Category: အားကစား

စက်တင်ဘာ၊ ၂၂
M-Media

မော်ရင်ဟို ဖိအားလျော့တဲ့ ချယ်ဆီးနိုင်ပွဲ၊ ပထမဆုံး ရှုံးပွဲတွေ့ခဲ့တဲ့ လီဗာဗူး ၊ ၆ ပွဲမှာ အိမ်ရှင် ၄ ပွဲရှုံးတဲ့ ပရီးမီးယားလိဂ် ပွဲစဉ် ၅ စနေနေ့ညပွဲစဉ်များ

ပရီးမီးယားလိဂ်ပွဲစဉ် ၅ အဖြစ် ၆ ပွဲကို ချယ်ဆီး၊ အဲဗာတန်၊ ၀က်စ်ဘရွန်းနှင့် ဟားလ်စီးတီးတို့ အသီးသီးအနိုင်ရခဲ့ကြကာ လီဗာပူးလ်အသင်းမှာ ဆောက်သက်တန် အသင်းအားရှုံးနိမ့်ခဲ့ပြီး ပရီးမီးယားလိဂ် ပထမဆုံး ရှုံးပွဲကြုံတွေ့ခဲ့ရသည်။

ချယ်ဆီးအသင်းမှာ စတမ်းဖို့ဒ်ဘရစ်ခ်ျတွင် ဖူလ်ဟမ်အသင်းအား ဧည့်ခံကစားခဲ့ရခြင်းဖြစ်ပြီး ပရီးမီးယားလိဂ်နှင် ချန်ပီယံလိဂ် နှစ်ပွဲဆက်ရှုံးနိမ့်ထားသောကြောင့် မော်ရင်ဟိုမှာ ယခုပွဲအတွက်အသေအချာပြင်ဆင်ခဲ့သည်။ ပြိုင်ပွဲအရပ်ရပ် နောက်ဆုံးပွဲစဉ်လေးပွဲ နိုင်ပွဲပျောက်ခဲ့သည့် ချယ်ဆီးအသင်းမှာ ယခုပွဲတွင်လည်း ၎င်းတို့၏အကောင်းဆုံးပုံစံကိုပြန်မရသေးဘဲ ဒုတိယပိုင်းသွင်းဂိုးများဖြင့်သာ အနိုင်ရရှိခဲ့ခြင်းဖြစ်သည်။ ၅၂ မိနစ်တွင် အော်စကာက အနီးကပ်ကန်သွင်းခဲ့ကာ ချယ်ဆီးအတွက်ဦးဆောင်ဂိုးသွင်းယူပေးခဲ့ပြီး ၈၂ မိနစ်တွင် မီခေးလ်က ယခုနှစ်ရာသီ၎င်း၏ ပထမဦးဆုံးဂိုးအဖြစ် ဒုတိယဂိုးကိုသွင်းယူပေးခဲ့သည်။ ချယ်ဆီးအသင်း၏ ရလဒ်ဆိုးများကြောင့် ဝေဖန်ခံနေရသည့် နည်းပြမော်ရင်ဟိုမှာ ယခုပွဲအနိုင်ကြောင့် ဖိအား အနည်းငယ် လျော့ကြခဲ့ရသည်။

ယခင်တပတ်က ချယ်ဆီးအသင်းအား အိမ်ကွင်းတွင်အနိုင်ယူခဲ့သည့် အဲဗာတန်အသင်းမှာ ယခုပွဲတွင်လည်း ၀က်စ်ဟမ်းအသင်းအား အဝေးကွင်းတွင် အနိုင်ယူနိုင်ခဲ့သည်။ ၀က်စ်ဟမ်းအသင်းက ၃၁ မိနစ်တွင် ရာဗီလ်မောရစ်ဆန်နှင့် ၇၆မိနစ်တွင် ပင်တယ်တီမှတဆင့် မာက့်နိုဘယ်တို့က နှစ်ကြိမ်တိုင်တိုင် ဦးဆောင်ဂိုးများသွင်းယူခဲ့သော်လည်း အဲဗာတန်နောက်ခံလူ လေတန်ဘိန်းက ၆၂၊ ၈၃ မိနစ်တို့တွင် ချေပဂိုးများသွင်းယူပေးခဲ့သည်။ အဲဗာတန်အသင်းအတွက် အနိုင်ဂိုးကို ၈၅ မိနစ်တွင် ချယ်ဆီးအသင်းမှ အငှားဖြင့်ပြောင်းရွှေ့လာခဲ့သည့် လူငယ်တိုက်စစ်မျူး လူကာကူက အပိုင်ခေါင်းတိုက်သွင်းယူပေးခဲ့သည်။

ပရီးမီးယားလိဂ်ပဲစဉ်လေးပွဲတွင် ၃ ပွဲနိုင် ၁ ပွဲသရေဖြင့် ရှုံးပွဲမရှိဘဲ ဇယားထိပ်ကိုဦးဆောင်ထားသည့် လီဗာပူးလ်အသင်းမှာ အိမ်ကွင်းတွင် ဆောက်သက်တမ်အသင်းအား ၁ဂိုး ဂိုးမရှိဖြင့် ရှုံးနိမ့်ခဲ့သည်။ လီဗာပူးလ်အသင်းမှာ ဆွမ်ဆီးအသင်းနှင့်သရေကျခဲ့သည့်ပွဲမှ လူစာရင်းအား သုံးနေရာအပြောင်းအလဲလုပ်ကာ ပွဲထွက်ခဲ့သည်။ လီဗာပူးလ်အသင်းမှာ ဂိုးသွင်းခွင့်အကြိမ်ကြိမ်ရခဲ့သော်လည်း ဆောက်သက်တမ်ဂိုးသမားက လက်စွမ်းပြကာကွယ်ခဲ့သည်။ ဆောက်သက်တမ်အသင်းအတွက် တစ်လုံးတည်းသောအနိုင်ဂိုးကို ၅၃ မိနစ်တွင် နောက်ခံလူ ဒီဂျန်လော့ဗ်ရန်က အဒမ် လာလ်လနာ၏ ဘယ်တောင်ပံမှဖြတ်တင်ဘောအား ခေါင်းတိုက်သွင်းယူပေးခဲ့ခြင်းဖြစ်သည်။

