Tag: Anti Islamophobia

အစ္စလာမ်ဘာသာဝင်များနှင့် ပတ်သက်၍ စွပ်စွဲပြောဆိုမိခဲ့သည့်အတွက် Fox သတင်းဌာန ပြန်လည်တောင်းပန်

ဇန်န၀ါရီ ၂၀၊ ၂၀၁၅
M-Media

– ပြီးခဲ့သည့်တစ်ပတ်က ထုတ်လွှင့်တင်ဆက်ခဲ့သော`အကြမ်းဖက်ဝါဒ ခွဲခြမ်းစိတ်ဖြာခြင်း´ အစီအစဉ်တွင် အစ္စလာမ်ဘာသာဝင်များနှင့် ပတ်သက်၍ စွပ်စွဲပြောဆိုခဲ့မှုအတွက် အမေရိကန် နာမည်ကြီး Fox သတင်းဌာနက စနေနေ့တွင် တောင်းပန်လိုက်သည်ဟု သိရသည်။

ဧည့်သည်တစ်ဦးအား ဖိတ်ခေါ်၍ ဆွေးနွေးသည့် အဆိုပါအစီအစဉ်တွင် ဧည်သည့်အဖြစ် တက်ရောက်လာသူ စတီဗင်အီမာဆန်က ဥရောပရှိ မြို့အများစု မှာ မွတ်စလင်များပြည့်နေပြီး မွတ်စလင်မဟုတ်သူများ ၀င်ရောက် စီးပွားရေး မလုပ်ရဲသော ပြေးစရာမရှိသည့် မြေများ ဖြစ်လာသည်ဟု ပြောကြားခဲ့သည်။

အီမာဆန်၏ အခြေအမြစ်မရှိသော ထိုပြောကြားမှုအတွက် ဝေဖန်မှုများ ထွက်ပေါ် လာခဲ့ပြီး Twitter အသုံးပြုသူများကလည်း #FoxnewsFacts အမည်ဖြင့် Fox သတင်းဌာနကို လှောင်ပြောင်သရော်ခဲ့ကြသည်။ အီမာဆန်က ဗြိတိန်ရှိ ဘာမင်ဂမ်မြို့မှာ မွတ်စလင်မြို့ဖြစ်နေကာ မွတ်စလင်မဟုတ်သူများ မ၀င်ကြဟု အဆိုပါအစီအစဉ်တွင် ထည့်သွင်းပြောကြားခဲ့ပြီး ဗြိတိန်ဝန်ကြီးချုပ် ဒေးဗစ် ကင်မရွန်းကမူ ထိုပြောကြားမှုအားရှုတ်ချခဲ့ပြီး အီမာဆန်မှာ `လုံးဝ အသိဥာဏ် မရှိသောသူ´ သာဖြစ်သည်ဟု ပြန်လည်တုံ့ပြန်ခဲ့သည်။

ထိုသို့ ဝေဖန်ဆန့်ကျင်မှုများကို ခံခဲ့ရပြီးနောက် Fox သတင်းဌာနက ဇန်န၀ါရီ ၁၇ ရက် စနေနေ့တွင် ၎င်းတို့၏ ထိုအစီအစဉ်အတွက် ၄ ကြိမ်တိုင်တိုင် တောင်းပန်ခဲ့သည်။

`(ပြင်သစ်နဲ့ ယူကေတို့မှာ) မွတ်စလင်ဇုန်ဆိုပြီး သီးခြားသတ်မှတ်ထားတာမျိုး မရှိသလို၊ ဘာသာတရားကိုလိုက်ပြီး လူအုပ်စုတစ်ခုကို သီးသန့်ဖယ်ထုတ်ထားတဲ့ နေရာမျိုး အဲဒီနိုင်ငံတွေမှာ ရှိနေတယ်ဆိုတဲ့ တိကျခိုင်မာတဲ့ သတင်းအချက် အလက်လည်း မရှိပါဘူး´ ဟု Fox သတင်းဌာန၏ အစီစဉ်ကြေညာသူ ဂျူလီ ဘန်ဒရက်စ်က တောင်းပန်မှုတွင် ထည့်သွင်းပြောကြားခဲ့သည်။

