Category: သုတ၊ရသနှင့်အထွေထွေ

ဆောင်းပါများ၊ ကဗျာများ။ ဝထ္ထုများ၊ ဗဟုသုတ ဖြစ်ဖွယ်ရာများ စသဖြင့်

ကျွန်တော်သာ မြန်မာနိုင်ငံ၏ သမ္မတဖြစ်မည်ဆိုလျှင် (၂)

စက်တင်ဘာ၊ ၁၉၊ ၂၀၁၂

M-Media

Dr.Aung Maw

၁။ ပြည်ထောင်စု သာသနာပိုင် များ ခန့်အပ်ရန် ဥပဒေမူကြမ်း (Draft of Union Religious Chiefs) ကို အမြန်ဆုံး ရေးဆွဲပြီး လွတ်တော်သို့တင်သွင်းမည်။

        အမေရိကန် နိုင်ငံသား ခရစ်ယာန်အစွန်းရောက်အုပ်စု၏ YouTube တွင်တင်ထားသော အငြင်းပွားဖွယ် Video Clip ကြောင့် လတ်တလော မွတ်ဆလင်ကမ္ဘာရဲ့အခြေအနေဟာ မငြိမ်မသက်ဖြစ်နေချိန်မှာဘဲ၊ မြန်မာနိုင်ငံ သင်္ဃန်းကျွန်းရှိ စည်ပင်မှမြှပ်နှံခွင့် ပိတ်ပင်ထားတဲ့ မွတ်ဆလင် သုသာန်မှာ မြှပ်နှံထားမိတဲ့ ဟာဗစ်ဆူလိုင်မန်ရဲ့ရုပ်ကြွင်းကို ပြန်လည် တူးဖေါ်နေရာရွှေ့ဖို့ အကြောင်းပေါ်လာပါတယ်။ စည်ပင်ဥပဒေကို ချိုးဖေါက်မိလို့ ရုံးဖွင့်ရက် ဒဏ်ငွေ တစ်သောင်း ဆောင်လာရတဲ့အတွက် စုစုပေါင်း သိန်း ၃၀ ကျော်လာသောကြောင့် မတတ်သာတဲ့အဆုံး ကျန်ရစ်သူ မိသားစုက ရုပ်ကြွင်းကို နေရာရွေ့ဖို့ သဘောတူကြောင်း လက်မှတ်ထိုးပေးခဲ့ပေမဲ့ ရပ်ကွက်သား မွတ်ဆလင်တစ်ချို့က ဘာသာရေးအရ ခွင့်မပြုတဲ့ ကိစ္စဖြစ်ကြောင်း ဝိုင်းဝန်းကန့်ကွက်ကြစဉ် လွှတ်တော်ကိုယ်စားလှယ်များဖြစ်ကြတဲ့ ကော့ကရိတ် ဦးသိန်းညွန့်နဲ့ ဒေါ်ဖြူဖြူသင်းတို့ရောက်လာကြကာ ဒီကိစ္စကို ခေတ္တ ဆိုင်းငံထားဖို့ အကြံပြုလိုက်ကြတယ်လို့ ကြားသိရပါသည်။

မြန်မာနိုင်ငံအနောက်ဖက် ရခိုင်ပြည်နယ်က လူမျိုးရေး အပြန်အလှန် အကြမ်းဖက်မှုတွေကလည်း အရှိန်မသေသေးတော့ ဒီလိုသိမ်မွေ့တဲ့ ကိစ္စတွေကို အများလက်ခံအောင် ပြည်ထောင်စု သာသနာပိုင် (ဓမ္မသတ်မှူးချုပ်) တွေခန့်အပ်ပြီး၊ ပွင့်လင်းမြင်သာစွာ ဖြေရှင်းဖို့ ကျွန်ုပ်အနေဖြင့် အကြံရပါသည်။

မြန်မာ့သမိုင်းမှာလည်း ဘိုးတော်ဘုရားက ရခိုင်ပြည်ကို သိမ်းပိုက်အောင်နိုင်ပြီးနောက် နိုင်ငံတော်တစ်ဝှမ်းရှိ တိုင်းရင်းသား အစ္စလာမ်ဘာသာဝင် (ပသီ) လူမျိုးတို့အတွက် သာသနာရေးရာ ပြဿနာများ ကို ဖြေရှင်းပေးရန် အာဗိဒ်ရှဟ် ဟူစိုင်နီ သခင်ကြီး (အာဗျစ်သ ဟိုသိန္နီ သခင်ကြီး)ကို သာသနာပိုင် (ဓမ္မသတ်မှူးချုပ်) ခန့်အပ်ကြောင်း နိုင်ငံတော် ပြန်တမ်းကို သက္ကရာဇ် ၁၁၆၉ တန်ဆောင်းမုန်း လပြည့်ကျော် ၃ ရက်နေ့တွင် ထုတ်ပြန်ခဲ့ဘူးပါသည်။

မြန်မာနိုင်ငံသည် ၂၀၀၈ ဖွဲ့စည်းပုံအရ ဗုဒ္ဓဘာသာ၊ အစ္စလာမ်ဘာသာ၊ ခရစ်ယာန်ဘာသာနှင့် နတ်ကိုးကွယ်သည့်ဘာသာတို့ကို လွတ်လပ်စွာကိုးကွယ်ခွင့်ပြုထားသည့်အပြင်၊ သာသနာရေးဝန်ကြီးဌာနမှ တာဝန်ယူ၍ သံဃာ့မဟာ နာယကအဖွဲ့အဆင့်ဆင့်နှင့် သက်ဆိုင်ရာ တိုင်းနှင့် မြို့နယ် သံဃာ့မဟာ နာယက ဥက္ကဌများကို တရားဝင် ခန့်အပ်ံထားပြီးဖြစ်သောကြောင့် ကျန်သက်ဆိုင်ရာ ဘာသာများအလိုက် ပြည်ထောင်စုအဆင့် သာသနာပိုင် (ဓမ္မသတ်မှူးချုပ်)နှင့် ပြည်နယ်နှင့်တိုင်းဒေသကြီး သနာပိုင်များ ခန့်အပ်ရန် သာသနာရေးဝန်ကြီးနှင့် ညှိနှိုင်းလျှာထားခံရသူများ၏ ကိုယ်ရေးရာဇဝင်နှင့် ထောက်လှမ်းရေး အစီရင်ခံစာများနှင့် တိုက်ဆိုင်စစ်ဆေးမည့်အပြင်၊ သက်ဆိုင်ရာဘာသာဝင်များ၏ မဲဖြင့် ဒီမိုကရေစီနည်းကျစွာရွေးချယ်ပြီး ၂၀၀၈ ဖွဲ့စည်းပုံက ပေးအပ်ထားသော အခွင့်အာဏာကိုကျင့်သုံး၍ သက်ဆိုင်ရာဘာသာအလိုက် ဓမ္မသတ် ကော်မတီများကို ယာယီ စတင်ဖွဲ့စည်းပါမည်။

ထို့နောက် ပြည်ထောင်စု သာသနာပိုင်များနှင့် ပြည်နယ်နှင့် တိုင်းဒေသကြီး သာသနာပိုင်များတွင် ရှိရမည့် အရည်အချင်း၊ တာဝန်၊ လုပ်ပိုင်ခွင့်၊ ထုတ်ပယ်ခြင်းနှင့် အစားထိုးရွေးချယ် တင်မြှောက်ခြင်း ဥပဒေမူကြမ်းကို လွှတ်တော်သို့တင်သွင်းကာ မဲခွဲအတည်ပြုပါမည်။

သို့မှသာ မည်သည့်ဘာသာရေး၊ သာသနာရေး ပြဿနာမဆို ပေါ်ပေါက်လာလျှင် ကျွန်ုပ်၏ ဦးနှောက် အစားသက်သာမည်ဖြစ်၏။

၂။ မြန်မာနိုင်ငံ ပြည်ထောင်စု သမားတော်ချုပ် (Union Physician General) ခန့်အပ်ရန်   ဥပဒေကြမ်းတင်သွင်းမည်။

၂၀၀၈ ဖွဲ့စည်းပုံတွင် ပြည်ထောင်စု တရားသူကြီးချုပ်၊ ပြည်ထောင်စု ရှေ့နေချုပ်နှင့် ပြည်ထောင်စု စာရင်းစစ်ချုပ် ရာထူးများပါဝင်သော်လည်း အရေးကြီးသည့် ပြည်ထောင်စု သမားတော်ချုပ် ရာထူးမှာ ကျန်ရစ်နေပါသည်။

မြန်မာနိုင်ငံမှ လူချမ်းသာများသည် ထိုင်း၊ စင်္ကာံပူနှင့် မလေးရှား နိုင်ငံများသို့ သွားရောက်ခါ ဆေးကုသမှုခံယူနေကြခြင်းသည် မြန်မာနိုင်ငံ၏ ကျန်းမာရေးစောင့်ရှောက်မှုတွင် အားနည်းချက်များရှိနေပြီး ကမ္ဘာ့အဆင့်ကိုအသာထားလို့ အိမ်နီးချင်း အာရှအဆင့်ကိုပင် မမှီကြောင်း ပြသနေသည့် သက်သေဖြစ်လို့် နေပါသည်။

မြန်မာနိုင်ငံတဝှမ်းရှိ ဆေးရုံများတွင် အိမ်နီးနားချင်းနိုင်ငံသားများ ယုံကြည်စိတ်ချစွာ လာရောက်၍ဆေးကုသမှု ခံယူလာမည့် အဆင့်အထိ ပန်းတိုင်ထားကာ ကျွန်ုပ် ကြိုးစားပါမည်။

ကျန်းမာရေးဝန်ကြီးကို ဆေးရုံများအသစ်တည်ဆောက်ခြင်း၊ ပြုပြင်ထိန်းသိမ်းခြင်း၊ မွမ်းမံခြင်း၊ ဆေးပစ္စည်းကရိယာအပြည့်အစုံ ထောက်ပံ့ရေး၊ ကုသရေးနှင့် စီမံခန့်ခွဲရေး၊ ကျန်းမာရေးဝန်ထမ်းများခန့်ထားရေး ရာထူးအပြောင်းအရွေ့များ၊ ကူးစက်ရောဂါများကာကွယ်တားဆီးရေးနှင့် ဆေးသုတေသနလုပ်ငန်းများ အတွက် တာဝန်ယူစေပါမည်။

သင့်လျှော်သော ကျန်းမာရေးစောင့်ရှောက်မှုစံနစ် (Health Care System) တစ်ခုရေးဆွဲရန်၊ မြန်မာ့ဆေးပညာ ကမ္ဘာ့အဆင့်မှီ တိုးတက်ရေးအတွက် နိုင်ငံတကာ သင်ရိုးညွန်းတမ်းများနှင့် အမြဲ ညီမျှနေအောင် ရေးဆွဲရေး၊ ဆေးကျောင်းများတွင် သင်ထောက်ကူပစ္စည်းပြည့်စုံရေး၊ သင်ကြားရေးနည်းစနစ် (Teaching Methodology) ပြောင်းလဲရေး၊ International Teacher Exchange Program ရေးဆွဲရေး၊ ကမ္ဘာ့အဆင့်မှီ ဆရာဝန်များထွက်ပေါ်လာစေရေးအတွက် (တကယ်တော့ အခြေခံပညာမှ စတင်ကာ အဆင့်မြှင့်ဖို့လိုပါသည်) သင်ကြားမှု အရည်အသွေးထိန်းသိမ်းခြင်း (Quality Control of Teaching) ၊ ဆရာဝန်နှင့်သူနာပြု များကျွမ်းကျင်မှုမြင့်မားစေရန် (Accreditation) အတွက် စဉ်ဆက်မပြတ် ဆေးပညာသင်ကြားရေး (Continuous Medical Education) လုပ်ငန်းများ၊ ပုဂ္ဂလိကနှင့် အစိုးရဆေးရုံများ၏ ကျန်မာရေး စောင့်ရှောက်မှု များသည် စံမှီ၊ မမှီ စစ်ဆေးရန် (Quality Control) အတွက် သမားတော်ချုပ်ကို တာဝန်ပေးပါမည်။

