News @ M-Media

Tag: မမေးလည်းဖြေ

  • မမေးလည်းဖြေ ၁၇- အစ္စလာမ်က အိမ်ထောင်ပြုပြီး သားဖောက် သာသနာပြုခိုင်း ထားတယ်တဲ့လား?

    မမေးလည်းဖြေ ၁၇- အစ္စလာမ်က အိမ်ထောင်ပြုပြီး သားဖောက် သာသနာပြုခိုင်း ထားတယ်တဲ့လား?

    ဧပြီ ၁၇ ၊ ၂၀၁၃
    သဲတပွင့်
    M-Media

    အစ္စလာမ်သာသနာနှင့်စပ်လျဉ်း၍ မှိုင်းတိုက်ဝါဒဖြန့်ကြသည့် စွပ်စွဲချက်တစ်ရပ်မှာမွတ်စလင်မ်များက ၇၈၆ ကိန်းဂဏန်းအား အသုံးပြုကြခြင်းသည် ၂၁ရာစုတွင် အစ္စလာမ်သာသနာ မြန်မာတွင်လွှမ်းမိုးရန်ဖြစ်ပြီးထိုသို့ဖြစ်လာစေရန် အကောင်အထည်ဖော်သည့်အနေဖြင့် ဘာသာခြား တိုင်းရင်းသူတို့အား သိမ်းသွင်းဖြားယောင်း လက်ထပ်ကြကာ မယားအများအပြားယူလျက် သားဖောက်သာသနာပြုကြရန် အစ္စလာမ်သာသနာက ညွှန်ကြားထားကြောင်း၊လက်တွေ့ အကောင် အထည်ဖော်ကြသူများအား တိုင်းရင်းသူ အမျိုးသမီး၏ အဆင့်အတန်းအလိုက် ထောက်ပံ့ဆုကြေးများကို ဗလီများမှတဆင့် ချီးမြှင့်ကြကြောင်း အစရှိသည့် အိမ်ထောင်ရေးနှင့် ပတ်သက်သောစွပ်စွဲချက်ဖြစ်သည်။ တရားဟောစင်မြင့်ထက်မှ အသံချဲ့စက်သုံးကာ ကျယ်ကျယ်ပြန့်ပြန့် မတရား ဟောခြင်းဖြင့် လည်းကောင်း၊ DVDခွေများ ဖြန့်ဝေရောင်းချဖွင့်ကြခြင်းဖြင့်လည်းကောင်း၊ စာအုပ်စာတမ်းများ ယခင်ကလက်သိပ်ထိုးအဆင့်မှ ယခုအခါ ပေါ်ပေါ် ထင်ထင်ဖြန့်ဝေခြင်းဖြင့်လည်းကောင်း၊ အင်တာနက် စာမျက်နှာများမှလည်းကောင်း၊ တစ်ဆင့်စကားတစ်ဆင့်နား၊ သက်ကြီးစကား သက်ငယ်ကြား ကြရခြင်းဖြင့် လည်းကောင်းနေရာမျိုးစုံ ကဏ္ဍစုံမှ ဝေဝေဆာဆာ ဝါဒမှိုင်းတိုက်ကြလျက်ရှိရာ ထိုစွပ်စွဲချက်ကို စူးစမ်းဆင်ခြင်ခြင်း မပြုကြတော့ဘဲအမှန်ဟု ထင်မြင်မှတ် ယူထားကြသူများတွင် အသိတရားရှိသူ ခေတ်ပညာတတ်များ၊ စီးပွားရေးလူမှုရေး ဦးစီးဦးဆောင်ပြုနေကြသူများပင် အမြောက်အမြား ပါဝင်နေသည်ကို လက်တွေ့ကြားသိရတော့ သိပ်မထူးဆန်းမိတော့။ ဗမာပြည်သူပြည်သားများက ယုံလွယ်သည်ကို အခွင့်ကောင်းယူလျက် ကြိမ်ဖန်များစွာ ကြားရစေခြင်းဖြင့်နှလုံးသားထဲ အသိတရားထဲ နက်နက်နဲနဲတိုင်အောင် လိုသလို ပုံသွင်းခံခဲ့ကြရရှာလေပြီ။ ဘာသာခြားနှင့်လက်ထပ်သူ မွတ်စလင်မ် အနည်းငယ် တွေ့ကြုံကြားသိရတော့လည်း ထိုသူတို့၏မှိုင်းတိုက်မှုကို သံသယ ပါးပါးလေးပင်မဝင်မိတော့ဘဲဤအတိုင်းသာ ရာနှုန်းပြည့် အမှန်ဖြစ်ရမည်ဟု တစ်ထစ်ချ ယုံကြည်လိုက်ကြသည်။ ထို့အတွက် အစ္စလာမ်က လမ်းညွှန်ထားသော အိမ်ထောင်ရေးအကြောင်းကိုရှင်းပြလိုပါသည်။

    (“၇၈၆” အကြောင်းတော့ အခြားနေရာများတွင် အသေးစိတ် ရှင်းလင်းထားကြပြီးဖြစ်ရာထပ်မံမပြောလိုတော့။ မသိသေးသူ ဖတ်နိုင်ရန်အတွက်ရည်ရွယ်လျက် အောက်ခြေတွင် link ပေးထားပါမည်။)

    အစ္စလာမ့်ဘဝတည်ဆောက်မှုလမ်းစဉ်၏ သွန်သင်ချက်အရထိမ်းမြားလက်ထပ်ခြင်းသည် မလုပ်မနေရတာဝန်တစ်ရပ် မဟုတ်သော်လည်း လူ့အဖွဲ့အစည်းအတွက် အခြေခံလိုအပ်ချက်တစ်ရပ်အဖြစ်ရှုမြင်ပါသည်။ လက်ထပ်ထိမ်းမြားမှုမှတဆင့် တည်ငြိမ်အေးချမ်းခြင်း၊ အပြန်အလှန် တာဝန်ယူမှုနှင့်ကာကွယ်မှု ရယူပေးဝေနိုင်စေခြင်း၊ ရောင့်ရဲနှစ်သိမ့်တတ်ခြင်း၊ စိတ်နှင့်ဝိဥာဉ်အတွက် အင်အား၏အရင်းအမြစ်တစ်ရပ်ရစေခြင်း၊ သန့်စင်သောမျိုဆက် တည်ထောင်နိုင်ခြင်း စသည့် ကောင်းကျိုးများရနိုင်စေသည်ဟုရှုမြင်ပါသည်။ ထို့အတွက်ကြောင့် အရွယ်ရောက်ပြီးသူတိုင်း စိတ်ပိုင်းဆိုင်ရာ ပြည့်ဝသူတို့အားလူပျိုအပျိုများကိုသာမက အိမ်ထောင်ကွဲများ၊ မုဆိုးဖိုမုဆိုးမများကိုပင် အိမ်ထောင်သစ်ပြုကြရန်တိုက်တွန်းထားပါသည်။ (ကျမ်းမြတ်ကုရ်အာန် ၂း၁၈၇၊ ၄း၂၄-၂၅၊ ၇း၁၈၉၊ ၃၀း၂၁၊ ၄း၃၊ ၂၄း၃၂)

    အစ္စလာမ်တွင် ဘုန်းကြီးစနစ်မရှိသောကြောင့်လူသားတိုင်း အိမ်ထောင်ပြုခွင့်ရှိပြီး မဟာလူသား ပုဂ္ဂိုလ်ကြီးများ အားလုံးသည်လည်း မိခင်ဝမ်းကြာတိုက်မှတစ်ဆင့်ပွင့်ပေါ်ရောက်ရှိခဲ့ရသည့်အတွက် သားအိမ်ရှင်မိခင်တို့၏ အဆင့်အတန်းနှင့် အိမ်ထောင်ပြုခြင်း၏အကျိုးဆက်ကိုတန်ဖိုးထားပါသည်။

    ထို့အတွက်ကြောင့် အိမ်ထောင်ပြုခြင်းသည်လူ့အဖွဲ့အစည်းအတွက် ကောင်းရာကောင်းကျိုးဖြစ်ရာ မိသားစုများ ပူးပေါင်း၍ လောကကို အလှဆင်ကြစေရန်အတွက် ထိမ်းမြားလက်ထပ်မှုကြောင့်ဆွေမျိုးတော်စပ်မှုကို သွေးသားအရ ဆွေမျိုးတော်စပ်မှုကဲ့သို့ပင် အလေးထားရန် ညွှန်ကြားထားပါသည်။(ကျမ်းမြတ်ကုရ်အာန် ၂၅း၅၄)

    (ကိုးကား – နိကာဟ် အစ္စလာမ့်ထိမ်းမြားခြင်း – အလ်ဟာဂ်ျမုဖ်သီ ဒေါက်တာ မြင့်သိန်း)

    ဆိုလိုသည်ကား အိမ်ထောင်ပြုခြင်းသည်သက်ဆိုင်သူ နှစ်ဦးနှစ်ယောက်တည်းအရေးမဟုတ်ဘဲ ဆွေမျိုးသားခြင်းလူ့အဖွဲ့အစည်းနှစ်ရပ်ပူးပေါင်းသည့်အရေးဟု ရှုမြင်ပါသည်။ ထို့အတွက် ဆွေမျိုးစုနှစ်စု တစ်စည်းတစ်ပေါင်းတည်းစုပေါင်းနိုင်ရေး အခြေခံလမ်းညွှန်များ ချမှတ်ပေးထားပါသည်။

    အစ္စလာမ့်သွန်သင်ချက်အရ အိမ်ထောင်ပြုခြင်း မင်္ဂလာအထမြောက်ရန်

    ၁)ကမ်းလှမ်းခြင်း၊ သဘောတူလက်ခံခြင်းရှိရပါမည်။

    ၂)ခင်ပွန်းမှ ဇနီးသည်သို့ မင်္ဂလာဦးလက်ဆောင် ပေးရပါမည်။

    ၃)အသိသက်သေ အနည်းဆုံးနှစ်ဦး ရှိရပါမည်။

    ထို့ကြောင့်

    ၁)ကာယကံရှင်ဆန္ဒမပါဘဲ အဓမ္မ လက်ထပ်ခွင့်မရှိပါ။

    ၂)မိမိဇနီးသည်အား တန်ဖိုးထားရာရောက်ပါသည်။

    ၃) နှစ်ဦးသဘောတူ ကြည်ဖြူရုံ သက်သက်ဖြင့် လူ့အသိုင်းအဝိုင်းက အသိအမှတ်ပြုခြင်းမရှိဘဲတိတ်တဆိတ်ပေါင်းသင်းခွင့်မရှိပါ။ အမျိုးသမီးတို့အတွက် အခွင့်အရေးများ ဖြစ်ပါသည်။

    မယားလေးယောက် ကိစ္စ

    လူပြောများသည့် အချက်တစ်ချက်မှာ အစ္စလာမ်ကမယားလေးယောက် ယူခွင့်ပြုခြင်းနှင့် စပ်လျဉ်း၍ဖြစ်သည်။ ပထမဆုံးအနေဖြင့် ထိုသည်နှင့် သက်ဆိုင်သောကျမ်းမြတ်ကုရ်အာန်လာ သွန်သင်ချက်ကို ဖော်ပြပါမည်။

    “အသင်တို့သည် ဖမဲ့မိန်းကလေးများနှင့်စပ်လျဉ်း၍ တရားမျှတမှုမရှိမည်ကို စိုးရိမ်ကြသော် မိမိတို့နှစ်သက်ရာ အမျိုးသမီးများအနက် နှစ်ဦးဖြစ်စေ၊ သုံးဦးဖြစ်စေ၊လေးဦးဖြစ်စေ ထိမ်းမြားကြလေကုန်။ ထိုသို့ထိမ်းမြားရာတွင် တရားမျှတမှု ပြုနိုင်ကြမည်မဟုတ်ဟုစိုးရိမ်မကင်းသော် တစ်ဦးတည်းကိုသာ လက်ထပ်ကြကုန်” (ကျမ်းမြတ်ကုရ်အာန် ၄း၃)

    ဤသွန်သင်ချက်၏ အလိုသဘောမှာ မလုပ်မနေရ တိုက်တွန်းထားခြင်းမဟုတ်ဘဲအခြေအနေအရ လိုအပ်ပါက လေးဦးအထိ အများဆုံး အိမ်ထောင်ပြုပိုင်ခွင့်အား ခွင့်ပြုပေးထားခြင်းသာဖြစ်ပါသည်။

    အစ္စလာမ်သာသနာ စတင်ထွန်းကားစဉ်က မွတ်စလင်မ်တို့အားကျန်အာရဗ်များက နည်းမျိုးစုံဖြင့် နှိပ်စက်စော်ကားသည်ဖြစ်ရာ နောက်ဆုံး မတတ်သာသည့် အဆုံးတွင် ကျူးကျော် တိုက်ခိုက်လာသူများအား ပြန်လည်ခုခံသည့် ခံစစ် ဆင်နွှဲခဲ့ရလေရာ စစ်ပွဲတို့၏ထုံးစံအတိုင်း စစ်သည်များ အသေအပျောက် ရှိခဲ့ပါသည်။ ထိုကွယ်လွန်သူ စစ်သည်တို့၏ ကျန်ရစ်သူသမီးများ၊မုဆိုးမဇနီးများ၏ အနာဂတ်လုံခြုံရေးအတွက် မွတ်စလင်မ်အမျိုးသားများက ကာကွယ်စောင့်ရှောက်နိုင်စေရေး အတွက် ချွင်းချက်အနေဖြင့် ဇနီးလေးဦးအထိ လက်ထပ်ပိုင်ခွင့်ပြုပေးခြင်းဖြစ်ပါသည်။ ထိုအခြေအနေတွင်ပင် တရားမျှတမှုကို ရှေ့တန်းတင်ရပါမည်။ နောက်ထပ်လည်း အောက်ပါအတိုင်း သွန်သင်ထားပါသေးသည်။

    ထိုမှတစ်ပါးတုံအသင်တို့သည် မည်မျှပင် ဆန္ဒထားရှိကြကုန်သော်လည်း ဇနီးမိန်းမတို့၏စပ်ကြားဝယ် အဖက်ဖက်မှတရား မျှတအောင် ပြုနိုင်ကြမည်မဟုတ်ပေ။ သို့ဖြစ်ပေရာ (ဇနီးမိန်းမတို့အနက်) တစ်ဦးတစ်ယောက်ထဲဘက်သို့ လုံးဝတစ်ဘက်သတ် မယိမ်းယိုင်ကြကုန်လင့်။
    (ကျမ်းမြတ်ကုရ်အာန် ၄း၁၂၉)

    ထို့အတွက်ကြောင့် ဇနီးလေးယောက်အထိ ယူခွင့်ပြုထားခြင်းသည်
    (က)မယူမနေရတာဝန်ပေးထားခြင်းမဟုတ်ဘဲ အခြေအနေတစ်ရပ်အရလိုအပ်ပါက ယူပိုင်ခွင့် ပြုထားခြင်းသာဖြစ်သည်။အချိန်တိုင်းအတွက်မဟုတ်ပါ။ “အကယ်၍”ဟူသည်နှင့်အစချီသည့် conditional approval သာ ဖြစ်ပါသည်။

    (ခ)အစ္စလာမ့်သွန်သင်ချက်အရ လိုအပ်လွန်းသည့်အခြေအနေတွင်တောင် မယား လေးယောက်အထိသာ အများဆုံးယူပိုင်ခွင့်maximum upper limit ရှိပါသည်။ အစ္စလာမ်က ယောက်ျားကောင်း မောင်းမတစ်ထောင်ဆိုသည်မျိုးကိုလုံးဝ ခွင့်မပြုထားပါ။ နှစ်ဦးနှစ်ဖက် ကြည်ဖြူပါသည်ဆိုလျင်တောင် ကန့်သတ်မှုထက် ပိုပိုင်ခွင့်မရှိပါ။တိတ်တိတ်ပုံး အမြောင်မယားလည်း ထားခွင့်မပြုပါ။ ဤလေးဦးအထိခွင့်ပြုချက်ကို ဝေဖန်သူတို့အား မေးခွန်းတစ်ခုထုတ်လိုပါသည်။ အစ္စလာမ်မှလွဲ၍ကျန် ဘာသာ သာသနာများတွင် ဇနီးမယား အများဆုံးယူပိုင်ခွင့်အရေအတွက် ကန့်သတ်မှု ရှိပါသလား။

    (ဂ)ကမ္ဘာ့လူဦးရေအချိုးအစားအရ အမျိုးသမီးဦးရေက အမျိုးသားဦးရေထက် အနည်းငယ်ပိုသော်လည်းမည်သည့်လူ့အစုအဝေးတွင်မှ ကျားမအချိုး ၁း ၄ ရှိမနေပါ။ လေးဦးစီအထိယူချင်ကြပါသည်ဆိုဦးတော့ လက်တွေ့အားဖြင့် ယူ၍မရသည်ကို ဦးနှောက်နည်းနည်းသုံးရုံဖြင့်သိနိုင်ပါသည်။

    (ဃ)မိမိတို့ဝန်းကျင်ရှိ အစ္စလာမ်ဘာသာဝင်များ အများစုအား လေ့လာကြည့်ပါ။ ဇနီးတစ်ဦးထက် ပိုယူထားသောသူမည်မျှရှိပါသနည်း စာရင်းကောက်ကြည့်ပါ။ ချွင်းချက်အားဖြင် အနည်းငယ် ရှိနိုင်သော်လည်းအများစုသည် တစ်လင်တစ်မယားစနစ်ကိုသာ ကျင့်သုံးသည်ဆိုသည်ကို စာရှုသူ လက်တွေ့ တွေ့ရပါလိမ့်မည်။မြန်မာပြည်တွင် သာမက ကမ္ဘာတစ်လွှားတွင်လည်း အများစုက ဇနီးတစ်ဦးသာ ယူထားကြပါသည်။ Exceptions do not make rules! ချွင်းချက်များကိုကြည့်ကာ ကောက်ချက်မချသင့်ပါ။ အခြားဘာသာဝင်တွင်လည်းမယားတစ်ဦးထက် ပိုယူထားသူ၊ တိတ်တိတ်ပုန်း ကီပင်ထားသူ ရှိပါသည်။ ထိုသူတို့ကိုကြည့်ကာထိုသူတို့ ကိုးကွယ်သည့်သာသနာကို ကောက်ချက်ချ၍ မရပါ။

    အထက်ပါအချက်များအရ မွတ်စလင်မ်တို့သည် မယားအများအပြားယူ၊ သားသမီး တစ်ြပုံတစ်ခေါင်းမွေးကာ သားဖောက် သာသနာပြုကြသည်ဆိုခြင်းမှာ အခြေအမြစ်လုံးဝမရှိသည့်စွပ်စွဲချက်သက်သက်သာ ဖြစ်ပါသည်။

    ဘာသာမတူသူနှင့် အိမ်ထောင်ပြုခြင်း

    ဒုတိယအချက်မှာ မွတ်စလင်မ်အမျိုးသားများကဘာသာမတူသူ အမျိုးသမီးများအား သွေးဆောင်လက်ထပ်ကာ အစ္စလာမ်ဘာသာဝင်အဖြစ် သွတ်သွင်းနေကြသည်ဆိုသည့်စွပ်စွဲချက်ဖြစ်သည်။ တကယ်တမ်းကျတော့ အစ္စလာမ့်သွန်သင်ချက်အရ ဘာသာမတူလျင် ပေါင်းဖက်ခွင့်လုံးဝမရှိပါ။

    “မွတ်ရ်ှရစ်က်(အခြားကိုးကွယ်ရာ၊ အခြားသာသနာကိုကိုးကွယ်သူ) ဘာသာခြား အမျိုးသမီးတို့သည် အစ္စလာမ်ကိုလက်ခံယုံကြည်ခြင်း မရှိသမျှကာလပတ်လုံး အသင်တို့သည် ထိုအမျိုးသမီးများနှင့် လက်မထပ်ကြကုန်လင့်။ထိုဘာသာခြား အမျိုးသမီးသည် သင်တို့အထင်တွင် နှစ်သက်ဖွယ် ဖြစ်ငြားသော်လည်း ထိုအမျိုးသမီးထက်စာလျင်အစ္စလာမ်ကို ယုံကြည်သော ကျွန်အမျိုးသမီးက မုချ သာပိုကောင်းမွန် သင့်တော်ပေသည်။ ထိုနည်းတူစွာပင်ဘာသာခြား အမျိုးသားတို့သည် အစ္စလာမ်ကို လက်ခံယုံကြည်ခြင်း မရှိသမျှကာလပတ်လုံး အသင်တို့သည်ထိုသူများနှင့် မွတ်စလင်မ်အမျိုးသမီးများကို လက်ထပ်ထိမ်းမြား မပေးကြကုန်လင့်။ ထိုဘာသာခြားအမျိုးသားသည် သင်တို့အထင်တွင် နှစ်သက်ဖွယ် ဖြစ်ငြားသော်လည်း ထိုအမျိုးသားထက်စာလျင်အစ္စလာမ်ကို ယုံကြည်သော ကျွန်အမျိုးသားက မုချ သာပိုကောင်းမွန် သင့်တော်ပေသည်။” (ကျမ်းမြတ်ကုရ်အာန် ၄း၁၂၉)

    အထက်ပါဆုံမသြဝါဒတော်အရ မွတ်စလင်မ်တို့အိမ်ထောင်ပြုရန်အတွက်ဘာသာတူ ကျွန်ကပင် ပိုမိုသင့်လျော်ကြောင်း သွန်သင်ထားပြီး ဘာသာမတူက လက်ထပ်ခွင့် မရှိပါ။ဤသြဝါဒတော်လာ သာလွန်မှုဟူသည် မြင့်မြတ်ကောင်းမွန်မှုကိုမဟုတ်ဘဲအိမ်ထောင်ဘက်အဖြစ် ပိုမိုသင့်လျော်မှုကို ရည်ညွှန်းပါသည်။ အစ္စလာမ့်သွန်သင်ချက်အရ လူသားအားလုံးသည်တစ်မိတစ်ဖတည်းမှ ဆင်းသက်လာပြီး အလ္လာဟ်အရှင်မြတ်ထံတော်ပါးတွင် အမြင့်မြတ်ဆုံးလူသားမှာမျိုးနွယ်၊ အသားအရာင်၊ ဇာတိတို့ကို အခြေမခံဘဲ သက္ကဝါခေါ် ကိုယ်ကျင့်စာရိတ္တ အမြတ်ဆုံးလူသာဖြစ်ပါသည်။ (ကျမ်းမြတ်ကုရ်အာန်၄၉း၁၃)

    အကယ်၍ အဆိုပါ ဘာသာခြားပုဂ္ဂိုလ်သည် တစ်စုံတစ်ရာသွေးဆောင်မှုကြောင့်မဟုတ်ဘဲ မိမိ စိတိဆန္ဒအလျောက် အစ္စလာမ်သာသနာသို့ ပြောင်းလဲသက်ဝင် လက်ခံယုံကြည်လာခြင်းမှအပ ထိုသူနှင့်မွတ်စလင်မ်တစ်ဦးလက်ဆက်ပိုင်ခွင့်မရှိပါ။

    အစ္စလာမ်သာသနာသို့ ဘာသာပြောင်းခြင်းဆိုသည်ကလည်းနှလုံးသားမှထဲထဲဝင်ဝင် နှစ်နှစ်ကာကာ သက်ဝင်ယုံကြည်ကာ လက်ခံခြင်းဖြစ်ရပါမည်၊ အိမ်ထောင်ပြုနိုင်ရန်ရည်ရွယ်ချက်ဖြင့် မဖြစ်ရပါ။

