News @ M-Media

Tag: anti muslim in Sri Lanka

  • မွတ်စလင်များကို အကြမ်းဖက်တိုက်ခိုက်ရန် သီရိလင်္ကာ ထိပ်တန်းဘုန်းကြီး တိုက်တွန်း

    မွတ်စလင်များကို အကြမ်းဖက်တိုက်ခိုက်ရန် သီရိလင်္ကာ ထိပ်တန်းဘုန်းကြီး တိုက်တွန်း

    ဇွန် ၂၃၊ ၂၀၁၉
    M-Media

    မွတ်စလင်များအပေါ် အကြမ်းဖက်တိုက်ခိုက်ရန် တိုက်တွန်းခဲ့သည့် ဘုန်းတော်ကြီး
    Warakagoda Sri Gnanarathana Thero

    -နိုင်ငံအတွင်းက အစ္စလာမ်ဘာသာဝင် ဆရာဝန်တွေဟာ ဗုဒ္ဓဘာသာဝင် အမျိုးသမီးတွေ မြုံအောင် လုပ်ဆောင်နေတယ်လို့ စွပ်စွဲကာ သီရိလင်္ကာနိုင်ငံရဲ့ ထိပ်တန်းဘုန်းကြီးတစ်ပါးက အစ္စလာမ်ဘာသာဝင်တွေအပေါ် အကြမ်းဖက်တိုက်ခိုက်ဖို့ တိုက်တွန်း ဆော်သြလိုက်ပါတယ်။

    ဧပြီလအတွင်းက ခရစ်ယာန်ဘုရားကျောင်း ၃ ခုနဲ့ ဟိုတယ် ၃ ခုတို့ကို IS အဖွဲ့က အသေခံဗုံးခွဲတိုက်ခိုက်မှုနောက်ပိုင်း သီရိလင်္ကာနိုင်ငံအတွင်း မွတ်စလင်တွေအပေါ် ပစ်မှတ်ထားတိုက်ခိုက်မှုတွေ မြင့်တက်လာတဲ့အချိန် ထိပ်တန်းဘုန်းကြီးတစ်ပါးရဲ့ ဒီအမုန်းစကား ပေါ်ထွက်လာ ဖြစ်ပါတယ်။

    သီရိလင်္ကာရဲ့ သက်တမ်းအရင့်ဆုံးနဲ့ အကြီးဆုံး ဗုဒ္ဓဘာသာဂိုဏ်းတစ်ခုဖြစ်တဲ့ Asgiriya ကို ဦးဆောင်နေသူ ဘုန်းတော်ကြီး Warakagoda Sri Gnanarathana Thero က ပြီးခဲ့တဲ့တစ်ပတ် နိုင်ငံအလယ်ပိုင်း ကန်ဒီမြို့ တရားပွဲမှာ မွတ်စလင်မုန်းတီးရေးစကားတွေကို ပြောကြားခဲ့ပါတယ်။ အလယ်ပိုင်း ကူရူနီဂါလာခရိုင်မှာ မွတ်စလင်ဆရာဝန်တွေက ဗုဒ္ဓဘာသာဝင်အမျိုးသမီး ၄၀၀၀ လောက်ကို မြုံအောင် လုပ်ခဲ့တယ်လို့ သူက စွပ်စွဲခဲ့ပါတယ်။

    “ဒကာမတစ်ချို့က (ဆရာဝန်တွေလိုလူတွေကို) ခဲနဲ့ပေါက်သတ်ရမယ်လို့ ပြောကြတယ်။ ကျုပ်ကတော့ ဒီလိုမပြောပါဘူး။ ဒါပေမယ့် ဒါမျိုးကတော့ လုပ်ရမယ်”

    အစ္စလာမ်ဘာသာဝင်တွေ ဖွင့်လှစ်ထားတဲ့ စားသောက်ဆိုင်တွေဟာ ဗုဒ္ဓဘာသာဝင် စားသုံးသူတွေလာစာရင်း မြုံဆေးတွေ ထည့်ပြီးကျွေးတယ်ဆိုတဲ့ ကောလဟာလတွေဟာ သီရိလင်္ကာနိုင်ငံတစ်ဝှမ်း အချိန်အတော်ကြာကတည်းက ပြန့်နှံနေပြီး ဒါတွေကို ယုံကြည်နေသူလည်း ရှိနေပါတယ်။ ဘုန်းတော်ကြီး Gnanarathana က ပြီးခဲ့တဲ့တစ်ပတ် တရားမှာ မွတ်စလင်စားသောက်ဆိုင်တွေကို သပိတ်မှောက်ဖို့ ထပ်မံ တိုက်တွန်းခဲ့ပါတယ်။

    “မွတ်စလင်ဆိုင်တွေမှာ မစားကြနဲ့။ အဲဒီဆိုင်တွေမှာစားတဲ့သူတွေဟာ နောက်ပိုင်းမှာ ကလေးရမှာ မဟုတ်တော့ဘူး”

    Gnanarathana ရဲ့ ဒီတရားပွဲကို နိုင်ငံပိုင် ရုပ်သံကနေ ထုတ်လွှင့်ပြသခဲ့ပါတယ်။ သူတရားဟောခဲ့တဲ့ ကန်ဒီမြို့မှာ ပြီးခဲ့တဲ့နှစ်က ဒီကောလဟာလကြောင့် အစ္စလာမ်ဘာသာဝင်တွေအပေါ် အကြမ်းဖက်တိုက်ခိုက်မှုတွေ ရက်ဆက် ဖြစ်ပွားခဲ့ပါတယ်။

