။

ကျောက်ဖြူသည်လည်း ယူနန်နယ်သို့ ရှေ့ရှုသော ရေနံနှင့်သဘာဝဓာတ်ငွေ့ပိုက်လိုင်း၏ အစပြုနေရာဖြစ်သည်။ အကယ်၍ မြန်မာနိုင်ငံတွင် မိမိတို့ အပေါ် သဘောထား ညွှတ်ပြောင်းခြင်း မရှိသည့် အစိုးရတစ်ရပ် တာဝန်ယူလာခဲ့လျှင် ဒေသတွင်း စီမံကိန်းဆန့်ကျင် ဆန္ဒပြမှုများ ဆင့်ကဲမြင့်မားလာနိုင်ခြင်းကို ဘေဂျင်းမှ အလစ်မပေး စောင့်ကြည့်နေပြီဖြစ်ကြောင်း သုတေသီများက ဆိုကြ၏။

xxxxxxxxxxx
မူရင်း – Myanmar becomes battleground for growing China-US rivalry(The Hindu)
ဘာသာပြန် – မြင့်မိုရ်မောင်မောင်

January 25, 2015
သုသာန်ကို အိမ်လုပ်၍ နိစ္စဓူဝ ခက်ခဲစွာ လျှောက်လှမ်းနေရသည့် ဂါဇာမှ ဘ၀များ

ဇန်နဝါရီ ၂၄ ၊ ၂၀၁၅
M-Media

– ဟေရှမ် အလ်-မိုဂ်ရာဘီတစ်ယောက် အိမ်၏ ဧည့်ခန်းအလယ်တွင် ရပ်နေပြီး အပြင်ရှိ အုတ်ဂူကြီး နှစ်ခုကို စူးစိုက်ကြည့်နေသည်။ သူ၏ ဘေ့စ်ဘောဦးထုပ်ကို ချွတ်လိုက်ပြီး အခြားလက်တစ်ဖက်ဖြင့် ခေါင်းကို ပွတ်ကာ ဦးထုပ်ကို ပြန်ဆောင်းလိုက်သည်။

`ကျွန်တော့်မှာ ဒီနေရာကလွဲကို အခြားသိတဲ့နေရာ မရှိပါဘူး´

တာယာများ၊ ထင်းချောင်းများ၊ ပလတ်စတစ်ပုံးများ၊ ဖိနပ်အဟောင်းများနှင့် သံချောင်းအပိုင်းအစများဖြင့် ပြည့်နေသော တဲပုတ်အတွင်းမှ မိုဂ်ရာဘီက ပြောနေသည်။

ထိုအခြေအနေက ဂါဇာစီးတီးရှိ အလ်-ရှိခ်ရှာဘန် သုသာန်မှ မိုဂ်ရာဘီ၏ ဘ၀ပင်ဖြစ်သည်။

အသက် ၄၃ နှစ်အရွယ် ရှိပြီဖြစ်သည့် မိုဂ်ရာဘီတစ်ယောက် အုတ်ဂူများအကြား ဆောက်လုပ်ထားသော လက်ဖြစ်အိမ်ကလေးတွင် နေထိုင်ရသည့်ဘ၀မှာ မည်ကဲ့သို့အဆုံးသတ်မည်ကို မပြောတတ်။ သူသိသည်က ပါလက်စတိုင်းများ မိမိတို့၏ အမိမြေမှ အစ္စရေး၏ မောင်းထုတ်ခြင်းကို ခံခဲ့ရသည့် ၁၉၄၈ ခုနှစ်မှစ၍ သူနှင့် သူ့မိသားစုတစ်ခုလုံး သုသာန်အတွင်းရှိ ဤနေအိမ်တွင်သာ ဘ၀ခရီးလမ်းကို ဖြတ်သန်းခဲ့ရသည် ဆိုသည်ပင်။

`ကလေးတွေအတွက်ကတော့ ထိတ်လန့် တုန်လှုပ်ဖွယ်ရာပါပဲ´ ဟု သူကဆိုပြီး မနှစ်မြို့ဖွယ် ဘ၀အခြေအနေကြောင့် ကလေးများမှာ ကျောင်းတွင်လည်း မျက်နှာငယ်ရသည်ဟု သူက ထပ်လောင်းပြောကြားခဲ့သည်။ မိသားစုအားထောက်ပံ့ရန်အတွက် ခက်ခဲသည်ဟုလည်း မိုဂ်ရာဘီက ထပ်ပြောသည်။ မြင်းဖြင့်ဆွဲသည့် လှည်းကလေးဖြင့် အိမ်နီးနားချင်းများအား လိုက်လံ ပို့ဆောင်ပေးသည့် အလုပ်မှ တစ်နေ့လျှင် ၀င်ငွေအနည်းငယ်သာရသည်။

`အချိန်အများစုကတော့ ကလေးတွေ ဗိုက်ဆာဆာနဲ့ အိပ်ခဲ့ရတဲ့ အချိန်တွေပါပဲ။ ပိုးမွှားတွေ၊ ကြွက်တွေကြားထဲမှာပေါ့ဗျာ´

အလ်-ရှိခ် ရှာဘန် သုသာန်အတွင်း ဂါဇာပြည်သူများစွာမှာ အိမ်များဆောက်၍ နေကြရသည်။ မည်သူမျှ မနေချင်ကြ။ သို့သော်လည်း ၎င်းတို့အနေဖြင့် အခြား သွားစရာနေရာလည်း မရှိကြပေ။

၂၀၁၄ ခုနှစ် အစ္စရေး၏ တိုက်ခိုက်မှုအတွင်း ဗုံးများထိမှန်ခဲ့သောကြောင့် နေရာအချို့က သုသာန်ဆိုသည်ထက် အမှိုက်ပုံနှင့် ပိုတူနေသည်။ တစ်ချို့နေရာက သုသာန်၊ တစ်ချို့နေရာက သံတိုသံစ၊ သစ်တိုသစ်စများ ပုံထားသည့်နေရာ ဖြစ်နေသည်။ အချို့နေရာကတော့ မြို့ပြင်မှ တဲစုရပ်ကွက်နှင့်တူ၏။ တစ်နေရာတွင် ညစ်ပတ်ပေရေနေသော ကြောင်တစ်ကောင်က ငှက်သေတစ်ကောင်ကို မြိန်ရေယှက်ရေ စားသောက်နေသည်။ တောထနေသော မြေပုံများပေါ်တွင် ပတ်ဝန်းကျင်မှ စွန့်ပစ်ထားသော အမှိုက်များ၊ စားကြွင်းစားကျန်များ၊ ထင်းတိုထင်းစများ၊ ၀ိုင်ယာကြိုးများနှင့် အ၀တ်စုတ်များဖြင့် စုပုံနေသည်။ ကလေးများကတော့ အုတ်ဂူအကြီးစားတစ်ခု၏ ပြောင်ချောနေသာ ကျောက်ပြားပေါ်၌ ဂေါ်လီလုံးများဖြင့် ကစားနေကြ၏။

