News @ M-Media

Tag: 2017 Hajj

  • မက္ကာမှာ ဇမ်ဇမ်ရေကို ဘယ်မိသားစုတွေက ဦးစီး ဝေငှနေသလဲ

    မက္ကာမှာ ဇမ်ဇမ်ရေကို ဘယ်မိသားစုတွေက ဦးစီး ဝေငှနေသလဲ

    ဇူလိုင် ၃၁၊ ၂၀၁၇
    M-Media

    မဒီနာရှိ တမန်တော်မြတ်ဗလီတွင် တွေ့ရသည် ဇမ်ဇမ်းရေဘူးများ

    – ဆော်ဒီအာရေဗျကို ဟဂ်ျကျင့်စဉ်အတွက် သွားရောက်သူတွေကို များသောအားဖြင့် လူငယ်တွေက ‘ဇမ်ဇမ်ရေ’ ပုလင်းတွေကို ဝေငှပေးလေ့ ရှိပါတယ်။

    တမန်တော်ကြီး အီဗရာဟင်သခင်ရဲ့ သားတော် အစ္စမာအီလ်သခင်ရဲ့ အကြောင်းခံနဲ့ ဘုရားသခင်က သဲကန္တာရခေါင်ခေါင်ကနေ ပေါ်ထွက်စေခဲ့တယ်လို့ မွတ်စလင်တွေက ယုံကြည်တဲ့ ‘ဇမ်ဇမ်ရေတွင်း’ ဟာ မက္ကာမှာရှိပြီး ဒီရေတွင်းကရေကို သောက်ခြင်းဟာ ဂုဏ်ယူစရာတစ်ခုလို့ ယူဆထားပါတယ်။

    မက္ကာကိုလာရောက်တဲ့ သူတွေကို ဒီဇမ်ဇမ်ရေ ဝေငှပေးတာဟာ လွန်ခဲ့တဲ့ နှစ်ပေါင်း ၁၄၀၀ အရင် အစ္စလာမ်သာသနာ မပေါ်ထွန်းခင်ကတည်းက ရှိခဲ့တဲ့ ဓလေ့တစ်ခုဖြစ်ပါတယ်။

    အဲဒီတုန်းက တမန်တော်မုဟမ္မဒ်သခင်ရဲ့ ဘိုးတော် အဘ်ဒူလ် မူတာလစ်ဘ်မိသားစုက ရေဝေငှရေး တာဝန်ကို ယူခဲ့ပြီး၊ နောက်ပိုင်းမှာ တမန်တော်က ဦးရီးတော် အဘတ်စ် ဘင် အဘ်ဒူလ် မူတာလစ်ဘ်ကို တာဝန်ပေးခဲ့ပါတယ်။ အဲဒီနောက် အလ်-ဇူဘိုင်းမိသားစုက ဇမ်ဇမ်ရေ ပေးဝေမှုကို စီမံခန့်ခွဲခဲ့ပါတယ်။

    ဟဂ်ျကျင့်စဉ်အတွက် လာရောက်သူတွေ တစ်နှစ်ထက်တစ်နှစ် များပြားလာတာကြောင့် အခြားသာ မိသားစုဝင်တွေကလည်း ဒီတာဝန်ကို နောက်ပိုင်းမှာ ရယူခဲ့ကြပါတယ်။

    ဇမ်ဇမ်ရေပေးဝေရေးရုံး Zamazemah United Office က ဥက္ကဌ အဘ်ဒူလ်ဟာဒီ အဘ်ဒူလ် ဂျာလီ ဇမ်ဇာမီက မက္ကာရဲ့ မတ်စ်ဂျစ်ဒ်ဟရမ် ဗလီဝတ်ကျောင်းတော်မှာ ရေအေးစက်တွေ မရှိခင်တုန်းက ဇမ်ဇမ်ရေပေးဝေရေး မိသားစုတွေဟာ နေရာတွေခွဲတာ ဒီရေတွေကို ပေးဝေခဲ့တယ်လို့ ဆိုပါတယ်။