Fox သတင်းဌာနတွင် Justice with Judge Jeanine အစီအစဉ်ကို စီစဉ်တင်ဆက်သူ ဂျင်းနီ ပီရ်ရိုကလည်း ၎င်း၏ အစီအစဉ်တွင် အီမာဆန်၏ အခြေအမြစ်မရှိသော ပြောကြားချက်ကို ထည့်သွင်းဖော်ပြခဲ့မိသည့်အတွက် တောင်းပန်ခဲ့သည်။

`ဧည့်သည်က တကယ့်အမှားတစ်ခုကို ကျူးလွန်ခဲ့ပြီး ကျွန်မတို့ကလည်း ဒီလို မမှန်ကန်တာကို ပြောကြားခွင့်ပေးခဲ့ပါတယ်´

အီမာဆန်မှာ အကျိုးအမြတ်မယူသည့် အဖွဲ့တစ်ခုဖြစ်သော Investigative Project on Terrorism အဖွဲ့ကို တည်ထောင်ထားသူဖြစ်ပြီး ၎င်းကိုယ်တိုင်က လည်း Twitter စာမျက်နှာတွင် ဇန်န၀ါရီ ၁၂ ရက်နေ့က တောင်းပန်ခဲ့သည်။

`ဘာမင်ဂမ်နဲ့ပတ်သက်ပြီး ကျွန်တော့်ရဲ့ မှတ်ချက်တွေဟာ လုံးဝ တိကျမှန်ကန်မှု မရှိပါဘူး။ ကျေးဇူးပြုပြီး ကျွန်တော့်ရဲ့ တောင်းပန်မှုကို လက်ခံပေးပါ ဘာမင်ဂမ်။ ကျွန်တော်မှားခဲ့ပါတယ်- စတီဗင် အီမာဆန်´

Ref : mashable.com

January 20, 2015
အစ္စလာမ်ကြောက်ရောဂါကို တွန်းလှန်ရန် အမေရိကန်ရှိ အကြီးဆုံးမွတ်စလင်အဖွဲ့တစ်ခုက လှုပ်ရှားမှုများ စတင်

ဇန်န၀ါရီ ၁၇၊ ၂၀၁၅
M-Media

– အစ္စလာမ်ကြောက်ရောဂါ ပြန့်နှံ့နေမှုကို တွန်းလှန်ရန်နှင့် အစ္စလာမ်၏ စစ်မှန်သော သင်ကြားမှုများကို သိရှိစေရန်ရည်ရွယ်၍ အမေရိကန်ရှိ ထင်ရှားသော မွတ်စလင် လူ့အခွင့်အရေးအဖွဲ့ CAIR က မွတ်စလင်မဟုတ်သူများအား အသိပညာပေးရေး
လှုပ်ရှားမှုနှစ်ခုကို စတင်ခဲ့သည်ဟု သိရသည်။

ပြီးခဲ့သည့်သီတင်းပတ်က ပြင်သစ်ရှိ Charlie Hebdo မဂ္ဂဇင်းတိုက် တိုက်ခိုက်ခံခဲ့ရပြီး သေနတ်သမားများက တမန်တော်မိုဟာမက်အား လှောင်ပြောင်စော်ကားသည့်အတွက် လက်စားချေခြင်းဖြစ်သည်ဟု ဟစ်အော်ခဲ့ကြသည်။ ထို့ကြောင့် အစ္စလာမ်နှင့် လွတ်လပ်စွာ ပြောဆိုခွင့်အတွက် ဝေဖန်မှုများ ဖြစ်ပေါ်လာခဲ့ပြီး အစ္စလာမ်ကြောက်ရောက်ဂါမှာလည်း အရှိန်မြင့်လာခဲ့သည်။