စိန့်ဂျိမ်းစ်ပါ့ခ်တွင်ကစားခဲ့ကြသည့် နယူးကာဆယ်နှင့် ဟားလ်စီးတီးတို့ပွဲစဉ်တွင် နယူးကာဆယ်အသင်းက နှစ်ကြိမ်တိုင်တိုင်ဦးဆောင်နိုင်ခဲ့သော်လည်း ဧည့်သည် ဟားလ်စီးတီးအသင်း၏ ချေပဂိုးများနှင့် အနိုင်ဂိုးများကိုခွင့်ပြုခဲ့ရသည်။ ပွဲအစ ၁၀ မိနစ်တွင် လိုအစ်ရမ်မီက နယူးကာဆယ်အတွက်ဦးဆောင်ဂိုးသွင်းယူပေးခဲ့သော်လည်း ၂၆ မိနစ်တွင် ရော်ဘီ ဘရဒ်ဒီက ချေပဂိုးသွင်းယူခဲ့သည်။ ၄၄ မိနစ်တွင် ရမ်မီကပင် ဒုတိယဦးဆောင်ဂိုးသွင်းယူပေးခဲ့ပြီး ဟားလ်စီးတီးအသင်းမှ အလ် မိုဟာမက်ဒီက ချေပဂိုးသွင်းယူခဲ့ကာ ၇၆ မိနစ်တွင် ဆုန် အလူကိုက ဟားလ်စီးတီးအသင်းအတွက် အဖိုးတန်အနိုင်ဂိုးကို သွင်းယူးပေးခဲ့သည်။

ပရီးမီးယားလိဂ်အောက်ဆုံးနှစ်သင်းဖြစ်ကြသည့် ၀က်စ်ဘရွန်းအသင်းနှင့် ဆန်ဒါလန်းအသင်းတို့ကစားခဲ့သောပွဲတွင် ၀က်စ်ဘရွန်းက ၃ ဂိုးပြတ်ဖြင့်အနိုင်ရရှိခဲ့သည်။ ၀က်စ်ဘရွန်းအသင်းအတွက်ဂိုးများကို ပထမပိုင်း မိနစ် ၂၀တွင် စတီဖိန်း ဆက်ဆဂ်နန်၊ ၇၆ မိနစ်တွင် လီယမ် ရစ်ဂ်ျဝဲလ်နှင့် ဒုတိယပိုင်းနာကျင်အချိန်ပိုတွင် မော်ဂန် အာမလ်ဖီတာနိုတို့က အသီးသီးသွင်းယူပေးခဲ့သည်။

အခြားပွဲစဉ်တစ်ခုဖြစ်သည့် နော့ဝစ်ခ်ျအသင်းနှင့် အက်စတွန်ဗီလာတို့ပွဲတွင် လေဘာကိုဇက်၏ မိနစ် ၃၀ သွင်းဂိုးဖြင့် အက်စတွန်ဗီလာအသင်းက အနိုင်ရရှိခဲ့သည်။

——————————————–

မန်စီးတီးနှင့်ပွဲမှာ ချန်ပီယံဆုအတွက်အဆုံးအဖြတ်ဖြစ်လာမည်ဟု ဗန်ပါစီပြော

စက်တင်ဘာလပင်ရှိသေးသော်လည်း ယနေ့ယှဉ်ပြိုင်ကစားမည့် မန်စီးတီး အသင်းနှင့် ပွဲက ချန်ပီယံဘွဲ့အတွက်အဆုံးအဖြတ်ဖြစ်လိမ့်မည်ဟု မန်ယူအသင်းတိုက်စ်မှူး ဗန်ပါစီက ပြောကြားလိုက်သည်။

ဗန်ပါစီမှာပြီးခဲ့သည်နှစ် အီတီဟတ်တွင်ကစားခဲ့သည့် မန်စီးတီးအသင်းနှင့် ပွဲစဉ်တွင် ပွဲပြီးကာနီးနာကျင် အချိန်ပို၌ မန်ယူအတွက် အနိုင်ဂိုးသွင်းယူပေးခဲ့သူဖြစ်ပြီး ထိုပွဲအနိုင်ကြောင့် မန်ယူအသင်းမှာ ဇယားထိပ်ဆုံးသို့ရောက်ရှိခဲ့ကာ ပြန်မဆင်းရတော့ဘဲ ရာသီအကုန်တွင် ချန်ပီယံဖြစ်ခဲ့သည်။

“ဒီပွဲဟာသိပ်ကိုအရေးကြီးတယ်ဆိုတာ ကျွန်တော်သိပါတယ်။ ကျွန်တော့်တစ်ကိုတည်းဆန္ဒအရ ဘယ်တော့မှ အရှုံးကိုမတွေးပါဘူး။ ဒါပေမယ့် နှစ်သင်းစလုံးအတွက်က ထိပ်ဆုံးနေရာရောက်ဖို့ အရေးကြီးပါတယ်။ ဒီပွဲမှာရှုံးတဲ့သူဟာ ငါးပွဲမှာ ၅ မှတ်ဒါမှမဟုတ် ၆ မှတ်ဆုံးရှုံးရတဲ့သူဖြစ်လာမှာပါ။ ဒါဟာ သိပ်များတဲ့အမှတ်တွေပါ။ ဒါကိုကျွန်တော်တို့မလိုချင်ပါဘူး” ဟု ဗန်ပါစီကပြောကြားခဲ့သည်။
Daily Mail

———————————————-

လာမည့် ဇန်န၀ါရီ အပြောင်းအရွှေ့တွင် တိုက်စစ်မှူး တစ်ဦးအား ခေါ်ယူပေးရန် ချယ်ဆီးအသင်းအား မော်ရင်ဟိုတောင်းဆို

နွေရာသီအပြောင်းအရွှေ့တွင် တိုက်စစ်မှူးတစ်ဦးခေါ်ယူရန်ကြိုးပမ်းမှု မအောင်မမြင်ဖြစ်ခဲ့မှုကြောင့် ချယ်ဆီအသင်း၏ နည်းပြဖြစ်သူမော်ရင်ဟိုက လာမည့်ဇန်န၀ါရီ အပြောင်းအရွှေ့တွင် တိုက်စစ်မှူးတစ်ဦးခေါ်ယူပေးရန် အသင်းသို့တောင်းဆိုလိုက်သည်။

မော်ရင်ဟိုမှာ အသင်းတွင်ရှိနေသည့် တိုက်စစ်မှူးများဖြစ်ကြသည့် ဖာနန်ဒိုတောရက်စ်၊ ဆင်မြူယဲလ် အီတိုးနှင့် ဒမ်ဘာဘားတို့မှာ ပရီးမီးယားလိဂ်နှင့် ချန်ပီယံလိဂ်သို့ ၀င်ရောက် ယှဉ်ပြိုင်နေရသည့် အသင်း တိုက်စစ်အတွက် လုံလောက်မှု မရှိဟု ယုံကြည်နေပြီး အသင်းလူငယ်တိုက်စစ်မှူး လူကာကူကိုလည်း အဲဗာတန်အသင်းသို့ အငှားချခဲ့သည်။

