News @ M-Media

Category: သုတ၊ရသနှင့်အထွေထွေ

ဆောင်းပါများ၊ ကဗျာများ။ ဝထ္ထုများ၊ ဗဟုသုတ ဖြစ်ဖွယ်ရာများ စသဖြင့်

  • နာဂျီဘ် မာဟ် ဖော်ဇ် (အီဂျစ်) – စာပေရေးရာ နိုဘယ်ဆု ၊ ၁၉၈၈

    နာဂျီဘ် မာဟ် ဖော်ဇ် (အီဂျစ်) – စာပေရေးရာ နိုဘယ်ဆု ၊ ၁၉၈၈

    မွေး – ၁၉၁၁ ဒီဇင်ဘာ ၁၁
    မွေးဖွားရာနေရာ – ကိုင်ရို ၊ အလ်ဂျမာလီယာဒေသ
    ကွယ်လွန် – ၂၀၀၆ သြဂုတ် ၃၀
    လူသိများရခြင်းအကြောင်း – ၁၉၈၈ ခုနှစ် စာပေဆိုင်ရာ နိုဘယ်ဆု ၊ ရပ်ရ်ှဒီအား သေဒဏ်ဖသ်သ၀ါ ထုတ်ခဲ့သော အီရန်အကြီးအကဲ အယာတိုလာခိုမေနီအား အကြမ်းဖက်သမားဟု သမုတ်ခဲ့သောကြောင့် လုပ်ကြံရန်ကြိုးပမ်းမှု ခံခဲ့ရသူ။

    နာဂျီဘ် မာဟ် ဖော်ဇ် (အီဂျစ်) – စာပေရေးရာ နိုဘယ်ဆုရှင် ၊ ၁၉၈၈

    အီဂျစ်လူမျိုး ၀တ္ထုနှင့် တီဗွီဇတ်လမ်းတွဲများရေးသားသည့် စာရေးဆရာတစ်ဦးဖြစ်ပြီး ၁၉၈၈ ခုနှစ် တွင် စာပေဆိုင်ရာ နိုဗယ်ဆု ရရှိခဲ့သည်။ သူသည် အာရပ် လူမျိုးများထဲ၌ နိုဗယ်ဆုရရှိသည့် ပထမဆုံးစာရေးဆရာလည်းဖြစ်သည်။
    သူသည် ယခုကိုင်ရိုတက္ကသိုလ်ဟုခေါ်တွင်သည့် ဖောင်ဒီတက္ကသိုလ်တွင် ပညာသင်ကြားခဲ့ပြီး ၁၉၃၄တွင် ဒဿနိကဗေဒဖြင့် ဘွဲ့ရရှိသည်။ ၁၉၃၄ မှ ၁၉၇၁ အထိကာလအတောအတွင်း သူသည် အီဂျစ်နိုင်ငံ အစိုးရဌာနများ၌ ရာထူးအမျိုးမျိုးဖြင့် အမှုထမ်းခဲ့ပြီး ၁၉၇၁ တွင် အနားယူခဲ့သည်။

    မာဟ် ဖော်ဇ်သည် ကနဦးတွင် ၀တ္ထုတိုများကို စတင်ရေးသားခဲ့သည်။ ၁၉၁၁ခုနှစ် ၊ သူ၏အသက် ၁၇ နှစ်တွင် စာရေးသားခြင်းကို စတင်ခဲ့သည်။

    သူ၏ပထမဆုံးဝတ္ထုကို ၁၉၃၉တွင် ပုံနှိပ်ထုတ်ဝေခဲ့ပြီး ၁၉၅၂ ၊ ဂျူလိုင်လတွင်ဖြစ်ပေါ်ခဲ့သော အီဂျစ်တော်လှန်ရေးမတိုင်မီအထိ ၀တ္ထု ၁၀ အုပ် ရေးသားပြီးဖြစ်လေသည်။

    သူ၏အစောပိုင်းကာလတွင် ရေးသားခဲ့သော ၀တ္ထု ဖြစ်သည့် “ရာဒိုဘစ် (၁၉၄၃)” ၌ သူသည် အီဂျစ်၏ ရှေးခေတ်ကာလအခြေအနေများကို မဏ္ဍိုင်ပြုရေးသားခဲ့ပြီး စာရေးခြင်းအလုပ်ကို သူ၏ အဓိကအသက်မွေးဝမ်းကျောင်းအဖြစ်ပြုလုပ်လာခဲ့ သည့် နောက်ပိုင်း ၁၉၅၆-၅၇တွင် ထုတ်ဝေခဲ့သည့် အပိုင်း ၃ပိုင်းပါဝင်သော ကိုင်ရိုဝတ္ထုရှည်ကြီး (ကိုင်ရို ထရိုင်လော်ဂျီ ) အဖြစ်ကျော်ကြားသော “အလ်သူလာ သေရာ” ၀တ္ထုတွင်မူ ခေတ်ဆန်သော အီဂျစ်နိုင်ငံအခြေအနေများကို ဖော်ပြခဲ့သည်။

    အလ်သူလာ သေရာဝတ္ထုသည် အခြားအမည်များဖြင့်ထုတ်ဝေခဲ့သော ၀တ္ထု ၃ခုကို ပေါင်းစည်းထားခြင်းဖြစ်သည်။ ထို ၀တ္ထု ၃ ခုမှာ ၁၉၅၆ တွင်ထုတ်ဝေခဲ့သော “ပဲလေ့စ် ဝေါ့လ်ခ် (1956; Palace Walk)” ခေါ် ဘေးန် အလ် ကစ္စရားန် ၊ ၁၉၅၇ တွင် ထုတ်ဝေခဲ့သော “ပဲလေ့စ် အော့ဖ် ဒီဆိုင်းရာ (1957; Palace of Desire) ” ခေါ် ကဆရ်အလ်ရှောက် ၊ ၁၉၅၇ တွင်ပင် ထုတ်ဝေခဲ့သော “ရှုးဂါး စထရိတ် (1957; Sugar Street)” ခေါ် အလ်ဆက္ကရီယာ တို့ဖြစ်သည်။ ထိုဝတ္ထု သုံးခုသည် ပထမကမ္ဘာစစ်မှ ၁၉၅၂ ခုနှစ်တွင် ဖာရွတ်ဘုရင်အား ဖြုတ်ချနိုင်ခဲ့သည့် ကျော်ကြားလှသော အီဂျစ်စစ်တပ် အာဏာရလာချိန်ထိ ကာလများအတွင်း ကိုင်ရိုမြို့နေ မိသားစု သုံးခု၏ အမျိုးအဆက်အနွယ်များအကြောင်းကို ကိုယ်စားပြု ခြယ်မှုန်းထားခြင်းဖြစ်သည်။

    ထို ကိုင်ရိုဝတ္ထုရှည်ကြီး (ကိုင်ရို ထရိုင်လော်ဂျီ )သည် ၂၀ရာစုတွင် အီဂျစ်၏အတွေးအခေါ် ၊ သဘောထားနှင့် လူမှုရေးဆိုင်ရာပြောင်းလဲဖြစ်တည်ခြင်းများကို ခြုံငုံမြင်ရသော အနေအထားတစ်ခုအား လှစ်ဟပေးထားသည်။မာဟ် ဖော်ဇ်၏ နောက်ဆက်တွဲစွမ်းဆောင်မှုများ အနေဖြင့် အီဂျစ်နိုင်ငံအာဏာရှင်စနစ်အပေါ် အချက်ကျကျရှုမြင်သုံးသပ်ထားပုံ ၊ ဗြိတိသျှတို့လက်အောက် ကိုလိုနီဘ၀ကျရောက်ခဲ့စဉ်အနေအထားများနှင့် ခေတ်သစ်အီဂျစ်နိုင်ငံအနေအထားဖော်ပြမှုများ စသည်တို့ဖြစ်သည်။သူ၏ နိုင်ငံရေးအကျဉ်းသားရေးရာများနှင့် အမျိုးသမီးရေးရာများပါဝင်သော လူမှုရေးပြဿနာများအား ဆက်နွယ်ရေးသား ထားသော အသိအမှတ်ပြုလောက်ဖွယ် အဆင့်ရှိ ၀တ္ထုများစွာလည်း ရှိလေသည်။၁၉၅၉ တွင်ထုတ်ဝေခဲ့သည့် “တန်းလျား မှ ကလေးများ (1959; Children of the Alley)” ခေါ် အော်လက် ဟာရတိနာ ၀တ္ထုသည် တမန်တော် မုဟမ္မဒ် ၊ မိုးစက်နှင့် အခြားသော သူတော်စင်များကို ဖော်ပြထားရာ ထိုဖော်ပြချက်များရှိ အသုံးအနှုံးဝိသေသများကြောင့် သာမက သာသနာအပေါ် အငြင်းပွားဖွယ် သုံးသပ်ဖော်ပြထားမှုများကြောင့် ပိတ်ပင်ခံရသည်။ ၁၉၉၄ တွင် ၈၂ နှစ်ရှိပြီဖြစ်သော မာဟ် ဖော်ဇ်အား အချို့လူများက လုပ်ကြံရန်ကြိုးပမ်းခဲ့ရာ ကိုင်ရိုရှိ သူ၏နေအိမ်တွင် လည်ပင်းတွင်းကြိုးကွင်းစွပ်နိုင်သည့် အနေအထားထိ အောင်မြင်ခဲ့သည်။ သို့သော် သူ၏ညာဘက်လက် အကြောများ သေသွားခဲ့သော်လည်း အသက်မသေခဲ့ပေ။ ထိုသည့်နောက်ပိုင်းတွင်မူ သူသည် ကိုယ်ရံတော်များ ဖြင့်သာ သွားလာလှုပ်ရှားခဲ့သည်။

    မာဟ်ဖော်ဇ် နှင့် အစ္စလာမ့်အ၀န်းအ၀ိုင်းမှ အချို့ပုဂ္ဂိုလ်များ

    ၁၉၇၈ တွင် အီဂျစ်သမ္မတ ဆာဒက်၏ ဒေးဗစ်ကမ့်ဖ် ၌ အစ္စရေးနှင့် ငြိမ်းချမ်းရေးစာချုပ် ချုပ်ဆိုမှုအား မာဟ်ဖော်ဇ်က လောကွတ်ချော်၍ ထောက်ခံရေးသားခဲ့သဖြင့် သူ၏စာအုပ်များကို အာရပ်နိုင်ငံများက သူနိုဗယ်ဆုမရခင်အထိ ပိတ်ပင်ခဲ့ကြသည်။အီဂျစ်နိုင်ငံ၏ အခြားသော စာရေးဆရာများနှင့် အကျော်ဒေးယျများနည်းတူ မာဟ်ဖော်ဇ်သည်လည်း အချို့လူများ၏ လုပ်ကြံရန်စာရင်းတွင် နံပါတ်ချိတ်ခဲ့လေသည်။ ၁၉၈၉တွင် အီရန်အကြီးအကဲ အယာတိုလာခိုမေနီက ဆလ်မန်ရပ်ရ်ှဒီက သေဒဏ်ဖသ်သ၀ါထုတ်ခဲ့သည်တွင် မာဖော်ဇ်က ရပ်ရ်ှဒီဘက်မှ ရပ်တည်၍ ခိုမေနီအား ဝေဖန်ခဲ့သည်။ တဆက်တည်းပင် ရပ်ရ်ှဒီ၏ စေတန်နစ်ဗားစက်ကိုလည်း အစ္စလာမ်အား တဖက်သတ်ပုတ်ခတ်ထားသော စာအုပ်အဖြစ် ဝေဖန်ခဲ့သည်။မာဟ်ဖော်ဇ်သည် လွတ်လပ်စွာရေးသားဖော်ပြပိုင်ခွင့်အား ထောက်ခံသော်လည်း ရပ်ရ်ှဒီ၏လုပ်ရပ်ကိုမှူ ဆန့်ကျင်ခဲ့သည်။ သို့သော် ရပ်ရ်ှဒီအား သေဒဏ်အဖြစ် ဖသ်သ၀ါထုတ်ခြင်းအား သင့်လျော်မှုအဖြစ် လက်မခံခဲ့ပေ။ သူကခိုမေနီအားဝေဖန်သည့်ပြင် ခိုမေနီသည် အစ္စလာမ်အား ကိုယ်စားပြုသည့်အနေ အထားတွင်မရှိသည်ကိုလည်း ယုံကြည်ခဲ့သည်။၁၉၈၉တွင် ခိုမေနီက ရပ်ရ်ှဒီနှင့် သူ၏စာအုပ်ထုတ်ဝေသူတို့အား သေဒဏ်ဖသ်သ၀ါထုတ်သည်တွင် မာဟ်ဖော်ဇ်က ခိုမေနီအား အကြမ်းဖက်သမားဟု ခေါ်ခဲ့လေသည်။ မရှေးမနှောင်းမှာပင် မာဟ်ဖော်ဇ်သည် အခြားအကျော်ဒေးယျ ၈၀ ဦးပါဝင်သောအဖွဲ့က “ စာရေးဆရာတစ်ဦးအား သာသနာအားဝေဖန်သဖြင့် သေဒဏ်ပေး၏။ ဤသည် အစ္စလာမ်နှင့် မွတ်စလင်တို့အား ထိခိုက်စေသည်။ ” ကြေညာခဲ့ရာတွင် ထိုကြေညာမှုအား ထောက်ခံသူများဘက်မှ ပါဝင်ခဲ့လေသည်။

    ( ရည်ညွှန်း – http://en.wikipedia.org/wiki/Naguib_Mahfouz#Clash_with_Fundamentalists )

  • ပဉ္စသိင်္ခ့ စောင်းကြိုးပြတ် (အပိုင်း ၃ )

    ပဉ္စသိင်္ခ့ စောင်းကြိုးပြတ် (အပိုင်း ၃ )

    မြန်မာပြည်က ကျိုးပေါက်နေတဲ့ ကတိက၀တ်

    ကိုရေး ပတ္တိဆင်
    ယေးလ်တက္ကသိုလ် ဘွဲ့လွန်ကျောင်းသား
    ဇူလိုင်လ ၁၉ ရက် ၊ ၂၀၁၂
    Source: http://www.aljazeera.com/

    ဗမာတစ်ကျပ်ဆို ခင်ဗျားတို့လည်း တစ်ကျပ်ပဲ။ (ဗိုလ်ချုပ်အောင်ဆန်း)

