News @ M-Media

Tag: AIDS

  • ဆယ်ကျော်သက်များ AIDS ရောဂါကြောင့် သေဆုံးသူ ၅ နှစ်အတွင်း သုံးဆဖြစ်လာ

    ဆယ်ကျော်သက်များ AIDS ရောဂါကြောင့် သေဆုံးသူ ၅ နှစ်အတွင်း သုံးဆဖြစ်လာ

    နိုဝင်ဘာ ၂၉၊ ၂၀၁၅
    M-Media

    aids

    – ကုလသမဂ္ဂကလေးများ ရန်ပုံငွေအဖွဲ့သည် AIDS ရောဂါဖြင့် သေဆုံးကြသည့် ဆယ်ကျော်သက်အရေအတွက်မှာ ကမ္ဘာတစ်ဝှမ်း၌ ၁၅
    နှစ်တာကာလအတွင်း သုံးဆခန့် များပြားလာသည်ဟု ပြောကြားခဲ့ပြီး အများစုမှာ မွေးကင်းစအရွယ်ကတည်းမှ ကူးစက်ခံရသူများဟု ဆိုသည်။

    AIDS မှာ တောင်အာဖရိက၊ နိုင်ဂျီးရီးယား၊ ကင်ညာ၊ အိန္ဒိယ၊ မိုဇမ်ဘတ်နှင့် တန်ဇန်းနီးယားတို့အပါအ၀င် အာဖရိကရှိ ဆယ်ကျော်သက်များ သေဆုံးမှု၏ အဓိက အကြောင်းအရင်းတစ်ခု ဖြစ်နေပြီး၊ စနေနေ့တွင် ထုတ်ပြန်သော ယူနီဆက်ဖ်၏ စာရင်းဇယားများအရ HIV ပိုး ကူးစက်ခံရသူ အရေအတွက်၏ ထက်ဝက်ခန့်မှာ အဆိုပါ ၆ နိုင်ငံတွင် ရှိနေသည်ဟု သိရသည်။

    ထိုရောဂါမှာ အရွယ်ရောက်ပြီးသူများအနက် တစ်နာရီတိုင်းတွင် ၂၆ ဦး ကူးစက်သူရှိနေပြီး ဒုတိယအသေအပျောက်အများဆုံး ရောဂါဖြစ်သည်။

    အာဖရိက ဆာဟာရတိုက်ငယ်ဒေသတွင် ကူးစက်သူ ၁၀ ဦးလျှင် ၇ ဦးမှာ အသက် ၁၅ နှစ်မှ ၁၉ နှစ်အရွယ် မိန်းကလေးများဖြစ်ပြီး ၎င်းတို့ထဲမှ ၇၀ ရာခိုင်နှုန်းခန့်မှာ လိင်ဆက်ဆံစဉ် ကွန်ဒုံးအသုံးပြုမှု မရှိင်ခြင်းကြောင့် ကူးစက်ခံရခြင်ဖြစ်သည်။

    AIDS ရောဂါကို ခံစားနေရသည့် အသက် ၁၅ နှစ်အောက် ကလေးငယ် ၂၆ သန်း၏ သုံးပုံတစ်ပုံခန့်သာ ဆေးကုသမှု ရရှိနေသည်ဟု ယူနီဆက်ဖ်က ပြောကြားခဲ့သည်။

    “AIDS နဲ့သေဆုံးရတဲ့ လူငယ်အများစုဟာ မွေးစကတည်းက ကူးစက်ခံလာရသူတွေ ဖြစ်ပါတယ်။ မိခင်မှကလေးသို့ကူးစက်ခြင်း ကာကွယ်တားဆီးမှု အစီအစဉ်တွေကို ကျယ်ကျယ်ပြန့်ပြန့်မလုပ်ဆောင်ရသေးမီ ကူးစက်ခံရတာဖြစ်ပါတယ်’ ဟု ယူနီဆက်ဖ် HIV/AIDS ဌာန၏ ကမ္ဘာလုံးဆိုင်ရာအကြီးအကဲ ကရိတ်မက်ကလူးက ပြောကြားခဲ့သည်။