`သိပ်ကို စိတ်ပျက်စရာပါပဲ။ ကလေးတွေအတွက် ပိုဆိုးတာပေါ့ဗျာ။ သူတို့မှာ ကစားဖို့ တစ်ခြားနေရာ မရှိဘူး။ ဒါ့ကြောင့် ဒီမြေပုံတွေကြားထဲမှာပဲ သူတို့ ကစားရပါတယ်´

အခြားသော ဂါဇာပြည်သူများက ထိုသုသာန်သို့ လာရောက်သည့်အခါ အုတ်ဂူများအကြား ခုန်ပေါက်ပြေးလွှား ဆော့ကစားနေသော ကလေးများကိုတွေ့ပြီးစိတ်ဆိုးဒေါသထွက်ကြသည်။ တစ်ခါတစ်ရံ ကလေးများအား အော်ဟစ်ငေါက်ငမ်းမှုများ၊ ရိုက်နှက်မှုများလည်း ရှိသည်ဟု သုသာန်အတွင်း နေထိုင်ကြသူများက ဆိုသည်။

သို့သော်လည်း သေသေသပ်သပ်မရှိသည့် ဤသုသာန်၏ နေရာတိုင်း၌ ဘ၀၏ လက္ခဏာများ ရှိနေလေ၏။ သစ်သားတိုင် ၂ ချောင်းကြားတွင် နေလှမ်းထားသည့် အ၀တ်အထည်များက လေပြေလေညှင်းနှင့်အတူ ခြောက်သွေ့သွား၏။ သားငယ်လေး တစ်ယောက် နို့ဘူးခွံကို ဘီးတပ်ထားသော လှည်းကလေးအား ဟိုဟိုဒီဒီတွန်း၍ ကစားနေသည်။ သမီးငယ်လေး တစ်ဦးကလည်း ပလတ်စတစ် ကွင်းနှစ်ခုကို တိပ်ဖြင့်ကပ်ကာ လုပ်ထားသော ခါးလှည့်ကွင်းဖြင့် ဆော့နေ၏။ ဤဒေသတွင် နေအိမ်အပါအ၀င် အရာအားလုံးမှာ အဖာအထေးများနှင့်ပင်ဖြစ်လေသည်။

မိုဂ်ရာဘီ၏ အိမ်အပြင်ဖက်မှာတော့ တိတ်ဆိတ်ငြိမ်သက်မှုအပြင် ၂၀၁၄ ခုနှစ် အစ္စရေး၏ ကျူးကျော်တိုက်ခိုက်မှုအတွင်း သေဆုံးသွားခဲ့သူ ၂ ဦးကို မြှုပ်ထားသည့် အုတ်ဂူသစ်နှစ်ခုကို တွေ့နေရသည်။ ထိုအထဲမှ တစ်ဦးမှာ အလ်-ရှိခ် ရှာဘန် သုသာန်တွင် နေထိုင်သူဖြစ်သည်။ သုသာန်အတွင်းနေထိုင်သူများမှာ သေဆုံးသူများ၏ ၀ိညာဉ်များနှင့် ထိစပ်ဆက်နွယ်မှုအတွက် အထူးသတိထားကြသည်ဟု ဟာရီမ်းကဆိုသည်။

`ကျွန်တော်တို့က အုတ်ဂူအပေါ်မှာ အိပ်ကြတာပါ။ လူသေတွေရဲ့ အပေါ်မှာပေါ့ဗျာ။ ညဘက်ကျရင် ဟိုဟိုဒီဒီတွေ ကျွန်တော်တို့မြင်ရတယ်။ ကလေးတွေကလည်း အိပ်နေရာကနေ အလန့်တကြားနိုးလာပြီး `ကယ်ပါ၊ ကယ်ပါ´ လို့ အော်ကြပါတယ်´

၈ တန်းတက်နေသော မိုဟာမက် ဆန်ဘူလ်က ထိုကဲ့သို့သောနေရာတွင် မနေချင်တော့ဟု ၀န်ခံခဲ့သော်လည်း အုတ်ဂူများကို မကြောက်ဟု သတ္တိခဲလေးက ဆို၏။

`အလ္လာဟ်အရှင်မြတ်ကလွဲလို့ ကျွန်တော် ဘာကိုမှ မကြောက်ပါဘူး။ ညဘက်တွေတောင်မှာ ကျွန်တော်ထွက်လာပြီး အုတ်ဂူတွေပေါ်မှာ ကစားပါတယ်။ အခြားကလေးတွေကတော့ ကြောက်တာပေါ့ဗျာ။ ကျွန်တော်ကတော့ မကြောက်ပါဘူး´

အဆိုပါ သုသာန်က ပြည်သူပိုင်နေရာဖြစ်သော်လည်း အစိုးရက ၎င်းတို့အား နေခွင့်ပြုထားသည်ဟု သူတို့ကဆိုသည်။ အဘယ့်ကြောင့်ဆိုသော် ၎င်းတို့အား ပြန်လည်နေရာချထားရေး အတွက် ငွေသုံးစွဲဖို့ မလိုသောကြောင့် ဖြစ်သည်။ သို့သော်လည်း သုသာန်အတွင်း အိမ်ရာသစ်များ တိုးချဲ့ ဆောက်လုပ်မှုကိုတော့ တားမြစ်ထားသည်။

ပါလက်စတိုင်း သာသနာရေးရာဝန်ကြီးဌာနမှ ဒါရိုက်တာဖြစ်သူ မွန်ဇာ မူဂါရီက အစိုးရနေဖြင့် ထိုသူများအတွက် နေစရာအိမ်ရာများ ရှာဖွေပေးမည်ဟု ၀န်ခံခဲ့သည်။ သို့သော်လည်း မည်သည့်အချိန်တွင်ဖြစ်မည်၊ မည်သည့်နေရာဖြစ်မည်ဆိုသည်ကိုတော့ ၎င်းကိုယ်တိုင်လည်း မပြောတတ်။

