Category: သုတ၊ရသနှင့်အထွေထွေ

ဆောင်းပါများ၊ ကဗျာများ။ ဝထ္ထုများ၊ ဗဟုသုတ ဖြစ်ဖွယ်ရာများ စသဖြင့်

ဗမာတွေ ဘယ်မှာ စည်းကမ်း မဲ့လို့လဲ

(၁၉၂၀၊ ဒီဇင်ဘာ ၂၀တွင် စတင်ခဲ့သော ပထမကျောင်းသားသပိတ် သပိတ်မှောက်ကျောင်းသား တစ်ဦးဖြစ်သူအမျိုးသားအာဇာနည် ခေါင်းဆောင်ကြီး ဆရာကြီး ဦးရာဇတ်၏ ကျောင်းသားသပိတ် ကိုယ်တွေ့မှတ်တမ်း)

လွန်ခဲ့သည့် ၉နှစ်ခန့်က ဖြစ်ပါသည်။ ရန်ကုန်ကောလိပ် ခရစ်ကက် အသင်းသည် မြန်မာပြည် မီးရထားအသင်းနှင့် ချိန်း၍ ကစားခဲ့သည်။ ကစားပွဲပြီးသော် ကျွန်တော်သည် စားသောက်အပြီးနောက် ကောလိပ်ကျောင်းဝင်းထဲသို့ အေးအေးဆေးဆေး ပြန်လာပါသည်။

ဘာဖြစ်ပါလိမ့်

ထမင်းစားခန်းအနီးမှ လှမ်းကြည့်လိုက်ရာ တင်းနစ်ကစားကွင်း အမှတ်(၁)မှာ လူသူကင်းမဲ့နေသည်ကို တွေ့ရ၏။ ဤကား အခွင့်အရေးကောင်း တစ်ခုပင်ဖြစ်၍ ကျွန်တော်သည် ရက်ကက်တစ်ချောင်း သွားယူပြီး တင်းနစ် ကစားရန် အကြံဖြစ်သည်။

သို့သော် ကျွန်တော်နှင့်အတူ ကစားမည့်အဖော် တစ်ဦးမျှ ကျောင်းထဲမှာ မတွေ့ရပေ။ ကျောင်းသားတွေ ဘယ်ရောက်ကုန်ပါလိမ့်။ ဘာဖြစ်တာပါလိမ့်၊ ကျွန်တော် သိချင်လာသည်။

သပိတ်မှောက်ပြီတဲ့

ထို့ကြောင့်ပင် ထမင်းစားချိန်တွင် မိတ်ဆွေ ကိုဘလှိုင်ကို မေးရသည်။ သူကား ကောလိပ်ဘောလုံးသမား ဖြစ်သည်။ သူကပင် ကျွန်တော့်ကို ပြန်မေး၏။ “ကျွန်တော်တို့ ကောလိပ်နှစ်ခုပေါင်းပြီး သပတ်မှောက်ကြတာ ခင်ဗျား မသိဘူးလား” တဲ့။

သပိတ်စခန်းသို့

နောက်တစ်နေ့ နံနက်တွင် ကိုညွန့်နှင့်အတူ ကျွန်တော်သည် ဗဟန်းသို့ လာခဲ့၏။ ကိုညွန့်မှာ ဆင်းဒဝစ်လမ်း၌ နေ၏။ သူ့အိမ်မှာ သပိတ်မှောက်ကျောင်းသားများ၏ နားနေရာ စည်းဝေးရာ စားသောက်ရာ ဌာနတစ်ခု ဖြစ်သည်။ ကျွန်တော် ဗဟန်းသို့ ရောက်သောအခါတွင် ကောလိပ်နှစ်ခုမှ ကျောင်းသားထုကြီးကို ရွှေတိဂုံဘုရား အရိပ်အာဝါသ၌ တစ်စုတစ်စည်းတည်း တွေ့ရလေ၏။ အနာဂတ်မြန်မာနိုင်ငံ၏ ခေါင်းဆောင်ဖြစ်မည့်သူတို့မှာ တင်းကျပ်သော စည်းကမ်းများ ဝန်းရံထားသောနေရာ၌ စနစ်တကျ ရှိနေကြသည်ကို တွေ့ရ၏။

၁၉-၁၂-၁၉၂၃က ဖွင့်လှစ်ခဲ့သော ဗဟန်းတောရလမ်း ဦးအရိယတိုက်ကျောင်းမှ အမျိုးသားကောလိပ်၊ ဆရာကြီး ဦးရာဇတ်သည် ထိုကောလိပ်မှ ပထမဆုံးသော BA ဘွဲ့ရသူဖြစ်သည်။

ဝင်ခွင့် စစ်ဆေး

သပိတ်စခန်းဝတွင် တာဝန်ကျနေသော ကျောင်းသား အစောင့်တစ်ဦးက စခန်းအဝသို့ ရောက်လာသော ကျွန်တော်တို့ကို တားဆီးစစ်ဆေး မေးမြန်းခြင်းပြုသည်။ ကျွန်တော်တို့မည်သူဖြစ်ကြောင်း ပြောပြရှင်းလင်းမပြနိုင်လျင် သပိတ်စခန်းအတွင်း ဝင်ခွင့်ပြုမည်မဟုတ်ပေ။ သို့သော် ကျွန်တော်တို့ကို သိပြီးသူများဖြစ်သောကြောင့် ဝင်သွားရန် အစောင့်က ခွင့်ပြုလိုက်၏။

သပိတ်မှောက်ကျောင်းသားများ တည်းခိုခဲ့သော ဗဟန်းကြားတောရလမ်း ဦးအရိယကျောင်းတိုက်အတွင်းရှိ ဇရပ်များ

ကျောင်းသားမြို့တော်

ကျွန်တော်သည် ဤသို့ဖြင့် သပိတ်စခန်းအတွင်းသို့ ရောက်ခဲ့နေသည်မှာ ကျွန်တော့်ကို မန္တလေးတွင် ကျောင်းဆရာအဖြစ်အမှုထမ်းရန် ကောင်စီက အသိအမှတ်ပြု ခန့်ထားသည်အထိ ဖြစ်၏။ နေ့တွေရက်တွေ ကုန်လာသည်နှင့် သပိတ်စခန်းအတွင်းသို့ ရန်ကုန်မြို့တွင်းရှိ အခြားကျောင်းများမှ ကျောင်းသားများ လာရောက်ပူးပေါင်းကြသည်မှာ ဗဟန်းရပ်ကွက်၌ ကျောင်းသားမြို့တော်ကြီး ဖြစ်သွားပါတော့သည်။

ဆရာကြီးဦးရာဇတ်၏ အမျိုးသားအထက်တန်းကျောင်း (ယခု အထက၂၊ မန္တလေး)

ရိက္ခာ ပြဿနာ

ဗဟန်းရှိ ရွှေတိဂုံစေတီဝန်းကျင်တွင် ဇရပ်ပေါင်းများစွာ ရှိနေပါသောကြောင့် တည်းခိုနေရန် အိုးအိမ် ပြဿနာ တစ်စုံတစ်ရာ မပေါ်ပေါက်တော့ချေ။ သို့သော် စားရေးရိက္ခာ ပြဿနာကား ရှိသည်။ ယင်းပြဿနာသည် သပိတ်မှောက်ကောင်စီကို ခေါင်းခဲစေသော ကိစ္စဖြစ်ခဲ့သည်။

စည်းနှင့်ကမ်းနှင့်

စည်းကမ်းတင်းကြပ်သည့်ဘက်ကမူ စံပြဖြစ်ခဲ့၏။ ဗမာတွေ စည်းကမ်းမရှိဘူးဟု အပြစ်တင်လေ့ ရှိကြသည်။ သို့သော် ဗဟန်းရှိ သပိတ်စခန်းတွင်ကား စည်းကမ်းကို ဂရုတစိုက် သတ်မှတ်လိုက်နာကြသည်။ တစ်ချိန်က အဆောင်မှူးများ၏ သြဇာကို မနာယူခဲ့သော ကောလိပ်ကျောင်းသားတို့သည် ယခု သပိတ်စခန်းမှူးများ၏ စည်းကမ်းကို တစ်သဝေမတိမ်း လိုက်နာကြ၍ ရုပ်ရှင်ကားတစ်ခု မည်မျှ မိုးပျံအောင်ကောင်းနေပါစေ သပိတ်မှောက်ကောင်စီ လူကြီးတွေထံမှ ခွင့်မရလျင် သပိတ်စခန်းမှ မထွက်ရဲကြပေ။

ဆီပုံးထမ်း

တစ်ကြိမ်တွင် စေတနာရှင်တစ်ဦးက သပိတ်စခန်းသို့ ဆီပုံးများ လှည်းဖြင့်တင်ပို့၍ လှူဒါန်းလိုက်၏။ လှည်းမှာ သပိတ်စခန်းအတွင်း ဝင်၍မရချေ။ ကူလီထမ်းမည့်သူလည်းမရှိ။ အခက်တွေ့နေပါပြီ။ ကောင်စီလူကြီးတွေက သန်သန်မာမာ ကျောင်းသားတွေကို လိုက်ရှာ၏။ နောက်ဆုံးတွင် ကျောင်းမှ ဘောလုံးသမားတစ်ဦးက ကူလီလုပ်လိုက်၍ ဆီပုံးတွေမှာ သပိတ်စခန်းထဲသို့ ရောက်ရှိသွားလေ၏။

သတင်းစာသယ်

တစ်ကြိမ်တွင် သပိတ်စခန်း၌ဖတ်ရန် သတင်းစာများ သွားယူရေးပြဿနာ ရှိနေသည်။ ဤပြဿနာကို ကောလိပ်ဘောလုံးအသင်းမှ အဖွဲ့ဝင်တစ်ဦးလည်းဖြစ်၍ ဘီအေအေ ဘောလုံးလက်ရွေးစင်တစ်ဦးလည်းဖြစ်သူ ကျောင်းသားတစ်ဦးက ရှင်းပေး၏။ အဆိုပါကျောင်းသားသည် နံနက်၅နာရီ၌ ဘိုင်စကယ်တစ်စီးဖြင့် သပိတ်စခန်းမှ ထွက်သွားပြီးလျင် ရန်ကုန်မြို့တွင်းရှိ သတင်းစာတိုက်ပေါင်းစုံသို့သွားပြီး သပိတ်စခန်းအတွက် သတင်းစာများသွားယူ၍ နံနက်၇နာရီဆိုလျင် သူ့ထံ၌ ရန်ကုန်ဂေဇက်၊ သူရိယ၊ မြန်မာ့အလင်း၊ နယူးဘားမား အစရှိသောသတင်းစာများ သယ်ဆောင်ပြီး သပိတ်စခန်းသို့ ပြန်ရောက်လာတော့၏။

ဂုဏ်ယူဝင့်ကြွား

ဤကား အမျိုးသားအောင်ပွဲနေ့၏ ၉ကြိမ်မြောက်နှစ်ပတ်လည်အခမ်းအနားတွင် ကျွန်တော် မှတ်မိသမျှ တင်ပြခြင်းဖြစ်၏။ အဖြစ်အပျက်အားလုံးကိုကား သေချာကျန မမှတ်မိတော့ပေ။ အမှန်ဆိုသော် သပိတ်မှောက်ခဲ့သောနေ့များကို ကျွန်တော်တို့သည် အစဉ်သတိရနေလျက် အောင်မြင်မှုများအတွက် ဂုဏ်ယူဝင့်ကြွားနေရဦးမည်ဖြစ်၏။ ဤ ၉ကြိမ်မြောက် အမျိုးသားအောင်ပွဲနေ့တွင် ကျွန်တော်တို့ သပိတ်မှောက်ရဲဘော် ကျောင်းသားများအားလုံး ရွှင်ပြုံးချမ်းသာရှိကြစေရန် ဆုတောင်းမေတ္တာ ပို့သလိုက်ပါသည်။

တာဝန်

အမျိုးသားအထက်တန်းကျောင်း၏ ကျောင်းအုပ်ဆရာကြီးတစ်ဦးအနေဖြင့် ကျွန်တော့်ကျောင်းမှ ကျောင်းသားကျောင်းသူများသည် အမိနိုင်ငံနှင့် အမျိုးသားတို့၏ တိုးတက်မြင့်မားရေး တာဝန်များကို ထမ်းဆောင်လိုသောစိတ်ဓာတ်မြင့်မားလာစေရန် အတတ်နိုင်ဆုံး ကြိုးပမ်းတာဝန်ယူ ဆောင်ရွက်မည်ဖြစ်ပါသည်။

