News @ M-Media

Tag: 2026 World cup

  • ဗုဒ္ဓဟူးနေ့ ဘောလုံးသတင်းများ

    ဗုဒ္ဓဟူးနေ့ ဘောလုံးသတင်းများ

    ဇွန် ၁၃၊ ၂၀၁၈
    M-Media

    ဘောလုံးလူဆိုး ၁၂၀၀ ကျော်ကို အင်္ဂလန်က ရုရှားသွားခွင့်ပိတ်
    ===============
    အင်္ဂလန်ဘောလုံးလူဆိုး ၁၂၀၀ ကျော်ကို ရုရှားကမ္ဘာ့ဖလားသွားရောက်မှု ပိတ်ပင်ခဲ့တယ်လို့ အင်္ဂလန်ပြည်ထဲရေးဝန်ကြီးဌာနက ဒီနေ့မှာ သတင်းထုတ်ပြန်ပါတယ်။ ဘောလုံးလူဆိုး ၁၃၁၂ ဦးမှာ ၁၂၅၄ ဦးက သူတို့ရဲ့ နိုင်ငံကူးလက်မှတ်တွေကို ပြန်အပ်ခဲ့ပြီး နောက်ထပ် ၅၈ ဦးကိုလည်း နောက်ကြောင်းလိုက်နေတယ်လို့ ဆိုပါတယ်။ ပြည်ထဲရေ၀န်ကြီး နစ်ဟာ့ဒ်က ဒီလိုတားမြစ်တာဟာ ပြိုင်ပွဲကို မထိခိုက်စေချင်လို့ဖြစ်တယ်လို့ ပြောကြားခဲ့ပါတယ်။ ရုရှားကို အင်္ဂလန်ဘောလုံးပရိတ်သတ် တစ်သောင်းလောက် သွားရောက်မယ်လို့ ခန့်မှန်းထားပါတယ်။

    စပိန်လက်ရွေးစင်အသင်းနည်းပြ ရာထူးမှ ထုတ်ပယ်ခံရ
    ================
    ကမ္ဘာ့ဖလားပြိုင်ပွဲကျင်းပဖို့ တစ်ရက်သာ လိုတော့တဲ့အချိန်မှာ စပိန်အသင်းက နည်းပြ ဂျူလီယန် လိုပေတေဂီကို ရာထူးကနေ မနေ့မှာ ထုတ်ပယ်လိုက်ပါတယ်။ ရီးယဲလ်က လိုပေတေဂီဟာ ကမ္ဘာ့ဖလားပြိုင်ပွဲအပြီးမှာ သူတို့အသင်းကို ကိုင်တွယ်မယ်လို့ မနေ့မှာ ကြေငြာခဲ့တာပါ။ စပိန်ဘောလုံးအဖွဲ့ချုပ်က ရီးယဲလ်နဲ့ လိုပေတေဂီတို့ကိစ္စကို ရီးယဲလ်က ကြေငြာချက်မထုတ်ပြန်မီ ၅ မိနစ်အလိုကျမှသာ သိရှိခဲ့ရကြောင်း၊ စပိန်လိုအသင်းမျိုးရဲ့ နည်းပြတစ်ဦးဟာ ဒါမျိုးလုပ်လို့မရတဲ့အတွက် ရာထူးကနေ ထုတ်ပယ်ရတာဖြစ်ကြောင်း ထုတ်ပြန်ခဲ့ပါတယ်။ စပိန်ဟာ သောကြာနေ့မှာ ပေါ်တူဂီနဲ့ ကမ္ဘာ့ဖလားအဖွင့်ပွဲ ကစားရမှာဖြစ်ပြီး အားကစားဒါရိုက်တာဖြစ်သူ ဖာနန်ဒို ဟီယာရိုက အသင်းကို ကိုင်တွယ်သွားမှာ ဖြစ်ပါတယ်။

