News @ M-Media

Tag: Anti Muslim in Myanmar

  • လူစုလူဝေး၀ါဒ အောင်ပွဲခံနေဆဲလား

    လူစုလူဝေး၀ါဒ အောင်ပွဲခံနေဆဲလား

    စည်သူအောင်မြင့် ရေးသည်။

    ပြီးခဲ့တဲ့ ဇူလိုင် ၂၇ ရက်နေ့ ည က မြန်မာနိုင်ငံ အလယ်ပိုင်း ကျောက်ပန်းတောင်းမြို့မှာ ဆောက်လက်စ နေအိမ်တစ်လုံးကို အစ္စလာမ်ဘာသာဝင်တွေရဲ့ ဗလီ လို့ စွတ်စွဲပြီး လူအုပ်ကြီးက အကြမ်းဖက် မီးရှို့ဖြိုချဖို့ ကြိုးစားမှု တစ်ခု ဖြစ်ပွားခဲ့ပါတယ်။ အမုန်းတရား ပျံ့ပွားမှုတွေကြောင့် မူဆလင်တွေကို မုန်းတီးမှု ရှိနေတဲ့ မြန်မာနိုင်ငံမှာ လူအုပ်ကြီးရဲ့ အခုလို ကြိုးပမ်းမှုမျိုး အထူးအဆန်းလို့ မဆိုနိုင်ပါဘူး။ ဒါပေမယ့် ထူးဆန်းသွားတာ ကတော့ ပြည်သူလူထုရဲ့ အသက်အိုးအိမ် ကို ကာကွယ်ရမယ့်၊ တရားဥပဒေ စိုးမိုးရေး အကောင်အထည် ဖော်ရမယ့် အုပ်ချုပ်ရေးပိုင်း ဆိုင်ရာက ပုဂ္ဂိုလ်တွေ၊ ရဲတပ်ဖွဲ့ တာဝန်ရှိသူတွေ နဲ့ လွှတ်တော် အမတ်ပါ ပါဝင်ပြီး လူအုပ်ကြီးက အိမ်ကို မီးရှို့ဖျက်ဆီးမှာ စိုးရိမ်လို့ ဆိုပြီး သူတို့ကိုယ်တိုင် ဘက်ဟိုးနဲ့ ထိုးချဖျက်ဆီးလိုက်တဲ့ ကိစ္စပါ။ မြန်မာနိုင်ငံရဲ့ တရားဥပဒေ စိုးမိုးရေး ဘယ်အဆင့် ရောက်နေပြီလဲ၊ လူစုလူဝေး ၀ါဒကပဲ အောင်ပွဲခံနေသလား ဆိုတာ ခုတစ်ပတ် ဆွေးနွေး တင်ပြသွားပါ့မယ်။

    ဖြစ်စဉ် အကြမ်းဖျဉ်းကတော့ ခုလိုပါ။ ကျောက်ပန်းတောင်းမြို့နယ် သာယာအေး ရပ်ကွက်က ဆောက်လုပ်စ နှစ်ထပ်အိမ်ကြီးတစ်လုံးကို အဲဒါ ဗလီအဖြစ် အသုံးပြုဖို့ ဆောက်တာပါ၊ ဒါကို ဖြိုဖျက်ပေးပါ ဆိုပြီး လူစုလူဝေးနဲ့ တောင်းဆိုရာက အစ ပြုတယ်လို့ သိရပါတယ်။ လူစုလူဝေးနဲ့ အကြမ်းဖက်ဖို့ စုစည်းလာတဲ့အတွက် သက်ဆိုင်ရာ ရဲတပ်ဖွဲ့၊ အုပ်ချုပ်ရေး နဲ့ လွှတ်တော်အမတ်ပါ အဲဒီ နေရာကို ရောက်သွားတယ်လို့ ဆိုပါတယ်။ တစ်ဖက်မှာ လူအုပ်ကြီးက ဗလီလို့ စွတ်စွဲနေပေမယ့် ဗလီဖြစ်နိုင်တယ် ဆိုတဲ့ အထောက်အထား တခုတ လေတောင် ရှိတာ မဟုတ်ပါဘူး။ ပြသနာ ဖြစ်ပြီးနောက် သတင်းမီဒီယာတွေကို ပြန်ပြီး ဖြေကြားပေးတဲ့ ကျောက်ပန်းတောင်းက တိုင်းအဆင့် လွှတ်တော်အမတ် ဦးအေးခိုင်က ကျောက်ပန်းတောင်းမှာ မူဆလင် နေအိမ် တအိမ်မှ မရှိဘူး ဆိုတာ သူတို့ သိတယ်၊ အခု နေအိမ်ကို ပိုင်ဆိုင်သူဟာလည်း ဗုဒ္ဓဘာသာဝင် ဆိုတာ သူတို့ သိတယ်၊ နောက် အဲဒီနေအိမ်ဟာ ဗလီအဖြစ် အသုံးပြုဖို့ သံသယ ဖြစ်စရာ တချက်မှ မတွေ့ရဘူးလို့လည်း ဆိုပါတယ်။ ဒါဆိုရင် အဲဒီ အိမ်ကို ဘာကြောင့် ဖျက်ရတာပါလဲပေါ့။ ဦးအေးခိုင်ပြောတာကတော့ အဲဒီနေအိမ်ဟာ မြို့နယ် စည်ပင်သာယာ ခွင့်ပြုချက်နဲ့ ဆောက်တာ မဟုတ်ဘူး၊ နောက်တချက်ကတော့ လူအုပ်ကြီးကို ဒီအတိုင်း ထားလိုက်ရင် သူတို့ဖာသာသူတို့ မီးရှို့ကြ၊ ဖျက်ကြလိမ့်မယ်၊ အဲလိုဆို အခြေအနေ ပိုဆိုးသွားလိမ့်မယ်၊ ဒါကြောင့် အဲဒီ အချက်နှစ်ချက်နဲ့ သက်ဆိုင်ရာ အုပ်ချုပ်ရေး၊ ရဲ၊ လွှတ်တော် အမတ် အားလုံး တိုင်ပင်ပြီး ဖျက်မိန့်ပေး၊ အာဏာပိုင်တွေ ကိုယ်တိုင်က ဘက်ဟိုးသုံးပြီး ဖြိုချ ဖျက်ဆီးလိုက်တာလို့ ဆိုပါတယ်။