    မည်သည့်ဘာသာ သာသနာတွင်မဆို သာသနာပြုဖိတ်ခေါ်ဖြန့်ချိခြင်း ရှိပါသည်။ မြန်မာနိုင်ငံတွင်လည်း တောင်တန်းသာသနာပြုစီမံကိန်းထင်ရှားပါသည်။ ထို့အတွက် မည်သူမဆို မိမိယုံကြည်ရာ၊ မိမိကမှန်သည်ထင်ရာကိုကျန်သူတို့ထံဖိတ်ခေါ်ဖြန့်ချိပိုင်ခွင့် ရှိရမည်ဟု ယုံကြည်ပါသည်။ ထိုသို့ ဖိတ်ခေါ်ဖြန့်ချိရန် အစ္စလာမ်ကချမှတ်ထားသောနည်းစနစ်ရှိပါသည်။

    “အသိပညာဥာဏ်အလိမ္မာ၊ သာယာလှပသော ဆုံးမစကားဖြင့် အသင့်အား ဖန်ဆင်းမွေးမြူတော်မူသောသာသနာသို့ဖိတ်ခေါ်ပါလေ။” (ကျမ်းမြတ်ကုရ်အာန် ၁၆း၁၂၅)

    အထက်ပါညွှန်ကြားချက်နှင့်အညီ ဖိတ်ခေါ်ခြင်းမှအပ၊အစ္စလာမ်အကြောင်း ရှင်းလင်းတင်ပြ ကျင့်သုံးဆောက်တည်ပြခြင်းမှတစ်ပါး အခြား အောက်လမ်းနည်းသုံးကာပိုင်းလုံးလုပ်လျက် သာသနာပြုရန် လုံးဝအကြောင်းမရှိပါ။

    အစ္စလာမ်သာသနာတွင် အဓမ္မစနစ်ကို လုံးဝခွင့်မပြုပါ။

    “ဖြောင့်မတ်မှန်ကန်သောတရားလမ်းစဉ်သည် မမှန်ကန်သောလမ်းစဉ်နှင့် ရှင်းလင်းထင်ရှားစွာ ကွဲပြားခြားနားလျက် ရှိနေပြီဖြစ်ရာသာသနာရေးတွင် အနိုင့်အထက် အလျဉ်းမပြုရ” (ကျမ်းမြတ်ကုရ်အာန် ၂း၂၅၆)

    ထို့အတွက်ကြောင့် အစ္စလာမ်၏ မည်သည့်နေရာတွင်မှဘာသာမတူသူကို လက်ထပ်ကာ ဘာသာကူးပြောင်းစေရန် ညွှန်ကြားခိုင်းစေထားရန် မဆိုထားဘိ ထိုသို့လုပ်ရန်ကိုပင်လုံးဝ ခွင့်မပြုပါ။ နှလုံးသားမှမပါဘဲ အပေါ်ယံကူးပြောင်းလာမည့် အယောင်ဆောင်လည်း အလိုမရှိပါ။သူတို့ထံမှလည်း အစ္စလာမ့်အတွက် တစ်စုံတစ်ရာ ကောင်းကျိုးမဖြစ်နိုင်ပါ။ နှစ်နှစ်ကာကာ ကူးပြောင်းသက်ဝင်ယုံကြည်သူဆိုလျင်မူ လှိုက်လှဲစွာ ကြိုဆိုပါသည်။

    ထို့အတွက်ကြောင့် မျိုးဖောက်သာသနာပြုရန်ဘာသာတရားက ခိုင်းစေထားပါသည်ဆိုကာ အမုန်းမီးပွားစေရန် ဝါဒမှိုင်းတိုက်သည်ကို မှားယွင်းကြောင်းပြတ်ပြတ်သားသား ဆန့်ကျင်ပါသည်။ အစ္စလာမ်က ထိုသို့ လုံးဝ မသွန်သင်ထားပါ။

    သို့သော် …… သို့သော် …..။

    ဝါဒနှင့်ဝါဒီကို ခွဲခြား ရှုမြင်စေလိုပါသည်။သာသနာက ခွင့်မပြုပါ ဆိုထားပါလျက်နှင့် ပိုးဖလံမျိုး မီးကို တိုးကြသူများလည်း အဟုတ်အမှန်ရှိပါသည်။

    အိမ်ထောင်ရေး၏ အစသည် နီးစပ်မှုသံယောဇာဉ်တွယ်ငြိမှုဖြစ်ရာ အမြဲအတူ ထိတွေ့ဆက်ဆံနေကြရသူ အသိုင်းအဝိုင်းများအတွင်း ဘာသာရေးအရ ခွင့်ပြုချက်မရှိသော်လည်းမိမိတို့ကိုယ်ကျိုးဆန္ဒနောက်ကိုလိုက်လျက် ဘာသာမတူသူနှင့် လက်ထပ်ကြသူ မွတ်စလင်မ်များလည်းရှိခဲ့ပါသည် …… ရှိနေပါသည်။ မဖြစ်ခင်က ကြိုတင်သိရှိသောကြောင့်ရှေ့မဆက်ကြရန် မွတ်စလင်မ် အသိုင်းအဝိုင်းက နည်းမျိုးစုံနှင့် တားမြစ်ကြသော်လည်း မိမိတို့ဆန္ဒနောက်ကို လိုက်ကြသူများလည်းရှိပါသည်။ နောက်ကျပြီးမှ သိလိုက်ကြရသည်တို့လည်း ရှိပါသည်။ ထိုအခြေအနေတွင် မိဘနှစ်ဖက်အသိုင်းအဝိုင်းကကြည်ဖြူလက်ခံလိုလှ၍ မဟုတ်သော်လည်းအကြောင်းကြောင်းကြောင့် လက်ခံပေးလိုက်ရသည်လည်း ရှိပါသည်။ ထိုနေရာတွင် မွတ်စလင်မ်တစ်ချို့က“ဖြစ်သွားပြီးတဲ့နောက် နိကဟ် (အစ္စလာမ့်နည်းကျ ထိမ်းမြားမှု) လုပ်ပေးလိုက်ကြတာပေါ့ …မွတ်စလင်မ်လို လိုက်နေရမယ်” ဟု ဆိုလာခြင်းမှာလည်း ကျွန်တော့်အမြင်အရမူ ဖိနပ်နှင့်မတော်သောကြောင့်ခြေထောက်ဖြတ်သကဲ့သို့သာ ဆိုချင်ပါသည်။ သို့သော် လွန်ခဲ့ပြီးသော ကိစ္စရပ်အတွက် ရေရှည်စိတ်ဆင်းရဲကြရခြင်းမှလွဲ၍အဖြေမရှိပါ။

    သေချာပါသည်။ မည်သည့်မွတ်စလင်မ် မိဘဆွေမျိုး၊ဘာသာရေးအသင်းအဖွဲ့ကမှ ထိုသို့သော မွတ်စလင်မ်မဟုတ်သူနှင့် လက်ထပ်ခြင်းကို အားပေးအားမြှောက်မပြုပါ။ဘာသာမတူသူ တိုင်းရင်းသူအမျိုးသမီး၏ အဆင့်အတန်းအလိုက် ထောက်ပံ့ဆုကြေးများကို ဗလီများမှတဆင့်ချီးမြှင့်သည် ဆိုလာခြင်းကိုမူ ပျက်လုံးတစ်ခုအနေဖြင့်သာ ရယ်လိုက်ချင်ပါတော့သည်။ သက်သေပြပါဟုသာပြန်မေးချင်ပါသည်။ မြန်မာပြည်ရှိ အစ္စလာမ့် အဖွဲ့အစည်းများ၊ ဗလီများတွင် ထိုမျှလောက်ငွေပိုလည်း ရှိမနေပါ။ ဘာသာခြားနှင့်ိမ်ထောင်ပြုထားပြီး မွဲတေနေသူမွတ်စလင်မ်တို့ကိုလည်းမြင်နေရပါသည်။ ဝါဒဖြန့်စာစဉ်များတွင် ပါသည့် မွတ်စလင်မ်တို့၏ လျှို့ဝှက်ဖြန့်ဝေစာ ဆိုသည်မှာလည်းအမှန်တကယ်မရှိသည့်၊ မွတ်စလင်မ်စစ်စစ်တို့က ရေးသားခြင်းမဟုတ်သည့် လုပ်ကြံစာသာ ဖြစ်ပါသည်။ အစ္စလာမ်သာသနာကို ကျမ်းမြတ်ကုရ်အာန်နှင့်တမန်တော် မုဟမ္မဒ်၏ စစ်မှန်ခိုင်လုံသော သြဝါဒတော်များကသာ ကိုယ်စားပြုပါသည်။ ထိုသည်တို့တွင်အဆိုပါ ညွှန်ကြားချက်မျိုး အရိပ်အငွေ့ပင် မပါရှိပါ။

    တကယ်တမ်း လေ့လာကြည့်ပါက ဘာသာခြားနှင့်အိမ်ထောင်ပြုသွားသူများတွင် မွတ်စလင်မ်အမျိုးသားများနည်းတူ မွတ်စလင်မ်အမျိုးသမီးများလည်းအမြောက်အများ ပါ ပါသည်။ စာရှုသူလည်း တွေ့ဖူးပါလိမ့်မည်။ စိုးရိမ်နေကြရသည့်သူများတွင်မွတ်စလင်မ်မိဘများကလည်း ထိပ်ဆုံးက ရှိနေရပါသည်။ ဘာသာခြားနှင့် အိမ်ထောင်ကျကာ နောက်ဆုံးတွင်ထိုဘာသာဘက်သို့ ကူးပြောင်းသွားကြသော မွတ်စလင်မ်များလည်း တစ်ပုံတစ်ပင်ပါ။ သို့သော် သူတို့နှင့်စပ်လျဉ်းလျင်မူဝါဒမှိုင်းတိုက်ဆရာတို့ မသိချင်ယောင် ဆောင်နေကြပါသည်လား။

    မည်သို့ပင် ဆိုစေကာမူ အများစုသော မွတ်စလင်မ်တို့သည်ကားဘာသာတူသူ အချင်းချင်းသာ လက်ထပ်ကြသည်ကိုလည်း မိတ်ဆွေတို့ လက်တစ်ကမ်းရှိသူများကို လေ့လာရုံနှင့်ပင်တွေ့ပါလိမ့်မည်။ ပမာဏနည်းလှသော လူအချို့ကို မီးမောင်းထိုး highlight လုပ်ကာ လိုရာ ခြောက်လှန့်ဝါဒဖြန့်ကြလျက် အမုန်းတရား ပုံဖော်နေကြခြင်းသာဖြစ်ပါသည်။

    နိဂုံးချုပ်ပါမည်။

    အိမ်ထောင်ရေးတွင် ခုရှုပ်မှ နောင်ရှင်းလုံးဝမဟုတ်ပါ …. ခုရှင်းမှသာ နောင်ရှင်းပါမည်။ ဘာသာမတူသော အသိုင်းအဝိုင်းနှစ်ခုသည်မိတ်ဆွေအဖြစ် လက်တွဲနိုင်သော်လည်း “အသွင်မတူ အိမ်သူမဖြစ်” လေရာ ရာသက်ပန် ရိုးမြေကျဆွေမျိုးအသိုင်းအဝိုင်းများကပါ ပါဝင်သည့် ဘဝလက်တွဲဖော်အဖြစ်ကတော့ လက်တွေ့မဖြစ်နိုင်ပါ။ထို့အတွက်ကြောင့် မည်သည့်ဘာသာ သာသနာအနေနှင့်မဆို မိမိတို့ သာသနာဝင်များအား ဘာသာမတူသူနှင့်လက်ထပ်ခြင်း မပြုကြရန် တိုက်တွန်းကြခြင်းအား ဝမ်းမြောက်ဝမ်းသာ ကြိုဆိုပါသည်။ ဘာသာတိုင်းအနေဖြင့်ယခုထက်ပင် အရှိန်အဟုန်ဖြင့် တိုက်တွန်းကြရန် မရှိမဖြစ်လိုအပ်သည်ဟုလည်း ယုံကြည်ပါသည်။

    သို့သော် ဤအကြောင်းချင်းရာကို ဆုံးမသွန်သင်ရာတွင် ဘာသာခြားနှင့် လက်ဆက်ခြင်းကြောင့်ရေရှည် အဆင်မပြေ ဖြစ်နိုင်ကြောင်းကို အဓိက မပြောဘဲ အခြားဘာသာတရားတစ်ခုအား အခြေမမြစ်မရှိပုတ်ခတ်စွပ်စွဲ အမုန်းပွား အထင်အမြင်လွဲစေမည့် အကြောင်းချင်းရာများကိုမူ ရှောင်ရှားအပ်ပါကြောင်းယုံကြည်ပါသည်။

    ယခုနှစ်သစ်ခါသမယမှစတင်ကာ ဘက်စုံဖွံ့ဖြိုးတိုးတက်သော၊ဘာသာပေါင်းစုံ ချစ်ကြည်ရင်းနှီးကြသော ပဋိပက္ခကင်းသော ပြည်ထောင်စုမြန်မာနိုင်ငံတော်ကြီးအဖြစ် မြင်ချင်လှပါသည်။ လက်တွေ့ဖြစ်လာစေရန် ကျွန်တော်တို့တွင် တာဝန်ရှိပါသည်။ နောင်မျိုးဆက်တွင်အမုန်းတရားများ မကျန်စေလိုတော့ပါ။ အုတ်တစ်ချပ် သဲတစ်ပွင့် ကြိုးပမ်းကြပါဦးစို့။

  • မမေးလည်းဖြေ (၁၆)- မွတ်စလင်မ်မဟုတ်ရင် သတ်ရမှာလား?

    မမေးလည်းဖြေ (၁၆)- မွတ်စလင်မ်မဟုတ်ရင် သတ်ရမှာလား?

    ဧပြီ-၁၆-၂၀၁၃
    ရေးသူ-သဲတပွင့်

    အစ္စလာမ်သာသနာတော်ကို မလိုမုန်းတီးသူတို့က အစ္စလာမ်သာသနာတော်၏ အဆုံးအမဖြစ်သော ကျမ်းတော်မြတ်ကုရ်အာန်ပါ သွန်သင်ချက်အချို့ကို မိမိတို့ အလိုရှိရာ အစိတ်အပိုင်းမျှကိုသာ မိမိတို့လိုရာ ဖြတ်တောက်ကောက်နုတ်တင်ပြကြလျက် ကျမ်းမြတ်ကုရ်အာန်တွင် မွတ်စလင်မ်မဟုတ်သူတို့အား သတ်ရန် လမ်းညွှန်ထားကြောင်း ပြောကြပါသည်။ သူတို့ ညွှန်းဆိုသည့် ကျမ်းမြတ်ကုရ်အာန်လာ သွန်သင်ချက်များကို ဦးစွာပထမ တင်ပြပါမည်။

    “ထို့ပြင်တဝ အသင်တို့သည် ထိုသူ( ကာဖိရ် – မိစ္ဆာ ဒိဋ္ဌိ) တို့အား တွေ့ဆုံ ဖမ်းဆီးမိရာအရပ်၌ တိုက်ခိုက် သုတ်သင် ရှင်းလင်းကြကုန်လော့။”
    (ကျမ်းမြတ်ကုရ်အာန် ၂း၁၉၁)

    “သို့ဖြစ်ပေရာ အသင်တို့သည် ထိုမွတ်ရ်ှရစ်က်(တုဖက်ယှဉ်တွဲကိုးကွယ်သူ)တို့အား တွေ့ရာနေရာများတွင် တိုက်ခိုက်သတ်ဖြတ် ကြလေကုန်။ ထို့ပြင် သူတို့အား ဖမ်းဆီးချုပ်နှောင် အကျဉ်းချ ထားကြလေကုန်။ သူတို့ ပုန်းကွယ်လျက်ရှိသောနေရာများသို့လည်း ချောင်းမြောင်း တိုက်ခိုက်ကြလေကုန်။”

    (ကျမ်းမြတ်ကုရ်အာန် ၉း၅)

    “အသင်တို့သည် သူတို့အား အဘယ်ကြောင့် မတိုက်ခိုက် မသုတ်သင်ကြလေသနည်း။”

    “အသင်တို့သည် သူတို့အား တိုက်ခိုက် သုတ်သင် ရှင်းလင်းကြကုန်လော့။”
    (ကျမ်းမြတ်ကုရ်အာန် ၉း၁၃၊၁၄)

    အထက်ပါ ဖော်ပြချက်များသည် ကျမ်းမြတ်ကုရ်အာန်တွင် အမှန်မုချ ပါရှိသော သွန်သင်ချက်များ ဖြစ်ပါသည်။ ထိုသို့ဆိုလျင် အစ္စလာမ်က ဘာသာမတူသူ မွတ်စလင်မ်တို့အား တွေ့ရာ သင်္ချိင်း ဓားမဆိုင်းဘဲ သတ်ဖြတ်ခိုင်းထားသည့် သာသနာပေလော … စဉ်းစားဖွယ်၊ စိုးကြောက်ဖွယ်ရာပင်။

    ဤသွန်သင်ချက်အတိုင်းသာ အမှန်ဆိုပါက အယုတ်အလတ် အမြတ်မရွေး ကမ္ဘာ့လူဦးရေ၏ လေးပုံတစ်ပုံမျှသော သန်းနှစ်ထောင်ခန့်လူသားထုက အစ္စလာမ်သာသနာအား  လိုက်နာကျင့်သုံး နေကြခြင်းသည် ယုတ္တိရှိပါဦးမည်လော။ ကမ္ဘာတစ်ဝန်းရှိ ပညာတတ်မွတ်စလင်မ် အသိုင်းအဝိုင်းကလည်း ဤကဲ့သို့သော သွန်သင်ချက်များရှိနေသည့် သာသနာတစ်ခုကို မျက်စိမှိတ် ကျင့်သုံးနေကြသည်လော။ ဤလမ်းညွှန်အတိုင်းသာဆိုပါက မွတ်စလင်မ်တို့သည် ကျမ်းတော်မြတ်ကုရ်အာန်၏ လမ်းညွှန်ချက်များကို အသက်ထက်ဆုံး လိုက်နာကျင့်သုံး ဆောက်တည်ရန် ကြိုးစားနေကြပါသည်ဆိုပါလျက်နှင့် ဤကမ္ဘာမြေဝယ် မွတ်စလင်မ်မဟုတ်သူ ကျန်ရှိနေသေးသည်မှာလည်း အံ့အားသင့်ဖွယ်ရာပင်။

    ထိုသို့ဆိုလျင် ရှင်းပါသည်။ ဤသွန်သင်ချက်များသည် ထိုဝါဒဖြန့်ချိသူ၊ ပြဿနာ မီးမွှေးနေသူ၊ အမုန်းမှိုင်းတိုက်နေသူတို့ဆိုသကဲ့သို့ မဟုတ်နေသောကြောင့်သာပါပင်။

    ရှင်းပါဦးမည်။

    ကျမ်းမြတ်ကုရ်အာန်လာ အထက်ပါသွန်သင်ချက်များအကြောင်းမရှင်းမီ အစ္စလာမ် စတင်ထွန်းကားလာချိန်က အခြေအနေနှင့် ထိုကျမ်းမြတ် ကျရောက်လာပုံကို ရှင်းပြလိုပါသည်။

    ကျမ်းမြတ်ကုရ်အာန်သည် အလ္လာဟ်အရှင်မြတ်ထံတော်ပါးမှ လူသားတို့ထံသို့ တမန်တော်မြတ် မုဟမ္မဒ် (ငြိမ်းချမ်းပါစေ)မှတဆင့် ၂၃နှစ်တာ ကာလအတွင်း လိုအပ်ချက်ပေါ်မူတည်လျက် ဝါကျအလိုက်၊ စာပိုဒ်အလိုက် သွန်သင်ဆုံးမချက်အဖြစ် ကျရောက်လာခြင်း ဖြစ်ပါသည်။ ထို့အတွက်ကြောင့် ကျမ်းမြတ်ကုရ်အာန်၏ ဆုံးမသြဝါဒတော်များကို အပြည့်အဝ နားလည်နိုင်ရန်အတွက် အဆိုပါ သွန်သင်ချက်များကို မည်သို့သော အခြေအနေ အချိန်အခါတွင် မည်သည့်အတွက် ညွှန်ကြားခြင်းဖြစ်ကြောင်း နားလည်ရန် အရေးကြီးပါသည်။ ထို့ပြင် ကျမ်းမြတ်ကုရ်အာန်၏ သွန်သင်ချက်အား မိမိလိုရာ အစိတ်အပိုင်းတစ်ခုမျှသာ လိုရာစွဲ ဖြတ်တောက်ထုတ်နုတ်ခြင်းမပြုဘဲ ရှေ့နောက်အကြောင်းချင်းရာကိုပါ ထောက်ရှုကာ သွန်သင်ချက်သဘောကို အပြည့်အဝနားလည်ရန် ကြိုးစားရန်လည်း လိုအပ်ပါသည်။

    အာရေဗျကျွန်းဆွယ် မက္ကာဟ်ရွှေမြို့တော်တွင် အစ္စလာမ်သာသနာ စတင်စဉ်ကာလတွင် မွတ်စလင်မ်များသည် မယုံကြည်သူ မိစ္ဆာဒိဋ္ဌိများ၏ နည်းမျိုးစုံဖြင့် နှိပ်စက်ညှင်းပမ်း သတ်ဖြတ်ခြင်းကို ခံခဲ့ရသည်။ အစ္စလာမ်ကို ယုံကြည်မိသည့်အတွက် စီးပွားရေး၊ ပညာရေး၊ လူမှုရေးအရ ဝိုင်းကျဉ် ရှောင်ဖယ်သည့်ဒဏ်လည်း ခံခဲ့ကြရသည်။ ထူးခြားသည်က ထိုသို့သော မတရားနှိပ်စက်မှု အမျိုးမျိုးနှင့် ကြုံဆုံနေရစဉ်ကာလတွင်ပင် မွတ်စလင်မ်တို့က မိမိတို့နှင့် အယူမတူသူတို့အပေါ် တရားမျှတစွာ မေတ္တာထားနိုင်ခဲ့ခြင်းဖြစ်သည်။  အစ္စလာမ်၏ လမ်းပြပုဂ္ဂိုလ် မဟာတမန်တော်မြတ်၏ အတ္ထုပ္ပတ္တိကို လေ့လာကြည့်လျင် မိမိတစ်ကိုယ်ရည်အား ရန်ပြုသူ၊ စော်ကားသူ၊ မတရားပြုမူသူ၊ စွပ်စွဲသူမှန်သမျှအား မေတ္တာထား ခွင့်လွှတ်ခဲ့သည်။ မိမိဝတ်ပြုဆုတောင်းနေစဉ် မိမိ ခန္ဓာကိုယ်ပေါ်သို့ အမှိုက်သရိုက် အညစ်ကြေးများ သွန်ချသူ အဘွားအိုကို အပြစ်မယူခဲ့သည်သာမက တစ်ရက် ထိုသို့လာရောက်ပြုမူခြင်း မရှိသောကြောင့် နေထိုင်မကောင်းခြင်းကြောင့်များလား စိတ်ပူကာ လူမမာ သွားမေးခဲ့သူ ဖြစ်သည်။ ထူးခြားလှသည့် နောက်အချက်က အစ္စလာမ်ကို နည်းအမျိုးမျိုးဖြင့် နှောက်ယှက်ဖျက်ဆီးရန် ကြိုးပမ်းနေသူများသည်ပင်လျင် ထိုခေတ်ထိုအခါ၏ လုံခြုံရေးနည်းစနစ် တစ်ခုဖြစ်သည့် မိမိတို့ ဥစ္စာပစ္စည်း လုံခြုံရေးအတွက် ယုံကြည်စိတ်ချရသူထံ မိမိတို့ ပစ္စည်းဥစ္စာများ အပ်နှံရာတွင်မူ ထို တမန်တော်မြတ်ထံ လာရောက် အပ်နှံခဲ့ကြသည်ကို ထောက်ရှုလျင် မွတ်စလင်မ်တို့၏ သစ္စာရှိမှုကို မျက်ဝါးထင်ထင် တွေ့မြင်နိုင်ပါသည်။

