News @ M-Media

Tag: 2016_Hajj

  • ဗြိတိန်မွတ်စလင်တစ်ဦး အကြိမ် ၃၀ ဟဂ်ျပြုခဲ့

    ဗြိတိန်မွတ်စလင်တစ်ဦး အကြိမ် ၃၀ ဟဂ်ျပြုခဲ့

    စက်တင်ဘာ ၂၀၊ ၂၀၁၆
    M-Media

    britain

    – ဗြိတိန်နိုင်ငံမှ မွတ်စလင်တစ်ဦးမှာ ဟဂ်ျခရီးစဉ်ကို အကြိမ်ပေါင်း ၃၀ ဆောင်ရွက်နိုင်ခဲ့ပြီး ယခုနှစ်တွင်လည်း ဗြိတိန်မွတ်စလင်အဖွဲ့ကို ဦးဆောင်၍ ဟဂ်ျခရီးစဉ် လာရောက်ခဲ့သည်ဟု သိရသည်။

    မွတ်စ်တာဖာ မိုဟာမက်ဆိုသူဖြစ်ပြီး ဗြိတိန်မှ ဟဂ်ျဘုရားဖူးခရီးသည် ၂၀၀ ကို ဦးဆောင်လာခြင်းဖြစ်သည်။

    “သူတို့အတွက် ကျွန်တော် စကားပြန်လုပ်တယ်။ ဟဂ်ျမှာဆောင်ရွက်ရမယ့် ကိစ္စတွေနဲ့ပတ်သက်ပြီး လမ်းညွှန်ပေးတယ်။ ကျွန်တော့်တိုင်းပြည်က ဘုရားဖူးတွေကို ဒီလို ကူညီပေးရတဲ့အတွက် ဂုဏ်ယူမိပါတယ်” ဟု ၎င်းက ပြောကြားခဲ့သည်။

    ထို့ပြင် ပထမဆုံး ဟဂ်ျပြုရန် လာရောက်ကြသူများအား လမ်းညွှန်ပေးရသည့်အတွက် မိမိအနေဖြင့် ကျေနပ်မိသည်ဟုလည်း ၎င်းက ဆိုသည်။

    “များသောအားဖြင့် သူတို့က ဒါနဲ့ပတ်သက်ပြီး ကြောက်ကြတယ်။ ဘာဖြစ်လို့လည်းဆိုတော့ သူတို့အတွက် ဒါက စိမ်းနေတယ်လေ။ ဟဂ်ျပြုမှု ပြီးဆုံးသွားတဲ့အခါ သူတို့မျက်နှာက ထွက်လာတဲ့အပြုံးဟာ ဘာနဲ့မှ မလဲနိုင်ပါဘူး။ နှစ်တော်တော်များများ ဟဂ်ျပြုခဲ့တာကနေ ကျွန်တော် အတွေ့အကြုံတွေအများကြီး ရခဲ့ပါတယ်။ သာသနာအကြောင်း ပိုသိလာတယ်။ ကျွန်တော့်ကို ကူညီနိုင်မယ့် လမ်းညွှန်နိုင်မယ့်သူတွေနဲ့လည်း ကျွန်တော် မိတ်ဆွေဖွဲ့ထားပါတယ်”

    ဟဂ်ျပြုရာတွင် လွယ်ကူစေရန် ဆော်ဒီနိုင်ငံက စီစဉ်ထားမှုကိုလည်း မွတ်စ်တာဖာကာ ချီးကျူးခဲ့ပြီး ၎င်း၏ သား ၄ ယောက်၊ ၎င်း၏ ဇနီးသည်နှင့် ဖခင်တို့ကိုလည်း မိမိကပင် ဟဂ်ျသို့ခေါ်ဆောင်ကာ လမ်းညွှန်ပေးခဲ့ခြင်းဖြစ်ကြောင်း ပြောကြားခဲ့သည်။

    ဗြိတိန်မွတ်စလင်အဖွဲ့တွင် ဟဂ်ျ ၁၀ ကြိမ်ပြုဖူးသူ မိုဟာမက် အေသင်းမ်ဆိုသည့် အမျိုးသားတစ်ဦးလည်း ပါဝင်သည်။