    ဒီနေရာမှာ အုပ်ချုပ်ရေး၊ ရဲ နဲ့ လွှတ်တော်အမတ် အာဏာပိုင် အားလုံးရဲ့ စဉ်းစားချက် အလွန်အံ့သြဖို့ ကောင်းတာ တွေ့နိုင်ပါတယ်။ ပြသနာကို ဥပဒေအတိုင်း ဖြေရှင်းဖို့ မစဉ်းစားခဲ့သလို၊ အမှန်အတိုင်း ဖြေရှင်းဖို့လည်း ကြိုးစားတာ မတွေ့ရပါဘူး။ လူအုပ်ကြီးက မီးရှို့ဖျက်ဆီးရင် ပိုဆိုးသွားလိမ့်မယ် ဆိုတာ တခုတည်းနဲ့ လူအုပ်ကြီး ကျေနပ်အောင် အာဏာပိုင်တွေကိုယ်တိုင် ဖြိုချ ဖျက်ဆီးပေးလိုက်တာ ဖြစ်ပါတယ်။ နောက်ထပ် အရေးကြီးတာက ခုလို လူအုပ်နဲ့ အကြမ်းဖက်ဖို့ လုပ်တာကို မတားဆီးရုံမက၊ ဘယ်သူတွေက သတင်းမှားတွေဖြန့်ပြီး အကြမ်းဖက်ဖို့ လှုံ့ဆော်သလဲ ဆိုတာကိုလည်း စုံစမ်းဖော်ထုတ်ဖို့ လုပ်တာ မတွေ့ရပါဘူး။

    တကယ့်တကယ် ပြန်ဆန်းစစ်ကြည့်ရင် မူဆလင် တစ်အိမ်ထောင်မှ မရှိတဲ့နေရာမှာ ဗလီဆောက်ဖို့ဆိုတာ ဘယ်လိုမှ မဖြစ်နိုင်ပါဘူး။ ဒါ့အပြင် နေအိမ်ပိုင်ရှင်ဟာ ဗုဒ္ဓဘာသာ မြန်မာ လို့ သိထားတဲ့အတွက် ဗလီဆောက်ဖို့ ဆိုတာ ပိုပြီး မဖြစ်နိုင်ပါဘူး။ ဒီ အတွက် ပြသနာကို အကြမ်းဖက်ရန် ကြံရွယ်ချက်နဲ့ မမှန်မကန် လှုံ့ဆော်မှုအဖြစ် ရဲရဲဝံ့ဝံ့ ကိုင်တွယ်ခဲ့သင့်ပါတယ်။

    လက်တွေ့မှာလည်း အဲဒီ နေအိမ်ပိုင်ရှင်ဟာ ဗုဒ္ဓဘာသာ လင်မယားနှစ်ယောက်ဖြစ်ပြီး ဓာတ်ပုံ စတူရီယို တခု အတွက် အခုလို တည်ဆောက်ထားတာလို့ သိရပါတယ်။ နေအိမ်ကို ဖြိုဖျက်ဖို့ အာဏာပိုင်တွေပေးတဲ့ နောက်ထပ် အကြောင်းပြချက်တခုက စည်ပင်မှာ ခွင့်ပြုချက် တင်မထား လို့ဆိုပါတယ်။ ဒီနေရာမှာ မေးစရာ မေးခွန်းရှိလာတာက အဲဒီနေရာမှာ အဲဒီနှစ်ထပ်အိမ်ကြီး တည်ဆောက်ပြီးစီးခါနီးအထိ စည်ပင်က မသိခဲ့ဘူး ဆိုတာများလား။ အဲဒါမျိုးမဖြစ်နိုင်ဘူး ဆိုတာ အားလုံးက သိနေကြပါတယ်။

    ဖြစ်နိုင်တာတွေက ခွင့်ပြုချက်နဲ့ ပတ်သက်ပြီး အိမ်ပိုင်ရှင်တွေဟာ စည်ပင်သာယာကို လာဘ်ထိုးပြီး ဆောက်နေသလား၊ နောက်ပိုင်းကျမှ စည်ပင်က သတ်မှတ်တဲ့ ဒါဏ်ငွေဆောင်ပြီး လူနေထိုင်ခွင့်ကျအောင် လုပ်မှာမျိုးလား၊ တစ်ခုခု ဖြစ်နိုင်ပါတယ်။ စည်ပင်သာယာ ဥပဒေအရ အရေးယူတယ် ဆိုရင် အရင်ကတည်းက အရေးယူဖို့ လိုပါတယ်။ အခုလို လူစုလူဝေးနဲ့ ဖျက်ဖို့ တောင်းဆိုလာရင်လည်း အာဏာပိုင်တွေဟာ ဒါကို မရရတဲ့နည်းနဲ့ တားဆီးရပါမယ်၊ နောက်ပိုင်းကျမှ တည်ဆဲ စည်ပင်သာယာ ဥပဒေအရ ပိုင်ရှင်ကို ဥပဒေအတိုင်း အရေးယူဖို့ပဲ ဖြစ်ရပါမယ်။ အခုပြသနာမှာ အာဏာပိုင်တွေဟာ တရားဥပဒေ စိုးမိုးရေးကို မျက်ကွယ်ပြုထားတာ အတော်လေး ထင်ရှားတာ တွေ့နိုင်ပါတယ်။

