News @ M-Media

Tag: Al-Azhar

  • အီသီယိုးပီးယား ခရစ်ယာန်များအား IS သတ်ဖြတ်မှု အလ်-အဇ်ဟာရ် ရှုတ်ချ

    အီသီယိုးပီးယား ခရစ်ယာန်များအား IS သတ်ဖြတ်မှု အလ်-အဇ်ဟာရ် ရှုတ်ချ

    ဧပြီ ၂၂၊ ၂၀၁၅
    M-Media

    IS

    – စွန်နီကမ္ဘာ၏ အကြီးဆုံး ဘာသာရေးတက္ကသိုလ်နှင့် အဖွဲ့အစည်းဖြစ်ပြီး အီဂျစ်နိုင်ငံတွင် တည်ရှိသည့် အလ်- အဇ်ဟာရ် တက္ကသိုလ်က ယခုသီတင်းပတ်အစောပိုင်း လစ်ဗျားနိုင်ငံ၌ အီသီယိုးပီးယား ခရစ်ယာန်များအား IS ၏ သတ်ဖြတ်မှုကို ပြင်းပြင်းထန်ထန် ရှုတ်ချလိုက်သည်။

    ၎င်းတို့၏ Facebook စာမျက်နှာတွင် “Daesh(IS) အကြမ်းဖက်အဖွဲ့ ကျူးလွန်တဲ့ စက်ဆုပ်ရွံရှာဖွယ်ကောင်းတဲ့ အကြမ်းဖက် ရာဇ၀တ်မှုကို အလ်-အဇ်ဟာရ်က ရှုတ်ချပါတယ်။ Daesh နဲ့ အဲဒီလို အခြားအဖွဲ့အစည်းတွေဟာ ဘယ်လိုဘာသာတရားမျိုး၊ ဘယ်လို လူ့ကျင့်ဝတ်မျိုး၊ ဘယ်လို ဓလေ့ထုံးတမ်းမျိုးနဲ့မှ ကိုက်ညီခြင်း မရှိပါဘူး ” ဟု ရေးသားထားခြင်းဖြစ်ပြီး AFP သတင်းဌာနက ယမန်နေ့တွင် ပြန်လည်ဖော်ပြခဲ့သည်။

    IS အဖွဲ့က လစ်ဗျားတွင် အီသီယိုးပီးယားမှ ခရစ်ယာန်များအား ခေါင်းဖြတ်ခြင်း၊ သေနတ်ဖြင့် ပစ်သတ်ခြင်းတို့ကို ရိုက်ကူးထားသော ဗီဒီယိုတစ်ခုကို ယခုသီတင်းပတ် အစောပိုင်းတွင် ထုတ်ပြန်ခဲ့ပြီးနောက် အလ်-အဇ်ဟာရ်က ထိုကဲ့သို ရှုတ်ချခဲ့ခြင်းဖြစ်သည်။

    ထိုဗီဒီယိုအတွက် ကမ္ဘာတစ်ဝှမ်းမှ ရှုတ်ချမှုများ ပြုလုပ်ခဲ့ကြပြီး ထိုကဲ့သို့ အစုလိုက်အပြုံလိုက် သတ်ဖြတ်မှုအတွက် အလွန်အမင်း စိတ်ပျက်ဝမ်းနည်းမိသည်ဟု အများစုက ပြောကြားခဲ့သည်။

    ထိုကဲ့သို့ အီသီယိုးပီးယား ခရစ်ယာန်များအား လစ်ဗျားရှိ IS အဖွဲ့က သတ်ဖြတ်ခြင်းမှာ ပထမဆုံးအကြိမ်မဟုတ်ပေ။ ပြီးခဲ့သည့် ဖေဖော်ဝါရီလကလည်း ၎င်းတို့မှာ အီဂျစ်ခရစ်ယာန် ၂၀ ကို သတ်ဖြတ်ခဲ့သည်။ ထိုအချိန်ကလည်း ကမ္ဘာတစ်ဝှမ်းမှ အစ္စလာမ့်ဓမ္မပညာရှင်များနှင့် မွတ်စလင်များက ပြင်းပြင်းထန်ထန် ကန့်ကွက်ရှုတ်ချကာ အီဂျစ်ကလည်း ၎င်းတို့နိုင်ငံသားများ အသတ်ခံရသည့်အတွက် ချက်ချင်းပင် ပြန်လည် တုံ့ပြန်တိုက်ခိုက်ခဲ့သည်။

    IS အဖွဲ့ ပေါ်ပေါက်ကာ အဖျက်လုပ်ငန်းများကို စတင်လုပ်ဆောင်စဉ်ကတည်းက ကမ္ဘာတစ်ဝှမ်းရှိ မွတ်စလင်များနှင့် အစ္စလာမ့်ဓမ္မပညာရှင်များက ပြင်းပြင်းထန်ထန် ရှုတ်ချခဲ့ပြီး အဆိုပါအဖွဲ့အား တိုက်ဖျက်ရေးအတွက် တိုက်တွန်းမှုများလည်း ပြုလုပ်ခဲ့ကာ လက်ရှိတွင် မွတ်စလင်များကပင် တို့အဖွဲ့အား ရင်ဆိုင် တိုက်ခိုက်လျက် ရှိနေသည်။