(အိုးဝေရွှေရတုသဘင် လက်ရွေးစင်ဆောင်းပါးများ၊ ဒုတိယအကြိမ်၊ ၂၀၁၂ ဇူလိုင်လထုတ်၊ ဘဦးခေတ်(၁၉၂၀-၁၉၃၀)၊ စာမျက်နှာ ၂၃/၂၄)

ကိုကျော်မိုးအောင် FB စာမျက်နှာမှ ကူးယူမျှဝေပါသည်။

July 18, 2012
“ဇကားသ်”ခေါ် ဆင်းရဲသားဘ၀ မြှင့်တင်ရေးခွန်

မွတ်စလင်မ်ဟူသည် မိမိ၏ရုပ်ပိုင်းနှင့်စိတ်ပိုင်းကို ထာဝရအရှင်ပြစနစ်ဇယားအတိုင်း နေ ထိုင်ရသကဲ့သို့ မိမိတို့ပိုင်ဆိုင်သော ပစ္စည်းများ အနက်နှစ်စဉ်အချိုးအစားအလိုက် ဆင်းရဲသားများနနင့်အရေးပေါ်လိုအပ် သူများအတွက် ဘ၀မြှင့်တင်ရေးရန်ပုံငွေခွန် ပေးဆောင်ရသည်မှာလည်း တာဝန်တစ်ရပ်ဖြစ်သည်။ ဇကားသ်(ခေါ်)ဆင်းရဲသားများနှင့်အရေးပေါ် လိုအပ်သူများအ တွက် ဘ၀မြှင့်တင်ရေးရန် ပုံငွေ ခွန် ပေးဆောင်ရသောအကြောင်းရင်း သည် လူ့အဖွဲ့အစည်းကြီးအတွင်း ဆင်းရဲလွန်းခြင်း၊ ချမ်းသာလွန်းခြင်းဟူ သော ဆင်းရဲချမ်း သာ ကွာဟချက်ကို ညှိပေးသော စနစ်ဖြစ်သည်။

ဇကားသ်ဟူသော ဆင်းရဲသားများအတွက်ရန်ပုံငွေခွန်သည် စားရမဲ့သောက်ရမဲ့ဆင်းရဲ သားများကို တစ်လုပ်တစ်ဖဲ့ကျွေးမွေး ရန်သက်သက်မဟုတ်ပေ။ ထိုဆင်းရဲသားများကို ဆင်းရဲသည့် ဘ၀မှလွတ်မြောက်ရန်အတွက် အရင်းအနှီးမတည်၍ ချမ်းသာကြယ်ဝနိုင်သည့်စီးပွားရေးလမ်းကြောင်းပေါ်သို့ တွန်းပို့ပေးခြင်းဖြစ်သည်။ ဆင်းရဲသားများနှင့်လို အပ်ချက်ရှိသူများ ကိုပေး ကမ်းလှူဒါန်းရမည့် တာဝန်မှာ (အီမာန်)သက်ဝင်ယုံကြည်မှုနှင့် ထပ်တူထပ်မျှ ဖြစ်သည်။ အချိန်နေရာဒေသ သတ်မှတ်ချက် မရှိပေ။(ကုရ်အာန်၂း၁၇၇)

ဇကားသ်သည် မိမိဆွေမျိုးသားချင်းများအတွက် ပထမဦးစားပေးဆောင်ရွက်ရမည်ဖြစ် သည်။ လူ့အဖွဲ့အစည်းကြီးအတွင်းရှိ လူသားများသည် မိမိတို့၏ဆွေမျိုးသားချင်းများ၏ လိုအပ်ချက် များကို ဦးစားပေး ဆောင်ရွက်နိုင်ခြင်းဖြင့် ဆင်းရဲသားအများစုအတွက် ဆင်းရဲ မှု ဘ၀မှ လွတ်မြောက်နိုင်မည်ဖြစ်သည်။

လူ့အဖွဲ့အစည်းကြီးအတွင်းရှိ လူသားတိုင်းသည်တစ်နည်းအားဖြင့် ဆက်နွယ်လျက်ရှိသောဆွေမျိုးသား ချင်းများဖြစ်သည်။ လူတစ်ဦးချင်းသည်လည်းကောင်း မိသားစုတစ် စုချင်းသည် လည်းကောင်းလူ့အ ဖွဲ့အစည်းကြီးအတွင်းရှိ လူတိုင်းလူတိုင်းမိသားစုတိုင်း မိသားစု တိုင်း စားဝတ်နေရေးနှင့်လိုအပ်ချက်အား လုံး ချောမွေ့ရမည့်တာဝန်မှာ မွတ်စ လင်မ်တိုင်းအပေါ်တွင် တာဝန်တစ်ရပ် ဖြစ်သည်။

ဇကားသ်ဟူသည် အရဗီဝေါဟာရဖြစ်၍ အဓိပ္ပာယ်မှာ တိုးပွားခြင်းသည်။ မိမိပိုင်ပစ္စည်းဥစ္စာ တိုးပွားခြင်းမှ အခြားဆင်းရဲသားမိသားစုများ ၏ ဥစ္စာပစ္စည်းများကိုပါတိုးပွားစေခြင်း ဖြစ် သည်။

လူ့အဖွဲ့အစည်းကြီးအတွင်းတွင် များသောအားဖြင့် ခိုးဆိုးလုယက်၊ တိုက်ခိုက်သတ်ဖြတ်ခြင်းများမှာ ဆာ လောင်ငတ်မွတ်၊ လိုလားတောင့်တရာမှတစ်ဆင့်၊ ဆင်းရဲလွန်းခြင်း၏ဒဏ်၊ လူရာမ ဝင်လွန်းဟုခံစားရ ခြင်း၏ဒဏ်၊ အနှိမ်ခံရသည်ဟု ထင်မြင်စွဲမှတ်လာသည့်ဒဏ်စသည့် စိတ်ပိုင်းဆိုင်ရာဒဏ်ရာဒဏ်ချက် ပေါင်းများစွာမှ အခြေခံဖြစ်ပေါ်လာခြင်း ဖြစ်ပေသည်။ ဆာလောင် ငတ်မွတ်ခြင်းဒဏ်၊ လိုလားတောင့်တ ခြင်းဒဏ်များကို ကျင့်သားရစေရန်၊ ဆာလောင်ငတ်မွတ်လာလျှင်လည်း စိတ်ပိုင်းဆိုင်ရာစွမ်းရည်ကို မ ယိမ်းမယိုင်ကြံ့ကြံ့ခိုင်တည်မြဲနိုင်စေရန် ဥပုသ် သီလကို ပြဌာန်းထားသကဲ့သို့ ဥပုသ်သီလစောင့်ထိန်းခြင်း ဖြင့် ဆင်းရဲသားများ၏စားရမဲ့သောက်ရမဲ့ဘဝကို လက်တွေ့ခံစားလာကြသော မွတ်စလင်မ်များသည်(ဇ ကားသ်)ခေါ် ဆင်းရဲသား များ၏ ဘ၀လုံခြုံရေးခွန်ကုိုလည်း လိုလိုလားလား ပေးဆောင်နှိုင်ရန်ဖြစ်သည်။

ထိုကဲ့သို့သော ဇကားသ် ဆင်းရဲသားများအတွက် ရန်ပုံငွေခွန်သည် မပေးမနေရပြဌာန်း ချက် ဥပဒေဖြစ် သည်။ ကုရ်အာန်၉း၆၀ တွင်-

(ဧကန်ဆွသ်ကဟ် (ဇကားသ်)သည် ဆင်းရဲနွမ်းပါးသူတို့ အဖို့လည်းကောင်း၊ လိုအပ်ချက်ရှိနေသူတို့အ ဖို့လည်းကောင်း၊ ဇကားသ်နှင့်စပ်လျှင်း၍ အမှုထမ်းသူတို့အဖို့လည်းကောင်း၊ အမှန် တရားဘက်သို့ စိတ် ညွှတ်လာစေနှိုင်သူများအတွက်လည်းကောင်း၊ အချုပ်အနှောင်တွင် ရှိနေသူတို့အဖို့လည်ကောင်း၊ ကြွေး မြီပိနေသူများအဖို့လည်းကောင်း၊ အရှင့်လမ်းတွင်ရှိနေသူများ အဖို့လည်းကောင်း ခရီးသည်များအဖို့ လည်းကောင်းဖြစ်သည်။ ဤသည်ကား အရှင်မြတ်ထံမှပြဌာန်းထားသော ပညတ်ချက်ဖြစ်သည်။ အရှင် မြတ်သည် အကြွင်းမဲ့သိသော ဆင်ခြင်တုံတ ရားနှင့်် ပြည့်စုံသော အရှင်ဖြစ်သည်။)

ဇကားသ်စားထိုက်သူ(၈)မျိုးအနက် (၀လ်အားမေလီးန်)ဇကားသ်နှင့်စပ်လျှင်း၍အမှုထမ်း များကိုလည်း ဇကာသ်ငွေပေးဆောင်ရမည် ဟုပြဌာန်းထားသည်။ ဆိုလိုရင်းအဓိပ္ပါယ် မှာဇ ကာသ်ကောက် ခံခြင်း ဇကာသ်ပြန်လည်ခွဲဝေပေးခြင်းတို့မှာ အစိုးရကဖြစ်စေအဖွဲ့အ စည်း ကဖြစ်စေ ကမကထပြု၍ တိတိကျကျဆောင်ရွက် ရမည့်တာဝန်ရှိသည်။

တမန်တော်မြတ် (အရှင်၏အေးငြိမ်းမှုအပေါင်းခညောင်းပါစေ) ခေတ်နှင့်ခလီဖါဟ်ကြီးလေး ပါးခေတ်တို့ တွင် ဇကာသ်ကုိုကောက်ခံရာတွင် စာရင်းဇယားကျွမ်းကျင်သော သူများဖြင့် ဖွဲ့စည်း ထားသောအဖွဲ့ကဦး ဆောင်ကောက်ခံသည်။ ကောက်ခံရာတွင်လည်း ချမ်းသာသူ များ၏ပိုလျှံငွေကြေးနှင့် ဆင်းရဲသူများ၏လို အပ်ချက်ကိုတွက်ချက်၍ အချိုး အစားအ လိုက်ကောက် ခံပေးဝေ သော စနစ်ကို ကျင့်သုံး သည်။ထိုက်သင့် သော ဇကာသ်အရေ အတွက်ထက် ပိုပေးလိုသူမဟာသာဝကများ က မေတ္တာရပ်ခံခဲ့သည်ကို တမန်တော်မြတ် (အရှင် ၏အေးငြိမ်းမှုအပေါင်းခညောင်းပါစေ)ကလက်ခံ၍ကောင်းခြီးမင်္ဂလာပေးခဲ့ကြောင်း(အဟ်မဒ်၏မွတ်စနသ်ကျမ်းဇကာသ်ကဏ္ဍ) တွင်ဖေါ်ပြ ထားသည်။

ဇကာသ်စနစ်နည်းလမ်းတိကျမှုအရေးကြီးပုံ

ယနေ့မွတ်စလင်မ်နိုင်ငံများနှင့် မွတ်စလင်မ်အများစုသည် ဇကာသ်ကောက်ခံပေးဝေရေး စနစ် အားနည်း မှုကြောင့် ဆင်းရဲချမ်းသာကွာဟနှုန်း သည် နှစ်စဉ်နှင့်အ မျှပိုမိုများပြား လာသည် ကိုိ တွေ့ရပေသည်။ ကျွန် တော်တို့ဝန်းကျင်တွင် ခေတ်အဆက်ဆက်မှယနေ့တိုင် မွတ်စလင်မ်များအတွင်း ဇကာသ်တောင်းခံသူ လူတန်းစားတစ်ရပ်ဟူ၍ သီးခြားပေါ်ပေါက် လျှက်ရှိလာသည်။ ဥပမာ ဒီနှစ် လင်နှင့်မယား နှစ်ယောက်မှ နောင်နှစ်ကလေးများပါ ဇကာသ်တောင်းရန်ပါဝင်လာလေသည်။ ကုရ်အာန်ကပြဌာန်းသော ဇကာသ်စ နစ်သည် ဒီနှစ်မိသားစုတစ်စုအား ရင်းနှီးမ တည်ပေးလိုက်ခြင်းဖြင့် ထိုမိသားစုသည် နောင်နှစ်ဇကာသ် ယူရန်မလိုဘဲ ဇကာသ်ပြန်ထုတ်နှိုင်သူဖြစ်ရမည်။ ဇကာသ်ကိုစနစ်တစ်ကျအသုံးပြုနှိုင်ခြင်းဖြင့် နှစ်စဉ် ဇ ကာသ်တောင်းသူလျှော့ နည်းလာပြီး ဇကာသ်ထုတ်နှိုင်သူ ပိုမိုများလ မည်ဖြစ်သည်။