    သိပ်မကြာသေးပါဘူး။ ပြီးခဲ့တဲ့ ဇူလိုင်လ ၄ ရက်နေ့တုန်းကပဲ ရခိုင်ပြည်နယ် စစ်တွေမြို့ ဒါးပိုင် ဒုက္ခသည် စခန်းက မူဆလင် ၇ ယောက် ရဲလုံခြုံရေး တယာက်ပါပြီး ရောင်နီဦး ဆိပ်ကမ်းကို သွားပါတယ်။ ဆိပ်ကမ်းအရောက်မှာ ဘာပြသနာမှ မဖြစ်ပါပဲနဲ့ လူအုပ်စုကြီးက ခဲတွေနဲ့ဝိုင်းထု၊ အကြမ်းဖက် ၀ိုင်းတိုက်ခိုက်ကြလို့ တစ်ယောက်သေ၊ ကျန် ၆ ယောက်လုံးလည်း ဒါဏ်ရာရသွားပါတယ်။ သူတို့ စီးသွားတဲ့ ကားလည်း ပျက်စီးသွားပါတယ်။ အခုလို မင်းမဲ့တိုင်းပြည်ဆန်ဆန် လူစုလူဝေးနဲ့ အကြမ်းဖက် တိုက်ခိုက်သတ်ဖြတ်မှုကြီး ဖြစ်သွားခဲ့တာတောင် အာဏာပိုင်တွေဟာ လုံလောက်တဲ့ အရေးယူမှု လုပ်တာ မတွေ့ရပါဘူး။ လူတစ်ယောက်ကို ဖမ်းထားတယ် ဆိုတာကလွဲပြီး တခြား ဘယ်လို အရေးယူဆောင်ရွက်မှုမျိုးကိုမှ ထုတ်ပြန်တာ မတွေ့ရပါဘူး။ အလားတူ ၂၀၁၂ နောက်ပိုင်းကာလ မြန်မာနိုင်ငံတွင်း ဘာသာရေး လူမျိုးရေးဆန်တဲ့ အကြမ်းဖက်မှုတွေ ဖြစ်ပွားခဲ့စဉ် ကာလတုန်းကလည်း အခုလိုပဲ လူစုလူဝေးနဲ့ နေအိမ်တွေကို မီးရှို့ဖျက်ဆီးတာတွေ၊ လူတွေကို ၀ိုင်းဝန်း သတ်ဖြတ်တာတွေ နေရာ အတော်များများမှာ ဖြစ်ပွားခဲ့ပါတယ်။ အဲဒီ ပြသနာတွေနဲ့ ပတ်သက်ရင် အာဏာပိုင်တွေအနေနဲ့ ထိထိရောက်ရောက် အရေးယူကိုင်တွယ်နိုင်တာ အလွန်ရှားပါတယ်။ ဒါကြောင့်လည်း ဒီနေ့ထက်ထိ လူစုလူဝေးနဲ့ အကြမ်းဖက်တဲ့ လုပ်ရပ် ဆက်ပြီး ရှင်သန်နေတာ ဖြစ်ပါတယ်။

    ပြသနာတွေအားလုံးကို ဆန်းစစ်ကြည့်လိုက်ရင် အာဏာပိုင်တွေဟာ အကြမ်းဖက်သမားတွေကို ထိထိရောက်ရောက် အရေးယူတာ မတွေ့ကြရပါဘူး။ အလားတူ အကြမ်းဖက်ဖို့ လှုံ့ဆော်သူတွေလည်း များသောအားဖြင့် အရေးယူ မခံကြရပါဘူး။ ဒါတင်မက အမုန်းတရား ပျံ့ပွားအောင် လှုံ့ဆော်သူတွေဟာလည်း ဒီကနေ့အချိန်ထိ အရေးယူတာ မခံကြရပါဘူး။ အဲလို ပြသနာတွေကို တရားဥပဒေနဲ့အညီ ထိထိရောက်ရောက် အကောင်အထည် မဖော်နိုင်သေးသ၍ တရားဥပဒေ စိုးမိုးရေး ဆိုတာ ဖြစ်လာဦးမှာ မဟုတ်သလို နိုင်ငံတကာ အလည်မှာ မြန်မာနိုင်ငံရဲ့ ပုံရိပ်ကလည်း ဆက်ပြီး ကျဆင်းနေဦးမှာပါပဲ။ တစ်ဆက်တည်း အခုလို လူစုလူဝေးနဲ့ အကြမ်းဖက်မှု လုပ်တာမျိုးတွေလည်း ထပ်ပြီး ပေါ်ပေါက်လာဦးမှာ ဖြစ်ပါကြောင်း တင်ပြလိုက်ရပါတယ်။

    VOA မှ ကူးယူဖော်ပြပါသည်။

     

  • ကျောက်ပန်းတောင်းတွင် ဗလီဟု စွပ်စွဲပြီး ဖြိုချသည်အိမ်မှာ ဗုဒ္ဓဘာသာဝင် ပိုင်ဆိုင်သည့်အိမ်ဖြစ်

    ကျောက်ပန်းတောင်းတွင် ဗလီဟု စွပ်စွဲပြီး ဖြိုချသည်အိမ်မှာ ဗုဒ္ဓဘာသာဝင် ပိုင်ဆိုင်သည့်အိမ်ဖြစ်