    ဘုန်းတော်ကြီး Gnanarathana က လူထုထင်မြင်ယူဆနေတဲ့ သဘောထားနဲ့အညီ ဒီလို ပြောတာဖြစ်တယ်လို့ စနေနေ့မှာ ကာကွယ်ပြောကြားခဲ့ပါတယ်။

    သီရိလင်္ကာနိုင်ငံရဲ့ လူဦးရေ ၂၁ သန်းမှာ ဗုဒ္ဓဘာသာဝင်ဦးရေက ၇၀ ရာခိုင်နှုန်းကျော်ရှိပြီး အစ္စလာမ်ဘာသာဝင်အရေအတွက်က ၁၀ ရာခိုင်နှုန်းသာ ရှိပါတယ်။

    စိုးရိမ်မှု မြင့်တက်

    တက်ကြွလှုပ်ရှားသူတွေက ဘုန်းကြီး Gnanarathana ရဲ့ ဒီစကားဟာ အမုန်းစကားဖြစ်ပြီး၊ အရေးယူဆောင်ရွက်ဖို့ သမ္မတ မိုင်သရီပါလာ ဆရီစီနာကို တိုက်တွန်းခဲ့ပါတယ်။ သီရိလင်္ကာက အစ္စလာမ်ဘာသာဝင်အသိုင်းအဝိုင်းကတော့ သူ့အပေါ် အကြမ်းဖက်တိုက်ခိုက်မှုတွေ မြင့်တက်လာမလားဆိုပြီး စိုးရိမ်နေကြပါတယ်။

    ဧပြီလ ၂၁ ရက်နေ့က နေရာ ၈ ခုမှာ ဗုံးခွဲမှုအတွင်း လူ ၂၅၀ သေဆုံးခဲ့ပြီး ၅၀၀ လောက် ဒဏ်ရာရခဲ့ပါတယ်။ ဒီတိုက်ခိုက်မှုဟာ နိုင်ငံအတွင်း လူသိနည်းတဲ့ မွတ်စလင်အဖွဲ့နှစ်ခု ပူးပေါင်းလုပ်ဆောင်တာဖြစ်တယ်လို့ သီရိလင်္ကာအစိုးရက ထုတ်ပြန်ခဲ့ပြီး၊ IS ကတော့ ဆီးရီးယားမှာ နယ်မြေဆုံးရှုံးမှုကို လက်တုန့်ပြန်တဲ့အနေနဲ့ တိုက်ခိုက်မှုကို သူတို့ လုပ်ဆောင်ခဲ့တာဖြစ်တယ်လို့
    ပြောကြားခဲ့ပါတယ်။

    တိုက်ခိုက်မှုအသေးစိတ်ကို အိန္ဒိယထောက်လှမ်းရေးက သီရိလင်္ကာ အာဏာပိုင်တွေထံ ကြိုတင်သတင်းပေးပို့ခဲ့ပေမယ့် တားဆီးကာကွယ်မှုတွေ မလုပ်ခဲ့ပါဘူး။ သမ္မတ ဆရီဆီနာက ဒီကိစ္စအတွက် ရဲတပ်ဖွဲ့ကို အပြစ်တင်ခဲ့ပေမယ့် သီရိလင်္ကာ ရဲတပ်ဖွဲ့ တာဝန်ရှိသူတွေက သူတို့ အချိန်မီ သတင်းပေးပို့ခဲ့ပေမယ့် သမ္မတက လစ်လျူရှုခဲ့တာဖြစ်တယ်လို့ တရားရုံးချုပ်ရဲ့ စုံစမ်းစစ်ဆေးမှုမှာ ထွက်ဆိုထားပါတယ်။

    ဒီကိစ္စရဲ့ နောက်ဆက်တွဲအဖြစ် သီရိလင်္ကာနိုင်ငံ မြောက်ပိုင်းမှာ မေလအတွင်းက မွတ်စလင်တွေအပေါ် ပစ်မှတ်ထားတဲ့ အကြမ်းဖက်တိုက်ခိုက်မှုတွေ ဖြစ်ပွားခဲ့ပြီး လူတစ်ချို့သေဆုံးကာ မွတ်စလင်ပိုင် အိမ်တွေ၊ ဆိုင်တွေ၊ ဗလီဝတ်တွေနဲ့ အစီးအနင်းတွေ ဖျက်ဆီးခံခဲ့ရပါတယ်။

    Ref: Aljazeera

  • ဦးဝီရသူနဲ့ ရင်းနှီးတဲ့ သီရိလင်္ကာ ဆရာတော် အရေးယူခံရ

    ဦးဝီရသူနဲ့ ရင်းနှီးတဲ့ သီရိလင်္ကာ ဆရာတော် အရေးယူခံရ

    ဇွန် ၂၃ ၊ ၂၀၁၇

    မစိုးရိမ်တိုက်ဆရာတော် အရှင်ဝီရသူနဲ့ ရင်းနှီးတဲ့ သီရိလင်္ကာဘုန်းတော်ကြီးတစ်ပါးကို မွတ်စလင်လူနည်းစုတွေ အပေါ် အမုန်းတရားဟောကြား လှုံ့ဆော်ခဲ့မှုအတွက် ဖမ်းဝရမ်းထုတ်ထားပြီးနောက် မနေ့က လာရောက် အဖမ်းခံခဲ့ကြောင်း ရဲကပြောပါတယ်။ အဲဒီ Galagodaatte Gnanasara ဂလာဂိုဒတ္တ ဂနာနာဆာရ ဆိုတဲ့ ဆရာတော်ကို အမုန်းတရားဟောကြားခြင်း မပြုဖို့ သက်ဆိုင်ရာက ညွန်ကြားပြီးနောက် အမေရိကန် ဒေါ်လာ ၈ဝဝဝ နဲ့ အာမခံပေးလိုက်ပါတယ်။