    ကမ္ဘာ့ဖလားတွင် ဘရာဇီလ်းဗိုလ်စွဲချိန်တန်ပြီဟု ရော်နယ်ဒိုပြော
    =============
    အခုနှစ် ရုရှားကမ္ဘာ့ဖလားမှာ ဘရာဇီးလ်အသင်းဗိုလ်စွဲဖို့ အချိန်တန်ပြီလို့ ကမ္ဘာ့ဖလားကိုင်မြှောက်နိုင်ခဲ့တဲ့ ဂန္တ၀င်တိုက်စစ်မှူး ရော်နယ်ဒိုက ပြောကြားလိုက်ပါတယ်။ ဘရာဇီးလ်ဟာ ၂၀၀၂ ခုနှစ်နောက်ပိုင်း ကမ္ဘာ့ဖလားမှာ ဗိုလ်မစွဲနိုင်တော့ပါဘူး။ ရော်နယ်ဒိုက စပိန်၊ ဂျာမနီ၊ ပြင်သစ်နဲ့ အာဂျင်တီးနားတို့ဟာ တော်တော်လေးကို ကောင်းမွန်ကြပြီး အခုနှစ်ကမ္ဘာ့ဖလားဟာ ဘရာဇီးလ်အတွက် ခက်ခဲတဲ့ပွဲ ဖြစ်မယ်လို့ ထည့်သွင်း ပြောဆိုခဲ့ပါတယ်။

    နေးမာကိစ္စ တရားစွဲခံရမှု ပီအက်စ်ဂျီ ကွင်းလုံးကျွတ်လွတ်
    ==============
    ဘာစီလိုနာကနေ နေးမာကို ပေါင် သန်း ၂၀၀ နဲ့ ၂၀၁၇ ခုနှစ်မှာ ခေါ်ယူခဲ့တဲ့ကိစ္စနဲ့ပတ်သက်ပြီး ယူအီးအက်ဖ်အေရဲ့ ဘဏ္ဍာရေးမျှတမှုစည်းမျဉ်း ချိုးဖောက်မှုနဲ့ စွဲချက်တင်ခံထားရတဲ့ ပီအက်စ်ဂျီအသင်းဟာ အမှုကနေ ကွင်းလုံးကျွတ် လွတ်သွားပါတယ်။ ယူအီးအက်ဖ်အေဟာ ပြီးခဲ့တဲ့နှစ် စက်တင်ဘာလကစပြီး ပီအက်စ်ဂျီကို စုံစမ်းစစ်ဆေးမှုတွေ ပြုလုပ်ခဲ့တာပါ။ အမှုက လွတ်သွားပေမယ့် အသင်းရဲ့ ဘဏ္ဍာရေးကိစ္စနဲ့ပတ်သက်ပြီး ယူအီးအက်ဖ်အေရဲ့ စောင့်ကြည့်မှုကို ဆက်လက်ခံနေရမှာ ဖြစ်ပါတယ်။

    Ref: Goal, BBC

  • ၂၀၂၆ ကမ္ဘာ့ဖလားကို မြောက်အမေရိက ၃ နိုင်ငံ ပူးတွဲကျင်းပခွင့်ရ

    ၂၀၂၆ ကမ္ဘာ့ဖလားကို မြောက်အမေရိက ၃ နိုင်ငံ ပူးတွဲကျင်းပခွင့်ရ

    ဇွန် ၁၃၊ ၂၀၁၈
    M-Media

    – ၂၀၂၆ ခုနှစ် ကမ္ဘာ့ဖလား အိမ်ရှင်ရွေးချယ်ပွဲကို ရုရှားနိုင်ငံ မော်စကိုမြို့မှာ ဒီကနေ့ ကျင်းပခဲ့ရာ အမေရိကန်-ကနေဒါ-မက္ကဆီကို ၃ နိုင်ငံက ပြိုင်ပွဲကျင်းပခွင့် ရရှိသွားခဲ့ပါတယ်။

    အဲဒီ ၃ နိုင်ငံဟာ အာဖရိကတိုက်က မော်ရိုကိုနိုင်ငံနဲ့ ယှဉ်ပြိုင်ခဲ့ရတာဖြစ်ပြီး မဲခွဲမှုအတွင်း ထောက်ခံမဲ ၆၇ ရာခိုင်နှုန်း ရရှိခဲ့ပါတယ်။ အိမ်ရှင်အဖြစ် ၅ ကြိမ်မြောက်လျှောက်ထားတဲ့ မော်ရိုကိုနိုင်ငံက ၃၃ ရာခိုင်နှုန်းသာ ရရှိပါတယ်။