…………………………………………..
ATP Moselle Open တင်းနစ်ပြိုင်ပွဲ ဖိုင်နယ်သို့သို့ ဆွန်ဂါတက်ရောက်

ပြင်သစ်နိုင်ငံတွင် ကျင်းပနေသည့် ATP Moselle Open တင်းနစ်ပြိုင်ပွဲဆီးမီးဖိုင်နယ်တွင် ပြင်သစ်တင်းနစ်သမား ဂျို ၀ီလ်ဖရိုက် ဆွန်ဂါမှာ ဂျာမနီတင်းနစ်သမားကို အနိုင်ရရှိခဲ့ကာ နောက်ဆုံးဗိုလ်လုပွဲသို့ တက်ရောက်သွားပြီဟုသိရသည်။

ATP Moselle Open တင်းနစ်ပြိုင်ပွဲတွင် ချန်ပီယံနှစ်ကြိမ်ဖြစ်ထားသည့် ဆွန်ဂါမှာ နိုင်ခြေအဆင့် ၂ ရှိ ဂျာမနီတင်းနစ်သမား ဖလော်ရီယန်မေယားအား အကြိတ်အနယ် ကစားကာ ၄-၆၊ ၆-၂၊ ၆-၃ ဖြင့်အနိုင်ရရှိခဲ့သည်။ ဆွန်ဂါမှာ ၀င်ဘယ်လ်ဒန် တင်းနစ်ပြိုင်ပွဲတွင် ဒူးဒဏ်ရာ ခံစားခဲ့ရပြီးနောက် ပထမဦးဆုံးယှဉ်ပြိုင်သည့်ပွဲတွင် ဖိုင်နယ်သို့တက်ရောက်နိုင်ခဲ့ခြင်းလည်းဖြစ်သည်။

အခြားဆီးမီးဖိုင်နယ်ပွဲစဉ်တွင် ပြင်သစ်တင်းနစ်သမား ဂီလက်စ်စီမွန်က နီကိုလက်စ်မာဟုအား ၆-၃၊ ၇-၆ ဖြင့်အနိုင်ရရှိခဲ့သည်။

ATP Moselle Open တင်းနစ်ပြိုင်ပွဲဗိုလ်လုပွဲကို ဒီကနေ့တွင် ကျင်းပပြုလုပ်မည်ဖြစ်ပြီး ဆွန်ဂါနှင့် စီမွန်တို့ ယှဉ်ပြိုက်ကစားရမည်ဖြစ်သည်။
………………………………………..
ဂွမ်ဇူအိုးပင်း အမျိုးသမီးတင်းနစ်ပြိုင်ပွဲတွင် ဇန်ရွှေ ဗိုလ်စွဲ

တရုတ်နိုင်ငံတွင်ကျင်းပပြုလုပ်သည့် ဂွမ်ဇူအိုးပင်းအမျိုးသမီးတင်းနစ်ပြိုင်ပွဲနောက်ဆုံးဗိုလ်လုပွဲကို ယမန်နေ့ကကျင်းပခဲ့ရာ တရုတ်တင်းနစ်မယ် ဇန်ရွှေက ဗိုလ်စွဲခဲ့သည်ဟု သိရသည်။

ဇန်ရွှေမှာ မိမိပရိတ်သတ်ရှေ့တွင် အမေရိကန်-ထိုင်ဝမ် တင်းနစ်မယ် ဗာနီယာကင်းအား ၇-၆၊ ၆-၁ ဖြင့် အနိုင်ရရှိခဲ့သည်။ ကမ္ဘာ့အဆင့် ၁၁၂ရှိ ဇန်ရွှေမှာ ၂၀၀၅ ခုနှစ် ဇီယန်နောက်ပိုင်း ဂွမ်ဇူအိုးပင်းတွင် ပထမဦးဆုံးအကြိမ်ပြန်လည်ဗိုလ်စွဲနိုင်ခဲ့သည့် တရုတ်တင်းနစ်မယ်ဖြစ်လာခဲ့သည်။

…………………………
ဂျပန်အိုးပင်းကြက်တောင်ရိုက်ပြိုင်ပွဲတွင် လီချုံဝေဗိုလ်စွဲ

ယနေ့ကျင်းပပြုလုပ်ခဲ့သည့် ဂျပန်အိုးပင်းကြက်တောင်ရိုက်ပြိုင်ပွဲ နောက်ဆုံးဗိုလ်လုပွဲတွင် ကမ္ဘာ့နံပါတ်တစ် မလေးရှားကြက်တောင်သမား လီချုံဝေက ဂျပန်ကြက်တောင်သမား ကီနီချီတာဂိုအား ၂၃-၂၁၊ ၂၁-၁၇ ဖြင့်အနိုင်ရရှိခဲ့သည်။ လီချုံဝေ၏နည်းပြဖြစ်သူ ရရှစ် ဆီဒက်မှာ ကြာသာပတေးနေ့က နှုတ်ထွက်စာတင်ကာ နှုတ်ထွက်သွားခဲ့သောကြောင့် လီချုံဝေမှာ နည်းပြမရှိဘဲ ယှဉ်ပြိုင်ခဲ့ရခြင်းဖြစ်သည်။

ဂျပန်းအိုးပင်းအား လေးကြိမ်မြောက်ဗိုလ်စွဲကာ စံချိန်သစ်တင်နိုင်ခဲ့သည့် လီချုံဝေက “တာဂိုဟာ အိမ်ကွင်းမှာ ကစားပုံကောင်းခဲ့ပါတယ်။ ဒါပေမယ့် ကျွန်နော်သူ့ကိုနိုင်အောင် ပြင်ဆင်နိုင်ခဲ့ပြီး ဂျပန်အိုးပင်မှာ စံချိန်သစ်တင်နိုင်ခဲ့ပါတယ်” ဟု ပွဲအပြီးတွင် ပြောကြားခဲ့သည်။