    ဗုဒ္ဓဘာသာဝင်အများစုနေထိုင်တဲ့ သီရိလင်္ကာနိုင်ငံမှာ အဲဒီ ဆရာတော်က ကိုရမ်ကျမ်းစာကို ပုတ်ခတ်ဟောကြားခဲ့ပြီးနောက်ပိုင်း ပြီးခဲ့တဲ့ ဧပြီလမှာ မွတ်စလင်ဆန့်ကျင်ရေး ပဋိပက္ခတွေဖြစ်ပွားလို့ မွတ်စလင်တွေရဲ့ ရာနဲ့ချီတဲ့ နေအိမ်တွေ ဈေးဆိုင်တွေ ဗလီဝပ်ကျောင်းတွေ သချိုင်းတွေ မီးရှို့ဖျက်ဆီးခံခဲ့ရတဲ့အတွက် ဆရာတော်ကို မေလမှာ ဖမ်းဝရမ်းထုတ်ခဲ့တာ ဖြစ်ပါတယ်။

    ဆရာတော် ဦးဆောင်ဖွဲ့စည်းခဲ့တဲ့ BBS ဗုဒ္ဓဘာသာအင်အားစုအဖွဲ့က သံဃာတပါးနဲ့ လူ ၁၄ ဦးကိုလည်း အကြမ်းဖက်မှုတွေမှာ ပါဝင်မှုအတွက် အခု ဖမ်းဆီးထားပါတယ်။

    ဆရာတော် Gnanasara ဟာ၂ဝ၁၄ ခုနှစ်က စပြီး မွတ်စလင် အမုန်းတရားတွေ ဟောကြားခဲ့တယ်လို့ ဆိုပါတယ်။ အဲဒီနှစ်ကဖြစ်ပွားတဲ့ မွတ်စလင်ဆန့်ကျင်ရေး အဓိကရုဏ်းတွေမှာလည်း လူ ၄ ဦးသေဆုံးပြီး မွတ်စလင်ပိုင် အိုးအိမ်ရာပေါင်းများစွာ ဖျက်ဆီးခံခဲ့ရကြောင်းနဲ့ ဆူပူမှုတွေဖြစ်ပြီးမကြာခင် အဲဒီနှစ်ထဲမှာပဲ အရှင်ဝီရသူဟာ ဆရာတော်ရဲ့ ဖိတ်ကြားချက်နဲ့ သီရိလင်္ကာနိုင်ငံကို သွားရောက်လည်ပတ်ခဲ့ကြောင်း သိရပါတယ်။

    RFA မှ ကူးယူဖော်ပြပါသည်။

  • ကုလကမစွမ်းနိုင်လျှင် ဆီးရီးယားကို ကိုယ်တိုင် ကိုင်တွယ်မည်ဟု ကန် သတိပေး

    ကုလကမစွမ်းနိုင်လျှင် ဆီးရီးယားကို ကိုယ်တိုင် ကိုင်တွယ်မည်ဟု ကန် သတိပေး

    ဧပြီ ၆၊ ၂၀၁၇
    M-Media


    – ဆီးရီးယားတွင် ကလေးငယ်များအပါအ၀င် လူပေါင်း ၈၀ ကျော် သေဆုံးခဲသည့် ဓာတုလက်နက်ဖြင့် တိုက်ခိုက်မှုအတွက် ကုလအနေဖြင့် မတုန့်ပြန်နိုင်ပါက မိမိတို့တစ်ဦးတည်း ဆောင်ရွက်သွားမည်ဟု အမေရိကန်က သတိပေး ပြောကြားလိုက်သည်။

    “စုပေါင်းဆောင်ရွက်ရမယ်ဆိုတဲ့တာဝန်ကို ကုလက တစ်စိုက်မတ်မတ် ဆောင်ရွက်နိုင်မှု မရှိတဲ့အခါမှာ၊ ကျွန်မတို့ ကိုယ်တိုင်ဆောင်ရွက်ရတော့မယ့် အခြေအနေတွေ လက်တွေ့မှာ ရှိလာခဲ့ပါတယ်” ဟု ကုလဆိုင်ရာ အမေရိကန်သံအမတ် နစ်ကီ ဟာလေးက ဗုဒ္ဓဟူးနေ့တွင် လုံခြုံရေးကောင်စီ အရေးပေါ်အစည်းအဝေး၌
    ပြောကြားခဲ့သည်။

    သူပုန်များ ထိန်းချုပ်ထားသည့် အစ်ဒလစ်ဘ်ပြည်နယ်မှ မြို့တစ်ခုကို အင်္ဂါနေ့မနက်ပိုင်းတွင် အစိုးရတပ်က လေကြောင်းမှ တိုက်ခိုက်ပြီးနောက်ပိုင်း ပြင်သစ်နှင့် ဗြိတိန်တို့၏ တိုက်တွန်းမှုကြောင့် လုံခြုံရေးကောင်စီ၏ အရေးပေါ်အစည်းအဝေးကို ခေါ်ယူခဲ့ခြင်းဖြစ်သည်။

    အဆိုပါတိုက်ခိုက်မှုကို ဓာတုလက်နက်ဖြင့် ပြုလုပ်ခြင်းဖြစ်သည်ဟု ပြောကြားမှုများရှိနေပြီး ရုရှားကမူ တိုက်ခိုက်မှုအတွင်း သူပုန်အဖွဲ့က ဓာတုလက်နက်များ သိုလှောင်ထားသည့် ဂိုထောင်ကို ထိခိုက်ခဲ့ခြင်းသာဖြစ်သည်ဟု ဆိုသည်။