    ဇူလိုင် ၂၇ ၊ ၂၀၁၇
    M-Media
    သတင်း-သီဟ

    ကျောက်ပန်းတောင်းမြို့နယ် သာယာအေးရပ်ကွက် တွင် အဆောက်အဦးတစ်ခုအား ဗလီဆောက်သည်ဟုဆိုကာ လူအုပ်စုဖြင့် ဆူပူမှုကြောင့် ဇူလိုင် ၂၇ရက် ည၈နာရီဝန်းကျင်ခန့်က ဖြိုဖျက်ခဲ့ကြပါတယ်။
     
    အဆိုပါ အဆောက်အအုံ၏ ပိုင်ရှင်မှာ ဗုဒ္ဓဘာသာဝင် ကျောက်ပတောင်းမြို့ခံ ရုပ်ရှင်ဒါရိုက်တာ တယောက်ဖြစ်ကြောင်း စုံစမ်းသိရှိပါတယ်။
     
    လူအုပ်မှ ဆူပူမှုနှင့် စည်ပင်ခွင့်ပြုချက်မရှိဘဲ ဆောက်ထားတဲ့ အချက် ၂ချက်ကြောင့် အဆိုပါအဆောက်အအုံကို လူထုကို အဖျက်မခံဘဲ တာဝန်ရှိသူတွေက ဖျက်ဆီးလိုက်ကြောင်း လွှတ်တော်အမတ် ဦးအေးခိုင်က ပြောကြားကြောင်း The Ladies မီဒီယာမှ ဖော်ပြထားပါတယ်။
     
    “အခြေအနေက တော့ အမှန်က ဗလီဆိုပြီးလူတွေဝိုင်းလာကြတာပေါ့ တဖြေးဖြေးနဲ့လူတွေကများလာတာ များလာတော့ တာဝန်ရှိသူတွေ အားလုံးက အဲ့ဒီအဆောက်အဦးက စည်ပင်ကိုတင်ထားတာမရှိဘူး ဖြစ်နေတယ် စည်ပင်တင်ထားတာမရှိဘူးတစ်ချက် ၊နောက် ဒီမှာ ဆူပူအုံကြွမှုကဖြစ်လာပြီ အော်ကြဟစ်ကြဖြစ်လာတော့ ကျွန်တော်တို့ နောက်ဆုံး ဗလီဟုတ်ချင်း မဟုတ်ချင်းထက် ဒီနှစ်ချက် နဲ့ပဲ ကျွန်တော်တို့ကဖျက်လိုက်တယ်” လို့ ကျောက်ပန်းတောင်းမြို့နယ်၊ လွှတ်တော်ကိုယ်စားလှယ် ဦးအေးခိုင်က The Ladies မီဒီယာကို ပြောကြားခဲ့ပါတယ်။
     
    အဆိုပါ အဆောက်အအုံပိုင်ရှင်အမှန်မှာ မည်သူမည်ဝါဖြစ်ပြီး ဗလီ ဆောက်လုပ်နေတာ ဟုတ်/မဟုတ်ကို အဆိုပါ လွှတ်တော်ကိုယ်စားလှယ်မှ မီဒီယာများအား ရှင်းလင်းစွာ ပြောကြားခဲ့ခြင်းမရှိပေ။
    အဆိုပါ ဖြစ်စဉ်ကို အကုန်သိ မီဒီယာနှင့် မွတ်စလင်မ် ဆန့်ကျင်ရေး ဆိုရှယ်မီဒီယာ အကောင့်များမှ ဆူပူသွေးထိုးမှုများဖြစ်စေမည့် အေ၇းအသားများ ဖြင့် ဖြန့်ဝေခဲ့ကြပါတယ်။
     
    ဓါတ်ပုံ- ဆိုရှယ်မီဒီယာမှ

     

  • မင်္ဂလာတောင်ညွှန့် ပဋိပက္ခတွင်ပါဝင်သည့် ရဟန်း ၂ ပါးကို တရားခံပြေးအဖြစ် အမိန့်ချ

    မင်္ဂလာတောင်ညွှန့် ပဋိပက္ခတွင်ပါဝင်သည့် ရဟန်း ၂ ပါးကို တရားခံပြေးအဖြစ် အမိန့်ချ


    ရန်နိုင်ဇော်ဝင်း, DVB

    ရန်ကုန် မင်္ဂလာတောင်ညွှန့်မြို့နယ်မှာ ပြီးခဲ့တဲ့လက ဖြစ်ပွားခဲ့တဲ့ ရုန်းရင်းဆန်ခတ် ပဋိပက္ခမှာ ပါဝင်ပတ်သက်တဲ့ ဦးသုစိတ္တ နဲ့ ဦးပညာဝံသ ရဟန်း ၂ ပါးကို မင်္ဂလာတောင်ညွှန့် မြို့နယ် တရားသူကြီးက ကျင့်ထုံးဥပဒေပုဒ်မ-၅၁၂ အရ တရားခံပြေးအဖြစ် ဇွန်၁၆ ရက်ရုံးချိန်းမှာ ကြားဖြတ်အမိန့် ချမှတ်လိုက်ပါတယ်။

    မင်္ဂလာတောင်ညွှန့် ပဋိပက္ခဖြစ်စဉ်မှာ အဓိကပါဝင်သူတွေလို့ စွပ်စွဲခံထားရတဲ့ လူပုဂ္ဂိုလ် ၅ ဦးနဲ့ ရဟန်း ၂ ပါးတို့ကို မေလ ၁၁ ရက်နေ့မှာ မင်္ဂလာတောင်ညွှန့် တရားရုံးက ဖမ်းဝရမ်းထုတ် ဖမ်းဆီးခဲ့ပေမယ့် ရဟန်း (၂) ပါးကို အခုချိန်ထိဖမ်းဆီးရမိခြင်းမရှိသေးပါဘူး။