    ၂၀၂၆ ကမ္ဘာ့ဖလားဟာ ပထမဆုံးအကြိမ် ၄၈ သင်း ယှဉ်ပြိုင်မှာဖြစ်ပြီး မြောက်အမေရိကတိုက်မှာ ၄ ကြိမ်မြောက် ကျင်းပခွင့် ရခဲ့တာလည်း ဖြစ်ပါတယ်။

    အမရိကန်ဟာ ၁၉၉၄ ခုနှစ် ကမ္ဘာ့ဖလားကို အိမ်ရှင်အဖြစ် ကျင်းပခွင့်ရခဲ့ပြီး မက္ကဆီကိုက ၁၉၇၀နဲ့ ၁၉၈၆ တွေမှာ ကျင်းပခွင့် ရထားပါတယ်။ ကနေဒါကတော့ အမျိုးသားကမ္ဘာ့ဖလားပြိုင်ပွဲကို ကျင်းပဖူးခြင်းမရှိဘဲ ၂၀၁၅ ခုနှစ် အမျိုးသမီး ကမ္ဘာ့ဖလားကိုသာ ကျင်းပခွင့် ရထားပါတယ်။

    အမေရိကန်ဘောလုံးအဖွဲ့ချုပ်ဥက္ကဌ ကားလို့ ကော်ဒီရိုက ကမ္ဘာ့ဖလားပြိုင်ပွဲမှာ အမြတ်ငွေ ဒေါ်လာ ၁၄ ဘီလီယံလောက် ရဖို့ရှိနေပြီး ဖီဖာအတွက် ၁၁ ဘီလီယံ အမြတ်ရမယ်လို့ တွက်ပြခဲ့ပါတယ်။ ပြိုင်ပွဲမှာ လက်မှတ်စံချိန်တင်ရောင်းချရကာ၊ ၀န်ဆောင်မှုအကျိုးအမြတ်လည်း ပိုမိုများပြားလိမ့်မယ်လို့ ခန့်မှန်းထားပါတယ်။

    ကမ္ဘာ့ဖလားပြိုင်ပွဲတစ်လျှောက် ပထမဆုံးအကြိမ် ၃ နိုင်ငံ ပူးတွဲကျင်းမယ့်ပြိုင်ပွဲဖြစ်ပြီး အဓိကပွဲတွေကို အမေရိကန်မှာ ကစားမှာ ဖြစ်ပါတယ်။

    Ref: Aljazeera

  • အင်္ဂါနေ့ ဘောလုံးသတင်းများ

    အင်္ဂါနေ့ ဘောလုံးသတင်းများ

    မေ ၂၉၊ ၂၀၁၈
    M-Media

    ဥရောပ ထိပ်တန်းဘောလုံအသင်းစာရင်းကို ဘာစီလိုနာဦးဆောင်
    ===========

    ဥရောပရဲ့ ထိပ်တန်းကလပ်အသင်းစာရင်းမှာ လာလီဂါချန်ပီယံ ဘာစီလိုနာက ချန်ပီယံလိဂ်ချန်ပီယံ ရီးယဲလ်ကိုကျော်ကာ ထိပ်ဆုံးမှာ ရှိနေပါတယ်။ ရီးယဲလ်ကိုရှုံးခဲ့တဲ့ လီဗာပူးလ်ဟာ အဆင့် ၈ ဆင့် တက်လာခဲ့ပြီး အဆင့် ၁၁ နေရာကို ရောက်လာပါတယ်။ မန်စီးတီးဟာ အဆင့် ၅ မှာရှိကာ ပရီးမီးယားလိဂ်က အမြင့်ဆုံးအဆင့်ရှိတဲ့အသင်း ဖြစ်ပြီး စပါးက ၉ နဲ့ မန်ယူက ၁၀ မှာ ရှိနေပါတယ်။ ပြီးခဲ့တဲ့ ၄ နှစ်က အချက်အလက်တွေကို အခြေခံကာ ဒီအဆင့်ကို သတ်မှတ်တာဖြစ်ပေမယ့် လတ်တလောအောင်မြင်မှုတွေက အဓိကနေရာကနေ ပါဝင်ပါတယ်။ ချယ်ဆီးက ၅ ဆင့်ကျကာ အဆင့် ၁၂ နေရာ ရောက်သွားပြီး၊ အာဆင်နယ်ကလည်း အဆင့် ၁၁ ကနေ ၁၅ အထိ ကျသွားပါတယ်။

