Tag: Anti Islamophobia

ဂျာမနီရှိ မွတ်စလင် မုန်းတီးရေး လှုပ်ရှားမှုများကို ဆန့်ကျင်သည့် ချီတက်ပွဲတွင် ၀န်ကြီးချုပ် မာကဲလ် ပါဝင်မည်

ဇန်န၀ါရီ ၁၃၊ ၂၀၁၅
M-Media

PEGIDA ကို ဆန့်ကျင်သော ဆန္ဒပြပွဲတွင် `ငါတို့ နာဇီမဟုတ်´ ဟူသော စာတမ်းကို ကိုင်ဆောင်ထားသည့် ဂျာမန်ပြည်သူများ

– လူ့အဖွဲ့အစည်း အတွင်း သည်းခံမှုများ ရှိလာရန်၊ ပဲရစ်တိုက်ခိုက်မှုအား ရှုတ်ချရန်နှင့် ဂျာမနီတွင် မြင့်တက်လာသော မွတ်စလင် ဆန့်ကျင်ရေး လှုပ်ရှားမှုများကို ဆန့်ကျင်ရန် ရည်ရွယ်၍ ဂျာမနီရှိ မွတ်စလင် လူ့အဖွဲ့အစည်းမှ ပြုလုပ်သော ချီတက်လမ်းလျှောက်ပွဲတွင် ၀န်ကြီးချုပ် အိန်ဂျလာမာကဲလ်က ပါဝင်မည်ဟုသိရသည်။

ဂျာမနီမွတ်စလင်ဗဟိုကောင်စီမှ စီစဉ်သော အဆိုပါ ချီတက်လမ်းလျှောက်မှုကို ဇန်န၀ါရီ ၁၃ ရက်နေ့ ညနေပိုင်းတွင် ပြုလုပ် သွားမည်ဖြစ်ပြီး ဘာလင်ရှိ အထင်ကရ နေရာ တစ်ခုဖြစ်သော Brandenburg Gate မှ စတင်ချီတက်မည်ဖြစ်သည်။ “Let’s be there for each other. Terror: not in our name!” (ငါတို့အားလုံး အတူရှိကြစို့။ အကြမ်းဖက်ခြင်းကို တို့လက်မခံ) ခေါင်းစဉ်ဖြင့် ပြုလုပ်မည့် ထိုချီတက်ပွဲတွင် ဂျာမနီသမ္မတ ဂျိုအာချင်း ဂေါက်က မိန့်ခွန်းပြောကြားမည်ဖြစ်သည်။

ဝန်ကြီးချုပ်မာကဲလ်အပါအ၀င် ထိုချီတက်ပွဲသို့ ကတ်ဘိနတ်ဝန်ကြီးများလည်း တက်ရောက်မည်ဖြစ်သည်။ မာကဲလ်မှာ PEGIDA အဖွဲ့၏ အစ္စလာမ်ဆန့်ကျင်ရေး လှုပ်ရှားမှုများကို ဝေဖန်ပြစ်တင်ထားပြီး အစ္စလာမ်သာသနာမှာ ဂျာမနီ၏ အယူဝါဒဖြစ်သည်ဟု ယမန်နေ့ ကပင် ပြောကြားခဲ့သည်။

PEGIDA မှာ ပြီးခဲ့သည့် သီတင်းပတ်များအတွင်း နိုင်ငံအရှေ့ပိုင်း ဒရက်စ်ဒန် မြို့၌ အစ္စလာမ်ဆန့်ကျင်ရေး ဆန္ဒပြမှုများကို ပြုလုပ်ခဲ့သည်။ သို့သော်လည်း ဂျာမန်ပြည်သူများက နိုင်ငံတစ်ဝှမ်းတွင် ထိုအဖွဲ့၏ လုပ်ရပ်ကို ရှုတ်ချသော ဆန္ဒပြမှုများကို တန်ပြန် ပြုလုပ်ခဲ့ကြသည်။

မာကဲလ်ကမူ ပဲရစ် တိုက်ခိုက်မှု ဖြစ်ပွားပြီးနောက် ချက်ချင်းပင် ထိုလုပ်ရပ်အား ဆန့်ကျင်ရှုတ် ချခဲ့ကြသည့် နိုင်ငံအတွင်းမှ မွတ်စလင် လူ့အဖွဲ့အစည်းကို ကျေးဇူးတင်ကြောင်း ယမန်နေ့က ပြောကြားခဲ့ကြသည်။

Ref : aljazeera

January 13, 2015
အစ္စလာမ်ဆန့်ကျင်ရေး လှုပ်ရှားမှုများကို ဂျာမနီရှိ အထင်ကရ ပုဂ္ဂိုလ်များ ရှုတ်ချ

ဇန်န၀ါရီ ၇၊ ၂၀၁၅
M-Media

အစ္စလာမ်ဆန့်ကျင်ရေး လှုပ်ရှားမှုများကို ဆန့်ကျင်ခဲ့သည့် ကိုးလုံးမှ ကက်သလစ် ဘုရားကျောင်း

– လက်ယာစွန်းရောက်အဖွဲ့ PEGIDA မှ ဆောင်ရွက်နေသည့် အစ္စလာမ်ဆန့်ကျင်ရေး လှုပ်ရှားမှုများကို ရပ်တန့်ရန်အတွက် ဂျာမနီရှိ နိုင်ငံရေးသမားများနှင့် အထင်ကရ ပုဂ္ဂိုလ် ၅၀ က တိုက်တွန်းလိုက်ပြီး ထိုဆောင်ရွက်မှုများမှာ လူမျိုးခြားကြောက်ရောဂါ မြင့်တက်လာခြင်းပင် ဖြစ်သည်ဟု ပြောကြားခဲ့သည်။

PEGIDA မှ နိုင်ငံအရှေ့ပိုင်း ဒရက်စ်ဒန်မြို့နှင့် ကိုးလုံးမြို့တို့တွင် အစ္စလာမ်ဆန့်ကျင်ရေး ဆန္ဒပြမှုများကို တနင်္လာနေ့က ပြုလုပ်ခဲ့ကြသည်။ သို့သော်လည်း ဂျာမန်ပြည်သူများက PEGIDA အဖွဲ့မှာ လူမျိုးရေးခွဲခြားမှုနှင့် သည်းမခံနိုင်မှုကို ပျံ့နှံအောင် ဆောင်ရွက်နေသည်ဟု ပြောဆိုခဲ့ပြီး ဒရက်စ်ဒန်မြို့အပါအ၀င် ဘာလင်၊ ကိုးလုံးနှင့် အခြားမြို့များတွင် PEGIDA အဖွဲ့၏ လုပ်ရပ်အား ဆန့်ကျင်သည့် တန်ပြန်ဆန္ဒပြမှုများကိုလည်း ပြုလုပ်ခဲ့ကြသည်။

ဂျာမနီ၏ အရောင်းရဆုံး စာစောင်ဖြစ်သော Bild တွင်လည်း ယမန်နေ့က `PEGIDA အလိုမရှိ´ ဟူသော ခေါင်းစဉ်ဖြင့် ဂျာမနီရှိ နိုင်ငံရေးသမားများနှင့် ထင်ရှားကျော်ကြားသူများ၏ သဘောထားများကို စာမျက်နှာ လေးမျက်နှာခန့် ဖော်ပြခဲ့သည်။