    မြန်မာပြည်က လူနည်းစုတိုင်းရင်းသားတွေထံ ကျွန်တော်အလည်အပတ်ရောက်သွားတဲ့အခါ အဲဒီသမိုင်းဝင် အာမဘန္တေခံချက်ကို ကြားသိခဲ့ရတာပါ။ အဲဒီစကားကို ကိုလိုနီဆန့်ကျင်ရေး လွတ်လပ်ရေးကြိုးပမ်းမှုသူရဲကောင်း၊ အောင်ဆန်းစုကြည်ရဲ့ဖခင်က ၁၉၄၇ မှာ တိုင်းရင်းသားလူမျိုးစုတွေကို ကိုယ်စားပြုလက်မှတ်ထိုးကြမယ့် တိုင်းရင်းသားကိုယ်စားလှယ်တွေကို ပင်လုံစာချုပ်လက်မှတ်ရေးထိုးပွဲမှာ ပြောခဲ့တာပါ။ နိုင်ငံထွက် သယံဇာတအရင်းအမြစ်တွေကို လူများစုဗမာတွေနဲ့ တိုင်းရင်းသားလူမျိုးစုများအကြား သာတူညီမျှ ဖြန့်ဝေခံစားဖို့ မပြုလုပ်နိုင်ခဲ့ခြင်းကတော့ ဒီကတိစကားကို ဖြည့်ဆီးဖို့ရာ ပျက်ကွက်ခြင်းပါပဲ။ အဲဒီ အကြောင်းကပဲ ပင်လုံအပြီး မကြာမြင့်မီမှာ ဖြစ်ပျက်ခဲ့တဲ့ အောင်ဆန်းကို လုပ်ကြံသတ်ဖြတ်မှုကြီး ဖြစ်ပွားခဲ့ချိန်ကနေ ယနေ့ထိ သံသရာလည်နေတဲ့ ပဋိပက္ခတွေမှာ အဓိကအခရာဖြစ်နေတာပါ။ ဒီပဋိပက္ခကပဲ မြန်မာ့နိုင်ငံရေးကို အဓိပ္ပါယ်ဖွင့်ဆိုနေတာ တင်မဟုတ်ဘဲ လက်ရှိ ဒီမိုကရေစီကူးပြောင်းရေးမှာလည်း များမြောင်လှတဲ့ ကွာဟချက်တွေကို ထွက်ပေါ်စေပါတယ်။

    လက်ရှိ လူထုအတင်မြှောက်ခံ အချို့ပါရှိတဲ့ အစိုးရအဖွဲ့ကတော့ ဒီမိုကရေစီကူးပြောင်းရေးမှာ ထိတွေ့ကိုယ်တွင်လို့ရတဲ့ အကျိုးဆက်တွေ ရတဲ့အထိ အသိအမှတ်ပြုလောက်ဖွယ် တိုးတက်မှုတွေကို လုပ်ဆောင်ခဲ့ပြီးပါပြီ။  အစိုးရဘက်က သံတော်ဆင့်တွေကို ဆင်ဆာမထိတဲ့ ပုဂ္ဂလိကသတင်းတွေနဲ့ ယေဘုယျ အစားထိုးခဲ့ပါတယ်။ အဲဒီ ပုဂ္ဂလိကသတင်းစာတွေရဲ့ မျက်နှာဖုံးမှာတော့ နေရာတကာမှာ တွေ့နေရတဲ့ အောင်ဆန်းစုကြည်ရဲ့ ပုံတွေနဲ့ ပြည့်နှက်နေပါတယ်။ သူမရဲ့ပါတီ အင်အဲလ်ဒီက လွန်ခဲ့တဲ့ခြောက်လ လောက်ကမှ တရားဝင်ပြီး ၁၂ နှစ်အတွင်းမှာ ပထမဆုံး နိုင်ငံရေးထဲ ပြန်လည်ဝင်လာခဲ့တာပါ။ ဧပြီလတုန်းက ကျင်းပတဲ့ လွတ်လပ်တယ်လို့ သုံးသပ်ရတဲ့ ကြားဖြတ်ရွေးကောက်ပွဲမှာ အင်အဲလ်ဒီက အမတ် ၄၄ နေရာမှာ ၄၃ နေရာ ရွေးချယ်ခံခဲ့ရပါတယ်။

    သို့ပေမယ့် အပြောင်းအလဲဖြစ်စဉ်များကတော့ အထီးတည်းဖြစ်နေဆဲပါ။ တောဘက်ကျတဲ့နေရာတွေမှာ လူနည်းစု တိုင်းရင်းသားတွေ အခြေချနေထိုင်ကြတာပါ။ အဲဒီဒေသအများစုကတော့ လွန်ခဲ့တဲ့နှစ်တွေမှာ ယို့ယွင်းပျက်ဆီးသွားခဲ့ပြီလို့ အချက်အလက်များအရ သိရပါတယ်။ အဲဒီဒေသတွေက လူမှုရေးပဋိပက္ခများကတော့ စစ်အုပ်ချုပ်ရေးအတွက် အခွင့်ကောင်းတွေပါပဲ။ လူနည်းစုတိုင်းရင်းသားတွေရဲ့ ဖိနှိပ်ညှင်းပမ်းမှုဒဏ်တွေကြောင့် အကောင်းမြင်ဝါဒီများရဲ့ နိုင်ငံရေးနယ်ပယ်မှာ အာရုံပြုဂရုမူဖို့ အသံတွေထွက်ပေါ်လာပြီး ယနေ့မှာတော့ အဲဒီကိစ္စဟာ သတင်းစာအများစုရဲ့ ခေါင်းကြီးပိုင်းမှာ နေရာယူထားပါတယ်။ မြန်မာပြည်က ငြိမ်းချမ်းရေးကို ကမ္ဘာကသြဘာပေးနေ ပေမယ့်လည်း တိုင်းရင်းသားလူနည်းစုတွေရဲ့ ဒေသများမှာတော့ ပြည်တွင်းစစ်တွေဖြစ်နေဆဲပါ။ ဒါကြောင့်ပဲ ဒီမိုကရေစီအသွင်ကူးပြောင်းရေးအတွက် စိန်ခေါ်မှုတွေ၊ လမ်းချော်မှုတွေ ဖြစ်လာနိုင်ပါတယ်။

    ဖုန်းကွယ်ခံထားရတဲ့ အတိဒုက္ခခံစားရမှု

    ခရစ်ယာန်သာသနာဝင်အများစုရှိနေတဲ့ မြောက်ပိုင်းက ကချင်ပြည်နယ်မှာတော့ မြန်မာစစ်တပ်က ကချင်လွတ်လပ်ရေးတပ်မတော် (ကေအိုင်အေ) ကို ထိုးစစ်ဆင်နေပါတယ်။ ဒါကြောင့် လူပေါင်း ၇သောင်း ၅ထောင်လောက် နေရာပြောင်းရွှေ့ခဲ့ရသလို တရုတ်နယ်စပ်မှာလည်း အဲဒီဒုက္ခသည်တွေ ပျံ့နှံ့နေပါတယ်။ ၂၀၁၁ ဖေဖော်ဝါရီမှာ နှစ်ဖက်သဘောတူခဲ့တဲ့ အပစ်အခတ်ရပ်ဆဲရေးက အရာမထင်ခဲ့ပါဘူး။ စစ်ဖြစ်နေတဲ့ ဧရိယာကို အစိုးရကတဘက် ကေအိုင်အိုကတဘက် ထိန်းချုပ်ထားပါတယ်။ ကေအိုင်အိုကတော့ သူတို့ဒေသကို ကိုယ်ပိုင်အုပ်ချုပ်နေပြီး ကျန်းမာရေး၊ ပညာရေးနဲ့ တရားမျှတရေးဌာနတွေစတဲ့ လူမှုရေးဝန်ဆောင်မှုတွေကို လည်း ဆောင်ရွက်ပေးနေပါတယ်။

    ကချင်ပြည်နယ်မြို့တော် မြစ်ကြီးနားမှာ နေထိုင်သူတစ်ဦးကတော့ သူတို့မြို့မှာ တနေ့ကို လေးငါးနာရီလောက်သာ လျှပ်စစ်မီးရကြောင်း၊ ဒါကပဲ ကေအိုင်အေကို ထောက်ခံနေတဲ့ တိုင်းရင်းသား အုပ်စုတွေအတွက် လုံလောက်ပြီး အတတ်နိုင်ဆုံး လိုက်လျောထားတဲ့ ၀န်ဆောင်မှုလို့ မှတ်ယူကြောင်းပြောပြပါတယ်။ ဒေသခံများကတော့ ကေအိုင်အေကို ထောက်ခံမှုမြင့်မားပြီး ပွင့်ပွင့်လင်းလင်းလည်း ရှိကြပါတယ်။ အစိုးရရဲ့ တင်ပြချက်တွေကတော့ လူထုက ထင်မြင်ယူဆထားတဲ့ နိုင်ငံရေးအသိတရား အမှန်ဖြစ်စဉ်တွေကို မီးခိုးမှိုင်းတွေလိုကာပြီး ၀ိုးတိုးဝါးတား ဖြစ်နေစေပါတယ်။ ညဘက်တွေမှာ ထုတ်လွှင့်တဲ့ အစိုးရသတင်းတွေမှာ ကေအိုင်အေတွေ လက်နက်ချတဲ့ အကြောင်း ပြသနေပေမယ့် တကယ်တန်းမှာတော့ လူထု အမှန်တကယ်မြင်တွေ့နေတာက အဲလိုဖြစ်စဉ်မျိုး မဟုတ်ပါ။ ကချင်လူထုကတော့  အစိုးရဘက်က ထုတ်လွှင့်ပြသနေတယ့် လက်နက်ချကေအိုင်ကေ စစ်သားတွေက အတုတွေလို့ ထင်မြင်ယူဆနေပါတယ်။

    တရုတ်နိုင်ငံ ယူနန်ပြည်နယ်ရှိ ကချင် စစ်ဘေးဒုက္ခသည် စခန်းတခု

    မြစ်ကြီးနားအပြင်ဘက်မှာတော့ ကေအိုင်အေတွေ အုပ်ချုပ်နေတဲ့ဒေသကို အစိုးရက အင်အားကြီးစစ်တပ်နဲ့ ၀န်းရံပိတ်ဆို့ထားပြီး ကုလသမဂ္ဂနဲ့ နိုင်ငံတကာကူညီထောက်ပံ့ရေး အစီအစဉ်တွေကို နေရာထိုင်ခင်း ပျောက်ဆုံးနေကြ ရတဲ့ ထောင်ပေါင်းများစွာသော ဒုက္ခသည်များကို အလိုအပ်ဆုံးသော ပစ္စည်းများ ထောက်ပံ့ပေးနိုင်ရေးကနေ တားဆီးပိတ်ပင်ထားပါတယ်။ ဒီတော့ ကချင်ခရစ်ယာန် နှစ်ချင်းအသင်းက သာသနာပြုပုဂ္ဂိုလ်တွေက သူတို့ကိုယ်သူတို့ ကယ်ဆယ်ရေးလုပ်သားတွေအသွင် ဖန်တီးပြီး လူပေါင်း ၂ သာင်းလောက်ကို အကူအညီပေးနေကြပါတယ်။ အကူအညီပေးရေးအဖွဲ့မှာ လူပေါင်း ၃ သိန်းလောက်ရှိတဲ့ ကွန်ယက်ရှိနေတာကြောင့် မြန်မာပြည်မှာတော့ လူမှုကူညီရေး အဖွဲ့တွေထဲမှာ အင်အားကြီးအဖွဲ့တစ်ခုပါပဲ။

    အိုးမဲ့အိမ်မဲ့ဖြစ်နေတဲ့ ဒုက္ခသည်စခန်းတွေကို သွားရောက်လေ့လာတဲ့အခါမှာတော့ ဒီဒုက္ခသည်တွေက သူတို့ရဲ့ လူ့အခွင့်အရေးချိုးဖောက်ခံရမှု အတွေ့အကြုံတွေကို ပြန်ပြောပြခဲ့ပါတယ်။ ဖြစ်စဉ်တွေကတော့ မရေမတွက်နိုင်အောင်ပါပဲ။ ရွာတွေကို မီးရှို့တယ်၊ ဖမ်းဆီးနှိပ်စက်တယ်၊ မုဒိန်းကျင့်တယ်။ တချို့ဒုက္ခသည်တွေက အဲဒီဒုက္ခသည် စခန်းရောက်နေတာ တစ်နှစ်ကျော်လောက်တောင် ရှိပါတယ်။ အိမ်ပြန်ဖို့ကတော့  မျှော်တိုင်းဝေးနေရဆဲပါ။ သူတို့အားလုံးက အစိုးရအနေနဲ့ ကချင်အားလုံးကို ကေအိုင်အေလို့ သတ်မှတ်ထားလို့ သူတို့ရဲ့ ဘ၀တည်မြဲရေးကို ကြောက်ရွံ့စိုးရိမ်နေရတဲ့ အခြေအနေမှာ ရှိနေကြတာပါ။

    စစ်ဖြစ်နေတဲ့ ကချင်ဒေသကတော့ သဘာဝအရ ချမ်းသာတဲ့ဒေသဖြစ်ပြီး အဖိုးတန်ကျောက်စိမ်းထွက်ပါတယ်။ ဒါ့ပြင် သံနဲ့ သစ်လည်းထွက်ပါတယ်။ ဧရာဝတီမြစ်ကြီး မြစ်ဖျားခံတဲ့ဒေသလည်းဖြစ်ပါတယ်။ အဲဒီဒေသမှာ ဧရာဝတီမြစ်ကို ပိတ်ပြီး ဒေါ်လာဘီလီယံတန်တဲ့ ဆည် ၇ ခုထဲမှာ အကြီးဆုံး ဆည်ဆောက်ဖို့အစီအစဉ်ကို သမ္မတသိန်းစိန်က မမျှော်လင့်တဲ့အနေအထားကနေ တားမြစ်ပိတ်ပင်လိုက်ပါတယ်။ ဒီကြေညာချက်ကတော့ တရုတ်အနေနဲ့ မြန်မာအပေါ် သြဇာလွှမ်းမိုးမှုမြင့်တက်လာတဲ့အပေါ်မှာ အစိုးရဘက်က (တခုခုလုပ်ပြတဲ့အနေနဲ့) အခုလိုကြေညာလိုက်ခြင်းဖြစ်တယ် လို့ အများစုက ယူဆကြပါတယ်။ မြစ်ဆုံဆည်ကြီးပြီးသွားရင်လည်း ရလာမဲ့ လျှပ်စစ်ရဲ့ ၉၀ ရာနှုန်းလောက်က တရုတ်၊ ယူနန်ပြည်ထဲ ရောက်သွားမှာပါ။