    မိမိ တစ်ကိုယ်ရည်အတွက် စော်ကားဒုက္ခပေးသမျှ ခါးစည်းသည်းခံခဲ့သော်လည်း မွတ်စလင်မ်အများ ၁၃နှစ်တာမျှ ဘေးဒုက္ခမျိုးစုံ ကြုံလာသည့်အခါတွင် အခြားမြို့ရွာသို့ (ယဆ်ရစ်ဘ်-နောင်တွင် မဒီနဟ်မြို့ဟု အမည်တွင်သည်) မွတ်စလင်မ်များအား ပြောင်းရွှေ့ အခြေချစေခဲ့ရသည်။ ထိုသို့ ပြောင်းရွှေ့ပြီးသည့်တိုင်အောင်ပင် ကျန်ရစ်သည့် အိုးအိမ်များ၊ ဆွေမျိုးသားချင်း မိသားစုဝင်များအား ဆက်လက် ဖျက်ဆီးကာ လူမှုရေး စီးပွားရေးအရ နားလန်မထူနိုင်အောင် ဆက်လက် ဒုက္ခပေးနေသေးသည့်အတွက် မတတ်သာသည့်နောက်ဆုံးတွင် ခုခံစစ်အဖြစ် ပြန်လည် တိုက်ခိုက်ခဲ့ရကြသည်။

    မတရားသဖြင့် ညှင်းပမ်းနှိပ်စက်ခြင်းသည် သတ်ဖြတ်ခြင်းထက်ပင် ဆိုးရွားလှသည် မဟုတ်ပါလော။ (ကျမ်းမြတ်ကုရ်အာန် ၂း ၁၉၁)

    မွတ်စလင်မ်များသည် မိမိတစ်ဦးချင်းအတွက် မေတ္တာထား ငုံ့ခံခဲ့ကြသလို အများအကျိုးနှင့်ယှဉ်လာပါကမူ သစ္စာတရားအတွက် တုန့်ပြန်ခဲ့ကြရခြင်းသာ ဖြစ်ပါသည်။

    အထက်ဖော်ပြပါ ကျမ်းမြတ်ကုရ်အာန်၏ သွန်သင်ချက်များသည် ထိုစဉ်အချိန်က သစ္စာတရားအတွက် တုန့်ပြန်ရန်လိုအပ်လာစဉ်က လမ်းညွှန်အဖြစ် ကျရောက်ခဲ့ခြင်း ဖြစ်ပါသည်။

    ဆက်လက်၍ အဆိုပါ သွန်သင်ချက်တို့အား လိုသလို ဖြတ်တောက်ခြင်းမပြုဘဲ ဖြစ်စဉ်ဖြစ်ရပ်တစ်ခုလုံးအား မီးမောင်းထိုးပြနေသည့် ရှေ့နောက် ဝါကျစာကြောင်းများနှင့်ပါ ယှဉ်တွဲ လေ့လာကြည့်ကြပါဦးစို့။

    “ထို့ပြင်တဝ အသင်တို့သည် အလ္ခာဟ်အရှင်မြတ်၏ လမ်းတော်၌ အသင်တို့ကို စတင် စစ်မက် ပြိုင်ဆိုင်တိုက်သူတို့နှင့် စစ်မက် ပြိုင်ဆိုင်တိုက်ခိုက်လေလော့။ သို့ရာတွင် အသင်တို့သည် မကျူးလွန်ကျကုန်လင့်။ ဧကံမုချ အရှင်မြတ်သည် ကျူးလွန်သူတို့အား နှစ်သက်တော်မမူချေ။

    ထို့ပြင်တဝ အသင်တို့သည် ထိုသူ( ကာဖိရ် – မိစ္ဆာ ဒိဋ္ဌိ) တို့အား တွေ့ဆုံ ဖမ်းဆီးမိရာအရပ်၌ တိုက်ခိုက် သုတ်သင် ရှင်းလင်းကြကုန်လော့။ ထိုသူတို့က အသင်တို့အား (အသင်တုိ့နေအိမ်များမှ၊ အသင်တို့ မြို့ရွာမှ) နှင်ထုတ်သကဲ့သို့ အသင်တို့ကလည်း သူတို့အား နှင်ထုတ်ကြလေကုန်။ အမှန်သော်ကား မတရားသဖြင့် ညှင်းပမ်းနှိပ်စက်ခြင်းသည် သတ်ဖြတ်ခြင်းထက်ပင် ဆိုးရွားလှသည် မဟုတ်ပါလော။ သို့ဖြစ်ငြားသော်လည်း မတ်စ်ဂျီဒိလ်ဟရာမ် – ရိုသေလေးစားအပ်သော ဝတ်ကျောင်းတော်အပါးတွင် ထိုသူတို့သည် သင်တို့အား မတိုက်ခိုက်သမျှကာလပတ်လုံး သင်တို့ကလည်း မတိုက်ခိုက်ကြနှင့်။ သူတို့က စတင်တိုက်ခိုက်လာလျင်မူ သင်တို့ကလည်း ပြန်လည် တိုက်ခိုက်ကြကုန်။ ဤသည်ပင် ကာဖစ်ရ်- မိစ္ဆာဒိဋ္ဌိတို့အား အပြစ်ဒဏ်ပေးခြင်းဖြစ်သည်။

    အသင်တို့သည် သာသနာရေး၌ နှိပ်စက်ညှင်းပမ်းမှု လုံးဝ ပပျောက်ကာ သာသနာသည် အလ္လာဟ်အရှင်မြတ်အတွက် ဖြစ်လာသည့်တိုင်အောင် ထိုသူတို့နှင့် စစ်မက်ပြိုင်ဆိုင် တိုက်ခိုက်ကြကုန်လော့။ သို့ရာတွင် ထိုသူတို့သည် စစ်မက်ပြိုင်ဆိုင်တိုက်ခိုက်ခြင်းကို ရပ်တံ့ပါမူ ကျူးလွန်နှိပ်စက်ညှင်းပန်းသူတို့မှတစ်ပါး အခြားသူတို့အပေါ်ဝယ် မည်သို့မျှ ကျူး ကျော်စော်ကားသတ်ဖြတ်ရန် အကြောင်းမရှိပေ။ ”
    (ကျမ်းမြတ်ကုရ်အာန် ၂း၁၉၀ – ၁၉၂)

    ထိုနည်းတူစွာပင်  ကျမ်းမြတ်ကုရ်အာန် အခန်းကဏ္ဍ၉တွင် ပါရှိသော “သို့ဖြစ်ပေရာ အသင်တို့သည် ထိုမွတ်ရ်ှရစ်က် (တုဖက်ယှဉ်တွဲကိုးကွယ်သူ) တို့အား တွေ့ရာနေရာများတွင် တိုက်ခိုက်သတ်ဖြတ် ကြလေကုန်။” ဆိုသည်ကလည်း ကိုကဏ္ဍ အစမှစကာ ဝါကျစာကြောင်းရေအမှတ် ၂၀ ဝန်းကျင်အထိ ဖတ်ရှုလေ့လာပါက ပဋိဥာဉ် သဘောတူညီချက် ချုပ်ဆိုထားပြီးနောက်တွင်မှ ထိုပဋိဥာဉ်ကိုဖောက်ဖျက်သူ၊ သစ္စာဖောက်သူတို့ကိုသာ ရည်ညွှန်းကြောင်း အခိုင်အမာ တွေ့ရပါမည်။ ထိုသူတို့ကိုပင် သူတို့ဘက်မှ ပြောင်းလဲလိုက ပြောင်းလဲလာနိုင်ရန် လေးလတာကာလမျှ စောင့်ကြည့်ရန် ညွှန်ကြားထားပါသေးသည်။ အကယ်၍ ထို့နောက်တွင်မှ သူတို့ပြောင်းလဲကာ ခိုလှူံလာပါကလည်း ထိုသူတို့အား ဘေးရန်ကင်းရာသို့ ပို့ဆောင်ကာကွယ်ကြရန် သွန်သင်ထားပါသည်။  အသေးစိတ်ကို စာရှုသူတို့ ကိုယ်တိုင်ဖတ်ရှုနိုင်ရန် အညွှန်းပေးပါမည်။

    အာရဗီဝေါဟာရတွင် (ကသလ) ဟူသောပုဒ်သည် သတ်ဖြတ်ခြင်းဟူသော အဓိပ္ပါယ်သာမက စစ်မက်ပြိုင်ဆိုင်တိုက်ခိုက်ခြင်းဟူသော အဓိပ္ပါယ်ပါရသည်ဖြစ်ရာ ကျမ်းမြတ်ကုရ်အာန်ပါ အထက်ပါ ညွှန်ကြားချက်များသည် ဒုတိယအဓိပ္ပါယ် စစ်မက်တိုက်ခိုက်ခြင်းကို ဆိုလိုပါသည်။ ဤမျှဆိုလျင် ကျမ်းမြတ်ကုရ်အာန်က တိုက်ခိုက်ခုခံပိုင်ခွင့်ပေးထားသူ ဘာသာခြားတို့သည် မည်သူတို့ကို ဆိုလိုကြောင်း ရှင်းလောက်ပြီဟု ယုံကြည်ပါသည်။ အစ္စလာမ်က သစ္စတရား၊ တရားမျှတမှုတို့အတွက် ချွင်းချက်လိုအပ်၍မဟုတ်ဘဲ လူသားတစ်ဦးအား သတ်ဖြတ်ခြင်းသည် လူသားထုတစ်ရပ်လုံးအား သတ်ဖြတ်ခြင်းနှင့်ညီကြောင်း၊ ထိုနည်းတူပင် လူတစ်ဦးအသက်အားကယ်တင်ခြင်းသည် လူခပင်းအား ကယ်ဆယ်ခြင်းနှင့် တူညီကြောင်း သွန်သင်ထားပါသည်။
    (ကျမ်းမြတ်ကုရ်အာန် ၅း၃၂)

    လူသားတစ်ဦးမဆိုထားဘိ၊ တိရစ္ဆာန်တစ်ကောင်ကိုပင် ညှင်းပန်းခြင်းမပြုရန်၊ သစ်ရွက်တစ်ရွက်ကိုပင် အကြောင်းမဲ့ ဖျက်လိုဖျက်ဆီး မလုပ်ရန်၊ သက်မဲ့ ရေတွင်းရေကန်ကိုပင် မိမိကြောင့် မတိမ်ကောစေရန် တမန်တော်မြတ်ကလည်း တားမြစ်ညွှန်ကြားထားပါသည်။

    မလွှဲသာမရှောင်သာရင်ဆိုင်ရသောဤသို့သော ခုခံစစ်ပွဲအခြေအနေမျိုးတွင်ပင် ယခင်က မရှိခဲ့ဖူးသည့် တရားမျှတသည့် စစ်စည်းမျဉ်းများ ချမှတ်ခဲ့သည်မှာ သမိုင်းတွင် အထင်အရှားဖြစ်ပါသည်။ စစ်နှင့် တိုက်ရိုက်သက်ဆိုင်ခြင်းမရှိသောသူများဖြစ်သည့် ကလေးသူငယ်များ၊ အမျိုးသမီးများ၊ သက်ကြီးရွယ်အိုများအား မထိပါးရန်၊ စစ်မြေပြင်ဝန်းကျင်ရှိ ရေတွင်းရေကန်နှင့် သစ်ပင်များအား မဖျက်ဆီးရန်၊ စစ်သုံ့ပန်းများအား နှိပ်စက်သတ်ဖြတ်ခြင်း မပြုရန်၊  စစ်သုံ့ပန်းများအနေဖြင့် လျော်ကြေးပေးခြင်းဖြင့် ဖြစ်စေ စာမတတ်သူမွတ်စလင်မ်၁၀ဦးအား စာသင်ကြားပေးခြင့်ဖြစ်စေ လွတ်ငြိမ်းချမ်းသာခွင့်ပြုရန် စသည့် လူ့အခွင့်အရေးကို အခြေခံသော တရားမျှတမှုကို ကမ္ဘာ့သမိုင်းတွင် ပထမဆုံးစတင်ခဲ့သူမှာ သစ္စာဝါဒီ မွတ်စလင်မ်များ ဖြစ်ကြသည်။

    ခုခံစစ်ပွဲတစ်ခုအတွင်းကြုံခဲ့သည့် ဖြစ်ရပ်မှန်တစ်ရပ်ကို ပြန်လည် တင်ပြပါမည်။ မွတ်စလင်မ် စစ်သည်တစ်ဦင်္းက ရန်သူ စစ်ခေါင်းဆောင်အား အနိုင်ရကာ ဓားဖြင့်ခုတ်ပိုင်းရန် ရွယ်လိုက်စဉ်တွင် ထိုရန်သူက မွတ်စလင်မ်စစ်သည်အား တံတွေးနှင့် ထွေးလိုက်ပါသည်။ ထိုအခါ မွတ်စလင်မ်စစ်သည်က ဒေါသတစ်ကြီးဖြစ်သွားသော်လည်း ထိုရန်သူအား ဆက်လက်တိုက်ခိုက် ခုတ်ပိုင်းခြင်းမပြုတော့ဘဲ လွှတ်ပေးလိုက်ရာ မိမိကိုကိုယ် သေသူအဖြစ်သတ်မှတ်ပြီးသားရန်သူခေါင်းဆောင်က မယုံကြည်နိုင်စွာဖြင့် အကြောင်းရင်းကို မေးကြည့်ပါသည်။ မွတ်စလင်မ်စစ်သည်အနေဖြင့် မိမိသည် မိမိအတ္တအတွက်မဟုတ်ဘဲ သစ္စာတရားအတွက်သာ တိုက်ပွဲဝင်နေခဲ့သည်ဖြစ်ပြီး မိမိမျက်နှာ တံတွေးအထွေးခံရသဖြင့် စိတ်ဆိုးနေချိန်တွင် ဆက်လက်ခုတ်ပိုင်းပါက မိမိအတ္တအတွက် လူသတ်ရာရောက်မည်ဖြစ်သောကြောင့် ဤသည်ကို မလိုလား၍ ဆက်မတိုက်၊ မသတ်လိုက်ခြင်းဖြစ်ကြောင်း ဖြေကြားခဲ့ပါသည်။ ဤဖြစ်စဉ်က အဆိုပါရန်သူ၏ စိတ်နှလုံးကို ပြောင်းလဲစေလျက် သူကိုယ်တိုင် မွတ်စလင်မ်ဖြစ်လာခဲ့ပါသည်။ ဤသည်မှာ စစ်မြေပြင်တွင်တောင်မှ အမှန်တရားအတွက် သက်သက်သာ တိုက်ပွဲဝင်သူ သစ္စာဝါဒီ မွတ်စလင်မ်တို့၏ ဥပမာ တစ်ခုပင်။

    နောက်ဆုံး ရန်သူတို့ အရေးနိမ့်သွားချိန် စစ်ပွဲများအားလုံး အဆုံးသတ်သွားရသည့် မက္ကာဟ်ရွှေမြို့တော် အောင်နိုင်သည့်ကာလတွင်မူ မွတ်စလင်မ်များအနေဖြင့် ရန်သူအားလုံးတို့အား သွေးမြေမကျစေရဘဲ အကြွင်းမဲ့ လွတ်ငြိမ်းချမ်းသာခွင့် ပေးသည်။ တမန်တော်မြတ်သည် မိမိအားကိုးချစ်ခင်ရသော ဦးရီးတော်ကို သတ်သူကိုပင် အပြစ်မယူဘဲ ခွင့်လွှတ်ပေးခဲ့သူ ဖြစ်ပါသည်။ အကယ်၍သာ ဘာသာခြားမှန်သမျှအား အကြောင်းမဲ့ သတ်ဖြတ်ရန် ညွှန်ကြားထားရိုးမှန်ပါက ထိုသူတို့အသက်ဆက်ရှင်ခဲ့ရာ မှတ်တမ်းမှတ်ရာ ရှိရန် အကြောင်းမရှိပါ။

    အစ္စလာမ်၏ စစ်မှန်သော သွန်သင်ချက်များတွင် မွတ်စလင်မ်မဟုတ်သူ ဘာသာခြားများနှင့် ပတ်သက်၍ မည်သို့ ဆိုထားကြောင်း ဆက်လက် တင်ပြပါမည်။

    အစ္စလာမ့်သွန်သင်ချက်အရ လူသားအားလုံးသည် တစ်မိတစ်ဖတည်းမှ ဆင်းသက်လာပြီး အလ္လာဟ်အရှင်မြတ်ထံတော်ပါးတွင် အမြင့်မြတ်ဆုံးလူသားမှာ မျိုးနွယ်၊ အသားအရာင်၊ ဇာတိတို့ကို အခြေမခံဘဲ သက္ကဝါခေါ် ကိုယ်ကျင့်စာရိတ္တ အမြတ်ဆုံးလူသာဖြစ်ပါသည်။
    (ကျမ်းမြတ်ကုရ်အာန် ၄၉း၁၃)

    ဘာသာတရားများ တစ်ခုနှင့်တစ်ခု ယုံကြည်ချက်၊ ကျင့်သုံးဆောက်တည်မှုများ မတူညီ ကွဲပြားကြပါသည်။ မတူညီမှုကို တန်းညှိနေရန် မလိုပါ။ မိမိတို့လုပ်ရပ်အတိုင်း ကိုယ့်ပြုသည့်ကံ ကိုယ်နှင့်ဆိုင်ပါမည်။ အစ္စလာမ့်သွန်သင်ချက်အရ ကိုယ့်သာသနာနှင့်ကိုယ်ပါ။ ကိုယ့်လမ်းကိုယ် လျှောက်ကြရမည်သာ။
    “ အသင် ပြောကြားပါလေ။
    အို (အစ္စလာမ်ကို) မယုံကြည်သူအပေါင်းတို့…
    ကျွန်ုပ်သည် သင်တို့ကိုးကွယ်လျက်ရှိကြသော ကိုးကွယ်ရာများကို ကိုးကွယ် ဆည်းကပ်သည်မဟုတ်ပေ။
    ထို့ပြင် သင်တို့်သည်လည်း ကျွန်ုပ်ကိုးကွယ်လျက်ရှိကြသော ကိုးကွယ်ရာကို ကိုးကွယ် ဆည်းကပ်ကြသူများ မဟုတ်ပေ။
    ထို့ပြင် ကျွန်ုပ်သည် သင်တို့ကိုးကွယ်ကြကုန်သော ကိုးကွယ်ရာများကို ကိုးကွယ် ဆည်းကပ်မည့်သူ မဟုတ်ပေ။
    ထိုနည်းတုစွာ သင်တို့်သည်လည်း ကျွန်ုပ်ကိုးကွယ်လျက်ရှိကြသော ကိုးကွယ်ရာကို ကိုးကွယ် ဆည်းကပ်ကြမည့်သူများ မဟုတ်ပေ။
    စင်စစ်သော်ကား သင်တို့အဖို့ သင်တို့၏ အကျိုး၊ လမ်းစဉ်၊ သာသနာဖြစ်၍ ကျွန်ုပ်အဖို့ ကျွန်ုပ်၏ အကျိုး၊ လမ်းစဉ်၊ သာသနာပင် ဖြစ်ပေသည်။”
    (ကျမ်းမြတ်ကုရ်အာန် ၁၀၉း၁-၆)

    ထိုသို့ ကိုယ့်ခရီးကိုယ်သွားနေကြသူ အချင်းချင်း မည်သို့မည်ပုံ ဆက်ဆံရမည်ကိုလည်း ရှင်းလင်းပြတ်သားစွာ သွန်သင်ထားပြီး ဖြစ်ပါသည်။

    “အလ္လာဟ်အရှင်မြတ်သည် အသင်တို့အား အကြင်သို့သောသူတို့ကို ကျေးဇူးပြုခြင်းမှလည်းကောင်း၊ တရားမျှတစွာ ဆက်ဆံခြင်းမှလည်းကောင်း တားမြစ်တော်မူသည်မဟုတ်ပေ။ ထိုသူတို့သည် အသင်တို့အား သာသနာနှင့်စပ်လျဉ်း၍ တိုက်ခိုက်ခဲ့ကြသည်လည်းမဟုတ်ပေ၊ အသင်တို့အား အသင်တို့၏ နေအိမ်များမှ နှင်ထုတ်ခဲ့ကြသည်လည်းမဟုတ်ပေ။ ဧကန်စင်စစ် အလ္လာဟ်အရှင်မြတ်သည် တရားမျှတသူတို့အား နှစ်သက်ချစ်ခင်တော်မူ၏။

    အလ္လာဟ်အရှင်မြတ်သည် အသင်တို့အား အကြင်သို့သောသူတို့ကို အဆွေခင်ပွန်း ပြုလုပ်ခြင်းမှသာ တားမြစ်တော်မူ၏။ ထိုသူတို့သည် အသင်တို့အား သာသနာနှင့်စပ်လျဉ်း၍ တိုက်ခိုက်ခဲ့ကြသည့်အပြင် အသင်တို့အား အသင်တို့၏ နေအိမ်များမှ နှင်ထုတ်ခဲ့ကြ၏။ အသင်တို့ကို နှင်ထုတ်ရေးနှင့် စပ်လျဉ်း၍ (သူတစ်ပါးတို့အား) ရိုင်းပင်းကူညီခဲ့ကြ၏။ စင်စစ်သော်ကား မည်သူမဆို ၄င်းတို့အား အဆွေခင်ပွန်း ပြုလုပ်သည်ရှိသော် ထိုကဲ့သို့သော သူတို့သည်သာလျင် မတရားသောသူများ  ဖြစ်ကြကုန်သတည်း။”
    (ကျမ်းမြတ်ကုရ်အာန် ၆၀း၈-၉)

    အစ္စလာမ့် အနှစ်ချုပ်တရားသည် တရားမျှတရန်၊ ကောင်းမွန်စွာ ပြုမူဆက်ဆံရန်၊ ပေးကမ်းလှူဒါန်းရန်၊ မကောင်းမှုမတရားမှုတို့မှ ရှောင်ကျဉ်ရန်ဖြစ်သည်။
    (ကျမ်းမြတ်ကုရ်အာန် ၁၆း၆၀)

    အစ္စလာမ်သာသနာတွင် အဓမ္မစနစ်ကို လုံးဝ ခွင့်မပြုပါ။

    “ဖြောင့်မတ်မှန်ကန်သော တရားလမ်းစဉ်သည် မမှန်ကန်သောလမ်းစဉ်နှင့် ရှင်းလင်းထင်ရှားစွာ ကွဲပြားခြားနားလျက် ရှိနေပြီဖြစ်ရာ သာသနာရေးတွင် အနိုင့်အထက် အလျဉ်းမပြုရ”
    (ကျမ်းမြတ်ကုရ်အာန် ၂း၂၅၆)

    ဘာသာ မတူသူများနှင့် လူသားချင်းအတူ လက်တွဲကာ ပူးပေါင်းဆောင်ရွက်ရမည်တို့ တစ်ပုံတစ်ပင် ရှိပါသည်။ လက်တွေ့လည်း လက်တွဲ ဆောင်ရွက်ခဲ့ကြပါသည်။ တမန်တော်မြတ်သည် မဒီနဟ် မြို့တွင် ဂျူးများနှင့်အတူ မြို့တော် တိုးတက်အေးချမ်းရေးအတွက် ဦးစီးဦးဆောင်ပြုခဲ့သည်။ ဘာသာမတူသူတို့အား အကြောင်းမဲ့ သတ်ဖြတ်ရန် မဆိုထားဘိ၊ ဘာသာခြား နာရေးချရန် သယ်သွားသည်ကိုပင် ကမန်တော်မြတ်က မတ်တပ်ရပ်၍ ဆုတောင်းမှုပြုသဖြင့် နောက်လိုက်သာဝကများက ဘာသာခြား ဂျူးတစ်ဦး၏ နာရေးဖြစ်ကြောင်း ပြောလာသည်ကို ဂျူးဘာသာဝင်ကရော လူမဟုတ်ဘူးလားဟု ပြန်မေးကာ လူသားဝါဒကို လက်တွေ့ ကျင့်ဆောင်ပြသွားခဲ့သည်။

