News @ M-Media

Tag: 2015_Hajj

  • ကနေဒါ နာမည်ကျော် ရက်ပါ ဟဂ်ျပြုရန် ဆော်ဒီသို့ ရောက်ရှိ

    ကနေဒါ နာမည်ကျော် ရက်ပါ ဟဂ်ျပြုရန် ဆော်ဒီသို့ ရောက်ရှိ

    စက်တင်ဘာ ၁၂၊ ၂၀၁၅
    M-Media

    knaan

    – ဆိုမာလီဖွား ကနေဒါ နာမည်ကြီး ရက်ပါ ကေနန်းမှာ မိသားစုနှင့်အတူ ယခုနှစ် ဟဂ်ျခရီးစဉ်အတွက် ဆော်ဒီအာရေဗျနိုင်ငံသို့ ရောက်ရှိနေပြီး ၎င်း၏ ဓာတ်ပုံများကိုလည်း ဆိုရှယ်မီဒီယာများတွင် လွှင့်တင်ခဲ့သည်။

    “တမန်တော် မုဟမ္မဒ်သခင် (ငြိမ်းချမ်းသာယာမှု သက်ရောက်ပါစေ)ရဲ့ နေအိမ်နဲ့ မြေပုံကို အနောက်မှာထားပြီး နဗ၀ီ ဗလီဝတ်ကျောင်းတော်မှာ ၀တ်ပြုရတာဟာ အသက်ဝင်ပြီး သမိုင်းရဲ့အငွေ့အသက်တွေကိုလည်း ရှုရှိုက်ရပါတယ်။ ပြီးတော့ ကျွန်တော့် အမေ၊ ညီမနဲ့အတူ ဒီနေရာမှာ ၀တ်ပြုဆုတောင်းရတာဟာ – ငယ်ငယ်က အိပ်မက်တွေ အမှန်တကယ် ဖြစ်လာတာပါပဲ” ဟု ကာနန်းက ဆိုရှယ်မီဒီယာတွင် ရေးသားခဲ့သည်။

    တေးရေးဆရာနှင့် အဆိုတော်ဖြစ်သူ ကာနန်းမှာ သီတင်းပတ် ၃ ပတ်တာကြာမည့် ဟဂ်ျဘုရားဖူးခရီးစဉ်အတွက် မိခင်၊ ညီမဖြစ်သူတို့နှင့်အတူ ဆော်ဒီသို့ ရောက်ရှိလာခြင်းဖြစ်သည်။

    ကာနန်းကို ၁၉၇၈ ခုနှစ်တွင် ဆိုမာလီမြို့တော် မိုဂါဒစ်ရှူး၌ မွေးဖွားခဲ့ခြင်းဖြစ်ပြီး အသက် ၉ နှစ်အရွယ်တွင် ၎င်း၏ မိသားစုက ကနေဒါနိုင်ငံ တိုရွန်တိုမြို့တွင် ပြောင်းရွှေ့အခြေချခဲ့သည်။ ကာနန်းမှာ တိုရွန်တိုတွင်ပင် ပါရမီရှိသည့် အဆိုတော်တစ်ယောက် ဖြစ်လာခဲ့သည်။

    နောက်ပိုင်းတွင် MTV ၌ ပုံမှန်ပါဝင်သူတစ်ယောက် ဖြစ်လာခဲ့ပြီး ကာနန်း၏ သီချင်းများတွင် ဆိုမာလီပြည်သူများ၏ ဒုက္ခသုက္ခများဖြင့် ရင်ဆိုင်ရသည့် ဘ၀ခရီးလမ်းများအကြောင်းလည်း ပါဝင်သည်။ ၂၀၁၀ ခုနှစ်မှာ ကာနန်း၏ အအောင်မြင်ဆုံးနှစ်ဖြစ်ပြီး ၎င်း၏ တစ်ကိုယ်တော်ခွေမှ သီချင်းဖြစ်သော Wavin’ Flag မှာ ဖီဖာကမ္ဘာ့လားအတွက် ကိုကာကိုလာ၏ ပမိုးရှင်းသီချင်းအဖြစ် ရွေးချယ်ခြင်း ခံခဲ့ရသည်။

    ဟဂ်ျဘုရားဖူးခရီးစဉ်အဖြစ် ဆော်ဒီသို့ ရောက်ရှိနေသည့် ၎င်း၏ ဓာတ်ပုံများမှာ ဆိုရှယ်မီဒီယာတွင် ပရိတ်သတ်များ၏ ချီးကျူးမှုကို ရရှိခဲ့ပြီး ၎င်းအတွက်လည်း ဆုမွန်ကောင်းတောင်းပေးခဲ့ကြသည်။

    ဟဂ်ျပြုခြင်းမှာ အစ္စလာမ်၏ အဓိကမဏ္ဍိုင် ၅ ခုမှ ပဉ္စမမြောက်မဏ္ဍိုင်ဖြစ်ပြီး မက္ကာမြို့သို့ သွားရောက်နိုင်စွမ်း ရှိသူ အစ္စလာမ်ဘာသာဝင်များ အနေဖြင့် တစ်သက်လျှင်တစ်ကြိမ် ဟဂ်ျပြုခြင်းမှာ မလုပ်မနေရ တာဝန်ဖြစ်သည်။