    ၂၀၂၆ ကမ္ဘာ့ဖလားအိမ်ရှင်ဖြစ်ရေး အားသာချက်များကို မော်ရိုကိုထုတ်ပြော
    =================
    ၂၀၂၆ ခုနှစ် ကမ္ဘာ့ဖလားပွဲ အိမ်ရှင်အဖြစ် မိမိတို့ကို ရွေးချယ်မယ်ဆိုရင် အာဖရိက ကမ္ဘာ့ဖလားမဟုတ်ဘဲ ဥရောပကမ္ဘာ့ဖလားနီးနီး ဖြစ်သွားမယ်လို့ မော်ရိုကို ကမ္ဘာ့လားအိမ်ရှင် လျှောက်ထားရေးအဖွဲ့ခေါင်းဆောင် ဟီချမ် အလ် အမ်ရာနီက ပြောကြားလိုက်ပါတယ်။ မော်ရိုကိုဟာ ကနေဒါ-မက္ကဆီကို-အမေရိကန် ၃ နိုင်ငံပေါင်း အိမ်ရှင်နဲ့ ယှဉ်ပြိုင်နေရတာပါ။ အမ်ရာနီက သူတို့နိုင်ငံဟာ ဥရောပတိုက်နဲ့ သိပ်မဝေးကြောင်း၊ ဘောလုံးအသင်းတွေ နိုင်ငံအတွင်း ခရီးသွားလာမှုဟာ ၇၅ မိနစ်ထက် မပိုကြောင်း၊ ဥရောပစံတော်ချိန်နဲ့ သိမ်မကွာတဲ့အတွက် စပွန်ဆာဈေးကွက် များများရနိုင်သလို၊ ဥရောပဘောလုံးပရိသတ်တွေအတွက်လည်း သွားရလာရ လွယ်ကူမှာဖြစ်ကြောင်း ထည့်သွင်းပြောဆိုခဲ့ပါတယ်။ အိမ်ရှင်ရွေးချယ်ပွဲကို ဇွန်လ ၁၃ ရက်နေ့မှာ ပြုလုပ်မှာဖြစ်ပါတယ်။

    ရာမို့စ်၏ ဖြတ်ထုတ်ပုံ ဂျူဒိုမှာပင် ခွင့်မပြုထားဟု ဥရောပဂျူဒိုအဖွဲ့ ဝေဖန်
    ===============
    စနေနေ့ကကစားခဲ့တဲ့ ချန်ပီယံလိဂ်ဗိုလ်လုပွဲမှာ လီဗာပူးလ်တိုက်စစ်မှူး ဆာလာဟ်အပေါ် ရာမို့စ်ရဲ့ ကြမ်းတမ်းတဲ့ဖြတ်ထုတ်မှုကို ဥရောပ ဂျူဒိုသမဂ္ဂက ဝေဖန်လိုက်ပါတယ်။ ရာပို့စ်ရဲ့လုပ်ရပ်ကြောင့် ဆာလာဟ်ဟာ ပုခုံးဒဏ်ရာ ပြင်းပြင်းထန်ထန် ရရှိခဲ့ပြီး လူစားလဲခဲ့ရသလို ကမ္ဘာ့လားပြိုင်ပွဲမှာ ၀င်ကစားဖို့အတွက်လည်း မသေချာတော့ပါဘူး။ ပရိတ်သတ်တွေက ရာမို့စ်ကို ပြစ်ဒဏ်ပေးရေး တိုက်တွန်းစာတစ်စောင်ကို အွန်လိုင်းမှာ လက်မှတ်ထိုးနေတာဟာ လက်မှတ်ပေါင်း ၃ သိန်းကျော်လောက် ရနေပါပြီ။ ဂျူဒိုသမဂ္ဂက ဆာလာဟ်ကို ကျူးလွန်ခဲ့တဲ့ ပုံစံဟာ အန္တရာယ်ရှိတဲ့အတွက် ဂျူဒိုမှာတောင် ဒီနည်းကို ခွင့်မပြုထားဘူးလို့ Twitter စာမျက်နှာမှာ ရေးသားခဲ့ပါတယ်။