    ဆီးရီးယာအစိုးရကို မဟာမိတ်ရုရှားက မထိန်းကျောင်းနိုင်ခြင်းအတွက်လည်း ဟာလေးက ဝေဖန်ခဲ့ပြီး၊ ကလေးငယ် မည်မျှသေဆုံးမှ ရုရှားက ဂရုစိုက်မည်လဲဟု မေးခွန်းထုတ်ခဲ့သည်။

    လန်ဒန်အခြေစိုက် ဆီးရီးယားအရေး စောင့်ကြည့်အဖွဲ့က တိုက်ခိုက်မှုအတွင်း ကလေးငယ် ၃၀ အပါအ၀င် အနည်းဆုံး ၈၆ ဦး သေဆုံးခဲ့သည်ဟု ပြောကြားခဲ့သည်။

    Ref: Aljazeera

  • မွတ်စလင် ဆန့်ကျင်သူ ဦးဝီရသူ လာရောက်မှု  သီရိလင်္ကာ မွတ်စလင်ကောင်စီ စိုးရိမ်

    မွတ်စလင် ဆန့်ကျင်သူ ဦးဝီရသူ လာရောက်မှု သီရိလင်္ကာ မွတ်စလင်ကောင်စီ စိုးရိမ်

    စက်တင်ဘာ ၂၇ ၊ ၂၀၁၄
    M-Media
    10678764_282805781912668_7184040548524533382_n
    – မြန်မာနိုင်ငံမှ မွတ်စလင်ဆန့်ကျင်ရေး ၉၆၉ အဖွဲ့ခေါင်းဆောင်ဆရာတော် ဦးဝီရသူအား သီရိလင်္ကာသို့ လာရောက်ရန် ဖိတ်ကြားခဲ့မှုကြောင့် ရိမ်မှုများ မြင့်တက်နေကြောင်း သီရိလင်္ကာ မွတ်စလင်ကောင်စီက  ကြေညာချက်ထုတ်ပြန်လိုက်သည်။

    မွတ်စလင်ဆန့်ကျင်ရေး ခေါင်းဆောင်ဖြစ်သည့် ဦးဝီရသူ၏ လှုံဆော်ခဲ့မှုများကြောင့် အစွန်းရောက် ဗုဒ္ဓဘာသာဝင်များက မြန်မာပြည်မှ မွတ်စလင်များ သတ်ဖြတ်ခဲ့မှု အတွက် တာဝန်ရှိသူ တစ်ဦးလည်းဖြစ်သည်။

    ဦးဝီရသူအား သီရီလင်္ကာ၌ ပြုလုပ်မည့် သံဃာကောင်စီသို့ တက်ရောက်ရန် အတွက် သီရိလင်္ကာရှိ Bodu Bala Sena  အဖွဲ့က ဖိတ်ကြားခဲ့ခြင်းဖြစ်သည်။

    ထိုကိစ္စနှင့်ပတ်သက်၍ သီရိလင်္ကာမွတ်စလင်ကောင်စီ ဥက္ကဌ မာဟင်ဒါ ရာဂျာပက်ဆာက  သီရိလင်္ကာသမ္မတ မဟိန္ဒာ ရာဂျာပက်စေထံ လိပ်မူပြီး ရေးသား ထားတဲ့ပေးစာမှာ မြန်မာမွတ်စလင်များ အပေါ် အကြမ်းဖက်မှုများစွာ ဖြစ်စေခဲ့သော ထိုကဲ့သို့ ပုဂ္ဂိုလ်မျိုး ရှိနေခြင်းက သီရိလင်္ကာနိုင်ငံက ငြိမ်းချမ်းရေးနှင့် ငြိမ်းချမ်းစွာ အတူယှဉ်တွဲ နေထိုင်မှုအတွက် ခြိမ်းခြောက်မှု ဖြစ်လာ လိမ့်မည်ဟု ဖော်ပြခဲ့သည်။

    “ကမ္ဘာတစ်ဝှမ်းက လူတော်တော်များများကဆိုရင် သူဟာ  အစ္စလာမ်သာသနာ ကြီးထွားလာမှုက ဗုဒ္ဓဘာသာနဲ့ မြန်မာ့ယဉ်ကျေးမှုကို အန္တရာယ်ရှိစေတဲ့ဆိုတဲ့ မီးထိုးပေးတဲ့ တရားဟောပြောမှုတွေပြုလုပ်ကာ မြန်မာမွတ်စလင် လူနည်းစုတွေအပေါ် အကြမ်းဖက်မှုကျူးလွန်ဖို့ လှုံ့ဆော်သူအဖြစ် စွပ်စွဲခဲ့ကြပါတယ်။ သံဃာကောင်စီ အစည်းအဝေးမှာ သူရှိနေမှုနဲ့ သူ့ရဲ့မိန့်ခွန်းပြောမှုဟာ ဇွန်လ အတွင်းက Aluthgama နဲ့ Beruwela မှာ ပဋိပက္ခတွေကိုဖြစ်စေတဲ့ ဟောပြောမှုတွေလုပ်ခဲ့တဲ့ ဘုန်းကြီး Galabode Aththe Ganansara  ရဲ့ မိန့်ခွန်းလိုမျိုး မွတ်စလင်တွေ အပေါ် အကြမ်းဖက်မှုတွေ ဖြစ်လာဖို့ လှုံ့ဆော်တာ မျိုး ဖြစ်ကောင်းဖြစ်နိုင်ပါတယ်။ နောက်ပြီး ဦးဝီရသူသာ သီရိလင်္ကာကို ၀င်ရောက်ခွင့်ရခဲ့ရင် သိရိလင်္ကာအစိုးရဟာ တိုင်းပြည်က လူနည်းစုတွေအပေါ် မုန်းတီးမှုတွေ ဖြစ်အောင်လုပ်နေတဲ့ ဗုဒ္ဓဘာသာအစွန်းရောက်တွေရဲ့ နည်လမ်းတွေကို အားပေးကူညီနေတယ်ဆိုတဲ့ စွပ်စွဲချက်တွေလည်း ထွက်ပေါ်လာနိုင်ပါတယ်” ဟု ထိုစာတွင် ရေးသားခဲ့သည်။

