Category: အာရှ-ပဖိဖိတ်

သြစတေးလျကမ်းခြေတွင် ဂျပန်နိုင်ငံသားတစ်ဦး ငါးမန်းကိုက်သေဆုံး

ဖေဖော်ဝါရီ ၉၊ ၂၀၁၅
M-Media

– သြစတေးလျရှေ့ပိုင်း ကမ်းခြေတစ်ခုတွင် လှိုင်းစီးနေသည့် ဂျပန်နိုင်ငံသားတစ်ဦးမှာ ယမန်နေ့က ငါးမန်းကိုက်ခံရသောကြောင့် ခြေထောက်နှစ်ဖက်စလုံး ဆုံးရှုံးခဲ့ကာ သေဆုံးခဲ့သည်ဟု သိရသည်။

ဘရစ္စဘိန်းမြို့မှ ၁၈၇ ကီလိုမီတာဝေးသော ဘာလီနာမြို့အနီး ကမ္ဘာလှည့်ခရီးသွားများဖြင့် စည်ကားသော ရှဲလီကမ်းခြေတွင် ဖြစ်ပွားခဲ့ခြင်းဖြစ်ပြီး အသက် ၄၁ နှစ်အရွယ် အဆိုပါဂျပန်နိုင်ငံသားမှာ လှိုင်းစီးနေစဉ် ငမန်းကိုက်ခံခဲ့ရပြီး ခြေထောက် နှစ်ဖက်စလုံး ဆုံးရှုံးခဲ့သည်။ ၎င်းအား လှိုင်းစီးနေသည့်အဖွဲ့များက ရှေးဦးသူနာပြုနည်းဖြင့် ကုသခဲ့သော်လည်း သွေးလွန်ကာ အသက်ဆုံးရှုံးခဲ့သည်။

အဆိုပါကမ်းခြေအနီးတွင် စနေနေ့ကလည်း ငါးမန်းကိုက်မှုတစ်ခု ဖြစ်ပွားခဲ့ပြီး အက် ၃၅ နှစ်အရွယ် ဂျာဘက်ဇ်ရိုက်မန်ဆိုသူမှာ ၎င်း၏ လှိုင်းစီးဘုတ်ပြားပေါ်တွင် ထိုင်နေစဉ် ငါးမန်းကိုက်ခံခဲ့ရခြင်းဖြစ်ပြီး ကျောကုန်းနှင့် တင်ပဆုံတို့တွင် ဒဏ်ရာရရှိခဲ့သည်။

“တစ်စုံတစ်ခုက ရေပေါ်ကိုထွက်လာပြီး ကျွန်တော့်ရဲ့တင်ပါးကို ကိုက်ကာ ရေထဲကိုဆွဲသွားပါတယ်။ အဲဒီနောက်မှာ ကျွန်တော်ရေပေါ်ကို ပြန်တက်လာနိုင်ခဲ့ပြီး ကမ်းခြေကိုရောက်ဖို့ ကီလိုမီတာ ၆၀ လောက် ပြန်လှော်ခဲ့ရပါတယ်” ဟု ရိုက်မန်က ပြောကြားခဲ့သည်။

ယမန်နေ့ကဖြစ်ပွားခဲ့သည့် ငါးမန်းကိုက်မှုပြီးနောက် ထိုကမ်းခြေတစ်ဝိုက်ကို တာဝန်ရှိသူများက ပိတ်ပစ်ခဲ့သည်။ ငါးမန်းကိုက်မှုများမှာ သြစတေးလျကမ်းခြေများတွင် မကြာခဏဖြစ်ပွားလေ့ရှိသော ဖြစ်ရပ်ဖြစ်ပြီး ကျွမ်းကျင်သူများကမူ ရေပေါ်ကစားနည်းများ လူကြိုက်များလာသည့်အတွက်ကြောင့် ငါးမန်းများ၏ တိုက်ခိုက်မှုများမှာလည်း မြင့်တက်လာသည်ဟု ပြောကြားခဲ့သည်။

Ref: gulfnews

February 9, 2015
မဲခေါင်မြစ်ဝှမ်း မူးယစ်ဆန့်ကျင် စစ်ဆင်ရေးအတွင်း လူ ၈၀၀ ကျော်ဖမ်းဆီး