`သုသာန်မှာနေတဲ့လူတွေကို ထောက်ပံ့တာတွေရပ်ဖို့၊ ကန့်သတ်မှုတွေလုပ်ဖို့၊ ဒဏ်ကြေးတွေ ကောက်ခံဖို့ မြူနီစီပယ်ဌာနကို ကျွန်တော်တို့ ၀န်ကြီးဌာနက ပြောထားပါတယ်။ ဒါတွေအားလုံးဟာ သုသာန်နယ်နမိတ်ကို ကာကွယ်ဖို့ လုပ်တာပါ´ ဟု မူဂါရီက ပြောခဲ့သည်။

ထိုသုသာန်တွင်နေထိုင်သူ ကမီလီယာ ကူဟေးလ်တစ်ယောက် အပျက်အစီးများနှင့် ပြန့်ကျဲနေသည့် ချိုင့်တစ်ခုကို စိုက်ကြည့်နေသည်။ ထိုနေရာက ၂၀၁၄ခုနှစ် ဇူလိုင်လ အစ္စရေးတို့ ကျူးကျော်တိုက်ခိုက်ခြင်းမပြုမီ သူမ၏နေအိမ် ဖြစ်ခဲ့သည်။ ဤသုသာန်တွင် နေထိုင်ကြ သူများမှာ ယခုလက်ရှိအချိန်တွင် ပို၍ ထိခိုက်ခံစားနေရပြီး နိုင်ငံတကာအသိုင်းအ၀ိုင်းမှ ကြားဝင်ဖြေရှင်းပေးမှုများ လိုအပ်နေသည်ဟု ကူးဟေးလ်က ဖွင့်ဟခဲ့သည်။

`ဒီနေရာကို စွန့်ခွာပြီး ကလေးရဲ့ ဘ၀လေးတွေ ကောင်းသွားဖို့သာ ကျွန်မအလိုရှိပါတယ်။
ဒီမှာက အစားအသောက်လည်း မရှိဘူး။ ချက်စရာလည်း ဘာမှမရှိဘူး။ ကလေးတွေ မှဲ့တစ်ပေါက် မစွန်းဖို့ နေ့ရောညပါ ကျွန်မက စောင့်ရှောက်နေရပါတယ်။ ဒီနေရာဟာ အန္တရာယ်ရှိတဲ့နေရာပါ။ ဒါပေမယ့်လည်း ကျွန်မတို့ ဘယ်သွားရမလဲရှင်´

ကူဟေးလ်က သူမ၏ ဒုက္ခသုက္ခများကို ဖွင့်ဟခြင်းဖြစ်သည်။

ဒေသခံအစိုးရကလည်း ၎င်းတို့အား ကူညီခြင်းမရှိဟု ဟာရီမ်းကဆိုသည်။ ထို့ကြောင့် ကူညီထောက်ပံ့မှုများမှာ ပြင်ပအဖွဲ့အစည်းများမှ လာကြသည်။ လုံလောက်သည့် ငွေကြေး မရှိခြင်းကြောင့် သုသာန်အတွင်း နေထိုင်သူများက ၎င်းတို့ကိုယ်တိုင်လည်း ရွှေ့ပြောင်း မနေထိုင်နိုင်ကြ။ ယခင် နိုင်ငံတကာမှ အကူအညီတောင်းထားမှုမှာလည်း သတင်းသဲ့သဲ့ပင် မကြားရ။ ၂၀၁၄ ခုနှစ် အစ္စရေး၏ ကျူးကျော်တိုက်ခိုက်မှု ပြီးကတည်းက ၎င်းတို့၏အခြေအနေများမှာ ပို၍ ဆိုးရွားလာခဲ့သည်ဟု ဟာရီမ်းက ထည့်သွင်း ပြောကြားခဲ့သည်။

သူငယ်ချင်းရောင်းရင်းတစ်ဦး၏ အုတ်ဂူကို ဟာရီးမ်က ကြည့်နေသည်။ ထိုသူမှာ ဤနေရာတွင်မွေး၊ ဤနေရာတွင်ကြီး၍၊ ဤနေရာတွင်ပင် သေဆုံးခဲ့ရသူဖြစ်သည်။

`အကူအညီလိုချင်ပါတယ်။ တစ်ခြားနေရာမှာလည်း ကျွန်တော်တို့ နေချင်ပါတယ်။ ဒီသုသာန်ထက် ပိုကောင်းတဲ့ ဘယ်နေရာမဆိုပေါ့ဗျာ´

ဟာရီးမ်၏အသံမှာ တိမ်ဝင်၍ သွားလေ၏။

ref:Aljazeera
လေးမောင်(M-Media) မြန်မာပြန်ဆိုသည်။

January 24, 2015
စေတနာထားတဲ့ ဥက္ကဌကြီး

ဇန်နဝါရီ ၂၄၊ ၂၀၁၅
M-Media
Z.Y ရေးသည်။

သိပ်တော့မကြာသေး ဟိုတစ်လောကမှဖြစ်သည်။ ငယ်စဉ်ကထဲက ခင်မင်ခဲ့ရသော ကျောင်းနေဖက်သူငယ်ချင်းတစ်ယောက်က ဖုန်းဆက်လာသည်။ “သူရန်ကုန်ရောက်နေတယ် လာတွေ့ပါတဲ့” ဟုတ်ပြီ အတူဆုံကြမယ်ပြောပြီး ကတိပေးလိုက်သည်။

ငယ်စဉ်ကလေးဘဝထဲက နယ်တစ်နယ်ထဲမှာနေပြီး တစ်ကျောင်းတည်ဒအတူတက်ခဲ့ကြသော သူငယ်ချင်းတွေဆိုတော့လည်း ခင်မင်မှု သံယောဇဉ်ကြောင့် တွေ့ချင်တာလည်းပါသည်။ တစ်ချိန်က ကိုယ်နေထိုင်ခဲ့သော မြို့လေး၏ တိုးတက်ပြောင်းလဲမှု၊ အခြားသော အဆင်ပြေမှု၊ မပြေမှု တို့ကို မျှဝေ ခံစားစေချင်တာလည်းပါသည်ပေါ့။ ဒါပေမယ့် အဲဒီမှာစပြီး ငါးပါးမှောက်လေတော့သည်။ ဖြစ်ပုံက ဒီလို…..