`(သူတို့တွေဟာ) လူမျိုးခြားကြောက်ရောဂါကို `အလိုမရှိ´ လို့ ပြောကြပြီး မတူကွဲပြားမှုနဲ့ ညီညွတ်စွာနေထိုင်မှုကိုသာ `အလိုရှိသည်´ လို့ ပြောနေကြပါတယ်။ ကျွန်တော်တို့ရဲ့ လမ်းမတွေကို အနှစ်သာရမရှိတဲ့ လှုံ့ဆော်အော်ဟစ်သံတွေအတွက် လက်ဆင့်မကမ်းသင့်ပါဘူး´
ဟု Bild ၏ လက်ထောက် အယ်ဒီယာဖြစ်သူ ဘဲလာအန်ဒါက နိဒါန်းတွင် ရေးသားခဲ့သည်။

Bild စာစောင်၌ ၎င်းတို့၏ သဘောထားများကို ဖော်ပြခဲ့သူများတွင် ယခင်အဓိပတိဟောင်း ဟဲလ်မွတ် ရှမစ်ဒ်၊ ဘဏ္ဍာရေးဝန်ကြီး ၀ုလ်ဖ်ဂန်း ရွှဲဘဲလ်၊ ရော့ခ်စတား အူဒို လင်ဒန်ဘာ့ဂ်၊ ပေါ့ပ်စတား ဟီနို၊ ဂျာမနီဘောလုံးအသင်းခေါင်းဆောင်ဟောင်း အိုလီဗာ ဘီရ်ဟော့တို့ အပါအ၀င် အခြားထင်ရှားကျော်ကြားသူများလည်း ပါဝင်ခဲ့သည်။

PEGIDA အဖွဲ့၏ လှုပ်ရှားမှုများကို ဂျာမန်ပြည်သူများအပြင် ခရစ်ယာန်ဘုရားကျောင်းများကလည်း ဆန့်ကျင်ခဲ့ကြသည်။ ဂျာမနီရှိ အထင်ကရ ဘုရားကျောင်းများထဲမှ တစ်ခုဖြစ်သော ကိုးလုံး ကက်သလစ်ဘုရားကျောင်းကမူ အစ္စလာမ်ဆန့်ကျင်ရေး ဆန္ဒပြသူများ လာရောက်သည့်အချိန်တွင် ဘုရာကျောင်းရှိ မီးအားလုံးကို ပိတ်ပစ်ခဲ့သည်။

`ဒီလို ဆန္ဒပြမှုအတွက် ဒီဘုရားကျောင်း စတိတ်စင်တော့ အဖြစ်ခံမှာ မဟုတ်ပါဘူး။ လူမျိုးခြားကြောက်ရောဂါ၊ လူမျိုးရေးခွဲခြားမှု၊ ဖယ်ထုတ်ထားမှုတွေကို ဆန့်ကျင်ကန့်ကွက်တယ်ဆိုတာ မြင်သာဖို့အတွက် ဘုရားကျောင်းရဲ အပြင်ဘက်မီးတွေကို သူတို့
ဆန္ဒပြမယ့် ဇန်ဝါရီ ၅ ရက်နေ့မှာ ပိတ်ထားလိုက်တာပါ´ ဟု ဘုရားကျောင်း အကြီးအကဲ နောရ်ဘာ့တ် ဖဲလ်ဒ်ဟော့ဖ်က ပြောကြားခဲ့သည်။

ဂျာမနီအဓိပတိ အိန်ဂျလာမာကဲလ်ကလည်း အစ္စလာမ်ဆန့်ကျင်ရေး လှုပ်ရှားမှုများမှာ မလိုတမာစိတ်ထားနှင့် လူမျိုးရေးခွဲခြားမှုတို့မှ မြစ်ဖျားခံလာခြင်းဖြစ်ပြီး ပြည်သူများအနေဖြင့် ထိုလှုပ်ရှားမှုများတွင် မပါဝင်ရန် နှစ်သစ်ကူးမိန့်ခွန်းတွင် ထည့်သွင်းပြောကြားခဲ့သည်။

Ref alaraiy, thinkprogress

January 7, 2015
အစ္စလာမ်ဆန့်ကျင်ရေးကို တန်ပြန်ဆန္ဒပြမှုများ ဂျာမနီတွင် ပြုလုပ်

ဇန်န၀ါရီ ၆၊ ၂၀၁၅
M-Media

– လက်ယာစွန်းရောက်များ၏ အစ္စလာမ်ဆန့်ကျင်ရေး လှုပ်ရှားမှုများကို တန်ပြန်ဆန့်ကျင်သည့် ဆန္ဒပြမှုများအား ဂျာမနီရှိ မြို့ကြီးများတွင် ပြည်သူများက ယမန်နေ့တွင် ပြုလုပ်ခဲ့ကြသည်ဟု သိရသည်။

ဂျာမန်ဝန်ကြီးချုပ် အိန်ဂျလာမာကဲလ်က အစ္စလာမ်ဆန့်ကျင်ရေး ဆန္ဒပြမှုများမှာ လူမျိုးရေးခွဲခြားမှုသာ ဖြစ်သည်ဟု နှစ်သစ်ကူးမိန့်ခွန်းတွင် ထည့်သွင်းပြောကြားထားသော်လည်း လက်ယာစွန်းရောက် PEGIDA အဖွဲ့မှာ ယမန်နေ့က ၎င်းတို့ကြီးစိုးရာ ဒရက်စ်ဒန်မြို့တွင်
အစ္စလာမ်ဆန့်ကျင်ရေး ဆန္ဒပြပွဲများကို ပြုလုပ်ခဲ့သည်။

သို့သော်လည်း PEGIDA အဖွဲ့၏ အစ္စလာမ်ဆန့်ကျင်ရေး ဆန္ဒပြမှုကို ဒရက်စ်ဒန်မြို့အပါအ၀င် ဘာလင်၊ စတုဂတ်နှင့် ကိုးလုံးမြို့များတွင် ဂျာမန်ပြည်သူများက တန်ပြန်ဆန္ဒပြခဲ့ကြပြီး ၎င်းတို့အနေဖြင့် ခွဲခြားဆက်ဆံမှုနှင့် နိုင်ငံခြားသားကြောက်ရောဂါများကို ဆန့်ကျင်ကာ
သည်းခံစိတ်ရှိမှု သတင်းစကား ပြန့်နှံ့ရန်အတွက် ယခုကဲ့သို့ ဆန္ဒပြခဲ့ကြခြင်းဖြစ်သည်ဟု ပြောကြားခဲ့သည်။ အဆိုပါ တန်ပြန်ဆန္ဒပြပွဲများ သို့ လူပေါင်း ၁ သောင်းခန့် တက်ရောက်ခဲ့ကြသည်။

