ဒီဇင်ဘာ ၆၊ ၂၀၁၄
– တမန်တော် မုဟမ္မဒ်သခင်ဟာ သူရဲ့နောက်လိုက်တွေကို အသိပညာကို ရှာဖွေဖို့ အမြဲတမ်းတိုက်တွန်းခဲ့ပါတယ်။ ကိုယ်တော့်ရဲ့ အဆိုအမိန့်တစ်ခုမှာ “ပုခက်အတွင်းမှ သင်္ချိုင်းအတွင်းအထိ ပညာရှာဖွေကြ” လို့ ပြောခဲ့တာကိုကြည့်ရင် ကိုယ်တော်ဟာ ပညာရေးကို ဘယ်လောက်ဦးစားပေးလဲဆိုတာ တွေ့နိုင်မှာပါ။
ဒီလိုသင်ကြားမှုက စောစောပိုင်း မွတ်စလင်လူ့အဖွဲ့အစည်းကို ထင်ထင်ရှားရှား အကျိုးသက်ရောက်မှုတွေရှိခဲ့ပါတယ်။ ပြန်ကျဲနေတဲ့အာရပ်လူ့အဖွဲ့အစည်းဟာ စုစည်းမှုရှိလာပြီး နယ်မြေတွေချဲ့ထွင်နိုင်ခဲ့သလို ၀ိဇ္ဇာသိပ္ပံ ပညာရပ်တွေကို စိတ်ဝင်စားမှု စူးစမ်းရှာဖွေမှုတွေ လုပ်ဆောင်ခဲ့ပြီး ထင်ရှားတဲ့ မွတ်စလင် တွေးခေါ်ပညာရှင်တွေ၊ ၀ိဇ္ဇာသိပ္ပံပညာရှင်တွေလည်း အများအပြား ပေါ်ထွက်လာခဲ့ပါတယ်။
အဲဒီပညာရှင်တွေထဲက စွယ်စုံရပညာရှင်ကြီးတစ်ပါးဖြစ်ပြီး အိန္ဒိယနိုင်ငံရဲ့ ထူးခြားတဲ့ ၀ိဇ္ဇာသိပ္ပံပညာရပ်တွေနဲ့ ဆေးပညာရပ်တွေကို ပထမဆုံး ကမ္ဘာသိအောင် ချပြခဲ့တဲ့ ပါရှန်း ပညာရှင်ကြီး အလ်-ဘီရူနီ ရဲ့ အကြောင်းကို ဖော်ပြလိုက်ပါတယ်။
ငယ်ဘ၀
ဘီရူနီဟာ သင်္ချာပညာရပ်ကို အဲဒီအချိန်က ထင်ရှားတဲ့ နက္ခတ္တဗေဒနဲ့ သင်္ချာပညာရှင် အဘူနာဆာရန် အလ်-မန်ဆူရ်ရဲ့ ကြီးကြပ်မှုအောက်မှာ နှစ်ပေါင်း များစွာကြာ လေ့လာခဲ့ပါတယ်။ နောက်ပြီး အလ်-မန်ဆူရ်ရဲ့ ဆရာဖြစ်တဲ့ အဘူ ၀ါဖာ အလ်-ဘူဂျာဇ်နီရဲ့ လက်အောက်မှာလည်း ပညာဆည်းပူးခဲ့တယ်လို့ အချို့သမိုင်းပညာရှင်တွေက ဆိုပါတယ်။ ဒီအဆိုကို ပညာရှင်အများစုကတော့ လက်ခံခြင်း မရှိပါဘူး။
ဘူခါရာမြို့သို့တစ်ခေါက်
ပထမဆုံးကျမ်း