    “တစ်နေရာစီမှာ မိသားစုတစ်စုစီ ထားရှိပြီး သူတို့တွေက မြေအိုးကြီးတွေ၊ ကြေးအိုးကြီးတွေကိုတည်ကာ လာရောက်လည်ပတ်သူတွေ၊ ဟဂ်ျပြုဖို့ လာရောက်သူတွေကို ဇမ်ဇမ်ရေ ဝေငှခဲ့ကြပါတယ်” လို့ အဘ်ဒူလ်ဟာဒီက ပြောကြားခဲ့ပြီး ဟဂ်ျပြုကျင့်ဖို့ လာရောက်သူတွေကလည်း ကူညီကြပါသတဲ့။

    ၁၉၈၂ ခုနှစ်မှာတော့ ဆော်ဒီအစိုးရက ဒီ ဇမ်ဇမ်ရေဝေငှရေးလုပ်ငန်းကို မတ်စ်ဂျစ်ဒ်ဟရမ် ဗလီနဲ့ မဒီနာက တမန်တော်မြတ်ဗလီ စီမံခန့်ခွဲရေးအဖွဲ့က ကြီးကြပ်ဆောင်ရွက်မယ်လို့ အမိန့်ထုတ်ပြန်ခဲ့တာကြောင့် ဇမာဇီမဟ် မိသားစုတွေဟာ မတ်စ်ဂျစ်ဒ် ဟရမ် ၀တ်ကျောင်းတော်အတွင်းမှာ ဇမ်ဇမ်ရေပေးဝေရေးလုပ်ငန်းကို ရပ်တန့်ခဲ့ရပါတယ်။

    ဒါပေမယ့် သူတို့ဟာ အစိုးရက ကြီးကြပ်တဲ့ Zamazemah United Office အောက်မှာ ဆက်လက်ပါဝင်ခဲ့ပြီး ဇမ်ဇမ်ရေကို နေ့စဉ် ဝေငှနေကြပါတယ်။

    အဘ်ဒူလ်ဟာဒီက သူတို့တွေဟာ တစ်နှစ်ကို ဟဂ်ျခရီးသွားပေါင်း ၂ သန်းကျော်လောက်ကို ဇမ်ဇမ်ရေ ဝေငှပေးနေရတယ်လို့ ပြောကြားခဲ့ပါတယ်။

    Ref: Alarabiya

  • ဟဂ်ျကိစ္စအတွက် ဆော်ဒီနှင့် ကာတာအကြား တင်းမာမှု မြင့်တက်လာ

    ဟဂ်ျကိစ္စအတွက် ဆော်ဒီနှင့် ကာတာအကြား တင်းမာမှု မြင့်တက်လာ

    ဇူလိုင် ၃၁၊ ၂၀၁၇
    M-Media

    – ကမ္ဘာတစ်ဝှမ်းက အစ္စလာမ်ဘာသာဝင်တွေ နှစ်စဉ်သွားရောက်ကြတဲ့ ဟဂ်ျဘုရားဖူးခရီးစဉ်ကို ဆော်ဒီက နိုင်ငံရေးအတွက် အသုံးချဖို့ ကြိုးစားနေတယ်လို့ ကာတာက ပြောကြားခဲ့ပြီးတဲ့နောက်ပိုင်း နှစ်နိုင်ငံအကြား ဒီကိစ္စအတွက် တင်းမာမှုတွေ မြင့်တက်လာပါတယ်။

    အစ္စလာမ်သာသနာရဲ့ အဓိကမဏ္ဍိုင် ၅ ခုထဲက တစ်ခုဖြစ်တဲ့ ဒီဟဂ်ျကျင့်စဉ်အတွက် နှစ်စဉ် ကမ္ဘာတစ်ဝှမ်းက မွတ်စလင် သန်းနဲ့ချီ လာရောက်ကြတာ ဖြစ်ပါတယ်။ ဒီနှစ်အတွက် ဟဂ်ျကာလက သြဂုတ်နှောင်းပိုင်းနဲ့ စက်တင်ဘာ အစောပိုင်းမှာ ကျရောက်မှာပါ။

