News @ M-Media

Tag: 2013Hajj

  • မျက်စိ အလင်းကွယ်နေသည့် တူနီးရှား အဖွားအို တစ်ဦး ဟဂ်ျခရီးစဉ်တွင် အလင်းပြန်ရ

    အောက်တိုဘာ-၂၂
    M-Media

    ki04_big

    ၁၈ လကြာ မျက်စိအလင်းကွယ်နေသည့် တူနီးရှားအမျိုးသမီးတစ်ဦးမှာ ဟဂ်ျခရီးစဉ်အတွင်း သွားရောက်ရသောနေရာတစ်ခုဖြစ်သည့် အာရာဖတ်ကွင်းပြင်တွင် မျက်စိအလင်းပြန်ရခဲ့သည်ဟုသိရသည်။

    ထိုအမျိုးသမီးမှာ ကလေးငါးယောက်၏ မိခင် အသက် ၇၀ အရွယ်ရှိ နဖီဆာ အလ်-ကွာမာဇီဖြစ်ပြီး မက္ကာမြို့သို့လာ မျက်စိအလင်းကွယ်သူအဖြစ် လာရောက်ခဲ့သည့် သူမမှာ ယခုအခါ မျက်စိအလင်းပြန်ရသူဖြစ် တူနီးရှားသို့ ပြန်ရတော့မည်ဖြစ်သည်။

    သူမမှာ လွန်ခဲသည့် ၁ နှစ်ခွဲကျော်က ပြင်းထန်စွာထိခိုက်မိသောကြောင့် မျက်စိအလင်းကွယ်ခဲ့ရခြင်းဖြစ်ပြီး၊ ဆိုးရွားစွာထိခိုက်ခဲ့ခြင်းနှင့် သူမ၏အသက်အရွယ်တို့ကြောင့် ကုသရန်မဖြစ်နိုင်ဟု ဆရာဝန်များက ပြောကြားခဲ့သည်။

    “အလ္လာဟ်အရှင်မြတ်ရဲ့ စောင်မမှုရှိနေတဲ့အတွက် ကျွန်မဘယ်တုန်းကမှ မျှော်လင့်ချက်မပျောက်ခဲ့ပါဘူး။ မျက်စိအလင်းပြန်ရဖို့ အလ္လာဟ်အရှင်မြတ်ထံတော်ပါးမှာ တစ်ချိန်လုံး ကျွန်မ ဆုတောင်းနေခဲ့ပါတယ်” ဟု သူမက ပြောကြားခဲ့သည်။
    အာရဖသ်ကွင်းပြင်မှာ တောင်းဆုဒိုအာကို ပိုလုပ်ဖို့ ဆုံးဖြတ်ခဲ့ပါတယ်။ အလ္လာဟ်အရှင်မြတ်က ကျွန်မကို စိတ်ပျက်အားလျော့စေမှာ မဟုတ်ဘူးဆိုတာကို ကျွန်မ ယုံကြည်ထားတယ်။  အာရဖသ်ကွင်းပြင်မှာ ဆုမွန်ဒိုအာ တောင်းခံနေတုန်း ရုတ်တရက် ကျွန်မ ပြန်မြင်ရတော့တာပဲ။

    အလင်းပြရန်ခဲ့တဲ့အတွက် ပျော်လွန်းလို့ တဲထဲမှာ ငိုကြွေးနေတဲ့ကျွန်မကို အခြား ဟဂ်ျဘုရားဖူးဧည့်သည်တွေ မြင်တဲ့အခါ အားလုံးက ‘အလ္လာဟု အက္ကဘရ်’ (အလ္လာဟ်အရှင်မြတ်သာလျှင် အမြင့်မြတ်ဆုံးဖြစ်တော်မူ၏) လို့ ဟစ်အော် ကြွေးကြော်ခဲ့ကြပါတယ်” ဟု သူမ၏ မျက်စိအလင်းပြန်ရခဲ့ပုံကို ပြောကြားခဲ့သည်။