    Ref : IINA

  • ဟဂ်ျလမ်းညွှန် စမတ်ဖုန်း ဆော့ဖ်ဝဲသစ် ထွက်ရှိ

    ဟဂ်ျလမ်းညွှန် စမတ်ဖုန်း ဆော့ဖ်ဝဲသစ် ထွက်ရှိ

    သြဂုတ် ၇၊ ၂၀၁၆
    M-Media

    hajj e mabrooj

    – ဟဂ်ျနှင့် အွမ္မရာပြုလုပ်ရာတွင် ဆောင်ရန်၊ ရှောင်ရန်များကို စမတ်ဖုန်းများဖြင့် အလွယ်တကူ ကြည့်ရှုနိုင်မည့် Hajj-e-Mabroor အက်ပလီးကေးရှင်းတစ်ခု ထွက်ပေါ်လာခဲ့ပြီး အဆိုပါဆော့ဖ်ဝဲကို နာမည်ကြီး အစ္စလာမ့်ဓမ္မပညာရှင် ဒေါက်တာ မိုဟာမက် နာဂျစ်ဘ် ကွာစ်မီက စီစဉ်ဖန်တီးခဲ့ခြင်းဖြစ်သည်။

    အူရဒူ၊ အင်္ဂလိပ်နှင့် ဟင်ဒီဘာသာစကားများဖြင့် အသုံးပြုနိုင်မည့် အဆိုပါဆော့ဖ်ဝဲကို iPhone နှင့် Android နှစ်မျိုးစလုံးအတွက် ရရှိနိုင်မည်ဖြစ်ပြီး Play Store နှင့် App Store များတွင် Hajj-e-Mabroor သို့မဟုတ် Najeeb Qasimi ဟု သော အမည်များဖြင့် ရှာဖွေကာ အခမဲ့ ထည့်သွင်းနိုင်မည်ဖြစ်သည်။

    ထိုဆော့ဖ်ဝဲတွင် ဟဂ်ျနှင့်အွမ္မရာပြုလုပ်ခြင်းဆိုင်ရာ စာအုပ်လေးအုပ်၊ သင်ခန်းစာ ၉ ခု၊ ဟဂ်ျနှင့်အွမ္မရာပြုလုပ်ပုံနည်းလမ်း၊ ရုပ်ပုံဖြင့် ဖော်ပြချက်၊ တစ်နာရီစာ အမေးအဖြေများနှင့် ဆောင်းပါး ၂၃ ပုဒ် ကို ၀င်ရောက်ဖတ်ရှုနိုင်မည် ဖြစ်ပြီး ဟဂ်ျကျင့်စဉ်များ ပြုလုပ်ရမည့် မက္ကာဟ်၊ မီနာ၊ မွတ်ဇ်ဒါလီဖာနှင့် အာရာဖတ် ခရီးစဉ်တစ်လျှောက်လုံးအတွက် အသုံးဝင်မည်ဖြစ်သည်။

    အက်ပလီကေးရှင်းတွင် ပါဝင်သည့် အကြောင်းအရာအားလုံးမှာ ဟဂ်ျပြုသူဦးရေ တိုးပွားလာမှု၊ မစ်ဂျစ်ဒ်ဟရမ် ဗလီဝတ်ကျောင်းတော် တိုးချဲ့ထားမှု အပါအ၀င် လက်ရှိ ဟဂ်ျပြုရမည့် အခြေအနေများနှင့် ကိုက်ညီစွာ ရေးသားထားခြင်းဖြစ်ပြီး ဟဂ်ျပြုသူတစ်ဦးအနေဖြင့် ထိုဆော့ဖ်ဝဲကို ဆောင်ထားပါက လုံလောက်မည်ဖြစ်သည်။

    ကမ္ဘာတစ်ဝှမ်းမှ အစ္စလာမ့်ဓမ္မတက္ကသိုလ်များနှင့် အသင်းအဖွဲ့များမှာ ထိပ်တန်းဓမ္မပညာရှင်များကလည်း ထိုအက်ပလီကေးရှင်းအတွက် ထောက်ခံချက်များကို ရေးပေးထားသည်။

    Ref : IINA

  • ဟဂ်ျ သွားရောက်လိုသူများ ၂၀၁၆ ခုနှစ် ခွဲတမ်း ဟဂ်ျ (၂၈၀) အတွက် လျောက်ထားနိုင်ပြီ။