    ထို့ပြင် မွတ်စလင်ဆန့်ကျင်ရေး လှုပ်ရှားမှုအတွက် Bodu Bala Sena  နှင့် ၉၆၉ အဖွဲ့တို့၏ ဆက်စပ်မှုမှာ ပြီးခဲ့သည့်လအနည်းငယ်က Ven. Gnanasara Thero  မြန်မာနိုင်ငံသို့ သွာရောက်ပြီးနောက်ပိုင်း စတင်ခဲ့ခြင်းဖြစ်သည်ဟုလည်း ဖော်ပြထားသည်။

    ထို့ပြင် ဦးဝီရသူအား သီရိလင်္ကာသို့ဝင်ရောက်ခွင့် ဗီဇာထုတ် မပေးရေးအတွက်လည်း သီရိလင်္ကာရှိ မွတ်စလင်လူ့အဖွဲ့အစည်း၏ ကိုယ်စား သီရိလင်္ကာမွတ်စလင်ကောင်စီက အစိုးရကို မေတ္တာရပ်ခံခဲ့သည်။

    သို့သော် ဦးဝီရသူများ ယနေ့ သိရိလင်္ကာနိုင်ငံသို့ေ၇ာက်ရှိသွားပြီဖြစ်ကြောင်းကို သိရိလင်္ကာသတင်းဌာနများရဲ့ ဖော်ပြချက်အရ သိရှိရပါသည်။

    ref_ colombogazette

    ဓါတ်ပုံအညွှန်း- ဦးဝီရသူ ယနေ့ သီရိလင်္ကာနိုင်ငံ ကိုလံဘို လေဆိပ်သို့ ရောက်ရှိစဉ်

  • အကြမ်းဖက်ခံ​နေရ​သော သီရိလင်္ကာမှ မွတ်​ဆလင်​များ နှင့် တောင်အာရှ အတွက် အမုန်းသံသရာ သတိပေး ခေါင်းလောင်းသံ

    ဇူလိုင် ၉ ၊ ၂၀၁၄
    M-Media
    ဆွေမွန် မြန်မာမှုပြုသည်။

    အိန္ဒိယ နဲ့ မြန်​မာနိုင်​ငံ​တွေမှာ မွတ်​ဆလင်​​တွေကို ဦးတည်​တိုက်​ခိုက်​တဲ့ ​ကြောက်​လန့်စ​ရာ​လုပ်​ရပ်​​တွေဟာ မလုံ​လောက်​​သေးသလိုမျိုး သီရိလင်္ကာနိုင်​ငံလည်း ဒီလိုတိုက်​ခိုက်​မှု​တွေမှာ မကြာခင်​ကမှ ပါဝင်​လာခဲ့မှုဟာ ​တောင်​အာရှမှာ ​နေထိုင်​ကြတဲ့ မွတ်​ဆလင်​​တွေကြားမှာ အချက်​​ပေး​ခေါင်း​လောင်းသံတစ်​ခု ဖြစ်​လာ​နေခဲ့ပါပြီ။

    People hold wooden poles as they stand next to police officers in Colombo

    အစွန်း​ရောက်​ ဗုဒ္ဓစွမ်းအားရှင်​ အကြမ်းဖက်​ အဖွဲ့ဖြစ်​တဲ့ Bodu Bala Sena (BBS) အဖွဲ့က ဦး​ဆောင်​ပြီး စတင်​ခဲ့တဲ့ အကြမ်းဖက်​မှု​ကြောင့်​ အိမ်​​တွေ၊ ​ဈေးဆိုင်​​တွေ​ပေါင်း များစွာဟာ တစစီ ဖျက်​ဆီးခံခဲ့ရပြီး သီရိလင်္ကာ​တောင်​ပိုင်းက အလူ့သ်​ဂါမာမြို့မှာ​တော့ ဗုဒ္ဓဘာသာဝင်​​တွေရဲ့ စိတ်​တိုင်းကျ သတ်​ဖြတ်​ခဲ့မှု​တွေ​ကြောင့်​ အနည်းဆုံး လူ​လေးဦး ​သေဆုံးခဲ့ရပါတယ်​။ နေရာ​ပေါင်းများစွာမှာ ဘာသာ​ရေးကို အ​ခြေခံတဲ့တိုက်​ခိုက်​မှု​တွေဟာ ဘက်​မလိုက်​တတ်​တဲ့ အစိုးရ အာဏာပိုင်​​တွေက ဖြစ်ရပ်တိုင်းမှာ လှုံ့ဆော် ကျူးလွန်တဲ့ အဓိကတရားခံတွေကို ထိုက်သင့်ပြစ်ဒဏ်တွေပေးပြီး တင်းတင်းကျပ်ကျပ်​ ကိုင်​တွယ်​​ဖြေရှင်းလိုက်ရင်​ စိုးရိမ်​စရာ အ​ကြောင်းတစ်ရပ် မဟုတ်​တော့ပါဘူး။