    ယခုနှစ်ဟဂ်ျကာလမှာ စက်တင်ဘာ ၂၀ ရက်နေ့မှ ၂၅ ရက်နေ့အတွင်း ကျရောက်မည်ဖြစ်ပြီး၊ လက်ရှိအချိန်တွင် ကမ္ဘာတစ်ဝှမ်းမှ အစ္စလာမ်ဘာသာဝင်များမှာ ဆော်ဒီအာရေဗျသို့ တစ်ဖြည်းဖြည်း ရောက်ရှိလာကြပြီဖြစ်သည်။

    Ref: Onislam

  • စစ်ပွဲနှင့် အဓိကရုဏ်းများ ချုပ်ငြိမ်းပြီး ဘယ်တော့မှ ထပ်မဖြစ်ရန် အထူး ဆုတောင်းခဲ့ဖို့ မြန်မာဟာဂျီများကို တိုက်တွန်းနှိုးဆော်

    စစ်ပွဲနှင့် အဓိကရုဏ်းများ ချုပ်ငြိမ်းပြီး ဘယ်တော့မှ ထပ်မဖြစ်ရန် အထူး ဆုတောင်းခဲ့ဖို့ မြန်မာဟာဂျီများကို တိုက်တွန်းနှိုးဆော်

    စက်တင်ဘာ ၉၊ ၂၀၁၅
    M-Media
    သတင်း/ဓါတ်ပုံ- မိုးစက်
    12003860_1908814599342717_4742876434549005251_n
    ရန်ကုန်။    ။ ၂၀၁၅ ခုနှစ် ဟဂ်ျခရီးစဉ်အတွက် မက္ကာဟ်မြို့တော်သို့ သွားရောက်တော့မည့် မြန်မာ ဟာဂျီလောင်းများအား တရားတော်က သတ်မှတ်ပေးထားတဲ့ တာဝန်တစ်ရပ်ကို ကျေပွန်စွာ ထမ်းဆောင်နိုင်တဲ့ အတွက် များစွာဂုဏ်ယူမိကြောင်း သာသနာရေးရာဝန်ကြီးဌာန ရန်ကုန်တိုင်း ဒေသကြီး သာသနာရေးမှူး ဦးစိန်မော်က ပြောကြားခဲ့ပါသည်။

    အဆိုပါစကားကို ပြည်ထောင်စု သမ္မတနိုင်ငံတော် မြန်မာနိုင်ငံလုံးဆိုင်ရာ အစ္စလာမ်ဘာသာရေးအဖွဲ့ကြီးကပြုလုပ်တဲ့  ၂၀၁၅ မြန်မာဟာဂျီလောင်းများ ကြိုဆိုဂုဏ်ပြုပွဲ အခမ်းအနားတွင် ယင်းကဲ့သို့ ပြောဆိုခဲ့ခြင်း ဖြစ်သည်။

    ဦးစိန်မော်မှ မြန်မာနိုင်ငံတွင် ဗုဒ္ဓဘာသာကို လူများစုကိုးကွယ်သော ဘာသာတရား အဖြစ် သတ်မှတ်ထားသော်လည်း တိုင်းရင်းသားနှင့် မြန်မာနိုင်ငံသူ နိုင်ငံသားများ ကိုးကွယ်ယုံကြည်သည့် အစ္စလာမ်၊ ခရစ်ယာန်၊ ဟိန္ဒူ စသည့် ဘာသာတရားများကိုလည်း လွတ်လပ်စွာ ကိုးကွယ်ခွင့်ပေးထားကြောင်း ပြောကြားခဲ့ပါတယ်။ ဟာဂျီလောင်းများဟာ မြန်မာနိုင်ငံသားများဖြစ်ကြသည့်အတွက် နိုင်ငံရဲ့ ဂုဏ်သိက္ခာကို မြှင့်တင်ကြဖို့ကိုလည်း တိုက်တွန်းပြောကြားခဲ့ပါသည်။

    ဟာဂ်ျကြီးကြပ်ရေး ကော်မတီ ဥက္ကဌ ဦးကျော်ခင်နှင့် သံအမတ်ကြီး ဦးလှမောင်တို့မှ မက္ကာမြို့တော်မှာ ရှိခဲ့တဲ့ မင်းတုန်းမင်း ကောင်းမှုတော် ဒေါင်းဇရပ်ကြီးမှာ ရှေးမြန်မာမင်းတို့ရဲ့ ဗုဒ္ဓဘာသာသာမက အခြားဘာသာတရားများကိုပါ အားပေးမြှောက်စားခဲ့ကြောင်း အခိုင်အမာ သက်သေပင်ဖြစ်ကြောင်း ပြောကြားခဲ့ပါသည်။
    2
    ဒီကနေ့ ပွဲလုပ်ရခြင်းဟာ အလ္လာဟ်အရှင်မြတ်ရဲ့အိမ်တော်ကို သွားရောက်ရတော့မယ့်  ပုဂ္ဂိုလ်တွေကို ဂုဏ်ပြုတဲ့အနေနဲ့ ကျင်းပပေးတာဖြစ်ပြီး ဟာဂျီလောင်းများ အတွက်လည်း အကောင်းဆုံး ဝန်ဆောင်မှုတွေ ပေးနိုင်ပြီး ဈေးအသက်သာဆုံးဖြစ်တဲ့ ကုမ္မဏီနဲ့ ချိတ်ဆက်ပေးထားကြောင်း၊ သွားရောက်ရမည့် ဟာဂျီလောင်းများ အတွက် မဲနှိုက်ရွေးချယ်ရာတွင်လည်း တစ်နိုင်ငံလုံး အတိုင်းအတာအနေနှင့် အချိုးကျကျဖြစ်စေနိုင်ရန် အတွက် ဆောင်ရွက်ခဲ့ကြောင်းကို ၂၀၁၅ ဟဂ်ျစေလွတ်ရေးကြီးကြပ်မှုကော်မတီ ဟာဂျီဦးကျော်ခင်က ရှင်းလင်းပြောဆိုခဲ့ပါသည်။