    လာမယ့်ဇွန်၂၇ရက်နေ့ရုံးချိန်းမှာတော့ တရားလိုအဖြစ်တိုင် ကြားခဲ့တဲ့ ရဲမှူးခင်မောင်ဦးကို စတင်စစ်ဆေး သွားမှာဖြစ် ပါတယ်။

    ပြီးခဲ့တဲ့ မေလ ၉ ရက်နေ့ ညပိုင်းက မင်္ဂလာတောင်ညွှန့်မြို့ နယ် မြရာကုန်းရပ်ကွက်ထဲက နေအိမ်တအိမ်မှာ ခိုးဝင်ဘင်္ဂါလီတွေ ရှိတယ်ဆိုပြီး အမျိုးသားရေးလှုပ်ရှားသူတွေနဲ့ ရဲတပ် ဖွဲ့က ဝင်ရောက်ရှာဖွေရာမှာ ရပ်ကွက်နေသူတချို့နဲ့ အမျိုးသားရေး လှုပ်ရှားသူတချို့ ပဋိပက္ခဖြစ်ပွားခဲ့တာပါ။

    *DVB မှ ကူးယူဖော်ပြသည်။

  • ၀ီရသူဟာ ပါးနပ်ပြီး ကောက်ကျစ်တယ်လို့ The Venerable W ဒါရိုက်တာ ဖွင့်ဟ

    ၀ီရသူဟာ ပါးနပ်ပြီး ကောက်ကျစ်တယ်လို့ The Venerable W ဒါရိုက်တာ ဖွင့်ဟ

    မေ ၁၄၊ ၂၀၁၇
    M-Media

    – ဆွစ်ဇာလန် ဒါရိုက်တာကြီး ဘာဘတ် ရှခရူဒါတစ်ယောက် ယူဂန်ဒါ အာဏာရှင် အဒီ အေမင် အာဏာစက် အမြင့်ဆုံးရောက်နေတဲ့အချိန် အေမင်နဲ့အတူ လပေါင်းများစွာ ကုန်ဆုံးခဲ့ဖူးပါတယ်။ ဗစ်တိုးရီးယား ကန်ကြီးနဲ့ ကမ်ပါလာက ကမ်းခြေတွေမှာ လူသေအလောင်းတွေ လာလာတင်တိုင်း အေမင်ဟာ သူ့ကို ဆန့်ကျင်သူတွေကို စားသောက်တယ်ဆိုတဲ့ ကောလဟာလတွေလည်း ထွက်လာပါတယ်။

    ဒါပေမယ့် ဆိုးဆိုးဝါးဝါးပုဂ္ဂိုလ်တွေရဲ့ မှတ်တမ်းရုပ်ရှင် ရိုက်ကူးလာတဲ့ ဆယ်စုနှစ်များစွာအတွင်းမှာ သဘောထားတင်းမာသူ အမျိုးသားရေးသမား၊ မဘသ အကြီးအကဲ ဦးဝီရသူလောက် ကြောက်ရွံ့ရသူ မရှိဘူးလို့ ဖွင့်ဟခဲ့ပါတယ်။

    “သူ့ကို ၀ီရသူလို့ခေါ်ဖို့တောင် ကျွန်တော် ကြောက်ပါတယ်။ ဘာ့ကြောင့်လည်းဆိုတော့ သူ့ရဲ့ နာမည်ကိုက ကြောက်စရာပါ။ ကျွန်တော်ကတော့ သူ့ကို ဒဘလျူ (W) လို့ ခေါ်ပါတယ်” လို့ နာမည်ကျော် ဒါရိုက်တာကြီးက ပြောပါတယ်။

    မြန်မာနိုင်ငံက မွတ်စလင်လူ့အဖွဲ့အစည်းနဲ့ပတ်သက်ပြီး အမုန်းတရားတွေ ဟောပြောတယ်၊ တိုက်ခိုက်မှုတွေ ပြုလုပ်ဖို့ လှုံ့ဆော်တယ်လို့ စွပ်စွဲခြင်းခံရတဲ့ ဒီဘုန်းကြီးကို ကြက်သီးထဖွယ်ဖော်ပြထားတဲ့ ရှခရူဒါရဲ့ The Venerable W မှတ်တမ်းရုပ်ရှင်ကို ကိန်းရုပ်ရှင်ပွဲတော်မှာ “ဖြစ်ပျက်နေဆဲ လူမျိုးစုလိုက် သုတ်သင်ရှင်လင်းမှုကို ပုံဖော်နိုင်တဲ့ မှတ်တမ်းရုပ်ရှင်” အဖြစ် လေ့လာဆန်းစစ်သူတွေက ချီးကျူးခဲ့ကြပါတယ်။

    စခရူဒါက လက်မှိုင်ကျစေတာက ၀ီရသူဟာ ပြဿနာအတွက် အံ့သြစိုးရိမ်မှုမရှိတာ၊ ဘာမှ အရေးယူမခံဘဲ လွတ်မြောက်နေတယ်ဆိုတဲ့အချက် ဖြစ်ပါတယ်။

    ဗုဒ္ဓဘာသာဟာ ငြိမ်းချမ်းရေး၊ သံသယကလွတ်မြောက်ရေးနဲ့ မိမိကိုယ်ကိုယ် နားလည်ရေးစတဲ့ အယူဝါဒတစ်ခုဖြစ်တယ်လို့ ဒါရိုက်တာကြီးက ထင်ခဲ့တာပါ။