တနည်းအားဖြင့် မြန်မာနိုင်ငံဆေးတက္ကသိုလ်များမှ ဘွဲ့ရသော ဆရာဝန်များကို နိုင်ငံတကာမှ အသိအမှတ်ပြုသည်အထိနှင့် နိုင်ငံတကာ ကျောင်းသားများကိုပါ လက်ခံသင်ကြားပေးနိုင်မည့် ဆေးတက္ကသိုလ်များဖွင့်လှစ်နိုင်ရေး၊ အပူပိုင်းဒေသ ဆေးပညာ (Tropical Medicine) ဘွဲ့လွန်သင်တန်းများ မြန်မာနိုင်ငံတွင် ဖွင့်နိုင်ရေးနှင့် မြန်မာပြည်တွင် အထွေထွေကု ဆေးကောလိပ် (General Practitioner College) ဖွင့်နိုင်သည်အထိ ပြုလုပ်ရန် သမားတော်ချုပ် (Physician General) တွင် တာဝန်ရှိပါမည်။

ထို့အတွက် မြန်မာနိုင်ငံ ဆရာဝန်အသင်းသားများ အပါအဝင် ဆေးပညာလောကသားများမှ ဒီမိုကရေစီနည်းနှင့်အညီ သမား တော်ချုပ်တစ်ဦး ရွေးချယ် တင်မြှောက်နိုင်ခွင့်ရရန် ပြည်ထောင်စု သမားတော်ချုပ် ဥပဒေမူကြမ်းကို အမြန်ဆုံးရေးဆွဲပြီး ပြည်ထောင်စုလွှတ်တော်သို့ တင်သွင်းမဲခွဲ အတည်ပြုချက်ရယူပါမည်။

၃။ ကုလသမဂ္ဂ အထွေထွေညီလာခံ၊ အမေရိကန် သမ္မတ အိုဘားမား၊ တရုတ်အစိုးရနှင့်၊ ကျွန်ုပ် ရင်ဆိုင်တွေ့သော အခါ…….

        အိုဘားမားနှင့် တွေ့ဆုံချိန်တွင်၎င်း၊ ကုလသမဂ္ဂ အထွေထွေညီလာခံတွင်၎င်း မဖြစ်မနေ ပြောရမည့်အချက်မှာ ရိုဟင်ဂျာအရေးကို မည်ကဲ့သို့ဖြေရှင်းမလဲ ဆိုသည့် အချက်ပင်ဖြစ်ကြောင်း ကျွန်ုပ်အနေဖြင့် ကြိုတင် ခန့်မှန်းထားပါသည်။

ထိုအခါ မြန်မာနိုင်ငံတွင် နောက်ထပ် လူမျိုးရေး၊ ဘာသာရေးအထိကရုံးများ မဖြစ်ပွားစေရန် သက်ဆိုင်ရာ ဘာသာများအလိုက် သာသနာပိုင်များ ခန့်အပ်ထားပြီး သိမ်မွေ့သည့် ဘာသာရေးပြဿနာများကို ပွင့်လင်းမြင်သာစွာ ဖြေရှင်းစေမည့် အစီအစဉ်ကို ပြောပြလိုက်လျှင် အိုဘားမားအစိုးရနှင့် အမေရိကန် လွှတ်တော်နှစ်ရပ် အနေဖြင့် စီးပွားရေးပိတ်ဆို့မှုများကို အမြန်ဆုံးရုပ်သိမ်းပြီး အနာဂတ်တွင် ကျိန်းသေတည်ငြိမ်နေမည့် မြန်မာနိုင်ငံတွင် အမေရိကန်ရင်းနှီးမြှုပ်နှံမှုများကို ဒလဟောခွင့်ပြုမည်ဖြစ်သကဲ့သို့ ကုလသမဂ္ဂအဖွဲ့ဝင်နိုင်ငံများ အနေဖြင့်လည်း ကျေနပ်လိမ့်မည်ဟု ယုံကြည်ပါသည်။

ယခု တရုတ်ပြည် ခရီးစဉ်မှာတော့ အလားတူ ဝိဂါ မွတ်ဆလင် လူမျိုးစု ပြဿနာနဲ့ ခေါင်းခြောက်နေတဲ့ တရုတ်အစိုးရက ရိုဟင်ဂျာပြဿနာ မေးခွန်းကို စတင်မေးလိမ့်မယ်လို့ မထင်ဘူး။ ကျွန်ုပ်ကသာ ဝီဂါ မွတ်ဆလင် လူမျိုးစု ပြဿနာကို တရုတ်အစိုးရ အနေဖြင့် မည်သို့ကိုင်တွယ်ဖြေရှင်းပုံကို မေးမြန်းပြီး အတွေ့အကြုံရှာရပါမည်။

ထို့ပြင် အမေရိကန် နိုင်ငံ၏ သမားတော်ချုပ်နှင့် ကျွန်ုပ်၏ ဝန်ကြီးအဖွဲ့ကို တွေ့ဆုံစေပြီး၊ ၄င်း၏ တာဝန်နှင့်လုပ်ပိုင်ခွင့်များကိုလေ့လာခိုင်းပါမည်။

၎။ အမေရိကန်ရောက်မြန်မာပြည်သူများနှင့် တွေ့သောအခါ အရင်းအနှီးများ အတွက် ဖိတ်ခေါ်မည်။

        ဗီယက်နမ်နိုင်ငံဘွား အမေရိကန်နိုင်ငံသားများကို ဗီယက်နမ်နိုင်ငံသားနိုင်ငံသား ကဒ်များထုတ်ပေးပြီး ဗီယက်နမ်နိုင်ငံတွင် လာရောက်ရင်းနှီးမြှပ်နှံစေပါသည်။ (ယ္ခင်အခါက ခွင့်မပြုခဲ့သော နိုင်ငံနှစ်ခု၏ နိုင်ငံသားလက်မှတ်များကို ကိုင်ဆောင်ခွင့်ကို ပေးပါသည်။)

ထိုင်းနိုင်ငံတွင် မည်သူမဆို တရားဝင် (၅) နှစ်နေထိုင်ပြီး၊ ထိုင်းဘဏ်တွင် ဘတ်ငွေ ၈၀,၀၀၀ (မြန်မာငွေကျပ် ၂၄ သိန်းခန့်) Show Money ပြနိုင်လျင် ထိုင်းနိုင်ငံသား ပေးပါသည်။

ဖိလစ်ပိုင်နိုင်ငံတွင် မည်သူမဆို စီးပွားရေးလုပ်ငန်း တစ်ခုထူထောင်ပြီး၊ ဖိလစ်ပိုင်နိုင်ငံသား ၂၅ ယောက်ကိုအလုပ်အကိုင် ပေးနိုင်လျှင် ဖိလစ်ပိုင်နိုင်ငံသား ပေးပါသည်။

အထက်ပါနိုင်ငံများအတိုင်း ပြုလုပ်မည်ဆိုပါက မြန်မာနိုင်ငံတွင်နှစ်ပေါင်းများစွာ တရားဝင်နေထိုင် လာသော်လည်း နိုင်ငံသားအဖြစ် ယနေ့တိုင် အသိအမှတ်ပြုခြင်းမခံသေးသော ရိုဟင်ဂျာကိစ္စကို ထောက်ပြစရာ ဖြစ်လာမည်ကို စိုးရိမ်ပါသည်။

မြန်မာနိုင်ငံတွင် ၁၉၆၄ ခုနှစ်က    ဗိုလ်ချုပ်ကြီး နေဝင်း ပြည်သူပိုင်သိမ်းသောကြောင့် အရင်းအနှီးများ၊ တန်ဘိုးမဖြတ်နိုင်သော လုပ်ငန်းကျွှမ်းကျင်မှုနှင့် အတွေ့အကြုံများ ပြည်ပသို့ နည်းအမျိုးမျိုးနှင့် ထွက်ခွာသွားကြသည့် အဖြစ်ကိုလည်းသင်ခဏ်းစာယူပါသည်။

အမေရိကန်ခရီးစဉ်မှာတော့ မြန်မာနိုင်ငံ၏ လက်ငင်းနိုင်ငံရေးခြေအနေများနှင့် ပြုပြင်ပြောင်းလဲရေး လုပ်မည့် အစီအစဉ်များကို တင်ပြပြီး အမေရိကန်ရောက်မြန်မာများအနေဖြင့် မြန်မာနိုင်ငံမှာ လာရောက်ရင်းနှီး မြှပ်နှံရန်နှင့် အရင်းအနှီးများကို အကာအကွယ်ပေးမည့် အကြောင်း ကတိပြုပါမည်။ အကယ်၍ အမေရိကန်နိုင်ငံသားကို စွန့်လွှတ်မည်ဆိုလျှင် အမေရိကန်နိုင်ငံသား မြန်မာများကို မြန်မာနိုင်ငံသား စိစစ်ရေးကဒ် ထုတ်ပေးမည့် အကြောင်းပြောပြပါမည်။

ကျွန်ုပ်အတွက် ချောင်ပိတ်မိနိုင်သော မေးခွန်းတစ်ခုရှိ၏။ နိုင်ငံတကာရောက် မြန်မာပြည်ဘွား ရိုဟင်ဂျာများကို မြန်မာနိုင်ငံတွင် လာရောက် ရင်းနှီးမြှပ်နှံစေ၍ နိုင်ငံသား အခွင့်အရေးပေးမည်လား ဆိုသည့် မေးခွန်းပင်ဖြစ်သည်။ ဝနှင့် ကိုးကန့်တရုတ်လူမျိုးများကို နိုင်ငံသားအခွင့်အရေးသာမက ရင်းနှီးမြှပ်နှံခွင့်နှင့် ကိုယ်ပိုင်အုပ်ချုပ်ရေး ပေးထားသည်ကိုလည်း နှိုင်းယှဉ်ပြီး ထောက်ပြနိုင်သည်။ ဒီမေးခွန်းများ အတွက် ကျွန်ုပ် အဖြေကောင်းကောင်း တစ်ခုကိုရှာ ထားရပါမည်။

ထို့အပြင် ပြည်ထောင်စု သမားတော်ချုပ်နှင့် ပြည်ထောင်စုသာသနာပိုင်များ ခန့်ထားမည့်ကိစ္စကို အမေရိကန်ရောက်မြန် မာပြည်သူများကို တင်ပြပြီး၊ သူတို့၏ အသံကိုနားထောင်ပြီး အကြံဥာဏ်ကို ရယူပါမည်။