    “သာသာရေးရာဝန်ကြီးဌာနကနေ ဒီဟာဂ်ျ ကိစ္စက ဘာသာရေးနဲ့သက်ဆိုင်တယ်၊ ဘာသာရေးအဖွဲ့တွေက လုပ်တာပိုကောင်းမယ်ဆိုပြီး ကျွန်တော်တို့ ငါးဖွဲ့ကို လွှဲပေးထားတာပါ။ ဒါကြောင့် ခါတိုင်းနှစ်တွေနဲ့ မတူအောင် ဒီနှစ်အသေအချာလေး စီစဉ်ပေးထားပါတယ်” ဟု ၂၀၁၅ ဟာဂ်ျစေလွတ်ရေးကြီးကြပ်မှု ကော်မတီ မှ ဦးဝဏ္ဍရွှေက တာဝန်ယူမှု အပိုင်းများနှင့် ပတ်သက်ပြီး ရှင်းလင်းပြောဆိုခဲ့သည်။

    သံအမတ်ကြီး ဦးလှမောင်နှင့် ဟာဂ်ျကော်မတီ အဖွဲ့ဝင် ဦးဝဏ္ဏရွှေတို့မှ ဟာဂ်ျခရီးစဉ်မှာ ထွဋ်မြတ်လှပြီး ဟာဂျီများ၏ တောင်းဆုမွန်ကို အလ္လာဟ်အရှင်မြတ်မှ လက်ခံတော်မူသည့်အတွက် မြန်မာနိုင်ငံတွင်း ဘာသာပေါင်းစုံ ချစ်ကြည်ရေးနှင့် ငြိမ်းချမ်းရေး၊ မြန်မာနိုင်ငံတော်ကြီး တည်ငြိမ်အေးချမ်းဖို့၊ သဘာဝဘေး အန္တရာယ်များမှ ကင်းဝေးစေဖို့၊ စစ်ပွဲနှင့် အဓိကရုဏ်းများ ချုပ်ငြိမ်းပြီး နောက်ထပ် ဘယ်သော အခါမှ ဒီမြေမှာ ထပ်မဖြစ်ဖို့တို့ကို အထူးဆုမွန်တောင်းခဲ့ကြရန် ဟာဂျီလောင်းများကို အလေးအနက် မေတ္တာရပ်ခံ နှိုးဆော်ခဲ့ပါသည်။

    ဘာသာရေးအဖွဲ့ကြီးငါးဖွဲ့ ရဲ့  ဟာဂ်ျစေလွတ်ရေးကြီးကြပ်မှု ကော်မတီမှ  ၂၀၁၅ ဟာဂျီလောင်းများအတွက် ပို့ဆောင်ပေးမည့် ကုမ္မဏီကို သတင်းစာများမှ တင်ဒါခေါ်ယူခဲ့ပြီး အဆင်ပြေဆုံးဖြစ်မည့် “ဟာဂျီနာနီးပါးဂရု” ကိုရွေးချယ်ခဲ့သည်။ ယင်းကုမ္မဏီမှ ဟာဂျီလောင်းများ အတွက် အသွားအပြန်မှ အစအဆုံး ဝန်ဆောင်မှုများ ပေးအပ်သွားဖြစ်ကြောင်းသိရသည်။ ကျန်းမာရေးစောင့်ရှောက်မှု အတွက် ဆရာဝန်များ၊ ဘာသာရေးဆရာများပါ ပါဝင်မည်ဖြစ်ကြောင်းလည်း သိရသည်။ အဆိုပါကုမ္မဏီသို့ ဟာဂျီလောင်းတစ်ဦးလျှင် အမေရိကန်ဒေါ်လာ (၂၁၇၅) ပေးဆောင်ရကြောင်းလည်း သိရှိရပါသည်။

    ၂၀၁၅ ခုနှစ်အတွက် သွားရောက်ရမည့် ခွဲတမ်းဟဂ်ျ (မဲဟာဂျီ) ဟာဂျီလောင်းဦးရေမှာ ၂၈၀ ရှိပြီး စက်တင်ဘာလ ၁၂ ရက်နေ့မှစတင်ကာ (၄) ဖွဲ့ခွဲကာ စက်တင်ဘာလ ၁၅ ရက်နေ့နောက်ဆုံးထားပြီး စေလွှတ်သွားမည်ဖြစ်ကြောင်း သိရသည်။