ဖေဖော်ဝါရီ ၈၊ ၂၀၁၅
M-Media

– မဲခေါင်မြစ်ဝှမ်းအတွင်း တရုတ်၊ လာအို၊ မြန်မာနှင့် ထိုင်းနိုင်ငံတို့ ပူးပေါင်းကာ ဒုတိယအကြိမ်မြောက်ပြုလုပ်သည့် မူးယစ်ဆန့်ကျင် စစ်ဆင်ရေးများအတွင်း သံသယရှိသူ ၈၄၁ ဦးကို ဖမ်းဆီးရမိခဲ့သည်ဟု သိရသည်။

ဇန်န၀ါရီ ၁၅ ရက်နေ့က ထိုင်းနိုင်ငံပိုင်နက် မဲခေါင်မြစ်ဝှမ်းတွင် ပြုလုပ်ခဲ့ခြင်းဖြစ်ပြီး မူးယစ်ဆေးနှင့် ဆက်စပ်သည့် အမှုပေါင်း ၅၉၀ ကို ဖြိုခွင်းနိုင်ခဲ့ကာ ဘိန်းဖြူ ၇၀.၆ ကီလိုဂရမ်၊ ဘိန်းစိမ်း ၁.၂ ကီလိုဂရမ်၊ စိတ်ကြွဆေးပြား ၄.၁၂ သန်းနှင့် အရည် ၃၇.၅ ကီလိုဂရမ်တို့ကို ဖမ်းဆီးရမိခဲ့သည်။ အဆိုပါ စစ်ဆင်ရေးမှာ လေးနိုင်ငံ ပူးပေါင်းဆောင်ရွက်သည့် ဒုတိယအကြိမ်မြောက် စစ်ဆင်ရေးလည်းဖြစ်သည်။

ထိုစစ်ဆင်ရေးတွင် ဥပဒေစိုးမိုးရေးဝန်ထမ်း ၅၄၈၂ ဦး ပါဝင်ခဲ့ပြီး သင်္ဘောငယ်ပေါင်း ၅၁၂ စီးဖြင့် မဲခေါင်မြစ်အတွင်း ကင်းလှည့်ခဲ့ခြင်းဖြစ်ကာ စစ်ဆင်ရေး ၈၃၉ ခုကို ဆောင်ရွက်ခဲ့သည်။ ၎င်းတို့မှာ မဲခေါင်မြစ်အတွင်း စစ်ဆေးရေးဂိတ်များ
ပြုလုပ်ခြင်း ၊ မူးယစ်ဆေးဝါး ရောင်းဝယ်ဖောက်ကားမှုများ ပြုလုပ်သည်ဟု ယူဆရသော ကျေးရွာများသို့ ၀င်ရောက်ရှာဖွေခြင်း၊ ပတ္တယောင်လှည့်ခြင်း၊ သတင်းအချက်အလက်များ စုဆောင်းခြင်း၊ သံသယရှိသူများအား ဖမ်းဆီးခြင်နှင့် အခြားသော လုပ်ငန်းများကိုလည်း ဆောင်ရွက်ခဲ့သည်။

တရုတ်၊ လာအို၊ မြန်မာနှင့် ထိုင်းတို့မှ ဥပဒေစိုးမိုးရေးအဖွဲ့များမှာ ၎င်းတို့၏ ပူးပေါင်းဆောင်ရွက်မှုနှင့် ရည်မှန်းချက်ကို ချဲ့ထွင်သွားမည်ဖြစ်ပြီး ဥပဒေစိုးမိုးရေးအဖွဲ့များ၏ ပူးပေါင်းလုပ်ဆောင်မှုကိုလည်း အဆင့်တစ်ခုအထိ တိုးမြှင့်သွားမည်ဟု တရုတ်ကွန်မြူနစ်ပါတီမှ တာဝန်ရှိသူတစ်ဦးက ပြောကြားခဲ့သည်။

လေးနိုင်ငံပူးပေါင်းပြုလုပ်သည့် ပထမအကြိမ် စစ်ဆင်ရေးကို တရုတ်နိုင်ငံ ယူနန်ပြည်နယ်တွင် ၂၀၁၃ ခုနှစ် ဧပြီလ ၂၀
ရက်နေ့မှ ဇွန်လ ၂၀ ရက်နေ့အထိ ပြုလုပ်ခဲ့သည်။

Ref: xinhua

February 8, 2015
ထိုင်ဝမ်လေကြောင်းလိုင်း TransAsia လေယာဉ်ပျံသန်းမှုများ ထပ်မံ ဖျက်သိမ်းမည်