Disclaimer

       ကျွန်ုပ်သည် တည်ဆဲ ၂၀၀၈ ဖွဲ့စည်းပုံ အခြေခံ ဥပဒေနှင့် ရွေးကောက်ပွဲ ကော်မရှင် ဥပဒေအရ ရပ်ကွက် အုပ်ချုပ်ရေးမှူး အဖြစ်ပင် ဆောင်ရွက်ပိုင်ခွင့် မရှိသော၊ မြန်မာစစ်စစ် မိခင်မှ မြန်မာ့မြေပေါ်တွင် မွေးဖွားသည့် မဲပေးခွင့် သာရပြီး ရွေးကောက်ခံပိုင်ခွင့် မရှိသော်လည်း မြန်မာနိုင်ငံ စစ်မှုထမ်းမှုဥပဒေအရ စစ်မှုထမ်းရန် တာဝန်ရှိသော မြန်မာနိုင်ငံသား တစ်ဦးသာ ဖြစ်ပါသည်။

ကျွန်တော်သာ မြန်မာနိုင်ငံ၏ သမ္မတ ဖြစ်မည်ဆိုလျှင် (၁) ဖတ်ရန်။

September 19, 2012
ဘာစန်းသီး၊ အောင်မေသုနှင့် အမှတ်ရစရာ အမှတ်မှားမှုများ (မျိုးမြင့်ချို)

စက်တင်ဘာ၊ ၁၈ ၊ ၂၀၁၂

မျိုးမြင့်ချို

“နင့် နာမည်လေးက အတော်လှတာပဲ” ဟုပြောလိုက်ချိန်တွင် မစန်းသီမျက်နှာ ဝင်းကနဲဖြစ်သွားသည်ကို သတိထားလိုက်မိသည်။ “လူကော..ဦးလေး”တဲ့ “အင်း…လူလား..လူလည်းချောပါတယ်ဟာ” တကယ်က မစန်းသီသည် ချောသည့်လှသည့်မိန်းမများထဲတွင် စာရင်းဝင်သည်ဟု မဆိုနိုင်သော်လည်း ဟိန္ဒူသွေးစစ်စစ်ဖြစ်သည့် အတိုင်းမျက်လုံးမျက်ခုံး နှာတံပေါ်ပေါ်နှင့်ကြည့်ကောင်းသည်။ မျက်နှာချို၏။ စိတ်ထားကောင်း၏။ ဗမာစကားကို အိန္ဒိယတိုက်သားအသံထွက်နှင့် တတ်နိုင်သလောက် သိမ်သိမ်မွေ့မွေ့ကြိုး စားပြောတတ်၏။ အသားမဲသည်ဆိုသော်လည်း ခြောက်ခြောက်သွေ့သွေ့တော့ မဟုတ်။ စိုစိုပြေပြေရှိသည်။ စာမတတ်၊ ကျောင်းမနေ ဖူးသူ။ လမ်းထိပ်က ထမင်းဆိုင်တွင်တောက်တိုမယ်ရ အလုပ်သမား။ နိုင်ငံရေးနှင့်စကြဝဋ္ဌာတခုစာလောက်ဝေး၏။

ဦးအောင်မေသု (ခ) ဦးသုရဲ့ နောက်ဆုံးခရီးကို အမျိုးသားဒီမိုကရေစီအဖွဲ့ချုပ်မှ ဒေါ်အောင်ဆန်းစုကြည်နှင့် အဖွဲ့ဝင်များ ရေဝေးမွတ်စလင်သုဿန်သို့ လိုက်လံပို့ဆောင်ခဲ့စဉ်က

၁၉၈၉ ခုနှစ်။ အင်းစိန်ထောင် တိုက်ဝင်းများရှိ ၄ တိုက် ၃ ခန်း။ ၁၂ ပေ ၈ပေ အခန်းကျဉ်းလေးတခု။ အတူနေသူများက ဦးအောင်မေသု(မင်းလှ အမျိုးသားဒီမိုကရေစီအဖွဲ့ချူပ်)၊ ကိုမြင့်လှိုင်(ခေါ်) ကိုမြင့် (မင်္ဂလာဒုံ)၊ ကိုမျိုးကြည်(မှော်ဘီ)၊ ကိုသိန်းထူး (ခေါ်) ကိုသက်ဇင်(ပုသိမ်)နှင့်ကျနော်။ အားလုံးတွင် ဦးအောင်မေသုက အသက်အကြီးဆုံး။ ကျနော်တို့က သူ့ကို ဦးသု..ဟုခေါ်သည်။ အစ္စလာမ်ဘာသာဝင်။ လူမျိုးကတော့ ဘာလူမျိုးလည်းကျနော်မမေးမိခဲ့။ ၅ ယောက်ထဲတွင် နိုင်ငံရေးဘဝ အတွေ့အကြုံအစုံလင် ဆုံး။ ကျွန်းပြန်။ ၉ တန်းကျောင်းသားဘဝမှ စတင်ခဲ့သည့် သူ့နိုင်ငံရေးလမ်းတလျှောက်လုံး ဆူးညှောင့်ခလုပ်ကန်သင်းများနှင့် တင်းကြမ်း။ မဆလ တခေတ်လုံး လှုပ်မရလွန့်မရအောင် နှိပ်ကွပ်ခံရသည့်ကြားမှ ဘဝကိုတပင်တပမ်းထူထောင်ခဲ့ရသူ။ အသားညိုညို၊ လူကောင် သေးသေး၊ ခါးကလည်း မဆိုစလောက်လေးခပ်ယိုင်ယိုင်၊ အူကျရောဂါဆိုးဆိုးရွားရွား၊ မိသားစုထောင် ဝင်စာဆိုသည်ကလည်း လာတချက်မလာတချက်။ သို့နှင့်တိုင် ဘယ်တော့မှ ဘဝကိုစိတ်မပျက်။ မငြီးညူတတ်။ ရယ်ရယ်မောမောပျော်ပျော်ရွှင်ရွှင်နှင့် ကြိတ်မှိတ်ပေတေပြီးခံ၏။

တယောက်ကိုတယောက် တနေ့လျှင် ၂၃ နာရီခန့် မျက်နှာချင်းဆိုင်ချင်ချင်၊ မဆိုင်ချင်ချင် ဆိုင်နေရသည့်အနေအထား။ အိပ်ချိန်မှတပါး စကားတွေပြောကြသည်။ နိုင်ငံရေး၊ စာပေအနုပညာ၊ လောကအကြောင်း၊ သူ့အကြောင်းကိုယ့်အကြောင်း အကြောင်းပေါင်းလည်းစုံသလို၊ တခါတရံမှာလည်း မတူသည့်အမြင်များက လေးလေးနက်နက်ပြင်းပြင်း ထန်ထန် ငြင်းကြခုံကြ ဆီသို့ဆိုက်သွားသည်လည်းရှိ၏။ ထိုအခါမျိုးတွင် သူကဘယ်တော့မှ ခုံသမာဓိမလုပ်သလို သူ့တရားကိုလည်း ဇွတ်ထူထောင်လေ့ မရှိ။ သူ့အမြင်သူပြောပြီး သူ့ရပ်ခံချက်အတိုင်းသရပ်သည်။

“မဟာအောက်တိုဘာတော်လှန်ရေးကြီးအပြီးနဲ့ ဒုတိယကမ္ဘာစစ်အပြီးနှောင်းပိုင်းကာလတွေမှာ ကမ္ဘာ့ပြည်သူတွေရဲ့ တိမ်းညွှတ်မှုက လက်ဝဲတိမ်းညွှတ်မှုနဲ့ဆိုရှယ်လစ်ရေး၊ ပြည်သူ့ဒီမိုကရေစီထူထောင်ရေးဗျ.. အခုဟာက လက်ယာတိမ်းညွှတ်မှုနဲ့ဈေးကွက်စီးပွားရေး၊ ပါတီစုံဒီမိုကရေစီ ထူထောင်ရေးဗျ… ဆိုတော့ ကျနော်တို့အမြင်တွေတင်မကဘူး လုပ်ဟန်နည်းနာတွေပါ ပြောင်းကိုပြောင်းရမယ်။ မပြောင်းရင် ပြတ်ကျန်ခဲ့လိမ့်မယ်ဗျ…”

“ကွန်မြူနစ်ဆန့်ကျင်ရေးလုပ်တာဟာ..ဒီမိုကရေစီရေးတိုက်ပွဲဝင်တာဖြစ်တယ်… ကွန်မြူနစ်ကိုတိုက်ဖို့ဆို စစ်အာဏာရှင် နဲ့တောင်ပေါင်းမယ်… ဆိုတဲ့ အတွေးအခေါ်ရှိသူတွေရဲ့ နိုင်ငံရေးလားရာကို ဘာမှပြောစရာမရှိပါဘူး.. သူတို့ရွေးချယ်တဲ့လမ်းက သူတို့ကို ခေါ်ဆောင် သွားမှပါဗျာ”

“ဒီမှာ..ကျနော်ပြောမယ်..နိုင်ငံရေးလုပ်တယ်ဆိုတာ အာဏာလိုအပ်လို့လုပ်ရတာပဲ.. တနည်းပြောရရင် အာဏာလိုချင်လို့ဗျာ.. အာဏာလိုချင်တယ်ဆိုတာကလည်း ပဒေသရာဇ်တွေစကားနဲ့ပြောရရင် ရှင်ဘုရင်လုပ်ချင်တာပဲ…တခုပဲရှိတယ်… ရှင်ဘုရင် လုပ်ချင်တဲ့ကောင်ဆိုတာ ညံ့လို့မရဘူးဗျ… ညံတဲ့ကောင်လည်းဘယ်တော့မှရှင်ဘုရင်မဖြစ်ဘူး..”

သူပြောခဲ့ဖူးသည့်စကားများစွာအနက်မှ တချို့ကို ယခုတိုင်ပင်မှတ်မှတ်ရရရှိနေသေး၏။

တနေ့ကျနော်က သူ့ကို “ဦးသုရဲ့နာမည်က တော်တော်ထူးခြားတယ်နော်.. အောင်မေသုဆိုတဲ့ ဒီလိုနာမည်မျိုးက အမှည့်နည်းတယ် လို့ ကျနော်ထင်တာပဲ…ဟုဆိုကာ သူ့အမည်ကိုစပ်စုမိ၏။ သူက ထုံးစံအတိုင်း တချက်ပြုံးလိုက်ပြီး .. “ကျနော်က အရင်တုန်းက နီအောင်မေသု ဗျ… ဗိုလ်စက်ရောင်ကတော့ ခင်ဗျားတို့ကြားတဲ့အတိုင်းပဲ..ဧဝံမေသုတံ..တဲ့..ကျနော်တို့ခေတ်က နီ ဆိုတာကို လက်ဝဲအတွေးအခေါ်ရှိတဲ့ လူငယ်တွေတော်တော်များက နာမည်ရှေ့မှာ မြတ်မြတ်နိုးနိုးတပ်ကြတာဆိုတော့ ကျနော်လည်း တပ်တာပေါ့ဗျာ..” တဲ့။ “ကျနော်ဆိုလိုတာက အောင်မေသုဆိုတာကိုပါ..ရုတ်တရက်ဆို ပါဋ္ဌိလိုလိုဘာလိုလိုနဲ့..ဥပမာဗျာ သုမောင် ဆိုပါတော့ ကောင်းသောလူကလေး.. ဆိုတာမျိုး..” ဆိုတော့ သူပြုံးသာနေသည်။ ဘာမှမပြော။ သည်တော့မှ ကျနော်က မစန်းသီ အကြောင်းသူ့ကိုပြောပြသည်။