    Ref: Aljazeera

  • AIDS ဝေဒနာသည်များအား ကြင်နာကြရန် ဗလီရှေ့ဆောင်များမှ သောကြာနေ့ တရားဟောပြောမှု၌ တိုက်တွန်း

    AIDS ဝေဒနာသည်များအား ကြင်နာကြရန် ဗလီရှေ့ဆောင်များမှ သောကြာနေ့ တရားဟောပြောမှု၌ တိုက်တွန်း

    ဒီဇင်ဘာ ၁၈ ၊ ၂၀၁၄
    M-Media
    muslims_pray_1_0407_840_560_100
    – ကြောက်ရွံ့ဖွယ်ကောင်းသည့် AIDS ရောဂါ ကူးစက်နေသူများအား ကြင်နာကြရန်နှင့် ဘာသာအယူဝါဒကိုသုံးကာ အဆိုပါရောဂါသည်များကို အသရေမဖျက်ကြရန် မလေးရှားရှိ ဗလီဝတ်ကျောင်းတော်တိုင်းရှိ ရှေ့ဆောင်အီမာမ်များက ပြည်သူများအား တိုက်တွန်းလိုက်သည်ဟု သိရသည်။

    ဒီဇင်ဘာ ၅ ရက်နေ့ သောကြာနေ့ဝတ်ပြုမှု အစီအစဉ်အတွင်း နိုင်ငံတစ်ဝှမ်း ဗလီဝတ်ကျောင်းတော်များရှိ ရှေ့ဆောင်ဆရာတော်များက မိန့်ခြွေသော တစ်ပတ်တာ တရားဒေသနာတော်တွင် ထိုကဲ့သို့ ထည့်သွင်းပြောကြားခဲ့ခြင်းဖြစ်ပြီး ထိုဝေဒနာသည်များအား လစ်လျူရှုခြင်း မပြုကြရန်လည်း မေတ္တာရပ်ခံခဲ့သည်။

    `ကျွန်တော်တို့ရဲ့ လူ့အဖွဲ့အစည်းမှာ ဒီရောဂါကြီးကို ရွံရှာစရာ၊ ညစ်ပတ်စရာကြီးလို့ မှတ်ယူနေကြသူတွေ ရှိနေတုန်းပါပဲ။ ဒီဝေဒနာသည်တွေကို မိသားစုတွေက လျစ်လျူရှုလိုက်တာကြောင့် မွတ်စလင်မဟုတ်သူတွေရဲ့ ကူညီရေးစင်တာတွေကို ရောက်သွားကြတယ် ဆိုတာတွေကိုလည်း ကြားနေရပါတယ်။ နောက်ပြီး မေးစရား တစ်ခုက ရောဂါရှိနေတဲ့ ဒီလူတွေကို ၀ိုင်းကြဉ်ထားတာ၊ ရွံစရာအဖြစ် ရှုမြင်နေကြတာတွေဟာ အစ္စလာမ်ရဲ့ သွန်ကြားမှုနဲ့ ကိုက်ညီလား ဆိုတာပါပဲ´ ဟု အစ္စလာမ်ဖွံဖြိုးရေးဌာနမှ တစ်နိုင်ငံလုံးအတွက် ထုတ်ပြန်သော သောကြာနေ့ တရားဒေသနာတော်တွင် ဖော်ပြထားသည်။
    06-12-14_Malaysians-Urged-to-Be-Kind-to-Muslims-with-Aids
    AIDS ဝေဒနာရှင်များအား အသရေမဖျက်ကြရန် မွတ်စလင်များအား တိုက်တွန်းထားပြီး ၎င်းတို့အား ကုသမှုနှင့် အားပေးကူညီမှုပြုရန်မှာ မွတ်စလင်တိုင်း၏ တာဝန်ဖြစ်သည်ဟုလည်း ထည့်သွင်းမိန့်ကြားထားသည်။

