News @ M-Media

Tag: Al-Qaeda

  • ISIS လုပ်ရပ်များနှင့် အလ်ကိုင်ဒါ၏  ကြေငြာချက် အပေါ် မြန်မာ မွတ်စလင် အသိုင်းအဝို်င်းရဲ့ တုံ့ပြန်မှု (၂)

    ISIS လုပ်ရပ်များနှင့် အလ်ကိုင်ဒါ၏ ကြေငြာချက် အပေါ် မြန်မာ မွတ်စလင် အသိုင်းအဝို်င်းရဲ့ တုံ့ပြန်မှု (၂)

    စက်တင်ဘာ ၆ ၊ ၂၀၁၄
    M-Media
    ချမ်းငြိမ်းအေး၊ လမင်း တွေ့ဆုံမေးမြန်းသည်။

    ISIS လုပ်ရပ်များနှင့် အလ်ကိုင်ဒါ၏  ကြေငြာချက်အပေါ် KAFTG ဃရာနာ အစ္စလာမ်သာသနာ ပရမတ္ထမိသားစုအဖွဲ့ ဂိုဏ်းချုပ်ဆရာတော် ခလီဖွှဟ် ဦးသိန်းဝင်းအောင်၏ အမြင်သဘောထား
    U Thein win aungISIS လုပ်ရပ်များနှင့် အလ်ကိုင်ဒါအဖွဲ့၏ ကြေငြာချက်အား KAFTG ဃရာနာ အစ္စလာမ်သာသနာ ပရမတ္ထမိသားစုအဖွဲ့ ဂိုဏ်းချုပ်ဆရာတော် ခလီဖွှဟ် ဦးသိန်းဝင်းအောင်က သူ၏အမြင်ကို အခုလို ပြောကြားခဲ့ပါတယ်။

    “ဒီကနေ့ ISIS အဖွဲ့ဆိုပြီးတော့ ကမ္ဘာမှာ လူတွေကိုအပြစ်မဲ့ သတ်ဖြတ်မှုတွေကို ကလိမာဟ် စာတန်းတွေရဲ့ရှေ့ ဗလီဝတ်ကျောင်းတော်တွေရဲ့ရှေ့တွေမှာ သတ်နေတာတွေကို ရုပ်သံတွေနဲ့ကမ္ဘာကိုလွှင့်နေကြတာဟာ အစ္စလာမ်သာသနာကို အကြမ်းဖက် သာသနာလို့ ကမ္ဘာကစွပ်စွဲအောင် လုပ်နေကြတာပါ။ အစ္စလာမ်ဘာသာက ဒီလိုခိုင်းထားတာမဟုတ်ပါဘူး။ သူ့တို့တစ်တွေလုပ်နေတဲ့ လုပ်ရပ်တွေက အစ္စလာမ်ဘာသာဝင်တွေ လုပ်ရမယ့်အလုပ်တွေနဲ့ လုံးဝကိုဆန့်ကျင်နေပါတယ်။ တမန်တော်မိုဟမ္မဒ် လက်ထက်ကတည်းက အပြစ်မဲ့လူတွေကို သတ်ဖြတ်တယ်ဆိုတာ လုံးဝကိုမရှိခဲ့ပါဘူး။ သူတို့တွေအခုလုပ်နေတဲ့ လုပ်ရပ်တွေဟာ အစ္စလာမ်နဲ့ ဘာမှမဆိုင်ပါဘူး။

    ကျမ်းတော်မြတ်ကုရ်အာန်မှာ လူတစ်ယောက်ကို ကူညီတာသည် လူတစ်ယောက်ရဲ့အသက်ကို ကယ်လိုက်တာသည် တစ်ကမ္ဘာလုံးမှာရှိတဲ့ လူသားကိုကယ်တဲ့အကျိုးကို အလ္လာဟ်အရှင်မြတ်ကပေးမယ်။ အပြစ်မရှိတဲ့ လူတစ်ယောက်ရဲ့အသက်ကို သတ်တာသည် တစ်ကမ္ဘာလုံးမှာရှိတဲ့ လူသားမျိုးနွယ်တွေကို သတ်ခြင်းနဲ့တူတယ်လို့ မိန့်တော်မူထားတယ်။ ကျမ်းမြတ်ကုရ်အာန်ဆိုတာ တစ်ကမ္ဘာလုံးက အစ္စလာမ်ဝင် လူသားတိုင်း လိုက်နာရမယ့်အရာဖြစ်တယ်။ ကုရ်အာန်က ဒီလို မိန့်တော်မူထားတဲ့အတွက် ဒီကနေ့ဖြစ်နေတဲ့ အကြမ်းဖက်တယ်တို့ အပြစ်မရှိတဲ့လူတွေကို သတ်တယ်တို့ဆိုတာ အစ္စလာမ်ဘာသာနဲ့ မဆိုင်သလို ကျွန်တော်တို့အနေနဲ့ အားလည်းမပေးပါဘူး။”

    အခုရက်ပိုင်းမှာ အလ်ကိုင်ဒါအဖွဲ့ရဲ့ အိန္ဒိယတို့ မြန်မာနိုင်ငံတို့ဘက် ၀င်ရောက်မယ်ဆိုတဲ့ ကြေငြာချက်အပေါ် သဘောထားခံယူချက်ကိုလည်း အခုလို ပြောပြပြန်ပါတယ်။

    “အလ်ကိုင်ဒါအဖွဲ့ဆိုတာ တကယ်တမ်းမှာ သူတို့ကိုယ်တိုင်က ပြေးရှောင်နေရသူတွေပါ။ သူတို့ရဲ့ ခေါင်းဆောင်ဖြစ်သူ အိုစမာဘင်လာဒင် ကိုယ်တိုင်လည်း ပြေးရှောင်ရင်း သေဆုံးသွားခဲ့ရတာပါ။

    ဒါကြောင့် ကျွန်တော်တို့ မြန်မာနိုင်ငံမှာ အကြမ်းဖက်မှုလုပ်ရပ်တွေ လုပ်လာမယ်ဆိုရင်တော့ ကျွန်တော်တို့ဘက်က ကာကွယ်ရမှာပါ။ အစ္စလာမ် ဘာသာကို နှိပ်ကွပ်တဲ့အတွက် တိုက်ခိုက်မယ်ဆိုရင် အကြမ်းမဖက်နည်းနဲ့ တိုက်မယ်ဆိုရင် ကျွန်တော်တို့လည်း တိုက်ဖျက်မယ်။ မြန်မာနိုင်ငံမှာရှိတဲ့ အစိုးရ မြန်မာနိုင်ငံမှာရှိတဲ့ လူအားလုံး မှန်တယ်လို့ ကျွန်တော်မပြောဘူး။ ဒါပေမယ့် နှိပ်ကွပ်မှုတွေကို အကြမ်းမဖက် နိုင်ငံရေးနည်းလမ်းနဲ့ တိုက်ခိုက်မယ်ဆိုရင် ကျွန်တော်တို့လည်း ပါဝင်မယ်။ ကျွန်တော်တို့က Pro မဟုတ်ဘူး anti ပဲ။ အကြမ်းဖက် နည်းလမ်းနဲ့ အပြစ်မရှိသူတွေ၊ ရဟန်းရှင်လူ ပြည်သူတွေကို တိုက်ခိုက်မယ်ဆိုရင်တော့ အကြမ်းဖက်ကို အားမပေးတဲ့ အပြင် အကြမ်းဖက်ကို ဆန့်ကျင်ပြီး ကျွန်တော်တို့က ကာကွယ်မယ့်သူတွေ ဖြစ်တယ်။