    အစ္စလာမ်အယူဝါဒအရ ကမ္ဘာ့အိမ်ထောင်စုကြီးတစ်ခုလုံးသည် မိသားစုကြီးဖြစ်ရာ မွတ်စ်လင်မ်တစ်ဦးအဖို့ ကမ္ဘာ့အိမ်ထောင်စုအတွင်း၌ သူစိမ်းဟူ၍ တစ်ဦးတစ်ယောက်မျှပင်မရှိပေ။ အားလုံးတို့သည် မိသားစုများဖြစ်ကြပေရာ အချင်းချင်း အကျိုးပြုရမည်သာဖြစ်၍ ဒုက္ခမပေးရာ။ တမန်တော်မြတ်၏ သြဝါဒတော်အချို့အား ဆက်လက်တင်ပြပါမည်။

    “မွတ်စ်လင်မ်တို့သည် မိမိ၏နှုတ်ဖြင့်လည်းကောင်း၊ လက်ဖြင့်လည်းကောင်း မည်သူ့ကိုမျှ ဒုက္ခမပေးရ။”

    “ကြီးသူကို မလေးစား၊ ငယ်သူကို မသနားသူသည် ငါ၏နောက်လိုက်မဟုတ်။”

    “မိမိအဖို့ နှစ်ခြိုက်သောအရာကို သူတစ်ပါးအဖို့ မနှစ်ခြိုက်သောသူသည် မွတ်စ်လင်မ်မဟုတ်”

    “အိမ်နီးချင်းကို ဒုက္ခပေးသူသည် မွတ်စ်လင်မ်မဟုတ်”

    “အသင်တို့သည် ကမ္ဘာမြေ၌ ရှိသူတို့အား သနားကြင်နာကြကုန်။ ကောင်းကင်ထက်ရှိတော်မူသော အရှင်သည် အသင်တို့အား သနားတော်မူအံ့။”

    “အဖန်ဆင်းခံ ဝေနေယျသတ္တဝါအားလုံးတို့သည် အလ္လာဟ်အရှင်မြတ်၏ အိမ်တော်သူ အိမ်တော်သားများ ဖြစ်ကြပေသည်။ အလ္လာဟ်အရှင်မြတ်ထံတော်၌ အိမ်တော်သူအိမ်တော်သားများအနက် အများဆုံး ချစ်ကြည် မြတ်နိုးအပ်သူမှာ အိမ်တော်သူအိမ်တော်သားများအား အများဆုံး အကျိုးပြုသူသာဖြစ်ပေသည်”
    (တမန်တော်မြတ်၏သြဝါဒတော်များ)

    အထက်တွင် ရှင်းလင်းဖော်ပြခဲ့ပြီးသော ကျမ်းမြတ်ကုရ်အာန်ပါ သွန်သင်ချက်များနှင့် တမန်တော်မြတ်၏ သြဝါဒတော်များအရ အစ္စလာမ်က ဘာသာခြားတို့အား မည်သို့မည်ပုံ သဘောထားကာ ဆက်ဆံခိုင်းထားသည်ဆိုသည်ကို စာရှုသူကိုယ်တိုင် ဆုံးဖြတ်နိုင်မည်ဟု ယုံကြည်ပါသည်။

    နိဂုံးချုပ်ပါမည်။

    ကျမ်းမြတ်ကုရ်အာန်သည် နှလုံးသား သော့မခတ်ထားကြသူ လူခပင်းအတွက် အကောင်းဆုံး ဆုံးမသြဝါဒကျမ်းတော် ဖြစ်ပါသည်။ မိမိတို့ အစွဲများကိုချွတ်ကာ လေ့လာမှသာ အမှန်တရားကို တွေ့နိုင်ပါမည်။ အဂတိတရားကင်းစွာဖြင့် အမှန်တရားကို ရှာဖွေစေလိုပါသည်။ ယခုအခါ ဘာသာစကား အသီးသီးဖြင့် ကျမ်းတော်မြတကုရ်အာန်အား ဘာသာပြန်ပြီး ဖြစ်ရာ အင်တာနက်ပေါ်တွင် စာရှုသူ တတ်ကျွမ်းရာ ဘာသာစကားဖြင့် အလွယ်တကူ ဖတ်ရှုနိုင်ပြီ ဖြစ်ပါသည်။ လိုအပ်ပါကလည်း မိမိတို့နှင့် နီးစပ်ရာ မွတ်စလင်မ်တို့ထံမှတစ်ဆင့်ဖြစ်စေ၊ ဤ website မှဖြစ်စေ ဆက်သွယ် မေးမြန်းနိုင်ပါသည်။

    တစ်ဆင့်စကား တစ်ဆင့်ကြားသမျှ ထင်ရောင်ထင်မှားဖြင့် သံသယပွားစရာခေတ် မဟုတ်တော့ပါ။

    ဤဆောင်းပါးအဆုံး ဤနေရာ တွင် ကျမ်းမြတ်ကုရ်အာန် မြန်မာဘာသာပြန် download link အား ပူးတွဲ ထည့်သွင်းပေးထားပါသည်။ အစွဲကင်းကင်းဖြင့် မိမိ အသိဥာဏ်နှင့် နှလုံးသားကို ဖွင့်ထားကာ ဖတ်ရှုစေလိုပါသည်။

    ကျမ်းမြတ်ကုရ်အာန်ကတော့ ကျွန်တော်တို့အား သတင်းစကားတစ်ခုကို စာရိတ္တဖောက်ပြန်သူ မသူတော်တစ်ဦးဦးက သယ်ဆောင်လာလျင် မသိဘဲနှင့်  လူ့အစုအဝေးတစ်ရပ်ကို အန္တရာယ်မပြုမိစေရန် သင်တို့ဆန်းစစ်ကြဖို့၊ သို့မဟုတ်လျင် သင်တို့ ပြုမူမိခဲ့သည်အတွက် ကြေကွဲ နောင်တရရမည် ဟူ၍ ဆုံမသွန်သင်ထားသည်။
    (ကျမ်းမြတ်ကုရ်အာန် ၄၉း၆)

    သူများ မှိုင်းတိုက်သမျှ မယုံကြည်ရန် စာရှုသူ၏ ဦးနှောက်ကို၊ စာရှုသူ သင်ထားခဲ့သမျှ ပညာကို၊ စာရှုသူ၏ အသိတရားကို အစွမ်းကုန် အသုံးချရန်မှာ စာရှုသူ မိတ်ဆွေ၏ တာဝန်သာဖြစ်ပါသည်။

    အနာဂတ်မြန်မာနိုင်ငံ တိုးတက်အေးချမ်းစေရေး တစ်စိတ်တစ်ဒေသ ပါဝင်ရန်မှာ ကျွန်တော်တို့အားလုံး၏ တာဝန်ဖြစ်ပါသည်။ တိုင်းပြည်တွင်း မှီတင်းနေထိုင်ကြကုန်သော လူမျိုးဘာသာမရွေး ချစ်ကြည်ရေး၊ အပြနအလှန်ယုံကြည်မှု ပြန်လည်တည်ဆောက်ရေးအတွက် အားလုံး အုတ်တစ်ချပ် ၊သဲတစ်ပွင့် နိုင်ရာတာဝန် ထမ်းကြရပါဦးမည်။

    မဟုတ်မမှတ်လုပ်ကြံ ဝါဒမှိုင်းတိုက် အမုန်းမီးမွှေးနေသူများ ကျဆုံးပါစေသား။ လူ့အသိုင်းအဝိုင်းမှ အပယ်ခံ အမြန်ဆုံးဖြစ်ပါစေသား။ ဘာသာရေး ပဋိပက္ခ ဖြစ်စေရန် ခလောက်ဆန်ရန် အကောက်ကြံနေကြသူများ၏ အကြံအစည်မှန်သမျှ ပျက်စီးပါစေသား။

    ဝါဒမှိုင်းမိနေသူများ အမြင်မှန် အမြန်ဆုံးရပါစေသား။

    ညီနောင်စိတ်ထားဖြင့်

    (ကိုးကား – (၁) အစ္စလာမ်အယူဝါဒ၊ မြန်မာ့စွယ်စုံကျမ်း၊ အတွဲ၁၅၊ ရေးသူ သီရိပျံချီ အလ္လမဟ် ဃာဇီ မုဟမ္နဒ် ဟာရှင်မ်၊
    (၂) Dr. Zakir Naik ဟောပြောချက်များ)

    ကုရ်အာန်ကျမ်းတော် မြန်မာဘာသာပြန် ဖတ်လိုလျှင် http://www.quraninburmese.com/Books/Holy%20Quran.pdf

  • မမေးလည်းဖြေ (၃) – အစ္စလာမ်က ဘာသာမတူရင် သတ်ခိုင်းလား

    မေ ၂၅ ၊၂၀၁၂

    ဆောင်းပါးရှင်-နေမျိုး

     

    ကုရ်အာန်ကျမ်း အပိုဒ် ၂း ၁၉၁ မှာ ဒီလိုမိန့် ထားပါတယ်။

     ‪ထို့ပြင်တ၀ အသင်တို့သည် [သူ] တို့ အား တွေ့ဆုံဖမ်းဆီးမိရာအရပ်၌ သုတ်သင် ရှင်းလင်း ကြကုန်လော့… (စာရေးသူမှတ်ချက် – [သူ] စကားလုံးသည် ဘာသာမတူသူများဟု ရည်ညွန်းဘာသာပြန်လေ့သည်။ သို့ သော် ရန်သူဟု ယေဘုယျ ရည်ညွန်းသင့်သည်ဟု ယူဆ သည်။)

    ဆက်ပြီး မတင်ပြခင် မေးခွန်းတစ်ခုမေးလိုပါတယ်။ အကြောင်းအရာတခုကို ဖတ်တဲ့အချိန်မှာ စာကြောင်းတစ် ကြောင်းတည်းကိုရွေးဖတ်ရုံ၊ အရှေ့ က စာကြောင်းနဲ့  သူ့ နောက်က စာကြောင်းကို မဖတ်ပဲ လိုချင်တဲ့ တစ် ကြောင်းတည်းကိုပဲ ရွေးဖတ်လို့ ရသလား။ စာကြောင်းတစ်ကြောင်းတည်းဖတ်ရုံနဲ့ အဲ့ဒီ အကြောင်းအရာရဲ့ ဆိုလိုရင်းကို သဘောပေါက်ပါ့မလား။

    အရင်က ကုရ်အာန်ကျမ်းမှာ ဘာရေးထားလည်းဆိုတာ တလုံးတပါဒမှမသိတဲ့ကျနော် အစ္စလာမ်ဘာသာအပေါ် အထင်မှားအောင်  စွပ်စွဲနေတဲ့ အင်တာ နက်စာမျက်နှာတွေက “အစ္စလာမ်ဘာသာက ဘာသာမတူရင် သတ်ခိုင်း တယ်” ဆိုတဲ့ ထိုးနှက်မှုတွေကြောင့် ကုရ်အာန်ကျမ်းစာကို ကိုယ်တိုင် လေ့လာ ဖြစ်တယ်။

    လေ့လာဖြစ်မှ အစ္စလာမ်ဘာသာကို ထိုးနှက်နေသူတွေဟာ အမှန်တရားကို အများပြည်သူနားလည်ဖို့ ရည်ရွယ်တာမဟုတ်ပဲ တမင်သက်သက် လူမုန်း လူကြောက်များအောင် ရည်ရွယ်ချက်ရှိရှိနဲ့  ကိုယ်စွပ်စွဲချင်တဲ့ အချက်မိတဲ့ စာကြောင်းတစ်ကြောင်းတည်းကိုသာ တမင် ရွေးပြီး ကျန်တဲ့ စာကြောင်းတွေ ကို လုံးဝ ဥသုန် ချန်လှပ်ခဲ့တယ်ဆိုတာတွေ့ ရတယ်။ ကျမ်းစာရဲ့  စာပုဒ် ၂း၁၉၁ တပုဒ်ထဲမှာတင် သူတို့  စွပ်စွဲချင်တိုင်း စွပ်စွဲလို့  (လုံးဝ လုံးဝ) မဖြစ် နိုင် လို့  စာကြောင်း ၆ ကြောင်းလုံးကိုတောင် မဖော်ပြနိုင်ပဲ ဆောင်းပါးစစချင်းမှာ ဖော်ပြထားတဲ့ အတိုဆုံးစာ ကြောင်းတစ်ကြောင်း တ၀က်တပျက်တည်းကိုပဲ ကွက်ပြီးယူသွားတာကို တွေ့ လိုက်ရတယ်။

    သူတို့ ချန်ထားတဲ့ စာပုဒ် ၂း ၁၉၁ အပြည့်အစုံကို ဖတ်ကြည့်ပါ။

    ‪ထို့ပြင်တ၀ အသင်တို့သည် [သူ] တို့ အား တွေ့ဆုံဖမ်းဆီးမိရာအရပ်၌ သုတ်သင် ရှင်းလင်း ကြကုန်လော့။ ထို့ပြင် တ၀ [သူ] တို့ က အသင်တို့အား (မက္ကာမြို့တော်မှ) နှင်ထုတ်သကဲ့သို့ အသင်တို့သည်လည်း [သူ] တို့ အား (မက္ကာမြို့တော်မှ)နှင်ထုတ်ကြကုန်။ အမှန်သော်ကား (သာသနာရေး၌) ညှဉ်းဆဲနှိပ်စက် နှောင့်ယှက်ခြင်းသည် သတ်ဖြတ် ခြင်းထက်ပင် ပိုမို၍ဆိုးရွားလှ၏။ သို့ဖြစ်ငြားလည်း […] ရိုသေမြတ်နိုးအပ်သော (အလ္လာဟ်အရှင်မြတ် ၏) ကျောင်းတော်ပါး၌ [သူ] တို့က အသင်တို့အား စတင် မတိုက်ခိုက်သမျှ ကာလပတ်လုံးအသင်တို့သည် ၄င်းတို့အား မတိုက်ခိုက်ကြကုန်လင့်။အကယ်၍ ထို [သူ]တို့သည် အသင်တို့အား စတင်တိုက်ခိုက် ကြပါမူ အသင်တို့သည် ထိုသူတို့အား တုံ့ပြန် တိုက်ခိုက်ကြ လေကုန်။ ဤသည်ပင် [သူ] တို့အား အပြစ်ဒဏ်ပေးခြင်း ပင်ဖြစ်သည်။

    Highlight လုပ်ထားတဲ့ စာကြောင်းတွေကို တချက်စီ သေချာ စဉ်းစားကြည့်ပါ။ ကိုယ်က စပြီး တိုက်ခိုက်ဖို့  ပြောထားတာ လုံးဝ (လုံးဝ) မဟုတ်ပဲ ကိုယ့် ကို တိုက်ခိုက်ရင် ပြန်ခုခံဖို့ သာပြောထားတာဖြစ်တယ်။ စစ်ပွဲအခြေအနေမှာဆိုရင်တောင် ကျူးကျော်စစ်မဟုတ်ဘဲ ခုခံစစ်ပဲဖြစ်တယ်။ Torture လို့ ခေါ်တဲ့ ဖမ်းဆီးနှိပ်စက်ညှင်းပမ်းခြင်းကိုလည်း အတိအလင်း တားမြစ်ထားတယ်။

    ဒီတပုဒ်ရှေ့ က အပုဒ် ၂း ၁၉၀ မှာ ဘာပြောထားသေးလဲ?

    ‪ထို့ပြင်တ၀ အသင်တို့သည် အလ္လာဟ်အရှင်မြတ်၏ လမ်းတော်၌ အသင်တို့ကို (စတင်) စစ်မက်ပြိုင်ဆိုင် တိုက်ခိုက်သူတို့နှင့် ပြိုင်ဆိုင်တိုက်ခိုက်ကြကုန်လော့။ သို့ရာတွင် […]  အသင်တို့သည် (မည်သည့်နည်းနှင့်မျှ) မကျူး လွန်ကြကုန်လင့်။ ဧကန်မုချ အလ္လာဟ်အရှင်မြတ် သည် ကျူးလွန်သူတို့ကို နှစ်သက်တော်မူသည် မဟုတ်ချေ။

    စာပုဒ် ၂း ၁၉၂ ကိုဆက်ဖတ်ပါ။

    ‪သို့သော် အကယ်၍သာ […သူတို့သည် …] ရပ်စဲခဲ့ကြပါလျှင် မုချဧကန် အလ္လာဟ် အရှင်မြတ်သည် […] အဖန်တလဲလဲ လွတ်ငြိမ်းချမ်းသာခွင့် ပေးသနားတော်မူသောအရှင်၊ (သတ္တ၀ါအပေါင်းတို့အား) မပြတ်မစဲ သနားကြင်နာ ညှာတာတော်မူသော အရှင်ဖြစ်တော် မူလေသတည်း။

    ဒါဆိုရင် အပုဒ် ၁၉၀၊ ၁၉၁၊ ၁၉၂ ကို ခြုံပြီးဖတ်ကြည့်ပါ။ ဒီအချက်တွေကို ကွက် ကွက်ကွင်းကွင်း တွေ့ ရမယ်။

    (၁) ကိုယ်က စတင် တိုက်ခိုက်တာကို အတိအလင်း တားမြစ်ထားတယ်။

    (၂) ကိုယ့်ကို တိုက်ခိုက်ပြီဆိုရင် ပြန်ခုခံရမယ်။

    (၃) ကိုယ်က ကျူးလွန် စော်ကားမှု မလုပ်ရဘူး။ တဖက်က ရပ်စဲပြီဆိုရင် ကိုယ့်ဖက်ကလဲ ရပ်စဲရမယ်။ သူတို့ ကို ကျူးလွန်ခွင့် နှိပ်စက်ညှင်းပမ်းခွင့်၊ ဆက်လက်တိုက်ခိုက်ခွင့်မရှိဘူး။

    ထို့ပြင်တ၀ အသင်တို့သည် အလ္လာဟ်အရှင်မြတ်၏ လမ်းတော်၌ အသင်တို့ကို (စတင်) စစ်မက်ပြိုင်ဆိုင် တိုက်ခိုက်သူတို့နှင့် ပြိုင်ဆိုင် တိုက်ခိုက်ကြကုန်လော့။ သို့ရာတွင် […]  အသင်တို့သည် (မည်သည့်နည်းနှင့်မျှ) မကျူး လွန်ကြကုန်လင့်။ ဧကန်မုချ အလ္လာဟ်အရှင်မြတ် သည် ကျူးလွန်သူတို့ကို နှစ်သက်တော်မူသည် မဟုတ်ချေ။ (2:190)

    ထို့ပြင်တ၀ အသင်တို့သည် [သူ] တို့ အား တွေ့ဆုံဖမ်းဆီးမိရာအရပ်၌ သုတ်သင် ရှင်းလင်း ကြကုန်လော့။ ထို့ပြင် တ၀ [သူ] တို့ က အသင်တို့အား (မက္ကာမြို့တော်မှ) နှင်ထုတ်သကဲ့သို အသင်တို့သည်လည်း [သူ] တို့ အား (မက္ကာမြို့တော်မှ)နှင်ထုတ်ကြကုန်။ အမှန်သော်ကား (သာသနာရေး၌) ညှဉ်းဆဲနှိပ်စက် နှောင့်ယှက်ခြင်းသည် သတ်ဖြတ် ခြင်းထက်ပင် ပိုမို၍ဆိုးရွားလှ၏။ သို့ဖြစ်ငြားလည်း […] ရိုသေမြတ်နိုးအပ်သော (အလ္လာဟ်အရှင်မြတ် ၏) ကျောင်းတော်ပါး၌ [သူ] တို့က အသင်တို့အား စတင် မတိုက်ခိုက်သမျှ ကာလပတ်လုံးအသင်တို့သည် ၄င်းတို့အား မတိုက်ခိုက်ကြကုန်လင့်။ အကယ်၍ ထို [သူ]တို့သည် အသင်တို့အား စတင်တိုက်ခိုက် ကြပါမူ အသင်တို့သည် ထိုသူတို့အား တုံ့ပြန် တိုက်ခိုက်ကြ လေကုန်။ ဤသည်ပင် [သူ] တို့အား အပြစ်ဒဏ်ပေးခြင်း ပင်ဖြစ်သည်။ (2:191)

    ‪သို့သော် အကယ်၍သာ […သူတို့သည် …] ရပ်စဲခဲ့ကြပါလျှင် မုချဧကန် အလ္လာဟ် အရှင်မြတ်သည် […] အဖန်တလဲလဲ လွတ်ငြိမ်းချမ်းသာ ခွင့် ပေးသနားတော်မူသောအရှင်၊ (သတ္တ၀ါအပေါင်းတို့အား) မပြတ်မစဲ သနားကြင်နာ ညှာတာတော်မူသော အရှင်ဖြစ်တော် မူလေသ တည်း။ (2:192)

    စစ်ပွဲကာလအတွင်းမှာဆိုရင် တဖက်က ရပ်သွားရင် (သို့ ) လက်နက်ချရင် (သို့ ) ဖမ်းမိရင် သူတို့ ကို ဆက်တိုက် ခွင့်၊ နှိပ်စက်ခွင့် ကျူးလွန်ခွင့် မရှိဖို့  တားဆီး ပိတ်ပင်ထားတယ်။ ဒါကြောင့် သူငယ်ချင်းတစ်ယောက်က စစ်သုံ့ ပမ်းကို မနှိပ်စက်ဖို့  ဂျီနီဗာကွန်ဗင်းရှင်းပြဌာန်းတာ ၁၉၄၈ မှသာဖြစ်ပြီး ကုရ်အာန်မှာ လွန်ခဲ့တဲ့ နှစ်ပေါင်း ၁၄၀၀ ကျော် ကတည်းက ပြဌာန်းထားပြီးဖြစ် တယ်လို့ မှတ်ချက်ပေးတယ်။

    အရေးကြီးတဲ့ အချက်ကို ထောက်ပြချင်ပါတယ်။ တိုက်ခိုက်ဖို့  ရည်ညွန်းတာ ဘာသာမတူတဲ့ လူတွေကို ရည်ညွန်းသလို ဖြစ်နေပေမဲ့ အမှန်မှာက ကိုယ့်ကို စတင်တိုက်ခိုက်တဲ့ ရန်သူသာဖြစ်တယ်။ ဘာသာမတူတဲ့လူကို တမင်ရည်ညွန်းထားတာမဟုတ်ပါ။ တနည်းပြော ရရင် “ရန်သူ” ကို ခုခံခိုင်းတာ၊ “ဘာသာခြား” ကို ဘာသာမတူလို့ ဆိုပြီး တိုက်ခိုင်းတာမဟုတ်ပါ။

    ဒီအချက်တွေက အစ္စလာမ်ဘာသာကို တမင် အပုတ်ချတဲ့ လူတွေ စွပ်စွဲသလို ဘာသာမတူရင် သတ် ဆိုပြီး ပြော ထားတာ မဟုတ်ပါဘူး။ ကိုယ်က ကောင်းအောင်နေပြီး ကိုယ့်ကိုလာရောက်ကျူးကျော် တိုက်ခိုက်ရင် ပြန်ခုခံဖို့ ၊ ကိုယ့်ကိုယ်ကို ကာကွယ်ဖို့  မိန့် ကြားထားတာဖြစ်တယ်။ အစ္စလာမ်ဘာသာ ဟာ ရန်မလိုတဲ့ဘာသာ၊ ကိုယ့်ကို မတိုက်ရင် ကိုယ်က မတိုက်တဲ့ ဘာသာဖြစ်တယ်ဆိုတာ ရှင်းလင်းစွာ တွေ့ ရပါမယ်။