ကုရ်အာန်ကပြဌာန်းသောဇကာသ်စနစ်ကို မွတ်စလင်မ်များကဆောင်ရွက်နှိုင်စွမ်းမရှိသည့်အတွက် ကမ္ဘာနှင့်အ၀ှမ်း မွတ်စလင်မ်နိုင်ငံ များနှင့် မွတ်စလင်မ်အများစုအတွင်း ဆင်းရဲ ချမ်းသာကွာဟမှု နှစ်စဉ် တိုးပွားလာသည်ကို တွေ့ရပေသည်။

သို့ရာတွင် ကမ္ဘာချမ်းသာသော နှိုင်ငံကြီးများ၏ အခွန်ကောက်ခံခြင်းနှင့် ထိုအခွန်များကို ၄င်းတို့နှိုင်ငံအတွင်းရှိ လစာနည်းဝန်ထမ်းများနှင့် ပင်စင်စားများ၏ဘ၀လုံခြုံရေးကိုတာဝန် ယူထား ပုံ နည်းစနစ်မှာ ကုရ်အာန်ကပြဌာန်းသောစနစ်နှင့် တူနေသည်ကိုတွေ့ရပေသည်။ ထိုနိုင်ငံများအတွင်းရှိ်လူအများစုသည် လူလတ်တန်းစားများဖြစ်သည်။ ရုတ်တရက်ကျမ်း မာရေးကြောင့်သော် လည်ကောင်း အလုပ်ရပ်စဲခြင်း ခံရသည် သော်လည်းကောင်း အစိုးရ ကကောက် ခံထားသောအခွန်များမှ အလုံအလောက်ထောက်ပံ့သည်။ ထိုနိုင်ငံများ တွင် တောင်း ရမ်းစားသောက်သော လူတန်းစားဟူ၍ သီးခြားမရှိပေ။

ကုရ်အာန်ပြဇကာသ်စနစ်သည် ဆင်းရဲသားလူတန်း စားပပျောက်ပြီး လူတိုင်းတူညီစွာဘ၀ ရပ်တည်နှိုင် ရေးဖြစ်သည့်အတွက် ဇကာသ် တာဝန်မကျေ သူများနှင့်စပ်လျှင်၍ ကျမ်းမြတ် ကုရ် အာန်၄၁း၇တွင်-

(အကြင်သူတို့သည်ဇကာသ်တာဝန်ကိုမကျေပြွန်ပါက တမလွန်တွင်အလ္လာဟ်ရှင်ကို မယုံကြည်သော(ကာ ဖေရူးန်)ဘ၀နှင့် ရှင်ထကြရသူများဖြစ်မည်။)

ဖေါ်ပြပါဗျာဒိတ်အားဖြင့် အစ္စလာမ်သာသနာတွင် ဇကာသ်တာဝန်သည် အလွန်အရေး ပါကြောင်းသိနှိုင် ပေသည်။

ဆွသ်ကဟ် (ဇကာသ်)ပေးဆောင်ခြင်း၏သဘောသည် စပါးတစ်စေ့ကိုစိုက်လျှင် စပါးတစ်နှံတစ်နှံတွင် စပါးစေ့တစ်ရာစီပါသော အနှံခုနှစ်နှံပါသည့်စပါးတစ်ပင်ပေါက်သကဲ့သို့ ဇကာသ် ပေး ဆောင်သူဇကာသ် လက်ခံရရှိသူနှစ်ဦးစလုံးအဖို့ ၄င်းတို့၏ စီးးပွားဥစ္စာတွင် အဆပေါင်းများစွာပိုမိုတိုးပွားမည်ဖြစ်သည်။ (၂း ၂၆၁)

ဇကာသ်၏ မူလရည်ရွယ်ချက်သည် တစ်ဦးကောင်းတစ်ယောက်ကောင်းတိုးပွားမှုမှ မွတ် စလင်မ်အသိုက် အမြုံတစ်ခုလုံး ကြီးပွားတိုး တက်ရေးဖြစ်သည်။ ထိုဇကာသ်သည် မိမိပိုင် ပစ္စည်းဥစ္စာ အနက်အချိုးအစားအ လိုက် ဆင်းရဲသားများနှင့်အရေးပေါ် လိုအပ်သူများ၏ ရ သင့်ရထိုက်သော ငွေဖြစ်သည်။ မိမိပိုင်မဟုတ်ပေ။ ဇကာသ်ထုတ်ရန်တာဝန်ရှိသူတစ်ဦးက ဇကာသ်မထုတ်ခြင်းသည် ဆင်းရဲသား များနှင့် အရေးပေါ်လိုအပ်သူများ၏ပိုင်ဆိုင်သော ဥစ္စာပစ္စည်းကို မတရားစားခြင်းဖြစ်သည်။ သူတစ်ပါး၏ ရသင့်ရထိုက်သောပစ္စည်းကို မတရား သဖြင့်စားသုံးခြင်းသည် မီး ကျည်ခဲကို စားခြင်းဖြစ်သည်။

ဥစ္စာပစ္စည်းလှူဒါန်းသုံစွဲခြင်းဟူသည် လိုအပ်ချက်ရှိသူများ၏ လိုအပ်ချက်များကို ဖြည့် ဆည်းပေးရသော လူမှုရေးကဏ္ဍတစ်ရပ်ပင်ဖြစ်၏။ အစ္စလာမ်သာသနာဝင် မွတ်စလင်မ်ဖြစ်ပါလျှက် လူမှုရေးကဏ္ဍတွင် တာဝန်မကြေပါက သာသနာကို ငြင်းပယ်သော သူများဟု ကျမ်းမြတ် ကုရ်အာန် ၁၀၇း၁မှ၇တွင်=

(အစားပေးသောနေ့ကို ငြင်းပယ်သူအား အသင်မမြင်လေသလော)

(ထိုသူသည် ဖသက်ဆိုး ကလေးများကို အဖက်မတန် ဆက်ဆံသူဖြစ်၏။)

(ထို့ပြင်ထိုသူသည် စားရမဲ့သောက်ရမဲ့များကို ကြွေးမွေးရန်တိုက်တွန်းခဲ့ခြင်းလည်းမရှိပေ။)

(ထိုသူတို့၏ ဆွလာသ်တည်ဆောက် မှူသည် ပျက်ဆီးဆုံးရှူံးကြကုန်၏။)

(ထိုသူတို့သည် ဆွလာသ်တည်ဆောက်ခြင်း ကိုမေ့လျော့ ထားကြကုန်၏။)

(ထိုသူတို့သည် လူများကို ပြသရန် ဆွလာသ် တည်ဆောက်သူများ ဖြစ်ကြ၏။)

(ထို့နောက် ထိုသူတို့သည် လိုအပ်သူများ၏ တောင်းခံလာသော အသေးအမွှားပစ္စည်းများကိုပင် ပိတ်ပင် တားဆီးသူများ ဖြစ်ကြ၏။)

များသောအားဖြင့် မွတ်စလင်မ်အများစုသည် လူမှုရေးကဏ္ဍများတွင် အားနည်းချက် များရှိနေသည်ကို တွေ့ရပေသည်။ ကျွန်တော်တို့၏ ပတ်ဝန်းကျင်တွင် အိမ်နီးချင်းမိသားစုများ စားရမဲ့သောက်ရမဲ့ ဖြစ်နေ သည်ကိုလည်းသိသည်။ ဗလီဝတ်ကျောင်းများတွင် ကုရ် အာန်ကျမ်း များလည်း အပြည့်ရှိနေပါလျှက် လှု ဒါန်းသုံစွဲရာ၌ ဗလီဝတ်ကျောင်းများတွင် ကုရ်အာန်ကျမ်းများကို လှူဒါန်းသူဦးရေကများပြီး စားရမဲ့ အိမ်နီး ချင်းများကို လှူဒါန်းသူ ဦးရေကနည်းနေပေသည်။

ထိုနည်းတူစွာ မွတ်စလင်မ်မိသားစုများအတွင်း များသောအားဖြင့်တစ်အူတုံဆင်း ညီအ ကိုမောင်နှမအရင်းများအတွင်း၌ပင်လျှင် ဆင်းရဲ ချမ်းသာကွာဟမှုများက ရှိနေသည့် အတွက် သွေး ရင်းသားရင်းမဟုတ်သောမွတ်စလင်မ်များအဖို့ ဆင်းရဲတွင်းမှလွတ်နှိုင်ရန် မလွယ်ကူပေ။ ထို့ကြောင့်ကုရ်အာန်က မွတ်စလင်မ်များသည် တစ်အူတုံဆင်းညီအကိုအ ရင်းဟူသော (အစ်ခ၀သွန် မွတ်စလင်မ်)ဟု သုံးထား သည်။ မွတ်စလင်မ်များသည် ညီအကို အရင်းများကဲ့သို့ဖြစ်သည်ဟူသော (အစ်ခ၀ါးနွန် မွတ်စလင်မ်) ဟုသုံးမ ထားပေ။

ထိုသို့သောအကြောင်းများကြောင့် ကျမ်းမြတ်ကုရ်အာန်တွင် လူမှုရေးကဏ္ဍကို သက်ဝင် ယုံကြည်မှုနှင့် ထပ်တူထပ်မျှ ပြ ဌာန်းထားသ ကဲ့သို့ လူမှုရေးနှင့်ဆက်နွယ်နေသော ဇ ကာသ်ပျက်ကွက်သူသည် ကေယာမသ်နေ့တွင် အလ္လာဟ်ရှင်ကို မယုံကြည်သော (ကာဖေရူးန်) ဘ၀နှင့် ရှင်ထကြရသူများဖြစ်မည် ဟု ကုရ်အာန်၄၁း၇ ပြဌာန်းထား ခြင်းဖြစ် သည်။

ဦးစိုးလွင် (ငြိမ်းချမ်းလျှပ်စစ်)

www.quraninburmese.com မှကူးယူဖေါ်ပြသည်။

http://www.quraninburmese.com/blog/2010/08/value-of-mankind-part-4/

July 17, 2012
ကျွန်မဖေဖေ

ထိုစဉ်က ဝါတွင်းအချိန်ဖြစ်သောကြောင့် ကျွန်မတို့ မြို့မကျောင်းသည် ဝါပအချိန် စနေ၊ တနင်္ဂနွေနှင့် ဥပုသ်နေ့တွင် နေ့ပြောင်း၍ ကျောင်းပိတ်ပါသည်။ ထို့ကြောင့် စနေနေ့က ကျွန်မတို့ ကျောင်းတက်ကြရပါသည်။ အခါတိုင်း ကျောင်းအားသော စနေနေ့များ၌ အစ်ကိုသည် ဖေဖေနှင့်အတူ အတွင်းဝန်များရုံးသို့ လိုက်ပါနေကျဖြစ်သော်လည်း ယခုတော့ ကျောင်းတက်နေသည်ဖြစ်သောကြောင့် မလိုက်ပါနိုင်တော့။ အစ်ကို့အတွက် ကံကောင်း၍ပေလောဟု မှတ်ထင်ရ၏။

ထိုနေ့က မိုးမှာ တစိမ့်စိမ့်သွန်းဖြိုးလျက်ရှိရာတွင် ခါတိုင်းလို ကျောင်းစာများ၌ပင် စိတ်ဝင်စား၍မရနိုင်အောင် ငြီးငွေ့နေမိသည်ဟု ထင်မိပါသည်။ အဘယ့်ကြောင့်ဟု မဆိုနိုင်သော်လည်း ထိုနေ့သည် နေရထိုင်ရသည်မှာ အခါတိုင်းလိုမဟုတ်၊ ပျော်ပျော်ရွှင်ရွှင်မရှိ၊ တစ်မျိုးပင်ဖြစ်လို့နေသည်။