သမိုင်းကြောင်းဆိုင်ရာ တိုးတက်မှုနဲ့ ပထ၀ီဗေဒဆိုင်ရာ ပြောင်းလဲမှုတွေကို စိတ်ဝင်တစား ရှင်းရှင်းလင်းလင်း ခွဲခြမ်းစိတ်ဖြာရာကနေ အဲဒီလိုပြောင်းလဲမှုတွေက ရှေးခေတ်လူသားတွေရဲ့ ဘ၀တွေမှာ ဘယ်လိုသက်ရောက်ခဲ့သလဲဆိုတာကို ဘီရူနီက ထုတ်ဖော်ပြသနိုင်ခဲ့ပါတယ်။ ဒီစာအုပ်မှာပဲ ဘီရူနီဟာ သူ့အရင်က ပညာရှင်တွေရဲ့ အချိန်နဲ့ ဖြစ်တည်မှုအပေါ် ထင်မြင်မှုတွေကိုလည်း ချေပရေးသားခဲ့ပါသေးတယ်။
မွေးရပ်မြေသို့တစ်ခေါက်
ဒါပေမယ့် ဘီရူနီရဲ့ အစွမ်းအစကိုသိရှိပြီး သူ့ကိုလေးစားအားကျတဲ့ ဆူလ်တန်ရဲ့ ထိပ်တန်း အကြံပေးတစ်ဦးရဲ့ ကြားဝင်အသနားခံပေးမှုကြောင့် ဘီရူနီဟာ အသက်ဘေးက လွတ်မြောက်ခဲ့ပြီး အကြီးတန်း နက္ခတဗေဒနဲ့ သိပ္ပံဆိုင်ရာ အကြံပေးအဖြစ် ခန့်အပ်ခြင်း ခံခဲ့ရပါတယ်။
အဲဒီနောက်မှာတော့ ဘီရူနီဟာ ဆူလ်တန် မဟ်မူးဒ် ခရီးထွက်ရာနေရာတိုင်းနဲ့ တိုင်းပြည်ချဲ့ထွင်ရာ နေရာတွေကို လိုက်ခဲ့ရပါတော့တယ်။
ဘီရူနီဟာ ကျော်ကြားတဲ့ သိပ္ပံပညာရှင်တစ်ယောက် ဖြစ်ရုံသာမက မတူညီတဲ့ ဘာသာစကားတွေ၊ ယဉ်ကျေးမှုတွေ၊ ရိုးရာဓလေ့ ထုံးတမ်းတွေ ကိုလည်း နှစ်သက် မြတ်နိုးသူ တစ်ယောက်ပါ။ ဒါ့ကြောင့် ဆူလ်တန် မဟ်မူးဒ် အိန္ဒိယကို သိမ်းပိုက်ပြီး နောက်ပိုင်းမှာ ဘီရူနီဟာ အိန္ဒိယရဲ့ ရှေးဟောင်းသမိုင်းဝင် အမွေအနှစ်တွေကို ရှာဖွေဖော်ထုတ် ထိန်းသိမ်းဖို့ ကြိုစားခဲ့ပါတော့တယ်။
အိန္ဒိယဗေဒရဲ့ ဖခင်
ဘီရူနီဟာ အိန္ဒိယကို ပထမဆုံးရောက်ရှိခဲ့တဲ့ မွတ်စလင်ပညာရှင်တစ်ဦးဖြစ်ပြီး သူရဲ့ ပတ်ဝန်းကျင်မှာရှိတဲ့ လက်လှမ်းမီရာ အသိပညာတွေကို အကုန်လုံး လေ့လာခဲ့ပါတယ်။ အိန္ဒိယမှာရှိတဲ့ ရှေးဟောင်းဘာသာစကားတွေ၊ ယဉ်ကျေးမှု၊ သမိုင်း၊ ဘာသာတရား၊ ပထ၀ီရေးရာ၊ အနုပညာနဲ့ ဒဿနိကဗေဒဆိုင်ရာ ကဏ္ဍစုံကို ဘီရူနီက လေ့လာရှာဖွေ ဖော်ထုတ်ခဲ့ပါတယ်။ နောက်ပိုင်းမှာ သူရဲ့ လေ့လာတွေ့ရှိချက်တွေ အားလုံးကို ဖော်ပြထားတဲ့ ကီသဗ် တာရစ်က် အလ်-ဟင်ဒ်(အိန္ဒိယသမိုင်း) ကို ဘီရူနီက ရေးသားပြုစုခဲ့ပါတယ်။ ဒီစာအုပ်ဟာ သူ့ရဲ့ ကျော်ကြားဆုံး စာအုပ်တွေထဲက တစ်အုပ်လည်း ဖြစ်ပါတယ်။