    ဒီလိုဆိုရင် မေးချင်တဲ့လူကမေးမယ်။ သီးခံရမဲ့အစား ပြန်တိုက်ခိုက်ခိုင်းတာ ဘယ်လို ဘာသာရေးမျိုးလဲပေါ့။ အစ္စလာမ်မှာ သီးခံခြင်းတရား၊ ခွင့်လွှတ်ခြင်း တရားကို လက်ကိုင်ထားဖို့  မိန့် ထားတာတွေရှိတယ် (နောက်ပိုင်းတွေမှာ ဆွေးနွေးပါမယ်)။ အဲ့ဒီလိုပဲ အကန့် တွေခွဲပြီး သူ့ အခြေအနေ သူ့ အနေရာဒေသ အလိုက် လက်တွေ့ ဖြစ်စဉ် တွေ အပေါ် ခုခံတန် ခုခံဖို့  မိန့် ထားတယ် (စတင်ကျူးကျော် တိုက်ခိုက်ခွင့် ဘယ်နေရာမှာမှမရှိ)။ လက်တွေ့ ကျကျ စဉ်းစား ကြည့်မယ်။

    (၁) မြန်မာပြည်ကို ထိုင်းနိုင်ငံက စစ်လာတိုက်မယ်ဆိုရင် ပုတီးထိုင်စိတ်ပြီး အရုံးပေးလိုက်မလား။ စစ်ဒဏ်သင့်မဲ့ သင့်မိသားစု၊ ဆွေမျိုး၊ အပေါင်းအ သင်းတွေကို သင်မကာကွယ်သင့်ဘူးလား။ ဗိုလ်ချုပ်အောင်ဆန်းလည်း ပုတီး ထိုင်စိတ်ပြီး အင်္ဂလိပ်တွေ ဂျပန်တွေကို မေတ္ထာမျှမနေခဲ့သလို ခုလက်ရှိ လည်း တိုင်းရင်းသားလက်နက်ကိုင်တွေ၊ ပြည်သူတွေက မတရားမှုကို တုံ့ ပြန်နေတုန်းပဲ မဟုတ်ပါလား။

    (၂) အစ္စလာမ်ဘာသာက ဘာသာမတူရင် သတ်ခိုင်းတယ်ဆိုရင် သင့်အသိ အစ္စလာမ်ဘာသာဝင်တယောက် ယောက်က သင့်ကို သတ်ဖို့  ကြံစည်တာ ခံရဖူးသလား။

    တချို့ ပြောကြပါတယ်။ ဒါဆိုရင် အာဖဂ္ဂန်တို့  ပါလက်စတိုင်းတို့ မှာ ဘာကြောင့်သတ်တာလဲ။ ကုရ်အာန်တဖက် သေနတ် တဖက်နဲ့  ဘယ်လိုဖြစ်တာလဲဆို တာ မေးချင်တဲ့လူရှိပါမယ်။ နောက်ဆောင်းပါးတွေမှာ တင်ပြပါမယ်။ အကျဉ်းချုန်းအနေနဲ့  လတ်တလော ပြောရရင် ပထ၀ီနိုင်ငံရေး၊ ဘာသာရေးနဲ့  သမိုင်းကို မရောထွေးလိုက် ပါနဲ့ ။ ဘာသာမတူလို့ ဆိုပြီး သတ်တာ မဟုတ်ပါဘူး။ ဒုတိယ ကမ္ဘာစစ်အ ချိန်ကတည်းက ဖြစ်လာတဲ့ခဲ့ ကမ္ဘာ့ပထ၀ီနိုင်ငံရေးပြသ နာ ကြားက အစ္စရေးနဲ့  ပါလက်စတိုင်း နယ်မြေလုမှု ကြောင့်၊ သွေးအေး စစ်ပွဲအတွင်း အာဖဂန်မှာ အမေရိကန်နဲ့  ရုရှတို့  အင်အားပြိုင်ပြီး သူ့ လူကိုယ့် လူမွေးရာမှာ ဘာသာရေးတွေ အယူဝါဒတွေ အမျိုးသားရေး စတဲ့ ၀ါဒပေါင်းစုံကို လိုသလို အသုံးချခဲ့လို့  နိုင်ငံရေးအရ အပြန်အလှန် သတ်နေ ကြ ခြင်းဖြစ်တယ်။ သူတို့ က နိုင်ငံရေးနဲ့  လူမျိုးရေး ဘာသာရေး ရောပြွန်းခဲ့လို့  သူတို့ စီမှာ သွေးချောင်းစီးနေတယ်။

    နယ်မြေကြောင့်၊ နိုင်ငံရေးကြောင့် သတ်နေကြတာကို ကျမ်းစာ ကြောင့် သတ် တယ်လို့  ဘာသာပြန်ရင် သူတို့ မှားတဲ့  မဟာအမှားနဲ့  ပြသနာကို ကျနော်တို့  မြန်မာပြည်ကို တင်သွင်းတာသာမက တမြေတည်းနေ တရေတည်းသောက် မြန်မာအချင်း ချင်း အမုန်းပွားပြီး ကမ္ဘာနဲ့ ချီ ရင်ဆိုင် ယှဉ်ပြိုင်ရမဲ့ ဖွံ့ ဖြိုးရေး ကိစ္စတွေကို စုပေါင်းလုပ်ဆောင်ရမဲ့ စည်းလုံးရေးကို ထိပါးစေတာသာ ဖြစ်ပါတယ်။

    အမုန်းတရားကင်းပါစေ။ လိမ်ညာလှည့်ဖျားပြီး အမုန်းတရားပွားစေလိုသူများ ရန်လိုသူများ ဘေးမှ ကင်းပါစေ။

    ရည်ညွန်း – ကျမ်းမြတ်ကုရ်အာန် မြန်မာဘာသာပြန်။ [http://www.quraninburmese.com/Books/Holy%20Quran.pdf]

    မှတ်ချက် –

    (1)    အတိုးချုံးဖို့ အတွက် အချို့ စာကြောင်းများကို […] ခံ၍ ချန်ထားသည်။ စာသားအပြောင်းအလဲ ကို [ ] ခံ၍ မြန်မာ စာဖတ်များအတွက် ပြောင်းလဲ (သို့  )  ထပ်ဖြည့်ထားသည်။ ဘာသာပြန်မူရင်းကို အထက်ပါ ရည်ညွန်းတွင်ဖတ်ရန်။

    (2)    ဤဆောင်းပါးသည် စာရေးသူ၏ အမြင်နှင့် အာဘော်သာဖြစ်သည်။

  • မမေးလည်းဖြေ(၁၅)- ဟလာလ် အစားအစာ ဆိုတာ ဘာလဲ ? သိပ္ပံရှုထောင့်မှ သုံးသပ်ရအောင်…

    ဧပြီ ၁ ၊ ၂၀၁၃

    Translated by Shaheen Ansari

     

    halal

    ဘိုဘို – သူငယ်ချင်း မင်းတို့မွတ်စလင်တွေပြောနေတဲ့ ဟလာလ် နဲ့ ဟရာမ်ဆိုတာ ဘာလဲ? ဘာကြောင့် ဒီလောက်အရေးတယူစဉ်းစားလိုက်နာတာလဲ?

    မောင်မောင် -အေး သူငယ်ချင်း ငါရှင်းပြမယ်။ “ဟလာလ်” ဆိုတာ “ခွင့်ပြုထားခြင်း” ၊ “ဟရာမ်” ဆိုတာ “တားမြစ်ထားခြင်း”လို ရိုးရှင်းတဲ့ အဓိပ္ပါယ်ရတယ်။ ခွင့်ပြုထား၊ တားမြစ်ထားတဲ့အရာတွေကိုတော့ ကျမ်းမြတ်ကုရ်အာန်** က နှစ်ပေါင်း ၁၄၀၀ ကျော်အရင်ကတည်းက ဖော်ပြထားတယ်။
    **ကျမ်းမြတ်ကုရ်အာန်= တစ်ပါးတည်းသော ဖန်ဆင်းရှင်မှချပေးသော လူသားတို့အတွက် လမ်းညွန်ကျမ်း။

    ဘိုဘို – ငါ့ကို ဥပမာ တစ်ခုလောက်ပြောပြမလား ?

    မောင်မောင် – ကောင်းပြီ သူငယ်ချင်း။ ဥပမာတစ်ခုပြောရရင် အစားအသောက်နဲ့ပတ်သက်လို့ ကျမ်းမြတ် ကုရ်အာန်မှာ ယုံကြည်သူတွေကို သွေးနှင့်သွေးခဲအမျိုးမျိုးကိူ စားသုံးခြင်းမှ တားမြစ်ထားတယ်။ ယခုအခါ သိပ္ပံနည်းကျစမ်းသပ် လေ့လာကြည့်တဲ့အခါ တိရိ စ္ဆာန်တွေရဲ့သွေးမှာ လူတွေရဲ့ကျန်းမာရေး ထိခိုက်စေတဲ့ ယူရစ်အက်ဆစ် အများအပြားပါဝင်ကြောင်းသိရတယ်။ ဒါကို သူငယ်ချင်းလည်း သိမှာပါ။

    ဘိုဘို – အေး မင်းပြောတာမှန်တယ်။ ဒီ ယူရစ်အက်ဆစ်ဟာ လူသားတွေအတွက် အဆိပ်အတောက်ဖြစ် စေလို့ ခန္ဓာကိုယ်မှာရှိတဲ့ အဲဒီ အက်ဆစ် ၉၈% ကို ကျောက်ကပ်ကစစ်ထုတ်ပြီး ကျင်ငယ်အဖြစ် ဖယ်ရှား ပေးတယ်ဆိုတာ ငါသိတယ်။

    မောင်မောင် – ဒါပေမဲ့ လူခန္ဓာကိုယ်မှာ အဲဒီ အက်ဆစ်တွေ အရမ်းများသွားရင် တော့ ကျောက်ကပ်ပါပျက်စီး နိုင်တယ်။ အခု အစ္စလာမ်က ခွင့်ပြုထားတဲ့ လူတွေရဲ့ကျန်းမာရေးအတွက်ကောင်းတဲ့ သားသတ်နည်းကို ဗဟုသုတအနေနဲ့ မျှဝေပေးမယ်နော်။

    မောင်မောင် – ပထမဆုံး သားသတ်ရာမှာ သုံးတဲ့ ဓါးဟာ အရမ်းထက်ရမယ်။ သားသတ်ရာမှာလည်ပင်းမှ Jugular vein သွေးကြောကို တစ်ပါးတည်းသော ဖန်ဆင်းရှင်ရဲ့ နာမတော်ဆိုပြီး မြန်ဆန်စွာ ဖြတ်ရမယ်။ နာမတော်ဆိုပြီး ဦးနှောက်မှ နှလုံးသို့သွားတဲ့ သွေးကြောကို မြန်ဆန်စွာ တချက်တည်းဖြတ်ခြင်းဖြင့် နာကျင်မှု အာရုံဟာ ဦးနှောက်သို့မရောက်တော့ဘူး။ တိရိ စ္ဆာန်မှာ နာကျင်မှုမခံစားရတော့ဘူး။ အဲဒီ သွေးကြောကနေ ကြွက်သားမှသွေးများ သွန်ထွက်လာတဲ့အတွက်ကြွက်သားများလျော့ပြီး ကြုံ့လာလို့ တိရ စ္ဆာန်ရဲ့ခန္ဓာကိုယ်ရုန်းကန်တုန်ခါနေတာ တွေ့ရမယ်။ အဲဒီ တိရ စ္ဆာန်မှာ နာကျင်မှုခံစားရ/မရကို ဂျာမန်သုတေသီအဖွဲ့က လေ့လာခဲ့ကြတယ်။

    ဘိုဘို- အဲဒါ ဘယ်လိုလေ့လာကြလဲ?

    မောင်မောင် – ဂျာမနီရဲ့ ဟန်နိုဗာ တက္ကသိုလ်မှ ပရိုဖက်ဆာ Wihelm Schulze နှင့် ဒေါက်တာ Hazim တို့က ဒီအကြောင်းအရာကို သုတေသနစစ်ဆေးခဲ့ကြတယ်။

    ဘိုဘို – ဟုတ်လား? အသေးစိတ်ပြောပြ မလား သူငယ်ချင်း ?

    မောင်မောင် – ရပါတယ်။ သူတို့က သားသတ်ရာမှာသမရိုးကျ ရိုက်နှက်သတ်ဖြတ်နည်းများ (Captive Bolt Pistol Stunning) နှင့် အစ္စလာမ်က ခွင့်ပြုထားတဲ့ သားသတ်နည်း ကို စစ်ဆေးသုတေသနပြုခဲ့တယ်။ သားသတ်ရာမှာ သမရိုးကျ ရိုက်နှက်သတ်ဖြတ်နည်းတွေဟာ တိရ စ္ဆာန်မှာ နာကျင်မှုကို ပြင်းပြင်း ထန်ထန်ခံစားရပြီး အစ္စလာမ်က ခွင့်ပြုထားတဲ့ သားသတ်နည်းက နာကျင်မှုကင်းမဲ့နေတာကို တွေ့ရှိခဲ့ရတယ်။ အစ္စလာမ်က ပြဠာန်း ခွင့်ပြုထားတဲ့ သားသတ်နည်း စမ်းသပ်သုတေသနပြုရာမှာ ဒီလိုအဆင့်ဆင့်လုပ်ခဲ့တယ်။

    ၁) သားသတ်ပြီး ပထမသုံးစက္ကန့်မှာရတဲ့ EEG Graph ဟာ မသတ်ခင်ကအတိုင်းဘဲ ပြောင်းလဲမှု မရှိတာတွေ့ရတယ်။ ဒါဟာ သားကောင်ရဲ့ လည်သွေးကြောဖြတ်စဉ်နှင့် ဖြတ်ပြီးစအချိန်မှာ နာကျင်မှု တစ်စုံတစ်ရာမရှိကြောင်း ဖော်ပြနေပါတယ်။

    ၂)နောက်သုံးစက္ကန့်ကြာမှာတော့ EEG ရဲ့ဖော်ပြချက်အရ သားကောင်ဟာ သတိလစ်မေမျောမှု အခြေအနေသို့ လုံးဝရောက်ရှိနေပါတယ်။ ဒါဟာ သားကောင်ရဲ့ခန္ဓာကိုယ်တစ်ခုလုံး သွေးများ ဒလဟောထွက်နေတာကြောင့် ဖြစ်တယ်။

    ၃)အထက်ဖော်ပြတဲ့ ခြောက်စက္ကန့်အကြာမှာတော့ EEG မှ သုညအမှတ်သို့ပြနေတယ်။ဒါဟာနာကျင်မှု လုံးဝမရှိတာကို ပြနေတယ်။

    ၄)အဲဒီလို သားကောင်ရဲ့ ဦးနှောက်မှရရှိသော သတင်း (EEG) သုညအမှတ်သို့ရောက် ရှိသည့်တိုင်အောင် သားကောင်ရဲ့နှလုံးဟာတုန်နေဆဲဖြစ်နေပြီး ခန္ဓာကိုယ်၏ကြွက်သားများ ကျုံ့ပြီး ပိုမိုလှုပ်ရွလာတယ်။ (a reflex action of the spinal cord)
    အဲဒီအချိန်မှာ သားကောင်ရဲ့ခန္ဓာကိုယ်တစ်ခုလုံးမှ သွေးများအများဆုံးထွက်ချိန်ဖြစ်ပြီး သန့်ရှင်းလတ်ဆက် သော အသားကိုရရှိစေပါတယ်။

    ဘိုဘို- ဒါပေမယ့် ဒီလိုဘာကြောင့်ဖြစ်ရသလဲ?

    မောင်မောင် -ငါသူုငယ်ချင်းကိုပြောပြဖို့ တစ်ခုမေ့ကျန်ခဲ့တယ်။ အဲဒါက သားကောင်ရဲ့ လည်ပင်းက သွေးကြော Jujular Vein ကိုဖြတ်တောက်လိုက်ပေမဲ့ အခြားအင်္ဂါအစိတ်အပိုင်းတွေနဲ့သွေးကြောတွေကို မထိခိုက်ဘူး ဆိုတာပဲ။

    ဘိုဘို -ဒါဟာ အံ့သြစရာပဲ။

    မောင်မောင် – ဟုတ်တယ် သူငယ်ချင်း။ အခြားသမရိုးကျ ရိုက်နှက်သတ်ဖြတ်နည်းကတော့ အခြားအင်္ဂါအစိတ်အပိုင်း တွေဖြစ်တဲ့ နှလုံး၊ အသဲ ၊ ဦးနှောက် စသဖြင့်တို့ကို ပျက်စီးစေပြီး သားကောင်ဟာလည်း ချက်ချင်း နာကျင်မှုခံရပြီး သေဆုံးသွားတယ်။ သွေးတွေကလဲသွေးကြောတွေထဲမှာ ကျက်သွားတယ်။ပြီးတော့ အသားထဲအထိသွေးတွေပျံနှံစေတယ်။ ဒီလိုကြောင့် အသားထဲကို ယူရစ်အက်ဆစ်တွေရောက်ပြီး ညစ်ညမ်းစေတယ်။အဆိပ်အတောက်ဖြစ်နိုင်တယ်။ ယခုလို သိပ္ပံပညာတိုးတက်လာတော့မှ သုတေသီပညာရှင်တွေက ဒါကိုသိလာကြတာ။

    ဘိုဘို – အခုတော့ ငါသိပြီ။ အစ္စလာမ်က ပြဠာန်း ခွင့်ပြုထားတဲ့ သားသတ်နည်းဟာ တိရိ စ္ဆာန်တွေ ကိုယ်က သွေးကိုလုံးဝစီးထွက်စေပြီး အခြာအစိတ်အပိုင်းတွေကို မညစ်ညမ်းစေဘူး။ ဒါကြောင့်လူသားတွေအတွက် သင့်လျော်ဆုံးဖြစ်တယ်။ တိရိ စ္ဆာန်လည်း နာကျင်မှုမခံစားရဘူး။

    Reference

    Deutoche Tieraerztkucge Wocheschrift (German Veterinary Weekly), Volume 85 (1978), pages 62-66.
    English Translated by Dr. Sahib M. Bleher,Dip Trans MIL.

    Burmese Translated by Shaheen Ansari

  • မမေးလည်းဖြေ(၁၄)- ဂျိဟာ့ဒ် ဆိုင်ရာ ကုရ်အာန့်ရှုထောင့်

    ဇန်နဝါရီ ၇ ၊၂၀၁၂

    ဂျူလိုင်ရဲရင့်

    (ဂျိဟာ့ဒ် ဆိုတဲ့စကားကို အစ္စလာမ့်အတွင်းအပြင် နှစ်ဖက်လုံး စတင်ပြောဆိုနေတာ ကြားလာရလို့တဲ့  ဒီဘာသာပြန် ဆောင်းပါးကို  M-Media ကို ပေးပို့လိုက်ခြင်းဖြစ်ပါသည်။ )

    ဂျိဟာ့ဒ် ဆိုင်ရာ ကုရ်အာန့်ရှုထောင့် ဂျိဟာ့ဒ် ( ဖန်ဆင်းရှင်၏နှစ်မြို့မှုအလို့ငှါ မကောင်းမှုအား ဆန့်ကျင်ရာ၌ ရုန်းကန်အားထုတ်ခြင်း )

                     QURAN-DUMMIES  လက်ဦးပထမဆုံးဆိုရမည်မှာ ဂျိဟာ့ဒ် ဟူသည် မြင့်မြတ်သောစစ်ပွဲ – Holy  War  မဟုတ်ပါ။ ဂျိဟာ့ဒ်၏ဆိုလိုရင်းအနှစ်သားမှာ – ဖန်ဆင်းရှင်၏နှစ်မြို့မှုအတွက် မကောင်းမှုအားဆန့်ကျင်ရာ၌ (ရေကုန် ရေခမ်း) ရုန်းကန်အားထုတ်ကြိုးပမ်းခြင်း ဖြစ်သည်။ ၄င်းသည် ကုရ်အာန့်သတင်းစကားများအနက် အရေးပါသော အစိတ်အပိုင်းတစ်ရပ်ဖြစ်သည်။

    ဂျိဟာ့ဒ်၌ မူဟန်သွင်ပြင် များစွာရှိ၏။ တမန်တော် မုဟမ္မဒ်(ဆွ)က မိမိ၏ဆွေသဟာများအား ဤသို့ မိန့်တော်မူခဲ့သည်။

    ” အကြီးမားဆုံးသော ဂျိဟာ့ဒ် ဟူသည် မတရားသည့်အုပ်ချုပ်သူရှေ့မှောက်၌ မှန်ရာကိုပြောဆိုခြင်း ဖြစ်၏  ”

    တစ်ဖန် သူပျိုတစ်ဦးသည် တမန်တော်မြတ်(ဆွ)ထံသို့ လာရောက်ပြီး မုစ်လင်မ်ထုအား ကာကွယ်ရေးအတွက် ကိုယ်တော်နှင့်အတူ စစ်မြေပြင်သို့လိုက်ပါလိုကြောင်း ခွင့်ပန်လျှောက်ထားခဲ့၏။ တမန်တော်မြတ်(ဆွ)က သူ့အား မိဘနှစ်ပါးရှိပါသေးသလောဟု မေးမြန်းတော်မူရာ ၄င်းက မိမိထံ၌ (အိုမင်းမစွမ်းသော) မိဘနှစ်ပါး သက်ရှိထင်ရှား ရှိသေးကြောင်း လျှောက်တင်၏။ ထိုအခါ ကိုယ်တော်မြတ်က ယင်းသူပျိုအား မိဘနှစ်ပါးကို ပြုစုစောင့်ရှောက်ခြင်းသည် ဂျိဟာ့ဒ်ပင်ဖြစ်ကြောင်း မိန့်တော်မူခဲ့သည်။ အစ္စလာမ့်ဥပဒေ ကျမ်းဂန်များ၌ စစ်ရေးနှင့်မသက်ဆိုင်သည့် ကြိုပမ်းအားထုတ်မှုများကိုပါ ခြုံငုံဖော်ပြထား၏။ ဥပမာ – မိမိ သို့မဟုတ် တစ်ပါးသူ၏ပိုင်ဆိုင်မှုအပေါ်ကာကွယ်ပေးခြင်း၊ မိမိ သို့မဟုတ် တစ်ပါးသူ၏ မိသားစုအား အကာအကွယ်ပေးခြင်း စသည်များ ဖြစ်ကြသည်။

    ဤကဏ္ဍတွင် လက်နက်စွဲကိုင်ကြိုးပမ်းရသည့် ဂျိဟာ့ဒ်အမျိုးအစားတစ်ခုကို တင်ပြဆွေးနွေးသွားပါမည်။ ၄င်းကို ကိသာ့လ် ဟုခေါ်ဆိုသည်။ ပထမဦးစွာ ဂျိဟာ့ဒ်နှင့်စပ်လျဉ်းသော ကုရ်အာန်၏အဆိုများကိုလည်းကောင်း၊ ၄င်းနောက် အစ္စလာမ့်ဥပဒေရှိ လက်နက်စွဲကိုင်ကြိုးပမ်းမှု (ကိသာ့လ်) ၏ကျင့်ဝတ်စည်းမျဉ်းများကိုလည်းကောင်း၊ ၄င်းနောက် ဂျိဟာ့ဒ်နှင့်အစ္စလာမ့်ဥပဒေကြားရှိဆက်နွယ်မှုဖြစ်သော ဂျိဟာ့ဒ်၏ရည်ရွယ်ချက်သရုပ်မှန်ကိုလည်းကောင်း၊ ၄င်းနောက် အစ္စလာမ့်ထုံးဓလေ့မှပြဆိုထားသော သာသနာ့ အာဇာနည် အကြောင်းသာမက ဂျိဟာ့ဒ်နှင့်ခေတ်သစ် ကမ္ဘာအကြောင်းကို တစ်ဆင့်ချင်း တင်ပြသွားပါမည်။