သူငယ်ချင်းချိန်းသည့်နေရာက သူတို့အလုပ်မှ သင်တန်းပေးရန်ဌားပေးထားသော တိုက်ခန်းဟုဆိုသည်။ သူငယ်ချင်းချိန်းသော တိုက်ခန်းထဲသို့ ဝင်ဝင်ချင်းမှာပင် ဘာမှန်းမသိသော စကားများကိုပြောလိုက် လက်ခုပ် လက်ဝါးတီးလိုက်လုပ်နေသော လူတစ်စုကိုတွေ့ရသည်။ အံ့သြစရာကောင်းပေမယ့် ကိုယ်နှင့် ဘာမှမဆိုင်သောကြောင့် အသာပင် မသိမသာနေပေးလိုက်သည်။

ထိုင်စောင့်ပြီး မကြာခင်မှာပင် သူငယ်ချင်းက အတွင်းခန်းထဲက ထွက်လာသည်။ ကျွန်တော်ဝမ်းသာအားရ နှုတ်ဆက်ပြီး နယ်ကအကြောင်း အခြားသော သူငယ်ချင်းများအကြောင်းကိုမေးလိုက်သည်။ ထိုအခါ သူငယ်ချင်းက အဲဒီကိစ္စတွေ အရေးမကြီးဘူးထားလိုက် အခုငါကမင်းကို သူဌေးဖြစ်အောင် လုပ်ပေးမှာ ဟုဆိုကာ သူ၏ သူဌေးဖြစ်သည့်နည်း သြဝါဒကို မနားတမ်းပို့ချလေသည်။

သူတို့၏အလုပ်က (Network Marketing) ဟုဆိုသည်။ လောလောဆယ် ကျွန်တော်က (Member) ဝင်ရမည်။ ပြီးလျှင် သူတို့ဆီက ဆေးပစ္စည်း၊ အလှကုန် စသည်တို့ကို သိန်း ဂဏန်းဖိုးဝယ်ရမည်။ ကိုယ့်လက်အောက်ခံဆီမှ ကော်မရှင် စားခွင့်ရအောင် ကိုယ်က အခြားသူများကို ဆွယ်ကာ (Member) ဝင်ခိုင်းပြီး ပစ္စည်းများရောင်းရမည် စသဖြင့်ပေါ့တဲ့။

ပြောတာတော့ တော်တော့်ကိုလွယ်သည်။ တစ်ကယ်တမ်း ကိုယ်ပြန် အကျိုးအမြတ်ရမည် မရမည်ကမသေချာ။ ဒါကို သူတို့သတိမထားမိဘူးလား။

ပြီးတော့ ဆက်ပြောသောသည်သူတို့၏ သူဌေးက ဒီနိုင်ငံသားမဟုတ်သော နိုင်ငံခြားသား တစ်ဦး၊ သူတို့တတွေက ထို သူဌေးကို ဥက္ကဌကြီးဟုခေါ်သည်တဲ့။ ဥက္ကဌကြီး၏ ကိုယ်ရေးမှတ်တမ်းဆိုကာ ထုတ်ထားသော စာအုပ်တစ်အုပ်ကိုလည်း ထုတ်ပြသေးသည်။ ဘယ်နိုင်ငံကသာ ဘွဲ့ရခဲ့တာ။ ဘယ်လို အစည်းအဝေးမှာ ဘယ်ပုံ တက်ရောက်ခဲ့တာ။ နိုင်ငံရပ်ခြား တိုင်းပြည်ဘယ်နှစ်ခုမှာ စက်ရုံ ဘယ်နှစ်ခုပိုင်တာ စသဖြင့်ရေးသားထားသော ကိုယ်ရည်ကိုယ်သွေး မှတ်တမ်းတစ်အုပ်ပင်ဖြစ်သည်။

ကျွန်တော် တစ်ခုတော့မေးလိုက်ချင်သည်။ ထိုဥက္ကဌကြီးသည် ထိုသူသည် ဘယ်နိုင်ငံမှာ သူ့ဟာသူဘာတွေပဲလုပ်ခဲ့လုပ်ခဲ့ သူဈေးကွက်ချဲ့ထွင်ထားသော (ရိုင်းရိုင်းပြောရရင်) ခိုင်းစားနေသော ကျွန်တော်တို့နိုင်ငံသူ၊ နိုင်ငံသားတွေအတွက် ငွေတစ်ကျပ် တစ်ပြားတောင်မှ လှူခဲ့ဖူးရဲ့လားဟုပင်။ သို့သော် မမေးခဲ့ပါ။ စိတ်အားတက်ကြွနေသော သူငယ်ချင်းကို အားနာသောကြောင့်ဖြစ်သည်။

နောက်ပြီးတော့ သူတို့၏ဆေး ပစ္စည်းတွေကိုလည်းကြည့်ဦး။ ဒီဆေးသောက်လျှင် အသည်း ကျန်းမာရေးကောင်းမည်ဆိုပါစို့။ သို့သော် ဘေးထွက်ဆိုးကျိုး (side effect) က နှလုံးထိမည့်တဲ့။ ထို့ကြောင့် နှလုံးအတွက် ကောင်းတဲ့ဆေးပါတွဲသောက်။ ထိုဆေးမှာပါ side effect ရှိနေပြန်သဖြင့် နောက်ထပ်ဘာနှင့် တွဲသောက်စသဖြင့် ဆေးတစ်မျိုး ဝယ်သောက်လျှင် နောက်က ထပ်၍ ဆေးခြောက် မျိုးလောက်လိုက်သောက် ရတော့မလို ဖြစ်နေသည်။

ထပ်မံပြီး သူငယ်ချင်းဖြစ်သူက သူအရောင်းအဝယ်တော်သောကြောင့် (Promotion) ရသော နိုင်ငံခြားခရီးစဉ်မှသူနှင့်အခြားတွဲဘက် လုပ်ငန်းကိုင်သူများ၏ ဓါတ်ပုံကို ထုတ်၍ပြသေးသဖြင့် အားနာပါးနာကြည့်ပေးရပြန်သည်။

နောက်ဆုံးတော့ အချိန်တွေလည်း အတော်ကုန်သွားပြီဖြစ်သဖြင့် ကျွန်တော်လည်း သူငယ်ချင်းကိုမရမက နှုတ်ဆက် ကာပြန်ခဲ့ ရတော့သည်။ ဒါတောင်သူမက မလျှော့ အတင်းကာရော (Member) ဝင်ခိုင်းနေသဖြင့် မျက်နှာခပ်ပြောင်ပြောင်ထားကာာ ပိုက်ဆံမပါလို့ဟုသာ ငြင်းပစ်ခဲ့ရလေသည်။

ထိုသူငယ်ချင်းနှင့်တွေ့အပြီး နောက်တစ်ပတ်ခန့်အကြာမှာပင် ကျွန်တော်တို့နယ်မှအခြားကျောင်းနေဖက် သူငယ်ချင်းနောက် တစ်ယောက်က ကျွန်တော့်ဆီ ဖုန်းဆက်လာသောကြောင့် ထွေရာလေးပါးပြောရင်းထို (Member) ဝင်ခိုင်းသူ သူငယ်ချင်းအကြောင်းကို အစအဆုံးပင်သိခဲ့ရပါလေရော။

