Category: သိပ္ပံနှင့်နည်းပညာ

ဧပြီ ၁၉၊ ၂၀၁၆
M-Media

– တစ်ယောက်နဲ့ တစ်ယောက်ဖုန်းပြောဆိုတဲ့အခါ မိမိပြောသမျှစကားတွေကို တခြားဘာသာစကားတစ်ခုဆီ ချက်ခြင်း တိုက်ရိုက်ဘာသာပြန်ဆိုပေးနိုင်မယ့် ဖုန်းဆော့ဖ်ဝဲတစ်ခုကို မော်ရိုကိုနိုင်ငံသားတစ်ဦးက တီထွင်လိုက်တယ်လို့ သိရပါတယ်။

တီထွင်ခဲ့သူကတော့ တာဟာရ် တာအီဖြစ်ပြီး သုံးနှစ်ကြာအချိန်ယူခဲ့ရကာ ပြင်သစ်နဲ့ ကမ္ဘာလုံးဆိုင်ရာ မူပိုင်ခွင့်အဖွဲ့ချုပ်မှာ မူပိုင်ခွင့်တင်ထားတယ်လို့ ဆိုပါတယ်။ အဲဒီဆော့ဖ်ဝဲ အမည်နဲ့ ထွက်ရှိမယ့်နေ့ရက်ကိုတော့ မသိရှိရသေးပါဘူး။

တီထွင်သူ တာအီရဲ့ မကြာမီကပြုလုပ်ခဲ့တဲ့ သတင်းစာရှင်းလင်းပွဲမှာတော့ အဆိုပါဆော့ဖ်ဝဲအသစ်က ဖုန်းပြောစဉ်အတွင်းမှာ တိုက်ရိုက်ဘာသာပြန်နိုင်သလို၊ ဖုန်းပြောဆိုမှုပြီးတဲ့နောက်ပိုင်း အသံသွင်းထားတဲ့ ဘာသာပြန်ကိုလည်း နားထောင်နိုင်ကာ မိုဘိုင်းဆက်သွယ်ရေး အနာဂတ်မျိုးဆက်သစ်ဆီ ခေါ်ဆောင်သွားမယ့် ဆော့ဖ်ဝဲတစ်ခုဖြစ်တယ်လို့ ပြောကြားခဲ့ပါတယ်။

ဖုန်းမပြောခင်ဆော့ဖ်ဝဲကိုဖွင့်ထားဖို့လိုအပ်ပြီး မိမိဘာသာပြန်ဆိုချင်တဲ့ ဘာသာစကားကို ရွေးချယ်ပေးထားရမှာ ဖြစ်ပါတယ်။ ဘာသာပြန်အသံဖမ်းထားနိုင်ဖို့ အာရဗီဘာသာစကားအပါအ၀င် ဘာသာစကားအမျိုးပေါင်း ၁၀၀ ကျော် ထည့်သွင်းထားတဲ့ အသံအဘိဓာန်တစ်ခုလည်း အဲဒီဆော့ဖ်ဝဲမှာ ပါဝင်ပါတယ်။

တာအီက ဒီဆော့ဖ်ဝဲဟာ ကျန်းမာရေး၊ ပညာရေး၊ ခရီးသွားလာရေး၊ နိုင်ငံရေးကဏ္ဍတွေနဲ့ တခြားကဏ္ဍအသီးသီးက အလုပ်လုပ်သူတွေအတွက် အထောက်အကူဖြစ်စေမယ်လို့ မျှော်လင့်ထားကြောင်း ပြောကြားခဲ့ပါတယ်။

တာအီဟာ မရာကတ်အနီး အက်ဆ်ဖီမြို့ဇာတိဖြစ်ပြီး ၁၉၈၄ ခုနှစ်က သတင်းအချက်အလက် သိပ္ပံဆိုင်ရာ အင်ဂျင်နီယာဒီပလိုမာဘွဲ့ ရရှိထားသူ ဖြစ်ပါတယ်။