    စုပေါင်းတောင်းဆု

    အီသီယိုးပီးယားနိုင်ငံကမူ ၃ ရက်တာ ၀မ်းနည်းဖွယ်နေ့ သတ်မှတ်ခဲ့ပြီး နိုင်ငံအတွင်းရှိ ခရစ်ယာန်နှင့် မွတ်စလင်များမှာလည်း စုပေါင်း၍ ၀တ်ပြု ဆုတောင်းပြုမှုများ ပြုလုပ်ခဲ့ကာ ရိုင်းစိုင်းကြမ်းကြုတ်သော ထိုလုပ်ရပ်အား ရှုတ်ချခဲ့သည်။

    အဆိုပါ ၀တ်ပြုဆုတောင်းမှုကို အီသီယိုးပီးယား အစ္စလာမ့်ရေးရာ ဗဟိုကောင်စီမှ အကြီးအကဲဖြစ်သူ ရှိခ် မိုဟာမက် ဂျမာလ်က ဦးဆောင်ခဲ့ပြီး လူများအား ကြက်ကလေး၊ ငှက်ကလေး သတ်သကဲ့သို့ သတ်ဖြတ်မှုအတွက် အစ္စလာမ်တွင် နေရာမရှိဟု ပြောကြားခဲ့သည်။

    “တကယ်လို့ IS သာ ဘာသာတရားကို လိုက်နာမယ်ဆိုရင် သူတို့ လူတွေကို သတ်ဖြတ်မှာ မဟုတ်ပါဘူး။ ဒီလူငယ်လေးတွေ သေဆုံးခြင်းဟာ ကျွန်တော်တို့ မိသားစုထဲကတစ်ယောက်ယောက် အသတ်ခံရသလိုပါပဲ” ဟု အဆိုပါ ၀တ်ပြုဆုတောင်းမှုသို့ တက်ရောက်လာသည့် မွတ်စလင်တစ်ဦးဖြစ်သူ ကဒရ် ဟူစိန်က ပြောကြားခဲ့သည်။

    ပုပ်ရဟန်းမင်းကြီး ဖရန်စစ်ကလည်း ထိုကဲ့သို့ အသတ်ခံရသူများအတွက် ၀မ်းနည်းကြောင်း သတင်းစကားကို အီသီယိုးပီးယား တီဝါဟီဒို အော်သိုဒေ့ါစ်အသင်းတော် အကြီးအကဲသို့ ပေးပို့ခဲ့သည်။

    အသတ်ခံရသူများ၏ ဆွေမျိုးသားချင်းများကလည်း IS ၏ ထိုလုပ်ရပ်မှာ လူသားဆန်မှုအပြင်ဘက်မှ လုပ်ရပ်ဖြစ်သည်ဟု ပြောကြားခဲ့သည်။

    “ကျွန်တော် တော်တော်လေးဝမ်းနည်းပါတယ်။ ကျွန်တော့်ရဲ့ညီကို ဆုံးရှုံးခဲ့ရတယ်။ ကျွန်တော့်ရဲ့ တစ်ဦးတည်းသော ညီလေးပါ။ ဒါပေမယ့် အသက်တွေဆုံးရှုံးခဲ့ကြတဲ့ အီသီယိုးပီးယားနိုင်ငံသားတွေ အများကြီး ရှိပါတယ်။ သူတို့ဟာ သမုဒ္ဒရာထဲကို ပစ်ချခံနေရပါတယ်။ ဒီကိစ္စ ဘယ်လိုအဆုံးသတ်နိုင်မလဲဆိုတာ ဘုရားသခင်သာလျှင် သိပါတယ်” ဟု သေဆုံးသွားသူများထဲမှ တစ်ဦး၏ အကိုဖြစ်သူ တက်စ်ဖာယီက ၀မ်းနည်းခြင်း အခမ်းအနားသို့ လာရောက်ခဲ့သည့် ပရိတ်သတ်များကို ပြောကြားခဲ့သည်။

    ၂၀၀၇ ခုနှစ် အစိုးရ၏ သန်းခေါင်စာရင်းကောက်ယူမှုအရ အီသီယိုးပီးယားနိုင်ငံတွင် အစ္စလာမ်ဘာသာကို သက်ဝင်ယုံကြည်သူ အရေအတွက်မှာ ၃၄ ရာခိုင်နှုန်းရှိသည်ဟု သိရသည်။

    Ref: Onislam

  • အဓိပ္ပာယ်ကောက်လွဲတဲ့ သင်ကြားမှုများကြောင့် အစွန်းရောက်ဝါဒ ဖြစ်ပေါ်ခြင်းဟု အလ်-အဇ်ဟာရ် ရှေ့ဆောင်ဆရာပြောကြား

    အဓိပ္ပာယ်ကောက်လွဲတဲ့ သင်ကြားမှုများကြောင့် အစွန်းရောက်ဝါဒ ဖြစ်ပေါ်ခြင်းဟု အလ်-အဇ်ဟာရ် ရှေ့ဆောင်ဆရာပြောကြား