    ‘မိမိရဲ့ မစ္ဆရိယ စိတ်မနောကို ပြုပြင်ကုသရေး’ ဗုဒ္ဓရဲ့ လမ်းစဉ်ကိုလိုက်ဖို့ လွန်ခဲ့တဲ့ နှစ် ၅၀ က အိန္ဒိယကို ဘုရားဖူးခရီး သွားတဲ့အချိန်တုန်းက ဒီဘာသာတရားဟာ စခရူဒါရဲ့ဘ၀ကို တည်ငြိမ်စေခဲ့ပါတယ်။

    ဒါပေမယ့် ၀ီရသူက နိုင်ငံလူဦးရေရဲ့ ၄ ရာခိုင်နှုန်းလောက်သာရှိတဲ့ မွတ်စလင်တွေဟာ ကလေးများများမွေး ပြီး လူများစု ဗမာတွေကို လွှမ်းမိုးဖို့ ကြိုးစားနေတယ်လို့ စွပ်စွဲတဲ့ကာ သူသီတင်းသုံးရာ မန္တလေးမြို့ မစိုးရိမ် ကျောင်းတိုက်ကနေ အမုန်းစကားတွေ၊ မဟုတ်မမှန်သတင်းတွေကို ဖြန့်ဖြူးမှုက စခရူဒါရဲ့ခေါင်းဟာ ချာချာလည်သွားခဲ့ပါတော့တယ်။

    အလွန်ပါးနပ်

    “သူဟာ ဆင်ခြင်ဉာဏ်ပိုရှိပြီး ကျွန်တော်ထင်သလို သူ့ကိုယ်သူ ထိန်းချုပ်နိုင်ပါတယ်။ တကယ်တော့ သိပ်ပါးနပ်တာပေါ့လေ။ ကောက်ကျစ်စဉ်းလဲသူတစ်ယောက်၊ အရင်က သိပ်ပြီး ပါးနပ်တဲ့ ကွန်မြူနစ်တစ်ယောက်ကို ရင်ဆိုင်နေရသလိုပါပဲ” လို့ စခရူဒါက မှတ်ချက်ပြုပါတယ်။

    ကမ္ဘာပေါ်က စက်ဆုပ်ဖွယ်ရာကောင်းသူတွေရဲ့ အကြောင်းကို Trilogy of Evil ဆိုတဲ့အမည်နဲ့ မှတ်တမ်းရုပ်ရှင်အတွဲ ရိုက်ကူးနေတဲ့ စခရူဒါဟာ ဂျာနယ်လစ်တစ်ယောက်လို မေးခွန်းတွေ မေးတာထက် ဒီ မှတ်တမ်းရုပ်ရှင်အတွက် သူ့ရဲ့ပုံစံအတိုင်း ဒီဘုန်းကြီးကို သူပြောလိုရာ ပြောခွင့် ပြုခဲ့ပါတယ်။

    Trilogy of Evil မှတ်တမ်းရုပ်ရှင်အတွဲကို ယူဂန်ဒါအာဏာရှင် အီဒီအေမင်ရဲ့အကြောင်း ရိုက်ကူးပြီး ၁၉၇၄ ခုနှစ်က ပြသခဲ့တဲ့ General Idi Amin Dada ရုပ်ရှင်နဲ့ အစပြုခဲ့ကာ ၂၀၀၇ ခုနှစ်မှာတော့ Terror’s Advocate ခေါင်းစဉ်နဲ့ ပြင်သစ်ရှေ့နေ ဂျက်ကွက် ဗာဂက်စ်ရဲ့အကြောင်း ထွက်လာခဲ့ပါတယ်။ ဗာဂက်စ်ဟာ နာဇီ စ
    စ်ရာဇ၀တ်ကောင် ကလော့စ် ဘာဘီနဲ့ ဆားဘီးယားခေါင်းဆောင် စလိုဘိုဒန် မီလိုဆီဗစ်တို့ကို ကာကွယ်ပေးတဲ့ ရှေ့နေတစ်ဦးပါ။

    “စောင့်နိုင်မယ်ဆိုရင် အမှန်တရားက တစ်ဖြည်းဖြည်း ထွက်ပေါ်လာမှာပါ။ အီဒီ အေမင်နဲ့ ဂျက်ကွက် ဗာဂက်စ်တို့ကို ကျွန်တော် ဒီလိုပဲ လုပ်ခဲ့တာပါ။ သူက လိမ်ရင် ‘ပြောပါအုံး။ စိတ်ဝင်စားစရာကောင်းလိုက်တာ … ကုလကနေ ပိုက်ဆံရဖို့ ရိုဟင်ဂျာတွေက ကိုယ့်အိမ်ကို မီးပြန်ရှို့တယ်တဲ့လား’ လို့ ကျွန်တော်က ပြောပါတယ်”

    “ကျွန်တော့်အတွက် အံ့သြတုန်လှုပ်ရဆုံးအချိန်က ရိုဟင်ဂျာတွေဟာ သူတို့ရဲ့အိမ်ကို သူတို့ကိုယ်တိုင် မီးရှို့တယ်လို့ သူပြောတဲ့အချိန်ပါ။ လူ ၃၀၀ လောက်က မီးလောင်နေတဲ့ သူတို့အိမ်တွေကနေ ထွက်ပြေးနေတာကို မြင်ယောင်ကြည့်ပါ။ တော်တော်လေး စိတ်မသက်သာစရာ ကောင်းပါတယ်”

    နောက်ထပ်အမှန်တရားတစ်ခုက ၂၀၁၃ ခုနှစ် မိတ္ထီလာမှာ မွတ်စလင်တွေကို ရိုက်သတ်နေမှု ကြည့်နေတဲ့ ၀ီရသူကို မြင်ခဲ့ရတာပါ။ မိတ္ထီလာမှာ ၀ီရသူ မွတ်စလင်ဆန့်ကျင်ရေးဟောကြားပြီး ၁ လအကြာမှာ ဒီအဖြစ်အပျက် ဖြစ်ပျက်ခဲ့တာ ဖြစ်ပါတယ်။