ဒီစာအုပ်ထဲမှာ ဘီရူနီဟာ သူတွေ့ရှိခဲ့တဲ့ အိန္ဒိယက ဘာသာတရား၊ သမိုင်း၊ ပထ၀ီအနေအထား၊ ဘူမိဗေဒ၊ သိပ္ပံနဲ့ သင်္ချာပညာရပ်တွေကို ဖော်ထုတ်တင်ပြထားပါတယ်။
ဘီရူနီဟာ အိန္ဒိယမှာရှိတဲ့ ရာသီဥတုအခြေအနေတွေ၊ လူတွေရဲ့ မွေးဖွားသေဆုံးမှု အခြေအနေတွေကို လေ့လာကောက်ယူခဲ့ပြီး အိန္ဒိယမှာရှိတဲ့ အဓိက မြို့ကြီးတွေ၊ မြို့ငယ်တွေ၊ မြစ်ချောင်းအင်းအိုင်တွေရဲ့ အကျယ်အ၀န်း အလျားအနံကို၊ တိုင်းတာခဲ့ပါတယ်။ ခေတ်မီပစ္စည်းကိရိယာတွေမရှိဘဲ လွန်ခဲ့တဲ့နှစ်ပေါင်း ၁၀၀၀ ကျော်က တိုင်းတာခဲ့မှုဟာ ဒီနေ့ခေတ် တိုင်းတာမှုတွေနဲ့ အံသြလောက်အောင် နီးစပ်နေပါတယ်။
နိုင်ငံခြားသားတွေကို မယုံကြည်ကြတဲ့ အိန္ဒိယတိုက်ငယ်ရဲ့ ဓလေ့ကြောင့် ဘီရူနီကို အစပိုင်းမှာ အနည်းငယ် သံသယ၀င်ခဲ့ကြပေမယ့် နောက်ပိုင်းမှာ ဟိန္ဒိူပညာရှင်တွေက ကြိုဆိုခဲ့ကြပါတယ်။ ဘီရူနီဟာ ဟိန္ဒိူပညာရှင်တွေဆီက စာအုပ်တွေကိုစုဆောင်းကာ လေ့လာခဲ့ပြီး နောက်ပိုင်းမှာတော့ ၁၁ ရာစု အိန္ဒိရဲ့ သိပ္ပံ၊ သင်္ချာ၊ ဆေးပညာ၊ နက္ခတဗေဒပညာနဲ့ အခြားသော ပညာရပ်တွေကို အာရဗီဘာသာသို့ ပြန်ဆိုခဲ့ပါတယ်။
အိန္ဒိယနဲ့ ပတ်သက်ပြီး ပြောင်မြောက်တဲ့ စွမ်းဆောင်ချက်တွေကြောင့် ဘီရူနီကို အိန္ဒိယဗေဒဘာသာရပ်ကို တည်ထောင်သူလုိ့ သတ်မှတ်ကြပါတယ်။
တာဂျစ်ကစ္စတန်နိုင်ငံ အမျိုးသား စာကြည့်တိုက်တွင်ရုပ်တု ထုပြီး ဂုဏ်ပြုထားပုံ အရေးသွက်သူ ဘီရူနီ
အဓိကအားဖြင့် နက္ခတဗေဒအကြောင်းကို ရေးသားခဲ့တာဖြစ်ပြီး ကမ္ဘာကြီး လည်ပတ်နေမှုအကြောင်းကိုလည်း ဘီရူနီက ခန့်မှန်းရှင်းလင်းခဲ့ပါတယ်။ နေကြတ်တာနဲ့ ပတ်သက်ပြီးတော့လည်း ဘီရူနီက လေ့လာမှုတွေပြုလုပ်ခဲ့ပြီး သူရဲ့မှတ်တမ်းတွေက ရူပဘူမိဗေဒနဲ့ နက္ခတ္တဗေဒတို့မှာ ယနေ့အချိန်အထိ အသုံးဝင်နေဆဲပါ။