စက်တင်ဘာ ၂၁၊ ၂၀၁၃
M-Media

ရီးယဲလ်တွင် ဆက်ရှိနေသည့် အကြောင်းအရင်းအား ထုတ်ဖော်သည့် ဒီမာရီယာ

ရီးယဲအသင်း၏ ကွင်းလယ်လူ ဒီမာရီယာက အသင်းတွင်ပါဝင်ခွင့်ရမည်ဟု အသင်းနည်းပြ အန်ဆယ်လော့တီထံမှ သိရပြီးနောက် အသင်းတွင် ဆက်လက်ရှိနေရန် ဆုံးဖြတ်ခဲ့ခြင်းဖြစ်သည်ဟု ထုတ်ဖော်ပြောကြား လိုက်သည်။ သူ၏အနာဂတ်နှင့်ပက်သက်ပြီး အာဂျင်တီးနား အသင်းဖော် ပီအက်စ်ဂျီတိုက်စစ်မှူး လာဗက်ဇ်ဇီ၊ ရီးယဲလ်နည်းပြ အန်ဆယ်လော့တီတို့နှင့် ဆွေးနွေးပြီးနောက် ဆုံးဖြတ်ခဲ့ခြင်းဖြစ်သည်ဟု ထည့်သွင်း ပြောကြားခဲ့သည်။
ပြီးခဲ့သည့်နွေရာသီအစောပိုင်းက အသင်းမှ ထွက်ခွာမည်ဟု ပြောဆိုထားသော်လည်း အသင်းတွင်ဆက်ရှိနေခဲ့သည့် ဒီမာရီယာက “ကစားသမားအသစ်တွေ အသင်းကို ရောက်ရှိလာပေမယ့်လည်း အသင်းမှာ ကျွန်တော် ဆက်နေဖို့ ဆုံးဖြတ်ခဲ့ပါတယ်။ ကောင်းမွန်တဲ့ အချိန်ကာလတွေကိုကို ဖြတ်သန်းခဲ့ပြီး ဒီမှာဆက်ကစားဖို့ အရည်အချင်းတွေ ရှိနေတယ်ဆိုတာ ကျွန်တော်သိခဲ့ပါတယ်” ဟု Rock and Pop ရေဒီယိုသို့ပြောကြားခဲ့သည်။
goal
_______________________

မန်စီးတီးအသင်းမှာ မန်ယူအသင်းထက် စိတ်ဓာတ်ပိုမိုကြံ့ခိုင်သည်ဟု ပယ်လီဂရီနီဆို

မန်ချက်စတာစီးတီးအသင်း၏နည်းပြဖြစ်သူ ပယ်လီရီနီက သူ၏ အသင်းသားများမှာ မန်ယူအသင်းသားများထက် စိတ်ဓါတ်ပိုင်းဆိုင်ရာတွင် ပိုမိုကြံ့ခိုင်သည်ဟု ပြောဆိုလိုက်သည်။ မန်စီးတီးအသင်းမှာ တနင်္ဂနွေနေ့တွင် အိမ်ကွင်း၌ မန်ယူအသင်အားဧည့်ခံကစားရမည်ဖြစ်သည်။ ယမန်နှစ်က ချန်ပီယံဘွဲ့ကိုမကာကွယ်နိုင်ခဲ့ဘဲ ချန်ပီယံမန်ယူထက် ၁၁-မှတ် ကွာဟခဲ့ပြီးစိတ်ဓာတ်ပိုင်းဆိုင်ရာအား မေးခွန်းထုတ်စရာဖြစ်ခဲ့သော်လည်း ၎င်းအသင်းသို့ရောက်ရှိစဉ်ကတည်းက အသင်း၏ စိတ်ဓာတ်ပိုင်းကို ပြင်ဆင်ခဲ့ပြီး ထိုရလာဒ်အား လာမည့်တနင်္ဂနွေနေ့ပွဲတွင်ပြသည်မည်ဟု ပယ်လီဂရီနီက ဆိုသည်။ “အတိမှာဘာတွေဖြစ်ခဲ့တယ်ဆိုတာ ကျွန်တော်မသိပါဘူး။ ဒါပေမယ့် အခုအချိန်ကျွန်တော်တို့မှာရှိတဲ့စိတ်ဓါတ်ခွန်အားဟာ သိပ်ကောင်းနေပါတယ်။ မန်ယူထက်ကိုပိုကောင်းနေတာပါ” ဟု သူက ပြောကြားခဲ့သည်။
mirror
______________________

 

ချယ်ဆီးတွင် ဘာပြဿနာမှမရှိဟု မော်ရင်ဟိုဆို

ချန်ပီယံလိဂ်အဖွင့်ပွဲ အိမ်ကွင်းတွင်ရှုံးနိမ့်ခဲ့သော်လည်း ချယ်ဆီး၏ကစားပုံအား စိုးရိမ်ပူပန်ခြင်းမရှိသည့် မော်ရင်ဟိုက ချယ်ဆီးအသင်းတွင် ဘာပြဿနာမှမရှိဟု
ပြောဆိုလိုက်သည်။ ချယ်ဆီးအသင်းမှာ ပြီးခဲ့သည့် သီတင်းပတ်က အဲဗာတန်အသင်း နှင့် ပရီးမီးယားလိဂ်ပွဲစဉ်တွင်လည်းရှုံးနိမ့်ခဲ့ပြီး  တစ်ပါတ်အတွင်း နှစ်ပွဲဆက်ရှုံးနိမ့်ခဲ့ခြင်းဖြစ်ကာ ဝေဖန်မှုများနှင့်ရင်ဆိုင်နေရသော်လည်း ယခုကဲ့သို့ပြောဆိုလိုက်ခြင်းဖြစ်သည်။  “ဝေဖန်တယ်ဆိုတာကတော့ ပုံမှန်ပါပဲ။ ကျွန်တော် ဘောလုံးလောကမှာ ကာလကြာရှည်စွာကျင်လည်ခဲ့ပြီး ဝေဖန်တယ်ဆိုတာ အံ့သြစရာ မဟုတ်ဘူးလို့ ကျွန်တော်သိပါတယ်။ ဝေဖန်မှုတွေ၊ ထင်မြင်ချက်တွေရှိမှာပါ။
ကျွန်တော်မအံ့သြသလို စိုးလည်းမစိုးရိမ်ပါဘူး” ဟု မော်ရင်ဟိုကပြောကြားခဲ့သည်။
goal
______________________