    `အစ္စလာမ်ဆိုတာ ဘာသာဝင်တွေအတွက် ချမ်းမြေ့ပျော်ရွှင်မှုကို ယူဆောင်လာပေးတဲ့ သာသနာပါ။ တစ်ယောက်နဲ့တစ်ယောက်ကူညီဖို့၊ တစ်ယောက်နဲ့တစ်ယောက်လေးစားဖို့ အစ္စလာမ်က သွန်သင်ပါတယ်´ ဟု ရှေ့ဆောင်ဆရာတော်များက မိန့်ကြားခဲ့သည်။

    မွတ်စလင်များအနေဖြင့် မိမိတို့၏ ကျန်းမာရေးကို ဂရုစိုက်ရန် အဆိုပါ တရားဒေသနာက အကြံပြုထားပြီး ရောဂါဘယဖိစီးနေပါကလည်း ဂရုတစိုက်ကုသရန်နှင့် အလ္လာဟ်အရှင်မြတ်ထံတော်ပါးမှ လွတ်ငြိမ်းချမ်းသာခွင့်တောင်းခံရန်အတွက်လည်း တိုက်တွန်းထားသည်။

    ထို့ပြင် HIV ရှိနေသော မွတ်စလင်အများပေါ် ရှုမြင်သည့်ပုံစံကို ပြောင်းလဲရန်နှင့် သို့မှသာ အဆိုပါ ရောဂါကို ခံစားနေရသူများမှာ လမ်းကြောင်းမှန်ပေါ်တွင် ရှိနေမည်ဟု ဖော်ပြထားသည်။

    ဒီဇင်ဘာ ၁ ရက်နေ့တွင် ကျရောက်သည့် ကမ္ဘာ့ AIDS နေ့ကို တစ်ကမ္ဘာလုံးက ကျင်းပခဲ့ကြသည်။ တရားဝင်ထုတ်ပြန်ထားသော စာရင်းများအရ မလေးရှားတွင် ယခုနှစ် ဇွန်လအထိ AIDS ဝေဒနာသည် ၁၀၃၀၀၀ ဦး ရှိနေသည်ဟု သိရသည်။

    ၎င်းတို့ထဲတွင် ၇ ရာခိုင်နှုန်းမှာ မလေးလူမျိုးများ ဖြစ်ကြသည်။ မလေးရှား၏ လူဦးရေ ၂၆ သန်းတွင် မလေးလူမျိုး အစ္စလာမ်ဘာသာဝင်များမှာ ၆၀ ရာခိုင်နှုန်းရှိပြီး ခရစ်ယာန်ဘာသာဝင်များက ၉.၁ ရာခိုင်နှုန်း ရှိသည်။

    ref_OnIslam

  • HIV/AIDS ကုသရေး ဒေါ်လာ ၅ သန်း ပိုသုံးမည်ဟု  ကျန်းမာရေးဝန်ကြီး ဦးသန်းအောင်  ပြော

    HIV/AIDS ကုသရေး ဒေါ်လာ ၅ သန်း ပိုသုံးမည်ဟု ကျန်းမာရေးဝန်ကြီး ဦးသန်းအောင် ပြော

    အောက်တိုဘာ ၁၈ ၊ ၂၀၁၄
    M-Media
    20141017_Myanmar_632
    – မြန်မာနိုင်ငံအတွင်း HIV ကုသရေးလုပ်ငန်းအတွက် ရန်ပုံငွေကို အမေရိကန် ဒေါ်လာ ၅ သန်း တိုးမြှင့်သုံးစွဲသွားမည်ဟု ကျန်းမာရေးဝန်ကြီးဌာန ၀န်ကြီး ဦးသန်းအောင် က ကုလအတွင်းရေးမှူးချုပ်၏ အာရှ-ပစိဖိတ် ဒေသ AIDS ရောဂါဆိုင်ရာ အထူးကိုယ်စားလှယ် ဂျေဗီအာရ် ပရာဆာဒါ ရာအိုအား ကတိပြုခဲ့သည်ဟု သိရသည်။