Ref: IINA

ဧပြီ ၁၃၊ ၂၀၁၆
M-Media

– လူသားသမိုင်းတစ်လျှောက်မှာ ရည်မှန်းချက်အကြီးမားဆုံး အာကာသ ရှာဖွေစူးစမ်းလေ့လာရေး စီမံကိန်းကို မကြာမီစတင်တော့မယ်လို့ သိရပါတယ်။

အခုအချိန်အထိ လူတွေ မသိသေးတဲ့ အာကာသရဲ့ အနက်ရှိုင်းဆုံးနေရာတွေအထိ နာနို ယာဉ်ငယ်လေးတွေ စေလွှတ်ကာ စူစမ်းဖော်ထုတ်မယ့် အဲဒီ စီမံကိန်းကို ကမ္ဘာ့အကျော်ကြားဆုံး သိပ္ပံပညာရှင်ကြီးဖြစ်တဲ့ စတီဖင် ဟော့ကင်း၊ အင်တာနက် ရင်းနှီးမြှုပ်နှံသူ ယူရီမီလ်နာနဲ့ မက်ဇူကာဘာ့ဂ်တို့အပါအ၀င် ထိပ်တန်းပုဂ္ဂိုတော်တော်များများက ကူညီကြမှာဖြစ်ပါတယ်။

စီမံကိန်းကို Starshot Project လို့ အမည်ပေးထားပြီး ကမ္ဘာနဲ့ မိုင်ပေါင်း ၂၅ ထရီလီယံဝေးတဲ့ အလ်ဖာ ဆန်ကျူရီ နေအဖွဲ့အစည်းဆီ ယာဉ်ငယ်လေးတွေကို စေလွှတ်မှာဖြစ်ပါတယ်။

ပုံမှန်ယာဉ်နဲ့ သွားမယ်ဆိုရင် နှစ်ပေါင်း ၃ သိန်းလောက် ကြာမြင့်မှာဖြစ်ပေမယ့် အခုစီမံကိန်းမှာ အလင်းရောင်စဉ်တွန်းအားအသုံးပြုပြီး အလင်းအမြန်နှုန်းရဲ့ ၂၅ ရာခိုင်နှုန်းပမာဏ အရှိန်နဲ့သွားမယ့် နာနိုယာဉ်ငယ်လေးတွေကတော့ နှစ် ၂၀ လောက်နဲ့ ရောက်ရှိမှာဖြစ်ပါတယ်။

အလ်ဖာ ဆန်ကျူရီ နေအဖွဲ့စည်းက “သမဇုန်” မှာ ကမ္ဘာလို သက်ရှိတွေနေထိုင်တဲ့ ဂြိုတွေရှိမယ်လို့ သိပ္ပံပညာရှင်တွေက မျှော်လင်နေပြီး နာနိုယာဉ်ငယ်လေးတွေကတော့ သူတို့ရဲ့ ခရီးစဉ်တစ်လျှောက်မှာ ဓာတ်ပုံတွေနဲ့ အခြားသော သိပ္ပံဆိုင်ရာ အချက်အလက်တွေကို ပေးပို့သွားမှာဖြစ်ပါတယ်။

ဒီယာဉ်ငယ်လေးတွေမှာ ကင်မရာ၊ တွန်းကန်အားကိရိယာ၊ ပါဝါထောက်ပံ့ရေးစနစ်၊ လမ်းညွှန်ကိရိယာတွေ အစုံကို အီလက်ထရောနစ် ဆားကစ်ပြားတစ်ခုတည်းမှာ တပ်ဆင်ပေးထားမှာဖြစ်ပြီး သူတို့ကို ကမ္ဘာမြေကနေခေါ်ဆောင်သွားကာ အာကာသထဲမှာလွှတ်ပေးဖို့ မိခင်ယာဉ်တစ်စင်း လိုအပ်မှာဖြစ်ပါတယ်။