သူ (Promotion) ရလို့သွားခဲ့သည်ဆိုသော ထိုနိုင်ငံခြားခရီးစဉ်ကို လိုက်ပါနိုင်ရန် ပွိုင့်များလိုနေခြင်းကြောင့် ထိုကုမ္ပဏီမှ ဆေးပစ္စည်းနှင့် အခြားအသုံးအဆောင်များကို သူကိုယ်တိုင်ပင်ပြန်ဝယ်ကာ ပွိုင့်ဖြည့်၍ လိုက်ပါခဲ့ရခြင်းဖြစ်ကြောင်း။ ထိုနိုင်ငံခြားခရီးစဉ် အတွက် လိုအပ်နေသော ပွိုင့်များကိုဖြည့်ရန် သူဝယ်ယူခဲ့သော ငွေကစုစုပေါင်း သိန်းနှစ်ဆယ့်ဖိုးကျော်ကြောင်း ထိုအတွက်သူ့အမေ၊ သူ့ညီမနှင့် သူ့အမျိုးသမီးတို့က လက်ဝတ်လက်စားများပါ ချွတ်ကာရောင်းချပေးခဲ့ရကြောင်း စသည်တို့ကို အံ့အားသင့်စွာပင်ကြား သိခဲ့ရလေတော့သည်။

သူတို့ညွှန်ဆိုသော သူတို့ ဥက္ကဌကြီး၏ စေတနာထားချက်ကတော့ ကမ်းကုန်အောင်ပင် ဟုဆိုရမလို။ ဘာကြောင့်လဲဆိုတော့ သူသိန်းနှစ်ဆယ်ကျော် ကုန်ကျခံခဲ့သော ထိုနိုင်ငံခြား ခရီးစဉ်မှာ သူတို့မိသားစု လိုက်သွားရင်တောင် ဆယ်သိန်း ဆယ်ငါ့သိန်း ထက်ပိုမကုန်သော ခရီးဖြစ်နေသောကြောင့်ပင်ဖြစ်၏။

“သြော်…. စေတနာ တကယ်ကိုကောင်းရှာတဲ့ ဥက္ကကြီးပါလား” ဟုတီးထိုးရေရွတ်ရင်းသာ။

Z.Y

January 24, 2015
ပိုးသတ်ဆေး၊ ကင်ဆာရထားနှင့် အိန္ဒိယပြည်သူများ

ဇန်နဝါရီ ၂၂ ၊ ၂၀၁၄
M-Media

– ဒစ်ဂျစ်တယ်နာရီမှ ည ၉ နာရီတိတိကို ဖော်ပြလိုက်သည့်အချိန်တွင် ပလက်ဖောင်းပေါ်၌ တိုးဝှေ့နေကြသည့်၊ `ကင်ဆာရထားကြီး´ ပေါ်တွင် ထိုင်ခုံရရန် စုပြုံ တက်နေကြသည့် ချည့်နဲ့နေသော လူနာများဖြင့် မီးရောင်မှိန်ပြပြနှင့် မသတီစရာကောင်းသည့် ဘာသင်ဒါ ဘူတာရုံမှာ သက်ဝင်လှုပ်ရှားလာသည်။

အသက်ကို မနည်းရှုနေရပြီး ချောင်းများလည်း အဆက်မပြတ်ဆိုးနေသည့် အသက် ၅၀ အရွယ် ရမ်ကစ်ရှန်တစ်ယောက် လူအုပ်ကြီး ငြိမ်သွားသည့်တိုင်အောင် ပလက်ဖောင်းပေါ်တွင် ထိုင်နေ၏။ ထို့နောက်တွင်မှ ယိုင်နဲ့နဲ့ခြေလှမ်းများဖြင့် အထူးတွဲရှိ ပြတင်းပေါက်ဘေး ထိုင်ခုံ၌ ၀င်ထိုင်လိုက်သည်။

`ကျွန်တော် ဘီကာနာ ဆေးရုံကို သွားမလို့ပါ။ ကျွန်တော်ဟာ နောက်ဆုံးအဆင့် ကင်ဆာရောဂါကို ခံစားနေရတယ်လို့ ဆရာဝန်တွေက ပြောတယ်။ ဒီခရီးဟာ ကျွန်တော့်ရဲ့ နောက်ဆုံးခရီးဖြစ်မယ်လို့ ကျွန်တော်သိနေတယ်ဗျာ´ ဟု ရမ်ကစ်ရှန်က အသက်မဲ့စွာ ပြောလေ၏။

အိန္ဒိယနိုင်ငံမြောက်ပိုင်း ပန်ဂျပ်ပြည်နယ်တွင် ကင်ဆာရောဂါဖြစ်ပွားမှု ရုတ်တရတ်မြင့်မားလာပြီး ရောဂါသည် အများစု ဆေးရုံသွားရန် အတွက် တစ်ခုတည်းသော အားထားစရာ အစီးအနင်း ဖြစ်လာသောကြောင့် ၁၂ တွဲပါသည့် အဆိုပါ ရထားမှာ `ကင်ဆာရထား´ ဟု အမည်တွင်ခဲ့သည်။ ကင်ဆာရောဂါဖြစ်ပွားမှု များလာခြင်းမှာ လေထုညစ်ညမ်းမှုနှင့် ပိုးသတ်ဆေးအသုံးပြုခြင်း များပြားလာသည့် အတွက်ကြောင့်ဖြစ်သည်ဟု ပြည်သူများက စောဒကတက်ကြသည်။ သို့ရာတွင် တာဝန်ရှိသူများကတော့ မည်သည်ကိုမှ ထိထိရောက်ရောက် ဆောင်ရွက်နိုင်ခြင်းမရှိခဲ့။

ပန်ဂျပ်နယ်တစ်ဝိုက်မှ ဆင်းရဲချို့တဲ့သည့် လူနာများက ကန္တရာမြို့ဖြစ်သော ဘီကာနာမြို့တွင် သွားရောက်ဆေးကုသရန်အတွက် ည ၉ နာရီခွဲရထားကို မှီအောင်လိုက်ကြရသည်။ ၇ နာရီကြာသော ခရီးစဉ်ဖြစ်သောကြောင့် နောက်နေ့မနက်စောစော ဆေးရုံသို့ ရောက်ရှိနိုင်မည်ဖြစ်သည်။ ထိုအခါမျိုးတွင် ခရီးသည် ၇၂ ဦး လိုက်ပါစီးနင်းနိုင်သည့် ရထား၏ အထူးတွဲမှ ထိုင်ခုံ ၃၀ မှာ ကင်ဆာရောဂါသည်များနှင့် ပြည့်နေသည်။