    ဒေသခံတွေကတော့ ဆည်ကြီးဟာ လုံးဝမဆောက်တော့ဘဲ ရပ်တန့်သွားတာမျိုးမဟုတ်ဘဲ ခေတ္တခဏတန့်သွားတဲ့ သဘောမျိုးပဲလို့ သိထားကြပါတယ်။ သူတို့က ဧရာဝတီမြစ်ရေနီနီတွေကို ညွှန်ပြပြီး တရုတ်လုပ်သားတွေ ဆည်ကြီးကို ဘယ်လိုဘယ်ပုံစတင်အုတ်မြစ်ချခဲ့သလဲဆိုတာ ပြောပြပါတယ်။ ဒီလိုဆည်ကြီး တည်ဆောက်လို့ ဒေသခံရာပေါင်းများစွာ အိုးမဲ့အိမ်မဲ့ဖြစ်ခဲ့ရပါတယ်။ ဆည်ဆောက်နေစဉ်မှာ တရုတ်အလုပ်သမားတွေက ရွှေတူးဖော်ရေးလုပ်ငန်းအတွက် အများအပြား ၀င်ရောက်လာကြပါတယ်။ ဒေသခံပတ်ဝန်းကျင် ထိန်းသိမ်းရေး အုပ်စုတွေအတွက်တော့ မြစ်ဆုံဆည် တည်ဆောက်ခြင်း ရပ်တံ့လိုက်တာက အောင်မြင်မှုကြီး တစ်ခုဖြစ်ပေမယ့်လည်း အစိုးရအတွက် အကျိုးအမြတ်ဖြစ်ထွန်းလှတဲ့ ကချင်ဒေသထွက် သယံဇာတတွေကို တရုတ်ဆီအစုလိုက်အပြုံလိုက် ရောက်ဖို့ အချိန် နည်းနည်းလေး နှောင့်နှေးသွားတာမျိုးပါပဲ။

    ရေနံ၊ သဘာဝဓာတ်ငွေ့နဲ့  နယ်မြေဒေဆိုင်ရာ နိုင်ငံရေး

    နိုင်ငံခြားကုမ္ပဏီတွေက ကချင်မှာတင် သယံဇာတတွေထုတ်ယူနေကြတာမဟုတ်ပါ။ မြန်မာအရှေ့ဘက် ရှမ်းပြည်မှာတော့ တရုတ်ပက်ထရိုလီယံကုမ္ပဏီက နှစ်နိုင်ငံဆက်သွယ်ဖို့ သဘာဝဓာတ်ငွေ့နဲ့ ရေနံပိုက်လိုင်းကြီးကို ဆောက်လုပ်နေပါတယ်။ ဘင်္ဂလားပင်လယ်အော်က ကျောက်ဖြူမြို့ကနေ ကူမင်းအထိဖော်ပြီး ဆောက်လုပ်နေတာပါ။ ဒီကနေ ပင်လယ် ဆိပ်ကမ်းမြို့နဲ့ ချိတ်ဆက်မိပြီး ရေနံထုတ်ယူနိုင်တဲ့ အခြေအနေကို ဖန်တီးနိုင်မယ်။ အဲဒီကနေ ရလာတဲ့အကျိုးအမြတ်ကတော့ မြန်မာနိုင်ငံတွင်းရောက်ရှိလာမှာတော့မဟုတ်ပါ။ အချက်အလက်များအရ ၂၀ ရာနှုန်းအောက်လောက် သာသာရှိတဲ့ မြန်မာပြည်တွင်းနေအိမ်များသာ ပုံမှန်လျှပ်စစ်မီးရနေတာပါ။

    စိတ်ဝင်စားစရာကောင်းတာက ရှမ်းလယ်သမားများရဲ့ ပြင်းထန်တဲ့ဆန္ဒထုတ်ဖော်မှုက ကချင်မှလိုပဲအရာမထင်ပါ။ ဒါကလည်း တရုတ်တည်ဆောက်သူများရဲ့ ထိရောက်တဲ့နည်းဗျူဟာလို့ တစိတ်တပိုင်း ကင်ပွန်းတပ်နိုင်ပါတယ်။ သူတို့ကလည်း မြစ်ဆုံအရေးကတည်းက မြန်မာမှာ တရုတ်ဆန့်ကျင်ရေးပျံ့နှံ့နေပြီဆိုတာ ရိပ်မိနေပုံပဲ။ တရုတ်အတွက် ဒီရေနံပိုက်လိုင်းတည်ဆောက်ပြီး အရေးကြီးတဲ့ နယ်မြေဒေသဆိုင်ရာ မဟာဗျူဟာမြောက် တိုးတိုးတိတ်တိတ်လှုပ်ရှား မှုဟာ သင်္ချာဂဏန်းများ အရ ငွေရေးကြေးရေးတွေ၊ ရုပ်မြင်သံကြားကဏ္ဌတွေ အပါအ၀င် အားလုံးတွက်ချက်ကြည့်လိုက်တဲ့အခါ အမေရိကန်တို့ ထိန်းချုပ်ထားတဲ့ မလေးနဲ့ အင်ဒိုကြားက မလက်ကာရေလက်ကြားကို ကျော်ဖြတ်သွားနိုင်သလို အရှေ့အလယ်ပိုင်းက ရေနံထိန်းသိမ်းထားတဲ့နေရာတွေထိ တိုက်ရိုက် ထိတွေ့နိုင်လောက်အောင် (ကုန်ကျစရိတ်ရှိနေပါတယ်။ )

    ရှမ်းတွေကတော့ ပြည်နယ်တွင်းမှာ လတ်လတ်ဆတ်ဆတ် ရရှိထားတဲ့ ဒဏ်ရာဒဏ်ချက်တွေပြည့်နေနဲ့ အနီရောင် (တရုတ်ပိုက်လိုင်းကြောင့် ဖယ်ပေးလိုက်ရတဲ့) အနီရောင် လယ်မြေများအတွက် တစုံတရာ မခံစားရဘူးဆိုတာ မဖြစ်နိုင်သလို ဒီဖြစ်စဉ်က နိုင်ငံရေးဆိုင်ရာ အစီအစဉ်တွေကို ကိုယ်စားပြုနေတာကလည်း သူတို့စိတ်ခံစားချက်အပေါ် အကျိုးသက်ရောက်နေပါတယ်။  တရုတ်ပိုက်လိုင်းတလျှောက်မှာတော့ အစိုးရတပ်နဲ့ ရှမ်းတပ်တို့ တိုက်ခိုက်နေခဲ့ပါပြီ။ အစိုးရတပ်က အင်အားကြီးလွန်းတော့လည်း ရှမ်းတပ်မတော်က အပစ်အခတ်ရပ်ဆဲဖို့ လိုအပ်ကြောင်း သိမြင်မှုတွေ တစစ မြင့်မားလာပါတယ်။

    ဒေသခံတွေကတော့ ဒီလိုမျိုးပဋိပက္ခတွေကို တွေ့ကြုံရဖန်များလာတော့ ဗဟိုအစိုးရနဲ့ အရင်စစ်တပ်က ပိုင်ဆိုင်မှုထားမှုအများအပြားကြောင့် သူတို့ရဲ့ အယုံအကြည်မရှိမှု သံသယများဟာ တစစတိုးတက်များပြားလာပါတယ်။ ဒီရှမ်းမြေမှာပဲ ၁၉၈၀ နဲ့ ၁၉၉၀ ပြည့်လွန်နှစ်တွေမှာ အစိုးရစစ်ဆေးရေး အမြောက်အမြားပြုလုပ်ခဲ့ဖူးပါတယ်။ “အဲဒီအချိန်ကတော့ အိပ်မက်ဆိုးပါပဲ၊ မေ့ပစ်ဖို့ ခက်ပါတယ်” လို့ ကျောက်မဲ ဒေသခံတစ်ဦးက ဆိုပါတယ်။

    ကချင်နဲ့ ရှမ်းတို့ရဲ့ (အစိုးရအပေါ်) ထင်ရှားတဲ့ အယုံအကြည်မရှိမှုက ဗဟိုအစိုးရကို ဦးတည်နေသလို ၊ အင်အဲလ်ဒီနဲ့ မြို့ပြက ဗမာလူမျိုးတွေဆီလည်း ဦးတည်နေပါတယ်။ အောင်ဆန်းစုကြည်ရဲ့ ထောက်ပံ့မှုအများအပြားရှိပေမယ့် စိုးရိမ်ကြောင့်ကြမှုတွေက သူမရဲ့ (လုပ်ပိုင်ခွင့်) အလွန်မှာပါ။ ဒါ့ပြင် သူမပါတီရဲ့ ဒီမိုကရေစီနည်းနာတွေရဲ့ တတ်စွမ်းနိုင်စွမ်းထက် ပိုမိုနေပါတယ်။ အမှန်တကယ်တော့ အင်အဲလ်ဒီက ဒီလူနည်းစုတိုင်းရင်းသားအရေးမှာ ပြောစရာနည်းနည်းလေးပဲ ရှိပါတယ်။

    ဒီကိစ္စတွေ ပပျောက်သွားဖို့အတွက် အင်အဲလ်ဒီရဲ့ ဆောင်ရွက်မှုက အနည်းအကျဉ်းပမာဏပဲရှိပါတယ်။ ရန်ကုန်မှာ အင်အဲလ်ဒီတာဝန်ခံတစ်ယောက်နဲ့တွေ့တော့ သူက ဒီတိုင်းရင်းသား လူနည်းစုကိစ္စကို ကိုယ်ချင်းစာပါကြောင်း သိမ်သိမ်မွေ့မွေ့ကလေးပြောခဲ့ပါတယ်။ ဒါပေမယ့် ဒီကိစ္စကို ဘယ်လိုဘယ်ပုံ တင်ပြပြောဆိုမလဲဆိုတဲ့နေရာမှာတော့ ၀ိုးတိုးဝါးတားဖြစ်နေဆဲပါ။ အဲဒီဝိုးဝါးနေတဲ့နေရာကတော့ ကျယ်ကျယ်ပြန့်ပြန့်အောင်ပွဲခံနိုင်တဲ့ အင်အဲလ်ဒီပါဝင်လာမယ့် ၂၀၁၅ ရွေးကောက်ပွဲပါပဲ။

    ပဋိပက္ခ၏ ကောက်ကြောင်းတစ်ခု

    တိုင်းရင်းသားလူနည်းစုအရေးမှာ အင်အဲလ်ဒီရဲ့သက်ဆိုင်မှုကတော့ မကြာသေးမီက ရခိုင်မှာဖြစ်ပျက်ခဲ့တဲ့ ပဋိပက္ခမှာ အင်အဲလ်ဒီက အသံတိတ်နေခဲ့တာမျိုးပါ။ ရခိုင်ဆိုတာမြန်မာ အနောက်ပိုင်းမှာ တည်ရှိပြီး လူများစု ဗုဒ္ဓဘာသာဝင်ရခိုင်များနဲ့ မြန်မာပြည်ရဲ့ နှိပ်စက်အညှင်းပမ်းခံရမှုများပြားတဲ့ ရိုဟင်ဂျာလူမျိုးစုတို့အကြား ပဋိပက္ခပါ။ အဲဒီပဋိပက္ခကြောင့် လူ ၆၀ သေရပြီး လူပေါင်း ၉ သောင်းလောက် အိုးအိမ်မဲ့ခဲ့တယ်လို့ ကုလသမဂ္ဂက ခန့်မှန်းထားပါတယ်။

    ၂၀၁၂ ဇွန်လတွင် ဖြစ်ပွားခဲ့သော ရခိုင်ပြည်နယ် ပဋိပက္ခတွင် ရိုဟင်ဂျာဘက်မှ ဒုက္ခသည်များ

    ဒီလို ကာလရှည်ဖြစ်ပျက်နေတဲ့ ပဋိပက္ခရဲ့ နောက်ဆုံးအပိုင်းကတော့ အစိုးရရဲ့ ခွဲခြားဆက်ဆံရေး ပေါ်လစီရဲ့ တိုက်ရိုက်အကျိုးရလဒ်ပါပဲ။ ရိုဟင်ဂျာတွေဆိုတာ ဘင်္ဂလားဒေ့ရ်ှဘက်က တရားမ၀င် ၀င်ရောက်လာသူများဆိုတဲ့ မှားယွင်းတဲ့အထင်အမြင်ကို အခြေခံဖြစ်ပေါ်လာတာက ရိုဟင်ဂျာတွေသည် ၁၈၂၃ မတိုင်မီ ကတည်းက မြန်မာပြည်တွင်း နေထိုင်လာကြအပြီး နိုင်ငံသားဖြစ်ခွင့်တောင်း ဆိုနေကြ တယ်ဆိုတာကို ရိုဟင်ဂျာတွေဘက်က အစိုးရကို သက်သေတင်ပြဖို့လိုအပ်နေတာပါပဲ။ ၁၈၂၃ မတိုင်မီ နိုင်ငံတွင်း ရှိနေမှ နိုင်ငံသားပြုခွင့်ရှိမယ် ဆိုတာကို ၁၉၈၂ လူဝင်မှုကြီးကြပ်ရေးဥပဒေက ပြဌာန်းထားလို့ပါပဲ။ ပုံစံမကျတဲ့၊ ညစ်ပတ်ပေဆုတ်နေတဲ့ ဒုက္ခသည် စခန်းတွေမှာ မွေးဖွားကြီးပြင်းလာပြီး ဥပဒေအရ အလုပ်လုပ်ခွင့်၊ ပညာဆည်းပူးခွင့်နဲ့ (အိမ်ခြံလယ်ယာမြေစတဲ့) ပိုင်ဆိုင်ခွင့်တွေကို ကန့်သတ်ထိန်းချုပ်ခံနေရတဲ့ မြန်မာပြည်က ၈ သိန်းလောက် ပမာဏရှိတဲ့ ရိုဟင်ဂျာအများစုကြီးကတော့ ရှုပ်ထွေးခက်ခဲလှတဲ့ လိုအပ်ချက်လေးတွေကိုတောင် အကျိုးခံစားခွင့်မရှိပါ။ ဗုဒ္ဓဘာသာကိုးကွယ်တဲ့ ရခိုင်တွေက ဒါမျိုးကန့်သတ်ချက်တွေ မခံစားရပါ။ ဒါကြောင့်လည်း ဒီအုပ်စုနှစ်ခုကြားမှ အမုန်းတရားတွေ အဆမတန် ဖောင်းပွလာတာပေါ့။