    ခွဲတမ်းဟဂ်ျ ကို ယခင်က သာသနာရေးဝန်ကြီးဌာနမှာ တိုက်ရိုက်ကိုင်တွယ်ခဲ့ပြီး ၂၀၁၄ ခုနှစ်မှစတင်ပြီး အစ္စလာမ် ဘာသာရေး အဖွဲ့ကြီးကို လုပ်ပိုင်ခွင့် လွှဲအပ်ခဲ့ခြင်းဖြစ်ပါသည်။

    အစ္စလာမ်ဘာသာဝင်တွေမှာ မဖြစ်မနေ လိုက်နာကျင့်သုံးရတဲ့ မဏ္ဍိုင်ကြီး (၅) ရပ်အနက် “ဟဂ်ျ” လို့ခေါ်တဲ့ ဆော်ဒီအာရေဗျနိုင်ငံ မက္ကာရွှေမြို့တော်သို့ သွားရောက်ပြီး သာသနာ့ကျင့်စဉ် ကိစ္စရပ်များကို ပြုမူ ဆောင်ရွက်ခြင်းဟာ တစ်ခုအပါအ၀င် ဖြစ် ပါသည်။  ငွေကြေးတတ် စွမ်းနိုင်သူတို့အဖို့ မဖြစ်မနေ လုပ်ရမဲ့ တာဝန်တစ်ရပ်သာ ဖြစ်ပါသည်။

     

    7 10408563_1908737719350405_7717925615125224157_n 11209677_1908738112683699_60235492536940888_n 12002275_1908814509342726_7977020063759260225_n 12002779_1908738236017020_3546174702313994527_n 12002869_1908737882683722_2557020071529753736_n 12003866_1908738386017005_1206331789503740294_n

  • ပါကစ္စတန်မှ အမျိုးသားတစ်ဦး မသန်းစွမ်းဖခင်အား ချီပိုးကာ ဟဂ်ျပြုစေမည်

    ပါကစ္စတန်မှ အမျိုးသားတစ်ဦး မသန်းစွမ်းဖခင်အား ချီပိုးကာ ဟဂ်ျပြုစေမည်

    စက်တင်ဘာ ၇၊ ၂၀၁၅
    M-Media

    hajj

    – မသန်စွမ်းဖြစ်နေသည့် ဖခင်ဖြစ်သူ၏ ဟဂ်ျပြုလိုသည့်ဆန္ဒကို ဖြည့်ဆည်းပေးသည့်အနေဖြင့် ပါကစ္စတန်မှ အသက် ၅၀ အရွယ် သားဖြစ်သူမှာ ဖခင်အား ဟဂ်ျခရီးစဉ်တစ်လျှောက်လုံး ချီပိုး၍ ဟဂ်ျပြုလုပ်သွားရန် ရည်ရွယ်ထားသည်ဟု သိရသည်။

    “သူ့အဖေက မသန်စွမ်း ဖြစ်နေတဲ့အတွက်ကြောင့် လမ်းလျှောက်မနိုင်ဘဲ၊ ဟဂ်ျပြုဖို့အတွက် သူ့အဖေကို ကျောကုန်းမှာပိုးပြီး ဟဂ်ျခရီးပြုမယ့်ကာလတစ်လျှောက်လုံး သယ်သွားမယ်လို့ သူက ပြောခဲ့ပါတယ်” ဟု ဆော်ဒီ နေ့စဉ်ထုတ် သတင်းစာတစ်စောင်ဖြစ်သည့် Al Jazira က ဖော်ပြခဲ့သည်။

    အဆိုပါ အမျိုးသားမှာ သောကြာနေ့က မက္ကာရှိ ဗလီဝတ်ကျောင်းတော်တစ်လုံးသို့ ၀တ်ပြုရန် ဖခင်ဖြစ်သူအား ချီပိုး၍ ခေါ်ဆောင်လာခဲ့သည်။ ထိုအမျိုးသားက ၎င်းမှာ ယခုနှစ် မက္ကာနှင့် မဒီနာသို့ ဟဂ်ျဘုရားဖူးခရီး လာရောက်ခြင်းမှာ ပထမဆုံးအကြိမ် ဖြစ်သည်ဟု ဆိုသည်။

    “သူ့အဖေကို ဟဂ်ျပို့ပေးမယ်လို့ သူက ကတိပေးထားပြီး ဒီကတိကို ဖြည့်ဆည်းဖို့အတွက် အခက်အခဲအားလုံးကို ကျော်ဖြတ်ကာ ဖခင်ကို ချီပိုးသယ်ဆေင်သွားဖို့ အဆင်သင့်ဖြစ်နေတယ်လို့ သူက ပြောခဲ့ပါတယ်” ဟု အဆိုပါ သတင်းစာတွင် ဖော်ပြထားသည်။