“ဒါနဲ့..မစန်းသီ..နင့် ဒီနာမည်ကို ဘယ်သူပေးတာလဲဟ..ပြောပြပါဦး..နင့်မိဘပေးတာလား” ဗမာစကားပင်အနိုင်နိုင်ပြောနေကြရသည့် မစန်းသီ၏မိဘများက မစန်းသီဆိုသည့် နာမည်လှလှလေးကို ရွေးပေးနိုင်လောက်မည် မထင်သဖြင့် မေးမိလိုက်၏။ “မဟုတ်ဘူး ဦးလေး.. ကျမ ၁၃ နှစ်လောက်က ရပ်ကွက်ထဲကို မှတ်ပုံတင်ရုံးကလူကြီးတွေလာတယ်။ မှတ်ပုံတင်မရှိသေးသူတွေကို မှတ်ပုံတင်လုပ်ပေးတော့ အမေနဲ့ကျမသွားတယ်… အဲဒီ စာရေးတဲ့လူကြီးက ကျမနာမည်မေးတော့ ကျမကနာမည် ပြောပြတယ်… ကျမမှာဗမာနာမည် မရှိဘူး… ကုလားနာမည်ပဲရှိတယ်…ဟိန္ဒူလို ဘာစန်းသီး လို့ ခေါ်တယ်… ဘာစန်းသီးလို့ပြောတော့… သူက ၂ ခါ ၃ ခါပြန်မေးတယ်….. ကျမကလည်း ဘာစန်းသီး..ဘာစန်းသီး လို့ပဲပြန်ပြန်ဖြေတယ်… သူက ဘယ်လိုကြားသလဲတော့မသိပါဘူး ဦးလေးရာ… နောက်တော့ မှတ်ပုံတင်ရရော… ရတော့မှ ဘေးအိမ်ကလူကိုပြတော့ သူက “ဟဲ့..နင်က ဗမာနာမည်တွေ ဘာတွေနဲ့ပါလား” လို့ ပြောပြီး “ဒီမှာလေ နင့်နာမည်က ဘာစန်းသီးကနေ မစန်းသီဖြစ်သွားပြီ…” တဲ့ “အဲဒီလိုနဲ့ မစန်းသီဖြစ်လာတာပါဦးလေးရာ..”တဲ့။

ကျနော့စကားဆုံးတော့ ဦးသုက “ခင်ဗျားက ကျနော့နာမည်ကိုရော ဘယ်ကနေဘယ်လို ဖြစ်လာတယ်ထင်လို့လဲ..” တဲ့။ “ကျနော့် အသိထဲမှာ ရမ်းမသူးတို့ အူမူရ်သူးတို့ ဆိုတဲ့နာမည်နဲ့ မွတ်စလင်မ်တွေရှိတယ်…ဘာလူမျိုးတွေလည်းတော့ ကျနော်လည်း မသိပါဘူး… ဗမာစကား ပြောရင်တော့ မစန်းသီလိုပဲ ခပ်ယိုင်ယိုင်ရယ်…တခါ ဦးသုကလည်း အစ္စလာမ်ဘာသာဝင်၊ အစ္စလာမ် နာမည်လည်းရှိမှာပေါ့၊ နောက်ပြီး.. ဦးသုပြောသလောက်ကလည်း ဦးသုအဖေက ဗမာလိုသိပ်မပြီဘူးဆိုတော့… ကျနော်တွေး မိတာက.. ဘာစန်းသီးကနေ မစန်းသီဖြစ်သလိုမျိုး… မှတ်ပုံတင်အရာရှိ၊ ဒါမှမဟုတ်လည်း ကျောင်းစအပ်တုန်းက ကျောင်းစာရေးက အကြားလွဲပြီး ရမ်းမသူးတို့ အူမူရ်သူးတို့ကနေများ အောင်မေသု ဖြစ်လာသလားလို့ပါ..”

သူ၏ ထူထဲရှည်လျားလှသည့် မျက်ခုံးမွှေးကြီးများကို အသာအယာဆွဲယူပွတ်သတ်နေရင်းက “ခင်ဗျားဗျာ.. တော်တော်ကြံကြံဖန်ဖန် ဆက်စပ် တွေးတဲ့သူပါလား… အကျိုးအကြောင်းလည်းဆီလျော် ယုတ္တိယုတ္တာလည်းကျ၊ ဟုတ်လည်းအဟုတ်ပဲ… ဒါပေမယ့် ခင်ဗျား တွေးမိသလို ဟုတ်တယ် မဟုတ်ဘူးဆိုတာထက် ဒီ..အောင်မေသုဆိုတဲ့နာမည်က ကျနော့်အဖေကိုယ်တိုင်ရွေးပြီးပေးခဲ့ တာဗျ- ဘာပဲ ဖြစ်ဖြစ်လေ… ရမ်းမသူးကနေ ဒါမှမဟုတ် အူရ်မူသူးကနေ အောင်မေသုဖြစ်တာဖြစ်ဖြစ်… အောင်မေသု ကနေ ပဲ အောင်မေသု ဖြစ်တာဖြစ်ဖြစ် ပါ.. အရေးမကြီးပါဘူး… ကျနော် အောင်မေသုအဖြစ်နဲ့ အောင်မေသုဖြစ်နေရတာ ကိုပဲ ကြိုက်ပါတယ်…နောက်လည်း အောင်မေသုပဲဖြစ်နေဦး မှာပါ” ဟု ဆိုကာ ထုံးစံအတိုင်း ခပ်ပြုံးပြုံး…သည်လိုနှင့် သည်ညနေခင်းကား ကုန်ဆုံးသွားရပြန်သည်။

ကျနော်မြင်ခဲ့ဖူးသည့်အောင်မေသုကား အောင်မေသုအဖြစ်နှင့်သာ နေသွား သေသွားခဲ့ပါသည်။

မျိုးမြင့်ချို FB စာမျက်နှာမှ ကူးယူဖော်ပြပါသည်။

September 18, 2012
အာရကာနစ္စတန် (Arakanistan) အပိုင်း-၁

ရဲရင့်သစ္စာ

အာရကာနစ္စတန် (Arakanistan) ဆိုတဲ့ အမည်ကို ကြားလိုက်တာနဲ့ရိုဟင်ဂျာကုလားတွေ က ရခိုင်ပြည်နယ်မှာ မွတ်စလင်နိုင်ငံ တည်ထောင်ဖို့ရည်ရွယ်ထားတဲ့နာမည်ဘဲလို့ ဒီခေတ် ဗုဒ္ဓဘာသာဝင် အများစု က သိလိုက်ကြမှာဖြစ်ပါတယ်။ နိုင်ငံခြားတွေမှာစာတမ်းတွေကျမ်းတွေပြုစုနေပါတယ် ဆိုတဲ့ ပညာတတ်များ က ရေးသားဝါဒဖြန့် လူထုဆီနည်း အမျိုးမျိုးနဲ့အရောက်ပို့နေတာကြောင့် မြန်မာ လူထု (အထူးသဖြင့် အွန်လိုင်းလူထု) လည်း ဟုတ်နိုးနိုးနဲ့ ရောယောင်ပြီး မခံမရပ်နိုင်တွေဖြစ် ရိုဟင်ဂျာ ကို ဆဲဆို စတာတွေ ကို တစိုက် မတ်မတ် ပြုလုပ်လာနေကြတာလို့မြင်မိပါတယ်။ ဖြစ်သင့်ပါတယ်၊ ကိုယ့်နိုင်ငံ ကိုယ့်တိုင်းပြည်ကို ခွဲထုတ်ပြီးသီးသန့်နိုင်ငံ တခု တည်ထောင်ဖို့ လူတစု က ကြိုးစားနေတာသိရရင် စိတ်ဆိုးဒေါသ ထွက်ကြတာ ဟာ တိုင်းချစ်ပြည်ချစ် လူတိုင်းဖြစ်သင့်တဲ့သဘာဝခံစားချက်ပါ။

ရိုဟင်ဂျာ မဟုတ်တဲ့ ကျွန်တော်၊ မြန်မာမွတ်စလင်တဦးဖြစ်တဲ့ ကျွန်တော် ဟာလည်း ရိုဟင်ဂျာဆိုသူတွေ ဟာ အာရကာနစ္စတန် (Arakanistan) လို့ခေါ်တဲ့ နိုင်ငံတည်ထောင်ဖို့ကြိုး စားနေသူတွေ ဖြစ်ကြောင်း စကြားရ၊ စဖတ်ရတော့ မခံမရပ်နိုင်ဖြစ်မိပါတယ်။ ဘာသာတူဖြစ်ဖြစ် ဘာဖြစ်ဖြစ် ရိုဟင်ဂျာ တွေကို ဆန့်ကျင်စိတ် တဖွားဖွား ပေါ်ပေါက်ခဲ့ပါတယ်။

ရိုဟင်ဂျာတွေ ဟာ အာရကာနစ္စတန် နိုင်ငံ ထူထောင်ဖို့ လုပ်ဆောင်နေတယ် ဆိုတာကို ကျွန်တော် စဖတ် ရတာ Islamization of Burma Through Chittagonian Bengalis as “Rohingya Refugees“ စာတမ်းမှာပါ။ စာတမ်းရေးသားသူ က ခေတ်ပညာတတ် တစ်ဦးဖြစ်တဲ့ ဦးခင်မောင်စော ဆိုတဲ့ ပုဂ္ဂိုလ် ပါ။ အဲဒီစာတမ်း ခေါင်းစဉ် 4.1 မှာ- ဘင်းဂလား က ဝင်ရောက်လာတဲ့ စစ်တကောင်းဘင်္ဂလီ လူမျိုး တွေဟာ မြန်မာပြည်လွတ်လပ်ရေးရပြီးချိန် မှာ ကိုယ်ပိုင်အုပ်ချုပ်ခွင့်ရ မွတ်စလင်နိုင်ငံ “Arakanistan” ကို တည်ထောင်ဖို့ ကြိုးစားခဲ့ကြတယ် လို့ ရေးထားပါတယ်။ ဦးခင်မောင်စော ရေးထားတာကို အထောက်အကူပြုပြီး ဦးခင်မောင်စောလို စာတတ်ပေတတ်တွေ အပါအဝင် အချို့လူတွေကလည်း ရိုဟင်ဂျာတွေ က သီးခြားနိုင်ငံ အာရကာနစ္စတန် တည်ထောင်ဖို့ လုပ်နေသူတွေဖြစ်ကြောင်းဝါဒဖြန့် ပြောဆိုလာကြတာကိုတွေ့ရပါတယ်။ တစ်ရက်မှာ မိတ်ဆွေရိုဟင်ဂျာ၁ ယောက်နဲ့ စကားစပ်မိရင်း အာရကာနစ္စတန် အကြောင်းပြောပြမိတော့ ရိုဟင်ဂျာတွေဟာ အာရကာနစ္စတန် (သို့) သီးခြားခွဲထွက်ခွင့်တောင်းခံခဲ့သူတွေ လုံးဝ မဟုတ်ကြောင်း အခိုင်အမာပြောဆိုခဲ့ပြီး၊ ကိုရဲရင့်အနေနဲ့ အဲဒီ သမိုင်းကြောင်းကို သေချာသုတေသန ပြုလေ့လာပြီး တွေ့ရှိတဲ့ အမှန်တရားကို လူထု သိအောင်ရေးပြစေလိုကြောင်းဆိုခဲ့ပါတယ်။ ကျွန်တော်လည်း ကောင်းပါပြီ သုတေသန ပြုလေ့လာပြီး တွေ့တဲ့ အမှန်ကို အမှန်အတိုင်းရေးသားပါ့မယ်လို့ သူ့ကို ကတိပေးခဲ့ပါတယ်။