ကိုရီးယားအိုးပင်းတင်းနစ်ပြိုင်ပွဲ နောက်ဆုံးဗိုလ်လုပွဲသို့ ရဒ်ဝန်စကာ တက်ရောက်

ကျင်းပလျက်ရှိသည့် ကိုရီးယားအိုးပင်းအမျိုးသမီးတင်းနစ်ပြိုင်ပွဲ ဆီမီးဖိုင်နယ်ပွဲစဉ်တွင် နိုင်ခြေအဆင့် ၁ ရ ပိုလန်တင်းနစ်မယ် ရဒ်ဝန်စကာမှာ စပိန်တင်းနစ်မယ် လာရာ အာရူအာဘာယူနာအား အနိုင်ရရှိခဲ့ကာ နောက်ဆုံးဗိုလ်လုပွဲသို့တက်ရောက်သွားပြီဟုသိရသည်။
၆၄-မိနစ်သာကြာမြင့်ခဲ့သည့် အဆိုပါပွဲစဉ်တွင် ရဒ်ဝန်စကာမှာ အာရူအာဘာယူနာအား သက်တောင့်သက်သာကစားပြီး ၆-၀၊ ၆-၂ ဖြင့် အနိုင်ရရှိခဲ့ခြင်းဖြစ်သည်။ “ဒါဟာ တကယ့်ကိုကောင်းတဲ့ပွဲပါပဲ။ ကျွန်မ ကောင်းကောင်းကစားနိုင်ခဲ့ပါတယ်။ အပြင်မှာအရမ်းပူပါတယ်။ ဒါပေမယ့် ကျွန်မ ရာနှုန်းပြည့်ကစားနိုင်ခဲ့ပါတယ်။ ဒါကြောင့်လည်း ပွဲက မြန်မြန်ပြီးသွားခဲ့တာပါ”ဟု ယခုနှစ်အတွင်း တင်းနစ်ပြိုင်ပွဲများအတွင်း ဗိုလ်လုပွဲသို့ လေးကြိမ်မြောက် တက်ရောက်နိုင်ခဲ့သည့် ရဒ်ဝန်စကာက ပွဲအပြီးတွင် ပြောကြားခဲ့သည်။

ကိုရီးယားအိုးပင်းတင်းနစ်ပြိုင်ပွဲဗိုလ်လုပွဲကို မနက်ဖြန်တွင်ကျင်းပမည်ဖြစ်ပြီး ရဒ်ဝန်စကာနှင့် ပက်ဗဘလူချင်ကိုဗာတို့ ယှဉ်ပြိုင်ရမည်ဖြစ်သည်။
skysports

________________________

စက်တင်ဘာ ၁၈၊ ၂၀၁၃
M-Media

ချယ်ဆီးတွင်နေရာရရှိရန် တိုက်ပွဲဝင်သွားမည်ဟု ဘားဆို

ချယ်ဆီးအသင်းသို့အငှားစာချုပ်ဖြင့်ပြောင်းရွှေ့လာခဲ့သည့် တိုက်စစ်မှူးသစ် ဒမ်ဘာဘားက အသင်းတွင် နေရာရရှိရန် တိုက်စစ်မှူးများဖြစ်ကြသည့် ဆင်မြူရယ် အီတူးနှင့် ဖာနန်ဒိုတောရက်စ်တို့ဖြင့် ယှဉ်ပြိုင်သွားမည်ဟု ထုတ်ဖော်ပြောကြားလိုက်သည်။ ချယ်ဆီးသို့ အလွတ်ပြောင်းရွှေ့ကြေးဖြင့်ရောက်ရှိလာသည့် အီတူးနှင့် တောရက်စ်တို့အကြားတွင် နေရရှိရန်ခက်ခဲနေသော်လည်း ဘားက “ကျွန်တော်အသင်းမှာဆက်ရှိနေရင် နေရာရဖို့အတွက်တိုက်ပွဲဝင်သွားမယ်လို့ နည်းပြကို ပြောခဲ့ပါ တယ်။ အခုကျွန်တော် ချယ်ဆီးမှာဆက်ရှိနေပါတယ်။ ကျွန်တော်ဟာဖရော်ဖက်ရှင်နယ်ကစားသမားကောင်းဖြစ်ပြီး အမြဲတမ်း အလုပ်ကိုလည်း ကြိုးစားလုပ်ပါတယ်။ ကျွန်တော်ဒီအတိုင်းပဲ ဆက်လက်လက်ဆောင်သွားမှာပါ။ ပွဲတွေကစားချင်ပါတယ်။ ဒါတွေက ကျွန်တော်နဲ့ အသင်းမှာကျနော်ဘယ်လောက် စွမ်းဆောင်လဲဆိုတဲ့ အပေါ်မှာ မူတည်ပါတယ်။ တကယ်လို့အသင်းမှာ မပါရဘူးဆိုရင် အဲဒါ ကျွန်တော့အပြစ်ပဲဖြစ်မှာပါ” ဟု ပြောကြားခဲ့သည်။
goal
__________________

အေဂျက်နှင့်ပွဲတွင်မက်ဆီပါဝင်နိုင်မည်ဟု မာတီနိုဆို

ဘာစီလိုနာနည်းပြ မာတီနိုက အသင်းတိုက်စစ်မှူးမက်ဆီမှာ ဒဏ်ရာမှသက်သာကာ ကြံ့ခိုင်မှုအပြည့်အ၀ ရနေပြီး ယနေ့ညတွင်ကစားမည့် အေဂျက်အသင်းနှင့် ချန်ပီယံလိဂ်ပွဲစဉ်တွင် ပါဝင်နိုင်မည်ဟု ပြောဆိုလိုက်သည်။ မက်ဆီမှာ အက်သလက်တီကိုနှင့်ကစားခဲ့သည့် စပိန်စူပါဖလားပွဲစဉ်တွင် တံကောက်ကြော ဒဏ်ရာရရှိခဲ့ပြီး အနားယူနေရခဲ့ရသည်။ “မက်ဆီဟာ ဒီရာသီမှာ ခုအချိန်အထိ သင်းအတွက် အနည်းငယ်သာ ပါဝင်ခွင့်ရတဲ့ကစားသမားတစ်ဦးပါ။ မာလာဂါနဲ့ပွဲမှာမပါနိုင်ခဲ့သလို၊ အက်သလက်တီကိုနဲ့ စပိန်စူပါဖလားပထမအကျော့မှာလည်း ၄၅ မိနစ်ပဲ ပါဝင်ကစားနိုင်ခဲ့ပါတယ်။ အာဂျင်တီးနားနဲ့လည်း တစ်ပွဲပဲကစားခဲ့ပြီး အခုသူဟာ ကြံ့ခိုင်နေပါပြီ။ အက်သလက်တီကိုနဲ့ပွဲမှာရခဲ့တဲ့ တံကောက်ကြောဒဏ်ရာကနေ အခုသက်သာလာပါပြီး ဆက်လက်ကစားနိုင်မယ်လို့ကျွန်တော်တို့ထင်ပါတယ်”
ဟု မာတီနိုက သတင်းစာရှင်းလင်းပွဲတွင် ထည့်သွင်းပြောကြားခဲ့သည်။
goal
______________________
ချန်ပီယံလိဂ်တွင်အာရုံစိုက်ရန် အသင်းဖော်များအား ဟဇားဒ်တိုက်တွန်း