    ဖခင်အား ချီပိုး၍ ဗလီဝတ်ကျောင်းတော်သို့ ရောက်ရှိလာသည့် ၎င်းတို့သားအဖ၏ ဓာတ်ပုံမှာ ဆိုရှယ်မီဒီယာများတွင် ပြန့်နှံ့သွားခဲ့ပြီး သားသမီးကောင်း ပီသမှုအတွက် ဆိုရှယ်မီဒီယာ အသုံးပြုသူများက ချီးကျူးခဲ့ကြသည်။

    ဟဂ်ျပြုလုပ်ခြင်းမှာ အစ္စလာမ်သာသနာ၏ အဓိကမဏ္ဍိုင် ၅ ခုမှ ပဉ္စမမြောက် မဏ္ဍိုင်ဖြစ်ပြီး ငွေကြေးကုံလုံ၍ မက္ကာမြို့သို့လာရောက်ရန် တတ်နိုင်သောသူများမှာ တစ်သက်လျှင် တစ်ကြိမ် ဟဂ်ျပြုလုပ်ရန် တာဝန်ရှိသည်။

    ယခုနှစ် ဟဂ်ျကာလမှ စက်တင်ဘာ ၂၀ ရက်နေ့မှ ၂၅ ရက်နေ့အတွင်း ကျရောက်မည်ဖြစ်ပြီး အစ္စလာမ့်ပြက္ခဒိန်မှ နောက်ဆုံးလဖြစ်သည့် ဇွလ်ဟဂ်ျလ ၈ ရက်နေ့မှ ၁၂ ရက်နေ့အထိ ဖြစ်သည်။

    Ref: Onislam

  • ဟဂ်ျပြုရန်လာကြသူများအတွက် ပြည့်ဝသည့် ကျန်းမာရေးစောင့်ရှောက်မှုစနစ်ကို ဆော်ဒီ စီစဉ်ထား

    ဟဂ်ျပြုရန်လာကြသူများအတွက် ပြည့်ဝသည့် ကျန်းမာရေးစောင့်ရှောက်မှုစနစ်ကို ဆော်ဒီ စီစဉ်ထား

    သြဂုတ် ၂၅၊ ၂၀၁၅
    M-Media

    saudi

    – ယခုနှစ် ဟဂ်ျရာသီအတွင်း လာရောက်ကြသည့် ခရီးသည်များအနေဖြင့် ကျန်းမာရေးနှင်ညီညွတ်ပြီး ရောဂါဘယကင်းစင်သော ၀န်းကျင်တွင် ၎င်းတို့၏ ဘာသာရေးတာဝန်ဝန်တ္တရားများကို ကျေပွန်စေနိုင်ရန်အတွက် ပြည့်စုံသော ကျန်းမာရေးအစီအစဉ်များကို ဆောင်ရွက်ထားသည်ဟု မဒီနာရှိ ကျန်းမာရေးဆိုင်ရာ အထွေထွေဒါရိုက်တာဖြစ်သူ ခါလစ် အလ်-မီရ်ဂါလာနီက ပြောကြားလိုက်သည်။

    “ဟဂ်ျဘုရားဖူး လာရောက်ကြသူတွေ၊ အလုပ်သမားတွေနဲ့ ကျန်းမာရေးတာဝန်ရှိသူတွေအတွက် အရည်အသွေးပြည့်ဝတဲ့ ကျန်းမာရေး ၀န်ဆောင်မှု အကောင်းဆုံးအဆင့်ရရှိဖို့၊ ကုသမှု၊ ကာကွယ်မှုနဲ့ လူနာသယ်ယူပို့ဆောင်ရေး အစီအစဉ်တွေကနေ တစ်ဆင့် ပြီးပြည့်စုံတဲ့ ကျန်းမာရေး ၀န်ဆောင်မှု အစီအစဉ်တွေကို ကျွန်တော်တို့ အပြည့်အ၀ စီစဉ်ထားပါတယ်” ဟု အလ်-မီရ်ဂါလာနီက Arab News သို့
    တနင်္လာနေ့တွင် ပြောကြားခဲ့သည်။

    ထိုကဲ့သို့ ၀န်ဆောင်မှုများကို မက္ကာဟ်မြို့တွင်လည်း စီစဉ်ထားပြီး မက္ကာနှင့် မဒီနာမြို့ရှိ အခြားသော အရေးပါသည့် နေရာများဖြစ်သော မီနာ၊ အာရာဖတ်နှင့် မွဇ်ဒါလီဖာဒေသများတွင်လည်း စီမံထားသည်ဟု ၎င်းက ထပ်လောင်းပြောကြားခဲ့သည်။

    ယခုနှစ်တွင် ဆော်ဒီအာရေဗျသို့ ဟဂ်ျဘုရားဖူးခရီးစဉ် လာရောက်ကြမည့်သူများနှင့် မြင့်မြတ်ရာနေရာများတွင် တာဝန်ထမ်းဆောင်ကြမည့်သူများအတွက် ဦးနှောက်အမှေးရောင်ကာကွယ်ဆေးကို မဖြစ်မနေ ထိုးရမည်ဟု အလ်-မီရ်ဂါလာနီက ဆိုသည်။

    “ဘုရားဖူးတွေအတွက် လိုအပ်တဲ့ တုပ်ကွေးပျောက်ဆေးတွေလည်း ကျွန်တော်တို့မှာ အလုံအလောက် ရှိပါတယ်”