ဖေဖော်ဝါရီ ၈၊ ၂၀၁၅
M-Media

– ခရီးသည်တင်လေယာဉ်တစ်စင်း ထိုင်ပေမြစ်ထဲသို့ ထိုးကျခဲ့ပြီးနောက် ပြီးခဲ့သည့် ရက်ပိုင်းအတွင်း လေယာဉ်ခရီးစဉ်များကို ဖျက်သိမ်းခဲ့သည့် ထိုင်ဝမ်လေကြောင်းလိုင်း TransAsia က လာမည့် သီတင်းပတ်တွင်လည်း ခရီးစဉ် ၅၀ ကျော်ကို ဖျက်သိမ်းမည်ဟု ယနေ့တွင် ကြေညာခဲ့သည်။

အဆိုပါလေကြောင်းလိုင်းမှ ATR 72-600 လေယာဉ်မှာ ဖေဖော်ဝါရီ ၄ ရက်နေ့တွင် ခရီးသည် ၅၈ ဦးကို တင်ဆောင်ကာ ပြည်တွင်းခရီးစဉ်ပျံသန်းစဉ် ထိုင်ပေမြစ်ထဲသို့ ထိုးကျခဲ့ခြင်းဖြစ်ပြီး ခရီးသည် ၁၅ ဦး အသက်ရှင်ခဲ့ကာ ယခုအချိန်အထိ ရုပ်အလောင်း ၄၀ ကို ဆယ်ယူရရှိထားသည်။

အဆိုပါ လေယာဉ်၏ Black Box မှတ်တမ်းများကို စစ်ဆေးသည့်အခါတွင် အသစ်နီးပါးရှိနေသည့် ထိုလေယာဉ်၏ အင်ဂျင်မှာ လေပေါ်ပျံတက်ပြီးနောက် လုံလောက်သော တွန်းကန်အားကို ပေးနိုင်ခြင်းမရှိဘဲ၊ အင်ဂျင်တစ်လုံးမှာ ရပ်သွားခဲ့ပြီး ပြန်လည်နှိုးခဲ့ရသောကြောင့် အရှိန်ကျကာ ပျက်ကျခဲ့ခြင်းဖြစ်သည်ကို တွေ့ခဲ့ရသည်။

ထို့ကြောင့် TransAsia လေကြောင်းလိုင်းက ပြီးခဲ့သည့် ရက်ပိုင်းအတွင်း လေယာဉ်ခရီးစဉ် ၉၀ ကို ဖျက်သိမ်းခဲ့ကာ ထိုင်ဝမ် အရပ်ဘက်လေကြောင်း တာဝန်ရှိသူများကလည်း အဆိုပါ လေကြောင်းလိုင်းမှ လေယာဉ်မှူးများ၏ ကျွမ်းကျင်မှုကို ပြန်လည်စစ်ဆေးရန်နှင့် သင်တန်းများပေးရန်အတွက် စီစဉ်ခဲ့သည်။ ထို့ပြင် လာမည့်သီတင်းပတ်တွင်လည်း လေကြောင်းခရီးစဉ်များ ဖျက်သိမ်းမည်ဟု ဆိုသည်။

“ပြီးခဲ့တဲ့ ၃ ရက်မှာ ကျွန်တော်တို့ဟာ လေကြောင်းခရီးစဉ် ၉၀ ကို ဖျက်သိမ်းခဲ့ပါတယ်။ ပြီးတော့ လာမယ့် တနင်္လာနဲ့ အင်္ဂါနေ့တွေမှာလည်း နောက် ခရီးစဉ် ၅၂ ခုကို ဖျက်သိမ်းပါမယ်” ဟု လေကြောင်းလိုင်း ဒုတိယဥက္ကဌ အေမီ ချန်က ပြောကြားခဲ့သည်။

လေယာဉ်ပျက်ကျမှုတွင် လေယာဉ်မှူး ၂ ဦးစလုံ သေဆုံးခဲ့ပြီး အင်ဂျင်ပြဿနာဖြစ်စဉ် ထိုင်ပေမြို့တွင်းရှိ လူနေအဆောက်အဦးများအား မတိုက်မိအောင် စွမ်းဆောင်နိုင်ခဲ့သည့် လေယာဉ်မှူးကိုလည်း ချီးကျူးခဲ့ကြသည်။