    မြန်မာနိုင်ငံမှာ ဖိနှိပ်နေတာ ချုပ်ချယ်နေတာရှိတယ်။ အဲ့ဒါကို ကျွန်တော်တို့လည်း ဆန့်ကျင်တယ် ကန့်ကွက်တယ်။ သားစဉ်မြေးဆက်လည်း ဖိနှိပ်လာတယ်၊ ချုပ်ချယ်လာတယ်။ ဘယ်သူပဲဖြစ်ဖြစ် ကျွန်တော်တို့ကို ဖိနှိပ်လာရင် တတ်နိုင်သလောက် ဆန့်ကျင်မယ် ကာကွယ်မယ် ကန့်ကွက်မယ်။ အခုလိုပြောတာက ကျွန်တော်တို့က အစိုးရက လော်ဘီလည်းမဟုတ်ဘူး၊ လက်ကိုင်တုတ်လည်းမဟုတ်ဘူး။ မတရားတာရှိရင် မတရားတာကိုပြောမယ်။ ဥပဒေရှိတယ်၊ ဥပဒေအတွင်းက ပြောမယ်။ ဥပဒေအတွင်းက ဆန့်ကျင်မယ်၊ နိုင်ငံရေးအရ တိုက်ဖျက်မယ်။ အသက်သေဆုံးသည့်တိုင် တိုက်ဖျက်သွားမယ်။ အဲ့ဒါ ကျွန်တော်တို့ရဲ့ ခံယူချက်။

    ဒါပေမယ့် အပြစ်မရှိတဲ့လူတွေကို အကြမ်းဖက်လုပ်လာရင် ပြည်သူလူထုနဲ့အတူ ကာကွယ်ပြီး အကြမ်းဖက်ကို ကျွန်တော်တို့ကိုယ်တိုင် တိုက်ခိုက်မှာဖြစ်တယ်။ ဒါက ကျွန်တော်တို့ရဲ့ သဘောထားပါပဲ။”
    ====================================
    ISIS လုပ်ရပ်များနှင့် အလ်ကိုင်ဒါ၏ အကြမ်းဖက်မှု ကြေငြာချက်အပေါ် သျှီအာအိုလမာ ဥက္ကဋ္ဌ ဦးခင်မောင်ဦး ၏ အမြင်သဘောထား
    ISIS အပေါ် သဘောထားအမြင်ကို သျှီအာအိုလမာ ဥက္ကဋ္ဌ ဦးခင်မောင်ဦးက အခုလို ပြောပြခဲ့ပါတယ်။

    999268_548869968488811_913555310_n“IS ရဲ့ လက်ရှိအခြေအနေမှာ သူတို့က တစ်မြို့ကို သိမ်းထားတယ်လို့ သိရတယ်။ နောက်ပြီးတော့ ဆီးရီးယားနဲ့ ဂျရတ်နဲ့က ဘော်ဒါတွေ အဲ့ဒါတွေကို တဘက်က ပိတ်ပစ်လိုက်တယ်။ အဲ့လို ပိတ်ပစ်လိုက်တဲ့အခါ သူတို့မှာ ထွက်ပေါက်မရှိဘူးလိုဖြစ်နေတယ်။ လက်ရှိအနေထားမှာ IS က မြို့ကို သိမ်းထားပေမယ့် အများပြည်သူက လက်မခံဘူး။ အဲ့ဒီမှာက သျှီအာက minority စွန္နီက majority ပါ။ တိုက်တဲ့နေရာမှာ တော်တော်များများ စွန္နီတချို့ကလည်း သူတို့ကို လက်မခံဘူး။ သူတို့သိမ်းထားတဲ့နေရာတွေမှာ အခွန်ကောက်တာတို့ အဓမ္မအဖွဲ့ထဲကို ဆွဲသွင်းတာတို့လုပ်တာ သိရတဲ့အတွက် လက်မခံကြဘူး။ မီဒီယာဆိုတာကတော့ ကိုယ်လိုချင်တဲ့ဘက်ကို ဇောင်းပေးပြီး ဖော်ပြတာတွေရှိတတ်တယ်။

    မီဒီယာရဲ့သဘောကတော့ တစ်ဘက်ထဲကြည့်ပြီး ဆုံးဖြတ်လို့ မရဘူး။ ကိုယ်ယူတဲ့ ရှုထောင့်ကနေ ဖော်ပြတတ်ကြတယ်။ Opposite ရှိတတ်တယ်။ ရှင်းရှင်းပြောရရင် သာမန်လူသားတွေ အနေနဲ့က အဲ့ဒီနေရာ ကိုယ်ရောက်တာမှ မဟုတ်တာ။ ကိုယ်က သွားပြီး မြင်တာ ကြည့်တာ မဟုတ်တဲ့အတွက် နှစ်ဖက် မီဒီယာကို သုံးသပ်လိုက်ရင် အနီးစပ်ဆုံး အဖြေတစ်ခုတော့ ထွက်လာတယ်။ အခု IS ကိစ္စနဲ့ ပတ်သက်ပြီး မီဒီယာတွေ ဘယ်လိုပဲ ဖော်ပြဖော်ပြ ဒီ IS က သိမ်းမယ် ဆိုတာက ဖြစ်နိုင်မလား။ Possible ဆိုတာရှိတယ် impossible ဆိုတာရှိတယ်။ Nothing တော့ မဟုတ်ဘူး။ အခုလက်ရှိက ဇီယွန်ဝါဒီကို တိုက်ခိုက်ရမှာဖြစ်ပြီး ဘာလို့ အချင်းချင်း ပြဿနာရှာရမှာလဲ။ အချင်းချင်း ပြဿနာရှာမယ့်အစား တခြားမှာ ကလေးတွေသေနေတယ်၊ မိန်းမတွေ၊ အပြစ်မဲ့ပြည်သူတွေသေနေတာရှိပေမယ့် အဲ့ဒီမှာ မလုပ်ပဲ ဘာလို့ ဒီမှာမှ လာလုပ်နေလဲ။ ၀ါဒမတူတိုင်း ရန်သူမှ မဟုတ်တာပဲ။”

    အလ်ကိုင်ဒါ၏ အကြမ်းဖက်မှုလုပ်ရပ်များအား မြန်မာနိုင်ငံသို့ ၀င်ရောက်မည်ဆိုသည့် ကြေငြာချက်အပေါ် သူ၏ သဘောထားအမြင်ကိုလည်း အခုလို ထပ်မံ ပြောပြခဲ့ပါတယ်။

    အလ်ကိုင်ဒါက ၀င်မယ်ဆိုတာ သူတို့ကြေညာနေတာတွေရှိတယ်။ ဘယ်လိုဖြစ်ဖြစ် ၀င်သည်ဖြစ်စေ မ၀င်သည်ဖြစ်စေ အဲ့ဒီ ကြေငြာချက် ကတော့ မြန်မာပြည်မှာရှိတဲ့ မွတ်စလင်တွေ အတွက် မကောင်းဘူး။ ဒါက ရှင်းရှင်းပြောမယ်ဆိုရင် ကိုယ့်အရေးကို ကိုယ်ပဲ ဖြေရှင်းရမယ်။ ဟိုနိုင်ငံက ငါတို့ကို ကူညီမလား၊ ဒီနိုင်ငံက ငါတို့ကို ကူညီမလားဆိုတဲ့ ဒွေးတော်လွမ်းတဲ့ ကိစ္စတွေကို ဘေးဖယ်ထားပြီး လက်ရှိဖြစ်ပျက်နေတဲ့အရေးမှာ သိထားရမှာက ငါတို့သည် နိုင်ငံခြားသားတွေမဟုတ်ဘူး။ ငါတို့သည် ပုန်ကန်နေတဲ့သူတွေလည်း မဟုတ်ဘူး။

    ပုန်ကန်နေတဲ့သူမဟုတ်တဲ့အတွက် လက်ရှိအခြေခံဥပဒေမှာရော ယခင်အခြေခံဥပဒေမှာရော နိုင်ငံသားတိုင်းသည် လွတ်လပ်စွာ ကိုးကွယ်ပိုင်ခွင့် ရှိသလို နိုင်ငံသားတိုင်းဟာ တန်းတူညီမျှအကျိုးကို ခံစားခွင့် ရှိတယ်ဆိုတာ ဖော်ပြထားတယ်။ နောက်တစ်ခုက နိုင်ငံသားတိုင်းရဲ့ အသက်အိုးအိမ် စည်းစိမ်ကို နိုင်ငံတော်က အပြည့်အ၀ ကာကွယ်ပေး ရမယ်ဆိုတာ ရှိနေတယ်။ ဒီလို ရှိနေတဲ့အတွက် ဒါက သီးသန့် တောင်းဆိုနေတာ မဟုတ်ဘူး။ ဒီနေ့အထိ ဘယ်မွတ်စလင်ကမှ ငါတို့ကို ပြည်နယ်တစ်ခုပေးပါလို့ တောင်းဆိုထားတာ မရှိဘူး။ အခုလို တောင်းနေတာလည်း မဟုတ်တဲ့အတွက် ဒီကိစ္စက တစ်ဘက်စောင်းနင်းတွေ ရှိကောင်းရှိနိုင်တယ်၊ ရှိလည်း ရှိနေတယ်။ ဒါကြောင့် ကိုယ့် right အတွက်ကတော့ ကိုယ်ပဲ ရပ်တည်ရမယ်