သို့သော် နေ့လည်တစ်နာရီတွင် ကျောင်းအုပ်ကြီးဦးဘလွင်က ကျွန်မတို့ မောင်နှမနှစ်ယောက်ကို ကျောင်းကားဖြင့် အိမ်သို့ပြန်ပို့လိုက်၏။ ဘာကြောင့်ရယ်မသိရသော်လည်း စာသင်ရခြင်းကို ငြီးငွေ့နေစဉ် အိမ်ပြန်ပို့ခြင်းအတွက်တော့ ကလေးတို့သဘာဝ ကျေနပ်ခဲ့မိပါသည်။ ထို့ကြောင့်ပင် ကျွန်မတို့မောင်နှမနှစ်ယောက်ကိုသာ ထူးထူးခြားခြား ဘာကြောင့်ပြန်ပို့ပါလိမ့် ဟူသောအချက်ကိုပင် လေးလေးနက်နက် မတွေးမိတော့ပါ။

အိမ်သို့ရောက်သောအခါမှာတော့ စိတ်တွင်း၌ထူးခြား၍သွားသည်။ မေမေသည် မျက်ရည်စက်လက်နှင့် ရှိနေရာမှ ကျွန်မတို့မောင်နှမနှစ်ယောက်ကို မြင်လိုက်သောအခါ ချုံးပွဲချ၍ ငိုပါသည်။ အနားတွင်ရှိနေသော မြန်မာမွတ်စလင် အမျိုးသမီးကြီးများက ဝိုင်းဝန်း၍ နှစ်သိမ့်အားပေးစကား ပြောနေကြသည်ကို တွေ့ရပါသည်။ ကျွန်မတို့ ကလေးနှစ်ယောက်မှာတော့ ဘာမျှနားမလည်၊ ငေး၍သာနေကြ၏။ ထိုအခါ ဒေါ်ဒေါ်က ကျွန်မတို့နှစ်ယောက်အား အပေါ်ထပ်သို့ ခေါ်၍သွားပါသည်။ နေ့လယ်ချိန်တစ်ချိန်လုံးမှာပင် ကျွန်မတို့ အပေါ်ထပ်၌ အချိန်ကုန်ရ၍ ညနေစောင်းတွင် ကျွန်မသည် နေ့စဉ်ပြုနေကျ ဝတ္တရားတစ်ခုကို ဆောင်ရွက်ရန် မျှော်လင့်နေမိပါသည်။

ညနေပိုင်း ဖေဖေရုံးမှ ပြန်လာပြီဆိုလျှင် အမြဲပင် ကျွန်မက ဆီး၍ ဖိနပ်ချွတ်ပေးရသည်။ နောက် ဖေဖေက မောင်လေးကို ချီထားလျက် သားသမီးသုံးယောက်ဖြင့် ပျော်ပါးစွာ ညနေချိန်ကို ကုန်လွန်စေသည်သာဖြစ်ပါ၏။

ကျွန်မမှာ လည်ပင်းရှည်လှပါပြီ၊ အခါတိုင်းရောက်နေကျ အချိန်မှ အများကြီး လွန်လာသည့်တိုင်အောင် ဖေဖေက ပြန်မရောက်သေး။ ကျွန်မက ဖိနပ်ချွတ်ပေးရန် စိတ်စောနေသည်။

“ဒေါ်ဒေါ် ပါပါခုထက်ထိမရောက်သေးဘူး၊ ဘာဖြစ်လို့လဲဟင်”
ကျွန်မ၏အမေးကို ဒေါ်ဒေါ်က ရုတ်တရက် ပြန်မဖြေနိုင်ပါ၊ အတော်ကြာငိုင်နေပြီးမှ “ပါပါ ရုံးလှေခါးက ချော်ကျလို့ ဆေးရုံတင်နေရတယ် ကလေးရဲ့” ဟု အဖြေပေးပါသည်။ သို့ဖြင့် ကျွန်မမှာ ဖေဖေအား ဖိနပ်ချွတ်၍ပေးနိုင်ခွင့် မရတော့ပါပြီ။ ညသို့ရောက်ပြီဆိုလျှင်လည်း ဖေဖေကို အမှတ်မရ၍ မဖြစ်နိုင်ပါ။ ရေဒီယိုမှ သီချင်းလာပြီဆိုလျှင် ဖေဖေက ကျွန်မကို အကခိုင်းသည်။ ကျွန်မကလည်း တစ်ခါကရလျှင် ပုံတစ်ပုံပြောခိုင်းသည်။ ပျော်ရွှင်ကြည်နူးစွာ နေခဲ့ရသော အချိန်များမှာ လွမ်းဆွတ်စရာ ကောင်းလှပါတော့သည်။

ဖေဖေမှာ အသက် ၄ဝ ခန့်ရှိမှ အိမ်ထောင်ကျ သားသမီးရသည်ဖြစ်သောကြောင့် ကျွန်မတို့ မောင်နှမသုံးယောက်ကို အလွန်ချစ်သည်။ အမြဲတမ်း လက်ပွန်းတတီးနေသည်။ အငယ်ဆုံး နို့စို့အရွယ်မောင်ငယ်ကလေးက မသိတတ်လှသေးသော်လည်း ကျွန်မနှင့် အစ်ကိုကတော့ အချိန်ရသမျှ ဖေဖေနှင့် တပူးတွဲတွဲနေကြပါသည်။

နေ့စဉ် နံနက်မျက်နှာသစ်ချိန်တိုင်း ဖေဖေက ကိုကိုိ့ကို လက်ဝှေ့ထိုးသင်ကြားပေးလေ့ရှိပါသည်။ ထိုသို့ ရင်းရင်းနှီးနှီးနေခဲ့ကြသည်နှင့်အညီ အဖေကိုချစ်သောကလေးများဖြစ်၍ ကျွန်မတို့မောင်နှမက ဖေဖေ့အကြောင်းကို တစ်မေးတည်းမေး၍လာကြရာ သြဂုတ်လအတွင်းရောက်မှပင် ဖေဖေနှင့် ဗိုလ်ချုပ်အောင်ဆန်း အစရှိသော ခေါင်းဆောင်ကြီးများသည် ဇူလိုင်လ ၁၉ ရက်နေ့ မသမာသူ လူတစ်စု၏ လက်ချက်ဖြင့် ကျဆုံးခဲ့ကြပြီဆိုသော အကြောင်းကို သိရပါတော့သည်။

ထိုအခါ အခြားကျဆုံးခဲ့သော ခေါင်းဆောင်များ၏ ရုပ်ကလာပ်တို့ကို ဂျူဗလီဟော၌ မြင်နိုင်သေးသော်လည်း ဖေဖေမှာမူ ကျွန်မတို့ ဘာသာတရားအရ ကွယ်လွန်ပြီးလျှင်ပြီးချင်းပင် သင်္ဂြိုဟ်ခဲ့ရသည်ဖြစ်၍ မြင်ရနိုင်စွမ်းမရှိတော့ပါပြီ။

ညတိုင်းဖိနပ်ချွတ်ပေးရန်မျှော်ခဲ့ရသော ဖေဖေ၊ ကျွန်မတို့ချစ်သော ရေဒီယိုသီချင်းဖြင့် အကခိုင်းပြီး ပုံပြောတတ်သော ဖေဖေ၊ ကျွန်မတို့ချစ်သော ဖေဖေနှင့် လူမသမာတို့လက်ချက်ကြောင့် တစ်သက်တာ ကွဲကွာခဲ့ရပါပြီ။

“တို့ဆရာကြီးရာဇတ် မရှိတာ နာတာပဲ” ဟူသော စကားစုကို ယခုအခါ ဖေဖေ၏ တပည့်များက စကားစပ်မိတိုင်း ပြောကြပါသည်။ သစ်ပင်တစ်ပင်မှာ သဘာဝအလျောက် ရှင်လျက်ရှိစဉ်ထက် သေ၍ပြိုလဲကာရှိနေမှ ထိုသစ်ပင်၏ အရှည်အတိုင်းအတာကို ပို၍တိကျသေချာစွာ သိမြင်သလိုပင် ကျွန်မတို့ ပတ်ဝန်းကျင်မှာလည်း ဖေဖေကွယ်လွန်ပြီးမှပင် ဖေဖေ၏ ဂုဏ်ကျေးဇူးတို့ကို ပို၍သိကြရပါတော့သည်။

ဖေဖေကွယ်လွန်စဉ်က အသက် (၅၁) နှစ်မျှသာရှိသေး၍ မည်သည့်အနာရောဂါမျှလည်း မရှိသောကြောင့် သက်တမ်းစေ့ နေရမည်ဆိုလျှင် တိုင်းပြည်တာဝန်ကို ဆက်လက်၍ ထမ်းဆောင်နိုင်ဦးမည်ဖြစ်၏။ ဖေဖေသည် ငယ်စဉ်ကပင် ဘောလုံးနဲ့ လက်ဝှေ့တို့ကို လေ့လာကစားခဲ့သည်။ ကောင်းမွန်ကျွမ်းကျင်စွာ တတ်မြောက်သည်။ အထူးသဖြင့် ဂေါ့ဖ်ရိုက်ခြင်းကို အထူးနှစ်သက်ခဲ့ပါ၏။ ကစားခုန်စားဖက်၍ ဝါသနာပါသော်လည်း စာပေဖက်တွင်လည်း မညံ့ဖျင်းပါ။ အသက် ၂ဝ အရွယ်မှာပင် ဘီအေအောင်မြင်၍ ဇာတိ မန္တလေးရှိ အမျိုးသားကျောင်းတွင် ကျောင်းအုပ်ကြီးအဖြစ် ဆောင်ရွက်ခဲ့ပါသည်။ လူငယ်ပေါင်းများစွာတို့၏ စိတ်ဓာတ်ကို ပြုပြင်ပေးခဲ့ပါသည်။

ဖေဖေ၏ အရည်အချင်းနှင့် မျိုးချစ်စိတ်ကို သိရှိသော ဗိုလ်ချုပ်အောင်ဆန်းက ဂျပန်ခေတ်မှ အစပြုကာပင် ဖေဖေ့အား နိုင်ငံရေးနယ်ပယ်တွင် ပါဝင်ဆောင်ရွက်ရန် တိုက်တွန်းခေါ်ဆောင်လာသဖြင့် ဖေဖေသည် နိုင်ငံရေးနယ်တွင်းသို့ ရောက်ခဲ့ရခြင်းဖြစ်ပါသည်။

ဒုတိယကမ္ဘာစစ်အပြီးတွင် ဖဆပလအလံတော်အောက်မှ လွတ်လပ်ရေးကို ရယူနိုင်ရန် ဗိုလ်ချုပ်အောင်ဆန်းနှင့်ပင် လက်တွဲဆောင်ရွက်ရင်းဖြင့် နောက်ဆုံး ဗိုလ်ချုပ်အစိုးရအဖွဲ့တွင် ပညာရေး၊ အမျိုးသားစီမံကိန်းနှင့် လမ်းပန်းဆက်သွယ်ရေးဝန်ကြီးအဖြစ် တာဝန်ယူကြိုးပမ်းနေခိုက် ၁၉၄၇ ခုနှစ်၊ ဇူလိုင်လ (၁၉) ရက်နေ့တွင် ကျဆုံးခဲ့ရခြင်းဖြစ်ပါတော့သည်။

ကစားခုန်စားနယ်မှ ဘောလုံးဝိဇ္ဇာ ဘကြူးသည်လည်းကောင်း၊ နယ်မည်ကျော် လက်ဝှေ့ ကျားဘငြိမ်းနှင့် ချစ်အုန်းတို့သည်လည်းကောင်း၊ အနုပညာနယ်ဆိုလျှင်လည်း ယိုးဒယားက အလွန်တော်သော ယခု ကမ္ဘာလှည့်နေသူ အမ်အေဒေါ်အုန်း၊ အမ်အေ ဒေါ်တင်လှ တို့အပြင် အဆိုတော် ကိုအံ့ကြီး၊ ကိုဗစိန်၊ ကိုလှထင်နှင့် ရွှေဂုံမြို့မ အဖွဲ့ဝင်အချို့တို့အပြင် နိုင်ငံရေး နယ်ပယ်နှင့် မြန်မာ့သားကောင်း စစ်မှုထမ်းများ၌လည်း ဝန်ကြီး ဦးခင်မောင်ကလေး၊ သခင်ဗဟိန်း (ကွယ်လွန်သူ) နှင့် မြေပြင်ပစ် အမြောက်တပ်မှ ကာနယ်ဘရွှေ၊ ဗိုလ်ကြီးခင်ညို၊ ဗိုလ်ခင်မောင်ကြည်၊ ဗိုလ်မှူးတင်အောင်၊ ဗိုလ်တင်ရွှေတို့သည်လည်းကောင်း၊ ဖေဖေ၏ တပည့်သားမြေးများ ဖြစ်ကြပါသည်။