    အမုန်းစကားမြင့်တက်လာခြင်း

    ဒီဘုန်းကြီးဟာ တည်ငြိမ်စေဖို့အတွက် ဒီမြို့ကို ပြန်သွားပေမယ့် သူဟာ ‘အဲဒီမှာ ဖြစ်ပျက်တာတွေအတွက် အနည်းဆုံး သွယ်ဝိုက်ပြီး တာဝန်ရှိသူ ဖြစ်တယ်’ လို့ စခရူဒါက ပြောကြားခဲ့ပါတယ်

    “မွတ်စလင်တွေက ဘုန်းကြီးတစ်ပါးကို သတ်လိုက်လို့ ဒါတွေဖြစ်တယ်လို့ ၀ီရသူက ပြောပါတယ်။ ဒါပေမယ့် ပြဿနာဖြစ်စေတဲ့ လက်ကမ်းစာစောင်ကို ကျွန်တော် ဖတ်လိုက်ရပါတယ်။ အဲဒီမှာရေးထားတာတွေက သူ့ အာဘော်တွေနဲ့ တော်တော်လေးတူညီပြီး သူရေးထားတာလည်း ဖြစ်နိုင်ပါတယ်” လို့ စခရူါဒက ပြောပါတ
    ယ်။

    မြန်မာနိုင်ငံရဲ့ ထိပ်တန်း ဗုဒ္ဓဘာသာအဖွဲ့က သူ့ကို တရားမဟောဖို့ မတ်လအတွင်းမှာ တားမြစ်ပိတ်ပင်ထားပေမယ့် ၀ီရသူဟာ ဒီလထဲမှာ ပြဿနာဖြစ်နေတဲ့ ရခိုင်ပြည်နယ်က မွတ်စလင်တွေရှိတဲ့ ဒေသတွေကို သွားရောက်ခဲ့ပါတယ်။

    ၂၀၁၂ ခုနှစ် ရခိုင်ပြည်နယ်အတွင်း လူမျိုးစုအကြမ်းဖက်မှုတွေ ဖြစ်တဲ့အချိန်တုန်းက ရိုဟင်ဂျာမွတ်စလင် ရာချီသေဆုံးခဲ့ပြီး ၁ သိန်းကျော်လောက်ကလည်း ညစ်ပတ်နံဟောင်နေတဲ့ ဒုက္ခသည်စခန်းတွေမှာ ဆိုးဆိုးဝါးဝါး အခြေအနေနဲ့ နေထိုင်နေရပါတယ်။

    (ရိုဟင်ဂျာစစ်သွေးကြွတွေက နယ်ခြားစောင့်စခန်းတွေကို တိုက်ခိုက်ခဲ့ပြီးနောက်) အောက်တိုဘာလက စတင်ပြီး စစ်တပ်ကပြုလုပ်တဲ့ တစ်လတာ နယ်မြေရှင်းလင်းရေးလုပ်ငန်းနောက်ပိုင်း ရိုဟင်ဂျာ ၇ သောင်း လောက်ဟာ အိမ်နီးချင်း ဘင်္ဂလားဒေ့ရ်ှနိုင်ငံကို ထွက်ပြေးခဲ့ရပါတယ်။ ကုလစုံစမ်းစစ်ဆေးရေးမှူးတွေကတော့ ဒီစစ်တပ်ရေးအတွင်းမှာ ရိုဟင်ဂျာရာချီ သေဆုံးခဲ့ပြီး လူသားထုအပေါ် ကျူးလွန်တဲ့ ရာဇ၀တ်မှုအဖြစ် ပြောလို့ရတယ်လို့ ဆိုပါတယ်။

    ပြီးခဲ့တဲ့တစ်ပတ်မှာ ကုလအထူးကိုယ်စားလှယ်က မြန်မာအစိုးရအနေနဲ့ ‘အမုန်းစကားတွေ၊ ခွဲခြားဆက်ဆံဖို့ လှုံ့ဆော်မှုတွေ’ ကို ရပ်တန့်အောင် မလုပ်နိုင်ဘူးလို့ ဝေဖန်ခဲ့ပြီး ဒါတွေဟာ ‘ဆိုးဆိုးဝါးဝါးမြင့်တက်လာတယ်’ လို့ ပြောခဲ့ပါတယ်။

    The Venerable W မှတ်တမ်းရုပ်ရှင်မှာ အသက် ၇၅ နှစ်အရွယ် စခရူဒါက ၀ီရသူရဲ့ အစ္စလာမ်ကြောက်ရောဂါဟာ သူ့ရဲ့ဇာတိ ကျောက်ဆည်မှာ ဗုဒ္ဓဘာသာဝင်အမျိုးသမီးတစ်ဦး အဓမ္မပြုကျင့် သတ်ဖြတ်ခံရမှုကနေ ဖြစ်တည်လာပုံရတယ်လို့ ဆိုပါတယ်။

    ဒါပေမယ့် အတိအကျတော့ သူလည်း မပြောနိုင်ပါဘူး။ “နောက်ထပ် ဇာတ်လမ်းတစ်ခုက သူ့ရဲ့ မိခင်ဟာ သူ့အဖေကိုပစ်ပြီး မွတ်စလင်တစ်ယောက်နဲ့ ယူသွားတယ်။ ဒါမှမဟုတ် သူနေတဲ့ ဘုန်းကြီးကျောင်းဟာ သူ့အသက် ၁၄ နှစ်မှာ မီးလောင်သွားတယ် ဆိုတာတွေ ဖြစ်ပါတယ်။ ဒါပေမယ့် အတည်ပြုချက်ယူတဲ့အခါတိုင်း
    ဒါတွေဟာ သေချာမှုမရှိပါဘူး”