    ကုရ်အာန်ကလည်း ဘာပြောထားလဲဆိုတော့ အကြင်လူမျိုးတို့သည် မိမိတို့ကိုယ်ကို မိမိတို့ မပြောင်းလဲသရွေ့ ကာလပတ်လုံး ငါအရှင်က ထိုသူတို့ကို ပြောင်းလဲပေးမည် မဟုတ်တဲ့။ မိမိအပြောင်းအလဲအတွက် မိမိ ပြောင်းလဲနိုင်ရမှာပါ။ အကြမ်းဖက်ဆိုတာကိုက အစ္စလာမ်မှာ အကြမ်းဖက်ဆိုတာ မရှိဘူး။ တစ်ခုကတော့ ကိုယ့်ရဲ့ right အတွက် အစ္စလာမ်မှာ ဂျီဟာဒ်ဆိုတာ Defense ကိုပြောတာ။ သူများကို အလကား တိုက်ရမှာ မဟုတ်ဘူး။ ဒါကြောင့် ဒီအလ်ကိုင်ဒါရဲ့ ပြောကြားချက်ကတော့ ကျွန်တော့်အနေနဲ့ မထောက်ခံဘူး။”

    ISIS အဖွဲ့ နှင့် ၄င်းတို့ လုပ်ရပ်များ အပေါ် မြန်မာမွတ်စလင် အသိုင်းအဝိုင်းရဲ့ သဘောထား (၁) ဖတ်ရန်

  • ကျွန်တော်တွေးမိတဲ့ ဇဝါရီ၊ အလ်ကိုင်ဒါ၊ မြန်မာနိုင်ငံ၊ အရှုံးနဲ့ အမြတ် ဇာတ်လမ်း

    ကျွန်တော်တွေးမိတဲ့ ဇဝါရီ၊ အလ်ကိုင်ဒါ၊ မြန်မာနိုင်ငံ၊ အရှုံးနဲ့ အမြတ် ဇာတ်လမ်း

    စက်တင်ဘာ ၅ ၊ ၂၀၁၄
    M-Media
    -ခေတ်လူ ရေးသည်။
    piecework_security
    အလ်ကိုင်ဒါ ခေါင်းဆောင် အလ်ဇဝါရီရဲ့ အိန္ဒိယတိုက်ငယ် အခြေစိုက် အဖွဲ့ ခွဲတည်ထောင်မှုနဲ့ ပစ်မှတ် နယ်မြေသစ်တွေအဖြစ် အိန္ဒိယ၊ ဘင်္ဂလားဒေ့ရ်ှနဲ့ မြန်မာတွေ ပါဝင်မယ်ဖြစ်ကြောင်း ကြေငြာချက် ဗီဒီယိုထွက်ပေါ်ကြောင်း ကမ္ဘာ့ သတင်းမီဒီယာကြီးတွေကနေ ဒီနေ့ ထွက်ပေါ်လာပါတယ်။

    အလ်ကိုင်ဒါကို လွန်ခဲ့နှစ်တွေကတည်းက နိုင်ငံတကာ မွတ်စလင်ပညာရှင်များအဖွဲ့ (IUMS)၊ OIC နဲ့ မွတ်စလင်မ်ကမ္ဘာတစ်ခုလုံးက ပညာရှင်တွေ၊ အစိုးရတွေနဲ့ လူအသိုင်းအဝန်းတွေက နိုင်ငံတကာအသိုင်းအဝန်းနဲ့ အတူ အကြမ်းဖက်အဖွဲ့အစည်းအဖြစ်၊ အစ္စလာမ့်တရားတော်ရဲ့ ဘောင်အပြင်ကို ရောက်နေတဲ့ အဖွဲ့အစည်းအဖြစ် သတ်မှတ်ထားပြီးသားပါ။

    IS နဲ့ အလ်ကိုင်ဒါ

    အရှေ့ အလယ်ပိုင်းမှာ ISIS/ ISIL ထွက်ပေါ်လာခဲ့ပြီးနောက်မှာ အလ်ကိုင်ဒါနဲ့ ISIS ကြားမှာ ပါဝင်အားပြိုင်မှု ဖြစ်ခဲ့ပါတယ်။ ISISနဲ့ အလ်ကိုင်ဒါကြားမှာ နည်းဗျူ ဟာရော ပေါ်လစီချင်းပါကွဲပါတယ်။

    ISIS က အီရတ်နဲ့ ဆီးရီးယားတို့ ကိုနယ်မြေစိုးမိုးပြီး နိုင်ငံတစ်ခု အစိုးရတစ်ခုအဖြစ် ရပ်တည်ဖို့ လက်ဦးမှာ ရည်ရွယ်ထားပြီး ပေါ်ပေါ်တင်တင်ကို လှုပ်ရှားတယ်။ IS ခေါင်းဆောင်ရဲ့ ခေလာဖသ် ( မွတ်စလင်မ် ကမ္ဘာရဲ့ ခေါင်းဆောင်) အဖြစ်ကြေငြာလိုက်မှု၊ ရန်သူလို့ သတ်မှတ်ထားတဲ့ သူအပေါ်မှာ မွတ်စလင်မ်တွေ အပါအဝင် လူမျိုးဘာသာမရွေးအပေါ် ရက်စက်မှု၊ ဆီးရီးယားပြည်တွင်းစစ်အတွင်းမှာ လေ့ကျင့်ရေးပိုင်းရော စစ်မြေပြင်လက်တွေ့ ပိုင်းပါ စစ်ရေးပြည့်ဝနေမှုနဲ့ နယ်မြေသိမ်းယူနိုင်မှုတွေက အကြမ်းဖက်ကွန်ရက်တွေအကြားမှာ ပေါ်ပျူလာဖြစ်သွားစေခဲ့ပါတယ်။

    အဲ့ဒီ့ အချက်ဟာ ၂၀၁၄ခုနှစ်အစကတည်းက IS ရဲ့ ရက်စက်မှုကို အကြောင်းပြု လမ်းခွဲခဲ့တဲ့ အလ်ကိုင်ဒါအတွက် သြဇာပိုင်းအရ အကြီးအကျယ် ထိုးနှက်မှုဆိုတာက လုံးဝ ငြင်းလို့မရပါ။ အထူးသဖြင့် အရှေ့အလယ်ပိုင်း၊ အာဖရိကနဲ့ အာရှဒေသအချို့ မှာ အလ်ကိုင်ဒါရဲ့ သြဇာသက်ရောက်မှုကို လုံးဝကို ကျဆင်းသွားစေခဲ့ပါတယ်။ အဲ့တော့ သြဇာပြန်ထိန်းဖို့ အတွက် အလ်ဇဝါရီက အိန္ဒိယတိုက်ငယ်အတွင်းက နယ်စည်းတွေကို ဖျက်ပစ်ရမယ်ဆိုပြီး ကြွေးကျော်လာတာလားဆိုတာ စဉ်းစားစရာကောင်းနေပါတယ်။ အဲ့ဒီမှာ ပိုစဉ်းစားစရာကောင်းတာက ဇဝါရီနဲ့ အလ်ကိုင်ဒါက ဘာလို့ အိန္ဒိယတိုက်ငယ်ကို မျက်စိကျတာလဲဆိုတဲ့ အချက်ပါ။

