ဒီဇင်ဘာ ၃၊ ၂၀၁၇
M-Media
– နိုင်ငံအတွင်းရှိ လက်ယာစွန်းရောက်ပါတီအား ချီတက်ဆန္ဒပြပွဲ တစ်ခုကို ဂျာမနီနိုင်ငံ ဟန်နိုဗာမြို့တွင် ယမန်နေ့က ပြုလုပ်ခဲ့ကြသည်ဟု သိရသည်။
ထောင်ပေါင်းများစွာသော ဂျာမန်ပြည်သူများမှာ ‘နာဇီဝါဒကို ဟန်နိုဗာက အလိုမရှိ’ ‘လူမျိုးရေးခွဲခြားမှုဝါဒ ဆန့်ကျင်ကြ’ စသည့် ဆိုင်းဘုတ်များကို ကိုင်ဆောင်ကာ ချီတက်ခဲ့ကြပြီး လူမျိုးရေးအစွန်းရောက်မှုကို ဆန့်ကျင်သော ကြွေးကြော်သံများကိုလည်း ဟစ်အော်ခဲ့ကြသည်။
ဂျာမနီလက်ယာစွန်းရောက်ပါတီ Alternative for (AfD) က ၎င်းတို့၏ ခေါင်းဆောင်ရွေးပွဲကို ဟန်နိုဘာမြို့တွင် ပြုလုပ်မှုအား ဆန့်ကျင်သည့်အနေဖြင့် ထိုကဲ့သို့ ဆန္ဒပြခဲ့ကြခြင်း ဖြစ်သည်။
လူအုပ်ကြီးမှာ AfD ပါတီ အစည်းအဝေးလုပ်မည့် အဆောက်အဦးသို့ သွားသော လမ်းများတွင် ထိုင်သပိတ်များ ပြုလုပ်ခဲ့ခြင်းကြောင့် စည်းဝေးပွဲမှာ တစ်နာရီနီးပါး နောက်ကျခဲ့ရသည်။
ချီတက်ဆန္ဒပြမှုအတွင်း ရဲတပ်ဖွဲ့နှင့် အနည်းငယ် ရုန်းရင်းဆန်ခတ် ဖြစ်ပွားခဲ့ပြီး အနည်းဆုံး ဆန္ဒပြသူ တစ်ဦးနှင့် ရဲတပ်ဖွဲ့ဝင်အများအပြား အသေးစားဒဏ်ရာများ ရရှိခဲ့သည်။
အစ္စလာမ်ဆန့်ကျင်ရေးနှင့် ပြောင်းရွှေ့အခြေချမှု ဆန့်ကျင်ရေး ပါတီဖြစ်သော AfD မှာ စင်တင်ဘာ ရွေးကောက်ပွဲတွင် အမတ်နေရာ ၁၀၀ နီးပါး ရရှိခဲ့သော်လည်း လူပြိန်းကြိုက် ၀ါဒဖြန့်မှုများ ပြုလုပ်နေမှုကို ဆန့်ကျင်သောအားဖြင့် အကြီးတန်းအဖွဲ့ဝင်နှစ်ဦးမှာ နောက်ပိုင်းတွင် နှုတ်ထွက်သွားခဲ့သည်။
ဝန်ကြီးချုပ် မာကဲလ်အနေဖြင့် အတိုက်အခံ ဒီမိုကရက်များနှင့် ပူးပေါင်းကာ ညွန့်ပေါင်းအစိုးရ ဖွဲ့နိုင်ပါက AfD မှာ အဓိက အတိုက်အခံပါတီ ဖြစ်လာမည်ဖြစ်သည်။
ဥရောပသီးသန့်ဝါဒဖြင့် ၂၀၁၃ ခုနှစ်တွင် ဖွဲ့စည်းခဲ့သည့် ထိုပါတီမှာ အစ္စလာမ်ဆန့်ကျင်ရေးနှင့် ပြောင်းရွှေ့အခြေချမှု ဆန့်ကျင်ရေးကို အဓိကထား လုပ်ဆောင်ခဲ့သည်။
၎င်းတို့၏ ပထမဆုံး အကြီးအကဲ ဘာ့န်ဒ် လက်ကီက ပါတီမှာ အစ္စလာမ်မုန်းတီးရေးနှင့် နိုင်ငံခြားသား မုန်းတီးရေးဖက်သို့ ဦးတည်နေသည်ဟုဆိုကာ ၂၀၁၅ ခုနှစ်တွင် ရာထူးမှ နှုတ်ထွက်သွားခဲ့သည်။
Ref : Aljzeera