    ကျန်းမာရေးဝန်ဆောင်မှုများနှင့် ကာကွယ်ရေး၊ ကုသရေး ၀န်ဆောင်မှုများကို ဆော်ဒီနိုင်ငံအတွင်းသို့ ရေလမ်း၊ လေကြောင်းလမ်းနှင့် ကုန်းလမ်းတို့မှ ၀င်ရောက်လာသည့် ဟဂ်ျခရီးသွားများနှင့် အခြားခရီးသည်များအတွက် ဆော်ဒီအစိုးရက အပြည့်အ၀ စီစဉ်ထားသည်။

    ဟဂ်ျဘုရားဖူးလာရောက်ကြသော ခရီးသည်များကို ကျန်းမာရေးဝန်ဆောင်မှုပေးရန်အတွက် မက္ကာနှင့် မဒီနာမြို့များတွင် ကုတင်တစ်ထောင်ဆန့်ဆေးရုံ ၇ ရုံရှိပြီး အထူးကြပ်မတ်ကုသဆောင်နှင့် အရေးပေါ်ကုသဆောင်များမှာ ၁၃၅ ခု ရှိနေသည်။

    မဒီနာရှိ Prince Mohammed bin Abdul Aziz လေဆိပ်၊ ယန်ဘူရှိ Prince Abdul Mohsen Bin Abdul Aziz Airport လေဆိပ်နှင့် ယန်ဘူ သင်္ဘောဆိပ်တို့တွင် ကပ်ရောဂါ စောင့်ကြည့်ရေးစင်တာ ၃ ခုရှိပြီး နေမကောင်းသူများနှင့် ဒဏ်ရာရရှိသူများကို အနီးဆုံးရှိ ဆေးရုံများသို့ အရေးပေါ် ပို့ဆောင်ရေးအတွက် လူနာတင်ယာဉ်အုပ်စု ၂၅ စု ရှိနေသည်။

    ဟဂ်ျဘုရားဖူး ခရီးသည်များအတွက် ကျန်းမာရေးစောင့်ရှောက်မှုများကို အစိုးရ ကျန်းမာရေးဝန်ထမ်းများနှင့်အတူ ဆော်ဒီ လခြမ်းနီအဖွဲ့၊ လူမှုကာကွယ်ရေးအဖွဲ့များက ပူးပေါင်း ဆောင်ရွက်သွားမည်ဖြစ်သည်။

    Ref: Arabnews

  • ၂၀၁၅ခုနှစ် ခွဲတမ်း ဟဂ်ျ (၂၈၀) ဦးအတွက်  လျှောက်လွှာခေါ်ယူ

    ၂၀၁၅ခုနှစ် ခွဲတမ်း ဟဂ်ျ (၂၈၀) ဦးအတွက် လျှောက်လွှာခေါ်ယူ

    ဇူလိုင် ၂၉ ၊ ၂၀၁၅
    M-Media
    သီဟ
    .
    အစိုးရ မဲဟာဂျီလို့ လူသိများတဲ့ ခွဲတမ်းဟဂ်ျ (၂၈၀)ဦးအတွက် လျှောက်လွှာများ သြဂုတ်လ ၁၂ ရက်နေ့ နောက်ဆုံး ထားပြီး လျောက်ထားနိုင်ကြောင်း (၂၀၁၅)ခုနှစ် ဟဂ်ျစေလွှတ်ရေး ကြီးကြပ်မှုကော်မတီက ကြေညာချက် တစောင် ထုတ်ပြန်လိုက်ပါတယ်။

    လျှောက်လွှာများကို (၃-၈-၂၀၁၅)မှ (၁၂-၈-၂၀၁၅)ရက် အတွင်း တင်ရမှာဖြစ်ပါတယ်။ မဲပေါက်သူ ဟာဂျီလောင်း တစ်ဦးကို U$2,175.(အမေရိကန်ဒေါ်လာ-၂၁၇၅) ဒါမှမဟုတ် အဲဒီ တန်ဖိုးနဲ့ညီမျှတဲ့ မြန်မာကျပ်ငွေ ကာလပေါက်ဈေးနဲ့ ပေးသွင်း ရမှာဖြစ်ပါကြောင်း ကြေညာချက်မှာ ထည့်သွင်းဖော်ပြထားပါတယ်။

    မနှစ်က တော့ ခွဲတမ်းဟဂ်ျနှင့် သွားရောက်သူများပေးသွင်းရသည့် ကုန်ကျစရိတ်မှာ ၂၂ သိန်း ၅ သောင်းဖြစ်ခဲ့ပြီး ယခုနှစ်မှာတော့ အမေရိကန်ဒေါ်လာဈေး မြင့်တက်နေတာဖြစ်လို့ ယခုလို အမေရိကန် ဒေါ်လာနှုန်းထားဖြင့် သတ်မှတ် လိုက်တာဖြစ်တယ်လို့ သုံးသပ်ရပါတယ်။