`စော်ကားမှုတွေ၊ လှောင်ပြောင်မှုတွေကို ငြိမ်းချမ်းစွာ တုံ့ပြန်ဖို့၊ အဲဒီလို လှောင်ပြောင်စော်ကားသူတွေနဲ့ ပတ်သက်ပြီး ဆုမွန်ကောင်းတောင်းပေးဖို့ မွတ်စလင်တွေကို ညွှန်ကြားထားတဲ့ ပါဒတော်တွေ ကုရ်အာန်ကျမ်းတော်မြတ်ထဲမှာ ထင်ထင်ရှားရှား အတိအကျကို ရှိနေပါတယ်။ လွတ်လပ်စွာပြောဆိုခွင့်ဆိုတာ အစ္စလာမ့်ရဲ့ အနှစ်သာရတစ်ခုပါ´ ဟု အမေရိကန်-အစ္စလာမ် ဆက်ဆံရေးကောင်စီ CAIR မှ အမှုဆောင်ဒါရိုက်တာဖြစ်သူ နီဟဒ် အ၀ဒ်က ပြောကြားခဲ့သည်။

ဝါရှင်တန်အခြေစိုက် CAIR အဖွဲ့၏ လေ့လာမှုများအရ အစ္စလာမ်ဘာသာဝင် မဟုတ်သူများမှာ အစ္စလာမ်နှင့်ပတ်သက်၍ ပိုမိုသိနားလည်လာပါက မွတ်စလင်ဆန့်ကျင်ရေး မလိုမုန်းထားမှုများမှာ နည်းပါးသွားကြောင်း တွေ့ရှိခဲ့ရသည်။

ထို့ကြောင့် အစ္စလာမ်နှင့်ပတ်သက်သည့် စစ်မှန်သော သတင်းစကားများ ပြန့်နှံ့စေရန်အတွက် CAIR မှာ `Shard the Quran´ (ကုန်အာန်ကျမ်းတော်မြတ် မျှဝေကြစို့) လှုပ်ရှားမှုတစ်ခုကို ယခုနှစ်ပတ်အတွင်း စတင်ခဲ့ပြီး ကုရ်အာန်ကျမ်းတော်မြတ် ဘာသာပြန်များ တောင်းဆိုကြသော အမေရိကန်မှ အခြားသော ဘာသာဝင်များအား ဖြန့်ဝေပေးခဲ့ကြသည်။

CAIR မှ ဖြန့်ဝေပေးသော အဆိုပါ ကုရ်အာန်ကျမ်းတော်မြတ်တွင် အာရဘီမူရင်းနှင့် အင်္ဂလိပ်ဘာသာပြန်တွဲထားပြီး ပါဒတော် တစ်ခုချင်းစီအတွက် ရှင်းလင်းချက်ကိုလည်း အောက်ခြေမှတ်စုအဖြစ် ထည့်သွင်းထားသည်။ ထို့ပြင် သိလိုသည့်အကြောင်းအရာများကို အလွယ်တကူဖတ်ရှုနိုင်ရန်အတွက် အမျိုးသမီးများ၏ အခွင့်အရေး၊ လူမှုရေးဆိုင်ရာ တရားမျှတမှု၊ အခြားဘာသာဝင်များအား လေးစားခြင်း စသည့်ခေါင်းစဉ်များကို မာတိကာတွင် ဖော်ပြထားပြီး သက်ဆိုင်သည့် ကျမ်းချက်များကိုလည်း ညွှန်းဆိုထားသည်။

မီဒီယာလမ်းညွှန်

ကုရ်အာန်ကျမ်းတော်မြတ်အား အခမဲ့ ဖြန့်ဖြူးခြင်းအပြင် CAIR မှာ အစ္စလာမ်သာသနာနှင့် ပတ်သက်၍ ပရော်ဖက်ရှင်နယ် မီဒီယာသမားများ နားလည်စေရန်အတွက် အစ္စလာမ်သာသနာ၊ မွတ်စလင်တို့နှင့် ပတ်သက်သည့် လမ်းညွှန်စာအုပ် တစ်အုပ်ကိုလည်း ဖြန့်ဖြူးခဲ့သည်။