    လက်ရှိမှာ ဆော်ဒီဦးဆောင်တဲ့ အုပ်စုနဲ့ ကာတာတို့ဟာ သံတမန်ရေးရာ ပြဿနာဖြစ်နေပြီး ကာတာက သူတို့နိုင်ငံသားတွေ ဟဂ်ျသွားရောက်မှုမှာ အဟန့်အတားတွေ ကြုံနေရတဲ့အတွက် စိုးရိမ်ကြောင်း၊ ဆော်ဒီအနေနဲ့ ဟဂ်ျခရီးစဉ်ကို နိုင်ငံရေးအတွက် အသုံးချနေကြောင်း၊ ကုလရဲ့ ဘာသာရေးလွတ်လပ်ခွင့်ဆိုင်ရာ အထူးကိုယ်စားလှယ်နဲ့ စနေနေ့က တွေ့ဆုံစဉ်အတွင်း ကာတာလူ့အခွင့်အရေးကော်မရှင် (NHRC) က ပြောကြားခဲ့ပြီး၊ အစီရင်ခံစာတစ်စောင်လည်း တင်သွင်းခဲ့ပါတယ်။

    ဆော်ဒီက ကာတာနိုင်ငံသားတွေကို ဟဂ်ျပြုခွင့်ပေးပေမယ့် ဂျစ်ဒါက ဘုရင် အဘ်ဒူလ်အဇစ် လေဆိပ်၊ မဒီနာက မင်းသား မိုဟာမက်ဘင် အဘ်ဒူလ်အဇစ် လေဆိပ် စတဲ့ လေဆိပ်နှစ်ခုကနေသာ ၀င်ရောက်ခွင့်ပေးတာ ဖြစ်ပါတယ်။ ပြည်ပရောက်နေတဲ့ ကာတာနိုင်ငံသားတွေလည်း ဟဂ်ျပြုချင်တယ်ဆိုရင် ကာတာကိုပြန်လာပြီးမှသာ ဆော်ဒီကို သွားရောက်ရပါတယ်။

    ဆော်ဒီ အရပ်ဖက် လေကြောင်းအာဏာပိုင်အဖွဲ့ (GACA) က ဟဂ်ျကာလအတွင်း ဘုရားဖူးတွေကို ပို့ဆောင်ပေးမယ့် ကာတာလေကြောင်းလိုင်းက လေယာဉ်တွေကို ၀င်ရောက်ခွင့် မပေးပါဘူး။ ကုန်းနယ်စပ်ကိုလည်း ဇွန်လ ၅ ရက်နေ့က ပိတ်ပစ်ခဲ့တာကြောင့် ကာတာနိုင်ငံသားတွေဟာ ကုန်လမ်းကနေလည်း ၀င်ရောက်ခွင့် မရပါဘူး။

    ဆော်ဒီက တုန့်ပြန်

    ဆော်ဒီနိုင်ငံခြားရေးဝန်ကြီး အဘ်ဒဲလ် ဂျူဘိုင်းရ်က ကာတာရဲ့ ဒီပြောကြားချက်တွေဟာ ‘စစ်ကြေငြာခြင်း’ သာ ဖြစ်တယ်လို့ မနေ့မှာ ပြန်လည်တုန့်ပြန်ခဲ့ပါတယ်။

    “မြင့်မြတ်ရာနေရာတွေကို နိုင်ငံတကာရဲ့ ကိစ္စဖြစ်အောင် လုပ်တဲ့လုပ်ရပ်ဟာ ရန်စတဲ့လုပ်ရပ်ဖြစ်ပြီး၊ ဘုရင့်နိုင်ငံကို စစ်ကြေငြာမှုလည်း ဖြစ်ပါတယ်” လို့ အာရပ်နိုင်ငံတွေရဲ့ Anti-Terror Quartet (ATQ) အစည်းအဝေးမှာ ပြောခဲ့ပြီး ဒီလိုတောင်းဆိုမှုမျိုး ပြုလုပ်တဲ့ ဘယ်သူ့ကိုမဆို ဆော်ဒီက တုန့်ပြန်ခွင့်ရှိတယ်လို့လည်း ဆိုပါတယ်။