    ထို့နောက် တူနီးရှားမှ မက္ကာမြို့သို့လာရောက်စဉ် မက္ကာနှင့် မဒီနာမြို့များရှိ ထွဋ်မြတ်သော နေရာများကို မြင်တွေ့ချင်သည့် အိပ်မက်တစ်ခုအား ရင်ဝယ်ပိုက်၍ လာရောက်ခဲ့ခြင်းဖြစ်ကြောင်း သူမကပြောကြားခဲ့သည်။

    “အလ္လာဟ်အရှင်မြတ်ကို ကျွန်မကျေးဇူးတင်ပါတယ်။ အခုတော့ ဘယ်သူ့အကူအညီမှမပါဘဲ ကျွန်မလျှောက်ကြည့်နိုင်ပါပြီ” ဟု သူမကဆိုခဲ့ပြီး၊ အာရာဖတ်ကွင်းပြင်တွင် မြောက်များစွာသော ဘုရားဖူးဧည့်သည်များကို တွေ့မြင်ရသည့်အတွက် ပျော်ရွှင်မိကြောင်း၊ ထိုကဲ့သို့မြင်ကွင်းမျိုးကို သူမအနေဖြင့် တွေ့မြင်လိမ့်မည်ဟု မမျှော်လင့်ထားကြောင်း သူမက ထပ်လောင်းပြောကြားခဲ့သည်။

    “ကမ္ဘာ့ပေါ်က အမြင့်မြတ်ဆုံးနေရာမှာ အလ္လာဟ်အရှင်မြတ်ရဲ့ ကောင်းချီးမင်္ဂလာနဲ့ ကျွန်မမျက်စိ အလင်းပြန်ရခဲ့ပါတယ်ရှင်”

    Ref: Saudi Gazette

     
  • အစ္စလာမ်သည် အကြမ်းဖက်စံနစ်ကို တားမြစ်ထားကြောင်း ဟဂ်ျမိန့်ခွန်း၌ အစ္စလာမ့်ထိပ်တန်း ခေါင်းဆောင်တဦးဖြစ်သူ ဓမ္မသတ်မှူးချုပ်မှ ပြောကြား

    အောက်တိုဘာ၊ ၁၆၊
    M-Media
    03
    အစ္စလာမ့်ထိပ်တန်း ခေါင်းဆောင်တစ်ဦးဖြစ်သူ ဆော်ဒီ၏ထိပ်တန်းဘာသာရေးအကြီးအကဲ ဓမ္မသတ်မှူးချုပ် ရှိုင်းခ် အဗ်ဒုလ် အဇီးဇ် အလ်ရှိုင်းခ် သည် တနင်္လာနေ့က ဟဂ်ျမိန့်ခွန်းတွင် အကြမ်းဖက်မှုနှင့်ပတ်သက်၍ ရှုတ်ချဝေဖန်ပြောကြားခဲ့သည်။

    “ အစ္စလာမ်ဟာ ဘာအကြောင်းနဲ့မှ အကြမ်းဖက်မှုကို ခွင့်မပြုထားပါဘူး။ ယနေ့ကမ္ဘာမှာ လက်ရှိဖြစ်ပေါ်နေတဲ့ အကြမ်းဖက်ခြင်းနဲ့အစွန်းရောက်မှုအားလုံးကို အစ္စလာမ်က ရှုတ်ချထားပါတယ်။ ငြိမ်းချမ်းမှု၊ ညီညွတ်မှုအတွက် မွတ်စ်လင်မ်များက မေတ္တာနဲ့ရင်းပြီး ခင်းကျင်းဖော်ပြရမှာဖြစ်တယ် ” ဟု သူမှ ပြောကြားကြောင်း Dawn News မှ ဆိုသည်။