    ဟဂ်ျ သွားရောက်လိုသူများ ၂၀၁၆ ခုနှစ် ခွဲတမ်း ဟဂ်ျ (၂၈၀) အတွက် လျောက်ထားနိုင်ပြီ။

    ဇွန် ၇ ၊ ၂၀၁၆ (M-Media)။    ။ မြန်မာနိုင်ငံသား အစ္စလာမ်ဘာသာဝင်များအနေဖြင့် ၂၀၁၆ ခုနှစ် အတွက် ဟဂ်ျသွားရောက်လိုသူများ ခွဲတမ်း ဟဂ်ျ (၂၈၀) ဦးအတွက် လျောက်လွှာများစတင်ခေါ်ယူနေပြီ ဖြစ်ပါတယ်။
    .
    ပြည်နယ်/တိုင်း အသီးသီးမှာက အစ္စလာမ်ဘာသာဝင်များအနေဖြင့် ဈေးနှုန်း သက်သာစွဖြင့် အမှန်တကယ်ဟဂ်ျပြုလိုသူများအနေဖြင့် (၁၁-၆-၂၀၁၆) မှ (၃၀-၆-၂၀၁၆) အတွင်း လျောက်လွှာများကို မြန်မာနိုင်ငံလုံးဆိုင်ရာ အစ္စလာမ်ဘာသာရေး အဖွဲကြီး ရုံးများတွင် ရယူပြီးလျောက်ထားဖို့ ၂၀၁၆ ခုနှစ် ဟဂ်ျစေလွှတ်ရေး ကြီးကြပ်မှု ကော်မတီက ထုတ်ပြန်ချက်မှာ ရေးသားဖော်ပြထားပါတယ်။
    .
    လျှောက်ထားသည့်ဦးရေ ခွဲတမ်းသတ်မှတ်ထားသည့် (၂၈၀)ဦးထက်ကျော်လွန်ပါက အများရှေ့မှောက်တွင် မဲစနစ်ဖြင့် မဲဖောက်ရွေးချယ်မယ်လို့ ဖော်ပြထားပါတယ်။
    .
    မဲပေါက်သူ ဟာဂျီလောင်း တစ်ဦးကို U$ 1,945 (အမေရိကန်ဒေါ်လာ-၁၉၄၅) ဒါမှမဟုတ် အဲဒီ တန်ဖိုးနဲ့ညီမျှတဲ့ မြန်မာကျပ်ငွေ ကာလပေါက်ဈေးနဲ့ ပေးသွင်း ရမှာဖြစ်ပါကြောင်း ကြေညာချက်မှာ ထည့်သွင်းဖော်ပြထားပါတယ်။
    .
    ယခုနှစ် ခွဲတမ်းဟဂ်ျအတွက် ဝန်ဆောင်မှုပေးမယ့် ကုမ္ပဏီမှာ YANGON MAKKAH ဖြစ်ပါတယ်။
    .
    ခွဲတမ်းဟဂ်ျ ကို ယခင်က သာသနာရေးဝန်ကြီးဌာနမှာ တိုက်ရိုက်ကိုင်တွယ်ခဲ့ပြီး ၂၀၁၄ ခုနှစ်မှစတင်ပြီး အစ္စလာမ် ဘာသာရေး အဖွဲ့ကြီးကို လုပ်ပိုင်ခွင့် လွှဲအပ်ခဲ့ပဲဖြစ်ပါတယ်။
    .
    နှစ်စဉ်အလိုက် ခွဲတမ်း ဟဂ်ျအတွက် တင်ဒါအောင်မြင်ခဲ့တဲ့ ကုမ္ပဏီနှင့် ဈေးများကတော့
    ၂၀၁၂ ခုနှစ်တွင် ကျပ် ၃၂ သိန်း ၊
    ၂၀၁၃ ခုနှစ်တွင် ကျပ် ၂၉ သိန်း၊
    ၂၀၁၄ ခုနှစ် တွင် ကျပ်၂၂ သိန်း ၅ သောင်း ( Great Desert Company နှင့် A Pleasant House Company)
    ၂၀၁၅ ခုနှစ်တွင်  အမေရိကန်ဒေါ်လာ-၂၁၇၅ ( ရောင်စဉ် အလင်းတန်း ခရီသွားလာရေး ကုမ္ပဏီ) တို့ အသီးသီးဖြစ်ပါတယ်။
    .
    ပြင်ပမှ သွားရောက်တဲ့ ဟာဂျီတွေကတော့ ဆော်ဒီ ဟဂ်ျရေးရာဝန်ကြီးဌာက ခွဲတမ်းရထားတဲ့ မြန်မာနိုင်ငံက ကုမ္ပဏီတွေ ကနေတဆင့် သွားရောက်တဲ့ သူတွေဖြစ်ကြောင်းသိရတယ်။ ယမန်နှစ်ကတော့ ပြင်ပမှ သွားရောက်သူ ၃၀၀၀ ကျော်ဝန်းကျင် ရှိပြီးကုန်ကျစရိတ်ကတော့ အမေရိကန်ဒေါ်လာ ၅၀၀၀ မှ ၆၀၀၀ အထိ ဝန်ဆောင်မှုပေးတဲ့ပေါ်မှုတည်ပြီး ဈေးနှုန်းများ ကွဲပြားကြောင်းသိရှိရပါတယ်။
    .
    အစ္စလာမ်ဘာသာဝင်တွေမှာ မဖြစ်မနေ လိုက်နာကျင့်သုံးရတဲ့ မဏ္ဍိုင်ကြီး (၅) ရပ်အနက် “ဟဂ်ျ” လို့ခေါ်တဲ့ ဆော်ဒီအာရေဗျနိုင်ငံ မက္ကာရွှေမြို့တော်သို့ သွားရောက်ပြီး သာသနာ့ကျင့်စဉ် ကိစ္စရပ်များကို ပြုမူ ဆောင်ရွက်ခြင်းဟာ တစ်ခုအပါအ၀င် ဖြစ် ပါတယ်။ ငွေကြေးတတ် စွမ်းနိုင်သူတို့အဖို့ မဖြစ်မနေ လုပ်ရမဲ့ တာဝန်တစ်ရပ်သာ ဖြစ်ပါတယ်။
    .
    ကြေညာချက် အပြည့်အစုံမှာ အောက်ပါအတိုင်းဖြစ်ပါတယ်။
    .