    ကုလကိုယ်စားလှယ်ကို ကာတာကတင်သွင်းခဲ့တဲ့ အစီရင်ခံစာထဲမှာ ဆော်ဒီအနေနဲ့ နိုင်ငံတကာ ဥပဒေ၊ ဘာသာရေးလွတ်လပ်ခွင့်တွေကို ချိုးဖောက်နေကြောင်း ဖော်ပြထားပြီး ဂျူဘိုင်းရ်က မိမိတို့ဟာ ဘာသာရေး လွတ်လပ်ခွင့်ကို မတားဆီးကြောင်း၊ ဟဂ်ျအတွက်လာရောက်မယ့် ကမ္ဘာတစ်ဝှမ်းက မွတ်စလင်အားလုံးကို ကြိုဆိုကြောင်း ထည့်သွင်းပြောဆိုခဲ့ပါတယ်။

    ကာတာအနေနဲ့ လက်ရှိရင်ဆိုင်နေရတဲ့ သံတမန်ပြဿနာအပေါ် ပြည်သူတွေရဲ့ အာရုံစိုက်မှုကို ရှောင်လွှဲလိုတဲ့အတွက် ဒီလို ပြောကြားခြင်းသာဖြစ်ကြောင်းလည်း ၎င်းက ဆိုပါတယ်။

    ကာတာနိုင်ငံခြားရေးဝန်ကြီး ရှိခ် မိုဟာမက် ဘင် အဘ်ဒူလ်ရဟ်မန် အလ် သာနီကလည်း ဂျူဘိုင်းရ်ရဲ့ ဒီပြောကြားချက်ကို ဒီနေ့မှာ ပယ်ချခဲ့ပါတယ်။

    “ဟဂ်ျကိစ္စကို ကာတာက ဘယ်တော့မှ နိုင်ငံရေးအတွက် အသုံးမချပါဘူး။ ပင်လယ်ကွေ့ပြဿနာရှိနေတဲ့အချိန် ဆော်ဒီကသာ ဒီခရီးစဉ်ကို နိုင်ငံရေးဇာတ်သွင်းဖို့ ကြိုးစားနေတာပါ။ ဟဂ်ျကိစ္စကို နိုင်ငံတကာကိစ္စဖြစ်အောင် ကာတာက ဘယ်တာဝန်ရှိသူကမှ မပြောခဲ့ပါဘူး” လို့ ၀န်ကြီးက ပြောခဲ့ပါတယ်။

    Ref: Aljazeera, RT

  • ဆီးရီးယားအတွက် ရန်ပုံငွေရှာရင်း စက်ဘီးနဲ့ ဟဂ်ျသွားလုပ်မယ့် လန်ဒန်က မွတ်စလင်အဖွဲ့

    ဆီးရီးယားအတွက် ရန်ပုံငွေရှာရင်း စက်ဘီးနဲ့ ဟဂ်ျသွားလုပ်မယ့် လန်ဒန်က မွတ်စလင်အဖွဲ့

    ဇူလိုင် ၁၃၊ ၂၀၁၇
    M-Media

    Hajj Ride ခရီးသွားမည့် လန်ဒန်က မွတ်စလင်အဖွဲ့

    – ဆီးရီးယားနိုင်ငံက အတိဒုက္ခရောက်နေတဲ့ ပြည်သူတွေကို ကူညီနိုင်ရေး ရန်ပုံငွေရှာဖွေဖို့ဆိုတဲ့ ရည်ရွယ်ချက်နဲ့ ဗြိတိန်က မွတ်စလင် ၈ ဦးဟာ လန်ဒန်ကနေ ဆော်ဒီအာရေဗျကို စက်ဘီးစီးပြီး ဟဂ်ျသွားရောက်ပြုလုပ်ကြမယ်လို့ သိရပါတယ်။