Ref: independent

ဧပြီ ၉၊ ၂၀၁၆
M-Media

– အမေရိကန် အာကာသကုမ္ပဏီတစ်ခုဖြစ်သည့် Space X မှာ ၎င်းတို့၏ ဒုံးပျံကို ယမန်နေ့က ပင်လယ်ပြင်ရှိ အဝေးထိန်းသင်္ဘောတွင် ပထမဆုံးအကြိမ် အောင်မြင်စွာ ဆင်းသက်နိုင်ခဲ့သည်ဟု သိရသည်။

ဖလော်ရီဒါပြည်နယ် ကာနာဗီရဲလ်အငူရှိ လေတပ်စခန်းမှ ကုန်ပစ္စည်းများတင်ဆောင်ကာ နိုင်ငံတကာအာကာသစခန်းသို့ သွားရောက်ပို့ဆောင်ပြီးနောက် ပစိဖိတ်သမုဒ္ဒရာထဲတွင် ရှိနေသည့် အဝေးသိန်းသင်္ဘောပေါ်သို့ ဆင်းသက်ခဲ့ခြင်းဖြစ်သည်။

ထိုကဲ့သို့ ဆင်းသက်နိုင်ခြင်းက ဒုံးပျံကိုပြန်လည်အသုံးပြုနိုင်မည် ဖြစ်သောကြောင့် အနာဂတ် ဂြိုဟ်တုလွှတ်တင်မှုများတွင် ကုန်ကျစားရိတ်ကို အများအပြား လျှော့ချနိုင်မည်ဖြစ်သည်။

Space X မှာ ထိုကဲ့သို့ ဒုံးပျံကို ရေပြင်ပေါ်၌ ပြန်လည်ဆင်းသက်ရန် ကြိုးစားမှုမှာ ၅ ကြိမ်ရှိခဲ့ပြီဖြစ်ပြီး ယခုတစ်ကြိမ်မှ အောင်မြင်ခြင်းဖြစ်ကာ သမိုင်းမှတ်တိုင်သစ် စိုက်ထူနိုင်ခြင်းလည်းဖြစ်သည်။

ပြီးခဲ့သည့်ဒီဇင်ဘာကလည်း ဂြိုဟ်တုလွှတ်သည့် ဒုံးပျံကို ကုန်းမြေပေါ်တွင် ပြန်လည်ဆင်းသက်ကာ Space X က သမိုင်းမှတ်တိုင်သစ်တစ်ခု စိုက်ထူခဲ့ဖူးသည်။

Ref: latimes

မတ် ၂၈၊ ၂၀၁၆
M-Media

– အစိုးရကျောထောက်နောက်ခံပေးထားတဲ့ ဟက်ကာတွေဟာ အသုံးပြုသူတွေရဲ့ ဂျီမေးလ်အကောင့် သို့မဟုတ် ကွန်ပျူတာတွေကို တိုက်ခိုက်မှုပြုလာတဲ့အခါ စာမျက်နှာပြည့် သတိပေးချက်ကို ထုတ်ပြန်သွားမှာဖြစ်တယ်လို့ Google က ကြေငြာလိုက်ပါတယ်။

ဒါဟာ အကြမ်းဖက်သမားတစ်ဦးရဲ့ အိုင်ဖုန်းကို lock ဖွင့်ပေးရေးကိစ္စနဲ့ပတ်သက်ပြီး Apple ကုမ္ပဏီကို FBI ကနေ ဖိအားပေးပြီးတဲ့နောက် ထွက်ပေါ်လာတာလည်းဖြစ်ပါတယ်။ အဲဒီကိစ္စမှာ Google က Apple ရဲ့ ရပ်တည်ချက်ကို ထောက်ခံခဲ့တာဖြစ်ပါတယ်။

Google ဟာ အရင်ကလည်း အစိုးရကျောထောက်နောက်ခံပြု  ဟက်ကာတွေဟာ အသုံးပြုသူတွေရဲ့အကောင့်ကို ဖောက်ထွင်းမှုနဲ့ပတ်သက်ပြီး သတိပေးချက်တွေ ပြုလုပ်ခဲ့ကာ အခုတစ်ခါမှာတော့ စာမျက်နှာ တစ်ခုလုံးအပြည့် ဖော်ပြသွားမယ်လို့ ဆိုပါတယ်။