    နိုင်ငံခြားသားတွေ ၀င်ရောက်ခွင့်ရှိတဲ့ ဒေသအချို့ကို ဒီအဓိကရုဏ်းကြီး မဖြစ်ပွားမည့်ဆဲဆဲ အချိန်လောက်က ကျနော်ခရီးနှင်ခဲ့တော့ တဘက်နဲ့တဘက် ချိုးနှိမ်ခေါ်ဝေါ်တဲ့ ရွံ့စရာအသုံးအနှုံးတွေ၊ လူမျိုးရေးခွဲခြားတဲ့ အသုံးအနှုံးတွေကို နှစ်ဘက်လုံးက သုံးစွဲနေကြပါတယ်။ မြန်မာပြည်က တိုးတက်စွာနဲ့ သုံးစွဲလာနိုင်နေတဲ့ အင်တာနက်မှာတော့ ဒီအဓိကရုဏ်းထဖြစ်တဲ့အခါမှာ တင်ဆက်ဖော်ပြကြပုံကလည်း တူညီစွာပါပဲ၊ လူမျိုးရေးခွဲခြားတဲ့ အသုံးအနှုံးတွေကို တာဝန်မဲ့သုံးစွဲခဲ့ကြပါတယ်။

    ဇွန်လမှာတော့ တင်ဒါဗူးထဲ မီးခြစ်နဲ့ရှို့လိုက်သလိုပါပဲ။ ရခိုင်သုံးရာလောက်က ရိုဟင်ဂျာ ** ၁၀ ဦးကို ကားပေါ်ကဆွဲချပြီး ရိုက်သတ်ပြစ်လိုက်ကြတယ်။ အကြောင်းကတော့ ရခိုင်အမျိုးသမီး တယောက်ကို မုဒိန်းမှုကျူးလွန်ခံရလို့လို့ ထင်မြင်ရတာပဲ။ လူထုအကြား ဆူပူသောင်းကျန်းမှုက ချက်ချင်းဖြစ်ပျက်ခဲ့တာကြောင့် ရခိုင်ဒေသမှာတော့ မီးခိုးပြာတွေ အများအပြား ကျန်ခဲ့ပါတော့တယ်။

    ဇွန် ၁၀ ကျတော့ သမ္မတသိန်းစိန်က အရေးပေါ်အခြေအနေကြေညာခဲ့ပါတယ်။ ရခိုင်မှာ အကျိုးသက်ရောက်အောင်မြင်တဲ့ ညမထွက်ရအမိန့်ကို ကျင့်သုံးခဲ့ပါတယ်။ စစ်တပ်တွေ ရခိုင်ကို ၀င်ရောက်လာခဲ့တယ်။ လမ်းတွေ၊ ဆိုင်တွေ၊ လက်ဖက်ရည်ဆိုင်တွေ အကုန်ပိတ်ထားခဲ့တယ်။ အစိုးရထိန်းချုပ်ထားတဲ့ ကချင်ဒေသနဲ့ ရှမ်းပြည်နယ်က စစ်ဆင်ရေးကို ပြန်ပြီး အသက်သွင်းဖို့ အမိန့်ထုတ်တယ်။

    လူနည်းစုတိုင်းရင်းသားတွေရှိတဲ့နေရာက လူမှုရေးအဓိကရုဏ်းကတော့ မရေရာမသေချာတဲ့ အချိန်ကြာမြင့်ခြင်းကို စိန်ခေါ်နေပါတယ်။ ဒါပေမယ့် ပြင်းထန်တဲ့ ကိုင်တွယ်မှုတွေရှိတဲ့ ယခင်ပေါ်လစီကို ပြန်လည်ကျင့်သုံးမယ်ဆိုရင်တော့ ဒီဆူပူသောင်းကျန်းမှုတွေဖြစ်ပျက်နေမှာပါပဲ။ ဒီလိုဖြစ်ပျက်နေရင်တော့ စစ်တပ်လက်ထဲ နိုင်ငံတော် ထိုးထည့်ရတဲ့ ပေါ်လစီမျိုးဖြစ်အောင် ခြိမ်းခြောက်နေပါတယ်။ ဒါဟာ အန္တရာယ်ရှိတဲ့ အသွင်ကူးပြောင်းရေးအစီအမံပါပဲ။

    လူနည်းစုတိုင်းရင်းသားများရဲ့ အခွင့်အရေးနဲ့ နိုင်ငံရေးအရ လွတ်လပ်ခွင့်အပြည့်အ၀ရရှိရေးတို့အတွက်ဆိုရင်တော့ စစ်တပ်ကနေ လူထုကို ထိန်းချုပ်ရေးမြင့်မားစွာ လိုအပ်သလို နိုင်ငံတော် အရင်းအမြစ်တွေကို သာတူညီမျှခွဲခြမ်းပေးရေး ပြောင်းလဲတဲ့ပေါ်လစီအသစ်လည်း လိုအပ်ပါတယ်။ ဒါက ပင်လုံညီလာခံမှာ ကတိပြုထားတာမျိုးပါ။ ဒီစိန်ခေါ်မှုနှစ်မျိုး လုံးက သေးသေးလေးတွေတော့မဟုတ်ပါ။ ကျနော်တို့အနေနဲ့ မြော်လင့်ချက်တွေ၊ အချိန်ဇယားတွေနဲ့ စိတ်ရှည်ရှည်စောင့်ဆိုင်းရတော့မှာပါ။ သို့သော် မဖြစ်နိုင်စရာတော့မရှိပါ။ အောင်မြင်ဖို့အတွက် စောင့်ကြည့်ဖို့ လိုအပ်သလိုနိုင်ငံတကာအကူအညီတွေလည်း လိုအပ်ပါတယ်။ ရလဒ်ရဲ့အရေးကြီးပုံက မြင့်မားပါတယ်။ ဒါကပဲ ကျနော်တို့အားလုံးက အနည်းဆုံးလုပ်ဆောင်ပေးနိုင်တာပါ။

    ဒန်ငြာရှိန်း

    ရှင်းလင်းချက် – ရိုဟင်ဂျာ ** အကြမ်းဖတ်သတ်ဖြတ်ခြင်းခံရသော လူ(၁၀) ဦးမှာ ရိုဟင်ဂျာလူမျိုးများ မဟုတ်ပါ။ ပြည်မမှ မြန်မာမွတ်စလင် များဖြစ်ကြပါတယ်။ မူရင်းဆောင်းပါးအတိုင်း ထည့်သွင်းဘာသာပြန်ခြင်းဖြစ်ကြောင်းပါ။

    ပဉ္စသိင်္ခ့ စောင်းကြိုးပြတ် (အပိုင်း ၁) ဖတ်ရန်။

    ပဉ္စသိင်္ခ့ စောင်းကြိုးပြတ် (အပိုင်း ၂ ) ဖတ်ရန်။

  • Ramadhan month = Training Camp

    Ramadhan month = Training Camp

     Kalay

    သူငယ်ချင်းတို့ရေ…

    ကျွန်မတို့အားလုံးမျှော်လင့်နေကြတဲ့ ရမဿွာန်လ ဟာလည်း မကြာမီအချိန်အတွင်းမှာပဲ ကျရောက်လာပါတော့မယ်။ ကြိုပြီးပြင်ဆင်နေကြပြီလား။ ကြိုပြီးရော ရင်ခုန်နေကြပြီလား။ မထူးပဲဆန်းတဲ့အဖြစ်လို့ ဆိုရမလားဘဲ။ ရမဿွာန်လဟာ နှစ်တိုင်းကျရောက်နေကျဖြစ်ပေမဲ့လို့ ဘယ်တော့မှ ရိုးမသွားပါဘူး။ အမြဲတမ်းရင်ခုန်လျက်ပါပဲ။ ရင်ခုန်စရာကောင်းလောက်တဲ့ အကြောင်းတွေကလည်း ရှိသေးတာကိုး။ ဘာလို့လဲဆိုတော့ ရမဿွာန်လဟာ အဆုံးမရှိတဲ့ အလ္လာဟ့်ရဲ့ ဂရုဏာတော်တွေနဲ့ အတောမသတ်နိုင်တဲ့ အကျိုးကျေးဇူးတွေ ပေါင်းစပ်နေလို့ပါပဲ။

    ရမဿွာန်လဟာ အစ္စလာမ့်ပြက္ခဒိန်ရဲ့ ကိုးလမြောက်ဖြစ်တဲ့ လတစ်လပါ။ “ရမဿွာန်” ဆိုတဲ့ စကားလုံးက မူရင်းအာရဗီစကားလုံး “Ramida” ကနေဆင်းသက်လာတာပါ။အဓိပ္ပါယ်ကတော့ အလွန်အမင်းပြင်းထန်လောင်ကျွမ်းစေတဲ့ ပူပြင်းခြောက်သွေ့မှုပါ။ အထူးသဖြင့်တော့ မြေပြင်တွေခြောက်သွေ့ပူပြင်းတာပါ။ ဒါကြောင့်မို့လည်း မြေပြင်တွေ ပူပြင်းလောင်ကျွမ်းသလိုမျိုး ရမဿွာန်လဟာလည်း အကုသိုလ်အပေါင်းကို ရိုဇာဟ်နဲ့လောင်မြိုက်ခြင်းဖြင့် ကင်းစင်စေတဲ့လလည်း
    ဖြစ်ပါတယ်။ သဲကန္တာရတွေနဲ့ ကျောက်တုံးတွေက နေရဲ့ပူပြင်းမှုကို တိုက်ရိုက်ခံစားသိရှိသလိုမျိုး၊ ရမဿွာန်လမှာလည်း လူတွေရဲ့ နှလုံးသားတွေဟာ အလ္လာ့ဟ်ကို သိတဲ့စိတ်တွေနဲ့ သင်စရာမလိုလောက်အောင်ကို ပြည့်နှက်လို့နေပါတယ်။

    အစ္စလာမ့်မဏ္ဍိုင်ကြီး ၅ရပ်ဖြစ်တဲ့ –

    (၁) ရှာဟာဒသ် (အလ္လာဟ်တစ်ပါးတည်း တည်ရှိကြောင်းနဲ့ တမန်တော်မြတ်(ဆွ)ဟာ အလ္လာဟ်ရဲ့ နောက်ဆုံးရစူလ်တမန်တော်တစ်ပါးဖြစ်ကြောင်း တရားဝင်ထုတ်ဖော်ပြောဆို သက်သေခံခြင်း။)

    (၂) စွလာသ် (နေ့စဉ်နမားဇ်(၅)ကြိမ်ဖတ်ခြင်း။)

    (၃) ဇကားသ် (တရားဝင်ဒါနကြေးပေးဆောင်ခြင်း။)

    (၄) ဆွီယာမ် ( ရမဿွာန်လအတွင်း ဥပုသ်သီလစောင့်တည်ခြင်း။)

    (၅) ဟဂ်ျ ( မက္ကာသို့ ၀တ်ပြုခရီးသွားခြင်း။) တို့ကို မွတ်စ်လင်မ်တစ်ယောက်ဟာ ခါးဝတ်ပုဆိုးလို မြဲမြံနေရပါမယ်။ လိုက်နာပြီးလက်ခံရပါမယ်။ ရမဿွာန်လအတွင်း ဥပုသ်သီလစောင့်တည်ခြင်းကတော့ လေးခုမြောက်မဏ္ဍိုင်ကြီးပါပဲ။

    ရိုဇာဟ်ထားခြင်းရဲ့ အဓိက ပန်းတိုင်ကတော့ “သက္က၀ါ” တရားရရှိဖို့ပါပဲ။ ရိုဇာဟ်မှမဟုတ်ပါဘူး။ ဘယ်လို အေဗာဒသ်မျိုးမဆို အားလုံးရဲ့ ပန်းတိုင်ကတော့ “သက္က၀ါ” ပါပဲ။ “သက္က၀ါ” ဆိုတာကိုတော့ အမျိုးမျိုးအဓိပ္ပါယ်ဖွင့်ကြပါတယ်။ “အလ္လာဟ်ကို သိခြင်း၊ မိမိကိုယ်ကို ပြစ်မှုဒုစရိုက်တို့မှ ထိန်းချုပ်နိုင်ခြင်း၊ အလ္လာဟ်အရှင်မြတ်ကို ကိုယ်ပိုင်အသိနဲ့ ကြောက်ရွံ့ခြင်း” စသည်ဖြင့်ပေါ့။ ကျွန်မအမြင်နဲ့ ပြောရမယ်ဆိုရင်တော့ “သက္က၀ါ” ဆိုတာ မကောင်းမှုဒုစရိုက်တို့ကနေ ရှောင်ကြဉ်ကာကွယ်နိုင်ဖို့အတွက် လူတစ်ယောက်မှာရှိသင့်တဲ့ အရည်အသွေးတစ်ခုပါ။ အဲ့လိုမျိုး “သက္က၀ါ” တရားကို ရရှိဖို့အတွက် မွစ်လင်မ်အားလုံး ကြိုးစားရမှာပါ။ အဲ့လို “သက္က၀ါ” တရားတွေကို ကျွန်မတို့ မွေးမြူနိုင်ခဲ့မယ်ဆိုရင် ရနိုင်တဲ့အကျိုးကျေးဇူးတွေက သိပ်ကိုပဲ ကြီးကျယ်လှပါတယ်။

    အလ္လာ့ဟ်ရဲ့ ချစ်ခြင်းကိုလည်း ခံရမယ်။ “မုချဧကန် အလ္လာဟ်အရှင်မြတ်သည် ပြစ်မှုဒုစရိုက်တို့မှ ကြဉ်ရှောင်ကြကုန်သော သူတော်စင်တို့အား ချစ်ကြည်မြတ်နိုးတော်မူချေသတည်း။” ကုရ်အာန်( ၉း၎)

    အလ္လာဟ်နဲ့ နီးစပ်မှုကိုလည်း ရနိုင်မယ်။ “ဧကန်စင်စစ် အလ္လာဟ်အရှင်မြတ်သည် သူတော်စင်အပေါင်းတို့နှင့်အတူ ရှိတော်မူကြောင်း ကောင်းစွာ မှတ်ယူကြလေကုန်။” ကုရ်အာန်(၉း၃၆)

    အလ္လာ့ဟ်ရဲ့ အဆွေခင်ပွန်းလည်း ဖြစ်နိုင်တယ်။ “အလ္လာဟ်အရှင်မြတ်မူကား မွတ္တကီ သူတော်စင်တို့၏ အဆွေခင်ပွန်းဖြစ်တော်မူ၏။” ကုရ်အာန်(၄၅း၁၉)