ချယ်ဆီးအသင်းကွင်းလယ်လူ အေဒင် ဟဇားဒ်က အဲဗာတန်အသင်းအားရှုံးနိမ့်ခဲ့မှုအား ချန်ရစ်ကာ ဘေဆယ်နှင့်တွေ့ဆုံမည့် ချန်ပီယံလိဂ်ပွဲကို အာရုံစိုက်ရန် အသင်းဖော်များအား တိုက်တွန်းပြောဆိုလိုက်သည်။ စနေနေ့က ဂွဒ်ဒီဆင်ပါ့ခ်တွင်ကစားခဲ့သည့်ပွဲတွင် အခွင့်အရေးများစွာရရှိခဲ့သော်လည်းရှုံးနိမ့်ခဲ့သောကြောင့်
ဟဇားဒ်က “(ချန်ပီယံလိဂ်ပွဲကို) ကျွန်တော်တို့နိုင်ဖို့လိုပါတယ်။ ဘာ့ကြောင့်လဲဆိုတော့ ချယ်ဆီးအသင်းဟာ အသင်းကြီးတစ်သင်းပါ။ တကယ်လို့ကျွန်တော်တို့ နှစ်ပွဲဆက်ရှုံးနိမ့်ခဲ့မယ်ဆိုရင် ကျွန်တော်တို့အတွက်တော်တော်ဆိုးရွားမှာပါ။ အဲဗာတန်နဲ့ပွဲပထမပိုင်းမှာ ကျွန်တော်တို့ဂိုးရခဲ့ရင် ရလဒ်က တစ်မျိုးဖြစ်သွား မှာပါ။ (ချပီယံလိဂ်မှာ) ဘေဆယ်ကိုအနိုင်ရဖို့ လေ့ကျင့်ရေးအစီအစဉ်မှာ ကြိုးကြိုးစားစားလုပ်ဖို့လိုပါတယ်” ဟု သတင်းထောက်များအား ပြောကြားခဲ့သည်။
goal
____________________
ဖယ်လ်ကာအိုအား လူကပ်ရလွယ်သည်ဟု ကုန်းဆို

ပြင်သစ်လိဂ်ဝမ်းကလပ် လော်ရီယန့်အသင်း၏နောက်ခံလူ လမိုင်းကုန်းက မိုနာကိုအသင်း တိုက်စစ်မှူး ဖယ်လ်ကာအိုမှာ လူကပ်ကစားရလွယ်သည်ဟု ပြောဆို လိုက်သည်။ တနင်္ဂနွေနေ့ကစားခဲ့သည့် မိုနာကိုအသင်းနှင့် လော်ရီယန့်အသင်းတို့ကစားခဲ့သောပွဲစဉ်တွင် မိုနာကိုက ဖယ်လ်ကာအို၏ ပင်နယ်တီသွင်းဂိုးဖြင့် အနိုင်ရရှိခဲ့သည်။ ဖယ်လ်ကာအိုမှာ အီဗရာဟီမိုဗစ်နှင့် ဂိုးမစ်လောက် လူကပ်ရမခက်ဟု ပြောဆိုခဲ့သည့် ကုးန်က “သူ(ဖယ်လ်ကာအို)ဟာ ကျွန်တော် လူကပ် ကစားခဲ့တဲ့ တိုက်စစ်မှူးတွေမှာ အခက်ခဲဆုံးလား။ မဟုတ်ပါဘူး။ လိဂ်ဝမ်းမှာ လူကပ်ကစားရ ပိုခက်တဲ့ကစားသမားတွေရှိပါတယ်။ ဥပမာ အီဗရာဟီမိုဗစ်လိုပေါ့. သိပ်ကို
ခက်တဲ့ကစားသမားပါ။ ဘဖီ ဂိုမစ်၊ ပြီးတော့ (စိန့်အက်တီယန်တိုက်စစ်မှူး) ဘရန်ဒိုလို ကစားသမားမျိုးတွေဟာလည်း လူကပ်ဖို့ခက်ပါတယ်။ သူတို့ဟာ ပါဝါရှိတယ်၊ ပြီးတော့ ဂိုးသွင်းဖို့လည်း သန်မာကြတယ်။ သူတို့ဆီကဘောလုံးပျက်သွားအောင်လုပ်ဖို့ မလွယ်ပါဘူး” ဟု France Football သို့ ပြောကြားခဲ့သည်။ ဖယ်လ်ကာအိုမှာ မိုနာကိုအသင်းနှင့် ပြင်သစ်လိဂ်ပြိုင်ပွဲတွင် ၅ ပွဲကစားခဲ့ပြီး လေးဂိုးသွင်းယူပေးထားနိုင်သည်။
goal
_______________________

ချန်ပီယံလိဂ်နိုင်ပွဲအတွက် အသင်းသားများအား ဂွာဒီယိုလာချီးကျူး

ဘိုင်ယံမြူးနစ်အသင်း၏နည်းပြဖြစ်သူ ပက်ပ် ဂွာဒီယိုလာက စီအက်စ်ကေအေမော်စကိုအသင်းအား အနိုင်ရရှိခဲ့သည့်ပွဲစဉ်တွင် အသင်းသားများ၏ စွမ်းဆောင်ရည်အား ချီးကျူးပြောဆိုလိုက်သည်။ ဘိုင်ယန်မှာ ယမန်နေ့ကကစားခဲ့သည့် အဆိုပါပွဲစဉ်တွင် အယ်လ်ဘာ၊ မန်ဇူကစ်၊ ရော်ဘင်တို့၏သွင်းဂိုးများဖြင့်  အနိုင်ရရှိခဲ့ပြီး၊ ထိုပွဲအနိုင် ရလဒ်ကြောင့် ချီးကျူးမှုကို ခံထိုက်သူများမှာ အသင်းသားများဖြစ်ကြပြီး ၎င်းကိုယ်တိုင်မဟုတ်ဟု ဂွာဒီယိုလာကဆိုသည်။ “ကစားခဲ့တဲ့ပုံစံက ဘိုင်ယန်အသင်းရဲ့ ကစားပုံဖြစ်ပြီး ကျွန်တော့်ရဲ့ပုံစံမဟုတ်ပါဘူး။ အသင်းကစားသမားအသစ်တွေကို အားပေးဖို့ကျွန်တော်ဒီမှာရှိနေတာဖြစ်ပြီး သူတို့အတွက် ကျွန်တော်ဂုဏ်ယူမိပါတယ်။ ချန်ပီယံလိဂ်ဖလားရပြီးနောက်ပိုင်း ပထမဆုံးကစားတဲ့ပွဲဟာ မလွယ်ပါဘူး။ လူတိုင်းကဒါကိုလွယ်တယ်လို့ထင်ကြပါတယ်။ ဒါပေမယ့်မလွယ်ပါဘူး။ ဒါပေမယ့်
အသင်းရဲ့စွမ်းဆောင်ရည်ကိုကျွန်တော်ကျေနပ်ပါတယ်။ အထူးသဖြင့်ပထမပိုင်းကစားပုံပေါ့။ သိပ်ကိုကျေနပ်စရာကောင်းပါတယ်” ဟု ချန်ပီယံလိဂ်ပွဲအပြီးတွင် သတင်းထောက်များအား ပြောကြားခဲ့သည်။
goal
_____________________