An illustration from al-Biruni’s astronomical works, explains the different phases of the moon. ရူပဗေဒ
ပထ၀ီ
တွင်းထွက်သတ္ထုဗေဒ
ဘာသာတရားများ၏ သမိုင်း
စာအုပ်များ
ဒီစာအုပ်တွေအားလုံးမှာ ဘာသာရပ်တစ်ခုချင်းစီအတွက် စနစ်ကျပြီး ကျယ်ပြန့်တဲ့ ဆန်းစစ်လေ့လာမှုတွေကနေ ရရှိခဲ့တဲ့ ရလဒ်တွေကို ဘီရူနီက ရှင်းရှင်းလင်းလင်း ဖော်ပြခဲ့ပါတယ်။ သူရဲ့ ထက်မြက်တဲ့ဥာဏ်၊ ရင့်သန်တဲ့တွေးခေါ်မှု၊ ထူးခြားတဲ့ ဘာသာစကားဆိုင်ရာကျွမ်းကျင်မှု စတာတွေက မတူညီတဲ့ ရင်းမြစ်တွေကနေ မတူညီတဲ့ အသိပညာတွေကို ရရှိစေခဲ့ပြီး သူ့ခေတ်သူ့အခါက သိပ္ပံပညာရပ်အားလုံးနဲ့ သက်ဆိုင်တဲ့ စာအုပ်စာတမ်းတွေကို ပြုစုရေးသားနိုင်ခဲ့ပါတယ်။
ဒါ့ကြောင့် ဘီရူနီကို ပညာရပ်တစ်ခုတည်း လေ့လာသူ၊ ပို့ချသူအဖြစ် သတ်မှတ်လို့မရပါဘူး။ တိုတောင်းလှတဲ့ သူရဲ့ဘ၀သက်တမ်းတစ်လျှောက်မှာ အသိပညာရပ်တွေအများကြီးကို ရှာဖွေဆည်းပူးနိုင်ခဲ့တာကိုက သူ့ရဲ့ ထူးခြားပြောက်မြောက်တဲ့ စွမ်းရည်တစ်ခုဖြစ်ပြီး အခုအချိန်အထိ သူ့လို ဘယ်သူမှ မအောင်မြင်သေးပါဘူး။
နောက်ပြီး ဘီရူနီရဲ့ ထူးခြားတဲ့စွမ်းရည်တစ်ခုကတော့ ဘာသာစကားတော်တော်များများကို တစ်ဖက်ကမ်းခတ် တက်မြောက်တာပါပဲ။ ပါရှန်း၊ အာရဗီနဲ့ သက္ကတဘာသာစကားတွေကို ဘီရူနီဟာ ရေလည်အောင် ပြောနိုင်သလို၊ ကျွမ်းကျင်စွာလည်း ရေးတတ်၊ ဖတ်တတ်ပါတယ်။ သူ့ခေတ်သူ့အခါမှာတော့ ဘီရူနီဟာ ဘာသာစကားဆိုင်ရာ ဘုရင်တစ်ဆူပါပဲ။
လက်တွေ့ကျတဲ့ မွတ်စလင်
အစ္စလာမ့်ရှရီအသ်ဥပဒေကို ဘီရူနီဟာ ကျနစွာ နားလည် သဘောပေါက်ပေမယ့် သီအိုရီပိုင်းဆိုင်ရာ အကျိုးမရှိတဲ့ ငြင်းခုံမှုတွေမှာလည်း ပါဝင်ခြင်းမရှိခဲ့ဘဲ ခပ်ကင်းကင်းသာ နေခဲ့ပါတယ်။ သမိုင်းပညာရှင်တွေကတော့ ဘီရူနီဟာ စွန်နီတစ်ယောက်ဖြစ်တယ်လို့ ဖော်ပြကြပါတယ်။
ဘ၀နိဂုံး