`အရင်ကတော့ ဒီရထားကို (တီဘီရောဂါသည်များ ဆေးကုသရန်သွားသည့်အခါ အသုံးပြုသောကြောင့်)`တီဘီရထား´ လို့ ခေါ်ကြတယ်။ ဒါပေမယ့် လွန်ခဲ့တဲ့ နှစ်အနည်းငယ်လောက်ကစပြီး `ကင်ဆာရထား´ လို့ ပြောင်းခေါ်လာကြတယ်´ ဟု ထိုရထားတွင် ၂၅ နှစ်ကြာ တွဲစောင့်လုပ်လာခဲ့သည့် ဒီပီ ကက်ထရီယာက ဆိုသည်။

အမည်မဖေါ်လိုသည့် လက်မှတ်စစ်တစ်ဦးကလည်း ကက်ထရီယာ၏ စကားကို ထောက်ခံသည်။

`ဒီရထားဟာ ကင်ဆာရောဂါသည်တွေအတွက် လိုပါပဲ။ ရထားရဲ့ ၆၀ ရာခိုင်နှုန်းသော ထိုင်ခုံတွေက ဘီကာနာနဲ့ ပတ်သက်နေတဲ့ လူနာတွေနဲ့ပဲ ပြည့်နေပါတယ်။ အခြား ရောဂါသည်တွေကတော့ အထူးတွဲအတွက် မတတ်နိုင်တာကြောင့် ရိုးရိုးတွဲမှာပဲ ပြွတ်သိပ် ကျပ်ညပ်နေပါတယ်´ ဟု ၎င်းက ပြောကြားခဲ့လေသည်။

ထိုရထားတွဲတွင် လိုက်ပါလာသည့် အသက် ၅၀ အရွယ် ကျောင်းဆရာ ဆီမာရ်ပဲလ် ကူးရ်က ကင်ဆာရောဂါဖြစ်ပွားမှု မြင့်တက် လာခြင်းမှာ မသန့်ရှင်းသော သောက်သုံးရေနှင့် အသီးအနှံများတွင် အသုံးပြုသော ပိုးသတ်ဆေး များကြောင့်ဖြစ်သည်ဟု ထောက်ပြခဲ့သည်။

ကင်ဆာရောဂါ မြင့်တက်လာခြင်း
—————————————–
ထိုပြဿနာကို ဖြေရှင်းရန် ပန်ဂျပ်ပြည်နယ်အစိုးရက `ကင်ဆာရွာ´ ဟု အမည်တွင်သည့် ဘူသီဝါလာကဲ့သို့ ကင်ဆာရောဂါဖြစ်ပွားသော ရွာငယ်များတွင် ရေသန့်စက်များကို တပ်ဆင်ပေးသည်။ သို့သော်လည်း ထိုစက်များက ရေများကို ထိထိရောက်ရောက် မသန့်စင်နိုင်ဟု ဒေသခံများက ဆိုကြသည်။

`ပန်ဂျပ်မှာ ကင်ဆာရောဂါ ပြန့်နှံ့မှုနဲ့ပတ်သက်ပြီး ပြည့်စုံတဲ့ စစ်တမ်းကောက်ယူမှုတွေ မရှိပါဘူး။ ဒါ့ကြောင့် ဒါနဲ့ပတ်သက်ပြီး အချက်အလက် တိတိကျကျလည်း မရှိပါဘူး´ ဟု ကျန်းမာရေး အဖွဲ့တစ်ခုဖြစ်သည့် Baba Farid Centre for Special Children မှ ဒေါက်တာ ပရစ်ပါလ် ဆင်းက ပြောကြားခဲ့သည်။

`ပုတ်ခတ်ပြောဆိုခံရမှာ ကြောက်တာကြောင့် အိမ်မှာ တစ်ယောက်ယောက်က ကင်ဆာဖြစ်နေရင် အိမ်သားတွေက ဖွင့်မပြောကြပါဘူး။ ဒါ့ကြောင့် အများစုက နောက်ဆုံးအဆင့်လောက်ရောက်မှ ရောက်ရောက်လာကြပါတယ်´ဟု

၎င်းက ထပ်လောင်းပြောကြားခဲ့သည်။

လွန်ခဲ့သည့် ၈ လခန့်က ဘူသီဝါလာရွာလေးတွင် ကင်ဆာရောဂါသည် ၂၀ ဦးခန့်ရှိသည်ဟု Baba Farid Centre က စစ်တမ်းကောက်ယူထားသည်။ သို့သော်လည်း မိမိတို့က ၎င်းတို့နှင့် တွေ့ဆုံရန် သွားရောက်ရာတွင်တော့ ထိုအထဲမှ ၁၈ ယောက်က ဘ၀တစ်ပါးသို့ ကူးပြောင်းခဲ့ပြီ ဖြစ်၏။

ယူကေရှိ Exeter တက္ကသိုလ်မှ သိပ္ပံပညာရှင်များ သုတေသနပြုလုပ်ကာ ထုတ်ပြန်သော Greenpeace အစီရင်ခံစာတွင် နမူနာစစ်ဆေးခဲ့သည့် ရေတွင်း ၂၀ ရှိ ရေများတွင် ကမ္ဘာ့ကျန်းမာရေးအဖွဲ့ကြီး WHO က သတ်မှတ်ထားသော သောက်သုံးရေ၌ နိုက်ထရိတ်ပါဝင်မှု သတ်မှတ်ချက် ၁ လီတာ ၅၀ မီလီဂရမ်ထက် ကျော်လွန်နေကြောင်း တွေ့ခဲ့ရသည်။ သောက်သုံးရေများတွင် နိုက်ထရိတ်ပါဝင်မှု မြင့်မားခြင်းက ကျန်းမာရေးကို ဆိုးရွားစွာ ထိခိုက်နိုင်ပြီး အထူးသဖြင့် ကလေးငယ်များတွင် ဖြစ်သည်။

၂၀၁၀ ခုနှစ်တွင် Baba Farid Centre မှာ ဂျာမနီမှ Micro Trace Minerals Laboratory အဖွဲ့နှင့် ပူးပေါင်း၍ လေ့လာမှုတစ်ခု လုပ်ခဲ့ရာ ပန်ဂျပ်ဒေသတွင်ရှိသည့် အသက် ၁၃ နှစ်မှ ၁၈ နှစ်အရွယ်ရှိ ကလေးများတွင် ဘေရီယမ်၊ ကာဒီယမ်၊ မန်းဂနီးစ်၊ ခဲ၊ ယူရေနီယံ စသည့် သတ္တုဓာတ်များ လွန်စွာများပြားနေသည်ကို အံ့သြဖွယ် တွေ့ရှိခဲ့ရလေသည်။