    ဒါပေမယ့် ပုံမှန်အားဖြင့် ဒေသတစ်ခုတွင်းမှာ ဘာသာရေးဆိုင်ရာ ပွတ်ထိမိမှုတွေနဲ့ တစ်ချိန်လုံး စိုးရိမ်ပူပန်နေစေတာရယ်၊ အကြမ်းဖက်သမား အုပ်စုလိုက်နဲ့ လူနည်းစုတွေ အပေါ်မှာ တိုက်ခိုက်မှုကျူးလွန်တတ်တဲ့ ပုံစံတွေဟာ ၀မ်းနည်းကြေကွဲစရာဖြစ်ရပ်တစ်ခုလုံးကို ကိုယ်စားပြုဖော်ပြနိုင်တဲ့ အကြောင်းအရာတွေတော့ မဟုတ်ပါဘူး။

    ဘာသာ​ရေးယုံကြည်​ချက်​အ​ပေါ် အ​ခြေခံတဲ့ ဒီလိုအကြမ်းဖက်​တိုက်​ခိုက်​မှုပုံစံ​တွေဟာ ​ဒေသတစ်​ခုလုံးမှာ ပုံစံတူညီမှု ရှိ​နေပါတယ်​။ ဒီလိုမျိုး မွတ်ဆလင်တွေအပေါ်တိုက်ခိုက်ရတဲ့ သူတို့ရဲ့ အခြေခံသ​ဘော သဘာဝအကြောင်းရင်းဟာ ဒီလိုတိုက်​ခိုက်​မှု​တွေကို အ​ကြောင်းခံပြီး သူတို့ဦးစီးလုပ်ကိုင်နေတဲ့ နိုင်ငံရေးအဖွဲ့အစည်းတွေကို နောက်တစ်ကြိမ် ပြန်ပြီးလူကြိုက်​များ​အောင်​ လုပ်​ဖို့ပဲဖြစ်ပါတယ်။ ဒီလို ဘာသာရေးကို အသုံးချပြီး နိုင်ငံရေးအရ လူကြိုက်များအောင် လုပ်ဆောင်အကြမ်းဖက်မှုတွေက သူတို့ရဲ့ မွတ်ဆလင်ပစ်​မှတ်​​တွေကို အပြစ်​​ပေးခံရခြင်းမရှိဘဲ စိတ်​တိုင်းကျ ထိ​ခိုက်အောင်​ တိုက်​ခိုက်​နိုင်​ခဲ့ကြပါတယ်​။

    စုစုပေါင်း ​သေဆုံးရမှုအ​ရေအတွက် ၁၀၀၀၀ ​ကျော်​ထိ မြင့်တက်ခဲ့တဲ့ အိန္ဒိယနိုင်ငံက မွတ်​ဆလင်​ ဆန့်​ကျင်​​ရေး အစုအပြုံလိုက်​ သတ်​ဖြတ်​မှု​တွေဖြစ်​ကြတဲ့ ၁၉၆၉ မှာ ဖြစ်​ခဲ့တဲ့ ဂူဂျရတ်​သတ်ဖြတ်မှု၊ ၁၉၈၀ မှာ မိုရာဒါဘတ်​​သတ်ဖြတ်မှု၊ ၁၉၈၃ မှာ နယ်လီသတ်ဖြတ်မှု၊ ၁၉၈၉ မှာ ဘာဂါလ်ပါးလ်သတ်ဖြတ်မှု၊ ၁၉၉၂ မှာ ဘာဘရီဗလီဖြစ်ရပ်နဲ့ ဆက်နွယ်ခဲ့တဲ့ ဘုံဘေ အဓိကရုဏ်းနဲ့ ၂၀၀၂ မှာ ဖြစ်​ခဲ့တဲ့ ဂူဂျရတ်​ အစုလိုက် အပြုံလိုက်သတ်ဖြတ်မှုစတဲ့ ဖြစ်စဉ်တွေအားလုံးမှာ မွတ်ဆလင်တွေကို ရက်ရက်စက်စက်သတ်ဖြတ်တယ်၊ အစိုးရကိုယ်တိုင် အားပေးထောက်ခံတယ် ဒါမှမဟုတ် အရေးယူမှု လုံးဝ မရှိဘူးစတဲ့ ပုံစံတူတွေရှိခဲ့ပါတယ်။

    သဏ္ဍာန်တူစွာပဲ မွတ်ဆလင် ဆန့်ကျင်ရေး အကြမ်းဖက်မှုတွေဖြစ်တဲ့၂၀၁၃ ခုနှစ်မှာ ဗုဒ္ဓဘာသာ အများစုနေထိုင်ရာ မြန်မာ နဲ့ ၂၀၁၄ ခုနှစ်မှာ သီရိလင်္ကာတို့မှာလည်း သတ်ဖြတ် ဖျက်ဆီးမှုတွေကျူးလွန်ပြီး လုံးဝ အရေးမယူတဲ့ ဖြစ်ရပ်တွေဟာ တစ်ပုံစံတည်းဖြစ်ခဲ့ပါတယ်။ အစွန်းရောက် ဗုဒ္ဓ၀ါဒဟာ အခြားသော ဘာသာတရား အယူဝါဒတွေအပေါ်မှာ အမုန်းတရားဟောပြောပို့ချမှုတွေ၊ ရက်ရက်စက် တိုက်ခိုက်မှုတွေ၊ အစိုးရကိုယ်တိုင် ပူးပေါင်း ပါဝင်မှုတွေနဲ့အတူ ထင်ရှားလာခဲ့ပါတယ်။