အဆိုပါစာအုပ် ကို “American Muslims: A Journalist’s Guide to Understanding Islam and Muslims” ဟု အမည်ပေးထားပြီး အစ္စလာမ်၊ မွတ်စလင်တို့နှင့် ဆက်စပ်နေသော နောက်ခံသမိုင်းကြောင်းများ၊ အမေရိကန်မွတ်စလင်လူ့အဖွဲ့အစည်းအတွင်း ကျင့်သုံးမှုများ၊ သတင်း၊ အာဒီတာ့အာဘော်များတွင် မကြာခဏ အသုံးပြုသော အစ္စလာမ့်ဝေါဟာရများ၏ အဓိပ္ပါယ်သတ်မှတ်ချက်များ စသည်တို့ ရှင်းလင်းဖော်ပြထားသည်။

ထို့အပြင် အစ္စလာမ်နှင့်ပတ်သက်၍ များသောအားဖြင့် နားလည်မှုလွဲမှားသော အကြောင်းအရာများဖြစ်သည့် အစ္စလာမ်နှင့် ဒီမိုကရေစီ၊ လွတ်လပ်စွာကိုးကွယ်ခွင့်၊ အစ္စလာမ်ကပြောသည့် အမျိုးသမီးအခွင့်အရေးနှင့် ဘာသာပေါင်းစုံချစ်ကြည်ရေး စသည့်
အကြောင်းအရာများလည်း ပါဝင်သည်။

တရားဝင်တွက်ချက်ထားခြင်း မရှိသော်လည်း အမေရိကန်ပြည်ထောင်စုတွင် အစ္စလာမ်ဘာသာဝင်
၆ သန်းမှ ၈ သန်းအထိရှိသည်။

Ref : onislam

January 17, 2015
တမန်တော်မိုဟာမက်၏ ကာတွန်းပုံ မီဒီယာများတွင် ဖော်ပြမှုအား ရုရှားပိတ်ပင်

ဇန်န၀ါရီ ၁၇၊ ၂၀၁၅
M-Media

– တမန်တော်မိုဟာမက်၏ ကာတွန်းပုံအား နိုင်ငံအတွင်း ဖြန့်ချီမှု မပြုလုပ်ကြရန်နှင့် ထိုသို့ ဖော်ပြခြင်းက နိုင်ငံ၏ဥပဒေ၊ ကျင့်ဝတ်စံနှုန်းများဖြင့် မညီညွတ်ဟု ရုရှားအစိုးရက ပြောကြားလိုက်သည်။

`ရုရှားမီဒီယာတွေမှာ ဒါမျိုးဖော်ပြတာဟာ ပြီးခဲ့တဲ့ ရာစုနှစ်တွေကတည်းက ထိန်းသိမ်းလာခဲ့တဲ့ ကျင့်ဝတ်စံနှုန်းတွေနဲ့ မညီညွတ်ပါဘူး။ ဘာသာရေးသဘောပါဝင်တဲ့ ရုပ်ပြောင်တွေကို မီဒီယာမှာ ဖြန့်ဖြူးတာဟာ အဲဒီဘာသာတရား ယုံကြည်လိုက်နာတဲ့အုပ်စုကို အရှက်ရစေတာ၊ စော်ကားတာလို့ ယူဆနိုင်ပါတယ်။ ပြီးတော့ လူမျိုးရေးနဲ့ ဘာသာရေးအမုန်းတရားတွေကို လှုံ့ဆော်ပေးတဲ့ သဘောလည်း သက်ရောက်ပါတယ်´ ဟု ရုရှားအစိုးရ၏ မီဒီယာစောင့်ကြည့်ရေးအဖွဲ့ Roskomnadzor ၏ ယမန်နေ့ကထုတ်ပြန်သော ကြေညာချက်တွင် ဖော်ပြထားသည်။

ထိုရုပ်ပြောင်များ ဖော်ပြမှုမှာ ရုရှား မီဒီယာဥပဒေနှင့် အကြမ်းဖက်ဆန့်ကျင်ရေး ဥပဒေများကို ချိုးဖောက်ခြင်းဖြစ်သောကြောင့် တမန်တော်မိုဟာမက်၏ ကာတွန်းပုံကို ဖော်ပြခြင်းမပြုရန်လည်း အဆိုပါကြေညာချက်တွင် မီဒီယာများအား သတိပေးထားသည်။