PEGIDA မှ လုပ်ဆောင်နေသော အစ္စလာမ်ဆန့်ကျင်ရေး လှုပ်ရှားမှုများကို ဆန့်ကျင်သည့်အနေဖြင့် ပြည်သူများက စီးပွားရေး လုပ်ငန်းများ၊ ဘုရားကျောင်းများနှင့် အခြားသော အဆောကအအုံများကိုလည်း ပိတ်ပစ်ခဲ့ပြီး ကိုးလုံးမြို့ လျှပ်စစ်ဓာတ်အားပေး
ကုမ္ပဏီကလည်း လျှပ်စစ်မီးပေးခြင်းကို ရပ်ဆိုင်းခဲ့သည်။

PEGIDA အဖွဲ့မှာ ပြီးခဲ့သည့် ၃ လအတွင်း ဒရက်စ်ဒန် မြို့၌ အစ္စလာမ်ဆန့်ကျင်ရေး ဆန္ဒပြပွဲများကို ဦးဆောင်ပြုလုပ်ခဲ့သည့် အဖွဲ့ဖြစ်ပြီး၊ နာဇီလက်သစ်များပါဝင်သည့် အဆိုပါအဖွဲ့မှာ ဂျာမနီတွင် အခြားနိုင်ငံများမှ ပြောင်းရွှေ့အခြေချလာသူများကို ဆန့်ကျင်သည့်
အဖွဲ့အစည်းလည်းဖြစ်သည်။

Ref: aljazeera

January 6, 2015
ကနေဒါပြည်သူ့တိုရဲ့ စိတ်ဓါတ် ရင့်ကျက်မှုအား လက်တွေ့စမ်းသပ်မှု (ရုပ်သံ)

နိုဝင်ဘာ ၁၊ ၂၀၁၄
M-Media
.နိုင်မြတ်ဇော် တင်ဆက်သည်။

ကနေဒါနိုင်ငံမြို့ တော်မှာ ပြီးခဲ့တဲ့အပတ်ကဖြစ်ပွားခဲ့တဲ့ သေနတ်ပစ်ခတ်မှု နဲ့  ပတ်သက်ပြီး ကနေဒါပြည်သူတွေရဲ့  မွတ်စလင်မ်တွေအပေါ် စိတ်နေသဘောထားကို စမ်းသပ်တဲ့ လူမှုရေး စမ်းသပ်မှု (social experiment) တစ်ရပ်ကို ပြုလုပ်ခဲ့ပါတယ်။ အဲ့ဒီစမ်းသပ်မှုကို ပစ်ခတ် တိုက်ခိုက်မှုကြောင့်သေဆုံးသွားတဲ့ စစ်သား မစ္စတာ နေသန် နေထိုင်ရာ ဟလ်မင်တန်မြို့ မှာ ကျောင်းသား ၃ ဦးက စီစဉ်ပြုလုပ်ခဲ့တာဖြစ်ပြီး အဲ့ဒီစမ်းသပ်မှုရလဒ်ဟာ ကနေဒါပြည်သူတွေ ရဲ့  သဘောထားပြည့်ဝမှု၊ ရင့်ကျက်မှုကို ကမ္ဘာသိအောင် နောက်ထပ်တကြိမ်ထပ်မံသက် သေပြလိုက်ခြင်းဖြစ်တယ်လို့  လေ့လာသူတွေက ဆိုပါတယ်။

အဲ့ဒီ စမ်းသပ်မှုကို လျှို့ ဝှက်ဗီဒီယို အနေနဲ့ ပြုလုပ်ရိုက်ကူးပြီး Youtube မှာ ခဲ့ပါတယ်။

စမ်းသပ်မှုမှာ တစ်ယောက်က အ၀တ်အစားအရှည်ဝတ်ပြီး ကားဂိတ်မှာ ကားရပ်စောင့်နေတဲ့ မွတ်စလင်မ်အနေ နဲ့  သရုပ်ဆောင်ပါတယ်။ နောက်တစ်ယောက်က လူဖြူအနေနဲ့  သရုပ် ဆောင်ပြီး အဲ့ဒီမွတ်စလင်မ်ကို အကြမ်းဖက်သမားဖြစ်နိုင်ကြောင်း၊ သူနဲ့  ဘတ်စ်ကား တူတူ စီးရမှာ စိတ်မချကြောင်း၊ လုံခြုံမှု မရှိကြောင်း၊ သူ့ အ၀တ်အစားအောက်မှာ ဖောက်ခွဲရေးပစ္စည်း များရှိနိုင်ကြောင်း၊ မြို့ တော် အော်တ၀ါမှာဖြစ်ခဲ့တဲ့ သေနတ် ပစ်ခတ်တိုက်ခိုက်မှုလို အခု အ၀တ်အ ရှည်ဝတ်ထားတဲ့ မွတ်စလင်ကလည်း မလုပ်ဘူးလို့ မပြောနိုင်ကြောင်း၊ သူ့ အနေနဲ့  တခြားကား စီးသင့်ကြောင်း တခြား ကားစောင့်နေတဲ့ လူတွေကြားအောင် ပြောပါတယ်။ ကားစောင့်နေတဲ့ ကနေဒါပြည်သူတွေ ခုလို စွပ်စွဲချက်ကို ဘယ်လို တုန့် ပြန်သလဲ၊ သူတို့ တွေဟာ မွတ်စလင်မ်တွေအပေါ် ဘယ်လိုသဘောထားအမြင်ရှိလဲဆိုတာကို စမ်းသပ်ဖို့  အဝေးတနေရာကနေ ဗီဒီယိုနဲ့ လျှို့ ဝှက်ရိုက်ကူးခဲ့ပါတယ်။

လူဖြူအနေနဲ့  သရုပ်ဆောင်သူ စွပ်စွဲချက်ကို တခြားလူတွေအားလုံးက ကန့် ကွက်ပြီး မွတ်စလင်လို ၀တ်ဆင်ထားသူကို ကာကွယ်ပေးခဲ့ကြပါတယ်။

အော်တ၀ါမှာဖြစ်တဲ့ကိစ္စဟာ စိတ်ကျန်းမာရေးရောဂါရှိတဲ့ လူတယောက်၊ ရူးသွပ်တဲ့ လူတစ် ယောက်ရဲ့  လုပ်ရပ်သာဖြစ်ပြီး၊ သူ့ လုပ်ရပ်ကြောင့် မွတ်စလင်လို ၀တ်ဆင်ထား သူအားလုံးကို အကြမ်းဖက်သမားလို့  မစွပ်စွဲသင့်ကြောင်း၊ အဲ့ဒီလို စွပ်စွဲတာဟာ စော်ကားတာဖြစ်ကြောင်း၊ သူစိတ်မချရင် တခြားကားစီးသင့်ကြောင်း၊ စွပ်စွဲနေတာမရပ်ရင် ရဲကို ဖုန်းခေါ်တိုင်မှာ ဖြစ် ကြောင်း မွတ်စလင်မ်သရုပ်ဆောင်ဖက်က ကာကွယ်တုန့် ပြန်ကြပါတယ်။ နောက်ဆုံးမှာ ကား စောင့်နေတဲ့ လူတယောက်က လူဖြူသရုပ်ဆောင်ကို ၀င်ထိုးတဲ့အထိ ဖြစ်သွားခဲ့ပါတယ်။ ကိုယ်ထိလက်ရောက် တုန့် ပြန်တာဟာ အကောင်းဆုံးတုန့် ပြန်မှုမဟုတ်ပေမဲ့ အပြစ်မရှိ တဲ့လူကို အကြမ်းဖက်သမားဆိုပြီးစွပ်စွဲတာ၊ လူတစ်ယောက်လုပ်ရပ်ကြောင့် မဆိုင်တဲ့လူတွေ ကို လူရှေ့ သူရှေ့  စော်ကားတာ၊ အခွင့်အရေးချိုးဖောက်တာ၊ မတရားတာကို လက်ပိုက်ကြည့်မနေဘူးဆိုတာကို သက်သေပြလိုက်တာပဲဖြစ်ပါတယ်။