    အာရပ်နွေဦး၏ပရမ်းပတာဖြစ်မှုကို ပွင့်လင်းစွာရည်ညွှန်းခြင်းမရှိသော်လည်း ကမ္ဘာ့မွတ်စ်လင်မ်လူ့အဖွဲ့အစည်းတို့အား ခွဲခြားမှုကိုရှောင်ကြဉ်ကြရန်၊ လက်တွဲစုစည်းကြရန် ဓမ္မသတ်မှူးချုပ်မှ အောက်ပါကဲ့သို့ တိုက်တွန်းလိုက်ကြောင်း The Nation က ဖော်ပြထား၏။

    “ အို – မွတ်စ်လင်မ်အပေါင်းတို့။ ဖန်ဆင်းရှင်တော်မြတ်အား ကြောက်ရွံ့ကြပါကုန်။ သပ်က်ဝါ (အလ္လာဟ်အရှင်မြတ်အပေါ် ထားရှိသည့် အကြောက်တရား) ကို ဆင်ယင်ထားကြကုန်။ အစ္စလာမ့်လမ်းစဉ်နှင့်မညီသောနည်းလမ်းဖြင့် ငွေရှာသက်မွေးခြင်းမှ ရှောင်ကြဉ်ကြပါလော့။ အလ္လာဟ့်၏ကြိုးတော်အား မြဲမြံစွာ ဆုပ်ကိုင်ကြပြီး အတွေးအခေါ်လမ်းကြောင်းအသီးသီးအတွင်း ခွဲခြားခြင်းဖြင့် မကွဲပြားကြကုန်လင့်။ မတရားမှုကို ဆန့်ကျင်ခြင်း၌ စုစည်းညီညွှတ်ကြပါလေ ”။

    Dawn News မှတင်ပြချက်အရ ဟဂ်ျကျင့်စဉ်၏အစိတ်အပိုင်းတစ်ရပ်ဖြစ်သော အရဖသ်တောင်ပေါ် စုဆုံရပ်နားရာဝယ် ဟဂ်ျခရီးသည်ပေါင်း ၁.၅ သန်းဝန်းကျင်အထိရှိ၍ ဓမ္မသတ်မှူးချုပ်သည် ၄င်းအနီး ဗလီဝတ်ကျောင်းတော်တစ်ခုမှ ဓမ္မမိန့်ခွန်း မိန့်ခြွေခဲ့သည်ဟု သိရသည်။

    ကမ္ဘာ့စီးပွားရေးပြဿနာနှင့်စပ်လျဉ်း၍လည်း သူက “ မိမိတို့လုပ်ငန်းတွေထဲ ရင်းနှီးမြှုပ်နှံခြင်းဖြင့် မွတ်စ်လင်မ်တွေဟာ လူ့ဘောင်အသိုင်းအ၀ိုင်းကို ထောက်ပံ့ကူညီအားပေးဖို့လိုပါတယ် ” ဟု ပြောကြားသွားခဲ့သည်။

    ဓါတ်ပုံ အညွန်း >> ၂၀၁၃ ခုနှစ် ဟဂ်ျကာလတွင် ကမ္ဘာတဝှမ်းမှ မွတ်စလင်မ် ၂ သန်းနီးပါး ဟဂ်ျပြလုပ်ရန် လာရောက်ခဲ့ကြသည်။
    Ref: huffingtonpost

  • ဟဂ်ျအစီစဉ် စံနစ်တကျရှိစေရန် ဆော်ဒီမှ လုံခြုံရေးဝန်ထမ်း ၉၅၀၀၀ ခန့်အပ်

    အောက်တိုဘာ၊ ၁၁
    M-Media

    Hajj

    ယခုနှစ် ဟဂ်ျပြုလုပ်ရာတွင် အစီစဉ်တကျရှိစေရန် ထိန်းသိမ်းရေးအတွက် ဆော်ဒီ မှ လုံခြုံရေးဝန်ထမ်း ၉၅၀၀၀ အား  တာဝန်ပေးအပ်ထားကြောင်း ပြည်တွင်းရေးဝန်ကြီး မင်းသား မုဟမ္မဒ် ဘင်န် နာအိဖ် (Interior Minister Price Mohammad bin Nayef) က ဗုဒ္ဓဟူးနေ့က ဆိုသည်။