    ပြည်ထောင်စုသမ္မတမြန်မာနိုင်ငံတော်
    မြန်မာနိုင်ငံလုံးဆိုင်ရာ အစ္စလာမ်ဘာသာရေးအဖွဲ့ကြီး

    အမှတ်(၁၈၄)၊(၃)လွှာ၊ ဗိုလ်ဆွန်ပက်လမ်း၊ ပန်းဘဲတန်းမြို့နယ်၊ ရန်ကုန်မြို့။
    ဖုန်း – ၂၄၁၈၈၇၊၂၅၃၆၈၃၊ ၂၅၂၆၀၈၊ ၂၄၁၇၁၇၊ ၂၄၁၂၁၂၊ ၂၉၆၁၃၄

    (၂၀၁၆)ခုနှစ် မြန်မာ ဟာဂျီလောင်းများအတွက် လျှောက်လွှာ ခေါ်ယူခြင်း
    ————————————————

    ရက်စွဲ – ၂၀၁၆ခုနှစ် ၊ ဇွန် (၄)ရက်

    (၂၀၁၆)ခုနှစ် မြန်မာ ဟာဂျီလောင်းများအတွက် တိုင်းဒေသကြီး/ပြည်နယ်အသီးသီးရှိ သက်သာသော နှုန်းထားဖြင့် အမှန်တကယ် ဟဂ်ျပြုလိုကြသည့် အစ္စလာမ်ဘာသာဝင် များသည် (၁၁-၆-၂၀၁၆)ရက်နေ့မှ (၃၀-၆-၂၀၁၆)ရက်နေ့အတွင်း ဟဂ်ျလျှောက်လွှာများကို  မြန်မာနိုင်ငံလုံးဆိုင်ရာ အစ္စလာမ်ဘာသာရေးအဖွဲ့ကြီးရုံးများတွင် ရယူ လျှောက်ထားနိုင်ကြပါသည်။
    .
    ဟဂ်ျလျှောက်လွှာ လျှောက်ထားသူများသည်-
    .
    (၁) လျှောက်ထားချိန်တွင် အသက်(၁၆)နှစ်ပြည့်ပြီးသူဖြစ်ပြီး အသက်(၆၅)နှစ်ထက်မကြီးသူဖြစ်ရမည်။
    .
    (၂)  တရားတော်က သတ်မှတ်ထားချက်နှင့်အညီ ဟဂ်ျပြုရန် တာဝန်ထိုက်သူဖြစ်ရမည်။
    .
    (၃)  (အဆုတ်၊ အနာကြီး) စသည့် ကူးစက်တတ်သော ရောဂါကင်းရှင်းသူဖြစ်ရမည်။
    .
    (၄)  ရာဇဝတ်ပြစ်မှု ကင်းရှင်းသူဖြစ်ရမည်။
    .
    (၅)  ဟဂ်ျ တကြိမ်တခါမျှ သွားရောက်ခဲ့ခြင်း မရှိသူဖြစ်ရမည်။ (မြန်မာ ဟာဂျီလောင်း (၂၈၀)ဦး အစီအစဉ်သည် တစ်ကြိမ်တစ်ခါမှ ဟဂ်ျမပြုရသေးသူများအတွက် သက်သာသော နှုန်းထားဖြင့် သွားရောက်နိုင်သည့် အခွင့်အရေးဖြစ်သဖြင့် ဟဂ်ျပြုပြီးသူများ (လုံးဝ) လျှောက်ထားခြင်း မပြုရပါ။ အကယ်၍ ဟဂ်ျ သွားခဲ့ပြီးကြောင်း စိစစ်တွေ့ရှိပါက ဟာဂျီလောင်းစားရင်းမှ ပယ်ဖျက်ခြင်း ခံရမည့်အပြင် မိမိပေးသွင်းထားသော ငွေဆုံးရှုံးနိုင်သည်ဖြစ်ကြောင်း သတိချပ်စေလိုပါသည်။)