     ဂျိဟာ့ဒ်၏ အဓိပ္ပါယ်အမှန် နှင့် သဘောတရားများ

                       အစ္စလာမ်သည် မတရားမှုကိုအားမပေးသည့် သာသနာဖြစ်သည်။ မုစ်လင်မ်တို့သည် ဂျိဟာ့ဒ် အားဖြင့် အသက်ဘဝ၊ လူ့အခွင့်အရေး နှင့် လွတ်လပ်စွာယုံကြည်ကိုးကွယ်ခွင့်များကို တန်ဖိုးထား ကာကွယ်နိုင်ပါသည်။ ဂျိဟာ့ဒ်၏အကိုင်းအခက်တစ်ခုမျှသာဖြစ်သော လက်နက်စွဲကိုင်ကြိုးပမ်းမှု – ကိသာ့လ် နှင့်စပ်လျဉ်း၍ ကုရ်အာန်မှ မည်သို့ဆိုထားပုံကို လေ့လာကြည့်ပါလေ။

    အသက်ဘဝ နှင့် သာသနာအပေါ် ကာကွယ်ခြင်း

    ကုရ်အာန်၏ ပထမဆုံး ကိသာ့လ်ဆိုင်ရာ အာယသ်တော်မှာ အောက်ပါအတိုင်းဖြစ်၏။

    ထို့ပြင် အသင်တို့သည် အသင်တို့အား (စတင်)တိုက်ခိုက်သူတို့နှင့် အလ္လာဟ့်လမ်းတော်၌ ယှဉ်ပြိုင် တိုက်ခိုက်ကြကုန်။ သို့ရာတွင် စည်းကမ်းများကို ကျူးလွန်ချိုးဖောက်ခြင်း မပြုကြကုန်နှင့်။ မုချဧကန် အလ္လာဟ်အရှင်မြတ်သည် စည်းကမ်းချိုးဖောက်သူများကို နှစ်သက်တော်မူသည် မဟုတ်ချေ။  ( ကုန်အာန် ကျမ်း၂း ၁၉ဝ )

    ကိသာ့လ်နှင့်စပ်လျဉ်း၍ ကုရ်အာန်က စလျှင်စချင်း လက်နက်ကိုင်စွဲအားထုတ်မှုမှာ မိမိ ကိုယ်ကိုခုခံကာကွယ်ရေးအဖြစ်သာ ဖော်ပြလျက် အလွန်အကျူးလွန်ကဲမှုများကို ပွင့်လင်းပြတ်သားစွာ တားမြစ် ထားပါသည်။ ဆက်လက်၍ ဤသို့လည်း ဆိုထားပြန်၏။

    ၄င်းနောက် ထို (ကျူးကျော်စော်ကား) သူတို့အား လက်ရဖမ်းဆီး၍ မိရာအရပ်၌ သုတ်သင်လိုက်ကြကုန်။ ၄င်းပြင် ၄င်းတို့အား အသင်တို့ကို (ဇာတိနေရပ်မှ) မောင်းထုတ်ခဲ့သကဲ့သို့ အသင်တို့ကလည်း ၄င်းတို့ကို (ယင်းဇာတိနေရပ်မှ) နှင်ထုတ်ကြကုန်။ အကြောင်းသော် ညှင်းပန်းနှိပ်စက်ခြင်းသည် အသက်ကိုသတ်ဖြတ်ခြင်းထက်ပင် ပိုမိုဆိုးရွား၍ဖြစ်သည်။ သို့ငြား ၄င်းတို့က မတ်စ်ဂျိဒိလ်ဟရာမ် (မက္ကဟ်ရှိဝတ်ကျောင်းတော်) အတွင်း အသင်တို့အား စတင်တိုက်ခိုက်ခြင်းမပြုသမျှ အသင်တို့သည် ၄င်းတို့ကို မတိုက်ခိုက်ကြကုန်နှင့်။ သို့သော် ၄င်းတို့က အသင်တို့အား စတင်တိုက်ခိုက်ပါက အသင်တို့သည် ၄င်းတို့အား တုန့်ပြန်တိုက်ခိုက်ကြကုန်။ ဤသည်မှာ သစ္စာတရားကို ဆန့်ကျင်ပယ်လှန်သူတို့ ၏ အကျိုးရလဒ်ပင်တည်း။         ( ကုန်အာန် ကျမ်း၂း ၁၉၁ )

    အထက်ပါအာယသ်တော်မှ ” ၄င်းတို့ ” ဟူသည်ကို ” မုစ်လင်မ် မဟုတ်သူများ ” ဟု အချို့က ဝေဖန်စောကြောမှုပြုကြ၏။ စင်စစ်၌မူ ဖော်ပြပြီးသောပါဒတော် (၂း၁၉ဝ)မှ လူတို့အား ဆိုလိုခြင်းဖြစ်ပြီး ” စတင် ညှင်းပန်းနှိပ်စက်တိုက်ခိုက်သူများ ” ကို ရည်ညွှန်းထားခြင်းဖြစ်ပေသည်။ တဖန် ” လက်ရဖမ်းဆီးမိရာအရပ်၌ သုတ်သင်လိုက်ကြကုန် ” ဟုဆိုထားခြင်းမှာ စစ်တလင်းဟူသည် ကစားကွင်း မဟုတ်ပေ။ အသက်လုပွဲသာဖြစ်ကြောင်း အသိပေးထားချက်ဖြစ်သည် (၄င်းမှာ စစ်မြေပြင်၏ဓမ္မတာသာဖြစ်၏)။ သို့သာမက ခုခံကာကွယ်စစ်ဖြစ်ပြီဆိုလျှင် ပျော့ညံ့မှု မရှိဘဲ စိတ်ခွန်အားအပြည့်ဖြင့်ရင်ဆိုင်မှသာ နှိပ်စက် ညှင်းပန်းမှုများရပ်တန့်မည်ဖြစ်ကြောင်း၊ ဝတ်ပြုကျောင်းတော်၌ပင်မရှောင် ရန်သူများဖက်မှ စတင်တိုက်ခိုက် ပါက ပြန်လည်တိုက်ခိုက်နိုင်ကြောင်း၊ ၄င်းတို့၏ရန်မူချက် မရှိပါက စတင်တိုက်ခိုက်ခွင့်မရှိကြောင်း ရှင်းလင်းစွာ တွေ့နိုင်ပေသည်။ ၄င်းနောက် ဤသို့ရှေ့ဆက်ဖော်ပြထားပါသည်။

    သို့သော် အကယ်၍ ၄င်းတို့မှရပ်စဲပါလျှင် မုချဧကန် အလ္လာဟ်အရှင်မြတ်သည် အဖန်တလဲလဲ လွတ်ငြိမ်းချမ်းသာခွင့်ပေးသနားတော်မူသော – အလွန်တရာညှာတာထောက်ထားတော်မူသော အရှင်သခင် ဖြစ်သတည်း။                                                  (ကုန်အာန် ကျမ်း ၂း ၁၉၂ )

    အကယ်၍ ရန်သူများသည် ကျူးကျော်စစ်ကိုရပ်တန့်ပါလျှင် မုစ်လင်မ်တို့သည် ဖန်ဆင်းရှင်၏ ချမ်းသာခွင့် နှင့် ကရုဏာတော်အရ ရန်သူတို့အား ခွင့်လွှတ်ကြရမည့် အကြောင်း နောက်ထပ် ကျင့်ဝတ်တစ်ရပ်ကို ပြက်ပြက်ထင်ထင် ပြသထားပေသည်။ နောက်ထပ်လာသောပါဒတော်မှ ဆိုထား ပြန်သည်မှာ –

    ထို့ပြင် အသင်တို့သည် ဖိနှိပ်ညှင်းပန်းမှု ပပျောက်၍ သာသနာသည် အလ္လာဟ် အရှင်မြတ်တစ်ပါးတည်းအတွက် ဖြစ်သည့်တိုင်အောင် (လွတ်လပ်စွာယုံကြည်ကိုးကွယ်ခွင့် ရရှိလာ သည့်တိုင်အောင်) ၄င်းတို့အား ရင်ဆိုင်တိုက်ခိုက်ကြကုန်။ သို့ရာတွင် အကယ်၍ ၄င်းတို့မှ (စစ်မက်ကို) ရပ်တန့်လိုက်ကြပါမူ ကျူးကျော်စော်ကားတတ်သူတို့အပေါ်မှတစ်ပါး မည်သည့်ရန်လိုခြင်း မရှိစေရ။                    ( ကုန်အာန် ကျမ်း၂း ၁၉၃ )

    ဤပါဒတော်က ကိသာ့လ်၏ဦးတည်ချက်ကိုထုတ်ပြထားသည်။ ကျူးကျော်စစ်ဆင်နွှဲလာသူများကို ဆန့်ကျင်ရင်ဆိုင်ရန်၊ ဖိနှိပ်ညှင်းပန်းမှုများ အဆုံးသတ်၍ လွတ်လပ်စွာ ယုံကြည် ကိုးကွယ်ခွင့်ရရှိသည်အထိ ယှဉ်ပြိုင်တိုက်ခိုက်ရန်ဖြစ်သည်။ အာယသ်တော် (၂း၁၉၂)ရှိ ကျင့်ဝတ်စည်းမျဉ်းကဲ့သို့ ဤပါဒတော်၌ – ရန်သူဖက်မှရပ်စဲပါက မည်သည့်ရန်လိုမှုများ မပြုကြရန်အတွက် နှိုးဆော်ထားပေသည်။ သို့ရာတွင် ဆက်လက်ဖိနှိပ်နေသူများအပေါ် ဆက်လက် စစ်ဆင်ရမည်ဖြစ်သည်။

    ပါဒတော် (၂း၁၉၄)တွင် ကိသာ့လ်နှင့်ပတ်သက်သော အဆုံးသတ်စည်းမျဉ်းကို တင်ဆက်ထား၏။ အစ္စလာမ်မတိုင်မီ အာရေဗျ၏ထုံးတမ်းစဉ်လာ (နှင့်) ကုရ်အာန်ကလည်း ငြိမ်းချမ်းရေး အတွက် တိုက်တွန်းရာဖြစ်သည့် တားမြစ်ထားသောလများ (နှစ်တစ်နှစ်၏နောက်ဆုံးလေးလတာ) အတွင်း မည်သည့်တိုက်ခိုက်မှုမျှ မပြုကြရ ဟူသည်ကို တွေ့ရပေမည်။ သို့ဖြစ်ရာ မုစ်လင်မ်တို့အနေဖြင့် စတင်ကျူးကျော်စော်ကားခံရမှသာလျှင် (ထိုလများအတွင်း) ပြန်လည် တုန့်ပြန်ရင်ဆိုင်ခွင့်ရှိကြောင်း သိနိုင်ပါသည်။

    ဂျိဟာ့ဒ်၏ကျင့်ဝတ်စည်းမျဉ်းများက ငြိမ်းချမ်းရေးမှ ပဋိပက္ခအသွင်သို့ ကူးပြောင်းစေမည့် သို့မဟုတ် အပြန်အလှန်လက်စားချေစစ်ပွဲများသို့ဦးတည်စေမည့် အကြောင်းရပ် နှင့် ဓလေ့ထုံးတမ်းများကို လက်သင်မခံကြောင်း ဤဥပဒေမှ ပြသထားပါသည်။

    တိုက်ခိုက်ခြင်းဟုဆိုရာဝယ် …

    မတရားမှုကိုဆန့်ကျင်တိုက်ခိုက်ြခင်းအယူအဆအား အစ္စလာမ်၊ ခရစ်ယာန် နှင့် ဂျူးဝါဒ၌ မုချ တွေ့ကြရပေမည်။ ဥပမာ ဤဘာသာတရားသုံးရပ်စလုံးမှလက်ခံထားသည့် တမန်တော် ဒါဝူးဒ် David (အလိုင်)၏ ထေရုပ္ပတ္ထိတော်၌ အားနည်းသူများအပေါ်အနိုင်ကျင့်တတ်သည့် Goliath အား တမန်တော်မှ တိုက်ခိုက်အောင်နိုင်ခြင်းကို ဂုဏ်ပြုဖော်ပြထားပေသည်။ တမန်တော် အိဗ်ရာဟီမ် (အလိုင်)နှင့် မဆက်နွယ်သည့် အခြားဘာသာတရားများ၌လည်း ဂျိဟာ့ဒ်ကို တစ်နည်းမဟုတ်တစ်နည်းဖြင့် တွေ့နိုင်၏။ ဥပမာ အလင်းနှင့်အမှောင်အင်အားစုများအကြား၌သော်လည်းကောင်း၊ သုစရိုက်နှင့်ဒုစရိုက်ဘက်တော်သားတို့ အကြားသော်လည်းကောင်း စစ်ပွဲများသည် ထာဝစဉ် ရှိနေရသည်ဟု ဇိုရိုအက်စ်တာ ဘာသာဝင်များမှ ယုံကြည်ထားကြ၏။

    ဂျိဟာ့ဒ်ဟူသည် တမန်တော် မုဟမ္မဒ်(ဆွ) ပွင့်ပေါ်လာမှ ခါတော်မှီထွက်ရှိလာသော အယူအဆအသစ်တစ်ရပ် မဟုတ်ပါ။ ကမ္ဘာ့ဘာသာတရားအားလုံးနီးပါး၌ မကောင်းမှုကိုဆန့်ကျင်သည့် လုပ်ရပ်ကောင်းအဖြစ် ပါဝင်လျက် ရှိနေကြပါသတည်း။

    လူ့အခွင့်အရေးများ နှင့် လွတ်လပ်စွာယုံကြည်ကိုးကွယ်ခွင့်ကို ကာကွယ်ခြင်း

    ကုရ်အာန်၏ပါဒတော် (၂၂း၃၉)ကိုကြည့်လျှင် မုစ်လင်မ်တို့သည် မိမိတို့အပေါ် စစ်ဆင်လာသူများကိုသာ မိမိကိုယ်ကို ခုခံကာကွယ်ရေးအတွက် တိုက်ခိုက်ခွင့်ရှိသည်ဟု ပြသထား၏။           ပါဒတော် (၂၂း၎ဝ)က လက်နက်စွဲကိုင်ရသည့်အဆင့်အထိဖြစ်သွားစေသောအကြောင်းရင်းကို ပြတ်ပြတ်သားသား ဖော်ပြနေ၏။

    ထိုသူတို့မှာကား ‘ မိမိတို့၏ဖန်ဆင်းရှင်သည် အလ္လာဟ်အရှင်မြတ် ဖြစ်ပါသည် ‘ ဟု ပြောဆိုကြယုံမျှဖြင့် (အခြား) မည်သည့်အကြောင်းမျှမရှိဘဲ မိမိတို့နေအိမ်များမှ မတရားနှင်ထုတ်ခြင်း ခံခဲ့ကြရရှာသည်။                       ( ကုန်အာန် ကျမ်း၂၂း ၄ဝ )

    လူ့အခွင့်အရေး နှင့် လွတ်လပ်စွာယုံကြည်ကိုးကွယ်ခွင့်အား ကာကွယ်ရေးရည်ရွယ်ချက် အတွက် ကိသာ့လ် ပြုခွင့်ရှိသည်ကို တွေ့ရပေမည်။ ဤပါဒတော်၏ထပ်မံဖော်ပြချက်များက မုစ်လင်မ်များ အတွက်သာမဟုတ်ဘဲ အခြားဘာသာတရားများအတွက်ပါ ပါဝင်လျက်ရှိသည်မှာ ထူးခြားလှ၏။ ရှုပါလေ။

    စင်စစ်သော်ကား အကယ်၍ အလ္လာဟ်အရှင်မြတ်သည် လူတို့အား တစ်ဦးကိုတစ်ဦး/ တစ်ဖွဲ့ကိုတစ်ဖွဲ့အားဖြင့်ကာကွယ်တော်မူခြင်း မရှိပါလျှင် ဘုန်းတော်ကြီးကျောင်းများသည်လည်းကောင်း၊ ခရစ်ယာန်ဝတ်ပြုကျောင်းများသည်လည်းကောင်း၊ ယဟူဒီတို့၏ဝတ်ကျောင်းများသည်လည်းကောင်း၊ အလ္လာဟ် အရှင်မြတ်၏နာမံတော်များကို များမြောင်စွာရွတ်ဆိုလျက်ရှိသော ဗလီဝတ်ကျောင်းတော်များသည် လည်းကောင်း ဖြိုဖျက်ခြင်းခံကြရမည်မှာ အမှန်ပင်။                                        ( ကုန်အာန် ကျမ်း- ၂၂း ၄၁ )

    တဖန် အကယ်၍များ မုစ်လင်မ်တို့သည် ဂျိဟာ့ဒ်၌ ရန်သူများအပေါ်အောင်နိုင်သွားခဲ့လျှင်ပင် ရန်သူဖြစ်ခဲ့ကြသူတို့အား နှိပ်စက်ကလူပြုခြင်း၊ မဆင်မခြင် မောက်မာခြင်းအမှုမျိုးမှ ကင်းစွာရှောင်ကြဉ်ကြ၍ ဘာသာရေးလွတ်လပ်ခွင့်ထူထောင်ကြရန်၊ သူဆင်းရဲနှင့်အကြပ်အတည်းကြုံရသူများ၏ စီးပွားရေး အခြေအနေကို မြှင့်တင်ပေးရန်၊ အန္တရာယ်များကို ပယ်လှန်အားထုတ်ပြီး လူထုကောင်းကျိုးကို ဆောင်ရွက် ကြရန် ပါဒတော် (၂၂း၄၁) နှင့်တစ်ကွ အခြား မုက္ခပါဌ်တော်အများအပြား၌ ညွှန်းဆိုထားပေသည်။

    ပါဒတော် (၉း၅) နောက်ကွယ်မှ ဒဏ္ဍာရီများကို ရှင်းလင်းခြင်း

    ကိသာ့လ်ဆိုင်ရာ ကျမ်းဂန်စာသားနှင့် သမိုင်းကြောင်းတို့အား မဆိုစလောက်မျှ လေ့လာခြင်းသည် အစ္စလာမ်သာသနာရှိ လက်နက်စွဲကိုင်အားထုတ်ရမှု၏ ဦးတည်ရည်ရွယ်ချက် နှင့် ကျင့်ဝတ်စည်းမျဉ်းများကို နားလည်မှုလွဲချော်သွားစေသည်ချည်း ဖြစ်၏။ အားလုံးကိုဖော်ပြလျှင် ကျမ်းလေးမည် ကို စိုးသည့်အတွက် ၄င်းတို့အနက် အစွန်းရောက် မုစ်လင်မ်များ နှင့် မုစ်လင်မ်မဟုတ်သူဝေဖန်ရေးသမားများ – နှစ်မျိုးလုံးမှ ခံတွင်းတွေ့လှစွာသည့် မုက္ခပါဌ်တော်အား အဓိကထားရှင်းလင်းပါအံ့။

    သို့ဖြစ်ပေရာ ထူးမြတ်သောလများကုန်လွန်သွားသောအခါ အသင်တို့သည် ဖန်ဆင်းရှင်နှင့်အခြားအရာများကို ယှဉ်တွဲ ကိုးကွယ်ကြသူတို့အား တွေ့ရာအရပ်၌ သတ်ဖြတ်ကြကုန်။ ၄င်းပြင် ထိုသူတို့အား ချုပ်နှောင်ထားကြကုန်။ ၄င်းပြင် ၄င်းတို့ ပုန်းအောင်း တတ်ရာနေရာတိုင်းတွင် စောင့်ဖမ်းကြကုန် . . .                                    ( ကုန်အာန် ကျမ်း၉း ၅ )

    မုစ်လင်မ်အစွန်းရောက်ဝါဒီများက ဤမုက္ခပါဌ်တော်ကို တလွဲအသုံးချ၍ – မုစ်လင်မ်တို့သည် သွေဖည်ငြင်းဆန်သူတို့အား (အပြစ်မဲ့ မုစ်လင်မ်မဟုတ်သူများပါမကျန်) အကြမ်းဖက်တိုက်ခိုက်သတ်ဖြတ်ကြရ မည်ဟုဆိုကြ၏။ အစ္စလာမ့်ရေးရာဝေဖန်ရေးသမားတို့ကလည်း အစ္စလာမ်သာသနာသည် ကာဖိရ်တို့အား သတ်ဖြတ်ရန် တွန်းအားပေးထားသော ရုန်းရင်းကြမ်းတမ်းသည့် ဘာသာတရားအဖြစ် ဤပါဒတော်ကိုပင် ခုတုံးလုပ်ကာ ရုပ်လုံးဖော်ကြပြန်၏။

    ဤပါဒတော်အား တလွဲအသုံးချသူတို့ထံ မဟာအမှားအယွင်းကြီး ရှိနေပါသည်။ ဤအာယသ်တော်၌ ‘ သို့ဖြစ်ပေရာ ‘ ဟု စတင်ထား၏။ သဒ္ဒါရှုထောင့်မှကြည့်လျှင် အရေးပါသော ကနဦးစာသားများနှင့် အချိတ်အဆက်ရှိနေကြောင်း ထင်ရှားနေ၏။ ပါဒတော်(၉း၅)သို့ ပြန်လည်ခြေရာကောက်ကြည့်သော် ၄င်းနှင့်ဆက်စပ်နေသည့် ပါဒတော်လေးရပ် (၉း၁-၄)အား တွေ့ကြရ ပါမည်။ ယင်းအာယသ်တော်လေးရပ်အား လေ့လာကြည့်ပါက အသင်သည် အစ္စလာမ့် သမိုင်းကြောင်း စိုးစဉ်းမျှပင် မသိရှိစေကာမူ ၄င်းစူရဟ်/ကဏ္ဍတစ်ရပ်လုံး၏သဘောကို ရိပ်စားမိနိုင်ပေမည်။

    ပါဒတော်(၉း၁)သည် ဖန်ဆင်းရှင်နှင့်ထိုအရှင့်စေတမန်တော်တို့မှ ဘုရားအများ ကိုးကွယ်သူတို့နှင့်သက်ဆိုင်သော ပဋိညာဉ်ပျက်ပြယ်ကြောင်း ကြေငြာချက်ဖြစ်၏။ သမိုင်းကြောင်းအရ ယင်းပဋိညာဉ်ကို ဟုဒိုင်းဗီယဟ် စာချုပ်ဟုခေါ်ဆိုသည်။ ၄င်းစာချုပ်၌ ဆယ်နှစ်အထိ စစ်မဖြစ်ရေးငြိမ်းချမ်းရေး ရယူထားချက်ပါဝင်သည်။ ပါဒတော် (၉း၂-၃)သည် ယင်းမုရ်ှရစ်က်များကို တိုင်းပြည်အတွင်း လွတ်လပ်စွာ သွားလာခွင့်နှင့်အတူ (ပဋိညာဉ်ချိုးဖောက်မှုအပေါ် နောင်တရရန်) အချိန်ပေးထားခဲ့သည်။ အာယသ် တော်(၉း၎)၌ စစ်မက်ကြေငြာမှု၏အကြောင်းရင်းကို ဤသို့ ဖော်ပြထားသည်။