    ဘင်္ဂါလီဗြိတိသျှ ၃ ဦး၊ ပါကစ္စတန်ဗြိတိသျှ ၄ ဦးနဲ့ ဗြိတိန်နိုင်ငံသားတစ်ဦးပါဝင်မယ့် အဖွဲ့ရဲ့ ဒီခရီးစဉ်ကို Hajj Ride လို့ပေးထားပြီး လန်ဒန်၊ ပြင်သစ်၊ ဆွစ်ဇာလန်၊ ဂျာမနီ၊ သြစတြီးယား၊ လက်ချင်စတိန်းနဲ့ အီတလီ၊ အဲဒီကနေ ဂရိ၊ အီဂျစ်ကိုသွားကာ ဆော်ဒီထဲဝင်မှာ ဖြစ်ပါတယ်။

    ဒီခရီးစဉ်အတွက် အတွေးရခဲ့တဲ့ ဗြိတိန်မွတ်စလင် အဘ်ဒူလ်ဝါဟစ်က ရှေးခေတ်မွတ်စလင်တွေ ဟဂ်ျကျင့်စဉ်အတွက် ဆော်ဒီကို သွားရောက်ရတဲ့ ခံစားချက်မျိုး ပြန်လည်ခံစားလိုတဲ့ ရည်ရွယ်ချက်နဲ့ ဒီခရီးစဉ်ကို စီစဉ်ခဲ့တာဖြစ်တယ်လို့ ဆိုပါတယ်။ လွန်ခဲ့တဲ့ ၁၁ နှစ် အစ္စလာမ်ဘာသာကို ပြောင်းလဲသက်ဝင်ကတည်းက တစ်နေ့ ဒီလို အစီအစဉ်မျိုးလုပ်မယ်လို့ သူက တွေးခဲ့တာပါ။

    “မွတ်စလင်တစ်ယောက်ဖြစ်လာရင် အစားအသောက်၊ အနေအထိုင် အားလုံးပြောင်းရမယ်လို့ လူတွေက ပြောကြပါတယ်။ ကျွန်တော့်ရဲ့ ဘ၀နေထိုင်မှုတွေကို ဘယ်လိုပေါင်းစပ်ရမလဲဆိုတာ ကျွန်တော် အချိန်ယူပြီး စဉ်းစားခဲ့ပါတယ်။ ကျွန်တော် စက်ဘီးစီးရတာကို မြတ်နိုးတာယ်၊ ဟဂ်ျလည်းသွားချင်တယ်။ ဒါဆိုရင် ဘာ့ကြောင့် အရင်တုန်းက ခရီးသွားနည်းလမ်ဟောင်းကို သုံးလို့မရရမှာလဲလို့ အတွေးရခဲ့ပါတယ်” လို့ ၀ါဟစ်က ပြောကြားခဲ့ပါတယ်။

    ၀ါဟစ်တို့ ၈ ယောက်အဖွဲ့ဟာ Human Aid အမည်နဲ့ ယူကေအခြေစိုက်ပြီး ပရဟိတလုပ်ငန်းတွေကို လုပ်ဆောင်နေတာဖြစ်ပြီး စက်ဘီးစီးအားကစားသမားတွေ မဟုတ်ကြပါဘူး။ ခရီးစဉ်က ၆ ပတ်တာကြာမြင့်မှာဖြစ်ပြီး နေ့ခင်းခရီးဆက်ကာ ညဘက်မှာ အနားယူကြမှာ ဖြစ်ပါတယ်။ သူတို့ရပ်နားမယ့်ဒေသတွေက စိတ်ပါဝင်စားသူတွေအနေနဲ့ ပူးပေါင်းပါဝင်နိုင်တယ်လို့လည်း ကြေငြာထားပါတယ်။

    ရန်ပုံငွေရှာဖွေရေး

    Hajj Ride ခရီးစဉ်မှာ ရန်ပုံငွေ ပေါင် ၁ သန်းလောက် ရမယ်လို့ ၀ါဟစ်တို့အဖွဲ့က မျှော်လင့်ထားပြီး ရတဲ့ အလှူငွေအားလုံးကို ဆီးရီးယားက အရေးပေါ်ဆေးဝါးကုသမှုအတွက် လိုအပ်တဲ့နေရာတွေမှာ သုံးစွဲဖို့ ပေးအပ်သွားမှာ ဖြစ်ပါတယ်။

