စက်တင်ဘာ ၄၊ ၂၀၁၇
M-Media
– အခုနှစ် ဟဂ်ျကျင့်စဉ်ကို ဆောက်တည်ကြတဲ့ ကမ္ဘာတစ်ဝှမ်းက အစ္စလာမ်ဘာသာဝင် ၂ သန်းလောက်ဟာ မနေ့က နောက်ဆုံး ၀တ်ပြုဆုတောင်းမှုကို ပြုလုပ်ဖို့အတွက် မက္ကာမြို့ကို ပြန်လည် ရောက်ရှိလာခဲ့ကြပါတယ်။
ယခင်က အခုလိုရာသီမှာ လူတိုးဝှေ့မှုတွေ၊ မီးလောင်မှုတွေ၊ ဆန္ဒပြမှုလိုမျိုး ကိစ္စတွေ ရှိခဲ့ပေမယ့် အခုနှစ်မှာတော့ ဒီလို အဖြစ်အပျက်မျိုးတွေ မဖြစ်ခဲ့ဘဲ အေးအေးချမ်းချမ်းနဲ့ ပြီးဆုံးခဲ့ပါတယ်။
ဟဂ်ျကော်မတီအကြီးအကဲဖြစ်တဲ့ မက္ကာအုပ်ချုပ်ရေးမှူး မင်းသား ခါလစ် အလ်-ဖိုင်ဆယ်က ဒီနှစ် ဟဂ်ျရာသီဟာ အောင်မြင်စွာ ပြီးဆုံးခဲ့ပြီလို့ ဆိုပါတယ်။
“ဒီလိုဝန်ဆောင်မှုမျိုး ပေးအပ်နိုင်တဲ့အတွက် ကျွန်တော့်အနေနဲ့ ဂုဏ်ယူမိသလို၊ ဟဂ်ျကျင့်စဉ်ကို ဆောက်တည်ခဲ့ကြတဲ့ ညီအစ်ကို မောင်နှမအားလုံးအတွက် ဂုဏ်ယူမိပါတယ်။ ဒီ မြင့်မြတ်ရာနယ်မြေကို လာရောက်ပြီး၊ ဟဂ်ျရာသီကို အောင်မြင်စွာပြီးဆုံးအောင် စည်းကမ်းသေ၀ပ်ခဲ့ကြတဲ့ ဘုရားဖူးတိုင်းကိုလည်း ကျွန်တော် ကျေးဇူးတင်ပါတယ်” လို့ မင်းသား ခါလစ်က မက္ကာမြို့အရှေ့ဖက် မီနာမှာ ပြောကြားခဲ့ပါတယ်။
ဟဂ်ျကျင့်စဉ်မှာ ဂျူး၊ ခရစ်ယာန်နဲ့ အစ္စလာမ်ဘာသာတို့ မြစ်ဖျားခံရာ တမန်တော်ကြီး အီဗရာဟင်သခင်၊ ကြင်ယာတော် ဟာဂျရာ သခင်မနဲ့ သားတော် အစ္စမာအီလ်သခင်တို့ရဲ့ ဘုရားသခင်အပေါ် အမိန့်နာခံမှု၊ စွန့်လှူဒါနပြုမှု၊ ခန္တီတရားထားရှိမှု စတာတွေကို အမှတ်ရစေတဲ့ ကျင့်စဉ်တွေ ပါဝင်ပါတယ်။
ဟဂ်ျကျင့်စဉ်ကို ဆောက်တည်သူတွေဟာ မက္ကာမြို့မှာရှိတဲ့ မတ်စ်ဂျစ်ဒ်ဟရမ် ဗလီဝတ်ကျောင်းတော်က ကအ်ဘာ ကျောင်းတော်ကို လက်ယာရစ် လှည့်ပတ်တာ၊ ၀တ်ပြုဆုတောင်းတာတွေကိုလည်း လုပ်ဆောင်ရပါတယ်။
မနေ့ကတော့ ဟဂ်ျကျင့်စဉ်ရဲ့ နောက်ဆုံးအဖြစ် ကမ္ဘာတစ်ဝှမ်းက သန်းနဲ့ချီတဲ့ အစ္စလာမ်ဘာသာဝင်တွေဟာ မက္ကာက မတ်စ်ဂျစ်ဟရမ် ဗလီဝတ်ကျောင်းတော်မှာ ၀တ်ပြုဆုတောင်းခဲ့ကြပါတယ်။
ဒီနှစ် ဟဂ်ျရာသီအတွင်း နိုင်ငံပေါင်းစုံက အစ္စလာမ်ဘာသာဝင် ၂.၃ သန်းဟာ ဆော်ဒီကို လာရောက်ခဲ့ကြပါတယ်။ ၅ ရက်တာကြာမြင့်တဲ့ ဟဂ်ျကျင့်စဉ်ဟာ အစ္စလာမ့်ရဲ့ ခ၀ပ်ကိုးကွယ်မှု မဏ္ဍိုင် ၅ ခုထဲက တစ်ခုဖြစ်ပြီး ငွေကြေးတတ်နိုင်သူတွေအနေနဲ့ တစ်သက်မှာတစ်ခါ ဆောင်ရွက်ရမယ့် ကျင့်စဉ်အဖြစ် သတ်မှတ်ထားတာပါ။
ဒီနှစ် ဟဂ်ျရာသီအတွက် ဆော်ဒီဟာ လုံခြုံရေးတပ်ဖွဲ့ပေါင်း ၁ သိန်းကျော်နဲ့ ကျန်းမာရေးဝန်ထမ်းပေါင်း ၃ သောင်းလောက်ကို ဘုရားဖူးတွေရဲ့ လုံခြုံရေးနဲ့ ကျန်းမာရေးစောင့်ရှောက်မှုအတွက် တာဝန်ပေးခဲ့ပါတယ်။
Ref: Reuters