    ဖေဖော်ဝါရီ ၂၃၊ ၂၀၁၅
    M-Media

    al tyyib

    – ဘာသာရေးအစွန်းရောက်ဝါဒ ပြန့်နှံ့နေမှုကို ထိန်းချုပ်ဖို့အတွက် မွတ်စလင်နိုင်ငံတွေက ပညာရေးကို ပြုပြင်ပြောင်းလဲမှုတွေ လုပ်ရမယ်လို့ စွန်နီမွတ်စလင်ကမ္ဘာရဲ့ အမြင့်ဆုံး အစ္စလာမ့်ဓမ္မတက္ကသိုလ် အလ်- အဇ်ဟာရ်မှ ရှေ့ဆောင်ဆရာ အဟ်မဒ် အလ် တိုင်ယစ်ဘ်က ပြောကြားလိုက်ပါတယ်။

    ယမန်နေ့က ဆော်ဒီအာရေဗျနိုင်ငံက အစ္စလာမ်ဘာသာဝင်တို့ရဲ့ အထွဋ်အမြတ်ထားရာ မက္ကာမြို့မှာ ပြုလုပ်ခဲ့တဲ့ အကြမ်းဖက် တိုက်ဖျက်ရေးညီလာခံမှာ ဆွန်နီ အစ္စလာမ် လောကမှာ အလေးစား ခံရဆုံး ဘာသာရေးကျောင်း တစ်ခုရဲ့ ရှေ့ဆောင်ဆရာက ဒီလိုပြောကြား လိုက်တာဖြစ်ပြီး အစွန်းရောက်ဝါဒဆိုတာ ကုရ်အာန်ကျမ်းတော်မြတ်နဲ့ မုဟမ္မဒ်သခင်ရဲ့ သွန်သင်မှုတွေကို တလွဲအဓိပ္ပါယ်ပြန် တာတွေကြောင့် ဖြစ်လာတာတွေလို့လည်း ဆိုခဲ့ပါတယ။်

    “စည်းလုံးညီညွတ်မှုကို ပြန်ရဖို့ မွတ်စလင်နိုင်ငံတွေရဲ့ တစ်ခုတည်းသော မျှော်လင့်ချက်ကတော့ မွတ်စလင်တွေကို သာသနာပျက်တွေဖြစ်စေတဲ့ ဒီယိမ်းယိုင်မှုတွေကို ကျွန်တော်တို့ရဲ့ စာသင်ကျောင်းတွေ တက္ကသိုလ်တွေကနေ တွန်းလှန်ဖို့ပဲဖြစ်ပါတယ်” လို့ အစွန်းရောက်ဝါဒ တိုက်ဖျက်ရေးနဲ့ ပတ်သက်လို့ ၄င်းက ထည့်သွင်းမိန့်ကြားခဲ့ပါတယ်။

    ဒါတင်မကသေးဘဲ ဆရာတော် အဟ်မဒ် အလ်-တိုင်ယစ်ဘ်က အကြမ်းဖက်အဖွဲ့စည်းတွေကိုလည်း ရှုတ်ချခဲ့ပြီး အရှေ့အလယ်ပိုင်း ဒေသအတွင်း မတည်ငြိမ်မှုဟာ ဖီယွန်ဝါဒရဲ့ မဟာမိတ်ဖြစ်တဲ့ ကမ္ဘာ့ ကိုလိုနီ ၀ါဒကြောင့်ဖြစ်တယ်လို့ ပြောကြားခဲ့ပါတယ်။

    ဆော်ဒီဘုရင် ဆလ်မန် ဘင် အဘ်ဒူလ်အဇစ်ကလည်း ညီလာခံကိုပေးပို့တဲ့ သူ့ရဲ့ အဖွင့်မိန့်ခွန်းမှာ အကြမ်းဖက်ဝါနဲ့ မွတ်စလင်အစွန်းရောက်တွေကို ရှုတ်ချခဲ့ပြီး သူတို့တွေဟာ မွတ်စလင်တွေကို ခြိမ်းခြောက်နေရုံသာမက အစ္စလာမ်ရဲ့ ပုံရိပ်ကို မှေးမှိန်စေပြီး မွတ်စလင်မဟုတ်သူတွေ သွားပုပ်လေလွင့် ပြောရအောင် ဆောင်ရွက်နေတယ်လို့ အဲဒီမိန့်ခွန်းမှာ ဖော်ပြခဲ့ပါတယ်။

    နောက်ပြီး အစွန်းရောက်တွေဟာ အစ္စလာမ်သာသနာကို အလွဲသုံးစားလုပ်နေတာကြောင့် သူတို့ရဲ့ လုပ်ရပ်တွေဟာ မွတ်စလင်မုန်းတီးရေး အတွေးအခေါ်အယူအဆတွေကို မီးထိုးပေးနေတာ ဖြစ်တဲ့အကြောင်း၊ လူမဆန်တဲ့ သတ်ဖြတ်မှုတွေ၊ ဖိနှိပ်ချုပ်ချယ်မှုတွေ ပြုလုပ်နေတဲ့ အဲဒီ အကြမ်းဖက်သမားတွေဟာ အစ္စလာမ် ကမ္ဘာကို ခြိမ်းခြောက်နေပြီး မွတ်စလင်ပညာရှင်တွေအားလုံးကလည်း ဒီလိုအစွန်းရောက် တိုက်ဖျက်မှာဖြစ်တဲ့အကြောင်း ထည့်သွင်းပြောကြားခဲ့ပါတယ်။