ဦးခင်မောင်စော က သူ့စာတမ်းမှာ အထက်ပါအတိုင်း ရေးရုံ ရေးထားတာပါ၊ စာအုပ်စာတမ်း အထောက်အထားမည်မည်ရရ ပေးမထားပါဘူး။ သူပြထားတဲ့ အထောက်အထား က တော့ ၁၉၄၇ က ဖဆပလအသင်းဝင် ဦးရရှစ်နဲ့ ဦးနုတို့ ရဲ့ မိန့်ခွန်းဖြစ်နေပါတယ်။ အဲဒါနဲ့ ကျွန်တော် လည်း လွန်ခဲ့တဲ့ ၇ ရက်လောက် က စပြီး ဦးခင်မောင်စောရေးထားတဲ့ “Arakanistan” နဲ့ပတ်သက်တဲ့ အထောက်အထားကို လိုက်ရှာခဲ့ပါတယ်။ မနေ့ည ကမှ “Arakanistan” နဲ့ပတ်သက်တဲ့ အထောက်အထားတွေ့ခဲ့ပါတယ်။ ကျွန်တော် ကြိုးစားရှာဖွေထားတဲ့ အထောက်အထားကို လူတိုင်းသိနိုင်ဖို့အတွက် ကျွန်တော်ရေးပြပါ့မယ်။ စာဖတ်သူမိတ်ဆွေတွေ အနေနဲ့လည်း သမိုင်းကြောင်းကို သမိုင်းကြောင်းလိုဘဲ မြင်စေချင်ပါတယ်။ ကျွန်တော့်ရဲ့ တင်ပြမှု အပေါ် အခြားအရောင်တွေ မစွန်းပါစေနဲ့လို့ကြိုတင် မေတ္တာရပ်ခံလိုပါတယ် ခင်ဗျာ။

၁၉၅၈-၁၉၆၂ မြန်မာ့နိုင်ငံရေး (တတိယတွဲ) စာအုပ် ကို ဖတ်မိပါတယ်။ အဲဒီစာအုပ် ကို ၁၉၉၁ ခုနှစ် က တက္ကသိုလ်များပုံနှိပ်တိုက် ၊ ရန်ကုန် မှာ ရိုက်နှိပ်ခဲ့တာဖြစ်ပြီး နိုင်ငံရေးဆိုင်ရာ စာပေ ခွင့်ပြုချက်အမှတ် (၃၆၉၉) နဲ့ တက္ကသိုလ်များ ပုံနှိပ်တိုက် မန်နေဂျာ ဦးစိုးမြင့် က ထုတ်ဝေခဲ့တာပါ။ ပြုစုသူတွေက တော့ဦးကျော်ဝင်း၊ ဦးမြဟန် နဲ့ ဦးသိန်းလှိုင် တို့ ဖြစ်ကြပြီး၊ မြန်မာ့သမိုင်းဖြစ်ရပ်အမှန်များ ရေးသားပြုစုရေး အဖွဲ့ က စိစစ်ထားတာဖြစ်ပါတယ်။ အဲဒီစာအုပ် “အခန်း ၁၂ ၊ ရခိုင် မွန် နှင့် ချင်းပြည်နယ် တောင်းဆိုခြင်း” အခန်းမှာ၊ ရခိုင်ကိုယ်စားလှယ်တွေဟာ ၁၉၃၀ လန်ဒန်မျက်နှာစုံညီ အစည်းအဝေး ကို သွားတက်ကတည်းက ရခိုင်ပြည်နယ် ကို သီးခြား လွတ်လပ်ရေးပေးဖို့ တောင်းဆိုရန် အစီအစဉ်ရှိခဲ့ပေမဲ့၊ မြန်မာခေါင်းဆောင်တွေ ဖြစ်ကြတဲ့ ဦးချစ်လှိုင်နဲ့ ဦးဘဘေ တို့ ကတောင်းပန်တဲ့ အတွက် မတောင်းဆိုဖြစ်ခဲ့ လို့ရေးထားပါတယ်။ ၁၉၃၀ လန်ဒန် အစည်းအဝေးကို တက်ခဲ့တဲ့ ရခိုင်ကိုယ်စားလှယ်တွေဟာ ဦးထွန်းအောင်ကျော် နဲ့ မစ္စမေအောင် (ဒေါ်မြစိန်) တို့ ဖြစ်ကြပါတယ်။

၁၉၃၇ ခုနှစ် ၉၁ ဌာန အုပ်ချုပ်ရေး ပေါ်ပေါက်လာချိန်မှာ ဥပဒေပြုလွှတ်တော်ရခိုင်အမတ်ဖြစ်တဲ့ အမျိုးသားကျောင်းဆရာကြီး ဦးထွန်းအောင် က ရခိုင်ကိုပြည်နယ် တစ်နယ်အဖြစ် အော်တိုနော်မီ (Autonomy) ပေးသင့်ကြောင်း ရခိုင်တိုင်းမှာ လှုံ့ဆော်ခဲ့တယ်လို့ အထောက်အထားပေးပြီးရေးထားပါတယ်။

ဦးလှထွန်းဖြူ နဲ့ ထင်ရှားတဲ့ ရခိုင်ခေါင်းဆောင်အချို့ ဟာ ရန်ကုန်မြို့မှာ “အာရကံနီစတန်” ရခိုင်ပြည်နယ်တောင်းဆိုရေးအတွက် အစည်းအဝေးကျင်းပဖို့ စိုင်းပြင်းနေကြကြောင်းရေး သားထားပါတယ်။ အာရကာနစ္စတန် (Arakanistan) ဆိုတဲ့ အမည် ကို ဘယ်သူစသုံးခဲ့ တာလည်း ပေါ်လာပါပြီ။ စဖတ်ရခြင်းတော့အလွန်ကို အံ့ဩမိပါတယ်။ စာဖတ်သူတွေလည်းအံ့ဩမိမှာပါ။ မယုံမရှိကြပါနဲ့။

၁၉၅၈-၁၉၆၂ မြန်မာ့နိုင်ငံရေး (တတိယတွဲ) စာအုပ် စာမျက်နှာ (၁၆၈)

၁၉၅၈-၁၉၆၂ မြန်မာ့နိုင်ငံရေး (တတိယတွဲ) စာအုပ် စာမျက်နှာ (၁၆၈)

ဒါတွေ က လွတ်လပ်ရေးမရခင် အာရကာနစ္စတန် (Arakanistan) လှုပ်ရှားမှုတွေပါ။ လွတ်လပ်ရေးရပြီးတော့လည်း အာရကာနစ္စတန် (Arakanistan) ဝါဒီတွေ က အပြင်းအထန် လှုပ်ရှားခဲ့ပါသေးတယ်။ ပြည်သူ့လွှတ်တော်မှာ တောင်းဆိုတာတွေ လုပ်ခဲ့ပါတယ်။ အကျယ်တဝင့်တော့ ကျွန်တော်ရေးမပြတော့ပါဘူး။ ထူးခြား တာ က ရခိုင် က ရိုဟင်ဂျာ တွေ ဟာ ရခိုင်ပြည်နယ် ကိုယ်ပိုင်အုပ်ချုပ်ခွက်ရရေးအဆို ကို လုံးဝ မထောက်ခံခဲ့တဲ့အပြင် အပြင်းအထန် ကန့်ကွက်ခဲ့ပါတယ်။

၁၉၅၆ ဖေဖော်ဝါရီ လ ၂၂ ရက်နေ့မှာ ကျင်းပခဲ့တဲ့ ပြည်သူ့လွှတ်တော်အစည်းအဝေးမှာ ရမ်းဗြဲ အမတ် ဦးဘမြိုင် က ဖွဲ့စည်းအုပ်ချုပ်ပုံ အခြေခံ ဥပဒေ (ပြင်ဆင်ချက်) ဥပဒေကြမ်း ကို ဆွေးနွေးစဉ်းစားဖို့ အဆိုသွင်းခဲ့ပါတယ်။ အဲဒီ အဆိုရဲ့ အနှစ်ချုပ် က တော့ ရခိုင်ပြည်နယ်ကို ကိုယ်ပိုင်အုပ်ချုပ်ခွင့်ရ ပြည်နယ် အဖြစ် ဖန်တီးဖို့နဲ့ ဗဟိုအစိုးရရဲ့ချုပ်ကိုင်မှုကနေ ကင်းလွတ်စေဖို့ ဖြစ်ပါတယ်။ ဦးဘမြိုင်ရဲ့ အဲဒီအဆိုကို ဘူးသီးတောင်အမတ် ဖြစ်တဲ့ အဘူ(ရ်) ဘောရှော (ရ်) က ကန့်ကွက်ဆွေးနွေးခဲ့ပါတယ်။ အဲဒီလိုဆွေးနွေးခဲ့တဲ့ အနှစ်ချုပ် က တော့ ရခိုင်ပြည်နယ် အလိုမရှိကြောင်း၊ အကယ်၍သာ အစိုးရ က ရခိုင်တိုင်းကို ပြည်နယ်ပေးမယ်ဆိုရင် ဘူးသီးတောင် မောင်တော နယ်တွေကို ရခိုင်ပြည်နယ်အတွင်း မထည့်သွင်း ဘဲ သီးခြား ခရိုင်တစ်ခု အဖြစ် ပြည်မ လက်အောက်မှာသာ ထားပေးဖို့မေတ္တာရပ်ခံကြောင်း။

ရခိုင် အမတ် ဦးဘမြိုင်ရဲ့ တောင်းဆိုချက်ကိုအစိုးရအဖွဲ့ က မလိုက်လျောခဲ့ပါဘူး။

ဦးဘမြိုင်ရဲ့ ရခိုင်ပြည်နယ် ဖွဲ့စည်းရေးအတွက် အခြေခံ ဥပဒေ (ပြင်ဆင်ချက်) ဥပဒေကြမ်းအဆို အရေးနိမ့်သွားပြီး နောက်ပိုင်းမှာလည်း ရခိုင်လွှတ်တော် အမတ် တစ်ချို့ဟာအခါအခွင့် သင့်တိုင်း ရခိုင်ပြည်နယ် ရရှိရေးကို လွှတ်တော်အတွင်းမှာတောင်းဆိုခဲ့ကြပါတယ်။

၁၉၅၇ ခု မတ်လ ၇ ရက်နေ့မှာ ကျင်းပတဲ့ ပြည်သူ့လွှတ်တော် အစည်းအဝေးမှာ မြို့ဟောင်းအမတ် ဦးလှထွန်းဖြူ က ရခိုင်ပြည်နယ် တောင်းဆိုခြင်း ဟာဖွဲ့စည်းအုပ်ချုပ်ပုံ အခြေခံဥပဒေ အရ တောင်းဆိုခြင်း သာဖြစ်ကြောင်း ဆွေးနွေးတင်ပြခဲ့ပါတယ်။ ဦးလှထွန်းဖြူ ရဲ့ ဆွေးနွေးချက် ကို ဝန်ကြီးချုပ် ဦးနု က အဘယ်ကြောင့်ရခိုင်ပြည်နယ် မပေးလိုကြောင်း ပြန်လည်ရှင်းလင်းဆွေးနွေးခဲ့ပါတယ်။