ပြီးခဲ့သည့်တစ်ပတ်က ပဲရစ်မြို့ရှိ Charlie Hebdo မဂ္ဂဇင်းအား သေနတ်သမားများက ၀င်ရောက်ပစ်ခတ်ခဲ့ပြီး လူ ၁၂ ဦး သေဆုံးခဲ့ကာ ထိုပစ်ခတ်မှုမှာ တမန်တော်မိုဟာမက်အား စော်ကားသော ကာတွန်းပုံကို ဖော်ပြမှုကြောင့် လက်တုံ့ပြန်ခြင်းဖြစ်သည်ဟု သေနတ်သမားများက ဟစ်အော်ခဲ့ကြသည်။

သို့သော်လည်း ထိုတိုက်ခိုက်မှုအပြီးတွင် ထုတ်ဝေခဲ့သော Charlied Hebdo ၏ မဂ္ဂဇင်းအသစ်တွင် တမန်တော်မိုဟာမက်၏ ကာတွန်းပုံကို ထပ်မံ ထည့်သွင်းဖော်ပြခဲ့ပြီး ကမ္ဘာတစ်ဝှမ်းရှိ သတင်းစာများနှင့် မဂ္ဂဇင်းများကလည်း ထိုပုံကို ထပ်ဆင့်ဖော်ပြခဲ့ကြသည်။

ပဲရစ်တိုက်ခိုက်မှုနှင့်ပတ်သက်၍ ရုရှားခေါင်းဆောင်ပိုင်းက ရှုတ်ချခဲ့ကြပြီး အကြမ်းဖက်မှုဆန့်ကျင်သော ချီတက်မှုတွင်လည်း ရုရှားနိုင်ငံခြားရေးဝန်ကြီး ဆာဂျီယို လာဗရော့က ပါဝင်ခဲ့သည်။ သို့သော်လည်း ရုရှားမီဒီယာများကမူ Charlie Hebdo ၏
ကာတွန်းပုံက ထိုတိုက်ခိုက်မှုအား လှုံ့ဆော်ပေးခြင်းဖြစ်သည်ဟု ဖော်ပြခဲ့ကြသည်။

Ref: alarabiya

January 17, 2015
နိုင်ငံအတွင်းရှိ အစ္စလာမ်ဘာသာဝင်များအား ကာကွယ်ပေးသွားမည်ဟု ပြင်သစ်သမ္မတ ပြော

ဒီဇင်ဘာ ၁၆၊ ၂၀၁၅
M-Media

– အကြမ်းဖက်တိုက်ခိုက်မှုများ၏ ပထမဆုံး သားကောင်များမှာ မွတ်စလင်များသာဖြစ်ပြီး ပြင်သစ်အနေဖြင့် အစ္စလာမ်သာသနာနှင့် အစ္စလာမ်ဘာသာဝင်များကို လေစားကာ ကာကွယ်ပေးသွားမည်ဟု ပြင်သစ်သမ္မတ ဖရန်ကိုအစ် ဟော်လန်ဒေးက ပြောကြားလိုက်သည်။

ပဲရစ်ရှိ မဂ္ဂဇင်းတိုက် တိုက်ခိုက်မှုအပြီး တစ်ပတ်အကြာ ယမန်နေ့က ပြင်သစ်ရှိ မွတ်စလင်အသင်းအဖွဲ့တစ်ခုဖြစ်သော Institute of the Arab World နှင့် တွေ့ဆုံစဉ်အတွင်း ထိုကဲ့သို့ ပြောကြားလိုက်ခြင်း ဖြစ်သည်။ ၃ ရက်အတွင်း တိုက်ခိုက်မှု ၂ ခု ဖြစ်ပွားခဲ့ပြီးနောက် ပြင်သစ်နိုင်ငံတစ်ဝှမ်းရှိ ဗလီဝတ်ကျောင်းတော်များမှာ တိုက်ခိုက်မှုအချို့ကို ခံခဲ့ရပြီး လက်ရှိတွင် ရဲတပ်ဖွဲ့က ဗလီဝတ်ကျောင်းတော် များအား စောင့်ကြပ်ပေးထားသည်။