    နောက်ပြီး ဒီခရီးစဉ်ကို ကျန်းမာရေးဆိုင်ရာ အသိပညာပေးဖို့လည်း ၀ါဟစ်က ရည်ရွယ်နေပါတယ်။ ၀ါဟစ်ဟာ ၂၀၁၅ ခုနှစ်မှာ လန်ဒန်ကနေ ပဲရစ်ကို စက်ဘီးနဲ့ ခရီးသွားတဲ့ လှုပ်ရှားမှုမှာ ပါဝင်ခဲ့သူဖြစ်ပါတယ်။

    “ကျွန်တော်တို့ရဲ့ မိသားစုဝင်တွေ၊ မိတ်ဆွေတွေနဲ့ ဝေးတဲ့ လမ်းတွေပေါ်မှာ ၂ လနီးပါးလောက် ရှိနေရတာဟာ အကြီးမားဆုံး စိန်ခေါ်မှုကြီးဖြစ်မှာပါ။ အခက်အခဲတွေ ကြုံတွေ့ရတဲ့အချိန်မှာ ကျွန်တော်တို့ဟာ တစ်ဦးကိုတစ်ဦး ကူညီဖေးမပေးဖို့ လိုအပ်ပါတယ်”

    ဘင်္ဂလာဒေ့ရ်ှမှာမွေးပြီး လန်ဒန်မှာကြီးပြင်းခဲ့တဲ့ ဓာတ်ခွဲခန်းပညာရှင် ဒိုဘီရ် အူဒင်က အဲလ်ပ်စ်တောင်တန်းနဲ့ အာရပ်ဒေသက တောင်တွေကို တက်ရမယ့် ခရီးတွေ ရှိနေတာကြောင့် စက်ဘီးသမားတွေရဲ့ အဓိကအခက်အခဲက တောင်တက်ခရီးစဉ်ဖြစ်မယ်လို့ ဆိုပါတယ်။

    “တောင်တက်ရင်တော့ အချိန်ယူရမယ်။ ဂရိကနေ အရှေ့ဆက်သွားရင် နေပူဒဏ်က စိန်ခေါ်မှုတစ်ခု ဖြစ်မှာဖြစ်ပြီး ကျွန်တော်တို့ဟာ နေပူထဲမှာ လေ့ကျင့်ထားတာမျိုး မရှိပါဘူး” လို့ သူက ပြောကြားခဲ့ပါတယ်။

    ဒိုဘီရ်အူဒင်ရဲ့ မိသားစုတွေက စောစောပိုင်းမှာ ဒီခရီးစဉ်အတွက် သံသယရှိခဲ့ပေမယ့် နောက်ပိုင်းမှာတော့ ထောက်ခံအားပေးခဲ့ကြပါတယ်။

    ဟဂ်ျခရီးစဉ်ကို စက်ဘီးနဲ့ သွားရောက်တာဟာ အခုအကြိမ်က ပထမဆုံးအကြိမ်မဟုတ်ပါဘူး။ ယခင်ကလည်း တရုတ်နဲ့ ရုရှားတို့က မွတ်စလင်တွေဟာ ဟဂ်ျခရီးစဉ်အတွက် စက်ဘီးနဲ့ သွားခဲ့ကြဖူးပါတယ်။

    ဒါပေမယ့် လန်ဒန်က အခုခရီးစဉ်ကတော့ ဘာသာရေးတာဝန်တစ်ခုကို ကျေပွန်ဖို့သက်သက်အတွက် မဟုတ်ဘဲ အတိဒုက္ခရောက်နေသူတွေကို ကူညီထောက်ပံ့ရေး ပရဟိတရည်ရွယ်ချက်လည်း ပါဝင်နေပါတယ်။

    Ref: Alarabiya

     