    ဘာပဲဖြစ်ဖြစ် အလ်ကိုင်ဒါရဲ့ ကြေငြာမှုအသစ်က မီဒီယာတွေကနေတစ်ဆင့် လူထုဆီကို ရောက်ပြီး အနည်းအများတော့ စိုးရိမ်မှုတွေက ရှိလာမှာပဲလေ။ စောစောက စိတ်ဝင်စားတဲ့ မေးခွန်းကို ဖြေဖို့ အရင်ဆုံး ISIS ဘယ်လို အရှိန်ရသွားတာလဲဆိုတာကို ကြည့်ကြည့်ရအောင်ပါ။

    IS ဘယ်လို ကြီးထွားလားသလဲ

    စစ်အာဏာရှင် ဆက်ဒမ်ဟူစိန်ရဲ့ ကျဆုံးခန်း အပြီး  ဒီမိုကရေစီ နာမည်တပ်ထားတဲ့ မာလကီ အစိုးရတက်လာတယ်။ အမေရိကန်က နောက်ခံထားပေးတယ်၊ ရှီအာအစိုးရဖြစ်တဲ့ အပေါ်မှာ ပရိုအီရန်ပေါ့။ ဆက်ဒမ် ခေတ်က ကောင်းစားနေတဲ့ စွန္နီ လူ့အသိုင်းအဝန်း ဒုတိယ တန်းစားနေရာ ရောက်သွားတယ်။ ဒါတင်မက နောက်ပိုင်းမှာ မာလကီရဲ့ စွန္နီလူထုအပေါ်မှာ မမျှတမှုက ပိုကြီးလာတယ်။ နောက်ဆုံးမှာ အမေရိကန်၊ အီရတ်ရဲ့ သြဇာအကြီးဆုံး ရှီအာ ဘာသာရေးခေါင်းဆောင်အလ်စစ်တန်နီ တို့ကပါ ထုတ်ပြီးပြောရတဲ့ အခြေအနေထိရောက်လာတယ်။ ဒါပေမယ့် အဲ့ဒီ့အချိန်က တော်တော်လေး နောက်ကျနေပါပြီ။ အဲ့ဒီ မမျှမတလုပ်ခံနေရတဲ့ နိုင်ငံရေးကွက်လပ်ကို ISISက အမိအရနင်းပြီး အီရတ်ထဲဝင်လာ နယ်မြေတွေသိမ်း နယ်မြေခံတွေရဲ့ ထောက်ခံမှုကို ရခဲ့တာပါ။ IS သန္ဓေတည်ရာ ဆီးရီးယားကို ကြည့်ပြန်ရင်လည်း အာလ်ဝီယာ လူနည်းစု အသိုင်းအဝန်းက လူများစုကြီးဖြစ်တဲ့ စွန္နီမွတ်စလင်မ်တွေကို အာဏာရှင်အုပ်ချုပ်ရေးစနစ်နဲ့ မျိုးဆက်လိုက်အုပ်ချုပ်လာတယ်၊ အာရပ် နွေဦးတော်လှန်ရေးရဲ့ အဖျားခတ်မှုကစပြီး အာဏာရှင် အာဆဒ်က ပြည်သူတွေကို ထောင်ချီသောင်းချီ ရက်ရက်စက်စက် သတ်ဖြတ်ခဲ့တယ်။ မွတ်စလင်မ်ကမ္ဘာနဲ့ အနောက်ကမ္ဘာက အာဏာရှင် အာဆဒ်ကို ဖိအားပေး ဆန့် ကျင်နေချိန်မှာ ရုရှနဲ့ အီရန်က အမာခံကျောထောက်နောက်ခံပေးခဲ့တယ်၊ အခုလည်း ပေးနေဆဲပဲ။ အဲ့ဒီမှာ အမေ၇ိကန်၊ ရုရှ၊ အီရန်ရဲ့ ရှီအာ၊ ဆော်ဒီ ကာတာစတဲ့ စွန္နီစတဲ့ အားပြိုင်မှုတွေ ဒေသတွင်း ပါဝါကစားပွဲတွေကလည်း သက်ဆိုင်ရာ အခန်းကဏ္ဍတွေအနေနဲ့ ပါခဲ့တယ်။

    အဲ့တော့ ပြန်အနှစ်ချုပ် သုံးသပ်ကြည့်ရင် အစိုးရတွေရဲ့ မမျှတမှု၊ အုပ်ချုပ်ရေးညံ့ဖျင်းမှု၊ ညီညွတ်ရေး မတည်ဆောက်နိုင်မှု၊ အာဏာတည်မြဲရေးကိုသာ ရှေ့ ရှုမှု၊ နောက်ဆက်တွဲ အနိဌာရုံတွေ၊ ဒေသတွင်း အင်အားစုတွေနဲ့ ကမ္ဘာ့ ပါဝါတွေရဲ့ အားပြိုင်မှု စတာတွေက IS အတွက် ရေခံမြေခံတွေကို ဖန်တီးပေးခဲ့တာပါပဲ။

    ဇဝါရီရဲ့ စစ်မျက်နှာသစ်

    ဇဝါရီရဲ့ စစ်မျက်နှာ အသစ်ဖွင့်မှုကို ဆက်ပြီးကြည့်ရအောင်ပါ။ ဇဝါရီရဲ့ ပြောထားတဲ့စကားအရ အခု အဖွဲ့ ခွဲသစ်ဟာ အာဖဂန်က တာလီဘန်နဲ့ ပါကစ္စတန်က တိုက်ခိုက်ရေးသမားအချို့ကို အားပြုထားတယ်လို့ ယူဆလို့ရပါတယ်။ အာဖဂန်ရဲ့ မတည်ငြိမ်မှုကတော့ ပြောဖို့ မလိုလောက်ပါဘူး။

    ပါကစ္စတန်ကလည်း စစ်အာဏာရှင် မုရှရဖ် ပြုတ်ကျအပြီး လုပ်ကြံခံလိုက်ရတဲ့ အတိုက်အခံခေါင်းဆောင်ဘူတို အရှိန်နဲ့ တက်လာတဲ့ သူ့ ယောက်ျားကလည်း အုပ်ချုပ်ရေးကို ကောင်းကောင်း မဖော်ဆောင်နိုင်ပါဘူး။ လက်ရှိ နာဝဖ်ရှရက်ဖ်အစိုးရကလည်း လာဘ်စားမှုတွေနဲ့ နာမည်ဆိုးကျော်ခဲ့ပြီး လောလောဆယ်ကို ရွေးကောက်ပွဲမှာ မဲသမာမှုတွေနဲ့ ပတ်သက်ပြီး အတိုက်အခံအချို့ ရဲ့ ဆန္ဒပြမှုကို ခံနေရပါတယ်။

    တခါ အိန္ဒိယနဲ့ ပါကစ္စတန်က ဒေသတွင်း အင်အားကြီး နိုင်ငံတွေလည်းဖြစ်ပြီး အိန္ဒိယနဲ့ ပါကစ္စတန် အကြားမှာ ကရ်ှမီးယားဒေသ၊ တစ်ဆက်တည်း ချန်ထားလို့ မရတာက ပါကစ္စတန်ရဲ့ မဟာမိတ်ကြီး တရုတ်နဲ့ အိန္ဒိယကြားမှာလည်း တိဘက်ဒေသ ပြဿနာတွေကလည်း ၇ှိနေပြီးသားပါ။
    ဘင်္ဂလားဒေ့ရ်ှကတော့ secular ဆန်ဆန်သွားနေတယ်၊ ဒါပေမယ့် နိုင်ငံရေးအရ အိန္ဒိယသြဇာခံပြီး ပါကစ္စတန်နဲ့ ကတော့ ခွဲထွက်ထားတာဆိုတော့ သမိုင်းကြွေးနဲ့ ဆောင်နေတာပဲလေ။