ဖေဖေအသက်ရှိစဉ်က ကိုယ့်တိုင်းပြည်အကျိုးကို သယ်ပိုးခဲ့ရုံမျှမက ခုထက်တိုင်အောင်လည်း ဖေဖေ့အစွယ်အပွားများက တိုင်းပြည်တာဝန် ထမ်းဆောင်လျက်ရှိကြပါသည်။ ဖေဖေ၏ အကျင့်စာရိတ္တကောင်းသော အပြုအမူတို့ကြောင့်လည်းကောင်း၊ အများပြည်သူတို့၏ မေတ္တာ၊ စေတနာတို့ကြောင့်လည်းကောင်း ဖေဖေသည် ယခုအခါတွင် ကောင်းရာသုဂတိသို့ ရောက်ရှိနေပေတော့မည်ဟု ယုံကြည်ပါသော်လည်း ကျွန်မတို့အတွက်မှာမူ “ရွှေတောင်ကြီး” ပြိုလဲကွယ်ပျောက်သွားသည်နှင့်ပင် တူပါတော့သတည်း။

ခင်ခင်စိန်
သွေးသောက်မဂ္ဂဇင်း၊ ၁၉၅၄၊ ဇူလိုင်။
(ကျွန်မတို့အဖေ ကျွန်မတို့အမေ၊ ၂၀၁၂၊ ပင်လယ်ပြာပြာစာအုပ်တိုက် – မှ ပြန်လည် ဖော်ပြပါသည်။)

(စာရေးသူ ဒေါ်ခင်ခင်စိန်သည် ဆရာကြီး ဦးရာဇတ်၏ သမီးဖြစ်ပြီး ဆရာကြီး ကွယ်လွန်စဉ်က အသက် ၇နှစ်မျှသာ ရှိသေးကာ အသက် ၁၃နှစ် အရွယ်တွင် ဤဆောင်းပါး ရေးခဲ့ခြင်း ဖြစ်ပါသည်။ လက်ရှိ သြစလေးလျနိုင်ငံတွင် နေထိုင်လျက်ရှိပြီး အေးတည်ငြိမ် အမည်ဖြင့် စာနယ်ဇင်းများတွင် စာရေးသားလျက် ရှိပါသည်။)

ကိုကျော်မိုးအောင် FB စာမျက်နှာမှ ပြန်လည်မျှဝေပါသည်။

July 17, 2012
အမည်မခံလိုသူ စာရေးဆရာကြီး သို့မဟုတ် အာဇာနည်ခေါင်းဆောင်ကြီး ဦးရာဇတ်

တင်နိုင်တိုး(weekly Eleven)

အာဇာနည် အမျိုးသားခေါင်းဆောင်ကြီး ဆရာကြီးဦးရာဇတ်

ဆရာကြီးဦးရာဇတ်သည် မြန်မာနိုင်ငံ လွတ်လပ်ရေးအတွက် ကြိုးပမ်းဆောင်ရွက် နေစဉ် ၁၉ ဇူလိုင် ၁၉၄၇ တွင် ဗိုလ်ချုပ် အောင်ဆန်းနှင့်အတူကျဆုံးခဲ့ရသော အာဇာ နည်ခေါင်းဆောင်ကြီး တစ်ဦးဖြစ်ပါသည်။ဆရာကြီးသည် အစ္စလာမ်ဘာသာဝင် တစ်ဦးဖြစ်သော်လည်း မြန်မာမှု ဓလေ့ထုံးစံ၊ မြန် မာစာပေတို့အပေါ်၌ လေးစားမြတ်နိုးသူဖြစ် ပါသည်။ မန္တလေးဗဟိုအမျိုးသားအထက် တန်းကျောင်းတွင် နှစ်ပေါင်းများစွာ ကျောင်း အုပ်ဆရာကြီးအဖြစ်အမှုထမ်းခဲ့သည့်နည်း တူအထက် မြန်မာနိုင်ငံလုံးဆိုင်ရာ ဖဆပလ အဖွဲ့ဥက္ကဋ္ဌတာဝန်ကိုလည်း ယူခဲ့ဖူးပါသည်။ဗိုလ်ချုပ်နှင့်အတူလုပ်ကြံခံခဲ့ရစဉ်က ပညာ ရေးနှင့်အမျိုးသားစီမံကိန်းဌာန၀န်ကြီးအဖြစ် တာဝန်ယူနေဆဲ ဖြစ်ပါသည်။

ဆရာကြီးကို အာဇာနည်ခေါင်းဆောင် ကြီးတစ်ဦးအဖြစ်သိရှိကြသော်လည်း အမည်မဖေါ်လိုသူ စာရေးဆရာကြီးတစ်ဦးအဖြစ်မူ လူသိနည်းပါးလှပါသည်။

စာပေ၀ါသနာ
ဆရာကြီးဦးရာဇတ်ကို ၂၀ ဇန် န၀ါရီ ၁၈၉၈ တွင် မိတ္ထီလာမြို့၌ ဖွားမြင်ခဲ့သည်။ မိဘများမှာ အငြိမ်းစားအင်စပက်တော် မစ္စတာအေရာမန်နှင့်ဒေါ်ငြိမ်းလှတို့ဖြစ်ကြ ပါသည်။မန္တလေးဝက်စလီယောက်ျား ကလေးကျောင်းမှ ဆယ်တန်းကိုပါဠိ၊ အင်္ဂ လိပ် ဘာသာဂုဏ်ထူးတို့ဖြင့် အောင်မြင်ခဲ့ပြီး နောက်ရန်ကုန်ကောလိပ်သို့ရောက် ခဲ့သည်။ ရန်ကုန်ကောလိပ်၌အင်္ဂလိပ် စာစီစာကုံးပြိုင် ပွဲတွင်ပထမရ၍ဘိုင်မြား ရွှေတံဆိပ်ဆုရရှိခဲ့ ပါသည်။ဆရာကြီးမှာ အင်္ဂလိပ်စာအရေး အသားကောင်းလွန်းလှသဖြင့် အင်္ဂလိပ် စာတိုစာများရေးသားရန် လိုအပ်တိုင်းသူ့ ထံသို့်အပူကပ်လေ့ရှိခဲ့ကြသည်။

ဆရာကြီးသည် ကောလိပ်ကျောင်း သားဘ၀၌ပင် အိန္ဒိယနယူးတိုင်းမဂ္ဂဇင်းသို့ ရှမ်းပြည်နယ် ၃၆ ကောင်ထီအကြောင်း အင်္ဂလိပ်ဘာသာဆောင်းပါးရှည်ကြီးကို ရေး သားပေးပို့ခဲ့သည်။ ဆောင်းပါးတွင် ကြေး စန္ဒီနတ်ရုပ်နှင့်တကွအတိတ်ပေးပုံ၊ ပေါက် ကောင်၊ ကိုယ်စားလှယ်ကောင် စသည်တို့အကြောင်းကိုစိတ်ဝင်စားဖွယ် အသေးစိတ်ဖော် ပြရေးသားထားရာ မဂ္ဂဇင်းတိုက်၏ ဆုချီးမြှင့် ခြင်းကိုပင်ခံခဲ့ရပါသည်။

အမျိုးသားကျောင်းအုပ်ကြီးဘ၀
ဆရာကြီးဦးရာဇတ်သည် ၁၉၂၀ ပြည့် နှစ်တက္ကသိုလ်ကျောင်းသားသပိတ်တွင်ပါဝင် ခဲ့ပြီး ၁၉၂၁ ခုနှစ်၌ မန္တလေးဗဟိုအမျိုးသား အထက်တန်းကျောင်းကြီးကို ဦးစီးဖွင့်လှစ်ခဲ့ သည်။ ကိုယ်တိုင်လည်းထိုကျောင်း၌အထက် တန်းပြဆရာဝင်လုပ်ခဲ့၏။ ၁၉၂၂ ခုနှစ်တွင် ဘီအေဘွဲ့ရရှိသောအခါ ကျောင်းအုပ်အဖြစ် တာဝန်ယူခဲ့ပြီးအမျိုးသားကျောင်း၌ ကျောင်း အုပ်အဖြစ်တာဝန်ထမ်းဆောင်ခဲ့သည်မှာ ၁၉၄၁ ခုနှစ်အထိဖြစ်ပါသည်။

ဆရာကြီးသည်အမျိုးသားကျောင်းအုပ်အ ဖြစ်အမှုထမ်းစဉ်အတွင်းကျောင်းပိတ်ရက်များ ၌မန္တလေးနန်းရှေ့တိုက်တော်ကျောင်းတိုက်၊ ခင်မကန်တိုက်၊ အတုမရှိတိုက်စသည့် ဘုန်း တော်ကြီးကျောင်းတိုက်များသို့ သွားရောက် ကာတိုက်အုပ်၊ တိုက်ကြပ်ဆရာတော်တို့ထံ ပါဠိစာပေများဆည်းပူးလေ့လာလေ့ရှိခဲ့၏။ မောရစ်ကောလစ်၏ စာအုပ်
မောရစ်ကောလစ် (Maurice Collis) ရေး သားသည့် Trails in Burma(Myanmar) စာအုပ်ကို ဦးစွာဘာသာပြန်ဆိုခဲ့သူမှာ ဆရာ ကြီးဦးရာဇတ်ဖြစ်သည်။ဆရာကြီးက အခန်း တစ်ခန်းဘာသာပြန်ဆိုပြီးသောအခါမှသာ တပည့်ရင်းဖြစ်သူမအမာ(နောင်စာရေးဆရာမ ကြီးလူထုဒေါ်အမာ) အားတစ်အုပ်လုံးဆက် လက်ဘာသာပြန်ဆိုစေခဲ့ခြင်း ဖြစ်ပါသည်။

ဆရာကြီးသည် တစ်နေ့ညနေတွင် စာအုပ်တစ်အုပ်ကိုဘယ်လက် ညှိုးခံပိတ်၍ ကိုင်ထားပြီး ညာလက်ကြား၌ ဆေးပေါ့လိပ် ကြားညှပ်ကာတပည့်မအမာ၏ အိမ်သို့ ရောက်လာ ခဲ့သည်။ ဆရာကြီးကစာအုပ်ကို ပေးလျက် မန္တလေးသူရိယသတင်းစာတွင် အမည်မခံ ဘဲ အခန်းတစ်ခန်းဘာသာပြန်ပြီး ဖြစ်ကြောင်း၊ အကယ်၍ မအမာနှစ်သက် လျှင်နာမည်ခံပြီး ဆက်လက် ဘာသာပြန် ရေးစေလိုကြောင်း ပြောကြားခဲ့သည်။ သို့ ဖြင့် မအမာ (နောင်စာရေးဆရာမကြီးလူထု ဒေါ်အမာ)က ဆက်လက် ဘာသာ ပြန်ကာ စာအုပ်အဖြစ်ရေးသားထုတ်ဝေခဲ့ပါသည်။

ရွှေနန်းတွင်းအရေးတော်ပုံ
ရွှေနန်းတွင်းအရေးတော်ပုံအမည်ရှိ စာအုပ်ကို မန္တလေးသူရိယသတင်းစာတိုက် က ” ရွှေနန်းတွင်းအတ္ထုပ္ပတ္တိခေါ်လက်ထက် တော်တွင်းအဖြစ် အပျက်စာတမ်း” အမည် ဖြင့် ပထမဆုံးအကြိမ်ပုံနှိပ်ထုတ်ဝေခဲ့သည်။ ထိုစဉ်ကစာရေးသူ၏ အမည်ကို လုံးဝဖော်ပြ ခဲ့ခြင်းမရှိပေ။ ယင်းစာအုပ်ကိုပင် ၁၉၅၉ ခု နှစ် မန္တလေးနှစ်တစ်ရာပြည့်အထိမ်းအမှတ် အဖြစ်ထပ်မံထုတ်ဝေပါသည်။ ယခုအခါ တတိယအကြိမ် ပုံနှိပ်ထုတ်ဝေပြီးဖြစ် သည်။

မင်္ဂလာရတုပိုဒ်စုံ
ဆရာကြီးဦးရာဇတ်သည် မင်္ဂလာရ တုပိုဒ်စုံတစ်ပုဒ်ကိုလည်းရေးဖွဲ့ခဲ့ဖူးပါသည်။ ယင်းရတုလင်္ကာမှာအောက်ပါအတိုင်းဖြစ်သည်။