    ရီးယဲလ်အင်္ကျီသစ်မိတ်ဆက်မှုတွေ ရော်နယ်ဒိုမပါဝင်တော့
    ===============
    မန်ယူကို ကြီးမားတဲ့ ပြောင်းရွှေ့ကြေးနဲ့ ပြောင်းတော့မယ်လို့ သတင်းတွေ ကျယ်ကျယ်ပြန့်ပြန့်ထွက်နေတဲ့ ရီးယဲလ်တိုက်စစ်မှူး ဂါရက်ဘေးလ်ဟာ အသင်းရဲ့ လာမယ့်ရာသီ ဂျာစီမိတ်ဆက်မှုမှာ ပါဝင်ခဲ့ပြီး ခရစ္စတီယာနိုရော်နယ်ဒိုကတော့ ပါဝင်လာခြင်း မရှိပါဘူး။ ချန်ပီယံလိဂ် နောက်ဆုံးဗိုလ်လုပွဲအပြီးမှာ ရော်နယ်ဒိုက သူ့အနေနဲ့ အသင်းကနေ ထွက်ဖို့ရှိတယ်လို့ အရိပ်အမြွက် ပြောကြားခဲ့ပါတယ်။ အသင်းအင်္ကျီသစ် မိတ်ဆက်မှုမှာ ရော်နယ်ဒိုမပါဝင်သလို ရီးယဲလ်ရဲ့ တရားဝင်ဝဘ်ဆိုက်မှာတင်ထားတဲ့ အသင်းလူစာရင်းမှာလည်း ရော်နယ်ဒိုရဲ့ပုံ မပါလာဘဲ သူဝတ်ဆင်တဲ့ အင်္ကျီကိုသာ ဖော်ပြထားပါတယ်။

    Ref: BBC, Goal

  • အင်္ဂါနေ့ ဘောလုံးသတင်းများ

    အင်္ဂါနေ့ ဘောလုံးသတင်းများ

    မေ ၈၊ ၂၀၁၈
    M-Media

    ၁၉၉၄ ကမ္ဘာ့ဖလားကို အမေရိကန်တွင် ကျင်းပခဲ့စဉ်က

    လူမျိုးရေးခွဲခြားမှုအတွက် ရုရှားဘောလုံးအဖွဲ့ချုပ် ဒဏ်ရိုက်ခံရ
    ===========
    မတ်လအတွင်းက ပြင်သစ်နဲ့ ချစ်ကျည်ရေးပွဲတစ်ခုမှာ ပရိတ်သတ်တွေက လူမျိုးရေးခွဲခြားတဲ့ ကြွေးကြော်သံတွေကို ဟစ်အော်ခဲ့တဲ့အတွက် ဖီဖာက ရုရှားဘောလုံးအဖွဲ့ချုပ်ကို ပေါင် ၂၂၀၀၀ ဒဏ်ရိုက်လိုက်ပါတယ်။ ရုရှားမှာကစားခဲ့တဲ့ ဒီပွဲမှာ ပြင်သစ်က ၃ ဂိုး ၁ ဂိုးနဲ့ အနိုင်ရခဲ့ပြီး ပေါ့ဘာ၊ ဒမ်ဘီလီနဲ့ ကန်တီတို့ဟာ ရုရှားပရိတ်သတ်တွေရဲ့ လူမျိုးရေးခွဲခြားမှုကို ခံခဲ့ရတာပါ။ ဖီဖာကတော့ သူတို့အနေနဲ့ လူမျိုးရေးခွဲခြားမှုကို လုံးဝ သည်းခံမှာမဟုတ်ဘူးလို့ မနေ့ကထုတ်ပြန်တဲ့ ကြေငြာချက်မှာ ဖော်ပြခဲ့ပါတယ်။