    မစ္စတာရာအိုမှာ AIDS ရောဂါ ကာကွယ်ရေးလုပ်ငန်းများအား လျင်လျင်မြန်မြန်နှင့် ထိထိရောက်ရောက်ဆောင်ရွက်နိုင်ရန် မြန်မာနိုင်ငံ၏ အားထုတ်မှုများကို ထောက်ခံအားပေးရန်အတွက် မြန်မာနိုင်ငံသို့ ၅ ရက်ကြာ လာရောက်ခဲ့ပြီး အောက်တိုဘာ ၁၇ ရက်နေ့က ပြန်လည် ထွက်ခွာသွားခဲ့သည်။

    မြန်မာနိုင်ငံတွင် HIV ပိုး ကူးစက်ခံနေရသူ ဦးရေမှာ ၁၉၀၀၀၀ ရှိပြီး ၂၀၁၃ ခုနှစ်အတွင်းမှာပင် ထပ်မံကူးစက်သူဦးရေမှာ ၆၇၀၀ ခန့် ရှိခဲ့သည်။

    ထိုပမာဏထဲမှ ၂၀၁၃ခုနှစ်တွင် ဆေးကုသမှုခံယူနေသူ အရေအတွက်မှာ ၆၅၀၀၀ သာရှိပြီး ယခုကဲ့သို့ ရန်ပုံငွေ တိုးမြှင့်မှုကြောင့် HIV ပိုး ကူးစက်ခံနေရသူ လူနာ ၄၀၀၀၀ ကျော်အား ထပ်မံ၍ ဆေးဝါးများ ပေးအပ်နိုင်မည်ဖြစ်ကာ ရောဂါကူးစက်နေသူများ ၈၅ ရာခိုင်နှုန်းအထိ ကုသနိုင်လာမည်ဟု ကျန်းမာရေးဝန်ကြီးဌာက တွက်ချက်ထားသည်။

    ထို့ပြင် ရာနှုန်းပြည့်ကုသနိုင်ရေး ကုန်ကျစားရိတ်များကို တွက်ချက်နိုင်ရန်အတွက် ဌာနလက်အောက်ရှိ ၀န်ထမ်းများအနေဖြင့် UNAIDS နှင့် ပူးတွဲလုပ်ဆောင်ရန် ကျန်းမာရေး ၀န်ကြီးဌာနက တိုက်တွန်းထားသည်။

    မစ္စတာ ရာအိုကမူ AIDS ရောဂါအား တုံ့ပြန်ရာတွင် မြန်မာနိုင်ငံ၏ ယခုကဲ့သို့ ကတိပြုခဲ့မှုအား ကြိုဆိုပါကြောင်း၊ ၂၀၃၀ ခုနှစ်တွင် AIDS ရောဂါ ကမ္ဘာမြေပေါ်မှ ပျောက်ကွယ်သွားရေး ရည်မှန်းချက်အတွက် ခိုင်မာသော အားပေးဆောင်ရွက်မှုကို မြန်မာခေါင်းဆောင်များအနေဖြင့် တိုးချဲ့ပြုလုပ်သွားရန် တိုက်တွန်းပါကြောင်း ပြောကြားခဲ့သည်။

    ၂၀၁၆ ခုနှစ် နှစ်ကုန်ပိုင်းတွင် HIV ပိုး ကူးစက်နေသူ ၁၀၀၀၀ အတွက်  opioid substitution therapy နည်းလမ်းဖြင့် တိုးချဲ့ကုသနိုင်ရေး ကန်ဒေါ်လာ ၁ သန်း ထပ်မံ သုံးစွဲသွားမည်ဟုလည်း ကျန်းမာရေးဝန်ကြီးဌာနက ကတိပြုခဲ့သည်။

    မြန်မာနိုင်ငံတွင် မူးယစ်ဆေးစွဲသူများ၊ လိင်အလုပ်သမားများ၊ လိင်တူဆက်ဆံသူများမှာ HIV ပိုးကူးစက်နိုင်မှု အန္တရာယ် မြင့်မားလျက်ရှိနေသည်။

    ref_ UN AIDS

  • HIV ဗိုင်းရပ်စ်ကို အောင်မြင်စွာကုသမယ့် နည်းလမ်း တစ်ခု ဂျာမန် သုတေသီများ ဖော်ထုတ်