    .
    (၆)  မဲဟရ်ရမ်အတွဲများအနေဖြင့် တရားတော်နှင့်ညီညွတ်သော (မဲဟရ်ရမ်) အတွဲဖြစ်ရမည်။ နှစ်ဦးထက်ပိုတွဲထားသော မဲဟရ်ရမ် အတွဲများကို လက်ခံမည် မဟုတ်ပါ။ မဲဟရ်ရမ် အတွဲ နှစ်ဦးစလုံး ဟဂ်ျ မပြုဖူးသူများဖြစ်ရမည်။
    .
    (၇) စာ၊ ဓာတ်ပုံနှင့် စာသား ထင်ရှားသည့် နိုင်ငံသားစိစစ်ရေးကတ်ပြား (သို့်) ပြု/ဧည့် နိုင်ငံသားကတ်ပြား (သို့) အမျိုးသားမှတ်ပုံတင် မိတ္တူနှင့် အိမ်ထောင်စုလူဦးရေစာရင်း (သန်းခေါင်းစာရင်း) မိတ္တူတို့ကို ပူးတွဲတင်ပြရမည်။

    (၈) နိုင်ငံဝန်ထမ်း(သို့) အငြိမ်းစား ဝန်ထမ်းဖြစ်ပါက အထောက်အထား ပူးတွဲ တင်ပြရမည်။
    .
    (၉)  ဗလီ/သာသနာ့စာသင်ကျောင်းတွင် တာဝန်ထမ်းဆောင်နေသော သာသနာ့ပညာရှင်ဖြစ်ပါက သက်ဆိုင်ရာ ဗလီဝတ်ကျောင်း ဂေါပကအဖွဲ့/ သာသနာ့စာသင်ကျောင်း ကျောင်းအုပ်ကြီး၏ ထောက်ခံချက်ကို ပူးတွဲ တင်ပြရမည်။
    .
    (၁၀)  ဟဂ်ျလျှောက်လွှာများကို လျှောက်ထားသူကိုယ်တိုင် (၃၀-၆-၂၀၁၅)ရက်နေ့ နောက်ဆုံးထားပြီး တင်သွင်းရမည်။

    (၁၁)  လျှောက်ထားသည့်ဦးရေသည် ခွဲတမ်းသတ်မှတ်ထားသည့် (၂၈၀)ဦးထက်ကျော်လွန်ပါက အများရှေ့မှောက်တွင် မဲစနစ်ဖြင့် မဲဖောက်ရွေးချယ်သွားမည်။

    (၁၂)  ဟဂ်ျမဲပေါက်သူ ကိုယ်တိုင် သွားရောက်ရမည်။ (အစားထိုး၍ ကိုယ်စား သွားရောက်ခြင်း လုံးဝ ခွင့်မပြုပါ။)

    (၁၃)  ဟဂ်ျလျှောက်လွှာပုံစံများကို တစ်ဦးချင်းအတွက် ငွေကျပ် (၁၀ဝ၀ိ/-)နှုန်း၊ မဲဟရ်ရမ် အတွဲအတွက် ငွေကျပ်(၂၀ဝ၀ိ/)နှုန်းဖြင့် ရယူနိုင်ကြပါသည်။