    နောက်ဆုံးအနေနဲ့ကတော့ ကျွန်မတို့အားလုံးရဲ့ ပန်းတိုင်ဖြစ်တဲ့ ဂျန္နသ်သုခဘုံကို ရောက်ရှိနိုင်ပါတယ်။
    “ထိုဂျန္နသ်အမတသုခဘုံသည် ပြစ်မှုဒုစရိုက်တို့မှ ကြဉ်ရှောင်ကြကုန်သော မွတ္တကီ သူတော်စင်များအဖို့ အသင့်ပြင်ဆင်ထားပြီး ဖြစ်လေသတည်း။ “ ကုရ်အာန်(၃း၁၃၃)

    ရိုဇာဟ်ထားခြင်းဟာ အရွယ်ရောက်ပြီး အသိဥာဏ်ရှိတဲ့ မွတ်စ်လင်မ် အမျိုးသား၊ အမျိုးသမီး အားလုံးအပေါ်ကို မလုပ်မနေရတာဝန်တစ်ခု အဖြစ် အလ္လာဟ်အရှင်မြတ်က ပြဌာန်းထားတာပါ။ “အသင်တို့အနက်မှ မည်သူမဆို ရမဿွာန်လနှင့် ကြုံကြိုက်ခဲ့ပါလျှင် ထိုသူသည် ယင်းလမြတ်၌ တစ်လပတ်လုံး ဥပုသ်သီတင်းဆောက်တည်ရပေမည်။” ကုရ်အာန်(၂း၁၈၅)

    ဘယ်လိုလူတွေအတွက် ဘယ်လိုခြွင်းချက်တွေရှိလဲဆိုတာတော့ ရှာဖွေဖတ်ရှုကြပါလို့ တိုက်တွန်းချင်ပါတယ်။ တာဝန်တစ်ရပ်အနေနဲ့ ပြဌာန်းထားပေမဲ့လို့ တာဝန်တစ်ခုကို ကျေပွန်ရုံပုံစံမျိုးတော့ လုပ်လို့မရပါဘူး။ သက္က၀ါတရားကို လက်ကိုင်ထားပြိး လုပ်ဆောင်ရပါမယ်။ လူအများရဲ့ အထင်ကြီးလေးစားမှုတစ်ခုတည်းအတွက်လုပ်တဲ့ အမလ်မှန်သမျှကို အလ္လာဟ်အရှင်မြတ်က လက်ခံမှာမဟုတ်ပါဘူး။ အရာရာတိုင်းဟာ အရှင့်အတွက်ပါပဲရယ်လို့ ရည်စူးချက်ရှိရပါမယ်။ ရည်စူးချက်မှန်ကန်မှသာ လိုရာပန်းတိုင်ကို ရောက်နိုင်မှာပါ။ ဘယ်အရာကိုပဲလုပ်လုပ် ပြစားမှုကင်းနိုင်သမျှ ကင်းဖို့အတွက် ကြိုးစားကြရပါမယ်။

    ရမဿွာန်လဟာ တနည်းအားဖြင့်တော့ “Training Camp” တခုပါပဲ။ တစ်လကြာတဲ့ camp တစ်ခုပေါ့။ ဒါပေမဲ့ အဲ့ဒီတစ်လဆိုတဲ့ အချိန်ရဲ့ effect ဟာ တစ်သက်တာလုံးအတွက် အမြဲရှိနေရမဲ့ နမူနာတွေပါ။ အဓိကအားဖြင့်တော့ ရုပ် နာမ်နှစ်ပိုင်းလုံးကို ပြင်ဆင်ပေးရတာပါ။ ဒါပေမဲ့ အဲ့ဒီပြင်ဆင်မှုဟာ ရမဿွာန်တစ်လတည်းအတွက်ပဲ မဟုတ်ပါဘူး။ တစ်သက်တာလုံးအတွက်ပါ။ အဲ့ဒါကြောင့်လည်း Training camp လို့ဆိုထားတာပေါ့။

    ရုပ်ပိုင်းဆိုင်ရာပြင်ဆင်မှုကတော့ ပုံမှန်အစားစားချိန်တခုကို စနစ်တကျသတ်မှတ်ပြီး စားသောက်မှုတွေကို လျှော့ချတဲ့ ပုံစံပါ။ “ထိုမှတပါး အသင်တို့သည် ချည်မျှင်အနက် (တည်းဟူသော ညဥ့်၏အမှောင်)မှ ချည်မျှင်အဖြူ(တည်းဟူသော) နံနက်မိုးလင်း အာရုဏ်တက်ချိန်၏ အလင်းရောင် ပေါ်လွင်ထင်ရှားလာသည့်တိုင်အောင်(အစာအဟာရများကို) စားသောက်ကြကုန်လော့။ တဖန် အသင်တို့သည် (ယင်းအလင်းရောင် ပေါ်လာသည်မှ နေ၀င်၍) ညဥ့်အချိန်(ကျရာက်လာသည့်) တိုင်အောင် အချိန်ပြည့် ဥပုသ်သီလ စောင့်တည်ကြကုန်လော့။” လို့ ကုရ်အာန် (၂း၁၈၇) မှာဆိုထားပါတယ်။ ဒါကြောင့် စားသောက်မှုပုံစံကို ပြောင်းလဲလေ့ကျင့်လိုက်တာပါ။

    အဲ့လိုမျိုးတပြိုင်နက်ထဲမှာပဲ နာမ်ပိုင်းဆိုင်ရာတွေကိုလည်း ပြောင်းလဲပစ်ရပါမယ်။ နာမ်ပိုင်းဆိုင်ရာက ပြောင်းလဲမှုတွေဖြစ်လာတာနဲ့ ရုပ်ပိုင်းဆိုင်ရာကလည်း အလိုလိုအဆင်ပြေသွားပါလိမ့်မယ်။ နာမ်ပိုင်းဆိုင်ရာကို ထိန်းချုပ်ဖို့ကတော့ အနည်းငယ်ခက်ခဲပါလိမ့်မယ်။ ဘယ်အရာမှ လွယ်လွယ်မရပေမဲ့ ကြိုးစားမှုအပေါ်မှာ မူတည်ပြီး ပြောင်းလဲပစ်နိုင်ပါတယ်။ ဒီအပိုင်းကတော့ အရေးအကြီးဆုံးပါပဲ။

    ပထမဆုံးအနေနဲ့ မိမိတို့ရဲ့ အကြားအာရုံတွေကို ထိန်းသိမ်းရပါမယ်။

    “အို… နဗီတမန်တော်၊ အသင်ပြောကြားပါလေ။ ထိုအရှင်မြတ်သည်ပင် အသင်တို့အား ဖန်ဆင်းတော်မူခဲ့သောအရှင် ဖြစ်တော်မူ၏။ ထို့ပြင် အသင်တို့အဖို့ ထိုအရှင်မြတ်သည် နားကိုလည်းကောင်း၊ မျက်စိကိုလည်းကောင်း၊ စိတ်နှလုံးများကိုလည်းကောင်း၊ ပြုလုပ်၍ ပေးသနားတော်မူခဲ့၏။ (သို့ရာတွင်) အသင်တို့မှာမူကား အနည်းငယ်မျှသာလျှင် ကျေးဇူးသိတတ်ကြကုန်၏။” ကုရ်အာန်(၆၇း၂၃)
    “ထို့ပြင်တ၀ အသင်သည် မိမိမသိသောအကြောင်းအရာ၏နောက်သို့ မလိုက်လေနှင့်။ ဧကန်မလွဲ နား၊ မျက်စိ ၊ စိတ်နှလုံး၊ ဤအသီးသီးတို့သည် ၎င်းတို့နှင့်စပ်လျဉ်း၍ စုံစမ်းမေးမြန်းခြင်းကို ခံရမည်သာတည်း။” ကုရ်အာန်(၁၇း၃၆)
    ပထမဆုံးနားက အရင်ကြားတာပါ။ ပြီးမှ မျက်လုံး၊ စိတ်နှလုံးတို့က နောက်ကလိုက်ရတာပါ။အစ္စလာမ်က အကျိုးမဲ့အချည်းအနှီးစကားတွေနဲ့ အတင်းအဖျင်းတွေကို မပြောမိဖို့ လမ်းညွှန်ရုံသာမက အဲ့ဒီစကားတွေကို နားမထောင်မိဖို့လည်း သတိပေးထားပါတယ်။

    ဒုတိယကတော့ မိမိတို့ရဲ့နှုတ်လျှာကို ထိန်းသိမ်းရပါမယ်။

    “အလ္လာဟ်အရှင်မြတ်နဲ့ အာခေရသ်ကို ယုံကြည်နေသူတစ်ယောက်ဟာ ကောင်းမွန်ပြီး နူးညံ့သိမ်မွေ့တဲ့ စကားတွေကိုသာ ရွေးချယ်ပြီး ပြောတတ်ရပါမယ်” တဲ့။(ဘိုခါရီကျမ်း)
    နှုတ်လျှာကို ထိန်းသိမ်းခြင်းဟာလည်း အရေးပါလှပါတယ်။ မိမိရဲ့စကားတခွန်းကြောင့် သူတစ်ပါးရဲ့ အကျိုးစီးပွားတွေကို ထိခိုက်နစ်နာသွားစေတယ်ဆိုရင် ဘယ်လိုမှ ပြည့်ဝတဲ့ မွတ်စ်လင်မ်တစ်ယောက် မဖြစ်နိုင်တော့ပါဘူး။ဒါကြောင့် ခုလာမဲ့ ရမဒွန်ကနေ နောက်ရောက်လာမဲ့ အနာဂတ်တွေထိတိုင်အောင် အဲ့လို ထိန်းကျောင်းမှုမျိုးလေးတွေနဲ့ မိမိကိုယ်မိမိ လေ့ကျင့်ကြိုးစားရမှာပါ။

    တတိယအနေနဲ့ကတော့ မိမိရဲ့ အမြင်အာရုံတွေကို ထိန်းချုပ်ရပါမယ်။

    အရေးအကြီးဆုံးကတော့ ဟရာမ်(ဥပမာ၊ မိမိနဲ့ဆန့်ကျင်ဘက် လိင်တွေကို အကြောင်းမဲ့ ကြည့်နေတာမျိုး၊ မကြည့်သင့်တဲ့ ညစ်ညမ်းမှုတွေကို ကြည့်ရှူ့တာမျိုး၊ သာသနာက ခွင့်မပြုထားတဲ့ အရာတွေကို ကြည့်တာမျိုး) တွေကို အတတ်နိုင်ဆုံးရှောင်ကြဉ်ရပါမယ်။ ကြည့်မိခဲ့တာနဲ့ တပြိုင်နက် ချက်ချင်းအကြည့်တွေကို လွှဲဖယ်လိုက်ရပါမယ်။ “မတော်တဆသဘောမျိုးနဲ့ ပထမဆုံးကြည့်မိသွားတဲ့ အကြည့်မျိုးကိုတော့ ခွင့်ပြုထားပါတယ်။ ဒါပေမဲ့ ချက်ချင်းဆိုသလို အကြည့်တွေကို လွှဲဖယ်လိုက်ရပါမယ်။ ဒုတိယအကြိမ်ဆိုတဲ့ အခွင့်အရးမျိုး မရှိစေရဘူး” လို့ ဆိုထားပါတယ်။ (မွတ်စ်လင်မ်၊ အဗူဒါဝဒ်၊ သစ်ရ်မေဇီ)။ အဲ့လိုအဖြစ်မျိုးတွေနဲ့ ကြုံလာရင် အလ္လာ့ဟ်ဆီမှာ ခိုလှုံခွင့် တောင်းခံရပါမယ်။

    “အို… နဗီတမန်တော်၊ အသင်သည် မုအ်မင်န် သက်ဝင်ယုံကြည်သူတို့အား မိမိတို့၏ မျက်စိများကိုနှိမ့်ချထားရမည်ယူ၍လည်းကောင်း၊ ထို့ပြင် မိမိတို့၏ အရှက်အင်္ဂါများကို ထိန်းသိမ်းကြရမည်ဟူ၍လည်းကောင်း ပြောကြားပါလေ။” ကုရ်အာန်(၂၄း၃၀)

    “အို… နဗီတမန်တော်၊ အသင်သည် “မုအ်မင်န်” သက်ဝင်ယုံကြည်သူ အမျိုးသမီးတို့အား ပြောကြားပါလေ။ ၎င်းတို့သည် မိမိတို့၏ မျက်လွှာများကို အောက်သို့ချထားရမည်။ ထို့ပြင် ၎င်းတို့သည် မိမိတို့၏အရှက်အင်္ဂါများကို (ကာမေသုမိစ္ဆာစာရမှု ကျူးလွန်ခြင်းမှ) ထိန်းသိမ်းကြရမည်။” ကုရ်အာန်(၂၄း၃၁)

    ယုံကြည်သူ အမျိုးသားရော၊ အမျိုးသမီးအတွက်ပါ ကုရ်အာန်(အထက်ကအာယသ်တော်နှစ်ပိုဒ်)ကပြောထားတာပါ။ ရမဒွန်တစ်လတည်းအတွက်တော့ မဟုတ်ပါဘူး။ အသက်ရှင်နေသမျှ ကာလပတ်လုံးမှာပါ။ “နားတွေတော့ ရှိပါရဲ့၊ ဒါပေမဲ့ မကြားကြဘူး။ စိတ်နှလုံးတွေတော့ ရှိပါရဲ့၊ ဒါပေမဲ့ တွေးတောမှုမပြုကြဘူး။ မျက်လုံးတွေတော့ ရှိပါရဲ့၊ ဒါပေမဲ့ မမြင်ကြဘူး။ အဲ့လိုလူတွေဟာ တိရိစ္ဆာန်များနဲ့ တူရုံသာမကဘဲ တိရစ္ဆာန်တွေထက်တောင် မိုက်မဲတဲ့သူတွေ” လို့ ကုရ်အာန်(၇း၁၇၉) မှာ အလ္လာဟ်အရှင်မြတ်က အတိအလင်းမိန့်တော်မူထားပါတယ်။ ဒါကြောင့် မိမိရဲ့ အမြင်အာရုံတွေကို အကျိုးမဲ့ အချည်းနှီးမဖြစ်စေဖို့ သတိထားရပါမယ်။

    အဲ့လိုမျိုး နာမ်ပိုင်းဆိုင်ရာတွေကို ပြုပြင်ပြီးတဲ့အချိန်မှာ ရုပ်ပိုင်းဆိုင်ရာကလည်း တဖြည်းဖြည်းအဆင်ပြေလာပါတယ်။ တကယ်ပဲ ရမဿွာန်လဟာ စိတ်ပိုင်းဆိုင်ရာရော၊ မိမိကိုယ်ကို ထိန်းချုပ်နိုင်မှုတွေကိုပါ တိုးပွားစေတဲ့ အချိန်ကာလတခုပါ။