    M-Media
    ဒီဇင်ဘာ ၂၀၊ ၂၀၁၃

    HIV Lab
    HIV Lab

    ဂျာမနီနိုင်ငံ၊ Dresden’s Technical University ရဲ့ သုတေသီဆေးပညာသည်တွေက “molecular scissors” ခေါ် မော်လီးကျူး ကတ်ကြေးလို့ အမည်ပေးထားတဲ့ နည်းလမ်းအသစ်တစ်ခုကို သုံးပြီး HIV ဗိုင်းရပ်စ်ကို စမ်းသပ်ကုသခဲ့ရမှာ အကြိမ်ကြိမ်အောင်မြင်မှုရရှိခဲ့တဲ့အကြောင်း သိရပါတယ်။ “molecular scissors” ခေါ် မော်လီးကျူး ကတ်ကြေးက HIV ဗိုင်းရပ်စ်ထိထားတဲ့ DNA ထဲက ဆဲလ် တွေကို ဖြတ်တောက်ပေးတယ်လို့ ဆိုပါတယ်။

    သုတေသီတွေက ဓါတ်ပြောင်းအကူဒြပ်လို့ သိကြတဲ့ Enzyme တွေကို သုံးပြီး HIV ဗိုင်းရပ်စ်တွေကို ရှာဖွေစိစစ်ပြီး ဖယ်ထုတ်ပြစ်ကြတာဖြစ်တယ်လို့ ဂျာမနီအခြေဆိုက် TheLocal.de က ဆိုပါတယ်။ အဲဒီလိုနည်းကိုသုံးပြီး HIV ဗိုင်းရပ်စ်ကို စိစစ်ဖော်ထုတ်ခြင်းက ရာခိုင်နှုန်း ၉၀ ကျော်ထိ ထိရောက်မှုရှိတယ်လို့လည်း ဆိုပါတယ်။

    “နည်းလမ်းတွေကအများကြီးပါ၊ ဒါမျိုး ခပ်ဆင်ဆင်တူတဲ့ နည်းလမ်းတွေလည်း ရှိပါတယ်။ ဒါပေမယ့် HIV ဗိုင်းရပ်စ်အထိခံထားရတဲ့ ဆဲလ်တွေထဲကနေ အဲဒီဗိုင်းရပ်စ်ကို ဖယ်ထုတ်ပြစ်နိုင်ခြင်းကတော့ တမူထူးခြားပါတယ်။” လို့ Dresden Technical University နဲ့ ပူးပေါင်းဆောင်ရွက်တဲ့ Hamburg’s Heinrich Pette Institute ရဲ့ ဓါတ်ခွဲခန်းတာဝန်ရှိသူတွေက ဂျာမန်ဒေးလီးသတင်းစာကို ပြောပြပါတယ်။

    Dresden တက္ကသိုလ်ရဲ့ သုတေသီတွေကတော့ သူတို့ရဲ့အောင်မြင်စွာစမ်းသပ်နိုင်ခဲ့တဲ့ သီအိုရီကို လက်တွေ့အကောင်အထည်ဖော်တဲ့အနေနဲ့ ကြွက်ကိုအသုံးပြုပြီး စမ်းသပ်ခဲ့ကြပါသေးတယ်။ “HIV ဗိုင်းရပ်စပမာဏကိုတော့ သိသိသာသာကြီး လျော့ချပစ်လိုက်နိုင်တယ်။ ပြီးတော့ အဲဒီလျော့ချခံရတဲ့ ဗိုင်းရပ်စ်တွေက သွေးထဲမှာ ဆက်ရှိမနေတော့ဘူး။” လို့ သုတေသနအဖွဲ့ခေါင်းဆောင်ပရောဖက်ဆာ ဂျိုအာချင် ဟောင်ဘာက ဆိုပါတယ်။ သူက ဆက်လက်ပြီး “ဒါက အရာအားလုံးထဲမှာ စိတ်လှုပ်ရှားဖွယ်အကောင်းဆုံးပါပဲ၊ (HIV) ကို ကုသဖို့ကတော့ ဒီအောင်မြင်မှုကေ၀၀ါးနေဆဲ မြော်လင့်ချက်လို့လည်း ဆိုလို့ရတာပေါ့၊ ဒါပေမယ့် ဒီအောင်မြင်မှုကို သက်သေပြရဦးမယ်။” လို့လည်း ဆိုပါတယ်။