    “ဟစ်တလာဟာ ဘာ့ကြောင့် ဒီလိုလူမျိုး ဖြစ်ခဲ့တာလဲ။ သူ့စိတ်ထဲမှာ ဒီလို အမှိုက်သရိုက်တွေ ဘယ်လိုစုသွားလဲဆိုတာ ကျွန်တော်တို့ ဘယ်တော့မှ မသိနိုင်သလိုပါပဲ”

    Ref: AFP

    (FIACHRA GIBBONS ရေးသားပြီး AFP သတင်းဌာနက ဖော်ပြသည့် Portrait of Wirathu chills Cannes Film Festival ဆောင်းပါးကို လေးမောင်က ဆီလျော်အောင် ဘာသာပြန်ဆိုသည်။)

  • မြန်မာအစိုးရမှာ ဘာသာရေးသည်းမခံနိုင်မှုကို ရပ်တန့်ရန် ပိုအားထုတ်ရမည်ဟု ကုလတာဝန်ရှိသူပြော

    မြန်မာအစိုးရမှာ ဘာသာရေးသည်းမခံနိုင်မှုကို ရပ်တန့်ရန် ပိုအားထုတ်ရမည်ဟု ကုလတာဝန်ရှိသူပြော

    မေ ၁၉၊ ၂၀၁၇
    M-Media

    – နိုင်ငံအတွင်း သိသိသာသာ မြင့်တက်လာသော ဘာသာရေးသည်းမခံနိုင်မှုများကို တားဆီးရန်အတွက် မြန်မာနိုင်ငံမှာ ယခုထက် ပိုမိုဆောင်ရွက်ရမည်ဟု မြန်မာနိုင်ငံ၏ လူ့အခွင့်အရေးဆိုင်ရာ ကုလ အထူးကိုယ်စားလှယ် ယန်းဟီးလီက ပြောကြားလိုက်သည်။

    “အမုန်းစကားပြောတာတွေ၊ ခွဲခြားဖို့ လှုံ့ဆော်တာတွေ၊ အမုန်းတွေ၊ အကြမ်းဖက်မှုတွေ၊ ဘာသာရေး သည်းမခံနိုင်မှုတွေအတွက် စိုးရိမ်တယ်လို့ ကျွန်မ အရင်ကလည်း ပြောခဲ့ပြီသားပါ။ ဒါတွေဟာ သိသိသာသာ မြင့်တက်လာပုံပါပဲ။ မွတ်စလင် ဆန့်ကျင်ရေးလှုံ့ဆော်မှုတွေ၊ ဟောပြောမှုတွေအပေါ် လိုအပ်တဲ့ အာရုံစိုက်မှု မရှိဘူးလို့ ကျွန်မ ယုံကြည်ပါတယ်။ အမြဲတမ်းလိုလို အာဏာပိုင်တွေက ဂရုမစိုက်တာမျိုး တွေ့ရပါ တယ်။ ဒါမျိုးကို ဒီထက်ပိုပြီး ငြိမ်နေလို့ မရတော့ပါဘူး။ အစိုးရအနေနဲ့ ဒီလိုကိစ္စမျိုးတွေကို တွန်းလှန်ဖို့၊ ဖြေရှင်းဖို့အတွက် ထိရောက်တဲ့ ကြိုးပမ်းမှုမျိုး တိုးမြှင့် လုပ်ဆောင်ရပါမယ်” ဟု ယန်ဟီးလီက The Guardian သတင်းစာသို့ ပြောကြားခဲ့သည်။

    ပြီးခဲ့သည့်သီတင်းပတ်အတွင်း ရန်ကုန်မြို့ မင်္ဂလာတောင်ညွှန့်မြို့နယ်တွင် အမျိုးသားရေးသမားများက ရိုဟင်ဂျာမွတ်စလင်များ ပုန်းနေသည်ဟုဆိုသော နေအိမ်တစ်အိမ်သို့ ၀င်ရောက်ရှာဖွေရာမှ နှစ်ဖက် ထိပ်တိုက်တွေ့ဆုံမှု ဖြစ်ပွားခဲ့သည်။

    အဆိုပါ အဖြစ်အပျက်မှာ ရန်ကုန်မြို့ သာကေတမြို့နယ်တွင် အစ္စလာမ်ဘာသာရေးကျောင်းနှစ်ကျောင်းကို ပိတ်ပစ်ရန် အာဏာပိုင်များကို အမျိုးသားရေးသမားများက ဖိအားပေးပြီးနောက်ပိုင်း တစ်ပတ်အကြာတွင် ပေါ်ထွက်လာခြင်းလည်း ဖြစ်သည်။

    မင်္ဂလာတောင်ညွှန်ဖြစ်စဉ် ဖြစ်ပွားခဲ့ပြီးနောက်ပိုင်း မြန်မာအာဏာပိုင်များက ထိုကိစ္စနှင့်စပ်ဆက်၍ လူတစ်ချို့ကို ဖမ်းဆီးခဲ့သည်။

    ဒေါ်အောင်ဆန်းစုကြည်၏ ပြောရေးဆိုခွင့်ရှိသူ ဦးဇော်ဌေးကမူ The Guardian သတင်းစာ၏ မေးမြန်းမှုကို မှတ်ချက်ပေးရန် ငြင်းဆိုခဲ့ပြီး အစည်းအဝေးရှိသည်ဟု ပြောကြားခဲ့သည်။

    Ref : The Guardian