မန်ယူအတွက် ရွန်းနီ ဂိုး ၂၀၀ ပြည့်သွင်း၊ ရော်နယ်ဒို ဟက်ထရစ်ရသွားတဲ့ အသင်းကြီးများ အနိုင်ရရှိခဲ့ကြသည့် ချန်ပီယံလိဂ်အုပ်စုအဖွင့် အင်္ဂါနေ့ညပွဲစဉ်များ

ချန်ပီယံလိဂ်အုပ်စုအဖွင့်ပွဲစဉ်များကို အုပ်စုလေးခုမှ အသင်းများ ယနေ့နံနက်ကယှဉ်ပြိုင်ကစားခဲ့ရာ အသင်းကြီးအားလုံးနီးပါးအနိုင်ရရှိခဲ့ကြသည်။

အုပ်စု A

မန်ချက်စတာယူနိုက်တက် ၄-၂ လေဗာကူဆင်
ရီးယဲလ်ဆိုဒီဒက် ၀-၂ ရှက်တာဒိုးနက်

အိုးထရက်ဖို့ဒ်တွင်ကစားခဲ့ကြသည့် မန်ယူနှင့်လေဗာကူဆင်တို့ပွဲတွင် ဗန်ပါစီ၊ ရူနီတို့၏သွင်းဂိုးများဖြင့် မန်ယူအသင်းက အနိုင်ရရှိခဲ့သည်။ ၄ ဂိုး ၂ ဂိုးဖြင့် မန်ယူကအနိုင်ရရှိခဲ့သောအဆိုပါပွဲတွင် ရူနီက ၂၂ မိနစ်ဦးဆောင်ဂိုးသွင်းယူခဲ့ပြီး လေဗာကူဆင်က ရိုလ်ဖက်စ်က ၅၄ မိနစ်တွင်ချေဂိုးသွင်းယူပေးခဲ့သည်။ လေဗာကူဆင်အသင်းမှာ မန်ယူအသင်းအားအပြန်အလှန်ကစားနိုင်ခဲ့ပြီး မန်ယူဂိုးပေါက်ကိုခြိမ်းခြောက်နိုင်ခဲ့သော်လည်း အဆုံးသတ်ပိုင်းအားနည်းမှုကြောင့် ရှုံးနိမ့်ခဲ့ရခြင်းဖြစ်သည်။ မန်ယူအသင်းအတွက်အနိုင်ဂိုးများကို ၅၉၊ ၇၀၊ ၇၉ မိနစ်တို့တွင် ဗန်ပါစီ ရူနီနှင့် ဗလင်စီယာတို့ကအသီးအသီးသွင်းယူပေးခဲ့ကြပြီး လေဗာကူဆင်အတွက် ဒုတိယချေဂိုးကို ၈၈ မိနစ်တွင် အိုမာတော့ပ်ရက်က သွင်းယူပေးခဲ့ခြင်းဖြစ်သည်။ ယခုပွဲအနိုင်ရရှိမှုကြောင့် မန်ယူနည်းပြဒေးဗစ်မိုယက်စ်မှာ မျက်နှာပန်းလှခဲ့ပြီး ရူနီမှာလည်း မန်ယူအတွက်သူ၏ ၁၉၉ မြောက်နှင့် ၂၀၀ မြောက်ဂိုးကိုသွင်းယူပေးနိုင်ခဲ့သည်။

စပိန်တွင်ကစားခဲ့ကြသည့် ရှက်တာဒိုးနက်နှင့် ရီးယဲလ်ဆိုဆီဒက်တို့ပွဲစဉ်တွင် ရှက်တာဒိုးနက်က အိမ်ရှင်အား အဲလက်တက်စီရာ၏ ၆၅ မိနစ်နှင့် ၈၇ မိနစ်သွင်းဂိုးဖြင့်အနိုင်ရရှိခဲ့ပြီး ဂိုးကွာခြားချက်ဖြင့် အုပ်စုပထမနေရာတွင်ရှိနေသည်။
………………………………………………….
အုပ်စု B

ဂါလာတာစာရေး ၁-၆ ရီးယဲလ်မက်ဒရစ်
ကိုပင်ဟေဂင် ၁-၁ ဂျူဗင်တပ်စ်

ဂါလာတာစာရေး၏အိမ်ကွင်း အလီဆာမီယန်ကွင်းတွင် ကစားခဲ့ကြသည့် ရီးယဲလ်မက်ဒရစ်အသင်းနှင့် ဂါလာတာစာရေးတို့ ပွဲစဉ်တွင် ရီးယဲလ်မက်ဒရစ်က ၆ ဂိုး ၁ ဂိုးဖြင့် ဂိုးပြတ်အနိုင်ရရှိခဲ့သည်။ ယခုပွဲတွင် ရီးယဲလ်တိုက်စစ်မှူးရော်နယ်ဒို အထူးခြေစွမ်းပြခဲ့ပြီး ဟက်ထရစ်သွင်းယူပေးနိုင်ခဲ့သည်။ ရီးယဲလ်အသင်းအတွက်ဂိုးများကို ၃၃ မိနစ်တွင် အစ္စကို၊ ၅၄ နှင် ၈၁ မိနစ်တို့တွင် ဘန်ဇီမာ၊ ၆၃၊ ၆၆ နှင့် ဒုတိယပိုင်းပြီးကာနီး နာကျင်အချိန်ပိုတွင် ရော်နယ်ဒိုတို့က အသီးအသီးသွင်းယူပေးခဲ့သည်။ ဂါလာတာစာရေးအတွက် နှစ်သိပ့်ဂိုးကို ၈၄ မိနစ်တွင် အူမွတ် ဘူလွတ်က သွင်းယူပေးခဲ့သည်။ ပြိုင်ပွဲမတင်မီက ဂါလာတာစာရေးနည်းပြဖြစ်သူမှာ ရီးယဲလ်အားယှဉ်ကစားနိုင်လိမ့်မည်ဟုပြောဆိုခဲ့သော်လည်း ရီးယဲလ်အသင်းအား အဖက်ဖက်မယှဉ်နိုင်ခဲ့ပေ။