အဲ့ဒီ ၃ မိနစ်ခွဲစာ ဗီဒီယိုဟာ အက်ဒစ်တည်းဖြတ်ထားခြင်းမရှိပဲ မူရင်းဗီဒီယို အတိုင်း ထုတ်လွင့်ခဲ့တာဖြစ်ကြောင်း Global News ရုပ်မြင်သံကြားဌာနက ဆိုပါတယ်။

ဗီဒီယိုမှာပါတဲ့ စကားပြောငြင်းခုံမှုတွေကတော့ —

အကြောင်းအရာအစပိုင်း

သူငယ်ချင်းတို့ ငါ့နာမည်ကတော့ အိုမရ်, သူက ဇိုက် နဲ့ သူက တော့ ဒေဗင်
ဒေဗင် က ကော့ကေးရှန်းအဖြစ် သရုပ်ဆောင်ပြီး သူ့ကို(ဇိုက်)ကို နှုတ်နဲ့စော်စော်ကားကားပြောဆိုလိမ့်မယ်
ဒါဟာ ကနေဒါမြို့တော် အော့တဝါမှဖြစ်ပျက်ခဲ့တဲ့အဖြစ်အပျက်ကိုအခြေခံပြီး
မြိုခံလူတွေ စိတ်ထဲလုံခြုံမှုရှိလားဆိုတာကို စူးစမ်းကြည့်မှာပါ
မွတ်စလင်တွေဆိုတာ မွတ်စလင်ပုံစံရှိတဲ့လူတွေ
ဘာတွေဖြစ်မလဲ ကြည့်ရအောင်

စွပ်စွဲသူ –
မင်း ဒီ ဘတ်စ်ကား စီးမလို့လား ။ ဟုတ်တယ်
မင်း တခြားကား ပြောင်းစီးရင် ကောင်းမယ်။

စွပ်စွဲသူ –
ဘာဖြစ်လို့လဲ? မင်း ဝတ်ထားတဲ့ပုံကို ကြည့်ပြီးပြောတာ ..

ကားရပ်စောင့်သူ (၁) –
ဘာဖြစ်တာလဲ … မင်းလူတွေကို သူတို့ဝတ်ထားတာကြည့်ပြီး ပုံသေကားချပ်ဆုံးဖြတ်လို့မရဘူး

ကားရပ်စောင့်သူ (၁) –
သူဘာနိုင်ငံသားလဲဆိုတာကြည့်ပြီး .. တခြားဘာပဲဖြစ်ဖြစ်
ငါပြောတာ မင်းသဘောပေါက်လား .. အဲ့ဒီမှာဖြစ်ပျက်ခဲ့တာက
အယူသီးတဲ့လူတစ်ယောက်ရဲ့ အဖြစ်အပျက်ပဲ. (ကျွန်တော်နားလည်ပါတယ်)
လူတိုင်းကို မင်း အပြစ်ပေးလို့မရဘူး
အမေရိကန်က 9/11 အကြမ်းဖက်မှုကလည်း အရူးအနှမ်းတွေလုပ်တာ ။
ခုသူက ငါ့မိတ်ဆွေ ငါသူနဲ့ အတူရှိတယ်။

ကားရပ်စောင့်သူ (၂) –
ငါ အိမ်ပြန်ပြီးတော့ ဝတ်ချင်တဲ့ ဝတ်ရုံတစ်ခု ဝတ်မယ်ကွာ
ငါ့ကို အဲ့ဒီလို လာပြောစမ်းပါ။
ငါ ဝတ်ချင်တဲ့ ဝတ်ရုံပဲဖြစ်ဖြစ် တခြားအဝတ်အစားပဲဖြစ်ဖြစ် ကြိုက်တာဝတ်နိုင်တယ်

ကားရပ်စောင့်သူ (၃) –
အဲ့ဒီမှာဖြစ်ပျက်ခဲ့တာ မကောင်းဘူး၊ ဝမ်းနည်းစရာ။
ဒါပေမယ့် လူတစ်ယောက်ကို သူဝတ်ထားတာကြည့်ပြီး ဆုံးဖြတ်ဖို့ ဘာအကြောင်းမှ မရှိဘူး

စွပ်စွဲသူ –
သူ့မှာ ပေါက်ကွဲစေတဲ့ လက်နက်တွေ ရှိနိုင်တယ်

ကားရပ်စောင့်သူ (၁) –
အဲ့ဒါဆို ငါ့မှာလည်းရှိနိုင်တာပဲ။ ငါလည်း ဖောက်ခွဲမှုတွေလုပ်နိုင်တယ်
အိုကေ ဒါပေမယ့် အဲ့လိုလုပ်တဲ့သူဆီမှာ ဘာဘာသာရေးမှ မရှိဘူး၊
ဒါဟာသက်သက် ရူးနှမ်းမှုပဲ

ကားရပ်စောင့်သူ (၂) –
ငါသူနဲ့ အတူရှိတယ် (မဟုတ်ဘူး၊ မင်းသူနဲ့အတူရှိလား)
ဟုတ်တယ်

စွပ်စွဲသူ –
သူ့လုပ်ရပ်အတွက် ခင်ဗျားတာဝန်ယူမလား
(ငါ ဒီအတိုင်းမထားနိုင်ဘူး)

ကားရပ်စောင့်သူ (၂) –
ငါ တာဝန်ယူတယ်

ကားရပ်စောင့်သူ (၁) –
ငါ့မှာ မွတ်စလင် သူငယ်ချင်းတွေ ဘယ်လောက်အများကြီးရှိလဲ မင်းသိလား
မွတ်စလင် အစစ်တွေက ဒီလုပ်ရပ်တွေမှာ မယုံတာမင်းသိလား
အဲ့ဒါက ရူးနှမ်းနေတဲ့ လူတစ်ချို့လုပ်တာ
အဲ့ဒီရူးနေတဲ့ လူတွေအတွက် မင်းလူတိုင်းကို လိုက်အပြစ်ပေးလို့မရဘူး

ကားရပ်စောင့်သူ (၄) –
သူ့မှာ ဘာမှ မရှိဘူး ၊ သူ့ဆီမှာ ဘာတွေ့ရလို့လဲ
မင်းပုံစံကြည့်ရတာမှ မင်းဆီမှာ တစ်ခုခုရှိနေတဲ့ပုံပဲ