    ရမဿွာန်လရဲ့ ထူးခြားချက်တွေကတော့ ပြောမကုန်နိုင်အောင်ပါပဲ။ အစ္စလာမ့်မဏ္ဍိုင်ကြီး(၅)ခုရဲ့ လေးခုမြောက်ဖြစ်တဲ့ ဆွီယမ်(ဥပုသ်သီလဆောက်တည်ခြင်း)ကို မလုပ်မနေရ တာဝန်တစ်ခုအဖြစ် ပြဌာန်းခြင်းခံရတဲ့ လတစ်လလည်းဖြစ်တယ်။ တစ်နည်းအားဖြင့် ရမဒွန်လရဲ့ အစပိုင်းမှာ အလ္လာဟ်ရဲ့ ကရုဏာတော် ၊ လအလယ်ပိုင်းကတော့ ခွင့်လွှတ်ချမ်းသားပေးမှု ၊ လရဲ့အဆုံးသတ်မှာတော့ ဂျဟန္နမ်မီးဘေးမှ ကင်းလွတ်ခွင့်တွေ အသီးသီးရရှိမှာ ဖြစ်ပါတယ်။ဒါကြောင့်မို့ ရမဿွာန်လရဲ့ အချိန်တွေဟာ စက္ကန့်နဲ့အမျှ တန်ဖိုးရှိလှပါတယ်။

    ကျမ်းတော်မြတ်ကုရ်အာန်ကို အလ္လာဟ်အရှင်မြတ်ဟာ ရမဿွာန်လအတွင်းမှာပဲ ချပေးသနားတော်မူခဲ့တာလည်း ထူးခြားမှူတစ်ခုပါပဲ။ အမှတ်ရစရာတွေနဲ့ ပြည့်နှက်နေတဲ့လဆိုရင်လည်း မမှားပါဘူး။ နောက်တစ်ခုကတော့ တမန်တော်မြတ်(ဆွ)ရဲ့ စွန္နသ်တော်တစ်ခုဖြစ်တဲ့ သာရာဝီနမားဇ်ကို အကောင်အထည်ဖော်ခွင့်ရတဲ့ တစ်ခုတည်းသော လတစ်လပါပဲ။ ပိုပြီးထူးခြားတာကတော့ ရမဿွာန်လ (ရက်၃၀) အတွင်းမှာ လပေါင်းတစ်ထောင်တို့ထက် ပိုပြီးထူးကဲတဲ့ ညတစ်ညဖြစ်တဲ့ “လိုင်လာသွလ်ကဒရ်ည” တစ်ညပါဝင်တာပါပဲ။

    ဒါ့အပြင် အမှားနဲ့အမှန်၊ တရားမှုနဲ့ မတရားမှု၊ အလင်းနဲ့ အမှောင်ကို ခွဲခြားပေးတဲ့ မွတ်စ်လင်မ်တို့ရဲ့ သမိုင်းဝင်စစ်ပွဲတစ်ခုဖြစ်တဲ့ “ဗဒရ်” စစ်ပွဲဆင်နွှဲခဲ့တဲ့ လတစ်လလည်းဖြစ်နေပါသေးတယ်။ မက္ကာမြို့ဆီကို အောင်နိုင်သူတွေအဖြစ်နဲ့ ပြန်လည်ဝင်ရောက်နိုင်ခဲ့တဲ့ လဟာလည်း ရမဿွာန်လပါပဲ။ အဲ့လိုအောင်နိုင်ပြီးနောက်မှာပဲ အစ္စလာမ်သာသနာအောက် ခိုလှုံသူတွေ အရမ်းများပြားလာပြီး မက္ကာမြို့ကြီးဟာ နတ်ဘုရားကိုးကွယ်မှုကနေကင်းရှင်းတဲ့၊ သန့်စင်ခြင်းနဲ့ အတိပြီးတဲ့ မွန်မြတ်ခြင်းနယ်မြေတစ်ခုဖြစ်လာခဲ့ပါတယ်။ ဒါတွေဟာ ရမဿွာန်လရဲ့ထူးခြားတဲ့ ၀ိသေသလက္ခဏာတွေပါပဲ။

    ရမဿွာန်တစ်လကို ဖြတ်သန်းခဲ့ရတဲ့အတွက် ကျွန်မတို့ဟာ အလ္လာဟ်နဲ့ ပိုပြီးနီးစပ်သလို ခံစားရပါတယ်။ နှလုံးသားကလည်း အမိန့်နာခံမှုတွေနဲ့ နူးညံ့နေအောင် လေ့ကျင့်ခဲ့ရတဲ့အတွက် စိတ်နှလုံးသိမ်မွေ့နေတယ်ဆိုရင်လည်း မမှားပါဘူး။ စိတ်ဓါတ်ကြံ့ခိုင်ဖို့နဲ့ သည်းခံခြင်းတရားတွေ ထားတတ်ကြဖို့လည်း ကြိုးစားခဲ့ရတာကြောင့် တစ်ယောက်ချင်းစီရဲ့ ခံစားချက်တွေကိုလည်း ကိုယ်ချင်းစာတတ်ခဲ့ကြပါပြီ။ ဆင်းရဲသူရော ချမ်းသာသူပါ ရိုဇာဟ်ထားနေစဉ်အတွင်း တန်းတူရည်တူ ဖြစ်ခဲ့တာတွေကြောင့် ချမ်းသာသူများကလည်း ဆင်းရဲသူများရဲ့ ဒုက္ခတွေကို ကိုယ်ချင်းစာနိုင်ကြပြီး၊ ဆင်းရဲသူများကလည်း မိမိတို့ရဲ့ လက်ရှိအနေအထားကို ပိုပြီးကျေနပ်လာတတ်ကြပါတယ်။ လူသားအချင်းချင်း ညီရင်းအစ်ကိုပမာ ရင်းနှီးနားလည်နိုင်မှု( brotherhood) ကတော့ ရမဒွန်လရဲ့ အကောင်းဆုံးပြယုဒ်တစ်ခုပါပဲ။ အဲ့လိုအဲ့လို ကောင်းကျိုးပေါင်းမြောက်များစွာကို အခုလာမဲ့ရမဒွန်လကနေပြီး နောက်ထပ်အသက်ရှင်သန်နိုင်သမျှ ကာလတစ်ပါတ်လုံး ကျွန်မတို့မွတ်စ်လင်မ်တွေ အတူတကွသယ်ဆောင်သွားနိုင်ကြပါစေလို့ ဒိုအာပြုပါတယ်။

    ဘယ်လိုအခြေအနေမျိုးမှာပဲဖြစ်ဖြစ် တစ်ခါအသက်ရှုလိုက်တိုင်းမှာ “ အလ္လာဟ်” လို့ တစ်ခါခေါ်နိုင်တဲ့ စွမ်းအားမျိုးကို ရရှိနိုင်ကြပါစေလို့ ဒိုအာပြုရင်း…

  • ဘာတံဆိပ်တပ်တပ် ကျမ တောင်ကြီးသူပါ

    နှင်းနှင်း (တောင်ကြီး)

     

    အမြင့်ပေ (၄၇၁၂) ပေ ရှိတဲ့ တောင်ကြီးမြို့မှာ လူဖြစ်ခွင့်ရတဲ့အတွက်ကိုယ့်ကိုယ်ကို ကျေနပ်ဂုဏ်ယူမိပါတယ်။ တောင်ပေါ်သူလို့အခေါ်ခံရတိုင်းလည်း ဝမ်းသာပီတိဖြစ်ရပါရဲ့။

    မြန်မာပြည်အထက်ပိုင်းအောက်ပိုင်းဒေသတွေ အလည်သွားတဲ့အခါတိုင်းလည်း တောင်ကြီးသူဆိုပြီး ချစ်ခင်မူ တွေ ပိုတတ်ကြတာကို တွေ့မြင်ရပြန်တော့လည်း တောင်ကြီးမြို့မှာမွေးပေးခဲ့တဲ့ မိဘနှစ်ပါးကို ကျေးဇူးတင် ရပြန်ရော။ ပိုတယ်လို့ ပြောရင်ပြောမလားဘဲ။ ဒါပေမဲ့ တောင်ကြီးသူ တောင်ကြီးသားတွေ ရင်ထဲမှာ ဒီလို ခံစားချက်လေးတွေကိုယ်စီရှိနေကြမယ်ဆိုတာကတော့ ဧကန်မလွဲပါဘဲ။ နိုင်ငံခြားရောက်တော့ ကိုယ့်ရဲ့ မွေးရပ်တောင်ကြီးမြို့ကို ပိုပြီး အလွမ်းပိုခဲ့ရတယ်။

    နှစ်စဉ်ကျင်းပတဲ့ တန်ဆောင်တိုင်ပွဲတော်နဲ့ မွေးရပ်မြေမှာနေခဲ့စဉ်တုံးက သွားလာခဲ့တဲ့နေရာတွေ၊ ရိုးရာစား သောက်ဖွယ်တွေကို တမ်းတလွမ်းရတာကလည်း တမျိုးတဖုံ။ တခါတလေ ကိုယ်တိုင်လုပ်စားမှ စားရမဲ့ ဟင်း ထုပ်၊ ငါးထမင်းနယ် အစရှိတဲ့ ရှမ်းပြည်အစားအစာတွေလုပ်စားတိုင်း သူငယ်ချင်းမိတ်ဆွေတွေကို စားပါအုံး ဒါဒို့ ရှမ်းအစားအစာဆိုပြီး ကျွေးမွေးဧည့်ခံရတာလည်း ကျမအတွက် တောင်ကြီးကို အလွမ်းပြေစေပါတယ်လေ။ ဘန်ကောက်မှာနေတုံးကဆိုရင် ကယားပြည်နယ်ကလာတဲ့ မိတ်ဆွေတယောက်နဲ့စကား ပြောဖြစ်ပြန်တော့လည်း “ စိတ်ချမ်းသာလိုက်တာ တောင်ကြီးသံဝဲဝဲလေး အခုမှဘဲကြားရတယ်” တဲ့။

    ဒါနဲ့ဘဲ တောင်ကြီးသူဖြစ်ရတာကို အမြဲဂုဏ်ယူနေတဲ့ ကိုယ့်အတွက် မပိုပါဘူးလို့ မှတ်ချက်ချမိပါတယ်။ ဟုတ် ပါတယ်၊ ကျမရဲ့မွေးရပ်မြေ တောင်ကြီးမြို့ ကို တကယ်ချစ်တာပါ။ ကျမရဲ့မွေးခြင်း မောင်နှမတွေ ဝမ်းကွဲတွေ ဆွေမျိုးတွေအားလုံးနီးပါးက တောင်ကြီးဇာတိတွေဖြစ်ကြတယ်။ ရွာဟောင်း ဘော်ဆိုင်းဇာတိပေါ့။ အစ္စလာမ် ဘာသာကိုးကွယ်တဲ့ ဓနုလူမျိုးပါ။ အမေနဲ့ သူ့မောင်နှမတွေအချင်းချင်းတွေ့ရင် အခါးရေ (သို့) ရေနွေးဂျမ်း တ အိုးနဲ့ စကားလက်ဆုံကျပြီး ဓနုသံဝဲဝဲနဲ့ ပြောဆိုရီမောနေတာတွေကလည်း သူတို့နဲ့ဝေးနေတဲ့အချိန်မှာ ပိုပြီး ကျမအတွက် အမှတ်ရစေပါတယ်။ အခုဆိုရင်ကျမ နိုင်ငံခြားရောက်တာ ၁ဝ စုနစ်တခုကို ကျော်ခဲ့ပါပြီ။ ဘယ်လောက်ဘဲ ကိုယ့်ဇာတိမြေနဲ့ဝေးကွာနေပေမဲ့ ရင်ထဲကလွမ်း မောမူတွေကတော့လျော့မသွားပါဘူး။

    တောင်ကြီးမြို့ရဲ့ တန်ဆောင်တိုင်မီးပုံးပျံပြိုင်ပွဲ အချိန်ရောက်ရင်လည်း အင်တာနက်မှာ ကြိုးစားပမ်းစား ရှာဖွေကြည့်ရတာ အလုပ်တခုဖြစ်သလို အိုးစည်သံနားထောင်ရရင်လည်း စိတ်ထဲမှာပျော်ရွင်ကြည်နူးရပါသေး တယ်။ ဒါကတော့ တောင်ကြီးကိုချစ်တဲ့သူတိုင်း မွေးရပ်မြေကိုချစ်တဲ့သူတိုင်းပေါ့လေ။

    နိုင်ငံခြားမှာ တောင်ကြီးသူ တောင်ကြီးသား တယောက်ယောက်ကိုတွေ့မိရင်လည်း သွေးသားရင်းနဲ့ဆုံတွေ့ရ သလိုခံစားမိပါတယ်။ တခါတလေ သူငယ်ချင်းတွေနဲ့ဆုံလို့ ကာရာအိုကေ ဆိုကြရအောင်ဆိုပြီး စိတ်ကူးပေါက် မိကြရင်တောင် ကျမအတွက် အရင်ဆုံး ရွေးချယ်မိတဲ့သီချင်းကတော့ စိုင်းဆိုင်မောဝ်ရဲ့ ရှမ်းပဲပုတ်ပါဘဲ။

    ကျမကရှမ်းပြည်နယ်ရဲ့ မြို့တော်တောင်ကြီးမှာနေတယ်ဆိုပေမဲ့ ရှမ်းတော့မဟုတ်ပါဘူး။ ဓနုလူမျိုးပါ။ တောင်ကြီး မှာ ဓနုနဲ့ ပအိုဝ်းက ပိုများတော့ ရှမ်းစကားလဲမပြောဖြစ်ပါဘူး။ နိုင်ငံခြားရောက်တော့ လူမျိုးပေါင်းစုံ ကရင် ကချင် ချင်း ကယား ဗမာတွေနဲ့လည်း တွေ့ရတယ်။

    သူတို့လည်း သူတို့အသံဝဲဝဲလေးတွေနဲ့ ချစ်စရာကောင်းပါတယ်။ တခါတလေ သူဘာပြောလည်းကိုယ်မသိ ကိုယ်ဘာပြောလည်းသူမသိနဲ့ ကြုံခဲ့ရတာတွေလည်း အကြိမ်ပေါင်းမနည်းပါဘူး။ နောက်ပိုင်းတော့ ကိုယ်ပြောတာ သူတို့နားလည်အောင် ပြင်ပြီးပြောဖြစ်တယ်။