  • ဟဂ်ျနှင့် အွမ္မရာဟ် ၀န်ဆောင်မှု တိုးတက်စေရေး ဆော်ဒီ ဆောင်ရွက်မည်

    ဟဂ်ျနှင့် အွမ္မရာဟ် ၀န်ဆောင်မှု တိုးတက်စေရေး ဆော်ဒီ ဆောင်ရွက်မည်

    ဧပြီ ၃၀၊ ၂၀၁၇
    M-Media

    – ဟဂ်ျနှင့် အွမ္မရာဟ် ခရီးစဉ်အတွက် စနစ်နှင့် လိုအပ်သည့် အဆောက်အဦးများ၊ ၀န်ဆောင်မှုမျာအားလုံး ဖွံ့ဖြိုးတိုးတက်လာစေရေး ဆောင်ရွက်ရန်အတွက် ဆော်ဒီအစိုးရက ဆန္ဒရှိနေသည်ဟု သိရသည်။

    “(ဟဂ်ျနှင့် အွမ္မရာဟ် သုတေသန) စင်တာရဲ့ သုတေသနတွေအရ လုံခြုံစိတ်ချရတဲ့ ဟဂ်ျနဲ့ အွမ္မရာဟ်ခရီးစဉ်ဖြစ်ဖို့အတွက် အစီအစဉ်အတွေ၊ အစီအမံတွေကို တိုးတက်အတွက် အစိုးရနဲ့ သက်ဆိုင်တဲ့ အာဏာပိုင်အဖွဲ့တွေက လူသားပိုင်း၊ နည်းပညာပိုင်းဆိုင်ရာ တတ်စွမ်းနိုင်သမျှကို ပူးပေါင်းလုပ်ဆောင်နေပါတယ်” ဟု စင်တာ၏ အထွေထွေ ကြီးကြပ်ရေးမှူး ဘက္ကရီ ဘင် မာတွက် အက်ဆက်စ်က ပြောကြားခဲ့သည်။

    ဟဂ်ျနှင့် အွမ္မရာဆိုင်ရာ ၁၇ ကြိမ်မြောက် သုတေသန အစည်းအဝေးကို မေလ ၁၀ ရက်နေ့တွင် မဒီနာမြို့၌ ကျးပပြုလုပ်သွားမည်ဟုလည်း ၎င်းက ထည့်သွင်းပြောကြားခဲ့သည်။

    သုတေသနစင်တာမှာ ဘုရားဖူးများ ကြုံတွေ့ရသည့် အခက်အခဲများကို ဖြေရှင်းရေး သိပ္ပံနည်းကျ သုတေသနနှင့် လေ့လာမှုများကို အထူးအာရုံစိုက် ဆောင်ရွက်ပြီး၊ ပိုမိုလုံခြုံသည့် ဟဂ်ျနှင့် အွမ္မရာဟ်ဖြစ်ရေး စီမံကိန်းများ ဖြစ်ပေါ်လာရန် သိပ္ပံနည်းကျနှင့် လက်တွေအဆင်ပြေမည့် အကြံပြုချက်များ အဖြေများကို ဖော်ဆောင်ပေးသည်။

    မေလတွင် ပြုလုပ်မည့် ၁၇ ကြိမ်မြောက်အစည်းဝေးတွင် နိုင်ငံတစ်ဝှမ်းရှိ တက္ကသိုလ်များ၊ သုတသနအသင်းများမှ သုတေသနပညာရှင်များ၊ စပါယ်ရှယ်လစ်များ၊ အစိုးရဌာနများနှင့် ပုဂ္ဂိလိကဖက်မှ တာဝန်ရှိသူများ ပါဝင်ကာ ဟဂ်ျနှင့် အွမ္မရာဟ် လာရောက်သူများအတွက် ပေးအပ်နေသည့် ၀န်ဆောင်မှုများ တိုးတက်ရေး၊ အခက်အခဲများ ဖြေရှင်းပေးရေးတို့ကို ဆွေးနွေးသွားမည်ဟုလည်း အက်ဆက်စ်က ပြောကြားခဲ့သည်။

    Ref : Arab News