    (၁၄)  မဲပေါက်သူ ဟာဂျီလောင်း တစ်ဦးလျှင် အမေရိကန်ဒေါ်လာ( US $1945) သို့မဟုတ် ယင်းတန်ဖိုးနှင့်ညီမျှသော မြန်မာကျပ်ငွေအား ကာလပေါက်ဈေးနှင့်အညီ ပေးသွင်းရမည်။

    (၁၅)  ဟဂ်ျနှင့်ပတ်သက်၍ မည်သည့်အပိုကြေးမှ ပေးရန် မလိုပါ။ အကယ်၍ တောင်းခံလာပါက မြန်မာနိုင်ငံလုံးဆိုင်ရာ အစ္စလာမ် ဘာသာရေးအဖွဲ့ကြီးသို့ တိုင်ကြားနိုင်ပါသည်။
    .
    (၂၀၁၆)ခုနှစ် ဟဂ်ျစေလွှတ်ရေးကြီးကြပ်မှုကော်မတီ
    .
    သတင်း- သီဟ

    2016 Hajj

  • ဟဂ်ျကိစ္စတွင် မသမာမှုအတွက် သာသနာရေးဝန်ကြီးဌာန အရာရှိဟောင်းများကို ပါကစ္စတန်က နှစ်ရှည်ထောင်ဒဏ်များ ချမှတ်

    ဟဂ်ျကိစ္စတွင် မသမာမှုအတွက် သာသနာရေးဝန်ကြီးဌာန အရာရှိဟောင်းများကို ပါကစ္စတန်က နှစ်ရှည်ထောင်ဒဏ်များ ချမှတ်

    ဇွန် ၃၊ ၂၀၁၆
    M-Media

    paki 3

    – ဟဂ်ျဘုရားဖူးခရီးစဉ် ကိစ္စတွင် ခြစားမှုနှင့် မသမာမှုများအတွက် သာသနာရေးရာ ပြည်ထောင်စုဝန်ကြီးဟောင်းကို ပါကစ္စတန်က ယနေ့တွင် ထောင်ဒဏ် ၁၆ နှစ် ချမှတ်ခဲ့သည်ဟု သိရသည်။

    ဟာမစ် စအီးဒ် ကာဇ်မီဖြစ်ပြီး အထူးခုံရုံးက ချမှတ်ခဲ့ခြင်းဖြစ်ကာ သာသနာရေးဝန်ကြီးဌာန၏ ညွှန်ကြားရေးမှူးချုပ် ရာအို ရှကီးလ်နှင့် တွဲဘက်အတွင်းရေးမှူး အက်ဖ်တဘ် အက်စလာမ်တို့မှာလည်း ထိုကိစ္စအတွက် ထောင်ဒဏ် အနှစ် ၄၀ နှင့် ၁၆ နှစ် အသီးသီး ချမှတ်ခံခဲ့ရသည်။

    စီရင်ချက်ချမှတ်ပြီးနောက် ကာဇ်မီနှင့် အက်ဖ်တဘ်တို့ကို တရားရုံးဝင်းအတွင်း ဖမ်းဆီးခဲ့ပြီး ပြည်ထောင်စု စုံစမ်းစစ်ဆေးရေး အေဂျင်စီ FIA မှ တာဝန်ရှိသူများက အဒီယာလာထောင်သို့ ခေါ်ဆောင်သွားကြသည်။ ညွှန်ကြားရေးမှူးချုပ် ရှကီးလ်ကိုမူ လာဟိုးရ်မြို့တွင် ထိန်းသိမ်းထားပြီဖြစ်သည်။

    တရားလိုရှေ့နေများက တင်ပြသော သက်သေ ၆၀ ကို ပြီးခဲ့သည့်သီတင်းပတ်က စစ်ဆေးခဲ့ပြီးနောက် စီရင်ချက်ကို ယနေ့တွင် ချမှတ်ခဲ့ခြင်းဖြစ်ပြီး အစ္စလာမ်မာဘတ်ဗဟိုတရားရုံးသို့ အယူခံဝင်နိုင်မည်ဖြစ်သည်။

    ဟဂ်ျဘုရားဖူးခရီးစဉ်တွင် မသမာမှုကိစ္စမှာ ၂၀၁၀ နှင့် ၂၀၁၂ ခုနှစ်အကြား ပါကစ္စတန်နိုင်ငံရေးလောကတွင် ဟိုးလေးတကျော်ကျော်ဖြစ်ခဲ့ပြီး ဟာမစ် စအီးဒ် ကာဇ်မီနှင့် အဇမ် ဆွာတီတို့မှာ ကက်ဘိနတ်အဖွဲ့မှ ထွက်ခဲ့ရသည်အထိ ဖြစ်ခဲ့သည်။ ကာဇ်မီမှာ ၂၀၀၉ ခုနှစ်က ဟဂ်ျစေလွှတ်ရေး ကိစ္စများတွင် မသမာမှုများ ပြုလုပ်ခဲ့သောကြောင့် ထောင်ဒဏ် ၂ နှစ်နီးပါး ကျခံရဖူးသူဖြစ်သည်။