    မြန်မာနိုင်ငံ

    သူများနိုင်ငံတွေကို ခဏ ထားပြီး ကိုယ့်နိုင်ငံကို ကြည့်ရအောင်။ အကောင်းဆုံးမြင်ပြီးပြော့ကြည့်ရင် စစ်အာဏာရှင်စနစ်ကို ကြားကာလတစ်ခုခံပြီး ဒီမိုကရေစီဆီသွားနေတဲ့ကာလ။ မြန်မာ့နည်းဒီမိုကရေစီဆိုပြီး အရပ်ဝတ်လဲထားတဲ့ စစ်ခေါင်းဆောင်တွေ အုပ်ချုပ်နေတဲ့ အစိုးရနဲ့ လွှတ်တော်။ ကြားထဲမှာ ဘာသာရေးနဲ့ လူမျိုးရေးအဓိကရုန်းတွေ ဆက်တိုက်နည်းပါး ဖြစ်ထားတယ်။

    တိုင်းရင်းသားလူနည်းစုတွေကို ထိခိုက်နစ်နာစေတဲ့ ပြည်တွင်းစစ်တွေကလည်း ရှိတယ်။ အကြမ်းဖက်မှုတွေမှာ ထိရောက်ပြီး ပွင့်လင်းမြင်သာတဲ့ အရေးယူမှုတွေက သိသိသာသာမတွေ့ ရဘူး။ အကြမ်းဖက်မှုတွေတိုင်း သမ္မတက ရုပ်သံနဲ့ ရေဒီယိုတွေမှာ နိုင်ငံကို မိန့် ခွန်းတွေပြော ကတိတွေပေးပေမယ့် အကြမ်းဖက်မှုတွေက ဆက်ဖြစ်ခဲ့တယ်။ နောက်ဆုံး လတ်တလော မန္တလေးအကြမ်းဖက်မှုဖြစ်ထားတယ်။

    ရခိုင်ပြည်နယ်က ရိုဟင်ဂျာတွေရဲ့ identity ပြဿ နာကလည်း လိပ်ခဲတည်းလဲ။ ကချင်တွေ၊ ရိုဟင်ဂျာတွေ၊ မိထ္ထီလာကမြန်မာမွတ်စလင်မ်တွေ ဒုက္ခသည်တွေ အဖြစ်ရှိနေကြတယ်။ ဒီနေရာမှာ ကချင်အရေးက ဆက်စပ်ပေမယ့် မြန်မာမွတ်စလင်မ်အရေးကို အလေးအနက်ထားပြောရရင် ရိုဟင်ဂျာတွေ မိတ္ထီလာမွတ်စလင်မ်တွေ အခုထိ ဒုက္ခသည်တွေ အဖြစ်ရပ်တည်နေရတုန်း၊ အကြမ်းဖက်ခံတွေထဲမှာ သူတို့ ရှေ့ မှာ မိသားစုဝင် လူမမယ်တွေ သက်ကြီးရွယ်အိုးတွေကို မျက်စိရှေ့မှာရော နောက်ကွယ်မှာပါ ရက်ရက်စက်စက်သတ်ခံထားရတဲ့သူတွေ အများကြီး၊ သူတို့အတွက် တရားမျှတမှုဆိုတာ အကြမ်းဖက်မှုရဲ့ နောက်ကွယ်က မပြောနဲ့ ရှေ့ က လက်သည်တွေကိုတောင် အရေးယူတဲ့ ကိစ္စမှာ နှောင့်နှေးတာ ပွင့်လင်းမြင်သာမှုမ၇ှိတာ အငြင်းပွားစရာတွေ ထိရောက်မှု မရှိတာတွေက အများကြီး၊ အဲ့ဒီအကြမ်းဖက်ခံရမှုမှာ လူတွေတွင်မက ဘာသာတရားရဲ့ အထွတ်အမြတ်နေရာဖြစ်တဲ့ ဝတ်ကျောင်းတော်တွေပါ အကြမ်းဖက်ခံခဲ့ရတာ။ နိုင်ငံတကာက ပညာရှင်တွေ ထောက်ပြဝေဖန်နေတဲ့ အဲ့ဒီဘာသာရေးအကြမ်းဖက်မှုတွေရဲ့ အဓိက အခြေခံဖြစ်တဲ့ ဘာသာရေး အမုန်းတရားဖြန့် ဝေမှုတွေက ပြန့် ခဲ့ ပြန့်် ဆဲ။ အရေးယူနိုင်လျက်သားနဲ့ နယ်ရုပ်တွေလောက်ကိုသာ ဆွဲဆွဲစားပြနေတဲ့ စစ်တုရင်ထိုးပွဲတစ်ခုလိုဆိုတော့ အဲ့ဒီ အမုန်းတရားတွေက ဆက်ရှိနေဦးမှာပဲ။

    မြန်မာမွတ်စလင်မ်လူ့အသိုင်းအဝန်းက အစ္စလာမ့်သွန်သင်ချက်နဲ့ တစ်ဖက်က ဖွင့်ဆိုသလို မဟုတ်ပါဘူးဆိုတာကို နိုင်ငံသိ ရှင်းပြထားတဲ့ ၇၈၆ကို တန်ပြန်တဲ့ ၉၆၉ လှုပ်ရှားမှုက အချိန်တစ်ခုကြာသွားပြီးမှ မဟာသံဃနာယကအဖွဲ့ က စာထုတ်ကန့် ကွက်ခဲ့ပေမယ့် အရှိန်ကောင်းနေဆဲဖြစ်ပြီး၊ ကန့် ကွက်တဲ့ လူ့အခွင့်အရေးလှုပ်ရှားသူတွေ ခြိမ်းခြောက်ခံခဲ့ရတဲ့ မျိုးစောင့်ဥပဒေ လှုပ်ရှားမှုကနေ တစ်ဆင့် မဘသဆိုတဲ့ အဖွဲ့ ပေါ်လာခဲ့ပြီး နောက်ဆုံးမှာ သမ္မတက အဆိုပါ ဥပဒေကို လွှတ်တော်ထဲ ရောက်ဖို့ နောက်ခံပေးခဲ့ပါတယ်။

    အဲ့ဒီအချက်အလက်တွေပေါ်စောင့်ကြည့်ပြီး နိုင်ငံတကာက ပညာရှင်အချို့  က state-sponsored ဆိုတဲ့ စကားလုံးကို တွင်တွင်သုံးလာတာလည်း ရှိခဲ့တယ်။ ဦးသိန်းစိန်ဦးဆောင်တဲ့ အစိုးရနဲ့ အစိုးရနဲ့ နီးစပ်တဲ့ ဘာသာရေးခေါင်းဆောင်ပိုင်းတွေ ပညာရှင်ပိုင်းတွေက ဘယ်လိုပဲ ဘူးခံငြင်းနေ ရှင်းချက်ပေးနေပေမယ့် မြန်မာပြည်က ဘာသာရေးအကြမ်းဖက်မှုတွေနဲ့ ပြည်တွင်းစစ်တွေဟာ ကုလသမဂ္ဂ  ရဲ့ စားပွဲပေါ်က စိုးရိမ်စာရင်းထဲ ချိတ်နေတာကတော့ ကမ္ဘာသိပါ။

    တချိန်တည်း ၂၀၁၅ ရွေးကောက်ပွဲအကြို အာဏာရပါတီနဲ့ အတိုက်အခံပါတီ၊ တိုင်းရင်းသားပါတီတွေ ကြားသာမက ခေါင်းဆောင်ပိုင်း တစ်ဦးချင်းကြားမှာလည်း အားပြိုင်မှုတွေ ၇ှိနေတယ်ဆိုတာကတော့ ပေါ်လွင်နေပါတယ်။ စစ်အစိုးရလက်ထက်ကစလို့ ယနေ့အထိ သြဇာလွှမ်းမိုးဆဲ အင်အားကြီး တရုတ်နဲ့ အမေရိကန်ဦးဆောင်တဲ့ အနောက်ကမ္ဘာရဲ့ မြန်မာနိုင်ငံအပေါ် အားပြိုင်မှုကလည်း အရှိန်ကောင်းနေဆဲပါ။ အဲ့တော့ အကျဉ်းချုပ်ရရင် တစ်ဖက်သတ်မှု၊ မတရားမမျှတမှု၊ အုပ်ချုပ်ရေးညံ့ဖျင်းမှု၊ နိုင်ငံရေးမတည်ငြိမ်မှု၊ အာဏာရှေ့ ရှုမှု၊ ဒေသတွင်းက အင်အားကြီးနိုင်ငံတွေရဲ့ အချင်းချင်းအားပြိုင်မှု၊ မဟာပါဝါတွေရဲ့ အားပြိုင်မှုတွေ အပြည့်ရှိနေတယ်ဆိုတာပါပဲ။