ံHIV ကုသဖို့ ဆေးနဲ့ပတ်သတ်ပြီးတော့ ဆေးထုတ်လုပ်တဲ့ကုမ္ပဏီတွေက စိတ်ဝင်စားမှုနည်းပါးနေတာကလည်း ပြဿနာတစ်ရပ်အဖြစ် ရှိနေဆဲပါ။ ဒါပေမယ့် အောင်မြင်တဲ့ HIV ကုသနည်းကတော့ လမ်းကြောင်းထဲ ရောက်နိုင်ကောင်း ရောက်နေပြီလို့ ဆိုရမှာဖြစ်ပါတယ်။

  • အရေပြားလှီးဖြတ်ခြင်း သည် HIV ကို ကာကွယ် ပေးကြောင်း ဟီလာရီ ကလင်တန်၊ WHO နှင့် ဗြိတိသျှ စွယ်စုံကျမ်းတို့က တင်ပြ

    အရေပြားလှီးဖြတ်ခြင်း သည် HIV ကို ကာကွယ် ပေးကြောင်း ဟီလာရီ ကလင်တန်၊ WHO နှင့် ဗြိတိသျှ စွယ်စုံကျမ်းတို့က တင်ပြ

    M-Media

    ဒီဇင်ဘာ ၉ ၊ ၂၀၁၂

    ကမ္ဘာ့ အေအိုင်ဒီအက်စ်နေ့ အထိမ်းအမှတ်

     

     

    ဒီဇင်ဘာလ ၁ ရက်နေ့က ကျရောက်ခဲ့သော ကမ္ဘာ့အေအိုင်ဒီအက်စ်နေ့တွင် အမေရိကန်နိုင်ငံ၊ နိုင်ငံလုံးဆိုင်ရာ အတွင်းရေးမှူး၊ ဟီလာရီကလင် တန်က မိန့်ခွန်းပြောကြားရာ၌ အိပ်ခ်ျအိုင်ဗွီရောဂါ ပိုးကို ကာကွယ်ရန်အတွက် အရေပြားလှီးဖြတ်ခြင်းကို တိုးမြှင့်လုပ်ဆောင်ကြဖို့ တိုက်တွန်း သွားခဲ့ကြောင်း စီအင်အင်သတင်းဌာနက ဖော်ပြသည်။

    CNN ၏ သတင်း တင်ပြချက်

     

    ဒီဇင်ဘာ ၁ ရက်နေ့ကို ကမ္ဘာ့အေအိုင်ဒီအက်စ်နေ့အဖြစ် သတ်မှတ်ကျင်းပလာခဲ့သလို အမေရိကန်နိုင်ငံကလည်း ထိုနေ့တွင် အစိုးရကိုယ်တိုင်ကြီး မှူးသည့် ပြည်သူ့အတွက် တရားဝင်ကြေငြာချက် ကို ၁၉၉၅ မှစတင်၍ ပြုလုပ်လာခဲ့ရာ ယခုနှစ်အတွက် ဟီလာရီကလင်တန်၏ကြေငြာချက်၌ အထက်ပါ အတိုင်း ထည့်သွင်းပြောကြားခဲ့ခြင်းဖြစ်ကြောင်းလည်း သိရသည်။

    ၁၉၈၁ မှ ၂၀၀၇ ခုနှစ်များအတွင်း အေအိုင်ဒီအက်စ်ကြောင့် လူပေါင်း ၂၅ မီလီယံ သေဆုံးခဲ့ရသလို မြန်မာပြည်၌လည်း စစ်တမ်းများအရ တစ်နာရီတွင် လူနှစ်ဦးမှာ အေအိုင်ဒီအက်စ်ကြောင့် သေဆုံးနေရသည်။ စီအင်အင်မှ တင်ပြခဲ့သည့် ဗီဒီယိုဖိုင်တွင် ဟီလာရီ ကလင်တန်က အေအိုင်ဒီအက်စ်ကာ ကွယ်ရေးအတွက် ကွန်ဒုံးအသုံးပြုမှု တိုးတက်စေရန်နှင့် အမျိုးသားများ အရေပြားလှီးဖြတ်မှုများ တိုးတက်လုပ်ဆောင်ကြရန် တိုက်တွန်းထားသည်။