    အကြင် (ပဋိညာဉ်ချိုးဖောက်သော) မုရ်ှရစ်က်တို့မှတစ်ပါး အသင်တို့နှင့် ပဋိညာဉ်ဖွဲ့ခဲ့ကြကုန်သည့် (အခြား) မုရ်ှရစ်က်တို့သည် အသင်တို့နှင့်ပတ်သက်၍ တစ်စုံတစ်ရာ ဝတ္တရားပျက်ကွက်ယုတ်လျော့စေကြသည်မဟုတ်။ အသင်တို့အပေါ်ဆန့်ကျင်သည့် မည်သူ့ကိုမျှ ကူညီခဲ့ကြသည်မဟုတ် . . ( ကုန်အာန် ကျမ်း ၉း ၄ )

    အထက်ပါ (၉း၎)အရ (၉း၅)၌ ယင်းပဋိညာဉ်ကိုချိုးဖောက်သည့်၊ ၄င်းပြင် မုစ်လင်မ်အသိုင်းအဝိုင်းအား အန္တရာယ်ပြုနေသော ရန်သူ့ဘက်တော်သား မုရ်ှရစ်က်များကို စစ်ဆင်ရန် ဖော်ပြချက်ဖြစ်သည်။

    သို့ဖြစ်သဖြင့် ပါဒတော်(၉း၅) တစ်ခုတည်းကိုသာ ကွက်၍ ဖြတ်ယူဖော်ပြလိုက်ခြင်းက မုစ်လင်မ် တို့သည် မုရ်ှရစ်က်ဆိုသည်နှင့် ရန်သူမိတ်ဆွေ မခွဲခြားဘဲ ထာဝရစစ်ဆင်နေရမည်ကဲ့သို့ ဆိုးဆိုးဝါးဝါး အဓိပ္ပါယ် ထွက်သွားပါသည်။

    ရှေ့ဆက်လာသည့်ပါဒတော် (၉း၆-၁၆)များ၌ မုစ်လင်မ်များသည် ပဋိညာဉ်အပေါ်မှန်ကန်စွာ ရပ်တည်ကြသည့် မုရ်ှရစ်က်များကို လေးစားကြရမည့်အကြောင်း၊ ပဋိညာဉ်ချိုးဖောက်ခဲ့ကြကုန်သည့် မုရ်ှရစ်က်များကိုပင်လျှင် မိမိတို့၏ကတိကဝတ်များပြန်လည်စောင့်ထိန်းရန် လိုအပ်သည်ထက် အချိန်ပိုပေးထား ကြောင်း ငြင်း၍ မရအောင် တွေ့ကြရမည်တည်း။

    ပါဒတော် (၉း၂၉)၏ ဆိုလိုရင်း

    ယင်းအာယသ်တော်၌ ရှေးကျမ်းရသူများအနက် နိစ္စသစ္စာအားလက်မခံသူ၊ အလ္လာဟ်အရှင်မြတ်- နောက်ဆုံးနေ့တော် နှင့် ကျင့်ဝတ်ဥပဒေအား ငြင်းပယ်သူတို့သည် ဂျိဇ်ယဟ် မည်သော ကင်းလွတ်ခွင့်အခွန်ကို မထမ်းဆောင်သမျှကာလပတ်လုံး တိုက်ခိုက်ရန်ဖော်ပြထား၏။ အချို့သူတို့က မုစ်လင်မ်နယ်မြေအတွင်းနေထိုင်ကြသော ဂျူး နှင့် ခရစ်ယာန်များအပေါ် ဂျိဇ်ယဟ်အခွန်မဆောင်လျှင် မုစ်လင်မ်တို့မှ တိုက်ခိုက်ရမည်ဟု အဓိပ္ပါယ်ကောက်မှားနေကြ၏။ အမှန်မှာ ဤအခွန်အားဖြင့် မုစ်လင်မ် မဟုတ်သူများကို အစ္စလာမ့်စစ်တပ်၌ စစ်မှုထမ်းခွင့်မှ ကင်းလွတ်စေလိုက်ခြင်းဟု ဟဒီးဆ်တော်များတွင် ၄င်း၏ရည်ရွယ်ချက်အား ရှင်းလင်းစွာဆိုထားပေသည် (မုစ်လင်မ်မဟုတ်သူတို့မှာ မိမိ မယုံကြည်သော ဘာသာတရားအတွက် စစ်မှုထမ်းရန် မလိုအပ်ချေ)။

    အစ္စလာမ့်နယ်ပယ်အတွင်း မှီတင်းနေထိုင်ကြကုန်သော မုစ်လင်မ်မဟုတ်သူ လူ့အဖွဲ့အစည်း အားလုံးကိုပါ ကာကွယ်ပေးနေသည့် အစ္စလာမ့်တပ်မတော်အားထောက်ပံ့ရေး၌ ယင်းအခွန်ငွေကို အသုံးပြု ပါသည်။ သို့ပင်သို့ငြား မိမိ၏မိသားစုကိုပင် လုံလောက်စွာ မထောက်ပံ့နိုင်သည့် မုစ်လင်မ်မဟုတ်သူများမှာမူ ဂျိဇ်ယဟ်အခွန်ပေးဆောင်ရန် မလိုပါချေ။

    ဤပါဒတော်သည် တမန်တော်မြတ်(ဆွ) သက်တော်ထင်ရှားရှိဆဲ (ဝဟီခေတ်ကာလ) အတွင်း မုစ်လင်မ်ဆန့်ကျင်ရေး၌ ဂျူး နှင့် ခရစ်ယာန်တို့မှကူညီနေကြသော မုရ်ှရစ်က်များအပေါ် စစ်ဆင်ခြင်း အကြောင်းကို ဆွေးနွေးတင်ပြထားခြင်းဖြစ်သည်။ သို့ရာတွင် ဘာသာတရားအချင်းချင်း ငြိမ်းချမ်းစွာ အတူယှဉ်တွဲနေထိုင်ရေးအတွက် ဖိတ်ခေါ်ထားသော (၆ဝး၈)ကဲ့သို့ ပါဒတော်များအား ဤပါဒတော်က မထိခိုက်စေပါလေ။

    အစ္စလာမ့် စစ်စည်းကမ်းများ

    တမန်တော် မုဟမ္မဒ်(ဆွ)၏ အရင်းနှီးဆုံးဆွေသဟာတော်ကြီး နှင့် အစ္စလာမ်ကမ္ဘာ၏ပထမဆုံး ခလီဖဟ်ကြီး အဗူ ဗက်ရ် (ရဿွိ)သည် စစ်စည်းကမ်းနှင့် စပ်လျဉ်း၍ အောက်ပါကဲ့သို့ သွန်သင်ခဲ့သည်။

    ၁။  ဖြောင့်မတ်သောလမ်းမှသွေဖည်ခြင်း/သစ္စာဖောက်ခြင်း မပြုရ

    သက်ဝင်ယုံကြည်သူတို့သည် စစ်ရှိန်မြင့်စဉ်ကာလအတွင်း အစ္စလာမ့်တပ်မတော်မှ စွန့်လွှတ် ကျောခိုင်းထွက်ပြေးခြင်း မပြုကြရန်၊ စစ်မြေပြင်၌ သပ်က်ဝါတရားကိုလက်ကိုင်ပြု၍ တိုက်ခိုက်ကြရန်၊ မတရားမှုအား ရင်ဆိုင်တော်လှန်ရာတွင် မိမိကိုယ်တိုင်က မတရားညှင်းဆဲသူများ ပြန်လည်ဖြစ်မသွားကြစေရန် သွန်သင်ချက်ဖြစ်သည်။

    ၂။  ရုပ်အလောင်းများကို ပျက်လိုဖျက်ဆီး မပြုရ

    ဤသွန်သင်ချက်က ညှင်းပန်းနှိပ်စက်မှုကိုအဆုံးသတ်စေ၍ လွတ်လပ်မှုကို ဖော်ဆောင်ပေး သည်။ သေသူရော ရှင်သူများအပေါ် သိက္ခာချခြင်းလုပ်ရပ်မျိုး လုပ်ခွင့်မရှိပါ။

    ၃။  သက်ကြီးရွယ်အို၊ ကလေးသူငယ် နှင့် အမျိုးသမီးများကို မသတ်ဖြတ်ရ

    ဤအဆုံးအမ၌ ယှဉ်ပြိုင်နိုင်စွမ်း မရှိသည့်/မသန်စွမ်းသူ အမျိုးသားများလည်းပါဝင်နေသည်ဟု ပညာရှင်များကဆိုကြ၏။

    ၄။  စားပင်သောက်ပင်များအား မဖျက်ဆီးရ

    ဂျိဟာ့ဒ်သည် နှိပ်စက်ညှင်းပန်းခြင်းကို နိဌိတံစေခြင်းဖြစ်ရာ မုစ်လင်မ်တို့သည် သဘာဝ ပတ်ဝန်းကျင် နှင့်တစ်ကွ စားသောက်ကုန်ရိက္ခာများအား အကာအကွယ်ပေးကြရမည်။ သို့မှသာ နယ်ခံတို့သည် ရောဂါဘယ သို့ မဟုတ် ငတ်မွတ်ခေါင်းပါးမှုဒဏ်မှ ကင်းလွတ်မည်ဖြစ်၏။

    ၅။  ရန်သူတို့၏စားနပ်ရိက္ခာများကို မခိုးယူရ

    ခိုးဝှက်ခြင်းကို သိက္ခာမဲ့လုပ်ရပ်အဖြစ် သတ်မှတ်တားမြစ်ထားသည်။ စစ်မက်ဖြစ်ပွားခြင်းသည် ခိုးဝှက်မှုကို တရားဝင်ဖြစ်သွားစေသည် မဟုတ်ပါ။

    ၆။  ဘာသာပေါင်းစုံမှ သာသနာ့ခေါင်းဆောင်များကို ကာကွယ်ပေးရမည်

    ကိသာ့လ်၏ရည်ရွယ်ချက်၌ လွတ်လပ်စွာယုံကြည်ကိုးကွယ်ခွင့်ထူထောင်ရေးလည်း ပါဝင် သောကြောင့် မုစ်လင်မ်တို့သည်  ဘာသာရေးဆိုင်ရာပုဂ္ဂိုလ်များ နှင့် သာသနာရေးဆိုင်ရာ အထွဋ်အမြတ် ထားရာများကို ကာကွယ်စောင့်ရှောက်ပေးရပါမည်။

    တမန်တော် မုဟမ္မဒ်(ဆွ) နှင့် လက်မွန်မဆွ ရှေးဦးပထမမုစ်လင်မ်မျိုးဆက်ခေါင်းဆောင်တို့၏ ကျင့်ကြံမှုများမှ အခြားစစ်စည်းကမ်းများကိုလည်း အစ္စလာမ့်ဥပဒေပညာရှင်တို့က အောက်ပါ အတိုင်းပြဌာန်းထားသည်။

    ၁။  လက်စားချေစစ်ပွဲ မဆင်နွှဲရ

    မုစ်လင်မ်တို့သည် မိမိကိုယ်ကိုခုခံကာကွယ်ရေး၊ ဖိနှိပ်ညှင်းပန်းမှု ပပျောက်ရေး နှင့် သာသနာ့ လွတ်လပ်ခွင့်ရရှိရေးအတွက် မဟုတ်ပါက စတင်စစ်ဆင်တိုက်ခိုက်ခွင့် မရှိပါ။

    ၂။  နိုင်ငံ/ဒေသ၏ခေါင်းဆောင်သာလျှင် စစ်ကြေငြာခွင့်ရှိသည်

    အစ္စလာမ်နိုင်ငံ/ဒေသ၏ခေါင်းဆောင်မှ တရားဝင်စစ်ကြေငြာမှု မရှိဘဲနှင့် ထိုးစစ်ဆင်ခွင့် မရှိကြောင်း အစ္စလာမ့်ပညာရှင်များမှ အဆိုညီကြ၏။ လျှပ်တစ်ပြက်တိုက်ခိုက်ခြင်း နှင့် မကြေငြာဘဲ စစ်ဆင်ခြင်းတို့ကို အကြွင်းမဲ့ တားမြစ်သည်။ သို့ရာတွင်လည်း နယ်မြေဒေသ၏ တရားဝင်ခေါင်းဆောင် မရှိခဲ့လျှင် ဖိနှိပ်ညှင်းပန်းခြင်းနှင့်မတရားစော်ကားခြင်းတို့အား တုန့်ပြန်ခုခံရန်အတွက် ယေဘူယျအားဖြင့် ခွင့်ပြုထားပါသည်။

    ၃။  ရန်သူများကို အစ္စလာမ်ဖက်သို့ ဖိတ်ခေါ်ခြင်း

    စစ်ပွဲမစတင်မီ အစ္စလာမ့်တပ်မတော်သည် ရန်သူများကို အစ္စလာမ်သို့ဖိတ်ခေါ်ရမည်။ ၄င်းတို့မှ လက်ခံလျှင် ရန်ငြိုးရန်စအပေါင်းကို သင်္ဂြိုလ်ပစ်ရပါမည်။ ယခင်က ရန်သူများဖြစ်လင့်ကစား ယုံကြည်ချက်၌ ညီအစ်ကိုများ ဖြစ်သွားကြပေမည်။ အစ္စလာမ့်ဥပဒေပါရဂုအများအပြား၏အဆိုအရ စစ်မက်အဆုံးသတ်နိုင်ရေးအတွက် စစ်ပွဲတစ်လျှောက်လုံး ယင်းသို့ ဖိတ်ခေါ်ရန် ကြိုးပမ်းကြရမည်ဖြစ်၏။

    ၄။  ကောင်းမြတ်သောရည်ရွယ်ချက်နှင့်တွဲလျက် အားထုတ်ပါ

    ကိသာ့လ်ကို လူထူကောင်းကျိုးအတွက်သာ ဆောင်ရွက်ရ၏။ မည်သည့်စစ်အမျိုးအစား၌မဆို သဘာဝသယံဇာတအရင်းအမြစ်များကို လက်ဝါးကြီးအုပ်ခေါင်းပုံဖြတ် ရယူခြင်းကိစ္စမျိုးအား ပြင်းထန်စွာ တားမြစ် ထားပါသည်။ ရောင်းသူရောဝယ်သူပါ နှစ်ဦးနှစ်ဖက်စလုံး အကျိုးအမြတ်ဖြစ်ထွန်းစေမည့် ကုန်သွယ်စီးပွား အားဖြင့်သာ အရင်းအမြစ်များကို ပိုင်ဆိုင်ရောင်းဝယ်ခွင့်ရှိသည်။ ၄င်းပြင် ယင်းအရင်းအမြစ်သည် ကာလတို အတွက်သာ အကျိုးဖြစ်ထွန်းနိုင်လင့်ကစား ဖျက်ဆီးခြင်း၊ အသုံးပြုမရအောင် ဖန်တီးခြင်းတို့ကို မပြုရပါ။ ၄င်းတို့မှာ သိက္ခာမဲ့လုပ်ရပ်များသာဖြစ်ကြ၏ (၄း ၂၉ – ၃ဝ )။

    ၅။  နယ်မြေချဲ့ထွင်ခြင်း နှင့် ကျူးကျော်သိမ်းပိုက်ခြင်းအလို့ငှါ စစ်မဆင်ရ

    မုစ်လင်မ်တို့သည် တရားမျှတမှုတည်းဟူသော အကြောင်းခံအတွက်သာ ကိသာ့လ်ကို ဆောင်ရွက်ရ၏။ ယင်းရည်ရွယ်ချက်အတွက်မဟုတ်ဘဲ နယ်မြေချဲ့ထွင်သိမ်းပိုက်ခြင်းအတွက်မူ အလျဉ်း ခွင့်ပြုမထားချေ။

    ၆။  ရေတွင်းရေကန် နှင့် စားသောက်ကုန်များ၌ အဆိပ်မခပ်ရ လက်ရှိခေတ်၏အစ္စလာမ့်ဥပဒေပညာရှင်များစွာတို့က ဤစည်းမျဉ်းသည် ခေတ်ပေါ်စစ်ပွဲများမှ ဓာတုနှင့်ဇီဝ (အဆိပ်သင့်စေသော) လက်နက်များ အသုံးပြုခြင်းကိုလည်း တားမြစ်ထားကြောင်း လက်ခံထားကြသည်။

     

    ကိသာ့လ် နှင့် အစ္စလာမ့်ဥပဒေ

     

    အစ္စလာမ်သာသနာမှပြဆိုထားသော ကိသာ့လ်၏ ကျင့်ဝတ်စည်းမျဉ်းများ နှင့် ရည်ရွယ်ချက် အား ဆွေးနွေးရာတွင် ကိသာ့လ်မှာ လွတ်လပ်စွာကျင့်သုံးခွင့် မရှိကြောင်း၊ အစ္စလာမ့်ဥပဒေလမ်းကြောင်း (ယှရီအဟ်)၏ ဦးတည်ချက်ဘောင်အတွင်း၌သာရှိကြောင်း နားလည်ထားရမည်ဖြစ်သည်။

    ဂျိဟာ့ဒ်အကြောင်းကို သုံးသပ်စဉ်းစားသောအခါ အောက်ဖော်ပြပါဥပဒေအချက်အလက် များအား နှလုံးသွင်းထားရပေမည်။

    ၁။  ကျိုးကြောင်းဆီလျော်မှု ရှိရမည်

    အစ္စလာမ့် အချို့ဥပဒေများ၏နောက်ကွယ်၌ ထင်ရှားပြတ်သားသည့် အကြောင်းရင်း အကြောင်းခံ ရှိရသည်။ ဝက်သားစားခြင်းကိုတားမြစ်မှုကဲ့သို့သော အချို့ဥပဒေများမှာမူ အကြောင်းရင်းခံ မလိုချေ။ ကိသာ့လ် ဆိုင်ရာဥပဒေ၌ တရားမျှတမှုကိုဖော်ဆောင်ရေးဟူသည့် အကြောင်းခံ ရှိနေလေသည်။ ထို့ကြောင့် ပြတ်သားသည့် ဦးတည်ချက်များ နှင့် ကောင်းမြတ်သင့်လျော်သော အကြောင်းရင်းခံ မရှိပါလျှင် ကိသာ့လ်အားဖော်ဆောင်ရန် အကြောင်းမရှိချေ။

    ၂။  လူထုကောင်းစားရေးမူဝါဒကို မြှင့်တင်ပေးရမည်

    အစ္စလာမ့်ဥပဒေများက လူထုကောင်းကျိုးကို မြေတောင်မြှောက်ထားသည်။ ဥပမာ – သာသနာ၊ အသက်၊ မိသားစု၊ ပိုင်ဆိုင်မှု၊ ဂုဏ်သိက္ခာ နှင့် အသိတရားတို့အား တန်ဖိုးထားကာကွယ်ခြင်း တို့ဖြစ်သည်။ သို့ဖြစ်၍ ကိသာ့လ်သည် ဤရည်ရွယ်ချက်များအား အထမြောက်စေရန်ဖြစ်ရမည်၊ ယင်းအချက်များအပေါ် ထိခိုက်နစ်နာစေမှု အလျဉ်း မဖြစ်ရပါ။

    ၃။  ကောင်းကျိုး နှင့် ဆိုးကျိုးကို ချင့်ချိန်ရမည်

    ကောင်းကျိုးဖြစ်ထွန်းစေရေးအတွက် မကောင်းမှုတစ်ခုခုအား ရွေးချယ်ဖို့ကြုံဆုံရလျှင်ပင် ယင်းမကောင်းမှုကို ရှောင်ကြဉ်လိုက်ဖို့ကိုသာ အစ္စလာမ့်ဥပဒေက ညွှန်းပြထား၏။ ကိသာ့လ်၏ စည်းမျဉ်းသည်လည်း ထိုနည်းလည်းကောင်းပင်။ အန္တရာယ်ကိုကာကွယ်ခြင်းက အကျိုးအမြတ်ရယူခြင်းထက် သာမြတ်ပါသည်။

    ၄။  လူထုလုံခြုံရေးကို အကာအကွယ်ပေးရမည်

    အစ္စလာမ့်ဥပဒေက လူ့အဖွဲ့အစည်းကို စိုးရိမ်ပူပန်မှု၊ အဓမ္မမှု နှင့် ကယ်ကူရာမဲ့ အခြေအနေများမှ  အကာအကွယ်ပေးထားသည်။ လူထုလုံခြုံရေးအား ချိုးဖောက်ခြင်းသည် ကြီးလေးသော ပြစ်ဒဏ်သင့်၏။ လူထု၏ဘေးကင်းလုံခြုံရေးနှင့်တည်ငြိမ်ရေးကိုပျက်ပြားစေသည့် ပြန်ပေးဆွဲခြင်း၊ ပရမ်းပတာ သတ်ဖြတ်ခြင်း စသောလုပ်ရပ်မျိုးမှာ ကိသာ့လ်၌ လုံးဝမပါဝင်ချေ။

    ၅။  ကာလံဒေသံ၏အရှိတရားကို နားလည်လက်ခံရမည်

    ခေတ်နှင့်အညီဖြစ်တည်နေသော အရှိတရားများကို ထည့်သွင်းစဉ်းစားရသည့် စည်းစံနစ် ကျကျနည်းစဉ်အပေါ် အစ္စလာမ့်ဥပဒေအား တည်ဆောက်ကျင့်သုံးရလေရာ  – ကိသာ့လ်၌လည်း ခေတ်သစ် ကမ္ဘာ၏ လူမှုရေး၊ စီးပွားရေး နှင့် နိုင်ငံရေးဆိုင်ရာ အဖြစ်မှန်များအား ထည့်သွင်းစဉ်းစားရမည်ဖြစ်သည်။

     

    သာသနာ့အာဇာနည် (ယှဟီဒီ) ဟူသည်မှာ

                       ကိသာ့လ်၏ကျင့်ဝတ်စည်းမျဉ်းနှင့်အညီ တရားသောစစ်၌ တိုက်ခိုက်ယင်း ကျဆုံးသူများမှာ ယှဟီးဒ် ဟူသော ဂုဏ်ထူးဂုဏ်မြတ်ချီးမြှင့်ခံရ၏။ ၄င်းကို လျော့တိလျော့ရဲ ဘာသာပြန်ဆိုရပါလျှင် သာသနာ့ အာဇာနည် ဟူ၍ ဖြစ်၏။ အရဗီအသုံးအနှုန်းအရ ” သက်သေပြုထားပြီးသူ ” ဟူသည့် ၄င်း၏အဓိပ္ပါယ်မှာ ပိုမိုသင့်မြတ်နေပေသည်။ ယှဟီဒီ (အာဇာနည်)တစ်ဦးအဖို့ လူ့အဖွဲ့အစည်း၏အကောင်းဆုံးအကျိုးအလို့ငှါ သူ သို့မဟုတ် သူမ၏ ကိုယ်ပိုင်အသက်ဘဝအား စွန့်လွှတ်စတေးမှုဖြင့် သစ္စာတရားကို မျက်မှောက်ပြု ရပ်တည်လိုက်ရာရောက်သောကြောင့် ဖြစ်၏။

    ကိသာ့လ်၌သာမဟုတ်၊ စစ်မြေပြင်မှာသာမဟုတ်၊ အာဇာနည်ဘဝကို မည်သည့်နေရာမှာမဆို ရယူနိုင်၏။ မည်သည့်မုစ်လင်မ်ပင်ဖြစ်စေ လောကကောင်းကျိုးအတွက် ရိုးသားဖြောင့်မတ်စွာ အားထုတ် ဖော်ဆောင်ယင်း သေဆုံးကွယ်လွန်ပါက ယှဟီးဒ် အဆင့်သို့ရောက်၏။ အလားတူစွာ အသက်ဘဝ၊ ပိုင်ဆိုင်မှု၊ ဂုဏ်သိက္ခာကောင်း နှင့် အထွဋ်အမြတ်ထားရာများအား ကာကွယ်သောဖြစ်စဉ်အတွင်း ကွယ်လွန်ခဲ့သော် ယှဟီးဒုလ်အာခိရဟ် အဖြစ် ဂုဏ်ပြုခံရပေသည်။