ကားရပ်စောင့်သူ (၁) –
မင်း စာအုပ်တစ်အုပ်ကို အဖုံးကြည့်ပြီး ဆုံးဖြတ်လို့မရဘူး
မကောင်းတဲ့ လူတစ်ယောက်အတွက် အားလုံးကို အပြစ်မပေးနိုင်ဘူး

စွပ်စွဲသူ –
ငါ့စိတ်ထဲ လုံခြုံမှုမရှိဘူး ။ ငါသူနဲ့အတူ ဘတ်စ်ကားမစီးနိုင်ဘူး
ဒါဆိုလည်း မင်းဘာသာ နောက်ကားတစ်စီး စီးပေါ့သူငယ်ချင်း
ငါ ပြောချင်တာက ဟေ့ မင်းငါနဲ့လိုက်ခဲ့ပါလား
ငါပြောချင်တာက သူ့ပုံစံကြည့်ရတာ အကြမ်းဖက်သမားနဲ့တူတယ်
ကားပေါ်မှာ စိတ်ချရမှာမဟုတ်ဘူး

ကားရပ်စောင့်သူ (၅) –
ရယ်စရာပဲ …. (ဒါ ရယ်စရာလား ) ဟုတ်တယ်

စွပ်စွဲသူ –
ငါ မင်းတို့အတွက် ပြောတာ …

ကားရပ်စောင့်သူ (၆) –
တဆိတ် .. ဒီလောက် မစော်ကားသင့်ဘူး

စွပ်စွဲသူ –
ဒါပေမယ့် ငါသူ့ကို ဘတ်စ်ကား မစီးစေချင်ဘူး

ကားရပ်စောင့်သူ (၁) –
ဒါဟာ စိတ်မချရဘူးလို့ ငါထင်တယ်။ မဟုတ်ဘူး မင်းသူ့ကို ထားလိုက်ပါ
မဟုတ်ရင် ငါရဲ ခေါ်ရလိမ့်မယ်

စွပ်စွဲသူ –
ငါပြောချင်တာက ဘတ်စကားပေါ်မှာ ဒုက္ခရောက်မှာစိုးလို့
အော့တဝါ မှာ အကြမ်းဖက်မှုဖြစ်ပြီးကတည်းက
ဘာတွေဆက်ဖြစ်မလဲ ငါမသိဘူး

ကားရပ်စောင့်သူ (၆) –
အဲ့ဒီ တစ်ယောက်က နဂိုကတည်းက အထီးကျန်စိတ်ကျနေတဲ့သူ။ သူ့မှာ စိတ်ပိုင်းဆိုင်ရာ ပြဿနာရှိတယ်။
ဟုတ်တယ် ခု သူလည်း အဲ့လိုပြဿနာရှိနိုင်တယ် ။ (ဒါဆိုမင်းလည်းရှိနိုင်တာပဲ)

စွပ်စွဲသူ –
ငါရှိနိုင်တယ်။ ဒါပေမယ့် ငါတော့ အဲ့ဒီလို မဝတ်ထားဘူးလေ
ဟမီလ်တန် မှာ ဖြစ်ပျက်ခဲ့သလိုမျိုး ထပ်မဖြစ်စေချင်လို့ ငါပြောနေတာ

ကားရပ်စောင့်သူ (၆) –
ဘာဖြစ်နေတာလဲ? ဒီလိုဝတ်ထားတာနဲ့ပဲ
မင်းသူ့ကို အကြမ်းဖက်သမားလို့ ခေါ်စရာလား ?

ကားရပ်စောင့်သူ (၇) –
မင်းဘာသာ ကားမစီးချင်ရင် လမ်းလျှောက်သွား

စွပ်စွဲသူ –
သူနဲ့ ငါ မင်းတို့ကို ကားပေါ်မှာ မရှိစေချင်လို့ ငါရိုးရိုးသားသားပြော …

ကားရပ်စောင့်သူ (၂) –
မင်းမကျေနပ်ရင် မင်းကားပေါ် မတက်နဲ့
မင်း သိလား ဟို တစ်ယောက်က အခြေအနေပေါ်မူတည်ပြီး တရားခံဖြစ်နေတာ
ISIS ကလူလို့ပြောနေတယ် ။ ဘယ်သူသေချာသိလို့လဲ

စွပ်စွဲသူ –
သူ့မှာ ပေါက်ကွဲစေတဲ့ ပစ္စည်းတွေရှိနိုင်တယ် ။ ခင်ဗျားတို့သိလား

ကားရပ်စောင့်သူ –
မင်းမှာကော မရှိနိုင်ဘူးလား … စဉ်းစားကြည့်ဦး

စွပ်စွဲသူ –
မင်းငါနဲ့လိုက်ခဲ့ (ဘာမှ သူမင်းနဲ့ လိုက်သွားစရာမလိုဘူး)

ကားရပ်စောင့်သူ (၂) –
မင်း ဒီမှာနေ ရတယ်
စိတ်မပူနဲ့ ဒီမှာနေ ဘာမှမဖြစ်ဘူး

စွပ်စွဲသူ –
မဟုတ်ဘူး … မဟုတ်ဘူး ဒါကျွန်တော်တို့ လူမှုရေးရာ စမ်းသပ်မှုတစ်ခုလုပ်နေတာ(မင်း ဒီက ထွက်သွား)
ပွဲကတော့ ကောင်းသွားတယ်။ အဆုံးသတ်ကတော့ မလှဘူး။ဒါပေမယ့် ….
လူတွေရဲ့ အတွေးအမြင်တွေဟာ ကောင်းလှတယ်။
သူ့အတွက် အားလုံးက ကာကွယ်ပေးတယ်
အဲ့ဒါကို ကျွန်တော် သဘောကျတယ်။ တကယ်ကောင်းတယ်။

ကွယ်လွန်သွားခဲ့တဲ့ နသန် စီရီလီယို အတွက် အထူးဝမ်းနည်းကြောင်း ဖော်ပြပါတယ်
အကြမ်းဖက်မှုတွေကို လူတိုင်း အပြစ်တင် ရှုံ့ချရမှာဖြစ်တယ်
ခုအချိန်ဟာ ကျွန်တော်တို့အားလုံး ငြိမ်းချမ်းစွာ အတူနေကြဖို့ပါပဲ ….