    တောင်အာရှဒေသက မွတ်ဆလင် အများစုနေထိုင်ရာ တိုင်းပြည်တွေက မွတ်ဆလင် မဟုတ်တဲ့ လူနည်းစုတွေမှာလည်း ကြောက်ရွံ စိုးရိမ်နေရမှုတွေဟာလည်း မြင့် တက်လာနေပါတယ်။

    ပမာဆိုရရင် အိန္ဒိယက RSS အဖွဲ့၊ မြန်မာပြည်က ၉၆၉ လှုပ်ရှားမှု၊ သီရိလင်္ကာက BBS အဖွဲ့၊ ပါကစ္စတန်မှာ TTP စတဲ့အဖွဲ့တွေဟာ ဒီလို “ဘာသာခြား မွတ်ဆလင်တွေကို မုန်းတီးတိုက်ခိုက်ခြင်းဟာ ဗုဒ္ဓသာသနာကို ကာကွယ်ရာရောက်တယ်”  ဆိုတဲ့ အတွေးအခေါ်တွေကို ဗုဒ္ဓဘာသာဝင်ကလေးတွေမှာ အရှိန်အဟုန်နဲ့ ရိုက်သွင်းခဲ့ပါတယ်။

    ဘာသာတရားဟာ ဆင်းရဲလှတဲ့ လူဦးရေများပြားရာ တောင်အာရှဒေသက လူတွေအတွက် သောက တရားအားလုံးပြေငြိမ်းရာ အဖြေ တစ်ခုဖြစ်ပါတယ်။ အတိတ်ကာလက အ​ကြောင်းအရာတွေနဲ့ ဆက်စပ်ပြီး ပြိုင်ဖက်ဘာသာ တရားအယူဝါဒတွေက ဗုဒ္ဓဘာသာအယူအပေါ်မှာ လွှမ်းမိုးကျယ်ပြန့်သွားမှာကို အကြမ်းဖက် တားဆီးရမယ်ဆိုတဲ့ ဟောပြော သတ်မှတ်ချက်တွေကို ဘုန်းကြီးတွေကိုယ်တိုင်က ချမှတ်ကာ လိုက်နာစေဖို့ ဖိအားပေးနေတာတွေကို ဒီတောင်အာရှက လူတွေ ရင်ဆိုင်နေရပါတယ်။

    ဗုဒ္ဓသာသနာတော် ကမ္ဘာကို ပြန့်ပွား ထွန်းကားခဲ့တဲ့ “ရွှေခေတ်ကာလ”ကို ပြန်လည် ရရှိစေဖို့ လုပ်ဆောင်ရမယ်ဆိုတဲ့ အကြောင်းရင်းဟာ ဒီလို အကြမ်းဖက်မှုတွေကို “ဗုဒ္ဓသာသနာကို ကာကွယ်တဲ့ မြင့်မြတ်တဲ့ လုပ်ရပ်” အဖြစ် ဗုဒ္ဓဘာသာဝင် အသိုင်းအ၀ိုင်းရဲ့ ကြီးမားတဲ့ အစိတ်အပိုင်း တစ်ရပ်ကို လှုံ့ဆော် ပုံသွင်းဖို့ရာ လုံလောက်စေခဲ့ပါတယ်။

    ငယ်ရွယ်လွန်းလှတဲ့ ဗုဒ္ဓဘာသာဝင်ကလေးတွေဟာ အမုန်းတရားတွေကို ထပ်ဆင့်ကာ ဟောပြောဖြန့်ဖြူးသူ၊ အမုန်းတရားတွေကို လေ့ကျင့် လိုက်နာစေသူ ဒါမှမဟုတ် ကိုယ်တိုင် ၀င်ရောက်တိုက်ခိုက်ကာ ဗုဒ္ဓသာသနာကို ကာကွယ်သူတွေဖြစ်​ကြတယ်​ဆိုတဲ့ အယူအဆတွေကို ရိုက်ထည့်သွင်းခြင်း ခံခဲ့ကြရပါတယ်။ ပမာဆိုရရင် အိန္ဒိယက RSS အဖွဲ့၊ မြန်မာပြည်က ၉၆၉ လှုပ်ရှားမှု၊ သီရိလင်္ကာက BBS အဖွဲ့၊ ပါကစ္စတန်မှာ TTP စတဲ့အဖွဲ့တွေဟာ ဒီလို “ဘာသာခြား မွတ်ဆလင်တွေကို မုန်းတီးတိုက်ခိုက်ခြင်းဟာ ဗုဒ္ဓသာသနာကို ကာကွယ်ရာရောက်တယ်” ဆိုတဲ့ အတွေးအခေါ်တွေကို ဗုဒ္ဓဘာသာဝင်ကလေးတွေမှာ အရှိန်အဟုန်နဲ့ ရိုက်သွင်းခဲ့ပါတယ်။

    ဖြစ်ပျက်ခဲ့တဲ့ကိစ္စတိုင်းမှာလည်း အစိုးရရဲ့ အားပေးထောက်ခံမှုကို ရရှိခဲ့တာလည်း သက်သေအထင်အရှား ရှိနေပါတယ်။ အကျိုးဆက်ကတော့ ဘာသာရေးကို နိုင်ငံရေးမှာအသုံးချပြီး လူကြိုက်များအောင် လုပ်ဆောင်နေမှုတွေဟာ တောင်အာရှဒေသကို ဗဟိုပြုကာ အလျင်မြန်ဆုံးပြန့်ပွားလာနေပြီဖြစ်သလို လက်ရှိအနေနဲ့ ဒီလိုလုပ်ဆောင်နေမှုတွေကို နိုင်ငံ ၉ နိုင်ငံမှာ တွေ့နေရပါပြီ။

