Tag: 2016 Hajj

အောက်တိုဘာ ၁၄၊ ၂၀၁၆
M-Media

– ဟဂ်ျပြုသူများအနေဖြင့် မိမိတို့၏ ဗီဇာသက်တမ်းထက် ကျော်လွန်နေထိုင်းခြင်းမပြုရန် ဆော်ဒီအာရေဗျ နိုင်ငံကူးလက်မှတ်ဆိုင်ရာ အထွေထွေညွှန်ကြားရေးမှူးက သတိပေးခဲ့သည်ဟု Saudi Gazette သတင်းစာက ယမန်နေ့တွင် ဖော်ပြခဲ့သည်။

ထို့ပြင် သက်တမ်းလွန် ဗီဇာဖြင့် နေထိုင်သူများ သို့မဟုတ် ယင်းကဲ့သို့ နေထိုင်ခြင်းကို အားပေးကူညီထားသူများအနေဖြင့် ကြီးလေးသော ပြစ်ဒဏ်ကို ကျခံရမည်ဟုလည်း ဆိုသည်။

“ဟဂ်ျခရီးသည်တွေအနေနဲ့ မက္ကာဟ်၊ မဒီနာနဲ့ ဂျစ်ဒါမြို့တွေရဲ့ အပြင်ဘက်ကို ရွှေ့ပြောင်းနေထိုင်ခွင့် ဒါမှမဟုတ် နိုင်ငံတွင်း ဘယ်နေရာမှာမှ အလုပ်လုပ်ကိုင်ခွင့် ပြုမှာမဟုတ်ပါဘူး။ ဗီဇာသက်တမ်းလွန်နေသူတွေကို တွေ့ရှိမယ်ဆိုရင် ဒဏ်ငွေ ဆော်ဒီရီယဲလ် ၅၀၀၀၀၊ အမြင့်ဆုံးထောင်ဒဏ် ၆ လ ချမှတ်သွားမှာဖြစ်ပြီး နယ်နှင်ဒဏ်လည်း ပေးသွားမှာပါ” ဟု ညွှန်ကြားရေးမှူးက ပြောကြားခဲ့သည်။

ဆော်ဒီနိုင်ငံသားများ၊ နိုင်ငံခြား အလုပ်သမားများအနေဖြင့် သက်တမ်းလွန်ဗီဇာသမားများကို မည်သည့် ကူညီထောက်ပံ့မှုမျိုးမှ မပေးရန်၊ ပြစ်မှုကျူးလွန်ပါက ဒဏ်ငွေ ရီယဲလ် တစ်သိန်နှင့် နိုင်ငံခြာသားအလုပ်သမားများအတွက် နယ်နှင်ဒဏ်ဖြစ်ပြီး ကျူးလွန်သည့်အကြိမ်အရေအတွက်ကိုလိုက်၍ ပြစ်ဒဏ်နှစ်ဆ တိုးသွားမည်ဟုလည်း ၎င်းက ထပ်လောင်း ပြောကြားခဲ့သည်။

ယခုနှစ်တွင် ဆော်ဒီသို့လာရောက်၍ ဟဂ်ျပြုသူမှာ ၁.၃ သန်းကျော်ရှိပြီး အင်္ဂါနေ့အထိ နိုင်ငံအတွင်း ၁.၂ သန်းကျော် ကျန်နေသေးသည်။

Ref : IINA

စက်တင်ဘာ ၁၆၊ ၂၀၁၆
M-Media

– ယခုနှစ် ဟဂ်ျကာလအတွင်း ကူးစက်ရောဂါကင်းစင်ရေး စီမံချက်ကို အောင်မြင်စွာဆောင်ရွက်နိုင်ခဲ့သည့်အတွက် ကမ္ဘာ့ကျန်းမာရေးအဖွဲ့ (WHO) အရှေ့အလယ်ပိုင်းဆိုင်ရာ ဒုတိယဥက္ကဌ ဂျဝဒ်အလ်မဂ်ျဟူးရ်က ဆော်ဒီအာရေဗျအား ချီးကျူးပြောကြားလိုက်သည်။

ဆော်ဒီကျန်းမာရေးဝန်ကြီး သောင်ဖီးက် အလ်-ရာဘီအာနှင့်အတူ ပူးတွဲပြုလုပ်သည့် သတင်းစာရှင်းလင်းပွဲ၌ အလ်မဂ်ျဟူးရ်က WHO အနေဖြင့် ကျန်းမာရေး ၀န်ထမ်းများ၊ ဘုရားဖူးများအား ၀န်ဆောင်မှုပေးရာတွင် စွမ်းစွမ်းတမံဆောင်ရွက်ခဲ့သည့် စေတနာ့ဝန်ထမ်းများအားလုံးကို ကျေးဇူးတင်ရှိပြီး ၀မ်းမြောက်ဂုဏ်ယူမိသည်ဟု ဆိုသည်။