`အစ္စလာမ်သာသနာဟာ ဒီမိုကရေစီနဲ့ သဟဇာတဖြစ်ပါတယ်။ ဒါနဲ့ပတ်သက်ပြီး ဘယ်လိုရှုပ်ထွေးမှုမျိုးကိုမဆို ကျွန်တော်တို့ ငြင်းဆန်ရပါလိမ့်မယ်။ နိုင်ငံအတွင်းမှာရှိတဲ့ အခြားနိုင်ငံသားတွေလိုပဲ ပြင်သစ်မွတ်စလင်တွေမှာလည်း အခွင့်အရေးတွေ၊ တာဝန်တွေ ရှိနေပါတယ်။ ဒါ့ကြောင့် သူတို့ရဲ့အခွင့်အရေးကို လေးစား၊ ကာကွယ်ပေးရမှာဖြစ်ပြီး၊ သူတို့ကလည်း တိုင်းပြည်ကို လေးစားရပါမယ်´ ဟု ဟော်လန်ဒေးက ထည့်သွင်းပြောကြားခဲ့သည်။

ဟော်လန်ဒေးမှာ တိုက်ခိုက်မှုများအတွင်း သေဆုံးသွားခဲ့သည့် ရဲအရာရှိ ၃ ဦး၏ ဈာပနအခမ်းအနားကို တက်ရောက်ခဲ့ပြီး ထိုအရာရှိများအား နိုင်ငံ၏ အမြင့်ဆုံး သူရဲကောင်း ဆုတံဆိပ်ကို အပ်နှင်းပေးခဲ့သည်။

ထိုအရဲရာရှိ ၃ ဦးမှာ လူမည်းတစ်ဦး၊ လူဖြူတစ်ဦးနှင့် အာရပ်နွယ်ဖွား အစ္စလာမ်ဘာသာဝင်တစ်ဦးတို့ ဖြစ်ကြပြီး ဟော်လန်ဒေးက ၎င်းတို့ ၃ ဦးမှာ ဘာသာစုံလူမျိုးစုံရှိသော ပြင်သစ်နိုင်ငံ၏ ပြယုဂ်ကို ဖော်ကြူးနေသည်ဟု ယမန်နေ့က ပြုလုပ်ခဲ့သော ဈာပနအခမ်းအနားတွင် ထည့်သွင်း ပြောကြားခဲ့သည်။

ပဲရစ်တွင် တိုက်ခိုက်မှုများ ဖြစ်ပွားခဲ့ပြီးနောက် အစ္စလာမ်ဘာသာဝင်များမှာ ထိုတိုက်ခိုက်မှုများအား အရင်ဆုံးရှုတ်ချခဲ့ပြီး၊ ပဲရစ်မြို့၌ ပြုလုပ်ခဲ့သည့် အကြမ်းဖက်ဆန့်ကျင်ရေး ချီတက်ဆန္ဒပြမှုတွင်လည်း မွတ်စလင်နိုင်ငံများမှ ခေါင်းဆောင်များအပါအ၀င် အစ္စလာမ်ဘာသာဝင်ပေါင်း မြောက်များစွာ ပါဝင်ခဲ့ကြသည်။

Ref: aljazeera

January 16, 2015
မွတ်စလင် မုန်းတီးရေး လှုပ်ရှားမှုကို ဆန့်ကျင်သော ချီတက် လမ်းလျှောက်မှု ဂျာမနီတွင်ပြုလုပ်ခဲ့

`နိုင်ငံခြားသားတွေကိုမုန်းတာ၊ လူမျိုးရေးခွဲခြားတာနဲ့ အစွန်းရောက်ဝါဒတွေဟာ ကျွန်မတို့တိုင်းပြည်မှာ နေရာမရှိပါဘူး´ (ဂျာမနီဝန်ကြီးချုပ် အိန်ဂျလာမာကဲလ်)