    Ref: Dawn

  • ၂၀၁၆ ခုနှစ် ခွဲတမ်း ဟာဂျီ ၂၈၀ ဦး အတွက် ဝန်ဆောင်မှုပေးမည့် ကုမ္ပဏီအား ချိပ်ပိတ်တင်ဒါခေါ်ယူ

    ၂၀၁၆ ခုနှစ် ခွဲတမ်း ဟာဂျီ ၂၈၀ ဦး အတွက် ဝန်ဆောင်မှုပေးမည့် ကုမ္ပဏီအား ချိပ်ပိတ်တင်ဒါခေါ်ယူ

    မေ ၁၈ ၊ ၂၀၁၆
    M-Media
    သီဟ
    Tindar
    ၂၀၁၆ ခုနှစ်အတွက် အစိုးရ မဲဟာဂျီလို့ လူသိများတဲ့ ခွဲတမ်းဟဂ်ျ (၂၈၀) အတွက် ဟဂ်ျခရီးစဉ် ပို့ဆောင်ပေးနိုင်မယ့် ကုမ္ပဏီကို ချိပ်ပိတ်တင်ဒါ တင်သွင်းဖို့  ဟဂ်ျစေလွှတ်ရေး ကြီးကြပ်မှုကော်မတီက  ကြေညာထားပါတယ်။

    တင်ဒါတင်သွင်းလိုတဲ့ ကုမ္ပဏီများဟာ ၂၀၊ ၅၊ ၂၀၁၆ တွင် တင်ဒါများကို တစုံ(၅၀၀၀) ကျပ်ဖြင့် စတင်ဝယ်ယူနိုင်ပြီး ၃၁၊ ၅၊ ၂၀၁၆ မွန်းလွဲ ၂ နာရီနောက်ဆုံးထား ပြီး တင်သွင်းရမှာ ဖြစ်တယ်လို့ သိရပါတယ်။   တင်ဒါအောင်မြင်သည့် ကုမ္ပဏီကို ၃၁၊ ၅၊ ၂၀၁၆ ညနေ ၄ နာရီမှာ အတည်ပြုကြေညာပေးမယ်လို့ သိရပါတယ်။

    ခွဲတမ်းဟဂ်ျ (မဲဟာဂျီ)ဆိုသည်မှာ သာသနာရေးဝန်ကြီးဌာနက ခွဲတမ်းရတဲ့ ဦးရေ (၂၈၀) ကို လျှောက်ထားသူတွေအား မဲစနစ်နဲ့ရွေးချယ် စေလွှတ်ခံရသူတွေဖြစ်ကြောင်း သိရပါတယ်။ အဆိုပါ ခွဲတမ်း ရရှိတဲ့ သူတွေကို ဝန်ဆောင်မှုပေးမယ့် ကုမ္ပဏီကို သတင်းစာမှာ ကြော်ငြာ ထည့်ပြိး တင်ဒါခေါ်ယူကြောင်း တင်ဒါလာတင်တဲ့ ကုမ္ပဏီရဲ့ ခိုင်မာမှု၊ ဝန်ဆောင်မှု အကောင်းဆုံးနဲ့ ဈေးနှုန်း သင့်တင့်မှုတွေအပေါ် အခြေခံပြီး အစ္စလာမ် ဘာသာရေး အဖွဲ့ကြီး ၅ ဖွဲ့မှ တာဝန်ရှိသူများဖြင့် ဖွဲ့စည်းထားတဲ့ ဟဂ်ျစေလွှတ်ရေး ကြီးကြပ်မှုကော်မတီက ရွေးချယ် ကြောင်း၊ ရွေးချယ်ခံရတဲ့ ဝန်ဆောင်မှုပေးမယ့် ကုမ္ပဏီများအနေဖြင့် ဟဂ်ျစေလွှတ်ရေး ကြီးကြပ်မှုကော်မတီ ကို အာမခံငွေပေးထားရကြောင်း၊ ဒါကြောင့် လိမ်တာကောက်တာ လုပ်လို့မရကြောင်း၊ ဒါအပြင် ခေါ်ဆောင်သွားမယ့် ဟာဂျီလောင်းများ၏ နေထိုင်၊စားသောက်မှု စသည့် ဝန်ဆောင်မှု ပေးရမည့် အချက်အလက်များကို စည်းကမ်းချက်များတွင် ဖော်ပြထားပြီး စာချူပ်တွင် အသေးစိတ် ထည့်ပြီး ချူပ်ဆိုထားကြောင်း တင်ဒါရွေးချယ်ပုံနှင့် ပတ်သက်ပြီး ၂၀၁၆ ခုနှစ် ဟဂ်ျစေလွှတ်ရေး ကြီးကြပ်မှုကော်မတီ ဥက္ကဌ အလ်ဟဂ်ျ ဦးတင်မောင်သန်းက M-Media ကိုရှင်းပြပါတယ်။