Ref: channelnewsasia

February 8, 2015
အာဆီယံဒေသတွင် စံတော်ချိန်တစ်ခုတည်းထားရန် အစီအစဉ်ရှိနေ

ဖေဖော်ဝါရီ ၇၊ ၂၀၁၅
M-Media

– အာဆီယံဒေသအား စံတော်ချိန်တစ်ခုတည်းအဖြစ် သတ်မှတ်ရေး ဒေသတွင်းနိုင်ငံများအားလုံးကို ဆွဲဆောင်ရန် အင်ဒိုနီးရှားနှင့် မလေးရှားခေါင်းဆောင်များက ယမန်နေ့တွင် သဘောတူညီခဲ့သည်ဟု သိရသည်။

အင်ဒိုနီးရှားသမ္မတ ဂျိုကိုဝီဒိုဒိုနှင့် မလေးရှားဝန်ကြီးချုပ် နာဂျစ်ရာဇတ်ကို ကွာလာလမ်ပူတွင် တွေ့ဆုံစဉ်အတွင်း ထိုကဲ့သို့ သဘောတူခဲ့ခြင်းဖြစ်ပြီး ထိုစိတ်ကူးက အာဆီယံစည်းလုံးညီညွတ်မှုစိတ်ဓာတ်ကို တိုးပွားစေလိမ့်မည်ဟု ၎င်းတို့က သတင်းထောက်များအား ပြောကြားခဲ့သည်။

လက်ရှိ အာဆီယံဒေသတွင် မတူညီသော စံတော်ချိန်သုံးခုရှိပြီး အနောက်ခြမ်း မြန်မာနိုင်ငံမှ အရှေ့ခြမ်း စင်ကာပူနှင့် မလေးရှားအထိ အချိန်ကွာဟမှုမှာ မိနစ် ၉၀ ရှိနေသည်။ အင်ဒိုနီးရှားနိုင်ငံအား စံတော်ချိန်တစ်ခုတည်းအဖြစ် ဆောင်ရွက်ရန် ယခင်က စီစဉ်ခဲ့သော်လည်း လက်ရှိအချိန်တွင် တစ်နိုင်ငံတည်းတွင်ပင် စံတော်ချိန် ၃ ခု ဖြစ်နေသည်။

စင်ကာပူနိုင်ငံခြားရေးဝန်ကြီး ကေ ရှန်မူဂမ်ကလည်း ထိုအစီအစဉ်ကိုထောက်ခံသည်ဟု ယခင်က ပြောကြားဖူးပြီး ဇန်န၀ါရီ ၂၈ အင်ဒိုနီးရှားနိုင်ငံတွင် ပြုလုပ်ခဲ့သည့် အာဆီယံနိုင်ငံခြားရေးဝန်ကြီများအစည်းအဝေးတွင် ၎င်းက ထည့်သွင်း ဆွေးနွေးခဲ့သည်။

ထိုအဆိုအား ထောက်ခံသူများလည်းရှိပြီး ၎င်းတို့ကမူ ဒေသတွင်း စံတော်ချိန်တစ်ခုတည်း ပြုလုပ်လိုက်ခြင်းဖြင့် ဘဏ်လုပ်ငန်းများကို ပိုမိုလွယ်ကူစေပြီး ဘဏ်ဖွင့်ချိန်နှင့် စတော့ဈေးကွက်ဖွင့်ချိန်များကို ညှိနှိုင်းဆောင်ရွက်နိုင်မည်ဟု ပြောကြားခဲ့သည်။

Ref: channelnewsasia

February 7, 2015
မွန်ဂိုလီးယားမှ ရဟန်းရုပ်ကြွင်း တရားဘာဝနာစီးဖြန်းသည့် အခြေအနေတွင်ရှိနေသည်ဟု တတ်ကျွမ်းသူများဆို

ဖေဖော်ဝါရီ ၆၊ ၂၀၁၅
M-Media

– ပြီးခဲ့သည့် သီတင်းပတ်က မွန်ဂိုလီးယားနိုင်ငံတွင် တွေ့ခဲ့ရသည့် ရဟန်းတော်တစ်ပါး၏ ပုံမပျက်သော ရုပ်ကြွင်းမှာ သေဆုံးနေသော ရုပ်ကြွင်းမဟုတ်ဘဲ တရားထိုင်နေသည့် အခြေအနေတွင်ရှိနေသော ရုပ်ကြွင်းသာဖြစ်သည်ဟု ဗုဒ္ဓဘာသာကို နားလည်းတတ်ကျွမ်းသူများက ပြောကြားလိုက်သည်။