    နှစ်စဉ်ပြုလုပ်ရသည့် ဘာသာရေးနှင့်နာမ်ပိုင်းဆိုင်ရာခရီးစဉ်အတွင်း သက်ဆိုင်ရာ နိုင်ငံရေးနှင့်ဘာသာရေးကွဲလွဲမှု ပြဿနာများအားဘေးဖယ်ထားရန် ကမ္ဘာအရပ်ရပ်မှလာရောက်သော ဟာဂျီလောင်းများအား ၀န်ကြီးမှ ပြောကြားခဲ့သည်။

    “ ဟဂ်ျပြုလုပ်တဲ့နေရာက နိုင်ငံရေး ပဋိပက္ခများ နဲ့ ဘာသာရေးကွဲလွဲမှုများကို ဖြေရှင်းရမယ့် နေရာမဟုတ်ပါဘူး ” ဟု မင်းသား ဘင်န် နာအိဖ် က ဆိုသည်။

    “ တစ်ချိန်က ဆော်ဒီမှာ အကြမ်းဖက်သမားတွေရဲ့ ဆိုးဆိုးဝါးဝါးလှုံ့ဆော်မှုကို တွေ့ကြုံခဲ့ရပါတယ်။ မြင့်မြတ်သော နယ်မြေကိုတောင်မှ အလွတ်မပေးခဲ့ပါဘူး။ သို့သော်လည်း ကျွန်တော်တို့ အချိန်မီ ရင်ဆိုင်တားဆီးလိုက်နိုင်ပြီး၊ နိုင်ငံ နဲ့ ပြည်သူများအပေါ် ကျရောက်လာမည့် အန္တရာယ်တွေကို ကာကွယ်နိုင်ခဲ့ပါတယ် ” ဟု သူက ဆိုသည်။

    ဟဂ်ျလုံခြုံရေးသတ်မှတ်ချက်များ၌ ကာကွယ်ရေးဝန်ကြီးဌာန (Ministry of Defense)၊ အမျိုးသားလုံခြုံရေးတပ်ဖွဲ့ (National Guard) နှင့် လျှို့ဝှက်ထောက်လှမ်းရေးဌာန (General Intelligence) များမှ နောက်ဆုံးပေါ် နည်းပညာ နှင့် စက်ကိရိယာကို အသုံးပြုသွားမည်ဖြစ်ကြောင်း၊ မက္ကဟ်မြို့အ၀င်၌ လျှပ်စစ်တံခါးများကိုတပ်ဆင်ထားပြီး လူပြည့်ကျပ်မှုကို ထိန်းချုပ်ရန် နှင့် ဟဂ်ျ ပါမစ်ရှိသူများကိုသာ ၀င်ခွင့်ပေးရန် စိစစ် သွားမည်ဖြစ်ကြောင်း၊ မြင့်မြတ်သော ဗလီကျောင်းတော်အား တိုးချဲ့မွမ်းမံရန်အတွက် ယခုနှစ်အတွက် ဟာဂျီလောင်း လူဦးရေကို လျော့ချခဲ့ရခြင်းဖြစ်ကြောင်းဝန်ကြီးမှ ထပ်ဆင့် ပြောကြားသည်။