    ၂၀၁၅ ခုနှစ်က ခွဲတမ်းဟာဂျီများကို ဝန်ဆောင်မှုပေးဖို့ အတွက် ရောင်စဉ် အလင်းတန်း ခရီသွားလာရေး ကုမ္ပဏီမှ ဝန်ဆောင်ခ U$2,175.(အမေရိကန်ဒေါ်လာ-၂၁၇၅) လည်းကောင်း ၊၂၀၁၄ ခုနှစ် တွင် Great Desert Company နှင့် A Pleasant House Company တို့ မှ တစ်ဦးလျှင် ၂၂ သိန်း ၅ သောင်းနှုံးဖြင့် လည်းကောင်း တင်ဒါအောင်မြင်ခဲ့ကြပြီး ၂၀၁၃ ခုနှစ် မှာ ကျပ် ၂၉ သိန်း လည်းကောင်း ၂၀၁၂ ခုနှစ်တွင် ကျပ် ၃၂ သိန်း အသီးသီး ဝန်ဆောင်ခများ ရှိခဲ့ကြောင်း သိရှိရပါတယ်။

    ခွဲတမ်းဟဂ်ျ စီမံခန့်ခွဲမှုများ ကို ယခင်က သာသနာရေးဝန်ကြီးဌာနမှ တိုက်ရိုက်ကိုင်တွယ်ခဲ့ပြီး ၂၀၁၄ ခုနှစ်မှစတင်ပြီး အစ္စလာမ် ဘာသာရေး အဖွဲ့ကြီးကို လုပ်ပိုင်ခွင့် လွှဲအပ်ခဲ့တာဖြစ်ပါတယ်။

    ပြင်ပမှ သွားရောက်တဲ့ ဟာဂျီတွေကတော့ ဆော်ဒီ ဟဂ်ျရေးရာဝန်ကြီးဌာက ခွဲတမ်းရထားတဲ့ မြန်မာနိုင်ငံက ကုမ္ပဏီတွေ ကနေတဆင့် သွားရောက်တဲ့ သူတွေဖြစ်ကြောင်းသိရတယ်။ ယမန်နှစ်ကတော့ ပြင်ပမှ သွားရောက်သူ ၃၀၀၀ ကျော်ဝန်းကျင် ရှိပြီးကုန်ကျစရိတ်ကတော့ အမေရိကန်ဒေါ်လာ ၅၀၀၀ မှ ၆၀၀၀ အထိ ဝန်ဆောင်မှုပေးတဲ့ပေါ်မှုတည်ပြီး ဈေးနှုန်းများ ကွဲပြားကြောင်းသိရှိရပါတယ်။

    အစ္စလာမ်ဘာသာဝင်တွေမှာ မဖြစ်မနေ လိုက်နာကျင့်သုံးရတဲ့ မဏ္ဍိုင်ကြီး (၅) ရပ်အနက် “ဟဂ်ျ” လို့ခေါ်တဲ့ ဆော်ဒီအာရေဗျနိုင်ငံ မက္ကာရွှေမြို့တော်သို့ သွားရောက်ပြီး သာသနာ့ကျင့်စဉ် ကိစ္စရပ်များကို ပြုမူ ဆောင်ရွက်ခြင်းဟာ တစ်ခုအပါအ၀င် ဖြစ် ပါတယ်။ ငွေကြေးတတ် စွမ်းနိုင်သူတို့အဖို့ မဖြစ်မနေ လုပ်ရမယ့် တာဝန်တစ်ရပ်သာ ဖြစ်ပါတယ်။