Download လုပ်ပြီး ကြည့်လိုလျှင် =>http://goo.gl/ViuEGK
File Size =19.5 MB

November 1, 2014
Islamophobia ကို ထိရောက်စွာ ရင်ဆိုင်ရေး နည်းလမ်းငါးသွယ်

စက်တင်ဘာ ၂၉ ၊ ၂၀၁၄
M-Media

အစ္စလာမ်အပေါ် တစ်ဖက်သတ် ရွံကြောက် မုန်းတီးရောဂါ Islamophobia ကို ထိရောက်စွာ ရင်ဆိုင်ရေး နည်းလမ်းငါးသွယ်

အသိမဲ့ခြင်းနှင့် ရုန့်ရင်းစွာဆက်ဆံခြင်းကို ရင်ဆိုင်ကြုံတွေ့ရာဝယ် အသင်သည် သည်းခံခြင်းနှင့် ကြင်နာခြင်းအား အောက်ပါနည်းလမ်းအတိုင်း ဆုပ်ကိုင်ရပ်တည်ပါလေ။

ပြုံးရွှင်ချိုသာစွာဆက်ဆံခြင်းသည် စွန္နဟ်(တမန်တော့်ဓလေ့တော်) ဖြစ်၏။

အနောက်တိုင်း၌နေထိုင်သော မွတ်စ်လင်မ်တစ်ဦးဖြစ်သည်နှင့်အညီ ကျွန်ုပ်မှာ မျက်နှာလိုက်ခြင်း၊ ခွဲခြားချိုးနှိမ်ခြင်း ပုံဟန်မျိုးစုံ ခံစားလာရသူဖြစ်ပါသည်။ Islamophobia – အစ္စလာမ်အပေါ် တစ်ဖက်သတ်ရွံကြောက်မုန်းတီးရောဂါဟု ခေါ်ဆိုသည့်အရာထဲ ဘာတွေရှိနေကြောင်း ကျွန်ုပ်မှ ကောင်းစွာ သုံးသပ်တင်ပြနိုင်မည်ထင်ပါ၏။ အကြောင်းမှာ ကျွန်ုပ်သည် နိုင်ငံတောင်ပိုင်းရှိ ခွဲခြားဆက်ဆံမှုကြီးမားလှသောနယ်ပယ်အတွင်း ကျွန်ုပ်၏နေ့စဉ်ဘ၀ ဖြတ်သန်းနေထိုင်ကြီးပြင်းလာရသူ ဖြစ်သောကြောင့်ပင်။

မွတ်စ်လင်မ်အသိုင်းအ၀ိုင်းပြင်ပ၌ လျှောက်ထားသမျှ အလုပ်အကိုင်များ အဘယ်ကြောင့် အပယ်ချခံရမှု သို့တည်းမဟုတ် ကျွန်ုပ်အား ကြက်ဥများဖြင့်ပစ်ပေါက်ခြင်း သို့မဟုတ် လမ်းပေါ်လျှောက်နေစဉ် ကားတွင်းမှုကျိန်ဆဲခံရမှုတို့ကို ဇာချဲ့ပြောပြလိုစိတ် မရှိပါ။ အကြောင်းရင်းကိုလည်း ရှာဖွေသုတေသနလုပ်လိုစိတ် မရှိခဲ့။ ဂျော်ဂျီယာပြည်နယ်၊ ဆာဗန်းနား၌ နေထိုင်စဉ် ကျွန်ုပ် တက်ရောက်လေ့ရှိခဲ့သော ဗလီဝတ်ကျောင်း မီးတိုက်ဖြိုလဲခံရသည့်အခါတွင် Islamophobia မှာ ရှင်သန်အရှိန်ရနေပြီ ဖြစ်ကြောင်း သိရလိုက်ရပေသည်။
(ကြည့် – Russ Bynum, ‘Savannah Muslims pray in tent after mosque destroyed by arson’, AP news, 26 Aug 2003, available here)

ထိုအခါကျမှ ကျွန်ုပ်သည် အနောက်တိုင်းတွင် ကြီးထွားလာနေသော Islamophobia လမ်းကြောင်းအပေါ် လေ့လာသုံးသပ်ချက်တို့ကို ကမန်းကတန်း ဖတ်ရှုမိပါတော့သည်။ ကျွန်ုပ်အတိုင်း လူများစွာတို့မှာ မုန်းတီးခြင်း၊ ကြောက်ရွံခြင်း၊ အမျက်သင့်ခြင်း ခံနေရသည့်အကြောင်းစုံကို နာရီပေါင်းများစွာ အချိန်ပေးဖတ်ရှုပြီးသောအခါ နက်နက်ရှိုင်းရှိုင်းပင် စိတ်ဓာတ်ကျဆင်းသွားခဲ့ပါသည်။ အချို့သူတို့၏ဘ၀မှာ ရှင်သန်နေခြင်းထက် သေဆုံးသွားခြင်းကပင် ပိုကောင်း၏ဟုပင် တွေးထင်မိ၏။ ကျွန်ုပ်၏ စိတ်ကျခံစားချက်မှာ တုန်လှုပ်မှုဖြစ်လာပြီးနောက် အမျက်ဒေါသအသွင် ပြောင်းလှည့်သွားလေသည်။

ကျွန်ုပ်မှာ အခါခပ်သိမ်း ဒေါသကြီးနေသည်ကိုမြင်တွေ့နေရကြောင်း သားချင်းတစ်ဦးမှ ထောက်ပြသည့်အခါမှသာ သတိထားမိပါတော့သည်။ ဒေါသကို ဒေါသဖြင့်ဖြေရှင်းခြင်းက ဒေါသအား ပိုမိုတိုးပွားလာစေသည်ဟူသော ကျွန်ုပ်အမြဲတစေ သိနားလည်နေခဲ့သည့် အမြင်ပင်လျှင် ပျောက်ဆုံးသွားပါသည်။ အမျက်ဒေါသစိတ်ကို ရင်ဆိုင်ဖြေရှင်းနိုင်မည့် တစ်ခုတည်းသောလမ်းမှာ နားလည်မှု၊ သည်းခံမှုနှင့် ကြင်နာမှုတရားကို လက်ကိုင်ထားရမည်ဟု ကျွန်ုပ်သည် မိမိကိုယ်ကို သတိပေးကာ နောက်ပြန်ဆုတ်ရပေတော့မည်။

သို့ဖြင့် ကျွန်ုပ်သည် အသိမဲ့ခြင်းနှင့် ရုန့်ရင်းစွာဆက်ဆံခြင်းကို ရင်ဆိုင်အံတုရေးအတွက် ကျမ်းမြတ်ကုရ်အာန်နှင့် တမန်တော်မုဟမ္မဒ်(ငြိမ်းချမ်းခြင်းနှင့်မင်္ဂလာ သက်ရောက်စေသား)၏ သြ၀ါဒသွန်သင်ချက်များအပေါ် ပြန်လှည့်ခဲ့ပါသည်။ သည်းခံခွင့်လွှတ်ခြင်းဖြင့် ဝေဒနာကို ကုစားနိုင်ကြောင်း တွေ့ခဲ့ရပါသည်။ Isamophobia ကို မပြောပလောက်သော လုပ်ရပ်လေးများဖြင့် ရင်ဆိုင်နိုင်သည့်အချက်အား တွေ့လိုက်ရပေသည်။