ရခိုင်အမျိုးသားတွေ ဟာ လွှတ်တော်ပြင်ပမှာလည်း ပြည်နယ်တောင်းဆိုမှုကိုလုပ်ဆောင်ခဲ့ ကြကြောင်း ဖတ်ရပါတယ်။ ၁၉၅၇ စက်တင်ဘာ ၂၈ ၊ ၂၉ ရက်တွေမှာ ရန်ကုန်မြို့တော်ခန်းမ မှာ လူမျိုးပေါင်းစုံဆွေးနွေးပွဲ တစ်ရပ်ကျင်းပခဲ့ပါတယ်။ အဲဒီ ဆွေးနွေးပွဲ မှာ ရခိုင်အမျိုးသား ဦးကျော်မင်းက သဘာပတိ အဖြစ်ဆောင်ရွက်ခဲ့ပြီး သဘာပတိအဖွင့်မိန့်ခွန်း ပြောကြားခဲ့ ပါတယ်။ ရခိုင်အမျိုးသားတွေ က သူတို့ရဲ့ မကျေနပ်ချက်တွေကို တင်ပြခဲ့ကြပြီး ဖဆပလအစိုးရ ဟာ မတရားကြောင်းဖွင့်ဟခဲ့ကြပါတယ်။

၁၉၅၇ စက်တင်ဘာလ ၃၀ ရက်နေ့ ပြည်သူ့လွှတ်တော် အစည်းအဝေးမှာ အတိုက်အခံပါတီဖြစ်တဲ့ ပမညတ အမတ် ဦးသိန်းဖေမြင့် (ဘုတလင်) က လည်း ရခိုင်ပြည်နယ် ပေးသင့်ကြောင်း ပြောကြားခဲ့ပါတယ်။ ၁၉၅၇ အောက်တိုဘာ ၁ ရက်နေ့ ပြည်သူ့လွှတ်တော် အစည်းအဝေးမှာ ရတည အမတ် ဦးလှထွန်းဖြူ က ရခိုင်ပြည်နယ် ပေးဖို့ ဆွေးနွေးခဲ့ပါသေးတယ်။ ဦးဖော်သင် (ပုဏ္ဏားကျွန်းအမတ်) နဲ့ ဦးကျော်မင်း (စစ်တွေအမတ်) တို့ က ထောက် ခံဆွေးနွေးခဲ့ပြီး၊ ရိုဟင်ဂျာလူမျိုး ဖြစ်တဲ့ဦးအဘူခိုင် (မောင်တော တောင်ပိုင်းအမတ်) က ကန့်ကွက်ဆွေးနွေးခဲ့ပါတယ်။ မာန်အောင် အမတ် ဖြစ်တဲ့ ဦးလုံးဖြူ ကလည်း ကန့်ကွက် ဆွေးနွေးခဲ့ပါတယ်။ ပမညတ ဒေါက်တာ ဦးဧမောင် (ပြည်အမတ်) က တော့ ဦးလှထွန်းဖြူ အဆိုကို ထောက်ခံဆွေးနွေးခဲ့ပါတယ်။ ဦးကျော်တင် (သံတွဲ မြောက်ပိုင်း အမတ်) က တော့ ဦးလှထွန်းဖြူဆွေးနွေးချက်ကိုအပြင်းအထန် ကန့်ကွက်ဆွေးနွေးခဲ့ပါတယ်။ အစိုးရအဖွဲ့ဝင်ဝန်ကြီး ဦးဘစော နဲ့ ဝန်ကြီး ဦးခင်မောင်လတ်တို့ကလည်း ကန့်ကွက်ဆွေးနွေးခဲ့ပါတယ်။ အဲဒါကြောင့် ရခိုင်ပြည်နယ်ရရှိရေးလွှတ်တော်တွင်းကြိုးပမ်းမှု (၁၉၅၈) ဟာ လည်း အရေးနိမ့်ခဲ့ရပြန်ပါတယ်။

ဆောင်းပါးရှင် ရဲရင့်သစ္စာထံမှ ခွင့်ပြုချက်တောင်းပြီး ဖော်ပြပါသည်။

September 17, 2012
မြန်မာ့ စတုတ္ထမဏ္ဍိုင်ဝင်တို့ သတိမူဖွယ်

စက်တင်ဘာ၊ ၁၆ ၊ ၂၀၁၂

M-Media

ဇေယျာသူ

မြန်မာနိုင်ငံရဲ့ စတုတ္ထမဏ္ဍိုင်လို့သတ်မှတ်လာကြတဲ့ မြန်မာ့မီဒီယာလောကမှာ ရပ်တည်နေကြသူတွေအနေနဲ့ ဗဟုသုတအပြည့်ရှိဖို့လိုအပ်ပါတယ်။ စတုတ္ထမဏ္ဍိုင်ဆိုတဲ့နေရာမှာ သိက္ခာရှိစွာ ရပ်တည်နိုင်ဖို့လိုပါတယ်။ ကိုယ့်မီဒီယာနာမည်ကြီးဖို့၊ သတင်းဦးသတင်းထူးကိုဖော်ပြနိုင်ဖို့အတွက် ကြိုးစားသင့်ပါတယ်။ အဲလို ကြိုးစားတဲ့နေရာမှာ သတင်း မှန်ကန်မှုကိုလည်း အထူးအလေးထားပြီး စာဖတ်သူ၊ ကြည့်ရှုသူကို အဆိပ်အတောက်ဖြစ်စေမယ့် စကားလုံးအသုံးအနှုန်း၊ အပြောအဆို၊ အရေးအသားတွေကိုလည်း ရှောင်ကြဉ်သင့်ပါတယ်။ ကိုယ့်မီဒီယာကနေ သတင်းဦးရေးရပြီးရောဆိုပြီး မပြုလုပ်သင့်ပါဘူး။ သတင်းဦးရပြီးရော မှန်မမှန်မစိစစ်ပဲ ရေးသားဖော်ပြခြင်းဟာ စာဖတ်သူတွေကို စော်ကားမှုတစ်ရပ်ပါပဲ။ ပြီးတော့ ကိုယ့်မီဒီယာက မှားယွင်းဖော်ပြမိပြီဆိုရင်လည်း ရိုးသားစွာပဲ စာဖတ်သူတွေကို တောင်းပန်သင့်ပါတယ်။ ဒါဟာ ကိုယ့်မီဒီယာရဲ့ ရိုးသားစွာ မှားယွင်းမှုအတွက် စာဖတ်သူတွေကို အလေးထားမှုရှိတယ်ဆိုတာကို ဖော်ပြပါတယ်။ နောက်ပြီးတော့ စာအုပ်ပဲဖြစ်ဖြစ်၊ မဂ္ဂဇင်းပဲဖြစ်ဖြစ်၊ ဂျာနယ်ပဲဖြစ်ဖြစ် အယ်ဒီတာနဲ့ အယ်ဒီတာအဖွဲ့ဝင်တွေဟာလည်း ဗဟုသုတပြည့်ဝသင့်ပါတယ်။ ဥပမာ – ဂျာနယ်တစ်ခုဆိုပါစို့။ ကိုယ့်ဂျာနယ်ရဲ့ သတင်းထောက်ကလည်း ဗဟုသုတအသင့်အတင့်တော့ ရှိသင့်ပါတယ်။ သတင်းထောက်ဆိုတာကလည်း ကိုယ့်ဂျာနယ်က သတင်းဦးဖော်ပြနိုင်ဖို့အတွက် အထူးကြိုးစားပေမယ့် လက်ရှိအဖြစ်အပျက်တစ်ခုတည်းကို မီးမောင်းထိုးရေးသားလိုက်တာထက် သတင်းရဲ့ရင်းမြစ်ကိုလည်းသေချာသိပြီးမှ ရေးသားသင့်ပါတယ်။

ဒီနေ့မျက်မှောက်ကာလမှာ လူတွေအားလုံးက ကိုယ့်နည်းကိုယ်ဟန်နဲ့ ဂျာနယ်လစ်တွေဖြစ်နေကြပါတယ်။ အခုခေတ်စားနေတဲ့စကားလုံးပုံစံနဲ့ပြောရရင် Community Journalist (CJ) တွေပေါ့။ ကိုယ်တိုင်က ကွန်မြူနတီ ဂျာနယ်လစ်ဖြစ်နေတာကို သိသူ၊ ဂျာနစ်လစ်ဖြစ်နေတာကိုမသိသူပဲ ကွာခြားပါတယ်။ အခုလို နည်းပညာတွေ တိုးတက်လာတဲ့အချိန် အင်တာနက်မှာ ဖော်ပြရေးသားနေကြသူတွေဟာလည်း ကွန်မြူနတီ ဂျာနယ်လစ်တွေပါပဲ။ ဒါကြောင့် မိမိရဲ့ရေးသားဖော်ပြလိုက်မှုဟာ တစ်ဘက်သားကို အဆိပ်အတောက်မဖြစ်စေဖို့ သတိထားသင့်ပါတယ်။ ဂျာနယ်၊ မဂ္ဂဇင်း၊ မီဒီယာထောင်ပြီး ဂျာနယ်လစ်လုပ်မှ စတုတ္တုမဏ္ဍိုင်ဖြစ်တာမဟုတ်ပါဘူး။ အွန်လိုင်းမှာရေးသားနေကြတာတွေဟာလည်း ကွန်မြူနတီဂျာနယ်လစ်တွေလို့ ကျွန်မမြင်ပါတယ်။ ဒီတော့ ကျွန်မတို့တွေ(လူတိုင်း)ရဲ့ ရေးသားဖော်ပြချက်တွေဟာလည်း စတုတ္တမဏ္ဍိုင်ထဲမှာသက်ဝင်နေပါတယ်။ ဒါကြောင့် ကိုယ့်သိတဲ့ ကိုယ်ရလိုက်တဲ့ ကိုယ်တွေ့မြင်လိုက်တဲ့ အကြောင်းအရာတွေကို ရေးသားသူတွေအနေနဲ့ အများအတွက် အဆိပ်အတောက်ဖြစ်စေတဲ့အရာတွေကို သတိထားရှောင်ရှားနိုင်ဖို့ အလွန်လိုအပ်ပါတယ်။

လွန်ခဲ့တဲ့ ရက်အနည်းငယ်က FB မှာ တစ်ယောက်က ကောလင်းမြို့ရဲ့သတင်းတစ်ခု တင်ထားတာကို ကျွန်မတွေ့ရှိဖတ်ရှုလိုက်ရတယ်။ အဲဒီသတင်းနဲ့ ပုံတစ်ခုကိုလည်း တွဲပြီးတင်ထားတယ်။ သူဖော်ပြထားတဲ့ သတင်းရဲ့ source က (news from..Royal Hero Media)လို့ပါတယ်။ သတင်းနဲ့ ဖော်ပြထားတဲ့ဓါတ်ပုံကလွဲနေပါတယ်။ အဲဒီဓါတ်ပုံက တကယ်တမ်းတော့ လူတိုင်းသိနေတဲ့ ရခိုင်က မုဒိမ်းမှုကျူးလွန်ခဲ့တယ်ဆိုတဲ့ လူငယ်(၃)ယောက်ရဲ့ပုံပါ။ အဲဒါမျိုးဆိုရင် သတင်းကိုတင်တဲ့သူက သိထားသင့်တဲ့အရာပါ။ ဘယ်လိုမှ မလွဲချော်သင့်ပါဘူး။ ဒါကြောင့် ကျွန်မတို့တွေ အားလုံးဟာ ကွန်မြူနတီ ဂျာနယ်လစ်ဇင်တွေဖြစ်နေတဲ့အတွက် ဒီလိုအကြောင်းကိစ္စတွေမှာလည်း သတိထားရှောင်ကြဉ်ပါလို့ ပြောချင်ပါတယ် စတုတ္ထမဏ္ဍိုင်ဝင်တို့ရေ။