    ဥပမာ – ကျမတို့က ကိုယ့်မြို့မှာ သုံးနှုန်းပြောဆိုနေကြတဲ့အတိုင်း “ဟုတ်ကြောင်းမဟုတ်ကြောင်း” “ဟုတ်ကြောင်း မုတ်ကြောင်း” (ဟုတ်လားမသိ မဟုတ်လားမသိ) တို့ ၊ “ဘာရီးတုံး” (ဘာကြီးလဲ) တို့ဆိုပြီးနောက်ဆုံးစကားမှာ “တုံး”ဆိုပြီး ထည့်ပြောတာတို့ ၊ “စားဝါးအုံး” (စားသွားအုံး) ဆိုပြီး တောင်ပေါ်သံနဲ့ ပြောလေ့ရှိတယ်။ ဒါကိုလည်းပြင်ရတယ်။ သူတို့နားမလည်နိုင်မဲ့ တခြားစကားလုံးတွေကိုလည်း ပြင်ရပြန်သေးတယ်လေ။ “အဲဟာ”လို့ သုံးတဲ့နေရာမှာ “အဲဒါ” လို့ပြင်ရတယ်။ တခါတလေ ကိုယ်ပြောတာ နားမလည်တဲ့ မျက်နှာရိပ်ကို တွေ့ရင် ၂ ခါလောက်ပြန်ပြောရတယ်။ ဒါပေမဲ့ ကျမစိတ်မညစ်ပါဘူး ပျော်ပါ တယ်။ ကျမအသံတောင်ကြီးသံမို့ (မလို့ ) သူတို့နားမလည်တာလေ။

    ကျမတို့ အိမ်ပါတ်ဝန်းကျင်မှာဆိုရင် ဓနုတွေကများတယ်။ အမေတို့နဲ့အတူ ကြီးပြင်းလာတဲ့ ပါတ်ဝန်းကျင်လို့ ပြောရင် မမှားပါဘူး။ သူတို့ တွေကတော့ ဗုဒ္ဒဘာသာဝင်တွေပါ။ သီတင်းကျွတ်ဆိုရင် မုန့်ဆီကြော်လာပို့ ကြ တယ်။ တပို့တွဲဆိုရင် ထမနှဲလာပို့ကြတယ်။ သင်္ကြန်ဆိုရင် ကင်ပေါင်းကျော်တို့ ကောက်ညုင်းနဲ့လုပ်တဲ့ ယာကု တို့လာပို့ကြတယ်။ လာပို့နေကျအိမ်ကလာမပို့သေးရင်တောင် ကျမတို့မျှော်နေမိတယ်။ သူတို့လည်းဒီလိုပါဘဲ ကျမတို့ အိဒ် ပွဲတော်ရောက်မဲ့နေ့ကိုမျှော်တတ်ကြတယ်။

    ကျမတို့ပွဲတော်ရောက်ရင် ဒီလိုဘဲ အိမ်ပေါက်စေ့ မုန့်လိုက်ပို့ရတယ်။ အိမ်မှာလည်း လာစားဖို့ဖိတ်ခေါ်ကြတယ်။ အရမ်းပျော်ဖို့ကောင်းပါတယ်။ ကိုးကွယ်တဲ့ဘာသာမတူပေမဲ့ အိမ်နားနီးချင်း ဆွေမျိုးရင်းတွေလိုပါဘဲ။ အရေး အကြောင်းကြရင် စည်းလုံးကြတယ်၊ ကူညီဖေးမကြတယ်။ တခါတလေကြတော့ အဲဒီလိုတဦးနဲ့တဦး လူမျိုး ဘာသာမခွဲခြားဘဲ နွေးထွေးတဲ့ ချစ်ခင်မူလေးတွေနဲ့နေခဲ့ကြတာကို တမ်းတမိရင် အမိမြေကို အရမ်းလွမ်းမိပါ တယ်။

    တောင်ကြီးမှာ ရှစ်လေးလုံးမတိုင်မှီက တိုင်းပြည်မှာအစိုးရကိုဆန့်ကျင်မူတွေ လမ်းလွဲဖို့အတွက် မူဆလင် ဗုဒ္ဒ ဘာသာအဓိကရုန်းဖြစ်အောင် လုပ်ခဲ့တယ်။ မသိနားမလည်တဲ့ တနေ့လုပ်တနေ့စား အလုပ်သမားတွေ၊ မကြာ သေးခင်ကမှ ဗမာပြည်အလယ်ပိုင်းကနေ တောင်ကြီးကို ပြောင်းလာတဲ့ ဆင်းရဲသား လက်တွန်းလှည်းတွန်း သမား လူစိမ်းတွေကိုအသုံးချပြီး ပြသနာကြီးသထက်ကြီးအောင် လှုံ့ဆော်ဖန်တီးမှု တွေ လမ်းညွန်ပေးသူတွေ ရှိခဲ့လို့ ဘာသာရေး အဓိကရုန်းကြီးကြီးမားမားတခုဖြစ်ခဲ့တယ်။
    အဲဒီအချိန်တုံးက မှတ်မိပါတယ် ဗုဒ္ဒဘာသာကိုးကွယ်တဲ့ ပါတ်ဝန်းကျင်က မိတ်ဆွေတွေ၊ ရပ်ကွက်လူကြီးတွေ က ပြောပါတယ် ဘာမှမပူပါနဲ့ ကျနော်တို့ ကာကွယ်မှာပါ၊ ကျနော်တို့တတွေ ဘိုးစဉ်ဘောင်ဆက်ကတည်းက အတူတကွနေလာကြတာပါဆိုပြီး အားပေးစကားပြောတာ၊ စောင့်ရှောက်ပေးတာ တွေရှိခဲ့သလို နင်တို့ကို ထိ ရင် ငါတို့လည်း နင်တို့ဘက်က ရပ်တည်ပြီးကာကွယ်မယ်လို့ အားရှိပါးရှိပြောတဲ့ အရှေ့ဘက်အိမ်က အဒေါ်ကြီး စကားကိုလည်း အမြဲသတိရလျှက်ပါ။

    ဟော! ကြည့်ပါအုံး ဖြစ်ရပြန်ပြီ။ မြန်မာနိုင်ငံ ရခိုင်ပြည်နယ်မှာ ဒီမိုကရေစီလမ်းကြောင်းလွဲဖို့အတွက် လာပြန်ပြီ ဘာသာရေးအဓိကရုန်းတွေ။ နိုင်ငံရေးပြုပြင်ပြောင်းလဲရေးရောက်ခါနီးတိုင်း ဘာသာရေးလူမျိုးရေးအဓိကရုန်းတွေ ဖြစ်ကြပြီ။ တကယ်ဘဲ ကျမတို့နိုင်ငံအတွက် ဝမ်းနည်းစရာကောင်းပါတယ်။ ကျမတို့လို ကိုယ့်မွေးရပ်မြေကို တန်ဖိုးထားချစ်မြတ်နိုးနေတဲ့သူတွေအပေါ် စာနာနားလည်မှုမထားဘဲ ဓားစာခံအဖြစ် မြေနိမ့်ရာလှံစိုက်လို့ ခုတုံး လုပ်ကြတယ်။ သိတဲ့သူတွေက သိနားလည်ကြပေမဲ့ အချို့ကတော့ လူတစု အဖွဲ့အစည်းတခုရဲ့ လှည့်ကွက်ထဲ ကို မျက်စိစုံမှိတ်ပြီး တံလျှပ်ကိုရေထင်လို့ ပြဿနာတွေဖန်တီးကြတယ်။

    ဘန်ကောက်က အတွေ့အကြုံလေး တခုပြောရမယ်ဆိုရင်လည်း ရှိပါသေးရဲ့။ တနေ့မှာ ဆေးဆိုင်တဆိုင် သွားပြီးဆေးဝယ်တော့ ဆိုင်ရှင်က အင်္ဂလိပ်စကားတော်တော်ပြောချင်ပုံရတယ်။

    ဆိုင်ရှင်နဲ့ကျမအမျိုးသားက စကားတွေဖေါင်ဖွဲ့နေကြတာလေ၊ မကြာပါဘူး ကျမတို့ ကို မြန်မာနိုင်ငံကမှန်း လည်းသိရော ဖမာ့လားဆိုပြီး ဟိုလိုလိုဒီလိုလိုနဲ့ တခြားဘက်ကိုသွားလိုက်တယ်။ ပြီးတော့ သူ့တပည့်နဲ့ဘဲ ဈေးရောင်းလွတ်ထားပေးခဲ့တယ်။ ကျမတို့တော်တော်အံသြမိပါတယ်။ မြန်မာနိုင်ငံကလာတဲ့ လူဆိုရင် ဘာလူ မျိုးဘာဘာသာဘဲကိုးကွယ်ကိုးကွယ် အားလုံးကို ဖမာ့ဆိုပြီး ဝါးလုံးရှည်နဲ့ ဇွတ်ရန်းတော့တာပါဘဲ။ ကျမတို့ ဆို ရင် ပြည်တွင်းမှာတုန်းကလည်း ဘာသာခြားဆိုပြီး ခွဲခြားခံရတယ်။ ပြည်ပရောက်တော့လည်း ဖမာ့ ဆိုပြီးနိမ်ချ ခံရပြန်တယ်။ ဘာဘဲဖြစ်ဖြစ် ဘယ်သူတွေက ဘယ်လိုတံဆိပ်တွေတပ်ကြပါစေ ကျမတို့လိုပြည်တွင်းမှာ မွေး ဖွားကြီးပြင်းလာတဲ့သူတွေ အားလုံးဟာ ဗုဒ္ဓဘာသာကိုးကွယ်တာမဟုတ်တာကလွဲလို့ ဓနု-ရှမ်း ကချင် ကရင် စသဖြင့်အားလုံးတူတူပါဘဲ။

    ဒါကြောင့်မြန်မာနိုင်ငံနဲ့ပါတ်သက်ရင် ထိုင်းက ဖမာ့ဆိုပြီးနိုင်ရင်လည်း မခံချင်သလို အခြားနိုင်ငံတွေက ထိပါး လာရင်လည်း မခံနိုင်တာကတော့ ဗုဒ္ဓဘာသာမြန်မာလူမျိုးမှ မဟုတ်ပါဘူး။ ခရစ်ယာန်ဘာသာကိုးကွယ်တဲ့ မြန်မာပြည်သားတွေ၊ အစ္စလာမ်ဘာသာကိုးကွယ်တယ့် မြန်မာပြည်သားတွေ၊ ဟိန္ဒူ ဘာသာကိုးကွယ်တဲ့ မြန်မာပြည်သားတွေ အားလုံးဟာ တသွေးထဲတသားထဲပါဘဲ။

    အချို့သောသူတွေက အတူယှဉ်တွဲပြီးတမြေထဲနေ တရေထဲသောက်လာကြတဲ့လူတွ အချင်းချင်းကြားမှာ အမျိုးပျောက်မှာစိုး ကြောက်လှပါတယ် ဆိုတဲ့ဆောင်ပုဒ် တခုသုံးပြီးကိုယ်လိုရာကို ဆွဲနေကြတာကတော့ သွေးစည်း ညီညွတ်မူကို ဖြိုခွဲနေတာနဲ့အတူတူဘဲလို့ ကျမအနေနဲ့သုံးသပ်မိပါတယ်။ ကျမကတော့ အမိမြန်မာ ပြည်ကို တန်ဖိုးထားရသလို တောင်ပေါ်သူဖြစ်ရတဲ့အတွက်လည်း ဂုဏ်ယူပါတယ်။ ကျမလိုဘဲအခြားဒေသ မှာနေထိုင် ကြတဲ့ တောင်ပေါ်သူတွေဘဲဖြစ်စေ မြေပြန့်သူတွေဘဲဖြစ်စေ ဘယ်နေရာဘယ်ဒေသရောက်ရောက် ဘာသာမ တူလို့  ဘာတံဆိပ်တွေဘဲတပ်ကြပါစေ မျိုးချစ်ပါတယ်ဆိုတဲ့ပုဂိုလ် တွေထက်မသာရင်တောင် သူတို့ထက် မနိမ့်တဲ့ချစ်ခင်တန်ဖိုးထားမူ တွေနဲ့ အတူ အမိမြန်မာပြည်ကို ကာကွယ် စောင့်ရှောက်ကြလိမ့်မယ် ဆိုတာကို တော့ ကျမ ယုံကြည်ပါတယ်။

  • မမေးလည်းဖြေ (၆)- ကျိန်ဆဲခြင်းလော?

    မမေးလည်းဖြေ (၆)- ကျိန်ဆဲခြင်းလော?