ကျွဲနွားများ၏ သရေဖြင့် ထုတ်ထားသည့်အဆိုပါ ရုပ်ကြွင်းကို မွန်ဂိုလီးယား အလယ်ပိုင်းတွင် ဇန်န၀ါရီ ၂၇ရက်နေ့က တွေ့ရှိခဲ့ခြင်းဖြစ်ပြီး ဆေးပညာရှင်များက စုံစမ်းစစ်ဆေးမှုများ ပြုလုပ်နေကာ အဆိုပါရုပ်ကြွင်းမှာ လွန်ခဲ့သည့် နှစ်ပေါင်း ၂၀၀ ခန့်က ရုပ်ကြွင်းဖြစ်မည်ဟု ယုံကြည်ရသည်။

တိဘက်ဘုန်းတော်ကြီး ဒလိုင်းလားမား၏ ဆရာဝန်ဖြစ်သူ နာမည်ကျော် ဘုန်းတော်ကြီး ဘယ်ရီ ကာဇင်က အဆိုပါ ရဟန်းမှာ အလွန်ရှားပါးသော တရားဘာဝနာစီးဖြန်းသည့် အခြေအနေ “တက်ဒမ်” တွင် ရှိနေခြင်းဖြစ်ပြီး မိမိအနေဖြင့် ယခင်က ထိုကဲ့သို့ တရားဘ၀နာစီးဖြန်းသူများကို စောင့်ရှောက်ခွင့်ရခဲ့သည်ဟု ပြောကြားခဲ့သည်။

“ရဟန်းတစ်ပါးဟာ ရှားပါးတဲ့ ဒီလိုအခြေအနေမျိုးမှာ သုံးပတ်ကျော်ရှိနေပြီဆိုရင် သူ့ရဲ့ခန္ဓာကိုယ်ဟာ တစ်ဖြည်းဖြည်း ကြုံ့သွားပြီး နောက်ဆုံးမှာ ဆံပင်၊ လက်သည်းခြေသည်းနဲ့ သင်္ကန်းပဲကျန်ပါတော့တယ်။ များသောအားဖြင့် ဒီလိုအခြအနေမျိုးမှာ သူ့ဘေးနားမှာရှိတဲ့ လူတွေဟာ ကောင်းကင်မှာ သက်တံ့တွေ ရက်ပေါင်းများစွာ တောက်ပနေတာကို တွေ့မြင်ရလေ့ရှိပါတယ်။ ဒါကဘာကို ဆိုလိုသလဲဆိုရင် ဒီရဟန်းဟာ သက်တံ့ခန္ဓာကိုယ် ဖြစ်တည်သွားလို့ပါပဲ။ ဒီအဆင့်ဟာ အမြင့်ဆုံးအဆင့်ဖြစ်ပြီး ဘုရားဖြစ်ဖို့နီးစပ်တဲ့ အခြေအနေပါပဲ” ဟု ဘုန်းတော်ကြီး ကာဇင်က ဆိုသည်။

ထို့ပြင် အဆိုပါရဟန်းမှာ ယခုအခြေအနေတွင် ဆက်လက်ရှိနေနိုင်ပါက ဘုရားပင် ဖြစ်နိုင်သည်ဟု ထည့်သွင်းပြောကြားခဲ့သည်။Ulaanbaatar ဗုဒ္ဓတက္ကသိုလ်တွင် မွန်ဂိုလီးယား ဗုဒ္ဓအနုပညာအသင်းကို ထည်တောင်ခဲ့သူ ပရော်ဖက်ဆာ ဂန်ဟူဂျင် ပူရဗ်ဘာသာကလည်း “ဒါဟာ ဒီရဟန်းအနေနဲ့ ပျံလွန်တော်မမူသေးဘူးဆိုတဲ့ လက္ခဏာပါပဲ။ ရှေးဟောင်း ဗုဒ္ဓဘာသာအယူအဆအရတော့ သူဟာ နက်ရှိုင်းစွာ တရားဘာဝနာစီးဖြန်းနေတာပါ” ဟု ပြောကြားခဲ့သည်။

အဆိုပါ ရုပ်ကြွင်းကို နိုင်ငံအလယ်ပိုင်း ကော့ဘ်ဒက်ရ်ှဒေသရှိ ဂူတစ်ခုအအတွင်းမှ အမျိုးသားတစ်ဦးက သယ်ဆောင်ကာ မှောင်ခိုဈေးကွက်တွင် သွားရောက်ရောင်းချရန် ကြိုးစားနေစဉ် ရဲတပ်ဖွဲ့က ဖမ်းဆီးရမိခဲ့ခြင်းဖြစ်သည်။

Ref: siberiantimes

February 6, 2015