    အရှုံး

    အကြမ်းဖက်မှုတွေ ဖြစ်လာရင် ဘယ်သူတွေ နစ်နာပြီး ဘယ်သူတွေ အကျိုးရှိမလဲ။ ပြည်သူတွေဖြစ်တဲ့ ကျွန်တော်တို့ ကတော့ နစ်နာမှာ ရာနှုန်းပြည့်ပါပဲ။ သမိုင်းတစ်လျှောက် အင်္ဂလိပ်ခေတ်က ကုလား-ဗမာအဓိကရုဏ်းကစလို့ ခေတ်အဆက်ဆက် အစိုးရအဆက်ဆက် နိုင်ငံရေးကစားကွက်သားကောင် scapegoat ဖြစ်ခဲ့တဲ့ မြန်မာမွတ်စလင်မ်လူထု အသိုင်းအဝန်းက အနစ်နာဆုံးဖြစ်ပါလိမ့်မယ်။

    ထိခိုက်နစ်နာရမယ့်ပြည်သူတွေထဲက ပြည်သူတွေဖြစ်တဲ့ မြန်မာမွတ်စလင်မ်တွေ ထိခိုက်နစ်နာပြီး၊ ဒါ့အပြင် ကစားပွဲတွေအတွက် အကြမ်းဖက်ဆိုတဲ့ ဆိုင်းဘုတ် တစ်ခု အဓမ္မချိတ်ခံရပြီး နိုင်ငံရေး ယဇ်ပူဇော်ခံရဦးမှာပါ။

    ဒါပေမယ့် ဂျာအေသူ့ အမေရိုက်တဲ့ သံသရာမို့ မြန်မာမွတ်စလင်မ်ပြည်သူတွေနစ်နာတာက တစ်တိုင်းပြည်လုံးက ပြည်သူတွေအတွက် နစ်နာမှုပါပဲ။ ရခိုင်ပြည်နယ်နဲ့ မြန်မာနိုင်ငံရဲ့ လက်ရှိအခြေအနေတို့ကို ဥပမာ မြင်ကြည့်ရင်တော့ ပိုသိသာမြင်သာပါလိမ့်မယ်။

    ရိုဟင်ဂျာတွေကို သတ်လို့ သူတို့ ရွာတွေကိုမီးရှို့ မြို့ ပြင်ထုတ်လို့ ရခိုင်တွေနဲ့ ရခိုင်ပြည်နယ် ဒုတိယအဆင်းရဲဆုံး စာရင်းက မြန်မြန်လွတ်ဖို့ ရှိသွားလား ဘယ်လိုဖြစ်နေတယ်ဆိုတာ စိတ်ကိုဖွင့်ပြီး ကြည့်ရင် ရှင်းရှင်းကြီးမြင်နိုင်ပါတယ်။

    အဲ့လိုပါပဲ…တိုင်းရင်းသားလူနည်းစုတွေကို ထိုးစစ်တွေ ဆင်လို့ ခွဲခြားနှိပ်ကွက်လို့ ဘာသာရေး အမုန်းစကားတွေဖြန့် လို့ လူနည်းစုဘာသာဝင်တွေကို ရန်ဆောင်လို့ ကျွန်တော်တို့ရဲ့ အိပ်မက်ဖြစ်တဲ့ ငြိမ်းချမ်းဖွံ့ ဖြိုး တဲ့ မြန်မာဒီမိုကရေစီနိုင်ငံကြီးဆီကို ပိုနီးသွားလား၊ ပိုဝေးသွားလားဆိုတာ စိတ်ရှင်းရှင်းတွေးရင် ထင်းနေတာပါပဲ။

    အဲ့တော့ အကြမ်းဖက်မှုတွေက တစ်တိုင်းပြည်လုံးက လူမျိုးဘာသာမရွေး တိုင်းသူပြည်သားအားလုံးကို ထိခိုက်နစ်နာစေပါမယ်။

    အမြတ်

    ဘယ်သူတွေ အကျိုးရှိမလဲ… ပထမဦးဆုံးကတော့ အလ်ကိုင်ဒါ မဟုတ်ပါဘူး၊ ဇဝါရီ ကိုယ်တိုင်ပါ၊ သူ့ ရဲ့ အကြမ်းဖက်မှု ခေါင်းဆောင်မှုကို ပြနိုင်မယ်လေ။ နောက် ဆက်တွဲကတော့ အကြမ်းဖက်မှု ကွန်ရက်တွေကြား သြဇာပြန်ဆယ်နေတဲ့ အလ်ကိုင်ဒါ ပေါ့။ နောက်ပြီးတော့…။

    မြန်မာနိုင်ငံထဲမှာ ဘာသာရေးအကြမ်းဖက်မှုတွေ ဖြစ်စကရော ကြားပေါက်ပါ အထောက်အထား မခိုင်လုံဘဲနဲ့ အကြမ်းဖက်တွေ ဝင်လာပြီ အကြမ်းဖက်ဖွဲ့တွေနဲ့ ဆက်စပ်တယ် ဘာညာဘာဝါဆိုပြီး ရွှေသမင် ထွက်ထွက်နေတဲ့ တာတွေကနေ ထွက်ထွက်လာတာမျိုးတွေ ရှိနေခဲ့ပါတယ်။

    အဲ့တုန်းက ISIS ဆိုတာ ကမ္ဘာမှာ ဘယ်သူမှ သတိမထားမသိသေးသလို၊ ဇဝါရီတောင် ဒီအစီအစဉ် သူ့ ခေါင်းထဲရောက်မရောက် အကောင်အထည်ဖော်မဖော် ဘယ်သူမှ တပ်အပ်မပြောနိုင်သေးတဲ့ ကာလပါ။

    အဲ့တော့ အဲ့ဒီ ဗေဒင်ဆရာတွေပဲ အဟောတော်တာလား၊ ဖြစ်စေချင်တာတွေ ရမ်းမှန်းရင်း ကြက်ကန်းဆန်အိုးတိုး လက်ခမောင်းခတ်တော့မှာလားတော့ မပြောတတ်ပါ။

    တစ်နေ့ က အလ်ဂျဇီရာမှာ နိုက်ဂျီးရီးယားက ဘိုကိုဟရမ်သူပုန်အဖွဲ့ နဲ့ ပတ်သက်ပြီး ရုရှပညာရှင်တစ်ယောက်က သူများတွေ သမရိုးကျ တင်ပြပုံမျိုးကနေ ခွဲထွက်ပြီး နိုင်ငံရေးနဲ့ တြွဲပီး တင်ပြထားတာလေး တော်တော်စိတ်ဝင်စားဖို့ ကောင်းပါတယ်။ lateral thinking တွေးပြထားလို့ စိတ်ဝင်တစား ဖတ်မိပြီး ခေါင်းထဲအတွေးပေါ်လာတာက အာဖရိကရဲ့ သံယံဇာတတွေနဲ့ ချမ်းသာတဲ့ အင်အားကြီး နိုက်ဂျီးရီးယားနိုင်ငံရဲ့ လက်ရှိအစိုးရ၊ ပြီးတော့ ဘိုကိုဟရမ်က အကြမ်းဖက်အဖွဲ့လို့ ကမ္ဘာ့ မွတ်စလင်မ်ထုရော အနောက်ကမ္ဘာကပါ ရှုံ့ချပြီး နိုင်ငံရေးအရ ထောက်ခံမှုပေးတာခံနေရတဲ့ အစိုးရ၊ ဒေသတွင်း အာဖရိကနိုင်ငံတွေစုပေါင်း အဲ့ဒါကို နှိမ်နှင်းဖို့ ဘာညာဆိုပြီး အစည်းအဝေးတွေ ခေါ်ဘာညာလုပ်နေတဲ့ အစိုးရက တလောက ဘိုကိုဟရမ်ကို တိုက်ဖို့ဆိုပြီး လက်နက်မပြည့်မစုံ မကောင်းနဲ့ စစ်တပ်ကို ပို့ လို့ စစ်သားတွေနဲ့ ဇနီးတွေက ကန့် ကွက် ဝေဖန်သံတွေ ဘာလို့ ထွက်ခဲ့ပါလဲပေါ့။