ထိုတွေ့ရှိမှုက ဆိုးရွားသည့် ကိစ္စဖြစ်ပြီး အရေးတယူဆောင်ရွက်ရန် အာဏာပိုင်များအား သတိပေးနေခြင်း ဖြစ်သော်လည်း တာဝန်ရှိသူများ၏ ဆောင်ရွက်ချက်များက အကျိုးသက်ရောက်မှု အနည်းငယ်သာ ရှိခဲ့သည်ဟု ဒေါက်တာဆင်းက ပြောကြားခဲ့သည်။

ထို့ပြင် မွေးရာပါ ခန္ဓာကိုယ် ချို့ယွင်းနေသော ကလေးများ၊ စိတ်ဝေဒနာနှင့် ဥာဏ်ရည်မပြည့်ဝသည့်ရောဂါ စသည့် ရောဂါများသစ်များကို ခံစားနေရသည့် ကလေးငယ်များမှာ ၃၀ ခန့် ရှိလာသည်ကိုလည်း တွေ့ရသည်ဟု ၎င်းက ဆိုသည်။

`ရောဂါဖြစ်ပွားမှု ထိန်းချုပ်ရေး လှုပ်ရှားမှုအဖြစ် ပန်ဂျပ်အစိုးရက ရေသန့်စက်တွေကို တပ်ဆင်ပေးခဲ့ပါတယ်။ ဒါပေမယ့် အစိတ်အပိုင်း တော်တော်များများက အလုပ်မလုပ်တာကြောင့် ဒီပစ္စည်းတွေကလည်း အလုပ်မဖြစ်ပါဘူး။ ဒါ့ကြောင့် စက်မှုဇုန်တွေက မဆင်မခြင် စွန့်ထုတ်လိုက်တဲ့ ရေဆိုးတွေပါနေတဲ့ ချောင်းတွေ၊ မြောင်းတွေက ရေတွေကိုယူကာ ဖြန့်ဖြူးနေတဲ့ ဒီပိုက်ရေကို သောက်ရုံ၊ သုံးရုံမှတစ်ပါး ပြည်သူတွေမှာ ရွေးစရာမရှိပါဘူး။ နောက်ပြီး စိုက်ပျိုးရေးမှာ ပိုးသတ်ဆေးတွေကို ကျယ်ကျယ်ပြန့်ပြန့် သုံးနေတာ၊ ရေသွင်းစိုက်ပျိုးမှု အတွက် မြေအောက်ရေတွေကို အလွန်အကျွံသုံးစွဲတာတွေက မြေအောက်ရေ ညစ်ညမ်းမှုကို ဖြစ်စေပါတယ်။ ဒါဟာ ပန်ဂျပ်က မြေဆီ၊ ရေနဲ့ အစားအသောက်ညစ်ညမ်းမှုတွေ ဆိုးရွားစွာ ဖြစ်နေမှုပါပဲ´

အစိမ်းရောင်တော်လှန်ရေး
—————————
မြေဆီ၊ ရေနှင့် လေထုတို့ ပြန်လည်သန့်စင်၍ မရအောင် ပျက်ဆီးခြင်းအတွက် `အစိမ်းရောင် တော်လှန်ရေး´ ကို ဆင်းက ပြစ်တင်ပြောဆိုခဲ့သည်။ လယ်ယာစိုက်ပျိုးရေးကဏ္ဍ လျင်မြန်စွာ ဖွံ့ဖြိုးတိုးတက်ရေးအတွက် ၁၅၆၀ ပြည့်နှစ်များက ထိုတော်လှန်ရေးကို ပြုလုပ်ခဲ့သည်။ ထိုအချိန်တွင် ဓာတုဗေဒပစ္စည်းများကို ကျယ်ကျယ်ပြန့်ပြန့် အသုံးပြုသည့် စိုက်ပျိုးရေးလုပ်ငန်းများ များပြားခြင်းကြောင့် ပန်ဂျပ်က `အိန္ဒိယ၏ ပေါင်မုန့်ခြင်း´ ဖြစ်ခဲ့လေသည်။

`ပန်ဂျပ်က အခြေအနေဆိုးဟာ အစိမ်းရောင်တော်လှန်ရေးကို အင်အားဖြစ်စေဖို့အတွက် ပိုးသတ်ဆေးတွေကို မဆင်မခြင် သုံးစွဲခဲ့ခြင်းမှာ တာဝန်ရှိနေပါတယ်´ ဟု ဆင်းက ထပ်လောင်းပြောကြားခဲ့၏။

သို့သော်လည်း စာရေးဆရာနှင့် လူမှုရေးဆိုင်ရာ တက်ကြွလှုပ်ရှားသူတစ်ဦးဖြစ်သူ အဗာတာ ဂွန်ဒါရီက အိန္ဒိယ၏ သန်း ၁၀၀၀ ကျော်သော လူဦးရေအား လုံလောက်အောင် ကျွေးမွေးရန် လယ်ယာစိုက်ပျိုးမှုကဏ္ဍ တော်လှန်ပြောင်းလဲရေးမှာ လိုအပ်သည်ဟု ထောက်ပြခဲ့သည်။

`အစိမ်းရောင်တော်လှန်ရေးဟာ ပန်ဂျပ်ကပြည်သူတွေရဲ့ လူနေမှုဘ၀ကို မြှင့်တင်ပေးခဲ့တယ်ဆိုတာ ဘယ်သူမှ မငြင်းနိုင်ပါဘူး။ ပန်ဂျပ်ရဲ့ ဘယ်နေရာကိုပဲ သွားကြည့်သွားကြည့် တဲပုတ်တွေကို တွေ့ရမှာမဟုတ်ပါဘူ။ ဒီဒေသမှာ လယ်သမားတွေတောင်မှ တိုက်နဲ့တာနဲ့ နေနိုင်တယ်။ ကားစီးနိုင်တယ်။ အမှန်အကန် အ၀တ်အစားတွေ ၀တ်နိုင်ကြပါတယ်။ အစိမ်းရောင်တော်လှန်ရေးက အချိန်တိုင်းလိုအပ်နေတဲ့ အရာတစ်ခုပါပဲ။ ဒါမျိုးမရှိခဲ့ဘူးဆိုရင်တော့ တိုးတက်လာနေတဲ့ ကျွန်တော်တို့ရဲ့လူဦးရေကို ကျွေးမွေးနိုင်မှာ မဟုတ်ပါဘူး´