၁။ ပြုံးပါ
———–
အထင်အမြင်လွဲမှားနေမှုများ၊ ခွဲခြားချိုးနှိမ်မှုများ၊ အမုန်းတရားများဖြင့် ပြည့်နှက်နေသော လောကသို့ ကျွန်ုပ်တို့ သွားလာကြပြီဆိုလျှင် ကျွန်ုပ်တို့၏ပထမဆုံး ခံစစ်လမ်းကြောင်းမှာ ပြုံးရွှင်ခြင်း ဖြစ်ပါသည်။ ပြုံးရွှင်ချိုသာစွာ ဆက်ဆံခြင်းသည် စွန္နဟ်(တမန်တော့်ဓလေ့တော်) ဖြစ်၏။ အလှူဒါနလည်း ဖြစ်၏။ ၎င်းက ကျွန်ုပ်တို့၏ စိတ်ဓာတ်အင်အားကို တွန်းတင်ပေးပါသည်။ ပြုံးရွှင်ခြင်းသည် အရာအားလုံးအနက် ကူးစက်ရန် အလွယ်ကူဆုံးဖြစ်၏။

အပြုံးကူးစက်ခြင်းသည် အပြုသဘောဆောင်လာနိုင်ကြောင်း ယခုသော် သိပ္ပံမှ တစ်စွန်းတစ်စ သိရှိလာပေပြီ။ ဆွီဒင်နိုင်ငံ၏လေ့လာမှုအရ ပျော်ရွှင်မှု၊ အမျက်ဒေါသ၊ ကြောက်လန့်ခြင်း၊ အံ့သြခြင်း စသည့် ခံစားချက်သရုပ်ဖော်များ ပြသရာတွင် လူတို့သည် ပြုံးရွှင်ခြင်းပုံကိုသာ ချက်ခြင်း မျက်စေ့တွင်း စွဲထင်ကြောင်း ဆိုကြ၏။ လူတို့သည် မိမိတို့တွေ့မြင်လိုက်သည့် ပြုံးရွှင်ခြင်းဟန်မူရာအတိုင်းပင် မျက်နှာပေးများဖြစ်ပေါ်လာတတ်သည်ဟု သုတေသီများမှ တွေ့ရှိကြသည်။
“ပြုံးရွှင်ခြင်းဟာ လူ့အသိတရားကို ဆွဲချနိုင်တဲ့အရာ ဖြစ်ပါတယ်”။
(ကြည့် – Sarah Stevenson, ‘There’s Magic In Your Smile’, Psychology Today, 25 Jun 2012, available here)

သြတေးလျနိုင်ငံသားမွတ်စ်လင်မ်များ ပြုံးရွှင်နေသည့်ပုံများနှင့် ကြည်နှူးဖွယ်အကြောင်းများ တို့ကို ဖော်ပြထားသည် ဖေ့စ်ဘွတ်စာမျက်နှာသစ်တစ်ခုမှာ ရက်သတ္တပတ် အနည်းငယ်အတွင်းမှာပင် ကျယ်ကျယ်ပြန့်ပြန့် အသိအမှတ်ပြုချီးမွှမ်းခံရကြောင်း တွေ့ရ၏။ Link

၂။ ကြိုတင် ထင်မြင်ယူဆချက်များ မပြုလုပ်ပါနှင့်
————————————
ပြုံးရွှင်ခြင်းကဲ့သို့ပင် အဆိုးမြင် သဘောထားသည်လည်း ကူးစက်တတ်ပါသည်။ ခွဲခြားခံရလိမ့်မည်ဟု ကြိုတင်စိတ်ကူးသော အနေအထားသို့ မ၀င်ရောက်လေနှင့်။ များသောအားဖြင့် ထိုသို့မဖြစ်ပါ၊ ၎င်းမှာ မိမိဖာသာ ကြိုတင်နိမိတ်ဖတ်နေခြင်းသာ ဖြစ်သည်။ ကျွန်ုပ်တို့ တွေ့ဆုံနေကြသူများသည် မိမိ၏စရိုက်အပေါ် ရောင်ပြန်ဟပ်ပြုမူလာပါလိမ့်မည်။ ၎င်းတို့က မိမိတို့အား ခွဲခြားနှိမ့်ချနေသည်ဟု စိတ်စွဲနေပါက ယင်းအစွဲအတိုင်း ၎င်းတို့မှ ပြန်လည်ဆက်ဆံတတ်ပေသည်။

ပြင်ပပုံဟန်အရ ကျွန်ုပ်တို့အား ကောင်းကောင်းမွန်မွန် ဆက်ဆံခြေ မရှိသူတစ်ဦးဦးကို ဆုံတွေ့ရပါက ၎င်းမှာ မိမိ၏ တစ်ဖက်သတ်အမြင် ဖြစ်သည်ဟု တွေးမြင်ပါလေ။ ကျွန်ုပ်တို့အား ပြုမူဆက်ဆံသလို ကျွန်ုပ်တို့မှ ၎င်းတို့အား တန်ပြန် အဆိုးမြင် ပြုမူဆက်ဆံလို စိတ်မရှိကြောင်း ပေါ်လွင်အောင် ပြသပါလေ။

၃။ မွန်မြတ်သော ကိုယ်စားပြုသူဖြစ်ပါစေ
———————————————-
Time မဂ္ဂဇင်း၏ ၂၀၁၀ ခုနှစ် စစ်တမ်းအရ အမေရိကန်လူမျိုး ၆၂ ရာခိုင်နှုန်းမှာ မွတ်စ်လင်မ် တစ်ဦးတစ်လေကိုမျှ မတွေ့ဆုံးဖူးပါဟု ဆိုကြ၏။ (ကြည့် – Alex Altman, ‘TIME Poll: Majority Oppose Mosque, Many Distrust Muslims’, 19 Aug 2010, TIME, available here) အစ္စလာမ်နှင့် မွတ်စ်လင်မ်တို့ကို မိမိကိုယ်တိုင် ကြုံဆုံမှု၏ အတွေးအမြင်များအစား များစွာသောသူတို့သည် မီဒီယာကဲ့သို့ ပြင်ပ အရင်းမြစ်များထံမှ အမြင်သာလျှင် လွှမ်းမိုးနေလေ့ရှိသည်ဟု အဖြေရရှိပေသည်။

အစ္စလာမ်၏ အကောင်းဆုံး ဥပမာသာဓကသည် အပြောမဟုတ်၊ အလုပ်ဖြစ်ပါသည်။ ဖြတ်သွားဖြတ်သာ အိမ်နီးချင်းတို့အား ပြုံးပြနှုတ်ဆက်ပါ၊ ဖော်ရွေပါ။ အစာရေစာ ဝေငှကျွေးမွေးပါ။ မိမိတို့ရှိလျှင် မငတ်မွတ်နိုင်ကြောင်း ပြသပါ။ သူတို့၏ပိုင်ဆိုင်မှုများကို ကရုစိုက်ထိန်းသိမ်းပေးပါ။ လမ်းပေါ်၌ အန္တရာယ်ဖြစ်စေနိုင်သည့်အရာမှန်သမျှကို တွေ့ရလျှင် ဖယ်ရှားရှင်းလင်းပါ။ အမြဲတစေ အခြားသူများအပေါ် နှစ်လိုဖွယ်ဟန်မူရာဖြင့် သည်းခံစိတ်ရှည်ပေးပါ။