    ၃ ရက်တာကြာမြင့်မယ် မက္ကာမြို့က ဒီညီလာခံကို ကမ္ဘာ့မွတ်စလင်လိဂ်က ဦးဆောင်ကျင်းပခဲ့တာဖြစ်ပြီး ကမ္ဘာတစ်ဝှမ်းက အစ္စလာမ် ဘာသာရေးခေါင်းဆောင်နဲ့ ပညာရှင်တွေတက်ရောက်ခဲ့ကြကာ အစွန်းရောက်ဝါဒကို အစ္စလာမ်နဲ့ ဘယ်လို တိုက်ဖျက်မလဲဆိုတာ ဆွေးနွေးသွားကြမှာဖြစ်ပါတယ်။

    Ref: alarabiya

  • အကြမ်းဖက်ဝါဒ တိုက်ဖျက်ရေး ညီလာခံတစ်ခု ကိုင်ရိုတွင်ပြုလုပ်

    အကြမ်းဖက်ဝါဒ တိုက်ဖျက်ရေး ညီလာခံတစ်ခု ကိုင်ရိုတွင်ပြုလုပ်

    ဒီဇင်ဘာ ၇ ၊ ၂၀၁၄
    M-Media
    10422368_697720533681358_5380238988872102556_n
    – အစွန်းရောက်ဝါဒနှင့် အကြမ်းဖက်ဝါဒတို့အား တန်ပြန်တိုက်ဖျက်ရန်အတွက် နိုင်ငံတကာညီလာခံတစ်ခုကို အီဂျစ်နိုင်ငံ ကိုင်ရိုမြို့၌ ဒီဇင်ဘာ ၃ ရက်နေ့တွင် ပြုလုပ်ခဲ့ပြီး ကမ္ဘာတစ်ဝှမ်း အစ္စလာမ်ဓမ္မပညာရှင်များ တက်ရောက်ခဲ့ကြသည်ဟု သိရသည်။

    `အဖွဲ့တွေ ကွဲနေတာ၊ ပဋိပက္ခတွေဖြစ်နေတာ၊ ရပ်တည်ချက်တွေ အစွန်းနှစ်ဖက်ရောက်နေတာတွေက မွတ်စလင်နိုင်ငံတွေကို ပြိုကွဲသွားဖို့ အစွန်းရောက်တွေ သုံးနေတဲ့ နည်းလမ်းတွေပါပဲ´ဟု အစ္စလာမ့်ရေးရာ ထိပ်တန်းတက္ကသိုလ်တစ်ခုဖြစ်သည့် ကိုင်ရိုရှိ အလ်အဇ်ဟာရ် တက္ကသိုလ်မှ ရှေ့ဆောင်အီမာမ် ရှိခ် အဟ်မဒ် အလ်-တိုင်ယစ်ဘ်က အဆိုပါ ညီလာခံတွင် ပြောကြားခဲ့သည်။

    အကြမ်းဖက်ဝါ တိုက်ဖျက်ရေး အဆိုပါညီလာခံကို အလ်-အဇ်ဟာရ်တက္ကသိုလ်မှ ဦးဆောင်ပြုလုပ်ခြင်းဖြစ်ပြီး ဆော်ဒီအာရေဗျ၊ အီရန်နှင့် မော်ရိုကိုနိုင်ငံတို့အပါအ၀င် ကမ္ဘာ့နိုင်ငံအသီးအသီးမှ ကိုယ်စားလှယ်များ တက်ရောက်ခဲ့ကြသည်။

    အစ္စလာမ့်ဓမ္မပညာရှင်များနှင့်အတူ အခြားအယူဝါဒများမှ ခေါင်းဆောင်များလည်း တက်ရောက်ခဲ့ကြပြီး ခရစ်ယာန် ကော့ပတစ်အသင်းတော်၏ ပုပ်ရဟန်းမင်းကြီး တာဝါဒရို့စ် ၂ ကလည်း မိန့်ခွန်းပြောကြားခဲ့သည်။

    `အာရပ်ကမ္ဘာက ဒီဒုက္ခသုက္ခတွေ၊ သွေးညှီနံ့တွေ၊ သေခြင်းတရားတွေ၊ ပေါက်ကွဲမှုတွေ ရောပြွန်းနေတဲ့ စုံလုံးကန်း သဘောထား ကွဲလွဲမှုတွေ၊ ပြည်သူတွေကို ခေါင်းဖြတ်တာတွေ၊ သမိုင်းမှာ မကြားဖူးတဲ့ ရက်စက်မှုမျိုးနဲ့အတူ လူသန်းပေါင်းများစွာကို အတင်းအဓမ္မ မောင်းထုတ်တာတွေ စတဲ့ အကြောင်းအရင်းနဲ့ ပတ်သက်ပြီး ကျွန်တော် ကိုယ့်ကိုယ်ကို ပြန်မေးခွန်းထုတ်မိပါတယ်။ ဒီလို ရိုင်းစိုင်းရက်စက်တဲ့ ရာဇ၀တ်မှုတွေက ဘာသာတရားကို ညစ်နွမ်းစေပါတယ်´ ဟု ပုပ်ရဟန်းမင်းကြီးက ပြောကြားခဲ့သည်။