ငယ်ပေါင်းချစ်ဆွေ၊ မန်းရိပ်မြေက၊ စေ့ရေတွေးဆ၊ ချီအချဖြင့်၊ ညီမျှစေမှု၊ စုံရတုဖြင့်၊ ယခုရေးစီ၊ စာပလီကို၊ နာရီ ဖင့်လျား၊ ခွင့်မအားလည်း၊ ရင်ခြားတွေ့မူ၊ စာပေးသူ အား၊ ရေးယူကြောင်းတိတ်၊ ချစ် ကြည်စိတ်ဖြင့်၊ တဆိတ်လောက်ပင်၊ ရှုစေ ချင်သည်၊ ထိုစဉ်ငယ်သော်၊ သက်ဆယ် ကျော်က၊ နှစ်ဖော်တူကွ၊ မေတ္တာမျှ၍၊ ဒေ သကွာဝေး၊ ရှိလေသေးလည်း၊ အေးလျှင်အ တူ၊ ပူလျှင်မကွဲ၊ ရှိစမြဲဟု၊ ၀မ်းထဲပိုက်ခါ၊ ထင်မိပါ၏၊ ခုမှာတစ်ကြောင်း၊ တစ်ဇာတ် ပြောင်း၍၊ ငယ်ပေါင်းမျိုးမြတ်၊ ခင်မောင် လတ်၏၊ စုတ်သပ်ချင်ဖွယ်၊ ချစ်ကြိုးနွယ် သည်၊ ပျက်ပြယ်ထင်ရပြန်တော့သည်။

သွယ်ပြောင်းလှစ်ချွေ၊ မှာလိုက်ပေ၏၊ ဂုဏ်ရေမကွာ၊ ထိုစဉ်ခါက၊ စာလာစာပြန်၊ စေတမန်သည်၊ ဖန်ဖန်သွယ်ဆက်၊ ရှိပါ လျက်နှင့်၊ ဖြစ်ပျက်ရပုံ၊ ကြောင်း ဥဿုံကို၊ စေ့ငုံသေချာ၊ မသိပါငဲ့၊ ထင်ရာထင်ရှား၊ ကြံ စဉ်းစားသော်၊ ရပ်ခြားနယ်ဝေး၊ မြို့မကွေး က၊ စာပေးလေတိုင်း၊ ရေလှိုင်းမြစ်ကြော၊ ၀ဲသြဃစုတ်၊ နစ်ခါမြုပ်၍၊ ငုတ်လေသလော၊ ကြံစိတ်စောလျက်၊ တွေးတောစဉ်တွင်၊ယခင် မိတ်ဦး၊ သူတထူး၏၊ အိမ်မှူးထံမှောက်၊ ဖို့ရောက်အလာ၊ လတ်၏ စာကို၊ သေချာ သိမှ၊ သတိရ၍၊ ဖြစ်ရလေကွယ်၊ ငြိုးစိတ် ငယ်သည်၊ ရှက်ဖွယ်မြင်ရပြန်တော့သည်။

ဘယ်ကြောင်းဖြစ်ထွေ၊ မြင်ရ ချေ၏၊ ရွှေငွေစုပေါင်း၊ ရေနံချောင်းဟု၊ မြစ်ကြောင်း မို့မို့၊ မှိုင်းရည်မို့တဲ့၊ မြို့နဂရာတွင်၊ သပြာ စန်းငွေ၊ သန်းကုဋေဖြိုး၊ မှန်းခြေတိုး၍၊ အကျိုးခွင့်ပေး၊ တွင်းသူဌေး၏၊ ရင်သွေး ပိုက်ဖျား၊ပျိုနုထွားနှင့်၊စုလျားပတ်ရစ်၊ လွန် ပေါင်းကျစ်၍၊ အချစ်ဓာတ်ငွေ့၊ သူ့ရင်ငွေ့ ကြောင့်၊မေ့လေသလား၊စဉ်းစားတတ်ပေါင်၊ သို့ မောင်မောင်သည်၊ ယခေါင်ပြဇတေ့၊ စိတ်မှရွေ့လျက်၊ လိပ်မေ့ဖွတ်မေ့၊ ပတတ်မေ့ နှင့်၊မေ့အမျိုးမျိုး၊မေ့ပင်ပျိုးလည်း၊ မညှိုး မေတ္တာ၊ ရှိလျက်ပါဟု၊ ထက်ညာမန်းပျော်၊ အဆွေတော်က၊ထုတ်ဖော်ရှုဖွယ်၊ စီကုံးချယ် သည်၊ ဆက်သွယ်ခင်ရပြန်တော့သည်။

အင်္ဂလိပ်ဆောင်းပါး
ဆရာကြီးဦးရာဇတ်သည် မြန်မာဘာ သာ ပျို့၊ ကဗျာ၊ လင်္ကာစာပေများသာမက အင်္ဂလိပ်ဘာသာတွင်လည်း ကျွမ်းကျင်လှ သဖြင့် မျက်နှာဖြူမင်းကြီး မစ္စတာရှားမင်းက ပုလိပ်အဖွဲ့(ယခုခေတ်အခေါ်ရဲတပ်ဖွဲ့) တွင် ၀င်ရောက်အမှုထမ်းရန် ဖိတ် ခေါ်ခဲ့သည်။ အင်စပက်တော်ရာထူးတိုက်ရိုက်ခန့်အပ်မည် ဆိုခြင်းကိုပင် ငြင်းပယ်ခဲ့ပါသည်။ ဆရာကြီး ဦးရာဇတ်သည် ၁၉၄၆ခုနှစ်တွင် (နေပြည် တော်)ပျဉ်းမနားမြို့၌ ကျင်းပခဲ့သော မြန်မာနိုင်ငံလုံးဆိုင်ရာဗမာမွတ်စလင်အမျိုး သားများကွန်ဂရက်အပြီးတွင်The Cry ဂျာ နယ်၌ The Burman (Myanmar)Muslim Organization ( on account of the Formation of all Burma(Myanmar) , Burmese (Myanmar ) Muslim Congress at Pyinmana) By A. Gßazak,B.A) ဟူ၍ အင်္ဂလိပ်ဘာသာဆောင်းပါးရှည်ကြီးကို ရေး သားခဲ့သည်။

ကျမ်းကိုး
၁။ ကိုလိုနီခေတ်မြန်မာ့သမိုင်းအဘိဓာန် (မြဟန်)
၂။ စာရေးဆရာအမည်မခံသောစာဆိုရှင် ဦးရာဇတ် (ကျော်ဝင်းမောင်)ရတနာသစ်၊ အမှတ် (၂၂) ၁၉၉၆
၃။ မြန်မာ့စွယ်စုံကျမ်း အတွဲ-၁၁

July 17, 2012
စရီဘရီနီကာမြို့မှ ကျနော်၏ အသွေးအသား ရှာဖွေမှု

ဘာသာပြန်သူ – ဆောင်းသစ္စာ (စင်ကာပူရ်)
မူရင်လင့် : http://www.onislam.net/english/family/your-society/torn-apart-/438953-srebrenica-in-search-of-my-flesh.html

လူသား သမိုင်းရာဇ၀င်မှာ မေ့ပျောက်လို့မရတဲ့ ၂၀ ရာစုရဲ့ လူမျိုးတုန်း သတ်ဖြတ်မှုကြီးဟာ ဥရောပရဲ့ အသဲနှလုံး တစ်နေရာမှာ ဖြစ်ပွားခဲ့တာပါတယ်။
စရီဘရီနီကာ မြို့ဟာ နှိပ်စက်ညှင်းပန်းခံ ဘောစနီးယန်း မွတ်စလင် လူမျိုးစုရဲ့ ထာဝရ အမှတ်ရစရာ ပြယုဂ်တစ်ခုအဖြစ်ရှိနေမှာ ဖြစ်ပါတယ်။ ဆာဘ် – ချက်(တ)နင့် (ချက်(တ)နင့်် အမျိုးသား အစွန်းရောက် လှုပ်ရှားမှု) လက်နက်ကိုင် တပ်ဖွဲ့များဟာ ဘောစနီးယန်း မွတ်စလင်များအပေါ် ဒီရက်ရက်စက်စက် သတ်ဖြတ်မှုကိုလုပ်ဆောင်ခဲ့ပါတယ်။ ပိုပြီးတိတိကျကျပြောရမယ်ဆိုရင်ဖြင့် ကုလသမဂ္ဂရဲ့ ကာကွယ်ရေး ဇုံအတွင်းမှာ ကုလသမဂ္ဂ ကာကွယ်ရေး တပ်ဖွဲ့၊ Dutch တပ်စု (UNPROFOR) များရဲ့ မျက်စိအောက်မှာ ဖြစ်ပွားခဲ့ပါတယ်။
ဆာဘ် – ချက်(တ)နင့် (ချက်(တ)နင့် အမျိုးသား အစွန်းရောက် လှုပ်ရှားမှု) လက်နက်ကိုင် တပ်ဖွဲ့များဟာ ၁၉၉၅ ခု ဇူလိုင် ၁၁ ရက်နေ့မှာ မွတ်စလင်မြို့ဖြစ်တဲ့ စရီဘရီနီကာ မြို့ကိုသိမ်းပိုက် ၀န်းရံပိတ်စို့ပြီး အပြစ်မဲ့ လက်နက်မဲ့ အရပ်သား ဘောစနီးယန်း မွတ်စလင်ဦးရေ ၈၀၀၀ ထက်မနည်းကို ရက်ရက်စက်စက် သတ်ဖြတ်ခဲ့ပါတယ်။

ဒီ ရက်ရက်စက်စက် လူမျိုးတုန်း သတ်ဖြတ်မှုကြီး ဖြစ်ပွားခဲ့ပြီး နှစ်အနည်းငယ်အကြာမှာ အသတ်ခံခဲ့ရသော လူများစွာရဲ့ အလောင်းများ မြှုပ်နှံထားတဲ့နေရာများကို ရှာဖွေတွေရှိနေဆဲဖြစ်ပါတယ်။ ပို၍ ၀မ်းနည်းစရာ ကောင်းသည်မှာ ဒီကြောက်မက်ဖွယ် ပြစ်မှုကြီးအတွက် မည်သူတစ်ဦးတစ်ယောက်မှ ပြစ်ဒဏ်မခံခဲ့၇ပါ။

ဒီထက်မကသေးပါ၊ ဘောစနီးယန်း မွတ်စလင်များနှင်ပက်သက်ပြီး ကမ္ဘာ့သတင်း မီဒီယာများ၌ှ သတင်းအမှားများစွာကို အမှန်ထင်ပြီး မွတ်စလင်များမှ ဆာဘ်များကို သတ်သည်ဟု သတင်းမှားများဖြစ်ပေါ်အောင် လုပ်ကြံဖန်တီးခဲ့ကြပါတယ်။ သို့သော် အမှန်တရား သည် ထာဝရ ရှင်သန်မြဲဖြစ်သောကြောင့် ထိုစွပ်စွဲမှုများအတွက် သက်သေပြစရာ ဘာမှမရှိခဲ့ပါ။ အခြားတဘက်၌မူကား ဆာဘ်များ ရက်ရက်စက်စက် လူမျိုးတုန်း သတ်ဖြတ်ခဲ့သော အပြစ်မဲ့ လက်နက်မဲ့ အရပ်သား ဘောစနီးယန်း မွတ်စလင်များ၏ သက်သေ ရုပ်ကြွင်းအပိုင်းအစ များကို ရှာဖွေတွေ့ရှိလျက်ရှိပါတယ်။ သိသာထင်ရှားတဲ့ သက်သေများ အဖြစ် အသတ်ခံခဲ့ရသော လူများစွာရဲ့ အလောင်းများ မြှုပ်နှံထားတဲ့နေရာများမှာ လူအရိုးစုများစွာကို နေ့စဉ် ရှာဖွေတွေရှိနေဆဲဖြစ်ပါတယ်။

ယခုပြောပြမယ် အကြောင်းအရာ ကတော့ သတ်ဖြတ်ခံခဲ့ရတဲ့ ဘောစနီးယန်း မွတ်စလင်များ၏ အလောင်းများ မြှုပ်နှံထားတဲ့နေရာများမှာ လူအရိုးစုများစွာ (စုစုပေါင်း ၁၂၀၀၀ လူရိုး အစိတ်အပိုင်းများ) ကို ရှာဖွေတူးဖေါ်ခဲ့သော ပုဂ္ဂိုလ်တစ်ဦး၏ ကိုယ်တိုင်ပြန်ပြောပြသော အချက်များဘဲဖြစ်ပါတယ်။ သူကတော့ “ မူ၇တ် ဟာတစ်” ဖြစ်ပါတယ်။ သူဟာဆိုရင် ဘောစနီးယား ဟာဇီဂိုဘီးနား နိုင်ငံ တက္ကသိုလ် ပျောက်ဆုံးသူများရှာဖွေရေး အသင်း မှ အဖွဲ့ဝင် တစ်ဦးဖြစ်ပါတယ်။
လူအရိုးစုတင်မက သေးပါဘူး