ကျွန်ုပ်တို့၏လူ့အသိုင်းအ၀ိုင်းအတွင်း လေးစားစဖွယ် အစ္စလာမ့်ကိုယ်စားပြုသူအဖြစ် မြင်လာခြင်းက လူတို့အပေါ် ကောင်းကျိုးများစွာ သက်ရောက်စေပါသည်။ ယင်းသို့သော မွတ်စ်လင်မ်တစ်ဦးနှင့်ကြုံဆုံဖူးသူတို့သည် နောင်အခါတွင် အစ္စလာမ့်မကောင်းကြောင်း တစ်စုံတစ်ရာကြားသော် အကောင်းဖက်ကသာ ရှုမြင်တွေးတောပေးလာပါလိမ့်မည်။

၎။ သီးခြားဆန်ခြင်းများမှ မိမိကိုယ်တိုင် ကင်းရှင်းစေပါ
——————————————————–
ကျမ်းမြတ်ကုရ်အာန်(၃၁း၁၈)တွင် “ ထို့ပြင် အသင်သည် လူအများရှေ့၌ အသင်၏မျက်နှာကို (မျက်နှာချင်း မဆိုင်ချင်သည့် ပုံစံမျိုးနှင့်) လှည့်မထားလေနှင့်။ ထို့ပြင် အသင်သည် မြေပြင်ပေါ် မော်ကြွားပြီး လမ်းမလျှောက်နှင့်။ အမှန်စင်စစ် အလ္လာဟ်အရှင်မြတ်သည် မည်သည့် ဂုဏ်မောက်သူနှင့် စိတ်ကြီးဝင်သူကိုမှ နှစ်သက်တော်မမူချေ ” ဟူ၍ အလ္လာဟ်အရှင်မြတ်က ကျွန်ုပ်တို့အား မိန့်ကြားတော်မူထားပါသည်။

ကျွန်ုပ်တို့ အပေါ်ပြုမူသည်များကို ရွံရှာစက်ဆုပ်သည့်တိုင် မွတ်စ်လင်မ် အများအပြားတို့မှာ မိမိတို့ကိုယ်တိုင်ပင် အခြားသူများအပေါ် သီးခြားဆန်မှုများနှင့်အစွဲများ ထားရှိနေကြဆဲဖြစ်ကြောင်း တွေ့ရပါသည်။ တစ်ကမ္ဘာလုံးကို ပြောင်းလဲစေချင်လျှင် မိမိဖက်မှ စတင်ပြောင်းလဲရမည်ဟု ကျွန်ုပ်တို့ သိနားလည်ထားရပေမည်။ ကျွန်ုပ်တို့ကိုယ်၌က အစွဲများမှ မလွတ်ကင်းနိုင်ပါက ကျွန်ုပ်တုိ့ဝန်းကျင်ရှိလူများအနေနှင့် ကျွန်ုပ်တို့အပေါ် အစွဲကျွတ်လာ ပါလိမ့်မည်ဟု မည်ကဲ့သို့သောနည်းဖြင့် မျှော်လင့်နိုင်ပါမည်နည်း ?

လူတိုင်း ကိုယ်စီကိုယ်ငှ တစ်ပါးသူတို့အပေါ် ထားရှိ ကိုင်စွဲထားသည့် ခွဲခြားမှုနှင့် ဖယ်ကြဉ်မှုဆိုင်ရာ တစ်ဖက်သတ် အတွေးများကို မိမိဖာသာ ဆန်းစစ်တတ်ရပါမည်။ လူတစ်ဦးချင်းစီသည် မတူကွဲပြားမှုရှိသော်လည်း ပေါင်းစည်းနိုင်သူဖြစ်သည်ဟု ကျွန်ုပ်တို့ သဘောပေါက်ရပါလိမ့်မည်။

၅။ ရဲရဲဝံ့ဝံ့ ဖွင့်ဟပြောဆိုတတ်ပါစေ
————————————
မွတ်စ်လင်မ်တို့အပေါ် တစ်စုံတစ်ရာအပျက်သဘောပြောဆိုခြင်းကို ကြားရလေတိုင်း ကျွန်ုပ်တို့ဖက်မှ တစ်ခုခု ပြောပြရန်လိုအပ်ပါသည်။ သတင်းများတွင် ကြားသိရသော် လူထုမီဒီယာသို့ အမြင်စောင်းမှုများနှင့်ပတ်သက်၍ တင်ပြပြောဆိုအသိပေးလိုက်ပါ။ Islamophobia ဖြစ်သွားစေမည့် အထင်လွဲမှားချက်များအကြောင်းကို သက်ဆိုင်ရာ သတင်းစာတိုက်၏ အယ်ဒီတာသို့ စာရေးပေးပို့ပါ။

Islamophobia ရောဂါကို သွတ်သွင်းနေသောအုပ်စုများ သို့မဟုတ် မိမိကိုယ်ကို မွတ်စ်လင်မ်ဟုဆိုလျက် အစ္စလာမ့်အမည်ဖျက်နေသူအုပ်စုများအား ရင်ဆိုင်ပြောဆိုပါ။ အထင်အမြင်စောင်းမှုများနှင့် Islamophobia အကြောင်း ဖော်ထုတ်ပြောဆိုချက် ပိုမို များပြားလာလေလေ ကျွန်ုပ်တို့၏အသံများ စုစည်းပေါင်းဆုံအားကောင်းလာလေလေ ဖြစ်ပါမည်။

ဖွင့်ထုတ်ပြောဆိုခြင်း၊ ပြုံးရွှင်ကြည်သာစွာဆက်ဆံခြင်း၊ ဖော်ရွေခြင်းနှင့် အစ္စလာမ့်ကိုယ်စားပြုကောင်းဖြစ်စေခြင်းတို့သည် Islamophobia ဒဏ်ရာများကို ကုစားနိုင်ပါလိမ့်မည်။ ထို့ပြင် ယုံတမ်းစကားများကိုလည်း ဖယ်ထုတ်ပစ်နိုင်ပါလိမ့်မည်။ မတူကွဲပြားမှုများအပေါ် အမျက်မဖြစ်ပါစေနှင့်။ “ ထို့ပြင် အနန္တကရုဏာတော်ရှင်၏ ကျွန်များသည် မြေပထ၀ီပေါ်တွင် ညင်သာစွာ သိက္ခာရှိရှိ လျှောက်လှမ်းကြသည်။ ထို့ပြင် ပညာမဲ့များသည် သူတို့အား (ရုန့်ရင်းစွာ) ဦးတည်ပြောဆိုပါကလည်း သူတို့သည် ၎င်းတို့အား ငြိမ်းချမ်းသည့်စကားများကိုသာ ဆိုကုန်ကြ၏ ” ဆိုသော ကုရ်အာန်ကျမ်းလာ အလ္လာဟ်အရှင်မြတ်၏ ဗျာဒိတ်တော်အား အစဉ်နှလုံးသွင်းလေလော့။

xxxxxxxxxxxxxxxxxx

Theresa Corbin ၏ 5 effective weapons to combat Islamophobia ဆောင်းပါးကို မင်းထွဋ်ခေါင် မှ ဆီလျော်အောင် ပြန်ဆိုရေးသားသည်။

September 29, 2014