    ကျော်မိုးအောင်

    Photo Link – http://goo.gl/sxDvq

    အထက်ပါပုံကို လွန်ခဲ့သည့် နှစ်ပေါင်းများစွာကပင် မြန်မာနိုင်ငံတွင် အစ္စလာမ်သာသနာဝင်များအပေါ် အထင်အမြင်လွဲနေရစေသည့် အဓိကလက်သည်တရားခံ မုသာဝါဒဖြန့်ဝေရာ၊ အမုန်းတရားကြီးထွားစရာတို့၏ ဇစ်မြစ် အမျိုးပြောက်မှာ စိုးကြောက်စရာ အပါအဝင် (တရားဝင်ထုတ်ဝေခြင်းမဟုတ်သော်လည်း အလွန်တွင်ကျယ်စွာ ပြန့်နှံ့သည့်) ဝါဒမှိုင်းတိုက် စာစဉ်များတွင် ဖတ်ခဲ့ရဖူးပါသည်။ ယခုအခါ Facebook နှင့် အခြား အင်တာနက်စာမျက်နှာများတွင် တွေ့လာရပြီ။ တစ်ဆင့် ပြန် share လုပ်သူဦးရေလည်း မနည်းမနော။

    အစ္စလာမ်ဘာသာဝင် မဟုတ်သူ သာမန် စာဖတ်သူတစ်ဦး ဖတ်မိပါက ကြက်သီးမွေးညင်းထောင်ထစရာ၊ မွတ်စလင်မ်ဆိုသူတွေက အလွန်ကြောက်စရာ သတ္တဝါများဟုပင် တထစ်ချ ယူမှတ်လိုက်ဖွယ်ရာ အနေအထားဖြစ်သည်။

    ဟစ်တလာက ပြောခဲ့ဖူးပါသည်။ အမှားတစ်ခုကို လူထုကြားမှာ ရဲရဲပြော၊ အကြိမ်ကြိမ်ပြော၊ စကာစက မယုံသူတွေတောင် တစ်ဖြည်းဖြည်း အမှန်ဟု ထင်လာလိမ့်မည်တဲ့။ အဆိုပါ စာအုပ် ထုတ်ဝေဖြန့်ချိသူတို့၏ လုပ်ရပ် အတော်ပင် အောင်မြင်ပါသည်။ မွတ်စလင်မ်ဆိုတာ ရွံစရာ၊ မုန်းစရာ၊ ကြောက်စရာအဖြစ် မြင်နေကြသူတွေ မနည်းလှကြောင်း facebook နှင့် internet သုံးသူများမှတစ်ဆင့် တွေ့နေရပါသည်။ ကမ္ဘာ့နားလည်မှု လွဲမှားမှု အခံရဆုံး နံပါတ်(၁)သာသနာအဖြစ် အစ္စလာမ် ရှိနေရပါပြီ။

    အစ္စလာမ်ကတော့ သတင်းစကားတစ်ခုကို စာရိတ္တဖောက်ပြန်သူ မသူတော်တစ်ဦးဦးက သယ်ဆောင်လာလျင် မသိဘဲနှင့်  လူ့အစုအဝေးတစ်ရပ်ကို အန္တရာယ်မပြုမိစေရန် သင်တို့ဆန်းစစ်ကြဖို့၊ သို့မဟုတ်လျင် သင်တို့ ပြုမူမိခဲ့သည်အတွက် ကြေကွဲ နောင်တရရမည် ဟူ၍ ဆုံမသွန်သင်ထားသည်။

    (ကျမ်းမြတ်ကုရ်အာန် ၄၉း၆)

    အခြားအကြောင်းအရာတွေ မဆွေးနွေးမီ ပထမဆုံး အစ္စလာမ်ကို မည်သည်က အစစ်အမှန် ကိုယ်စားပြုသည်ဆိုသည်ကို ပြောလိုပါသည်။ အစ္စလာမ်၏ စစ်မှန်သော အဆုံးအမများကို (၁)ကျမ်းတော်မြတ်ကုရ်အာန်နှင့် (၂)ထိုကျမ်းမြတ်ကို လက်တွေ့အကောင်အထည်ဖော် သွန်သင်လမ်းညွှန်ထားသော မဟာတမန်တော်မြတ်၏ ပုံဖော်သွန်သင်ချက်များကသာလျင် ကိုယ်စားပြုပါသည်။ ထိုနှစ်ချက်ကို ဆန့်ကျင်သည့် အကြောင်းခြင်းရာတစ်ရပ်ကို မွတ်စလင်မ်အမည်ခံသူ တစ်သန်းက လက်မှတ်ထိုး ထုတ်ဝေပါစေ ထိုအကြောင်းအရာသည် အစ္စလာမ်ကို ကိုယ်စားမပြုပါ၊ ထိုလူတစ်သန်းနှင့်သာ ဆိုင်ပါမည်။

    ထို့အတွက်ကြောင့် အစ္စလာမ်၏ စစ်မှန်သော သွန်သင်ချက်များတွင် မွတ်စလင်မ်မဟုတ်သူ ဘာသာခြားများနှင့် ပတ်သက်၍ မည်သို့ ဆိုထားကြောင်း ဦးစွာ တင်ပြပါမည်။

    ဘာသာတရားများ တစ်ခုနှင့်တစ်ခု ယုံကြည်ချက်၊ ကျင့်သုံးဆောက်တည်မှုများ မတူညီ ကွဲပြားကြပါသည်။ မတူညီမှုကို တန်းညှိနေရန် မလိုပါ။ မိမိတို့လုပ်ရပ်အတိုင်း ကိုယ့်ပြုသည့်ကံ ကိုယ်နှင့်ဆိုင်ပါမည်။ အစ္စလာမ့်သွန်သင်ချက်အရ ကိုယ့်သာသနာနှင့်ကိုယ်ပါ။ ကိုယ့်လမ်းကိုယ် လျှောက်ကြရမှာပါ။

    “ အသင် ပြောကြားပါလေ။

    အို (အစ္စလာမ်ကို) မယုံကြည်သူအပေါင်းတို့…

    ကျွန်ုပ်သည် သင်တို့ကိုးကွယ်လျက်ရှိကြသော ကိုးကွယ်ရာများကို ကိုးကွယ် ဆည်းကပ်သည်မဟုတ်ပေ။

    ထို့ပြင် သင်တို့်သည်လည်း ကျွန်ုပ်ကိုးကွယ်လျက်ရှိကြသော ကိုးကွယ်ရာကို ကိုးကွယ် ဆည်းကပ်ကြသူများ မဟုတ်ပေ။

    ထို့ပြင် ကျွန်ုပ်သည် သင်တို့ကိုးကွယ်ကြကုန်သော ကိုးကွယ်ရာများကို ကိုးကွယ် ဆည်းကပ်မည့်သူ မဟုတ်ပေ။

    ထိုနည်းတုစွာ သင်တို့်သည်လည်း ကျွန်ုပ်ကိုးကွယ်လျက်ရှိကြသော ကိုးကွယ်ရာကို ကိုးကွယ် ဆည်းကပ်ကြမည့်သူများ မဟုတ်ပေ။

    စင်စစ်သော်ကား သင်တို့အဖို့ သင်တို့၏ အကျိုး၊ လမ်းစဉ်၊ သာသနာဖြစ်၍ ကျွန်ုပ်အဖို့ ကျွန်ုပ်၏ အကျိုး၊ လမ်းစဉ်၊ သာသနာပင် ဖြစ်ပေသည်။”

    (ကျမ်းမြတ်ကုရ်အာန် ၁၀၉း၁-၆)

     ထိုသို့ ကိုယ့်ခရီးကိုယ်သွားနေကြသူ အချင်းချင်း မည်သို့မည်ပုံ ဆက်ဆံရမည်ကိုလည်း ရှင်းလင်းပြတ်သားစွာ သွန်သင်ထားပြီး ဖြစ်ပါသည်။

     “အလ္လာဟ်အရှင်မြတ်သည် အသင်တို့အား အကြင်သို့သောသူတို့ကို ကျေးဇူးပြုခြင်းမှလည်းကောင်း၊ တရားမျှတစွာ ဆက်ဆံခြင်းမှလည်းကောင်း တားမြစတော်မူသည်မဟုတ်ပေ။ ထိုသူတို့သည် အသင်တို့အား သာသနာနှင့်စပ်လျဉ်း၍ တိုက်ခိုက်ခဲ့ကြသည်လည်းမဟုတ်ပေ၊ အသင်တို့အား အသင်တို့၏ နေအိမ်များမှ နှင်ထုတ်ခဲ့ကြသည်လည်းမဟုတ်ပေ။ ဧကန်စင်စစ် အလ္လာဟ်အရှင်မြတ်သည် တရားမျှတသူတို့အား နှစ်သက်ချစ်ခင်တော်မူ၏။

    အလ္လာဟ်အရှင်မြတ်သည် အသင်တို့အား အကြင်သို့သောသူတို့ကို အဆွေခင်ပွန်း ပြုလုပ်ခြင်းမှသာ တားမြစ်တော်မူ၏။ ထိုသူတို့သည် အသင်တို့အား သာသနာနှင့်စပ်လျဉ်း၍ တိုက်ခိုက်ခဲ့ကြသည့်အပြင် အသင်တို့အား အသင်တို့၏ နေအိမ်များမှ နှင်ထုတ်ခဲ့ကြ၏။ အသင်တို့ကို နှင်ထုတ်ရေးနှင့် စပ်လျဉ်း၍ (သူတစ်ပါးတို့အား) ရိုင်းပင်းကူညီခဲ့ကြ၏။ စင်စစ်သော်ကား မည်သူမဆို ၄င်းတို့အား အဆွေခင်ပွန်း ပြုလုပ်သည်ရှိသော် ထိုကဲ့သို့သော သူတို့သည်သာလျင် မတရားသောသူများ  ဖြစ်ကြကုန်သတည်း။” 

    (ကျမ်းမြတ်ကုရ်အာန် ၆၀း၈-၉)

    အစ္စလာမ့် အနှစ်ချုပ်တရားသည် တရားမျှတရန်၊ ကောင်းမွန်စွာ ပြုမူဆက်ဆံရန်၊ ပေးကမ်းလျူဒါန်းရန်၊ မကောင်းမှုမတရားမှုတို့မှ ရှောင်ကျဉ်ရန်ဖြစ်သည်။

    (ကျမ်းမြတ်ကုရ်အာန် ၁၆း၆၀)

    ဘာသာ မတူသူများနှင့် လူသားချင်းအတူ လက်တွဲကာ ပူးပေါင်းဆောင်ရွက်ရမည်တို့ တစ်ပုံတစ်ပင် ရှိပါသည်။

    အစ္စလာမ်က မိမိ တစ်ကိုယ်ရည်အတွက် မေတ္တာထားကာ ငုံ့ခံခိုင်းထားသလို အများအတွက်၊ လူ့အစုဝေးအကျိုးနှင့် ယှဉ်လာပါမူ သစ္စာတရားအတွက် တုန့်ပြန်ခိုင်းထားသည်။

    အစ္စလာမ်၏ လမ်းပြပုဂ္ဂိုလ် မဟာတမန်တော်မြတ်၏ အတ္ထုပ္ပတ္တိကို လေ့လာကြည့်လျင် မိမိတစ်ကိုယ်ရည်အား ရန်ပြုသူ၊ စော်ကားသူ၊ မတရားပြုမူသူ၊ စွပ်စွဲသူမှန်သမျှအား မေတ္တာထား ခွင့်လွှတ်ခဲ့သည်။ အများလူထု ၁၃နှစ်ကျော် နှိပ်စက်ညှင်းပမ်းသတ်ဖြတ်မှုများ ခံရပြီးနောက်ဆုံးတွင် ခုခံစစ်အဖြစ် ပြန်လည် တိုက်ခိုက်ခဲ့ရသည်။ နောက်ဆုံ ရန်သူတို့ အရေးနိမ့်သွားချိန်တွင် အားလုံးတို့အား ခြွင်းချက်မရှိ လွတ်ငြိမ်းချမ်းသာခွင့်ပေးသည်။ မိမိအားကိုးချစ်ခင်ရသော ဦးရီးတော်ကို သတ်သူကိုပင် ခွင့်လွှတ်ပေးခဲ့သူ ဖြစ်ပါသည်။

    မတရားပြုမူခံနေရစဉ် မတရားမှုကို တွန်းလှန်ရာနိုင်စေဖို့ အင်အား လိုပါသည်။ ရုပ်ပိုင်းဆိုင်ရာ အင်အားများကို ဖြည့်ဆည်းရသလို စိတ်ပိုင်းဆိုင်ရာ အင်အားကလည်း အင်မတန် အရေးကြီးလှသည်။ ရုပ်ကို စိတ်က ဦးဆောင်သည် မဟုတ်ပါလော။ ထိုသို့သော စိတ်ပိုင်းဆိုင်ရာ စွမ်းအင်အတွက် မိမိတို့ ယုံကြည် ကိုးကွယ်အားထားရာ အလ္လာဟ်အရှင်မြတ်ထံမှ ဆုပန်ကြရပါသည်။ အစ္စလာမ့် ဝတ်ပြုဆုတောင်းမှုတိုင်း၏ အဆုံးသတ်သည် မိမိဝဲယာရှိ အရာခပ်သိမ်း ငြိမ်းချမ်းပါစေကြောင်း ဆုတောင်းပေးခြင်းဖြစ်သည်။ မိမိတို့ အကြပ်အတည်း ကြုံတွေ့နေရပါက၊ မတရား ပြုမူခံနေရပါကလည်း မိမိတို့ကိုးကွယ်အားထားရာ ဘုရားသခင်ထံ တိုင်တည်ကာ ဆုပန်ကြသည်။ ထိုဆုတောင်း အပြည့်အစုံ အမှန်မှာ အောက်ပါအတိုင်းဖြစ်သည်။

    ဆုတောင်း အပြည့်အစုံ နှင့် အဓိပ္ပါယ်အမှန်

    နောက်တစ်ချက်က ထိုစာအုပ်တွင် ဖော်ပြထားသလို သောကြာနေ့ ဝတ်ပြုရာ၌ တောင်းသည့် ဆုတောင်းလည်း မဟုတ်ပါ။ သာမန်အားဖြင့် တောင်းဆိုလေ့ မရှိဘဲ မွတ်စလင်မ်ညီနောင်များ အတိဒုက္ခရောက်နေခိုက် အန္တရာယ်ပြုမည့် ရန်သူ ပြုသမျှ မနုရစေရန် အခိုက်အတန့် တောင်းသည့် ဆုမွန်သာဖြစ်ပါသည်။ သာမန် အများမွတ်စလင်မ်တို့ အလွတ်တောင်မရကြပါ။

    အေးချမ်းစွာ အတူလက်တွဲနေထိုင်ကာ ကိုယ့်အလုပ်ကိုယ်လုပ်နေကြသူ ဘာသာတူသူများအား ညီနောင်အဖြစ်လည်းကောင်း၊ ဘာသာမတူသူများအား ဝမ်းကွဲဆွေမျိုးရင်းချာအဖြစ်လည်းကောင်း၊ ဘာသာမဲ့တို့အား မိတ်ဆွေအဖြစ်လည်းကောင်း သဘောထားပါသည်။ ထိုသူတို့အားလုံးတို့အပေါ် ငြိမ်းချမ်းသာယာမှု အဖြာဖြာ ကြရောက်ပါစေ။ ဘာသာပေါင်းစုံ ချစ်ကြည်ငြိမ်းချမ်းရေး အဓွန့်ရှည်ပါစေသား။

    ဘာသာမတူခြင်းကို ခုတုံးလုပ်လျက် လူ့ဘောင်အသိုင်းအဝိုင်း ပျက်စီးရာပျက်စီးကြောင်း၊ အမှောင့်ပယောဂလုပ် နှောက်ယှက်ဖျက်ဆီးနေသူများ၊ မတရားပြုမူကြသူများ၊ အဖျက်သမားများ၊ အကြောင်းမဲ့ အငြိုးထားနေကြသူများ၊ မကောင်းကြံနေကြသူများ၊ ဝါဒဖြန့်အမုန်းပွား ပဋိပက္ခဖြစ်စေကြသူများ (လူမျိုးဘာသာမရွေး) ပျက်သုဉ်းပါစေသား။

     

    ကိုကျော်မိုးအောင် FB စာမျက်နှာမှ ကူးယူဖော်ပြပါသည်။