“ဟဂ်ျရာသီအတွင်းမှာ ရောဂါကာကွယ်တာ၊ ထိန်းချုပ်တာနဲ့ ကူးစက်အန္တရာယ်များနဲ့ ပတ်သက်ပြီး ဆောင်ရွက်ဖို့အတွက် အသင်းတစ်ခု ဖွဲ့ပေးဖို့ ဆော်ဒီအစိုးရရဲ့ တောင်းဆိုချက်ကို WHO က ဖြေရှင်းပေးခဲ့ပါတယ်။ နိုင်ငံတကာစံနှုန်းလိုအပ်ချက်တွေနဲ့အညီ အန္တရာယ်ကင်းတဲ့ ဟဂ်ျရာသီဖြစ်ဖို့ ဆော်ဒီကျန်းမာရေးဝန်ကြီးဌာနက သတ်မှတ်ထားတဲ့ ပြည်သူ့ကျန်းမာရေးနဲ့ စပ်လျဉ်းတဲ့ အန္တရာယ်တွေကို လျှော့ချဖို့အတွက် လုပ်ထုံးလုပ်နည်းတွေရဲ့ အရေးကြီးပုံကို မိမိတို့အဖွဲ့က အလေးထား ပြောကြားခဲ့ပါတယ်” ဟု ၎င်းက ထည့်သွင်းပြောကြားခဲ့သည်။

အလ်မဂ်ျဟူးရ်က WHO ကို ဖိတ်ကြားခဲ့သည့်အတွက် ကျန်းမာရေးဝန်ကြီးအား ကျေးဇူးတင်ကြောင်း ပြောကြားခဲ့ပြီး ဟဂ်ျကာလအတွင်း ၀န်ကြီးဌာန၏ ကြိုတင်ပြင်ဆင်ထားမှုအပေါ်လည်း ချီးကျူးပြောဆိုခဲ့သည်။

Ref : IINA

သြဂုတ် ၃၁၊ ၂၀၁၆
M-Media

– ဟဂ်ျရာသီအတွင်း မြို့အတွင်းရှိ ဈေးများ၊ စူပါမားကတ်များ၊ မုန့်ဖုတ်စင်တာများ၊ စားသောက်ဆိုင်၊ ကုန်စုံဆိုင်များကို စောင့်ကြည့်ရန် အစီအစဉ်၊ လူထုကျန်းမာရေးနှင့် ဆက်စပ်သည့် စောင့်ရှောက်မှုပေးမည့် အစီအစဉ်များကို မက္ကာဟ်မြို့တော် စည်ပင်သာယာရေးအဖွဲ့က ကြေငြာလိုက်သည်။

ယခုဆောင်ရွက်မှုများမှာ မက္ကာဟ်သို့လာရောက်သည့် ဘုရားဖူးများနှင့် ဧည့်သည်တော်များ၏ လုံခြုံရေးနှင့် လူစည်ကားသည့် ဟဂ်ျရာသီအတွင်း ဈေးကွက်များ အန္တရာယ်ကင်းရှင်းရေးကို သေချာစေရန် ဆောင်ရွက်မှုလည်းဖြစ်သည်။

ပတ်ဝန်းကျင်ဆိုင်ရာ ကျန်းမာရေးဌာန၏ အထွေထွေညွှန်ကြားရေးမှူးက ဈေးဆိုင်များ၊ ကုန်စုံဆိုင်များ၊ စားသောက်ဆိုင်များနှင့် မီးဖိုဆောင်များကို စောင့်ကြည့်ရေးနှင့် ဈေးကွက်အတွင်း မကောင်းသောအမူအကျင့်များကို အရေးယူနိုင်ရေးအတွက် ကော်မတီအများအပြားကို ဖွဲ့စည်းခဲ့သည်။

အစိုးရအာဏာပိုင်အဖွဲ့များ၊ စောင့်ကြည့်ရေးကော်မတီများဖြစ်သော စတိုးဆိုင် ဖြန့်ချီရေးကော်မတီ၊ စားသောက်ကုန် အဟာရတန်ဖိုး ဆန်းစစ်ရေးကော်မတီ၊ အစားအဆိပ်သင့်မှုဆိုင်ရာ ကော်မတီ၊ စားသောက်ကုန်ဈေးနှုန်းဆိုင်ရာကော်မတီ၊ ရေတိုင်ကီများ ပိုးသတ်ရေးဆိုင်ရာကော်မတီ၊ လုံခြုံရေးကော်မတီတို့ဖြင့် ထိုလှုပ်ရှားမှုကို ပူးပေါင်းလုပ်ဆောင်မည် ဖြစ်သည်။

ယခု စီမံချက်မှာ ဟဂ်ျဘုရားဖူးလာရောက်ကြသူများအတွက် အကောင်းဆုံးဝန်ဆောင်မှု ပေးနိုင်ရေး ကျန်းမာသန့်ရှင်းသော ပတ်ဝန်းကျင်တစ်ခု ဖော်ဆောင်ပေးနိုင်ရေး၊ ကောင်မွန်သော ပြည်သူ့ကျန်းမာရေးစနစ်မျိုး ရရှိခံစားနိုင်ရေး ရည်ရွယ်ခြင်းဖြစ်သည်။

Ref : IINA