သြဂုတ် ၂၇၊ ၂၀၁၅
M-Media
– လီဗာပူးလ်အသင်းတွင် ခြေစွမ်းမပြနိုင်ခဲ့သည့် အီတလီတိုက်စစ်မှူး ဘာလော့တယ်လီမှာ စီးရီးအေကလပ် အေစီမီလန်အသင်းသို့ တစ်နှစ်အငှားစာချုပ်ဖြင့် ပြန်လည် ပြောင်းရွှေ့သွားခဲ့သည်ဟု သိရသည်။
အသက် ၂၅ နှစ်အရွယ်ရှိ ဘာလော့တယ်လီမှာ အင်္ဂါနေ့ နံနက်ပိုင်းက ဆန်စီရိုသို့ ရောက်ရှိလာခဲ့ပြီး လီဗာပူးလ်နှင့် အေစီမီလန် နှစ်သင်းစလုံးကလည်း ၎င်း၏ အပြောင်းအရွှေ့အတွက် အတည်ပြုခဲ့သည်။
ပြီးခဲ့သည့်နှစ် သြဂုတ်လက အေစီမီလန်မှ လီဗာပူးလ်သို့ ပေါင် ၁၆ သန်းဖြင့် ပြောင်းရွှေ့ခဲ့သည့် ၎င်းမှာ ခြေစွမ်းကောင်းများကို ပြသနိုင်ခြင်း မရှိခဲ့ဘဲ ပရီးမီးယားလိဂ်တွင် တစ်ဂိုးသာ သွင်းယူနိုင်ခဲ့သည်။
“ပြန်ရောက်လာရတဲ့အတွက် ပျော်ပါတယ်။ ကျွန်တော် ကြံ့ခိုင်နေပြီး အသင်းဖော်တွေနဲ့ အလေ့ကျင့်ဖို့ လိုအပ်ပါတယ်။ စကားတော့ သိပ်အများကြီး မပြောချင်ပါဘူး။ အလုပ်ကြိုးစားလုပ်ဖို့ပဲ အာရုံထားပါတယ်။ ဘာ့ကြောင့်လည်းဆိုတော့ ကျွန်တော် ကောင်းမွန်တဲ့ရာသီကို လိုချင်လို့ပါပဲ” ဟု လာမာဒိုနီယာ ဆေးခန်းတွင် ဆေးစစ်မှုများ ပြုလုပ်ခဲ့ပြီးနောက် သတင်းထောက်များအား ဘာလော့တယ်လီက ပြောကြားခဲ့သည်။
အီတလီဝါရင့်ကစားသမား မာကိုမာတာရာဇီကမူ ဘာလော့တယ်လီမှာ နည်းပြ မီဟိုင်းလိုဗစ်ခ်ျ၏ ခေါင်းဆောင်မှုအောက်တွင် အေစီမီလန်အား တိုးတက်စေမည်ဖြစ်ပြီး လီဗာပူးလ်နည်းပြ ဘရန်ဒန်ရော်ဂျာထက် မီဟိုင်းလိုဗစ်ခ်ျနှင့် ပို၍ ဆက်ဆံရေးကောင်းလိ့မ်မည်ဟု ပြောကြားခဲ့သည်။
ဘာလော့တယ်လီမှာ ၂၀၁၃ ခုနှစ်က အေစီမီလန်သို့ ရောက်ရှိလာခဲ့ပြီး ပထမဆုံး ၁၃ ပွဲတွင် ၁၂ ဂိုး သွင်းယူနိုင်သည်အထိ ခြေစွမ်းပြနိုင်ခဲ့သည်။
ပြီးခဲ့သည့်နှစ်က အဆင့် ၁၀ နေရာဖြင့် ရာသီသိမ်းခဲ့သည့် အေစီမီလန်မှာ ယခုနှစ်တွင် အသင်းအား ပြန်လည်တည်ဆောက်နေပြီး ပီအက်စ်ဂျီတိုက်စစ်မှူး ဇလာတန်အီဗရာဟီမိုဗစ်ကို ခေါ်ယူ၍ မရခဲ့သောကြောင့် ဘာလော့တယ်လီအား ခေါ်ယူခဲ့ခြင်းဖြစ်သည်။
အေစီမီလန် စီအီးအို အက်ဒရီယာနို ဂါလီယာနီကမူ ဘာလော့တယ်အား ၎င်း၏တန်ဖိုးကို သက်သေပြရန် နောက်ဆုံး အခွင့်အရေးပေးခြင်း ဖြစ်သည်ဟု ပြောကြားခဲ့သည်။
“သူ့ကိုပြန်ခေါ်ဖို့ ဘာလော့တယ်လီက ကျွန်တော်တို့ကို စည်းရုံးခဲ့ပါတယ်။ ကျွန်တော်တို့ဟာ သူ့ကို နောက်ဆုံးအခွင့်အရေး ပေးတယ်ဆိုတာလည်း သူသိပါတယ်”
Ref: Goal