    ရုရှပညာရှင်ရဲ့ အမြင်လေးတစ်ခုက အဲ့ဒီပြည်တွင်း ပဋိပက္ခပြဿနာက ရွေးကောက်ပွဲကာလအထိ သက်ဆိုးဆန့် ထားခံရပြီး နိုင်ငံလုံခြုံရေး အရေးပေါ်အခြေအနေ ဘာညာဆိုပြီး ရွေးကောက်ပွဲ ရွှေ့ဆိုင်းခြင်းများဖြစ်လေမလားတဲ့။

    ဒီကြားထဲ ဒေသတွင်းနဲ့ မဟာအင်အားကြီးတွေကလည်း ဘာတွေ အစီအစဉ်တွေရှိ ဘယ်လို အမြတ်ထုတ်မယ်ဆိုတာ မသိနိုင်ပါ။ အမြတ်ထွက်သူတွေကတော့ မရရအောင် လုပ်ယူပြီးတော့ အမြတ်ထုတ်ကြ ထွက်ကြဦးမှာပဲ။ ဘယ်လိုဖြစ်ဖြစ် ကျွန်တော်တို့ ပြည်သူတွေကတော့ ပေ ဖြစ်နေဦးမှာပါ။

    နိဂုံး

    အဲ့တော့ ဘယ်လိုကြည့်ကြည့် နစ်နာမှုတွေ သယ်လာမယ့် ဇဝါရီနဲ့ အလ်ကေဒါရဲ့ ကြေညာချက်ကို ကျွန်တော်ကတော့ လုံးဝ ရှုံ့ ချကန့် ကွက်ပါတယ်။ ပြည်သူတွေထဲက မြန်မာမွတ်စလင်မ်ထုလည်း ကျန်တဲ့ပြည်သူတွေနဲ့ အတူ ပြတ်ပြတ်သားသား ကန့် ကွက်ဖို့ ပါပဲ။ ကျွန်တော်တို့ အမိမြေရဲ့ ငြိမ်းချမ်းရေး၊ ဖွံ့ ဖြိုးရေးနဲ့ စစ်မှန်တဲ့ ဒီမိုကရေစီအတွက် ကျွန်တော့်တို့ ပြည်သူတွေအားလုံး ဘယ်သူတွေ ဘယ်လိုသွေးထိုးထိုး နှောင့်ယှက်လည်း သွေးမကွဲကြဘဲ လက်တွေ ခိုင်ခိုင်မြဲမြဲ တွဲထားကြဖို့ တိုက်တွန်းလိုက်ပါတယ်။။ ။

  • အယ်လ်ခိုင်ဒါ ကြေညာချက် မြန်မာ မွတ်စလင်တွေ အယုံအကြည်မရှိ၊ စိတ်မဝင်စားကြောင်း ဘာသာရေး အဖွဲ့ ခေါင်းဆောင် တဦးပြောကြား

    အယ်လ်ခိုင်ဒါ ကြေညာချက် မြန်မာ မွတ်စလင်တွေ အယုံအကြည်မရှိ၊ စိတ်မဝင်စားကြောင်း ဘာသာရေး အဖွဲ့ ခေါင်းဆောင် တဦးပြောကြား

    စက်တင်ဘာ ၅ ၊ ၂၀၁၄

    VOA (မြန်မာပိုင်း) မှကောက်နှုတ်ဖော်ပြသည်။

    အယ်လ်ခိုင်ဒါက ကြေညာချက်ကို ပြည်တွင်း မွတ်စလင်တွေ အယုံအကြည် မရှိသလို စိတ်လဲ မဝင်စားကြောင်း အစ္စလာမ် သာသနာရေး ကောင်စီ က တွဲဖက်အတွင်းရေးမှူးချုပ် ဦးဝဏ္ဏရွှေ ပြောကြား

    ko wana shwe
    အစ္စလာမ် သာသနာရေး ကောင်စီ က တွဲဖက်အတွင်းရေးမှူးချုပ် ဦးဝဏ္ဏရွှေ

     
    မြန်မာနိုင်ငံမှာ ရှိတဲ့ မွတ်စလင်တွေ အတွက်တော့ အခုလို အကြမ်းဖက် လုပ်ရပ်တွေ ဖြစ်လာမယ်ဆိုရင် မပါဝင်ကြဖို့ နဲ့ ပြည်တွင်းမှာ နေထိုင်ကြတဲ့ မွတ်စလင်တွေက အခုလို ဘာသာရေး စစ်ပွဲ ဆင်နွဲမယ်ဆိုတဲ့ အပေါ်မှာလည်း အယုံအကြည် မရှိသလို စိတ်ဝင်စားမှုလည်း မရှိဘူးလို့ အစ္စလာမ် သာသနာရေး ကောင်စီ က တွဲဖက်အတွင်းရေးမှူးချုပ် ဦးဝဏ္ဏရွှေက ပြောပါတယ်။

    “ကျနော်တို့ မြန်မာပြည်ထဲမှာ ရှိတဲ့ အစ္စလာမ်ဘာသာဝင်တွေ ဒါကို ကောင်းကောင်း သဘောပေါက်ပြီးသားပါ။ ကျနော်တို့ ဒီမှာကြုံတွေ့ရတဲ့ အခြေအနေ အရပ်ရပ် မှာတောင်မှ သူတို့ထိန်းသိမ်းပြီးတော့ နေတဲ့ အနေအထား ရှိပါတယ်။ ပြည်တွင်းက သူတွေအတွက်ကတော့ သဘောပေါက်ပြီးသားပါ။ ကျနော်တို့ အနေနဲ့ကတော့ ကျနော်တို့ အစ္စလာမ် ဘာသာဝင်ဖြစ်တယ်ပေါ့ဗျာ။ ကျနော်တို့ အစ္စလာမ်ဘာသာဝင် တရားအစစ်မှာ အကြမ်းဖက်မှုကိုလေ ဘယ်သူကိုမဆို ဘယ်နေရာမှာမဆို ဘယ်အချိန်မှာမဆို ဘယ်သူပဲပြုပြု အကြမ်းဖက်မှုကို ကျနော်တို့ အနေနဲ့ လက်မခံပါဘူး။ အကြမ်းဖက်မှုကို သတိပြုမိပါတယ်။”

  • အလ်ကိုင်ဒါ အတွက် နေရာမရှိဟု အိန္ဒိယ ထိပ်တန်း မွတ်စလင်အဖွဲ့ပြောကြား

    အလ်ကိုင်ဒါ အတွက် နေရာမရှိဟု အိန္ဒိယ ထိပ်တန်း မွတ်စလင်အဖွဲ့ပြောကြား

    စက်တင်ဘာ ၅ ၊ ၂၀၁၄
    M-Media

    အိန္ဒိယတွင် အဖွဲ့ခွဲတည်ထောင်မည်ဟု အလ်ကိုင်ဒါ ၏ ပြောကြားချက်အား အိန္ဒိယ ထိပ်တန်း မွတ်စလင်အဖွဲ့ရှုတ်ချ

    zik
    Dr. Zafarul-Islam Khan

    – အလ်ကိုင်ဒါအဖွဲ့ခွဲအား အိန္ဒိယတွင် ဖွဲ့စည်းမှုဟု အလ်ကိုင်ဒါခေါင်းဆောင် အလ်-ဇ၀ါဟီရီ၏ ပြောကြားမှုအား အိန္ဒိယထိပ်တန်း မွတ်စလင်အဖွဲ့အစည်း All India Muslim Majlise Mushawarat က ရှုတ်ချလိုက်ပြီး အလ်ကိုင်ဒါ အတွက် အိန္ဒိယတွင် နေရာမရှိဟု ပြောကြားလိုက်သည်။