September 16, 2012
မမေးလည်းဖြေ(၁၁)- ” ၇၈၆” ဆိုသည်မှာ ( By စိန်ဌေးဟန်)

မေး။    ။ အစ္စလာမ် ဘာသာဝင်များဧ။် ဆိုင်များ လုပ်ငန်းဌာနများဧ။် ဆိုင်းဘုတ်များတွင် 786 (ခုနှစ်ရာရှစ်ဆယ်ခြောက်) ဟူသော ကိန်းဂဏန်း တစ်ခုကို တွေ့ရတတ်ပေရာ ယင်း ‘786 ‘ ဟူသည် 7+8+6=21 ကိုကိုယ်စားပြုပီး (၂၁ ) ရာစုတွင် အစ္စလာမ်သာသနာသည် ကမ္ဘာကိုလွှမ်းရမည်ဟူသော အတိတ် နမိတ်ကိုဆောင်ယူကာ အစ္စလာမ် ပြန့်ပွားရေး စီမံကိန်းအား နှိုးဆော်နေသော ကိန်းတစ်ခုဆိုသည်မှာ မှန်ပါသလား ? ။

ဖြေ ။ ။ မွစ်စလင်မ်တို့ဧ။် တိုက်တာအိုးအိမ် အဆောက်အဦး ပစ္စည်းပစ္စယများ အထူးသဖြင့် ဈေးဆိုင်များတွင် 786 (ခုနှစ်ရာရှစ်ဆယ့်ခြောက်)ဟူသော ကိန်းဂဏန်းတစ်ခုကိုတွေ့ရတတ် ပေရာ ယင်းကိန်းဂဏန်း၏ အဖြေမှာလည်း အင်မတန်ရိုးရှင်းလှပါသည်။

သို့ရာတွင် အချို့သောပုဂ္ဂိုလ်တို့မှာ ယင်း ‘786‘ ကိန်းဂဏန်း၏ သဘောသဘာဝကို ရိုးသားစွာ မသိ နားမလည်ခြင်းကြောင့် လည်းကောင်း ၊ အချို့မှာ အစ္စလာမ်အပေါ်တွင် အကောက်ကြံလိုခြင်းကြောင့် လည်းကောင်း ‘786‘ တွင် ပါဝင်သော 786 ကိုပေါင်းလျှင် ၂၁ရသဖြင့် (၂၁)ကို ကိုယ်စားပြုသည် ယင်းသည် ၂၁ရာစုတွင် တစ်ကမ္ဘာလုံး၌ အစ္စလာမ် ပြန့်ပွားရေးအတွက် နိမိတ်ဆောင် စကားလုံး လှုံ့ဆော် စကားလုံးဟု အယူမှားသူကမှား အပူပွားသူက ပွားကြပါတော့သည်။

အမှန်ဆိုရသော် ထိုသို့ လားလားမှ မဟုတ်ရပါ။

အာရဗီစာပေတွင် ဗျည်းအက္ခရာ နှစ်ဆယ့်ရှစ်(၂၈)လုံးရှိပီး ဗျည်းအက္ခရာ တစ်လုံးချင်းစီအတွက် ကိန်းဂဏန်းများဖြင့် အက္ခရာတန်ဖိုး သတ်မှတ်ထားပါသည်။ အစ္စလာမ်သာသနာ၏ အခြေခံ အုတ်မြစ်ဖြစ်သော ကျမ်းမြတ်ကုရ်အာန်သည်လည်း အာရဗီဘာသာစကားဖြင့် ထုတ်ပြန်ပို့ချပေးခြင်း ခံရလေရာ ရံဖန်ရံခါ၌ ကုရ်အာန်ကျမ်းဂန်လာစာသားများအား အသုံးပြုရာတွင် မူရင်းအတိုင်း အက္ခရာများဖြင့် မရေးသားပဲ အက္ခရာများ၏ ကိန်းဂဏန်း တန်ဖိုးစုစုပေါင်းကိုသာ သင်္ကေတ ဆောင်ပြီး ရေးသားအသုံးပြုခြင်းသာဖြစ်လေသည်။ ဗျည်းအက္ခရာ နှစ်ဆယ့်ရှစ်လုံးဧ။် ကိုယ်ပိုင်တန်ဖိုးအသီးသီးမှာ

ဤကိန်းဂဏန်းများကို အခြေခံကာ “786” ဟူသော ကိန်းဂဏန်းတစ်ခု ဖြစ်ပေါ်လာရခြင်း ဖြစ်တော့သည်။ ယင်း ကိန်းမှာ ကုရ်အာန်ကျမ်းမြတ်၏ ပထမဦးဆုံး အာယသ်တော်ဖြစ်သည့် ကုရ်အာန် အဖွင့်ကဏ္ဍ၊ ပါဒ ၁ ဖြစ်သော…..

(၁း၁) ကို အက္ခရာတန်ဖိုးတွက်ထုတ်ထားခြင်းသာလျှင်ဖြစ်ပေသည်။ဤအာယသ်တော၏ အဓိပ္ပါယ်မှာ … ” အနှိုင်းမဲ့ ဂရုဏာရှင်၊ ထာဝရ ဂရုဏာရှင် အလ္လာဟ၏နာမတော်ဖြင့် “ ဟု အဓိပ္ပါယ်ရပါသည်။

ဤ အာယသ်တော်၌ အာရဗီအက္ခရာ ၁၉ လုံးဖြင့်ဖွဲ့စည်းထားပြီး ယင်းအက္ခရာ19 လုံးဧ။် အက္ခရာတန်ဖိုး စုစုပေါင်းမှာ

အလ္လာဟ်အသျှင်သည် မွတ်စလင်မ်တို့အား မည်သည့်အလုပ်ကိုမဆို စတင်ကြံရွယ်ပြုလုပ်သောအခါ ဤအာယသ်တော်အား တသ ဆင်ခြင် နှလုံးသွင်းရန် ညွှန်ကြားထားပါသည်။( ကုရ်အာန် တမန်တော်ဟူးဒ်ကဏ္ဍ၊ပါဒ ၄၁၊ ကုရ်အာန် ပုရွက်ဆိတ်ကဏ္ဍ၊ပါဒ ၃၀၊ကုရ်အာန် ဖတ်ရွတ်လော့ ကဏ္ဍ၊ပါဒ ၁)

သည့်အတွက်ကြောင့်ပင် မွတ်စလင်မ်တစ်ဦးအဖို့ မည်သည့် အလုပ်ကို ပြုမူကျင့်ကြံသည်ဖြစ်ပါစေ မိမိဧ။် တစ်ပါးတည်းသော အရှင့်နာမတော်ကို ရှေ့တန်းတင်သည့်အနေဖြင့် “အနှိုင်းမဲ့ဂရုဏာရှင်၊ ထာဝရဂရုဏာရှင် အလ္လာဟ်၏ နာမတော်ဖြင့်”ဟုရွတ်ဆိုကြရပါသည်။

ထို့အပြင် (ကုရ်အာန်အထူးဂရုဏာတော်ရှင်ကဏ္ဍ။ပါဒ ၇၈) တွင်

“အသင့်အား ဖန်ဆင်းတော်မူသော ဘုန်းတော်အနန္တအရှင်၊ ကျေးဇူးတော်ရှင်၏ နာမတော်သည် ကျက်သရေမင်္ဂလာအပေါင်းနှင့် အတိပြီးလေဧ။်” ဟုဆိုထားသဖြင့် မွတ်စလင်မ်တစ်ဦးအဖို့ မိမိအရှင်သခင်၏ နာမတော်ကို စတင်နှလုံးသွင်း တသမိသည်နှင့် တစ်ပြိုင်နက် သစ္စာမာန်တင်းကာ ” ငါ့အရှင်၏ နာမတော်သည် ကျက်သရေမင်္ဂလာရှိ၏ ထို့အတွက် ငါသည် ထိုအရှင၏ နာမတော်ဖြင့် စတင်ဆောင်ရွက်မည်ဖြစ်ရကား ငါနှင့် အမင်္ဂလာအလုပ်သည် မအပ်စပ်၊မထိုက်တန်သည်ဖြစ်သဖြင့် ငါမလုပ်၊ ငါသည်မင်္ဂလာရှိသော အလုပ်ကိုသာလုပ်ရမည်” ဟူသော အသိတရားဖြစ်ပေါ်စေရန်ပင်ဖြစ်သည်။

သို့ရှိရာ မွတ်စလင်မ်မှန်လျှင် အလ္လာဟ့်နာမတော်ကို အစဉ်သဖြင့်ဦးထိပ်နှလုံးသွင်း အမှတ်ရကာ မင်္ဂလာကျက်သရေရှိသော အလုပ်ကိုသာ ရွေးချယ်ပြုမူရသည့်အတွက် အလ္လာဟ်၏ နာမတော်ကို တသ သတိရသောအခါ၌ ဖြစ်စေ၊ ယင်းဧ။်အထိမ်းအမှတ် လက္ခဏာဖြစ်သော “786” ဟူသော ကိန်းဂဏန်းကို တွေ့မြင်ရသော အခါ၌ဖြစ်စေ၊ မင်္ဂလာတရားကို မျက်ခြေမပျက်စေရန် အတွက် မိမိကိုယ်ကိုမိမိ ပြန်သတိပေးရာရောက်သဖြင့် တရားသတိ အစဉ်နိုးကြားနေလေတော့သည်။

ဤသို့ရှိပါလျှင် “786” ဧ။် အနှစ်သာရများ အနက်တစ်ချက်မှာ ကျက်သရေ မင်္ဂလာရှိသောအလုပ်ကိုသာ လုပ်ကြရန်အတွက် နှိုးဆော်နေသော “မင်္ဂလာတရားနှိုးဆော်ချက် ” ဖြစ်သဖြင့် လောကဓာတ်ကြီးအတွက် မင်္ဂလာရှိစေသဖြင့် ကောင်းမြတ်လှပါဘိတကား။

ဤဖော်ပြချက်များသည် အမှန်ကို ဆိုထားခြင်းသာဖြစ်ပါသည်။’786‘ တွင်ပါသော ဂဏန်းသုံးလုံးကိုပေါင်းလျှင် 7+8+6=21 ဖြစ်သဖြင့် 21 ဂဏန်းကို ရည်ရွယ်ချက်ရှိရှိဖြင့် သုံးထားခြင်းသာဖြစ်ရမည်ဟူသော စွပ်စွဲပြောဆိုချက်များ အတွက် မွတ်စလင်မ်တို့ပင် တအံ့တသြဖြစ်ကြရပါသည်။ အကြောင်းမှာ အာရဗီ အက္ခရာတန်ဖိုးအား ထိုသို့ ထပ်ဆင့်ပြန်ပေါင်းလို့မရပါ။ အဓိပ္ပါယ်လည်းရှိမည် မဟုတ်တော့ပါ။ဤယူဆချက်မှာ မွတ်စလင်မ်တို့၏ အယူအဆမဟုတ်ဘဲ အစ္စလာမ်အပေါ် အများသူငါတို့ အကြည်အညို ပျက်လာစေရန် မသမာသူတို့၏ ထွင်လုံးတစ်ခုသာဖြစ်ပါသည်။