    ၀န်ဆောင်မှု ပေးမှာက အနည်းဆုံး ဈေးနှုန်းနဲ့ တင်ဒါအောင်သွားတဲ့ ဦးခင်မောင်ဝင်း (ဟာဂျီ နာနီးပါး)ရဲ့ Spectrum ရောင်စဉ် အလင်းတန်း ခရီသွားလာရေး ကုမ္ပဏီဖြစ်ကြောင်း သိရှိရပါတယ်။

    ၂၀၁၄ ခုနှစ်က ခွဲတမ်းဖြင့် မဟုတ်ဘဲ ပြင်ပမှာ ကုမ္ပဏီများဖြင့် ဟဂ်ျ သွားရောက်ခွင့်ရှိသည့် လူအရေအတွက်မှာ ၃၃၀၀ ခန့် ဖြစ်ပြီး ကုန်ကျစရိတ်မှာ သိန်း ၅၀ မှ ၆၀ အကြား ပေါက်ဈေး ရှိခဲ့ပါတယ်။

    ယခုနှစ်မှာတော့ ဒေါ်လာဈေးမြင့်တက်နေတာကြောင့် ဒီထပ်ပိုပြီး များလာဖွယ်ရာရှိပါတယ်။

    ခွဲတမ်းဟဂ်ျ ကို ယခင်က သာသနာရေးဝန်ကြီးဌာနမှာ တိုက်ရိုက်ကိုင်တွယ်ခဲ့ပြီး ၂၀၁၄ ခုနှစ်မှစတင်ပြီး အစ္စလာမ် ဘာသာရေး အဖွဲ့ကြီးကို လုပ်ပိုင်ခွင့် လွှဲအပ်ခဲ့ပဲဖြစ်ပါတယ်။

    အစ္စလာမ်ဘာသာဝင်တွေမှာ မဖြစ်မနေ လိုက်နာကျင့်သုံးရတဲ့ မဏ္ဍိုင်ကြီး (၅) ရပ်အနက် “ဟဂ်ျ” လို့ခေါ်တဲ့ ဆော်ဒီအာရေဗျနိုင်ငံ မက္ကာရွှေမြို့တော်သို့ သွားရောက်ပြီး သာသနာ့ကျင့်စဉ် ကိစ္စရပ်များကို ပြုမူ ဆောင်ရွက်ခြင်းဟာ တစ်ခုအပါအ၀င် ဖြစ် ပါတယ်။ ငွေကြေးတတ် စွမ်းနိုင်သူတို့အဖို့ မဖြစ်မနေ လုပ်ရမဲ့ တာဝန်တစ်ရပ်သာ ဖြစ်ပါတယ်။

    ကြေညာချက် အပြည့်အစုံမှာ အောက်ပါအတိုင်းဖြစ်ပါတယ်။

    ပြည်ထောင်စုသမ္မတမြန်မာနိုင်ငံတော်
    မြန်မာနိုင်ငံလုံးဆိုင်ရာ အစ္စလာမ်ဘာသာရေးအဖွဲ့ကြီး

    အမှတ်(၁၈၄)၊(၃)လွှာ၊ ဗိုလ်ဆွန်ပက်လမ်း၊ ပန်းဘဲတန်းမြို့နယ်၊ ရန်ကုန်မြို့။
    ဖုန်း – ၂၄၁၈၈၇၊၂၅၃၆၈၃၊ ၂၅၂၆၀၈၊ ၂၄၁၇၁၇၊ ၂၄၁၂၁၂၊ ၂၉၆၁၃၄

    (၂၀၁၅)ခုနှစ် မြန်မာ ဟာဂျီလောင်းများအတွက် လျှောက်လွှာ ခေါ်ယူခြင်း

    ရက်စွဲ – ၂၀၁၅ခုနှစ် ၊ ဇူလိုင်လ (၂၈)ရက်

    (၂၀၁၅)ခုနှစ် မြန်မာ ဟာဂျီလောင်းများအတွက် တိုင်းဒေသကြီး/ပြည်နယ်အသီးသီးရှိ သက်သာသော နှုန်းထားဖြင့် အမှန်တကယ် ဟဂ်ျပြုလိုကြသည့် အစ္စလာမ်ဘာသာဝင် များသည် (၃-၈-၂၀၁၅)ရက်နေ့မှ (၁၂-၈-၂၀၁၅)ရက်နေ့အတွင်း ဟဂ်ျလျှောက်လွှာများကို  မြန်မာနိုင်ငံလုံးဆိုင်ရာ အစ္စလာမ်ဘာသာရေးအဖွဲ့ကြီးရုံးများတွင် ရယူ လျှောက်ထားနိုင်ကြပါသည်။
    ဟဂ်ျလျှောက်လွှာ လျှောက်ထားသူများသည်-

    (၁) လျှောက်ထားချိန်တွင် အသက်(၁၆)နှစ်ပြည့်ပြီးသူဖြစ်ပြီး အသက်(၆၅)နှစ်ထက်မကြီးသူဖြစ်ရမည်။