    ဂျူးများ၊ မွတ်စလင်မ်များနှင့် ကော့ပ်တစ်ခရစ်ယာန်များမှာ အရေပြားလှီးဖြတ်ခြင်း ပြုလုပ်ကြသည်။ အချို့သော ခရစ်ယာန်များ ကမူ ပြုလုပ်ဆောင် ရွက်ခြင်းမရှိကြပေ။ သို့သော် ထိုခရစ်ယာန်များက အရေပြားလှီးဖြတ်ခြင်းအား ပိတ်ပင်ဖို့အထိ ဝေဖန်ပြစ်တင်နေကြသော်လည်း အရေပြား လှီးဖြတ်ခြင်းကို ၄င်းတို့၏ ဘိုးဘေးများကိုယ် တိုင် ပြုလုပ်ဆောင်ရွက်ခဲ့ကြခြင်းဆိုသည့် အကြောင်းတွင်မူ နုတ်ဆိတ်လျက် ရှိနေကြသည်။ ၂၀၁၂ တွင်မူ ဂျာမနီနိုင်ငံ၌ နိုင်ငံရေးသမားအချို့က အရေပြားလှီးဖြတ်ခြင်းအား ပိတ်ပင်ဖို့ တောင်းဆိုဆောင်ရွက်ခဲ့ကြသည်။

    ဝေဖန်နေကြသူများ မသိရှိကြသည့် အကြောင်းမှာ ၄င်းတို့၏နည်းဗျူဟာအထမမြောက်စေဖို့ 0.1 micron သာရှိသည့် အလွန်သေးငယ်လှသော ဗိုင်းရပ်စ်ပိုးက လူ့အသက်ပေါင်းများစွာကို ဇီဝိန်ခြွေရင်း လုပ်အားနှုန်းကို တစ်နှစ်ထက်တစ်နှစ် တိုးတက်ဖြစ်ထွန်းနေစေခြင်းပင်။ ထိုဗိုင်းရပ်စ်၏အမည် မှာ အိပ်ခ်ျအိုင်ဗွီ ဗိုင်းရပ်စ်ပင်ဖြစ်သည်။

    ဗြိတိသျှစွယ်စုံကျမ်းဖော်ပြချက်မှာ အောက်ပါအတိုင်းဖြစ်ပါသည်။

    “အရေပြားလှီးဖြတ်ခြင်းကို သာသနာရေးဆိုင်ရာ အရေးပါသည့် ကိစ္စတစ်ခုအဖြစ် လူ့ယဉ်ကျေးမှုအများစုတွင် တွေ့ရှိရသည်။ ဥပမာ – ဂျူးသာသနာတွင် အရေပြားလှီးဖြတ်ခြင်းအား တမန်တော် အီဗရာဟင်မ်နှင့် ဘုရားသခင်တို့အကြား ထားရှိသည့် ပထမဆုံးသော ကတိက၀တ်အဖြစ် ဖြော်ပထားသည်။  ထိုသည်ကို ပထမဆုံးသော ကောင်းကင်ကျ အမိန့် ၊ ပန်တာတျူ (Genesis 17:10–27)  တွင် ဖြော်ပထားခြင်းဖြစ်သည်။ ထို့ကြောင့် ယောင်္ကျား ကလေး၊ ကလေးငယ်တိုင်းကို အရေပြားလှီးဖြတ်ခြင်း ပြုလုပ်ဆောင်ရွက်ကြရသည်။ သို့သော်ခရစ်ယာန်သာသနာတွင်မူ အရေပြား လှီးဖြတ်ခြင်း ဆောင်ရွက် ဖို့ မဖြစ်မနေတာဝန်အဖြစ် ပြဌာန်းထားခြင်းမရှိဆိုသည့် ပညတ်ချက်ကိုမူ ပထမဦးဆုံးအနေဖြင့် ဘိုင်ဘလ်ကျမ်းစာ Acts 15 တွင်မှာမှ တွေ့ရှိရသည်။”