    အိန္ဒိယနိုင်ငံမှာ ဟိန္ဒူတွေရဲ့ ဘာသာရေးကို နိုင်ငံရေးမှာ အသုံးချပြီး လူကြိုက်များအောင်လုပ်ဆောင်နေမှုတွေဟာ ရာစုနှစ် နှစ်ခုနီးပါး ရှိလာခဲ့ပါပြီး RSS ရဲ့ ဦးဆောင်ဟောပြောသူ နာရင်ဒြာမိုဒီ ၀န်ကြီးချုပ်ဖြစ်လာမှုနဲ့ အတူ ဘာသာရေးကို နိုင်ငံရေးမှာအသုံးချမှုဟာ အမြင့်ဆုံးရောက်လာ ခဲ့ပါတယ်။ နီပေါနိုင်ငံကတော့ ဟိန္ဒူလူများစုရဲ့ အကြီးအကျယ် လွှမ်းမိုးမှုရှိနေခဲ့ပြီး ဘူတန်နိုင်ငံကတော့ ဟိန္ဒူတွေလက် တစ်ဆုပ်စာမျှသာရှိနေပေမယ့် သဘာဝအားဖြင့်ကို အိန္ဒိယရဲ့လက်ရှိနိုင်ငံရေး အခြေအနေတွေ အမြဲလွှမ်းမိုးခံနေရတဲ့ နိုင်ငံငယ်ဖြစ်ပါတယ်။

    ဗုဒ္ဓဘာသာကို နိုင်ငံရေးမှာအသုံးချပြီး လူကြိုက်များအောင်လုပ်ဆောင်နေမှုတွေဟာ မြန်မာနိုင်ငံ၊ သီရိလင်္ကာနဲ့ ဘူတန်တို့မှာ တူညီစွာ ဖြစ်ပေါ်ခဲ့ပါတယ်။ ဗုဒ္ဓဘာသာကို နိုင်ငံရေးမှာအသုံးချပြီး လူကြိုက်များအောင်လုပ်ဆောင်နေတဲ့ ၉၆၉ လှုပ်ရှားမှုဟာ မြန်မာနိုင်ငံမှာ ကြီးမားကျယ်ပြန့်တဲ့ အကြမ်းဖက် သတ်ဖြတ်မှုတွေကို ဖြစ်စေပြီး မွတ်ဆလင်တွေ အများအပြားသေကြေပျက်စီးစေတဲ့ထိ ဦးတည်သွားစေခဲ့ပါတယ်။

    ယခုတော့ မွတ်ဆလင် လူနည်းစုတွေအပေါ်မှာ BBS အစွန်း​ရောက်​ ဗုဒ္ဓစွမ်းအားရှင်​အကြမ်းဖက်​အဖွဲ့ရဲ့ အုပ်စုဖွဲ့အကြမ်းဖက် တိုက်ခိုက်မှုတွေဟာ သီရိလင်္ကာမှာ ပြန့်နှံ့လာခဲ့ပြန်ပါပြီ။

    အိမ်နီးချင်းနိုင်ငံတွေမှာ ပိုမိုပြီး မွတ်ဆလင် ဆန့်ကျင်ရေး အကြမ်းဖက်မှုတွေရှိလာလေလေ၊ တရားဥပဒေနဲ့ ထိန်းချုပ်ဖို့ခက်လှတဲ့ အစွန်းရောက်ဗုဒ္ဓ၀ါဒ အမုန်းတရားဟောပြောပို့ချမှုတွေဟာ ကျွန်တော်တို့ရဲ့ တိုင်းပြည်ပေါ်မှာ ဖိအားတွေအမျိုးမျိုးနဲ့ နေရာပေါင်းစုံမှာ တွင်တွင်ကျယ်ကျယ်နေရာယူကာ တည်ငြိမ်အေးချမ်းမှုကို ပျက်ပြားစေဦးမှာဖြစ်ပါတယ်။ နိုင်ငံတစ်နိုင်ငံမှာ အစွန်းရောက်ဗုဒ္ဓ၀ါဒ ပိုမိုထွန်းကားလာမှုက မနှစ်သက်စရာနောက်ဆက်တွဲ ရလာဒ်တွေကို ဆက်တိုက်ဖြစ်ပေါ်စေမှာဖြစ်ပြီး အခြား​သော တောင် အာရှဒေသနိုင်ငံတွေမှာ မွတ်ဆလင် ဆန့်ကျင်ရေး အကြမ်းဖက်မှုတွေကို ပိုမိုတွင်ကျယ်စေဦးမှာ ဖြစ်ပါတယ်။

    ဒီလို ရက်စက်ပြင်းထန်ခက်ထန်လှတဲ့ သက်ရောက်မှုနဲ့ တန်ပြန်သက်ရောက်မှု အမုန်း၊ ကြောက်ရွံမှု၊ သွေးထွက်သံယိုအကြမ်းဖက်မှု သံသရာစက်ဝန်းထဲမှာ မလွတ်မြောက်နိုင်တော့တဲ့ အခြေအနေတွေဆီကို ကျွန်တော်တို့ ဦးတည်နေ မိပြီလားဆိုတဲ့ မေးခွန်း ကိုတော့ တောင်အာရှဒေသက နိုင်ငံခေါင်းဆောင်တွေ စဉ်းစားဆုံးဖြတ်ရမယ့် အချိန်ကိုရောက်နေပါပြီ။

    The Express Tribune တွင်ဖော်ပြခဲ့သော ​ဆောင်းပါးရှင်​ Adnan Randhawa ​ရေးသား​သည့် Muslims under attack in Lanka ​ဆောင်းပါးအား ​ဆွေမွန်​ ဆီ​လျော်​​အောင်​ ပြန်​ဆိုပါသည်​။