“ မူ၇တ် ဟာတစ်” ဟာ ဒိုဘော့ဂ်ျမြို့ရဲ့ အချုပ်စခန်းတစ်ခုအတွင်းမှာ သူညီအကိုများ အပါအ၀င် ဘောစနီးယန်းစုစုပေါင်း ၃၀၀ လောက်နဲ့အတူ ချုပ်နှောင်ခံခဲ့ရပါတယ်။ သူဟာ အချုပ်စခန်းမှ လွတ်မြောက်လာပြီးနောက် သူညီအကိုများနှင့် ကျန်ရှိသောလူများ အားလုံး လွတ်မြောက်ရန်အတွက် ကူညီခဲ့ပါတယ်။

ဤအဖြစ်အပျက်ဖြစ်ပြီး ၁၂ နှစ်အကြာ ၁၉၉၆ ခုနှစ်မှာ မစ်စတာ အမား မာစိုဘစ် ရဲ့အကြံပြု ချက်အရ “ မူ၇တ် ဟာတစ်” ဟာ တက္ကသိုလ် ပျောက်ဆုံးသူများရှာဖွေရေး အသင်းရဲ့ အဖွဲ့ဝင်တစ်ဦးဖြစ်လာခဲ့ပါတယ်။

မူ၇တ် ဟာတစ်က ပြောကြားရာမှာ

“ ကျနော်ဒီ ခက်ခဲပင်ပန်းတဲ့ အလုပ်ကို လက်ခံမိတဲ့အတွက် ဘယ်တော့မှ နောင်တမရပါဘူး၊ ကျနော် အသျှင်မြတ်ဆီမှာ အပြစ်မဲ့ ရှဟီးဒ် ဖြစ်သွားခဲ့သူတွေအားလုံး လွတ်ငြိမ်းချမ်းသာခွင့်ကို အစဉ်အမြဲ တောင်းခံခဲ့ပါတယ်။ တကယ်တော့ သေဆုံးသူများရဲ့ ကြွင်းကျန်တဲ့ အပိုင်းအစ များကို ရှာဖွေတဲ့ လုပ်ငန်းဟာ ဖေါ်ပြဖို့ခက်တဲ့ လုပ်ငန်းတစ်ခုဖြစ်ပါတယ်။ သေဆုံးသူတစ်ဦးရဲ့ ပြည့်စုံတဲ့ အရိုးစု အကုန်လုံးရရန် ရှာဖွေသည့် လုပ်ငန်းဟာ ခက်တဲ့ လုပ်ငန်းတစ်ခုဖြစ်ပါတယ်။ ဥပမာအားဖြင့် ပထမနှစ်မှာ ကျနော်တို့ လူဦးခေါင်းကို ရှာဖွေတွေ့ရှိခဲ့ပြီ ၊ နောက်နှစ်တွေမှာ ကိုယ်ခန္ဒာရဲ့ ကျန်ရှိတဲ့ အရိုးစုအစိတ်အပိုင်းများကို ရှာဖွေတွေ့ရှိခဲ့ပါတယ်။

နောက်ဆုံးအဆင့်မှာတော့ DNA စမ်းသပ်ခြင်းကို အချိန်ကြာမြင့်စွာ လုပ်ဆောင်ပြီး အသတ်ခံခဲ့၇သူများ၏ အားလုံးသော အရိုးအစိတ်အပိုင်းများ တစ်ခုနှင့် တစ်ခု ကိုက်ညီစွာတွဲဆက်နိုင်အောက် လုပ်ဆောင်နိုင်ခဲ့ပါတယ်။ သူမရဲ့ သားတစ်ဦး၏ လက်အရိုးဟာ ရှာဖွေမတွေ့ရှိဘူးဆိုတဲ့ အကြောင်းကို မိခင် တစ်ဦးကို ကျနော်ဟာ ဘယ်လိုရင်ဆိုင်ဖြေရှင်းရမလဲ မသိအောင်ဖြစ်ခဲ့ပါတယ်၊ ဒီမိခင်ရဲ့ သား ၅ ဦးစလုံးဟာ လူမျိုးတုန်း အသတ်ခံခဲ့ရတဲ့ အဖြစ်ဆိုးမှာ အသတ်ခံခဲ့၇ပါတယ်။ သေဆုံးသူများရဲ့ ကြွင်းကျန်တဲ့ အပိုင်းအစ များကို ရှာဖွေတဲ့ လုပ်ငန်းဟာ ဖေါ်ပြဖို့ခက်တဲ့ လုပ်ငန်းတစ်ခုဖြစ်ပါတယ်။ အသတ်ခံခဲ့ရတဲ့ သူများ၏ ရာနဲ့ချီတဲ့ ရုပ်ကြွင်းများကို ရှာဖွေတွေ့ရှိခဲ့သော်လည်း ဒီကြောက်မက်ဖွယ် ပြစ်မှုကြီးကို ကျူးလွန်သူများမှာ လွတ်မြောက်နေဆဲဖြစ်ပါတယ်။ “

အမှန်တကယ်တော့ သေဆုံးသူများရဲ့ ကြွင်းကျန်တဲ့ အပိုင်းအစများကို ရှာဖွေသည့်လုပ်ငန်းမှာ ၀မ်းနည်းကြေကွဲ ဖွယ်ကောင်းသလို၊ အခက်အခဲများနှင့်ပြည့်နှက်လျက်ရှိပါတယ်၊ အမြဲဆိုသလို ဒေသခံ ဆာဘ်အချို့ရဲ့ နှောက်ယှက်မှုကို ခံခဲ့ရပါတယ်။ စိတ်ဆန္ဒပြင်းပြတဲ့အဖွဲ့ဝင်များဟာ စိတ်ရော ကိုယ်ပါ ခက်ခဲပင်ပန်းစွာဖြင့် ဒီလုပ်ငန်းကို ပြီးမြောက်အောင်လုပ်ဆောင်ခဲ့ကြပါတယ်။ ကင်းလှည့် ဆာဘ်ရဲတပ်ဖွဲ့ရဲ့ စစ်ဆေး နှောက်ယှက်ခြင်းကို လည်း နေ့စဉ်ဆိုသလို ခံခဲ့ရပါတယ်။

မူ၇တ် ဟာတစ်က ဆက်လက်ပြောကြားရာမှာ “ ဒီအလုပ်မှာ အခြားအခက်အခဲများစွာ ရှိပါသေးတယ်၊ သေဆုံးသူများရဲ့ ရုပ်ကြွင်းများကို ရှာဖွေတဲ့နေရာမှာ များစွာသော မိုင်းဗုံးများ ၊ မြွေများ ကိုကျော်လွှားပြီး ရှာဖွေခဲ့ရပါတယ်။ နောက်ဆုံးအနေနဲ့ ကျနော်ပြောနိုင်တာကတော့ အလ္လာအသျှင်ဟာ ကျနော်တို့နဲ့အတူ ရှိနေပါတယ်။ ကျနော်တို့ အလ္လာအသျှင် ရဲ့စောင့်ရှောက်မှုကိုရရှိခဲ့ပါတယ်။ “

မူရတ်ဟာ ဘောစနီးယန်း မွတ်စလင်များ၏ အလောင်းများ အစုအလိုက်အပြုံလိုက် မြှုပ်နှံထားတဲ့ ကြီးမားတဲ့မြေကျင်း သင်ချိုင်းဂူ နေရာများရဲ့ အသေးစိတ် အခြေအနေကို များစွာသိရှိခဲ့သူဖြစ်ပါတယ်။ သူတို့ အဖွဲ့ဟာ စုစုပေါင်း ပြည့်စုံတဲ့အရိုးစု စုစုပေါင်း ၂၇၄ စုကိုရှာဖွေတွေ့ရှိခဲ့ပါတယ်။ ဒီအရိုးစုအားလုံးကို အိတ်များအတွင်းထည့်ထားခဲ့ပြီး အချို့အနည်းငယ်သာ အိတ်မပါဘဲ ပြန့်ကျဲနေခဲ့တာပါ။ ဒီရှာဖွေတွေ့ရှိမှုကို အခြေခံပြီး သူတို့ကောက်ချက်ချနိုင်ခဲ့တာက ဘောစနီးယန်း မွတ်စလင်အချို့ဟာ သူတို့ရဲ့ မိသားစုဝင်များ ၊ အိမ်နီးနားချင်းများရဲ့ အလောင်းတွေကို အိတ်ထဲထည့်ဖို့ အတွက် ဆာဘ် – ချက်(တ)နင့် တို့၏ အတင်းအဓမ္မ စေခိုင်းမှုကို ခံခဲ့ရပါတယ်၊ ပြီးနောက် သူတို့ကိုယ်တိုင်လည်း ရက်စက်စွာ အသတ်ခံခဲ့ရပါတယ်၊ ဤနည်းအားဖြင့် လူမျိူးတုန်းသတ်ဖြတ်မှု အဖြစ်အပျက်ကို ပြန်ပြောပြမည့်သူ တစ်ယောက်မျှမကျန်တော့အောင်လုပ် သွားခဲ့ပါတယ်။

သိပ်ပြီး ရှားရှားပါးပါး ရှာဖွေရတဲ့ ကိစ္စတော့ မဟုတ်ပါဘူး ၊ သက်ကြီးရွယ်အိုတစ်ဦးရဲ့ အရိုးစုကို ကြည့်ရင်တွေ့နိုင်တာက ခြေထောက်၂ဘက် ၊ လက် ၂ဘက် စလုံးကို ၀ါယာစနဲ့ချည်နှောင်ထား တာပါ၊ ဒါကို ကြည့်ခြင်းအားဖြင့် မည်သို့မည်ပုံ နှိပ်စက်ပြီးမှ သတ်ဖြတ်ခဲ့တယ်ဆိုတာ သိသာစွာပုံဖော်မြင်နိုင်ပါတယ်။ အချို့ အသတ်ခံခဲ့ရတဲ့ ဘောစနီးယန်း အချို့ဟာဆိုရင် အရှင်လတ်လတ် မြေမြှုပ်ပြီး အသတ်ခံခဲ့ရတာပါ၊ အရိုးဂေါင်းခွံ များရဲ့ ထိပ်ပိုင်းနေရာအချို့ဟာ ခွက်ဝင်ပဲ့ထွက်နေတာကို ကြည့်ခြင်းဖြင့် သူတို့ဟာ အရှင်လတ်လတ် မြေကြီးအောက်မှ လွတ်မြောက်ရန် ရုန်းကန်လှုပ်ရှားခဲ့ပုံရပါတယ်၊ နောက်ဆုံးမှာတော့ အသတ်ရှူရန်ခက်ခဲလာပြီး သေဆုံးသွားခဲ့ကြရပါတယ်။

( ဘာသာပြန်သူ၏ ၀န်ခံချက် – ကျနော်အထက်ပါ စာပုဒ်ကို ဘာသာပြန်ရင်း ရှေ့ဆက်ပြီးလက်တွေ စာရိုက်လုပ်မရတော့အောင်ကို ၀မ်းနည်းကြေကွဲမိပါတယ်၊ အို အလ္လာဟ်အသျှင် အပြစ်မဲ့ ရက်စက်စွာ ရှဟီးဒ် ဖြစ်ခဲ့ရတဲ့ ကမ္ဘာတ၀န်းရှိ ညီနောင်အားလုံးကို အသျှင်ရဲ့ ဂျနသ် သုခဘုံ၌ စံမြန်းခွင့်ပေးသနားတော်မူပါ ၊ အာမီးန် ။)