“ယနေ့မှာတော့ အသုံးပြုသူတွေအနေနဲ့ ဘယ်လို လုံခြုံအောင်ပြုလုပ်ရမလဲဆိုတာနဲ့ ပက်သက်ပြီး ညွှန်ကြားချက်တွေနဲ့အတူ စာမျက်နှာပြည့် သတိပေးချက်အသစ်တစ်ခုကို ထုတ်လွှင့်လိုက်ပါပြီ။ လက်ရှိတွေ့နေရတဲ့ ပုံစံအစား သတိပေးချက် ပုံစံအသစ်တွေကို တွေ့မြင်ရတော့မှာပါ” ဟု G-mail လုံခြုံရေးအင်ဂျင်နီယာ နီကိုလက်စ် လစ်ဒ်ဘောစကီးနဲ့ Jigsaw အင်ဂျင်နီယာ ဂျိုနသန် ပီဗာနက်တို့က ဂူးဂဲလ်လုံခြုံရေးဆိုင်ရာဘလော့ဂ်မှာ ကြာသာပတေးနေ့က ရေးသားခဲ့ပါတယ်။

အရင်တုန်းကတော့ ဂူးဂဲလ်အသုံးပြုသူတွေအနေနဲ့ ဂျီမေးလ်စာမျက်နှာ အပေါ်ဘက်နားလေးမှာ “အစိုးရထောက်ပံ့ထားတဲ့ တိုက်ခိုက်သူတွေက သင့်ရဲ့အကောင့် သို့မဟုတ် ကွန်ပျူတာကို တိုက်ခိုက်ဖို့ကြိုးစားနေပြီလို့ ကျွန်တော်တို့ယူဆပါတယ်” ဆိုတဲ့ စာကြောင်းနဲ့ သတိပေးခဲ့တာပါ။

တက်ကြွလှုပ်ရှားသူတွေ၊ သတင်းထောက်တွေ၊ နိုင်ငံရေးသမားတွေဟာ အစိုးရကျောထောက်နောက်ခံပြု ဆိုက်ဘာတိုက်ခိုက်မှုတွေကို အများဆုံး ခံရလေ့ရှိပါတယ်။ ဒါပေမယ့် အဲ့ဒီလိုတိုက်ခိုက်မှုတွေရဲ့ သားကောင်ဖြစ်ခဲ့ရသူတွေကတော့ G-mail အသုံးပြုသူတွေရဲ့ ၀.၁ ရာခိုင်နှုန်းသာ ရှိပါတယ်။

ပြီးခဲ့တဲ့လကတည်းက ဂူးဂဲလ်အနေနဲ့ G-mail အသုံးပြုသူတွေရဲ့ ပေးပို့တဲ့ သို့မဟုတ် လက်ခံတဲ့ မက်ဆေ့ခ်ျတွေမှာ လုံခြုံအောင် encrypt မလုပ်ထားဘူးဆိုရင် တတိယအစုအဖွဲ့တွေက အလွယ်တကူထိုးဖောက်နိုင်တယ်ဆိုတာ အသုံးပြုသူတွေကို သတိပေးချက်တွေ ပြုလုပ်ခဲ့ပါတယ်။

တကယ်လို့ မက်ဆေ့ခ်ျကို လုံခြုံအောင် encrypt မလုပ်ထားဘူးဆိုရင် အီမေးလိပ်စာမှာ ကျိုးပဲ့နေတဲ့အနီရောင်သော့ခလောက်ပုံလေးကို တွေ့မြင်ရမှာဖြစ်ပြီး ပေးပို့သူရဲ့ ဓာတ်ပုံမှာလည်း မေးခွန်းအမှတ်အသားလေးပေါ်နေမှာ ဖြစ်ပါတယ်။

Ref: RT