    ထို့ပြင် ဘာသာအယူဝါဒအားလုံး၏ စည်းမျဉ်းစည်းကမ်းများက အတူတူပင်ဖြစ်သည်ဟုလည်း ၎င်းက ထည့်သွင်းပြောကြားခဲ့သည်။

    `ကျွန်တော်တို့ရဲ့ ဘာသာတရားတွေက ချစ်ခြင်းမေတ္တာရှိကြဖို့ ပြီးတော့ ကျွန်တော်တို့နဲ့ မတူတဲ့သူတွေကို လက်ခံကြဖို့ တိုက်တွန်းထားပါတယ်´ ဟု ၎င်းက ဆိုသည်။

    ဆီးရီးယားနှင့် အီရတ်နိုင်ငံတို့ကို သိမ်းပိုက်ကာ ရာဇ၀တ်မှုများကို ကျူးလွန်နေသော ISIL အဖွဲ့ကို ကမ္ဘာတစ်ဝှမ်းရှိ မွတ်စလင်များက ရှုတ်ချခဲ့ကြပြီး အဆိုပါ အကြမ်းဖက်အဖွဲ့အား ဆန့်ကျင်သော ဆန္ဒပြမှုများကိုလည်း ပြုလုပ်ခဲ့ကြသည်။

    7

    ရိုင်းစိုင်းသောလုပ်ရပ်

    ခရစ်နှစ် ၉၇၁ ခုနှစ်က တည်ထောင်ခဲ့သည့် အလ်အဇ်ဟာရ်တက္ကသိုလ်၏ ရှေ့ဆောင်အီမာမ်က လည်း ISIL စစ်သွေးကြွအဖွဲ့မှ ကျူးလွန်သော ရာဇ၀တ်မှုများကို ရှုတ်ချခဲ့သည်။

    `ဒီအကြမ်းဖက်ဝါဒကို ရင်ဆိုင် သုတ်သင်ဖို့ နိုင်ငံတကာ မဟာမိတ်တွေဟာ ကျောင်းတွေမှာ၊ဘာသာအယူဝါဒတွေမှာ ရုပ်ပိုင်းဆိုင်ရာနဲ့ စိတ်ပိုင်းဆိုင်ရာ စွမ်းအားတွေရလာအောင် ဆော်သြရပါမယ်´ ဟု အလ်-တိုင်ယစ်ဘ်က ပြောကြားခဲ့သည်။

    ဆော်ဒီမှ ရှေ့ဆောင်ဆရာတော်ကြီး မွဖ်သီ ရှိခ် အဘ်ဒူလ် အဇစ် အလ် ရှိခ်ကလည်း စစ်သွေးကြွများကို ပြည်သူများ၏ အသက်အိုးအိမ်စည်းစိမ်နှင့် ဂုဏ်သိက္ခာတို့အား အလွဲသုံးစားပြုနေသည့် ရန်လိုသူများအဖြစ် သတ်မှတ်ကာ လက်နက်ကိုင် ချေမှုန်းကြရန် မွတ်စလင်များအား တိုက်တွန်းခဲ့သည်။

    ပြီးခဲ့သည့် လအနည်းငယ်ကလည်း အဆိုပါ မွဖ်သီကြီးက အလ်ကိုင်းဒါးနှင့် ISIL အဖွဲ့မှာ အစ္စလာမ်၏ နံပါတ် ၁ ရန်သူဖြစ်သည်ဟု ပြောကြားခဲ့သည်။

    ထိုမတိုင်ခင် အီဂျစ်နိုင်ငံမှ မွဖ်သီကြီး ရှော်ကွီ အာလမ်ကလည်း အဆိုပါ စစ်သွေးကြွများ၏ ရက်စက်မှုများကို ရှုတ်ချခဲ့ပြီး ၎င်းတို့၏ လုပ်ရပ်များမှာ အစ္စလာမ်၏ သွန်သင်ချက်များ၊ စည်းမျဉ်းစည်းကမ်းများအား ချိုးဖောက်နေခြင်းဖြစ်သည်ဟု ပြောကြားခဲ့သည်။

    အိန္ဒိယရှိ ဆွန်နီနှင့် ရှီအာမွတ်စလင်များကလည်း ISIL အား ရှုတ်ချခဲ့ပြီး မြင့်မြတ်သော သမိုင်းဝင်နေရာများအား ၎င်းအဖွဲ့က ဖျက်ဆီးမှု၊ အစ္စလာမ်ဘာသာဝင်များအကြား ဂိုဏ်းဂဏ၀ါဒ ဖြစ်လာစေရန်နှင့် သွေးကွဲလာစေရန် လုပ်ဆောင်မှုများမှာ အစ္စလာမ့်နိုင်ငံတော်ဖြစ်လာရေးအတွက် အထောက်အကူမပြုဟု ပြောကြားခဲ့သည်။