    အာဆင်နယ်နည်းပြသစ်အဖြစ် အလ်လီရီဂရီနှင့် အာတီတာတို့ ရေပန်းစား
    ===============
    အာဆင်နယ်အသင်းရဲ့ နည်းပြသစ်အဖြစ် ဂျူဗင်တပ်စ်နည်းပြ အယ်လီဂရီက ရေပန်းအစားဆုံးဖြစ်လာပြီး အာဆင်နယ် ကွင်းလယ်ကစားသမားဟောင်း အာတီတာလည်း ပစ်မှတ်စာရင်းမှာ ပါဝင်လာပါတယ်။ အလ်လီဂရီဟာ ပြီးခဲ့တဲ့ ၂ ပတ်က လန်ဒန်ကို ရောက်လာခဲ့ပြီး နိုင်ငံရပ်ခြားမှာ စိန်ခေါ်မှုအသစ် ရှာချင်နေတယ်လို့လည်း သတင်းတွေ ထွက်ထားပါတယ်။ အာတီတာကတော့ ၂၀၁၆ ခုနှစ် အာဆင်နယ်ကနေ အနားယူသွားပြီးတဲ့နောက်ပိုင်း မန်စီးတီးနည်းပြ ဂွာဒီယိုလာရဲ့ လက်ထောက်အဖြစ် ဆောက်ရွက်နေပါတယ်။

    ၂၀၂၆ ကမ္ဘာ့လားတွင် အမြတ် ၁၁ ဘီလီယံရမည်ဟု ဖီဖာခန့်မှန်း
    ============
    အမေရိကန်၊ ကနေဒါနဲ့ မက္ကဆီကိုတို့ အိမ်ရှင်အဖြစ် စာရင်းပေးထားတဲ့ ၂၀၂၆ ကမ္ဘာ့ဖလား ဘောလုံးပြိုင်ပွဲမှာ အကျိုးအမြတ် ဒေါ်လာ ၁၁ ဘီလီယံလောက် ရရှိလိမ့်မယ်လို့ ကမ္ဘာ့ ဘောလုံးအဖွဲ့ချုပ် ဖီဖာက ပြောကြားလိုက်ပါတယ်။ ၂၀၂၆ အတွက် မော်ရိုကိုကလည်း အိမ်ရှင်အဖြစ် လက်ခံကျင်းပခွင့် တင်ထားပြီး ဇွန်လ ၁၃ ရက်နေ့ မော်စကိုမှာ အိမ်ရှင်ရွေးချယ်မှာပါ။ အမေရိကန်ဘောလုံးအဖွဲ့ချုပ်ဥက္ကဌ ကားလို့စ် ကော်ဒီရိုကတော့ သူတို့သာ ကျင်းပခွင့်ရရင် အအောင်မြင်ဆုံး ကမ္ဘာ့ဖလားပြိုင်ပွဲ ဖြစ်လာမယ်လို့ ပြောကြားခဲ့ပါတယ်။

    လီဗာပူးလ်နောက်ခံလူ ဒဏ်ရာကြောင့် ချန်ပီယံလိဂ်နှင့် ကမ္ဘာ့ဖလားပွဲ လွဲမည်
    ===============
    အင်္ဂလန်လက်ရွေးစင် လီဗာပူးလ်နောက်ခံလူတစ်ဦးဖြစ်တဲ့ ဂျိုး ဂိုးမက်ဇ်ဟာ ခြေချင်းဝတ် ခွဲစိပ်မှုကြောင့် မေလ ၂၆ ရက်နေ့မှာကစားမယ့် ချန်ပီယံလိဂ် ဗိုလ်လုပွဲနဲ့ ကမ္ဘာ့ဖလားပြိုင်ပွဲတို့ကို လွဲချော်ရတော့မှာ ဖြစ်ပါတယ်။ မတ်လက နိုင်ငံအသင်းအတွက် ချစ်ကျည်ရေးပွဲကစားချိန်မှာ ဒဏ်ရာရရှိခဲ့တာဖြစ်ပြီး နောက်ပိုင်းမှာ လီဗာပူးလ်အတွက် ၂ ပွဲ ကစားပေးခဲ့ပါသေးတယ်။ ဂိုးမက်ဇ်ကတော့ အမြန်သက်သာလာအောင် လုပ်ဆောင်သွားမှာဖြစ်ပြီး ဘောလုံးရာသီရဲ့ ပြိုင်ပွဲကြီးနှစ်ခုကို အားပေးဖို့ အာရုံစိုက်ထားကြောင်း ပြောကြားခဲ့ပါတယ်။