ဒီဘုရင်လက်အောက်မှာ ဘီရူနီဟာ သိပ္ပံဆိုင်ရာ စာအုပ်တွေနဲ့ ကျမ်းတော်တော် များများကို ပြုစုခဲ့ပါတယ်။ နက္ခတဗေဒဆိုင်ရာ ကျမ်းတစ်ဆူဖြစ်တဲ့ အလ်-ကွမ်နန် အလ်-မတ်စ်အူဒီကို ဆူလ်တန်မတ်စ်အူးဒ်က အကြိုက်တွေ့ခဲ့တာကြောင့် ဘီရူနီဆီကို ငွေဒင်္ဂါး ဆင်တစ်စီးတိုက် ပို့ပေးခဲ့ပေမယ့် ဘီရူနီကတော့ အသိပညာ ရှာဖွေဖော်ထုတ်မှုကို နှစ်သက်မှုတစ်ခုအတွက် လုပ်ခဲ့တာဖြစ်ပြီး ပစ္စည်းဥစ္စာအကျိုးအမြတ်အတွက် မဟုတ်ဘူးလို့ ယဉ်ယဉ်ကျေးကျေးနဲ့ပဲ ငြင်းဆန်ခဲ့ပါတယ်။
ဂါဇနာမှာ နှစ် ၂၀ လောက်နေထိုင်ခဲ့ပြီးတဲ့နောက် အသက် ၇၈ နှစ်အရွယ်မှာ စွယ်စုံရ သိပ္ပံပညာရှင်ကြီး ဘီရူနီဟာ ကွယ်လွန်အနိစ္စရောက်ခဲ့ပါတယ်။
အလ်ဘီရူနီဟာ အလယ်ခေတ် အစ္စလာမ့်သမိုင်းမှာ အကျော်ကြားဆုံး ပညာရှင်တွေထဲက တစ်ဦးအဖြစ် သတ်မှတ်ခြင်းခံခဲ့ရပြီး ရူပဗေဒ၊ သင်္ချာ၊ နက္ခတဗေဒနဲ့ သမိုင်းပညာရပ်တို့ကို တစ်ဖက်ကမ်းခတ် ကျွမ်းကျင်တတ်မြောက်သူလည်းဖြစ်ပါတယ်။ ပြီးတော့ ဘီရူနီဟာ ဘာသာ စကားဆိုင်ရာမှာလည်း ပါရမီရှိသူတစ်ဦးပါတယ်။ ခ၀ါရက်ဇ်မီယမ် ဘာသာစကား၊ ပါရှန်း၊ အာရဗီ၊ သက္ကတ ဘာသာစကားတို့ကို ကျွမ်းကျင်ပိုင်နိုင်စွာ ရေးသားပြောဆိုနိုင်ပြီး ဟီဘရူး၊ ဂရိနဲ့ ဆီရီအက် ဘာသာစကားကိုလည်း တတ်ကျွမ်းပါသေးတယ်။
အလ်ကင်ဒီ၊ အလ်-ရာဇီ၊ အလ်-ဖာရာဘီ၊ အစ်ဗနေ့ဆီနာ၊ အလ်-ဂါဇာလီနဲ့ မတူတဲ့ အချက်ကတော့ ဘီရူနီရဲ့ သိပ္ပံဆိုင်ရာ လေ့လာတွေ့ရှိချက်တွေကို မကြာခင်အချိန်ကအထိ ဥရောပဘာသာသို့ ပြန်ဆိုနိုင်ခဲ့ခြင်း မရှိခဲ့တာပါပဲ။ ဒါ့ကြောင့် သူရဲ့ အတွေးအခေါ် ယူဆချက်တွေဟာ အလယ်ဥရောပကို လွှမ်းမိုးခဲ့ခြင်း မရှိပေမယ့် အရှေ့ပိုင်းတစ်ခွင်မှာတော့ ဘီရူနီဟာ လွှမ်းမိုးမှုရှိတဲ့ မွတ်စလင် စွယ်စုံရ ပညာရှင်ကြီးတွေထဲက တစ်ဦးပဲ ဖြစ်ပါတော့တယ်။
ကိုးကား – Wiki၊ The Muslim 100 by Muhammad Mojlum Khan