    ထိုအဖွဲ့မှ ယမန်နေ့ကထုတ်ပြန်ခဲ့သောကြေညာချက်တွင် အဖွဲ့အကြီးအကဲ Dr. Zafarul-Islam Khan က အလ်ကိုင်းဒါးအဖွဲ့ ခေါင်းဆောင်၏ ပြောကြားချက်ကို အိန္ဒိယရှိ မွတ်စလင် အားလုံးက ရှုတ်ချကြောင်း၊ ထိုပြောကြားချက်က အိန္ဒိယမွတ်စလင်များ အတွက် အကျိုးမဲ့စေမည်ဖြစ်ပြီး မိမိတို့၏ အရေးကိစ္စ အတွက် နိုင်ငံရပ်ခြားမှ အကြမ်းဖက်အဖွဲ့အစည်းက ၀င်ရောက် စွက်ဖက်မှုကို မလိုအပ်ကြောင်း ထည့်သွင်းပြောကြားခဲ့သည်။

    အိုစမာဘင်လာဒင် မရှိတော့သည့်နောက် အင်အားချိနဲ့လာသည့် အလ်ကိုင်ဒါအဖွဲ့မှာ ဆီးရီးယားနှင့် အီရတ်တို့တွင် ခေါင်းထောင်လာသည့် IS အကြမ်းဖက်အဖွဲ့၏ သြဇာအား ယှဉ်ပြိုင်နိုင်ရန် ထိုကဲ့သို့ ကြေညာခြင်းဖြစ်သည်ဟု ကျွမ်းကျင်သူများက သုံးသပ်ကြသည်။

    ခန်းကမူ အိန္ဒိယမွတ်စလင်များမှာ နိုင်ငံကို သစ္စာစောင့်သိသူများဖြစ်ပြီး၊ နိုင်ငံအတွင်းသို့ အလ်ကိုင်းဒါးအဖွဲ့က ကျူးကျော်ဝင်ရောက်လာပါက မိမိတို့ကိုယ်တိုင် တိုက်ခိုက်သွားမည် ဖြစ်ကြောင်း၊ အိန္ဒိယမွတ်စလင်များကို အိန္ဒိယ ဖွဲ့စည်းပုံနှင့် ဥပဒေက ကာကွယ်ပေးထားပြီး အရှေ့အလယ်ပိုင်းအား ပျက်ဆီးစေခဲ့သည့် နိုင်ငံရပ်ခြား အကြမ်းဖက်အဖွဲ့၏ အကူအညီကို မလိုအပ်ကြောင်း အဆိုပါကြေညာချက်တွင် ထည့်သွင်းပြောကြားခဲ့သည်။

     

    ref_Times Of India

  • IS နှင့် အလ်ကိုင်ဒါ အဖွဲ့ဟာ အစ္စလာမ့်အတွက် နံပါတ် ၁ ရန်သူဟု ဆော်ဒီရဲ့ အကြီးဆုံး မွဖ်သီချူပ်ပြော

    IS နှင့် အလ်ကိုင်ဒါ အဖွဲ့ဟာ အစ္စလာမ့်အတွက် နံပါတ် ၁ ရန်သူဟု ဆော်ဒီရဲ့ အကြီးဆုံး မွဖ်သီချူပ်ပြော

    သြဂုတ် ၂၀ ၊ ၂၀၁၄
    M-Media
    Abdul Aziz al-Sheik
    – စစ်သွေးကြွအဖွဲ့များဖြစ်ကြသည့် IS နှင့် အလ်ကိုင်းဒါးအဖွဲ့တို့မှာ အစ္စလာမ်သာသနာနှင့် မည်သို့မှ ပတ်သက်ခြင်းမရှိပဲ၊ ထိုအဖွဲ့များမှာ အစ္စလာမ်၏ နံပါတ် ၁ ရန်သူများသာဖြစ်သည်ဟု ဆော်ဒီမှ အကြီးဆုံး မွဖ်သီချုပ် ရှိက်ခ်အဗ်ဒွလ် အဇစ်စ် က ယမန်နေ့တွင် ပြောကြားလိုက်သည်။

    ဆီးရီးယားနှင့် အီရတ်နိုင်ငံရှိ နယ်မြေအချို့ကို သိမ်းယူကာ အစ္စလာမ့်မစ်နိုင်ငံတော်ဟု ကြေညာထားသည့် IS အဖွဲ့၏ ဆိုးရွားသောလုပ်ရပ်များအတွက် ဆော်ဒီရှိ မွဖ်သီများနှင့် အခြားသော ဘာသာရာရေး ပညာရှင်များမှာ ယခင်ကလည် ရှုတ်ချခဲ့ဖူးသည်။

    “အစွန်းရောက်တွေ၊ စစ်သွေးကြွတွေရဲ့ အိုင်ဒီယာတွေနဲ့ အကြမ်းဖက်ဝါဒဟာ ကမ္ဘာကြီးကို ပျက်စီးစေဖို့၊ လူသားတွေရဲ့ ယဉ်ကျေးမှုကို ဖျက်ဆီးဖို့ ပြန့်နှံ့နေတာပါ။ အစ္စလာမ်နဲ့ ဘာမှ မဆိုင်ပါဘူး။ သူတို့ဟာ အစ္စလာမ်ရဲ့ နံပါတ် ၁ ရန်သူဖြစ်ပြီး မွတ်စလင်တွေသာလျှင် သူတို့တွေရဲ့ ပထမဆုံးသားကောင်တွေ ဖြစ်ရတာပါ” ဟု ဆော်ဒီ အစိုးရသတင်းဌာန Saudi Press Agency တွင် ဖော်ပြထားသည့် ကြေညာချက်တွင် မွဖ်သီချုပ်က ပြောကြားခဲ့သည်။

    ဆော်ဒီမှာ IS၊ အလ်ကိုင်းဒါး၊ နူဆရာတပ်ဦးနှင့် အခြားသောအဖွဲ့များကို အကြမ်းဖက်အဖွဲ့အဖြစ် ပြီးခဲ့သည့် မတ်လအတွင်းက သတ်မှတ်ခဲ့ပြီး ထိုအဖွဲ့များအး ရုပ်ပိုင်းဆိုင်ရာနှင့် စိတ်ပိုင်းဆိုင်ရာ အကူညီပေးသူများကို နှစ်ရှည်ထောင်ဒဏ်များ ချမှတ်ရန် ဥပဒေပြဌာန်းခဲ့သည်။

    ဆော်ဒီဘုရင် အဗ်ဒွလ်လာကလည်း အစ္စလာမ့်ရှရီအသ်ဥပဒေကို တစ်လွဲအသုံးချနေသော စစ်သွေးကြွအဖွဲ့များအား တိုက်ခိုက်ရန်နှင့် တစ်ကမ္ဘာလုံးမှ မွတ်စလင်ပညာရှင်များ၊ ခေါင်းဆောင်များက ထိုအဖွဲ့အား ဆန့်ကျင်ကြရန် ယခုလအစောပိုင်းတွင် တိုက်တွန်းခဲ့သည်။

    ဆီးရီးယားနှင့် အီရတ်နိုင်ငံတွင် နယ်မြေများကို သိမ်းပိုက်ကာ အကြမ်းဖက်မှုများကို ဆောင်ရွက်နေသည့် IS အဖွဲ့ဝင်အများစုမှာ အမေရိကန်တို့ လက်နက်တပ်ဆင် လေ့ကျင့်ပေးထားသော ဆီးရီးယား သူပုန်များဖြစ်ကြသည်ဟု ကမ္ဘာ့မီဒီယာများက ဖော်ပြခဲ့သည်။

    ထို့ပြင် ခလီဖဟ် အဖြစ် ကြေညာထားသူ ထိုအဖွဲ့ခေါင်းဆောင် ဘဂ္ဂဒါဒီမှာလည်း အစ္စရေး ထောက်လှမ်းရေးအဖွဲ့ မော့ဆက်၏ အေးဂျင့်တစ်ဦးဖြစ်သည်ဟု ဆိုရှယ်မီဒီယာများတွင် ကျယ်ကျယ်ပြန့်ပြန့်ဖော်ပြနေကြသည်။ သို့သော်လည်း ခိုင်လုံသည့် အထောက်အထားများ တွေ့ရခြင်း မရှိသေးပေ။

    (Retuters)