    မည်သို့ပင်ဖြစ်စေကာမူ လောကီရေးရာအချီးမွမ်းခံရရေးအတွက် မဟုတ်ဘဲ အလ္လာဟ့်နှစ်မြို့မှုအတွက် သာ ဖြူစင်သန့်ရှင်းသောနှလုံးသားဖြင့် ယှဉ်ပြိုင်ရင်ဆိုင် အားထုတ်သူများသာလျှင် ယှဟီဒီအဖြစ် သတ်မှတ်ခံရသည်။ ဤအချက်ကို ဟဒီးဆ်တော်၌ ပြတ်သားစွာဖော်ပြထားပါသည်။

    အကောင်းဆုံးကိစ္စအပေါ် မိမိ၏အသက်အား စတေးခဲ့ကြသည့် အစစ်အမှန်အာဇာနည်တို့မှာ နောင်တမလွန်ဘဝဝယ် အမြင့်မားဆုံးအစားပေးဆုလာဘ်ကို ရရှိကြကုန်၏။ ဖန်ဆင်းရှင်သည် ယှဟီဒီတို့၏ အပြစ်များကို ခွင့်လွှတ်တော်မူ၏။ သုခဘုံ၏အမြင့်ဆုံးအဆင့်အား ချီးမြှင့်ပေးသနားတော်မူပြီး ကြားဝင် အသနားခံပေးနိုင်သည့် အခွင့်အရေးကိုလည်း ပေးသနားတော်မူမည်ဖြစ်သည်။

    တမန်တော် မုဟမ္မဒ်(ဆွ) နှင့် သာဝကတော်များသည် လက်နက်စွဲကိုင်အားထုတ်ရသည့် ဗဟိဒ္ဓ ဂျိဟာ့ဒ်ထက် အတ္တအားအနိုင်ယူရသည့် ဝိညာဉ်မြှင့်တင်ရေး အဇ္ဈတ္တဂျိဟာ့ဒ်ကို ပိုမို အလေးပေးခဲ့ကြကုန်သည်။ စစ်သည်တော်တစ်ဦးသည် ရဲရင့်ကြံ့ခိုင်ရမည့်အပြင် စည်းကမ်းလိုက်နာတတ်သည့်အကျင့်သီလလည်း ပိုင်ဆိုင်ရပေမည်။ သို့သာမက မိမိ၏ လုပ်ရပ်တိုင်းကို ဖန်ဆင်းရှင်က အခါမလပ်စောင့်ကြပ်ကြည့်ရှုနေတော်မူသည်ဟူသော အသိတရားလည်း အတူယှဉ်တွဲ ရှိနေရပေမည်။

    ကလဲ့စားကို တရားမျှတမှုဖြင့် အနိုင်ယူပါ

    တစ်ခါက ခလီဖဟ် အလီ (ရဿွိ)သည် စစ်ပွဲတစ်ခုတွင် မိမိ၏ရန်သူအား မြေပြင်ပေါ် ကိုင်ပေါက်လှဲသိပ်နိုင်ခဲ့၏။ ဓါးကိုမြှောက်၍ခုတ်သတ်မည်ပြုရာ ရန်သူက သူ၏မျက်နှာအား တံတွေးဖြင့် ထွေးလိုက်လေ၏။ အလီသည် ခေတ္တမျှတုန့်ဆိုင်းသွားပြီး ဓါးကိုပစ်ချကာ ၄င်းသူအား လွှတ်ပေးလိုက်လေ သည်။ အဘယ်ကြောင့်ဆိုသော် သူ၏နှလုံးသားမှာ တရားမျှတမှုမဟုတ်ဘဲ ဒေါသနှင့်ကလဲ့စား၏ အတုန့်အလှည့်ကြောင့် ညစ်ထေးသွားမည်ကို စိုးရိမ်၍ဖြစ်ပေသည်။ ဤသည်မှာ ကိသာ့လ်အတွင်းမှ မုစ်လင်မ် စစ်သည်တော်၏ အစစ်အမှန်အောင်မြင်မှုတည်း။

    ခေတ်သစ်ကမ္ဘာမှ ဂျိဟာ့ဒ်အမြင်များ

                       ခေတ်သစ်ကမ္ဘာ၌ ကြုံတွေ့နေရသော ပေါက်လွှတ်ပဲစား အပြင်းစားစစ်ပွဲအချို့နှင့်ပတ်သက်ပြီး မုစ်လင်မ်လောကနှင့်အနောက်တိုင်းအကြားရှိ ကွက်လပ်ကို တံတားခင်းနိုင်ရန် ပညာရှင်များနှင့် နိုင်ငံရေး သမားတို့မှ ကြိုးစားလျက်ရှိကြ၏။ ဤကိစ္စ၌ ဂျိဟာ့ဒ်သည် အရေးကြီးသော အခန်းကဏ္ဍမှပါဝင်နေပါသည်။

    ဤအကြောင်းအရာအား အပြည့်အဝနားလည်နိုင်ရန်မှာ အခြားကဏ္ဍများထက် ပိုမိုရှုပ်ထွေး နက်နဲပါသည်။ ဆက်လက်ဖော်ပြမည့် အခြေခံအယူအဆများက နားလည်မှုလမ်းကြောင်းထံ ဦးတည်ပေး ပါလိမ့်မည်။

    ကုရ်အာန်ကဖော်ပြထားသည့် ဂျိဟာ့ဒ်၏တရားမျှတမှုကို အစွန်းရောက်မျက်မှန် တပ်၍ဖတ်သောအခါ ကြောက်စရာအသွင်သို့ ပြောင်းလဲသွားပါသည်။ အချို့စစ်သွေးကြွအုပ်စုများသည် မိမိတို့၏တိုက်ပွဲများ အရှိန်မြင့်လာစေရန် ကုရ်အာန်မှပါဒတော်များကို လိုရာဆွဲ၍ (၄င်းတို့၏အယူအဆအား) အတည်ပြုနိုင်အောင် ကြိုးစားတတ်ကြ၏။ ယင်းသို့သောအုပ်စုများက ၄င်းတို့၏ယုံကြည်ချက်နှင့်လမ်းစဉ်ကို လူအများမှ အမှန်ဟု ထင်မြင်စေရန် ကုရ်အာန်ဋီကာဖွင့်အတတ်ပညာ အချက်အလက်အချို့အား အလွဲသုံးစားပြုလေ့ရှိကြ၏။ ၄င်းမှာ ရုပ်သိမ်းပယ်ဖျက်ပြီးသည့် အာယသ်တော်များဟု အသိများကြသော ပြန်လည်ပြင်ဆင်ခဲ့သည့် ကနဦးပြဌာန်းချက်ဆိုင်ရာအာယသ်တော်များကို အသုံးပြုခြင်း ဖြစ်ပေသည်။

    ကုရ်အာန်ရှိအစ္စလာမ့်ဥပဒေများမှာ အဆင့်လိုက်ပြဌာန်းချက်ဖြင့် သတ်မှတ်လာခြင်းဖြစ်သောကြောင့် မုစ်လင်မ်လူ့အဖွဲ့အစည်း အခိုင်အမာဖြစ်ပြီးနောက်ဝယ် နောက်ဆုံး အဆင့်ပြဌာန်းချက်သည် ကနဦး ပြဌာန်းချက်များအား လွှမ်းမိုးလေ့ရှိပေသည်။ နောက်ဆုံးပြဌာန်းချက်ကိုသာ အတည်ပြုဥပဒေအဖြစ် ကျင့်သုံးရ ပေသည်။ ဂန္ထဝင်ဋီကာရှင်များသည် မိမိတို့၏ကိုယ်ပိုင်ဆန္ဒနှင့်အမြင်ပေါ်မူတည်၍ ဖွင့်ဆိုခြင်း မရှိခဲ့ကြပါ။ အစွန်းရောက်ဋီကာရှင်များကမူ  (၉း၅)(၉း၂၉)ကဲ့သို့ ပါဒတော်များဖြင့် မုစ်လင်မ်တို့သည် မုစ်လင်မ် မဟုတ်သူတို့အား တိုက်ခိုက်ချေမှုန်းရမည်ဟု ဆိုလာသောအခါ  –  ၄င်းတို့နှင့် ဆက်စပ်နေသည့် အာယသ်တော်များ၊ အပြန်အလှန်ပူးပေါင်းဆောင်ရွက်ရေး နှင့် ကောင်းမွန်စွာဆက်ဆံမှုထူထောင်ရေး အခြားအာယသ်တော်အပေါင်းတို့ကို (၄င်းတို့သဘောဖြင့်) ပလပ်ပယ်ဖျက်ပစ်ရာရောက်နေပေသည်။ ထို့ကြောင့်လည်း ၄င်းတို့သည် ကိသာ့လ်ဆိုင်ရာကျင့်ဝတ်စည်းမျဉ်းများကို ကျောခိုင်းကြခြင်းဖြစ်သည်။ တဖန် ၄င်းတို့သည် ဂျိဟာ့ဒ်၏သမိုင်းဆိုင်ရာနောက်ခံအချို့ကို ခုတုံးလုပ်အမြတ်ထုတ်လိုက်ကြပြန်ရာ ယနေ့ခေတ် ကာလတွင် ဂျိဟာ့ဒ် အား နားလည်အောင်ရှင်းပြဖွင့်ဆိုရန် ခက်ခဲကုန်တော့သည်။

    တမန်တော်မြတ်(ဆွ)၏ခေတ်သမယ နှင့် နောက်ထပ်မျိုးဆက်တို့၏ခေတ်သမယအတွင်းရှိ မုစ်လင်မ်တို့သည် အန္တရာယ်ကြီးမားလှစွာသော အချိန်ကာလ နှင့် နေရာဒေသများ၌ နေထိုင်ခဲ့ကြရသည်။ ကမ္ဘာပေါ်တွင် ထိုစဉ်က သက်ဦးဆံပိုင်ပဒေသရာဇ်စံနစ်ကြီးစိုးနေပြီး နယ်မြေချဲ့ထွင်ရေးကိုသာ အဆက်မပြတ် ကြိုးပမ်းနေသောခေတ် ဖြစ်နေသည်။ မုစ်လင်မ်တို့သည်လည်း ” အနိုင်ရအောင်ယှဉ်ပြိုင်ရင်ဆိုင်မည်လော – ခေါင်းငုံ့သိမ်းပိုက်ခံမည်လော ” ဟူသည့် အနေအထား၌ ရောက်ရှိနေခဲ့ကြကုန်၏။ ယင်းသမိုင်းကြောင်း၏ အရှိတရားကို မုစ်လင်မ်တို့မှ ယဉ်ကျေးမှု ဖြန့်ဖြူးခြင်းဖြင့် တုန့်ပြန်ခဲ့ကြသည်။ ထိုသို့ပြုရာဝယ် မိမိကိုယ်ကိုကာကွယ်ရေး နှင့် အစ္စလာမ့်စည်းမျဉ်းရှိ ဘာသာရေးလွတ်လပ်ခွင့်အရ ထိရောက်စွာ ဆောင်ရွက်ခဲ့ ကြခြင်းသာဖြစ်လေသည်။

    ယင်းသို့သောအခြေအနေ၌ နေထိုင်ရှင်သန်ကြသော အစ္စလာမ့်ပညာရှင်အချို့ (အများစုမဟုတ်)သည် အစ္စလာမ့်ယဉ်ကျေးမှုထွန်းကားရာဒေသအားလုံးကို ဒါရုစ်စလာမ် (ငြိမ်းချမ်းရေးဘုံ)ဟု လည်းကောင်း၊ ထိုဒေသများမှအပ အခြားနယ်မြေတို့ကို ဒါရုလ်ဟရာမ် (စစ်မက်ဇုံ)ဟု လည်းကောင်း အယူအဆချဲ့ထွင်လိုက်ကြကုန်၏။ စင်စစ် ယင်းအယူအဆသည် တမန်တော်မြတ်(ဆွ)၏သွန်သင်မှု၌ မပါဝင်ပါ။ ခေတ်ပြိုင်အခြားပညာရှင်များကမူ ဤသတ်မှတ်ချက်ကို လက်သင့်မခံကြယုံမက အစ္စလာမ့်ယဉ်ကျေးမှု ထွန်းကားရာဒေသများကို ဒါရုလ်အိစ်သိဂျာဗဟ် (အစ္စလာမ့်ဖိတ်ခေါ်မှုကို လက်ခံထားသူတို့၏မှီတင်း နေထိုင်ရာ)ဟု လည်းကောင်း၊ ထိုဒေသများမှအပ အခြားနယ်မြေတို့ကို ဒါရုလ်ဒအ်ဝဟ် (အစ္စလာမ်ဖက်သို့ ဖိတ်ခေါ်သင့်သူတို့၏နယ်မြေဒေသ)ဟုလည်းကောင်း ဆိုခဲ့ကြကုန်၏။

    လက်ရှိခေတ်၏လူသားမျိုးနွယ်တို့သည် အပြည်ပြည်ဆိုင်ရာ လူမှုရေးနှင့်နိုင်ငံရေးစံနစ်သစ် တစ်ရပ်၌ နေထိုင်ရှင်သန်နေကြပြီဖြစ်ကြောင်း ယနေ့မုစ်လင်မ်အများစုက နားလည်ကြ၏။ သို့သော် အစွန်းရောက်အုပ်စုများက ဖော်ပြပြီးသော သီအိုရီအား ဖက်တွယ်ထားဆဲဖြစ်၏။ ၄င်းတို့သည် လောကတစ်ခွင် လုံးကို စစ်ဆင်ရာဌာနအဖြစ် ရှုမြင်နေကြကုန်၏။ အဘယ်ကြောင့်ဆိုသော် အစ္စလာမ်သာသနာအပေါ် ၄င်းတို့၏ကိုယ်ပိုင်ဖွင့်ဆိုချက်များနှင့်ကိုက်ညီသော တိုင်းနိုင်ငံဟူ၍ ကမ္ဘာပေါ်၌ ရှိမနေခြင်းကြောင့်တည်း။ အနောက်တိုင်းမှ နိုင်ငံရေးတရားဟောပြောသူအချို့၏  ”  အသင် (မုစ်လင်မ်)တို့သည် ကျွန်ုပ်တို့နှင့် အတူရှိနေသူများ(ကျွန်ုပ်တို့၏ဘက်တော်သားများ) သို့တည်းမဟုတ် အကြမ်းဖက်သမားတို့၏ ဘက်တော်သားများသာ ဖြစ်ကြကုန်၏ ” ဟူသောပြောဆိုချက်က မီးလောင်ရာလေပင့် ဖြစ်သွားပါတော့သည်။

    မုစ်လင်မ်လောကတွင်နေထိုင်သူများစွာတို့သည် လောကီကိုမိမိတို့၏ဘဝနှင့်ယှဉ်ထိုး၍ ကမ္ဘာ လောကကြီးကို စိတ်ပျက်ဖွယ်ရာအတိပြီးသော၊ အနှစ်မဲ့သော၊ သေးသိမ်ယုတ်ညံ့သော နေရာဌာနအဖြစ် ခံစားချက် ရှိနေကြ၏။ ဆင်းရဲမွဲတေမှုသည်လည်း (အဓိကမဟုတ်သော်လည်း) အကြောင်းတစ်ရပ် ဖြစ်နေပေသည်။

    ရှေ့ဆက်ဆိုရလျှင် ဆင်းရဲသည်ဖြစ်စေ၊ ချမ်းသာသည်ဖြစ်စေ မုစ်လင်မ်များမှာ မိမိတို့၏ကိုယ်ပိုင် စံနစ်ဆုံးရှုံး၍ လွှမ်းမိုးအုပ်ချုပ်အနိုင်ကျင့်ခံရမည့်အဖြစ်ကို အလျဉ်းမလိုလားကြချေ။ မိမိတို့၏အစိုးရသည် နိုင်ငံပိုင်သယံဇာတများအား ကမ္ဘာ့အင်အားကြီးနိုင်ငံများ၏ ခေါင်းပုံဖြတ်ခြင်းကို ခွင့်ပြုလိုက်သည့်အတွက် မုစ်လင်မ်တို့မှာ အလုပ်လက်မဲ့ပြဿနာ နှင့် လူထုကောင်းကျိုးဆိုင်ရာ ဆုံးရှုံးမှုများ ကြုံဆုံနေရသည်ဟု (ယင်းသို့သောနိုင်ငံသားတို့မှ) အမြင်ရှိနေကြပေသည်။

    တဖန် ကမ္ဘာ့ခေါင်းဆောင်များက ဒီမိုကရေစီ နှင့် လွတ်လပ်မျှတမှုအကြောင်းကို ဟောပြောရာတွင် ရံဖန်ရံခါ၌ အစ္စလာမ့်လောကရှိ မှန်ကန်နေသည့်လှုပ်ရှားမှုများအား မှိုချိုးမျှစ်ချိုး ဝေဖန်လိုက်တတ်ကြ၏။ စင်စစ် မုစ်လင်မ် ကမ္ဘာရှိ (ဝေဖန်ခံရသည့် အချို့) လှုပ်ရှားမှုများမှာ ဒီမိုကရေစီ၊ လွတ်လပ်မှု နှင့် တရားမျှတခြင်း အပေါ်သာ အခြေခံထားသည်ဖြစ်သောကြောင့် များစွာသောမုစ်လင်မ်တို့အဖို့ အမျက်ထွက်စရာ ဖြစ်ခဲ့ကြကုန်၏။ ထို့ကြောင့်လည်း ကုရ်အာန်က အောက်ပါကဲ့သို့ သတိပေးထားပါသည်။

    အို – လူသားအပေါင်းတို့။ အသင်တို့၏စည်းဖောက်ကျူးလွန်မှုသည် အသင်တို့အပေါ်၌သာ ပြန်လည်သက်ရောက်မည် ဖြစ်ပါအံ့။  ( ကုန်အာန် ကျမ်း ၁ဝး ၂၃ )

    သို့ဖြစ်ရာ ဤအရေးအရာများကို (မုစ်လင်မ်ဟုတ်သော၊ မုစ်လင်မ်မဟုတ်သော) အစွန်းရောက်အုပ်စုများက တရားမျှတမှု မရှိသည့် – ကျင့်ဝတ်သိက္ခာမဲ့သည့် နည်းလမ်းတို့ဖြင့် မိမိတို့၏ နိုင်ငံရေးအစီအစဉ်များအတွက် တွင်တွင်ကြီး အသုံးချနေကြပေသည်။

    မည်သို့ပင်ဖြစ်စေ မုစ်လင်မ်တော်လှန်ရေးသမား နှင့် ပြုပြင်ပြောင်းလဲရေးသမားတို့ကို ဝါးလုံးရှည်ဖြင့် သိမ်းကျုံးရမ်းရိုက်နေခြင်းက မတရားလှပါလေ။ နိုင်ငံများစွာ၌ မုစ်လင်မ်တို့သည် တရားမျှတစွာအုပ်ချုပ်ခြင်းကို လိုလား၍ မိမိတို့၏ လွတ်လပ်မှု နှင့် အခွင့်အရေးအတွက် တိုက်ပွဲဝင် နေကြသည်။ မတရားမှုကိုတော်လှန်သည့် ကောင်းမြတ်သောအမှုကိစ္စများ၌ လူပေါင်းများစွာ ပါဝင်နေကြ၏။ ၄င်းမုစ်လင်မ်တို့ကိုလည်း အစွန်းရောက်သမားများ သို့မဟုတ် အကြမ်းဖက်ဝါဒီများဟု တလွဲတချော် ကင်ပွန်းတပ်လာကြ၏။ စင်စစ် ယင်းအခေါ်အဝေါ်တို့မှာ အတိုက်အခံများအား သိက္ခာချရန်၊ အတိုက်အခံတို့၏ ပြုပြင်ပြောင်းလဲရေး/မူဝါဒ နှင့် အယူအဆအတွေးအမြင်များအား ရှုတ်ချနိုင်ရန် ထွင်လုံးဆင်လိုက်သည့် နိုင်ငံရေးဝေါဟာရများသာ ဖြစ်ပါသည်။ သို့သော်လည်း သမ္မတ ကနေဒီမှ ဤသို့ပြောဖူး၏။

    ” ငြိမ်းချမ်းစွာတော်လှန်ပြောင်းလဲခွင့် မပြုစေခြင်းက သွေးချောင်းစီးတော်လှန်ရေး အဖြစ် သို့သာ မုချ  ဖြစ်ပေါ်သွားစေသည် ”

    ဂျိဟာ့ဒ် ဟု နိုင်ငံရေးသမားတို့မှ မှားယွင်းစွာ ဖွင့်ဆိုထားသော အစွန်းရောက်ဝါဒကို အမှန်တကယ် ပပျောက်စေလိုပါလျှင် – မုစ်လင်မ်တို့နှင့်လက်တွဲ၍ အစွန်းရောက်ဝါဒကို အားပေးနေသော နိုင်ငံရေး နှင့် လူမှုရေးဆိုင်ရာ အတွေးအခေါ်ဆိုးများအား ဖယ်ထုတ်ရှင်းလင်းရန် လိုအပ်ပါသည်။ ယင်းသို့ ပူးပေါင်းစစ်ဆင်ရေးဆောင်ရွက်နိုင်မှသာ အခြားလောကနှင့် မုစ်လင်မ်လောက နှစ်ရပ်လုံး၌ တရားမျှတခြင်း၏ ပုံရိပ်ပေါ်လွင်လာပါမည်။

    အဆုံးသတ်သော် ကိုယ်စီကိုယ်ငှ ပြုပြင်ပြောင်းလဲရန် လိုအပ်နေပါသည်။ ကျမ်းမြတ် ကုရ်အာန်က သက်ဝင်ယုံကြည်သူတို့အား နာမ်ပိုင်းသစ္စာတစ်ရပ်ကို ဤသို့ နှိုးဆော်ထားပေသည်။

    မုချဧကန် လူမျိုးတစ်မျိုးသည် ၄င်းတို့၏အခြေအနေကို ၄င်းတို့ကိုယ်တိုင် မပြောင်းလဲသမျှ ကာလပတ်လုံး အလ္လာဟ် အရှင်မြတ်က ပြောင်းလဲပေးတော်မူမည် မဟုတ်ချေ။                ( ကုန်အာန် ကျမ်း ၁၃း ၁၁ )

     

    ဂျူလိုင်ရဲရင့်
    (  USA  မှ  ၂၀၀၄ ခုနှစ်ထုတ်၊ မုစ်လင်မ်မဟုတ်သူများအကြား Best Selling ဖြစ်ခဲ့သော  Sohaib Nazeer Sultan ၏  The Koran (Quran) For Dummies စာအုပ်မှ ဂျိဟာ့ဒ်ဆိုင်ရာ ကဏ္ဍတစ်ခုလုံးကို ဘာသာပြန်ဆိုတင်ပြခြင်း ဖြစ်သည်  )

    ဆောင်းပါးတွင်ပါရှိသော ကုရ်အာန်ကျမ်းမြတ်ကို လေ့လာလိုလျင်

    • ကုရ်အာန်ဘာသာပြန် ၂ အုပ်တွဲ PDF Version
    • ကုရ်အာန်ကျမ်းတော်မြတ် အာရဗီနှင့် အင်္ဂလိပ်ဘာသာပြန် လေ့လာလို့လျှင် http://tanzil.net/
    • မြန်မာဘာသာပြန်လေ့လာလိုလျှင် http://quran.mmsy.info/