    အင်ဒိုနီးရှား၏ အကြီးဆုံး အစ္စလာမ်ဘာသာရေးအဖွဲ့အစည်းဖြစ်သော နဒ်လာသွလ် အိုလမာ NU အဖွဲ့ကလည်း ISIL အဖွဲ့အား ရှုတ်ချခဲ့ပြီး အင်ဒိုနီးရှားနိုင်ငံအတွင်း ၎င်းတို့၏ အယူအဆ ပြန့်နှံ့မှု မရှိစေရန်အတွက် ခိုင်မာသည့် ဆောင်ရွက်မှုများ ပြုလုပ်ရန် အစိုးရအား တိုတွန်းခဲ့သည်။

    ထို့ပြင် အင်ဒိုနီးရှားရှိ အစ္စလာမ့်ကျောင်းသားများ အစည်းအရုံး HMI ကလည်း ISIL ၏ အယူဆများကို ရှုတ်ချခဲ့သည်။

    OnIslam

  • လူငယ်များ အဖိနှိပ် ခွဲခြား ဆက်ဆံခံရလျှင် အစွန်းထွက် သမားများ၏ စည်းရုံး ခံရမည်ဟု အစွန်းရောက်ဝါဒ တိုက်ဖျက်မှု ကမ္ဘာ့ညီလာခံတွင် အလ်ဟဂ်ျ  ဦးအေးလွင်ပြောကြား

    လူငယ်များ အဖိနှိပ် ခွဲခြား ဆက်ဆံခံရလျှင် အစွန်းထွက် သမားများ၏ စည်းရုံး ခံရမည်ဟု အစွန်းရောက်ဝါဒ တိုက်ဖျက်မှု ကမ္ဘာ့ညီလာခံတွင် အလ်ဟဂ်ျ ဦးအေးလွင်ပြောကြား

    ဒီဇင်ဘာ ၅ ၊ ၂၀၁၄
    M-Media
    သီဟ
    1
    အီဂျစ်နိုင်ငံ အလ်အဇ်ဟရ် တက္ကသိုလ်မှ ကြီးမှူး ကျင်းပသော အကြမ်းဖက်မူနဲ့ အစွန်းရောက်ဝါဒ တိုက်ဖျက်မှု ကမ္ဘာ ညီလာခံ (Al-Azhar Conference for Confronting Extremism and Terrorism ) ကို ဒီဇင်ဘာ (၃ – ၄) ရက်တို့တွင် အီဂျစ်နိုင်ငံ ကိုင်ရိုမြို့မှာ ကျင်းပခဲ့ပါတယ်။

    အဆိုပါ ညီလာခံကို ရှိုက်ခွလ် အဇ်ဟရ် အီမာမ် အက်ဘရ် ရှိုက်ဒေါက်တာ အဟ်မဒ် တိုင်ယေဘ် ဦးဆောင် ကျင်းပခြင်းဖြစ်ပြီး ကမ္ဘာနိုင်ငံ အသီးသီးမှ အစ္စလာမ်သာသနာ့ ပညာရှင်များ၊ ခေါင်းဆောင်များ၊ Coptic Pope, Vatican အပါအဝင် ခရစ်ယာန် Church ကျောင်းများမှ ကိုယ်စားလှယ်များ၊ အကြမ်းဖက်မူ ခံစားနေရသော လူမျိုးစု ကိုယ်စားလှယ်များ ပါဝင်တက်ရောက်ခဲ့ကြောင်း သိရပါတယ်။

    10603809_10204450514438931_6048011692387480207_n

    အဆိုပါညီလာခံသို့ မြန်မာနိုင်ငံမှ အစ္စလာမ်ဓမ္မဗိမာန် ဦးဆောင်သြရေးမှူးနှင့် ဘာသာပေါင်းစုံ ချစ်ကြည်ရေး အဖွဲ့ဝင် ကာဒရီယာ အာလီယာ ခလီဖွှာ အလ်ဟဂ်ျ ဦးအေးလွင် တက်ရောက်ဆွေးနွေး ခဲ့ကြောင်း သိရပါတယ်။