    “ နိုင်ငံတွင်းအခြေချနေထိုင်သူများ နဲ့ နိုင်ငံသားများအားလုံး ဒီနှစ် ကြုံတွေ့ရတဲ့ အခြေအနေကို နားလည်ပေးကြပြီး။ဟဂ်ျပြုလိုသူအနေနဲ့ ပါမစ်ရရှိရေး စည်းမျဉ်းများ အတိုင်းလိုက်နာကြလိမ့်မယ်လို့ ကျွန်တော်တို့ ယုံကြည်ပါတယ် ” ဟု မင်းသား ဘင်န် အဗ်ဒုလ် အဇီးဇ် ကလည်း ဆိုပါသည်။

    Ref: Al-Arabiya

  • ကမ္ဘာတဝှမ်းမှ မွတ်စလင် (၂)သန်း ဟဂ်ျပြုလုပ်ရန် မက္ကဟ်သို့ ရောက်ရှိ

    အောက်တိုဘာ၊ ၉
    M-Media

    03

    ဂျစ်ဒဟ် – JEDDAH။        ။ ဘ၀သက်တမ်းတစ်လျှောက်တွင် တစ်ကြိမ်တော့ ပြုလုပ်ရမည်ဖြစ်သော ဟဂ်ျကျင့်ဝတ်ကို ကျင့်ဆောင်ရန် အဖြူရောင်ခြုံလွှာများဖြင့် ကမ္ဘာအ၀န်းမှ လာရောက်ကြသငည့် ဟာဂျီလောင်း ၂ သန်းကျော်သည် “ လဗ်ဗိုင်းက အလ္လာဟွန်းမ လဗ်ဗိုင်းက် ” (အို – မြင့်မြတ်တော်မူသော အရှင်သခင်၊ အရှင်၏ ခေါ်ဆိုမှုကို နာခံလျက် ကျွန်ုပ် ယခုရောက်ရှိနေပါပြီ) ဟု ရွတ်ဆိုကာ မက္ကဟ်မြို့တော်သို့ ရောက်လာကြပြီဖြစ်၏။

    “သင်တို့ စိတ်ရှည်သည်းခံကြဖို့တော့လိုတယ်။ အင်န်ရှာအလ္လာဟ်၊ အားလုံးအဆင်ပြေသွားပါလိမ့်မယ်။ စိတ်မပူကြပါနဲ့ ” ဟု ယဉ်ကျေးမှုနှင့်ပြန်ကြားရေးဝန်ကြီးဌာန (Ministry of Culture and Information) မှ တာဝန်ရှိသူတစ်ဦးဖြစ်သော ဟမ်ဒန် (Hamdan) မှ ထောင်နှင့်ချီသောဟာဂျီလောင်းတို့အား ဂျစ်ဒဟ်လေဆိပ်ရှိ ဟာဂျီများ နားနေဆောင်တွင် ပြောကြားခဲ့သည် ဟု  အောက်တိုဘာလ ၇ ရက်၊ တနင်္လာနေ့၌ Bernama မှတင်ပြခဲ့သည်။

    ဟမ်ဒန်သည် ယခုလ ဟဂ်ျလာရောက်သူများအတွက် လေဆိပ်သီးသန့်ခန်းတွင် တာဝန်ယူရန် နှင့်  လာရောက်လေ့လာသော သတင်းထောက်များအား နေရာချ စီစဉ်ပေးရန် အကူညီပေးရသည့် ဆော်ဒီအာဏာပိုင်အရာရှိတစ်ဦးဖြစ်သည်။

    ဟမ်ဒန်နည်းတူ အခြားဆော်ဒီအရာရှိများလည်း ခရီးဆက်မည့်ဟာဂျီလောင်းများ အချိန်ကြာမြင့်စွာ စောင့်ဆိုင်းနေရမှုအပေါ် အထူးမေတ္တာရပ်ခံနေကြသည်။

    ဟာဂျီလောင်းများ၏ သက်တောင့်သက်သာရှိမှု နှင့် လွယ်ကူမှုအတွက် ဆော်ဒီအာဏာပိုင်များမှ ၀န်ဆောင်မှုများစွာဖြင့် ကြိုးပမ်းနေကြသော်လည်း အချို့မှာ နှောင့်နှေးမှုများကို ရင်ဆိုင်နေရဆဲ ဖြစ်သည်။