ယခုကဲ့သို့ အာရဗီအက္ခရာများကို ဂဏန်းတန်ဖိုးများ သတ်မှတ်ထားခြင်းမှာ မွတ်စလင်မ်တို့သည် ကိန်းဂဏန်းများနှင့် ယဉ်ပါးလျက်ရှိနေနိုင်သဖြင့် အများနှင့်ယှဉ်လျှင် သင်္ချာပညာ၌ နောက်ကျကျန်ရစ်မည်မဟုတ်တော့ရန် အတွက်ပင် ဖြစ်ပါသည်။ထို့ကြောင့်လည်း အလ္လာဟ်ကကုရ်အာန်တွင် ကိန်းဂဏန်းများကိုဖော်ပြထားရာ၌ ဒသမကိန်းသုညဒသမတစ်၊( ၀.၁)ကို ဖော်ပြထားသကဲ့သို့ သိန်းဂဏန်း (တစ်သိန်း) ၁၀၀၀၀၀ ကိုလည်းဖော်ပြထားခြင်းဖြင့် သင်္ချာပညာ မထွန်းကားသေးသော အခါသမယ၌ပင် သင်္ချာပညာကို မွတ်စလင်မ်တို့စိတ်ဝင်စားမှု့ ရှိလာစေရန်၊ တတ်ကျွမ်းနားလည်စေရန် ရည်ရွယ်ချက်လည်း တစ်ချက်ပါဝင်ပါသည်။

အစ္စလာမ်သည် ၂၁ ရာစုကျကာမှ ကမ္ဘာကို လွှမ်းမိုးရမည်ဟု ယူဆသူတို့မှာ ကုရ်အာန်ကိုလည်း နားမလည်၊ အစ္စလာမ်ကိုလည်း မလေ့လာလို့သာဖြစ်ပါလိမ့်မည်။ အလ္လာဟ်သည် တမန်တော်မုဟမ္မဒ်(ဆွ)ကို စေလွှတ်ခဲ့ရာတွင် “ယှဉ်တွယ်ကိုးကွယ်သူများ မနှစ်မြို့သော်ငြားလည်း ထိုအရှင်မြတ်သည်မိမိဧ။် ရစူလ်တမန်တော်အား အလုံးစုံသောဝါဒ လမ်းစဉ်များထက်ဝယ် ထင်ရှားပေါ်လွင်စေရန် တရားလမ်းညွှန်နှင့် ၀ါဒလမ်းစဉ်အမှန်ဖြင့် စေလွှတ်တော်မူ ခဲ့လေသည်။” (ကုရ်အာန် အစီအတန်းများကဏ္ဍ ၊ ပါဒ ၉)

သို့ရှိလေရာ “ထင်ပေါ်ရင် စင်တော်ကကောက်” ဆိုသကဲ့သို့ ဤအာယသ်တော်တွင် အရာ ခပ်သိမ်းတို့ထက်ဝယ် လွှမ်းမိုးထင်ပေါ်မှု့ဟူသည်

(၁) လမ်းညွှန်နိုင်သော တရားလမ်းညွှန်ဖြစ်ခြင်း

(၂) လမ်းစဉ်မှန်ဖြစ်ခြင်း

တို့အပေါ်၌သာ မူတည်နေပါသည်။အစ္စလာမ်သည် ထိုအချက်နှစ်ချက်ပေါ်တွင် လုံးဝအခြေခံ တည်ဆောက် ထားသည်ဖြစ်ရာ မနာလိုမရှုစိမ့်သူတို့ လုပ်ကြံတားဆီးကြ လင့်ကစား ထင်ရှား ပေါ်လွင်နေမည်သာဖြစ်တော့သည်။

“ထိုသူတို့သည် အလ္လာဟ၏ တရားအလင်းရောင်ကို မိမိတို့၏ ပါးစပ်များဖြင့် ငြိမ်းသတ်လိုကြ၏ ၊ သွေဖီငြင်းပယ်သူတို့မနှစ်မြို့ငြားလည်း အလ္လာဟ်သည် မိမိဧ။် တရားရောင်ခြည်ကို ကုံလုံပြည့်စုံအောင် ပြုထားတော်မူလေသည်” (ကုရ်အာန် အစီအတန်းများကဏ္ဍ ပါဒ ၈)

” ညံ့ဖျင်းမှူ့ဖြင့် ရနံ့သင်းမှု့ကို မတည်ဆောက်နိုင်ပါ ဖြစ်လာသမျှကို သစ္စာအလှဖြင့်သာ ရင်ဆိုင်ကျော်လွှားနိုင်ပါမည်”

မွတ်စလင်မ်တို့ဧ။်ဆိုင်များတွင် ‘786‘ ရေးထားခြင်းမှာ မွတ်စလင်မ်အချင်းချင်းကိုသာ အားပေးကြရန်ဖြစ်သည်ဟု စွပ်စွဲသူတစ်ချို့လည်း ရှိပါသည်။ မွတ်စလင်မ်တစ်ဦးအဖို့ရာတွင် အစားအသောက်စားသုံးရာ၌ တရားစည်းကမ်းများကို လိုက်နာရပါသည်။ စားချင်ရာစား သောက်ချင်တိုင်းသောက်လို့မရပါ။ ဤသို့ စားသောက်မိပါလျှင် အလ္လာဟ်၏ အမိန့်တော်ကို မနာခံရာရောက်သဖြင့် လွန်စွာမှပင် အပြစ်ဖြစ်ရပါသည်။

ကုရ်အာန်ကျမ်းမြတ်တွင် အလ္လာဟ်က မွတ်စလင်မ်တို့အား

“အသင်တို့သည် စင်ကြယ်သန့်ရှင်းသော အစာအဟာရများကို စားသုံးကြပီး အကျင့်ကောင်းကိုကျင့်ကြလော့ ” (ကုရ်အာန် ယုံကြည်သူများကဏ္ဍ၊ ပါဒ ၅၁)

” အသင်တို့သည် အလ္လာအသျှင်ပေးသနားထားတော်မူသည်များအနက် တရားဝင် ခွင့်ပြုထားသော သန့်စင်ြပီး ဥပါဒ်ကင်းသော အစာအဟာရများကို စားသုံးကြလော့ ” (ကုရ်အာန် ခဲဘွယ်ဘောစဉ်ကဏ္ဍ ပါဒ ၈၈ )

“အလိုအလျောက်သေသော တိရိစ္ဆာန်၊ သွေး ၊ ၀က်သား ၊ အလ္လာဟ်အသျှင်မြတ်အပြင် အခြားသောအရာကို ရည်စူးထားသော တိရိစ္ဆာန် ၊ လည်လိမ်ညှစ်ပီး သေသောတိရိစ္ဆာန် ၊ရိုက်နှက်ခံရပီး သေသောတိရိစ္ဆာန် ၊ အမြင့်မှကျပီး သေသောတိရိစ္ဆာန် ၊ ဦးချိုဝှေ့ခံရသဖြင့် သင်တို့ ဇဗဟ်လှီးဖြတ်နိုင်သော တိရိစ္ဆာန်မှအပ သားရဲတိရိစ္ဆာန်များမှ ကိုက်ခဲသတ်ဖြတ်ထားသော တိရိစ္ဆာန်များ ၊ ရုပ်ထု ရုပ်ပွားများထားရှိရာဌာနများ၌ ပူဇော်ပသားရန် လှီးဖြတ်ထားသော တိရိစ္ဆာန်နှင့် မဲမြှားတို့ဖြင့် ကံစမ်းခြင်းသည် အသင်တို့အဖို့ “ဟရာမ်” စားသုံးခွင့်မရှိဟု တားမြစ်ထားပြီး ဖြစ်လေသည်။ ဤသည်တို့မှာ ပြစ်မှူ့ဒုစရိုက်များပင်။(ကုရ်အာန် ခဲဘွယ်ဘောစဉ်ကဏ္ဍ ပါဒ ၃ )

          ဤသို့အားဖြင့် အလ္လာဟ် တားမြစ်ထားသော အစားအသောက်များကို ရှောင်ရှားနိုင်စေရေးအတွက် အကောင်းဆုံးနည်းလမ်းမှာ မွတ်စလင်မ်တို့သည် မွတ်စလင်မ်တို့အချင်းချင်း လှီးဖြတ်ချက်ပြုတ်ထားသော မွတ်စလင်မ်ဆိုင်များတွင် စားသောက်ခြင်းမှတပါး အခြားမရှိနိုင်ပါ။

တရားတော်က တားမြစ်ထားသော အရာမဟုတ်သည့် အခြားအစားအစာများကိုမူ စားသုံးခွင့်ထားရှိပါသည်။ သည့်အတွက်ကြောင့်ပင် ဘာသာခြားသူတို့ ဖွင့်လှစ်ရောင်းချသော လက်ဖက်ရည်ဆိုင်များ၌ပင် မွတ်စလင်မ်တို့ လက်ဖက်ရည် သောက်နေမှူ့များကို လက်တွေ့တွေ့မြင်နိုင်ကြပေသည်။ အခြားသော လူသုံးကုန်ပစ္စည်းများကိုလည်း ဘာသာခြားတို့ရောင်းချသော ဆိုင်များတွင် အပြန်အလှန် ၀ယ်ယူနေကြသည်မှာလည်း မငြင်းနိုင်သော သက်သေ သာဓကတစ်ရပ်ပင်။ “ခင်ရာဆွေမျိုး၊မြိန်ရာဟင်းကောင်း” ဆိုသည့် ရှေးလူကြီးသူမတို့ဧ။် ဆိုရိုးစကားကိုလည်း မမေ့အပ်ပါ။

    ဘာသာတရားတိုင်းသည် သဘောထားကြီးမှု့ကိုသာ သင်ကြားကြပါသည်။ သို့ရာတွင် ဘာသာတရား၏ သင်ကြားချက် စည်းဘောင်ထက်ကျော်လွန်ကာ ဘာသာဝင်တစ်ချို့တွင်ကား အယူသည်း အစွန်းရောက်မှု့ များလည်း ဘာသာတရားအသီးသီးဧ။် ဘာသာဝင်တိုင်းတွင် ရှိနိုင်ပါသည်။ဤသည် ထိုပုဂ္ဂိုလ်များဧ။် ကိုယ်ပိုင်ပြသနာသာ ဖြစ်ပါသည်။

အစ္စလာမ်သည် အယူသည်းမှု့ကို ဘယ်အခါမျှအားမပေးပါ မတိုက်တွန်းပါ။သင်ကြားမှု့လည်းမရှိပါ။ အောက်တွင်ဖော်ပြထားသော ကုရ်အာန်အာယသ်တော်နှင့် တမန်တော်မြတ်ကြီးဧ။် မိန့်ခွန်းများသည် ၀င့်ဝင့်ကြွားကြွား သက်သေခံပါလိမ့်မည်။

   ” အသင်တို့သည် ဘာသာသာသနာရေးရာ၌ အယူသည်းအစွန်းရောက်ခြင်း မပြုကြလေနှင့်” (ကုရ်အာန် အမျိုးသမီးများကဏ္ဍ ပါဒ ၁၇၁ )

    ” ဘာသာတရား၌ အယူသည်းအစွန်းရောက်မှူ့အား အထူးရှောင်ရှားကြလေကုန်။ အသင်တို့အရင်ကရှိခဲ့ကြသော သူတို့သည် ဘာသာသာသနာအရေး၌ အယူသည်း အစွန်းရောက်မှု့ ကြောင့်သာလျှင် ပျက်စီးခဲ့ကြရလေသည်။”

(မုဟမ္မဒ်သခင်၏ ဟာ့ဂ်ျမိန့်ခွန်း)

September 15, 2012