အီတလီထိပ်သီးဂျူဗင်တပ်စ်နှင့် ကိုပင်ဟေဂင်တို့၏ပွဲစဉ်မှာ ၁ ဂိုး စီသရေဖြင့်ပြီးဆုံးခဲ့သည်။ ဦးဆောင်ဂိုးကို ကိုပင်ဟေဂင်မှရရှိခဲ့ပြီး ၁၄ မိနစ်တွင် နီကိုလိုင် ဂျော်ဂန်ဆန်က သွင်းယူပေးခဲ့သည်။ ဂျူဗင်တပ်စ်အသင်းအတွက်ချေပဂိုးကို ၅၄ မိနစ်တွင် ဖေဘီယို ကွာဂလီရယ်လာက သွင်းယူပေးခဲ့သည်။
…………………………………………….
အုပ်စု C

အိုလံပီယာကော့စ် ၁-၄ ပီအက်စ်ဂျီ
ဘင်ဖီကာ ၂-၀ အန်ဒါလက်ခ်ျ

အုပ်စု C ပွဲစဉ်များအဖြစ် အိုလံပီယာကော့စ်နှင့် ပီအက်စ်ဂျီ၊ ဘင်ဖီကာနှင့် အန်ဒါလက်ခ်ျတို့ကစားခဲ့ကြသည်။

ဂရိတွင်ကစားခဲ့ကြသည့် အိုလံပီယာကော့စ်နှင့် ပီအက်စ်ဂျီတို့၏ပွဲတွင် ပီအက်စ်ဂျီက အိမ်ရှင်အသင်းအား ၄ ဂိုး ၁ဂိုးဖြင့် ပြတ်ပြတ်သားသားအနိုင်ရရှိခဲ့သည်။ ဦးဆောင်ဂိုးကို ၁၉ မိနစ်တွင် ပီအက်စ်ဂျီမှ ကာဗာနီက သွင်းယူပေးခဲ့ပြီး ၂၅ မိနစ်တွင် အိုလံပီယာကော့စ်မှ ၀ီစစ်က ပြန်လည်ချေပခဲ့သည်။ သို့သော်လည်း ၆၈နှင့် ၇၃ မိနစ်တို့တွင် သီယာဂိုမော်တာနှင့် ၈၆ မိနစ်တွင် မာကွင်ဟိုတို့က ပီအက်စ်ဂျီအသင်းအတွက် အနိုင်ဂိုးများကို အသီးသီးသွင်းယူပေးခဲ့သည်။ ယခုပွဲတွင် ပီအက်စ်ဂျီအသင်းက ဖိကစားနိုင်ခဲ့ပြီး ဂိုးပေါက်ကန်သွင်းခွင့် ၁၀ ကြိမ်အထိရရှိခဲ့သည်။

ဘင်ဖီကာနှင့် အန်ဒါလက်ခ်ျတို့ပွဲတွင် ဘင်ဖီကာက ပထမပိုင်းသွင်းဂိုးများဖြင့် အန်ဒါလက်ခ်ျအား ၂ ဂိုး ပြတ်ဖြင့်အနိုင်ရရှိခဲ့သည်။ ဘင်ဖီကာအတွက်ဂိုးများကို ပွဲအစ ၄ မိနစ်တွင်
ဂျူရစ်စစ်နှင့် မိနစ် ၃၀ တွင် လူဝီဆာအိုတို့က သွင်းယူပေးခဲ့သည်။
……………………………………….
အုပ်စု D

ဘိုင်ယန်မြူးနစ် ၃-၀ စီအက်စ်ကေအေမော်စကို
ဗစ်တိုးရီးယား ပါဇန် ၀-၃ မန်ချက်စတာစီးတီး

ဘာစီလိုနာနည်းပြဟောင်း ဂွာဒီယိုလာကိုင်တွယ်သည့် ချန်ပီယံလိဂ် လက်ရှိချန်ပီယံ ဘိုင်ယန်မြူးနစ်အသင်းမှာလည်း အိမ်ကွင်းတွင်အောင်ပွဲခံနိုင်ခဲ့ပြီး စီအက်စ်ကေအေမော်စကိုအသင်းအား ၃ ဂိုးပြတ်ဖြင့်အနိုင်ရရှိခဲ့သည်။ ပွဲအစ ၄ မိနစ်မှာပင် ဘိုင်ယန်က အဖွင့်ဂိုးရရှိခဲ့ပြိး ဖရီးကစ်မှတစ်ဆင့် အလ်ဘာက သွင်းယူခဲ့သည်။ ဘိုင်ယန်ကတောက်လျှောက်ဖိကစားခဲ့ပြီး စီအက်စ်ကေအေဂိုးပေါက်သို့အကြိမ်ကြိမ်ခြိမ်းခြောက်နိုင်ခဲ့သည်။ ဘိုင်ယန်အတွက်ဒုတိယဂိုးကို ၄၁ မိနစ်တွင် မန်ဇူကစ်ကသွင်းယူပေးခဲ့ပြီး နောက်ဆုံးပိတ်အနိုင်ဂိုးကို ကွင်းလယ်လူရော်ဘင်က ၆၈ မိနစ်တွင် သွင်းယူပေးခဲ့သည်။

ဗစ်တိုးရီးယား ပါဇန်အသင်းနှင့် မန်စီးတီးတို့ပွဲစဉ်ကို ပါဇန်အသင်း၏အိမ်ကွင်း ဒိုဆန်အရီနာတွင် ကစားခဲ့ကြပြီး ဧည့်သည်မန်စီးတီးအသင်းက ၃ ဂိုး ဂိုးမရှိဖြင့်အနိုင်ရရှိခဲ့သည်။ မန်စီးအသင်းတွင် ဒဏ်ရာရရှိခဲ့သည့် အသင်းခေါင်းဆောင် ကွန်ပနီပြန်လည်ပါဝင်လာခဲ့သည်။ မန်စီးတီးအသင်းအတွက်ဂိုးများမှာ ဒုတိယပိုင်းတွင်ရရှိခဲ့ခြင်းဖြစ်ပြီး ၄၈ မိနစ်တွင် ဇက်ကို၊ ၅၃ မိနစ်တွင် ယာယာတိုးရေးနှင့် ၅၈ မိနစ်တွင် အဂူရိုတို့က သွင်းယူပေးခဲ့ခြင်းဖြစ်သည်။ မန်စီးတီးအသင်းမှာ ပြီးခဲ့သည့် ၂ နှစ်အတွင်း ချန်ပီယံလိဂ်အုပ်စုအဆင့်မှသာ လှည့်ပြန်ခဲ့ရပြီး ယခုနှစ်တွင် အုပ်စုအဆင့်အားဖြတ်ကျော်နိုင်မည်လားဆိုသည်ကိုစောင့်ကြရမည်ဖြစ်သည်။