    အမေရိကန်ပြည်ထောင်စု၏ တိုင်းရေးပြည်ရာဝန်ကြီး၊ ဟီလာရီကလင်တန်ကိုပင် အရေပြားလှီးဖြတ်ခြင်းအကြောင်း ထည့်သွင်းပြောကြားစေ သည်အထိ ၄င်းအရေပြားလှီးမင်္ဂလာအပေါ် ခေတ်သစ် ပညာရှင်များ၏ တွေ့ရှိချက်က မည်သို့မည်ပုံဖြစ်နေသနည်းဆိုသည့်မေးခွန်းမှာလည်း စိတ်ဝင် စားဖွယ်မေးခွန်းပင်ဖြစ်ပါသည်။ အရေးပါသည့် တွေ့ရှိချက်မှာ အရေပြားလှီးဖြတ်ခြင်းသည် အိပ်ခ်ျအိုင်ဗွီ ဗိုင်းရပ်စ်ကို ကာကွယ်ပေးသည် ဟူသည့် တွေ့ရှိ ချက် ပင်။

    ဗြိတိသျှစွယ်စုံကျမ်းတွင် ဖော်ပြထားသည်မှာ –

    ” အရေပြားလှီးဖြတ်ခြင်းအား ထောက်ခံပြောဆို ကြသူများ က အရေပြားလှီးဖြတ် ထားသော ယောင်္ကျားသည် အေအိုင်ဒီအက်စ်၊ ဆစ်ဖလစ်နှင့် အခြားသော လိင်ပိုင်းဆိုင် ရာရောဂါ များမှ ပို၍ အကာအကွယ် ရထားပြီးသည့် လေ့လာတွေ့ရှိချက်ကို ကိုးကားတင်ပြကြသည်။ ထို့ပြင် အရေပြား လှီးဖြတ် ထားသည့် ယောင်္ကျားကြောင့် သူ၏ လိင်အဖော် မိန်းမသားမှာလည်း သားအိမ်ခေါင်း ကင်ဆာရောဂါ (Cervical Cancer) မှ အကာအ ကွယ် ရပြီးဖြစ်ကြောင်း သိရသည်။ ၂၀၀၇ တွင် ကမ္ဘာ့ကျန်းမာရေးအဖွဲ့ (WHO) က အာဖရိက ယောင်္ကျားများကို အိပ်ခ်ျအိုင်ဗွီနှင့်ပတ်သတ်၍ သုတေသနလုပ် ခဲ့ ရာ ဆန့်ကျင်ဘက် လိင်နှင့် ဆက်ဆံခြင်းကြောင့် ရရှိလာမည့် ဆိုးကျိုးများထဲမှာ ရာခိုင်နှုန်း ၄၈ မှ ၆၀ ကို အရေပြားလှီးဖြတ် ထားခြင်းက အကာအကွယ်ပေးနိုင်ကြောင်း တွေ့ရှိခဲ့ရသည်။ ထို့ကြောင့် WHO က ၄င်းရလဒ်ကို အခြေခံကာ အရေပြားလှီးဖြတ်ခြင်းကို စံပုံစံ အကာ အကွယ် နည်းနာအဖြစ် သတ်မှတ်ပြီး အိပ်ခ်ျအိုင်ဗွီတားဆီးရေး လုပ်ငန်းစဉ်များတွင် ထည့်သွင်းဆောင်ရွက်လာခဲ့ကြသည်။ “

    ထို့ကြောင့် အရေပြားလှီးဖြတ်ခြင်းကို ဆန့်ကျင်နေကြသူများအနေဖြင့် ချင့်ချိန်စဉ်းစားသင့်သည်မှာ ၄င်းတို့၏ဆန့်ကျင်မှုမှာ ကျိုးကြောင်းညီညွှတ်မှု ရှိ၊ မရှိဆိုသည်ပင် ဖြစ်ပါသည်။

    ကိုးကား – www.britannica.com/EBchecked/topic/118439/circumcision