    (၂)  တရားတော်က သတ်မှတ်ထားချက်နှင့်အညီ ဟဂ်ျပြုရန် တာဝန်ထိုက်သူဖြစ်ရမည်။

    (၃)  (အဆုတ်၊ အနာကြီး) စသည့် ကူးစက်တတ်သော ရောဂါကင်းရှင်းသူဖြစ်ရမည်။

    (၄)  ရာဇဝတ်ပြစ်မှု ကင်းရှင်းသူဖြစ်ရမည်။

    (၅)  ဟဂ်ျ တကြိမ်တခါမျှ သွားရောက်ခဲ့ခြင်း မရှိသူဖြစ်ရမည်။ (မြန်မာ ဟာဂျီလောင်း (၂၈၀)ဦး အစီအစဉ်သည် တစ်ကြိမ်တစ်ခါမှ ဟဂ်ျမပြုရသေးသူများအတွက် သက်သာသော နှုန်းထားဖြင့် သွားရောက်နိုင်သည့် အခွင့်အရေးဖြစ်သဖြင့် ဟဂ်ျပြုပြီးသူများ (လုံးဝ) လျှောက်ထားခြင်း မပြုရပါ။ အကယ်၍ ဟဂ်ျ သွားခဲ့ပြီးကြောင်း စိစစ်တွေ့ရှိပါက ဟာဂျီလောင်းစားရင်းမှ ပယ်ဖျက်ခြင်း ခံရမည့်အပြင် မိမိပေးသွင်းထားသော ငွေဆုံးရှုံးနိုင်သည်ဖြစ်ကြောင်း သတိချပ်စေလိုပါသည်။)

    (၆)  မဲဟရ်ရမ်အတွဲများအနေဖြင့် တရားတော်နှင့်ညီညွတ်သော (မဲဟရ်ရမ်) အတွဲဖြစ်ရမည်။ နှစ်ဦးထက်ပိုတွဲထားသော မဲဟရ်ရမ် အတွဲများကို လက်ခံမည် မဟုတ်ပါ။ မဲဟရ်ရမ် အတွဲ နှစ်ဦးစလုံး ဟဂ်ျ မပြုဖူးသူများဖြစ်ရမည်။

    (၇) ဓာတ်ပုံနှင့် စာသား ထင်ရှားသည့် နိုင်ငံသားစိစစ်ရေးကတ်ပြား (သို့်) ပြု/ဧည့် နိုင်ငံသားကတ်ပြား (သို့) အမျိုးသားမှတ်ပုံတင် မိတ္တူနှင့် အိမ်ထောင်စုလူဦးရေစာရင်း (သန်းခေါင်းစာရင်း) မိတ္တူတို့ကို ပူးတွဲတင်ပြရမည်။

    (၉)  ဗလီ/သာသနာ့စာသင်ကျောင်းတွင် တာဝန်ထမ်းဆောင်နေသော သာသနာ့ပညာရှင်ဖြစ်ပါက သက်ဆိုင်ရာ ဗလီဝတ်ကျောင်း ဂေါပကအဖွဲ့/ သာသနာ့စာသင်ကျောင်း ကျောင်းအုပ်ကြီး၏ ထောက်ခံချက်ကို ပူးတွဲ တင်ပြရမည်။

    (၁၀)  ဟဂ်ျလျှောက်လွှာများကို လျှောက်ထားသူကိုယ်တိုင် (၁၂-၈-၂၀၁၅)ရက်နေ့ နောက်ဆုံးထားပြီး တင်သွင်းရမည်။

    (၁၁)  လျှောက်ထားသည့်ဦးရေသည် ခွဲတမ်းသတ်မှတ်ထားသည့် (၂၈၀)ဦးထက်ကျော်လွန်ပါက အများရှေ့မှောက်တွင် မဲစနစ်ဖြင့် မဲဖောက်ရွေးချယ်သွားမည်။

    (၁၂)  ဟဂ်ျမဲပေါက်သူ ကိုယ်တိုင် သွားရောက်ရမည်။ (အစားထိုး၍ ကိုယ်စား သွားရောက်ခြင်း လုံးဝ ခွင့်မပြုပါ။)

    (၁၃)  ဟဂ်ျလျှောက်လွှာပုံစံများကို တစ်ဦးချင်းအတွက် ငွေကျပ် (၁၀ဝ၀ိ/-)နှုန်း၊ မဲဟရ်ရမ် အတွဲအတွက် ငွေကျပ်(၂၀ဝ၀ိ/)နှုန်းဖြင့် ရယူနိုင်ကြပါသည်။

    (၁၄)  မဲပေါက်သူ ဟာဂျီလောင်း တစ်ဦးလျှင် အမေရိကန်ဒေါ်လာ(၂၁၇၅) သို့မဟုတ် ယင်းတန်ဖိုးနှင့်ညီမျှသော မြန်မာကျပ်ငွေအား ကာလပေါက်ဈေးနှင့်အညီ ပေးသွင်းရမည်။

    (၁၅)  ဟဂ်ျနှင့်ပတ်သက်၍ မည်သည့်အပိုကြေးမှ ပေးရန် မလိုပါ။ အကယ်၍ တောင်းခံလာပါက မြန်မာနိုင်ငံလုံးဆိုင်ရာ အစ္စလာမ် ဘာသာရေးအဖွဲ့ကြီးသို့ တိုင်ကြားနိုင်ပါသည်။

    (၂၀၁၅)ခုနှစ် ဟဂ်ျစေလွှတ်ရေးကြီးကြပ်မှုကော်မတီ

    Form