    အလ်ဟဂ်ျဦးအေးလွင် ဆွေးနွေးတင်ပြရာတွင် မြန်မာနိုင်ငံတွင် ဘာသာပေါင်းစုံ၊ လူမျိုးပေါင်းစုံရှိကြောင်း၊ ထေရဝါဒ  ဗုဒ္ဓဘာသာကို လူအများစု ကိုးကွယ်ကြပြီး၊ အစ္စလာ သာသနာမှာ ဒုတိယ အများဆုံး ဖြစ်ကြောင်း၊ ခန့်မှန်းချေ အစ္စလာမ် ကိုးကွယ်သူ (၈) သန်း အထက်တွင် ရှိကြောင်း၊ ယခုအခါ ဘာသာရေးကို နိုင်ငံရေး အလို့ဌာ အသုံးချ၍ ဘာသာရေး၊ လူမျိုးရေး အသွင် သဏ္ဍာန်ဆောင်သည့် ပဋိပက္ခများကို နောက်ကွယ်မှ ကြိုးကိုင်၍ စနစ်တကျ ဖန်တီးနေကြောင်း၊ လူငယ်များ အဖိနှိပ်ခံရလျှင်၊ ခွဲခြား ဆက်ဆံခံရလျှင် အစွန်းထွက်သမားများ ၏ စည်းရုံးခြင်း ခံရမည်ဖြစ်ကြောင်း ၊ အကြမ်းဖက်နှင့် အစွန်းထွက်မှုကို ကာကွယ်ရန် တရားမျှတမှုနှင့် လူအခွင့်အရေး အပြည့်အဝ ပေးရန် လိုအပ်ကြောင်း ပြောကြားခဲ့ပြီး၊ ကျမ်းတော်မြတ် ကုရ်အာန်နှင့် တမန်တော်၏ အမ်ိန့်သြဝါဒ အကိုးအကားများနှင့် အစ္စလာမ်၏ ငြိမ်းချမ်းရေး မတူကွဲပြားမှုကို နားလည်လက်ခံရေး၊ အစွန်းလွတ်တရားစသည့် တို့ကို တင်ပြခဲ့ကြောင်း သိရှိရပါတယ်။

     

    အဆိုပါညီလာခဲ့တွင် ရှိုက်ခွလ်အဇ်ဟရ် အပါအဝင် အစ္စလာမ်သာသနာ့ ပညာရှင်များ၊ ခေါင်းဆောင်များက အကြမ်းဖက်မူနဲ့ အစွန်းရောက်ဝါဒကို ရှုတ်ချခဲ့ကြပြီး အစ္စလာမ် အမည်ခံပြီး အကြမ်းဖက်မူများကို ပြင်းထန်စွာ ကန့်ကွက်ကြောင်းသိရပါတယ်။

    အကြမ်းဖက်မူနဲ့ အစွန်းရောက်မှု ဖြစ်ပေါ်စေရန် တွန်းပို့တဲ့ ဘာသာရေး၊ နိုင်ငံရေး၊ စီးပွါးရေး အကြောင်းခံများကိုလဲ ထောက်ပြဝေဖန်ခဲ့ကြကြောင်း သိရပါတယ်။

    ဓါတ်ပုံတချို့-youm7 မှ ကူးယူဖော်ပြပါသည်။

  • အာရပ်နွေဦးသည် အနောက်တိုင်း၏ အကြံအစည်ဟု အလ်အဇ်ဟရ် တက္ကသိုလ် အဓိပတိ အိမာမ်မှ ပြောကြား

    မေ ၁၆ ၊ ၂၀၁၄
    M-Media
    Ahmed El-Tayeb
    ကိုင်ရို။    ။ အလ်အဇ်ဟရ် တက္ကသိုလ်မှ အိမာမ်ကြီး ရှိုင်းခ် အဟ်မဒ် အလ်သွိုင်ယစ်ဘ် က အာရပ်နွေဦးတော်လှန်ရေးများသည် အာရပ်နိုင်ငံများ အစိပ်စိပ် အမြွာမြွာပြိုကွဲပြီး ကိုလိုနီ လက်အောက်ခံပြန်ဖြစ်ရေးအတွက် အနောက်တိုင်းမှ အကြီးစားကြံစည်ချက် အစိပ်အပိုင်းတစ်ရပ်ဖြစ်ကြောင်း အခိုင်အမာ ပြောကြားလိုက်သည်။

    “ အာရပ်နွေဦးတော်လှန်ရေးတွေဟာ အချို့အာရပ်နိုင်ငံများအတွက် ကောင်းကျိုးအနည်းငယ် သယ်ဆောင်လာခဲ့တာ မှန်ပေမယ့် ဒီတော်လှန်ရေးတွေထဲက တစ်ချို့ကျတော့ ကျန်တဲ့တိုင်းပြည်တွေကို ကွဲပြဲပိုင်းခြားစေရေး အကြံအစည်ကြီး တစ်ခုရဲ့ အစိတ်အပိုင်း သာဖြစ်ခဲ့တယ် ” ဟူ၍ စွန္နီကမ္ဘာ၏ အဆင့်အမြင့်ဆုံး သင်ကြားရေးနေရာ ရထားသူ အလ် သွိုင်ယစ်ဘ်မှ El-Hayat El-Youm အစီအစဉ်၌ မေလ ၁၁ ရက် တနင်္ဂနွေနေ့တွင် ပြောကြားခဲ့ကြောင်း Al-Arham သတင်းစာက ဖော်ပြသည်။

    “ အီရတ်ကို လက်နက်အပြည့်အစုံတပ်ဆင်ထားခဲ့တဲ့ အမေရိကန်တပ်ဖွဲ့တွေ စေလွှတ်ခဲ့တယ်။ ပြီးတော့ အီရတ် ပျက်စီးပြီးသွားတဲ့ အခါမှသာ ပြန်ဆုတ်ခွာ သွားခြင်းဖြစ်တယ် ” ဟူသောစကားဖြင့် သူ၏အဆိုကို ထပ်လောင်းအတည်ပြုခဲ့သည်။