ဇန်န၀ါရီ ၁၄၊ ၂၀၁၅
M-Media

– ယမန်နေ့က ဘာလင်တွင် ပြုလုပ်ခဲ့သော မွတ်စလင်မုန်းတီးရေးလှုပ်ရှားမှုကို ဆန့်ကျင်သည့် ချီတက်ပွဲတွင် ပါဝင်ခဲ့သည့် ဂျာမနီ ၀န်ကြီးချုပ် အိန်ဂျလာမာကဲလ်က မိမိတို့တိုင်းပြည်တွင် အမုန်းတရားများ၊ လူမျိုးရေးခွဲခြားမှုနှင့် အစွန်းရောက်ဝါဒတို့အတွက် နေရာမရှိဟု ပြောကြားလိုက်သည်။

ဂျာမန်မွတ်စလင် ဗဟိုကောင်စီမှ စီစဉ်ကာ ဘာလင်ရှိ သမိုင်းဝင် Brandenburg Gate မှ စတင်ခဲ့သည့် အဆိုပါ ချီတက်ပွဲကို “Let’s be there for each other. Terror: not in our name!” (ငါတို့အားလုံး အတူရှိကြစို့။ အကြမ်းဖက်ခြင်းကို တို့လက်မခံ) ခေါင်းစဉ်ဖြင့် ပြုလုပ်ခဲ့ခြင်းဖြစ်ပြီး ဂျာမနီရှိ မွတ်စလင်အသင်းအဖွဲ့ ၂၈ ခု ပါဝင်ခဲ့ကာ ဘာလင်တူရကီအသင်း TGB လည်း ပါဝင်ခဲ့သည်။

ချီတက်လမ်းလျှောက်ပွဲကို အစ္စလာမ်ဘာသာဝင်များ၏ ထုံးတမ်းစဉ်လာ ဆုတောင်းမှုဖြင့် စတင်ခဲ့ပြီး၊ ခရစ်ယာန် ဘာသာရေး ခေါင်းဆောင်များနှင့် ဂျူးဘာသာရေးခေါင်းဆောင်များလည်း တက်ရောက်ခဲ့ကြသည်။

ထိုချီတက်ပွဲကို တက်ရောက်ခဲ့သည့် ၀န်ကြီးချုပ် အိန်ဂျလာမာကဲလ်ကမူ ဘာသာတရား သို့မဟုတ် ဇာတိကိုလိုက်၍ လူအုပ်စုတစ်ခုအား ဖယ်ထုတ်ထားခြင်းမှာ မိမိတို့နိုင်ငံ၏ ဂုဏ်သိက္ခာမဟုတ်ဟု ပြောကြားခဲ့သည်။

`နိုင်ငံခြားသားတွေကိုမုန်းတာ၊ လူမျိုးရေးခွဲခြားတာနဲ့ အစွန်းရောက်ဝါဒတွေဟာ ကျွန်မတို့ တိုင်းပြည်မှာ နေရာမရှိပါဘူး´ ဟု မာကဲလ်က ချီတက်လမ်းလျှောက်မှုတွင် ပါဝင်သည့် လူအုပ်စုကြီးအား ပြောကြားခဲ့သည်။

ထိုချီတက်လမ်းလျှောက်ပွဲသို့ ဂျာမနီသမ္မတ ဂျိုအာချင်းဂေါက်လည်း တက်ရောက်ခဲ့ပြီး မိန့်ခွန်းပြောကြားခဲ့သည်။

`ကျွန်တော်တို့အားလုံးဟာ ဂျာမနီနိုင်ငံသားတွေပါပဲ။ ကျွန်တော်တို့ဟာ မတူညီတဲ့ နိုင်ငံရေးအုပ်စု၊ ယဉ်ကျေးမှုတွေ၊ ဘာသာတရား နောက်ခံတွေ ပေါင်းစုထားတာ ဖြစ်တယ်။ ကျွန်တော်တို့ဟာ တစ်ယောက်နဲ့တစ်ယောက် လေးစားကြပြီး ရိုင်းပင်းကြရမှာ ဖြစ်တယ်။ ပြီးတော့ ကျွန်တော်တို့ဟာ စည်းလုံးညီညွတ်မှု၊ တရားမျှတမှုနဲ့ လွတ်လပ်မှုမှာ နေချင်ကြတဲ့သူတွေ ဖြစ်ပါတယ်´ ဟု ဂျိုအာချင်းဂေါက်က ၎င်း၏ မိန့်ခွန်းတွင် ထည့်သွင်းပြောကြားခဲ့သည်။