    ဟာဂျီလောင်းများအတွက် လေဆိပ်နားနေစခန်းသည် ပေ ၅ သန်း ပတ်လည် ကျယ်ဝန်းပြီး၊ ရွက်တဲပုံသဏ္ဍာန်ရှိ ဖိုင်ဘာမှန်တပ်အမိုးကြောင့် လူသိများကျော်ကြားသည်။ ခရီးသွားဦးရေ ၈၀,၀၀၀ ကျော် တစ်ပြိုင်နက်ဝတ်ပြုဆုတောင်းနိုင်သော ဗလီတစ်လုံးကို ၄င်း၌ ထားရှိထားခြင်းကြောင့် စောင့်ဆိုင်းနေရသော ဟာဂျီလောင်းများအတွက် ပိုမိုအဆင်ပြေချောမွေ့စေသည်။

    အကောက်ခွန် နှင့် လူဝင်မှုကြီးကြပ်ရေး ခန်းမများတွင်လည်း လေအေးပေးစက်များ တပ်ဆင်ထားပြီး၊ “၀ူဒူ” (ကိုယ်လက်သန့်စင်ရေး) လုပ်ဆောင်ရန် နေရာများ၊ သောက်ရေ စက်များ နှင့် အိမ်သာများ စသည့် ဖြည့်ဆည်းမှု အမြောက်အများပါရှိသည်။

    မက္ကဟ်မြို့တော်ရှိ မြင့်မြတ်နယ်မြေများတိုးချဲ့နေရခြင်းကြောင့် ယခုနှစ် ဟာဂျီဦးရေကန့်သတ်သည့်အစီအစဉ်အား ပြီးခဲ့သော ဇွန်လက ဆော်ဒီအာရေဗျမှ ကြေညာခဲ့သည်။ ဆော်ဒီ အာဏာပိုင်များက နိုင်ငံတွင်းမှလာရောက်မည့်ဟာဂျီလောင်းဦးရေအား ထက်ဝက်အထိ၊ နိုင်ငံရပ်ခြားမှလာရောက်မည့် ဟာဂျီလောင်းဦးရေကိုမူ ၂၀ ရာခိုင်နှုန်းနီးပါး လျော့ချမည်ဖြစ်ကြောင်း ပြောကြားခဲ့သည်။

    ပြုပြင်နေဆဲကာလအတွင်း  “သွဝါ့ဖ်” (ကအ်ဗဟ်ဗိမာန်အား လှည့်ပတ်ဖူးမြှော်ရန်) အတွက် အဆင်ပြေစေရန် “မသွဖ်” ခေါ် ယာယီပေါင်းကူးတံတားတစ်ခု ထိုးထားပေးသည် ဟု သိရသည်။ ယင်းမသွဖ်တံတားဧရိယာ၌ တစ်နာရီလျှင် လူပေါင်း ၃၅,၀၀၀ အထိ သွားလာလှည့်ပတ်နိုင်မည်ဖြစ်သည်။

    Ref: OnIslam

  • ဟဂ်ျဝတ်ပြုချိန် ကာလအတွင်း လုံခြုံရေးနှင့် မှတ်တမ်းတင်ရန် ကင်မရာအလုံး ၄၂,၂၀၀ ဆော်ဒီတပ်ဆင်