တာဝန်ရှိသူများမှာ ထိုညစ်ညမ်းမှုပြဿနာကို လစ်လျူရှုထားဆဲဟု ဝေဖန်သူများက ဆို၏။ အန်ဒိုဆာလ်ဖန်နှင့် DDT ကဲ့သို့သော ပိုးသတ်ဆေးများကို ကမ္ဘာတစ်ဝှမ်းတွင် တားမြစ် ပိတ်ပင်ထားသော်လည်း အိန္ဒိယတွင်တော့ အဆိုပါ ပိုးသတ်ဆေးများက လွယ်လွယ်ကူကူ ၀ယ်လို့ရနေသည်။

ပန်ဂျပ်အစိုးရမှ ၂၀၁၀ ခုနှစ်တွင် ပြုလုပ်သော ကင်ဆာရောဂါ စစ်တမ်းကောက်ယူမှုတွင် ပန်ဂျပ်ပြည်နယ်၌ လူ ၁ သိန်းတွင် ကင်ဆာရောဂါသည် ၁၃၀ ရှိနေသည်ကို တွေ့ရှိခဲ့ရသည်။

ထိုစစ်တမ်းကောက်ယူမှုတွင် အသုံးပြုခဲ့သောနည်းလမ်းကို ဆင်းက ဝေဖန်ခဲ့ပြီး ကင်ဆာ စစ်တမ်းကောက်ယူမှုတွင် ပျက်ရယ်ပြုစရာကောင်းနေသည်ဟု ပြောကြားခဲ့သည်။

စိုးရိမ်မှုများ ကြီးထွားလာ
————————–
ပန်ဂျပ် ကျန်းမာရေးဒါရိုက်တာ ဒေါက်တာ ကန်ဂျစ်ဆင်းက ပြည်နယ်အတွင်း ကင်ဆာရောဂါ ဖြစ်ပွားမှုကို အထောက်အကူပြုသော အကြောင်းအရင်းများစွာ ရှိနေသည်ဟု ပြောကြားခဲ့သည်။

`အသည်းရောင်အသားဝါ B ပိုးလို ဗိုင်းရပ်စ်ကူးစက်မှုလို၊ ဆေးလိပ်သောက်ခြင်းလို အကြောင်းအရင်းများစွာလည်း ရှိနေပါသေးတယ်။ ပိုးသတ်ဆေး အဆိပ်သင့်ခြင်း တစ်ခုတည်းက ကင်ဆာဖြစ်စေတဲ့ အကြောင်းအရင်းလို့ ပြောရင်တော့ မှားပါလိ့မ်မယ်´ ဟု ၎င်းက ပြောကြားခဲ့သည်။

အိန္ဒိယ ဗဟိုအစိုးရကတော့ ပိုးသတ်ဆေး အဆိပ်သင့်မှုနှင့်ပတ်သက်၍ စိုးရိမ်သည်ဟု ပြောကြားခဲ့ပြီး ဓာတ်မြေသြဇာနှင့် ပိုးသတ်ဆေး သုံးစွဲမှုနှင့်ပတ်သက်၍ ဥပဒေများကို ပြင်ဆင်ရန်လည်း စီစဉ်နေသည်။ သို့ရာတွင် ထိုသို့ပြုလုပ်ပါက ထုနှင့််ထည်နှင့် ရှိနေသော ဓာတ်မြေသြဇာနှင့် ပိုးသတ်ဆေး ထုတ်လုပ်ရောင်းချသူများ၏ ဆန့်ကျင်ခြင်းကိုတော့ ခံရနိုင်ဖွယ်ရှိနေသည်။

သို့သော်လည်း အစိုးရကတော့ ထိုလော်ဘီအုပ်စုများ၏ ဖိအားများနှင့် ပတ်သက်၍ ငြင်းဆိုသည်။

`တကယ်လို့ လော်ဘီတွေရှိမယ်ဆိုရင် အဲဒီလော်ဘီတွေက လယ်သမားတွေအတွက်ပဲ ဖြစ်ပါတယ်´ ဟု လယ်ယာစိုက်ပျိုးရေးဝန်ကြီး ဆန်ဂျီးဗ် ကူးမာရ် ဘာလီယန်က ပြောကြားခဲ့သည်။

အန်ဒိုဆာလ်ဖန် ပိုးသတ်ဆေးသုံးစွဲမှုနှင့် ရက်လွန် ပိုးသတ်ဆေး သုံးစွဲမှု လုံးဝရပ်တန့်ရေးကို ၂၀၁၇ ခုနှစ်တွင် နောက်ဆုံး ထား၍ ဆောင်ရွက်ရန် အိန္ဒိယ အစိုးရက သဘောတူထားသည်။

ပိုးသတ်ဆေးများသုံးစွဲမှုနှင့် ပတ်သက်၍ လုံးဝဥဿုံ ပိတ်ပင်လိုက်ရေး အစိုးရက မဆောင်ရွက်နိုင်ဟု ဘာလီယန်က ၀န်ခံခဲ့ပြီး အော်ဂဲနစ် စိုက်ပျိုးရေးကဲ့သို့ ရွေးချယ်စရာ တစ်ခုခုကို ရှာဖွေနေသည်ဟုလည်း ထည့်သွင်းပြောကြားခဲ့သည်။

`ကောက်ပဲသီးနှံတွေကို ပိုးကောင်တွေရဲ့ အန္တရာယ်ကနေ ကာကွယ်ဖို့ ပိုးသတ်ဆေးတွေက အဓိက အခန်းကဏ္ဍကနေ ပါဝင်နေပါတယ်။ ဒါပေမယ့် အဲဒီပိုးသတ်ဆေးမှာ အဆိပ်ဓာတ်တွေလည်း ရှိနေတယ်။ ဒါ့ကြောင့် သူတို့ကို လှည့်သုံးဖို့ လိုအပ်ပါတယ်။ အောဂဲနစ်စိုက်ပျိုးရေးကို မြှင့်တင်ပေးဖို့အတွက် တတ်နိုင်တာအားလုံးကို ကျွန်တော်တို့ လုပ်ဆောင်နေပါတယ်´

Aljazeera တွင် ဖော်ပြခဲ့သည့် Sanjay Pandey ၏ On the ‘Cancer Train’ of India’s pesticides ဆောင်းပါးကို လေးမောင် (M-Media) မှ ဆီလျော်အောင် ဘာသာပြန်ဆိုသည်။

January 22, 2015