သေဆုံးသူများရဲ့ ရုပ်ကြွင်းများကို ရှာဖွေတဲ့လုပ်ငန်းမှာ မိသားစုဝင်များရဲ့ ကူညီမှုဟာ များစွာ ထိရောက်ခဲ့ပါတယ်။ ဘောစနီးယန်း မွတ်စလင် အမျိုးသမီးကြီး တစ်ဦးဖြစ်တဲ့ မစ်စ ဆလ်ဂျစ် ဟာဆိုရင် အလွန်များပြားတဲ့ အုတ်ဂူများ တူးဖော်ရှာဖွေတဲ့ နေ၇ာကို နေ့စဉ်ဆိုသလို လာရောက်ပြီး သူမရဲ့သား နှင့် ခင်ပွန်း ရဲ့ ကြွင်းကျန်တဲ့ ရုပ်ကြွင်းကို မျှော်လင့်တကြီးရှာဖွေခဲ့ပါတယ်။ နောက်ဆုံးမှာတော့ သူမခင်ပွန်းရဲ့ ဆွယ်တာင်္အကျီကို ရှာဖွေတွေ့ရှိခဲ့ပြီး၊ မကြာမီ သူမသားရဲ့ ကြွင်းကျန်တဲ့ ရုပ်ကြွင်းကို DNA စစ်ခွင့်ရရှိခဲ့ပါတယ်။ ဒီရုပ်ကြွင်းကို ကောင်းမွန်စွာ မြှုပ်နှံတဲ့နေမှာ ဆိုရင်ဖြင့် မစ်စ ဆလ်ဂျစ်ဟာ နှလုံး ရောဂါဝေဒနာကြောင့် heart attack ရခဲ့ပါတယ်၊ မည်သို့ပင်ဆိုပါစေ ယခုအချိန်မှာတော့ ဒီအမျိုးသမီးကြီး စိတ်နှလုံးအေးချမ်းမှု အများကြီးရရှိသွားခဲ့ပါပြီး ဘာကြောင့်လဲဆိုရင်ဖြင့် သူရဲ့ ချစ်လှစွာသော သားလေးရဲ့ ရုပ်ကြွင်းမြှုပ်နှံထားရာ အုတ်ဂူနေရာကို လာရောက်ပြီး အသျှင်မြတ်ထံပါးမှာ သားလေးအတွက် ဒိုအာ ဆုမွန်တောင်းပေးနိုင်တော့မှာပါ။

Crni Vrh ကြီးမားတဲ့ သင်ချိုင်းမြေမှာဆိုရင် ဘောစနီးယန်း မွတ်စလင်များ၏ အလောင်းစုစုပေါင်း ၇၂၈ ကိုရှာဖွေတွေ့ရှိခဲ့ပါတယ်။ ဆာဘ် – ချက်(တ)နင့် တို့ သတ်ပြီး မြှုပ်နှံခဲ့တာပါ များမကြာမီ တစ်ခါ ပြန်လာပြီး အလောင်းများကို နေရာရွှေ့ကာ သူတို့ကျူးလွန်ခဲ့တဲ့ ပြစ်မှုကို ဖုံးကွယ်ရန် ကြိုးစားပါတယ်။ ဒီကြီးမားတဲ့ သင်ချိုင်းမြေနေရာဟာဆိုရင် ၄.၅ မီတာ နက်ပါတယ် ၊ အဲဒီ မြေကြီးကျင်းအတွင်းမှ အရိုးအကြွင်းအကျန် ၆၂၉ ခုကို ရှာဖွေတွေ့ရှိခဲ့ပါတယ်။
Zaklopaca ကြီးမားတဲ့ သင်ချိုင်းမြေ မှာကျင်းပတဲ့ ကလေးငယ် ၂ယောက်ရဲ့ အသုဘ အခမ်းအနားကို မူ၇တ် ဟာတစ် တက်ရောက်ခဲ့ပါတယ်။ ပျောက်ဆုံးသူများရှာဖွေရေး အသင်းဟာ ဒီ Zaklopaca ကြီးမားတဲ့ သင်ချိုင်းမြေအတွင်းမှ ကလေးငယ် ၂ ယောက်ရဲ့ ခြေထောက်များကို ရှာဖွေတွေ့ရှိခဲ့ပါတယ် ဒါကို ကြည့်ခြင်းအားဖြင့် ဆာဘ် – ချက်(တ)နင့် တို့ဟာ တဖန်ပြန်လည် တူးဖော်ပြီး အရိုးအပိုင်းအစ များကို နေရာ ရွှေ့ပြောင်းခဲ့ပုံရပါတယ်။ အချို့ နေရာမှာဆိုရင် အသတ်ခံခဲ့ရတဲ့ ဘောစနီးယန်း ကလေး အလောင်း ၁၅ လောင်းကို ရှာဖွေတွေ့ရှိခဲ့ပါတယ်။
မူ၇တ် ဟာတစ်က ဆက်လက်ပြောကြားရာမှာ

“ ကျနော်တို့ အဖွဲ့ဟာ ၈ နှစ် (သို့) ၁၀ နှစ် အရွယ် ရွှေရောင်ဆံပင် ပိုင်ရှင် မိန်းကလေးငယ် တစ်ဦးရဲ့ ရုပ်ကြွင်းကို ရှာဖွေတွေ့ ရှိခဲ့ပါတယ်၊ အလောင်းဟာ ခြောက်သလောင်းနေပြီး ခက်ခက်ခဲခဲ ရှာဖွေထုတ်ယူခဲ့ရပါတယ်။ ၉ လကိုယ်ဝန်ဆောင်ထားတဲ့ အမျိုးသမီးရဲ့ ရုပ်ကြွင်းကို၎င်း၊ ၅လသား အရွယ်ကလေးငယ် တစ်ဦးရဲ့ ရုပ်ကြွင်းကို၎င်း၊ သက်ကြီးရွယ်အိုများရဲ့ရုပ်ကြွင်းကို၎င်း ကျနော်တို့ ရှာဖွေတွေ့ ရှိခဲ့ပါတယ်။ များစွာသော ကြီးမားတဲ့ သင်ချိုင်းမြေများမှာ မီးရှို့ ခံထားခဲ့ရပြီး အရိုးအပိုင်းအစ များကို ရှာဖွေရန်လုံးဝမဖြစ်နိုင်တော့ပါ။ “

မူရတ်နှင့် အဆက်အသွယ်ရှိသော ဆာဘ်တစ်ဦးရဲ့ ပြန်ပြောပြချက်အရ

“ ငါတို့ မြို့တစ်မြို့ မှာ ဘောစနီးယန်း မွတ်စလင် ၃၀ ကို ဖမ်းမိခဲ့တယ်၊ ငါတို့ ၂၀ ဦးကို တစ်ခါတည်းပစ်သတ်လိုက်တယ် ပြီးနောက် ဒီအလောင်းတွေကို ဓါတ်ဆီလောင်းပြီး မီးရှို့လိုက်တယ် ကျန်ရှိနေတဲ့ လူ ၁၀ ယောက်ကို လက်ပြန်ကြိုးတုတ်ပြီး မီးရှို့ ထားတဲ့ အလောင်းပေါ်က ဖြတ်လျှောက်ခိုင်းတယ် ၊ အဲ့ဒီမှာ တစ်ယောက်က ထွက်ပြေးဖို့ကြိုးစားတယ် ဒါပေမဲ့ ငါတို့ ပုဆိန် နဲ့အောင်မြင်စွာ ခုတ်သတ်နိုင်ခဲ့တယ်။

အထက်ပါ ပြန်ပြောပြချက်ကတော့ ဆာဘ်တွေ နေ့စဉ် မနက် ၅နာရီ မှ စတင်ပြီး ညနေ မှောင်သည်အထိ ၇က်စက်စွာ သတ်ဖြတ်ခဲ့တဲ့ လုပ်ငန်းစဉ်များထဲမှ တစ်ခုသာ ဖြစ်ပါတယ်။

သေဆုံးသွားသူများအား ဂုဏ်ပြုခြင်း

ဇူလိုင် ၁၁ ၊ ၂၀၀၈ ခုနှစ် နံနက်ခင်း၌ ၃၀၇ ဦးသော ဘောစနီးယန်း မွတ်စလင်တို့၏ ကျွင်းကျန်သော ရုပ်ကလပ်ကို မြေမြှုပ်နှံ နိုင်ခဲ့ပါတယ်။ တကယ်တော့ ဒီ ၃၀၇ ဦးဟာ ရှာဖွေတွေ့ရှိ ခဲ့သော အရိုးစု အစိတ်အပိုင်း ၃၂၁၄ ခုအတွင်းမှ DNA စစ်ပြီး သတ်မှတ် ရွေးချယ်နိုင်ခဲ့သော အပြစ်မဲ့ အရပ်သား မွတ်စလင် ၃၀၇ ဦးရဲ့ အလောင်းများဖြစ်ပါတယ်။ သူတို့အားလုံးကို အစ္စလာမ် ဓလေ့ထုံးစံ နှင့်အညီ ၀တ်ပြုဆုတောင်းပြီး “ ပိုတိုကာယီ ဂုဏ်ပြုဗိမာန်” ၌ အတူတကွမြှုပ်နှံ လိုက်ပါတယ်။

အခမ်းအနားမတိုင်မီ ၁ ရက်အရင်၌ ကျောင်းသားငယ် စုစုပေါင်း ၂၅၀၀ ၏ ငြိမ်းချမ်းရေး အထိမ်းအမှတ် ချီတက်ပွဲအဖြစ် တူဇလာမြို့မှ စရီဘရီနီကာ မြို့အထိ ကီလိုမီတာ ၁၀၀ လမ်းလျှောက်ခဲ့ကြပါတယ်။ ဒီ ငြိမ်းချမ်းရေး အထိမ်းအမှတ် ချီတက်ပွဲဟာဆိုရင် အပြစ်မဲ့ အရပ်သား ဘောစနီးယန်း မွတ်စလင် မိခင်များ၊ ကလေးငယ်များ ဆာဘ်တို့၏ရန်မှ လွတ်မြောက်ရန် ၁၉၉၅ခု ဇူလိုင်လ၌ တောအုပ်များကိုဖြတ်၊ အစာေ၇စာမရှိ ၊ ခက်ခဲကြမ်းတမ်းသောလမ်းများကိုဖြတ်ကျော်ပြီး တူဇလာမြို့ (ထိုအချိန်၌ တူဇလာမြို့မှာ လွတ်မြောက်ရာနယ်မြေဖြစ်ပါသည်) အထိ လွတ်မြောက်ရေးခရီးနှင်ခဲ့ပုံများကို ပြန်လည်၍ ကိုယ်ချင်းစာ သတိရစေရန် ရည်ရွယ်ပြီး ကျင်းပခဲ့ခြင်းဖြစ်ပါတော့သည်။

———————————————————————————————————————-
ဘာသာပြန်သူ၏ ၀န်ခံချက် ။ ဤ ဘောစနီးယန်း မွတ်စလင်တို့၏ စရီဘရီနီကာ မြို့အဖြစ်ဆိုးအကြောင်းကို ဘာသာပြန်ဆိုရသည်မှာ ကျနော် အလွန်အင်မတန် စိတ်ထိခိုက်ကြေကွဲခံစားရပါတယ်၊ စာရိုက်နေရင်းလဲ ငိုင်ပြီးစဉ်းစားနေမိပါတယ်။ စာဖတ်သူများအနေဖြင့် ကျေးဇူးပြုပြီး ပြီးဆုံးအောင် ဖတ်ကာ ဗဟုသုတ သင်ခန်းစာ တစ်ခုရမယ်ဆိုရင်ဖြင့် ကျနော် ပြန်ဆိုရကျိုးနပ်မှာပါ။ ကျနော်ကိုယ်တွေ့ အနေနဲ့ ဘောစနီးယန်း မွတ်စလင် အမျိုးသမီး တစ်ဦးရဲ့ ဒီအဖြစ်ပျက်ဆိုးကြီး အကြောင်းကို ကိုယ်တိုင်ပြန်ပြောပြမှုကိုလည်း စင်ကာပူမှာ နားထောင်ခဲ့ဘူးပါတယ်၊ သူဟာပြောနေရင်းက မျက်ရည်မဆည်နိုင်ပါဘူး ၊ နားထောင်နေရသူ အဖို့မှာလည်း အလွန်အင်မတန်မှ ထိခိုက်ကြေကွဲရပါတယ်။ ထို့ကြောင့် ဤကဲ့သို့သော် ကြောက်မက်ဖွယ် အဖြစ်ဆိုးမျိုးမှ ကျနော်တို့ အွတ်မက်သားအားလုံးကို အလ္လာဟ်သျှင် ကာကွယ်တော်မူပါစေလို့ ကျနော်တို့အားလုံး ဒိုအာပြုကြရအောင်လားဗျာ ……….အာမီန်း။

July 16, 2012