    အောက်တိုဘာ ၈
    M-Media

    d25cada0-ff11-4b76-8c24-09d6951b356f_16x9_600x338

    ယခုနှစ် ဟဂ်ျ ဝတ်ပြုချိန် ကာလအတွင်း ဟဂ်ျဝတ်ပြု ဖြစ်စဉ် ပုံရိပ်များကို မှတ်တမ်းတင်ရန်အတွက် ဆောဒီအာရေဗျနိုင်ငံ မက္ကာမြို့တော်ရှိ ကအ်ဗဟ် ဗလီဝတ်ကျောင်းတော်ပရ၀ုဏ်အတွင်းတွင် လုံခြုံရေးကင်မရာများကို ဆော်ဒီအစိုးရက တပ်ဆင်ခဲ့သည်ဟု ဟဂ်ျ စောင့်ကြည့်ရေးနှင့် စီမံခန့်ခွဲရေး စင်တာ၏ အကြီးအကဲ အဗ္ဗဒူလာ အလ်ဇဟ်ရာနီက ပြောကြားခဲ့သည်။

    ကအ်ဗဟ်ကျောင်းတော်ပရ၀ုဏ်အတွင်းတွင် လုံခြုံရေးကင်မရာပေါင်း ၄၂၀၀၀ တပ်ဆင်ထားပြီး ကင်မရာတစ်ခုချင်းစီမှာ ၆၀ ကီလိုမီတာ အကွာအဝေးအထိ ပြတ်သားစွာစောင့်ကြည့်နိုင်မည်ဖြစ်သည်။

    “အင်မတန်အရည်အသွေးကောင်းတဲ့ ကင်မရာတွေကိုအသုံးပြုပြီး ပထမဦးဆုံးအနေနဲ့ ယခုနှစ်မှာ စတင်တပ်ဆင်တာပါ။ ဒီကင်မရာတွေဟာ ကီလိုမီတာ ၆၀ အထိစောင့်ကြည့်နိုင်ပါတယ်။ ဆိုးရွားတဲ့ ရာသီဥတုမှာတွေမှာလည်း အလုပ်လုပ်နိုင်ပါတယ်” ဟု အဗ္ဗူလာက  Arab
    News သို့ပြောကြားခဲ့သည်။

    နှစ်စဉ်နှစ်တိုင်း ဟဂ်ျပြုလုပ်ရန် လာကြသည့် မွတ်စလင်များ များပြားလာသောကြောင့် နေရာထိုင်ခင်းများပိုမိုပြုလုပ်ပေးနိုင်ရန် ကအ်ဗဟ်ဗလီဝတ်ကျောင်းတော်အား အဆင့်မြှင့်တင်မှုများပြုလုပ်ဆောင်ရွက်ခဲ့သည်။

    ထို့ပြင် ထိုကင်မရာများအား စောင့်ကြည့်ရေးစင်တာ၊ သတင်းအချက်အလက်စင်တာ၊ ပြည်ထဲရေးဝန်ကြီးဌာနတို့နှင့် ဆက်သွယ်ထားကြောင်း အဗ္ဗဒူလာက ထပ်လောင်းပြောကြားခဲ့သည်။

    ကမ္ဘာ အနှံ့အပြားမှ မွတ်စလင်များသည် အစ္စလာမ့် မဏ္ဍိုင်ကြီးငါးရပ်တွင် တစ်ရပ် အပါအ၀င်ဖြစ်သော ဟာ့ဂ်ျကျင့်စဉ် ပြုရန် မက္ကာမြို့တော်သို့ နှစ်စဉ် လာရောက်ကြပါသည်။ ကမ္ဘာ့ လူအများ အကြီးအမားဆုံးသော စုစည်းမှုဖြစ်ပေသည်။

    ငွေကြေးတတ်နိုင်ကာ ကိုယ်ခန္ဓာချို့ယွင်းခြင်းမရှိသော အရွယ်ရောက်ပြီးသော မွတ်စလင်တိုင်းသည် ၄င်းတို့၏ ဘ၀တွင် အနည်းဆုံး ဟာ့ဂ်ျ တစ်ကြိမ်မျှပြုလုပ်ကြရန် အစ္စလာမ်ဘာသာတွင် သက်မှတ်ပြဌာန်းထားသည်။

    Ref: english.alarabiya.net