    Ref: BBC, Goal

  • ၂၀၂၆ ခုနှစ် ကမ္ဘာဖလားကျင်းပခွင့်ရရင် မော်ရိုကို လျှောက်ထား

    ၂၀၂၆ ခုနှစ် ကမ္ဘာဖလားကျင်းပခွင့်ရရင် မော်ရိုကို လျှောက်ထား

    ဇန်န၀ါရီ ၁၇၊ ၂၀၁၇
    M-Media

    မော်ရိုကိုမြို့တော် ကာဆာဘလန်ကာ

    – ၂၀၂၆ ခုနှစ် ကမ္ဘာ့ဖလားပြိုင်ပွဲ အိမ်ရှင်အဖြစ် ကျင်းပခွင့်ရရေးအတွက် မော်ရိုကိုနိုင်ငံက နောက်ဆုံးအချိန်ရောက်မှ လျှောက်ထားလိုက်သည်ဟု သိရသည်။

    အာဖရိကတိုက်မှာ ကမ္ဘာ့ဖလားကို ၂၀၁၀ ပြည့်နှစ်တွင် တစ်ကြိမ်သာ တောင်အာဖရိကနိုင်ငံ၌ ကျင်းပခဲ့ဖူးပြီး အာဖရိက ဘောလုံးအဖွဲ့ချုပ် ဥက္ကဌ အဟ်မဒ် အဟ်မဒ်က မော်ရိုကိုနိုင်ငံကို အပြည့်အ၀ထောက်ခံခဲ့သည်။

    “ကြီးကျယ်တဲ့ အာဖရိကတိုက်ကြီးက ကမ္ဘာ့ဖလားပွဲကို နှစ်တစ်ရာမှာ တစ်ကြိမ်သာ ကျင်းပခွင့်ရတာဟာ မမျှတာတာကြောင့် အခုကြိုးပမ်းမှုဟာ ကျွန်တော်တို့ရဲ့မျှော်လင့်ချက်၊ အိမ်မက်တွေပါပဲ။ ကျွန်တော်တို့တိုက်က နိုင်ငံတစ်ခုအနေနဲ့ ဒီလိုအခွင့်အလမ်းမျိုးရအောင် လုပ်စေချင်တာဟာ ကျွန်တော်တို့အတွက် နည်းလမ်းကျတယ်လို့ ထင်ပါတယ်။ ဒီလျှောက်ထားမှုကို ဥက္ကဌတစ်ယောက်အနေနဲ့ ထောက်ခံဖို့ စိတ်ပိုင်းဖြတ်ထားပါတယ်”

    ၂၀၂၆ ကမ္ဘာ့ဖလားမှာ ပထမဆုံး နိုင်ငံပေါင်း ၄၈ နိုင်ငံ ပါဝင်နိုင်မည့် ပြိုင်ပွဲဖြစ်သည်။

    မော်ရိုကိုမြို့တော် ကာဆာဘလန်ကာတွင် မကြာသေးမီကမှ ပြန်လည်ပြင်ဆင်ထားသည့် မိုဟာမက် ၄ အားကစားကွင်းမှာ ကမ္ဘာ့ဖလားပြိုင်ပွဲအတွက် အဓိကကွင်းဖြစ် စာရင်းသွင်းမည်ဖြစ်သည်။

    လက်ရှိတွင် မော်ရိုကိုမှာ အာဖရိကတိုက်၏ ဒုတိယအကြီးဆုံး ဘောလုံးပြိုင်ပွဲဖြစ်သော အာဖရိကနိုင်ငံများ ချန်ပီယံရှစ် ဘောလုံးပြိုင်ပွဲကို ကျင်းပနေသည်။

    မော်ရိုကိုမှာ အာဖရိက၏ အကြီးဆုံး ဘောလုံးပြိုင်ပွဲ အာဖရိကနိုင်ငံများဖလားနှင့် အားကစားသမား ၁၇၀၀၀ ပါဝင်သည့် Francophone Games တို့ကိုလည်း ကျင်းပခဲ့ဖူးသည်။

    ၂၀၂၆ ခုနှစ် ကမ္ဘာ့ဖလားပြိုင်ပွဲကို အိမ်ရှင်အဖြစ် ပူးတွဲကျင်းပရန်အတွက် အမေရိကန်၊ ကနေဒါနှင့် မက္ကဆီတို့ကလည်း လျှောက်ထားခဲ့သောကြောင့် မော်ရိုကိုမှာ ကျင်းပခွင့်ရရန် အခွင့်အလမ်း နည်းနေသည်။

    Ref: Aljazeera