ထို့ပြင် အကြမ်းဖက်မှုများကို လုပ်ဆောင်သော အစ္စလာမ့်မစ် အခြေခံဝါဒီများအတွက် မိမိတို့၏ အဖြေမှာ ဒီမိုကရေစီ၊ တစ်ဦးကိုတစ်ဦး လေးစားမှုနှင့် လူ့ဂုဏ်သိက္ခာကို အလေးထားမှုသာ ဖြစ်ပြီး ထိုအချက်များမှာ မိမိတို့၏ ဘ၀တည်ဆောက်မှုလမ်းစဉ်သာ ဖြစ်ကြောင်း အစ္စလာမ်ကြောက်ရောဂါ မြင့်တက်လာမှုနှင့်စပ်လျဉ်း၍ ညီညွတ်မှုဖြင့် ရင်ဆိုင်သွားရမည်ဖြစ်ကြောင်း ၎င်းက ထပ်လောင်း ပြောကြားခဲ့သည်။

ချီတက်လမ်းလျှောက်သူများမှာ ပြင်သစ်သံရုံးရှေ့အရောက်တွင် ပဲရစ်မြို့၌ ပြီးခဲ့သည့် တစ်ပတ် တိုက်ခိုက်မှုများအတွင်း သေဆုံးသွားခဲ့သူများအတွက် တစ်မိနစ်ခန့် ငြိမ်သက် ဂါရ၀ပြုခဲ့ကြသည်။

`ပြင်သစ်ပြည်သူတွေ၊ သေဆုံးသွားသူတွေရဲ့ မိသားစုတွေနဲ့အတူ ထပ်တူထပ်မျှ ၀မ်းနည်းကြေကွဲရပါတယ်။ အကြမ်းဖက်သမားတွေ နိုင်မသွားပါဘူး။ နိုင်မှာလည်း မဟုတ်ပါဘူး´ ဟု ဂျာမန်မွတ်စလင် ဗဟိုကောင်စီ ဥက္ကဌ မက်ဇ်ယက်က ပြောကြားခဲ့ပြီး မိမိတို့အားလုံးမှာ ဂျာမနီနိုင်ငံသားများ ဖြစ်ကြသည်ဟု နိဂုံးချုပ်ခဲ့သည်။

ဂျာမနီနိုင်ငံတွင် လွန်ခဲ့သည့် သီတင်းပတ်များမှစ၍ လက်ယာစွန်းရောက်အဖွဲ့တစ်ခုဖြစ်သော PEGIDA မှ နိုင်ငံအရှေ့ပိုင်း မြို့တော် ဒရက်စ်ဒန်တွင် အစ္စလာမ်ဆန့်ကျင်ရေး လှုပ်ရှားမှုများကို ပြုလုပ်ခဲ့ပြီး ဂျာမန်ပြည်သူများကမူ ၎င်းတို့အဖွဲ့အား နာဇီလက်သစ်အဖွဲ့ဟု သတ်မှတ်ကာ ထိုလုပ်ရပ်များကို ဆန့်ကျင်သော တန်ပြန်ဆန္ဒပြမှုများအား နိုင်ငံတစ်ဝှမ်း ပြုလုပ်ခဲ့ကြသည်။

ဂျာမနီဝန်ကြီးချုပ် မာကဲလ်ကလည်း PEGIDA အဖွဲ့၏ လုပ်ရပ်ကို ရှုတ်ချခဲ့ပြီး အစ္စလာမ်သာသနာမှာ ဂျာမနီ၏ အယူဝါဒဖြစ်သည်ဟု တနင်္လာနေ့က သတင်းစာရှင်းလင်းပွဲ တစ်ခုတွင် ပြောကြားခဲ့သည်။

Ref : onislam

January 14, 2015