    သမ္မတ မုဟမ္မဒ် မူရ်စီအား စစ်တပ်မှ ဖြုတ်ချလိုက်ပြီးကတည်းက ဤသည်မှာ အလ် သွိုင်ယစ်ဘ်၏ ပထမဆုံးအကြိမ် ရုပ်မြင်သံကြား အင်တာဗျူးတွင် ပြောဆိုခြင်းဖြစ်သည်။ အနောက်တိုင်းနိုင်ငံရေးသမားတို့သည် အစ္စလာမ့်ယဉ်ကျေးမှုကိုဆန့်ကျင်သော သူတို့၏ အရောင်အသွေး အစစ်အမှန်ကို ပြသခဲ့ပြီးဖြစ်သည်ဟု ၎င်း ပုဂ္ဂလိကပိုင် ရုပ်မြင်သံကြားဌာနမှ တဆင့် အလ်သွိုင်ယစ်ဘ်က အတည်ပြုပြောကြားခဲ့၏။ အခြားနိုင်ငံများတွင်လည်း အနေအထားက ပိုမိုကောင်းမွန်လာခဲ့သည် မရှိချေ။ ဆီးရီးယားပြည်တွင်းစစ်က သိန်းနှင့်ချီသောပြည်သူတို့အား အိုးအိမ်မဲ့ဘ၀သို့ တွန်းပို့လိုက်ပြီး အိမ်နီးချင်းနိုင်ငံများ၌ ဒုက္ခသည်များအဖြစ် ရောက်သွားစေခဲ့ပေသည်။

    အရှေ့တိုင်းနှင့် ဆက်ဆံမှုအား အနောက်တိုင်းမှ ဆက်ဆံမှုကောင်းမွန်ရေးနှင့် သဟဇာတ သင့်မြတ်ရေးထက် စစ်ပွဲတစ်ရပ် အသွင်ဖြင့် တွေးခေါ်သည့် အကြောင်းကို သူက “ သိပ္ပံပညာဟာ လူသားတွေရဲ့ အပြန်အလှန်ကောင်းကျိုးဖြစ်တဲ့အကြောင်းကို ဥပေက္ခာပြုထားပြီး  အရှေ့တိုင်းက အဖိုးတန်အမွေအနှစ်တွေအပေါ် ထိန်းချုပ်နိုင်ရေးအတွက် အနောက်တိုင်းက တလွဲသီအိုရီတွေကို တီထွင်ထားတယ်။ ယခုချိန်တိုင်အောင် အနောက်တိုင်းက အရှေ့တိုင်းနဲ့ မဆုံစည်းသေးဘူး။ ပညာရေး တစ်ကျော့ပြန် ထွန်းတောက်တဲ့ ခေတ်ကတည်းက အရှေ့တိုင်းနဲ့အနောက်တိုင်းအကြားမှာ ထိစပ်ချိတ်ဆက်မှုရှိသွားနိုင်ပြီလို့ အလ်အဇ်ဟရ်ပညာရှင်တွေ ခန့်မှန်းထားကြသော်လည်း ကျယ်ပြန့်တဲ့ကွာဟချက်က ကြီးထွားနေတုန်းပါပဲ ” ဟု ဆိုလိုက်သည်။

    အာရပ်နွေဦးတော်လှန်ရေးသည် တူနီးရှား၊ အီဂျစ်၊ ယီမင်၊ လစ်ဗျားနှင့် ဆီးရီးယား၌ ၂၀၁၁ ခုနှစ်တွင် စတင်ခဲ့သည်။ အီဂျစ်နှင့် တူနီးရှား နှစ်နိုင်ငံထဲ၌သာ သမ္မတဟောင်းများဖြစ်ကြသော မုဘာရပ်က် နှင့် ဘင်န်အလီအား ငြိမ်းချမ်းစွာ ကန့်ကွက်ဆန္ဒပြမှုဖြင့် ဖယ်ရှားနိုင်ခဲ့ကြသည်။ ရှေ့ဆက်၍ လစ်ဗျားပြည်သူတို့က ဖြုတ်ချရေးကို ပြုလုပ်ပြီး ဂဒါဖီအား သေတွင်းသို့ ပို့လိုက်ကြသည်။

    အီဂျစ်၌ တော်လှန်ရေး သုံးနှစ်ကြာသော် မူရ်စီအား နိုင်ငံ၏ ပထမဆုံး ဒီမိုကရေစီနည်းကျရွေးချယ်သည့် သမ္မတ အဖြစ် တင်မြှောက်နိုင်ခဲ့သည်။ သူ့လက်ထက်တွင်လည်း ဆန္ဒပြမှုဖြစ်ပေါ်ပြီးနောက် ကာကွယ်ရေး ၀န်ကြီးဟောင်းမှ သူ့အား ပြီးခဲ့သည့် ဇူလိုင်လတွင် ဖြုတ်ချခဲ့ပြန်သည်။

    Ref: OnIslam & Newspapers